|
عريس يطلق زوجته في الأسبوع الأول من الزواج والسبب .... طلق عريس زوجته في الأسبوع الأول من شهر العسل* عندما أصرت على ارتداء بنطال جنز أثناء خروجهما للفسحة* ورفضت الانصياع لرأيه الذي رفض ذلك. وكان الزوج اصطحب عروسه لقضاء شهر العسل في المنطقة الشرقية* لقضاء أحلى أيام العمر* ولم يمض أسبوع من زواجهما حتى حدث أمر عكر صفو العريسين* فقد طلب العريس من عروسه الاستعداد للخروج للعشاء في أحد المطاعم* وعندما استعدت للخروج وجدها ترتدي بنطال جنز* فاستشاط غضباً* وطلب منها ارتداء ملابس أخرى لأنه لا يقبل أن ترتدي زوجته"جنز"* وبالمثل فوجئت العروس بطلب زوجها الذي رأته غريباً جداً* وأصرت أن تخرج معه بالبنطال. إحتد الخلاف بين العروسين* ويتمسك كل منهما برأيه* ورفضت العروس رفضاً قاطعاً أن تستبدل بنطال الجنز* وإتهمت زوجها بـ"التخلف" وقالت له "كل البنات يلبسن البنطال"* فما كان من الزوج إلا أن يلقي يمين الطلاق على عروسه* التي هرعت إلى الجوال لتتصل بوالدها في إحدى محافظات الرياض* وتخبره بالموقف* وأن زوجها طلقها* فطلب منها حجز تذكرة على أول طائرة إلى الرياض وتتركه لحاله.... 7 7 7 7 7 وســـؤالي هو >>>شورايكـــم بالبنت اللي تلبس الجينــز ؟؟؟؟:77: >>>وعادي تخلي زوجتـــكـ تلبسه ؟؟؟:77: >>>>>>أنا ببدي .. عن نفسي ماأشوف عيب بالبنت اللي تلبس الجينز بس بشروووووط .... 1_ إذا كانت محتشمة.. يعني لازم يكون الجينز وااااسع مب ضيق ويبرز مفاتنها هههههههه:66: 2_ وإذا هي قاعـــدة بالبيت وتلبس جينز عادي مافيها شئ .... عشان أنا ألبس جينز أمووت فوق شي اسمه جينز بس ولا مرة طلعت بره لابسة جينز .. بالبيت ألبسه بسس هههههههه:eh_s(1)P: |
اول شي الجينز استر من شي ثاني واذ هو هب راضي المفروض تسمع كلامه ويكون من بينهم تفاهم ها التفاهم يكون قبل الزواج يعني تعرف ريلهاا شو يحب وما يحب عسب تلبسله وما تعصب والله احس سالفه الطلاق كلمه عاديه الحين شرات الحلاوه ينطقهااااا ف اشياء تفاهه فلابد ان يكون هناك تفاهم من بينهم ويكون واحد اعقل عن الثااني يسلمووووووووووووووووو قلبووووووووووووووووو يعطيج الف عااافيه |
انا ما بتكلم على الجنز انا بتكلم على كلمة الطلاق بصرااحة هالايام الريال ما يصدق على الله الحرمة تسوي شي بسيط وعلى طول كلمة الطلاق على لسانه واطلق صراحتها بسبب شي تافه يحليل زمان اول والله .... كان الريال حتى لو تغلط الحرمة بحقة يسكت ويصبر لاجل العيال لكن جيل هاليوم ما شاء الله تنافس في قضية الطلاق الجنز ليس سبب للطلاق ولكن السبب لا يوجد تفاهم ومحبة وتعاون بين الزوجين ولي عودة ان شاء الله مررسي على الطرح المميز |
صدز ماعندهم سالفه طلاق علشان جيينز هدموا حياتهم على اتفه الاسباب تسلموا خيتو على الموضوع |
هيه المفروض تسمع كلام ريلها و لازم تعرف انها الحين صارت بايد ريال يعني مب بروحها و لازم تسمع شوره و ما تعارضه من اول مره ... المفروض على الاقل في البداية تسمع شوره... مب تعارضه من البدايه..هذي من البداية جي عيل شو عقب؟ و انا ضد البنت الي تلبس جينز ما احب هالشي.... الا اذا كان في البيت او اذا كانت العباة مسكرة و خصوصا الجينز ينفع في بعض الاحيان.... لكن فيه بديل الي هو البنطلون الوسيع... و هذا رايي .... الف شكر عالطرح |
x . . موضوع اعجبني الصراحه بس قهرني شووي ~ الحين اهي لاابسه الجينز عند مين .. مو زوجهآ .. ! طبعا عند زوجهااا .. وبعدين اهم فالشررقيه يعني مافي امل البنت تطلع بدون عبآآيه وش هالتخلف عند زوجهآ .. ماعنده عقل يفكر .. مااعليه قلنا تسمع كلاامه بس اهم بروحهم مع بعض ماله داعي تلبس تنووره .. انا عن نفسي مااحب اطلع بالتنووره فالشوبنق او غيره .. تضااايق مرره .. بس زين خلصت منه من الحين مااحب الرجآل بهالعقليه .. لازم يفكر قبل اتخااذ آي قرآر .. ولا الحين الطلآق صآر لعبه .. ! يعطيك العآفيه ’’ تسلملي هالديآآت .. مآننحرم^^ |
انا رايي من راي بنت اصل ما تنوصل تسلمين على لطرح |
اذا الجنز تحت العباة عادي شو فيها .. ويسلمو عالطرح |
السلام عليكم ورحمة الله وبركاته مرحبـــآبج خيتوو منوره آلآسترآحه بطلتج آول شي آنـآ قريت ردود آخوآني وآخوآتي على آلموضوع وفي ردود آيدتهـآ وفي ردود عـآرضتهـآ رده فعل آلزوج لآ آعتبرهـآ تخلف وآعتبرهـآ صحيحه 100% .. آول شي دينـآ آمرنـآ بلبس آلسـآتر آلوسيع آلي يوصل آلين فوق آلركبه .. ثـآنيـآ عـآدآتنـآ وتقـآليدنـآ نحن آهل آلخليج تمنع آرتدآء آلجينز .. يعني عيب ومنقود >.< وبغض آلبصر عن كل هذآ .. آلحرمه من وآجبهـآ تسمع كلآم ريلهـآ ولآ تعـآرضه .. آذآ من بدآيتهـآ وتعـآرضوآ على آللبس عيل شو تـآليهـآ .! في آمور آكبر من آللبس كيف بيتفـآهمون .! آنـآ آحس آن آلطرفين غلطـآنين .. ولكن آلغلط آلآكبر على آلحرمه لآنهـآ مـآسمعت كلآم ريلهـآ .. وآلريل غلطـآن بعد لآن مـآحآول يتفـآهم ويـآهـآ وسيده حلف بـآلطلآق وآلسموحه على آلآطــآله يعطيـج آلعـآفيه تســـلمين خيتوو .. لآهنتي ...~ |
يسلموووووو ع الردووووووووووود ^^ |
الصـــــرااااحهـ .... شو هالتخلف أحين تطلق الحرمهـ بس عسب جييينز ...؟؟؟؟؟ يعني توهاااا عروس يديده وتباااا تكشخ لك بس صدق ماتستاااهل وحده تكشخ لك .... ما أقول غير الله لا يبليني بريااال معقد ويعقدني معااااه .... دمرت حياه البنت عسب جينز بس ززززين يوم افتكت منه .... والسمووووحهـ ....؟؟؟؟؟ |
لا والله .. مب كل البنات يلبسن جنز ... و زين يوم طلقها ... أتفه سبب لانها عصته..!!! وان عصته في شين تافه بتعصين في شين أكبر ... !!! الله يستر على بناتنا. تسلمين. |
وانا رايي من راي (((مزروعية مسلحة))) واضيف الجينز هب عيب اذا كان تحت العباة وف البيت اما تظهر والجينز جدام الناس ف خلها ف بيت اهلها وايد ابرك.... تسلمين اختية..... |
السسلام عليكم والرحمة .. ماشاءالله عليج مواضيعج كلها حلوه عجبتني مواضيعج .. وعن الموضوع شو نظرتي للبنت الي تلبس جنز الصراحه ما اشوف فيها شي اذا الحرمه لابسة جنز .. ما اشوفه فيها اي غلط وخاصتاً انه هي ويا ريلها استعيل الريال في اتأخذ قرار الطلاق .. ومن راي لو واحد من الطرفين هدء الموضوع وفكر كل واحد فيهم انه توهم معرسين والموضوع ما يستاهل انه يوصل للطلاق .. كانت مابتوصل للطلاق بس الله يهديهم كل واحد عاند الثاني وفالاخير اطلقو .. وعن السؤال :عادي تخلي زوجتـــكـ تلبسه ؟ بخلي حرمتيه تلبس جنز بس مايكون يبزر مفاتنها نو بروبلم .. . . |
السلام عليكم ورحمة الله وبركاته و اللـــه ها ريلهإ و لـإأزم اتسمع شوورهـَ لـإأ هنتي ي ي |
كان المفروض تسمع كلامه لنه هو الرجال |
مراااحب يسلمووو الغلا ع الطرح وكان المفروض من العروس تسمع كلام ريلها الحين شو استفادة بعد ما ريلها طلقهاا ؟؟ |
| الساعة الآن 06:27 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir