|
.::.حنـ القصـ((أول ليالي هجري لك))ـيد ـان.::. : كيف مرت ليلة البارحة؟؟ كيف كان هجري بأمري؟! : هذا الجواب : أقول.. : اول ليالي هجري لك مرت كما دهرن يمر مرت عليه مظلمة كنها ليالي بلا قمر اقول اني استحقرك لكن دموعي تنهمر اطفي سراجي واشعله واموت واحيا من القهر بخيانتي اسابقك ومقدر عليها استمر ذنبن ومقدر احمله بس القَصِد قلبك أحر يا ما قليبي اتحملك وانته على رايك تصر ليتك قليبتك تمهله يلفي باخبارن تسر آه(ن) وأه ما افظعك ارحم قليبن منكسر حاول تحل المشكله وحاول وعودك لي تبر ارجاك حدد موقفك حدد صنوفك من البشر لي ما تحبه تقتله ولا تسيبه منجبر هذي نهاية حبي لك؟ انك تبيع وتنتصر؟! حل الهروب يا مسهله ومحلى الضمير المستتر! ماني بناوي اجبرك وبانسى اللي صار خيرن وشر لابد أنهي المهزلة لو حتى قلبي ينفطر : صح لسانيه : الضفدعة حنان القصيد : |
صح لسانج.. ما شاء الله عليج في تقدم .. بس مازلت على رايي القديم العفو عند المقدره معليش .. اليوم ارخصك ارخصه و انساه و باكر يثيب القلب شخص يقدره.. |
اقتباس:
حيا الله بقايا حيا الله الهواجس اشحالك وين هالغيبة عساك بخير ^_^ والله تعرف طبعي سموح ومن يومي القلب الرحيم ولازلت لكن اللي يستهين فيني ما ظنتي اقدر اسامحه ههههههههههه اني وايز قصيده والسلام مشكور عالمرور بعد غيبه ^_^ |
صح لسانج اختي نتريا الديد حبوبه اختج |
http://up105.arabsh.com/my/bec9d01.gif حي الله حنوون ..~ ~.. كلمآآت حلووه ابدعتي ما شاء الله عليج بالمعآآني ^^ تسلميين ع الطرح الطيب ولاهنتي الغلا بالتوفيق ان شاء الله ونترقب كل يديد من جدآج السموحه آختج الميث :) http://up105.arabsh.com/my/d7522cb.gif |
اقتباس:
حيا الله المتكبرة اشكر تواجدج اللطيف في مواضيعي ^_^ |
اقتباس:
الله يحييج الغالية تسلمين عيونج الحلوة نورتي موضوعيه بحضورج الحلو ^_^ |
صح الله لسانج ختيه (( حنان القصيد )) ومشكوره ع هالابداااع |
[align=center]http://up101.arabsh.com/my/5909e31.gif http://up101.arabsh.com/my/456deb1.gif يامرحبا ترحيب ينشر فالاخبـار ترحيب من شاعر تحرك شعوره يامرحبا ترحيب يكتب بالانـوار والنور عم المنتدى مع حظـوره اسمك مثل برق يبشر بالامطـار والقلب بوجودك تزايد سـروره . . حي الله حنآنووو نورتي القسم .. ولكم بآك ما شاء الله عليج أبدآع مثل كل مره .. صح منطوقج لا خليت من هالأبدآآع والتميز .. أترقب الزود واليديد من صوبج لا هنتي ولا هآن مقدآرج والسموحه جآن بدر منيه قصور مودتي وأحترآآآآمي أخٍـٍتٍـٍكٍـٍمٍ ж شـمـوخ عـراقـيـه ж http://up101.arabsh.com/my/456deb1.gif http://up101.arabsh.com/my/1f1a2d6.gif[/align] |
اقتباس:
صح بدنج الغالية احم احم عيبنيه نكي بين وسين اونه شخصية مهمة هههههه تسلمين عالمرور :ast7eee: |
اقتباس:
حيا الله هالشوف تسلمين الغالية نورتي الموضوع بمرورج :ast7eee: |
السلام عليكم صح لسانج التركيز على الغايه المطلوبه دون التطرق إلى اشياء اخرى من اهم الاسباب التي تؤدي لتماسك الابيات وعلاقتها في بعضها البعض .. ولكن المشاعر احياناً تجرفنا كثيراً إلى اشياء لاندري كيف كتبناها ^^ قلتي في بيتين في نص القصيده ارحم قليبً منكسر .. حاول تحل المشكله ورجعتي قلتي تحت بأخر بيتين لابد انهي المهزله .. لو حتى قلبي ينفطر انزين يوم انج بتنهين المهزله هذي بروحج ليش تطلبين فوق من الطرف الثاني انه يحل المشكله صح ولا لا ؟؟ صحيح المشاعر المرهفه هي الي كتبت القصيده بهالاسلوب بس احياناً الانسان يكتب كل ألي بقلبه ومن الحب يمكن يطلب شي ومن القهر يمكن يطلب شي ثاني بس اقولج اياها ترا القصيده وايد حلوه ومرتبه بطريقه غاويه وفيها خبره .. يعني اكتشفنا انه عندج موهبه وايد حلوه ومتميزه بعد وشاعره ^.^ وترا عيبتي وايد ابيات شرات حل الهروب يامسهله .. ومحلا الضمر المستتر يعني بيت وايد حلو وابياتج صح انها بسيطه لكن فييها المعنى المطلوب وخير الكلام ماقل ودل موفقه وبنتظار جديدج والسموحه ع الإطاله ولولا اعجابي مانتقدت ومدحت في نفس الوقت :) الشاعر |
اقتباس:
انته تنشدت عن شي ورديت عليه روحك هههههههه يبتها بروحك ورديت عنيه قبلا ارد يمكن في تناقض بس ترا هذا مربط الفرس النفس حايرة وعايشة حالة ضياع فيها حالة كبرياء وتشافي من الحبيب وفيها خضوع وانكسار القلب الوفي اللي ما يبيع شين شراه بغالي الاثمان اكيد بينعكس التناقض في المشاعر في القصيده بيكون فيها مد وجزر هذا بالنسبة للانتقاد وسؤالك : : بالنسبة للمدح كح كح ههههههههه امبونيه موهوبه بس ما يحس بموهبتي الا اللي يتمعن فيها هههههه اسولف :ast7eee: بس تبا الصدق سمعت تعليقك هذا من اكثر من حد كل حد يقولي كلماتج بسيطه والفاظج مالوفه ولكن تعرفين كيف تسخرينها لخدمة الغرض من القصيدة تبا الصدق انا ما احب التكلف اللي احس فيه اكتبه ما يهمني شي ابوح وخلاص واسلوبي غالبا صريح وواضح وبسيط لكن اللي يحليه مرات افكار متمرده عالشعر ههههههههههههه وبس جنيه هذربت زياده يلا نشوفكم على خير واشكرك على تواجدك اللطيف في مواضيعيه :ast7eee: |
صح لسانج اختي والله لا يحرما يديدج كلمات في قمة الروعة والخيانة ماهي بشي هين لكنها هنة على الخاين |
اقتباس:
مشكورة عالمرور الغالية :ast7eee: |
صح السانج واعتلى شانج... ربي يعطيج العافيه |
اقتباس:
تسلمين الغاليه :ast7eee: |
صح لسانج الغالية بادعتي فاحسنتي |
اقتباس:
تسلمين الغاليه :ast7eee: |
السلام عليكم ورحمة الله وبركاته صح السانك يالشاعر تسلمين اختي حنان القصيد ع القصيدة الغاويه يعطيج العافيه نترقب جديدج |
اقتباس:
تسلم يالطيب اشكرك عالمرور |
| الساعة الآن 12:19 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir