|
¨°o.O (إسمـ ح ـلي لو تلقى سواي غ ــيري ترى ما ينفـ ع ـك) O.o°¨ [COLOR="DimGray"] السلام عليكم ورحمة الله وبركاته اشحالكو اعضاء منتدانا الغاوي:13: ربكو ما تشكو باس !! ~ ~ اليوم بإذن الله بأبدا انشر أول قصه من كتاباتي:24: واتمنى انها تحوز على رضاكو:GIF_13.gif::ast7eee: شي مواقف وايد فهالقصه استوحيتها من حياتي :24: ومن حياة اعز ناسي امممم لكن بشكل عام القصه من ابداعات بنات افكري << فديتهن والله محد مسلينا فهالدنيا غيرهن >> ^^ ~ ~ ~ و هاللأبيات اهداء خاص لكل من راح ينور هالصفحات بوجوده ~~~~~~~~~~~ عسى الوناسه مـاتفــارق حناياكــم مثأأبته فـي مبــسمكم ماتخليــكم راحأة ومســره ياعسأأى ماتعــداكم تستوطن احاسيسكم وتسكن نواحيكم ~~~~~~~~~~~ همسه [/COLOR]... (( أ شكر أخويه منصوري جميرا ع هالأبيات)) ~ :ast7eee: والحينه خذو راحتكو واعتبرو القصه قصتكو :ast7eee:~ ~ القصه بعنوان ¨°o.O (إسمـ ح ـلي لو تلقى سواي غ ــيري ترى ما ينفـ ع ـك) O.o°¨ Part 1 ((عايلة محمد بو عبدالله)) • أبو عبدالله: هو كبير العايلة وكل شي عنده تحت مسمى المنقود والعيب نقدر نقول انه اهم شي فحياته عزبته وركابه وهالانسان له هيبته واحترامه فالعايله • أم عبدالله: شرات ريلها عندها المواييب فوق كل اعتبار ويوميا لازم تخطف ع حلالها وعزبتها << لها عزبه روحها العيوز.... ولا ما بينحسب لها يوم من حياتها • عبدالله: بكر العايله وعمره 30 متزوج من روضه بنت عمه سلطان وعندهم محمد وعمره 4 سنين وحرمته حامل بشهرها الاخير • مايد : 27سنه خاطبين له قريب ومتخبل من عقب خطبته لساره بنت (عمته ناعمه) لانه يحبها من بدايات شبابه بس هو من النوع لي بصعوبه يظهر لي بخاطره ويوم تيسرت الظروف خطبها وبان عنده الخبال ع اصوله وهو حاليا محطي هدف حياته الملجه يحاول يقنع السلطات العليا فيها لانه برايهم بنت عمتك و عارفنها وعارفتنك شو هالمنكر بعد • نوره :26 سنه تعتبر الاقرب لمايد متزوجه من 3سنين من غانم ربيع مايد وانتقلت وياه لدبي وعايشين حياتهم متهنين مع بنوتتهم غزلان عمرها سنتين وعليها طولة لسان الا انها تدش خواطركو بالقووو • مطر: 24سنه هالريال لي يشوفه غصب يحترمه من هيبته ورزته هو الوحيد فالعايله لي يحسونه مبتعد عنهم وغامض وبحكم وظيفته وبعد هالشي ساعد مطر ع الابتعاد نوعا ما هو يشتغل طيار وهو انسان كشيخ وما يهمه فالحياه الا حب حياته موزه وما يفكر يتخلى عن هالحب ابد بس الشيبه منو بيقنعه اونه ماله الا بنت عمه الريم لي محيره له من يومهم صغار بس هو ما يعتبر الريم الا شرات نوره وفطيم خواته • شهاب: 22سنه هالشخص البيت واليلسه بكبرها مالها طعم من غيره حبوب وفرفوش وغرشوب وع قولته full option منو يروم لي لي ما يعرفه بيقول عنه خقااااااااااااق بس من يتعرفون عليه يعرفون انه اطيب قلب فهالدنيا قلبه وهو الوحيد فالعايله لي له بدال الاب اثنين وبدال الام امييين وهو هالسمستر خريج (حقووق) • فطيم :20سنه اخر العنقود وع قولتها المفروض دلوعه البيت هب مكروفه البيت تدرس بجامعه الامارات علوم اجتماعيه هي وبنت عمها الريم شرات بعضهن فكل شي هب الا بس التخصصات ودومهن مع بعضهن وما يتفارقن ((عايله سلطان بومبارك)) • الاب سلطان بومبارك: شاعر ورحيم وباله طويل ويحب سوالف الشباب (نصير الشباب فالبيت) بعكس اخوه بوعبدالله اللي طبعه حار وبومبارك تاجر عقارات وعنده مكتب مقاولات • ام مبارك: انسانه تحب اسرتها تكون من اولوياتها طبعا من غير لا تنسى السيره عند فلانه وعلانه وطبعها هاديه وايد • روضه :عمرها 28 متزوجه من عبدالله ولد عمها محمد وهي ال big boss بنسبه للبنات يوم يحتاينها فالمهمات الخطيره • مبارك: 25 سنة مهندس ويشتغل مع ابوه فالشركه وشغله ماخذ اغلب وقته وهوطبعه حنون وايد ع اهله وياخذك بسوالفه وماله بالزواج لانه يشوف عمره مرتاح وما يبا يصدع راسه نقدر نقول عنده فكره غلط عن العرس • سعود :22سنه خريج هالسمستر شرات شهاب ولد عمه محمد واخووه لانهم راضعين مع بعض وهم وايد مع بعض يحب بنت عمه محمد فطيم وما يخبي هالشي عن حد الا عن عمه محمد لانه يخاف منه طبعا • ريم :20 سنه حبيبة الكل فالبيت ع قولة ابوها البيت من غير الريم ما ينداس والشعر من غير الريم ما ينعد و ما تدري انها محيره لمطر ولد عمها وهذا بعد قرار من قرارات السلطات العليا عسب انه البنت تعيش حياتها براحه من غير احراجات تحب شعر ابوها وايد • راكان : 18 سنه حاس محد يفهمه لانه اصغر العايله وجيله يختلف عن جيلهم و له جمله معروف فيها < ما عليه من حد > وهو انسان عنييييييد وحرفي بطبعه والوحيد لي طلع ع ابوه يكتب شعر وما يخصه فالدراسه موووووووووووول (( خليفه بو محمد )) • الاب خليفه : يشتغل فبوظبي هو الاخ الصغر لبو عبدالله وابو مبارك وعايش هناك مع ومتهني وياها ولهم من العيال• محمد : 18 سنه هو الوحيد لي يرتاح له راكان وهاللي قاهر راكان لانه بعيد عنهم • الهنوف: 17 سنه بنوته حلوه ودلووعه وهالشي مناسبنها وماشي مع طبيعتها وعمها ابو مايد هو لي مسمنها وطلعت اسم ع مسمى عندها مشكله انه اذا شي يعيبها وتباه تتردد في اتخاذ القرار وتحب الضحك وايد ماخذه هالشي من اسمها • مهره ومهير : توم اعمارهم 10 سنين وما يخصهم فحد ولا شي يهمهم غير ال tv والالعاب (( العمه ناعمه ام ذياب)) • ناعمه ام ذياب : منتقله لدبي من عرست وعندها من العيال ثلاثه ذياب26 و ساره 23 و زايد 17 البدايه..... ريم... كنت راقده واحلم فالshow اللي بقدمه اليوم فالجامعه سمعت حد يدق البااب اقصد بيسكر الباب وصووت مزعج تعودت اني اسمعه كل يوم الصبح: ياربيه خلااااااص خلاص نشيت وربيه نشيت بسك سعودوووه .... سعود يدق الباب بطريقه مزعجه : ريموووه نشي كان تبين حد يوصلج خلصيني ولا والله ما بتلقين حد يتعبلبج ريم... فتحت الباب وانا خاطريه اصفعه والله..... :انت ع بالك عايش روووحك فالبيت؟ محد راقد غيري يعني؟! سعود يضحك بخبث : الناس يوم تنش تقول صباح الخير.. شصبحت الغالي!! فديته من ويه تصبحتبه هب شراتج... اوني حرجت... بنات مضيعات مذهب ريم" بدينا بغلاسة الدم ع الصبح اذا هذي بداية يومي بدايه تبشر بالخير رقعت الباب بكل برود فويهه" سعود.... انا صح كنت امزح بس من شفت الباب انرقع فويهيه حرجت من خاطريه : زيــــــــــــــــــــــن يا ريموووووه انتي قدها الحركه لي سويتيها ما لقيتي الا شيخج تلعبين وياه شوفي منو بيوصلج للجامعه دواااج عندي ريم : ما حفلت به طبعه سعودووه جي بس رمسه... دخلت تغسلت ويوم طلعت سمعت صوت موتر تحرك معقوله سعوود؟ يسويها ويلي عندي show اليوم وايقت مع الدريشه هيه والله سعودووه الهرم سواها خذت فونيه اتصلت به ما يرد يعطيني مشغوول اوووف شو هاليوم ياربيه شليت قشاريه بسرعه وربعت لبيت عميه لي عدالنا يفصل بينا بس زراعه دخلت البيت من صوب المطابخ مستعيله زقرت ع البشكاره: غلوووووووريا.... اووهو هذي وينها بعد اظاهر محد فالمطبخ ( ما انتبهت ع اللي يالس ع الطاوله) اتصلت بفطيم ما ترد تذكرت انها اليومoff كل خميس معيده هالبنت ما عندها شي..:. شو هالحاله يا ربيه؟ شفت شهاب داخل المطابخ وهو يغني ومزاجه عال العال فرصتي ابتسمت : فديت اخويه الغالي صباح الخير شصبحت غناتيه ربك الا بخير وصحه وعافيه ,,, يت بكمل بس ما خلاني شهاب شهاب : ما شاء الله المزاج top اليوم والضحكه شاقه الحلج شو عندج ريماني هااا ؟هب عليه انا هالحركات وابتسمت لها ابا اشووف بتعترف ليه باللي استوى ولا لا ريم .. من شفت ابتسامة شهاب ظمنت سيرتيه للكليه بس ابا انتقم من سعودووه : والله محد يسواك بواحمد فديتك فاهمني وغلطت وبسته نسيت انه ما يداني حد يبوسه شهاب :اخييييييه عليكن يالبنات لازم حركاتكن السخيفه هذي كم مره قلنالج يابووووج ماداني حد يبوسنيه ...خليت عمريه زعلان وبظهر لحقتني ومطت غزوزيه وقالت : هااا ردينها هالبوسه بس لاتزعل دخيلك هب وقته ضحكت عليها : انزين خبريني شو مسويتبه سعود متصل محتشر يقولي شلها ريم:يرضيك يسويبي جي ...(اونها مسكينه) يوعيني ع الصدعه ويستعيلني ويشرد عني امحق اخوو .. قاطعتها: يشرد عنج هاااه .... منو ساعه الا ربع يوعيج اعنبوه انا فغرفتيه وصلني صوته ريم... ops ها كاشفني ثره منغل مشتكيله ضحكت ولفيت ويهيه عنه لا يشوفني طاحت عينيه على احلى منظر ممكن اشوفه فيوميه السخيف هذا بس حسيت باحرااااج غريب وفرحه ما اعرف بالضبط فشو كنت حاسه .. كان يقرا الجريده كيف ما انتبهت له عيني يت فعينه بس هو نزلها وكمل قرايه شهاب: والحينه صخيتي ها يالله بس عن نتاخر هبابنا نوصل ورايه كلاس انا بعد ريم :والله ما اعرف شو كان يقول شهاب بس اللي اعرفه انه مطر موجود: صباح الخير بوغيث اشحالك مطر : صباح النور بخير يعلج الخير شليت قشاري وانا منتفخه حدي يعني حتى انت بتكملها عليه اليوم سخيف واحد بس احبك شو كان بيستويبك لو طالعتني حسستني انك مهتم طشوونه بس ويل قلبيه منك ربعت لموتر شهاب الحبيب طربان ويشل من صباح الله بس للامانه صوته غراااااااام ...ريوس بالموتر اونه بيشرد عني اووووووف شو هالسخافات ع الصبح مليت والله بس من نص ساعه ناشه وكل ها يستويبي فريت سامانيه ع الارض احتج ع اللعب لي يلعبونه فيني وجتفت يدي اوني زعلت جدم موتره وزقرني لبسته ما سويت له سالفه شهاب: ... ياااااكيف تزعل وانت تسوووووووى عيوووووني ***واناااااا فعيووني يا عيوني اداااااريك هههههههههههههههه يعرف كيف يقردني فديت صوته انا ورضيت وركبت الموتر واخيرا وصلت للكليه وكمل اليوم طبيعي ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~ ع الساعه 2 تقريبا الكل كانو فبيت بو عبدالله لانه فايام الاجازات اليده ما ترضى الا يكون اكلنا رباعه دخلت سلمت ع الكل وربعت لغرفه فطيم فوق لقيتها الحبيبه توها طالعه من الحمام ومشغله ال fm وكان حمد العامري فاغنيه وصفة الحب انا وايد احب هالاغنيه لانها تعبر عن حالي مع بوغيث فديت طاريه شلنا الهوى وتمينا نرقص شويه وننعش شويه وكنت أاشر لفطيم لي فاهمتني فجأة فتح الباب التفتنا كان شهاب وشكله معصب وقفنا وكل وحده منا ميوده عمرها عن تضحك لانه شكله وهو معصب يكون عبيط شهاب : شفتهن بهالحاله حبيت اكمل عليهن قمت ويبست عندهن شفت البنات تناقعن من الضحك اشكالهن ما توقعن ردت فعليه وقفت فجاة بهازبهن بندت ال fm : انتن متى بتعقلن اعنبوه كل وحده فيكن لو معرسه كان عندها درزن يهال قلنا مع بعضنا : امين من بؤك لبواب السما شهاب ضحكت عليهن اعنبوه مستغلثات ع الريل قلت لهن: يالله غداااااااا التفت فطيم علي : انا كم مره اقوولج الخميس لا تتصلين كل هذي غيره قلت لها بكل برود: حطيه سايلنت فطيم: نسيت .. وسرت بسحي شعريه طالعتها .. وانتي شعندج من صباح الله متصله ريم... قلت لها السالفه كامله قهرتنيه تمت تتفدا سعودووه الهرم فطيم: انتي اصلا هب حاسه فيها النعمه... حد يسمع صوت الشيخ سعوود بن سلطان من الصبح ويتضايق ضحكت ع حبهم بس الله يهنيهم : مالت عليج انتي وشيخج والله ما خذين باعماركوووو مقلب يالله بس خلينا نتغداا فطيم: ما اباا الغداا ريم : برايج تيمعنا كلنا ع الغدا وهالوضع تكيف عليه يدووتيه الله يطول بعمرها خصوصا انه بعد الغدا متعودين نيلس مع بعض لين صلاه العصر وهالمره بنيلس فالعريش لانه الجوو كان كشخه ومغيم الله لو ينزل مطر ... مطوري فديت طاريه انا التفت عليه لقيته مخلص غدا ويالس ع صووب ميود فونه يرسل مسجز اظنيه تذكرت اغنيه دبي الحربيه "اغار من الرسايل لي يوصلنك \\\ومن لمسه يداك لتيلفوونك" ضحكت ع تفكيريه اليوم احس انيه مسطله شؤي بس ما برقد week end ما تعودت ارقد لازم اتمتع فكل لحظه ف week endبعد الغدا انزلت الشيخه فطيم والله اخويه مدلعنها فديتها تستاهل فطامي وتمينا انسولف وسمعت ابويه يعد قصيده فديته ياربيه احب شعره بس هالقصيده ما عيبتنيه يالس يتغزل فالحرمه اللي ناوي ياخذها .... لا تصدقون ما بياخذ حرمه ع اميه فديتها بس دومه جي يحب يغلس بها ما اعرف كيف تتحمل امايه لو انا مكانها كنت بموت من الغيره يمكن تعودت ع مزحه ... بعد الصلاه سرنا نحن البنات (ريم وفطيم والروض ونوره) ويلسنا فالزراعه لي بين الفلتين هذي للحريم واخترناها لانها الاقرب ليدوتيه يوم ترد من عند يرانا واتوالفنا ع فوالتنا ماشي شغل ولا مشغله قلت لفطيم شو رايج انسوي بشاميل للعشى قالت :الله فديتج حاسه فيني يوعانه ريم: يوعانه بتصبرين لين العشى والحين الساعه اربع اعنبوه بتهلكين شو رايج اتصل بسعود واقووله يحوطنا ويمزر لنا كرووشتج ويردنا ورفعت لها حياتي^^ استانست ع الفكره بس اونها ما تبا تعبل عليه قالت: لا اخاف مشغول خليه خليه ماله داعي ما سويت لها سالفه انا اصلا ابا اظهر اتصلت به وقلت له قال :لااااااااع مالت بس هب عليه انا قلت له : برايك بس تراهها فطيم لي طالبه هالطلب هب انا .. من قلت له فطيم قال عشر دقايق وخلكن متزهبات والله انه ما يستحي بس مش مهم المهم نطلع هههه فطيم.. اسمع ريم وشو تقوله وتوقعت رده بس معقوله غير رايه عشاني فديته والله اني احبه ريم شفت فطيم سرحانه اكيد فحبيب القلب نغزتها : اقول الحالمه يالله هبابنا نخلص قبل لايوصل منغل اعرفه اخويه خبره بالطاف واخواتها @@ فطيم: لا غناتيه شيخيه ما يسوي طاف لشيوخ رمسي عن عمرج فديتج ريم: تراج صدعتينيه شيخ وشيخه والله مصدقين اعماركوو وسرنا تلبسنا عالسريع وركبنا الموتر انا عدال الشيخ سعوود وفطيم يت بتركب ورايه بس اتفاجئنا بسعود يقول: لا لا لا وين ناويه حرام عليج فطيم.. فهمت عليه بس حبيت استعبط :شو ما تباني اسير وياكوو !! سعود : رديت عليها بسرعه والله وربيه لو السيره بلاج اني ما عطيتها ويه ريموه ريم .. حرجت اعنبوووه ها وانا عداله ما يسويلي سالفه كيف لو انا محد : والله انك ما تستحي ع ويهك عنبووه حشمني دسها بخاطرك هب ضروري اعرف انا بنواياك السيئه سعود..رديت عليها وانا ما اعتقد انها بتزعل لهالدرجه : يوم الشيوخ يرمسون لا دزين بفيسج من بينهم ما وحاليه اخلص رمستيه الا وريمان نازله وراقعه بالباب بالقوو شو سالفتها اليوم غاويه تكسير بيبان ريم,,, وايد سكت عنه انا ما اباها السيره دام فيها مذله سمعت صوت فطيم تلحقني وتترجاني عندت فالبدايه بس عقب كسرت خاطري فطامي تبا تسير يالله بنتحمل غلاسته اليوم عسب خاطرج فطيم... الحمد لله اقنعتها ترد للموتر بس يت بفتح بابي لقيته مقفول شو السالفه سمعت صوت شيخيه يقول : صوبنا الشيوخ وكان فاتح الباب لي وراه سعود... فديت هالويه انا محلاها يوم تستحي يت وركبت ورايه الحينه اروم اسوق وانا مرتاح تحركت وحوطتهن ورديتهن ع الساعه سبع نزلت الريم وقلت لفطيم اتم اباها التفت عليها وقلت لها افتحي بلوتوثج غناتيه طرشت لها مقطع وقلت لها : لا تسمعينه الا روحج اوكي حياتيه فطيم... كلمه مستحيه شويه علي وما توصف حاليه قلت بصوت شبه مسموع : ان شاء الله فديت منطوقها يا نااااااس شفتها وهي تنزل وتقول: ثانكس ع السيره : كم فطيم عنديه انا وابتسمت لها ردت لي الابتسامه وسكرت الباب خذيت نفس وتميت اراقبها وهي داخله البيت فطيم: دقات قلبيه سريعه ما اعرف كيف اخففها احس العالم كله يسمعها دخلت البيت شفت ريم غمزت لي اونه شو عندي متاخره شفتها يالسه مع يدوتيه اليده: وين كنتو بناتيه ؟؟ ريم: كنا نتحوط مع سعود اليده: شوووو.... ترتغدون فالشوارع من غير حايه ولا حريم وياكوو فطيم... حبيت اطمن يدووه ما ظنيت انها بتقلب عليه قلت لها: يدووه سعوود كان ويانا اليده: وكنتي ناويه تسيرين رووحج؟؟؟ وبعدين ما تستحين ولا تخيلين تسيرين مع الريال هاا فطيم ... حركات يدووه ما كانه سعوود اربع وعشرين ساعه يشوفنيه واشووفه : شو سعود غريب يدوه وبعدين معانا الريم ريم ...هييييها علينا هالعيايز حركات لي يشووف مسوين منكر عاد : الا يدووه اتخبرج صدق عفرا ربت؟؟؟؟؟ فطيم شفت يدووه التفتت ع الريم ونستني خخخخخخخ اليده: انتي يوم انج ما تفهمين فالبوش انطبي ابركلج ريم : ليش عاد^^ اليده :عفرا هب حامل جيه تربي هااا؟ ضحكنا انا وفطيم لانه لي نباه وصلناله نسيناها سالفه فطيم ههههههه كملنا سوالف مع يدووه وعقب خليتهن وسرت بسوي البشاميل يمي يمي بس طولت فطيم ما يتني غريبه العاده تي تسولف ويايه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~ فطيم... شفت اميه وام مبارك د حرمه عميه مجبلات صوبنا قلت فرصه بتم احشرهن لين ما يقتنعن بالفكره:اميه ..اميه.. اميه ام عبدالله : يالله يالبزى ها شو عندج؟ فطيم :احبج ام عبدالله : غصبن عنج امج انا فطيم حركات عيوزيه : فديت الواثق انا اموت فيه ام عبدالله: خلصيني شو عندج ؟ فطيم: باجر نبا نسير للعزبه نتغدا ام عبدالله :انزين سيري فطيم : شو انزين سيري نبا نسير كلنا ام عبدالله: والله انا كل يوم اسير لي يبا يخاوينيه حياه الله فطيم :هيه... هيه نبا شو رايكن يدووه عمووه؟؟ ام مبارك: والله يا بنتيه فكره ليش لا بنغير جوو فطيم: يدوووه ؟؟؟؟؟ يدوتيه تسمع الراديوو هب ويانا مول بس دام الحريم وافقن اوكي ضمنا السيره : انزين اميه اميه اميه ام عبدالله: شووو بعد فطيم :اتصلي بقوم خالووه ام بطي (اخت ام عبدالله) وخالوه ام احمد (اخت ام مبارك) عزميهن ام عبدالله : هذا التليفون عدالج وتعرفين ارقامهن اتصلي وعزميهن روحج فطيم تميت اتصل بالبنات وخبرتهن عن باجر وعقب حسيت شي ناقصنيه هيه والله الريم فديتها سرت صوبها فالمطبخ وخبرتها عن باجر وساعدتها مساعدات بسيطه وتعشينا وتمينا سهرانات انا وريم فمكانا الخاص ورا البيت شي مرايح دوم نيلس عليهن لسوالفنا الخاصه انا وريمان وابطالها معروفين طبعا الريم :الا سعود شو كان يبا يوم نزلنا؟؟ فطيم: هههههههههههه طرش ليه بلوتوووث غراااااااام ريم : هههههه شو هالحركااااات سمعينيه بلوتوثج الغرام فطيم: بسمعج بس ما ترمسين لين ما يخلص اوكي ريم : اوكي سمعت البلوتوث وبصراحه كان طر كان تسجيل بصوت سعود لقصيدة من يحبك كثر ما احبك انا لفزاع وكان مسوي فيه حركات وصدى وبالاخير مهديها لشيخة قلبه فاطمه بنت محمد ريم:والله اخويه حركات هب شرات اخووج.... انا اشك اذا يدري اني موجوده بهالوجود فطيم: ادري فديته وفديت حركاته اما عن مطور ما عليج انا احس انه يستعبط ريم: خلينا منه والله قلبيه يعورني يوم يطريه حد قومي بنشوف شنغل ومنغل شو مسوين فطيم: هههه شنغل برايج بس منغل اسمه الشيخ سعود ريم: الشيخ سعود فعينج .... وصلنا الميالس طالعت النعول محد غريب الا شنغل ومنغل اظني ربعهم ساروو الساعه ثلاث الحينه فتحت الباب وسلمت : شوووووو ها والله لو يشوفها عميه يوم بينش للفير انه ليعطيكو من ذاك الزين شهاب : ربيه يخليلنا خواتنا الشيخات بيرتبن الميلس لنا ريم: لا الغالي انتو تسهرون ونحن نكرف تالي الليل سعود: بو احمد انت غلطان يوم تبا تطلب اطلب من شيختهن فطيم ما بتردك صح الشيخه فطيم: ما اتحمل نظراته تذوبني هزيت راسي اوني موافقه شهاب طلعتهم والتفت عالريم: خاطريه مره يعبرني يقول اخوها يالس عدالي يالس يتغزل فيها عيني عينك احترمني ياخي سعود... ابتسمت وانا لين الحينه اشوف فطيم وحليلها منزله راسها مستحيه شهاب : حوووو ارمس منو انا سعود: انا يوم اصارحكو بمشاعريه لاني احترمكو ولدعميه وما بغيت العب من وراكو لانه لي يمسكو يمسنيه فديت خشمك شهاب التفتنا ع الباب لي فتح شفنا بوغيث دخل وسلم وردينا السلام ريم.. من شفته نقزت غصبن عنيه حست فيني فطيم لانها عدالي مطر ...دخلت وسلمت وشفت فطيم وريم وهالمخابيل عادي يالسين وسوالف وياهن : انتن كيف تيلسن بالميالس هاا... لو حد من الريايل دخل مش انا وانتو كيف تخلووونهن يالساات هااا؟؟ شهاب : الحينه منو بيظوينا بهالفير وبعدين البنات كانن طالعات وحتى لو حدر علينا حد تراهو بيتحسبهن البشاكير مع هالطقم لي لابساتنه...خخخخخخخ مطر: يلست وطالعت فطيم بنظرات قويه :مطوله؟؟ فطيم : حسبي الله عليكوو من اخوان الحينه وين القط ويهي قمت وانا محرجه وقامت معي ريم سعود: حرام عليك يا ريال مطر : خلنهن يتادبن ادري محد بيحدر الحينه بس ما اباهن يتعودن ع اليلسه فالميالس ريم... كنت معصبه حدي من مطر اووووف يقهرررر ما عنده اسلوووب ابد التفت على فطيم :ها ليش جي؟... خاطري اصفعـــــــــــــــــــــــــــــــه فطيم : تصفعينه مره وحده خخخخ ريم: ع شوو مخقق بعمره بس اباااااا افهم ؟ فطيم: سكتي عن يسمعج ريم: يزووووول فطيم : من قلبج؟ ريم: اقوولج تصبحين ع خير باجر ورانا نشه برقد ابرك لي فطيم: هههههههههههههاي خلي عندج رووح رياضيه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~ ريم .... دخلت بيتنا وصلت لباب غرفتيه تذكرت فوني لاااااااا نسيته فالميلس ها وقته اوووف نزلت لصاله اتصلت بسعود ما يرد واتصلت بشهاب يعطيني مغلق اوووف شو هالحاله طلعت للميالس وانا ادعيه انه مطر يكون روووح سميت بسم الله ودخلت التفت عليه ع طول امييه يزيغ مع هالنظرااات بس شجعت عمريه يوم شفت شنغل ومنغل موجودين بس مركزين ع فلم قلت وانا مرتبكه : آآآآ فونيه باخذه ... ونزل عينه ويل حالي منك تميت ادور عليه ما لقيته ها وقته انا متاكده انيه مخلتنه فالميلس معقوله فطيم شلته؟؟ مطر : خخخخخخ شكلها زايغه منيه هع الفون عداليه بس ما بخبرها بشوف شو تسوي ريم: شهاب اتصل ع فوني بشوف وينه شهاب: جهازي مفضي سعود رفع فونه واتصل ريم : لا لا لا لا تتصل اكيد فط.... بس ما لحقت عليه لانه الفون رن وانا ما ابااه يسمع رنته يالله شو بيفكنيه من لسانه الحينه مطر : والله ميود عمريه لا اضحك شو هالرنه خخخ ريم ....ياربيه شو هاليوووم الفون عدال مطر تم يرن فتره رنته كانت مالت سبيس تون شنغل ومنغل بصوتهم الغليض سعوود: لمنووووو الرنه هااا؟ ريم: خخخ ها اكيد حمود الطفس شهاب: حمود هااا؟ سعود تراك انت منغل وانا شنغل سعوود: نعااام؟ بو احمد عطني جهازك ريم ,,, شفت سعود يحطي فون شهاب ع الجراجه وشغله شكله بيتصل فيني: انت متفيج ع تالي الليل برقد انا سرت باخذ فونيه سمعته يرن حاكم وحكمتك على قلبي ملك ... تامر والبي في خضوع وفي ولى التفت عليه شفته محرج من الخاطر سعود: يعني شنغل ومنغل انا هاا؟ ريم ...يت بكحلها بس شكليه عميتها لا والله منغل انت وهو شنغل شهاب : عجيـــــــــب ريم ....مادريبهم يستعبطون ولا من خاطرهم زعلو بس مالي بارض لسوالفهم شليت فونيه ويت بظهر سعود:تعالي تعالي ليش هو رنه حلوه وانا هالخياس يودت ضحكتي والله يهال : والله عاد كل ومستوااااااه ^^ وظهرت شهاب : هع هع سعود ما عليه هين وين بتروح عني والله لتغيرها وتحطيها لك مطر : الحب من الله ياخي قومو بس ارقدوو ابرك لكووو CUT :ast7eee::ast7eee::ast7eee: لكل من قرا القصه وصل لكلمتي هذي ان شاء الله ايكون ال PART 1 خفيف وبسيط عليكو وان شاء الله تحبون قصتي لاني ادري الشخصيات وايد بس ان شاء الله مع الايام بتحبووونهن ياااااااااااااارب شــــ ك ــــرا ~~~ ~~~~~~~~~~ يالس اتريا اتصالك فوق احر من الجمر من عذاب الشوق هالك والهوى دربه خطر ~~~~~~~~~~~ اتريا ردرووودكو تعليقاتكو وانتقاداتكو واقتراحاتكو ع أحـر من الجـــــــ م ــــر فداعه الله |
{ ڛـــــــــــــڷأإمْ ..~ ندِّڜْ فاڷمْۈضۈؤعٍُ :" حڷۈؤه اڷمْقدِّمْـﮧ عٍُيبٺّنيـﮧ اڷقصـﮧ .. مْن اڷعٍُنۈان باين أنهآإ ڪڜْخـﮧ عٍُ اڷعٍُمْۈمْ نٺّريأإ اڷبآإرٺّ اڷيأإيـﮯ أحر مْن اڷجمْر { ٺّڛٺّأإهڷينن اڷٺّقييمْ مْنن صۈبيـﮧ ..~* ڪنٺّ هۈن رحٺّ هناڪيـﮯ |
مرحبااني~, قصه حلووه واايد,~ وبيني وبينج,~ ( حسيتج تحكين قصة حد يقرب لج,~ ) لانج ضاابطه حتى اصغر الاشيااء, ربي يعطيج الف عافيهـ ولا تحرميناا من يديدج,~ نترياا part 2 |
السلام عليكم ورحمة الله وبركاته مرحبــآبج غــلآي آلقصه ترتووووب عيبتني وآلله سجلي آنـآ من متــآبعي آلقصه يعطيـــج آلعــآفيه تســلمين آلغــلآ فـآنتظـــآر آلبــآرت آليديد ..~ |
السلام عليكم ورحمة الله وبركاته مرحبا السآآع .. ! ياولييي هههه قصه قصه ... يلآ بتريآ تنزل كل البآرتاات عقب بقرآهاا :p المهم القصه بدايتها نآيس .. والسموووحه خيتوه ـه |
إحم إحم بنت آلعم شو هـ آلإبدآعآت .. مآشآءآلله عليج مآفيج حيله وربي قصه روعه آلصرآحة .. ممممم سجلي عندج آنآ من متآبعين آلقصه :a040: وعآد لآتتآخرين علينآ بآلبآرت آلثآني لآني يآلس آتريآه ع آحر من آلجمر يعطيج آلف عآفية شيختي تقبلي مروري مزيون المناصير |
اقتباس:
وعليك السلام هلا هلا مستر شرفتني بمرووورك الحلووو والاكشخ وان شاء الله تنال القصه على رضاكو وما قصرت اخويه ع التقيم انا ما يبت طاريه قلت بتريا لين الاعضااااء يحكمون عقب كم جزء :a040: يسلمو كلك ذوووق لا تحرمني من مرووورك ^^ ويعلك دوم هووووني :unsure: |
اقتباس:
مــــرحبـــــا الســــــاع بالفــــوشي عنووونج الحلوه غناتي :unsure: انا ذكرت ان الواقع له نصيب حلو من قصتي بس هب كل القصه مواقف معينه بعضها حلو وله ذكرى باسمه فحياتي او حيات حد يقربلي وبعضها للاسف كان مؤلم:78: وعن التفاصيل الصغيره هذي شهاده وايد كبيره علي واعتز بها واااايد ربي يعافي قلبج الغاليه ولا تحرميني من طلتج ^^ |
الصررررررررررررراحه القصة ولا اروع تسلم يدينج ميث المناصير نتريا بارت2 |
اقتباس:
وعليكو السلام ورحمة الله وبركاته مرحباااا مليااار ولا يسدن فذمتيه والله ونستيني يوم انها عيبتج يعلها دوم تعيبج لووولز ^^ اتشرفبج الغاليه عيل دام بسجلج ما ابا اي غياب عن البارتات اليااي ولا ببخج بحرمااان <<< هدي ميثانه فديتج وايد صدقتي عمرج ربي يعافي قلبج غلايه |
اقتباس:
وعليكو السلام والرحمه والاكرام مرحبااااااا مليوووون هيه والله قصه:ast7eee: ان شاء الله يوم بخلص من البارتات كلها بعطيك خبر ^^ يسلمو ع مرووووورك خيووو:84: |
اقتباس:
احم احم اخجلتووو توااااااضعي هههههه عنووونك الروعه ولد العم عيل انت لعد بضمك ع لستت الغياااب هاااا تحمل عن تغيب ترا عقب بعطيك حرمااان لووولز ^^ ربي يعافي قلبك شيخي حيااك مزيوووونا ^^ |
اقتباس:
مروووركو الأرووووع القصه بدوونكو ما تسوى سلمتووو ع المرووور |
قصتج ما علييها رمسسة الصرااحة كلمة رووعة علييها شوي وفطيم وسعود ثناائي ولا اروع ^^ ومطر بصرااحة لو يقولهم انه يحب وحده احسن من انه يعلق الريم فييه >< وتسلميين ع الباارت الغااوي ونترقب الزوود |
وعليكم السلام ورحمة الله وبركاته ياسلام القصه وااااايد روووووعه تسلمين ع القصه الرائعه يعطيج العافيه ع المجهود نترقب الجزا الثاني تحياتي |
اقتباس:
فديتج والله مرووورج الاروع غناتي وتسلمين ع التعليقات الغاويه انتي اول وحده تعلق ع الشخصيات ^^ |
اقتباس:
تسلم اخويه ربي يعافيك نورتني بمروورك |
القصة روووعه .. يسلموو ع البارت .. وننتظر البارت الياي .. |
القصه طررررررررررررررررررررررررررررررررررر^^ وفديتج لاتبطين علينه^^ |
اقتباس:
اقتباس:
سلمتن فديتكن ع المروووور الغاوي واهم شي انها عيبتكن والله استانست وااايد ^^ لكل اللي سال عن البارت الثاني والله جاهز وتحت امركو مرره بس انا توني اليوم الفير حطيت البارت الاول وحابه اتريا شؤيه ع القصه تاخذ حقها بين الاعضاااء كم يوم ع الاقل وتامرووني امررر |
السلام عليكم ورحمة الله وبركاته مرحب ملايين للغوالي المزايين صراحة القصة عجييييييييبة وااااااااااايد غاوية ~ وان شاءالله راح أتابع قصتج,, ماشاءالله عليج ,,مبدعة,, نتريا البارت الــ2 والي عقبه,, تقبلي مروري ولج تقييمي ’’ |
اقتباس:
وعليكو السلام والرحمه والاكرام مرحبا ملياااار ولا يسدن غلاج فذمتيه هلا هلا بشاعرتنا نورتي القصه اتشرف بمتابعتج غناتي وربي لاهانج ع التقيم ^^ |
الميييث مهب جنه طولتي يلا كملي كملي نتريااااااج ..~ |
السلام عليكم القصه حلوووووووووه وااااااااااااااااااااااااااااااااااااااااااااايد و عيبتني واااااااااااايد واااااااااااااايد تسلمين حبيبتي و نتريا الـ part 2 da1a3 |
اقتباس:
|
اقتباس:
وانا استانست وااااااااااااااااااااااااااااااايد وااااااااااااااايد واترياا متااااااااااابعتج وفالج طيب |
اوكي يالغلاا بنتريااج |
el slam 3laih sh7alich walla el story was very nice i like it to much sis keep going and i,am waiting 4 part 2 ur bro 3zo0o0f |
اقتباس:
w3leekoo alslam b5er wshala wmen jdak ;? le alsharf bmotab3k ur sis almeth |
[SIZE="6"] Part2 [/SIZE]أحب البر واشـد الرحايـل وادور قلب ضايع في البوادي واشيد خيمتي والدمع سايـل وانوح بصوت وازقر بلحوادي وحمس البـن مابيـن المقايـل غريم الشوق والورقا تنـادي وسلي خاطري بحـلا المثايـل من الليعات واصفج بليـادي ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~ فتحت عينيه ع رنه الفون شفته <توأم روحي>: الووو ريم: السلام عليكوو... هذي لي تبا تسير للعزبه بعدها خايسه رقاد؟ فطيم : وعليكو السلام يالله يالله بتغسل ع السريع ونازله ريم : خلصيني مليت .. من متى ناشه انا!! فطيم: يالله عاد لي يشوف يقول متاخرين شوفي الساعه كم الحينه.... بندت عني ههههه مغتاضه لاني راقده اكثر عنها اعرفها يدووتيه اكيد مصحتنها من غبشه وحليلها نشيت وتغسلت تلبست وتعدلت ع السريع ويت بلبس عباتيه تذكرت ما تعطرت بتعطر لو الريم عندي ما خلتني اتعطر من كثر ما هي مستعيله هههههه نزلت وانا مزاجي coooooool ما شفت حد والبيت هدوووء وينهم طلعت برع لقيتهم فالمواتر وافضيحتيه الكل يترياني ربعت من الاحراج بس ما عرفت وين بركب لقيت عميه وعموه والبشاكير فموتر وابويه وامايه والسماان فالبيك اب ومبارك شال يدوه وعبدالله شال الروض ونوره وعيالهم و شهاب موتره مخفي ما ادري منو داخله سرت له طبعا لاني ابا الريم :: السلام عليكو شهاب والريم : وعليكو السلام شهاب : شرفتي الشيخه ... لا ليش يتي وتعبتي عمرج بعد فطيم: شهاااااااب عاد شو اسوي محد وعاني شهاب : هذا طبعج من يوم يومج اخر وحده تظهر من البيت ولبستها وشغلت الوسمي فطيم: شو وين مايد وراكان وسعود ريم : رقووووود واتحركنا كلنا للعزبه واختارو عزبه اميه من زمان ما شفناها وصلنا تقريبا فوقت واحد الا مبارك لانه يدوووه حشرته الا يخطفبها ع عزبة ابويه تبا تشووف حلالها ومن نزلنا انتشرنا كل بحاله اللي حط الريوق واللي سار يشوف حلاله ونحن سرنا نيلس ع العرقوب وصلو قوم خالوه ام بطي وخالوه ام احمد وتيمعنا مع بناتهن وكانت يلسه حلوه لين ما تغدينا وبعد الغدا بساعه روحوا انا وصلني مسج من سعود وسرت عنهم كلهم ابا اعيش جو رومانسي ^^ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~ ريم... بعد ما روحن البنات اختفت فطيم لو سعودوه موجود كنت بشك فيها بس وحليلها حرام اظلمها ....شفت حمود وغزلان يلعبون فديتهم اليهال احبهم وايد يودت حمود من ظهره ولويت عليه بالقووو واتميت ابوووسه وهو يضحك: هههههههههههههههه بس خلاااااص ريم : فديت هالويه ياربيه شو تسون غزلان :نثوي بيت يلست ع الرمله عندهم وانا اشوفهم يلعبون حمود: ريموه ابا فونج ريم : لا والله كبرك انا تقولي ريموه قول خالوه حمود: انزين ابا فونج ريم: شو تباه انزين حمود : ابا اسمع اغاني الكبار ريم: هههه وشو اغاني الكبار حمود: لي كنتو تسمعنهن ع العرقوب انتي والبنات ريم: وكيف عرفت شو نسمع ع العرقوب نحن حمود: انا ريال اعرف كل شي ريم : فديته الريال انا... انزين بسمعك اغاني الكبار ع قووولتك وشغلت له انا بدوي مالت الوسمي ريم: حمود شو رايك اصورك وانت تغني حمود: تسوين لي فديو كليب ريم: هيه انت وغزلان غزلان : بث انا ما اعلف اعني ريم : انزين لا تعنين بث لقثي تعلفين غزوله: هيه اعلف ريم : عيل انت تغني وهي ترقص اوكي شو بتغني عاد حمود: شاطر شاطر ريم : ههههههههههههههههههههههههههه ما رمت ايود عمري الحينه حاشرني ريال وريال واغاني كبار واخرتها شاطر شاطر حمود: شوووو يعني ريم: لا لا شاطر شاطر مالت يهال انت ريال ابا اغاني ريايل حمود: بغني اغنيه خالي شهاب يغني وايد ريم: وشو اغنيته شهاب حمود : طير الحمامي هيج غرامي ريم : هههههه بس بس لاتغنيها انزين حلوه بس سير اوقف عدال العريش احلى يوم بصوركو... وانتي غزوله حبيبي رقصي يوم حمود يغني اوكي هزت راسها وربعت وياه لين العريش بس مطر : تعالو عند موتريه احلى ريم... الصوت هذا يعذبنيه بس معقوله هو من متى موجود اصلا متى وصل ما حسيتبه.. يا ترى من متى كان واقف... شفته ذبت وانا فمكاني يالله لي يشوفه ما يقول هو المرعب لي البارحه نزلت عينيه ما ادري ليش بس حسيت اني مرتبكه شغلت الكام اوني اصورهم ومشغوله ولا الصدق انا اتهرب من نظراته بلاه اليوم يمكن متلوم من البارحه ... :: متى ييتو؟ مطر: تونا بدا مطربنا فديت روحه يغني وكان شكله خبال كيف مصدق عمره ويغني وغزوله ترقص عداله خلصو ويو يربعون عندي يبغون يشوفونه التصوير مطر : هااا طلع حلووو التصوير ريم: اكيد دام هالمزايين فيه اكيد بيكون حلو مطر : اباه عيل طرشيه صوبي ريم اوك يت بشغل البلوتوث سمعت صوت رنته رفعت راسيه شفته ياشرلي عقب عقب وعطاني ظهره وروح سرت انا لبرزتنا وين اهليه متيمعين وكان الكل موجود حتى فطيم وانا يايه سمعت ابويه يعد قصيده استانست ع باليه فيني شرات دوم بس يوم سمعتها انقهرت كان يعدها فالحرمه لي ناوي ياخذها... شوها اشووفه يطري الحرمه هاليومين بزياده كيف اميه تسكت عنه والله لو انا مكانها انقهررررر هههههههههه يمكن تعودت عليه ابويه طول عمره هذي هيه رمسته انا بعرس وبعرس ولا شفناه عرس ابو مبارك : يا مرحبا بالغلا كله مرحبا بغناة الفواد تعالي يا بوج تعالي بعد فيج قصيده بتعيبج ريم: ابويه كل قصيدك يعيبني ابو مبارك: ان ما عديت القصيد فريماني فمنو اعده ؟ ريم: تعده فحرمتك اليديده بو مبارك :هههههههههههههههههههههههههههه ابو عبدالله : صدقها الريم ابو مبارك : ههههههههههههههههههههههه يعني ما تبغينها القصيده ريم: لا ما ابغيها ابووووووويه وايد تطريها الحرمه هاليومين ابو مبارك: هههههههههههههههههههههههههههههههههه ريم: ماماتي ليش ساكتتله راكان: شووووفووا انتوو بس تخرب بين الريال وحرمته بو مبارك: ما يطيع زينها ام مبارك نبدلها ام مبارك : هيه بس يطيع زيني تتغزل بغيري؟؟؟؟؟ الكل : ههههههههههههههههههه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ كملنا سوالف لين المغرب وعقب المغرب الكباريه قرروا يردون بس نحن رفضنا رفض قاطع خصوصا يوم عرفنا انه عموه ناعمه فالدرب وناويه اتينا العزبه تمينا نحن والشباب و قلنالهم يشون لنا اللحم والدياي ونحن جهزنا السلطات وهالسوالف وع وصول عموتيه كنا نحن البنات مخلصات شغلنا سلمنا عليها وسارت هي عند الشبيبه وساره تمت يالسه عندنا روضه ....زقرت ع راكان وقلت له يوريلنا الضو وعدلنا لنا مكان حولها وكانت اليلسه كشخــــــــــــــــه والجو فنان راكان: هااا العيايز اعلوومكن؟؟ محد رد عليه هههههههه: خيبه يالحريم كيف يزعلن ..... انزين صبايا تلعبووون؟ غزلان : ليث تدول عيايذ يدوه محد راكان : ههههههه تعالي تعالي ثرج سوالف انتي يتني تربع ويلست فثبانيه ياربيه كيف صغيرونه هالبنت بس لسانهاطويل فطيم: شو نلعب راكان : انتي ما ارمسج فطيم : مالت يعني انا لي ميته ع سوالفك نوره : بس عاد لا تبدون مالنا بارض ع سخافاتكو راكان : بننقسم فريقين و بنتحدى بالقصايد والاشعار شو الراي؟ البنات : حلووووو روضه: واللي ما تحفظ !! راكان: اممممممممممممم امورج صعبه ام محمد بس شاركي فريقج باللي عندج ما تدرين ربج تذكرين لج اغنيه لبن روغه روضه : ويا هالراس تمصخر شايفنيه كبر اميه راكان: لا والله ام حمود اسوي عليج سوالف فديت راسها خيتوو ريم: اوكي انا وفطيم وساره فريق راكان : وانا وياكن فطيم: لاااااااااااااااااع راكان : مالت اصلا انا لي ما بااااج ابااا امصخرج بخليج تربعين تصيحين عند شيخج فطيم احرجني خس الله ويه : ها ها ها سخيف ما تضحك راكان :المهم ما طلبنا رايج نوره : وبعدين وياكووو انتو... حشى ى ى ى ديك وديايه راكان: انزين وام غزوله تنفعين ولا؟ نوره: افا عليك انفع بس ترا كله تراثي ساره :انزين يالله بنبدا راكان : خلاص انا والعيايز اقصد الصبايا فريق غزلان: اووووف لاكاااااااااان ما تثووف يدووووه محد راكان :هههههههه وغزوله ويانا بعد غزوله مستانسه ساره : لا لا شو غزوله ما نبا صدعتها ام لسان راكان :صدقج والله ...بس شوفي هالويه كيف تردينها ساره: اوك بس حمود لااااا روضه :عند ابوه حمود راكان.. التفت ع فريقي : انا وين ربيه عقنيه بينكن نوره : ما عليك نعيبك بوسلطان صدقنيه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ فهاللحظه العمه كانت يالسه مع الشباب وتسولف عندهم سعود حسيت بشووووق لشيختيه فديت عيونها انا ....سحبت عمريه من اليلسه وسرت صوبها مايد انتبهت لسعود فهمت عليه وين يبا يسير خخخخ ما يسوي سالفه لحد هالريال يا حظك يا ولد عميه امورك طيبه اما انا ميت من شوقي ولا رايم اجحل عيونيه سعود.. شفت الريم تذكرت رنتها السخيفه حبيت اغلس بها :اشحالهن رقيه وسبيكه ؟ ريم: هههههه مشكله الزعول فطيم: ما يخصك سعود حرقت ويهي عند البنات انصدمت منها: لي انا هالرمسه؟؟!! فطيم .. نزلت عينيه سعود مرت ثواني وهي منزله راسها وحسيت الدم كله فويهي التفت ع راكان : شو تسوي عندك ؟ راكان : بنلعب تلعب ويانا؟ سعود : وشو لعبتكو؟ راكان: بنتحدى بالشعر والاغاني سعود: ورقيه وسبيكه باي فريق راكان: ههههههههههههه تعال تعال بنأدبهن هن وساره فريق وانا وياك وهالصبايا فريق ساره: لا والله انتو اكثر عنا راكان : فذمتج تعدينهن فريق الا هن مشجعات يعني ثلاث ع اثنينه روضه: اقول نوره هب جنه غلط علينا نوره: ما عليج الحينه بيشوف التشجيع كيف ريم: منو بيبدا سعود : بنختارلكن حرف فطيم: ليش ان شاء الله نحن اللي نختار فالبدايه نوره : بس نحن اكثر واكبر عنكن لازم تبدونا سعود: خليهن خليهن نحن اكرم عنهن فطيم: بنات نبا حرف صعب ريم: اممممم بنات اجتماع اجتماع راكان شفتهن توالفن وعطنا ظهورهن خخخخ : حوووه حووو الا هو حرف شو قرارات الامم المتحده ما سون لي سالفه عقب التفتن علينا سعود: لحظه شروووووووووووووط القصيد كامل هب الا بيتين و اختارن وحده منكن بس ترمس هب تصدعونا فطيم: لاوالله بالله هالوحده هب حافظه كامل ساره وريم: صدقها سعود: وقت التفكيردقيقتين والسكور لين العشره البنات: اوكيك روضه : حرفكن ساره: الكاف فكرت ابا قصيده اقهر فيها فطيم قلت: عندي انا الاغنيه سعـــــــود حطيت عيني فعينها: ڪڷ مره تخطي ۈآعديهآ .. بعديـــــن ۈشڷـــۈن تآڷيهـــآ مآتدري آن دقت فرآڛي .. برد عــــــآڷيهـــــآ ۈآطيـــهـــآ دمعتڪ ڷآعــآد تذرفهـــــآ .. ۈآنت آڷمۈآعيــــد تخڷفـــهآ آنآ بمـــزآجي آطــــۈفهـــآ .. ۈآغــــض طرفــي ۈآمشيهآ عديتهآ ڷڪ ڪذآ مــــــره .. مآفآدڪ آڷطيـــب بآڷمــــره ڪڷ مره آتقۈڷ هآڷمــــره .. عآدتڪ مآنتــــه مخڷيهـــآ ۈمآجآبت آڷطيبه آحڛآڛي.. بذۈقڪ طبعي آڷقآڛي ۈآڷحين آنآ دقت فرآڛي.. بـــــــرد عآڷيـــــــهآ ۈآطيـــــهآ فطيم حسيت كلماته و نظراته طعنات لا لا لا هذا سعود انصدمت والكل انصدم شو يقصد ساره .... شو ها!! شكلهم بيتضاربون...: اااااااوكي 1\صفر حرفكوو؟ راكان : هاا شو الراي ؟ نوره: عين ريم: حرف العين حرف العين حرف العين ...سمعت فطيم تقول: انا عندي حرف العين فطيم... ما اعرف كيف يتني هالشجاعه حطيت عينيه فعينه شرات ما سوالي : علموك شلون تخدع من يحبك يا حـــــــــــرام علموك شلون تهجر من بوده لك وفـــــــــي صرت حتى يا حبيبي ما تبادلني الكــــــــــلام من عقب ما كنت روحي و كنـــــــت عـــــندي كل شي وين هاذيك الليالي الاوليه والـــــغررام وين عطفك وين شوقك كيف عني يكتفـــــــي كنت اشوفك مثل جسمي لي يغطيه العـظام كنت اشوفك ماي صافي منك ناري تنـــــطفي واثرك انت حلم خاطف في متـــــــاهات الظلام يابتك صوب الليالي دون شور ومــــــــــــعرفي كيف تسمع لو نهمتك وسط ضجات الزززحــــام وانت عني يا حبيبي في زحامـــــــــك مختفي يا حسافه عقب شوقي عقب هاذااااك الهـــيام استويت لحد غيري وبك تغيررررر موقــــــــــفي يادنيا غريبه بتــــــبدل كل عــــــــــــــــــــام كل ما بقول هانت زاد جرحي ينززززززفـــــــــي مع اخر كلمه قلتها سمعته يقول: حرفكن بسرعه ريم.. حسيت الجو تكهررررررررررررب وايد حبيت اطفي هالنار اللي اخافها تحرقهم: عاد نحن بنرحمكو بنعطيكوو حرف سهل راكان : بس تراه السكور 1\1 لتذكير ساره : حرف سهل اممممم شو رايكوو بحرف فطيم: اللام نوره :هالحرف هب سهل !! فطيم تطالعت سعود ورفعت كتوفي : ما يخصنا هذا تحدي راكان : ونحن قده هالتحدي مرت ثواني عقب قال سعود : لا تتصـل فيــه كفايه .. .. .. خلاص مـا أحبـك ولا ابغيـك ماعـاد لي يـا زين حايه .. .. .. ابـدا ولا لـي خص انا فيـك ارجـوك لا تحـاول معـايه .. .. .. ابـعد عسـى ربي يخليـك كل شـي له وقـت و نهايه .. .. .. ناهيك عالاسبـاب ناهيك من أول الـــدرب و بدايــه .. .. .. أنتــه زمـام الحبل في يديك أطويـت عن بيـرك رشـايه .. .. .. ولا عت عن مورد أحييـك الكــل له فـن و هوايـــــه .. .. .. ولا اخـر هوايتيـي أجافيـك عـزمت اسيبك يا ظنايــــه .. .. .. و رفجه عليه متصـل فيــك روضه... الله يستر ما كنهم يلعبون ساره.. وربيه انهم مصخووها ريم: 2\1 عاد تونا فبدايتها تساهلو ويانا وبنتساهل وياكو راكان: لااااا انتو تبونها تحدي ولا شو رايج فطيم؟ ريم... اووف منك انا ابا اطفيها من بينهم وهو يزيدها فطيم :SURE ساره : ها شو حرفكوو اخترتووه؟ راكان : بنخلي ام حمود تختاره روضه: حرف الحاء ساره : سهل الحاء حبيبي والله ان الحب منك .. واشوف الكون كله في عيونك دخيلك لا يروح بعيد ظنك .. ولا تشهد بحبي مع ظنونك اذا حبي تراه مجنننك .. انا جنيت والله من عيونك شعور بادله مني ومنك .. اذا ناديت قلبي قال عونك احاسيسي من الفرحه يبنك .. أحبك حيل وما اصبر بدونك اشوف الموت لي من غبت عنك .. بدونك والله ما نصبر بدونك حياتي مع فوادي مشترنك .. وروح الروح ماتغلا تمونك محال ان الجوارح يتركنك .. اله الكون يالغالي يصونك حبيبي والله ان الحب منك .. واشوف الكون كله في عيونك نوره : تعادلنا 2\2 راكان: وحرفكوو هالمره؟ ريم : حرف الخاء روضه: انا انا انا راكان: ههههههههههههه عاشت ام حمود عندها حرف الخاء روضه: خَففْ كحـل عينـك تـرى عيونـك وْسَـاع رد الـنـظــر عـنـهــن وفـيـهــن مـهـابــه لــو بَـرقـت فــي راهــب العـلـم يـرتـاع وبـطـرفـهـا تـجــذبــك شـــــدة جــذابـــه شطيـن والرّمشيــن فيهـن وسـط ضــــــاع مـنـهـا فـــؤادي ذايــــبٍ فــــي عــذابــه تـخْــلَــع قــلـــوب الـرجـاجـيـــــل نِــــزّاع والــلــي يـعـاتـبـنـي اضــيّـــع عـتــابــه واذا جــرى منـهـنْ بــلا قـصْــد لَـدْمَــــاع تــحــسّ ان الأنــــس مـقــفــول بــابـــه وإذا اضحكـن يرفـــع لـكْ السـعـد لقـنـــاع كـــن الـفــرح فـوقــك تـنـاثـر سَـحـابــه يـاعـيـن فـيـهـــا كـــلّ زيـــنٍ بـالإجـمــــاع أهـديـك مــن شـوقـي ووجــدي شَـبـابـه عـيــن بـلـيّــــا كــحــل تــامــر وتـنـطــــاع وعــيــن تــســال ولا تـحَـصّــل إجــابــه وعـيــن فـيـهـا جـمــع نـــشْــرٍ ويـنـشـــاع فـيـهـن لـطـافـه والـرّضــى والـرّحـابــه فـكــري عـلــى حـبَّــــك نــوايــاه نَـــــزّاع مـثـل الرحـيـق بـشـوق شـمّـة صحـابـه ساري سرى بي وآســر الجسـم في ســـاع عـنـيــد تـفـكـيـر الـهـواجـيــس جــابـــه بيـن الشعـور عْنَـاد وخْضُــــوع وصْـــراع ومطـوِّع احْساسـي وقلـبـي رضــى بــه وأهديـك شعــــري والبصايــر والاسـمـــــاع وأهـديــك ثــم أهـديـك ومـــا ينصـخــابـه ساره : راكانوووه تقولي مشجعات هااا اشوفها غنت الاغنيه كامله روضه: ذكري ربج ساره : لا اله الا الله ما قلنا شي انزين سعود :المهم السكور 3\2 فطيم: والاهم حرفكوو؟ ساره: عاد نبا حرف سهل نحن عطيناكو حرف سهل سعود ... حبيت اقهر فطيم قاهرتني الهرمه اليوم : ما طلبتي الشيخه بس حرف سهل كم ساره عندي انا انتي اختاري الحرف شو رايج !! فطيم .. مسود الويه يبا يقهرني ساره: صدق والله اختاره سعود: هيه نعام اني صادق ساره: امممممم حرف القاف بغنيلكو اغنية عيضه نوووره : يالله اطربينا يا مغرمه عيضه ساره : احم احم بشلها ما بغنيها عاد بغير اللحن اوكي راكان : يالله ع دلع البنات فطيم : ما عليج منه غيري سوي لي تبغينه المهم الكلمات كامله وصح ساره: احم احم قڷبـــن صۈيب تۈڷع في هــــــۈى آحبآبه بآڷقۈ دقـــــه عڷـــى فرقـــــى محـــآبيبه هم غـــآدرۈني ۈخڷــــۈني في نشـــآبه ۈآحترت مدري ۈڷآ آدري ڪيف آڛــۈيبه يآۈڷيف آڷقڷــــب طآري آڷهجر ۈش جآبه عذبت قڷبــــن يحبــــڪ ۈآنــــت تدريبه يآڪـم عذڷتـــه ۈعـــذڷي فيڪ مآيــآبه ڷآفـــآد عذڷـــي ۈڷۈمـــي ڷآ ۈڷآ آييبـــــه حبڪ تمڪن فآڷقڷـــب حطـم آعصآبه يآطۈڷ صبري عڷى ظڷمـــڪ ۈتعــذيبه من رحت عني تعظم قڷبـــي مصـــآبه بعدڪ عذآبي ۈهجــــرڪ آڷيه مصيبه مــــــۈطنڪ رۈحـي ۈقڷبي آنت آدرآبه آدخڷ تفضــــــڷ في قڷبي عيد ترتيبه آن ييت فآڷۈقــــت قڷت آهڷآ ۈڛهڷآبه يآمرحبآبه مرحــــبآ مڷيـــــــۈن ترحيبه وسلمتووووو سعووود : يعلني ما خلا من الصوت وراعية الصوووت ثره صووتج حلووو بنت العمة ساره: جان اصدق هههههه فطيم حسيت نارفصدريه يتغزل فيها ولا حفلبي: السكوووور؟؟؟ نوره: تعادل 3\3 والله ملل جي متعادلين سعود: والحرف لي اخترتووه ريم: بعدنا ما اخترنا... فطيم : حرف الفااااااء نوره: يقوول... في داعة الرحمن يا فلان .......... يا نور هالدنيا وضياها أرجو العذر لو كنت غلطان.......... يا روح روحي يامناها أهواك لو تنسد بــيــبــان............. يا بلسم جروحي ودواها ارحم وليعن بات سهران ........... روحه الشقيه لك عطاها ذقت العذاب أصناف والوان........ والعـيـن مــا وقـف بــكـاها وتصلانيه في اليوف نيران ....... و كل يوم يــتـزايد لـضاهـا خليتني في هم وأحــــــــزان ......... كا الأم لي تفقد ضناها شرع الوفا راسخ و عنوان ........ و دونك حياتي ما أباها يا وردتن في روض بستان ....... أموت من لفحة شذاها نورك شرات البدر لي بان ......... أو شمس كونن في ضحاها حافظ على هذيج الاعيان .......... ماريت في العالم شراها ولا الثنايا حب رمـــــــان .......... والشهد ممزوج بلماها شيدت لك في القلب بنيان ........ و قصور ما حدن وطاها لنك غناتي وفيك هيمان .......... ياراحت الروح وعناها أنا أشهد ان الحب سلطان ....... وحبك ملك روحي وخذاها يحفظحك ربي طول الازمان ...... يا من قتل روحي وحياها ريم: انزين 4\3 لكوو ..شو من الحروف بغيتو؟؟ روضه: شو رايكو حرف التاء.. سعود : شورج ثم هداية الله ام حمود ريم: عيل انا بشلها لهم بنات اوكي فطيم وساره : اوكيك ريم: تكلمنـــي ونومك غالبنك وانا ما با السهر يتعب عيونك دخيــلك سد خطك راجينك رجيتك باللذي غــلااك بونك غضيض بالهوى وصغير سنك من النسمه تتمايلك غصونك اداريلك ومــن قلبي احــنك واخاف عليك من خافي شجونك تقــول القلب كيف الهــيه عنك يعاندنـــي ولا يرتـــاح دونك جــتيل الحب واشــواقي دعنك وامـوت ان صار مغلق تليفونك تكــــلمني ونــومك غالبـــنك وانا مابــا السهر يتعب عيونك ريم وتعاااااادلناااا راكان : هيه هيه تعادلتوو يا حظج اتريي لين ما انمصخركوو المهم شو من الحروووف ساره : الميم راكان: سهل ويوووو مسموح ابعد عن هواي .. ما اقدر اجامـل و اخدعـك و اسمح لي لو تلقى سواي .. غيري ترى مـا ينفعـك ظنيت بك شوقـي و رجاي .. و العمر اقضي به معـك و الغالـي يرخص لك معاي .. حسبي على مـن دلعـك ودك تمـادى فـي جفـاي .. قصـدك فـؤادي يتبعـك يـاما تماديـت بـعطاي .. و يامـا جبـرتـه يسمعـك روح ابتعـد و انسى عناي .. واترك عـذاب مولعـك مسمـوح ابعد عن هواي .. مااقـدر اجامـل و اخدعـك سعووود :حرفنا بتختاره ام غزوله نوره: فالك طيب ما طلبت ....اصعب حرف لعيووونك حرف الواو راكان : هيه بس ترا السكور 5\4 ساره :يا حظكو متقدمين علينا هع هع فطيم : ام غزوووله ما لقيتي الا الوااو عاااد اسهل الحروووف سعود : يالله روينا وين اسهل الحرووف فطيم : ۈيل قلبي من العيون الجآرحـِﮧ سهمهآ في لبة الخآفق سـِطآ شفتهآ ۈاصطدت منهآ البآرحـِﮧ كنهآ تڪَشف عن القلب الغـِطآ عين ريـَم ۈفي فلآهآ سآرحـٍﮧ يشهَد الله مَشيهآ مثل القـِطآ يۈم مرت في العذآرآ شآرحـِﮧ ايش فرق العلۈ عن معنى الۈطآ في مڪَآني مآقدرت أبآرحـِﮧ صرت انآ ۈالقلـِب في أخذ ۈعـِطآ قلت أقرب للحـَبيب أصآرحـِﮧ ۈاسأله ۈش فيه بالۈصـَله بـِطآ ليت لۈ شآف الطعـِۈن البآرحـِﮧ سمهآ يخلف مسآرآت الخـِطآ ۈشآف نۈقي في مدآره مآرحـِﮧ فۈق ۈجدي ۈمآلهآ حد(ن) تـِطآ ڪَۈد يقطف من الثمآر الطآرحـِﮧ ۈين بآقـِدآمه قبل مـَده ۈطـِآ ۈكآن سلمني العيۈن الجآرحـِﮧ ۈعآلج الجرح اللي بقلبي سـِطآ نوره: ياربيه ع الملل كل مره انتعادل سعود: هيه صدقج والله ملل اليلسه وياكو فطيم : محد عزمك تيلس ويانا اصلا سعود: تروغيني فطيم ....@@ فطيم: شو ميلسنك دامك ملان سعود عطيتها نظرات قويه خليتها اتنزل راسها فالارض دواج عنديه يافطيموووه شكلها متغديه فلفل اليوم بس ما عليه... قمت عنهن وسرت لشبيبه وانا مسوي طاف للبنات وراكان سمعتهم يزقروني بس كملت دربيه راكان: زين جذا ام لسانين ارتحتي!! فطيم كنت خايفه ومعصبه ومب ناقصه راكانوووه: اذا هب عايبنك الحال الحقه انته بعد ريم: بس لي سويتيه غلط فغلط روضه : صدقها ساره : بصراحه انتي زودتيها فطيم : اوووف هو حساس بزياده وقمت بشرد عنهن احس اني بصيح والله ما يهون علي سعود بس ما اعرف ليش جي سويت ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ سعود .. يلست شؤيه عند الشباب بس حاس بضيق واني مخنووووق ركبت موتريه وروووحت عنهم فطيم ..ما اعرف كيف خطف الوقت تعشووو ورووحنا البيوتنا .. دخلت غرفتيه وعقيت بعمري ع الشبريه من غير لا اعق عباتيه حتى.... احس راسي يعورني من كثر ما افكر بسعوود ولي سويته ...انا هب عارفه ليش سويت جي وسعود زعلان مني اكيد .... ياربيه شسوي ادري زعلان بس كيف براضيه ما اعرف اراضي حد زعلان اممممم اخاف اطووف السالفه تكبر وتكبر ويكبر زعله مني ع سالفه تافهه لازم اراضيه يودت فونيه بطرش له مسج بس قبل لا اكتب شي تذكرت انه ينقهر من المسجات خصوصا يوم يتصل وانا ما ارد اطرش له مسجز ويقولي ليش تسولفين ويايه مسجز ليش ما تردين شو الفرق .... ابتسمت قررت اني اتصل بس لعيون الزعلان بكسر هالقرااار اليوم وبرمسه وبرااااضيه سعود... معقوووووووووله اللي اشوووفه (الشيووخ يتصل) خخخخ لو ادري من زمان زعلان امممم ارد ولا اتغلى امممممم قررت اني برد ومن يت ارد الا وهي مبنده فطيم .... حسيت انيه زايغه وبندته بعدين هو ما بيرضى بس من مس كووول الحين برد اتصل ولازم انيه اراضيه سعود : الوووو!! فطيم.. حسيت لساني ثقيل ومب رايمه احركه تشجعت وسلمت سعود: وعليكو السلام والرحمه فطيم : ......... سعود فديت نصخها يا ربيه متلومه اكيد ولا ما بتتصل اعرفها: شو ياااج سكتي؟ فطيم: دخيلك سعوووود لا تزعل مني سعود: شو رايج يحق لي ازعل ولا لا؟؟ فطيم : والله انك ما تهون علي ازعلك والله بس انا ما اعرف شو....... << خنقتني العبره ما رمت اكمل سعود حسيت بها بتصيح قطعت قلبي الا شيختيه ما تهون علي دموعها غاليه حبيت اضحكها: امممممم اتصالج هذا غفر لج زلاتج... خلاص حياتيه والله ادريبه ويهج يغدي خسف يوم تصيحين عسب جي خلاص رضيت عليج اباج دوم فطيم المزيووونه فطيم : ههههههه مش مهم المهم لاتزعل دخيلك سعود: فديت الضحكه وراعيتها ... عن تصدقين بس اصلا ما ادري ليش تحلوين يوم تصيحين يغدي ويهج وردي كشخه والله فطيم : يعني رضيت..؟ سعود : من ريت الشيووخ يتصل وانا راااااااااااااضي فطيم: عيل يالله تصبح على خير سعوود:وين وين ... فطيم: شو وين... سكت شوي سعود انته عارف سعود .. قاطعتها: عارف شوو يعني بس هذا سبب اتصالج متى بتحسين فيني فطيم: سعودي افهمني لي تفكربه غلط سعود: شو شو عيديها الرمسه ما سمعت فطيم: غلط سعود: لا اسميه زقرني دخيل والديج فطيم شووفوو الطفاسه انتو بس انا وين وهو وين: شو نسيته اسمك!! سعود: هيه انا انسى العالم كله ويااج فطيم : تصبح على خير غناتيه سعود: يعني ماشي امل فطيم:nooo سعود: فكري منيه مناك فطيم:no no سعود : انزين ارقدي وخليني ع الخط بسمع نصخج ع الاقل فطيم:no no no سعود: انزين خلينا ع المسجز ولا بتكنسلينهن بعد فطيم:لا ما بكنسله الا هو مسج واحد بالشهر سعود سويت عمريه زعلان منها لعل وعسى يفيد فيها:انا بفهم انتي ليش ما تحسين فيني رحميني حرام عليج فطيم: انا ما احس فيك سعود: هيه ما تحسين فطيم: اي منك اكثر سعود.. اوبس اوبس زعلتها:فطيم حياتيه حبي افهميني انا اشتاااااااااااااااااااااااق لج يعني حتى مسجات بتحرميني منها فطيم: بس مسجات اوكي سعود : امرنا لله بس مسجات فطيم: شي بخاطرك بعد شيخيه!! سعود: هيه بس اذا بتعطينيه بطلب واذا بتردينيه خليه الطلب فخاطريه برايي فطيم : الله يستر منك سعود : شو يعني اطلب ولا لا.. فطيم : اكيد حياتيه سعوود: اتصال مره بالشهر من العشر لين الفير ههههههه فطيم :هههههه مشكله لي ما يصدقون نعطيهم فيس طلباتهم تكثر سعود: خلاص خلاص برايج بس يوم بيتصلن لا تلوميني ليش ارد عليهن ويمكن اسولف وياهن تدرين الشيطان شاطر فطيم: منوه منوه لي يتصلن؟؟؟سعوود اعترف!! سعود:عرب عرب يالله حبي تصبحين على خير فطيم تيمعن الدموع في عينيه:سعود انته ترمس بنات صح سعود: هههههههههههههههه هن يرمسني انا ما يخصني فطيم: كيف يعني سعود: اتيني ارقام غريبه وارد عليها بس ما ادري بنات شباب ما ادري عاد ربج احيانا تغلط وحده صوووتها طر ولا شي لا تلوميني عقب تدرينبهن دلوعات فطيم:لاااااااااااا تقهربيه سعود سعوود: هههههههههههههههههههههه فديتهم انا يوم يغارون سكت شويه عقب وطيت صوتي اعرفها هالنبره تذوبها علني افداها شيختيه... قلبيه... حياتيه..... فطيم: دووخت من سمعته يزقرنيه بهالنبره سعووود: فطيم شو ياج صخيتي؟؟ عيبج صوتيه صح << خخخخخخ مصدق عمري فطيم غمضت عيونيه: هيه عيبنيه كيف ما يعيبنيه صوت شيخيه سعود : عيل بتصلبج كل يووم فالج طيب فطيم:سعووووودي عاد سعود : اااااااااه محلاه اسميه يوم تنطقبه شفاج حبيبي لمصلحتج انا بتصل مب انتي تقولين عايبنج؟ فطيم : ههههههههههههههه يالله ع اللواته انت بطولها وهي قصيره تصبح على خير واسمعها الرمسه سعوود@@: اي رمسه هههههههههه فطيم : البنااااااااااااااات لا ترد عليهن هذا اولا ثانيا اتصالات ماشي سعود:ما عالم الغيب انا شدرانيبهن بنات بعدين يومج ما تبغيني ارمس بنات انتي رمسني تدرين انا بشرر يمكن بعد يلعب براسيه الشيطان فطيم : سعودووه يوم بتشووف رقم غريب لا ترد سعود: عجيب !!! فطيم حسيت انها قويه: اذا شهابوه عدالك هو يرد سعود ابتسمت: شي اوامر ثانيه فديتج فطيم : هيه ارقد والفون مغلق سعود: من عنونيه فطيم سلمت عنونك تصبح على خير سعود : وانتي من اهله وين بوووووووووستيه فطيم : فالك طيب وبندته فويه سعود : ههههههههههههههههههههههههه لا خليت منها هالخبله cut ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ اهدااااء لكل عين وصلت هالحروووووووووووووووف جملتي في المحبه يا حبيبي فديتك... شوف ويهك يساوي عالمي بكمله... وانته جملتك حقي ارحب ولا خليت... تفتحه باب قلبك وبحترام أدخلــــه... فداعه الله |
[grade="ff1493 000000 ff1493 000000 ff1493"]~..تسلميييين يالغلا ع القصة الرووعهـ ..~ والشخصيات الي عيبتني اكثر شي : سعود ع الربشة الي فيه , فطيم ع شخصيتها , مطر ع هدوءه , و شهاب ع شخصيته بعد اممم و بس الين الحين هايل الي اكثر شي عيبوني ..~ و انا من متابعي قصج .. و نتريـآ البارت الياي ع احر من اليمــر ..~ و السموحـهـ ..~ [/grade] |
يسلموووو ع القصه الغاووويه وبانتظار التكمله |
اقتباس:
نسلمين رهوووفه ع المروور الاروع وسلمتي ع التعليقات وصدقج انا ركزت ع هالشخصيات فاول بارت لاني ما حبيت اضيعكو وايد قلت حبه حبه بتتعرفون عليهم كلهم ان شاء الله |
باكو مشكووووووووووره غناتي عالـ part الـ nice و نترقب الـ part 3 da1a3 |
اسمييييييه الباااااااارت طرر الصرااحة وبو الريم يمكن يفكر يعرس صدق ولا هو معرس بالسر هع و وبس نترقب الباااااارت الياااي |
اقتباس:
ولكم باااك العفو غناتوه لي الشرف دلوووعتنا انج تترقبين البار ت3 واتمنى تنال قصتي على رضاكو |
اقتباس:
مرحبا الساااع والله بحبوووتي الولهانه اهم شي عيبج البارت ^^ واممممممم اي دونت نوو بنشوووف مع الايام |
mar7baaaaaaaah it,s amazing story and i,am reeeeally like i t & enjoy it keep going mmmmmm w inshalla one day aso0o0fh katbah 3zo0o0f |
سلمتي غناتي ع القصه بنتظار البارت الياي |
اقتباس:
mr7baaaaaaaaaaaaaaah alsaaaaaaaaa3 yshrfny inh g9ty t3ybk w inshalla dooomz tab3ny ^^ |
| الساعة الآن 01:47 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir