|
صديق الطفوله [align=center]http://i195.photobucket.com/albums/z...-ly/111111.gif أجمل أيام في عمرنا (أيام الطفوله) لاهم ولاكدر ولا ضيج بس ضحك وسوالف :p مافي حد منا ماعنده أصدقاء وربع يوم كان ياهل يشاركهم اللعب والضحك والجرايم خخخ والمخططات البريئة اونه :D مخططاتنا ونحن يهال يحكمهاا استغلال الوقت بشي يسلينا لاأكثر المطلوب منكم :) كل واحد يتكلم عن صديق أو أصدقاء طفولته واهم شي يرمس عن البلاوي الزرقه الي يسويها وياهم قصدي الجرايم ؟؟ بعدهم أصدقاء الطفوله بحياتك ولا فرقت بينكم الأيام ؟؟ والي فارق صديق طفولته تشتاق له وتحن ولا نسيته من طول المده ؟؟ تحياتي لكم / سلمى :)[/align] |
امممممم انا وحليلي كنت طفله بريئه وهاديه هع ما اسوي جرايم ويا اصدقاء الطفوله ... بس صدق كانت ايام حلوه ... واكيد اشتاق حق ربيعاتي ... امممم امس كنت سايره المنتزه وشفت وحده من اصدقاء الطفوله ع قولتج بس انا ماعرفتها يمكن من 9 سنين ما شفتها يعني كان عمري 5 سنين بس اتذكر ايامنا ويا بعض وهي يوم شافتني عرفتني على طول قالتلي انتي (.....) قلتلهاا هيه منوووو انتي وقالتلي عقب تذكرتها اااااااه ولويت عليها صدق اشتقت حق ايام الطفوله خخخ .... تسلمييين حبوبه عالطرح الغاوي .... ونرقب يديدج ^_^ تقبلي مروري ... ..اختج... |
هعهعهعهعه احلى شئ ايام الطفوله هيه والله جرايم والحاله خ بقولكم عن جرايمي حيلي مره كنت اللعب خاري جدام البيت وانا وكم بنيه انزين وفيه ولد كان يسويلي فلم رعب خخخ واخاف منه مادري ليش المهم مره شفته وكان يايي صوبنا هم بيتهم عدال بيتنا تقريبا انزين يوم شتفته ياااي جان اشرد خخخ من الخوف ما شتف انه باب مسكر وجان اعدم المهم ستوت لي علامه ف يبهتيه كبيييره وزرقا اول ما شفتني امايه قالت لي من سوا فيج جان اقوله فلان ولد فلان هو اللي عورني خخ جان اسير انا اوخويه اللي اكبر عنيه خخ وخبرناهم جان يضربونه جدام عيني هو يحلف بالله انه ما سوا فيه شئ خخخخخخخخخخ مره بعد وحده كل ما اسير بيت يدي تاذيني تيلس عندي انزين ومره يالسين انا وهي نلعب اونوو وجان اقولها عفراء اسمها خخ المهم لا تغشين شئ ما اذكر والله خخخ وهي تعاندني وانا من النوع يوم اعصب ما شوف جدامي خ انزين يوم شتفها ماتسمع الكلام جان اضربها خخخ وهي تمت تصيييح بغيت اسكتها ما قدرت عليها شويه وينفج باب الصاله وانا وهي يالسين ع المرر تقريبا يوم سمعت الباب يتبطل اسحبهاوادخلها الغرفه خخ ويلست اهد عليها اذا ما سكتي ياويلج خخخخخخخخخ جني انا االحين امها ولا اختها العوده خخ ماشئ راضيتها وخلاف سرت بيتهم .. بس والله ما توب اول ما تعرف انه نحن بيت يدي اتيي وتلعب عندي هههههههه .. بس ولا عندي سوالف بس عليه ابرزنتيشن بسير اكمله هههه قلت بقضى وقت شويه ف المنتدي هههههه ^_^ |
السلام عليكم ورحمة الله وبركاته... امم....بصراحه لما كنت صغيرة كنت واايد هادية و طيبة...امم..و الاكثر شي كنت العب من اولاد ...ههههههه...ما ادرى ليش...؟؟؟ بس عن نفسي ما عندي اي صديق طفوله........... ومشكوره ع الموضوع....ربي يعطيج الف عافية... ^^ |
والله احلى اياام كااانت كلها عفوية وانا بصراااحه كنت مشااغبة بس والله حلو كل ما نتذكر ذيج الايام نضحك \ الله لا يفرق بينا ان شاءالله يسلمووووووووووو الشيخه ع الموضوع المميز |
[align=center]دكتورة الحب مشا الله عليها ربيعتج ذاكرتها قوية الله يسلمج وتسلمين ع المرور والرد ماقصرتي يعطيج العافية وعساج ع القوووة المنسيه صدق مجرمه ههههه الولد مسكين ماسوى شي تسلمين ع المرور ماقصرتي يعطيج العافية وربي لايخليني منج زهور عليج السلام ورحمة الله ونحن يهال ماشي فرق بين الأولاد والبنات المهم نلعب ^_^ .. العفووو وتسلمين ع المرور ماقصرتي يعطيج الف عافية ورد جوري يفوع وجناته آآآآآآآمين يارب ومشكوره ع المرور والرد ماقصرتي يعطيج العافية وعسااج ع القووووة[/align] |
السلام عليكم ورحمة الله وبركاته أخ ذكـــــــــــرتينا بمــــــــا مضى طـــــــــــولي بعمرج في منهم لي فرقت بينا وبينهم الايام وفي لــــــــي باقين معاهم ع اتصال الله يسلمجـــــــــــــ كنا مسوين عشيييش وحاله وكل يوم نشوي اونه نسوي عشااا والله لا يراويج مره محروووق مره نييي لوعــــــــــه هههه هههه ههه هه هه ها غير انا كل يوم ع حد وعاد نحن ما نخبر اهالينا نربع الثلاجات وناخذا لنا هالدياي والـــــــــــــشرده هذا غير عمليات تشريح الصرانيخ وتعذيبهن خخخ خخخ خ خ بس كانت ايام حـــــــــــــــلوه الله يذكرهم بالخير تحياتي يالشريكه اسميج ضربتي ع الوتر الحساس سلمتي وسلم غاليج ع هالموضوع الفنتكـــــــــــــ |
[align=center][mark=3399FF]شريكي [/mark] طلعت المواهب ههههههه تشوي وماتعزمنا :D ربي يحفظ لك ربعك ويخليهم ذخر وعون لك تسلم يالشريك ع المرور والرد دومك تنور مواضيعي بردك ماقصرت ربي لايقصر في عمرك [/align] |
[align=center]مرحبا الساااع باختي ( سلمى ) ... صدقتي ياختي , ماشي مثل ربع الطفوووله ... انا ربعي ف طفولتي , لين الحين اعرفهم و امشي وياااهم ( يعني ما تغيرو ) .... بذكر لج موقف , سويناه يوم كان عمري 9 ولا 10 سنين ... كنا يالسين صوب البيت انا و ربعي , وكنا ملانين ومتضايقين وااايد ... المهم , اتفقنا ان حنا نكسر الملل , ونسير نلعوز البشاااكير اللي يظهرووون برا البيت ... المهم , سرنا و يبنا بيض من البيت ... وشفنا أول ضحتين , بشاااكير بيت جيرانا ... انخشيت ورا اليدااار انا و ربعي .. واول ما صااارو البشااكير جريب من اليدااار , بدينا نفر البيض عليهم ... الله وكيلج طلعنا قناصين اصليين .... هههههههههههههههههههه .... علقنا البيض ف نص وجوهم ... خخخخخخخخخخخخخخخخ .... لكن عقب البشاااكير عرفونا و خبروا الاهل , واجلب الحال ع المحال ... خخخخخخخخخخخخخخخ .... لين الحين اتذكر هالسالفه انا و ربعي , ونتذكر الضرب اللي حصلناه , ونتم نضحك ع اعمارنا ... الله يديم الود و المحبه ... تسلمين ع الموضوووع ... تقبلي مروووري...[/align] |
[align=center]http://www.nor1sun.com/up/nor1/_OWuvKCMEHr.gif لمرحب لاهان اخويه قانص اسميك انته وربعك مجرمين ههههههه سالفتكم رهيبه حليلهم البشاكير حلام ضربوكم ماتستاهلون ماسويتو شي بس كسرتو الملل :D ربي يخلي لك ربعك ويحفظك ويحفظهم من كل شر ويديم المحبه بينكم تسلم يالشيخ ع المرور ماقصرت يعطيك العافية http://www.nor1sun.com/up/nor1/_OWuvKCMEHr.gif[/align] |
[align=center]ككككككك صديق الطفوله كان ولد عمي هههههه كانت اعمارنا تقريبا 9 سنوات يمكن.. كنت العب معاه عند الزرع ههههه واذكر تحدينا بعض منو يزرع ويحصد قبل الثاني هههه عاد انا يحليلي زرعت بطاط وطماط وفول هههههه وهو سار زرع فلفل وطماط وبصل ههههههه عاد غشاش كان يخلي الزراع يساعه بس انا كنت بروحي ازرع ماشي شغله ههههه والله اياااااااااام[/align] |
وعليكم السلام ورحمهـ الله وبركاتهـ .. ههههههه .. >> صبري فيني ضحهـ خخ خخ بمووت بطني ههه ^.^ والله يطولي بعمرج .. عاد انا [ حدث ولا حرج ] خخ خخ خخ .. الا بلاوي زرق وسود وحمر وخضر الي تبينه امرهـ .. !! كنت اشقااا وحدهـ ف العايلهـ .. واكثر وحدهـ تحصل من الزين الي ما يمدحونهـ .. هممم .. ربعي ايام الطفولهـ .. بقولكم بس لحد يضحك خخ خخخ خخ .. ( خالي - وعيالي خالتي 2 - ولد عمتهم ) وانا ههههه ^.^ يعني كلهم شباب .. الحينه طبعا وي خاليه يحليله خخ خخ .. بس الباجين لا طبعا كلن فطريجهـ .. >> بس اشوفهم من بعيد كح كح ههه ^.^ وبعد ربيعتي ايام الطفوله وللحينه ويايهـ .. ( بنت خالت امايهـ ) ... خخ خخ همممم تبين موقف ههههه .. انا شرات حرف هههه .. اونه نسوي لنا بيوت خخ خخ .. ونسرف كل الوعيه الي ف البيت اقول حق ها انته عليك الصحون وانته السجاجين وانته الاكواب خخ خخخ .. ونسير نعابل مرهـ نطبخ ومرهـ نشوي .. ومرهـ جاي حليب .. بس اكثر شىء كنا نسوي بطاااط مطبوخ وي الزبدهـ هه نطلع الصبح ( الضحى ) .. ونرد ع الغداا وبعدين انكمل .. !! ونرد بعد المغرب خخ خخ .. واذكر مرهـ شبينا الضو وكانت اكبر عنا خخ خخ خ.. وزغنا وشافنا ريال .. وهزبنا .. جان اقولهـ اسكت لا افرك هنيه خخ خخ ^.* وخبر ابويه عليهـ .. وحبسني ف البيت .. ههههه .. لانيه حرقت ولد خاليته خخخ .. والله ايام حلوهـ .. واحلى شىء يوم >>> نسبح وي بعض خخخخ خخخ ^.^ وجذهـ يعني هاي ايامي .. يوم بتذكر شىء بقولج ^.^ مشكورهـ مشرفتنا ذكرتينا بامنا الحولهـ .. ( وين ايامنا وين وين قضيناها ؟؟ ) تريا يديدج الغاليهـ .. تسلم يمناج على طرحج الفنااان هههه .. والسموحهـ منج ^.^ |
هلا اختي سلمى موضوع ابداعي ألا ليت الطفولة تعود يوماً لأخبرها بما فعل الشبابُ تصدقي كل يوم أتمنى اني ارجع طفلة أيام الطفولة أيام لا تعوض حتى دوم في بيتنا أقولهم خلو الطفل يعيش طفولته عاد صديق طفولتي هههههههه ولد جيرانا بس وييييييين صارلي فترة ما شفته وشاكرة لك موضوعك الحلو يا سلمى |
فخر اماراتي لوووووووووووول تزرعين من ورانا تسلمين يالشيخهـ ع المرور والرد ماقصرتي يعطيج العافية وعساج ع القووة |
راكاوية ههههه مرابعهـ صبيان شووه بيظهر منج غير الشطانهـ ^^ اسولف تسوين بطاااط مطبوخ وي الزبدهـ يمي يمي اعزمينا انزين الله يسلم قلبج ويعافية وتسلمين ع المرور والرد ماقصرتي ربي لايخليني منج .. |
بلبلة الخليج هلا بج زوووووووووود تسلمين ع المرور اختيه ماقصرتي يعطيج العافية وعساج ع القوووة |
ههه حلو الموضوع احيد مره انا وبنت خالوتي كنااا متضاربين مع بنات الفريج ضربناهم وشرده ع البيت هي دشت وسكت الباب وخلتني برااا النذله ههه البنات كانو واايداات ونحن بنتين هههه نذله |
http://www.alqlbzayed.com/up/uploads/a4d181d5c7.gif http://www.alqlbzayed.com/up/uploads/1ace94f289.gif http://www.alqlbzayed.com/up/uploads/1ca29431a0.gif http://www.alqlbzayed.com/up/uploads/1ace94f289.gif http://www.hmsathob.com/up-pic/uploads/732d87264e.gif يامرحبا ترحيبتن في شذاها ازهور ورياحين .. من اللي نارها مايوقّف حطبها .. وسلام من غلــوي للناس الكريمين ..! عدد ماناح الحمام والمزون وهملها .. ياحيّ هالشوف واللهـ ..!| http://www.hmsathob.com/up-pic/uploads/732d87264e.gif مراح ــب الساع فيج بلاييـن ومايكفـونج ابد واللهــ ..~ ياح ــيها سلومــه وياح ــي مواضيـ ع ـها المبدع ــه ..~ آيــه بس ع ــلى ذيـج الايــام الــ ح ــلوهــ ..~ ايــام ماتنســي ..~ ومثـل ماقلتــي مافــي اح ــلى من ايــام الطفــولــه براءهــ لا هـم لا نكـد المــخ صافــي ماشي شي انفكـر فيـه ..~ امــا انــا اسمــي ع ــمري مــ ج ــرمهــ من قلــب ..~ صديقــه طفولتــي هــي بنت خ ــالتي اصــ غ ــر مني بــ 8 شهــور << حلفي بس هه ..~ سوينــا بلاوي واح ــنا صغنين ..~ اي نــوع ج ــرايـم صــوبنــا ..~ كـل شـي فيهـ اج ـرام درجه اولـى اح ــنا سوينــاه ههه ..~{a7m} عندي سوالـف لكن بقولكم سالفــه وحدهــ لاني مستــ ع ـيلهــ ..~ بسم اللهــ انبدي ..~ مره يدي اللهــ يرحمهــ كـان برع البيت في الشــ غ ــل وحجره يدي كنا نسميها الحجره العجيبه كل البراده فيها عصاير جيبسات علوجات وجوكلتات كل شي ..~ وغ ــير ذي الــ ح ــجره كل شي تراثـي وغ ــريب فيـها لان يدي كان يحب السفـر فكلما يسافر ييب شي ويحطه في حجرتهــ ..~ حجرته مايرضى حد يدخلها اذا هو مو موجود جان انا وبنت خالتي بروحنا تمللنا من التلفزيون والكارتونات ..~ جان نتفق ان ناخذ المفتاح ذيج الحزه قصار مانوصـل جان اييب سيكــل بنت خالتي يودته لي وانا ركبت فوقـه ويبنا المفتاح فتحنا الــ ح ـجره طخينــا كل شي صـوب الاكــل ولعبنـا في جم شي من اغ ــراضـه ع ـاد سمعنا صـوت يدي من الخوف هدينا كل شي رحنا بنقفل الباب مايتقفــل جان ارفـس الباب بريلي وتنكسـر جامه الباب لان الباب كان مربعات زجاج انكسرت مربـ ع ـه عاد انامن الخوف ويهي صار الوان الطيف كلها ههههه هدينا المفتاح والزجاج المكسور ورحنا سوينا اعمارنا راقديــن وطبعــا اكتشفـو المجرميـن وح ــصلنا ذيـج الزفـه الـ ح ـلوه اللي تقـول الزود عندي ههه ..~ سـوالــف وقصـم باللهــ ع ــلينا يوم احنا صغنيـن ومافـي اح ــلى من ذكريات الطفـولهــ ..~ بعدهم أصدقاء الطفوله بحياتك ولا فرقت بينكم الأيام ؟؟ ^ ^ لا الــ ح ــمدلله صديقتي هي بنت خ ــالتي وليومج هـاي اح ــنا ربـع الروح بالـروح لا خ ــلاني الرح ــمن منهــا..~ همصــه :: ربــي يخليلكمــ ربــ ع ــكم يميـع وربيهــ يديمــ ع ــليكم المــ ح ـبه ولا يغير ع ــليكم ابــد ..~ همصـه2:: اعضاءنــا طلعــو مجرميـن من قلــب ههه ..~ همصه3:: سلومــه قــولي انتي موقف من مواقفج << مشكله الملاقيف صــح ..~ مـوضوع رايــ ع من ع ـضوه اروع ..~ يبتيـها ع ــالعوق مثـل مايقـولون ..~ اطرح شكري وامتناني للمجهود اللي تقومين فيه في المنتدى..~ شاكره لج الطرح الجميل ..~ وكـل يوم تبهرينـا بطروح ــاتج المتميـزه ميزج الله بطاعتهــ ان شاءاللهــ ..~ مبدعه انتي وانتي الابــداع ..~ دام هذا القلم الرائع لنا ..~ والى الامـام دومــ ان شاءاللهــ ..~ دمتي كما انتي متميـزه ومتألقـه ..ودمتي كماتحبيـن ..~ شاكره لج ومقدره تميزج الدايــم ومجهودج الطيــب دمتي بتوفيق من المــولى ودمتي بكــل ود ربي يعيطج بلايين العوافي عالموضوع الحلو مثلــج وسلمتي وسلمت غاوي يمينــج ولاتحرمينـا من كل يديد مميز وحلو من صوبــج ربي لج حافــظ http://9otuae.net/af/uploads/61971a2410.gif http://www.alqlbzayed.com/up/uploads/1ace94f289.gif http://www.alqlbzayed.com/up/uploads/1ca29431a0.gif http://www.alqlbzayed.com/up/uploads/1ace94f289.gif http://www.alqlbzayed.com/up/uploads/e84ae10033.gif |
[align=center] مرحبا الساع والعيون سوود ووساع الصراحه أكبر شيطانه كنت احب اعظ وصديق الطفوله كان اخويه كل يوم اتظارب وياه يوم اعظه ويوم ارفسه طبعا بالاخير اصيييح واخبر ماماتي و عنده بانشي 350 اسود كنا في العزبه وهو يعطي ويلات ويخمس وانا اركب ورا واقوله عط ويل وعندنا يهال وايد في العزبه فيوم يجوفونا الحريم يهزبونا وعاد نحن نشرد من العزبه بكبرها عشان ما ايينا الهزاب ونسير جدا القص ونطالعهم يوم يصعدون طبعا نحن يهال كان عمري 7 سنين واخويه 10 سنين ونرد ونحصل كمن هزبه خخخخ[/align] |
ههههههههههههههه! أيااااااام الطفووله اتصدقوون بعدني أعيشها هع هع هع هع بس ما عرف عاد شو يسمونها أيام شو اللي اعيشها اللحينه شطولي و شعرضي هع هع هع ! أنا صديق طفولتي هو ولد عمتيه اللي هو فنفس الوقت ولد خالي لوولز وهو بعد قدي بس أنا أصغر عنه ب 40 يوم يعني يوم طلوعه هع هع هع ! و كان ويانا بعد اخويه أصغر عنا بسنتين لول كنا وايد ويا بعض يعني حتا أيام الصيف كان كله عندنا وكنا نحفظ شو بي لليوم الثاني فسبيستون لووووووول و نلعب برع و نصرق من الدكان و اللي اونه يطول برع عالظهر يعني بدون النعال كنا صدق ننصلخ هع! و بعد كنا نتسبح فالمسبح لوووووووول و مغامراات أونه وأنا كله كنت ويا الأولاد بما أني البنت الوحيده هع ! بس اللحين ما يخصه كله ويا البنات لوول بس لين اللحين كله وياه ضرابه و هو يسب وانا أسب حتا فالصيف كله يسافر ويانا خخخخخخخخخخ! لزقه وحليله هع هع هع ! وووووووووووو...أشياء وايده و بقوللكم سالفه حزينه و حليلي : أنا يوم صغيره كنت فمدرسة الشويفات جان اتعرفونها و ربيعتيه البست فرند عاد لولز اتفارقت وياها من الصف الثالث أنا سرت مدرسه خاصه بس البنات والأولاد مفرقين لكن فنفس المدرسه المهم ومرت السنييييييييين وكل وحده تتذكر الثانيه و تتمنا ايي يوم وتشوف الثانيه و كبرنا و كل وحده اتغيرت 180 درجه و شااء القدر وجمعنا لوووولز طلعت فمدرسه أعرفهااااااا(لأنها هي غيرت مدرسه هع ) لوول وكليوم انكلم بعض بس بعدنا ما تشاوفنا و انشالله قريب و صبحان الله طلع ذوقي مثل ذوقها هع هع هع ! وبس السموووووووحه شكلي وايد طولت |
هي والله احلى شي ايام الطفولة اذكر كنت انا ربيعاتي نعوم ونوف ومهروه وسارة كله نحوط في الحارة كنا شرات الاولاد بس كانت ايام روعة ومن ايام الطفولة لين الحين بعدنا ربيعات |
الريم حلت دنياج وتسلمين ع المرور والرد ماقصرتي يعطيج الف عافية |
اغلى الغاليات المرحب لاهان وياهلا وسهلا فيج نورتي القسم بكبرهـ بطلتج يالشيخة طفولتج أكشن لووووووول ربي يخليكم لبعض ولايفرق بينكم ان شاء الله تسلمين ع المرور والرد الحلووو ماقصرتي وعساني ماخلا منج |
نبض عوافي المرحب لاهان اختيه ينخاف منج انتي ههههههههه تعضين مره وحده مشكوره ع المرور والرد ماقصرتي يعطيج العافية وعساج ع القووة |
نكته ربي يجمع بينج وبين ربيعتج ولايفرقكم أبد تسلمين ع المرور ماقصرتي يعطيج الف عافية وربي لايحرمني منج |
المينونهـ تسلمين يالشيخة ع المرور ماقصرتي ربي لايقصر في عمرج |
يسلمووووووووووووووووووووووووووو على الموضوع وصديق الطف ول بني واي البني عجيبة احبها وايد |
| الساعة الآن 12:55 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir