|
مواضيع للنقاش .. ناقش العضو اللي بعدك_ ارجو التفاعل _ السلام عليكم ورحمة الله وبركاته هذا موضوع مفيــد ونقلت لــكم الفكــره،، عموما بطرح لكم فكره الموضوع وهي كالأتي : نطرح سؤال قابل لنقاش .. مــثــال هل يعود الزمن للوراء ليصحح اخطاء الماضي ؟ الاجابه - لا ... ولو كان سيعود كان ما تحسف احد على اخطائه .. الأن الزمن يتقدم للأمام .. ولن يعود للخلف نهائياً .. فيجب علينا التفكير في المستقبل .. فقط .. مع اخذ الحذر من أخطاء الماضي .. وبعد الإنتهاء من الإجابة تكتب سؤال جديد قابل للنقاش للي بعــدك الذي يجيب على السؤال ثم يطرح سؤال جديد وهكذا .. وارجو ان تعم الفائده للجميع ... الفكرة واضحة يا أحلى اعضاء ..؟! نبتدي بسم الله سؤالي للي بعدي : مارأيك بشريط الإهداءات sms الموجود في القنوات الفضائية ؟؟ تحياتي : D I O R |
تسلمين أختي dior عالموضوع الجاد والمشيق .... تبين رايي بصراحة انا ماتعيبني هالسوالف لانه كله مضيعة للوقت وبعدين انا لاحظت انهم بدوا يقولون الفاظ وصخة ويسبون بعض في الشات انزين لوووو فيهم خير خل يتلاقون ويتسابون وبهالشكل يسيئون للقناة وتبين رايي بصراحة القناة اللي تحط شريط smsتحت هاي قناة ماتعيبني ... يالله سوالي للي بعدي.... شو رايكم في البنت اللي تترس ويهها مكياج تقول كنه علبة الوان وتخلص العطور عليها كنها تصبهم صب عليها وتكشخ عالاخر وتطلع في الاسواق واذا سالتها تقووول والله ابي اتزوج شو رايكم في الزواج بهالطريقة ؟؟؟ |
والله انا اشوف انه هالبنت تعتبر نفسها سلعه رخيصه غير مرغوب فيها وتحاول ترويج نفسها بعمل الاعلانات والدعايه .. واللي ما يشتري يتفرج .. وبالنهايه ممكن تحصل - مع احترامي- واحد غبي عمي ما يشوف غير الظاهر ويتزوجها ويجربها ولو ما مشت معاه يطلقها وهي الخسرانه اولا وأخيرا،، ولا مالقت حد يتزوجها بتكون سامت نفسها بأرخص الأسعار وبالنهايه ممكن تعمل تخفيضات لنفسها على امل انه تحصل مشتري ،، وبالايام راح تروح قيمتها الاساسيه وتصير شي فائض من المجتمع وغير مرغوب فيه... سؤالي للي بعدي ولكل من يرغب بالاجابه عليه .. شو رايكم بالزوج اللي يتعرف على وحده غير زوجته ويعتبرها صديقته؟؟ |
اول شي تسلمووون على ردودكم على موضوعي ...... و صراحه سؤالج يا فخر الامارات وايد صرنا انشوف الي يسونه هلايام و انا من وجهت نضري انه ها ريال فاضي و ما عنده سالفه و مب قد الزواج و لو هو قده جان قدر حرمته و مثل ما هو ما يرضى انها اتكلم غير ما بيكلم غيرها و بصراحه انا عن نفسي احتقر هريااااااااال و سؤالي للي بعدي : شو رايك فلبنت الي تكلم الف واحد لا و اتقول حق كل واحد منهم والله احبك و ما خونك و هي مناك اتكلم الف واحد غيره ؟ و السموحه |
وعليكم السلام ورحمة الله وبركاته... مشكوره ع الموضوع الحلو...^^ شو رايك فلبنت الي تكلم الف واحد لا و اتقول حق كل واحد منهم والله احبك و ما خونك و هي مناك اتكلم الف واحد غيره ؟ والله هذى بنت طبعا هب متربية...قلة ادب و دين...و الاهل طبعا ما يعرفون انه شي....هذا شي الى يخرب الجيل اليوم وااايد خاصا فى سن المراهقة..الاهلنا يقولون انتم خلاص كبرتو..ما انه نحتاج للحب و الحنان الاكثر ممن نحن كانه صغار...بس شو نقول...و البنات الى يسون جي ما عندهم احترام ولا الايمان ولا حياء حتي...و الاكثر البنات يسون جي ليش لانه رفقاء سوء.....ما نقول غير الله يهديهم بس....و يستر عليهم....^^و الله يبعد عنا هذا الاشكال...... سوال الى بعدي هو: انه الشباب ليش يسون الشات مع البنات..ما انه يعرفون انه البنت صادق وياهم ....و هم يقصون عليهم و يأخذونهم ع قد عقلهم ليش..؟؟؟ما يخافون ربهم..؟؟ما عندهم الاهل...؟؟؟ |
سوال الى بعدي هو: انه الشباب ليش يسون الشات مع البنات..ما انه يعرفون انه البنت صادق وياهم ....و هم يقصون عليهم و يأخذونهم ع قد عقلهم ليش..؟؟؟ما يخافون ربهم..؟؟ما عندهم الاهل...؟؟؟ في البدايه ليش البنت تعرض نفسها لهالشي اصلا ؟؟ ليش هي ماتخاف ع نفسها؟؟ ع الرغم من اللي تسمعه وتشوفه من القصص اللي تصير بالواقع؟؟ مثل ما انه القانون لا يحمي المغفلين كذالك البنت هي مسؤوله عن اللي تسويه وهي تتحمل عواقب جهلها وغفلتها..والشباب اللي يسوون جي ترا ربي بيجازيهم بعد بخواتهم ،، وكما تدين تدان.. سؤالي هو: ليش الانسان ما يقتنع ويتعلم من اخطاء غيره ؟؟ ليش يجرب ويمشي بطريج يعرف انه غلط؟؟ |
ليش الانسان ما يقتنع ويتعلم من اخطاء غيره ؟؟ ليش يجرب ويمشي بطريج يعرف انه غلط؟؟ شوفى نحن انسان...شو اقولج بس..؟؟...نحن ما نتعلم ابدا..بي نسوي الغلط و اذا ما سوينا ما نرتاح..خاصا اتكلم عن المسلمين...نحن ما نستفيد من التجرب الاخرين ابدا..لازم نحن نسوي و بي نرتاح..خاصا الغلط.. هذى هي طريقة تفكيرنا..ما نحترم حد...ولا حتي نقدر تجارب الاخرين....ابدا... مشكوره ع سوال... سوال: ليش نحن مسلمين لين الحين ما تتطورنا..؟؟؟ليش ما نستفيد من الغرب..؟؟؟نحن خذنا منهم الاغاني و وخمر و رقص و ماشاءالله ما خلينا شي ما قلدنا الغرب..الى تعليم..؟؟ليش لين الحين وااايد الشباب ما يدرسون ..بس لين ثانوي وبس..؟؟والبنات بعد ثانوي يبون زواج...؟؟؟؟ليش..؟؟؟ |
سوال: ليش نحن مسلمين لين الحين ما تتطورنا..؟؟؟ليش ما نستفيد من الغرب..؟؟؟نحن خذنا منهم الاغاني و وخمر و رقص و ماشاءالله ما خلينا شي ما قلدنا الغرب..الى تعليم..؟؟ليش لين الحين وااايد الشباب ما يدرسون ..بس لين ثانوي وبس..؟؟والبنات بعد ثانوي يبون زواج...؟؟؟؟ليش..؟؟؟ ^ ^ ^ ^ سؤالج هذا انطرح فوق المليون مره ..؟؟ لكن نحن كعرب وكمسلمين استسلمنا لواقعنا المرير استسلمنا لكلمه .. " الغرب اخترع .. الغرب وصل القمر والغرب ... الى اخره " وتعودنا على كلمه " التخلف العربي " " العرب جبناء " اسمحيلي على كلامي ولكن هذا الواقع .. ليش نشوف الغلط ونسكت ونقول ماعلينا فلان كيفه كل واحد حر بنفسهـ .. !! لازم كل واحد فينا يبدى يشوف نفسه ويصلح ذاته مافي حد احسن عن حد نحن خلقنا لكي نبني مجتمع يعتمد على نفسه في صنع نفسه معروف عنا كثيرين الكلام وقليلين الافعال ... !! بس صدقيني اذا انا بديت من نفسي غيري بيشوفني وبيحاول يتجاوب معايهـ بعطيج مثال : مره وحده اتخبرني .. يعني القصه جداا اثرت فيني واحد يالس فسيارته ينطر الاشاره تغدي خضرا واثناء ماهوو يالس شاف برى الشارع قمامه مرميه تخيلي نزل من سيارته وشل القمامه وركنها على ينب اذا اي واحد مكانه تتوقعين بيسوي نفسهـ هني الفكره لازم نبدى نصلح من ذاتنا صراحه سؤالج شوي متعمق ويبالها يلسه .. ^^ سؤالي: ما اسباب عزوف الكثير من الشباب عن الدراسه .. هل الخلل في مناهجنا ام في البيئه المدرسيه وشو اقتراحاتكم بشان حل هاي المشكله ؟؟؟ |
مرحبا .. رايي .. أختار الاثنين لأنهما هما السبب في تخلي الشباب عن الدراسة ..... °ˆ~*¤®§(*§*)§®¤*~ˆ°السؤااال :°ˆ~*¤®§(*§*)§®¤*~ˆ° ما رأيكم في شباب المستقبل هل هم شباب المستقبل حقااااااااااا؟؟ |
مشكورين والموضوع شيق ما رأيكم في شباب المستقبل هل هم شباب المستقبل حقااااااااااا؟؟ ما فهمت السؤال بس انا بجاوب ع حسب فهمي للموضوع واتمنى يكون المطلوب اتمنى يكون صادق وطيب وحنون والشكل مايهمني اهم شي الأخلااق و الدين لو ان الشكل في زمنا مطلوب بس عندي موب اساس وبيني وبينكم كل وحده منا ترسم في مخيلتها فارس احلامها وكذلك الريال يرسم فارسه احلامه بس في الواقع موب مهم يكون نفس اللي رسمته بس ع الاقل قريب والسموحة منكم .... وسؤالي طول الله بعمركم ايهما تفضل الزواج التقليدي ام الحب ولماذا؟؟؟ |
ايهما تفضل الزواج التقليدي ام الحب ولماذا؟؟؟ والله بنسبه لي انا فانا ويا الاثنين بس قبل كل شي الانسان يختار الي يحبه يعني ما ايحب واحد لو شو ما ايصير ما يرضون فيه اهله ادري بتقولون الانسان قلبه مب فايده بس انا عن نفسي والله اقول جي و السؤل للي بعدي : شرايك فزواج الانترنت ؟ |
الصرآحه انآ بنظري انه زوآج النت مرآت ايكون فيه صدق مشآعر واحآسيس ومب جذب يعني عآدي حد يتزوج زوآج النت ويعيشون حيآتهم طبيعية وحب وكل ثقة اتكون بينهم ^^ سؤآل للي بعديه.. شو رآيكم بالزواج من الاجانب...؟؟ |
السلام عليكم ورحمهـ الله وبركاتهـ .. شو رآيكم بالزواج من الاجانب...؟؟ هممم بصراحهـ انا ارفض الهالشيء .. ليش بنات البلاد شو فيهن .. وانا افضل انه الواحد يرتبط بوحدهـ من ثوبه افضل له ولعياله ف المستقبل .. يعني تاخذ لك وحده اجنبيه تحسيها غير وغلط .. شو بتلبس كيف بتتعود على عادتنا وبعدين العيال شو بيتبعون عادات الغرب ولا عاداتنا نحن ^..^ تسلمين حبوبهـ .. شو رايكم الاهل الي ما يهتمون ف عيالهم .. ولا يسالون حتى عن ربعهم ولا حالهم ولا حتى مستواهم الدارسي ؟؟ والثموحهـ ^.^ |
[glow=FFFF00]شو رايكم الاهل الي ما يهتمون ف عيالهم .. ولا يسالون حتى عن ربعهم ولا حالهم ولا حتى مستواهم الدارسي ؟؟[/glow] ولله يا خيتو .. هذيله الأهل مش مسؤولين و ما يفكرون بمستقبل عيالهم من ناحية الدراسه أما الربع فهم مسؤلين و العيال مسؤلين بعد عن هذا شي اما حالهم فاظن انه في بعض العائلات أنه يكون واحد من طرفين يا أب أو أم الي يشوف حال عياله و أغلبيه أتي على ام لانها تكون مسؤووله عن العيال لان الأب يكون مشغول شو رايكم في القانون اليديد للطيش و تهور و رمي مهملات في الأماكن العامه و الي عقوبته كانت مفاجئه للجميع و هي تنظيف الشوارع أو مدرسه حكوميه و سجن اسبوع ؟؟ |
mer7eba .. a7es hatha el 3egaab yenasb el methawreen 3shaan y7aaf`6oon 3ala 3marhoom o0o y7aaf`6oon 3ala arwaa7 `3eeerhom.. laneh a`3labeyat el shebaab m3a e7tramee lohom ma yeftakroon eneh 3endhom umm tefaker feehom aw e5t aw zoojah aw 7ata 3ayleh.. o0o a5er shai y`6ee3 aw ymoot mn 5laal tahawereh.. o0o Allah ye7fa`6 el jmee3 inshallah.. so2aaly ... shoo raykom bel `3aalaa .. o0o ertefaa3 el as3aar ely 7aa9el hal yoomeen ... o0o smoo7ah .. |
so2aaly ... shoo raykom bel `3aalaa .. o0o ertefaa3 el as3aar ely 7aa9el hal yoomeen سؤالج: شو رايكم بالغلاء وارتفاع اسعار المعيشه اللي حاصل هاليومين؟ جوابي:: طبعا هالشي ما يرضينا ولا يرضي اي حد والضحيه بهالشي اللي رواتبهم ضئيله وما تقدر تغطي مصاريفهم اليوميه..الله يعين من اللي ياي سؤالي: شو رايكم بالحرمه اللي ترفع صوتها على زوجها وتستغل طيبته؟؟ |
| الساعة الآن 04:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir