|
لِوً تٌبُيَ عًيِنّيّ لًجِلً تًرُضّى بِرًأُضٌيِڳّ لّوَ أٌبُيَعَ أٌلِرٌوًحّ تِرِجِعٌ لُيَ وِأَشًوِفِڳّ يٌمِنُى رَوًحيِ عٌسّى ربِيَ يخلِيِڳَ غَيٌبُتِڳَ عًنًيُ وّلَأَ أَدٌرٌيِ بظروفك [align=center] السلام عليكم ورحمة الله وبركاته .. [/align] طبعا هذي روايتي الاولى بعنوان ... لِوً تٌبُيَ عًيِنّيّ لًجِلً تًرُضّى بِرًأُضٌيِڳّ لّوَ أٌبُيَعَ أٌلِرٌوًحّ تِرِجِعٌ لُيَ وِأَشًوِفِڳّ يٌمِنُى رَوًحًيِ عٌسّى رّبِيَ يًخَلِيِڳَ غَيٌبُتِڳَ عًنًيُ وّلَأَ أَدٌرٌيِ بِظُرًوَفًڳِ... اتمنى ان تنال اعجابكم واشوف تفاعلكم ويايه فالبارت الاول الى الاخير انا محتاجه لتشجيعكم وتفاعلكم عشان اكمل لكم البارتات اذا ما حصلت تفاعل لو شويه >< احتمال اوقف .. الكتابة ان شاء الله ما تلهيكم الرواية عن صلاتكم والي يدرسون عن دراستكم والسموحه ... دقايق وبنزل البارت الاول ان شاء الله ينال اعجابكم ولا تحرموني من الردود الي تفتح النفس .. ممنوع النقل بدون ذكر المصدر .... ركزوووا:001_wub: http://www.deemuae.com/vb/showthread...69#post1455069 رابط روايتي في منتدى ديم الإمارت |
لِوً تٌبُيَ عًيِنّيّ لًجِلً تًرُضّى بِرًأُضٌيِڳّ لّوَ أٌبُيَعَ أٌلِرٌوًحّ تِرِجِعٌ لُيَ وِأَشًوِفِڳّ يٌمِنُى رَوًحًيِ عٌسّى رّبِيَ يًخَلِيِڳَ غَيٌبُتِڳَ عًنًيُ وّلَأَ أَدٌرٌيِ بِظُرًوَفًڳِ... * * البارت الأول .. اوروبا Europe ام منصور : ساررره وينج .. تتحرطم مع نفسها .. ساره : ها امييه شو فيج محتشره ام منصور : انا من ساعه اناديج وينج ما تسمعين ساره : لا والله ما سمعتج اسمحيلي اميه كنت فالحمام ( عزكم الله ) ام منصور : هييه عيل مسموحه الا بتخبرج جهزتي اغراضج ترانا بنرد البلاد باجر مب تقولين بعدين نسيتي شي من اغراضيج ياويلج ياسويره ساره : ههههه لا تحاتين لاتحاتين حطيت كل اغراضي .. امييه عندي لج طلب دخيلج لا ترديني ام منصور : طلباتج ما تخلص ابد .. خير ان شاء الله شو طلبج ها المره آمري تدللي .. ساره : هههه لازم ادلعيني انا اخر العنقود وبنتج الوحيده بس ها المره شي مب حقي الصراحه اميه انا استحي ارد بعد ها الغيبه وانا مب ماخذه هدايا للبنات ابي اروح السوق . ام منصور : هيه والله صدقج يبالنا نروح من الحين عشان نلحق نخلص بسرعه انا بعد بخذ هدايا حق الحريم .. يلا تجهزي بسرعه عندج 5 دقايق ول بروح عنج .. ساره : لاااااا اميه لا تروحين دقايق واكون جاهزه .. بعد ربع ساعه راحت ساره مع امها السوق وماخلوا شي ما خذوه . ***** منصور : آااه واخيرا بنرد البلاد وبشوفها ولهت عليها صار لي سنتين مب شايفنها . فارس شاف اخوه سرحان و فر المخده على منصور : منصووور شو فيك سرحان اعتتترف يلا الي شاغل بالك يتهنى به .. منصور : اففف فارس شو ها الخرابيط محد شاغل بالي بس افكر بالاهل يدي ويدوه وعماتي وعمومي اشتقت لهم وايد >> هههه جذاب يا منصور فارس : هييييه علينا يالجذاب قووول قوول بسرعه انتة وراك شي منصور : فاااارس بتسكت ول .... فارس : ول .. شو ما تروووم تسويلي شي ويقوم منصور يركض ورا فارس يبا يضربه وطبعا يصارخون والغرفة استوت لوووث بمعنى الكلمه بدخلت ابو منصور الغرفة والاثنين فحالة صدمه ابو منصور : بسسسكم يعيال شو ها الحشره والصراخ ما تستحون ريايل شكبركم وتراكضون ورا بعض وشو ها اللوث الي فالغرفه هااا منصور وفارس : آسفين ابوييه ابو منصور : هييه عفيه ع الرياييل جي اباكم .. والحين نظفوا الغرفه عدل .. الا لسألكم جهزتوا اغراضكم ؟ منصور وفارس : هيه ابويه ابو منصور : يعطيكم العافية ***** عند ساره وام منصور فالسوق مروا عند محل الككاوات .... ساره : اميييه امييه لحظه قبل ما نرد البيت ها المحل عنده ككاوت وايد لذيذه بخذ حق البنات وانتي تعرفين احسسن الككاوت موجوده ف سويسرا ام منصور : اسميييج الا اذيييه ياساروه يلا ادخلي وفكيني من حشرتج انا شو الي خلاني اطلع وياج لو خليت واحد من اخوانج يطلع وياج جان زييين ساره : امييييه ليش جي تقولين هذا وانا وحيدتج وآخر العنقود خلاص انا زعلت مابا ادخل يلا نروح. ام منصور غمضتها بنتها ما تحب تزعلها على قولتها آخر العنقود : ويديه ساروه انا اسولف ليش زعلتي تراج ماتهونين علييه يلا ندخل كله ول بنتي ساره الغالية . ساره : فديتج يا اماية الله لا يحرمني منج انا ما زعلت حد يزعل على امه تاج راسه ام منصور : والله لا يحرمني منج يلا ندخل لانه تاخر الوقت لازم ارد البيت اشوف الاغراض الي باقيه واسكر الشنط وابوج اكيد رد لازم اسوي العشى ساره : هييه صح تاخر الوقت يلا ندخل بسرعه طبعا ساره ماخلت نوع وماخذته خلصوا وردوا البيت . الامارات – بيت اليد خلفان طبعا اليوم الجمعة وكل جمعة تكون جمعة الاهل في بيت اليد ابو امبارك اليد: يا عيال عندي لكم مفاجأة الكل : مركز مع اليد و يتريون يخبرهم بالمفاجأة شووو هي ان شاء الله المفاجأه تسسسر اليد: هي نعم .. عمكم ابو منصور ان شاء الله باجر راجع البلاد هو وحرمته وعياله . الكل فررررح واستانس الإخوان و الأخوات وعيالهم * * مهره سرحانه الله يعني منصور راجع باجر يعني بشوووفه فديته تولهت علييييه وايد حمده ترمس بنت عمها مهره : فروووس بيرد باجر احسس بصييح مستانسه اخيرا بشووفه اخيرا حمده انتبهت انه مهره اصلا ما سمعتها وسرحانه : مهروووووه مهره: بسم الله الرحمن الرحيم شو فيج خوفتيني ليشت صارخين حمده : انا من ساعه ارمسج وانتي سرحانه , المهم كنت اقووولج انه فرووووس بيرجع باجر فارس ولد عممممي علي بيرجع باجر مهره تضحك : هههههه حمدوه والله انج تضحكين ها الكثر مستانسه لانه فارس بيرجع باجر حمده : والله اكثر من ما تتخيلين مهره: تصدقين حتى انا وايد مستانسه انه منصووور بيرجع باجر حمده : هاااااا كشفتج وانتي تحبين منصور وقبل شوي سرحانه فييه هييه كشفتج مهره : ههههه الله ياخذ بليسج حمدووه قصري حسج فضحتينا حمده : لاتتهربين خلاص مكشوفه روضه بنت عمهم راشد : شو فيكم تسولفون روحكم هاا شو عندكم؟ حمدة ومهره : والله ماشي ملانيين ونسولف عن امتحانات الفاينل قربت روضه : هيه صح قربت انا احس اني فحلم كيف عدت اول سنه مثل الحلم والسنه اليايه بنكون ثاني سنه جامعة حمده ومهره : هيه والله روضه : تصدقون تولهت على ... حمده ومهره : على منوووو روضه : بسسم الله شو فيكم على ساروه بنت عمي مهره وحمده : هيه حتى نحن .. ويشوفون بعض ويضحكون روضه : ليش تضحكون ... منو كنتوا تتحروننن ؟ مهره وحمده : لالالا محد * * * نهاية البارت الاول فانتظار ردودكم ورايكم على البارت ... البارتات اليايه رح تكون اطول ان شاء الله بس هذي ك بداية |
حلو البارت اممم وبس انشالله بتفاعل مع الروايه اختج ميمو ولا. |
بااارت حلو بس اختي عرفينا ع الشخصيات عسب نعرفهم عدل |
شخصيات روايتي : 1 - اليد خلفان اليدة منيره امبارك 53– حارب 50- راشد 52 علي43 - حميد 23- سالم 47 شيخه 25- حصه 25 (توأم) ***** 2- امبارك ابو سيف – جواهر ام سيف سيف 22 – خالد 18– مايد 20 مريم 21– عاشة 16 – مهره 18 شما – ميره ( توأم) 5 ***** 3- راشد ابو عبدالله – لولوه ام عبدالله عمر 25– محمد21 – عبدالله 27 ريم 16– روضة 18 ***** 4- حارب ابو حمد – موزة ام حمد حمد 21– احمد 18 حمدة 18– عليا 24– امل 25 ***** 5 - سالم ابو حمدان – سلامة ام حمدان حمدان 23– مروان 18– سلطان 22 اسماء 19 –عنود 16 – نوف 5 – غاية 17 ***** 6- علي ابو منصور – فاطمة ام منصور منصور 22– فارس 20 ساره 18 انا ما حبيت اعرفكم بالشخصيات من البداية لانكم مع الاحداث بتعرفونهم ^^ |
اقتباس:
|
اقتباس:
بالنسبة للشخصيات قبل شوي نزلت .. لو ماعرفتكم عليهم مع الاحداث بتعرفونهم نورتي :001_wub: |
اذا فاضية كتبي بارت بلييز |
السلام عليكم و الرحمه ، يا هلا فيج . . روايه باين انه احداثها جميله ، بس طبعاً مب طويل و كافي في اني اتوقع شو بيصير . . المهم عندي بعض النقاط اتمنى انج تنتبهين عليها ، اول شي همم ، حاولي لو تزيدين من السرد شوي . . يعني مثلاً توصفين المكان او توصفين مشاعر الشخصيات كـ مثال يعني ( ساره بـ فرحه غامرتها بعد موافقه امها : وكذا كذا كذا الـخ . . . ) همم النقطه الثانيه ، حاولي تطولين الحدث و ما تستعيلين فيه . . عشان يجذب القرائ اكثر و اكثر . . ثالث شي ، لا تعتمدين على الحوارات فقط . . يعني هي بعض النقاط يمكن افيدج فيهن ، في انج تنجحين في روايتج الاولى . . واتمنى لج التوفيق في سردها . . والسموحه منج . . في امان الله ، لنا لقاء بعد البارت الثاني . . |
اقتباس:
مشوره حبيبتي على المعلومات ان شاء الله بحاول اطبق :13: نورتي |
البارت الثاني اوروبا أًشٌتُقَتُ لّڳُ وٌأًلّقَلّبِ أًذَأً أًشٌتُقَتُ لّڳُ فًزً يُـأًلّيُ مًڳُــأًنَڳُ خَــأًلّيُ مًـأًسٌــدِۂ أًلّغٌيُرّ ۂــزًيُتُ قَلّبِ أًنَسٌأًنَ صَعًبِ أًنَۂ يُۂتُزً وٌۂذَأً لّأنَڳُ غٌــيُرّ وٌمًـفًأًرّقَـڳُ غٌيُــرّ الصبح الساعة 9:00 AM نشت ساره على حشرة اهلها فتحت باب الغرفة : يالله بصباح خير امييه شو ها الحشره .. فارس : خير يالشيخه شكلج ناسية انه اليوم سفرنا ابو منصور : يا فارس يوز عن اختك تعالي حبيبتي سارونه ماعليج منه فارس : هيه كبروا راسها دلعوها ساره : تغااار مستر فارس فارس : من زينج عاد خقاقه دلوعه منصور يساعد امه والام تتحرطم عليه لانه يسولف ويشغلها : منصور يا تساعدني ول تسير عند اخوانك واتفكني من حشرتك ورانا سفر بعد جم ساعه منصور : افا الحين انا حشره ها يزاتي اسولف وياج يالغالية ام منصور : يابويه انا ما قلت شي بس جي بنتاخر على الطياره ما بنخلص شغلنا منصور : اسف اميه خلاص يلا نكمل باقي الاغراض بعد ساعه طلعوا من البيت متوجهين للمطار وطيارتهم الساعه 12:00pm ***** الامارات الساعة 11:00AM جامعة الشارجة اما عند روضه يالسه فالكلاس وتحش فالدكتور ويا ربيعتها ريم : اقول ريموه هههه هذا ماعنده ثياب غير ها الي يلبسه لنا كل يوم ريم : هيه والله صدقج هههههههههه . الدكتور : انتي وياها شو الي يضحك ضحكونا معاكم روضه : الله ياخذ بليسج يا ريموه سمعنا ريم : اسفين دكتور ما بنعيدها الدكتور : ايه خلكم هادين اذا سمعت نفس وحده منكم رح اطلعكم من الكلاس روضه وريم : ان شاء الله اما ف ثنوية البنات الساعه 1:15 pm البريك الثاني عند ريم وعاشة وعنود كانوا يتمشون فالساحة ويشربون ريدبول ولمحوا الاخصائية يايه صوبهم : يلاااا بسرعه الششرده .. كل وحده انخشت ف مكان والاخصائية ادور عليهم وتسال البنات عنهم .. الاخصائية : ماعلية وين بتشردون عني عيل تشربون ها السم والله انا براويكم خلص البريك والاخصائية متحلفه للبنات وبتسير لهم بداية الحصة الاخيره . عند البنات يو شافوها روحت طلعوا : الحقوا شكلها بتراوينا الويل الله يستررر يلا خلونا ناخذ شنطنا ونسير الكلاس وهم داخلين الكلاس شافتهم وحده من البنات جان اتقول لهم ترا الاخصائية ادور عليكم البنات : هيه ندري وفجأة سمعوا وحده من البنات تقول ترا كلاس الاقتصاد تكنسل وبتاخذنا ابلة الرياضيات والبنات من سمعوا كل وحده يلست تتحرطم ليش ومانبا ... الخ ودخلت ابلة الرياضيات الكلاس وهيه معصبة : بنااات شو ها الحشره يلا كل وحده تيلس مكانها ول بنقصكم درجات البنات : لاااا ابلة خلاص بنيلس آسفييييييييييييييين وبدات تشرح الدرس والبنات يشوفون الوقت متا بيخلص الكلاس وفجأة دخلت الاخصائية : ريم عاشة عنود بسرعه تعالوا مكتبي البنات الثلاث : ياك الموت يا تارك الصلاة ريم شويه وبتصيح : ايييه انا خايفه عنود و عاشه : خلج قويه يلا تعالوا نسير دخلوا عند الاخصائية وريم ميته من الخوف وبدت عاشة ترمس : نعم ابلة شو بغيتي الاخصائية : تسون عمركم بريئين ما تعرفون شو مسوين عاشه : شو مسوين الاخصائية : شو ها السم الي تشربونه وانتوا تعرفون انه ممنوع عنود : ابلة عادي يعطينا طاقة الاخصائية : طاقة فعينج انتي وياها عاشه : خلاص آسفين آخر مره ما بنعيدها الاخصائية : خلاص هاي آخر مره اذا شفتكم مره ثانيه تشربون ها السم فالمدرسه لي كلام ثاني وياكم البنات : ان شاء الله ابلة وهم طالعين جان يشوفون خالد .. عاشه : خلووود شو تسوي هنييييييه خالد : خلود اصغر عيالج يالهرمه .. يلا يبوا تغراضكم ونادوا غاية بعد وتعالوا السياره وراح عنهم السياره عاشة وعنود : يااااسلام يلا بسرعه بنخليه يغدينا من ماااك ريم: اييه انتي وياها شو فيكم على طول ماك همكم بطنكم ماسألتوه ليش ياي يطلعنا والدوام بعده ما خلص عاشه وعنود : هيه والله صدقج ما سالناه .. بنساله بعد شوي ريم : يلا طوفوا نشل اغراضنا ردوا الصف وشلوا اغراضهم وساروا وكل وحده خذت ورقت الخروج عاشه : خلووود ليش مطلعنا من وقت خالد : امر من السلطات العليا اني اطلعكم من المدرسة عشان تساعدون الحريم فالمطبخ مسوين عشى حق قوم عمي ابو منصور . عاشه : ريم خاطرها ف ماك الله يخليك ودنا ريم ضربت عاشه قو وتساسرها يالجذوب متى قلت عاشه : هيه مساعه قلتي خالد يشوف ريم صدق تبين من ماك : لا هاي اختك جذابه انا ما قلت ابا عاشه وعنود : يلا خلود ودنا الله يخليك خالد : عشان خاطر ريم بوديكم عنود وعاشه : ياسلاااام عاش خلود .. وريم مستحيه و تمت ساكته عنود وعاشه : وييييييه خلود رد نسينا غايه خالد: انا ما قلت لكم نادوها وين مخكم .. هيه ما تفكرون الا فبطنكم الحين راد وحده منكم تنزل تناديها ياويلكم اذا تاخرتوا مروا خذوا غاية وبعدين مروا الشيشة وخذو من ماك وعلى طول كل وحده ردت بيتها وبدلوا ثيابهم و راحوا بيت يدهم يساعدون الحريم . ***** فالمطار الساعه 11:30 AM خلصوا إجراءات الدخول ومروا صوب سوق الحره طبعا ساره ماخلت شي ما خذته واخوانها من الصوب الثاني محتشرين لانه اخرتهم منصور : ساروا يلا طوفي بنحاسب وبنسير ناخذلنا شي خفيف ناكله قبل ما نركب الطيارة ساره : يلا خلصت شل السله وحاسب بروح عند قوم اميه منصور : ياسلام والله وفرت السله عليه وشردت ماعلية انا براويها بعدين حاسب وخلص ومر مطعم يسوي سندويجات خفيفه خذالهم وسار عندهم عشان يعطيهم السندوجات ابو منصور : يلا بسرعه اكلوا السندوجات مابقى شي على الطياره لازم ندخل العيال : ان شاء الله ابويه بعد ما خلصوا توجهوا للطياره طبعا ساره شافت منصور يالس صوب الدريشه جان تحتشر : منصوووووور قوم مكاني منصور : ليش الشيخه المكان مكتوب باسمج ساره : هيييه شوف باسمي منصور : عوذ بالله محد يروم عليها ابو منصور : يلا خوز عنها خلها تيلس فمكانها منصور : ان شاء الله ابويه ساره : هههههاي خوزته من مكانه منصور : اصلا انا طول الدرب بكون راقد عادي ما يهمني المكان ساره : هيه صح الحمدالله خوزتك عيل فارس : اقول منصور شوف الشقره هاييك حصل كف من عند امه :ي مسود الويه يا فروس شو تبا فالشقر انتة خلك ف حالك ول بييك كف ثاني منصور : ويييو تستاهل عيل تشوف الحريم قليل الادب ساره : صدق ما تستحي ي فروووس فارس : حشى كلتوني ما يسوى علييه خلاص بسكت وطارت الطيارة متوجة للإمارات الحبيبة بعد مرور 6 ساعات وصلت عايلة ابو منصور البلاد بالسلامة وطبعا تقريبا نص العايلة كان حاضرة لستقبالهم مروان : يدي يدي وصل عمي علي يدي : هي والله وصلوا بشرك الله بالخير يلا نسير صوبهم ساره شافتهم ابويه ابويه شوف هناك كلهم يايين يستقبلونا بروووح وراحت ليدها ركض .. يدي : يددددي حبيبي اليد : حبيبتي سارونه الحمدالله على السلامه مروان يعيب عليها ..: يدددي حبيبي يالدلوعه ساره اونه زعلت : يدي شوفه يعيب علييه اليد : مروان يوز عن بنت عمك خلها فحالها ول ها بشخطك فالخيزرانه مروان : لالا كله ول الخيزرانه آسفين برنسس ساره طبعا بعد السلام والمناحه كل واحد يصيح بصوب محمد : ياجماعة الخير بسكم فضحتونا خلاص لاتصيحون جدام الناس >< يلا الليموزين وصلت برع ساره نقزت من سمعت الليموزين : اححححلف قول والله يايبين لنا ليموزين محمد يضحك عليها وعلى حركاتها الطفوليه مب جنه عمرها 18 : ههههههه هيه هكي برع وحده بيضه وحده سوده اختاري الي تبينها واركبيها يلا عن الباب بتحصلينها .. على طول طلعت ساره تشوف الليموزين .. وتحركوا كلهم متوجيهن لبيت اليد (( معلومه اليد مسوي بيت عياله كلهم صوبه ما يبي يبعد عياله عنه )) وبدت المناورات والالعاب النارية والاحتفالات بمناسبة وصول عايلة ابو منصور البلاد لغياب صارله سنتين بسبب الشغل والدراسه ف المانيا وبعض الدول الي صوب المانيا مثل سوسيرا والنمسا .. الخ اليده حاضنه علي وتصيح وينك ي ولدي خلتني وسرت لي شجي تسوي فيني انا وايد تولهت عليك وتصيييح علي شوي وبيصيح وهو يشوف امه : مب بيدي ياميه هذا شغل وانا لازم اسير هناك عشان اشتغل لو ما شتغلت يميه منو بيصرف على البيت والعيال اليده : هي صدقكك يعطيك العافية بس تحلم تسافر مره ثانه هذا الباب بقفله عنك علي يضحك : كيف امي تقفلينه عني انا ريال كبير هههههه حسستيني توني بداية العشرين تخافين عليه اليده : مسود الويه تضحك بعد ها خوز خوز ماحبك اصلا مافيك خير علي : لالالا انا آسف اميه كله ول زعلج خلاص بحاول اني اتم عندج اطول مدة شو رايج اليده : لا علي : ليش لا اليده : اتم عندي لين ما الله ياخذ امانتة وبعدين سو الي يريحك علي : اميه ليش ها الكلام الله يحفضج ويطول بعمر جان شاء الله اليد : يا جماعة يلا تفضلوا العشاء جاهز لو تميتوا تسولفون لين باجر ما بتخلصون منصور متنح ب مهره و حمده متنحه ب فارس و انتبه اليد : يا عياااال يلا عشى انتبهوا لليد وقاموا وراه بيت اليد وايد كبير جنه قصر وحواليه بيت عياله مقسم من داخل ل لخمس صالات و اربع ميالس من غير الغرف للضيف ولهم تقريبا 9 غرف المهم بعد ماخلصوا عشى انقسموا الريايل ف صوب والشباب ف صوب والبنات ف صوب والحريم ف صوب يسولون والي يلعب .. وساره يلست تهبر البنات شو سوت برع البلاد شوي و قالت مهره بتسير الحمام عزكم الله ومن الصوب الثاني منصور بعد نفس الشي .. واتلاقوا عند الحمام مهره بحب : منصوور منصور بحب : مهره .. تولهت عليج مهره مستحيه : بس عاد سير عن حد يشوفنا منصور : يعني ما اشتقتيلي مهره بخجل : امبلا منصور : حلفي مهره تتمنى الارض تنشق وتبلعها : والله منصور : انزين احبج مهره : وانا بعد وشرددت عند البنات منصور : فديها الله لا يحرمني منها انا لازم اخبر ابوي يحيرها لي بموت اذا حد خذاها عني والله عند حمده : مهرووووه ليش رديتي بسرعه ليش ويهج محمممر مهره : حمدوه اسكتي مافيني شي حمده : والله عيل فيج شي يلاااااااا ارمسي مهره : شفته حمده : منووو مهره : منصوووور حمده : حللللفي مهره : والللللللله وقالي احبج تخيلي يعني نفس ما انا احبه واموت فيه هو بعد يحبني حمده : آاااه حضج والله الله يسعدكم و تكونون من نصيب بعض مهره : آمييين شوي وسارت روضه فوق بتيب لها شي و صدفه كان فارس فوق ياي بينزل ودعمته بالغلط يايه بطيح جان ايودها .. حمده كانت ماره جان تشوف المنظر تمت مصدومه حب حياتها ف ايده بنت غيرها فارس : سلمتي تحملي مره ثانيه روضه بدلع : اسمحلي ولد عمي فارس: مسموحه بالحل الشيخه حمده تشوف وهي ميته من القهر راح فارس وهي لحقت روضه حمده : روووووضه روضه : بسم الله شو فيج حمده : شو بينج وبين فارس روضه : ولا شي حمده : لاتتتجذبين خبريني روضه : حمده حلي عن سماي حمده : ماعليه يا روضه انا ول انتي ونزلت بسرعه خبرت مهره انه بتروح بيتهم لانه تعبانه شوي مهره ماعدت السالفه قالت حمدوه فيها شي لازم بعدين اسير اشوفها حمده وهي طالعه من بيت يديها رايحه بيتهم شافت فارس يرمس فون وسمعته شو يقول فارس : رشووود احبها راشد : انزين اعترف لها فارس : اخاف تفهمني غلط راشد : شو اسمها فارس : مسود الويه شو تبا ف اسمها انتة راشد يضحك : ههههههه ماابا شي بس جي اسال فضووول فارس : هيه اوكيه اسمها حمده حمده من الصدمه ما رامت توقف على طول اغمى عليها وانتبه لها فارس وركض لها على طول حاول يوعيها مارام شلاها ودخلها داخل تموا يرشون ماي عليها لين قامت فارس تام بعيد يراقب شو يسون وكان خايف عليها اول ما قامت حمده يت عينها ف عينه نزلت عينها على طول مستحيه منه فارس : الحمدالله على سلامتج بنت عمي حمده بصوت ما ينسمع : الله يسلمك قالت لها امها روحي البيت ارتاحي واذا تبين بيي معاج قالت لها لا اميه عادي بروح روحي قامت حمده بتطلع بتسير البيت طبعا فارس لحقها بدون ما حد يحس فيه خايف لا يستوي فيها شي وانتبهت له حمده حمده : ادل البيت ليش لاحقني فارس : خايف عليج حمده مستحيه : لا تخاف عادي فارس : حمده احبج حمده بصدمه : هاااا فارس : لا ول شي حمده : شو قلت فارس فارس : اممم لا ولا شي اخاف تزعلين حمده : لا ما بزعل فارس : احبج حمده : وانا بعد وركضت بيتهم فارس حاول يلحقها ما قدر يالله سريعه ها البنت منصور طلع برع يدور فارس لانه بيروحون بيتهم وحصله جدام بيت عمه منصور : انتة شو تسوي هني فارس : اتمشى منصور: انزين تعال بنروح البيت ابويه يقول فارس : ان شاء الله بلحقكم انتوا سيروا منصور : يلا اوك الساعه 12 تقريبا كلهم ردوا بيوتهم وباجر بعد مسوين عزيمه لسلامة عايلة ابو منصور على الغدى وانتهى البارت اتمنى يعجبكم لانه الصراحه البارت وايد طويل 11 صفحة فالورد فانتظار ردودكم وتعليقكم و توقعاتكم .. |
بااااارت يجنننن تسلمين ع هالبارت اتوقع روضه بتحاول تخلي فارس يحبها واذا م نفع بتخرب بينه وبين حمده تكفين كملي |
البارت وايد طرر توقعاتي:- * منصور:- بيخطب مهره .. * مهره:- بتوافق ع منصور. * فارس :- نفس الشي بيخطب مهره وبيشك فيها من الأشياء الي تسويها روضة , يستاهل الكف الي ياه من امه . * حمده :- بتوافق عليه وبعد فتره بتدم انها وافقت عليه . *روضة :- بتحاول على قد ماتقدر انها تفرق بين حمدة و فارس. Memowla |
اقتباس:
الله يسلممج حبيبتي :ax: ثانكس على الرد حبيبتي وعلى كتابتج للتوقعات ماقصرتي ان شاء الله بكمل منوره :001_wub: اقتباس:
مشكوره الغالية على الرد وكتابتج للتوقعات ما قصرتي منوره :ax: |
تبوووون بارت ^^ ؟؟ waiting ? |
هــــــــــي نبــــــــــــا ليش ماتنزلين الحين ؟؟ |
اقتباس:
ان شاء الله اذا خلصت البارت اليوم بنزله :001_wub: |
.. أٌسٌمٌ رُۇۈۉحّيَ أَذّأٌ عُنّڳً أًنّأُ تَخَلٌيِتُ وِأًقّصّ أِيُدٌيٌ أًذَأً تٌجَيٌنًيً وًأَنًأَ صِدّيّتَ .. أِزّعِلّ نًفٌسّيُ بٌسَ أُرٌضِيًڳَ وٌأٌعَوُفِ أًلّدَنٌيٌأً بَسُ أًبٌغّيَڳَ .. وُأُذًأُ تٌقًلًيِ أٌحٌبُڳَ مًوٌتِ أٌنَأِ مِيًتِ أَسًأِسُأً فٌيَڳِ .. البارت الثالث فليل 2:00 AM بيت ابو عبدالله نشوا على حشرة ميثا ..................... عبدالله معصب : استغفرالله .. املووووه سكتتي بنتج نبا نرقد ورانا عزيمة باجر امل مقهوره منه : شو يعني كل ما نشت وصاحت املوه سكتي بنتج ليش ما تساعدي كل شي انا اسوية وانتة بس تبا ترقد وترتاح وانا مب آدمية ما احس مب بنتك هاي زاد صياح ميثا وصرخت عليها امل : بسسسسسسسسسسسسس خلاص اسكتي عبدالله استغرب من عصبية امل : امل شو فيج ليش جي عصبتي انا آسف .. وشل ميثا عنها .. بعد ما شل ميثا سكتت وتمت تبتسم له .. عبدالله : لا والله احلفي انتي بس الحين سكتي .. وسدحها صوبه ورقدوا الثنين مع بعض امل ترمس عمرها ... ياربي شو فيني جي مستويه عصبيه استغفر الله حليله عبدالله ما يستاهل : : : الصبح الساعة 7:00AM ف بيت ابو حمد نشت حمده وسوت لها coffee بعدين اطلعت برع تيلس فحديقة بييتهم تتامل الورود تفكر بالكلمة الي قالها لها ولد عمها فارس .. احبج .. صدق قالها ؟؟؟؟؟!! .. انا فحلم ول فعلم ياربي كيف بجابله بعد كم ساعة فالعزيمة اسسستحي .......... فجأة قطع تفكيرها صوت امها ... ام حمد : حمده !!! غريبة ناشه من وقت شوفيج ؟؟ شي يعورج ؟؟ حمده : لا اميه فديتج مافيني شي .. بس قلت انش من وقت واساعدج يمكن تبين شي فجأة .. ويييه اميه اسمحيلي ما سلمت عليييج نشت تبوس راس امها وحضنتها ام حمد : الله يرضى عليج حبيبتي : : : الساعة 9:00 AM فبيت ابو حمدان الكل ناش ماعدى مروان فخططوا يخلون نوف تقومه .. فتحت نوف باب غرفة مروان ودخلت بشوي شوي لين وصلت للسرير ويلست تلعب بشعره وتقوله مرواني قوم قوم بس ماشي فايدة ما طاع ينش آخر شي يرت شعره وهو على طول نش لانه عوره ههههه وهزبها وطلعت عنه تركض برع تصيح ونخشت بحضن ابوها بعد نص ساعة طلع مروان من الغرفة كاشخ و معصب : منومطرش نوفوه توعيني من الرقاد ابو حمدان : تعااال يا مسود الويه ليش مصيح اختك هااا ؟؟؟؟؟ مروان : ابويه هد اعصابك .. الحين براضيها وصد يدور اخته وينها نوف ؟ نوفمادة الوز شبرين : انا هنييه مروان سار حق اخته واعتذر لها : آسف حبيبتي اختي الغالية الدلوعه آخر العنقود .. عشان ترضين شو رايج اوديج الدكان والالعاب ؟؟ نوف بفرررح : صددددق مروووان مروان : هيه بعد اذا تبين بناخذ ويانا شما وميره وخلوف نوف : هيه هيه اللللله متى بتوووديني مروان ابتلش لانه مواعد ربيعه ع العشى : امممم باجر اوك ؟ نوف : اوك اتفققققنا : : عنود : غايوه خلينا نسير وياهم ابا اخذ لي كم بدله من المول غاية : هيه خلينا نسير انزين بنقول حق البنات اذا يبون ايون بعد عنود : اوك بنخبرهم فالعزيمة خليني اشاور ابويه بعد عنود : ابويييه حبيبي .. ابو حمدان : انتي وراج شي يلا قولي شو تبين عنود : فاهمننني هههههه .. ابويه نبا نسير السوق باجر وبنخبر البنات اذا بيون ويانا بعد بنسير ويا مروان يوم بيودي اليهال الالعاب ابو حمدان : خلاص ماعليه دام مروان بيوديكم اذا ناقصنكم شي خبروني عنود على طول قامت من الفرحه وباست راس ابوها : مشكووور ابويه الغالي الله يحفظ لنا ويطول بعمرك ابو حمدان : ويخليكم لي مروان : لا والله تقرر على كيفها بعد آنسه عنود عنود : يلا عاد مروان مروان : قولي الشيخ مروان عنود ترمس عمرها اففف من صدقه يباني اقوله جي : مابا مروان : عيل تحلمين ما بتركبين السياره عنود : لالا خلاص اسف الشيخ مروان بن سالم مروان : هيه جي اباج خلاص بوديكم : : : الساعة 11:00 AM بيت ابو سيف سف : ابويه بغيتك شوي امية وانتي بعد تعالوا شوي فالميلس ابو سيف & ام سيف : ان شاء الله بعد ما دخلوا سكر سيف الباب .. ما اعرف شو اقولكم بس انا ابا اخطب ساره بنت عمي ابو سيف : بفرحه زين ما خترت ي ولدي ام سيف : يا بو سيف البنت بعدها صغيره توها اول سنه جامعه سيف :أميه انا ما ابا اعرس الحين بس ملجه و اتعرفون اني برد بعد اسبوعين امريكا دراستي بتبدا وابا املج بسرعه باجلي سنه بس وبعد ما اتخرج برد على طول وبدور لي وضيفة وبتزوج ابو سيف & ام سيف : ان شاء الله الي تشوفه برمس عمك اليوم سيف : مشكور ابويه ما تقصر : : بعد ما اطلعوا .. مهره : شو السر الي عندكم وماتبونا نعرفه هااا سيف : يالفضوليه فالعزيمة بتعرفين مهره : لااااا الحين سيف : قلت فالعزيمة مهره : انزين انزين مايد : ابويه خلاص انا قررت وابا اعرس ابو سيف & ام سيف : مصدومين شوووه ام سيف : اقول بو سيف جنه الا عيالك تخبلوا ؟ ابوسيف : شكلهم مايد : ارمس صدددق والله ابا اعرس خلاص ( مايد بعد ما خلص الثنوية اشتغل ومعتمد على نفسه ) ابو سيف : منو سعيدة الحض الي بتاخذها ؟ مايد : وحده اجنبية تعرفت عليها يوم سرت عن سيف امريكا ام سيف : يا مسود الويه يا ميود اشوف عيد الرمسه الي قلتها صدقني لا انتة ولدي ول اعرفك مايد وابويه عصبت عيوزتنا ام سيف : عيوز حرمتك الي بتاخذها خوز عني بس انا ما عرفت اربيك مايد بيموت من الضحك لانه صدقوه وهو يسولف وسالفة الاجنبية هو مالفنها : اميييه لا تزعلين اسولف بنات البلاد وايد ليش ادور لي من برع ام سيف : هيه اتحرا بعد : : : :فاصل: (شيخة وحصه متزوجات بس مب من الاهل من برع العايلة و حصه عندها بنتين .. و شيخه عندها بنت وولدين ) لساعه12:00 Pm ف بيت ابو منصور منصور: ساررروه تعالي دخنيني بسرعه ابا الحق على صلاة الجمعة ساره : اول شي اسمي ساره ثاني شي ما اشتغل عندك منصور : انزين ماعليه انا براويج اشوفج اطلبي مني شي ساره : لالا خلاص انا آسسفه منصور بنات ماييون الا بالعين الحمره : هيه جي اباج ام منصور : منصور فارس وينه منصور : اميه ما ادريبه يمكن فوق ف غرفته ام منصور : ها الولد الي بيخبل فييه بيصلون عنه وهو بعده فوق فارس : اميه ييت ييت لا تعصبين ههههه الحين ساير ام منصور ليش متاخر شو تسوي فووق فارس : اميه اتكشخ شوي ام منصور : ما ادري على منو طالع خقاق فارس : عليج وشششرد ام منصور : صدق ما يستحي ها الولد ماعليه وين بيسير عني .. منصور الغالي من تطلعون من المسيد على طول سيروا بيت يدكم نحن بنصلي وبنسير خبر اخوك منصور منصور وهو ميت من الضحك عليهم : ههههههه ان شاء الله اميه : : بعد صلاة الجمعه ف بيت اليد الساعة 1:15 PM بدا تجمع العايله كل شوي حد يدخل لين ما اكتملت العايله وبدت تجهيزات الغدا .. البنات يالسين فالصاله ويسولفون شوي ويتهم اليده : صدق بنات اخر زمن قوموا اشوف سيروا ساعدوا الحريم فالمطبخ .. طبعا البنات على طول ركضوا صوب المطبخ .. شافوهم الشباب وماتوا من الضحك عليهم محمد : زين تسوي فيهم يدوه هههههههه لازم نمصخرهم شوي الشباب : صدقكك ههههه منزمان ما سوينا مقالب بعد مروان : اقولكم شو رايكم نخطط حق مقلب نسويه فالبنات بعد الغدا او العصر الشباب : هيييه وياااك لازم نخطط ل شي قوووي هههه مايد : بقولكم المقلب .. البنات متعودين ييلسون فالحديقه ع الاعصر شو رايكم نهد الجلب عليهم بيموتون من الخوووف عممممر : لاااااااااا حرام بيخافون وعليا وياهم بتكون الشباب : سييير لاه عمووور ههههههههههه شو يعني عليا وياهم ليش هي غير عنهم .. اونه يدافع عنها بعد عمر : اوك سوو الي تبونه انا مب وياكم الشباب : يلاااا عاد عمووور عن الدلع .. ويلسوا يحاولون وياه لين رضى نروح صوب البنات شوي .. روضه : اخيييه ريحتي الحين خاست من ريحة المطبخ حمده : خفي علينا من زين ريحتج عاد مهره : اييه حمدوه خليها تولي روضه : اييه انتي ما اسسمحلج حمده : احلفي انتي بس مهره : حمدوه يلا نسير خلصنا حمده : اوكيه يلا مهره وحمده ساروا غيروا ثيابهم لانه ريحتهم استوت خايسه من المطبخ وروضه ردت بيتهم اتبدل لانه مب شاله وياها ثياب وتاخرت وايد .. حطوا الغذا والكل تغدا ماعدا روضه الي محد انتبه انها محد وما تغدت بعد ما خلصوا والبشاكير كانوا يشلون الغذا دخلت روضه واستغربت انه كلهم تغدوا ومحد زقرها ع الغدى ول حد انتبه انها محد سارت المطبخ وحطتلها غدى وتغدت روحها .. دخلت حمده وشافتها حمده : هذا مستواج يا روضه تغدى ويا البشاكير روضه : احترمي نفسسسج احسلج ول بتشوفين شي عمرج ما شفتيه حمده : هه خوفيتيني الصراحه .. خلتها مقهوره وطلعت عنها طبعنا خلصوا الغدا وراحوا الكبار " الشياب والعيايز " يرقدون لين صلاة العصر .. والشباب يخططون للمقلب والبنات حليلهم يسولفون وما يدرون شو الي بييستوي فيهم بعد ساعة ونص تقريبا .. محد راح بيته كلهم ف بيت اليد لانه ما شاء الله كبير ويكفيهم كلهم .... بعد ساعه أذان العصر : ((الله أكبر، الله أكبر، الله أكبر، الله أكبر، أشهد أن لا إله إلا الله، أشهد أن لا إله إلا الله، أشهد أن محمدًا رسولُ الله، أشهد أن محمدًا رسولُ الله، حيَّ على الصلاة، حيَّ على الصلاة، حيَّ على الفلاح، حيَّ على الفلاح، الله أكبر، الله أكبر، لا إله إلا الله)). عند الشباب :.. عمر : يلااااا شباب اذن العصر يلا قوموا تيددوا و على المسيد قبل لا اييكم يدي يهزبكم فارس : هيه يلا قوموا بسرعه عشان نرد ونسوي المقلب : اسماء : يلا بنات قوموا انصلي عشان نطلع نيلس فالحديقه يالله كيف تولهت على ها الجمعه والسوالف فالحديقة . . . ساره : هيه والله وايد تولهت على اليلسه يلا نصلي راحوا الشباب يصلون و من الصوب الثاني البنات بعد .. : : الساعه 4:30 pm ف بيت اليد (فالحديقة) بوصف لكم المكان شوي .. حديقة كبييره مقسمة لعدة اقسام .. القسم الاول فيه يلسه كبيره "خيمة" مفتوحه بطريقة وايد حلوه .. والقسم الثاني اليد محطي فيه رمل لليهال عشان يلعبون فيه .. القسم الثالث قسم كبير بعد وفييه حشيش و العاب لليهال بعد مثل المريحانه والزحليقة والنطاطي "ترامبولين" والقسم الرابع حوضين كبار واحد للصغار مب غزير واحد للكبار غزير القسم الخامس قسم مخصص للحفلات والبوفيهات القسم السادس مخصص لكرة القدم وكرة السلة القسم السابع مخصص للشوي فيه شوايات خاصه مثبته ف ها المكان (قصر) .. نروح صوب البنات ... فارشيلهم حصير ع الحشيش صوب الالعاب ويسولفون هذا تقريبا اقرب مكان للبوابه وهالمكان بالنسبه للشباب بداية نجاح المقلب هههه لانه قريب من البوابه و بيهدون الجلب عليهم طبعا الشباب مخلين واحد فوق البيت واحد ماخذ زاويه من البيت و احد عند البوابه للتصوير قريب منهم الاحواض عاد شوفوا الحين شو بيصير .... بنات العم يالسين مع بعض مريم مهره عاشه ريم حمده عليا ساره غاية عنود , وروضه يالسه ع المريحانه وتتسمع السوالف ... ساره : اقولكم شفتوا الي شفته توه حد طاف ورا البيت غاية : يتهيألج محد هناك الشباب اضن طالعين ول فالميلس عنود : هيه صح يتهيألج ساره : هيه يمكن انزين ماعلينا كملوا شو كنتوا تقولون مهره : شو رايكم نلعب لعبه حمممده : هيه يلااااا شوي ويسمعون صوت الجلب وهو ينبح وجنه ياي صوبهم صدت عاشه تشوف وفجاه صرخت اشردوووو الجلب ياي صوبنا ويتراكضون والحوض كان قريب منهم نصهم ما انتبهوا له جان ايطيحون فالحوض و مريم طاحت ع الارض طيحه قويه وريلها شي استوالها وروضه يلاحقها الجلب وهي تركض والشباب ميتين من الضحك وطبعا كل الي استوا صوروه .. محمد انتبه ل مريم وركض لها محمد : مريم شو فيج مريم تصيح : ريوووولي بموووت محمد على طول شلها وداها سيارته ولحقوه الشباب عشان يسيرون وياه وفارس كان يصور فوق ومن شاف الي صار نزل على طول وشاف حمده خرسانه وركضت على طول غرفتها ف بيت يدها فارس : حليلها والله طاحت فالحوض شكلها .. اففف نسيت مريم بلحقهم ع المستشفى : : : نهاية البارت الثالث فانتظار رايكم وتوقعاتكم و اسمحولي اذا كان البارت قصير شويه .. انا ما اشوفه قصير الصراحه هههه ما رمت اكتب بارت اطول لاني تعبانه شوي ان شاء البارت الياي بيكون اطول |
ثانكس ع البارت |
كمليييي يجننن البااارت |
اقتباس:
منوره :ax: اقتباس:
.. بس ها الفتره مشغوله مع الجامعة او ما افضى بحاول اكتب بارت طويل وبنزله لكم :13: منوره |
| الساعة الآن 12:37 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir