|
ودي ابـــكي دم على حالنا السلام عليكم هذا اول موضوع اطرح في المنتدى ما عليه بغثكم في اول موضوع بس شنسوي هذا هو الواقع ^^ انا بتكلم بصراحه خواتي \خواني وسامحوني يمكن كلامي يكون جارح لكن من اللي اشوفه الحين لاجار يدخل على جاره الجار يدخل المستشفى ويطلع وجاره مايدق عليه الباب وان دخل عليه فنجان قهوه مايشرب ليش يارك هب محتاي منك فلوس ولابيطلبك لكن يارك يعني ربيعك قبل الجار لو طبخ وفاحت ريحة الاكل لازم يطعم ياره الحين سنه لسنه جان بيطرشون ليش يارك هب يوعان لكن يحب يشارك فرحتك حزنك يشل عنك شي كل واحد سكن في هاي الفلل وزمط عمره ليش بيكم مرض تبى اتشوف يارك احدر عليه سلم مو توايج عليه من الدريشه يارك ان بغى يسافر توصى ابيته وعياله حشى بلاهم الناس كل واحد صاق على عمره الباب الرسول وصى على سابع جار وانت جارك باب بالباب ماتسال عنه بنات الخاله وبنات العمه وبنات الاخت وبنات الاخو من يقعدن اجاكرن هاي ساعتي وشوفو شنطتي ليش هالخقه كلها تراكم اهليه واللي عندابوج عند عمج والي عند خالتج عند امج واللي عند اخوج عندج الصراحه قبل البنات من يتيمعن سوالف وضحك ولعب وغيره لو انهن كبار لكن الجمعه والمحبه تجمع القلوب هب الحين بنات هالزمن جاخيين وامشين اهلهم على كيفهم ومسوين مشاكل عند الاهل خوات ماهم بخوات موووووووووووووت ان اتيمعن وان تيمعن كل وحد تجذب على الثانيه بسم الله شو صاير بالدنيا الاخو بياكل اخوه والاخت تحقد على اللي عند اختها (اعرف مو الكل لكن اللي شفته بعيني يثبت انه فيه هالنوعيه ) حرمت الاخو تراها اختكم ومنكم وفيكم اتغايظونها ليش هي اللي كانت على الخير والشر معاكم اتشوفون نفسكم عليها ليش ولو كانت هي وهي وهي تراه انتو بعد في يوم من الايام تتطبعون بطبعها ليش الام استوت البنت تمشي كلامها عليها ليش الامهات ضعفن في الشخصيه اجاري الزمن ولا مشاعر البنت وين الام اللي تلف بنتها عن عيون الشباب وان طولت الرمسه البنت في التالفون خذت الام حذرها .. والحين الام ولا عليها ولا سائله عن البنت لاتقولن ثقه لالالالالالا الهندي ولا الوافد قبل يوم يشوف المواطن ولاالمواطنه ينزل راسه وفي حدود الحين لالالالا هبابهم يغازلون بناتنا حتى الهندي مايكسر عينه ليش والله ليش ................؟ الوحده لما تمشي مع بوعيالها في السوق ساتره على نفسها من فوق لين تحت وهو يبص بص لغيرها ... ليش عيل مسبل بحرمتك وراك تباها تلبس قولها مو مخلي عمرك سي السيد وانته هناك تلهث للبنات ... ليش الريال مايصبر على ام عياله لافي مرض ولاغيره وين عيل شريك العمر وعضيد الدنيا وغيره الحرمه من يابت 3 بنات عرس عليها يبى الولد ليش الحياه بس بالاولاد مافكر انه اللي عطاك بنات قادر يعطيك اولاد قبل يوم انسير المحلات في احترام بين العامل والزبونه الحين تبين ماتبين طلعي برع ليش كثرن محلات البناطلين نادر مانحصل تنانير وغيره حياتنا استوت بناطلين وعبي وسوع وشنط بس يعني مظاهر ليش البنت لما تتاخر محد يعاقبها ليش البنت تحضر عروض الساعه 9 و10 و12 فالليل في السينما ليش وين اهلها والله قبل يخسي نتاخر دقيقه من المعهد ولاغيره انخاف في اي وقت ايينا هذاك الطراق المحترم قبل حتى ولد الحاره يغار على بنت فريجه ان شافها فيه غيريه الحين لاااا هباب الولد ينقز في بيوت الناس انصاص الليالي بلاهن البنات من يشوفن واحد ردن لفن الشيله شو السر ورا هاي الرحركه خلو المعرس في حاله يابنات هالزمن لاتدمرون بيوت خافن الله تبن ريل عرسن ولو اهليكم قالو انتو صغار قولو لااحنى نبى ريل وفكوا بنات الناس من المشاكل وخلوهم يرتاحون ويرقدون بسلام العبي العبي العبي ماشي الحين الحياء ضاع عند الاغلبيه بس هذا الاسكيني والعباه مرفوعه لين تحت الباط والعصاقيل تقولن توث بك ولا كراعين طائر اللقلق حرام والله حرام تسريحه حق مركز ليش ...؟ اللي بيرقمج ولاشي من هالقبيل لاتصدين ورا وتقولين ( اف بلاحركات بايخه ) انتي البايخه يوم شاخطه الجحال دائره كامله على الويه والتسريحه ومرصصه على الدفريشن اللي ورا .. وماتبينه يلحقج لاتلومينه يبغي يفرغ طاقته فيج لانج رخيصه بحركاتج ومياعتج وبروجج الفوشي ولا البرتقالي لاوالحين هابين بنات انا اسميهم خوات مايلي ... بنات 14 اونهن فري واوبن مايند وايد لبس وحركات بنات عرب وناس وكله تقليد للاجانب ليش كوني فري وابن مايند بحدود مو بقلة ادب ومياعه مره شفت وحده لابسه من هالعبي البحرينيه وكل حين ورفعت العباه ورفعت لين ماوصلتها لين وروجها ووالله العظيم والله الشاهد علي ليش كله علشان يطلع البنطلون اخ اخ على تربية هالجيل وبزيد على كلامي بلاهاالعانس تشكي الحال وحنانه للعرس تراه الدنيا مو ريل وبس مارزقج في الدنيا بيرزقج في الاخره لانه الريل ساعات يكون نقمه على الحرمه وتتمنين تردين لحجرتج واستقرارج بلاهن الحريم الكبار استخفن ويعيشن دور بنات 14 خبال ظاربنهن الله اعلم ولا الزهايمر با فيهن ليش الصديقه هالوقت تحسد اربيعتها ان شافتها في سعه مع ريلها وعيالها تتدخل عرض في حياه ربيعتها ليش الحرمه استوت كتاب مفتوح للغرب وللقريب انسانه غامضه ليش هاكله ما اعرف ليش انقول ساعات اقربلك عقرب لك مقوله غلط والله غلط لانه القلوب هب صافيه لو القلوب صافيه قلنا اقرب لك اسعد لك ... ليش انقول الدنيا اتغيرت الدنيا نفس ماهي لكن قلوب بني ادم اعوذ بالله منها كيف استوت متروسه غيره وحقد وحسد وبعد بزيد ليش الريال كتاب مغلق حق حرمته ليش مستوي انسان غامض اذا حرمتك ماشاركتك احزانك وواستك منوه بيواسيك بنت الحرام اللي كلامها كله جذب × جذب ليش مسوي عن زوجتك ام عيالك ليش قل النقاش بين الزوجين ليش من اييك تالفون تعرق وترتبك ليش مسجاتك دوم بليا تقرير ليش من ترد البيت تغلق موبايلك ليش الحرمه يوم اتقولك طلعاها تنافخ جنك دايناصور وان حد من ربعك سوالك طرت له هاي انسانه هاي حرمتك هاي حبيبتك هاي ام عيالك هاي نور بيتك هاي البركه في البيت هاي شرفك هاي امك وابوك هاي جنتك ونارك هاي سسترتك يوم تمرض هاي اللي اتداري عليك هاي الطاهره زوجتك ام عيالك ليش جيه الرياييل مايقدرون الجوهره اللي بين ايدهم ام عيالكم يعني تحمل وتشقى وتتعب ان ماعطيتها الحب والحنان امنوه يعطيها غريب من الشارع اااااااااااااااه وحسافه على العقد اللي ينكتب بين الزوجين غدا العقد على المثل ( نقعه في الماي واشربه ) بلاهم الرياييل بس همهم جنس وبس مابيقردن الحرمه ولا بيقوللها احلى الكلام اللا هذيج اللحظه وبعدين وبعد تفريغ الطاقه وين اللي كان ....والله قهر قهر بلاهم الناس تاكلين وياهم وماوحالج تغسلين ايدج قطعوج تقطيع ليش شو السبب .............؟ مانصيح دمووووووع انصيح قهر على قلوب الناس ليش عيل صياح في صلاة التراويح في رمضان واونه هنيه الدين وانتوا قاطعين الارحام وتنمون في الناس الناس على كثرة عمرتها والقلوب بعدها .... عمره لرب العالمين ولا سايرات اتقصن قطع من العموي و لا عبي الشرقيه والله قلووووووووووووب قلوووووووووووووووووووووووووووووب خاطري اصارخ من الغيظ اللي في قلبي الود ودي ارد للثمانينات اقسم بربي ارد للكشه والصدر العالي ارد للحاره الاوليه واللعب مع البنات ودي اردارد ارد ارد لرمضان علشان اركض اودي الفطور لليران واكشف عن المغطاي ان كان كراميل وفوقه جلي خشيته لي لبعد الفطور خاطري ارجع لبنات حارتنا لعب وسوالف ولاشالين هم الدنيا ياخواتي ليش ليش ليش.....................................؟؟؟؟ بلاااااااااااااااااااااااااااهم الناااااااااااااااااااااااااااااس بسم الله الرحمن الرحيم جي غدوا لاادب ولاحيا ولا ورقابه ولا حث عيال على الصلاه ولاخوف جرأه من الدرجه الاولى تحطيم الرقم القياسي في قلة الادب من حقي اصيح دم مو دمووووووووووع على اللي قاعده اشوفه قهر من اهالي ومن بنات وشباب هالزمن اخ والله اخ عليهم الصراحه منقول للامانه ^^ |
كلامج صح 100% بس هذا هو الواقع .. ما نقدر انغير شيء .. ^^ مشكووره خيتوو ع الطرح . |
تسلمين اختي ع ردج ^^ |
شكرا اخى على الموضوع الجميل |
مشكووووره اختي عالموضوع الرائع.. الله يستر علينا و عالجمييع... |
وعليكم السلام ورحمة الله وبركاته ّ~ ّ ّ صح كلامج اختيه تسلمين على هذا الموضووع الجميل تحيااتي |
تسلمون جميعا ع ردودكم ^^ |
موضوع روعه روعه روعه روعه شو بقول ماقدر بعد بنقص من حقه ومن حق الكاتبه المبدعه ماشاءالله عليج اولا ان شاءالله يكون الاول ومب الاخير من يوم طالع دام هذي مواضيعج وطريقتج فلابداع اسمحيلي بتصليني بكل مواضيعج اليران الحين للاسف للاسف للاسف مب مثل قبل كل الناس ماخذين معقوله وامطبقينها اللهم نفسي هذا الي مدمرنا وماذينا لانعرف شو عند الجار ولا يعرف شو عندنا ويمكن يعرف من الغرب ولا يعرف منه شي وهذا سببه كله عدم التقرب من بعض والكل لهاي بنفسه وعلي سالفت بنات العم والخال ماعرف بس بقول لي الشباب ترا اكثر جي جوف انا موتر احسن عن موترك شغلي وماعرف شو بس اقل عن البنااااات ابوايد لا اعتقد علي سلافت الخوان انا ضدك الاقليه من ها النوع وهذا بيعود لتربيه الاب والام للولاد وعلي حرمت الاخو من تدش البيت تستوي من اهله وماشي من ها الكلام انا ماسمعت فيه اصراحه علي سالفت المهات والبنات ها عيب بعض امهات الي مايبون يكسرون خاطر بنتهم وماعرف شو انا اعرف البنيه يبالهااااااا رس وسالفت البنات البنات الحين للاسف هم الي يركضون علي الشباب ويلبسون العبايه المخوره والي ماعرف شو والي تلبس مفتوحه ومن تحت قصير شو تبين رد الشباب هذيل بعض الريايل الي متخلفين الي يطالعون برع وعندهم حرمتهم هذا انا جي اسميهم والي يتزوج عسب البنات او اولاد ها اكبرمتخلف لانه الطب الحديث قال انه تحديد انسل بنت او ولد من الريااااال مب من الحرمه ماقدر افيدج بسالفت البناطلين اترك التعليق للبنات الحين للاسف من ندش السينما في الوقت متاخر ونقول فاضي وهادي نحصل اكثرهم بنات كيف تبين ولد اليران يكون حار وهم مايعرفون علي بعض ولا يزورون بعض البنات الحين من جافوا ريال معرس ويا حرمته يسيروا ويسو حركات جدامه ماعرف ليش بس يبون يخربون علي اليال وحرمته وها الشي اجوفه جدامي وايد علي سالفت العبي الحي منتشره في المولات والجامعات عندنا يلبسون العبايه المفتوحه وتحتها فوق الركبع ماعرف احس مالها داعي وبشعرهم يتحدون برج العرب والحين يتحدون برج دبي البنات الصغار الحين عليهم حركات مب طبيعه في طريقت البس الخبله والمينونه والي ماله داعي والحركات والورهم الي يحطونها فنت والعيايز الي يسون اعمارهم يهال هذيل حاله خاصه يبون طول عمرهم صغيرات مايدرون انهم شيبوووووو محد يحب الثاني بهاااا الزمان الكل يحفر لثاني وماعرف شو السببب بس كره قلوبهم للحقد وكره الناس مب كل لريايل من النوع الي تقولينه فكرته الجنس هذيل بس المراهقين الي كل تفكريهم ها الشي الباقي همهم عيالهم وبيتهم واهم شي الواحد يتزوج من عقب معرف مب زواج الاهل الي يخرب بدال مايصلح ايام زمان مستحيل ترد مع هاي العقول والعقلايات الي ماتودي ماهما غير نفسهاااااااااا وراحت بالخ واليار ولا اخووووووووو مايبونه اللهم نفسي مادمرنا غير هاي العقليات وتقاليد الغرب الي دشت علينا من لبس وكل شي اسمحيلي عورتلج راسج بردي |
ما شاء الله عليج ما خليت شي ما قلتيه موضوع في قمة الابداع وانا معاج بكل كلمه قلتيه وزمان اول تحول والله يستر من الياي ما نقول غير ربي يهدي جميع امة محمد وربي يعطيج الف عافيه ونتريا الزود من صوبج اتقبلي مروري ^عالية السمو^ |
تسلم الزعيم العيناوي ما قصرت وما عورت راسي ولا شي بالعكس انا استانس اذا جفت رد طويل ^^ عالية السمو يعطييييييييييييييييج العافية وما قصرتي ولعيونج بنكتب اكثر و اكثر ^^ |
| الساعة الآن 07:31 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir