|
شو المتعه في إغتصاب فتاه بريئه بهذه الطريقة ؟؟ بسم الله الرحمن الرحيم .. في شغله بس حبيت أذكرها لكم في البدايه ,, إن اللي بيقرأ الموضوع كامل يأخذ نفس طويل لأن الموضوع ( صعب ) و يحرك الضمائر الميته .. راح أتكلم في موضوعي هذا عن حالات ( الإغتصاب ) !! في تاريخ 11/4/2008 كنت قاعد في البيت أتصفح الجرايد .. وتحديدا كانت جريده ( البيان ) ويوم وصلت الصفحه رقم ( 11 ) صعقت يوم قريت خبر وعنوانه : ( شـــرطي يخــطف موظفة من مقـــر عملها و يغتصبها ) !!!! شدني هذا الخبر وقعدت أقرأ وأنا مستغرب باللي قاعد أقراه ؟؟ تفاصيل القصه طويله ولكني بختصرها لكم بطريقتي عشان ما أطول وااايد في الموضوع : القصه وما فيها : في واحد من أفراد الشرطه طبعا ( إماراتي ) الجنسيه تعرف على أحد الفتيات عن طريق ربيعه ..وقعد حوالي إسبوع يكلمها بالتلفون .. وطلع معاها مره في السياره وما سوى شيء معاها حزتها كان يبغي يثبت ( شهامته ) بهذه الطريقه .. وفي اليوم الثاني طلب منها أطرش صورتها بالموبايل وخدعها إن راح يراوي ( أهله ) الصوره عشان يتقدم لها حق الزواج .. وبالفعل هيه طرشت صورتها وقالت له ( أمسح ) الصوره بعد ما تراوي أهلك .. ولكن ( النذل ) كان يخطط لشيء ثاني .. وفي اليوم الثاني قال لها أبغي أشوفك ضروري !! قالت له ليش قال ما أقدر أقولك لازم أشوفك عشان أخبرك وهددها إذا ما طلعتي معاي ( بنشرك صورتك بالبلوتوث ) المسكينه وافقت .. وبالفعل راح مقر ( عملها ) ويوم ركبت معاه السياره قالت له شو السالفه المهمه اللي عندك ؟؟ مسك يدها بالقو وخذ منها تلفونها وساق السياره بسرعه وراح في منطقه رميله في ( العوير ) ,, وأول ما وصل هناك ( عفد ) على الكرسي اللي يالسه عليه وحاول يغتصبها ويوم قاومته ضربها ضرب وأغتصبها بقسوه وهيه تصيح !!! وهددها إذا إشتكت عليه إن راح يذبحها ؟؟ طبعا القصه لها ( تكمله ) ولكني أبغي أوقف عند هذه النقطه : نقطه ( الإغتصاب ) : شو المتعه في ( إغتصاب ) فتاه بريئه بهذه الطريقه .. معقوله الضمير ميت لهذه الدرجه ؟؟؟ بالله عليكم كيف يهون على ( الإنسان المسلم ) أن يغتصب إنسانه بريئه ويخدعها ويهتك عرضها بالكره .. وأي متعه هذه في ( الإغتصاب ) إنك تغتصب وحده بالكره وهيه تقاومك وتصيح وتصارخ وتترجاك إنك تتركها .. شو من قلب يحمله هذه ( المغتصب ) معقوله مافي لا رحمه ولا شفقه .. عشان ( تمتع ) نفسك وتغتصب وحده لمده ( دقائق ) معدوده تحمل نفسك هذه الذنوب الكبيره واللي ما تغتفر !!! شو الإستفاده من ( الإغتصاب ) غير إنه حمل على نفسه ذنوب عظيمه .. وشو ذنب البنت المسكينه عشان بس طرشت صورتها وهي تعتقد إنه راح يراوي ( أهله ) ولكنه أستغله في مصلحته .. وجازاها بالأغتصاب وهتك عرضها وهدم مستقلبها ( نهائيا ) .. ما فكر في عظمه هذا ( الذنب ) !! ما فكر في ( ربه ) !! ما فكر في ( العذاب ) !! والله العظيم أني من قريت الخبر تضايقت وااايد و ما قدرت ( أنام ) في نفس الليله رغم إني مالي علاقه في البنت وما أعرفها ولكن كل ما أفكر في موقفها ( قلبي يعورني ) عليها .. وليومك هذا قاعد أفكر بهذه السالفه اللي متأكد إن اللي عنده ( ضمير صاحي ) راح يتأثر مع موقف هذه الفتاه .. و كل فتاه تعرضت ( للأغتصاب ) .. واللي يقهر في الموضوع إن المغتصب ( شرطي ) كيف هانت عليه هذه الفعله كيف راح البيت وقدر ينام بعد هذه الجريمه .. وكيف يقدر يواجهه نفسه بعد إرتاكبه هذه الجريمه .. آآآآه يالقهر لو بيدي والله إني اشوف إن هذا الشرطي يستاهل ( الإعدام ) جدام عامه الشعب ليتعظ غيره من المغتصبين !! همسه إلى كل فتاه هذه قصص واقعيه ولتأخذو العبره منها ,, إن الثقه في هذا الزمن بأنسان غريب هو ( هدم ) لسمعتك في النهايه .. وفي الأخير السموحه على الإطاله في الموضوع ولكن هو موضوع ( واقعي ) أحببت أن أضعه تحت المجهر علو عسى أخذ العبره منه .. منقـــــــول .. اخوكم عبدالله المطروشي |
[align=center]السلام عليكم ورحمة الله وبركاته قصة تعور القلب وفعلاً تؤثر ي من ضميره حي فقط وعنده غيره على بنات المسلمين،، الأغتصاب كثر خصوصاً في هذا الزمن وهذا من علامات الساعه الله يحفظنا وياكم من كل مكروه ويقبض ارواحنا قبل نفكر بهالشي تغتصب الصغيره والمراهقه والكبيره بلا رأفة ولا رحمة لإشباع شهوته اللتي يظن انه يشبعها وهذا وهم فلا متعة فيما حرم الله.. صحيح كل رجل يفعل هذا الفعل القبيح غلطان وبلا قلب وبلا ضمير ولكن الفتاة أيضاً لها دور فبعضهن من تكشف مفاتنها ولا تلتزم باللبس الإسلامي الساتر وتعرض نفسها للأغتصاب.. ومنهن كما ذكرت في القصة من تعطيه صورها يااختي كيف تثقين به وان قال بيوريها أهله تهقين بيوافقون يخطبون وحده بهالطريقه.. وش هالتفكير؟؟ يعني الفتاة لو تحفظ نفسها في كل مكان تروح له وماتطلع إلا مع محرمها ومتستره مستحيل احد يتجرأ عليها بكلمه ولو احد كلمها ومالانت وصفطته ولاقالت لأخوها ولا أبوها او اي احد من محارمها مااتوقع هالشي بيصير لكن اذا عطته وجه شي طبيعي بيستغل هالشي اذا كان مايخاف ربه ولا يخاف على عرضه. نسأل الله السلامة والعافية وان يحمي بناتنا وبنات المسلمين من كل شر ويستر عليهن.. اعتذر عن الإطاله ومعذره اذا زلينا بصراحه ماادري شكتبت بالضبط من هول ماقرأت.. اشكرك وتقبل مروري آخـــوك[/align] |
هااااي مشكلة البنااات يقولها كم من كلمة حب ويخدعها وحليلها اتصدقه ما تدري انه يخدعهــــــــــــــــــــا والله مدري شو بلاهم هذيل الشبااابــ الصيع اذا حد قرب من بنااتهمــ بيعصبوونــ وهمــــــ مسوووين سوااد ويهم فبناااتـــــ النااااســــ تسلمــــــ يمناكــــــــــ اخووويــــــــــ ع الطرحــــــــــ |
قبل لا تحاسبون الريال حاسبوا البنت الي سلمت جسدها حق الذئاب الي ما ترحم .. وتخف من الاغراءات والمكياج والبس الفاضح .. ويوم تطلع تطلع مع اهلها مب ويا الدريول وألا ويا ربيعاتها مووول لا رقيب ولا حسيب ..والريال مووول من يشوف البنت ويا ربيعاتها وألا شافها بحالها في السوق أكيد لازم يسوي أي شي عسب يحصل عليها .. لكن لو كانت ويا اهلها والله ما بيروم يسوي شي .. بس العتب وألووم على الاهل الي ما عرفوا يراقبون بناتهم ولا عرفوا يأدبون أولادهم |
انا اشووف الغلط من البنت والرياال.. كيف اتطرش صوورها حق وااحد غريب ..و وااحد نذل شراات هذا .. بس شكلهاا كاانت ع نيااتها .. الله يهدي بناات وشبااب ها الاياام .. وتقبلو مرووري .. |
[align=center] لاحول ولا قوة إلا بالله [/align] |
اقتباس:
صح كلامج اختي والله مشكورين ع المرور |
نزين اخوووي المطروشيــــــ عندي لكـــ سؤال ؟؟ بيتزوجها بعد ما اغتصبهـــــــــا؟؟ المفرووضــ يخلونهــ يتزوجها وما يطلقها للابد عسبت يكون عظه وعبره لغيره جني قاضيه ((((( خخخ انفع )))) |
السلام عليكم و الرحمه يسلمووو عالموضوع فيا ليت احنا البنات و انتوا يالشباب تاخذون عبره و درس و عظه من اللي صار في هاي البنت ............ الصراحه عورني قلبي عليها .. نسيتوا انتوا ( كما تدين تدان ) يعني الله ما يضرب بعصا مثل ما هالانسان اغتصب هالبنت بيي يوم بيعض اصابع ايديه ندم لان حد من اهله او اقاربه بتكون محل هالبنت اللي سلبها شرفها ... اقولكم ترا الزمن هذا الواحد ما يقدر يثق باخوه اذا بيوقف وياه في وقت الشده فما بالك الثقه .. الثقه مستحيل تنعطى لاي شخص غريب اللياذا هذا الشخص عاشرته و عرفته عن طريج اختبار بسيط يسويه اذا نجح هالصديق و اذا فشل بتعرف شو معدنه قبل لا تسلمه ثقتك ............ و السموحه منك ختكم *·~-.¸¸,.-~*بنت_بن_هندي *·~-.¸¸,.-~* |
الغلط من الصوبيـن ،، بس هو نسى انه الي سواه ابنت الناس ,, يوم بدورالدنيا وبيستوي حد من اهله اللهم اهدي المسلمين والمسلمات يعطيك العافية على الموضوعك وحيك على ضميرك |
السلام عليكم ورحمة الله وبركااااااااااته [overline][align=center]يعطيك العااافيه يالمطروشي على هالطرح ربي لا هاااااااانك من علامات الساااعه كثرة المصااايب.........وظاهرة الاغتصاااب.....المشكلة ظاهرة تعامل بالكتماااااااااااان....عن جد انصدمت بالقصه.........كيف شرطي يسوي هالسواياااااااااااااا...ومن اصله كيف هي تامن فيه تعطيه صورتها...حتى لو ما صار شيء لها..........هذا شرف مش اي شيء............. ما اقول غير الله يهدي اليميع.........وكما تدين تدااان...وكما تفعل تجاز... تسلم على هالطرح الشيخ.... ولا خلا ولا عدم...[/align][/overline] |
الصراحه القصه تعور القلب وانا ما بقولك البنت مب غلطانه هي غلطانه لنه كان المفروض ما اطرش الصوره بس بنفس الوقت مالومها ثقتها وصدق نيتها خلتها تسوي هالشي والله يعينها الصراحه ويصبرها على ما بلاها..وعن الريال شو اقول غير اذا الإنسان ما يخاف ربه و لا صلاه ولا عباده ف توقع منه أي شي لنه الضمير يكون معدووووووووووووووم.. يسلمووووووووووووووو ع الموضوع الروعه ^_^ |
آآآآه يالقهر لو بيدي والله إني اشوف إن هذا الشرطي يستاهل ( الإعدام ) جدام عامه الشعب ليتعظ غيره من المغتصبين !! همسه إلى كل فتاه هذه قصص واقعيه ولتأخذو العبره منها ,, إن الثقه في هذا الزمن بأنسان غريب هو ( هدم ) لسمعتك في النهايه .. : : انا ما بعلق عالموضوع نفسه لانيه قريته قبل في احدى المنتديات والخبر منقول من الجريده كما هو وفيه تفاصيل اكثر اللي بعلق عليه هو موقفك يا اخويه عبدالله والله زين حد من الناس قال "آآآآه يالقهر" الحمد الله حد من الناس يغار على عرض بنت ماله علاقة فيها هذا شي نادر نشوفه احينه في هالزمن احينه اللي بيقرا الخبر بيقول لا حول ولا قوة الا بالله هذا احسن تعليق ممكن ينقال يزاك الله خير على غيرتك اللي تدل على شي اصيل : الشي الثاني اللي لفت انتباهي واللي يقهر في الموضوع إن المغتصب ( شرطي ) كيف هانت عليه هذه الفعله كيف راح البيت وقدر ينام بعد هذه الجريمه .. وكيف يقدر يواجهه نفسه بعد إرتاكبه هذه الجريمه .. : صدقت كيف يقدر ينام؟؟ كيف يواجه نفسه؟؟ اسئلة في محلها وما توجهه الا للانسان العاقل لي يخاف ربه لكن للاسف هل في ضمير حي هالزمان؟؟ خل الضمير عصوب .. هل فيه تفكير صح هالزمان؟؟ : الله يعين والله يستر على عباده اللهم امين واشكرك على ردة فعلك الطيبة يمكن حد يقول تعليقك ممكن اي حد يقوله بس الدليل على صدقك انك رديت كتبت الموضوع وسردت القصه باسلوبك وكتبت اللي في خاطرك بصدق في ناس نشروا الخبر بس كخبر جامد لا اكثر ولا اقل : اشكرك حنان القصيد |
لا حول ولا قوة إلا باللللللله الله يستر من هالزمن والله القصه اتعور القلب (سألت شو المتعه من الاغتصاب ماشي غير ان الشيطان صورله ان في الاغتصاب متعه والعياذ بالله) |
لاحول ولاقوة الا بالله والله انا اقول ان الغلط من الطرفين البنت السنعه مابتروح اطرش صورها لريال شرا هذاا بعدين الحب بحدوده ماله دااعي كل هالتمادى وطبعا الريال لو كان صج ريال ماتحرش بالبنيه والمشكله انه لو سوا شي مايفكر بخواته على قولت المثل اللــي يـــدقـ بـــــاب النــــاس ينـــدق بــــابه }-- وتسلم اخويه ع الموضوع |
لا حول و لا قوة الا بالله يا رب استر على جميع بنات المسلمين |
لا إله الإ الله لا حول ولا قوة الإ بالله الله يأخذ كل واحـــــــــد يقص على البناااااات و يهتك أعراضهن بس والله شاهــــد الي يسوي في بناات الناس جي لابد أنه أيي له يوم وحد بيتحرش في أهله سواء خواته أو حتى أمه أو بنته ولا حرمته كما تدين تدااااان لازم على كل بنت أنه تحط في بالها ربها أولاً وهي و أهلهاااا شو الناس راح تقول عنها وكم من الندم راح تعاني في حياتها لو حتى ما صار مرض نفسي وعدم ثقة حتى من نفسهااااا إستغفر الله مشكور أخوي عبدالله المطروشي على هالموضوع |
حسبي الله عليه ونعم الوكيل يعله مايفلحه لا في دنيا ولا اخره بس ماذكرت شو سوو فيه شكلهم لعنوا والدا والديه ملعون اصير قليل المروه والله مايستفيد شي ولا شي مابياخذ الاذنوب ومعاصي والله بيبليه في اهله والله من القصه طار الكلام اللي في راسي ماعرف شاقول ماقول الا حسبي الله ونعم الوكيل ارتفع ضغطي والله السموحه |
عندي لكـــ سؤال ؟؟ بيتزوجها بعد ما اغتصبهـــــــــا؟؟ والله علمي علمج ماعرف اذا بيزوجها وله لا بس القنوان ايقول لازم يعني ينتهي ها الشي بزواج |
مشكورين والله اخواني على ها المرور الحلو وصح يوم قالتو وكما تدين تدااان |
| الساعة الآن 05:56 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir