|
:: لــو بغآنــــي هو رقــــﮯ لـي ♥ ولا أنـا مــا أنـــ’ـزل لــه :: مرحبــــــــــــــــــآ [align=center]شحآلكم .. وشخبآركم .. وشو مسوين طبعاً هـ القصة كتبتهـ’ـآ بداية 2009 وانتهيت منها قبل رمضـ’ـآن .. وهي ثاني قصـ’ـة لـــي :5: وإن شـ’ــــآء الله تعيبكم مثل قصتـي الاولى { القلب ماهو لعبة بيدينك يا فلان } :3: حين تملأُ كفيْـكَ من قمحِ القلب .. كي تـُطعِمَ أرواحهم الجائعة .. ثم يخذلونَ إحساسَك النبيل .. فلا تعاتبْهم ..!! حين يتباكونَ كإخوةِ يوسف.. ويدّعون الأسى على ما أصابك .. ثم تسمعُ في دواخلهم ضحكاتِ شماتةٍ تدوي .. فلا تعاتبْهم ..!! حين تنثرُ الورود.. وتنشرُ العطور.. وتنتشي كطِفل .. فرحاً لنجاحِهم .. ثم يشككون في مصداقيةِ مشاعرك .. فلا تعاتبْهم ..!! حين تضٌحي وتعمل الكثير من اجٍلٍهم.. ولكن في المقابل لا ترى سِوا كرهـــُـــــــــهــــــــم.. فلا تعاتبْهم ..!! حين تـُـمسِكُ بأيديهم . وتصنعُ من تضحياتِك سُـلـّماً ليرتقُوا .. ثم ينظرون إليك " بنظرة" النكران .. فلا تعاتبْهم ..!! حـــين تعتزل العالم من اجلهم وتجعل حياتك وطنا لهم ثم يتركونك ويغادرون بلا مقدمات حين تغفر كل أخطائهم وتعفو عن كل زلاتهم ثم ينبشون الماضي بحثا عن هفوة تبرر غدرهم حين تبذل أقصى جهدك لتحقق أحلامهم وتحترق لتنير دروبهم ثم يدعون انك حجر عثرة في طريق نجاهم فقط .. قل : وداعــــاً وإبتســـم ... * ~ :3:[/align] |
«๑彡 الجــــــزء الأول ㄨ● اففففف تعبت بسيير داخل بريح شوي .. هههههههه تعاااالي .. لا تستهبلين بتوهق برووحي .. اتعبي مثل ما انا تعبت .. أنا أول وحده يايه فيكم .. وهااي شيخوو أونها تدلع ومايت اليوم .. يا ويلها مني باجر .. انزين انتي تعالي يلسي وخلصي هااييل .. ولا خليفه ما بيخلينا في حالنا تعرفينه انتي ما يحب يجوف الزحمه .. يلاا ما عليه .. بيلس وبخلص هاييل لين ما يون الحبايب من الصلاه وبنش اوني بسير اصلي وبتأخر بالعمد .. هههههههههه سوي إلي يريحج .. خليفه ورااج ورااج ما بيخليج على كيفج .. انزين بنجووف أنا ولا هو .. ღ اممممم تبون تعرفون منو تكلم ويااي .. احم احم .. أنا جواهر والي وياي هااي ربيعتي الصديقه الصدووقه ههه خوله .. عمري 24 وهي بعد مثلي .. اشتغلنا ويا بعض وفي نفس اليوم قدمنا اوراقنا عالشغل وداومنا في نفس المكان .. سبحان الله .. عاد توني أضارب وياها .. انا تعبت من الشغل والزحمه .. وهالشباب ودرونا اونهم بيصلوون .. بس انا براويهم .. اول ما يردون بشل خولووه وبنفل عنهم ههههههه .. يحليلها خولووه تكرف من أول الدوام لين ما ينتهي .. وانا كل شوي أشرد خخخخخخخ طبعا خليفه هو مسؤولنا .. دوومه يحرج علينا .. بس يحليله طيب ومزاجي .. مرات يضحك وينكت ومافي أحسن عنه .. ومرات يجلب علينا وكله معصب ومضايق .. خصوصا يوم يكون زحمه والشغل وايد .. الله يعينه .. ويعينا عليه ^_^ انا يالسه اسولف وياكم .. واشتغل في نفس الوقت .. اففف هلكت .. تعبت يا نااااس .. ღ انتبهت لخوله يوم قالت لي : وصلوا الحبايب صديت صوبهم وجفتهم مستانسين ويسولفون ويضحكوون .. على طول وقفت ورحت صوب خليفه : خلوف يلا خلهم هالمعاريس يستلمون الشغل ونحن بنروح نصلي .. هلكنا خليفه وهو يضحك : ههههه تستاهلين .. عيل أنا خلوف هااه ما عليه اراويج بعدين قتله : انزين فكني .. خلهم يجابلون الشغل " وصديت صوب خوله " : يلا قومي شو تتريين خلي هاييل ييلسون ونحن بنروح نصلي سهيل يا صوبي وبصوت خفيف : تصلون ولا تريحون هههههه دزيته عالخفيف : جب ما يخصك كيفنا .. عيل انتوا صليتوا وريحتوا وشبعتوا وسولفتوا بعد وتبانا نحن نكرف ويا هالويه انتبهت لخوله .. جفتها بعدها يالسه : انتي اييه يلااا قومي بلاج جي ميته عالشغل .. ترااج لاحقه عليه ما يخلص خوله : فكيني انتي سيري وانا بلحقج .. بخلص هالي عندي وبييج أدريبها ما بتنش .. سرت صوبها ويريتها من ايدها : يلاا جدامي قوومي خوله : هههههه انزين يايه يايه اففف منج عنييييييده حسبي الله عليهم استغربت : على منو ؟ خوله وهي تضحك : هاييل الي ما يخلصون .. تعبونا دخلنا حجرتنا وقفلت الباب عشان محد يلعوزنا : ههههههه زين والله أول مره اجووفج تسبينهم شلت قوطي الكلينكس وفرته علي : انجلعي يلاا خليني اتوضا ههههههه " طبعا هاي الحجره مسوينها حق الراحه .. يعني الي يبا يصلي فيها أو نتريق فيها .. " اممم بسير اييب ماااي .. افف شو بيفكني من لسانهم الحين .. فتحت الباب .. لقيت واحد واقف جدامي ومعطني ظهره ويسولف ويا سهيل .. اممم اكييد هذا سالم .. عاد هو مغطي علي وماقدر أطوف .. دزيته عشان يقوم عن طريجي : سلووم افففف ساد الدرب قووووم ضحك ولف صوبي : آسفين والله ههههههه ويييه انصدمت : عـــــآآآدل ؟!! فشيييله من وين طلع لي هذا : سووري عبالي سلووم ما انتبهت عدل عادل : لا عادي حصل خير .. شحالج وشحال إخوانج اففف ابا اشرد منه : بخييير .. كلهم بخير سهيل هالفشييله : هههههههههه خلها محرجه علينا قبل شوي .. سرنا نصلي وخليناها ويا خوله يجابلون الشغل .. يحليلهن شكلهم انكرفووا عدل ههههههه طالعته بقهر : ما برد عليك وبكون أحسن عنك " ورحت عنهم " دخلت عند خليفه المكتب .. جفته يعابل فالاوراق .. أنا اراويك يا سهيلوووه : خليفه مشغول ؟؟ طالعني وقال : انتي شو تجوفين جدامج بديت استهبل : اممم اجووف واحد جدامي يالس على كرسي وجدامه طاوله كبيره .. امممم شكله جي مدير أو مسؤول .. المهم تدري انه جدامه اوراق وكان يكتب فيهم .. خليفه منقهر : وشوو يكتب ؟؟ يلست عالغنفه الي جدامه وكملت : اممم اتصدق .. يمكن عنده امتحان أو يالس يتفلسف وينزل قوانين يديده تساند عالكرسي : امممم أنا أطالع انه يالس يكتب تقرير في وحده ما تشتغل وكله تسولف ويا ربيعتها ومسويه ازعاااج لمسؤولها يالس ينغزني : حراام .. يحليلها شكلها مراوتنه الويل .. يستاهل ويه العنز .. خقااق هو بعد كان بيفرني بالقلم .. بس انا شردت وطلعت برع مكتبه هههههههههههههههههه لمحت سهيل وعادل يطالعوني .. صديت صوبهم وسويت لهم بايدي (( مالت عليكم )) .. ودخلت عند خليفه مره ثانيه .. سمعته يقولي من دون ما يجوفني : طلعيييي برررررررررررررررررررع مب فاضي لج ضحكت وخليت الباب شوي مفتوح : اممم خلووف والله باخذ ماي وبطلع ما بسوي شي طالعني :لا والله .. يعني ماشي ماي هناك فالحجره هاييج ؟؟ قتله : فيي بس الثلاجه خربانه والماي حااار رد عينه عالاوراق وقال : زين خذي وفكيني سرت صوب الثلاجه وخذت دبتين ماي .. ما كلمته عشان ما يسوي فيني شي .. وصلت عند الباب وصديت صوبه .. طالعني : في شي ؟؟ قفطه : هااه .. لااا مافيني شي خليفه : عيل شو تبين .. الماي وخذتيه .. يلا ذلفي اففف منه يقهر : انزيييييييين بطلع طلعت من مكتبه .. وقبل لا اسكر الباب فلعني بالقلم وياه على راسي .. رديت بطلت الباب جفته ميود قوطي الكلينكس في ايده : هههه قولي شي بتحصلينه عويهج على طووول اشرت بايدي : خلااص تووبه .. ههههه وبندت الباب رحت صوب الحجره .. طالعت سهيل بنظرات اوني اكرهه لانه كان يطالعني وقلت : بلااك جي تطالع سهيل : عندي لج رساله من عادل .. استغربت : رساااله ؟؟ سهيل : هيه .. قااااااالييي .. اممم شو بتعطيني اذا قتلج ؟؟ افف بدينا بالمذله : عن الحركات قول وفكني سهيل : عيل كيفج ما بقوول .. واذا تبين تعرفين سيري عنده وبيقولج بلساانه " وعطاني ظهره اونه بيسير " افف ابا اعرف شو قال عادل ولا مابي مذلة هالعنز : انزيين بعطيك اممم ماعرف شو تبا تم يفكر حضرته : مابي اخسرج وايد .. نزلي تحت وييبي لي نسكافيه من المكينه وبس ^^ حطيت ايدي على خصري : لا والله ضحك علي سهيل : ههههههههههههههه خلاص اشفقت لحالتج .. مسكين ماقال شي قتله : سخيييييييييييييييييييييييييييف " ودخلت الحجره " خوله وهي توها مخلصه الصلاه : انتي وييينج تأخرتي ؟؟ عطيتها دبة الماي : طلعت من هنيه كنت بسير ايب ماي .. ولا عادل وسهيل في ويهي " جفتها تسويلي حركات بعينها " قتلها : بلاااااااااااااج !! خوله : عــــــــــــآآآآآدل .. هاااااه حبيب القلب شو يسوي هنييه ؟؟ ضربتها على راسها : جب .. ما يخصج .. ياي يطمن علي .. تراني حبيبته وما أهون عليه اكرف فالدوام وما يطمن علي .. حمــــــــــآآآآره خوله : هههههههههه انزين ليش تأخرتي هالكثر ؟؟ رحت صوب الحمام : مريت على خليفه ولعوزته شوي .. وخذت الماي وردييت خوله وهي تقوم من سيادة الصلاه : اهااا .. وين يلا صلي وانا بروح اجابل الشغل لفيت صوبها : يا وييلج ان شبرتي باب الحجره .. خليهم يكرفوون ويحسوون مثل ما انكرفنا نحن خوله : خخخخخخ حراام عليج .. بسير اساعدهم تعرفين اكيد زحمه عندهم ^^ قتلها : جب ماااشي .. سرت صوب الباب وقفلته وخذت المفتاااح .. يلاا طلعي الحين على كيفج حبيبتي خوله : عنز بتمين عنز ..هههههههه قتلها : طالعـــــــه عليييج يا حلــــوه ههههههه " ورحت اتوضـــــــــآآآ " • • ღ اففففففففف هالامتحان الوحيييد طلع صعب .. لأنك تكره الماده عشان جي صعب عليك .. جب جب لا تتفلسف عليه .. ههههههههههه يحليلك والله .. مشكله الي بسرعه يحرجوون .. بس انطم .. الله يخسه هالاستاذ اكرهه واكره مادته وفوق كل هااا الامتحان طلع صعب .. بس ان شاء الله ما يرسبني هالسباال .. هههههههههههه اتخيل عااد كلنا نجحنا وخلصنا الثانويه وانت الوحييد اتم وترسب خخخخخخخخ جب جب اففف من لسانك برسب استغفر بسرعه .. لا والله ليش ما تجرب الرسوووب .. تراني جربته .. لا والله .. انت مجربنه صف ثانث ابتدائي مب الحين ويا ويهك .. اخيييج جووف منو عند الباب .. منوو ؟؟ سلوووم مال صفكم هالعنز .. مادري ليش اكرهه .. طاااع شكله زفت .. ولا نظراته السبال طااع كيف يطااالع .. والله خاطري اسيير عنده وادووس في بطنه .. ههههههههه خييبه كل هالكره ليييش شو سوالك هو .. ما سوالي شي .. هيه عن يسوي هو بجتله بإيدي .. وانته جييه موقف بعييد اليووم ؟؟ ما لقيت بارك فاضي هنييه جرييب .. انزيين يا حبيبي انته .. تقدر تركب السياره وانا بتريااك هنيه ^^ لا والله بشكارك انا ..اممم ولا اقوول اوكي عاادي ما عندي مانع انته بس اوقف هنييه وتريااني اوكي .. لا لا ما فيني عن يتيمعوون هاييل عليه تعرفهم ميوع عفاني الله .. هههههههه اوكي الحقني .. باااااااااااااااااي .. اييييييه اوقف عن الحركاات .. تعاال انزين .. مابا ماحب اراكض جدامهم فشييييله .. والله مشكلتك يوم تيلس تدلع بالقووو >> وركض صوب السياره ... ღ هـــــــــآآآآي .. شحالكم ** أنا اسمي أحمد >> لقبي أحمدووه ^^ وهذا الي وياي ربيعي محمد >> لقبه حمووود ^^ يحليلي عاد توني داش الــ 18 .. وحموود اكبر عني بسنه يعني 19 .. وتونا مخلصين من امتحان الفيزياء .. اكره هالماده ومدرسها .. تدرون لييش .. لان في مره من المراات >> قام يتفلسف هههه >> المهم .. كنت يالس اضحك في حصته وعااد هو جافني وعصب علي وخلاني اشل طاولتي وايلس ورا آخر شي فالصف .. عاد من هاك اليوم كرهته .. المهم .. طبعا نحن الحين عيال الثانويه العامه .. وباجر بيكون آخر امتحان لنا وهو علم النفس .. أحلى ماده عندي .. ღ تميت أسرع خطواتي عشان أوصل بسرعه للسياره .. كنت أمشي وانا اسمع تعليقات الشباب عني .. مرات كنت استانس يوم اسمع حد يتكلم عني .. احس اني الفت الانظار واكتسب شهره .. بس مرات اتضايج واحس كأني عاله على المجتمع وعلى نفسي ..!! هلا والله .. وقفت فجأة وأنا أطالع هالشخص الي ظهر لي فجاه : بسم الله شو جايف جني جدامك .. قتله : سعوود خوز عني .. مب فاضي لك سعود : انزين انا اتصل فيك ليش ما ترد عليه .. والله ما باكلك بس بسولف ويااك تميت اطالع يمين ويساار : انت شو تبا مني .. ما با اسولف ويااك غصب هوو ؟؟ سعود : اشمعنى تسولف وتتعرف على غيري وانا لا ؟؟ قتله بقهر وانا مسكر على ضروسي : لاني مادانيك ولا اواطنك بعيشة الله .. قووم عن ويهي ! وقفني وقال : لا حبيبي مب على كيفك .. انا اباك تكون لي بروووحي فاااهم..!! دزيييته بكل قوتي : اوووهووووووو خوووز عني يالسباااال .. اكرهك " وركضت لين السياره " جفته يلحقني .. بس احمد ربي اني وصلت للسياره بسرعه وفتحت الباب وركبت : بسرررعه اقفل الباااااااااااااااااااااااب اقفللللللللللللللللله حموود : خييبه شو يبا منك هاااه رديت عليه وانا خايف واتنافض : اففففف منه حسبي الله عليه .. اونه ليش ما تباني ومادري شو من زييينه هالعنز حموود : وييه خلينا نفل ونشرد منه قتهل : يلااا بسرعه الحمدلله انا رحنا قبل لا يوصل عندنا .. تبون الصرااحه .. وايد تعرضت لهالمواقف فالمدرسه !! سألت حمود : وين بنسيير حمود : كالعاده .. قتله : اهااا .. حمود : عاد باجر آخر يوم بنجووف فيها المدرسه قتله : لا تألف .. تراك بتي تاخذ الشهااده هههههه حمود : ها ها ها سخييييف ورن مبايل حمود ... تم يبربر وعقب بند .. سألته : منو هااا ؟ حمود : هااي رشوود متصله وتسال وين وصلنا .. قتله : اهاا هو وينه ؟ حمود : فالممزر يتريانا قتله : هيييييه .. بتسيرون الستي ؟ حمود : هيه بنتغدى هناك قتله : اهاااا .. عيل بكلم اختي وبخبرها اني بتغدى بررع وصلنا الممزر وقفنا السياره ونزلنا منها ورحنا صوب سيارة رشوود وركبنااه .. وانطلقنا متجهين للستي سنتر ^_^ • • ღ اففففف وينها هااي تأخرت .. " يت من وراها " هـــآآي .. " صدت صوبها " تو النــاس .. جان يلستي بعد وسولفتي ويا الباجين وعقب تعالي .. ترى عادي الجو روووعـــه .. ههههههههه فدييييتج والله كنت أبا أتأكد من الأجوبه .. تدريبي لازم اتأكد من كل شي قبل لا أطلع .. انزييين فكيني .. حررررر موووووووت اففففففف وينها اختج ماجووف سيارتها .. " تمت ادور حولينها " هيه والله .. شكلنا بنخيس اليوم .. هههههه عادي حبيبتي أنا خست من زمان .. الدور عليج .. " طلعت مبايلها واتصلت في اختها ... " تعالي بنوقف هنـــآآك تحت الظــل .. يلاا .. ღ احم .. احم .. شحــالكم .. أنا اسمي " سعــاد " .. صف أول ثانوي .. والي وياي هااي ربيعتي الروح بالروح " منى " .. وياي في نفس الصف .. واليوم كان عندنا امتحان عربي .. ورقة أولى وثانيه .. يعني فترتين .. عــآد انا خلصت الفتره الثانيه وطلعت قبل منى .. والحبيبه تبا تسوي نفسها فيلسوفه .. بسكم عــــــــآآد ^^ ღ تريينا حوالي ربع ساعه .. ويت اخت منى .. رحنا صوب السياره وركبنا : سلام عليكم سلامه : وعليكم السلام .. شو الامتحان رديت عليها : اممم زين مشينا الحال .. اما عند اختج اكيد بيكون ممتاز منى بأرف : وييييين ممتاز .. ما جفتيني تأخرت .. كان معقد شوي قتلها : لا والله كان شوي سهل ههههههه سلامه : هههه اونه شوي سهل سكتنا شوي .. سلامه : امممم باجر أي امتحان عليكم ؟؟ منى : احيـــاء سلامه : زين الله يوفجكم وتنجحوووون وتيبون النسبه الحلوه .. مادري ليش ارتاح لهالانسانه .. منى غير عنها .. هي وايد طيبه وتحب الخير للكل .. اففف مقهووره .. أحمدووه باجر عندهم آخر امتحان وبيفتكون من شي اسمه مدرسه .. وصلنا صوب بيتنا : يلا مع السلامه منى : اقولج .. بتصل فيج يوم بوصل البيت .. ابا انقل اسئلة كتاب النشاط مال الفيزياء أوكي ؟؟ قتلها : أوكي " وسكرت باب السياره " دخلت البيت .. دووم أول ما ادخل اذكر ماماتي كانت تترياني عند باب الصاله .. أول ما ادخل البيت كانت تسألني عن امتحاناتي .. دراستي .. شو سوينا فالمدرسه .. " الله يرحمج " مسحت دمعه صغيره نزلت من عيني .. لازم أكوون قويه وما أضعف .. الحادث صار له اكثر عن 3 سنين .. دخلت الصاله ورحت صوب حجرتي انا وجواهر .. حطيت كتبي ومقلمتي ع المستواليت .. ورحت اتغسل .. بدلت ثيابي .. تذكرت جواهر .. رحت صوب التيلفون ودقيت على رقمها .. رن رنتين وردت : هلا سعاد : أهلين جواهر : هاا شو الامتحان سعاد : خيييبه تخيبج .. اسالي عن حالي أول .. صدق مافيج خير جواهر : هههههه فديييتج يلا انزين خبريني شو الامتحان سعاد : أممممم زين لا صعب ولا سهل جواهر : اهااا يالله الله يوفقكم وتنجحيييييين سعااد : مشكوووره زيدي من هالدعاوي جواهر : حموود رد ؟؟ سعاد : لحظه بجووفه صرخت بصوت عالي : حمووووووووووووووود سمعت صوته : هاااااااااااااااااااا قتله : شو تسوييييييييييييييييي رد علي : مااااا يخصصصصصصصصصصصصصصصج قتله : اوكي سبااااااااااااال وااااااااااااحد رديت لجواهر : هيه موجود جواهر : اهاا زين .. واحمدووه تراه اتصل فيني قال بيروح الستي وبيتغدى هناك أظني سعاد : اففف لا تقهريني .. جواهر : ليش ؟؟ سعاد : باجر آخر يوم بيجابلون فيه المدرسه بعد شو جواهر : خخخخخخ انزين عادي انتي شدي حيلج وبيبقون لج سنتين وبتخلصين سعاد : وااااااااااااااااااااايد جواهر : في عينج واايد .. المهم بغيتي شي لأني مشغوله الحين سعاد : لا بس جي مادري اتصلت ههههههه جواهر : انزين ديري بالج على نفسج .. بخلص دوامي وبييكم سعاد : أوكي بااااااي جواهر : باااي حطيت السماعه .. ورن على طول .. هاي أكيد منى رديت : الووو منى : يلا ييبي كتابج قتلها : يا قليلة الادب الناس تسلم منى : شو ابا فييج الكتاب اهم يلااا فكيني سعاد : حماااره براويج سرت يبت الكتاب ويلست انقلها لين لاعت جبدي .. بندت عنها .. ملل ماعرف شو اسوي .. سرت الحجره وحطيت راسي عالمخده .. وأحلام سعييده ^_^ • • • ღ إلى هنـــا .. فقد إنتهـــى الجـــزء الاول .. أتريــآ رآآيكــم .. نلتقــــــــي قريبـــــــــــــاً ،، |
يـآآويل حـآآليـهـ~ْ طــر وربي طرطريشن~ْ عالعمووم تسلميـن غلاية ع هيك الطرح الكـشووخي~ْ ونتــرقب البـآآرت نيـوو..!* |
السلام عليكم اخويه مب انته الي كنت في سمانا بس الله يخليك لا تتحير علينا في الاجزاء و مشكور |
السلام عليكم ورحمة الله وبركاته .. اشحاالك حبووور ..! عرفتني ولا اعرفك ع عمري لوووووووولز .. شسمة انا كنت قاارية القصه و وصلت البارت الـ 15 مادرى 17 .. بس عقب سكرو المنتدى اللى كنت اقراءه منه ..>< و اليوم قلت بدور ف قوقل عن نكك و حصلته ف منتدي استراحة زايد ..^_^ و فرحت فرح ما فرحت مثله لوولز .. بس شفت انك مب مكمل القصة .. >< .. و بعدك ف البارت الاول :( .. كنت ابي اعرف عبيد الدب شو سوى ف سعااد .. بترياااك لين ما توصل البارت الـ 15 :( .. و قصتك سووى ناايس .. ^^ |
يسلموووووو على القصه ربي يعطيك العافيه خيوووووووو |
بدايه موفجه خيوو .. احس ان القصه بتكوون كشووخيه ^^ ولا اطول عليناا بالبارتاات .. والسموحه .. |
مرحبــــــــــــــــــــــــــــآ شحااالكم وشخباااركم ،، عاد اسمحووولي على الغيـــآب الطوييل ،، انا نزلت البارت الاول وفالبدايه ما لقيت ولا رد ،، بس الحين اجوف ردود حلوه وتشجع اني اكمل تنزيل البارتات لكم ،، ترقبووووووووووووووووني ^____^ |
«彡๑الجــــزء الـــ { 2 } .. ㄨ● ღ .. جواهـــر .. ღ خلص دوامي عالساعه 2 ونص .. شليت أغراضي وتميت أتريا خوله لين تخلص .. يا سهيل صوبي : على وين ؟؟ ادريبه يبا يطفر بي : وانت شو يخصك سهيل : ما تطلعين لين تستوي 2 ونص بالضبط وتدقين كرتج خروج جواهر : لا والله .. منو انت عشن تتأمر علي .. يلاا خوز عن دربي لمحت خوله يايه صوبنا : يلاا خلينا نرووح سهيل : بخبر عليكم خليفه قتله بدون ما اصد صوبه : عادي خبره وبنجووف منو الي بيقفط لبسناه وسرنا صوب السيايير.. خوله : بلاه هذا .. من كم يوم متغير علينا جواهر : مادريبه .. خليه يولي خوله : يلا اجوفج باجر جواهر : مع السلامه .. ركبت سيارتي الحلوه .. مادري ليش أحبها .. وأهتم فيها وايد .. يمكن لأنها هي الوحيده إلي غيرت أشياء وايده في حياتي .. ~>> أدارت مفتاح سيارتها .. التي كانت بالنسبة لهــآآ حلم حياتهــآآ .. الحلم الذي أنقذهــآآ من طلبهــآآ للجيران والنــاس من حولهم // ~ .* رديت ريوَسْ شوي شوي .. مافيني أدعم سيايير الخلق .. أذكر مره يايه بركب السياره .. ما جفت ولا سياره ورا سيارتي واقفه .. عاد انا يلست فالسياره وشغلتها وحطيت اغراضي .. وشغلت المكيف .. ويوم بتحرك حطيت (( R )) ورديت وفي بالي ان ماشي سياره ورااي .. وليش ما ادعم خخخخخخ نزلت وهزبت الريال .. والحمدلله كان هندي .. عــآآد السبال سيارته ما استوى فيها شي .. اما سيارتي بس خطوط بسييطه ومسحتها بالكلينكس وخازن .. عاد هو مصر الا يزقر الشرطه .... : ماما لازم في خبر شرطه : اففف انته جوف مافي شي .. خلاص سيير فكني : لا ماما لازم شرطه مشان ها دا ورقه يعطي : اوكي خبر شرطه .. عشان انا يقول انته ييجي مكان غلط وفي وقف هنيه مكان مال مدير : هااه .. اوكي خلاص مافي مشكل انتي ما يريد شرطه خلاص ماما (( Im sorry : حمااار ما تيي الا بالتهديد .. يلاا خلاص سيير طلعت من الباركــات .. وطلعت من مكان دوامــي .. جفت الساعه كانت ~\\ 2:45 //~ شليت مبايلي ودقيت رقم البيت .. تم يرن محد رد عليه .. أممممم سعاد بتكون راقده .. بس حمود أكيد يلعب .. رديت المبايل .. وانتبهت للشـــارع .. ~>> هــــآآ قـــد بــدأأ الزحـــآآم يأخذ طريقه أمــامـــي ... وصلت البيت ووقفت سيارتي بررع عند باب الحوي .. لأن حوينا ما يكفي .. شليت أغراضي من السياره وبندت السيارة .. نزلت وبندت الباب ورحت صوب باب الحوي .. سمعت صوت ياي من بيت جيرانا : جواهر .. جواهر صديت صوب مصدر الصوت .. كانت حصه بنت ييرانا : توج يايه من الدوام جواهر بابتسامه مرهقه : هيييه حصه : اهاا .. خلاص بمر عليج العصر جواهر : حيــأأج البيت بيتج حصه : تامريني بشي ؟؟ جواهر : سلامتج .. وسلمي عالوالده حصه : الله يسلمج .. يلا مع السلامه جواهر : مع السلامه .. فتحت باب الحوي ودخلت .. سكرت الباب ورايه ومشيت لين باب الصاله .. لقيته مسكر .. فتحت الباب ودخلت .. انتبهت للتلفزيون شغال على قناة MBC3 .. أكيد هذا حموود .. تقلت أنظاري حول المكان .. لقيته منسدح عالغنفه وراقد .. سرت صوبه .. هزيته عالخفيف : حموود .. حمووووود سمعت حسه : هممممم قتله : انت تغديت ؟؟ بعده منسدح : هاااااا قتله : انته تغديييت ؟؟ حمود : هممم خليته مكانه ورحت صوب حجرتنا .. فتحت الباب .. لقيت الحجره مظلمه وبارده .. سوالف سعاادوووه انا براويها .. فصخت عباتي وشيلتي وعلقتهم عالعلاقي .. ورحت صوب الستاره وفتحتها مره وحده .. سعاد : ايييييييه بندي الستاره شو هااااا ضحكت عليها : هههههههه أحسن تستاهلين يلست عالشبريه وويها معفووص : بلاج انتي جي حشره ما تخلين الواحد ياخذ راحته في رقاده .. شكلها ضحكني : هاهاهاهاهاااااي .. طاعي شكلج فالمنظره ههههههههههه حسيتها انقهرت .. جفتها تدور شي .. وما لقت : سباااله اراويييج نشت من الشبريه وسارت صوب الحمام .. وانا شليت فودتي وقلت بسبح وبخلص عقب بتغدى .. رحت صوب الحمام وترييت سعاد تطلع .. تأخرت داخل .. دقيت الباب : سعااد سمعت صوت القفل .. فتحت الباب شوي شوي ووايجت برع .. جافتني عند الباب وزاغت .. قتلها : بلااااج نقزتي ابتسمت : هااا .. ولا شي .. خوزي خليني أطلع قتلها وانا حاطه ايدي على خصري : حبيبتي كل هالمجااال مفتووح لج وتبيني اخوووز بعد ليييش ؟؟ سعاد : اوكي تمي .. طلعت .. وراحت صوب الشبريه .. تميت اطالعها ** ابا اعرف شو بلاها .. يلست عالشبريه : يلا روحي اسبحي ريحتج امففف ضحكتني : هههه سخييفه .. براويج بعدين .. لفيت صوب الحمام ودخلت وسكرت الباب .. توني بقفل الباب ولا سمعت دق .. فتحت الباب وجفت سعاد واقفه برع الحجره وراسها داخل .. قتلها : نعم ؟؟ قالت : تعالي شوي ابااج قتلها : سعاادوووه مب متفيجه لج الحين خليني اسبح بعديييييين سولفي .. كنت بسكر الباب بس سمعتها تقول .. سعاد : لا لا انزين جوفييي ها مالج .. طلعت راسي من الباب .. واول ما جفت صوبها .. ولا مـــآآي بــــأأأرد في ويهي .. صرخت : سعاااااااااااااااادوووو يالخاااايسه .. براااااوييييييييييييج سكرت الباب وهي تضحك وشردت .. • • ღ • • ღ .. أحمـــد .. ღ انتبهت للشخص الموجود ورا حمود يالس يطالع .. اففف ماداني حد يطالعني عين بعين .. دقني رشود على جتفي : ايييه بلاااج .. زطييي الاكل بيبرد صديت صوبه : جب رشود : يجبج هههههههه حركت ايدي بطريقة ( مالت ) : مالت عويهك حمود : ايييه بسكم ضرايب كلوو بالزين الناس تطالع قلت : هيه وهااك السبال وراك يطالعني من متى .. اففف ماعرف آكل وحد يطالع حمود ورشود على طوول صدوو يطالعون الولد الي ورا حمود يالس .. عاد هو ما صدق جاف حركاتنا مثل البنات ودلوعين .. نش من مكانه ويا صوبنا .. قتلهم : وييييه حسبي الله عليكم .. فضيييحه ياي صوبنا شو يبا رشود : اوب اوب قام حظج احمدوووه بزنس هاااه ضربته على راسه : أي بزنس ويا ويهك .. مافيني عالمشاكل حمود : أي مشاكل انته بعد .. عيش حياتك عيييش وصل الريال صوبنا وقال : سلام عليكم حمود ورشود : وعليكم السلام صد صوبي وقال : وانت لسانك مربوط ماتتكلم .. سلام بلاش صديت صوب رشود وقلت : عندي ببيزاااات " وعطيته نظره وصديت عنه " قال : هيييه زين كم تباني أدفع لك لمحت حمود ورشود يضحكوون علي .. عصبت : افففف شو تبا ليش ياي ماحيد حد فينا يعرفك ضحك عالخفيف : واااااااال كليتني .. مب مشكله بنتعرف " وصد صوب رشود وحمود " صح يا حلوين حمود ورشود : هييييه صح هههههههه نشيت من مكاني .. رشود : وييين ساير قلت : بسيير الحمام وبرد الريال : هيه خله بيسيير بيعدل الميكب طاالع اخترب الله يخسه اي ميكب .. انا ماحب هالسوالف .. قتله : جب ما يخصك .. " وطفت عنهم ساير صوب الحمام " وصلت الحمام ودخلت .. جابلت المنظره وتميت اطالع ويهي .. ملامحي وايد تشبه البنات .. حسبي الله عليه يالس يطنز .. عله الغص .. تبطل باب الحمام فجأه .. نقزت .. وكان حمود .. قتله : شو هالحركااات الي تسوونها جدااامه ما تستحوون انتو الناس تطالعنا وهذا العنز ياي يطنز بعد .. حمود ضحك : ههههههه ول ول مب لساان .. كليتنا .. هههههه قتله : كنت بضربه الجلب جابل حمود المنظره ويلس يعدل في شعره : واااااي انته ليش مقهووور خلنا نترزق .. والله انه حلووو فدييييته قتله : اوكي بس مب جداام الخلق .. لا ويالس يتفلسف صدق ويهه لوح .. انا ماحب الي جيييي سحبني من ايدي : انزين يلاا خلنا نرووح اكيد رشود قردنته الحين يريت ايدي عنه : مب على كيفك .. حمود انته تعرفني اني اتضايج من حركات رشوود الزايده .. ولا فشييله كله يقولي انتي وتعالي ومادري شو .. نحن مب بنات حمود : هههههه اوييه عادي .. ترانا نشبههم في الحركات قتله : اوكي مب معناته ان نحن بنات .. نحن اولاد سرنا فوق ولا نزلنا تحت بنتم اولاد حمود : انزين يلاا عاد خلنا نستانس ونطلع .. اكيد رااح .. تعرف بعد رشود لو خذت رقمه مستحيل تخليه يتم عشان ما نخطفه منها قتله : اوكي يلااا طلعنا من الحمام .. الحمدلله انه ماكان موجود فكه منه .. ولا كنت صدق بضارب ويااه وبكفخه يوم جافنا رشود نش من مكانه ويا صوبنا : هااا ارتحتي فالحمااام قتله : جب ضحك : هههههههههه مستواااااك هنااك يالزبااله قتله : وانته مستوااك هالزبااله الي تعرفت عليييه حمود : ايييه بس عيب .. خلونا نطلع ساعه اربع العصر .. قلت حق رشود : انزيين .. ابا رقمه خخخخخخخ رشود : لا والله .. مساعه تبا تضارب ويااه والحين تبا رقمه ابتسمت : اممم صح هو حلوو وانا اصلا استانست يوم يا .. بس اسلوبه ما عيبني رشود : ها ها هااا خلاص طااح في شباكي يا حلوه طالعته بقهر : خسج الله حموود : هههههههههه مشينا رايحين صوب الباركات .. نحن دوم جيه ضرايب وضحك ونحط على بعض وجييه عايشين حياتنا الخــآآصــــه .. • • • • • نزلنا من سيارة رشود وركبنا سيارة حمود .. بندت باب السياره : اففف حررر شغل المكيف حمود : انزييييييين ويا هالويه تونا راكبين السياره شليت كتابي وتميت احركه جريب من ويهي : واااااي فيني رقاااد .. تدري البارحه ما رقدت غير ساعتين يمكن حمود وهو يشغل المكيف : حد قالك تسهر هالكثر .. لا وياريت لو تذاكر طالعته بغرور : جب جب عالأقل فالامتحان أعرف أألف وأحل صح مب انته لو تذبح عمرك بتم غبي هههههه طالعني بعصبيه وحرك السياره .. وصلنا صوب بيتنا على وقت صلاة العصر .. نزلت من الموتر وعلى طول حمود راح ما صدق .. طالعت صوب بيت الجيران .. يااااي سيفووه فدييته موجود .. أمممم اكيد بيطلع عقب شوي وبيروح الصلاه .. بس الجو حــآآر وما يساعد بعفن فالشمس .. تحركت صوب الباب .. وقبل لا أدخل جفت سياره يت ووقفت عند بيتنا .. تميت أطالع منو .. ما عرف السياره .. جفت حد ينزل الجامه .. أخييييج هذا عبييدو ربيع نصور أخوي العود .. رحت صوبه ووقفت مجابلنه وربعت ايدي : خييييييييييير .. نصور محد تجوف سيارته مب موجوده عبيد : ول كليتني .. بعدني ما تكلمت انا قتله : ما يحتاي تتكلم .. يلا خلاص روووح نصوور محد جفته بطل باب السياره .. رديت لورا : ايييييه شو تبا يلا روووح بند باب سيارته وتساند عليها : كيفي بتريا اخووك الحين بيوصل من سمعت هالجمله قتله : اهاا خلاص علك تحترق في هالشمس .. وشردت داخل .. صرااحه ما فيني على نصوور بياكلني .. ما أدانييه أكرهه .. كرهلي عيشتي .. دوومه يضارب وياي .. ومب مخلني في حالي .. صرااحه مراات أتمنى لو يموت ونفتك كلنا الي فالبيت منه .. مأذنا كلنا ومب مخلي حد في حالـــه .. دخلت الصاله .. وجفت حمود وسعادووه وجواهر يالسين ويطالعون تلفزيون .. سلمت عليهم : سلااام عليكم جواهر : وعليكم السلام رحت ويلست وياهم : وانتي اييييه جيه ما تردين السلام ويا ويهج سعاد : مقهوووره منك فصخت الكاب عن راسي .. ورديت شعري لورا .. وحطيت الكتاب حذالي : ليش ان شاء الله سعاد : شو ليش بعد .. باقي لكم آخر امتحان وبتفتكوون ويا ويهك تساندت عالغنفة : واااي حره يالعذاااال موتو قهر .. يلااا نشي سيري ذاكري بعد شو تتريين طالعتني بقهر : وانت شو يخصك .. فدييت جوجو بتذاكر لي جواهر : ايييه إنتي .. جوجو في عينج قتلها : ماااالت سعاد : مالت عليك طوووفه جواهر : ايييه اصطلبوا لا أكفخكم .. عن الحشره ما تجوفوني مجابله حموود رديت عليها : حاظرين يا أبلة سألتني سعاد : امتحان شو باجر قتلها : علم النفس .. أسهل امتحان عندي مع انه الماده معقده بس لو تألفين فالامتحان بيطلع صح .. طبعا تأليف عدل مب مال اي كلام سعاد : هممم ومتى بتذاكر ؟؟ قتلها : هو ما يحتاي أني اذاكر .. قاطعتني جواهر : لا والله على كيفك هوو ضحكت : ههههههه خليني اكمل رمستي انزييين .. بذاكر عقب المغرب بس شوي كمراجعه لا أكثررررر سمعت سعاد تسأل جواهر : متى حصووه بتي ؟؟ قلت : حصوووه بتي بيتنا ؟؟ مريوم : هيييه قالت بتي عقب صلاة العصر .. على طاري صلاة العصر .. تذكرت عبيدو برررع .. نشيت من مكاني وشليت كابي وكتابي : ترى نصوور برررع واقف ويا عبييدووه هالخايس وركضت لحجرتي وقفلت علي الباب .. مافيني بعد على حشرة هالأخو اففف منه .. حطيت كابي على المستواليت .. وحطيت كتابي فالسده .. رحت صوب الكبت وطلعت لي جلابيه فريتها عالشبريه .. وشليت فودتي ورحت أسبح .. خلصت سبوح .. وبدلت ثيابي .. شليت سيادة الصلاه وصليت العصر .. خلصت صلاتي ورحت صوب سدة الكتب وطلعت كتاب علم النفس وفايل فيه أوراق حق المراجعه .. وحطيتهم عالشبريه .. امممم شو اسوي الحين .. قلت بروح الصاله شوي وعقب برد ارقد لين المغرب .. رتبت شعري ورديته على ورا .. ما فيني بعد ايي نصور وياكلني .. طلعت من حجرتي ورحت الصاله .. سمعت صوت ياي من باب الصاله : ايييييه شو هالحشره .. لفيت صوب مصدر الصوت : خييييييير شو يايبنج بيتنا حصوه : كييفي .. وين خواتك سمعت صوت جواهر ياي من وراي : هاااه نحن هنيه .. حياااج تفضلي البيت بيتج حطيت ايدي على خصري : لا والله .. انا يالس اهزبها وانتي ترحبين فيها .. يت حصه ويلست عند مريم : وش على السحاب من نبح الكلااب .. انبح يا حبيبي يا احمدووه لين تنطر ههههههههه جواهر تضحك وياها : حبيبي اخوويه احمدووه .. سير ازقر سعاد قوللها حصوه يت حست بوزي : انزيين ما عليه بكون احسن عنكن ويا هالويوووه .. ورحت صوب حجرة قوم جواهر وسعاد .. دخلت الحجره لقيت سعاد يالسه على سيادة الصلاه ورافعه ايدها وشكلها يالسه تدعي .. يلست عالشبريه .. لقيت كتاب طايح .. شليته .. وكان كتاب الأحياء .. تميت اجلب فييه وانا اتذكر اياام يوم كنا ندرس اول ثانوي .. لقيت صفحه فيها رسومات وقلووب .. وكلااام مكتووب .. ياني الفضوول اقرا .. وتوني بقرا اول كلمه ولا سعااد تسحبه عني .. سعاد : يالطفس شو تسوي ؟؟ اشرت عالكتاب : ماشي يالس اطالع كتابكم واتذكر ايام اول .. ولقيت صفحه فيها رسومات ومادري شو مكتووب .. سعاد : ما يخصك .. هااي خصوصياتي وما احب حد يدخل فيها وقفت : لاوالله .. اي خصوصيات بعد .. يلا راويني شو مكتووب سعاد انقهرت من ردي .. وفرت الكتاب عالشبريه : خذه وجلب فيه على كيفك .. شليته : انزين حصوه فالصاله تترياج سعاد : أخيرا ما بغت .. يت صوبي ويرت الكتاب من ايدي : خلاص مب لازم تقرا هاهاها " وطلعت رايحه للصاله " طلعت من حجرتهم .. ورحت يلست وياهم فالصاله .. وعرفت ان حصووه يايه تدرس سعاد .. استوت الساعه 5 ونص .. جفت قوم سعاد ومريوم وحصووه يسولفون .. شكلهم خلصووا .. رحت صوبهم ويلست وياهم نسولف ونبربر ^^ ملينا .. قلنا بنلعب لعبة ( ملك * جلاد * لص * مفتش ) .. انا خذت الاوراق وقصيتهم .. وتميت اكتب الأسامي .. لعبنا اول دور .. جواهر : أنا الملك انا الملك .. اين المفتش ؟؟ سعاد : انا المفتش .. جواهر : احضر لي لصــاً .. طبعا انا كنت اللص .. وتميت اطالع فوق .. وحصووه نفس الشي .. سعاد : امممممم احمدوووووووه اللص .. صح طالعتها بقهر : غشششش .. حصووه غششتج أدري أنا ضحكت حصوووه : هاهاااااي .. اخيرا ببرد جبدي الحين .. يلاا يا حبيبتي الملك احكمي .. كم جلده اجلده جواهر تطالعني بنص عين وانا اوني عااد مخلي عمري بريء جواهر : ما يهون علي أخووي .. أربعــه حــــآآر وخمســــه بــــآآرد حصوه : عادي ما يهم ولو واحد حار بعد .. عطني ايدك يلاااا سعاد تصفق : اجلدييييييه .. عندج إيـــــآآآه .. ههههههههه قلت : اول شي الحاار عقب البارد ويا ويهج حصووه تيود ايدي : حرااامي ويتشرط بعد .. لا ويسب .. ويا ويهي هاااه صرخت : لا لااا خلاااص سووووري سوري .. آسف .. حرام باجر عندي امتحان جواهر : هههههه وشو يخصه .. سعاد : هيه اجلديييه .. وبردي جبدي .. الاخ باخر آخر يوم بيجووف المدرسه وانا سنتييين ورااي قتلها : لا حبيبتي اربع .. احسبي حسابج فالرسوووب جواهر : ايييه ان شاء الله عدوينها .. لا تيلس تفاول عليها .. ما انتبهت ولا أحصل ذييج الضربه القويه بالمسطره الطويله على ايدي صرخت : آآآآآآآآ آآآآآآآآي .. يعور يالسبااااله حصووه : خخخخخخخخخ يلااا افتح باقي ثلاث ضربات يلااااااا .. توها يايه بتضرب الضربه الثانيه .. ولا باب الصاله يتبطل بالقووو .. وييييييه هذا نصووور .. اففففف لو كنت فالحجره زيين .. ناصر : سلام عليكم كلنا : وعليكم السلام يا ووقف على راسي : شحالج حصه ؟؟ حصه اونها مستحيه منه : بخيييير على فكره .. ترى حصه تحبه وتمووت فيه .. وهو نفس الشي .. بس محد يدري بحب الثاني له .. ناصر : ايييه قوووم ما قدرت اطالعه لانه واقف على راسي : شو تبا ناصر : شوايه تشويك .. تعاال الحجره ابااك .. جواهر حاولت تنقذني : لييش ؟؟ صرخ عليها : ما يخصج انتي .. اخووي واباه في سالفه لا تدخلين جواهر انقهرت : انزيين ما قلت شي .. كلتني هو ما يقدر يمد ايده عليها لانها اكبر عنه .. وهذا الي مريحنا كلنا .. زخني من جتوفي ووقفني : الحقني بسرررعه عطاني ظهره وراح لحجرته .. سويت بإيدي (( مالت )) : الله يلعنه من أخو لازم ينكد علينا وناستنا .. جواهر : سير لا يجتلك قلت : انزييييييييييين اففففففففففف وصلت عند حجرته .. لقيت الباب مفتوح شويه .. تميت ادعي ربي ان يطوف هاليوم على خير .. سمعت صوته : ادخل شو تتريا بعد .. حسبي الله ونعم الوكيل : دخلت ناصر : سكر الباب ورااك قتله : لييش ؟؟ طالعني بنظرات .. خلتني ارتجف وما ارادد .. على طوول سكرت الباب وتجدمت صوبه .. بس وقفت بعيد عنه .. جفته يتجدم صوبي .. تميت ارد بخطواتي لورا .. تجدم لين وصل عندي .. تم يطالعني من فوق لين تحت .. قالي : متى بتصطلب انته ؟؟ خفت .. شو مستوي بعد .. ليكون حد جافني فالستي من ربعه .. الله يستر بس .. رديت لورا شوي وقلت بهمس : ما سويـــ... وما حسييت الا بطرااااق قوووي لصق على ويهي .. وثانيه لقيت عمري عند الباب طايح وايدي على خدي وأصييح ... • • ღ وللحديث © بقيــــه ~ .. >>أنتظــر //~ .. رآآيكــم .. انتقــآآدكــم |
:132::132::132: ولااا رد !!!!!!!!:522::78: يعنـــــــــي ما بكملهــــــــــــــــآ :خ8::8: :93.gif::139.gif: |
هلا والله ابصراااحه انا كنت اتابعهاا في ديم الاماارت واتمنى انك تكملهااااااااا بلييييييييييييييييز |
مرااحب ابصراااحة انا قاارية قصتك بمنتدى ديم الاماارت ونكي كاان هم لحظة شووق بليييييييييييييييز كملهاا ترااااهااا روووووووووووووووعه |
انا قريت البدايه ..بس اتريااك توصل البارت ألأــ 15 .. و بتناقش ويااك .. لوول .. بليييييييييييييييييييييييييييييييز كمل .. انا من متى اتريااك اتزل .. عسب توصل البارت الـ 15 و انت بعدك >< اترياااك و لا اطوول .. |
لآ أخوي بلييييييز تفآعلت ويآ القصه الحلوووه نآيس بالقووه كملهآآآآآآآ بليز بليز بليز لآهآنك الرب~ |
مشكووريين على المرووور ،،، |
«彡๑ الجــــــزء الثــآآلـــــث .. ㄨ● ღ .. جواهـــر .. ღ رااح احمدووه عند ناصر .. الله يستر بس .. اكييد شي مسوي والحين بييلس يصرخ .. جفت حصه مرتبكه .. سألتها : شو فيج ؟ طالعتني : امممم شو فيه ناصر عصب مره وحده قتلها : يعني ما تعرفييه .. يعصب على اتفــه الاسباب .. عدلت شيلتها ونشت : انا سايره البيت وقفت وسحبتها من ايدها : عن الحركات تعشي وسيري توج يايه حصه : لا ماابي .. انا اباها اتم هنيه .. لان ناصر يدري انها هنيه ومستحيل يسوي شي .. سرت لها .. وقبل لا تطلع من الصاله : حصوووه والله بزعل تميي عاااد حصه : جواهر .. شو فييج اليوم .. مرييضه ؟؟ .. تراني برووح البيت قتلها : محد في بيتكم .. عند منو بتسيرين .. تمي هنيه .. تعشي وسيري حصووه : لا مابي .. هديني قتلها : حصووه بلااج .. ليش جي خايفه >>> طـــــــرااآآآااخ <<< وقفت مكانـــهآآ .. وغطت حلجهــآآ بايدهــآآ .. وبطلت عينها .. لأنهـــآآ انصدمت وانصعقت من اللي سمعته .. وسمعتــه أنـــآآ سعااد نشت من مكانها .. وطيرااان يت عندي وانخشت وراااي .. وعينها تدمع حصووه : هذا الي كنت خايفه منه يا جواهر .. ليتني طلعت ولا سمعت هالصووت .. سعااد : جواهر ارجووج سيري طالعي عن يذبحــه .. تجدمت .. كنت بروح اجووف شو السالفه .. ولا ناصر يفتح الباب بالقوو .. وايي صوبنا .. سعادووه اندست ورااي وحصووه ابتعدت عن الباب ويت صوبنا وهي خايفه .. يا ناصر ووقف جدامنا .. رفع صبعه وصرخ بتهديد : إن شبر هالخايس برع البيت ياويلج انتي مب هو خفت منه وقلت : لييييش ..؟؟؟ ناصر يصرخ : ما يخصج .. المهم انا قتلج وانتي تحملي عاااد .. ابتعد عنا .. وكان بيطلع .. فقتله : انزيين وباجر عنده امتحان ؟؟ فتح باب الصاله : اعتقد إنه آخر يوم ... وطلــع مادري شو ياني تميت واقفه مكاني ماعرف شو اسوي .. لين سمعت صرخة سعاد : جواااااهــر لحقي علينا من سمعت هالكلمه على طوول ركييييض لحجرة ناصر : شو فيكم !! وانصدمت من الي جفته .. احمدووه طايح عند الشبريه وايده كلها دم .. صرخت على سعاد وحصووه : هاااتو اي شي بسررعه خلونا نوقف الدم .. الله يسامحك يا ناصر وتميت اضرب ويهه عالخفيف عشان ينتبه .. احمدووه : جوااااهـــــر .. مسحت على راسه عالخفيف : ها حبيبي .. يفتح عينه : ايدي .. ا احسها تقطعت .. كنت حاطه ايدي مكان الدم وراصه علييه عشان ما يطلع .. وصلوا سعاد وحصووه ويايبين وياهم اشياء ماعرف شو هي .. سعاد : حطيله هالقطن ولفيييه بالشااش صرااحه ضحكني شكلهم : ان شاء الله عمووه خخخخخخ حصووه : انتي متفيجه تضحكيين عااد ما قدرت استحمل : ههههههههههههههه والله شكلكم يضحك انتبهت لاحمدووه : شو تحس ؟؟ احمدوه : ممممم ماحس بايدي .. رصيتي عليها قوو .. بس شوي راسي يدور سألته : كيف ضربك ؟؟!! احمدوه : اول ما دشيت يا صوبي وكفخني .. وعقب زخ ايدي وطلع شي مثل السجين .. عاد انا تميت اصارخ وهو طر ايدي .. سعاد معصبه : مجرم الله ياخذه ونفتك منه هالسباال طالعتها بنظرات : لا تدعين عليه .. مهما يكون هذا اخووج سعاد : أي اخوو .. في اخوو فالدنيا يجتل اخواانه .. انا لو سواا فيني شي بشتكي عليه لبستها .. وصديت على حصووه .. جفتها تطالع احمدووه .. بس كانت سرحانـــه .. سألتها : حصووه .. بــلآآج ؟؟ انتبهت لي : هااااه .. لا مــآآشي طالعتها سعاد بنظرات ^^ وابتسامه خبييثــه : تفكــر في حبييب القلــب خخخخخخ ضربتها حصووه على راسهــا : جب انتي ما يخصج كلنــآ التفتنــا لأحمدووه يوم قــآآل : لا تاخذيينــه .. والله بيبهدل حياتــج سكتنا انا وسعااد نطالع حصووه وردت فعلهــاا .. وهي يوم جافت نظراتنا انصدمت : خييبه بلاااكم جي تطالعوونـــي سعاد بخبث : نتريا ردج على احمدووه يا سندريلااااا نشت من مكانها واتجهت للباب : انتوا ما منكم فايده .. اروح البيت ابرك لي .. " وطلعت من الحجره " قمنا انا وسعاد .. شلينا احمدووه نوديه حجرته .. قتله : متى بتذااكــر ؟؟ طالعني وعفس ويهه : اففففف لازم يعني حطيت ايدي على خصري : لا والله .. انت شو رايك ؟؟ سعاد : مممم احمدووه خلاص لا تسيير باجر المدرسه .. شرايك اييبون لك الامتحان هنيه فالبيت وتمتحن ^^ تم يدور شي حذااله عشان يفلعها : طلعي برررررع يالعنننزه يلااااااااااا قتله : هههههه انزيين هدي هدي .. سرت سكرت باب الحجره .. ورديت يلست حذااله : ممممم شخبارك الحين قفطنـــي : أدريبج تبين تعرفين ليش ضربني .. بلا دهاان سيير قتله : زين يوم عرفت .. يلاا قــوول احمدووه : مالت عليه .. اونه ليش اني كلمت ربيعه عبييدووه هالجلب بدوون احتراام قلت بتشكك : بس عشان جييه وسوا كل هذا فييك .. ما اعتقد احمدووه : والله بعد شو .. لا وزااد عبيد على اخووج اونه اني كنت واقف بررع البيت وادلع مالت علييه .. والله براويه الجلب انقهرت من عبيد : وهو ليش يسوي جييه ..؟؟ احمدوو : يمكن لاني قتله وانا راد العصر ليش واقف عند بيتنا ..!!! غيرت السالفه لاني حسيتها سخيفه : عليكم علم النفس باجر ؟؟ طالعني احمدوه .. شكله ارتاح يوم غيرت السالفه : هيييه وأخييرا بفتك من شي اسمه مدرسه وواجباات وحفظ وامتحانات تلوع الجبد .. مسحت على راسه بحنان : لا تفرح بتخلص من المدرسه بس بتكمل فالكليه او الجامعه طالعني بكره : لازم يعني ؟؟ ابتسمت له : هيه .. ولا ما تبي تفرح امك وابوك في قبرهم دمعت عينه .. بس مسحها بسرعه : ان شاء الله الي تجوفينه .. المهم اني افتك من المدرسه انسدحت حذااله : بس بعد والله بتذكر يوم كنتوا تلعبون وتلعوزون الاساتذه .. آآه والله احلى أياام بالنسبه لي ^^ دزني : قومي قومي بتخيسين فرااشي برييحة الدهن اللي في شعرج يلاااا قووومي قمت ووقفت ارتب شعري اوني اقهره : هههههه موووت حره .. بعدين اتخسي دهن اونه شو تجوفني هنديه جدامك احمدوه : لا سيلانيه هههههههههههههه شليت كتابه مال علم النفس وفريته على ويهه : جب يالبتاااني هع هع هع هع هع احمدووه : بتاني اخووج هالتيييس .. عل ايده الكسر قولي آآميين ضربته على جتفه : ايييه حراام عليك .. مهما يكوون ترااه يخاف علينا ويبا مصلحتكم ما عيبته رمستي : جب جب مصلحتنا اونه .. طلعيييي خليني اراجع لي كم جملة رديت عليه : اونك عااد حافظ الكتااب وبس بتراجع لك كم كلمه ؟؟ طالعني بغبااء : هييييه أبله .. بس والله سهل .. والاجوبه كلها من مخج وفهمج للسؤال .. وهالشي الزيين الي فيني إني أعرف أألف عدل واتفلسف فالاجابـــه خخخخخخ صفقت وصفرت : عاااش الفيلسووووف .. بسك وايد عطيتك وييه تراني .. وطلعت من عنده .. سمعت سعاد تتكلم فالصــاله .. استغربت .. لانها المفروض تروح تذاكــر .. دخلت الصاله : انتي شو ... " انصدمت " عدلت شيلتي الي كانت على جتفي .. وسرت صوبه .. مديت ايدي له وبسته على راســه : شحاالك عمــي..!! عمي عبدالله : بخيير ربي يعافيج .. شحالج انتي وشحال اخوانج ؟؟ يلست حذاله : الحمدلله .. كلهم بخيير عمي عبدالله : وين احمدوه عيل .. ؟؟ سعاد : جفت يا عمييه .. احمدووه باجر آخر امتحان عنده وانا بعدني عمي عبدالله : الله يوفقه .. واييب النسبه العاليه ويرفع روسنا فوق .. طالعته يوم قال آخر جمله .. ليش يعني نحن منزلين راســه .. تحسون من كلامي إني أكرهه .. مممم ما أكرهه .. بس بعد وفاة أبوي وأمي تركنا عمي وما يسأل عنا إلا بالحسره .. يعني فالشهر مره يمكن أو مرتين .. وحسينا أنا وإخواني هو السبب فو موتهم .. استغفر الله .. كنت اطالع سعادو اباها تجوفني عشان أأشر لها تروح داخل .. بس هي ولا معبرتني .. قتلها : انتي ما وراج مذاكره ؟؟ سعاد : بذاكر بعدين .. خليني اسولف ويا عمي .. افففف مب وقت لسانج ما فينا ناصر ايي ويضارب ويااه : قوووومي وسيري ذاكري .. عمي : خليها يحليلها .. لاحقه عالمذاكره عصبت عليها : قوومي قتلج .. ما بتلحق عميي تباها تيلس لين نص الليل نشت سعادوو : انزين انزين كلتيني سلمت عليه وباسته على راسه وراحت داخل .. صد صوبي : لا تقسين على خوانج .. تراهم مراهقين الحين .. وعبود ياهل .. صح وينه ..؟؟ ما كنت أباه يطول في اليلسه : دااخل يالس ويا أحمدوه .. عمي : سيري ازقريه ابا اكلمه شوي تأففت في داخلي : انزييين " وقمت " سرت حجرة احمدوه .. دقيت الباب ودشيت بدون ما اتريا رده لاني أعرفه الحين يالس يذاكر .. احمدوه : من الأدب الناس تتريــآ الرد عقب تدخل .. يعني ما يحتااي تعبتي نفسج على الفاضــي وعورتي إيدج من الدق على الباب .. طالعته بطنازه : مالت عليك .. احمدوه : شو تبيين .. خليني اذاكر طالعته بنظرات احتقار : منو يباك انت .. انا يايه آخذ عبوود .. عمك يبااه .. انصدم احمدوه : عميييه هنييييه ؟؟ استغربت من دهشته : هيه .. ليش مستغرب يعني .. غير تعابير ويهه : هيييه مستغرب .. هذا ما ايينا الا ورااه مصيبه .. سرحت شوي : مممم مادري والله .. الله يستر بس .. صديت صوب عبود : عبود تعاال عمييه يباك عبود : شو يبا بعد .. انا مادانيه ولا اداني عياله .. كلهم خقاقين مادري ليش هذا الياهل وكلامه جيييه .. عيل نحن شو نقووول .. بس كلامه صح .. مسكت ايده ووقفته وياي : انت قووم وتعاال جوفه شو يبا قبل لا نطلع وقفنا احمدوه : ايييه جوجو خبريني كل كلمه بيقولها له انزيين ^^ قتله : اففف يــ اللقافــــــه " وبندت الباب " دخلت الصاله وعبود وياي .. عمي : هلا والله بعبوودي " فتح ايده له " سار عبود صوبه وعمي ضمه لصدره وتم يبوسه على خده .. عمي : شخبارك حبيبي عبود ملامحه جامده ومب معبرنه : بخييييير قهرني يوم قال : حبيبي مرتاح انت هنيه .. محد يضربك أو يأذيك ؟؟ عبود : لا عصبت : عمييه شو هالكلام .. ولييش نضربه ؟؟!!! ابتسم : لا بس يمكن يعني تحرجون عليه وهو بعد ياهل ومب عارف الدنيا عدل رديت عليه : انزين ما يخصه الكلام الي قلتله إياه .. وقف عميه وقال : أنا لازم آخذه عندي .. بربيه أحسن تربيه .. انصدمممت : شوووووووو .. مستحيييييل يصيير هالشي عمي : ليش مستحيل .. انتوا كل واحد فيكم ولاهي بحياته .. وهذا صغيير ولازم بتربى أحسن تربيه ربعت ايدي وقلت باستهزاء : وإنت بتربيه أحسن تربيه .. عميه : هيييييه .. ورمسي عدل مره ثانيه .. الظاهر ابوكم ما عرف يربيكم عدل عصبت : الحمدلله ابوي وامييه الله يرحمهم ربونا كلنا احسن تربيه .. " لفيت ويهي عنه " واحسن من تربية عيالك .. وسرت صوبه يرييت عبود من ايده : واخوونا نحن بنربييه ما يحتاي لك انت وتربيتك .. عصب .. وتجدم مني .. زخني من ايدي ودزني بعيد : وطلع لج لسان يا بنت محمد .. وقمتي تراددين عمج .. !! انتبهت لاحمدوه و سعاد واقفين ومنصدمين من صراخنا .. سرت صوبه وصرخت في ويهه ودموعي تنزل : انت شو من بشر .. ذبحت أبوي وأميــه .. وهديتنــآ من بعدهم ولا سألت عنا .. والحيين ياي تاخذ اخوونا اونك بتربيه .. مارد علي .. الا بعد ما طبـــــع بإيده الملوثه بوصخ هالدنيــــا على ويهي بــ"طــــــرآآق" .. عمي : جـــــــــــــــــــب يالخآآىيسه .. هاي التربيه الي ابوكم رباكم عليها .. علمكم انكم ترفعوون اصواتكم على الي اكبر منكم .. علمكم انكم ما تحترمون الناس .. صدق ما تستحيين على ويهج .. وزخني من شعري .. كان بيفرني بعييد .. بس انصدمت من ناصر يوم زخ ايده وبعدها عنــي : يالخاااااااااااايس .. عميه اعتدل بوقفته وقال بطنازه : هـــه .. !! .. وصــل ريـــآآل البيــت .. ناصر يكلمه بتهديد : رياااال غصبا عنك .. وان مديت ايدك على حد ما بتجووف أي خير مني .. وإطلع من هالبيت دون أي كلمه أحسن لك .. قاطعه عمي : انا مب طالع من هنييه الا وعبود وياي انصدم ناصر : خييييير .. وعبود شله ؟؟ قلت بصوت عالي وبدون حاسيــه : يبا ياخذه منا ويربيه في بيته .. يبا يلــوث أخوونــآ بوصخـــه .. !! صد صوبي ناصر وقالي يتطنز : هــــه .. !! .... هو خله يربي عياله أول بعدين يربي عيال غيره .. وصد صوبه : إنت تحلم بهالشــــي .. يلا بررررررررررررررع سرت صوب عبود وزخيته من ايده وسرت صوب احمدوه وسعاد : دشو داخل وبندو الباب .. سمعـــــــوا كلامـــــي بدون أي كـــــلام ونفـــذوووه .. !! رديت لعمي وناصر .. جفتهم كل واحد مجابل الثاني .. ويــه بــويــه .. والشـــرآر يتطـــآآيــر من عيونهـــم .. انهيت هالصمت الغريب : إطلع من بيتنا ولا بطلب لك الشرطه .. تكلم ناصر بدون ما يتحرك : لا خليه .. الحين بيطلع وبدون ما ينطق بأي كلمه .. " شـــد بصــووتــه " صح عميييه ؟؟!! تحرك عميه من جدامه وطالعني بنظرات احتقار وغضب والشر يطلع من عينه .. وطلع بدون ما ينطق بأي كلمه .. !!!!! شــــو السالــفـــــه ..شـــو من بينهم .. شـــو إلــي خـــلآآآ عميـــه يطلـــع و [ يخـــآآف ] من ناصــــر .. ؟؟!!! نقزت يوم ناصر صرخ : هذا شو دخله هنيييييه ؟؟ خفت منه : ماعرف .. كنت يالسه عند احمدووه .. ويوم طلعت لقيته يالس يسولف ويا سعاد غبيــه بتم غبيــه .. شو خلاني أييب طــآآري سعاد .. الحين بيطلع حرته فيهـــآآ .. صـــرخ ناصر : سعاادووووه ...... سعادوووه وصمخ طلعت سعاد من حجرتنا وعلامة الخوف باينه على ويهــآآ : هااااه .. يا ويلي يا ويلي الحين شو بيسوي فينا : ناصر مالها خص سعاد .. نطق بدون تحرك ناصر : جب إنتي .. !! وقــآآل بتهــديد : مره ثانيه إذا يا هالريال البيت ما يدخل فاااااهمه ... مـــــا يدخــــــل البيــــت !! سعاد من الزيغه ما قدرت تتكلم أو تقول شي .. بس كانت تحرك راسها .. طالعني : أنا بطلع .. واذا استوى أي شي مره ثانيه خبروني على طوول .. " وطلـــع " أول ما طلع .. أحمدووه وسعاد وعبود .. هجوم يو عندي .. كل واحد يطالع الثاني ويطالعوني .. يتريوني أتكلم .. أنطق .. بس شو أقوول .. انا بروحي منصدمه من الي صار .. معقوووله عمــي ( وقح ) لهاي الدرجه ..؟؟؟!!!!! حسيتهم ملّـــــو من الوقفه .. : لا تسالوني عن شي .. ماعرف شو الي صاار .. سعاد بدت : ونصوور ليش يصارخ علي أنا .. أنا شو سويت له .. ما سويت شي . هو كله حاط دوبه بدووبي .. قاطعتها بصرخه : بـــــــــــــــــــس !!! انصدموا من صراخي .. : بس خلااص لا تيلسين تزاعجين وتتحرطمين علي .. عندج أي شي روحي اسأليه هو لا تعورين راسي .. ودرتهم ورحت صوب الحجره .. وقبل لا أدخل صرخــت : يلااا كل واحد يقبض كتابه ويذاكر .. ما ترييت أسمع تعليقاتهم .. دخلت الحجره ومن عقبها الحمام ( عزكم الله ) .. :uae: :uae: :uae: ღ .. سعــآآد .. ღ سحبت عبود من ايده قبل لا يشرد عني : تعاال عبوودي حبيبي انته .. احمدوه رز ويهه : اييه شوي شوي على الولد بتجتلينه رديت عليه : انت ما يخصك .. عبوودي حبيبي شو رايك تسيير تسكن بيت عمي .. عبود : لا مابا .. بعدين نصور بيذبحني سعاد : لا ما بيذبحك .. انت اذا سرت هناك عمي بيحميك منه وما بيخليه يدخل بيته احمد : اييه خوزي عن الولد ولا تفرين مخه .. وانتي عايبنج عمج .. حبيبتي عمج هذا الي مفتخره فييه ترااه هو الي ذبح أمج وأبوج .. !! انصدمت من كـــلامــه : انت شو تقووول .. أصلا مستحيل يصير الكلام الي قلته .. ؟؟؟ احمدوه عصب عليّ : انتي غبيه وبتمين غبيه .. وما تفهمين شي مووووليه " شل كتابه وراح حجرته " شو بلاه هالخبله .. الحمدلله والشكر .. يعني معقوله يكون كلامه صدق .. جواهر واحمدوه وناصر بعد .. كلهم يقولون إن عمي هو السبب في موت أبويه وأمييه .. أنا لازم أعرف السالفه من جواهر .. نشيت من مكاني كنت بروح لجواهر .. بس هي سبقتني وطلعت من الحجره ويت صوبنا : شو بلاكم مسوين حشره .. ؟؟ عبود نطق : سعادووه تقولي ليش ما اسيير عند عمي سالم وأسكن وياهم فالبيت .. الجلب .. كان خاطري أذبحه : عبووود أنا متى قلت .. عن الجذب .. جواهر صدت صوبي : سعادووه !!... جان عايبنج عمج .. سيري عيشي عنده شو تتريين بعد .. يلا شلي اغراضج وكل شي من هالبيت وسيري عنده .. خييبه كلتني : ول ول ول بلااج تزااعجين علي .. انا بس كنت اتمصخر ويااه .. جواهر : واحمدووه ليش عصب وسار حجرته .. سعاد : مادرييبه .. !! عصبت علي .. كأني مسويه جريمه : جوفي .. لاتيلسين تترسين مخ عبود هالياهل وتقصين عليه .. جانج انتي تبين تعيشين عند عمج سيري له .. الباب يوسع فييييييل مب بعيير .. دام عيشتنا وبيتنا ونحن مب عايبينج او مب مرتاحه ويانا .. كلامها أثر فيني .. كنت أطالع الفراغ الي جدامي .. وعيني تدمع روحهــآآ .. نشت من مكانها ويت صوبي : سعاد .. انتي في سن مراهقه .. يعني أي شي بتحبينه بتتعلقين فيه .. ولو كان هالشي بسييط وصغير .. وبصعوبه انج تودرينه .. فلا تنغرّين بفلوس عمج وتتحرين انهم مرتاحين في حياتهم .. ترى مب كل من عنده فلووس وقصوور وبنايات وسيارات آخر موديل مستانس .. عندهم كل هالاشياء .. لكن قلوبهم كلها حقد وغيره وأغلبهم ما عندهم رحمه على غيرهم .. وأظن جفتي بعينج عمج شو سوى مساعه .. كان يبا ياخذ عنا عبود غصب طيب .. ولو ناصر ما طلع له في ويهه جان الله يعلم شو حالنا الحين .. سكتت شوي .. وكملت : والدليل جدامج ووااضح .. كم مره جفتي عيال عمج من بعد ما توفو امنا وابونا .. هااه يلا خبريني .. ؟!! رديت عليها : ولا مره .. !! ظمتني لصدرها : يعني .. هم كارهينا .. أو يمكن عمج هو الي مانعنهم عنا .. الله يعلم مافي القلوب .. قتلها : جواهر .. أنا دوم أفكر ليش قوم عمي حالهم أحسن عنا ؟؟ .. وليش كلكم تقولون إن عمي هو السبب في موت امييه وابوويه .. ؟؟ صدت جواهر صوب عبود : عبوود سير إزقر أحمدووه .. عبود : انزين جواهر : هاي سالفه طويله .. بس بقولج اياها باختصار .. وماباج تقولينها لعبود .. لانه ياهل .. مسحت دموعي وهزيت راسي : انزين .. تساندت جواهر عالغنفة : الله يسلمج .. امييه وابويه راحوا بيت عمي علشان يقسمون الحلال من بينهم .. حلال يديه العود .. وعلى قولت امايا قبل لا تتوفى الله يرحمها إن عمي ظلم ابويه وما عطاه شي على اساس انه هو العود .. وخذ كل شي له .. ابويه تضايج منه وطلعو من بيتهم هو وامايا وهم مضايجين من عميه والي سواه فيهم .. وهم فالطريج ابويه تعب قلبه .. وما انتبه للشارع وانحرفت السياره .. حسيتها بتصييح .. : جواهر كملي .. جواهر تصييح : شو اكمل بعد .. انجلبت السياره .. وابويه توفى في نفس الوقت .. دمعت عيني : هيه اذكر امايه كانت بعدها فالمستشفى .. وعقب توفت .. الله يرحمها .. يا احمدوه وانصدم من جواهر : جواهر .. ليش تصيحييين ؟؟ قتله : مافي شي .. بس تذكرنا امايه وابويه .. صديت على عبود .. كان يطالعنا وهو خايف .. : عبوود حبيبي انت بتم عندنا ومحد بياخذك عنا .. بتعيش عندنا على طوول وبينا .. " سرت صوبه وحضنته " .. نحن اخوانك نحبك اكثر عن اي حد في هاي الدنيا .. احمدوه : اخيييج .. الحين منو بيسكت اليهالوو دام العووده روحها تصييح .. ابتسمت جواهر : اسكت اسكت .. شو ايدك الحين .. ؟؟ احمدوه يطالع ايده : احس بعوار خفيف .. والحمدلله الدم وقف .. جواهر : ادريبكم ما ذاكرتوا عدل .. احمدوه : انا عن نفسي .. الحمدلله .. قلتلج مادتنا سهله وراجعت .. صد صوبي يغايظني : ومثل ما تعرفين بعد آخر يوم عندنا ^^ قتله : سخييف .. " صديت لجواهر " انا ميته يووع جواهر : قومي نسيير المطبخ .. بنسوي سندويشات .. قمنــآآ انا وجواهــر .. وسرنا المطبخ ...*~ فــ اليــووم الثـــــآآنــي .. نشيت على حشرة جواهر : سعادووووووه يلاااا نشي بسج رقاااااااااااااد اففف مزعجه هاي الانسانه : انزيييييين .. يت وسحبت عني اللحاف : قووومي ورااج امتحاان عن الكسل الزايد .. صرخت عليها : انتي بلااج جيه حشره .. لازم تزاعجيين واطيريني من رقادي .. عفاني الله جواهر : لانكم ماتوون الا جذي .. لازم حشره عالصبح علشان تنشوون من رقادكم الظاهر ماشي فايده منها .. نشيت ورحت تسبحت .. بدلت ثيابي .. دشت مره ثانيه الحجره : هاااه خلصتي ست الحسن والدلال .. ؟؟ طالعتها باشمئزاز : سخييفه ويا ويهج .. " سألتهــآ " احمدوه سار المدرسه ؟؟ جواهر : هييييه عيل بيتريا حضرة جنابــج .. مقهوووره يا عالم : اففففف يا حظه مالت عليه .. بيخلص وانا بكرف السنه اليايه والي عقبها جواهر : احسن .. يلا خلصيني خليني اوصلج وارووح دوامي عن اتأخر .. شليت كتابي .. ومقلمتي .. ولحقتهــآ للسياره .. يارب توفقني في الامتحـــآآن ... (( معلومـــه بسيطه : عبدالله .. عمره 7 سنوات .. صف ثاني إبتدائــي .. يروح المدرســـه ويا الباص ويرد ويا الباص .. وهو الوحيد يدرس في مدرســه خاصــه .. وباقــي له كم يوم وبيأجــز .. لانهم مخلصين امتحانات وكل شي ... )) ولحديثنـــآآ بقيــــه .. أنتظــر آرائكم .. وتعليقاتكــم .. وانتقادكــم ~>> على هــ { الجـــزء .. |
يلا تسلمين الغاليه ع هالقصه الحلوه ونترياااااااااااااااااا التكمله |
اكمـــل تنزيــــل القصــــة ولا ما تبونهـــآ :522: |
ننتظر التكملــــــــــــــــــــــهـ :fr7an_: |
قصة حلوة لك مني أجمل تحية . |
:eh_s(1)P: :eh_s(1)P: :eh_s(1)P: |
يلهــ أنا أتريااااااااا [align=center] . . . . . .[/align] |
«彡๑الجــــــــــــــزء الـــ { 4 } .. ㄨ● يالها من جــروح تقســو على القلــوب يوم بعد يوم .. يموت فيها نبض القلوب ويصحو كل ما كان مؤلم .. هيهات على قلبٍ ماتت أحاسيســه .. أن ينمــو فيــه بذرة حبٍ .. يقسو ويقسو على قلــوبٍ "مالهـــآ غير الهيــــــــام" أعطته قلباً ينمو بداخله أول بذرة للغـــــرام .. أمات هو البذرة وأحيــــــآ الآلام .. أمات اللهفه وأحيـــــــآ الجــــــروح .. آآه من جروحٍ قد ادمعت العين دمعاً لا يجف .. آآه من قلوبــــاً قــد تحجرت .. لا تعرف { للعشق معنــاً } .. ولا { للَّهفـــةِ طريــق } .. <{:~ أحمـــــد .,‘ ’ شكثــر أنا مستانس الحين .. وأنا يالس أمتحن آخــر امتحان فــ السكــوول .. مممم حليت كل الامتحان والحمدلله .. سهــل .. بس هالسؤال معلق عنده .. مب راضــي أتذكره .. حطيت إيدي على خــدي .. ونظراتي طــآرت لــ فــوق .. اتــأمل السقف .. أونــي أفكــر .. أبا اتذكــر الجواب .. نزلت نظراتي لتحت ونقلتهــآ للموجودين فالصــف .. ولا الاستاذ الــي واقف علينــآ زاعج علــيه : يا واااد بص في ورأتك .. عويت حلجــي ع صوب : ول عليك .. واقف على جبودنــآ .. انتبهت لضربــه على الكرســي من ورا .. سمعت سيف الي كان يالس ورايــه : احمدووه .. احمدووه .. قلت بصوت واطــي : شـــووه .. سيف : شو جواب السؤال الخامــس في الورقه الرابعــه .. ؟؟ جلبت الاوراق لين وصلت للورقه الرابعه .. جفت الجواب كان طويل .. واذا ساعدته ( غششته خخخخخ ) بيزخنــي الاستاذ .. وأنا مافيني أنطرد على آخر امتحان وآخر يوم لي فالمدرســه .. قتلــه : سيفآني حبيبي الجواب وايد طويل .. بيجكنــي الاستاذ .. رفــس الكرســي بريلــه بــ قوه لدرجــه نــي تجدمت والكل تقريبا انتبــه للحركه .. قتله : عل ريلك الكسر .. فشلتنــي .. سيف : قــوول بسرعه .. أفف مب فاضــي له .. ماحب أساعد ( أغشش خخخخ ) حد .. بس إذا تكرم حد وساعدني ما بقول لا خخخخخخخخخخ .. جفت الاستاذ يــآآي صوبنا .. فلبستــه وحطيت عيني فالورقــه .. <<{ نذل صــح ..] وصل عندنا .. ووقف عند سيفــووه : طب هوّه مش عاوز يغششك .. وإنت بتكسر الكرسي ليييه .. هههههههه ضحكنــآ كلنــآ عليه .. مسكين صــآدووه .. بس انا قفطت من الاستاذ .. ماشي فايده .. وانا من النوع ماحب اطــول في قاعة الامتحان .. لأني اذا طولت زياده بيلس أخرب فالأجوبه وبتشتغل الفلسفه عندي .. كتبت أي شي وألفت على قد السؤال .. جيكت على كل الأوراق والاسئله .. وتأكدت إنــي ما ودرت سؤال .. وآخر شي جيكت على اسمي .. الحمدلله كل شي أوكي وتمــآآم التمــــآآم .. نشيت من مكانــي .. وحطيت الامتحان على الطاولــه عند الاستاذ .. عطانــي ورقه علشان أوقع .. وقعت وطلعت من الصف .. شليت كتابي ورحت صوب الحمــآم .. دخلته وجيكت على شكلي .. وشعري .. رتبتــه وطلعت .. طلعت مبايلي . وكنت أبا اتأكد اذا خلص حمود ولا لا .. ماشي مكالمه .. يعني بعده .. تأملت ساحة المدرسه .. والله شوي وبصيح .. خلاص بعد مول ما بجوف هالمكان .. إلا مابدخله بعد .. والله كانت أيام حلوه .. ومواقف احلى .. خصوصا لما نضحك فالصف ويا الاساتذه أو نلعوزهم .. الله يصبرنا ويصبرهم .. ويارب تنجحنــي واييب نسبه عاليه ترفع الراس شوي .. وأنا طالع .. التقيت ويا استاذ العربي .. رحت صوبه وسألته : استااذ شو الامتحان بشــر .. ؟؟ الاستاذ : ان شاء الله خير .. رديت عليه : يعني حلينا عدل .. ؟! الاستاذ : منــآ أولتلك ان شاء الله خير .. رفع لي ضغطي : استاذ كان سهل الامتحان .. وانا ما توقعت يكون امتحان العربي يهااي السهوله .. رفع ايده : الحمدلله .. دومه جيه يغايض .. سلمت عليه وكملت دربي .. تذكرت البارحــه .. هاك سعوود الي لعوزنــي .. اففف مابي أجوفه بيبهدلنــي الحين .. صرخت : آآآآآآآآآآآه صديت لورا أطالع منو ضربني على ظهري .. كان حمود وحاط ايده على حلجه ويطالع يمين ويسار : ايييه بلاك فظحتنا ويا هالصووت .. قهرني : ضربته بالكتاب : ايييد يالحمــآر يعور دزنـي : يلا يلا خلنا نطلع .. هااه شو الامتحان ..؟؟ رديت عليه : الحمدلله سهل .. بس سؤال واحد ماعرفته وألفت فيه عدل .. قال بطنازه : ههي عاد انت اذا ما ألفت ما تكون احمدووه .. طالعته بدلع : اففف يالغييره والحقد .. دومك غيووور وتغاار مني هههههههااااي .. ما انتبهت للشخص الي كان جدامي وأنا أضحك .. ولا أدعمه .. عاد هو ما صدق وزخني : هلا والله يالحلــوو .. طالعته : هدنــــي .. !! سعــود : لا حبيبي كل مره بهدك .. والحين اذا هديتك مول ما بجوفك .. وأنــآ ابــــآآك لــي .. !!! بطلت عيني وخفت وايد : شو تقول انت مينون .. مب صاحــي .. هدنــــــــــــــــي .. حمود : يوم بتخلصون الحقنــي احمدوه تراني في السياره بكون .. صرخت على حمود : اييييييييه تريااااني الخايس سار ولا عبرنــي : وانت بعدين وياك .. انا ماباك غصب .. !؟! سعود بنظرات خايسه : تعال حبيبي ويااي أنا بوصلك .. قلتله : هيـه أشك إني أوصل البيت صـــــآحـــــــي .. !! هد ايدي وقال : والله اموت فيك أنا .. أعشقك .. وأخاف عليك حبيبي تم يقص علي بهــآي الكلمات .. وأنا أفكر كيف أشرد عنه .. إذا ركضت بيزخنــي .. انتبهت لقبضته مره ثانيه على إيدي .. وتم يسحبنــي وياه : يـــلا تعال ويـآآي .. خلاص ماقدر عليه .. الا اذا استعملت قــوآي كلها .. أكفخه وأشــــرد .. زخيت كتابي بايدي الي هو ماسكنهــآ .. وقتله : انزين انت تحبني .. ؟؟ وقف ولف صوبي : أمووت فيك .. هــآي فرصتــي .. كفخته بطرآآق قوي على ويهه .. خليته يطيح عالأرض .. وشليت بعمري طيرآآن لسيارة حمود هالجلب .. ركبت السياره .. وقفلت الباب .. صديت صوب حمود وتميت أضربه بالكتاب : شو هالحركه الخايسه الي سويتها .. تشرد عني .. هذا وانا ربيعك وجييه .. صدق حقاااره حمود يزاعج : آآآي .. احمدووه بس .. يعووووووووووور خخخخخخخخ زخيته من شعره وكفخته على ويهه : وهاااي الضربه الاخيره أبرد حرتي كلها خخخخخخ هديته وتم يتحرطم .. قتله : يـــلا تحرك بسرعه قبل لا نبتلش في هالزفت سعود سمع كــلامــي وهو بعده يتحرطم ليش إنــي طلعت حرتــي فيه .. يستاهل الهيس .. قلتله وانا طالع الشـــآرع : وين بنسير .. ؟؟ حمود : مثل ما تعرف اليوم آخر يوم لنــآ فــالمدرســه كــآن .. والكــل متيمعين في مقهــى [ ... ] في جميـــرا .. يعني سايرين لهم هناك .. بطلت عيني : ول بعيـــد .. وبعدين منو هناك .. انت تعرف ما نحب نيلس ويا هاييج الشله الفاسده .. حمود : لييش .. ؟؟ طالعته : شو لييش بعد .. إنت تعرف حركاتهم وايد أوفــر .. وأنا بصراحه أخاف لا يزخونــآ التحريات ولا شي .. وهاذيل يسوون كل شي جدام الناس عادي عندهم .. حمود : مثل شو يعني .. ؟! عصبت عليه : حموود عن العبط الزايد .. يعني أونك ما تعرفهم .. دام الماما العوده سلطون هناك .. وأكيد وياه عبود وعواس ورشود .. لا رحنا فيها اليــوم .. إييه روح بروحك أنا ما بسير سووري .. عصب علي : شو على كيفك هووه ما بتسير .. لا حبيبي كلهم هناك ونحن معزومين بعد .. ومب حلوه ما نسير لهم .. احمدوه لا تخرب علينا فرحتنا .. تضايجت وآآآيـــد : أي فرحه إنت بعد .. إشك انها تكون فرحه .. والله شكلنا آخر شي بننسجن اليوم .. حمود بدلـــــــع : عـــــــــــآآدي ~{ تيكــت إيــزي يا عــــزيزي .. طالعته بطنازه : أونـــه .. وع وع وع ما يليق عليك الدلـــع خخخخخخخخخخ حمود : جـــب جــب .. قلتله : أوكــي .. بنسير بس ما بنطول وايد وياهم .. يعني الساعه 2 بنطلع .. أبا أتغدى فالبيت .. واستسلمت للواقـــــع .. يلا ما عليه إلا هو يوم واحـــد بنستانس فيه ويا هالشلــه الفاسده .. / \ / <{:~ سعــــآآد .,‘ ’ كــالعــــآده .. واقفــه بـــرع في الحــر وأتريا ست الحسن والدلال منّــــووه .. مادري ليش تيلس هالكثــر .. أنا من أخلص ما أراجـــع على طوول أطلع من قاعة الامتحان .. أحس إنــي بموت لو طولت وااايــد داخــل .. رديت مره ثانيــه داخل المدرســه .. أففف حــررر مووت بسير أشرب مــآآي .. أبــرد على جبدي شوي .. حطيت الدرهــم .. واخترت { مســآآفــــي } .. مادري ليش أحسه أنظف عن الباقــي .. فتحت الغطــآآ .. وشربت يمكن نص الدبــه .. هالكثر عطش .. ولا يمكن الشمس بخرت كل المـآآي الي فيني .. توني بسكر دبة الماي .. حسيت شي بداخلي يقولي كملي وإشربي .. شكلها منى بتنقعنــي فــ الحر اليوم .. هـــآآي مشكلة الي يردون البيت ويا غيرهم .. عاد تخيلوا اتصل في نصوور وأقوله تعال خذني من السكــوول .. والله لا ينتفني نتفه نتفه .. ولا أحمدوه .. لو عنده ليسن .. والحين الحبيب طالع من آخر امتحان عندهم اليــووم .. يا حظه .. متى يي دوري وأفتك .. فتحت الدبه .. يلا بشرب الي فيها وبخلصهــآآ .. واااااو .. شعوور رآئــع والمـــآي يدخل في البلعــوم .. ويترس الكرشــه خخخخخ .. وأنا في عالمــي ويا المــــآي .. شـــوي .. ولا أحس الدبــه دشت في حلجــي .. بمــووت .. خوزت الدبــه .. ولا منّــووه واقفه بويهي وتضحك علي .. منى : هههههههههههههه بــــلاج عفاني الله أول مره تشربين مــآآي .. هالكثر مندمجه الإخت خخخخخخخخخخ قهرتنــي : يالخايسه زين ما غصييت .. تبين تجتليني يالمجرمه .. منى : شو الامتحان .. ؟! خلصت الماي .. وضربتها بالدبه على راسها بالقــو .. طلعت حرتــي خخخخخخ قلتلها : أسهل منــه مافي .. مع إني ماذاكرت عدل " وتذكرت شو الي صار البارحه " مشينــآ متجهين لبــرع : ليـــش .. ؟! ما حبيت أخبرهــآ .. مادري ليش .. مع إني كل مره لازم أعطيها تقرير مفصل : ماشي ما كنت متفيجه ^^ طلعت مبايلهــآ واتصلت لــ سلامــه إختهــآ : سلووم وينج ... تمت تسولف ويا سلامه .. وأنا مندمجه أطالع السياره الي واقفه جريب منــآ .. أول مره أجوفهــا هنيه .. !! صديت لمنى يوم قالت : يآيه الحين .. رديت عليها : نفس كل مره .. يايه وهي مادري وينهــآ خخخخخ يت السياره ووقفت جدامنــا .. رديت أنا لورا شوي ومنى نفس الشي .. بس انصدمت يوم نزلت الجامــه .. ريـــآآل .. ويطالعنــآ .. !! منى : هذا ما يستحي يطالع .. صدينا عنه : يمكن يتريا حد .. الظاهر غلطنا .. هذا واقف ومبحلق عينه علينــآآ .. كنت بصارخ عليه وبهزبه .. الصراحه وايد مصخهـآآ .. بس تميت مكاني يوم جفت الشرطي يا صوبه وكلمه .. روح عنه الشرطي وهو تم مكانه وبعد يطالع .. يمكن قاله يتريا حد .. !! قلت حق منى : هذا شو بلاه .. بفلعه بحصـــآه الحين .. منى : تخيلي عــآد .. تنرفزت من نظراته : لا والله صدق .. مصخهــآ .. وانصدمنــآ منه يوم بطل الباب ونزل .. ويا صوبنا .. كان لابس كندوره ومتعصم .. ولابس نظاره شمسيه .. ما بقص عليكم .. شكله حلو { خخخ } .. ابتعدنا منه .. بس هو وصل جريب منــآ وقال : شحالج سعــآد .. !!!!!! بطلت حلجي .. ودسيت عمري ورا منى .. منو هـــذا ؟؟!!! ابتسم : بـــلاج خايفــه منـي .. ما آكــل أنا .. قتله بإنفعال : منو إنت .. ومن وين تعرف إسمي ؟؟!! رد علي : أنا عبيد ربيع أخوج .. انصدمت منه .. شو يبا : وخيير شو تبا ؟؟ عبيد : أباج .. أ أ أقصد بوصلج البيت إذا ما عندج حد .. عصبت : إنت صدق ما تستحي على ويهك .. روح ولا أخبر عليك الشرطي .. وسحبت منووه .. سرنا بعيد عنه .. جفته ركب سيارته وطــــآآر .. علك بجلبه وتمووت يالجلب .. منى : الحين هذا من صدقه يبا يوصلج .. رديت عليها : سكتي روحي مب مستوعبه شو الي استوى .. منى : خبري عليه أخوج خليه يوقفه عند حده وما بيتمادى أكثر وأكثر .. جسمي يرتجف من الي صار : لا شو مينونه أنا .. نصور ماعنده تفاهم .. بيجتلني وبيجتله .. منى : عيل شو بتسوين ؟؟ افف ابا افتك من الي صاار .. ماقدر أفكر الحين بشي : مادري مادري .. منى : هاذي وصلت سلامه .. ركبنــآ السياره .. وتفكيري كله على هالعبيد الي مادري من وين طلع لي ... / \ / |
<{:~ جوآهــــــر .,‘ ’ دخلت غرفة الاستراحه .. وقت الاستراحــــه الحين .. الشباب كلــوا وخلصوا .. الحين دورنــا انا وخولــه .. سكرت الباب وراي .. وقفلتــه .. عشان نقدر ناخذ راحتنــا .. سرت صوب خوله .. لقيتها يالسه تبطل الأكل الموجود على الطاوله .. وكان واااايـــد .. سألتهـــآ : ما شاء الله كل هالأكل من وين .. منو عازمنـــآ .. ؟؟ خوله : هذا سهيل يايب الأكل .. عازمنــآ لانه خذ سياره يديده .. بطلت عيني : هههههه سهيلــووه شـــآآري سياره يديده .. من متى .. من وين نزل عليه الكــرم .. خوله مندمجه وهي ترتب الأكل : مادريبـــــــه .. صرآآحـــه ميتــه يوووم .. تميت آكـــل .. وخولووه يالسه تطالعني من طرف عينهــآآ .. خوله : الحمدلله والشكر .. شوي شوي ماما عن تاكلين صبوعج ورا الأكــل .. رديت عليها : يوووعاااااااااااانه .. مادري شو ياني من شميت ريحة الأكــل يعت وأحس بطني خالـــي .. خولة : خالي ولا عمي ها ها ها جواهر : ها ها ها واايد يضحك .. سخييفـــه .. خولة : انزين شو رايج في هــآآي .. خالي ولا مترووس خخخخخخخخ عصبت عليها : خولووه .. بس عاد خليني آكل بالزين وبلا خفة دم .. سمعنا دق ع البــاب .. نشيت أنا وسرت عند الباب : منـــووه .. ؟؟ سمعت صوت سهيل : انا راعــي العزيمه .. استلمته : هههههه سهووول غريبه يعني عازمنــآ .. انا من داومت ما جفتك عزمتنــا إلا اليــووم .. شو السالفه ليكون بتعرس خخخخخخخخ حسيته انقهر : ما عليه .. هاااي يزاتي إني عازمنج ولا انتي مب ويه عزايم .. طبعا أكلمه من ورا الباب وما فتحته : انزين فكنا خلنا ناكل على راحتنا .. ولا بتذلنا يعني عالعزيمة هههههههه سهيل : ما عليه .. خلصي انا أراويج .. رديت آكــل ويا خوله .. الي سألتني : شخبارها مرت أخوج .. ؟؟ استغربت : بسم الله .. اخوي متى عرس .. ليكون معرس من ورانا ونحن ما ندري .. عادي يسويها ترااه .. خوله : خخخخخخ أقصد حصووه بنت يرانكم .. رديت عليها : بخيير تسلم عليج ^^ قهرتني بردها : عن الخرط .. لا سلمت ولا شي تألفين من عندج إنتي .. خاطري اضربها : جب جب عنزه وحده .. خوله : بس وحده .. منو قالج .. هم ثنتين .. انا وانتي خخخخخخخخخخخ جواهر : زين بعد تشبهين نفسج بالعنز .. روحج اعترفتي خخخخخخخخخ خوله : عاد أنا العنزه دولي .. مب انتي العنزه المزغووده مالت مسلسل الشريب بزه حبيبة حياة الفهد فالمسلسل ههههههههه طالعتها بنظرات حقد وما رديت عليها .. تميت أزط .. لين حسيت إن بطني بينفجر خلاص .. خلصنــآ .. والحمدلله .. طالعت الساعه كانت ~[ 11:30ص ]~ .. تذكرت ان اليوم لازم أييب بشكارتنا .. وهااي أول مره نيب بشكاره فالبيت .. التفت لخوله الي كانت تشرب ماي : تراني بترخص عقب شوي خوله : ليش .. ؟؟ لبست عباتــي : بشكارتنا .. اليوم بسير اييبها .. حسيتها استانست : زين والله بتفكين شوي من شغل البيت .. جواهر : على قولتهم فالمكتب إنها مشتغله قبل وتعرف الطبخ وكل شي تقريبا .. خوله : بتفكج عيل من التعليم .. أما لو يبتي وحده يديده وماتعرف شي بتتوهقين وياها يبالها شهر لين تتعلم الشغل .. جواهر : بسير الحين عند خليفه بترخص منه .. عاد ان شاء الله ما يذلني خخخخخ خوله : الله يعينج على تحقيقه الحين .. والله يقهر ياخي كيفنا بنطلع هو شو يخصه لازم تحقيق ليش وعلى وين ومادري شو .. ماكل جبدنا ومعور راسه وراسنا ويااه .. طلعت من الحجره .. تميت أمشي متجهه لمكتب خليفه وتعليقات سهيل ما تخلص .. لبسته وما سويت له سالفه .. وصلت ودقيت الباب .. خليفه بصوت عالي : منووووووووووو عويت حلجي .. هالصريخ وراه استهبال ومذله الحين : أنـــآآآآ خليفه : منووو تفضلي يا ( أنا ) .. بطلت الباب ودشيت المكتب .. رحت صوبه ووقفت عند الكرسي المجابل له : مشغــوول ^^ كانت عينه على الاوراق الي جدامه .. من سمع كلمتي هد القلم ورفع عينه شوي شوي عليّ .. وملامحه جامده : خلصيني وعن الحشره شو تبين ؟؟ قفطت صراحه : مممممم أبا اترخص .. رد ظهره على الكرسي العود : لييييييش .. ؟؟ جواهر : وصلت البشكاره اليديده وبسيير أطلعهــآآ خليفه : وما تقدرين تسيرين عقب ما يخلص الدوام ؟! جواهر بيأس : وااااااال يوم بطلع هاك الوقت زحمه الشوارع ولين ما اوصل وأشلها بتأخر على البيت بدت نذالته : خلاص .. اختمي كرتج على اساس انج استأذنتي .. حست بوزي : انزييييييين خليفه : شكلج يقول مب عايبنج كلامي .. !! قتله : لا لا عايبني خليفه : لا مب عايبنج ..؟! جواهر : لا والله عايبني .. خليفه : خلاص طلعي الحين .. ويوم بتخلصين ردي الدوام ..!! بطلت عيني : خييبه شو يردني بعد .. خليفه : أظن كلامي واضح .. " وصــرخ " .. وأنا ماحب أعيييييييييده .. قلتله برجـــآ : خلوووفــي عن العبط عاااد .. بطلع وما برد بسير البيت لازم اراويها مكانها واعلمها شوي .. " قصيت علي شوي " .. تعرف هي يديده وما تعرف شي فالبيت أودرها بروحها ما يستوي ^_^ صرخ : طلعيييييييييي برررررررررررررررررررررررع نقزت وطرت عند الباب .. هالصريخ مب آمــن : يعني أرووح صــــح .. قبض القلم يبا يفره عليّ : ذلفـــي ولا ترديين فكيييييينيييييييييييي .. " وفـــر القلم على راســي " .. آآآآآآآآخ راسي .. فلعني العنز : مشكووره وما تقصر .. يلا مع السلامه .. طلعت وسكرت الباب وراي .. رديت لحجرة الاستراحه .. لقيت خوله بعدها هناك : يلا حبيبتي أنا طالعه خخخخخخ ضحكت خوله : هههههههه طلعتج مب ببلاش .. هزبج عدل وصرررخ عليج خخخخخخ ابتسمت : اونه ماشي تطلعين وتردين بعد .. خيييبه يشو يردني بعد .. يلا حبيبتي تامرين على شي ؟ خوله : سلامتج حبيبتي .. وطمنيني .. ابتسمت لهــآ : ان شاء الله .. مع الســلامــه .. شليت أغراضي وطلعت من الحجره .. تعليقات سهيل ما تخلص .. هــ الانسان واقف لي فــ البلعــوم .. مادري شو بـــلاه عليّ .. لبسته وطلعت من الدوآآم متجهه لمكتب الخـــدم ... <{:~ أحمـــــد .,‘ ’ كنت يالس وعلى يميني حمــود .. ويساري رشود .. وعقبه عبــود وسلطون وخلوف وعلاوي .. يالس وأسمع سوالفهم إلي ما تخلص .. وكله جذب في جذب .. أنا سويت وسرت ومن هــ الكلام إلي ما يخلص .. كلهم لابسين كنادير مخصره .. الا انا وحمود كناديرنا عاديه .. ومن غير الشعر الطويل الي يوصل لين الجتوف تقريبا .. أنا الوحيد كنت لابس كآآب .. لأني كنت خايف عن حد يجوفني .. وسلطون يحليله هو الوحيد كان أسمر فينا وأونه مكبر شعره ومسونه كيرلي .. وغير العدسات والميكاب الخفيف .. أنا وحمود ما حاطين شي .. صح نماشيهم وحركاتنا مثلهم .. بس ما نحب نكون { أوفــر } مثلهم .. يو صوبنا ثلاث شباب .. وكانوا ربع سلطون وعبود وعلاوي .. بالمعنى الآخر { حبايبهم } .. سلموا وكل واحد يلس حذال { حبيبه } .. التفت لحمود : مالت عليهم .. اونهم يبون يغايضونــآ ضحك حمود : خخخخخخ اسكت .. طالع علاوي ربيع سلطون مالت عليه .. قلتله : هههههه وايد مستانس ويه العنز .. من حلاته عاد . انا أحلى عنه .. حمود : بس اييه ما فينا على المشاكل .. ضحكت باستهزاء : هـــه .. مشاكل اونه .. والله باكلهم بلساني .. ضربني رشود على ايدي : عن المصاصــر .. رديت الضربه يأقوى منها : كسرت ايدي انزين .. ونحن نسولف في مواضيع خاصه انت شو يخصك رشود : اويييييه .. ما عليه أنا اراويييج يا حمدووه رديت عليه : حمدووه اونه .. ايه عيب لا تتكلم جييه جداام هالثلاثه .. فضيحه تكلم عبود : اقول احمدووه احمدو : نعــــــم .. ! عبود : ونعــــآآمــــــه .. ا ا أقصد نعم الله عليك .. شو البزنس ويااك ^^ احمدوه : ترفسك ان شاء الله .. أي بزنس .. سلطون : هههههه عبودووه خليها هااي حمدووه من تحت لــ تحت .. كله تخش عنــآ سوالفها .. مب جنه نحن خواتهـــآآ .. !!! صديت على سلطون : جب انتي يالخرتيت .. أسوي الي أسويه شو يخصج فيني .. عبود : لا بس نبا نعرف شو آخر التطورات خخخخخخخخخخخ سلطون : أنا خرتيت يا ماما تريزا .. طااع يشبه مال مسلسل مكسيكي هالبشكاره تريزا خخخخخخخخخ كلهم ضحكوا : هههههههههههههههه رديت عليه : احسن من درام ديزل يالفحمــــــه هههههههههههههه ضحكوا حمود ورشود وياي بصوت عالي على سلطون .. أحسن يستاهل خخخخخ عصب سلطون : انا درام ديزل .. يالزراافــه يالطويل الهبله .. تكلم حمدان { حبيب } علاوي : لا لا حرام عليك سلطان .. صراحه طوله متناسق ويا جسمه حلـــو ^^ لمحت علاوي انقهر : ههههههااااي موووتي حرررررره يالدراااااام .. مدحونـــي هههههه .. مب شراتج جني بطه امشي فالشارع خخخخخخخخخ كلهم نقعــوا من الضحك على سلطون : هخهخهخهخهخهخهخهخهخهخهخهخهخهخهخ عصب سلطون ونش من مكانه .. فقلتله : على وين يا بطه خخخخخخخخخخخ طالعني بكراهيه وحقد : جب يالمعفنه .. أنا اراويج .. سار صوب الحمام .. فقلت : شوي شوي على الميكــآآب عن يسييح بس ههههههههههههههه كملنـــا سوالف وضحك مره على رشود ومره على سلطون .. والتعليقات ما تخلص .. لكــن . نظرة حمدان الغير طبيعية الي كانت علي .. تربكنــي وايــد .. وعلاوي كان ملاحظ هالشــي .. ومقهـــوور .. صراحه عور لي قلبي سلطون خخخخخخ بسير أراضيه .. نشيت من مكاني : بسير الحمام براضي البطه السوده وبرد هههههههههههههه سرعت خطواتي أشرد من نظرات حمدان الغريبه .. ونظرات علاوي الحقوده علي .. !! دخلت الحمــآآم .. جفت سلطون يالس يحط جحال في عينه : ههههههه شوووه ساااح الجحال خخخخخخخخخ ما رد علي .. اكتفى بنظره خايسه عقها علي وطالعني من فوق لين تحت وصد للجامــه الكبيره يعدل الجحــآل .. قلتله : وليش كل هالنظرات الخايســه .. هاي يزاتي ياي أراضيك ويا ويهك . مع انك ما تستاهل .. بس ماعليه برفق بك خخخخخخخ ما نطق بــ ولا كلمه .. رد الجحال في مخباه وطلع { جلــوز } شفاف وتم يحطــه .. تطنزت عليه : خييييبه مب مخبــى مقلمه عنبو .. جحال وجلوز .. شو دااس فيها بعد هههههههه التفت بصدمه للصوت الي طلع من وراي : ما يضحك يا ويهك .. كان علاوي .. طالعني بحقد وطـــآآف حذالي ودز جتوفي بقصد وســآر صوب سلطون .. سلطون : هلا حبيبتي عـــلايــه .. خلي العذال الي واقفين ورا يولون في ستين داهيه .. علاوي طالعني ورد طالع سلطون : قصدك الخدامــه الزباله الي واقفه ورا هههههههههه سلطون : هييييه في غيرهـــآ صرخت عليهم : زباله وبشكاره محد غيركم يا الحثاله يالبواليع .. كنت بطلع من عندهم .. بس وقفني كلام علاوي : هههاااي .. اييه انتي احمدووه مره ثانيه مابا اجوفج تطالعين حمداااني فاااهمه والله بجلع عينج .. هذا حبيبي ومالي انا مفهووووم قلتله : مالت عليك وعليه وعلى هالدراام الي وياك .. وانا ما انزل مستواي واتكلم ويا فضــالة الشوارع .. وطلعت من عندهم .. سرت صوب حمود وقلت : قوووم خلنا نرد البيت .. انصدموا كلهم من شكلي .. حمود : ليش شو صااار .. ؟! عبود : ما تراضيتووا .. ؟؟ صرخت على حمود : قوووم وعن الرمسه الزايده .. بتوصلني البيت الحين ولا ارد بتكسي .. نش حمود : لا شو تكسي .. يلا روحنـــآ .. طلعنا من عندهم بدون أي كلام .. ما عليه يا سلطون وعلاوي .. أنا براويكم ... أول ما ركبنا السياره صرررخت : أنا أراويييهم هالجلبتييييين .. هالزباااااله هالخمااااام يسبوووني ويحطوون علي ويتوحدووون فيني فالحمـــام .. ما عليييه يا علااايووووه انتي وهالخمااام الدرااام سلطوونووووه .. انصدم حمود مني : خييبه ليش شو استوى .. ؟! قلت بانفعاال : أنا ساير اراضي هااي الدبه سلطوون .. لبستني ولا سوت لي سالفه .. وتيي علاوي وتسبني سب تتحراني بخطف حبيبها حمدان .. مالت عليها وعليه .. علهم الحرق كلهم .. حمود كان خايف : انزين بس خلاص .. خلني اسوق عدل لا ندعم ونموت .. طالعته بقهر : بسم الله علينا .. لا تيلس تفاول إنت بعد .. بس ما بطوف هالحركه الخايسه وبردها لهم بحركه أقوى .. لكن مب الحين تريا علي فتره لين أرتب كل شي .. {:~ {:~ {:~ |
{:~ {:~ {:~ وصلت البيت بدون ما أقول لحمود أي كلمة .. نزلت من السياره واتجهت لباب الحوي .. قبل لا أدخل سمعت صوت هرن جريب مني .. التفت لورا .. لقيت سيارة عبيد .. أففف مب ناقصنك أنا .. كفايه غني تكفخت البارحه بسببه .. جفته نزل من سيارته ويا صوبي .. شكلي بطلع حرتي الحين فيه وبتكفخ من نصوور بعدين .. مب فاضي له .. قبل لا يوصل عندي : خيييييير عبيد وهو يفصخ نظارته الشمسيه وقال بطنازه : بلاها إيدك جفت ايدي .. تذكرت البارحه يوم نصور طرها .. دسيتها ورا ظهري : وإنت شو يخصك ؟ عبيد : إنت ليش تكرهني ؟؟ رديت عليه باشمئزاز : كيفي .. مادانيك .. اكرهك .. من اجوف شيفتك تلوع جبدي .. ارتحت حسيته انقهر وهذا الي كنت أباه : وليييييش كل هالحقد .. !! صرخت عليه : كيييفي .. شو تبا الحين .. أظن إنك تعرف ليش ايدي لافينها .. ومن شو متعور .. وبسبب منو .. ضحك بطنازه : هــــه .. لا ماعرف ممكن تخبرني .. رديت له نفس الضحكه : هـــه .. والله انطرت بسبب واحد خايس وجلب وزباله بعد .. انصدم .. مد ايده يبا يسحبني .. بس انا رديت لورا ولصقت فالباب : اييييه ما تستحي انت .. ابتعد عني شوي : زيين يا أحمدووه .. هالمره ما بقول شي لأخوك .. بس صدقني بييك يوم وبتركض وراي مثل الجلب .. فتحت الباب وقلت : مثل الجلب بركض وراك .. زين بنجووف منو الي بيركض ورا الثاني .. ودخلت داخل ركييض باتجاه هوز المااي مال الزراعه .. مدييته لين الباب .. وفتحت الماي .. زخيت الهوز وتميت أرش من فوق اليدار لبرع باتجاه عبيد .. صرخ بصوت عالي عبيد : ايييييييييييييييييه يالخاااايس .. ما علييييييه أنا اراوييييييييييييك يالهرررررررررررم .. بندت المااي وطرررت داخل .. دخلت الصاله لقيت سعادووه وحصووه وجواهر .. يالسات .. بس في وحده زياده وياهم .. قلت : السلام عليكم .. ردو كلهم : وعليكم السلام والرحمه .. سعاد : ويييه احمدووه مبرووك .. هاي البشكاره اليديده .. قبل شوي يابتها جوجو كفختها جواهر على راسها : جوجو في عييييييينج وصلت عندهم .. يلست عالغنفة وفريت كتابي وكابي حذالي : زييين مبرووك .. وانتي شو بلاج عفاني الله مب مصدقه تطنزت عليها حصووه : خخخخخخخ من الصبح ويالسه تسألها يحليلها { شيرلي } تعبت منها احمدو : بعد اسمها شيرلي .. ليكون ممثله وانا مادري خخخخخ عصبت جواهر : ايييه تراها تفهم عن الغباااء الزايد سعاد : شو النفسيه وانته كنت فالمدرسه ولآخـــر مره .. حطيت ريل على ريل أغايضهـآ : إحـــم .. واااو صرااحه أحلى شعوور يوم الواحد يفتك من شي اسمه مدرسه وعوار رااس وحفظ ومذاكره ونشه من الصبح .. انقهرت سعاد : مااااالي .. أصلا السنه اليايه بتكمل في كلية التقنية غصبا عنك .. احمد : لا حبيبتي مب على كيفج .. بتم سنه فالبيت يالس على جبدج واغايضج وعقب بكمل .. انفتــح باب الصــــــآآله مره وحده .. كلنا طرنا من مكانــآ يوم جفنــآ الوحش داااش علينـــآ .. وااااااو خفت ليكون عبيد هالتيس قاله شي .. بس اطمنت يوم قال .. ناصر وهو واقف عند الباب : خلوني بروحي ويا جواهر .. قمنا بدون ما ننطق بــ ولا كلمه انا وحصوه وسعاد متجهين لحجرة قوم جواهر .. سمعته يستفسر عن البشكاره ... وبندنــآ الباب .. سعاد : أبا أعرف شو يبا يخبرهـــآ .. اكيد شي مسوي .. حصوه : ليش تظنين ظن السوء في اخوج .. ؟؟ ضحكت عليها : خخخخخخخخخ ولييش ادافعين عنه .. حصوه : جب انته ما يخصك فيني .. سعاد : هيييه حبيب القلب لازم بتدافعين عنه .. احمدوه : قبل لا ادخل البيت سويت شي يضحك .. بس اخاف الا ينجلب علي مثل البارحه .. سعاد وحصوه : شو سويت .. ؟؟!!! احمد : تدرون .. رشيت على عبيدووه هالخايس ماااي .. وسبحته خخخخخخخخخخخخخ سعااد : عبيييييييييييد .. !!! انقهرت منها : هييه عبيد .. بلاج ليش تزاعجين .. قصري صوتج ليذبحنا هالوحش .. سعاد مرتبكه : هــآآه .. لييش ياااي .. قالك شي ؟؟ طالعتها : ولييش انتي خايفه .. المفروض أنا اخاف لانه عادي يخبر علي نصوور مب انتي .. !! سعاد : لا عاادي .. المهم شو الامتحان اليوم ؟؟ حسيتها غيرت السالفه : ماشي .. سهل .. وانتـــي ؟؟ طالعتني بصدمه : شووووو .. ؟؟ بلاها هااي : شو شوووو بسم الله .. بلاج تخبلتي .. شو مسويه اليوم ؟؟!! سعاد خايفه : والله ما سويت شي .. مالي خص أنا .. حصوه : حوووه .. بـــلاج .. الولد يسألج شو مسويه فــ الامتحان تقولين مالي خص .. !! قلتلها : سعاادوووه مستوي شي .. ؟؟ قامت من مكانهــآ وسارت صوب الباب : لأ .. ما استوى شي .. بس الامتحان زيييين .. رديت عليها : زيييين هااي ما اطمن .. حصوه : ايييه يالخبله شو تسوين .. واقفه عند الباب وتفتحه شوي شوي .. تتكلم بهمس وتأشر بايدهــآ : أبا أسمع شو يقولون .. خفت من هالحركه : يالهبله والله ليجتلج نصوور حصوه : تعاالي قريي مكانج يالخبله .. بس سعاد لبستنا ويالسه تتصوخ لناصر وجواهر .. وكملنا سوالف أنا وحصوه .. مسكيننه هالانسانه .. امها متوفيه من زمان وأبوها كل يوم برررع .. محد وياها غير أخوها سيفووه .. هالانسان .. قبل كان دومه مطيح في بيتنا .. من تخرج من الثانويه قطعنا .. أونه كبر وكبر لحيته شوي .. صراحه شكله الحين وااايد أحلى عن قبل .. استغفر الله من هالشيطان .. الريال مدين لو اتجرب منه بيدعي علي خخخخخخخ التفتنـــآآ لسعادوووه الي يايه طر صووبنـــآآ .. وويههــآآ منصدم .. !! حصوه : بلاااج بسم الله جيه عفدتي علينا .. ؟؟ سألتها : اييه بلاج .. شو مستوي .. " خفت " ليكوون نصوور ياااااي يا ويليييي ويلاااااه .. اكيييد جافج وانتي تتصوخيييين .. بيجتلنا الحين .. التفت لحصوه : انتي منقذتنا .. لا تخلينه ايي صوبنا .. ضربتني على راسي : يالمخبل اسكت وانجب .. سعاد : تدرووون نصوور شو مسوي .. ؟!!! انا وحصوه : شوووووو ؟؟؟ صعقتنا بكلامهــآ : مغتصب .. و وحــده ... وهـــي حامــــــل منــــه .. !!!! شهقنـــآ أنا وحصووه الي وقفت وايدها على حلجهـــآ : هــــــآآه .. حامــــــل .. ؟؟!!!!! أنا قلت : كيييييييييف ... مممــ... متــــى .. ؟!! طلعت حصوه ركــض بــرع الحجره .. صرخت بصوت عالي : حصــــوووه تعـــآآلــــــــــــي ... \ / \ / ومن هنـــآآ .. بدأتـــــ...!! تبــــدأ رحلتنــــآ مـــ عالأكشنـــــآآت والمواقــف والمصــآيبالقادمــــه .. ردووووكــــــــــــــــــــــــــم |
القصهـ حلوهـ عابتنيــ ... متابعتهاا بشغف ... لا تطول علينا ......... |
ويــــــــــــــــه واااااااااايد تتأخر ف تنزيل البارات |
...................... |
abaaaaaaaaaaaaaaaaaaaaaaaaaaaaaaa pllllllllllllllllllllllllllllz abaaaaaaaa el paaaaaaaaaaaaaaaaaaaaaaaart |
im waaaaaaaaaaaaaaaaaaaaaiting |
im waiting |
وااااااااااااااو القصهـ حيل روعهـ.... حصلتها ف منتدى غير وكملتها للنهايه تسلم يا الكاتبــ ,,, |
ناااايس كمل القصه .. |
يسلموو خيوو ع القصه الفنتوكيه هع .. ربيه يوفجك .. |
كمل القصه .. |
مساء الخير وين بلاقي القصر كامله !!!! |
لو سمحتي كمليها بلييييييييييييييز نزلي الباقي في اسرع وقتت والروايه وايد حلوه الصراحهه |
| الساعة الآن 04:14 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir