|
~ مـ حـَلـِى الـلـقـّـآآ مـنـ دوونـ ميــٍعــآآد ~ [align=center] http://www12.0zz0.com/2009/07/03/19/705321051.gif شــحــآآلــڪمـ ؟! .. :ast7eee: بـصــرآآحـه انــآ غبــت عن المنـتدى فتــرهـ طويييييييييييييييييــله .. و ولهــت عليــكمـ وآآآآآآآآآآآآيد! وحبيــت أرجــع لڪمـ بهالقـــصــة الحلــوهـ الــي عيـبـتني .. واتـمنــى تعجبڪمـ ^^ بعنـوآنـ [ مـ حـلــى الـلــقــآآ مـن دونـ ميــعــآآد ] .. لــ ( My Life ) =) .. ** .. ** .. ** .. ** .. نبدأ بسـمـ اللــهـ الرحــمــن الرحـيــمـ ^^ اليــكم الشخصيــات ..:~ امـ حمدان : حرمه كبيره ف السن عندها بنت و ولد بس و الحمدالله مخلصين المدرسه و يدرسون ف الجامعه .. و حرمه بيت و تهتم ف عيالها و ريلها ... بو حمدانـ : ريال [ رجل اعمال ] .. اللي يشوفه يقول انه شاب ... مـ ح بوب .. يتفهم الشخص اللي جدامه و اللي يكلمه يقول انه محبوب و متفاهم ... حصه : بنت بو حمدان و ام حمدان .. بنوته حليوه .. كشيخه .. تخاف ربها ... ناجحه بدراستها ... عمرها [ 19 ] يعني اول سنه جامعه و ع النهايات ... حمدان : الولد البكر مثل ما يقولون ... ريال و نعم الرجوله ...يخاف ربه ... و متفوق بعد بدراسته .. هو ثالث سنه جامعه ... حليو و الله عطاه جمال يحسد عليه و الله يحفظه .. و عمره [ 22 ] .... امـ محمد : حرمه ما شا الله عليها حرمة بيت .. و مهتمه لعيالها و ريلها و مب مقصره وياهم بشي .. و تخاف ربها ... بو محمد : اخو بو حمدان و يشتغلون ويا بعض فـ التجاره ... و مب مقصر ويا اهله شي .. اليازيه : بنت عمـ حصه ... و هي وآآيد ويا حصه بس مب كل الاسرار يقولنه لبعض .. عمرها [ 19 ] ع سناة حصه ... و تدرس ف جامعة زايد ... اما حصه ف التقنيه ... روضــه : اخت اليازيه و بعدها ف المدرسه ... و عمرها [ 14 ] ... محمد : اخو روضه و اليازيه .. عمره [ 12 ] سنه ... و اكثــر الاحيــان ويا ربعه .. ... بو احمد : ريال ما شا الله عليه عنده شركه كبيره للسيارات .. و ريال شاري بيته و عياله و شالهم فوق راسه ... ام احمد : اخت ام حمدان ... و اختها العوده ... و حرمه ما شا الله ما عليها كلام .. احمد : ربيع و اخو و كل شي لحمدان يحبه مؤؤؤؤت ... و ع سناة حمدان [ 22 ] سنه و ف نفس الجامعه ... نوره : اموت ف شي اسمه حصه و حصه تموت فيها ... و توأم ما يتفارقون عن بعض حتى بيتهم ينب بيت حصوص ... و عمرها [ 19 ] ... و فـ نفس الجامعه .. [ بنات خاله ] =) ساره : اخت نوره و عمرها [ 13 ] واتحب تقعد ويا روضه بنت عم حصه ... .... حـاولوا تحفظون الشخصيات عدل لان تقارب الاسماء يلخبط شوي ^^ و ان شا الله انزل اول بارت باجر باذن الله اختــكم [ همــوؤوؤوؤســه ] =) ... http://www10.0zz0.com/2009/07/03/17/200238382.gif[/align] |
[align=center]الـ Part 1 .... حصه : نواري شو اتسوين .؟ نوره : ما شي يالسه اطالع التلفزيون و ارمسج ... حصه : مممم انزين نواري حبيبتي ... نوره : عيوني .. حصه : تسلملي عيونج .. المهم انا هب سايره المدرسه باجر .. نوره [ بصوت حزين ] : ليش عاد حصوص بلا سخافه .. حصه : نواري والله راسي يعورني .. نوره : و ميروه بتزعل باجر بتسوي حفله عسب امها ربت :( حصه : زين بعتذر منها و انتي بعد اعتذري بدالي ... نوره : زين خذيلج بندول و بترتاحين حصه : نواري لا تحنين ما ابي اداوم والله تعبانه .. نوره : خلاص ع راحتج .. المهم انا امايه اتناديني بروح ... اوكي حصه : سلمي عليها و يلا باي ... :) نوره : باي .. و صكت الخط حصه و راسها بينفجر عليها ... و راحت الغرفه ترتاح ... اما ام حمدان يالسه ف المطبخ اتسوي لبو حمدان شاي ... ام حمدان : روووزز روووززز .. روز : يس مدام .. ام حمدان : يبي الحليت وياج .. روز : اوكي ام حمدان راحت فوق لبو حمدان عسب تعطيه الشاي ... و هي ماره لقت غرفة حصه .. دقت الباب .. ام حمدان : حصوص .. حصه [ بتعب ] : اتفضلي اماه ... ام حمدان : شفيج يا بنيتي ما اشوفج نزلتي تحت ويانا .. حصه : سوري بس تعبانه احين بصلي و برقد .. ام حمدان : اوكي فديتج تصبحين ع خير .. [ و هي مب مطمأنه ] .. و راحت ام حمدان عند بو حمدان و كانت الساعه [ 10 الفليل ] بو حمدان : بلاج فديتج .. ام حمدان [ و الابتسامه ع ويها ] : ما شي بس ما ادري احس حصه تعبانه بس تقول ما فيها شي ... بو حمدان : لا تخافين ما عليها الا العافيه ... و عند حمدان كان منسدح فـ الغرفه .. و يرمس ف الفون حمدان : مرحبا الساع .. احمد : مرحبتين ... هلا والله حمدان : اهلين .. شحالك دبوه ؟ احمد : تمام .. انت ؟ حمدان : تمام .. ها شو وين ساير .؟ احمد : ما شي رايح المكتبه لساره .. تبا وسيله .. حمدان : اها اوكي اقول .. احمد : قول .. :) حمدان : شو رايك باجر انروح المبزره .. احمد : لا شو باجر ورانا جامعه .. حمدان : عنبوك شو بيصير لو يوم غبت .. احمد : ممم خلاص شورك و هداية الله .. حمدان : هي جي ابيك ريال ـهههـ احمد : ـههههـ اوكي عيل انا ببند و خلاف بسوي لك .. حمدان : يلا عيل باي .. و بند الخط اما عند حصه .. فسارت صلت و رقدت ... و يا الصبح .. و حصه راقده بعز نومها .. ام حمدان نشت اتقوم ريلها للدوام .. ام حمدان : بو حمدان يلا نش دوام ... بو حمدان : ان شا الله .. صباح الخير .. ام حمدان : صباح النور يلا حبيبي قوم و اتغسل و افطر و روح الشركه بو حمدان : ان شا الله .. ام حمدان راحت اتقوم حصه للجامعه و حمدان ... ام حمدان عند باب حصه ... ام حمدان : حصوص ... حصه : ....... ام حمدان دشت الغرفه عسب اتقومها .. ام حمدان : حصوص حبيبتي يلا عيوني نشي وراج جامعه . حصه : امايه مب قادره ابي ارقد تعبانه .. ام حمدان : زين ع راحتج فديتج .. ارتاحي حصه : مشكوره امايه يلا عيل انا بكمل رقادي ام حمدان : اوكي حياتي ... و راحت ام حمدان غرفت ولدها حمدان .. ام حمدان : حمدان .. حمدان ... [ حمدان نومه ثقيييييل ] ام حمدان ادز حمدان و اتحركه .. ام حمدان : يا ولدي قوم نش حبيبي يلا وراك دراسه .. حمدان :: هممم .. اماه ما بروح اليوم بروح المبزره ويا محمد و حميد ... [ حميد ربيع حمدان و احمد ] ام حمدان : بلاكم اليوم حشا ما في حد بيروح الجامعه .. حمدان : ليش حصه وينها ؟ ام حمدان : تعبانه مب قادره اتنش للدراسه حمدان : اماه الله يخليج خليني اكمل رقادي و باجر بسير .. ام حمدان : شو سكران باجر اليمعه .. حمدان : ان شا الله يوم الاحد يلا عاد امي ابي انام ام حمدان اتفره بلمخده : نام ... و طلعت برع و كمل حمدان رقاده ... و نزلت تحت لبو حمدان ... بو حمدان : ها وين عيل العيال ام حمدان : و لا واحد فيهم بيروح ... بو حمدان : ليش ان شا الله ؟ ام حمدان : حصه هب قادره اتنش من التعب .. و حمدان بيسير ويا ربعه المبزره .. بو حمدان : خلاص ع راحتهم ... و اتريقو و نش بو حمدان .. بو حمدان : يلا عيل انا بروح الشغل ... ام حمدان : فداعة الرحمن .. و طلع بو حمدان الدوام ... اما عند بو احمد ... ام احمد رايحه اتقوم نوره للجامعه ... ام احمد : نواري حبيبتي يلا قومي نشي حبوبه وراج دوام .. نوره : هممم ..... ان شا الله امي .. ام احمد : يلا انا بروح اقوم اخوج احمد و بعدين ابي اشوفج تحت .. نوره : امايه احمد هب رايح بيروح ويا حمدان المبزره .. ام احمد : اها ... خلاص عيل يلا نشي فديتج و افطري و يلا ع الدوام بروح انا اقوم اختج ساره ... نوره : ان شا الله .. و قامت نوره اتصلي الفير .. و اتلبست .. [ كانت كاشخه ها اليوم ] ... و ام احمد راحت اتقوم ساره ... ام احمد : سارونه حياتي قومي ... ساره : همم .. ان شا لله اماه احين ناشه .. ام احمد : يلا حياتي .. نشت ساره و لبست ثياب مدرستها و لفت شعرها و صلت و نزلو هي و نوره و يا بعض يفطرون ... ساره : صباح الخير يأحلا ثنين ... بو احمد و ام احمد : صباح الخيرات .. نوره : ها شو ها الزين اماه ما شا الله بوفيه مب فطور بو احمد : ــهههههــ .. هاي ام احمد مرت بو احمد ما اتقصر ع عيالها و ريلها فديت ام احمد .. نوره : اووووبـ شو ها ابويه نحن اهني ... ساره : احم احم نحن هنا .. ام حمدان [ محمره جدام عيالها و حاولت تغير السالفه ] : يلا عيالي اتأخرتوا قومن ابوكن بيتأخر ع الدوام .. و نشن عسب يروحون الدوام .. نوره : يلا عيل امايه انشوفج ع خير غناتي ... ام احمد : ان شا الله يلا شوفو عماركم ... و راحو البنات ويا ابوهم الدوام .... اما عند بو محمد ... ام محمد ويا عيالها يالسين يفطرون كلهم ... ام محمد : ها كيف اصبحتوا ... بو محمد : ــههههــ وين قاعدين نحن .. اليازيه : ههه بخير و الحمدالله يا اماه ... [ ام محمد ما شا الله خفيفة دم و حبوبه ] محمد صاخ و يفطر لانه تعبان يبا يرقد ... روضه : نعم يا اماه نحن بخير و انتي كيف اصبحتي ؟ ام محمد : الحمدالله ... بو محمد : يلا يا عيال وراكم دوامات يلا خلني اوصلكم .. الكل راح و سلم ع امه و راحو الدوامات ... .... و ع الساعه 10 .. حصه نشت راسها بينفجر عليها مب قادره تتحرك قالت [ خلني اروح و اخذ لي حبة بنادول ] .. راحت برع ما لقت امها .. حصه : روووز يا روووز روز : يس مدام .. حصه : وير از مام ..؟ روز : يور مام از اسليب ... حصه : اها اوكي .. و نزلت حصه المطبخ عسب تاخذ لها كاس ماي و تشرب الدوا .. و هي نازله مب حاسه بدنيا و ماسكه راسها ... احمد كان داش البيت فجأه و من غير ما حس او شك انه حصه او حد يكون متواجد ف ها الوقت ... و احمد مب شايف حصه من زمان ... لانه كان ف دوره ف الخارج [ احمد يشتغل و يدرس ف نفس الوقت و حمدان مثله ] .. يعني العايله ما اجتمعو من زمان ... حصه كانت نازله و هي ماسكه راسها و تتويع ... احمد دش و شافها و انصدم تم واقف و خايف من ردة فعلها ... و دشت المطبخ من غير ما اتحس انه احمد موجود .. و طلعت بكاس ماي و احمد متيبس بعده ف مكان .. حصه : وآآآآي رآآآسي بنفجرررر تعبت .. احمد يالس يطالعها .. و هي صدت و ألا اتشوف احمد جدامها و اول ما شافته طاح الكاس من ايدها و هي هب حاسه ... من الصدمه [ مستغربه منو ها ؟ ] و متيبسه مكانها ما تعرف شو اتقول ... احمد نزل راسه : حصه انا آسف ما كنت اعرف انج اهني ... حصه ما كانت لابسه شيلتها و شعرها مكشكش [ ـههههـ ] حصه صاخه مب قادره تتكلم من القفطه .. و طلع احمد ... حصه ع طول ركضت فوق و شلت تليفونها و اتصلت ف نوره .. حصه : اوووفـ شو هاااي ما اترد اكيد ف الكلاس ... صكت من عند نوره ... و تمت يالسه اتفكر ... حصه [ بينها و بين نفسها ] : يا الله منو ها ؟ ما شا الله عليه الله عطاه جمال و ابتسامه تسحر ... و تمت سرحانه و اتفكر منو ها .. اما احمد صاخ و متفاجأ ... احمد [ فـ خاطره ] : ما شا الله حصه حلويتي و كبرتي ... و مره وحده يرن تليفونه .. احمد : مرحبا الساع حمدان : هلا والله يلا وينك يا الدب .. احمد : عند الباب يلا اظهر .. حمدان : يلا يايك .. و طلع له حمدان و راحو المبزره ... الساعه 2 و نص ... نوره خلصت الدوام و طلعت من الجامعه ... و ع طول اتصلت ف حصه .. نوره : هلا حصوص شو اتصلتي ؟؟ حصه : هيه نواري اليوم صار شي الصراحه اتقفط و ما اعرف وين اودي ويهي .. نوره : خيبه شو صار ؟ حصه قالت لنوره شو صار لها ... وهــااا البارت الاول .. ^^ ان شاء الله يعيبكم سوري لوشي اغلاط مب مني القصة جي مكتوبة وانا نقلتها بس مفهوومة اتوقع خخخخ .. لكن ان شاء الله بحاول اعدل في البارتز الياية .. =) ربـي يحــفــظـكم .. [/align] |
الــظـاهــر مــا عيــبــتـكـم الــقــصـــة =( مــاشــي ردود |
وعليكم السلام ورحمة الله وبركاته تسلمين أختي ع البارتين ربي يعطيك العافيه و بانتظار يديدك |
ربــي يســلمك أخــوي .. شــاكرتلك مرورك ^^" |
[align=center]الـ Part 2 === نوره : احلــفي ... حصه : والله .. بس ما اعرف ها منو ؟؟ و هو يعرف اسمي .؟ نوره : هو راح ويا حمدان المبزره ؟ حصه : هيه ... نوره : شو كان لابس .. [ حصه مب فاهمه نوره ] حصه بأستغراب : بنطلون جنز و تيشيرت وردي .. نوره [ ضحكت ] : ـههههههههـ ها اخوي يا حماره ها محمد ... حصه انصدمت : اونننننه ؟ نوره : هههـ والله حصه : امبيييييييييييييييييييه ... نوره : شبلاج عادي ... ولد خالتج ... حصه : لا بــس ما عرفته و هو عرفني فضيـــحه ... نوره : لا عادي .. اقول حصوص حبوبه انا ببند قوم ميره يبوني .. حصه : زين وصلي سلامي لها .. نوره : يبلغ فديتج .. حصه : باي و بندت الخط و انسدحت حصه ع الفراش اتفكر اتقول ها ولد خالتي ما شا الله عليه يجنن ... و تمت طول الوقت سرحانه ... اما نوره راحت لميره و البنات عسب الحفله بمناسبة ظهور مولود جديد ف حياة ميره و اهلها ... نوره : مبروك ميروووك فديتج ... ميره : الله يبارك فيج عنوني .. ما تدرين يا نوره شكثر انا فرحانه من متى ف خاطري ف بيبي صغنون يكون اخوي .. نوره باست ميره : يلا عيل انا احين طالعه بروح البيت .. ميره : خلاص اوكي سلمي ع حصوص و قوليلها ميروه ما اتكلمج نوره : فديتج حصه تعبانه و اتقلج سوري ميره : اها الله يشفيها و الله يسلمج و يسلمها من الشر ... و طلعت نوره من عند ميره و البنات و راحت البيت .. و دخلت البيت و شافت حمدان و احمد ... و قالت : ما شا الله حمدانوو كبرااان .. حمدان : اصغر عيالج اتقولين لي كبران يا ويهج .. -_- نوره : اويه شو يعني يا ويهك انا احلى عنك احمد : بسم الله ما مداكم اتقولون السلام عليكم ع طول اتناقرتوا ... حمدان : شوف اختك هاي الغجريه ... نوره : محد غجري غيرك يا الدب ... و صعدت فوق و هي مفوله من حمدان .. [ من النوع اللي ما تحب حد يزعج او يعلق عليها ] ام احمد : هلا والله بحمدان .. شحالك ولدي و شحال ابوك و امك ...؟ حمدان : كلهم تمام ما يشكون من باس ... و الكل يسلم عليج حتى حصيص .. احمد اول ما سمع حصه [ قلبه فز ] ام احمد : الله يسلمك و يسلمهم من كل شر ... احمد : ها عيل وين ابويه امايه ؟ ام احمد : ما بيي اليوم ع الغدا لانه بيروح ويا بو حمدان المطار بيستقبلون الوفد ما اعرف شو سالفتهم .. حمدان : اخاف انهم مزوجين تراهم شياب مب هينين ... ام احمد شهقت : وييي بسم الله علينا لا تفاول يا ويهك احمد : بسم الله ع ابوي ان شا الله ابوك حمدان فره عليه الدبه : اتخسي ام احمد : ايه وين انتوا يلا حبايبي ع الغدا حمدان : يلا عيل انا اترخص ... ام احمد : ع وين اتغدا ويانا من زمان مب شايفينك حمدان : لا خالو ان شا الله باجر بيي ... احمد : يلا يا ريال اقعد امي قالت اقعد حمدان يصاصر احمد : يا اخوك ما ابي اشوف شيفت اختك و اتناقر وياها ... احمد دز حمدان : عيل اجلب ويهك ... حمدان [ ضحك ] : ههههههـ الحمدالله يت منك يلا عيل اترخص مع السلامه ام احمد : ف حفظ الله ... و طلع حمدان وهو بطريجه للبيت رن التيلفون ... حمدان : مرحبا الساع مرحبا مليوووون .. حميد : هلا والله بالشيخ حمدان : اهلين شو تبي عطني الزبده هههـ حميد : عنبوك اسأل عن حالي و احوالي حمدان : تونا يايين من المبزره و اعرف كل اخبارك .. بالذات عن الحب مالتك هههـ حميد : اووف مشكله اللي يغارون .. حمدان : هههـ الله يعطيني من توفي قلبي و حبي و تصونه حميد : امين حمدان : يلا عيل اجلب ويهك بدش البيت حميد : اي صفحه حمدان : اتنكت ؟ حميد : لا احاول حمدان :: يا مظرفك .. حميد : لا اتحريت يا رسالتي حمدان : يا اخي يلا باي حميد : اففف ملان ابي اسولف حمدان : اتصل ف الحب و سوولف حميد : اويي ذكرتني بتصل يلا باي حمدان : ههه باي و دخ ــل حمدان البيت و يشوف الكل يالس ع الطاوله يتريونه عسب يتغدون ... حمدان : الســلام عليكم .. ام حمدان : هلا والله و عليكم السلام .. بو حمدان : جان ما ييت مب احسن لك .. حمدان : شو اسوي خالتي ام احمد اصرت اني اتغدا عندهم .. حصه : يعني اتغديت هننناك ...؟ حمدان : لالالاالالا قلت لها ما ابي ... بو حمدان : زين بلا تهذريب يلا الغدا ... حصه : يلا تعال ايلس ينبي ابيك ف موضوع بعد الغدا حمدان : ان شاالله .. و تغدو و بعد الغدا الكل قعد حمدان و حصه و بو حمدان و ام حمدان .. ام حمدان : اقول شو رايكم نعزم العايله بيتنا .. والله من زمان عنهم حمدان : هي والله شو رايك ابويه .. بو حمدان : انا ما عندي مانع .. حصه : هي والله ... ام حمدان : خلاص عيل بتصل انا ف ام احمد و ام محمد .. و بخبرهم راحت ام حمدان .. تتصل فيهم بو حمدان : يلا عيل انا بروح اخذ لي قيلوله تعبان حصه [ حصلت الفرصه عسب اترمس حمدان عن موضوع احمد يوم شافها ] حمدان : اوكي ارتاح ابويه راح بو حمدان و ارتاح . حمدان لف صوب حصه و قال : ها حصيص شو بغيتي مني ؟ حصه [ ارتبكت ] : هااا .... زين حمدان بس لا تعصب ... حمدان [ بأستغراب ] : من عيوني قولي حصه : اليوم الصبح الساعه 10 يوم كنتوا بتروحون المبزره انت و محمد ........ الخ .. [ قالت السالفه ] حمدان وقف [ و نظرات الشر ف عيونه ] : و انتي حضرتج ليش ما ركضتي تلبسين شيله .. حصه [ نزلت راسها ] : حمدان ما اقصد بس كنت مصدومه و واقفه و كسرت الزجاجه اللي فأيدي .. حمدان : حصه اخر مره تفهمين ولا ؟ يوم بتظهرين من غرفتج البسي شيلتج او ييبيها وياج ؟؟ حصه : ان شا الله حمدان : يلا عيل انا بروح اصلي .. حصه : تقبل الله .. حمدان : منا جميعآ ... و ظهر حمدان من الصاله و راح يتوضا و راح المسيد ... حصه اتنهدت و يلست ع الكرسي و تلعب بضفور ايدها ... حصه : يا ربييي ياليتني ما قلت افففـ ما اعرف اسكت يا ويهي ... و بعد ع عادتها تمت سرحانه ف احمد ... رن تليفون حصه ... حصه : الووو ... اليازيه : هلا دبوووه .. حصه : اهلين شحالج .؟ اليازيه : تمامووو انتي .؟ حصه : آآآآآهـ ما اشكي من باس .. اليازيه: فديت الآه شفيج حبيبتي ؟ حصه : آآه يا يزوي شكلي وقعت ف الحب ... اليازيه : ههـ ف منو يا الدبه من ورانا ؟ حصه : اليوم اليوم اسرني ف قلبه .. اليازيه : لا لا السالفه يبالها يلسه اقول حصه : قولي ... اليازيه : باجر عزيمه ف بيتكم انا و قوم خالتج بني كلنا .. حصه [ فزت ] : صج ؟ اليازيه : صج .. حصه : وآآي زين زين يلا عيل باااي ... اليازيه : لالا انتي فيج شي ... حصه : هههـ ما شي بروح لأمي .. اليازيه : باااايوووو حصه : باي .. و بندت من اليازيه == == == وهــا البــارت الــثاني .. ولو شفت تفـاعل بكملهــا ان شاء الله ^^ [/align] |
مشكوووووووووووورة الغلا ع القصة و نتريااااا التكملة؟؟؟؟ |
| الساعة الآن 12:35 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir