حكم القدر غلّق عليّه دروبه .. وانصكت بويهي جميع ابوابه ** بنــت العـــين هنيه ><
 

السلام عليكم ..

فتح المدونه ..

التاريخ : 8/9/2009

اليوم : الخميس


شحالكم ؟؟ علومكم ؟؟


حبيت أفتح مدونه خاصه فيني بعد التشاور مع نفسي قررت أنشاءهااا ..


أتمنى تنال ع اعجابكم واذ شي قصـــور سامحوني ..


بسم الله نبداء ..


اسمي : اماراتية دلع

هواياتي : الاخراج .. التصوير .. التمثيل << اموووت في شي اسمه تمثيل

الدراسه : ادرس في كلية ........... :69:

الحاله الأجتماعيه : غير متزوجه ( غزباااء ) << لووووول

عمري : أول العشرين << ما بخبركم بالظبط

طموحي : واااايد الصراحه بس أهم شي أخلص دراسه والياي ان شاء الله خير

المطرب المفضل : حربي العامري .. راشد الماجد ** وبـــــــــس :20:





أي تعليق : الرسايــــل الخـــــاصه أو رسايل الزوار ..


دمتووو بود ..

السلام عليكم

التاريخ : 8/10/2009

اليوم : الخميس


اليوم وأنا قاعده ع اليوتيوب ..

دشيت فيديوهات نزلت دمعتي فيهم ما قدرت اوفق دموعي واناا أقول وين الكلينكس خلاص ويهي كله دموع ..

بعدين لفيت شوي الا القااء جدامي الكلينكس وجان امط كمن حبه ومش دموعي ..

برويكم الفيديوهات بس انصحكم يكون جدامكم كلينكس >|<

نبداء ..
الفيديو الاول :

http://www.youtube.com/watch?v=I7Zxmd8EWo0

الفيديو الثاني :

http://www.youtube.com/watch?v=MWu29yyhzmQ

الفيديو الثالث :

http://www.youtube.com/watch?v=JRvKLUc5Vco







الله يرحمك يا زايد **

الله يرحمك يا بويه **

السلام عليكم ..

التاريخ : 9/10/2009

اليوم : الجمعه

اليوم الصراحه ملل من الخاطر ..

اف امس رقدة الساعه وحده ونص فليل << وراها عيال يتصيحون

ههههههه..

لا بس والله ما ياني الرقاد عيوني مبطلات اغمض شوي وافتحهن هههههه ..

عقب شفت الساعه تقريبا كانت الساعه وحده وثلث ..

بعدين رقدت ما حست بالدنيا ..

اللين الساعه اهدعشر ونص الصبح قمت من الشبريه على صوت ولد أختي عبود يدق عليه الغرفه..

لفيت يمين شفت اختي محد ..

قلت والخيبه ما حستبها يوم ظهرت << أختي ترقد معاي في الغرفه

عبود : يالس يناقز << عمره تقريبا 6 سنوات

أنا : اشفيك يا الخبل

عبود : ........

عقب روح عني ..

انا عاد قمت سيده سرت تسبحت ويجيه وعقب وما خلصت ..

سويت لي دخون ودخنت الغرفه ..

وعقب سرت اتغدى << الغدى اليوم حلوووو غربيه انه عيبني كل يوم ما يعيبني

يوم خلصت فتحت الجريدة الاتحاد وتميت اقراء فيها عقب بطلعت جريدة الامارات اليوم يوم خلصت سكرتهم ورجعت الغرفه

عقب شوي اسمع صوت حد تعرفون منو ؟؟

هههههه ..

عبــــــود ولد أختي ..

عبود : اريد استخدم لابتوبج عسب العب فيه وشوف سيارات << موته السيارات مب اي سياره لا البي ام وبس يحبهااا

أنا : يا ربي انزين هات الابتوب بسرعه

عبود : أنا بستخدمه بروحي

أنا : أوكي << وااايد شيطان هذاا الولد

عاد تعرفون اناا شو كنت اسوي << ههههه

حاطه ع قناة أبوظبي الرياضه قاعده اطالع برنامج المونديال

عقب شوي يو أخونه يبون يطالعون معااااه ..

قلتلهم بلا حشره ولا بخليكم تسيرون عن امكم << لوووول

اشويه وسوو حشر راسي انفجر

أنا : عبود شل أخوانك وسيروا عن امكم بسرعه ..

عبود : ...........

المهم راحووواااا ..

قعت بروحي اطالع شوه قولوا << أبوظبي الرياضيه

مليت سكرت التلفزون ..

واناا الحين اكتب في المدونه << اللحين الساعه 5 العصر

الصراحه اريد اظهر اسير حديقه هيلي الاثار اتمشى فيهاااا ..

لان حديقه هيلي التزلج فيهااا صيانه شهرين << لا اريد اتزلج في الهوكي مالي ..

يالله ما عليه بتبطل وبسير العب فيهااا ..


جني طولت عليكم : ...................


اوه صح باجر مباراه منتخب الشباب ادعوله يا رب توفجهم ويرفعون علم بلادي في العلالي :uae::uae:

ويتأهلون لدور الاربعه ..

يا رب يا رب ..

يستهلون عيال زايـــــــــــــــد ..



السموحه دمتوووو بود ..

التاريخ : 11/10/2009

اليوم : الأحد


السلام عليكــم ..

شحالكم ..

امم..


الصراحه اليوم الصبح كنت مستنانسه ..


ما اعرف بالضبط شو غير مزاجي المسى ..


مرات تي الضيجه بدون سبب ما اعرف ليـــــش ..


المهم انا احس يمكن ضيجتي واااايد اسباب ..


منهم اني ما سمعت صوت نااااس من زمان والله اني مشتاقه لهم مووووووت الموووووت شويه ..


:0088::0088:


يا رب تكون في العون << اميــــن


انزين اقرووا هذي القصيده ..


تعبر عن الضيجه اللي انااا فيهااا ..


الضيقة اللي دايما تالي عصيـــــــــر

وش حيلتي واردها لا تجينــي

لا طل ظل العود حزة عشا الطيـــــر

كنها على سجن الحديد تحديني

يضيق صدري كل ما جات واسير

ولا يخفف سوج رجلي حنيني

لا حولنا مشراف ولا أقدر اطيــــــر

يالله قسمة خير لا تبتلينـــــــــي

وعقارب الساعه توقف عن السير

ولكن في ....... سواتي حزيني

والعبرة اللي تاصل الحلق وتحيـــــر

يا قربها لو قيل لي يا عوينـــــي

أمل شوف الناس ورد ومصاديـــــر

واللي يقول وش فيك كنه يهجيني

يعني على ما قيل ما باب تصويــــر

لا أحدن ابي قربه ولا حدن يبيني

اروح أدور خط ما به دواويـــــــــر

وادور اللي هادها تهتدينــــــــي

واخذ مع الهاجوس سجه وتفكيـــــر

واراجع اللي فات بيني وبينــي

واحسب ذنوبي وادور لتكفيــــــــر

عساي ما قصرت في والدينــي

وعساي ما قارنت من ينفخ الكيـــر

واللي يحمل المسك جعله قريني

ويطري علي يوم الحشر واطلب مجير

ما أعطى كتابي في شقيقة يميني

ويطري علي صدقان كثر الدنانير

اللي تعاديني إذا كثر دينـــــــي

وراعي الهروج اللي سواة المناشير

أصد عنه وأدري أنه يعنينــــــــي

الله حسيبه يوم عرض القواريـــــر

والله حسيبي من صواب مكينــــي

والا طرأ لي واحد كأنه صغــــــير

أما اصغر بيومين والا سنينــــــي

عرفت وش قومي وعينت تفســـير

للضيقة اللي من زمن تعترينــــي

حبه في صدري سالفة حب في بير

وكأن الفؤاد يقول هذا زبينــــــــي

اشفق على علم يجي من من ضيـر

ولا يسمع اللي سولفوبه ونينـــــي

يا كثرهم غيره ولكن خبر خـــــير

ما غير شوفه في الوجود يهنينــي

رأي كذا يا عاشقين الغناديــــــــــر

ماله على وجه البسيطة وزينــــي

العام اجيه من حساب المساييــــــر

واليوم حال عداه وينه ووينـــــــي

خطاي تعليق الأمل في المدابيـــــر

الين راح وشفت حقري بعينــــــي

صبراً جميل وخابراً أنها مقاديـــــر

والله على تخفيف حزني عوينــــي

ذي حالتي لين تغبى الشمس و اصير

معطن سراحي عقب ما ني سجيني

والا امتلئ جوف الشجر بالعصافــير

طلبت من رب العباد يهدينـــــــــي

يعتقني المذن عقب ضيقة عصيـــــر

اللي على سجن الفراق تحدينــــــي


وبـــــــــــــث ..


دمتوو بود ..

التاريخ : 11/10/2009

اليوم : الأحد


السلام عليكم ..


وهذي الأغنيه ..


حزن × حزن


http://www.youtube.com/watch?v=Zen0vpmZyVI



ما اقدر اقول شي ..


مع السلامه ..

السلام عليكم ..

التاريخ : 14/10/2009

اليوم : الاربعااء


شحالكم عرب زايد يعلكم بخير ..

انزين اليوم ان شاء الله بخبركم قصتي مع ناااادي العين وحبي لهذااء النادي ..

نبداء ..

تقريبا بدت قصتي في حب هذا الصرح الكبير ..

يوم كنت صف ثاني اعدادي بسبب صديقتي لانهاا كنت تشجع النادي وتحفظ اسامي اللعيبه

وكانت تخبرني عن نادي العين وعن المباريات

يوم بعد يوم حسيت عمري حبيت كرة القدم وخاصه حبيت نادي العين بشكل كبير

خـــــــــــــــــــاصه انه محمد بن زايد كان وياهم هذيج الايام يحظر مباريات ويشجع

الفريق فزاد تعلقيه في النادي

عاد اللحين لا تنشد امره كل اللي في البيت يعرفوني اني احب مباريات نادي العين

واستانس يوم يفوزون وااااااااااااايد احزن يوم يخسرون يعني قولوا نادي العين صار

شي مهم عندي وخاصه اني من العين واحس يوم يفوزون انه مدينتي انتصرت

عاد محد يسوى العين وأهلهااا


بس اكثر شي علقني في النادي حب بو خالد لنادي العين ..

عاد اللحين مره من تفوز العين تلفوني كله مسجات ..

ههههههه

مبروك مبروك عاد اناا بعد ما قصر في ارد عليهم الله يبارج فيكم << عااد وااايد اكتبلهم بس خبرتكم المختصر هههه


صاااروا اخوني الشباب يسألوني عن النتايج هههههههه المباريات

ما شاء الله عليه خبيره هههههه


العيناوي اللي يحدر مدونتي يدعي لنادي العين بتوفيج [/color]





بحط كمن صوره لناديه المفضل ..


صوره بو خالد ربي يطول بعمره ..


http://www.gulfup.com/gfiles/12555967941.jpg


وهذي صوره لعلي مسري يقول للجمهور العين ارفعووا راسكم انتواا عيناويه ..



http://www.gulfup.com/gfiles/12555967942.gif



وبث ..


دمتوو بود ..

السلام عليكم ..

التاريخ : 15/10/2009

اليوم : الخميس


حبيت احط لكم القصيده حلوووه طررر الصراحه هذي القصيده وفيه بيت منها عنوان مدونتي ..



عن صاحب ٍ قفّوا به وشلّوا به
ما حد غيري بالعمر أولى به


غرٍ غريرٍ غرنجي واعجوبه
فايق بزينه ووصوفه الجذّابه


هو منيتي وهو عمري و مطلوبه
حايز رضى لفواد ثم اعجابه


حكم القدر غلّق عليّه دروبه
وانصكت بويهي جميع ابوابه


واستسلمت نفسي وقالت توبه !!
و الوقت خلاني اعيد حسابه


والهم شيّد في حشايه طنوبه
حتى لذيذ النوم ما اتهنّا به

قلبي تعب من حبه ومحبوبه
ما يحتمل زودٍ على ما صابه


وعيني على هل الدمع مغصوبه
والنفس متعوبه غدت بـ .. اسبابه !!


ما حد خبّرني بخبر من صوبه
من غاب عن شوفي وطال غيابه


الصاحب اللي روّح وقفّوا به
أحنّ له وآموت به واحيا به !!



وهذي الاغنيه ..


http://www.youtube.com/watch?v=yX8h28ZNo5M


اتمنى تعيبكم ..

لانها تذكرني بناس غاليــــــــــــــــــــــن عليه :14::14:


وتذكرني بمواقف استوت لي في حياتي ..


في حفظ الرحمن ..

السلام عليكم ..

التاريخ : 19/11/2009

اليوم : الخميس


عدت بعد غيبه لووول ..


شحالكم ؟؟ علومكم ؟؟


امممم


اليوم بخبركم عن سالفه استوت في الكلاس خخخخخ الدكتور صدق مخرف هههههه

اناا عادتي احب ايلس اخر وحده في الكلاس اناا وربيعتي ماشي كنااا اناا وربيعتي نسولف

وحليلناا الدكتور في صوب ونحن في صوب ثاااني الصراحه هذاا الدكتور ارقاد من الخاطر

المهم وحده حليلهاا مريضه في الكلاس قلوا له البنات دكتور بنت تعبانه تريد تروح العياده

ههههه ما اعرف ليش اضحك ازين المهم قال منو البنت العـــــــــــيانه قلوووا له البنات

تريد تروح العياده دكتور قال منو البنت العـــــــــــيانه قلووواا البنات عياده دكتور جان تنش وحده

من البنات تقول حق الكلاس يقولكم عيـــــــــانه يعني مريضه مب عياده اهنيه نقع الكلاس

ضحـــــك ههههههههه ماحد رام يسكت وحليله الدكتور مصري بس صدق مشكلته


صوته منخفض ما ينسمع بالمره هههههههههههه عقب قلها سيري العياده حليلها نشت


راحت العياده ..



بس صدق هذاا الدكتور تحفه بس وااااايد طيب يا رب تنجحناااا بس لووووووووووول ..




سي يووووو ..

السلام عليكم ..

التاريخ : 7/1/2010

اليوم : الخميس



شحالكم ؟؟


من زمان ما كتبت في المدونه شي المهم ..


يوم الثلاثا والله كنت ملانه من الخاطر عاد توني مخلصه امتحانات وطفرانه ..


أول ما ييت من الكليه رقدت من الساعه وحده الين الساعه ست عقب نشيت تسبحت ..


يلست شوي ع المنتدى والمسن عقب سرت ايلس عن العائله الكريمه برع في الحوش ..


مورين الضو وقاعدين وسوالف وضحك الله لا يحرمني من امايه ومنهم وناسه هذا اليوم كان برد ..


رديت غرفتتي ولبست كوتي وسرت ايلس عن الضو رحتها تسد والله انها نفج الراس ..


من اليوم الباجر خلاص مليت قلت خلني اسير الحديقه حديقه هيلي اتزلج ..


عاد يوم استوى العصر زهبت عمري والهوكي مالي وسرت أنا وأختي ..


اول ما دشيت الاسكيت ثلجت برد برد برد خلاص دمي في عروقي تيمد لاحول دشيت أنا ..


وأختي تزلجنااا حلو الصراحه بس برد بطريقه مب طبيعيه ..


انا حق اختي : بس قومي نطلع من الاسكت برد خلاص دمي وقف ..


قالت وحليلها أوكي يالله نطلع ..


عقب ظهرنا تعشيناااا ..



عقب ردينا البيت سرته سيده ارقدت من التعب ..


وبـــــــــــس ..

دمتووووو بود ..

السلام عليكم

التاريخ : 14/1/2010

اليوم : الخميس



الحمد الله نجحت نجحت والله اني مستانسه من الخاطر ..


عقبال الجميع يا ربي ..




تصبحون على خير بنااااام ..



:uae::uae:

السلام عليكم ..

التاريخ : 12/2/2010

اليوم : الجمعه



شحالكم ؟؟ يعلكم بخير ..


امس راده من بانكوك والله تعبانه :no_6: من الخاطر ..


ان شاء الله بخبركم عن مغمراتي انا واهلي بعدين بحول ربي ..



مع السلامه ..

السلام عليكم ..

التاريخ: 26/2/2010

اليوم :الجمعه


شحالكم وعلومكم ..

ان شاء الله بخبركم عن سيرتي لبنكوك ..

طبعن ظهرنا من البيت الساعه خمس الفير والله مب خاطري انش من الشبريه كنت تعبانه بس يالله وراي سفره خخخ ..

طبعا نشيت سرت الحمام تسبحت وخلصت صليت الفير فجأه اخوي يدق الباب يقول وين شنطكن يالله بسرعه طبعا الطياره الساعه تسع ونص الصبح ..

ما شاء الله الطريج من العين لين بوظبي ساعه ونص تقريبا ظهرت من حجرتيه سرت برع صوب الحوش ظهر من باب الحوش ..

تعرفون منو شفت خـــــــــالي فديته طبعا هو بيسير معنا هو وعياله وحرمته وامه ونحن انا واخواتي الثنتين وخوي وامي ..


شفته سلمت عليه وركبنا السياره عاد السياره ما شي ساعه ونص في السياره بعدين أخيرا وصلناا مطاار بوظبي الحمد الله ..

عااد المطار تبارك الله مشي من الخاطر مبني 3 في مطار ابوظبي الدولي طيران الاتحاااد ..

عقب المشي والتعب ياسنا في الكراسي حق الانتظااار عقب ما عطوناا التكت مال الطياره طبعااا ..

لفت اطاع يمين وشمال كله اجانب بيسيرون بانكوك ..

والموطنين شويه طبعا نحن سيرين علاج ..

المهم ركبنا الطياره وقعدناا خمس ساعات ونص تعب من الخاطر الصراحه طبعا في الطياره سولف وضحك خخخ ..


بعد ما طافن الساعات وصلنا بحفظ الرحمن بانكوك لو ما نزلنا الصراحه رطوبه وااااايد ..

طبعا كملنا مشي في مطار بنكوك الدولي ..

مرثون ما شاء الله ههههههههههههه .. :38:

المهم ظهرنا من المطار سيده السكن كان عاد الفليل انا دخلت السكن سيده حطيت سامني ورقده ما حسيت في الدنيااا ..


يالله ان شاء الله بكمل لكم عقب ..


في حفظ الرحمن .. :121::121::121:

السلام عليكووووو << اذ غلطت مزيون المناصير بيعدل الرمسه خخخخخخ الله يذكره بخير

التاريخ : 4/3/2010

اليوم : الخميس


وشحالكم عرب زايـــــــــــد


شو الدنيا وياكم >> زفت صح هههههههه


المهم بكمل لكم رحلتي الى بانكوك لووول


الله يسلمكم نشيت الصبح تقريبا ع الساعه 10 ونص مسطله ههههه سيده الحمام تسبرحت وخلصت


سترت صوب الصاله مبطله عين ومسكره عين اقول حق اختي وين الريوق جان تقول لي سيري سوي


اندومي وكلي انا عاااد استوى شكلي جذيه :36: وحليلي رحت سويت اندومي ونسكفيه وصرت من اليوع


ههههههه :66: طبعا يوم خلصت فجيت التلفزون وتميت اطااالع الميدان الحمد الله شي قناه سما دبي


والله اول ما دشيت الشقه وشفت سما دبي ردت روحي قلت ردوني الامـــــــــارات خصيصن العـــــــين يعلي افداهاا


والله العين غيـــــــــــــر غيــــــــــر اذ اطلع منها يوم بموت يا خي شي في هذي المدينه يجذبني امووووت فيهااا


هههههه كل هذا حق العين >>> تستاهل والله أكثر :eh_s(1)P:


يوم خلص البرنامج تميت اسولف مع اختي انزين ما سألتوني وين امايه وابويه وخوي وعايله خالي


انا بخبركم هم في شقه بروحهم ونحن بروحنااا بعد هم سروا مع اهلي يسوون فحص في المستشفى الملكي في بانكوك



كاد هنيه انا مليت من الصبح الين العصر وانا في الشقه يوم ردوووا العصر قلت ظهروني والله مليت


وحليله خالي وخويه ودونا تخوطنااا في السناتر بس الصراحه رطوبه عندهم وااااااااااايد ع اخر الليل ردينا


انا سيده تمسحة وصليت ورقت

:ast7eee::ast7eee:


بكمل لكم بعدين بحول ربي


دمتوووو بحفظ ربي ..

السلام عليكم ..

التاريخ : 18/3/2010

اليوم : الاربعاء



شحالكم أخواااني يعلكم بخير ..




سمعواا راشد الماجد ..

آه ه ه روعه روعه ..

عذااااب ..



http://www.youtube.com/watch?v=WwvR0E5BUIg




وين اللي في بالي ربي يحفظها ويسعدهااا اعز صديقه ..

وينج وينج بس انتي في بالي مستحيل في يوم انسااج ..





ربي يحفظكم ..

السلام عليكم

التاريخ : 30/4/2010

اليوم : الجمعه







شحالكم وعلومكم


:az_flw:


ان شاء الله اليوم بكمل لكم رحلتي الى باانكوك ..

طبعا ردينا الشقه رقدت من التعب ما حسيت بالدنيا الا الساعه 11 الصبح ..

لفيت يمين وين اختي محد نشت قبلي وانا رقده ههههه لا تلومنوني من التعب والله ..

طبعن قمت سيده تسبحت هههه يوم خلصت من السبوح وتعدلت طبعا سرت ..


قعدت في الصاله ويا اهلي سوالف مسخره خخخخ تمينى في الشقه الين العصر ..

عقب ودناا خالي فديته شارع العرب في بانكوك الصراحه حلوه حياتهم صح انها بسيطه بس حلوه ..


تمينى نتمشى في شارع العرب بس جوهم حااااااار ورطوبه واااااايد تمينى في بانكوك تقربيا اسبوع ..


بس بلادهم حلوه الصراحه بس اللي لفتني عندهم الاحتـــــــــــــــــــــرام محترمين واااااااااااااااااايد ..


بقول لكم مثلا يوم تشتري شي تسوي بيدينها حركة الاحترام مالتهم ونتحني لك يعني قمه في الاحترام ..


طبعا عقب من خاص الاسبوع ردينا البلاد الصراحه الطياره تعب تخيلوا 6 ساعات ونص نحن في الجوو اخ تعب ..


انا راسي عورني بغيت ازوع من التعب فديته كان ابويه قاعد عدالي قلتله ابويه ارقد قال لا يا بنيتي انا ما ارقد في الطياره ..


انا بعد ما رقدت تمت اسمع اغاني والافلام الين ما وصلنا بوظبي اه ه ه من شفت مطار بوظبي الدولي بغيت اصيح ..


ياخي بلادنا محد يسواهاااااااااااااااااا ابد فديت بوظبي انا والامارات بكبرها الله يرحم زايد رحمه واسعه ويطول بعمر الشيخ خليفه ..


امييين يا رب مره سيره من مطار ابوظبي ع العين فديتها تقريبا ساعه ونص من بوظبي الين العين انا في السياره رقدت ..


كان عدالي ولد خالي رشود حليله من التعب يوم لفت السياره طاااح علي طبعا وصلنا قوم خالي عقب رحنا بيتنا ..


تسبحت ورقدت ما حسيت بالدنياااا ..




وبـــــس دمتوووو بود ..