|
امس كانت السالفه ارجوا منكم ابداء ارائكم بسم الله الرحمن الرحيم ابي اعطيكم سوال ويا ريت كل البنات والشباب يناقشون وياي وكل واحد يقول رايه في وحده كنا نتكلم انا وهي امس في البيبي مسنجر هاي البنت انا برايي معقده من اهلها تحقد على امها وابوها على اسباب تافه احد اسبابها ان امها في يوم قالتلها عقب ما ردت من السوق هي وخواتها انتن سايرات المول ليش ما عندكن شغل وكاشخات عسب الشباب يشوفوكن ليش تسون جيه (عقولتها )قبل هذا الكلام اللي كبر عقب قالت ان البست فرند مالها ولد وانها تعطي اسرارها حقه وتخبره بكل شي يستوي لها في البيت او مع ربيعاتها او مع حبيبها حقه وم اتخبي عنه شي لا وتقول انها ما تامن البنات هاي الايام لانها عرفت بنت لمده سنه وعرفتها على حبيبها الاولي وهي خطفته منها (مسلسل مكسيكي) ومن ذيج اليوم ما صارت تثق باي وحده لانها تتوقع انها بتكون مثل الاولى ويوم سالتها كيف تامنين واحد على اخبارج وانتي ما تعرفينه قالت عادي انا اعرف اسمه واسم ابوه واعرف اسامي خواته واسامي اخوانه واعرف ربعه قلتلها اسامي بس قالت لا وبعد سالت ولد ولد عم ابوي عنه وقالي انه صديقه الروح بالروح (وحده من هنتين يا انها جذابه ولا ولد ولد عمها مب ريال) رديت عليها قلتلها دامج تشوفين الامر صح ليش ما تخبرين امج وتقوليها انا اعرف فلان وعلان وانا متخذه فلان صدديقي المقرب قالت عادي امي ما بتقول شي لانها يتيمه وهي بشبابها كانت صايعه وتظهر من دون شيله سالتها يعني امج راعية شباب كانت فزمانها قالت هيه امي راعيه شباب (اذا اهلها مربينها عدل ما بتقول ها الكلام)انا هاك الوقت لو كانت جدامي كنت بذبحها قلتلها انزين خبري ابوج قالت ابوي اهبل وغبي عادي ما بيقول شي (والله انها مب مربايه)عقب تميت اسالها ما تخافين ها الولد يوم من الايام ايي يفضحج ولا شي قالت لا عادي انا ما قلتله اسمي الحقيقي (بدينا بالخرط القو )ولا قلتله بنت منو انا ولا يعرف رقمي ( اكبر جذبه )انا في النهايه لبستها وطنشتها لاني حسيت انها جذابه وكل قصتها خرط فخرط وقلت لنفسي حتى لو صدقت بكل حرف قالته فهي بعده ياهل عمرها 17 ما تعرف شو تقول وشو تسوي وكل شويه تقولي انا حره في النهايه ابي اسالكم سوال هاي شو بتقولون عنها انتم يوم تسمعونها ترمس عن امها وابوها بهاي الطريقه شو بتسوون انا للحين مب مب مصدق ان ها الشي يصير هاي الأيام وان وصل الأمر فبعض بناتنا انها تتكلم عن اهلها بها الاسلوب لو كان جذب فجذب وخرط لمجرد السوالف وتضيعة الوقت والمشكله انها تحلف لاغلظ الايمان هذا التطور اللي نبي نوصله هاي هي الحريه اللي نبي نوصلها ؟؟؟؟؟؟ اسمحولي شباب وبنات طولت عليكم وما ادري انكم بتردون ولا بتطنشون اباكم اللي يرد على يقول رايه في البنت هاي وفي موضوع ان البنت تتخذ ولد اعز صديق لها وكاتم اسرارها غير حبيبها اللي تحبه مع انه هاي كلها خرابيط وكلام فاضي طايح في السوق هاي الايام السموحه منكم والله يعينكم واذا في اخطاء في الكتابه اعذروني هاي قصة حياه أف أف اخيرا :987::987:خلصتها تحياتي اخوكم |
السلآآآم عليكـــم مشكوور الصرآآآحه ع الطرح و اناآآ رايي في هاي البنت انه هب متربيه عدل...و الا في بنت تقول جي عن اهله و عن انه صديقها الروح بالروح ولد فهاي الصراحه موضوع ثاني...شو بنت و تقول حق ولد عن اسرارها؟؟!!! و لا بعد عندهاآآآآآ حبيب ع قولتهاآآآآ؟؟!!! |
معقوووله في بنت تسووي جييييييييه .. يمكن من الاساس هاي متربيه في بيئه ما فيهاااا أخلاق ومصداقيه وثقه بين الاهل ....وانا افسر من كلامها ان امها و ابوها منفصلييييييييييين ..... وألا معقووله تشووف بنت بقلة ادبهااااا ترمس عن اهلهااا.. لنفرض انه امهااا هب مقصره فيهاا وجييييييييييييه بس العلاقه امبينهن معدومه بس ما توصل انها تقول جذه عنهااااا .... بصرااااااااااحه ما عرف شوو اقولك.. بس صج صج احسهااااا تشتكي من شي معين وطلعت انت اقرب شي ألهاااا ..... لأنك ييت في وقت هيه محتايه لشخص تفضفضله ... وهاي هب كبيره أكيد بنت مراهقه ... لأنه من كلامك يدل على اسلوب وحده ياهل مراهقه ..... ومحد يعلم شووو المشاكل الي تعرضتلهااا وشوو نوعهااااا .... بس ما اقوول غير الله يعطيهاااااااااااا على قد عقلها ويهديهاااا ... |
والله حاولت وياها وايد بس ما طاعت تقتنع البنت خلاص منتهيه ومتشبثه بافكار المسلسلات اللي صايره هاي الأيام المشكله هي مب انها وثقت فيني وقالتلي قالت كل اللي تعرفهم خبرتهم عن السالفه يعني حتى لو صدق ما نعرف عنها شي ولا عن اسمها بس بعد تفكيرها لوين سار وهي بعدها بها العمر ها الشي الغريب وايد يعني بنت بها العمر وتتكلم بها الاسلوب وها المنطق............ تسلمولي بنات على التعليق اتريى البنات الباقيات يردون ويشاركونا رايهم |
انت عن نفسك تقدر تعدل اخطائهاا دام اختارتك واختارت غيرك من الشباب ... واعتبر نفسك لهاااا المثال الكبير الي كل ما طاحت وتعثره تلجألك ... اعتبرهاا وحده من اخواتك وحاول تصلح هالشي الغلط ألي فيهااااااااا ... وتحاورهااا بطريقه تقدر تعرف اسبااااااااب الي خلاها تسوي جذااااااااااااا ... فاهم عليه .. حاول تفهمهاا ألي قاعده تسوي أكبر خطأ ويمكن يعرضهااا لخطر كبير وتوضحلهااا اسرار البيت ما تطلع براااااااااا .. وتعدل من شخصيتهااا صدقني البنت صغيره وداخله سن المراهقه ... وبنفس الوقت اجواااء البيت وايد صعبه عندهااااا حاول تغير منهااا وتكون مثال كبير لهاااااااا وتكسب اجرهااااااااااااااااا .....:141: والله يشفيهااا |
والله يا شيطونه ما شي فايده وياها كلمتها قلتلها كل منا عند اهل وفي ناس عندهم اهل اكثر بلى عن ابوج وامج قلتلها انتي الحمد لله ابوج واموج يمكن يعاملونج غلط لكن انج تفضحينهم وتشوهين سمعتهم بهاي الطريقه ما يصير ابوج وامج الحمد لله لو هم مب كاملين لكن احسن عن اب وام بروحهم ما يدرون عن اعمارهم وين توديهم الاب سكران ولا سهرات والأم مولات وشيشه قلتلها احمدي ربج بعدها مصيبتج اهون من مصيبة غيرج لكن اخر شي قالتلي سير ولي وحذفتني من اللسته عندها |
العقل زينة في حالتها ..~ هذي البني لازم انوديها هي وأمها بعد بيئة فيها بدو، عشان تتعلم السنع زين اما زين...! أساسها خربان موليه ..!! ما أعتقد أنه شي بيغيرها إلا اذا اقتنعت هي بأنها لازم اتغير من سلوكياتها. أو أنه يستوي الها حدث من ربها .. يرويها السنع على أصوله .. ويغيرها 360 درجة. وبالنهاية ( الله يهدي من يشاء )..~ الله يصلح بالها ويهديها ..~ !!! تسلم. :5: |
اڷسڷامْ عڷيڪمْ ۈرحمْة اڷڷه ۈبرڪاته امْمْمْمْمْ أۈڷ اڷشيء هاڷبنت بتڪۈن هب بنت أصڷ ۈفصڷ يعني باڷمْختصر اڷمْفيد " قڷيڷة أدب " اۈڪيڪ ۈمْن ناحية انها ترمْس ۈااحد ۈتأمْنه ع أسرارها ۈأۈنها ضايعه ثقتها باڷناس ڪڷهمْ عسب بنت ۈحده مْا اۈافقها بهاڷنقطه .، اڷبشر مْب ڪڷهمْ سۈا ..// ۈاصابع ايدڪ مْب مْتسااۈيين .، في بنااات مْمْڪن مْن اڷضغط اڷأسري أۈ ع قۈڷتهمْ مْرحڷة اڷمْراهقه تمْيڷ ڷڷشباب ۈتحب تحصڷ اهتمْااامْ مْن اي احد بمْجرد تحس إنه اهي مْحبۈبه ۈڷها قييمْه باڷمْجتمْع ڷأنه مْن جهه ثانية اڷأهڷ ڷا يدرۈن عنها ۈڷا شيء ../ ۈمْمْڪن بعد تقۈڷه ڪڷ شيء يصيير ڷها بس بدۈن مْا يعرف اهي مْنۈ .، يعني يمْڪن تڪۈن صادقه ڷمْا قاڷت ڷڪ إنه مْا يعرف اسمْها ۈڷا رقمْها ۈڷا اي شيء عنها بس يمْڪن تڪۈن تجذب اۈ تصدق يعني بس مْخڷتنه انساان تفضفض ڷه ۈتطڷع إڷي بقڷبها ۈاهۈ يۈاسييها بس هاي شغڷته ..، ۈإذا كانت غبية " السموحه ع هالكلمة " بتتعڷق فييه زۈۈد ۈبتحبه ۈبتبدأ اڷقصه إڷي نحن ڪڷنا عاارفيين تڪمْڷتها ۈڪبيرنا ۈصغييرنا عارفها مْا تخفى ع أي أحد ۈعارفيين نهايتها بعد ../// ۈإذا هۈ بيڪۈن ۈڷد ۈاڷنعمْ فييه ۈذڪي بيحااۈڷ يعدڷ اڷبنت .، ۈينصحها ۈيربيها مْن يد ۈيدييد .، انا ڷۈ ڪنت مْڪانڪ مْا بخڷييها ..// بڪمْڷ ۈيااها ۈبحااۈڷ اني أشڷ هاڷفڪره مْن بااڷها ۈاصحح مْعڷۈۈمْااتها ۈبۈديها ڷطرييج اڷصح ..، ۈبعدين هذۈڷ اهڷها مْهمْا صاار ۈمْهمْا سۈۈا فيها مْا ڷها غنى عنهمْ .، ۈفي سبب رئييسي بعد بيڪۈن ضعف اڷۈازع اڷديني .." امْمْمْمْمْ مْا اعرف شۈ اقۈڷ زۈۈد ../ ۈان شاء اڷڷه أڪۈن عطييت اڷمْۈضۈع حقه فاڷرد ..، اڷسمْۈحه مْنڪ طۈيڷ اڷعمْر .. ان شااء اڷڷه تڷقى حڷ ڷهاڷسااڷفه .. ۈاڷڷه يهدييها ۈيهدي جمْيع بنات ۈشباب اڷمْسڷمْين ..[= سڷمْڷمْ " شرشبيڷه ".. |
هاااااااااي مو متربية يبالها خيزرااااااانة الله يهديهاا |
ههههههههههههههههههه الله يهديهااااااااا... لو الواحد يبا ينصحهاا تحذفه بعد .. الله يصلح عقلهاااا ويهديهاااا |
طرح جميل بصرااحة واعجبتني القصة واايد يعني نحن محتاجين نتناقش في مثل هالامور لانها تحصل في مجتمعاتنا بس اقوولكم شي اول سبب في وصولها لهلمرحلة انها تكلم شباب هو الاهل يعني مش مهتمين فيها ولا سائلين عنها مسويه لها حبيب ومسويه لها صديق المهم البنت وصلت لحاله القلب يحكمها مش عقلها عشان جذيه هيه قالت جذيه عن اهلها لا تلومونها ما تعرفون يمكن اهلها قصرو فيها وفي تربيتها عشان جذيه الاهل لازم يتحملون الا بيصير من نتايج سلبية جيه وين اخوانها ووين خواتها عنها وين عمامها ووين خوالها ؟؟!!!! البنت محتاجة شخص يرجع الثقة بنفسها اولا عشان تقدر تخليها تقولك الا بخاطرها لا تنسون البنت تعرضت لخيانة من قبل صديقتها يعني لازم تحتاج لوقت عشان ترد الثقة بنفسها قبل لا تثق بالناس تعرفون خاطري اعرف هالانسانة عشان اساعدها لان حرام بنت صغيرة ويصير لها جذا احسها بمرحلة مراهقة ومحتاجه لحد يمدها بالحنان والاسلوب الحلو ويكون صاابر عليها وعلى تصرفاتها وينصحها ويرشدها يعد ما يعطيها الثقة والامل بالحياة بالنهاية بتظل انسانه ومن حقها تعيش بالحياة براحة وسعادة ولكن ماقول غير يارب احميها من اعيال الشر ويارب تفرق بينها وبين اعيال الشر كما فرقت بين المشرق والمغرب قوووولوووو يااارب تهديها وتصلحها وتحميها من كل شر ياربي اشكرك اخووي على الطرح المميز والمضمون الغاوي ولك مني احلى بوكس تقييم ونتريا الزوود منك يالطيب |
قليله ادب . معقده . ياهل . خراطه . خبله . اكثر شيء قهرني الكلام اللي قالته عن امها .. :21: الله يعطيها العقل |
السلام عليكم ورحمة الله وبركاته تسلم اخووي ع الطرح الصراحة البنت محرومة من الاهتمام من قبل اهلها صح الي تسويه غلط لكن بعدها صغيرة وماتعرف الصح من الغلط وياليت ياخوي انك تساعدها وماتخليها لانها ماتعرف شئ من الدنيا وعيال الحرام واايد والله يبعدها عنهم ان شاء الله واصلن اذا الام كانت تتكلم عن نفسها يوم صغيرة وشو كانت تسوي فكيف البنت بتكون منظر امها جدمها هيه غلطت يوم تكلمت عن امها وابوها بطريقة مش حلوة الله يهديها ان شاء الله ويصلح شانها ياربي لاهنت اخوي ويعطيك العافية والسموحة ع الاطالة |
بنت اصل جان تبيني اعطيج البن كود بعطيج اياه وحاولي وياها بس شوفي طريقه ماحد ياخذه غيرج في النهايه انا ما ابي البنت تنضر زياده ولو يمديني اني ارجع وخليها تضيفني واساعده لاني متاكد ان السالفه هاي وراها ربيعها وهو اللي مدخل الأفكار فراسها ودام هي اتخذته صديق يعني انه يوافقها على كل شي ما ادري لشو يبي يوصل بيحطم البنت وهو يالس يشوف مشكورة الغاليه على الرد وعسى ما ننحرم من ردودكم |
الله يستر علينا واعى امة محمد والله انها ياهل وتفكيرها غبي بس مب منها من العودة اللي فوق راسها امها اذا الساس خربان شو تتوقعون من اليهال يطلعون مطاوعه اللهم لا شماته |
ما تدري يمكن امها مب نفس ما قالت هي لكن المشكله كلها كانت في كيف بنت بها العمر تفكر ها التفكير شو اللي خلاها تتاثر بسرعه وهي توها فبدايتها البنت افكارها واللي يدور فراسها مب طبيعي العيب على منو على المجتمع ولا القنوات الفضائية ولا الاسره ولا المدرسه اللي انتهى دورها التربوي وصار الحين مقتصر على التعليم نسينا الشعارات اللي كنا نرددها في صف اول وثاني وما عاد صرنا نسمعها يوم كنا نقول ونردد المدرسه بيتنا الثاني الحين صارت المدرسه سجننا الثاني والمول والكوفي شوب هو بيتنا الثاني.................................. |
نآآس لآآهية بوصآآخة الدنيآ الصرآآحه ..ّ!! الحمد الله و الشككر .. خخخخخخ آتظظحك .. .. الله يعينك يآخي ع مآ آبتلآآك .. و السمووحة ّ~! |
مرااااااااااااااااحب يسلمووو ع الطرح حبو ابصراااحة بناات آخر زمن هااي البنت مب متربية ابصرااااحة أول مرة أجوف تتكلم عن امها و ابوهاا جي ابصراااحة من الرمسة الي قلتيها أحس انهاا وااايد جذاابه |
انا في رايي ان هالبنت فيها نوع من الجنوون وقليلة أدب واللي مايحترم ابوه وامه ترااا مايحترم نفسهـ والكلآآم اللي تقولهـ كلهـ جذب ف جذب ... ولا تقص على روحهى بعد هههه امممم اللهـ يهديهآآ مشكور أخووي الحر ما كل المخاليق تقواه ع الفلم الهندي ..^^ اللهـ يعطيك ألف عآآفــيــهـ .. وماقصرت....^^ |
الله يستر علينا وعلى الجميع وبصراحه انا ما احب اتكلم في هاذي المواضيع ومشكور على الموضوع |
طرح مشكلته مشكلة يا اخييي الحر ما كل المخاليق تقواه موضوع حساس ورأيي طالما ان ثقتها فيك كبيره وفضلتك لأن تبيح اسرارها لك وانت ملم بمشكلتها ان تحاول باستدراجها لكي تعرف السبب الذي ادى بها إلى التمادي وبيح اسرار البيت واعتبرها دخلت في الإلتجاء إلى شهامتك فحاول يااخي بالوصول إلى تخليصها من هذه الكبوة وصدقني أنها حاسه في بيت اهلها بشيء فوق مالاتتحمل حاول مساعدتها لرجوعها عن السير الخطأ فاليوم عود كبريت وغدا نار فاكسب فيها الأجر واعتقادي انها بنت مراهقه تقدر بطريقتك تغيير افكارها وجزاك الله خير يالغالي ..... وفي انتظار الجديد من المجهود الرائع وتقبل مروري ومحبتي ...... http://vb.ma7room.com/uploaded/71109_01247158025.gif http://vb.ma7room.com/uploaded/71109_01255254879.jpg & الودعاني عاشق الريان & |
هلا حجي .. شحالك .. شو آخر الاخباااااااااااااااااااااار ويااااا الاخت |
تسلملي اخوي القطري وان شاء اسوي اللي اقدر عليه والله يوفقني للي فيه الخير شيطونه ماشي لابستني مطنشه اونه صديقها قالها لا ترد علي احاول وياها والله بيقدم اللي فيه الخير مشكور على اهتمامج بالموضوع وان دل يدل على خوفج عليها |
السلام عليكم ورحمة الله وبركاته .. والله هاااي البنت مب متربيـــه .. ولاا شي بنت تقوووول على امها واهالهااا جي..!!! لااا وبعــــد ترمــس شبااااب .. وهوو مستوووي بست فرند مالهااا امحق والله اتحدى انه اللي تعرفه عن ربيعهاا كله خررررط..!! صدق ان الزمن تغييييير.. تسلم اخووي ع الطرح ربي يعطيييك الف عافيهـ.. |
..بســــــــــــــــــم الله الرحــــــــــــــمن الرحـــــــــــــــــــــــيم.. :ف6013: ; . . ; الموضوعـ وما فيه البنت مراهقه وتلقاها متهاوشه مع امها او امها مو مخليتلها مجال تتفضفض الي بقلبها ماحتوتها وشافت الي فخاطرها وفكون هالشي حقد على امها والغلط الاول ينحط على الام وبالتالي عالبنت لانها او واول شخصـ لقتهـ وواثقه انه مايعرفها لقتها فرصه تطلع مافي قلبا البنت فيها طاقهـ ومو عارفه تستغلها وقصه البوي فرند وحبيبها هاذا اشياء اهي عن نفسها تتمناها وتبنت هالفكار وكونت قصه تقدر تقصها على احد مردها بتكبر وبعدها هي نفسها بتنتقد هالشياء الي كانت تقولها علشانـ كذا افكارها مو مترتبه وتقول كلام وترد تنقضهـ فالله يكبر عقلها زين لقتـك انت وما طاحت بواحد ثانيـ يلعبـ عليها ولا يستغل ضعفها والسن الي اهيا فيهـ والله يبعد عيال الحرام عنها ويحفضها لعين ترجيها ; . . ; :ف6013: اختكــــــــــــــــــــــــم : { مجنــــــــــــــــــونه .." |
شيطونه ماشي لابستني مطنشه اونه صديقها قالها لا ترد علي احاول وياها والله بيقدم اللي فيه الخير مشكور على اهتمامج بالموضوع وان دل يدل على خوفج عليها [/color][/font][/size][/QUOTE] ههههه الله يهديهاااااااا بس .... والله من خوفناا عليهااااا ... لأنهاا ياهل وما تعرف تتصرف وهالخسف قاعد يلعب براسهاااا .... وان شالله تقدر تتواصل وياهاااا |
استغفر الله العظيم حد يسوي جيه..!!؟؟ حد يرمس عن اهله بهالطريقة.!!؟؟ هذي فيها شي.... يا انها معقده او انها تخرط او انها فالتوووه عادي عندها.... المشكلة عمرها 17 يعني بعدها مراهقه.... جيه وين يالسين نحن؟ بعدنا في الامارات مب في امريكا عشان تتصرف هالتصرف.... و انا اقرى حسيت اني يالس اطالع فلم امريكي.... الله يهديها يارب و يستر عليها و على بنات المسلمين جميعا... حاول وياها... كلمها مره و مرتين و ثلاث...هذي محتاجه حد يوقف وياها و يساعدها و يمسك بايدها و يوصلها حق الدرب الصحيح.. الف شكر لك عالطرح |
السلام عليكم .. تسلم اخويه ع الموضوع .. والصراحه هذي مثل ماقالووو .. جذاابه .. بس في نظري انها جذابه بطريقه ثانيه .. يمكن تكون صدق صارت لها مشكله .. بس هب لها الدرجه .. وصار لها شئ عقب المشكله و فقدت الثقه وكرهت الأهل و المشكله تسوى .. بس المشكلة ماظن تسوى وهي عرفت انها ماتسوى .. بس من باب انها تبا تحصل عطف كبرت الموضوع وسوت من الحبه قبه .. اول شئ هذي اتوقع عمرها 12 13 14 وللو زادت 15 .. امااكبر عن جي .. تقدر هي تفكر .. ولها مخ ومهما صار بترجع تفكر .. وتعرف انه غلط .. بس هذي صغييره وايد صغيييره .. و انها قالت لك .. هذا مش اكييد انها وثقت فيك .. هاي الله يسلمك .. حبت تخليك تعطف عليها وتلقا حنان منك .. لأن يمكن تدور حنان ومالقت .. إلأ بالجذب .. وهذا راييي والسموووحه |
مشكووووور اخويه على طرحك لهذا الموضوع اذا هالبنت كانت تتكلم عن امها ومن وراهاا فمابالك في بنت اتصارخ وتزاعج على امها ؟؟؟ اذا بنتكلم عن واقع الحياه بنطلع اشياء وايده مانقول غير الله يهدي جميع امة محمد ان شاءالله |
:eh_s(1)P::eh_s(1)P: |
اخويه بارك الله فيك هاي البنيه شكلها من رمستها كل كلامها خرط طام امها قالت لها سايرين المول كاشخات وتهزبهن عسب كاشخات كيف بتكون امها صايعه جي بالعكس هي اصلا البنيه ما تبي احد ينصحها ولا احد يقولها شو الصح وشو الغلط حتى والديها عسب جي حاربتنهموتقول عنهم هالرمسه لنها بعتقادها انهم مقيدين حريتها اخويه هاي البنيه شكل ربيعات السو اللي تعرفهن ههم اللي سون بها جذا هن اللي خربوها وخربو عقليتها حتى من ناحيت اهلها هي بجلامها جذا متحسبه عمرها انها ما يهما احد وقويه لنها متحريه ان هالحركات اللي تعجب الشباب مالك حل اخويه الا انك اذكرها بربها هذااذا بعد تعالت عليه ابصراحه البنيه ااتكون مريظه نفسيا ذكرها بربها قولها كل اللي قاعده اتسوينه هذا غلط وحرام وشو بعد بوي فريند ما فرند قول لها عيب هالسوالف وحرام ابنيه اترابع ولد >>>>مع ان وايد منتشر هالشي الله يهديهن بس حتى لو عمرها 15 البنيه اللي اتخاف من ربها حتى لو اهلها مقصرين وياها ما تقول عنهم جذا ابد ولا تسوي هالحركات لنها خلاص عارفه ان الله مراقبها ابكل شي بس هذي ماقول عنها غير انه قلة الدين عندها ويمكن اهلها دللولها اشوي زياده الله يستر عليها بس تسلم اخويه |
والله الصراحه صدمتنا بالموووضوووع يالحر .. ماتوووقعت بحياتي انه في وحده جي .. اوووونها تكرهه امها خيييبه والله مب جي عاد بالنسبه للرمسه اللي قالتها فها يدل على انها منصدمه من امها ومن اكيد هي اكتشفت انه امها عليها حركات او شي وانصدمت وماقدرت تتقبل الواقع وشافت ابوووها ساكت عن الغلط فقررت انها تمشي على خطى امها هالشي اذا كانت امها صدق شرات ماقالت انا ماعتقد انها بتالف جي رمسه عن امها اصلا محد يرضى ايقووولها لو فكرنا بالعقل ولاحد يرضى يقول جي رمسه لشخص توه متعرف عليه شكلها بنت ضاعت بين اهلها ماعرفت من وين تحصل الاهتمام والرعايه وانصدمت باهلها فقررت انه ادور اللي ماحصلته وياهم عند حد ثاني .. وللاسف اختيارها كان على الاشخاص الغلط اصلا لو فكرنا من البدايه ليش الوحده بكون عندها حبيب مابكون الا لسبب واحد انها ماحصلت الاهتمام اللي تباه ولاالحب والرعايه فقررت انها تتخذ اشخاص ثانيين يوفرولها هالشي وبالنسبه لربيعها اللي ترمس عنه ترا مب هي البنت الوحيده في وايد بنات يرمسون شباب ولا قلتلهم ليش قالووا صداقه بس ووين هالصداقه بالقرآن ولاوينها بزمن الرسول هل كان في صداقه من هالنوع والله ماكان في شي جي فليش احنا نألف ونخترع اشيا ع كيفنا مع انا ندري ان هالشي غلط ماعرف والله شو اقول عنها بس هي شكلها من اللي قلته انها متأثره ومنصدمه من اهلها واااااااااااااااايد ومب محصله شخص تقوله اللي بخاطرها فصايره تتعرف ع شباب لانها متوقعه انهم بيوفروها الحب والحنان اللي ضاع منها وبتخبرهم بكل اللي بخاطرها لان الشاب بيسمعها وماقول شي لانه بالنهايه الشاب مايبى غير انه يتسلى بالبنات ومايهمه شي ثاني فهووو بكووون احسن مستمع لها .. ها رآآآيي وكلن له رآآآيه تسلم اخووووووووي الحر دوووومك مبدع بمووووواضيعك ماشالله عليك وان شالله دووووم انشوف هالمواضيع الحلوه والمبتكره واللي تكون من تجربه خاصه مرت لك .. ^^ .. نرقب اليديد .. وسوووري ع الاطاله >< |
| الساعة الآن 01:16 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir