|
××(( خيانه عمرهـــآآآ سبع سنوآآآتـــ))×× [align=center]السلام عليكم ورحمه الله وبركــــــــــــآآآته ادري العنوآآآن وآآآيد مخيف بس هاي السالفه فعلا حقيقيه وهي لوحده قلتلها رآآيي وعيت ومعنده بس ابي اعرف هل انا شرت عليها بالصح او ضريتها بنصيحتي ويعلم الله مابي لها الا الخير المهم هالبنت مثلها مثل اي بنت تقدم لها واحد بس لما ملجت كانت تبكي وتحس بضيقه ماتدري من شووو هالضيقه قالت لي تحسبين اني فرحانه والله يادمعه فرحه الملجه موحاسه فيها مادري شو فيني واهلها قالوا لها ماعليه يابنتي باجر تحبينه وتعاشرينه ويصير كل شي اوكي المهم صار العرس وكل شي المهم بعدها كانت تحس انه بالمره فيه شي مضايقها ويابت له يهال يمكن يتعدل الحال والحمدلله ويحبهم ويحب مرته انما مادري كيف هالحب من صوب هالريال المهم هي عليها 3 اولاد والحين المشكله انها في يوم من الايام اكتشفت مصييييييبه شي حطمها وحطم نفسيتها لانه كان يتصرف بطريقه غريبه يعني حست انه خاش عنها شي وقررت الا ماتكتشف هالشي بعد عمر داااام سبع سنوات اكتشفت انه مدمن مخدرات الله يكافينا الشر قالت لي تحطمت وخلاص اسودت الدنيا بويهيي وكرهته كره ولاحتى اطيق اطالع بويهه سيييييييده رحت عند اهلي وطلبت الطلاق لكنه مارضي لانه مايبي على عياله وعايشين معلقين الاثنين هي عند اهلهاوهو عايش بالسم الهاري هذا قلت لها يابنت الحلال انتي ربي عطاج نصيب بهالدنيا ولازم ترضين فيه مو تهربين منه اصلا لو هربتي وطلبتي الطلاق مامنه فايده اتذكري ان لج منه عيال لازم يتربون ويا ام وابو حراام تعلقينهم وحتى لو هربتي عيالج راح يذكرونج بويه ريلج لو هربتي الحين عيالج راح يسألونج باجر لا اكبروا يمه وين ابوي يمه شو شغله بالدنيا يمه علميني كل شي عن ابوي سكتت وحرقت قلبي بسكوتها قالت لي بس انا ماقدر يادمعه صعب هالشي قلتلها انها لازم توقف معاه في محنته وتحاول تساعده يطلع من هالشي وتذكره بعياله لو فعلا يحبهم راح يبطل من هالزفت اللي عايش عليه سبحان الله الحرمه احيانا تنجبر انها تقدم تنازلات غصب عنها ابي اعرف شو ممكن يكون رده فعلكم مثلا لو كنتوا بمثل جذي وضع لاسمح الله وانا رايي اللي قلته كان نابع من تخيلي باني مكان هالبنيه ولاتحرمونا من رايكم وتعليقكم عالموضووع تحياتي لكم دمعه الشــوق[/align] |
السلام عليكم يسعدني اني أول من يرد ع موضوعج أعرف حجم الصدمة اللي مرّت فيها و من حقها تتضايق و تزعل لكن المفروض ما تتخلى عن ريلها و هو محتاي لها المفروض توقف وياه و تساعده عشان يودر هالخربطان اللهـ يصلح مبينهم و يصلح حال ريلها يارب السموحه ع القصور |
وعليج السلام ورحمة الله وبركاتة من وجهة نظري اختي لم توفقي في النصيحة تدرين ليش ؟؟ انتي تدرين ان ريلها مدمن مخدرات تخيلي يوم من الأيام كان شبة متخدر يعني واصل للسكر تقريبا وعطى عياله من ها السم شو بيكون موقفه ؟!! والأطفال مايستحمل جسمهم المخدرات وفي حالة تعاطيهم بيموتون سيدة ... اختي الأمور تنحل ( بالترغيب والترهيب ) لازم هي تقنعه ان هالشي حرام وانك راح تتعذب يوم القيامة وانك احتمال ملاحق امنياً من الدولة حتى لو كنت مواطن ، وتحاول تبتعد عنه ايام بس ماتطلب الطلاق لازم تخبرة بالسفر الى الخارج ومعالجة هذا الإدمان فـ المصحة ... يعني يكون تشجيع اذا كانت عنده( الرغبة ) - ( كُن مع الله يكن الله معك ) ياليت توصلين لها نصيحتي ، لأن الأطفال لو شافوا شي على ابوهم مابيحترمونة ابداً بالعكس راح يعايرونة يوم يغدون كبار !!! الأطفال اختي الكريمة مستحيل ينسون اي شي ينطبع في اذهانهم الين ماربي ياخذ امانتة ... والله يعنيها ويعين كل المسلمين ، وانا اتمنى هي ترد له ولكن بشرط تقنعة بترك الحرام والذهاب الى مصحة المدمنين ويتعالج قبل فوات الأوان وقبل ماينسجن ويتعاقب سنوات ( وتضيع ايامة بدون شوفة عياله وحرمتة ) او تضيع ايامة وربي ياخذ امانته قبل التوبة والعمل الصالح ... اخوكم / النعيمي |
السلاااام عليييكم مممم...... انااااا اشوووف انه هالالنسااانه المفروووض ترفض تعيش ويااااه لانه يمكن يضرها و يضر عيالها بعد في هالسم و عشااان جيه لاااازم انهاااا اتروووح بيت اهلهاااا و تطلب الطلاااق بس هو لااازم يعرف انه هالبنت خلته عشان هالسم و لااازم اتقوووله انه اذااا هوه يباااا عياااله و حرمته لااازم يخلي هالشي اللي يشربه و بعدين اذااا هو حس بغلطته او ماقدر على فراااق عياااله و حرمته اكييد هو من نفسه بيودر هاالسم اللي لاهي فيف و بيعرف انه مافاده في شي ...... اماااا بالنسبه للعيااال فمب شرط الام تقووولهم باللي يستوي يعني انا اعرف بنيه اهلهاا مطلقين وابوهاا عنده هالسوالف بس هي مافي عمرها سألت امهااا ليش بابا مايعيش عندنا او ليش ابويه مايشتغل لانها تعرف يووم بتكبر انه ابوووها مايشتغل فعشان جيه مكابيقدر يأمن على نفسه و على عياااله و العيااال بروووحهم بيحسووون في هالشي يوووم بيشوووفووون ابوووهم.....و الام لااازم اتعرف انهااا لازم ماتحرم عيالهااا من شوووفة ابووووهم هيه المفروووض اتوديهم بين فترة و فترة عنده عشااان مايحسووون بحرماان حنااان الابووو شكلي واايد طولت ووايييد اتفلسفت عليكم...هههه.... على العموووم انشالله االلله يفرج عنها همووومها و يقدرها على تربية عيااالهااا ....و تقبلوا مرووووري |
السلام عليكم الصراحة الله يعينها.. وأنا معاج أختي بنصيحتج لها أنها لازم ما تتخلى عنه عشان اليهال بس في نفس وقت تكون حذرة منه مثل ما قال أخوي النعيمي(يمكن يكون واصل حده ويعطي اليهال) عشان جيه ومن وجهة نظري الخاصة تحاول وياه وتقتعه وأهم شي ماتيأس تم تحاول وياه وصدقيني أختي كل شي بالكلمة الطيبة والمعاملة الحسنة والتفاهم بيصير وخلها تقوم قيام الليل وتدعي له والله يفرج عليها ويصبرها.. أختكم/ اللؤلؤة |
اقتباس:
ختيه هلا بج وانا معاج والشي هذا محتاج منها شجاعه وقوه بحيث انها لاتخسر عيالها وتضيعم امين ياقلبي وهلا فيج مره ثانيه وماعليج زود يالغاليه |
اقتباس:
وان شالله اقولها سيدااا وحياك الله منورنا |
الله يعينها والمفرووض ترفض العيش معاه مشكوره اختي على الطرح |
اقتباس:
ورايج عالعين والراس ياعمري بس عاد تفرق من ريال للثاني في ارادتهم انهم يعدلون مابينهم وبين عيالهم وحياج الله ياغلا |
اقتباس:
|
اقتباس:
بس واليهال حرااااااام مشكور خيووعالتعليق والمرور وحياك الله |
لاحول ولا قوه الا بالله..عليها بالصبر وصدقيني الله بيوفقها يمكن هذا يكون اختبار من ربج ما تعرفين ف انتي قوليلها جي.. بس تبين الصدق والله صدمــــــــه قويــــــــــه وما تنلام ع الي سوته بس قوليلها تفكر في عيالها قبل ما تفكر في نفسها وانشالله الريال الله بيهديه.. تسلمين ع الطرح ^_^ |
الله يعينها ويصبرها صح لو كنت مكانها بانفعال بفعل اللي تسويه بس المفروض تاخذ بيده وتساعده مهما كان هذا ابو عيالها وريلهاا والله يعينها يا رب ويصبرها بس هو في هالحاله محتاي لوقفتها معاه والمفروض تنصحه يتعالج عن هالاشياء الله لا يبلينا بها يا رب بس تبتعد عنه عسبت الاطفال ما يتأثرون وهيه هنيه في حاله صعبه وما شي اصلا استقرار ولا أمان انصحها ما تكون وياه عادي يدخل سكراان و وياه شباب انصحها تبتعد عنه واذا هو رفض هالشي انه يتعالج احسن لها تطلق اتجوف رزقها وتحمي نفسها وعيالها والواحد ما يضمن نفسه الكل يدري عن الابو اللي خلا مروج المخدرات يغتصب بنته لعنة الله عليه لين يوم الدين بسبب مخدراات وأنا راي من رأي أخوي النعيمي وكلامه صح وأتمنى تاخذين به وغلطتي بنصيحتج لها المفروض تاخذين بالأشياء السلبيه بعدين الايجابيه وتقبلي مروووري والسموووحهــــــــــــ منجــــــــــ أختـــــــــــج غرشوبه |
اقتباس:
سبحان الله الدنيا اقدار مكتوبه لازم نكون قويين جدام كل شي مو من اول عثره نطيح وان شالله اوصل لها كل نصيحه من هنيه تسلمين قلبو ويهدينا يميع وياها |
اقتباس:
هلا غرشوبه حبوبه هو مارفض انه يودر هالخرابيط بس تعرفين الادمان يبي له حد وياه يقوي عزيمته عسب يودرها وهو كل يوم يوعد انه يودر بس الله المستعان وكلام النعيمي وعيت له لانه فيها سجن مادري اشلون طافني بس تعرفين الواحد مايروم يفكر لما تصير له مصيبه بالذات لناس يحبهم حياج وهلا ملايين شاكرين مرورج وتعليقج |
السلام عليكم بصراحه اختي انا اقول انها تصبر بس لحد معقول وتحاول فيه انه يتعالج واذا وافق اتمنى انها تبعد عيالها عنه هالفتره عشان ما ينصدمون بابوهم وبحالته وتصبر هي معاه لكن انه اذا رفض فراي انها تتركه وتطلب الطلاق لانها بتكون خيرته يا هي وعيالها والا الادمان اللي بالي نفسه فيه |
لا حوله ولا قوة الا بالله انا برايي يفضل لو انها تبعد عيالها عن جو ابوهم .. لانه مدمن ويمكن يأثر عليهم .. انا اشوفها اتعيش بعيد عنه لين ما يتعالج .. احسن لها ولعياله .. بس بعد ماتتركه على طووول لانه فوقت فراغه راح يدمن اكثر عن قبل .. تتواصل وياه عادي .. واذا هو يبي يشوف عياله اييهم لبيتها ومايكون تحت تأثير المخدر ولا يحسسهم بهالشي .. لان حتى اليهال يعرفون هالشي من التلفزيوون والسموحه |
اووووووووووووووووووووووووووووووووووف الحمد الله اني ريال موب بنيه لاكن لو ماكن ربيعتج المسكينه بتصل بالشرطه بخليهم يتلونه وهو يعرفوا كيف يتصرفون وياه ويودر ها السوالف الغلط الاول والاخير موب من البنيه ولا من الريال الغلط من الاهل نفسهم كيف يزوجون بنتهم لريال ما عرفوا عنه شي ومشكوره اختي والنصيحه تدعوله بالهدايه |
اقتباس:
شكرا عالمرووور والتعليق والابتعاد جدا صعب يعني هي لعيالها ولا لابوهم صدج ورطه وحياكم الله |
اقتباس:
راااايك حلوو لمصلحه اليهال والله يعين الرحله طويله لين مايتعالج ابو الشباب الله يهديه مشكوووور خيووو عالمرور والتعليق |
اقتباس:
هههههه زين منك بعد فيك رحمه ومابتتصل :02: الغلط اللي تقوله هذا شو عرف اهلها فيه والله لو يعرفون ببلاويه ماعطوا بنتهم لهالريال بس سبحان الله النصيب وداها هناك حياك الله ومشكوور عالتعليق |
ممممممممممممممممممممممممممم لو عاشت معاها 7 سنوات ما سوابها شى ..................و7 سنوات مش شويه اكيييد انه يعزهاا ويغليها هي لازم ترجع بيت ريلها ..تحاول تقنعه انه يتعالج ... المفروووض اول ما عرفت هل الشى تواجعه ...تحاول تقنعه انه ما بتخلي بروح بالعكس بتساعد ....لا اكيد في سبب ...وراى هل شى وهي ظلمت الريااال .... وبعدين هل زواج مش لعبه صح مشكلتهاا كبيير لانه صعب تتقبل تعيش مع متعاطي مخدرااات بس تحاول عشان ما تخسر عيالهاا ... تحاول تغييره للاحسن .......... وماعرف شو اقولج اكثر....بس الله يعيينها بما بتلاهاا ونترياااا يديدج .. اختج:دهن العوووووووووود |
عاشت سبع سنين وماكشفت ادمانه ! إذا مافيها تصبر عليه وتحاول معاه بنفسها .. عشان السبع سنين الي مرن .. لا تغصب عمرها عشان العيال وماعيال ـ،، عادي العيال يكبرون بدون اب وهم صغار بدل لا يشوفونه مدمر وهم كبار وتخليه قلعته وكلها كم من سنه يااشرطه تزخه مع مروج او يروح فيها بجرعة زايده الله يعينها على مبتلاها ــ |
رااي من راي النعيمي بالحرف وشااكر لج ع الموضوع الحلو |
اقتباس:
نورتينا يالغاليه بتعليقج الرزين ونشالله مايصير بينهم الا الخير والله يهدي بينهم يارب حياج |
اقتباس:
مو هذا اللي يعور سبع سنين الله يعينها خيتووو بس حراام حنان الابو مهم ليش قالت قلعته :54: الحلول مو صعبه بس التوجيه هو اللي صعب الاقناع خيتووو عاد لو لاسمح الله الله يتوفاه على قوله المصريين قات من ربنا انما موجود ومايعيش معاهم حرااام عمووما حياج يالغاليه في موضوعنا ومنوره بتعليقج |
اقتباس:
قواك الله والنعيمي ماقصر نبهني لشغله ناسيتها والله كان همي اطلعها من الورطه وابيه يودر بس عيون الشرطه على الاربع وعشرين حيااااااااك الله |
ولرب نازلة يضيق لها الفتى ذرعا وعند الله منها المخرج ضاقت فلما استحكمت حلقاتها فرجت وكنت أظنها لا تفرج فسبحان الذي يغير ولا يتغير فهكذا هي الدنيا نعيشها بالمنقصات نعيش الابتلاء ونتعايش معه نعيش الفرح ونستأنس به فلا يوجد انسان على وجه الأرض الا وقد أصابه الهم والغم والحزن والأذى ولا يوجد أحد منا لم يمر بمشكلة ما أو ضائقة من أي نوع كانت ولكن ،،، يجب أن نعلم حقيقة الدنيا فالدنيا حياة فانية وقليل متاعها فان ضحكت لك الدنيا قليلا فأعلم بأنها ستبكيك طويلا وان أعطت يسيرا فقد منعت كثيرا ............. وهاي هي الدنيا حياكم الله كووووووول ابوكم ونورتو لاخلا ولاعدم |
الله يعينها مشكوره اختي على الطرح |
من وجهة نظري اختي لم توفقي في النصيحة تدرين ليش ؟؟ انتي تدرين ان ريلها مدمن مخدرات تخيلي يوم من الأيام كان شبة متخدر يعني واصل للسكر تقريبا وعطى عياله من ها السم شو بيكون موقفه ؟!! والأطفال مايستحمل جسمهم المخدرات وفي حالة تعاطيهم بيموتون سيدة ... |
قــآآيد ابوظبي غزيل الدآآآر حياكـــم الله وفعلا كلامكم كله صــح والله ربنا يعين |
انتي ما قصرتي بالنصااايح .. لازم تنصحه وتفهمه هالشي هب اوكي وتقنعه .. بعدين تبتعد عنه لمده ما يتعااالج ويكمل علاااجه ترجع بيته .. قولي لهاا كل شي ينحل بالتفاااهم الطلاق هب وسيله تتهرب فيهاا .. بالعكس اعيالهاا راااح يذكرونهااا بالماضي .. لازم تتفاهم معاه وتقنعها بالعلاج وتوقف معاااه |
السموحــه منج اختي عردي المطولـــ بس الحياه ومشاغلهاا شاكره لج المروور والتعليق الحلــــوو منج ^___* |
السلام عليكم ورحمة الله وبركاته الصراحه الموضوع يحتاج مناقشه في وقتنا هذا .. ولكل انسـان مدمن على شي فزوجها مدمن مخدرات .. مخدرات من اخطر شي في الادمان وهي تقتل البني ادم .. الاقتراح وهو انسب لهــأ .. هو انه ترجع لهـ وتحسسه بالحب تجاه . وتحسسه انه الي يسويه هو الي يكرها فيه .. وبعد انه لو كبروا عياله من المخدرات هل بيعيش معهم على المخدرات والصرأحه لو هو يحبهـا لازم يعبر لهـا بتركه للمخدرات لكن هي في حياتهــا لها السلبيه انه تقنع زوجها بترك المخدرات .. ~ لكن الأشخاص الان متزوجينـ مدمنين على أشياء كثيره .. ~ منها المخدرات وهي اخطر شي على الانسان .. والسجائر .. والله يبعدنا عنهــا الاشاء المضره والله نصحنا عنهـا كيف الانسان يذهب الى طريق الموت بأراده منهـ .. لا حول ولا قوه الا بالله لكن الله يعطيهم العقل .. وأن شاء الله زوجهـا يرجع لبيته واولاده .. والسعاده اهم شي في كل بيت احسن من الاموال وغيره .. واختي في نصيحتج لهـا ما تعتبر خطأ .. بالعكس هي نصيحه يمكن تتأخذ لها وانه البنت مهما صار من زوجهـا فلا [overline]تتركهـ [/overline].. فليس غلطت الرجل انه البنت تجازيه على خطأ بالتحاول انه تبعده عن الاشياء الخطر عليها وعلى اولاده .. وليست فكرت الذهاب الى بيت اهلها هي الفكره الجيده وانه زوجهـا محتاج لها في هذي الاوقات لانه كل انسان محتاج نصائح وتفكيره وتوعيته في ما يفعله في اوقاته ... وان شاء الله اقتراحه ومناقشه جيده .. يمكن بعد ايام قليله يترك المخدرات .. << والله اعلم .. وان شاء الله يتركهـا المهم لا تتخلى عنه في اوقات الشده وهو محتاج اليها .. ~ والسموحه اتمنى ما فيه اي شي غلط قلته في كلامي .. |
اقتباس:
يعني تصدق حتى لو هالريـــآآآلـــ تشافى وعدى مرحله الحطر من حياته من مراكز معالجـــه المدمنين تظن ان النظره السلبيه من صوب الناس تروووح لا والفــــ لااااا >>>يقعدووونـــ يهذرووون شوفوا ولد فلانه المدمن لاترابعونه لاحتى تلفون صوبـــه الله يعـــين ومشكووور على مروورك وتعليقكـــ ^__^ |
أختي لو مشينا على كلام الناس صدقيني لا توجد حياه .. كل واحد حر بنفسه لو سمعنا كلام الناس الي ما يسكتون .. المهم .. |
السلام عليكم ورحمة الله وبركاته .... الصراحة الموضوع كتير حساس...الله يعينها.... بس بهيك حالات أنا برأيي متل رأي الباقين...ترفض تعيش معه... لأنه ممكن يضرها ويضر اولادها...ممكن يكون تحت تأثير المخدر ..ويعمل شي لا سمح الله متل انه يعطي ولاده من هالمخدر أو شي...لأنه ما بكون صاحي على حاله شو بيعمل... بس هي من جهتها لازم ما اتطلقه على طول...بالعكس لازم اتحاول انها تهدي وتقنعه بالعلاج.... واتحاول كتير واذا ما قدرت فهي عملت اللي عليها...والله يهدي... بس طبعا لازم ما تحرمه من اولاده...لازم اتخليهم ايشوفو أبوهم كل فترة وفترة... وانشالله يكون رأيي صح وأقنعتك... مشكورة حبيبتي على طرحك هالموضوع وانشالله الناس يعتبرو من اللي صار مع صديقتك... تقبلي مروري.... ريــــــــم... |
اقتباس:
لكــــن النظره السلبيه مؤلمــه جداااا >>وتعتمد على اراده هالريال بعـــد العـــــلاج ويبدي صفحــه يديـــده لان النــآآس ياحووبهم لتاليف القصص والحكاياتـــ ولو كان ريال سوي ماجــآآن تكلموا فيه وذكروا طاريه عجــــــــــــب العجــآآآبــ دنيانــآآآ وياليتها تستاهــــلــ حيـــــآآآك الله |
اقتباس:
عالعمـــوم انا قلت لهااا وخليتها >>>تفتح البيج تبع الموضوع وتشــوف الردوود انا على مــآآمر علي من قصص الزوااج تاكد من شي وآآآحد لوو معاي قصوور الدنيا وانا هب مرتاحه نفسيـــآآآآ اعيش بجحيم والدليل هالبنيه الله يجعل ايامكم كلها سعاده وهنــآآآ في طاعه الله ورضــآآهـ اشكركم اخوآآآني وخواتي على تفاعلكم الحلــــو لاعدمناه ياربــــ |
اولا الله يكون في عون اربيعتج ياااارب ويحل مشكلتهاااا والله انا من راي لو اهيه تهد البيت وتسكن عند اهله ابركلها بس اتم في تواصل ويا الريال عسب ايسير مصحه لان ممكن في وقت من الاوقات يتصرف بطريقه غلط و حينه الاولاد بيستغربون وبيقولون شو فيه او يمكن ايكون خطر علي الاولاد لانه مدمنين اتمر عليهم حلات صعبه اشوي وهم مب حاسين علي اعمارهم لو هيه اتم تقنعه واتكلمه وتشد عليه وتوقف يمبه بيكون احسن ابوايد بس هااااا يباله فتره لين مايتعالج لان المده طويله 7سنوات بس مافي شي مستحيل بيعالجونه وبيرد مثل قبل واحسن والله يهديه ياااارب ويرده لزوجته وعياله وسموحه علي اطاله |
| الساعة الآن 12:56 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir