دبـــــــــــــــــــــلومـــــــــــــــاســــــي ــــــــة..
 

السلام عليكم ورحمة الله وبركاته

حبيت أكتب قصة ، فهذي أول قصة أكتبها لكم ، إنشاء الله تعيبكم..
بسم اله الرحمن الرحيم ، نبدأ :-
الشخصيات:-
*عائلة (( بو ماريا )):-
&الأبو:- محمد (40 سنة)..
&الأم:- متوفية (بريطانية اللأصل) ((35 سنة))..
&البنت الوحيدة:- ماريا (18 سنة) ، ما تلبس لا عباة ولا وقاية ، جماله جمال بريطاني ، عينه خضراء ، عنده ليسن تسوق سيارة رنج سبورت حمراء ، خلصت دراسة في بريطانيا ، تسكن في راك بروحه ، أما أبوه فساكن حذال أهله في دبي ، كل 2-3 شهور تشوف أبوه مرة وحده لأن أبوه ما يباه كان يبى يموته وهي داخل بطن أمه لكن الله ما راد..

*عائلة (( بو أحمد )):-
&الأبو:- سعيد ((45 سنة ))..
&الأم:- مريم ((40 سنة ))..
&الأبناء:-
&أحمد:- 22 سنة ، يشتغل في شركة أبوه..
&علياء:-20 سنة ، متزوجة من ولد عمها محمد وعندها بنت اسمها مريم عمرها سنة..
&ميرة:-18 سنة ، تدرس في الجامعة هندسة..
&حمدان:-15 سنة ، يدرس في المدرسة صف عاشر ، دلوع أمه وأبوه..

*عائلة (( بو محمد )):-
&الأبو:-علي ((50 سنة))..
&الأم:-إيمان ((44 سنة))..
&الأبناء:-
&محمد:-24 سنة ، متزوج يشتغل في شركة أبوه..
&راكان:-20 سنة ، يشتغل في شركة أبوه..
&موزة:-18 سنة ، تدرس مع بنت عمه في الجامعة هندسة..
&اليد:-عيسى..
&اليدة:-شيخة..


البارت الأول

كانت ماريا زهقانة يالسة في البيت مع أن متوفر في هذا البيت كل أنواع الراحة:- مسبح – غرفة رياضة – غرفة سينما وغير من الغرف كان بيته يشبه القصر ، كان كل أشجار وحراس في جميع النواحي . وكانت ماريا تبي تطلع لكن أبوه موصي الحرس إذا طلعت يطلعون عشرة منهم معاه وهي ما تحب الحراس يكونون معاه ، وعشان جيه ما تقدر تطلع من البيت ، لكن الحين هيه مره زهقانه واللي فيها فيها ما بتحبس روحها عشان هالحراس خلي يطلعون وياي عادي شو فيه ، فسارت حجرته خذت لها شور على السريع ولبست برمودا بيضا وقميص للركبة كت أخضر ولبس تاج مخطط بأبيض وأخضر والنعال نفس الشي وتجحلت وحطت قلوس وطلعت من الحجرة متوجه للباب يوم وصلت للباب ياه صوت جاسم ((واحد من الحراس))..
جاسم:-وين سايرة طويلة العمر..
ماريا:-طالعة زهقت من البيت..
جاسم:-اصبري ساعة لأن كنت ياي أقولج أن أبوج بيلاقيج في ستاربكس بعد ساعة..
ماريا:-وليش ما قتلي من قبل؟؟
جاسم:-ترى قلتلج إني كنت ياينج بس أنتي نزلتي..
ماريا:-أوكي الحين أنا بسير المنار وبسوي شوبينق وعقب بسير ستار بكس..
جاسم:-حاظر طال عمرج الحين ساير أقولهم يجهزون السياير..
ماريا:-أوكي..
وطلع جاسم وبعد 5 دقيق دق عليه جاسم وقال أنهم جاهزين ، طلعتلهم وسارو المنار..
في المنار
كان باجي نص ساعة عن ايي أبوه فقالت خلني أيلس في ستاربكس إلي نايي ، فسارت ويلست وطلبت لها كوفي وكانوا 2 من الحراس واقفين حذاله عشان يحرسونه ، فوحد ه شافته واعجبت فيه وفي شياكته ، فقالت:- خلني اتعرف عليه احسه بنت عز ترى الحراس 2 حذاله فلازم تكون بنت عز ودلال ، فقامت البنت من طاولته سارت طاولة ماريا وقالت البنت لماريا:- ممكن ايلس؟
مارسا:- تفضلي..
مدت البنت ايده لماريا وقالت :- أنا دانة..
ماريا:- وانا ماريا..
دانة:- لي شيالة بروحج ما ذقرتي أحد من ربعج ايون معاج..
توقعاتكم:- *شو بتقول ماريا لدانة؟؟
*ابوه ليش ما يسكن معاه في بيت واحد؟؟

ناااايس القصة .. بس البارت وااايد قصير

اظن انه بتنكر انه ابوها اللي بي ...


بانتظار البارت الياي

البارت الثاني

ماريا:- أنا ما عندي ربع إماراتيات كلهم أجانب ، وأنا يالسة أنتظر أبوي إيي لاني من 3 شهور ما شفته..
تعجبت دانةوبدهشة قالت:- من 3 شهور!!
ماريا:- لان مل شهرين اشوفه وهذي المرة طول لانه بزي ، وانتي متى تتلاقين ويا ابوج اليوم؟؟
دانة:- لا ، ليش اتلاقى وياه هو عايش معانا..
اندهشت ماريا وقالت:- عايش وياكم!! بس ابوي قالي ان هذي العادات في الامارات ان الابو ما يسكن مع بنته في نفس البيت..
دانة:- أي عادة هذي؟؟ اول مرة اسمع عن هذي العادة من اول ما نولدت وانا مع ابوي ساكنه ، واصلا كل ربعي ساكنين معا امهم وابوهم قي بيت واحد..
ماريا:- يعني ابوي كان يكذب علي..
رفعت راسه وقالت:- دادي يا ..
دانة:- انا بسير ايلس على طاولتي الين تخلصين اوكي..
ماريا:- اوكي..
فيا ابوه ويلس مكان دانة وسال ماريا :- منو هذي؟؟
ماريا:- هذي رفيجتي دانة..
محمد:- من متى تتعرفين على اماراتيات؟؟
ماريا:- توني بس ليش هاي الاسئلة؟؟
محمد:- لا بس جي اسال..
ماريا:- دادي بسألك من وين يايب عادة ان البنت في بيت و الابو في بيت؟؟
محمد:- ليش تسألين؟؟
ماريا:- لان قالت دانة انه ساكنه مع امه وابوه في نفس البيت ، وكل ربعه نفس الشي ، ليش انا بس بذات؟؟
محمد:- لاني بصراحة ما اباج تسكنين معاي في نفس البيت ، ولان اهلي ما يعرفون ان عندي بنت وان كنت مزوج امج ، فيوم بقول لاهلي اني كنت مزوج امج هاك الساعة بزقرج تشوفين يدج ويدتج وعمومج وعماتج وتتعرفين عليهم..
ماريا:- ومتى بتقول لأهلك إنشاء الله؟؟
محمد:- قريب انشاء الله قريب..
ماريا:- دادي ابي اسافر؟؟

محمد:- وين؟؟
ماريا:- بريطانيا..
محمد:- انا حالف ما تسيرين بلد امج الخايسة..
ماريا:- امي مب خايسة..
محمد:- قومي عن ويهي احسن لج وانا الحين ساير ، بااااي..
ماريا:- باااااااااااااااااااي..
يوم روح محمد يت دانة ويلست..
دانة:- شو قالج؟؟
ماريا:- قالي انه ما قال حق اهله انه كان متزوج امي وانه عنده بنت..
دانة:- شو بتسوين الحينه؟؟
ماريا:- بنتظر الين ما يقولهم..
دانة:- اوكي.. عيل انا بخليج ابوي سوالي قال تعالي..
ماري:- وكي عيل باااااااااي..
دانة:- باااااااااي..
توقعاتكم شو بيستوي..

تسلمين دبوووه ع القصة

بس عندي لج طلب ..

همممم


لو اطولين البارت يكون احسن لانه البارت وااايد صغير


بانتظار البارت الثالث^^

البارت الثالث

راحت دانة وخلت ماريا بحزنها ا ناهل ابوها ما يعرفون ان ولدهم عنده بنت وعقب نص ساعة رجعت ماريا البيت..
اليوم الثاني..
نشت ماريا على الساعة 12 وخذتلها شور سريع ، لبست بنطلون جينز سكيني وقميص كت اصفر ولبست اكسوارات صفرا ونعال اصفر وسحت شعرها اللي لين اكتوفها ولبست تاج اصفر وكان شكلها كيوت..
نزلت تحت فتحت التلفزيون وقالت للخدامة اتيبلها سلطة لان هذا فصوره+غداه..
الساعة 3 اتصلت ماريا لدانة وتمت تسولف معاه الين الساعة 4 ، وعقب سارت ماريا تلعب سبورت..
عقب سواله ابوه:-
محمد:- شحالج ماريا؟؟
ماريا:- الحمدالله بخير..غريبة دادي مسوي لي تلفون؟؟
محمد:- حرام اطمأن على بنتي..
ماريا:- لا مب حرام بس مب من عوايدك ادق علي غالبا ادق على الحراس وهم يعطوني خبر اذا كنت تباني في موضوع..
محمد:- لا بس كنت ابي اقولج اني قلت لاهلي اني كنت متزوج امج البريطانية وان عندي بنت عمرها 18 سنة..
ماريا:- شو قالولك..
محمد:- اتفاجؤ.. بس فهمتهم اني ماكنت بقولهم بس انتي اصريتي علي اقولهم..
ماريا:- المهم هم الحين متقبليني ولا؟؟
محمد:- هم قالوا يبون يقابلونج واباج اتين باجر عشان تجوفينهم..
ماريا:- دادي انا احيد قلت قوللهم ان عندك بنت م بانا اسيرلهم اقابلهم..
محمد:- كيف يعني ما بتين؟؟
ماريا:- لا مابيي..
محمد:- لا بتين غصبن عل ويهج تفهمين..
ملريا:-دادي لكن...
قاطعها محمد:- بدون لكن سيري الحين جهزي اغراضج عشان باجر اتين دبي وانا قايل حق الحراس ومخلص..
ماريا:- اففف..خلاص انزين بااااااااااااااي..
محمد:- باااااااااااااي..
سكرت ماريا عن ابوه وتمت تصيح ما تبي تسير عند اهل ابوه اتحس انه ما بيتقبلونه..
اليوم الثاني..
طبعا ماريا ما ياه النوم من كثر التفكير اذا اهل ابوه بيتقبلونه ولا؟؟ وبعض الاسئلة الثانية ادور في راسه..
سارت ماريا خذتله شور ولبست لها برمودا جينز مع قميص كت اسود مرسوم عليه جمجمه بالفضي ولبست اكسوارات سودا ونعال اسود وسحت شعرها وسوته من جدام بف وتجحلت وحطت بلاشر وقلوس وشلت نظارتها وخلتها على راسها وخلت موبايلها في جيبه ونزلت تحت وخلت الخدم يشلون شنطته يودونه السيارة وطبعا ما نست اللاب لانها لازم قبل ما ترقد تقرا رواية..
ركبت الرنج والسايق يسوقه وكانت سيارتين جدام وسيارتين ورى والرنج في النص المهم وصلو لدبي ودخلت بيت يده اللي مساحته نفس مساحة بيته اللي في راك المهم دخلت السياير ووقفت الرنج جدام باب الفلة نزلت منها ماريا وكانت لابسة النظارة الشمسية فيوم دخلت داخل الفلة اللي تشبه القصر ما فصختها ، دخلت فحصلت كم من باب فما عرفت وين تسير فتصلت لابوه:-
محمد:- ها ماريا وينج؟؟
ماريا:- انا دخلت البيت بس وايد بيبان احيد الفلل اول ما يدخلونه تكون صالة مب مليون باب جدامج..
ضحك محمد وقال:- خلاص لا تتحركين انا ياي..
ماريا انصدمت اول مرة تسمع ضحكت ابوه عمرها ما سمعت ضحكته وتمت سرحانه الين ماياه ابوه..
استووووووووووووووووب..
توقــــــــعـــــــــاتكم..

البارت الرابع

محمد:- هلا والله ببنتي توه ما نور البيت..
ماريا:- منو بوجودك دادي..
محمد:- تعالي بعرفج على يدج وعمومج..
ماريا:- اوكي..
سارت ماريا ورى ابوه الين الميلس وقبل ما تدخل الميلس فصخت النظارة وخلتها على راسها ويوم دخلت كلهم بهتو لانها كانت مب لابسة عباة وشيله وكانوا هناك عيال عمه فعشان جيه افتشلت ، فابوه عرفه على كل شخص عقي سارت وسلمت على يده بس بالايد ، فهو استغرب انه ليش ما حبته على راسه فقال اليد:- ليش ما حبيتيني على راسي؟؟
ماريا:- ليش لازم يحبون على الراس بعد؟؟
اليد:- هيه..
فسارت ماريا وحبت راس يده ، فعقب قاله ابوه:- تعالي بنسير عند يدتج..
ماريا:- اوكي..
فسارت ماريا ويا ابوه عند يدته ، فيوم كانو بيدخلون ميلس لبحريم..
قال محمد:- هود..هود..
اليده:- بطنك عود..ادخل محد غريب..
فيوم دخل سارعند اليده وسلم عليه وباس راسه ، فعقب خمس دقايق دخلت ماريا كلهم استغربو منو هاي الاجنبية اللي دخلت عليهم..
اليده:- أي انتي منو سمح لج تدخلين؟؟
محمد:- يمى هذي بنتي ماريا..

في ميلس الريايل عقب ماروحت ماريا

أحمد ومحمد يتساسرون..
احمد:- شفت كيف داخلة لا عباه ولاشيله..
محمد:- لا وبعد برمودا..
احمد:- ابى اعرف كيف عمي مخلنه جي فري..
محمد:- والله ما اعرف..
جان حمد يدخل بينهم ويقول:- لا يتناجى اثنان دون الثالث..
محمد:- قال لايتناجى قال ما اعرف منو توه يتساسر ويا حمدان..
حمد:- لكن ما كنى انحش..
محمد:- اسكت بس اسكت..

في ميلس الحريم

اليده:- وليش حظرتج مب لابسه عباه وشيله؟؟
ماريا:- شو يعني عباه وشيله؟؟
اليده:- وبعد ماتعرفين شو يعني شيله وعباه..
ماريا:- لا..
اليده:- محمد ليش مب معلم بنتك انها تلبس عباه وشيله؟؟
محمد:- يمى انا قتله بس هيه رفضت..
اليده:- وليش ما غصبته انه تلبس تراه اناراتية..
قاطعنها ماريا:- بس انا ما عندي جواز اماراتي..
استووووووووووووووب
تــــوقـــعــــاتــــكــــــم..
ادري انه وايد صغير
بس ظروف..

لا تراه ما كانت ساكنة في الامارات..
هي 2 سنة في الامارات لانها كانت من اول مانولدت في بريطانيا..

اممم اوكي بس الحين الاجانب اللي هم الاجانب ايعرفون
عاداتنا ..

والثموحهـ..

وواذا اترومين نزلي بارت الحين ..

والثموحهـ ..