|
~||كـآفـي صـدمــآآت بـحـيـآآتـي جـآي تصدمني بـعـد||~ [align=center]السلام عليكم ورحمة الله وبركاته صبآح/مسآء الخير شحالكم جميع؟ ..||مدخـل||.. كافي صدمات بحياتي ..جاي تصدمني بعد!! والله هالدنيا غريبه.. وش بقى فيها بعد؟؟ ما بقى غير الجراح.. وقلبي الي ما استراح الكثير منا انصدم بحياته صدمات مختلفة في الموضوع ابي اي واحد مر بموقف انصدم فيه وكان اللي صار آخر شي يتوقعه يكتب لنا عنه بذآآ.. وآنآ ببدأ: آول صدماتي: لما كان عمري 13 سنه وتحديداً في يوم 27 رمضان عام 1420،، عندي وحده من عماتي كنت دايم معها واروح واجي وياها وتحبني بالحيل وانا بعد تعلقت فيها وكان عمرها ذاك الوقت 21 سنه دخلت عليها وكانت مبتسمه ابتسامه عريضه وتقول لي: تعال اقعد عندي.. قلت لها بروح اصلي التراويح وبجيتس.. صليت وانا احس بضيقه رجعت بعد الصلاه الا العرب واقفين عند الباب وزحمه شالسالفه؟؟ مــــــــــآآتـــت الغآليه آكبر صدمه بحياتي وللحين متأثر منها،، الله يرحم الغاليه ويرحم جميع موتى المسلمين ويلحقنا بهم على خير. كثيرة هي الصدمات ولكن اترك لكم المساحه لتشاركونا بما لديكم.. اتمنى اني وفقت بالطرح احتري تفاعلكم آمـيــــر ~\\مـخـرج\\~ عادي متعود حبيبي ..حظي ياما طاح وياماطاح[/align] |
[align=center]............... عليك السلااام ورحمة الله.. تسلم الشيخ ع الطرح.. .. احم.. عن نفسي..>>اكثر عن صدمه>>"بس بقووول آخر صدمه لي" >> و واااايد اثرت فيني.. .. اممم.. >>قبل فتره>>تقريباً سنه>>كنااا نمتحن لآخر السنه.. و كاانت لي >>آخر سنه "ثنويه عااامه" خلصت الامتحااان>>و يلست مع ربعي شوي.. .. شي واااحد من ربعي"حمد">>نااسي رمز تلفووونه>>و حرق بطااااقته..>>لاازم يسوي بدل فاااقد.. .. و اربيعي الثااني>>في الدواام>>كاان يتصل لحمد>>و يتحراا تلفوونه مغلق.. >>بعدين اتصلي>>قاالي شوو ساالفته تلفوونه مغلق>>قلتله>>البطااقه انقفلت>>و يبااا البطاااقه اليووم ظروووووري..>>واتصااالاات مسكرين.. .. قااالي عطني برمسه و بعزيه>>كاان يتمصخر.. .. و اليوووم الثاااني>>كنت راااقد>>و وااحد من ربعي>>اتصلي>>قاالي انت وين>>قلتله رااقد>>و حسيت من صووته انه فيه شي.. سألته>>شووو فيك>>قااالي تعاال المستشفى نحن هناااك.. و انااا مااادري شوو صاار فيني>>قلتله حمدووه>>قوول شوو فيك>>شووو صاااير.. .. قااالي>>سااالم توفى.. رديت عليه>>قلتله "والله جذاااب" >>وكنت اضحك "لااا اراادي" >>والله مااادري شوو صاار فيني.. >>انااا راااقد>>و هو يقوولي ساالم توفى>>مااادري احس انه يمزح>>و انااا على برووده اعصااابي>>اقووله انت جذاااب >>و ماا ارد عليه>>اتم سااكت.. احس بصووته متغير و ان صج فيه شي>>بس والله الشاااااهد>>اني ماا احس بشي>>غير اني قلت اكيد اناا حلماان.. .. والله اني ماااا ادري شووو اسوي>>احاااول اقص على عمري"و اقووول حلم" >>و اجذب ربيعي>>بس اعرف ان اربيعي>>ماا بيمزح في هالسواالف.. .. اشوووف بعد شوي>>ابوووي ياااني>>و قاالي قم صل>>و ماا يااابلي طاري شي.. .. سألته و قلتله>>ابووي..قووول الصج>>شوو صاااير.. >>قااالي قم صل و تعاال بنرووح المستشفى.. >>هنيه>>قفلت الدنيااا بي.. .. نشيت و رحت المستشفى>>و اناا مب مستوعب أي شي.. .. وصلت عند المستشفى>>اشوووف زحمه>>و ربعي كل وااحد بصوووب.. .. والله ان بعد كل هذااا>>مب مستوعب شي.. .. .. الله يرحمك يااا ساااالم........[/align] |
اقتباس:
ومن قال يسلم.. لاهنت اشكرك على المشاركه والله يرحم خويك ويرحم جميع موتى المسلمين. اسعدني تواصلك آخــوك[/align] |
[align=center]السـلام عليكم ورحمة الله وبركاتهـ .. حـياك الله أخـي الكـــريم .. ~..صَـدمَـةُ عُ ـمُـْر ..~ عندما تلتقي بـ أُناس تظن أنهم لوحة فنية جميلة حتما يسعد من يقتنيها ويتفاخـر بها,, وترسم لهم تلك المثاليات الرائعة الجميلة وأنت في طفولتك تكبر وتمني نفسك أن تصبح مثله في يوم ما,, تذهـب اسبوعيا لزيارتهـ وتصاحبهـ في بعض زياراتهـ,, وعندما ترى البعض يشير إليهـ تقول وبفـخر: {نعم ذاك الذي تـراهـ هـو من لحمـي ودمـي هو جزء منـي وسأغدو يوما مثلهـ بإذن الله,,,} ولـكن,, مع مرور الزمن وصحوة الذهـن ,,تتبخر تلك المثالياتُ الطفوليهـ ,,وتتحطم إلى أشـلاء على عتبات باب الواقـع,,, وتشوه المواقف صـورة ذاك البطل المغـوار الذي طالما راودك طيفهـ فالأحـلام ,, ليغدوا بها شـخـص تكـرهـ إلى حـد الموت وتتمنى أن تظفر بهـ لتذيقهـ بعض الذي أذاقهـ أغلى إنـسانهـ وسكـبت دمعاتهـا حـزن عليهـ .. أي إنسان ذالك الذي يبيع أمهـ من أجـل دنـيا وزوجهـ ومجرد حفنات من المال,, ولكن مثل ما قال المثل: (الدنيا دوارهـ ),, والزمن كـفيل بان يشفي غليلي منهـ ولو بعد حـين .. حـفظك الـرب [/align] |
موضووع صراااحه يعور القلووب لازم يعني اتذكرنا خلنااا ناسيــن <<< اقص ايدي لو نسيت صدمااتي يعطيك العافيه اخويه ع الموضووع وربيه انه روووعه والحين اكيد الكل مر بجمن صدمه هب بصدمه وحده .... الصدمه اللي مستحيل انسااها وواايد متاثره فيهااا لهاليوم هذا هب مستوعبه اللي صار اليوم كان يوم الثلاثاء تاريخ 6_3_2005 هاليوم كانت خالتيه تزقرني وتقول لي تعاااالي خلج ويااايه ولاتسيرين اخااف عقب اتروحين ومااتحصليني وكااانت وااايد مستانسه ... انا براسي 100 علامة استفهام مافهمت شو تقصد .. بس كان ودي ايلس فياها بس اهليه كانوا املزمين عليه اني ارووح .. المهم هاليوم كنا نحن الاهل سايرين الشماليه فيه للقريه العالميه وع السااعة 8 العشا كنا حادرين القريه المصريه .... فهالحزه وصل لاخوي اتصال من اماايه لنها مايت فيااانا اخر شي وانا يالسه اطالع علامات ويه اخويه ومتخرعه من الخاطر من شكله لنه يبين ان صاااير شي عقبها سمعت خالتيه ........... توفت ..... اهنيه ماعرف شو استواليه حسيت ان المكان ظلمة من الخاااطر مااعرف وين اودي روحي وشو اسوي هااي الانساانه كنت اعتبرها شراا امااااااااايه واكثــر واهي الله يرحمها اللي سمتني وانا ياهله ماعرف شو صااار ماكنت مستوعبه مووول يالسه احط فباليه الرمسه اللي سمعتها انها غلطب غلط ليما اخر شي تأكدت ماحسيت بروحي الا بايد اخويه ماسكتني عقبها اكتشفت ان كان بغمى عليه بس اخويه مسكني ويااااالله يالله ليما وصلت المووتر وطووووول الوقت وانا صااااااااااااخه لادمعة ولا صووت الكل استغرب مني بس كنت بعاالم ثااني كنت استرجع كل يوم مر علي ويااها وكيف كانت اتعاملني (( لني دلووعتها واتخااف عليه من كل شي )) رديت البيت واول مانزلت طحت من طولي ع الارض عقبهااا مااعرف شو استوى لي وعيت وانا دموعي ع خدي ولهاليوم وانا هب مستوعبه اللي صاير واايد اقص ع روحي واقول اهي امساافره والا اهي فبيتها والله يرحمها ويعمد روحها الجنه ياااااااارب |
السلام عليكم ورحمة الله وبركاته هلااااااااااا والله بالأمير مساء الله بالخيييييييييير الصرااحه موضوع جدااااااااااا راااااااااائع وهب غريب عليييييك ^^ ندخل في الموضوع سيده الله يطولي بعمرك صدمتي توهاااااااا لين الحين وهي تعور قلبي وهي وفاة اغلى الناااس " يدي " الله يرحمه ويغمد رووحه الينه الله يسلمك توفى قبل 3 سنين يوم وقفه عرفه 19 / 1/ 2005 الناس في فرحه وعيد ونحن في زعل وصيااح :54: الله يسلمك هو كان مريض بس والله الغالي ما عمري فكرت انه في يووم من الأيام هالانسان العزيز على قلبي يتوفى لكن هذي حكمه ربي ولازم نرضى فيهااا الله يرحم اموات المسلمين ويرحمنا برحمته الواسعه "اللهم آمين" تسلم خوويه ع الطرررح الي يعور القلب يعطيييييييك العافيه وتقبل مروري^^ |
السلام عليكم ورحمة الله وبركاته انا عن نفسي بعديه منصدم صدمه كبيره و اذا تبون تعرفون ليش اقرو السالفه هذا السالفه من سنتين يوم من الايام كنا انا وربعي مخيمين في (سويحان) و كنا شالين ويانا دراجاتنا وكان يعني صدق طماشه وكان في وقت الشتا المهم ثاني يوم هناك كنا سايرين الساعه 2 فليل انقطع بل دراجات و كان برد ورجعنا و الله ماذكر متا لاكن رجعنا في وقت متاخر و تعشينا و كان هناك 3 خيم كبار و خيمه صغيره بس تكفي حق اثنين المهم واحد من ربعي كان مريض ماذكر شوكان فيه وكان وايد تعبان و بردان المهم رقد فل خيمه الصغيره هو و واحد من ربعي وكنا حاطين في خيمته كوار عشان اتدفي الخيمه قبل ما ينام و قلناله قبل ما تنام شل الكوار برى الخيمه المهم سرنا ورقدنا و يوم قمنا الصبح سوينا ريوق و تريقنا بعد ما تريقنا قال واحد من ربعي حد فيكم يسير يوعي سواف و معضد و سار واحد من ربعي عشان يوعيهم المهم قعدنا انسولف جان اشوف ربيعي ياي صوبنا ويزاعق الحقو و فزعنا كلنا انشوف شو صاير يوم وصلنا عدال خيمتهم قلت شو صاير جان يقول اربيعي سواف و معضد ماتو انا ماصدقت هل كلام يوم دقيت تحت عنقهم كان مافي نبض و غصبن عني صدقت وشليناهم مستشفى (توام) في العين وصار اللي صار. انا اعتقد انه هاي اكبر صدمه لي في حياتي واي واحد فينا لو يخسر صديق بيحزن وايد عليه فتخيلو تخسرون صديقين تسلم اخويه امير بكلمتي عل موضوع والله يسامحك ما كان لازم تذكرنا تراني بس اتمصخر لا تحط في خاطرك. |
مــرحبا الصدمه هيي : مووت يدتي ام امي اللي توفت يوم عرفه الساعة 3 الفير تقريبا فالليل بنت خالي كانت ياسة حذال عند يدتي اللي كانت رآآقده وبنت خالي كانت تشووف فلم وعقب يدتي كانت تناديها ويوم لفت شافت انه يدتي مختنقه وجي رآآحت نادت خآآلي وودوها المستشفى والله ياااااااااااخذهااااا من مستشفى ماسوو شي بس عطوها الدوا وردووها البييت وعقب نص سآآعة بنت خالي ياسة حذالها ويووم مآآتت كاانت عندها كانت تحس انه روحها انقبضت بس خلآآص يوم نآآدت خآآلي يدتي مآآتت وانا كنت آآخر وحدة اعرف انها مآآت الكل كآآن قأأيم الفير إلا انا ويووم نشييت استغربت لنه محد من اخواني فالبيت وامي وابوي مب موجوودين وعقب درييت حتى يووم يا اليووم اللي عقبه ماحسيت انه نحن فعييد محد كآآن مقطع قلبي إلا امااايه اللي كاانت تصييييييح وآآآآآآآآآآآييد ومب مصدقة انها مااتت وكل خمس دقاايق تذكر يدتي شوو كآنت تقول لها الله يرحمج ياايدووه ويغمد رووحج الينه يااااااااااااااااااارب .. |
• ° آه العنا بي طاليـﮯ شايل هموم گبارْ أسهرْ وحيد لحاليـﮯ گأني غرْيب الدارْ --{ وآقع نعيشه آلآن صدمة بعدهآ صدمآت نرى آليوم أحبآبنآ وخلآننآ وغداً يذهبون عنآ هذآ المعتاد هذآ آلوآقع آلذي نعيشه آلآن نصبر ونتحمل ولآ يوجد أفضل وأحسن من سيدنآ أيوب عليه آلسلآم [ أكبر مثآل للصبر كآن آنآ ذآك ] فلنقتدي به فهو خير من غيره آلكثير ولآ نقول إلآ ما يرضي ربنآ فهو كمآ أعطآنآ يأخذ عنا يحل على كل إنسآن آلسعادة وآلحزن وآلتعاسه على آلكبير وآلصغير لا فرق بينهما ومآ على آلإنسان سوى آلصبر والتحمل على مآ آبتلآه آلله عزوجل ..~ ]|[ آلسموحهـ ترآني طولت عليكم وتسلم أخويه ع الموضوع ونترقب الزود منك ..~ ° • |
http://www.mo3afa.com/fasel/f4.gif عليكم السلاااااااااااااااااااااااااامـ صرااااااااحه اقسى واصعب ذكـرى منحووته في قلبي هو مووووت >> ابووووووووويه << الله يرحمه كان عمري ثلاااث سنووووات واكان ابوويه مريض في المستشفى ولكن اصر على الدكتور انه يظهر من المستشفى على مسؤليته وفي نفس اليوم اللي ظهر تووفى وانا كنت يالسه على رجله وواخوانيه ثنينهم على رجله الثاااانيه مانروووووووم نعترض على حكمة رب العالمين ووربي انعم علينا بنعمه النسياااان لولاها كان ممحد يعلمـ بحالنا غير الله <<<قلبت علينا المواااااااجع وومشككوور اخوويه ع الطررح المميز ربيه يعطيك الف عافيه نتريا كل يدي من صووبكـ تقبل مرووري السموحه ع القصور http://www.mo3afa.com/fasel/f4.gif |
اقتباس:
[align=center]وعليكم السلام ورحمة الله وبركاته كلمات قليلة ولكن المعاني بحر..ماشاء الله عليتس اختي.. الله يعطيتس العافية مرور رائع لاخــلا ولا عــدم آخــوتس[/align] |
اقتباس:
[align=center]هــلا بتس اختي كان المقصد فضفضه عما نفوسنا بس:14: الله يرحم خالتس وجميع موتى المسلمين. لاهنتي على المرور آخــوتس[/align] |
اقتباس:
تحين وتبقين خيتي نظره..هلا بتس.. الله يرحم جدتس وجميع موتى المسلمين يااارب مشكوره على المرور الحلوو..اسعدني هالتواجد.. آخــوتس[/align] |
اقتباس:
[align=center]وعليكم السلام ورحمة الله وبركاته الله يعينك ياخوي ويرحم ربعك وهذي حال الدنيا وكلنا لها.. اشكرك على تواجدك الطيب..لاهنت.. آخــوك[/align] |
اقتباس:
الله يرحمها ويلحقنا بها على خير.. شكراً على التواصل آخــوتس[/align] |
اقتباس:
[align=center]كلمات مؤثره.. لكن هذي الحقيقه والله يجيرنا من صواديف الدهر.. شكراً على المرور الرااائع آخــوتس[/align] |
اقتباس:
[align=center]هلا اختي الله يرحمه ويسكنه فسيح جناته ويلحقنا به على خير.. الله يعافيتس ولا يهينتس آخــوتس[/align] |
تسلمـ اخوي ع الموضوع الغاوي يا مكثر الصدمات.. ومكثر ما تحز بالخاطر و تيرحه خلها مستوره .. و ربنا عالم بحالنا وهو مفرج الكرب يعطيك العافيه نحتري يديدك بشوووق |
والله أني يالسه أقرا ردودكم وابا اصيــــــــــــح لنه كل انسان مر ب مثل هالشي وانا بعد انا أذكر سنة 2003 كان يدي مريـــــــــــض ف كانو بيودونه يتعالج برع هذاك اليوم أذكر انه اميـــــــــه قالتلي تعالي سلمي على يدج بيسافر جان اقولها بسلم عليه يوم بيرد لني ماحب لحظات الوداع..المهم هم ظهرو من الباب وانا والله على طول يا ف بالي انه يدي بيروح وما بيرد الله يرحمه آه المهم خالي كان دوم يتصل يطمنا عليه ومرة يتصل يقول انه يته جلطه وانا اتم خايفه ودعيله وعقب فتره يقول خلاص تعافى و أحمدلله و أشكره.. ووعقب سووله العمليه ونجحت بس وكنا نتريا متى يدي بيرد لني الصراحــــــــــــــــــــــه وايـــــــــــــــــــــــد أحبه ووالله لين يومك هذا أصيــــــــــح عليه ..الله يرحمه.. أذكر هذاك اليوم الوقت كان الظهر وكنت يالسه مع أميه وابويه وأتصلو ف ابويه وخبروه وانا فهمت انه مــــــات المهم هذاك الوقت والله صحت بس عقب حسيت انه هالشي جذب وانه هو بعده موجوده ما مات يعني مثل ما تقول أقص على عمري بس يوم سرت بيت يدو وشفت الوضع هنــــــــــاك تأكدت حتى خالتي حضنتني وانا والله مب رايمه أوقف ع ريلي من الي فيه.. والله كان انسان طيب حتى كانو الهنود الي كافلنهم ايون يسألون عنه يوم يقولولهم انه توفى يتمون يصــيــــحون عند الباب يعني والله كان ريال طيب والكل يذكره بالخيـــــــــــر الله يرحمه ويرحم كل موتى المسلميــــــــن.. آميــــــــــــــــــــــــن يسلمووووووووووووووو اخويه ع الموضوع ^_^ |
[align=center] هلا بكـ اخي أمــــــ بكلمتي ــــيـر وهل بعدما كتبت وقـُلت .. يوجد كلاااااااام ؟ أن الصمتَ في حرم الجماال .. جمالُ ســأختار الصمت .. ولكِ حرية الآبدااع دمتِ غالي ليس بوسعي سوى أن اسلك طريقكمـ وابوح بمكنونيـ وربي يرحم ويغفر لكلـ منـ مااتـ من المسلمينت والمسلمااتـ ... _ في أحد الأياامـ كاان زفاااف إبن خاالتي الصغير وكاان متوااجدين جميعاا صغار وكباار وكاان هناك رجل كبير بالسن زوج خالتي وعم الإبن الذي سوف يتزوج وكاانـ هنااك مجلسين كبيرين للمناسبات في منطقتنا وعندماا ذهبو الشباب إلي المجلس الآخرى وددت أن أجلس مع كباار السن لكي أتعلم منهم واغوص في أعمااق مخيالاتهم , المهم كاان هذا الرجل صديقي وابي واخي وكل شي مع إنه كان يكبرني سناا وفاارق العمر كبير جدااا وكاان كل من يراهـ يعتقد انه صغير من روحه المرحه , وكاانت الإبتساامه لاتفارق شفاهه وبعدماا قضيناا الليل بسمرهـ جميله وراائعه ذهبنا لانه كان عندي كلية اليوم الثاني وهو ذهب لبيته والكل ذهب لبيته , وكاان يحس بإحساس غريب عندما كنت اسامره بالحكي بلليله الفائته وكان لايريد أن يذهب لبيته كان ودهـ ان يجلس ولكن كان انا عندي ظرفي , وذهبة عنه وفي اليوم الآخر ذهب للكلية ورجعت وليتني لم ارجع لاني حينما ذهبت للبيت رايت أنااس كثر ولمـ اسالهم دخلت البيت ولم أجد احد من أهلي وركبت سيارتي وذهبت مرة آخرى للكلية وحينما كنت بمنتصف الطريق جاااأني إتصاالـ من أحد الأشخااصـ .. المتصل : اينـ انتـ ذااهب .. أنا : إلي كليتي نسيت بعض الاوراق وسوف استرجعها واعود , على فكرة ماذا حدث ولما هذه الجمعه عند البيت .. المتصل : أرجع وسوف أخبركـ .. هناا أنا وقف قلبي ولم اجد نفسي إلى عند باب المنزلـ لا اعلم اينـ أنا لاني عملت حادث بسيارتي من السرعه الزائده أريد انا اعلم ماذا حدث لانه بنفس الوقت جدتي ام والدتي من ربتني كانت الآخرى تعبانه وإعتقدت أنها توفيت ولكنـ أصبح الخبر لشخص اعزه معزهـ لا يعلمها إلا الله وسمعت الخبر بعدما افقت وإستوعبت ... الله يرحم موتنا جميعا المسلمين والمسلمات ..[/align] |
اقتباس:
[align=center]الله يسلمتس خيتي واشكرتس على المرور الطيب.. والله يفرج عن كل مكروب آطيب تحية[/align] |
اقتباس:
[align=center]هلا اختي موقف صعب.. الله يرحمه ان شاء الله ويجمعكم به في جنات النعيم شكراً على المرور الطيب آطيب تحية[/align] |
اقتباس:
[align=center]آآرحب يا الغالي والله صـــــدمــه اثرت فيني واجد، لكن ماباليد حيله مانقول الا الله يرحمه رحمة واسعه آخرته للجنه.. اسعدني تواجدك في متصفحي، لاتحرمني هالتواصل آخــوك[/align] |
تسلم اخوي عالطرح الغـآآآوي طبعا اغلبكم ذكر المــــــوووت الله يرحم موتانا وماباقي ودايم الا ويه ربي مريت بسالفه الموت هاي والله يرحمه ×_× ولكن الصدمه اللي مانســآآآها شخص عطيته كل تفكيري وقلبي وهو نفس الشي لين يا اليوم اللي قالي فيه انتي شي وانتهى ماتتخيلون يوم عيوني تلاقي عيونه اقول هذا جذآآآب والله جذآآآآب وانجرحت جرح مانســـــــآآآه ههههههههه وتعلمت درس بعد ^___^ تسلم يالشيخ عالطرح الروعه لاهنت |
[align=center]هــلابتس اصلاً هالعلاقة غلط ولكن الأهم انتس تعلمتي ولعل في هالامر خير.. شكراً على المرور والتفاعل الطيب تحياتي[/align] |
[mark=999999]يآآمرحبــإأ بــك اخوؤويـــه تـــســلم اخوويــه ع المووضــؤوؤع الغـآوي اممم الحمد لله انآـآ مآصآرت لي صدمآت وحتى لوو صآرت مآتكوون شـرآت صدمأت غيري يعني حد يتوفـى لا .. صدمة عآديـه ^^ ان شاااء الله لوو انصدمت من شي بخبركم .. والسموحه ع القصوور والله يرحم اليميـع[/mark] |
[align=center]مرحبآ بتس.. والله يجيرنا وياتس من صواديف الزمان شاكر لتس مرورتس الطيب تحيآتي[/align] |
| الساعة الآن 11:07 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir