|
اغتصاب ... دعاره ... ملابس فاضحه ... مسلسلات خليجيه ...؟!؟!!؟ السلام عليكم ورحمة الله وبركاته صباح الخير يا حلوين ... شحالكم ... ان شاء الله بخير انا لي يومين افكر في هالموضوع الي شاغل بالي وتوني حاطه راسي على المخده ابي انام وبعده هالتفكير شاغل بالي وقلت الا انزل موضوع في استراحتنا الغاليه ... اغتصاب ... دعاره ... ملاابس فاضحه ... مسلسلات خليجيه ...؟!؟!؟ انتشرت الثوره الصناعيه في اوروبا في القرون الماضي من منتصف القرن 18 الين الحين ومن الاختراعات الي تم اختراعها فالازمنه القديمه التلفاز ... والتلفاز شي مسلي للناس الي ملان والي متظايق والي فرحان والي الي ...إلخ ... طبعا التلفزيون مب فاضي فيه طبعا مسلسلات وافلام وافلام كرتون ... لكن المسلسلات والافلام والافلام الكرتونيه تغيرت مب مثل اول ... الحين الواحد صار يستحي يطالع التلفزيون كل شي فيه محرم ... وين مسلسل خالتي قماشه ومسلسلات القديمه " موضه قديمه " في راي اكثر الناس ... الحين الموضه اليديده التشلح والتخلع جدام الخلق ... اولا مسلسل " عديل الروح " كان اونه اونه وتحتها مليون خط يناقش ظاهره البويات والله انا اشوف ماكان له داعي اصلا يطلعون هالشي لانهم يناقشون ظاهره مب طالعه بتقولون كانت موجوده انا اقولكم كانت موجوه لكن بعدد قليل ما يوصل 1% وطبعا شجون الهاجري ما قصرت من طلعت في هالمسلسل انتشرت هالظاهره وبدرجه فظيعه ... مسلسل " اسوار " بنت العرب تحب الدريول تحب دريول وين صارت ووين استوت ...؟ اختيه الصغيره صف رابع قالت لي حلو هالمسلسل قلت لها كيف وشو الي حلو فيه قالت : البنت تحب الدريول ...؟!!! انا ويهي انجلب علامه تعجب ... الياهل تطالع المسلسل لان البنت تحب الدريول في المسلسل بالنسبه لها اكشن ... مسلسل " عرس دم " اغتصاب والزواج بالاكراه ومصايب دنيا وبلاوي ... اخو ربيعتي بعده ما دخل العشر سنين ياي يتخبر اخته وش يعني الاغتصاب ...؟!؟!؟! شو رايكم ...؟ ... مسلسل " عيون من زجاج " عاد هالمسلسل مسكت وبالقو بعد ولا والانسه بدريه احمد عايبنها الدور ... يعني ياويه استح لابسه تنوره وقميص وقاعده ريل على ريل وورجها كله طالع والي فوق استعفر الله وين نحن ... الحين والله صرت ما اطالع وايد فالتلفزيون اخواني الصغار ما اخليهم يطالعون اصلا زين يوم نخليهم يطالعون الافلام الكرتونيه ونرحمهم يقولون كل شي حرام وممنوع لكن السبب منا نحن العيب منا نحن ... نحن كانه الوضع عايبنا ساكتين ونطالع ... مب جنه الاعلام خطوتين وبنوصل له ونقدر نتكلم عن الفسق الي نشوفه جدام عيونا ... صراحه شي العين تستح من الرؤيه فيه ... والاذن تستح من الاستماع اليه ... واللسان يستح من التحدث فيه ... والقلب يخشع ويخاف منه ... اتمنى اني ما طولت عليكم وان الرساله وصلت ... واتمنى من كل واحد دخل الموضوع ما يبخل عليه برده ... والسموحه واترقب نقاشكم ... |
وعليكم السلام ورحمة الله وبركاته صبحج الله بالنور والسرور والعافيه رد على الموضوع : المسلسلات الخليجيه الدراميه تعالج مشكلات المجتمع الخليجي بشكل عام في 30 حلقة , من حيث التقاليد الدخيله والسلوكيات الخاطئه والجرائم والاحداث الماضيه , اختي الكريمه , إذا تصفحتي جميع المنتديات ستشاهدين أخبار غريبة في الدول الخليجيه , منها الحقيقه ومنها المفبركه , جرائم وسرقة وقتل وأختطاف وإلخ , في هذا الوقت علينا باختيار ما سنشاهده وما يشاهده الاطفال , وعلينا بتوجيه الاطفال بشكل مستمر بأن جميع ما يعرض على الشاشة الصغيره ليس كله بصحيح , وعلينا ان نوضح لهم ونجاوبهم على جميع استفساراتهم او اسئلتهم ولا نتركها لهم في اذهانهم بشكل علامة استفهام ... من يرى خلفه سوف يتعثر بلا شك ,, ومن قال The Old Is Gold فـ هو صادق الياسي |
اقتباس:
صحيح كلامك انها تعالج مشكلات المجتمع الخليجي ... بس ليش ما يعرضونها بطريقه احلى واحشم وماتخالف ديننا الحنيف ... يعني الحين الوحده منهن هالممثلات وانا ما اقصدكلهن يوم تطلع تطلع بلباس محتشم ساتر مب وحده طالعتلي عريانه ومغطيه نفسها باللحاف بس ...! ولا لابسه تنوره مب ساتره شي ... وبعدين المشاكل الي يداوم التلفزيون على ان يطلعها كل مره تصير شي عادي يعني الشي الكبير الي كل يوم وكل لحظه تشوفه او تسمع عنه يصير شي عادي ... فانا اشوف لو انهم ما يطلعونها او يطلعونها بس بطريقه حلوه ومحتشمه ومب مباشره وجرئيه بدرجه فظيعه بتكون اوك ... مشكور خيو على رايك الحلو ... ونورت موضوعي بطلتك ... |
عليج السلام والرحمه , ,, صبــآآح النور و السرور ,, نحن بوقـت او بفتره استوى كلـ شي فيه عــآديـ ’’ !! ’’ يعني اكبر مثــآآلـ ’’’ من فتره طرح موضوع في [ استراحة الحوار والنقاش ] ’’ عن كلــية التقنيــة ’’ انا فتحت الموضوع مع بنــآآت كلاسيـ ’’ تعرفيـتن شو ردوو ,, [ قاالوا ’’ لي انتــي بأي عصر عايشه ,, نحن بعصر الحريه و الانفتاح ,’’ !! ] !! ’’ دااااااا ,’’ وين يبوونـ ’’ نحن صح بعصــر صار فيه كل شيـ ’’ [ [ [ [ عـــآآآآآدي ـ ’’’ ] ] ] ] ’’ بسـ ’’ نحن ويــن عايشــين ’’ !! ’’’ الظــآآهر انه الكلـ ’’ نســى ,, انه نحن [[ في قلب الخليج ’, من الشمــآآلـ ’’ بحر الخليج العربي و من الغرب قطر والسعودية و من الجنوب سلطنة عمان !! ’’’ ] ’’ نسوااا ,, انه نحن دولـ ’’ خليجية ، عربيه ، اسلاميــــه ’’’ !!’’ بسـ ’’ الظــآآهر انه بـ [ الاســم ] مب بالفعلـ ’’ اللي يالسيــن انشوفـه ’’ انه هالكــتاابـ ’’ و المخرجين والممثلين ,, يالسيــن يعرضون شــي مب من مجتمعناأأآ آ’’ ولا من عاداتنــآآ و تقاليدنــآآ ,, يتبعــون الغربـ ’’ بكلـ شيـ ’’ نحن ما بننكــر انه هالمشــآآكلـ ’’ ما تستويـ ’’ عندنــآآ ,, لا ,, بالعكسـ ’’ انتشــرت عندنــآآ بشكــل’’’ كبيــر,, بسـ ’’ هم بدلـ ’’ لا يطرحونـ ’’ هالشــي ’’ بـ هالطريــقة ,, يمثلــون مواقفـ ’’’ [ الاغتصــآآب و التحرشـ ’’ ] ,, يقدرون ’’ يمثــلون هالشيــ بطريــقه ’’ [ توعيـ ’’ ] ’’’ النــآآس فيـهــآآ ,, النفروضـ ’’ انه يراعوونـ ’’ انه هالتلفزيــوون ’’ مب ملك لعمر معيــن ’’ و هم يعرفون انه نحــن العرب ما نراقــب عيالنــآآ ,, وااايد لدرجــه ,, انه نراقــب شو يجووفوون فالتلفزيــوون ’’ محد يقدر يقووولـ ’’ [ انا اراقبــهم 24 ساعه ,, ],, مستحيــلـ ’’ يا ريـــت ,, لو ترد المسلسلات القديمه ,, عسب نقدر نرد نشوفـ ’’ التلفزيون شرااات قبـــلـ ’’ انا عن نفســي الحمد لله نادراً ما اتأأبــع هالتلفزيون ’’ ^^ ’’’ راآآي لا أكثــر ’’ والسموحــه ’’ |
وعليكم السلام ورحمة الله وبركاته صبحج الله بالنور والسرور والعافيه رد على الموضوع : المسلسلات الخليجيه الدراميه تعالج مشكلات المجتمع الخليجي بشكل عام في 30 حلقة , من حيث التقاليد الدخيله والسلوكيات الخاطئه والجرائم والاحداث الماضيه , اختي الكريمه , إذا تصفحتي جميع المنتديات ستشاهدين أخبار غريبة في الدول الخليجيه , منها الحقيقه ومنها المفبركه , جرائم وسرقة وقتل وأختطاف وإلخ , في هذا الوقت علينا باختيار ما سنشاهده وما يشاهده الاطفال , وعلينا بتوجيه الاطفال بشكل مستمر بأن جميع ما يعرض على الشاشة الصغيره ليس كله بصحيح , وعلينا ان نوضح لهم ونجاوبهم على جميع استفساراتهم او اسئلتهم ولا نتركها لهم في اذهانهم بشكل علامة استفهام ... من يرى خلفه سوف يتعثر بلا شك ,, ومن قال The Old Is Gold فـ هو صادق الحب هم |
انا اقول هالمسلسلات بس حق التسلية عاد امحق تسلية بس .. والله كلها خرط لا تحل قضايا ولا شي مثل مايزعمون وانا بدرية هذي تقهرني ومادني لبسها خاصة فهالمسلسل ولا اونه زوجها يحاول يحل قضايا الاغتصاب ومستغرب من سبب ظهور الاغتصاب فمجتمعنا ... انزين مايجوف مرته اشلابسة !!! والله المسلسل عبيط ومافيه مصداقية كلش فالتمثل والله حتى صرنا نخاف على اخوانا الصغار يقعدون ع التلفزيون بروحهم !! ويعطيج العافية اختي |
°ˆ~*¤®§(*§*)§®¤*~ˆ°وعــلــيــكم الســـلام والــرحــمـــه.. صــدقــج مســلســلات هــالايـــام فـــاااااااااصــخه البنات يوم يظـــهون متــفــصخات ومب متحشمات والله فشـله يــظهرون هالمسلسلات في تلفزيون واخر شي بعد اونها خليجيه الا استووووت مكسيكيه ..... وحتــى عيااااااااالنا استوى تفكيرهم اكبر عنهم وخلوووووووو مسلسلات الكرتون وتموووو يشوفون هالمفااااصيخ....... وتسلمـــين ع هالموووضوع المميـــز ...... وهـــذا رايـــي ......°ˆ~*¤®§(*§*)§®¤*~ˆ° |
مسلسل عرس الدم وعيون من زجاج ومسلسلات اخرى خليجية اصبحت تضرب بصورها ومواضيعها عرض الحائط بالمعروض او الذي يعرض على شاشتنا الخليجية .. ايعقل ذلك ياجماعة الخير .. فعلا بدأنا ننظر للمسلسلات السورية والعربيه الآخرى "الغير خليجية " بانها تغرد خارج السرب ونحن ( مسلسلاتنا الخليجية ) في سرب ومستنقع الدعرة والإغتصابات ....لماذا !!! ماشالله زينب العسكري ماقصرت ولا فجر السعيد ولا غيرهم من اللي يكتبون السيناريوهات المنحطه امثال هذه المسلسلات .. وشي ثاني احب اضيفة من رخصتكم قنوات الmbc Action تحتوي على صور مخلة للآداب ولكن لاحياة لمن تنادي كل يوم اخس عن اليوم اللي قبلة .. دور الأهل مهم في تحديد القنوات التي يجب الغاءها من جهاز الرسيفر او حتى متابعتها .. الله يهدي اليميع ، والله يستر في رمضان شو بيحطون لنا اخوكم / النعيمي |
السلام عليكم ورحمة الله وبركاته تشوفين فلم عيون من زجآج شو بقآ فيه ماباقي الا يصورونهم وهم يسبحون الفلم يظهر في الظهر على قناة ام بي سي والله الافلام الخليجيه صارت نفس المصريه والاجنبيه |
أول شي بيض الله وجهج وربي لا يهينج على هالموضوع الطيب ولا يحرمج أجره وأختيار موفق ولا هو بعيده عن أمثالج غيوره وحريصه بطرحج هالطيب حنا لا نحمل هالتمثليتين وبس ! فيه ماهو أكبر منها أنا أشوف أن عديل الروح طرح قضيه أجتماعيه حساسه بس زادو بالافراط فيها دور رناد اللي تقوم فيه الممثله المعنيه طرحت قضيه جدا حساسه وهي موجوده على أرض الواقع وهي حب الخدم والهروب معاهم وغيرها ماخفي أعظم كان فيه جرأه بطرحها ومهما أختلفنا الشي صار ونتهى ! عندكم طرق أفضل أو مقترحات أفضل تطرح فيها هالقضايا ؟ عشان الناس توعى للخطر اللي هي فيه بس مستقبلا شلون نوصل صوتنا للتلفزيونات عامه وننقل ملاحظاتنا لهم ! عندكم مايساعد ؟ ولا بس نتذمر ونكتب أمس وجهلي الاخ النعيمي سؤال عن أداء التلفزيون والانتقادات خص الكويتي وشمل الخليجي قلت فيه شغلات تفشل ويستاهلون النقد زين أختي مثل أخو صديقتج اللي سأل عن هالكلمع يعقل ولد عمره 20 سنهمايعرف شنو معناتها ؟ طيب البنت أم عشرين ماتعرف ؟؟؟؟ شلون نوعيهم ؟ اذا هالاعمار مايعرفون هالكلمه وخطورتها أذن خلو دور رناد يعلمهم خلصنا منها ودخلنا على الرسوم المتحركه ؟ فيه رسوم متحركه تخدش الحياء مع الاسف وفيها سلبيات اكثر من الايجابيات وينا عنهم ؟ موقفالممثله اللي تحط ريل على ريل وساقها طالع هذي لو صالحه ماسوتها هداها الله هالتصرفات أنا معاج ننبذها مو ننتقدها بس زين والاهل وين دورهم ؟ المشاكل هذي اللي قاعد تطلع من عديل الروح ولا غيرها بنفس الهدف ما أتكلم عن الشغلات الاخرى شلون توصل الرساله كم بنت نحاشة مع الدريول ؟ كم بنت أرتبطت بعلاقه بالسر مع الدريول ؟ كم بنت أغتصبت من قبل الدريول ؟ يا ناس أمهات وربات منازل أغتصبت من هالدريول شلون تبون الناس توعي ؟ طيب أحفظو تلفزيوناتكم تابعو عيالكم قفلو القنوات أما الام طالعه والابو طالع والولد بيده الريموت وفيه لا يقل عن 300 قناة ومخلين البنت والولد ابو 13 سنه عليهم لا وكمبيوتر بعد ومن يطيحون بشغله بسيطه قالو تلفزيوناتنا هي السبب ؟ لا يا أختي انتقدوهم وسبوهم كيفكم لا يصيرون لي ولا اعرفهم بس نتكلم ولا نندفع نحط الحلول ونطرحها قبل لا نحط التوبيخ ولا الذم البيت وأرباب البيت مسؤولين 100% كل شي والتلفزيون وسيله من مئات الوسائل فلا نظلمه بهالشكل همسه للاخت الكاتبه وربي أنا معاج بكل كلمه وانا مقفل برأي شديد بعد ومصطحب بالتحذيرات قرابة 280 من اصل 300 الفنوات اللبنانيه + اي قناة فيها شات + اي قناة اغاني + قنوات الاطفال بعضها مسيء واقعد مرات معاهم اشوف على شنو مندمجين واذا سمعت بالباباي شي مو زين ما امانع اقولهم بقفل هالقناة شلون اذا التلفزيون ماكتب شلون غيرنا يعرف ؟ لازم نوجه نصيحه قبل النقد مفادها زين تسوون بس ودنا لو جذيه مايصير مثل موقف ام ساق اما عديل الروح انا اشوف الغايه والهدف واضحين وهذا واقع مر نعرفه بالكويت وبالامارات وكل الدول الخليجيه لا نقول مو موجود الله يستر على عباده وماخفي أعظم شكرا لج وربي يوفقج ونشوف كتاباتج اكثر واكثر لخدمة الناس عامه |
لو بنقول او بنااقش منو بيسمع لازم هالكلام يوصل لكل مدير قناة وللممثلين عسب يعرفون شو يجطون وشو اللي لازم يمثلونه بصرااحة انا وياج اختي على هالكلام صج مايستحون بس لاحياة :54: لمن تنادي والسمووحة من اليميـــــــع |
حبيت ازيـد ع ما قلته ’’ انه بعد هالقنوات اللي تشتري الملسلات ’’ لازم تراعي شو تشتري و شو تعرض ’’ لازم مدير القناة يراعي الدولة اللي هو فيهاا ’’ او اللي يحمل اسمهااا ’’ والسموحه ’’’ |
عـزت نفسي ... مرحبا بج خيتووو ... انا شفته هالموضوع ... ياخيتي مب مهم نحن وين نحن ان كنا بالخليج او باوروبا او بامريكا المهم ان نحن مسلمين لنا عقيده وشريعه علينا ان نلتزم فيها مب لعبه هي ... المكان مب مهم المهم من نكون من نحن شو الي علينا نسويه وشو الي ما نسويه ... صح كلامج وانا وياج في كل حرف وكلمه قلتيها ... وصدقتي الانسان مستحيل يراقب الشخص 24 ساعه .. اشكر مرورج الغلا ... الحب هم ... ثانكيووو على المرور المنور ... ام صويلح ... مب بس للتسليه يااختي في اشياء نستفيد منها ... يعافيج .. مشكوره الغلا على المرور ... بنوته المناصير ... ترا هذا المغزى من موضوعي نحل هالمشكله لو بشكل صغير ... الله يعينا ياخيتي ... تسلمين على مرورج ... النعيمي ... مرحبابك خيوو ... كنت متاكده انك بتحدر موضوعي وبترد ... خيو حتى المسلسىت السوريه يطيح عليها العتب لانها مسلسلات عربيه ...! صدقت انا الصراحه ام بي سي اكشن ما اروم اتابعها لانها فاصخه الحيا عن جد واونها لا شو الي مسؤول عنها السعوديه ...! شي يشيب منه الراس ... صح كلامك ان دور الاهل كبير في الغاء هذه القنوات بس اذا انت بتشوف اي قناه الا تحط هالاشيا تقريبا كلها قنوات الامارات كامله وعلى راسهن قناه دبي وابوظبي لانهن يعرضن افلام ومسلسلات ابد مو شي ... يعني اذا بتخلي خل القنوات الدينيه وبس ... آآآمين ... اشكر لك مرورك الطيب ولا ترحمنا من طلتك ... سواف ... مرحبا بك خيو ... عيون من زجاج ما شفته كامل تابعته من نصه بس ما كملته لاني استحيت الصراحه ... الله يعين خيووو ... مشكور ولا تحرمنا من طلتك ... كويتي ... حياك خيو ... تسلم والله من طيب اصلك ... اوك ما قلنا شي بس الصراحه وايد زودوا فيها وانا وياك ... انا لو اقدر اطلع كل هذا بالاعلام ما عليه بس انا بنت ...! وضعي حرج شوي فالمجتمع اني اطلع واروح للاعلام واطلع بالجرايد اذا سمحوا لي العرب اهلي ما بيسمحون لي ...! زين أختي مثل أخو صديقتج اللي سأل عن هالكلمع يعقل ولد عمره 20 سنهمايعرف شنو معناتها ؟ طيب البنت أم عشرين ماتعرف ؟؟؟؟ انا اخو ربيعتي عمره 10 سنين مب 20 ... ولا يعرف معناها لانها مصطلح غريب عليه ... نحن بعدنا فال17 من عمرنا ونعرف هالكلمه بس كيف تقولها لاخوها صعبه والله صعبه ... بس مب بهالطريقه القويه والفاضحه والي تخوف نحن يوم نعلمهم الشي ما نعطيهم اياه بصوره سريعه وفجاه لا تدريجيا علشان يستوعبونها وما يخافون منها ... وعندك اكبر مثال للرسوم المتحركه الي قلتها توم وجيري يوم يغازل القطوه ويبوسها وش بقى .؟. يا اخوي نحن حافظينها والله لو تشوف الرسيفر بتحصل نص القنوات مسكره ومحذفه بس مخلين القنوات العربيه والخليجيه والبلاوي اصلا كلها فيها ... منو قال .؟ انا ما اخلي اخواني الصغار على النت الا عدالي والله ... والتلفزيون صح ان بايدهم بس نشيك عليهم بس مب مراقبه 24 ساعه يا خوي الواحد عنده اشغال يعني انت بتعيز اذا بتراقب 24 ساعه ... خيو انا ما احط الذنب على الكويتيين ... نحن اذا عاتبنا بنعاتب الاعلام وبنعاتب اعلامنا بعد يعني بالله عليك اعلامنا نحن الاماراتيين والخليجيين احسن عن اعلام الكويت ..؟ لا والله ... اشكر مرورك خيو ... والله لا يحرمنا من طلتك ... |
الفيلسوفه ... مرحبابج خيتي ... صح كلامج بس في ناس ما تهتم الا بمصحلتها ولا تهتم من الناس ... ناس ما عندها لا مسؤوليه ولا احساس بالناس الثانيه ... مسموحه الغلا ... ومشكوره على المرور ... عزت نفسي ... حياج خيتي ... صح كلامج بس مثل ما قلت ناس ما تهتم الا بمصحلتها ... ومشكوره مره ثانيه على المرور ... |
الله يعين الجمييع بس ياناس لين متى بنتكلم ونعيد ونزيييييد ومحد سامعنا كلن في هواه الله يعين بس |
[overline] سلمتي اختيه على هالكلاااااااااااااام...كلامج بحد ذاااته رساله نوصلها لبااااااقي افراد المجتمع.... [/overline]اطفال وجوههم تحمل في طياااتها البراءة ...والطهاررة تسأل عن شيء ليس لها فيه...بحكم انهم شافوا هالشيء في التيلفزيون.... ظواهر كانت مختفيه...والمسلسلات طلعتها لدرجه صار الشيء فاااااضح..... ممثلاث يسمن بالاسم خليجيات ولكن ....اين الخليج والتراث والدين عنهن....ممثلة لم تستح ان تتشلح واطلع اللي رب العالمين حرمة ....ما تتريا منها تقدم ادوار هاادفه.... ولكن الواحد دائماً يتسأل.....وين الرقابة عن هذا كله....ليش المجتمعات تتشكى من المشااكل وماغيرها من الظواهر الغريبه علينا...دام اصلاً الرقااابه تسمح لهذه المسلسلات ببث الفسق والفجور بين جيل الشباب.... ولا ننسى انه الاعلام له تأثير كبير على عقول الناااس...........ولكنا نحن سمحنا للفكار والعادات الغربيه ان تنتشر بيننا...من خلال هذه المسلسلات الهابطة...... من رأيي الشخصي كل هؤلاء الكتاب يعانون من امراض نفسية جعلتهم يكتبون مسلسلات امثال عرس الدوم واخواتها......... وإلا ما فيه كاتب عااقل يكتب ويروج لهذه الافكار في مجتمعه...بكل بساطه.. تقبلي مروري |
لازم يحطون حد لكل شي يسلمو على الطرحـ |
«®°·.¸.•°°·.¸¸.•°°·.¸.•°®» أختي .. ماشالله عليــج .. وأنــا والكــل .. يأيدج على الرمســه اللي كتبتيهـــا .. ونبعــت من وجدانج .. وهذا دليل على خوفج وغيرتج على اطفالنا .. انا بقولج موقف صار وياي بالبيــت .. مرة كنــا كلنــا مجتمعيــن على الغدا .. ويت اختي الصغيرة صف 4 ابتداائي. يت عند ابووي وقالت .. بابا شو يعني عجز جنســي .. كلنــا فجينـــا عيوونه ..والكل يسال نفسه من وين تعرف هالمصطلح .. والا من وين سمعتــه.. بصراحه ابوي اللي هو ابوي استحــى يرد .. جان ترد وتسال .. بابااا (بصوت عالي) شو يعني عجز جنسي.. انا رديت عليــها قلت لها مش شغل يهااال ها وماريد اسمع منج هالرمسه مرة ثانيــه.. سكت وسالتها كيف عرفتيــه.. قالت لي سمعــت مسلسل الامبراطوورة يقولون انه الامبراطور فيه عجز جنسي . ويهي قفط .. انه المسلسلات للاسف تفتح عقوول اليهال .. وربي يهاال في ال6 وال 7 يعرفووون اشيا .. فضيعـــه.. تمسكوون راسكم لو تسمعــون.. صارحت اختي مع انها صغيــرة وقلت لها انه مايصير تشوفين مثل هالافلام لانه هاللقطات ماتعلمنا شي ومافيها شي مفيد ولا لنا مصلحه فيها .. والحمدلله اقتنعت .. يعنـــي .. انا ماروم اضيف شي من عندي .. لانه بالفعــل الكلاام اللي قالته اختي الجوود .. عيــن العقــل .. واسمحيلي عالاطالــه.. «®°·.¸.•°°·.¸¸.•°°·.¸.•°®» |
السلام عليكم ورحمة الله وبركاته ماشاء الله عليج عندج اسلوب حلوو في الحوار والنقاش هذااا اولا..^^ ثانيا بدخل في الموضوع الحين المسلسلات يكولي بعمرج اووووووونها تعالج قضايا اي قضاايا اللي تعالجها وكل وحده بس تعرض مكياجها وتنورتهاااا وشو لابسه ومن هالخرااااابيط وصدقج اليهال قاموا يتخبرون عن شي نحن نستحي نقوله والله شي يور القلب لازم هالإثارات والاغتصاب والبلاوي ولا ما بيسوون مسلسل.. انا عن نفسي والحمدالله ما اتاااااااابع شي ولو تابعت احس عمري بقز منهن "ذاااااااااك اليوم الوالده يالسه تشوف الحلقه الأخيره من مسلسل عيون من زجاج يلست ويااااااااها اقولها هذا اي مسلسل وقالتلي وعقب قمت اتخبرهاااااااا هذا شو قصته ويلست تقولي هذااااا الضارب مع عمه هذااااااا اغتصب ذييك والللللله الغالي لاااااعت كبدي شووووووو هالمصخره في ذمتيه شي يعور القلب وين مسلسلات زمان " خالتي قماشه ، درب الزلق ، ومن هالمسلسلات اللي الواحد يوم يشوفها ما يمل...^^ السموووووحه الغلا طولت عليج بس صدق موضوعج اثااارني شوي ربي يعطييييييييييج مليوون عافيه عسب دوومج تقدمين ما هو يديد وحلووو تقبلي مروري...^^ |
تسلمين الغلا ع الموضوع الغاوي فعلا موضوع حساس.. و الملسلات ما تقصر .. جان ما شافوا اعيالنا في رمضان!! بيشووفون الأعادات الحين!! ياااربي و الله اعيالنا الصغار متاابعين لكل القنوات.. كل الي شفته انا "الخراز" يالله الخراز.. مسلسل عرض العقوق.. و التربية الي اتربوها عليها.. كانت من افضل التربيات.. لكن جحود الأبناء كانت بغنى عن اي تربية و اي اهل!! والفكر الحضاري.. بان اي اب و ام.. عاله على الأبناء.. ووجوب تواجدهم في دور رعاية المسنين!! \\ الصراحه المسلسلات الثانيه توني اشوووفهن!!! عجببببببببببببب و ربي عجبببببببب قلنا يناقشون مواضيع هادفه.. و ندهم افكار حلوة.. بس طريقة توظيفهم للأفكار و ترابطها و عرضها ؟!! سخاااااافه لا حدود لها يااااربي ..شو بيصير في الدنيا اكثر مما صار.. احس المسلسلات هذي تروج للظواهر المشينه اكثر مما تناقش الرغبه في محيها.. والمفترض على كل مخرج و كل ممثل او بالأحرى.. كل تلفزيون ان يعيد التفكير بكل شي يعرضونه بس الي انتي غفلتي عنه.. الرسوم المتحركه الحين.. يا اختيه .. اخس من اي مسلسل ذكرتيه.. و الله انها تحمل افكار و تصرفات فضيعه ومن خارج حدودنا العربية و الأسلاميه.. حسبي الله على النفوس الضعيفه.. الي تركض و رى الفلوس .. وتبيع عقول ابنائنا للمجهول يعطيج العافيه الغلا مجرد رأي ^_^ |
أسعد الله مسااكـ وصبااحكـ اختي ... منورهـ الإستراحه بالموضعـ الرائعـ والحساسـ والهادفأ لنقاشـ .. وجهااتـ نظر كثيرة وعدة وجميلة وأسلوبـ قوي وجميلـ وؤثر بالفعلـ من جميعـ الاعضاء ... _ تطرق الكثير إلي أمور عدهـ منها الطرح وطريقة الطرح .. القضايا المطروحه موجودهـ وهذا شي لا يخفى على أحد وماخفي كااانـ أعظمـ , بالفعلـ بعض الطرقـ كانتـ فيه أكشنـ وتشويق وإثارة وهذا شي يتطلبة الكاتب في القصة والمخرج كي يستوعب أكبر مشاهدينـ وحصد الجوائز ومالأخرهـ و تشويق المشاهد للإنتظار لما سيحدث في الحلقة القادمة ,,, وبتفسيرة هذاشي من حقه ومن حق المسلسل أن يأخذ مكانته كي يترك بصمة ويكونـ تسويقة سهل لأي مسلسل اخر في المستقبلـ اي تجاارة وهذا أولـ أمر اصبح الإعلامـ تجارة في سياقـ منحط من قبل المسلسلات الخليجية المقصودة فيما ذكرتمـ , أما في طريقة الطرح نجد مالا يحسب بالحسبانـ من جمع القضية وطريقة طرحها وهذا شي . (( )) .. _ وتطرقـ ايضاا إلى الحلـ وهو الاهمـ في تقنية طرح القضية وكيفية إيصالها لمشاهد من غير مانراهـ منظور محدد يحدد من هويت المسلسل لو روعي فيه كل مانصبو إليه بطريقة ذات نمط حساسـ وكيفية حلها باسلوب يسمو في القمة وهذه حرفة كاتب وتصميم مخرج .. _ وايضاا اصبحت ظاهرة ترويج في وقتنا الحالي للمخرج والممثلـ والكاتب ربما هناك هدف ولا بد ان يكونـ هدفـ لكنـ مانراهـ اقوى من ذلك .. _ واما عنـ الابناء فهي مسؤلية الوالدين والاخوة الكبار لما ينظرونـ إليه والـ tv وسيلة كاي وسيلة أخرى فلا بد من حسن طريقة إستخدامها .. _ وايضااا لا تمنع وأنتـ تناظر كي لا تحاسب من قبل طفلكـ في اي أمر .. _ والاهمـ ايضا إذا منعتـ لا بد من بديلـ بظوابط معينة .. _ وذكرتـ ساابقاا الكاتب والمخرج وايضاا لا أنسى اصحاب القنواتـ أنفسهمـ لما يصبو إليه من جمع اموالـ طائلة في طريقة لا حول ولاقوة إلا بالله .. _ وبا الاخير هذه مسؤلية على عاتقنا نحنـ لاننا مسؤلين اما الله عنـ أهالينا وعن صغارنا والمجتمعـ مسؤلـ عنا من ناحية التوجيه والتوعيه والحمد لله على كلـ حاالـ ... _ وأخير وليس أخر إنه هذا الامر ينطوي على الشخصـ نفسه ومايريد أنأ يشاهدهـ وكيف يفسر الامر بفكرهـ صحيح القضية طرحت لكنـ اينـ الحلـ ؟؟ دمتي بالود والورد وتقبلي مروري وإحترامي وتقديري بوكية ورد مني لك هبوب الهوى |
اقتباس:
والله ياخوي نتحرك وش الي موقفنا ... الواحد لازم يدافع عن نفسه وعن دينه ... يدخلون اشياء تخرب دينا ولازم ندافع ... الله يعين ... تسلم على المرور الطيب ... |
اقتباس:
الا فاضح كلمه فاضح والله شوي شوي على الي ينشاف ... يخسن هذيلا نسن دينهن ونسن انهن عربيات ومسلمات وخليجيات ... امحق الساع ما لقينا الادوار الهادفه الا من شجون الهاجري ولا بدريه احمد ولا زينب العسكري ... حبيبتي تراقلت لكم كل واحد يدور على مصلته واي رقابه تخيل والديج قال شو قال رقابه خليها على الله ... اصلا المشاكل الي ما ندري بها تطلع على التلفزيون وخلاف العرب تدري بها وتم تسويها ... حبيبتي مب بايدنا بايد الي فوق نحن وش بنسوي .؟ ما بنطالع التلفزيون ما نقدر في اشيا لازم مالنا غنى عنها ... هع عندج اكبر مثال فجر السعيد ظاعت عقب اول شافت عرمها اشتهرت قامت تكتب مسلسلات لا تدخل البال ولا الخاطر ... امراض نفسيه شويه قولي الا من الغرور والتكبر الي كاسيهم ... تسلمين الغلا نورتي موضوعي ... |
اقتباس:
ان شاء الله وقريب بتشوفونه هالشي ... بنرفع الصوت فوق وان شاء الله يفيد ... ربي يسلمج ... مشكوره على المرور ... |
اقتباس:
هذي هي اخره هالمسلسلات الضايعه والفاسقه ... حرام اصلا هالشي يهال بعده تفكير صغير وصغير وايد بعده م نضج يفتحونهم على هالاشياء بس شو نقول حسبي الله ... مشكوره الغلا ... مسموحه بالحل ... |
اقتباس:
مشكوره الغلا تسلمين ... صح يعني الواحد يوم بيعالج قضيه بيعالجها بشكل حلو ولايق ومحشم مب تخلع وتعري استغفر الله ... ترا الموضه الحين المسلسلات ما تستوي الا اذا فيها شي حرام مستحيل جنه العالم بيوقف لو يسوون مسلسل شرات العالم والناس ... اكيد بتلوع جبدج جان الا فيها اغتصاب وضرابه اصلا هالمسلسلات تخلق فالانسان شراسه والله ... " ليت زمن اول يعود " ومسلسلات اول تعود ... بس " ياليت ما تعمر بيت " والله يعين يالغاليه ... مشكوره على الطله الحلوه ... |
اقتباس:
اكيد علشان المسلسل ما يخسر ... الخراز يحكي قصه واقعيه وكان صدق هادف لان فالاخير الابو والام صاروا في مامن اكثر من عيالهم ولا حصلوا شي من عيالهم والعيال ما حصلوا شي من ابوهم ولا امهم الا وحده الي هي بنتهم لانها كانت بالفعل بنت ينشد بها الظهر لانها كانت واقفه وياهم ... والواحد ياخذ العظه والعبره من هالقصه وكان قصه محتشمه مافيها شي الا يمكن اللبس القصير شوي كان يعني زايد ...! ياحبيبتي التوظيف للفكره بكبره غلط يعني انتي تبين تدخلينها من الشرق هم بيدخلونها من الغرب يعني انتي تبينها بطريقه ما تخالف دينا هم لا لازم في شي يخالف عاداتنا وتقاليدنا وديننا الحنيف ... لا انا ما غفلت عن هالشي تكلمت عن هالشي في ردودي على الاعضاء ... والرسوم المتحركه الحين يبينون لج كيف البنت تحب الولد وكيف الي يحب البنت وهي تحب غيره وباني الكره والحقد في قلبه على حبيب حبيبته وغيره من مصايب الطفل ما يستوعبها ... الله يعين ياختي ... مشكوره على المرور ولا تحرمينا من طلتج ... |
اقتباس:
تسلم النور نورك ... ياخوي قلنا اثاره وتشويق بس ما توصل للاغتصاب والتخلع والتشلح وقول كلام ما يدخل العقل " العجز الجنسي وغيره " اوك خل يترك بصمه حلوه مب بصمه مشينه واظني الواحد يوم بيترك بصمه يترك بصمه حلوه مب بصمه اغتصاب او اعتداء او غيره ... كلمه سياق منحط هذي شويه ووايد شويه بعد على هذا الي يطلع والي نشوفه ... اي حل الله يخليك هم اونهم اونهم منيه يحلون المشكله وهم ما يدرون انهم يزيدون الطين بله ... اسمع ترا مافي هدف من هالمسلسلات الا هدف الظياع وهم ما همهم مصلحه المجتمع همهم نفسهم ومصلحتم ليش مسلسلات اول وكتاب ومخرجين ممثلين اول شو كان هدفهم .؟ كانوا يمثلون بشرف باحترام يمثلون وهم رافعيين روسهم لانهم يدرون ما يسوون شي يغضب الله ... انزين والوالدين مب مخلين عيالهم سايبيين ومب مراقبينهم ترا والله مراقبين ومشددين بس اذا انت بتخلي القنوات العربيه والخليجيه ترا الظياع يطلع منها شوف دبي وشوف mbc الي هي مسؤوله عنها السعوديه وشوف الراي وغيرها وغيرها من القنوات ... انت قلت ان الامر ينطوي على الشخصـ نفسه ومايريد أنأ يرى بس الشخص بيطالع وبالاول ما بيفهم بس يوم بيشوف الكارثه يمكن ما يرد لهالمسلسل بس اذا شاف تعداد في هالمسلسلات الي تطلع هالكوارث وش بيكون موقفه ...؟ الحل ان نحن نكون يد واحده ونحارب هالكتاب والمخرجين الذين خلعوا ملابس الحياء والخوف والخشيه من رب العاليمن ... وتسلم على مرورك ولا ترحمنا من طلتك ... |
مرحبا صدقج والله المسلسلات الخليجية صارت افلام اجنبية افضع مسلسل شفته عيون من زجااج والله قلة ادب وإذا قلت لهم شو هالمسسلات قالو نحن نناقش قضية المجتمع !! اي قضية هااي ؟؟ ومب بس المسلسلات حتى الرسوووم وبالذاات قناة mbc3 واصلا نحن نرمس وناقش ومن اللي بيسمع ؟؟ والله انهم ينعدوون بالأصابع اللي مايشوفون مسلسلات تسلمين عالموضوع وربي يعيطج الف عافية .. |
ماقصرم الاعضاء .. بس نقطة.. ليش احن سامحين بالتلفزون .. يكون في مكان منفرد .. لو يكون في مكان عام مثل الصالة والاماكن الي يلسون فيه العيلة بشكل كبير احسن.. عشان توعية للصغير وربج مستعان .. |
هيه والله صدقتي بكل كلمه وبكل حرف قلتي استوت ها السوالف عادي من كثر مايطلعونها وخاصتا المسلسلات والله صدقج اليهال بسرعه يفهمون وعشان جي مفروض مايطاعون ها المسلسلات وربي يعطيج العافيه ع الموضوع الرائع نتريا الزود منج ومن مواضيعج النايس انشاء الله |
اقتباس:
الا قله ادب سكتي دخيلج قله ادب شويه بعد ... اصلا هم هذيلا بروحهم قضيه يبا حد من يناقشها ... هيه وهذا هو القهر ... ان شاء الله حد يسمع ليش فاقدين الامل ...؟ مشكوره الغلا على مرورج ... |
اقتباس:
منو قال .؟ مب كل الناس ... التلفزيون وين ما يكون المشكله مب مكان التلفزيون المشكله الي بالتلفزيون ... ان شاء الله ... يسلمووو على المرور ... |
اقتباس:
اكيد لان الواحد كثر ا يشوف الشي الغلط ويسمع به تصير شي عادي ... اكيد ... يعافيج خيتي ... ان شاء الله ... تسلمين على المرور الطيب ... |
قريت بعض الردود . . . صح الاهل لهم دور فتوعية اعيالهم لكن الاب او الام كم بيزخون عن اعيالهم ترى شوارعنا صارت جذه كل يوم والثاني إخويه يطري لي قضيه او اختي ترمس عن قضايا البنات فالمدرسه يعني كل ما اسمع بشي فخاطري انتف شعر راسي من الصدمه يت عالمسلسلات والا التلفزيون الحين الواحد يوصل عمره 10 اسنين السانه اطول عنه والمشكله مب سالفه جلة تربيه او شي المصيبه من ربعه فالمدرسه وغير هذا اخويه اذا بيشوفنا انشوف مسلسل يقول لنا حطن فلم اجنبي ولا تناظرن هالخليجيات !!!!!!!!!!!!! لأن خلاص الحال انجلب الحين حتى الاجانب يستغربون منا وهالظواهر اللي تظهر والطفرات اللي تستوي مره وحده مب من شي من جلة التوعيه وعدم حرص الاهل على الاهتمام بهالجانب ورا كلمة ( عيب ) ترى مجرد ما نقول لليهال عيب على طول تتكدس الاسئله فخواطرهم ليش عيب شو الموضوع بالضبط وهالشي هو اللي يدفعهم انهم يحاولون يكتشفون هالخربطان وخطوة اكتشافهم لها اتودي المجتمع بكبره بألفين داهيه يعني المفروض اوضح للياهل الصح من الغلط وبعدين امنعه منه لو ماقدر اوضح هاك التوضيح ما ألجأ للجذب عالاقل اوعده اني بخبره فوقت ثاني او اني اخبره بشكل مبسط وبطريقه اخليه يبتعد عن هالشي بارادته مب بارادتي انا ^_^ والسموووحه عالمغثه |
يسعدلي مساك ... مرحبابك خيو ... _ هلا وغلا بكـ طااالـ عمركـ ومسااكأ ياماالـ الغنيمة والله ... _ ومرحباا مليونـ طاالـ عمركـ .. تسلم النور نورك ... _ يسلمـ غاليكـ ومغليكـ طاالـ عمركـ .. ياخوي قلنا اثاره وتشويق بس ما توصل للاغتصاب والتخلع والتشلح وقول كلام ما يدخل العقل " العجز الجنسي وغيره " _ طاالـ عمركـ أنا قصدي كلـ شي يحتاج في وقتنا الحاليـ لإثارة وتشويقـ وانا معكـ بالكلامـ بس قصديـ إنه المخرج أو الكاتب أو الممثلـ عملهاااا بصيغة خاطئة جدااا أصبحت كمااا العروضـ في المحطاتـ الآخرى ... اوك خل يترك بصمه حلوه مب بصمه مشينه واظني الواحد يوم بيترك بصمه يترك بصمه حلوه مب بصمه اغتصاب او اعتداء او غيره ... _أنــأ معكـ وهذا واقعنا طيبـ وهو بنظرهـ إنه الواقع إذا بيحل قضية لابد من طرحها بشكلها الواقعي كي أحلها وهذا ليس بصحيح وليست كلـ قضية لابد من طرحها هكذا وأنا معكـ بأن طرحه خاطئ جدااا ويشوبه عيوب وأمور لا يحمد عقباها .. كلمه سياق منحط هذي شويه ووايد شويه بعد على هذا الي يطلع والي نشوفه ... _ كلامكـ جميلـ طاالـ عمركـ الكلمة قليله ولكنـ المرأ لا بد أنـ يترفع عن اي مقامـ فيه خلل حتى في الحوار كي يبدي ويناقش بصورة جميلة ويستوعبة الكلـ معـ إحترامي للكلـ طبعا .... _ وبالفلعـ كثير إلي نشوفه وهذا أمر ملزومة فيه هيئة الرقابة في وزارة الإعلامـ عنـ المجتمع والاسرة والفرد في البيت .... اي حل الله يخليك هم اونهم اونهم منيه يحلون المشكله وهم ما يدرون انهم يزيدون الطين بله ... _بالفعلـ ووجهة نظر أحترمها .. بسـ كلـ وله وجهة نظر حنا علينا إنه ننصح ونقول وإذا بيدنا شي نغيرهـ لحديث الرسولـ صلى الله عليه وسلمـ ... عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم ... اسمع ترا مافي هدف من هالمسلسلات الا هدف الظياع وهم ما همهم مصلحه المجتمع همهم نفسهم ومصلحتم ليش مسلسلات اول وكتاب ومخرجين ممثلين اول شو كان هدفهم .؟ _ هدفهمـ إنه إلي يعملونه رساله واجب تاديتها بصدقـ والمراعاهـ , ولكنـ هلـ نقارنـ الماضي بالحاليـ صعب شوي وحتى لو قارنا لنـ تتم المعادلة وتكتملـ لأن ساابقا لها موازنة واي امر يتمـ لا بد من مراعاة الظوابط ومراعاة هويت المسلسل والفلمـ والمنشأ والبلاد وامور كثيرة .. _ الآنـ ينظر لهذهـ الامور ولكنـ بطريقة اخرى همـ اعلمـ بها ومنها الإيجابي ومنها السلبي ... كانوا يمثلون بشرف باحترام يمثلون وهم رافعيين روسهم لانهم يدرون ما يسوون شي يغضب الله ... _ رائعـ هنا نقطة رائعه وفكر اروعـ سيدتي وهذا هو واجب أصحابأ الشءن القدامى او السابقين في توعية الجيلـ الحالي كي يستوعبه الاجيالـ القادمة بأساسيات وركائز مترابطة وصيغ ذات رعي في الدين والحشمة والكرامة لكلـ قضية باسلوبـ ورنقـ رائع وفكر وسيناريو يشد المشاهد في معرفة حلـ القضية بطريقة يحبها الكلـ ويفهما المتلقى ويرسلها لغيرهـ ... انزين والوالدين مب مخلين عيالهم سايبيين ومب مراقبينهم ترا والله مراقبين ومشددين بس اذا انت بتخلي القنوات العربيه والخليجيه ترا الظياع يطلع منها شوف دبي وشوف mbc الي هي مسؤوله عنها السعوديه وشوف الراي وغيرها وغيرها من القنوات ... _ مو كلـ والدينـ ترى ومو كلـ شخصـ لأنه كلـ له عمله ودورهـ في الحياة كل ينمى اسرة ويحافظ عليها وأصاابعكت ليست سوية أختي ... _ وأما بشأنـ رؤؤس الأموالـ أو أصحابـ القنوات فهاذا يرجع عليهمـ وكيفية تفكيرهمـ وماهي أهدافهمـ وهي مؤسساتـ إعلامية عندها ظوابط وشرائع قائمة عليها وإن وجد بها خللـ هو ينتصب عليها وكلـ مسؤل مسؤل عن رعيته سوء لأصحاب القنوات أو أصحاب رؤؤس الاموالـ أو المدراء أو المشاهدينـ ... انت قلت ان الامر ينطوي على الشخصـ نفسه ومايريد أنأ يرى بس الشخص بيطالع و بالاول ما بيفهم بس يوم بيشوف الكارثه يمكن ما يرد لهالمسلسل بس اذا شاف تعداد في هالمسلسلات الي تطلع هالكوارث وش بيكون موقفه ...؟ _ موقفه شي راجع له وأنا مصر على كلامي كل شخص مسؤلـ عن نفسه والقنواتـ كثيرة ويمكنه التغيير ويمكنه مسح مايريد وترك مايريد ليس الامر ينطوي على فئة معينه بالمجتمع بل مجتمع بأكملة وهنا تقع المصيبة وهذا شي لا اريد ان أخوضـ فيه وإسمحي لي سيدتي .... الحل ان نحن نكون يد واحده ونحارب هالكتاب والمخرجين الذين خلعوا ملابس الحياء والخوف والخشيه من رب العاليمن .. _ بالفعلـ وهنا جوهر حديثك يبرز كمااا السيف حينما تسله من غمد الفارس الشجاع ولكنـ اينـ هذا المواقف كي تظره أو نظهر بها ومن هو الذي شوف يقودنا لها ... _ أقولـ لكيـ قوت إيمانك وقوة وازعك الديني وحرصك وحبك على مجتمعـ أبهرني كثيراا وهو مانريدهـ في عصرنا هذا ... _ أرسلتني بكوكب لمـــا أجد فيه سواكـ وفكركـ الواضح بساطه وحبرك مااء سمائها ... ... وتسلم على مرورك ولا ترحمنا من طلتك ... يسلمكـ رب البيت من كلـ شر ومن كل عين ومن كل مخلوق يضر يارب أباوب الجنة أبوابك يارب يارب يسعدكـ وأسف على إطالتي وإسمحي لي دمتي بالود والورد إحترامي وتقديري تقبلي مروري هبوب الهوى |
يسلموووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووو ع الطرح الجميل الممتع |
اختي انا وياج فـ ك كلمه قلتيها ... ان هالمسلسلات مسيئه للدين ولعاداتنا وتقالدنا بعد ... بس !! ... الأهل بعد لهم دور فـ هالشي ... صح انه مستحيييل ايتمون يراقبون عيالهم 24 ساعه ... بس يرومون يمسحون القنوات اللي فيها هالاشياء ... ومب بس التلفزيون ... في النت وغيره وايد ... ولمفروض ان الاهل ينتبهون لهالشي ... و يفهمون عيالهم شو الغلط وشو الصح ... والسمــــــــــــــــــوحه ... ...اختج ... |
وعليكم السلام ورحمه الحمد لله يسرج الحال ..اشحالج..حبوبه تسلم يمانج غانتي على الطرح المميز والأكثر من رائع.. والله مب عارفه شو اعلق ع الموضوع... بس الله يهديهم بس اللي نحن نشوفه...شي يزيد عن حده..والله حتى هالسنه ماتابعت ولا مسلسل.. لأنه اللي أسمع شي مب طبيعي وانا عندي ما شا الله اخوان وكلهم اصغر عني يعني كيف الواحد بيتابع.. وهم عاد ما شاءالله يندمجون.. وبأخير المسلسلات الخليجية...استوووووت وع وع وتقبلي ,,مروري خويتج... فديتــــــــــــــــني ظبيانيهـ |
وعليكم السلام ورحمة الله وبركاته صبااح النووور والسرور .. الحمدالله ع كل حال من صووبج .. وين الاول وين الحين .. فرق بين السمااء والارض .. الحين كل شي مسموووح يعرضوون لي يبوونهـ لا حد يقولهم ممنوع ولا حد يقوولهم شي .. كم بتحرم الياهل من التيلفزيوونـ .. لو بنخليهم يطالعون الرسوم زين بعد .. كل هلـ المسلسلات كلام فاااضي ولا عندهم شغلـ يوم يعرضووهن .. اي قضااياا يعالجونها .. الا دماار في دماار .. مانقوول غير الله يهديهم .. وتسلمييييينـ الجووود ع الطرح المووضووع .. الله يعطيج الصحه والعااافيه نرقب اليديد واسمووووووحهـ ع الاطاالهـ .. |
| الساعة الآن 03:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir