|
.::!::. ذاك كرهني و هذا حبيته .::!::. -------------------------------------------------------------------------------- هلا ..!! حبيت أحط لكم هاي القصة ... من تأليفي .. نبدى بتعريف الشخصيات المهمة . عايلة بو راشد .. فاطمة 20 .. راشد 28 .. ماخذ زهرة 26 بنت خاله ما تربي حليلها .. سلطان 26 ماخذ خت زهرة نورة 24 توهم معرسين .. حمدان 19 أول سنة فالجامعة .. عايلة بو محمد ..قوم خالة (( فطووم )) محمد 27 أكبر واحد ماخذ وحدة تقرب لهم من بعيد شيخة 26 و عندهم ولد واحد ((خالد)) عيسى 25 مب معرس و أونه ما يبى يعرس .. مهرة 23 يالسة فالبيت لا شغلة و لا مشغلة و محيرة حق أخو شيخة علي .. سيف 22 يدرس فأمريكا آخر سنة .. عواش 18 تدرس ثالث ثانوي .. عايلة بو هزاع ..قوم خال فطووم .. هزاع 23 شي رمسة ظاهرة عنه إنه يبى بنت عمته فطيم و هي متعلقه فيه .. هند 20 دوم ويا فطييم .. زهرة 26 ماخذنها راشد ولد عمتها .. نورة 24 ما خذنها سلطان ولد عمتها ,. الجزء الأول .. اليوم : الخميس .. الساعة : 11:00 فالليل .. المكان : بيت بو راشد .. فاطمة يالسة فغرفتها ترمس فالتلفون بعصبية .. فاطمة : لاه ؟! قول والله انته بس ؟؟! هزاع : و الله .. فاطمة : أقول سير قص على ياهل شراتك .. هزاع : أنا ياهل ؟؟ فاطمة : هيه نعم ياهل .. عيل كيف تبى تقنعني إنك ما تعرف ذيج البنية ؟؟! زقرتك باسمك يا ولد الحلال .. هزاع : فطيم .. فاطمة : ها ؟! ~_~ هزاع : أنا ما أحيدج تقوليلي ها .. إنتي دوم اتقوليلي هلا .. ولا آمر .. فاطمة : خلص .. شو تبى ؟ هزاع : صدقيني أنا ما كنت أجذب عليج . فاطمة : ok ok .. بس أنا لازم أسكر أحينه ما عندي وقت أصرفه على ساخفتك و تفاهت ذيج السباله .. تسكر الخط و على طول ادق حق ربيعتها شمة .. شمة : هلا و غلا .. فاطمة : أهلين .. شحالج ؟؟ شمة : بخير يعلج الخير .. ها ؟؟ شحال حبيب القلب ؟؟ فاطمة : لا اتخبرين .. و الله إنه غدى خااااااااااايس .. شمة : شو استوى بعد ؟؟ فاطمة : شموه .. كنا أنا و أخته ( تراه ولد خالها ) سايرين وياه المول .. نحن دشينا محل .. و هو تم خاري و يوم نحن خلصنا و كنا ندفع الفلوس .. شفت وحدة يايه صوبه و تزقره باسمه يا شموه .. تتخيلين ؟؟ شمة : هيييييييييييييييء .. و عقب ؟؟!! فاطمة : ظهرنا ... و جان تسير البنية يوم شافتنا يايين صوبه .. شمة : و ما عصبت ؟؟ فاطمة تصرخ : لاااااااااااه ؟؟؟؟!! ترى هاللي قاصر .. يوم اييون هله عنده اتعصب .. عنللاتها ال****ه .. شمة (( ككككك )) : إنزين كيف شكلها ؟؟!! فاطمة : شدراني ؟؟ كانت متغشية .. ما أدري ليش يوم انها بايعة عمرها .. ****ه . شمة : طويلة ؟؟!! <<<<<<<<<<<< (( ترى شمة اللي يشوفها يقول هاي فالاعدادية –لأنها قصيره - عسب جي أهم شي عندها الطول )) فاطمة : مب ذاك الزود .. يعني كانت أقصر عني بشبر تقريبا .. بس أراهن إنها قصيرة و لابسة كعب كبر راسها .. شمة : هههههههه .. إنزين حد كان وياها ؟؟!! فاطمة : شدراني أنا .. شموه شو أسوي أحينه ؟؟!! بمووووووووووووووووت من الغيظ .. شمة : و الله ما نروم نتحكم بالرياييل و مشاعرهم .. سمعيني عدل يا فطيم ما شي ريال يحب صدق مممماشي أبد .. يعني لا تعلقين عمرج بحد . فاطمة : و الله يا شموه ,, لو كان الموضوع باختياري كنت محيت هزاع من بالي .. .........(( بعد المكالمة ..^^ نزلت فاطمة تحت .. و سارت غرفة حمدان .. حمدان أونه يدرس (( هو فالجامعة أول سنة )) يتدرب ع الكيبوردينغ .,. و هو يالس يرمس ربعه فالمسن .. فاطمة : ما أشوفك تتدرب ع الكيبوردينغ .. حمدان : أتدرب عليه بس بالعربي <<<<<<< يقصد يوم يرمس ربعه فالمسن .^_^ فاطمة : سكر المسن لا أوريك أحينه كيف تتدرب بالعربي .. حمدان يلتفت لها وهو معقد حياته .. حمدان : و انتي شلج ؟؟! منو صافعنج ؟؟ فاطمة (( أوهوووو .. جني قاصرة واحد يستهبل علي )) : جب جب .. و سكر بسرعة . حمدان : ما أبى .. بسألج إنتي ما عندج شغله غير إنج تيين عندي و تشوفين شو أسوي ؟؟ منو عينج مراقب علي ؟؟! فاطمة : مالت عليك .. ~_~ <<<<<<< عاد مب عارفة شو تقول من الغيظ اللي فيها . حمدان يتمصخر عليها : هيه ؟؟ مالت عليّه و عقب ؟؟! فاطمة : إنت ما تستاهل حسناتي ... عسب جي ما بسب .. و كانت تبى تظهر و بتفكه من ويهها .. بس هو لا .. عاد دودته ولعت .. حمدان : من زود حسناتج عاده .. فاطمة تحاول تزخ عمرها بأي طريقة .. فاطمة : ا ... الــــــــلـــــــــه يــ يــــــســــامممممـــــــــحــك <<<< بالغصب تظهرها لأنها مب متعودة تقولها حق أي حد . و تظهر من الغرفة .. حمدان فخاطره : غريييييييبه ... ما سبت ولا قالت شي .. لا ... فطيم أكيد فيها شي اليوم . أتريا الردووووود |
حلــؤوؤو البآآرت نتريآ البآرت اليآآي بســرررعه ... |
الجزء الثاني .. نفس الوقت فبيت بو محمد خال فطيم .. هزاع يالس فغرفته .. هزاع فخاطره : يالله عاده كلها يا هزاع .. منو قالي أعلق ذيج اللصقة فيّا ؟؟! و أحينه مأذيتني ويا حبيبتي .. ويييييييييينج يا عمري ؟؟! لبش ما تدقين ؟؟! بس لازم تفهم السالفة .. لأنهم هليَه .. بعد شوي رن تلفونه .. رقم حبيبة قلبه .. هزاع : هلا حياتي .. **** : هلا .. هزاع : شحالج غناتي ؟؟! **** : تمام ربي يسلمك ..شحالك إنت ؟؟! هزاع : بخير دامج بخير . **** : صح اليوم فالمول .. سوري لو ورطتك ويا خطيبتك .. هزاع : لا لا لا لا .. أولا : هي مب خطيبتيه .. ثانيا : أبدا ما ورطتيني يا عمري .. **** فخاطرها : ما اجذبك .. **** : الحمد لله و الله تحريت إني سويت لك مصايب .. هزاع : لا لا غناتي ,, و فجأة تدخل أخته هند (( اللي كانت ويا فاطمة يوم فالمول )) .. هند : هاااااااي .. هزاع : إنزين محمد أرمسك عقب .. **** : شكلي أحينه بورطك .. هههههههه .. هزاع : لا لا أفاا عليك يا ريال .. إلا سالفة و عدت ما شي مشاكل .. **** : أوكيه حبيبي يالله باي .. هزاع : باي .. سكر هزاع و التفت حق أخته .. هزاع : أعوذ بالله من الشيطان الرجيم . هند : بسم الله الرحمن الرحيم .. جيه شايف يني جدامك ؟؟! هزاع : لبش مب راقدة لين أحينه يالسكنية ؟؟! هند وهي تدور عينها .. هند : مزاااااااااج .. هزاع : أنا أوريج كيف المزاج .. بس ظهري أحينه أنا أبى أرقد .. بعدين أداويج .. هند : هاهاهاها .. خوفتني و الله .. هزاع : أقول جلبي .. هند : على أي صفحة ؟؟! يفلعها هزاع بالمخدة .. هند : هههههههههههه .. و تظهر و تسكر الباب وراها .. أتريا الردوووود |
وإن شاء الله تعيبكم القصة والسموحة منقولة من منتدى ثانية |
القصهـ رووووووووووووعهـ ونتريا التكملهـ |
يسلموو عالمرور |
الجزء الثالث اليوم : الجمعة .. الساعة : 11:30 الصبح . المكان : بيت بو راشد .. فطيم توها واعية من الرقاد .. سارت تحت تتريق .. فاطمة : أمااااايه .. راشد بيي اليوم هو و زهرة ؟؟ أم راشد : ما أدري بس هو أمس قال إنه بيي .. فاطمة : و سلطان ؟ أم راشد : سلطان بييب نورة و بيسير الوكالة ما أعرف شو يسوي .. فاطمة : يعني ما بنسير عند يدوه اليوم ؟؟! أم راشد : بنسير .. بنسير ..تراهم بيسيرون بيت يدتج .. (( يعني سلطان و راشد و حريمهم )) الساعة : 3:30 الظهر .. فطيم يالسة تتلبس .. أونه تبى تظهر مبجر من البيت عسب كل العايلة بتتيمع فبيت يدتها .. العصر الساعة 5:44 .. العايلة كلها هناك ,, إلا سيف ولد خالة فطيم .. وهو يدرس فأمريكا .. فالصالة .. اليدة و الحريم يالسات فالصالة (( يعني و البنات )) .. اليدة : سيف حليله دق لي أمس يقول إنه بيرد فالإجازة لو رام و عقب بيرد (( آيرايكا )) .. فاطمة : ههههههههههههههههههههـ^_^ـهههههههههههههههههههههه .. هند تقرص فاطمة .. (( يعني تقول لها لا تظحكين )) . اليدة : اشعنه تظحكين ؟؟! فاطمة : هههممههه .. ماشي يدوه .. عواش : تظحك عليج يدوه يوم قلتي آيرايكا .. (( فاطمة و عويش شرات الجني و الثووم )) اليدة : يعلج تظحكين بلا ضرووس مسودة الويه .. فاطمة قفطت ... سارن البنات اللي هم دوم ويا بعض .. (( فاطمة و مهرة و هند و لازم الرزة عوييش )) ..الحوي و يلسن (( كانت السما مغيمة )) .. فاطمة وهي اطالع السما : يا رب ينزل مطر عندنا .. قولن آمين . الكل : آمين .. بعد شوي نزلت هفة مطر و البنات فرحانات .. فاطمة : دقايق بسير المطبخ و بيي .. سارت فاطمة صوب المطبخ و سمعت صوت هزاع .. تحجبت عدل و تغشت و عقب دشت . كان هزاع يالس يرمس فالتلفون .. هزاع : أوكيه .. أوكيه .. برايك .. باي . دشت فاطمة .. و هزاع شافها .. هزاع : هلا . فاطمة ولا تعطيه ويه .. هزاع : فطيم .. فاطمة : نعم ؟!! هزاع استغرب من لهجتها .. هزاع : شبلاج صدقيني ما عرفها ذيج البنية .. فاطمة : و الله ؟؟! هزاع : و .. و الله .. ** فاطمة : إنت حلفت .. و شلت غرضها و ظهرت من المطبخ .. عند العشى .. يالسات الحريم يتعشن .. و اليدة يالسة اتعبث بتلفونها <<< عاد أونها الفهيمة .. ^_^ أول شي ادق الفص بالعدال .. و عقب تهوس عليه بالقو .. و بالقو .. أم راشد : شبلاج أمايه ؟؟! اليدة : الله يغربله من تلفون .. زهرة : لبش ؟؟! اليدة : أهوس عالفص و ما يالس يستوي .. زهرة : أشوف ؟؟!! و تسير زهرة عندها تشوف شو سالفتها العيوز .. زهرة : ههه .. لا .. إنتي لازم تهوسين شوي شوي .. بالظفر مب بالصبع .. شوفي ها .. ها .. (( تراويها ..^^ )) اليدة شلت التلفون من عند زهرة .. اليدة : هيه .. أحينه استوى .. أصلا هالتلفون مكار .. فطيم زخت عمرها لا تظحك على يدتها .. عقب شوي .. رن تلفون هند .. هند : ويه هذا هزاع .. هلا .. هيه .. هيه .. أوكيه .. اهمم .. اها .. يالله .. أحينه .. مع السلامة .. فطيم يوم سمعت اسم هزاع اتخبلت .. بس حاولت إنها ما تبين لحد .. هند : أمايه .. هزاع يقول يالله نسير البيت .. أم هزاع نشت و تغسلت و ودعتهم كلهم .. ظهروا هند و أمها .. يوم ساروا شافت فاطمة أوراق هند مالات الجامعة (( كانت يايبتنهن عسب فطيم تفهمها شي )) .. شلتهن وسارت البيت .. يالله سي يو لا تبخلون علي بالردووود |
ثانكس ع البارت الحلو نتريا التكمله حبوبه |
يسلموو عالمرورج |
الجزء الرابع .. اليوم : السبت .. الساعة : 3:00 الظهر .. المكان : بيت بو راشد .. غرفة فطوم .. فطوم يالسه ع النت .. تقرى قصة مأساوية و حاطة السماعة و تسمع أغاني و تصيح .. اللي يشوفها يقول عيوز شيبتها مودرنها .. تكسر الخاطر .. <<<<خخخخخخخ ^_^ . فجأة رن تلفونها .. فاطمة : هـــ ـــ ـــ ــلاااااأ ..>>>>>>>>>>> من أثر الصياح .. ^_^ هند : بسم الله .. شو ها ؟؟! تصيحين ؟؟! ليش ؟؟!! فاطمة : لااااأ ممماشي .. بس كنت أقرا قصة .. هفف .. تصيح .. هند : ههههههههههه .. مالت عليج تقرين قصص و عقب تصيحين ؟؟! فاطمة : خلصي .. هدييت .. هند : أقول فطوم .. توني دقيت حق قوم يدوه و سالتهم إذا شافوا أوراقي .. قالولي إن إنتي شليتيهن ؟؟ صح ؟؟!! فاطمة : هيه .. حطيتهن عندي .. هند : أوكيه .. أحينه هزاع بيي يشلهن .. فاطمة ذاااابت يوم سمعت إن هزاع هو اللي ياي .. فاطمة : ok ... *_* سكرت فطوم من عند هند .. و شلت الأوراق و نزلت تحت .. سارت عند حمدان .. راقد الحيوان.. سارت عند البشاكير ,,, راقدات الله يغربلهن .. وصل هزاع .. و محد فالبيت ناش عسب يعطيه الأوراق .. لبست فاطمة شيلة و تغشت و سارت عنده .. كان هزاع موطي ع الأغاني .. و مرفع سفرته و منزل السيت مال السيارة (( يعني متسدح )) \تعب من كثر ما تريا^_^\ .. يوم شاف فاطمة يايه .. عدل يلسته و ابتسم و عدل السفرة .. هزاع : هلا .. فاطمة واااايد جافة وياه .. فاطمة : السلام عليك .. هزاع : (( بسم الله اللهم سكنهم في مساكنهم )) و عليج السلام و الرحمه .. شحالج بنت عمتي ؟؟ فاطمة : الحمد لله بخير .. >>>>> ما قالت له شحالك ^_^ .. هزاع : (( حتى ما سألتني عن حالي )) .. مدت له الأوراق .. و قالت .. فاطمة : سلم ع حبيبتك اللي يتك فالمول ,, و سارت .. هزاع : فااااطمة .. >>>>> أونه معصب . وقفت فاطمة من دون ما تلتفت له .. هزاع : سمعيني عدل يا فطيم .. أنا خبرتج إني ماعرفها .. ما عرفها .. فاطمة : ok .. أنا ما قلت لك برر موقفك يا ولد خالي .. يالله لازم أسير أكيد أمايه نشت من الرقاد اسمحلي .. سارت و هو مبطل عينه ع الأخير و آخر شي قال وهو معصب : طززززز .. ما سمعته فاطمة لأنها كانت داشة داخل البيت ذاك الوقت .. دشت فاطمة غرفتها و تمت تصيح و رقدت عقب لين الفليل .. |
الجزء الخامس .. اليوم : الأحد .. الساعة : 5:00 العصر .. المكان : فبيت بو محمد .. مهرة كانت يالسة فالصالة هي و عواش (( عاد هاي زاخة كتابها أونها تدرس ..ثالث ثانوي )) و أمهم .. و حرمة محمد شيخة .. يتريون محمد و عيسوه و أبوهم إيون من المطار ويا سيييف .. عواش تجلب صفحات الكتاب و ما فيها صبر .. مهرة تحجج إيديها .. و شيخة تفكر فريلها و أم محمد ادقدق عليهم 24 ساعة .. أم محمد : ألوووه .. بويه محمد .. وينكم ؟؟ شليتوه ولا لاء ؟؟؟ محمد : يا حبيبتي .. يا أمايه .. من اول ما انشله بدقلج و بخبرج .. إنتي أول وحدة بتعرفين .. شو تبين بعد ؟؟!! بس دخيلج لا ادقين .. هاي المرة السادسة اللي ادقين فيها .. لا اتعبين عمرج نحن بندقلج على طول .. أم محمد : إنزين .. إنزين (( مب عايبنها بعد !! )) مع السلامة .. و تسكر الخط فويهه قبل لا يقول مع السلامة .. أو حتى يرد عليها .. ^.^ .. عواش : ها أمايه .. وينهم ؟؟!! أم محمد : أونه يوم بيشلونه بيدقون .. بعده ما وصل البلاد .. مهرة : مب حالة هاي .. أنا بتيني حالة نفسية لو تميتوا ساكتين .. ارمسوا عاده .. شيخة : و الله إنج ..... يعني شو تبينا انقول فهالحالة ؟؟! مهرة : إنتوا محد ايلس وياكم .. شلت عمرها و ظهرت من الصالة ... بعد نص ساعة تقريبا .. رن تلفون أم محمد .. أم محمد : فديييته وليدي .. أكيد شلوه و أحينه محمد بيخبرني .. و ترد .. أم محمد : هلا فديتك شليتوه ؟؟!! وصل ؟؟! ........... شووووه ؟؟!! إنزين .. إنزين .. و يوم هي يالسة ترمس .... و معصصصصصصصصبه .. رن تلفون شيخة .. شيخة : أوه .. ها محمد ؟؟! تربع عواش عندها و أم محمد تسكر التلفون فويه اللي كان يرمسها .. شيخة : هلا محمد .. و .. وصل ؟؟!! الحمد لله .. شحاله ؟؟! الحمد لله .. سلم عليه واايد كلنا نسلم عليه ... عمتي ؟؟! هني ها .. أم محمد : مسود الويه .. لبش ما دق لي ؟؟!! شيخة : تقول أمك ليش ما دقيتلها ؟؟! ........ يقول لأن تلفونج كان مشغول .. سكرت شيخة من عند محمد و عواش طايرة من الفرح تناقز مني و مناك .. عواش .. : أقول أمايه .. منو كان يرمسج ؟؟! أم محمد : ها الدختور مال الأسنان .. شيخة : عمتي اسمه دكتور .. هب دختور .. أم محمد : كله سوى .. عواش : و شو يقول ؟؟! أم محمد : ما أدري خربط علي بالعنقريزي .. (( بالإنجليزي )) .. شيخة : إنزين يقول محمد .. هم أحينه يايين .. |
ثاااااانكس ع القصه الطرررررررررر ونتريى الباااااااقي |
يسلموو عالمرور |
كملي يا حرمه لوول حلووه القصه كمليهاا اوك |
إن شاء الله يا ريال يسلمووو عالمرور |
الجزء السادس .. اليوم : الأحد .. الساعة : 7:00 .. المغرب .. المكان : فبيت بو راشد .. فغرفة فطووم .. فطيم يالسة ع السرير و مشغلة موسيقى هادية .. و يالسة تقرى مجلة.. فجأة يرن تلفونها .. فطوم فخاطرها : فديته اللي افتكرني أحينه .. ^_^ . و تسير ترد .. فطوم : أوه .. هاي .. مهاري .. هلا مهاري .. شوووه ؟؟! حلفي ؟! سلمي عليه وايد و قولي له الحمد لله ع سلامته .. الخميس ؟؟ أوكيه .. بخبرهم أحينه .. باي .. سكرت فطوم من عند مهاري و نزلت تحت و هي تربع .. فالصالة .. بو راشد يالس و أم راشد و حمدان .. <<<< هذا أونه زاخ كتابه يدرس .. خخخ فاطمة : السسسسلام عليكم .. الكل : و عليج السلام و الرحمه .. فاطمة : تعرفون إن سواف ولد خالتيه رد من السفر ؟؟! حمدان : هيه .. و رمسناه من شوي .. فاطمة حست بغيييييظ من حمدان .. فاطمة : و انت حد رمسك ؟؟! و بعدين عالأقل يوم أونك تبى تدرس لا تزخ كتابك بالمجلووب . حمدان عدل كتابه .. وقال : أصلا كنت جالبنه عسب أشوف الصورة .. لأنها مجلوبة . فاطمة : مب الصورة المجلوبة ... عينك هي المجلوبة .. حمدان : فطوووووم .. فاطمة تصد الصوب الثاني و ترمس أبوها و أمها .. فاطمة : و قالت لي مهاري إنهم بيسوون عزيمة يوم الخميس حقه .. أم راشد : زين و الله .. عرفوا يختارون اليوم الصح .. بو راشد : بس أنا بكون مشغوول عرس ولد ربيعي يوم الخميس و ما أروم أرد الريال .. تراه ولده الأول ... و هو يه أعراس عيالنا راشد و سلطان .. عسب جي أنا ما أروم أرده .. أم راشد : عادي .. إنت سيرلهم باجر .. و سلم عليه .. اعتذر لانك ما بتسير يوم الخميس .. بو راشد : يصير خير .. اليوم : الخميس .. الساعة : 4:00 العصر .. المكان : بيت بو راشد .. فالصالة .. فطيم محتشرة .. لبش ما خلصتوا العرب كلهم هناك و نحن متأخرين .. ما تفهم إن الناس يروحون هناك الساعة 5 ، 6 .. 6 و نص بالكثير .. ما تفهم .. المهم إنهم وصلوا قبل كل حد .. أم راشد : شفتي ؟!! وصنا أول ناس .. ما أعرف ع شو مستعيله .. فطوم : أمايه سيري سلمي على ولد أختج .. سارت ام راشد تسلم على سيف .. و تتحمد له بالسلامة .. أ/ فطيم فسارت عند مهاري و عواش .. |
الجزء السابع فنفس اليوم اليوم اللي هو الخميس .. عقب ما كل حد تيمع .. البنات يالسات فووق (( فالصالة اللي فوووق )) .. يطالعن تلفزووون .. الكل مندمج .. إلا فاطمة .. فاطمة ترمس هند : هند .. منو يابكم إنتوا ؟؟! هند : الدرييول .. هزاع ساير عند ربيعه و أحينه بيي .. فاطمة فخاطرها : أوهووو ... و الله خاطري أشوف هزاااعو .. و الله إني كنت خايسة وياه يوم يه يشل الأوراق مني .. حرام عليّ .. حليله حلف .. و أنا لازم أصدقه .. لاني أحبه .. و أكييد هو يحبني .. ^.^ <<<<< حليلها تواسي عمرها .. نشت و نزلت تحت .. تبى تسير الميلس .. ظهرت من البيت و كانت يالسة تمشي فالحوي .. و سرحاااااانه تفكر بهزاع .. و فجأة يوم تنتبه .. تشوف جدامها كندورة بييضة .. يوم رفعت راسها شافت ريال .. كان صااد معطنها ظهره .. تغشت و لفت الصووب الثاني .. عقب لفت راسها و شافت .. يالله .. هالويه مب غريييب عليها .. فاطمة فخاطرها : ويييييييييييييييه .. هذا سيييف .. مشت و جنها ما شافته .. و دشت الميلس .. يلست عند الحريم و هي بالها سرحااان فهزاع بعد .. عقب شوي .. حطوا العشى .. و ين البنات يتعشن .. تموا يسولفوون .. و جي .. (( و عندها اقترب موعد الرحيييل ^.^ )) <<<<< أوني عااد خخخخ نشت فاطمة ... و هي كانت الوحيدة اللي حاطه عباتها فووق فغرفة مهاري .. ظهرت من الميلس و تمت تمشي فالحوي .. يوم تبى تدش كان سيف ظاهر .. تغشت على طوول . سيف : إحم .. السلام عليكم .. فاطمة : و عليك السلام و الرحمه .. هو كان واقف مرة على الباب .. يعني ما ترووم تدش .. فقالت .. ^.^ فاطمة : اممم .. ممكن أخطف .. انتبه سيف إنه كان ساد الطرييج عليها .. فوسعلها عسب تمر .. دشت و سارت فوووق شلت عباتها و ردت ثاني مرة كان هو واقف عند سيارته .. سيف فخاطره : شو اسمها هاي ؟؟!! أبى أقولها تخبر عواش تييبلي المفاتيح .. سيف : إييييه ... فاطمة استغربت من طريقته .. فاطمة فخاطرها : إييييه ها ؟؟! خل الإييييه ترد عليك عيل .. <<<< اللعانة واجب .. ^.* و مشت عنه .. ما ردت عليه . سيف : (( شو هاللعانة ؟؟!! )) يا بنية .. فاطمة : (( حليله يمكن ما يعرف اسمي .. )) هلا ؟؟! سيف : (( زين يوم ردت )) اممم .. خبري عواش تييبلي سويج السيارة من غرفتيه .. فاطمة : (( و هو ليش يظهر أحينه <<<< لقافه)) إن شا الله .. سارت فطيم الميلس بس ما حصلت عويش .. دورت مهاري ما حصلتها .. فاطمة فخاطرها : ويييه أنا تورطت أحينه .. ظهرت عسب تخبر سيف إنها ما حصلت خواته .. لكنها ما حصلته هو بعد .. دشت داخل البيت و سارت غرفته .. كانت الغرفة بااااردة .. و مرتبة .. بس السرير كان ملعوز شوي .. سارت عند السرير و حصلت المفاتيح هناك .. شلتهن و ظهرت .. يوم فالحوي .. حصلت سيف .. فاطمة : اممم .. ما حصلت خواتك .. فــ .. سيف : خلاص أنا بسير أشله .. و دش البيت .. فطووم ما لحقت تخبره إنها شلت المفاتيح .. فسارت وراه .. فاطمة : سييف .. سيف .. سيف : هاااااه ؟؟؟! فاطمة : تعال أنا شليته السوييج .. سيف : ليش ما خبرتيني .. ورد صوبها مد إيده .. عقت المفاتيح فيها .. (( عقتهن ^.^ )) سيف : إنزين شوي شوي عليّه ... حشى .. *.* فطووم : ^.^ .. سيف : صح .. منو إنتي ؟! فطوم : (( ما يعرفنيييي ؟!!! ~_~ )) لااااه ؟؟!! أنا الواوي .. و لفت الصوب الثاني و سارت .. أما هو فقال .. سيف : إنزين يااا الوااااااوي .. أشوفج عقب .. ^.^ بغت تتخرطف فطووم .. أما سيف فتم يظحك <<<<< خخخخخخخخخ ^.^ اليوم : اليمعة .. الساعة : 11:30 .. الصبحح .. المكان : بيت بو محمد .. فالصالة .. عواش زاخة كتابها أونها تدرس بس يالسة اطالع تلفزوون ويا مهرة .. شيخة يالسة تلاعب ولدها خااالد .. و أم محمد يالسه اطالع تلفزوون ويا بناتها .. مهرة و عواش يالسات يطالعن فلم أجنبي رعبب .. و أم محمد : وييييييييه .. بدلي القناة بدلي .. لوعلي بجبدي .. الله يلوع جبده .. عواش : هههههههه .. مهرة : امايه .. خلينا انطالع .. يه . تمت أم محمد اطرش مسجات .. و عواش و مهرة كملن الفلم ... فغرفة سواااااااف ... يالس يتلبس عسب يسير يصلي اليمعة .. لبس كندورته و تسبح بالعطر و عقب خذى سوييج السيارة و تذكر فطووم يوم أمس <<<< هو لين أحينه ما يعرف إسمها . سيف فنفسه : الله يعين ريلها هالبنت .. ^.^ خذى البوك ماله و ظهر هو و عيسى و محمد و ساروا يصلوون ^ــــــــــــــــــــــــــــ^ .. على طاري فطوم الوااوي .. كانت يالسة حليلها و ترمس شمووه فالمسن .. :: ^.^ ملاحظة :: أنا ما بكتب النك مال كل وحدة كتب اساميهن و بسس ^.^ .. فطووم : هلااااااا شموه : أهلييين .. شحالج فطييم ؟؟! فطووم : بخير يعلج الخيير .. شموه : دوووووومز فطووم : وياج حبيبتي .. ^.^ شموه : ها شو استوى ويا حبيب القلب ؟؟؟! فطووم : أووووبس ... شموه : شبلاج ؟؟! فطووم : برمسج عقب .. أماايه تباني .. شموه : أوكيشن .. باااااي .. فطووم : باااي . فطوم ما كانت تبى ترمس عن هزاع .. لأنها يوم تتذكر ذيج السالفة تيها ظيجة ... و خاصة إن استوى له كم يووم ما يدق ولا عنده خبر .. |
تسلمين اختي على القصه الغاويه يعطيج العافيه نترقب يديدج |
تسلمين اختيه ع الطرح ونرقب الزود |
نتريا التكمله |
حلووووووووووووو |
يسلموو عالمرور الطرر |
ثانس ع البارت الحلو ونتريا البقيه |
مشكووووووووو وووووووووو وووووووووو رة |
ونتريا يديدج |
يسلموو عالمرور |
والحين أحط البارت اليديد |
الجزء الثامن .. اليوم : نفسه .. يوم اليمعة .. الساعة : 2 فالليل .. ^.^ المكان : بيت بو راشد ... غرفة فطييم .. فطوووم يالسة تقرى قصة .. و تتمنى إن ذاك اللي اسمه سلطان يمووت عسب مرة ثانية ما يجذب على ساروه و يقولها إنه يحبها و هو يحب ربيعتها .. (( فالقصة ..و اسم القصة .. (خدعني..) ..)) و فجأة يرن تلفونها .. يالله ما فيها تنش ترد تبى تكمل القصة .. نشت بالغصب و شلت التلفوون و شافت .. فاطمة فخاطرها : لااااا ... أنا أكيد أحلم .. أكييد أحلم .. فديته هزااااااع .. برد .. لالالالا .. خله يعرف إني زعلانه .. لا حراام برد .. بس يوم كانت تبى ترد سكر هزاع .. فكرت .. تتصله ولا لاء ؟؟ .. هيه بتتصل .. لا لا .. و يوم هي يالسة تفكر رن التلفون ثاني مرة .. و كان هزاع .. ردت عليه على طوول .. هزاع : هلا حياتي .. فطووم : أهلين .. شحالك هزاع ؟! هزاع : تمام ربي يسلم قلبج .. شحالج إنتي ؟؟! فطيم : بخير يسرك الحااال .. هزاع : دوم إن شا الله .. فطيم : ويااك .. هزاع : فطيم .. شرايج باجر نطلع مع بعض .. يعني ويا هند .. فطييم : ما أعتقد هليه بيخلووني .. ذيج المرة خلوني لان محد كان يرووم يوصلني السووق .. هزاع : أنا مشتاقلج واايد .. فطيم : (( فديت قلبك .. حتى أنا وااايد )) اشتاقتلك العافية .. امممم ... ما شفتك امس ليش ما ييت ؟؟ هزاع : (( سين جيم من أولها ؟!! )) ييت حزة العشى بس ... كنت ويا ربيعي ترى .. فطيم : توقعت إني اشوفك .. تمنيت .. إني أشوفك .. هزاع : فديتج و الله .. فطيم : (( يااااااااااااااااااااااااااااااي .. بطير من الفرحة )) .. ^ـــــــــــــــــــــــــــــــــــــ^ .. هزاع : عيل أنا باجر بييكم .. فاطمة : شحقه ؟؟! هزاع : أووووو .. يعني ما تبين تشوفيني ؟؟! فاطمة : لالالالالا .. مرحبا بك فأي وقت .. لو ترووم تيي أحينه تعال .. هزاع : ههههههه .. يريت لو أرووم .. فطوووم .. و الله خاطريه أشوفج .. فاطمة : ذيج المرة شفتني و يسدك .. خلاص مااا بفج الغشوة بعد .. هزاع : عشان خاطر هزااااعووو ... فاطمة : مممممممماشي .. لا تحاول .. هزاع : يعني مالي خاطر عندج ؟؟ ما عليه يا بنت سعيد .. فاطمة : فديته أبوويه .. السالفة مب جذا يا هزاع .. اللي أنا اقصده هو إنك إنت تعرف إن هالشي عيب و منقوود فعايلتنا .. عيييب اظهر ويهي حتى لو لك .. هزاع : ذيج المرة ......... قاطعته فاطمة : ذيج المرة أنا غلطت .. بس ما بعييييد غلطتي ..!!! هزاع : هههههههه ... خلاص فديتج .. ما فيا أزعلج .... فاطمة : ههههههههه .. إنزين .. أحينه أنا أبى أرقد .. فــ .. هزاع : بسكر بسكر .. ما يحتاي تقوليلي .. تصبحين على خير .. و نووم العوافي حبيبتي .. فاطمة : باااي .. هزاع : فديت هالبااي .. يالله غناااتي فداعت الله .. (( حشى ما بغوا يخلصوون ... ^.^ الله يوفجهم )) .. المهم .. اليوم الثاني فبيت بو محمد .. سيف يالس فالصالة ويا أمه و أبوه و أخوانه .. أما البنات و شوييخ فيالسات فالصالة اللي فووق .. محمد : عيسووه انت لازم تعرس .. لين متى بتم جدام أخووك حليله ما بتخليه يعرس .. عيسى : و الله محد قاله لا تعرس .. بعدين هو بعده ما فكر صح ؟؟! سيف : ههههههه .. صح .. أنا أبى أمايه تخطبلي وحدة قمر 14 .. بس مب أحينه .. بعدني ياهل .. محمد : سير مناك لاااه .. أونه ياهل .. أخو ربيعي عمره 20 و عرس .. سيف : إن شا الله عقب مهرة أنا بعرس .. عيسى : أما أنا فخلووني فحالي .. صح .. أنا بسافر ويا ربعي السبووع الياي . بو محمد : وين بتسيروون ؟؟! عيسى : عندنا إجازة .. و بنسير لبنان .. أم محمد : لااااه .. ما تشبر لبنان .. هناك المفاصيييخ على كيف كيفك .. عيسى : أوهووو .. أمايه جنه أنا ما عندي شغله أشوووف الفاصيخ على قولتج .. بو محمد : و متى بتردوون ؟؟! عيسى : يمكن انتم اسبوووع ولا اسبوعين .. بو محمد : زين زيين .. لازم تاخذون رااحة .. .............. . . . . . . . عند البنيات .. شيخة و مهرة يالسات يرمسن عن علي أخو شيخة اللي هو خطيب مهرة .. و عواش يالسة تدرس .. شيخة : اليوم علااوي بيي هني .. مهرة : و الله ؟!؟؟! شيخة : هيه .. عواش : و محد بيي وياه ؟؟!! ما بييب ميثوووه ؟؟! شيخة : ما أدريبه .. عواش : يااااارب اييبها .. مهرة : انتي خليج ويا دراستج . عواش : اللي يسمع يقول داشة علمي .. إلا أدبي .. و بعدين أنا أعرف مصلحتيه .. و عندي كتب ولد خالتيه ما شا الله عليه ياب 85 .. و ما كان يدرس ذاك الزووود <<<< تطري حمدانوو مهرة : حشى مب كلمة قلتها .. كلتيني .. شيخة : هههههههههههه ... و بعد شوي سمعوا صرااخ ياهل .. شيخة : وييه خالد نش من الرقاد .. ربعت صوب غرفتهم |
الجزء التاسع .. اليوم : السبت .. الساعة : 5:30 العصر .. المكان : دبي .. بيت قوووم يدة فطووم .. (( أم أبوها )) .. أول شي قبل ما نبدى نقول الأحداث .. أعرفكم عليهم اللي هنيه (( فدبي )) .. اليدة : شيبتها متوفي .. اسمها موزة .. وهي ما عندها عيال غير بو راشد و مريم .. مريم : ريلها متوفي (( فحاادث )) و عندها بنت كبر فطووم اسمها الريم .. و اليدة تحب فطوووم وايد .. و مدلعتنها واااايد .. و اللي يرمس بكلمة وحدة عن فطووم تقص لسااانه :p <<<<< حماااية فعالة ترى لعلمكم محد يرووم يناقشها فشي هاااي .. المهم نكمل القصة .. توهم قوم بو راشد واصلين ظهرت فطووم وهي متكسرة شلت شنطتها و نزلت .. و على طوول سارت عند يدتها .. و سلمت عليها و يلست وياها .. بعد شوي يت عمتها مريم .. مريم : هلا و الله تو ما نور البيت .. أم راشد : منور باصحابه .. شحالج مريوووم ؟؟! مريم : بخير يسرج الحال .. شحالكم إنتوا ؟؟!! (( طبعا تعرفوون إنهن أحينه يالسات يتباوسن ^.^ هالرسمة دووم تنقال عند التبوييس )) .. أم راشد : بخير ربي يسلمج . و أحينه يه دور فطووم .. نشت و تمت تباااوس بعد .. مريم : شحالج فطووم ؟؟! وينج لبش ما تيينا ؟؟! فطوم : لا ذاك كان أول يوم رمستيه تنسمع .. أحينه فطووم قري فالبيت كبرتي .. اليدة : ما عليج منهم حبيبتي .. إنتي يوم تبين تيين خبريني و أنا أشووف كيف ما يخلوونج تيين .. فطوم تعرف إن هالرمسة بتنقال .. ^.^ فتمت اطالع امها بطرف عينها .. و تظحك . فطووم : عيل وينها الريامي ؟؟! مريووم : يالسة تتعدل تبى تسير المووول .. فطوم : اهااا .. بسيرلها .. سارت فطوم فوق عند الريامي .. دشت عندها كانت لابسة عباتها و شيلتها و كل شي و يالسة تعدل الجحااال .. الريم : هلا .. هلا .. هلا وغلا .. فطوووم : أهلييييين حياتي .. شحالج ؟! الريامي : بخير يعلج الخير .. فطوم : ها ويين ؟!؟ الريم : و الله كنت بسير المول .. بس أحينه برااايه .. بتم ويااج . فطوم : لا لا لا عادي سيري ... الريم : لا ما بسير .. خلاص انتهى الموضوع .. تعالي خبريني شو استوى ويا حبيب قلبج ؟! فصخت عباتها .. (( و كانت بدلتها رووووووووعة ^ـــــــ^ )) .. و شيلتها .. و يلسن هي و فطووم .. الريم : يالله قولي .. شو استوى ؟؟! فطوم خبرتها كلللللللل شي .. من أول ما زعلت منه و لين أمس يوم رمسته .. الريم : خخخخخخخخ يالله فلم هندي انتي و هزاااعووو .. فطيم ما أدري شو عايبنج فيه .. شخصيته مب ذاك الزوود .. لكنه وايد حلو .. أعترف يعني .. فطوم : أدري إنه وايد حلو بس ريامي أنا ما يهمني شكله .. صدقيني ما يهمني .. الريم : بس شخصيته مب ذااك الزوود بعد .. فطوم : فطوم أنا عايبتني شخصيته .^.^. الريم : مشكلتج إنج ما تسمعين رمستيه .. أقولج هزاع ما ينفعج .. أبداااا .. فطوم : خلينا من هالسالفة أحينه .. تعالي ننزل تحت ؟! الريم : لا لا عقب .. دقي حق هزاع أحينه .. فطوم : وييييييييه .. ذكرتيني أمس قالي إنه بيي عندنا اليوم ياويلي .. تعالي بدق له بسرعة . و دقت له .. فطيم : هلا هزاع .. هزاع : هلا حياتي .. (( و الريامي لاصقة اذنها بالتلفوون )) فطيم : هزاع إنت أمس قلت بتينا .. هزاع : هيه.. بس انتوا فالبيت ؟؟! فطيم : ترى دقيتلك عسب أخبرك إن نحن مب فالبيت .. خفت إنك تسير و عقب .. هزاع : ههههه .. لا لا تراني دقيت اليوم حق أخوج و سألته .. فطيم : اهااا ... الحمد لله ريحتني .. هزاع : فديت قلبج .. (( و الريامي تسمع ^.^ )) |
الجزء العاشر .. فبيت اليده بعدهم .. نزلن البنات عسب ريموه تسلم على حرمة عمها .. و عقب العشى ظهروا قوم بو راشد .. يوم ظهروا سارت الريامي فووق و بدلت ثيابها .. و على طوول رقدت .. باجر دوااام .. و لازم ترقد مبجر ..^.^ .. اليوم : الأحد .. الساعة : 3:00 الظهر .. المكان : سيارة قووم فطووم .. فطوم يالسة فالسيارة هي و حمدان .. رن تلفونها .. فطوم : هلااااااا هند .. تمت تسولف ...و عقب يوم خلصت .. حمدان : حشى ما بغيتي تخلصين . قالت فطوم وهي تحط إيدها على خصرها .. فاطمة : يه .. وانت شلك ؟! حمدان : لا ترمسيني جذا .. انا ماحب المياعه .. فاطمة : حرمتك هي المايعة .. هب أنا يا جليل الحيا .. حمدان سكت عنها .. و تم يتعبث بتلفونه .. لين ما وصلوا للبيت .. نزلت فاطمة و نزلت كتبها و اللاب توب وياها و دشت البيت .. و يوم هي فالصالة (( اللي تحت )) سمعت صوت نورة .. حرمة سلطان .. فطوووم فخاطرها : الله .. نوير عندنا .. سارت فوق تربع .. و شافت نورة يالسة فالصالة و ترمس بالتلفووون .. سلمت عليها .. و ما أعرف شو .. عقب يوم سكرت نورة ... قالت .. نورة : فطيم .. شي مفاجأة .. ^.^ فاطمة : شو .. إن شا الله يكون اللي فبالي .. و تأشر على بطن نوورة .. نورة : هييييه .. حامل .. فاطمة : فدييييت حرمة أخويه .. بالمبارك فديتج . نورة : الله يبارج فيج .. فاطمة : اللــــــــــــــــــه ..بستوي عمة .. نفس الوقت .. فبيت راشد .. زهوور حرمة راشد يالسة فالصالة ,.. اطالع تلفزووون .. و فجأة نزلت دمعتها على خدها .. مر راشد و هو توه متسبح و متعدل و حالته لله .. و شافها على حالتها ذيج ..سار وقف عدالها .. راشد : شبلاج زهرة ؟! زهرة : مماشي .. مسحت دموعها .. و ابتسمت له .. راشد فخاطره : يا حليلج يا زهوور .. زهرة : صح .. راشد ما خبرتك .. نوروو ختيه حملت .. راشد : (( عسب جذا تصيحين هاه !!! )) ما شا الله.. بالمبارك .. زهرة : الله يبارج فيك .. أقول نوير أحينه فبيت قوم أبووك خلنا نسير .. أبى أيلس عندهم .. راشد : إنتي تامرين أمر .. سيري تزهبي و أنا أوصلج طال عمرج .. ابتسمت له زهرة و سارت غرفتها .. (( يالله .. يالله ارزقني ولو ولد وااحد .. بنت وحدة .. ما أبى أكثر .. يالله ترزقني ولو ولد واحد .. يسدني .. واحد يسدني )) .. اليوم : الأحد .. الساعة : 5:00 العصر .. المكان : بيت بو هزاع .. ربعت هند تحت .. هند : أمااااايه .. نورو ختيه حااااااااااااااااااااااامل .. أم هزاع : الله يبشرج بالخير يا ويه الخير .. منو خبرج .؟! هند : فطووم فديتها خبرتني .. أم هزاع : هييه .. نورة عندهم ؟!! هند : هيه عندهم .. و باجر لو مايتنا بقصبها .. أم هزاع : وينه هزاع ؟! هند تأشر ع فووق .. : فغرفته .. ظهرت أم هزاع فالحوي و هند سارت فووق ترد ع التلفووون ... هند : ألوووو .. عيسى : السلام عليكم .. هند : و عليكم السلام و الرحمه .. عيسى : هند ؟!!؟؟! هند : هيه نعم .. منو ويايه ؟! عيسى : عيسى ولد عمتج .. هند : هلا عيسى .. شحالكم ؟! عيسى : تمام ربي يسلمج .. و من صوبج ؟! هند : بخير ما نشكي باااس .. عيسى : يعله مديم .. هند : وياااك ولد عمتيه ... عيسى : عيل وينه هزاع ؟!!؟؟! هند : لحظة .. سارت هند غرفة هزاع .. و ذااك كان راقد .. ردت هند و هي تتعبث بقصتها .. هند : عيسى .. عيسى : (( الله .. ^.^ )) هاه .. أقصد هلا ...!!! هند : (( غرييييب 0_0 )) هزاااعو راقد .. عيسى : أنا دقيت على تلفونه شفته مغلق عسب جذا دقيت عالبيت .. هند : أوكيه .. أنا بوعيه و بخليه يسويلك تلفووون .. عيسى : أوكيه فديـ .. اااا .. سلمي على خالي و حرمته .. هند : (( و الله أنه غريييييييب .. )) يبلغ .. عيسى : يالله فداعة الله . هند : مع السلامة .. هند فخاطرها : و الله إنه غرييييييييييب ... ههههههه .. حليله ولد عمتيه .. نفس الوقت فبيت بو محمد .. فغرفة سيييف (( من زمان ما ييناه )) .. سواف الله يسلمكم يالس ع المسن .. يرمس الربع .. عقب شوي رن تلفوونه .. شاف الرقم .. منو ها ؟! ما عرفه منو .. سيف : هلا .. **** : هلا و غلا .. ها تلفوون سعيد .؟! سيف : لا ختيه أكيد مغلطة .. **** : أوو .. اسمحلي أخويه . سيف : لا ما عليه .. يا الله باي . **** : باي . بعد خمس دقايق ... نفس الرقم .. سيف : أوهووووو .. شو هالمغثه .. ؟؟؟!!! رد عليها : نعم ؟! **** : ها تلفوون سالم ؟! سيف : لا ختيه ... ها مب تلفوون لا سالم و لا سعيد . **** : أوو سوري عالمغثه . سيف : لا عادي .. باي . **** : بباي . بعد عشر دقايق ........ نفس الرقم ^.^ .. سيف : الله ياخذ اللي مخليج تحبسين علي .. رد عليها : ألو . **** : ها تلفون راشد ؟!!؟!؟! سيف : أوووووففففف ... لا كم مرة نقول لا . **** : عاد انته افهمها .. سيف : فاهمنها عدل ... اسمحيلي ختيه أنا ما أحب هالسوالف .. و إن دقيتي ثاني مرة بتشوفين شي ما يسرج ... و قبل لا يمكل جملته كانت البنية مسكرة ... سيف : حشى ما استوت .. دشت عاشة عليه فجأة و غطت عينه ... سيف : هههههههههه ... مهاري .. أعرفها حركاتج .. خوزي خوزي مكشوووفه .. خوزت عاشة عنه وهي تقول .. : لا لا ما كشفتني .. أنا عواااشه .. سيف : عويييشووو ...شخبار الدراسة ؟؟!! عاشة : هم و نكد .. الله ياخذ اللي حط المناهج . سيف : ههههه .. برايه ..ما شي .. إلا كم شهر و تخلصين .. عاشة وهي اتحط راسها فالكتاب : 3 شهوووووور .. شهر مدرسة و شهر دراسة و شهر امتحانات .. إهئ أهئ .. سيف : خخخخخخخخ .... يالله إلا أدبي ... عاشة : إنزين أقولك .. علي أخو شيخة فالميلس ارووحه .. سير عنده .. سيف : إنزين .. سكر الكمبيوتر و نزل تحت .. الميلس .. (( ترى علي كان عندهم من يوم السبت .. ^.^ |
...|[يسلموو [ع] الطرح ]|... |
ثانكس ع البارت الحلو ونتريا التكمله من صوبكم |
يسلمووووووووووووووووو |
مشكوره على القصه |
| الساعة الآن 10:59 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir