|
اذًا الـٌعٍذِاَلٌ زَادٍوٌ زًادِ طٌيٍبًي .. ~ . . . http://im78.gulfup.com/rMnaoN.png السلام عليكم و رحمه الله و بركاته بسم الله نبدأ . . وننتهي . . أحياناً تراودنا بعض الذكريات السعيدة .. ذكريات ,عن أيام عشناها .. احتوتنا ,واحتويناها! كنا نعيش ربما في حُلم .. أيسعني كإنسانة طبيعية .. وبكامل قوايْ العقلية أن أتحمل ذلك؟ أعجز عن ذلك! أعجز عن التمتع بالتأمل في ذكرياتي .. بغض النظر عن كونها ,سعيدة أو مؤلمة! أتظاهر أنني لم أفكر .. أتظاهر أنني لم أتذكر! أحاول أن أشغل نفسي ,بأي شيء آخر .. أجرب أحدكم مرةً ,بأن يُمثل على نفسه ,لنفسه؟ أن يتظاهر بأنه لا يسمع ما يُقال ؟ لا يرى ما يجري ؟ وإن كان يجري له! وإن كان منه .. أقف أمام المرآة ,وفي حركة سريعة .. أُسرح خصلات شعري .. أتظاهر بأنني لا أرى مما في المرآة شيئاً! أتظاهر بأنني لا أرى أحداً يبكي .. أتجاهل نفسي ,لأجلي .. يُقال بأن أسلوب التجاهل ,نافعٌ جددداً! هل تظنون أنه سينفع معي؟ قبل البدء . . هاي روايتي الاولى بعرضها لكم و ان شاء الله تعيبكم |
. . . البـارت الاول . . http://im78.gulfup.com/rMnaoN.png موزه :- فتحت عيني بكسل صديت الصوب الثاني ما شفت سيف عندي .. طلعت برع الحجره و اتجهت لحجره محمد لقيته ويا البشكاره اتلعبه .. اتقربت منه و شليته موزه حبيت خده : فدييت ولدي انا حبيب امك انته , صديت صوب البشكاره : اكلتييه ؟ ميري : هيه ماما سوي اكل سوي سبح كل شي خلاص موزه ابتسمتلها : اوكيه , خلاص سيري بتم عنده ميري : جين ماما شليت تلفوني و اتصلت لسيف .. سيف : هلا موزه موزه : اهلين , وين دارك من صباح الله خير , نشيت ما لقيتك سيف : سرت الحلاق , نسيتي اليوم الخميس لازم اكشخ موزه حست بوزي : هيه ماعليه , حمود متوله عليك شعنه ما شليته وياك سيف : الله يهديج كيف اشله وياي , المهم اتجهزي لانه بنسير نتغدى بيت اميه موزه : شوووه ؟ وليش ماخبرتني قبل ؟ سيف : تراني خبرتج الحين موزه : اسمحلي مب سايره , بسير بيت امايه سيف : لا حول , موزه لا تعاندين قتلج بنسير بيت امايه , بنتغده عندهم و عقب بنزلج بيت امج موزه تأففت : انزيين انزييين زقرت ميري و قتلها اتشل محمد عشان اسير اتلبس , لبست مخوره وحطيت شوي مكياج رفعت شعري كله سمعت صوت هرن السياره عرفت انه سيف وصل لبست عباتي و نزلت تقريبا عقب نص ساعه وصلنا . . سيف : نزلي بسير اصلي و برد موزه تنهدت : زين لا تتأخر نزلنا انا و ميري و محمد , دخلت داخل وانا كارهه عمري , ماحب ازورهم وايد دخلت الصاله شفت عمتي و عمي ( بو سيف و ام سيف ) و خواته عاشه و حصه , و اخوه عبدالعزيز موزه : السلام عليكم الكل : عليكم السلام حبيت راس ام سيف و ابو سيف : اشحالكم عساكم الا بخير ابو سيف : الحمدلله يا بنتي انتي اشحالج موزه : الحمدلله بخير ام سيف تطالعني بنظره حقد : عيل وينه سيف موزه : سار المسيد يصلي ام سيف : هيه زين عبدالعزيز يرحبي بأبتسامه عريضه : هلا والله هلا بمرت اخوي الغالي موزه : هلا فييك , اشحالك يالذيب ؟ عزوز : ههههههه بخير الحمدلله , شل محمد عني : محد الذيب غير حمووود طالع عليه فديت خشمه موزه اطالعته بطرف عيني و ضحكت : لالا ولدي طالع عليه جميل ام سيف : لعنبوج كل ما قلنا شي قلتي ولدي و ولدي , تراه ولد ولدنا بعد موزه تنهدت : ما قصد شي عمتي , تراني امزح وياه بو سيف : الله يهديج شوه ياج يا ام سيف تمت تتحرطم و طلعت من الصاله ولحقها بو سيف . . عبدالعزيز يطالعني وهو قافط : ماعلييه موااز امسحيها ف ويهي , اميه تدريبها من يوم يومها جي بس تراها طيبه و ماتقصد شي موزه ابتسمتله : ماعليك دخل سيف و حسيت براحه بوجوده .. شافني و عرف انه الوضع متكهرب لانه يعرف طبع امه سيف : السلام عليكم ردينا عليه : عليكم السلام سيف : ها لا يكون تغديتو و ما تريتوني عزوز : هممممممك بطططنك انت سيف فلعه بـالمخده : ههههههه اكيييد صد صوبي : وينه حمود ؟ موزه : حصوه شلته تبا تصوره سيف : عز الله خبلتبه , هي روحها خبله موزه : ههههه حرام عليك رن تلفوني كانت ميره اختيه متصله فيني . . موزه : حي الله هالصوت ميره : ربي يحييج , ويييينج انتي ؟ ذبحتييينا من اليووووع ؟ ما حيدج ساكنه المريخ موزه قلت بحزن : تغدو حبيبتي بالعافيه عليكم , لاني انا ف بيت عمتي بتغدى عندهم ميره : عمممممت عييينها ان شاء الله , الصراحه ماعندج سالفه سايرتنلها موزه يودت ضحكتي : هيه ماعليه يبلغ وانتي بعد سلمي عليهم ميره : يااااااااااويييلج جان سلمتيي عليها عيوز النار , وحاسبي عن لا تحطلج يسم ف الاكل يلا باي موزه : ههههههه باي ميروه دخلت حصه و دخلت وراها خالتها و بناتها مريم و ميثـا , سلمو و يلسو يسولفون عزوز و سيف طلعو سارو صوب الشباب . . ام مريم : وانتي ماتبين تمتنين ؟ الصراحه جسمج مول مب حلو وايد ضعيفه شوه سيف ما يتشكى منج موزه قلت ف خاطري ( استغفرالله ما صدقت افتك من ام سيف طلعلتي هاي ) رديت عليها عشان استفزها : لا بالعكس سيف عايبنه جيه ام مريم تحيس بوزها : هيه زين دخلت البشكاره و قالت انه الغدا جاهز سرنا اتغدينا عقب اذان العصر اتصلت ف سيف و خبرته اني ابا اسير بيت اميه حصه تبوس محمد : لا تقطعييين , تعاليلنا بعد موزه بدون نفس : ان شاء الله حبيبتي , صديت صوبهم : مع السلامه حصه و عاشه ردو عليه : ربي يحفظج حبيبتي ف السياره تميت طول الدرب ساكته و متنرفزه من ام سيف و اختها , ياربيييييه مادري لين متى بستحملهم , وصلنا بيتنا قبل لا انزل سيف يبوس محمد : ديري بالج عليه موزه فتحت باب السياره و نزلت : زين دخلت داخل شفتهم متيمعين ف الصاله ( خواتي ميره و عذيجه و فاطمه , و اخويه زايد ) دخلت وانا مستانسه هالويوه السنعه حبيت راس اميه و ابويه و يلست صوبهم ابويه : عيل وينه ريلج ليش مانزل وياج ؟ موزه : عنده شغل ابويه وقالي اسلم عليكم و بيكم عقب ان شاء الله ابويه : هيه زين , عن اذنكم بسير ارتاح شويه ف الحجره موزه : خذ راحتك ابويه اميه : ها مووزه شحالها عمتج ؟ موزه بقهر : لا تسأليني عنها اميه , كفايه اللي سوته فيني اليوم , لا تذكريني فيها , خليني استانس وياكم اميه تحرك راسها : حسبي الله ونعم الوكيل عليها مادريبها متى بتفكنا من شرها ميره تلاعب محمد : حموووودييييي حبيييبييييي قوووول مييييره الجملييييه يلااا قووول زايد يطالعها بطرف عينه : حمود حبيبي قول مييروووه الخسفه ميره تضربه ع جتفه : لا تعلم الولد هالكلام اللي ماله معنه زايد : هههههههه عيل ميره الجمليه ها , قصي ع الولد انتي ميره : اوووهووو اميه جوفي وللللدج خلييه يسكت عني زايد يضربها ع راسها بالخفيف : هههههههههه اسولف يالجمليه ميره تطالعه بطرف عينه : جب مر هـاليوم على خير , اتصلبي سيف و قالي انه برع , سلمت عليهم و طلعت , وصلنا البيت , وديت حمود حجرته لانه راقد و قلت لميري اتم عنده يمكن ينش يصيح دخلت الحمام سبحت طلعلتي بجـامه لبستها سيف : بلاج ؟ من طلعنا من بيت اميه ما نطقتي بكلمه ؟ موزه ( تجاهلته ) سيف : حوووه , مواااز اكلمج ؟ موزه ( صديت صوبه ) و قلت بعصبيه : شووووه تبااااني اقووووولك ؟ ولا بالاساس كييف تباني اكوووون ؟ تباني استانس ع معاملة امك و خالتك لييي ؟؟؟ رصيت على ضروووسي : طفرررررررت منهم سييف وانت ولا ع البال , قلت بحزن : متى امك بتتقبلني ؟ خلاص تراني ام حفيدها , ضحكت بستهزاء : حتى محمد ؟ ما تسويله سالفه لانه ولديييييي , خبرني كم تباااااننني استحمل سيييف ؟؟ سيف تقرب مني و حضني و باسني على راسي : انا اسف حبيبي , مب قصدي ازعلج , هي اتصلت فيني وقالت تعالو للغدى ماحبيت اردها , انا اسف موزه غمضت عيني و انا مقهوره : حصل خير كـات ( نهاية البارت الاول , اذا عيبكم البارت الاول بكمل الرواية ) |
حلووو البارت مشاء الله ابدعتي فالكتابه وكتابه اولى حلووه بس نقطه ابي اوضحها لج لا تتتحدثي بس عن شخصيه وحده عن اكثر من شخصيه اوكي البطله موزه مثلان ميثا مريم والعاش خوات البطله وجي لاتخلي بس المحور على البطله نفسها لأن الكل بيمل وبتصير الروايه قصير ومب حلووه واصلا ماافي احداث تذكر واايد المهم عجبني التنسيق ومشاء الله عليج ابدعتي دوووم فديتج هالإبداع نترياج السموحه منج تحياتي:دااانه غير |
دانه غير نورتي الروايه فديت خشمج . . حبيت تعليقج .. ان شاء الله البارت الثاني بيكون غير و بتكلم عن كذا شخصيه لانه البارت الاول و ماحبيت ارمس فيه وايد ^^ .. شكرآ لج 3> |
مبدعةة فديتجج ، الله يوفقج ، إلى الآمآم عريرتي ، لأ تبطين 😳💖 |
وااايد حلو البارت تسلم اناملج |
. . . البارت ( 2 ) http://im86.gulfup.com/yMRHJZ.png يوم الجمعه طلعت ميره بموترها ويا عذيجه و فاطمه و اتجهو لـ بيت عمي . . ميره شلت تلفونها و اتصلت في سلامه بنت عمي : سلاموه ويهد خسسسسنا بررررع طرشي البشكاره تفتح البااااب سلامه : عليكم السلام و رحمه الله , جان دقيتي هرن انزييين ميره : ياربييييه الحين لا اطولين السالفه و طرشي البشكاره تفتح الباب سلامه : زين زين يلا بندي فتحتلهم البشكاره و دشو داخل , بما انه اليوم الجمعه و كل جمعه نتيمع بيت يدوه , فـ ماكان في حد في البيت غير سلامه ميره تنافخ : حششى , صدقيني اخر مرررره امر علييييج سلامه : ياربيييه يا ميروه بتذليني الحيييين ؟؟ ميره تشرب شـاي : يلا يلا تلبسي بسرررعه سلامه : زييين لا تحنيييين افففف اتلبست سلامه على السريع , لبست عباتتها و نزلت سلامه : يلااا خلونا نطلع في بيتنا . . كنت يالسه ادخن سيف و هو ما شل عينه عني قلتله : تراك كلتني بعيونك , اول مره تشوف وحده حلوه ؟؟ سيف لوى عليه : اول مره احب , ( باس راسي ) : الله يخليج لي و يخليلنا حمود موزه ( ابتسمتله ) : امين حبيبي رن تلفون سيف , عبدالعزيز متصلبه . . سيف : هلا عزوز عبدالعزيز : اهلين بو حمود , ها وين داركم ما بينتو سيف : في البيت , موزه بتسير بيت اهلها و يمكن عقب انيكم ( اطالعته و حركت صبعي بمعنى لا ) عبدالعزيز : هييه زين , المهم انكم اتون لو 5 دقايق تعرف اميه بتزعل و بتسويلكم سالفه سيف : ان شاء الله عبدالعزيز : يلا عيل بخليك , سلم على موزه سيف : يبلغ موزه رفعت حياتي : سيييف ؟ لا تقولي بعد بتوديني بيت اهلك , انا مب سايره سيف يحرك راسه : لا حول , خلاص يا بنت الحلال بسير روحي موزه نافخت : زيين , بسير البس حمودي عشان نطلع في بيت يدوه وصلن قوم ميره و زايد كان واقف عند الباب من شاف سياره ميره داشه شق الحلج . . زايد شاق الحلج : حي الله بنت عمي سلامه ردت عليه بحيا : ربي يحييك زايد : اشحالج ؟ سلامه : طيبه طاب حالك , انت شحالك ؟ زايد : بخييير دامج بخييير ميره تشوفهم بطرف عينها : اقوول مب من زين الجو , تراني فطست من الحر طوفو خلونا ندخل زايد يضربها على جتفها : دومج داشه عرض ميره : جب جب نزلني سيف بيت يدوه و سار بيت امه و شل حمود وياه , تنرفزت منه يوم قال بيشله وياه , بس ما باليد حيله مارمت امنعه لانه مثل ما هو ولدي تراه ولده . . في بيت ( ام سيف ) دش سيف داخل و كان شال حمود , من شافته مريم سارت صوبه مريم بدلع متصنع : حبيبي حموود تعال عند خالوه سيف مبتسم : جان زين لو اتشلينه لاني بسير اصلي مريم تمد ايدها : تعال حبيبي سيف : مريم ديري بالج عليه بسير اصلي و برد ما وصيج عليه مريم : افا عليك لا توصي حريص طلع سيف و وياه عبدالعزيز , مريم شلت محمد و دخلت الصاله , حصه من شافته ربعت صوبه حصه : حبييييييييبيييييييي , تكلم مريم : منوه يابه ؟؟ مريم : سيف حصه : عيل وين موزه ؟؟ مريم تحيس بوزها : وانا شدراني حصه تكلم محمد : ياروح عمتك انت الله يحفظك حبيبي مريم تشوفها : ماحس انه وايد جميل يعني عشان تقولين الله يحفظك حصه رافعه حياتها : نعم مريم ؟ تراه ياهل واكيد بدعي انه الله يحفظه مايخص الجمال ؟ وتراه جميل ما شاء الله مريم : وع خسف نفس امه حصه عصبت : مريم بس عاد ! تراه ياهل مريم : سيري لاه طلعت مريم , دخلو ميثا و عاشه عاشه تبوس محمد : عيل وين سيف و موزه حصه : مادريبهم , سيف يايبنه على ماعتقد موزه مب وياه عاشه : لحظه بتصلبها شلت تلفونها و اتصلت في موزه عاشه : مرحبـا مرت اخوي موزه : مرحبتين حبيبتي عاشه : شعنه مايتي ويا ولدج ؟ ولا راسج كبر ما تبين اتينا موزه : لا حبيبتي ما يخصه , بس لاني سرت بيت اميه عاشه : هيييه , هذوه محمد عنا , سيف يابه و سار يصلي موزه : ودررررره عندكم و سار ؟؟ عاشه مستغربه : بسم الله , بلاج موزه ؟ تراه مخلنه عنا مب عند حد غريب موزه اتوترت : لا حبيبتي ما اقصد , بس تدرين لانه اول مره محمد ايكم بدوني , اخاف عليه عاشه : هييه , ماعليج حصوه ما بتقصر ( حصه تزاعج ) : ماعليييج موزه انا امه الثانيه بغيااابج موزه ( ضحكت على خبال حصه ) هههه زين حبيبتي بخليج عيل , ديرو بالكم عليه عاشه : ان شاء الله سكرت عنها وانا قلبي مب مطمن , ابا ولديي , اباه يكون جدام عيني ميره تحرك ايدها على ويهي : موزاااااان وين وصلتي الغاليه موزه : وياكم ميره : اي ويانا الله يخلييج , سمعي عقب الغدا بنسير انيب محمد البيت مب شي بدونه موزه : انزين عذيجه : هييييه والله اتولهت على حشرته موزه : بس صخن لا تعورون قلبي زياده عقب الغدا يلسنا فالحوي , الجو كان غاوي , مش وايد برد ولا وايد حر . . عمي بو سلامه : الصراحه انا ناوي اسافر , و قلت بشلكم ويايه تغيرون جو , شوه الراي ؟؟ سلامه شقت الحلج : احححححححححححححححححلف ابووووويه ؟؟؟؟ عمي بو سلامه مبستم : والله سلامه : الللللللللله وناااااااااسه , ابويه دخيلج لا تغير رايك , من زمان ما سافرنا عمي بو سلامه : من هالعين قبل هالعين موزه : واناااا ؟؟؟ فاطمه : تعاالي ويانا موووزه عذيجه : صح موزه , كلمي سيف و خبريه انج بتين وياينا موزه : وابويه مايهون عليه اخلي ريلي روحه ميره عفدت : موااااز دخيييلج بلا دراما , كلمييييه بنسير نستانس نغير جو موزه : زين ماعليه , بكلمه ميره : اقنعيييييييييه بذاك الاسلووووب موزه : هههههههه لا تحسسيني ابويه : ميره صخي عن البنيه , يصد صوبي : فديتج كلميه بس لا تحنين اذا ماطاع برايه السفره اليايه ان شاء الله بنشلج ويانا موزه ابتسمتله : ان شاء الله ابويه , صديت صوب ميره : قومي بنسير انيب محمد ماروم اتريا اكثر ميره : يلا طلعنا من البيت , ميره اللي تسوق , اتصلت في سيف و خبرته اني بسير اشل سيف , تقريبا عقب ربع ساعه وصلنا . . ميره : ماشاء الله , ماحيد بيتهم هالكبر , متى كبروه موزه : الحين البيت بيطيح عليهم من عينج ميره رفعت ايدها على اساس انها تدعي : يارب يطيح على راس عمتج , قولي امين موزه ( ضربته على حتفها ) : يالحيوانه لا تدعييين مب زيييين ميره : زين يلا يلا سيري هاتيييه لا تتأخرين موزه : اف انزييين دخلت داخل ما شفت ام سيف ارتحت من الخاااااااااطر , دخلت الصاله شفت حصه و عاشه و مريم و ميثا . . من شافني محمد تم يأشر بأيديه و يضحك , حبيبي متوله عليه , سرت صوبه و شليته موزه : السلام عليكم ردن عليه : عليكم السلام موزه : اشحالكم البنات : بخير موزه بلعت ريجي : عيل وينها عمتي ؟؟ حصه : طلعت ويا خالوه ام مريم , مادريبهم وين سارو موزه ( قلت في خاطري الحمدلله ) : ايواا صديت صوب مريم شفتها تطالعني بحتقار تجاهلتها . . موزه : زين يلا عيل انا مروحه عاشه : لالا تري بس 5 دقايق بيبلج سويت انا سويته , و بحط لخواتج بعد موزه : ليش متعبه عمرج حبيبتي ماله داعي عاشه : لا تعب ولا شي , كل مرت اخو عندي انا ؟؟ موزه ( حبيت اقهر مريم ) : وحده واللي هي انا عاشه تبتسم لي: فديت قلببج انا , ثوااني مريم ما رامت تستحمل الوضع شلت بعمرها و طلعت خـاري . . صوب عبدالعزيز اللي توه كان داش البيت لمح سيارة ميره قال في خاطره ( موتر منوه ها ؟ ) اتجدم صوب السياره وتم يواج جاف وحده يالسه . . ميره من جافته قالت ( صدق ما يستحي على ويهه مسود الويه ) نزلت الجامه ميره : خيييير اخووووي مضيع شييييييييييييييييي ؟؟؟؟ عبدالعزيز انصدم يوم جافها قال في خاطره ( ياربييه محلاها , منوه هاي ؟ ماحيد حصوه و عويش عندهم ربيعات حلوات ) : ها .. لا بس ميره عصبت : خيييييير ان شاء الله , مره ثانيه لا توااااااااااااااااااااايج في سياير الخلق لوووووووو سمممممممممممممحتتتتتتتت عبدالعزيز تم قافط و يحج شعره : انا اسف ميره اطالعته بنظره و رفعت الجامه , عبدالعزيز توه ياي بيدخل الفله طلعت في ويهه عبدالعزيز : اوه مرت اخوي هني موزه ابتسمتله : اشحالك ؟ عبدالعزيز : بخيير , الا بتخبرج انتي منوه يايبنج موزه : ميروه اختي , تترياني بررع عبدالعزيز نقع من الضحك : هههههههههههههههههههههههههه موزه استغربت : لييش ؟؟ عبدالعزيز خبرها السالفه موزه : ويديييييه ههههههههه , امسحها في ويهي عبدالعزيز : لالا انا ما زعلت , بس احسها زعلت خبريها اني ما اقصد شي ( غمزلي ) : تراها احلى عنج موزه : خوز عن دربي اشوووف عبدالعزيز : هههههههههههه ركبت السياره و ضحكت على شكل ميره شكلها صدق معصبه , خبرتها السالفه تمت تضحك على عمرها . . موزه : و قال انج احلى عني ميره بثقه : شي اكييييييد موزه : انا اقول انتبهي لسواقتج احسن لج ميره تكلم محمد : امك تغااااار منيييي ههههههههههههه مر هاليوم بسرعه ميره حنت عليه اني ابات عندهم اليوم لانه سلامه بتبات عندهم بس سيف ما طاع . . فاطمه : انا بسير اجهز الحلويات و العصاير , عذوج تعالي ويايه عذيجه : اوكيه , تصد صوب ميره و سلامه : لا تفتحون الفلم لييين مانرررررد ميره : انزييييين لا تاكلين قلبج عذيجه فلعتها بـ المخده و طلعت ميره ( تزاعج ) : انا براويج يا مسودت الويه فـ بيتنا . . عقب ما تسبحت , سرت يلست عند سيف كان يالس يطالع تلفزون موزه بخوف : حبيبي بقولك شي سيف : قولي موزه : جوف هو مب شي هو طلب سيف : انزين ؟ موزه : بس اخاف ترفض سيف : ما برفض موزه : احححححححلف ؟ سيف يطالعني بطرف عينه : مووزه ؟ موزه بحماس : انزين انزين بخبرك , الله يسلمك ابويه و اميه واخواتي و قوم عمي بيسافرون سيف : انزين ؟ موزه : بسااااااااااااااافر وياهم سيف : لا موزه : حبييييييبيييييييييييي ! توك اتقول ما بترفض سيف : لا موزه : انزين سافر ويانا ؟ حبيبي والله انا طفررت ابا اغير جو سيف بجديه : موزه ! خلاص قلت لا يعني لا موزه نشيت عنه : زييين سرت انسدحت على الشبريه شوي و يا سيف صوبي . . سيف : رقدتي ؟ موزه : لا سيف : جوفيني موزه بزعل : ابا ارقد سيف : يلا عاد جوفيني ! صديت صوبه , تم يحرك صبعه على ويهي غمضت عيني , باسني على خدي سيف : مابا اكسر بخاطرج , اذا تبين تسافرين وياهم سيري , بس انا مب مسافر وياكم موزه : ليييييييييييييييش ؟؟ سيف : حبيبي نسيتي الدوام ؟؟ سيري انتي غيري جو و استانسي موزه بحزن : بس كنت اباك اتي ويانا , بستانس اكثر بوجودك سيف رد باسني : ماعليه حبيبي , اوعدج اني بعوضج وبنسافر روحنا موزه انخشيت في حضنه : ان شاء الله اليوم الثـاني . . في بيت ( ام سيف ) . . عبدالعزيز كان منسدح على الغنفه و يفكر في الموقف اللي استوا بينه و بين ميره ( ماشاء الله علييها جميييله , لين الحين اتخيل شكلها , افف انا ليييش مب قادر اطلعها من بالي ) دخلو حصه و ميثا . . حصه : اللي ماخذ عقلك يتهنابه عبدالعزيز : ههههههه سيري لاه ! ميثا بحيا : منو ماخذ عقلك عبدالعزيز ؟؟ عبدالعزيز اطالعها بطرف عينه : عزوز لو سمحتي ! ميثا قفطت : انزين منوووه ؟؟ عبدالعزيز اتجاهلها : مايخصج , يكلم حصه : الا بتخبرج ميره اخت موزه كم عمرها ؟ حصه : هممم 20 على ما اضن ! عبدالعزيز : ايواااا يعني اصغر مني بسنه ! ميثا انقهرت : وانته شعنه تسأل عنها ؟؟ عبدالعزيز اتنرفز : ميثا وبعدين وياج ؟ ليش اترزين ويهج في شي ما يخصج ميثا صاحت : ماااااعليييييه عزوووووز مااااعلييييييه عبدالعزيز نش و طلع : اووووووووووه سيري لاااه ميثا تمت تصيح و حصه يالسه تهديها . . حصه : الله يهديج ميثوه شوه ياج ؟؟ انتي تدرين انه اميه محيرتنج لعزوز , لشوه معذبه عمرررج ؟ ميثا تكمل صياحها : اخوج مايحبني ما يحبننننننني حصووه , شفتيييه ؟ شفتييييه كيف يكلمنييييي ؟ حصه : ماعلييه صدقيني بتجوفينه متضايق من شي ولا شي ميثا : ................. حصه : خلاص عاد ميثوه ! ميثا ( تمسح دموعها ) : زين حصه ( تحضنها ) : جيه اباااااج |
كملي الروايه عيبتني ماشاءلله ❤️❤️ والبارت عجيب |
حلووو مشاء الله البارت مريم:كرييييه والله جلووبه ميثا:غمضتني بس يارب تكون احسن من مريم والله يرزقها بواحد ثاني وخليها لها قصه ودوور حلوو وبيني وبينج احسها بتكون سبب اذا صار شي لين موزه وسيف انها بتخبر موزه ان اختها سوت شي مااعجبتني شخصيتها الضعيف لازم تكون شخصيه قوويه وهي مااتبيع نفسها لعزيز ميره:والله انها خبله وعجبتني شخصيتها موزه:احسس شخصيتها واايد طيبه وشخصيتها بتوديها فالقاع ومريم بتسوي مشاكل لها ولسيف وسيف بتزوج مريم يوم بتسافر موزه حلووو البارت وعجبني اتمنى انج تنزلينه اتريا البارت تحياتي:دااانه غير |
رووووووعه ما شاء الله احس مريم بنسوي شي |
اليوم ان شاء الله بنزل لكم بارت ^^ . . اتريوني .. ~ |
ف انتظاررجج ! |
. . . http://im59.gulfup.com/LnzAmf.png اتصلت في ميره , عقب معاناه ردت عليه ~ موزه بغيض : مابغيتي الشيخه ؟ ميره : مووزووووووه ! انا ادري ادري محد يخرب رقادي غيرج , 12 مكالمه يالظالمه ؟ هييييي ابا ارقد حرام عليج موزه كتمت ضحكتي : قومي ابا اخبرج شي يونسج ميره : انخطبت ؟ ياني ريل ؟ موزه : ههههههههههههه بس ها اللي تفكرين فيه ؟ ميره : عطيني اللي عندج بسرعه موزه : سيف وااااااااااااااافق ! ميره : حللللللللللللللللللللفي ؟ موزه : والله ميره اتيبب : كلولولولولولوش موزه : ههههههههههه استخفيتي ؟ ميره شاقه الحلج : انزين جلبي ويهج بكمل رقادي موزه : ههههه باي في بيت اميه ~ نشت ميره و وعت البنات . . في الصـاله . . ميره : الا ابويه ما خبرتنا وين بنسافر ؟ ابويه : تايلند ميره : تااااااااااييييييييييلللللللللند ؟؟ ليييش ابويييييه ؟ ابويه : بلاها تايلند ؟ ميره حاطه ايدها على خدها : ترانا سايرينها , مليت منها عذيجه مبوزه : ابويه مالقيتو غير تايلند ؟ قول بريطانيا تركيا فاطمه داشه عرض : امريكا مثلن ميره تطالعها بطرف عينها : امريكا ؟؟؟ فاطمه بحماس : هييييييه ! ميره تحيس بوزها : ابويه ماعليك منهم , بس شوفلنا مكان ثاني ابويه نش و قبل لا يطلع قال : انا و عمج حجزنا خلاص اميه : والله انتو ما يندرابكم سلامه داشه عرض : مب ويهه سفر هذيل ميره حاطه ايدها على خصرها : صخي انتي ام السعف و الليف سلامه : ههههههههههههههههههه في بيت ( ام سيف ) . . ام سيف : تدرين بنات ام سعيد ياهم النصيب و عرسو ورى بعض , مع انه لا جمال ولا اخلاق ام مريم : هيييه يختيييه خبروني , ماعليييه عقبال بناتي و بناتج , و عقبال ما عزوز يخطب ميثا و نستانس فيهم ام سيف شاقه الحلج : ان شاء الله فديتج مريم داشه عرض : عاده متى يا خالتي ؟ نبا نرقص و نستانس ( تحيس بوزها ) : بس شكله عزوز مطول ام سيف : لا يا بنتي ماعليج من يشتغل بنخلص كل شي مريم : ان شاء الله رن تلفون ام سيف . . شافت المتصل حاست بوزها ام سيف : هلا موزه موزه : اشحالج عمتي ؟ ام سيف من غير نفس : بخير موزه : وين دارج ؟ شوه تسوين ؟ ام سيف : يالسه في البيت موزه ( استغفر الله حتى فالتلفون ماتعرف ترمس شرات الناس ) : هييه زيين , انزين عمتي بغيت اخبرج اني بسافر عقب يومين , توصين على شي ؟ ولا شي في خاطرج من تايلند ؟ ام سيف : والله عاد اللي بيب شي ما بيسأل اذا شي في الخاطر ولا موزه ( سويتلها مالت بايدي ) : لا عمتي ما اقصد جيه , اكيد صوغتج بتوصلج لين عندج , بس انتي مب في خاطرج شي معين ؟ ام سيف : لا مشكوره موزه ( الله يغربل ابليسي شوه اللي خلاني اتصل فيها ) : زين عمتي , انا بخليج الحين ام سيف : باي عنبوه ! حتى اتسيرين و اتردين بالسلامه ما قالت لي ! مالت بس مالت .. نشيت غيرت ثيابي و غيرت ثياب حمود لانه سيف قال بنطلع . . تقريبا عقب ما خصلت اتصلبي و قال انه برع . . شليت محمد و طلعت في السياره . . موزه : وين بنسير حبيبي ؟ سيف : مفاجأه موزه بفضول : انزين وييين سيف : صبري شوي لا تستعيلييين موزه : انزيييين ! عقب نص ساعه وصلنا .. منتجع باب الشمس , سيف كان حاجزلنا بنتم يومييين هني , سار الرسبشن و كلمهم و عقب ودونا لين الحجره . . حطيت حمود على الشبريه لانه كان راقد . . تميت ادور اجوف المكان عيبني وااااااااايد كان حاجز حجره ديلوكس و الديكور وايد حلو . . سرت صوب سيف موزه : وايد حبيت المكان سيف مبتسم : طبعا لانه من ذوقي موزه ضربته على جفته : يلااا عااااد سيف حضني : ابا استانس هاليومين وياج لاني توله عليج وايد موزه حطيت عيني في عينه و ايدي ورى رقبته : وانا بتوله عليك اكثر سيف باسني على خدي : بدلي عشان انسير نشرب كوفي موزه : حمود راقد سيف يصد صوب محمد : فديته شكله تعبان موزه : هييه سيف يصد صوبي : بسير اسبح عيل انا , يمكن ينش حمود لين ما اخلص . . موزه : اوكيه حبيبي في بيت اميه زايد كان توه ناش من الرقاد دخل الصاله شـاف ميره و فاطمه و عذيجه و سلامه . . زايد : مساء الخير ردو عليه : مساء النور ميره : مساءك ميره الجميله زايد : اعوذ بالله ( صد صوب سلامه ) لو سلامه بنقول سلامه ( استحت و نزلت راسها ) ميره : عشتوووو , مالت بس مالت , اونها استحت بعد سلامه : ههههههه يا حيوانه ميره : زيود خبروك وين بنسافر ؟ زايد : تايلند ميره : اخيييج يعني تدري ! زايد يحرك حياته : هيه وانا اللي مودنهم عشان يحجزون ! و ادري انج مليتي من تايلند غياضن فيج قلتلهم بنسافر تايلند ميره تفلعه بالمخده: ننننننننننننننننذذذذذذذذذذذذذذذذللللللللللللل زايد : هههههههه دواج تستاهليييين ميره : ماعلييييه مااعلييييه يا زيووود بشوفك كيف بتاخذ راحتك ويا سلامه بتم ناشبتنلكم كل دقيقه و ثانيه زايد : ههههههههه في بيت ام سيف . . حصه و ميثا كانو يالسات في الحوي . . ميثا : وينه عزوز ماشفته اليوم ؟ حصه : والله يختيه مادريبه تراني مجابلتنج 24 ساعه ميثا : اتصليبه ؟ دخيلج بس بسمع حسه حصه تحيس بوزها : انزيين اتريي شلت تلفونها و اتصلت في عبدالعزيز خلته اسبيكر . . عبدالعزيز : ها حصوه خير ؟ حصه : اخوي الغالي وينك ؟ البيت مب حلو بدونك عبدالعزيز : اونه اونه ؟ عطيني من الاخر شوه تبين ؟ حصه : مالت عليك , والله اني ما اجاملك , لك وحشه ياخي تعال عبدالعزيز : لالا فيج شي انتي اليوم حصه : اوهو يلا يلا باي عزوز مب ويه كلام حلو عبدالعزيز : هههههههه على هالادب اللي نازل عليج ,تستاهلين اطلعج حصه : اااااااااااحححححححححلللللللللللللللللف ؟ عبدالعزيز : والله خبري ميثوه بعد حصه شاقه الحلج : انزيييييين عبدالعزيز : يلا خلصو بسرعه جريب البيت انا حصه : اوكيييه دخلو حصه و ميثا خبرو مريم و عاشه و تقريبا كلهم تلبسو و كانو جاهزين , اتصل عبدالعزيز و خبرهم يطلعون عبدالعزيز : وين تبون اتسيرون ؟ مريم : دبي مول عبدالعزيز : دبي مول اليوم ؟ لالا ماينفع زحمه عاشه : انيسير فيستفال عبدالعزيز : عليج نور اختي الصغيره عاشه : احم عبدالعزيز ( يطول على المسجل ) : سمعو سمعو الخشم سيف(ن) من عدن و الخد مرمر في صحن و عيونه موت(ن) لي بدن نظره و تذبحها الملا انا بحبك مقتنع قلبي بغيرك ما قنع انظر لحبك ما صنع بلاني في عشقه بلا انا بحبك مقتنع قلبي بغيرك ما قنع انظر لحبك ما صنع بلاني في عشقه بلا في بيت اميه . . ميره وهي تحط مسكرا : يلا يلا خلصو بسرعه سلامه : انا عن نفسي مخلصه عذيجه و فاطمه : حتى احنا سلامه حاطه ايدها على خصرها : انتي خلصينا الشيخه ميره ميره لبست عباتها و شلت شنطتها : يلا انسير طلعو البنات و سارو يتشرون حق السفر . . في السياره . . عذيجه : ميروه كلمي موزه جان بتي ويانا ميره : الزفته اتصلبها ماترد يمكن راقده سلامه : انزيين عادي بناخذلها احنا ميره : عاش غني عاش سلامه : ههههههههه في منتجع باب الشمس . . سرنا مطعم الحظيره . . طلبنا شي ناكله . . شوي و دخلت رقاصه . . غيضت من شفتها موزه : ويديييه هاي بلاها سيف ( صد صوبها و رد يجوفني ) : حبيبي شوه تبيبها ؟ مب يايين عشانها موزه بوزت : خلنا نرد الحجره سيف : اتعشي و بنرد موزه ( ما شليت عيني عنها ) : مسودت الويه سيف : موزه ؟ اتعشي يلا موزه : زيين زيين عقب العشى سرنا الاستراحه في الطابق الثاني و الجو كان روعه سيف كان يلاعب محمد و تميت اتأملهم و ادعي ان الله لا يحرمني منهم . . في المول . . عقب ما اتشرو البنات قالو بيتعشون في قصر الهند . . ميره : اوييييييييييييييييه عذيجه : بسم الله بلاج ميره : هذاااااا عذيجه ادور بعيونها : منوووه ؟ ميره تأشر : هذا عبدالعزيز فاطمه رافعه حياتها : عبدالعزيز ؟ ميره : اخو سيف سلامه : وانتي شعرفج فيه ميره خبرتهم السالفه . . سلامه : هههههه خس الله ابليسج عذيجه : انزين طوفو طوفو سو اعماركم ما شفتوه ميره بفضول : منوه هالبنات اللي وياه ؟ فاطمه : مادريبهم من زمان ماشفتهم , وحده فيهم احيدها اخت سيف نفس الشكل ما تغيرت ميره : اهاااا |
حبيييتها واايد واحسها بتكون عجيبة القصة ، بس ماحبيت لا ام سيف ولا مريم ولا ام مريم 💖 |
. . . http://im83.gulfup.com/mMtUIQ.png مرت الايام بسرعه .. ويا اليوم اللي بنسـافر فيه .. تقريبا كلنا كنا جاهزيين .. طلعنا من البيت متجهين للمطـار سيف : ديري بالج على عمرج و على محمد ما وصيج عليه موزه ابتسمتله : ان شاء الله حبيبي و انت بعد دير بالك على عمرك سيف : ان شاء الله من توصلين خبريني موزه : ان شاء الله سيف : الله يحفظكم ركبـنا الطيـاره حسيت بضيج لانه سيف مب وياي و هاي اول مره اسافر بدونه من عقب ما اتزوجت ميره : انا برقد موزه : ميروه لا تستهبلين .. سولفي ويايه ميره غطت ويها بـ شيلتها : صخي موزوه دومج حاشرتني في بيت ( ام سيف ) ام سيف : حي الله ولدي سيف .. توه ما نور البيت حبيبي سيف ( يبوس راس امه ) : منور بوجودج يالغاليه عبدالعزيز يغمزله : سافرت و عيوني على الهاتف اتنام و يفز قلبي كل ما الهاتف يرن حصه : هههههههههه لا عاد مب لهاي الدرجه توها الا قبل كم ساعه راكبه الطياره ام سيف ( تحيس بوزها ) : و انتو ماعندكم سوالف ثانيه غير موزه حصه قفطت اطالعت سيف , سيف ابتسملها . . عبدالعزيز : انزين بتم عنا اسبوع ؟ سيف : لالا شوه بسير بيتي ام سيف : ويديه , اتسير بيتك شوه تسوي روحك ؟ لا فديتك بتم هني عندي الين ماترد حرمتك اللي ماتخيل مودرتنك روحك سيف ( استغفر الله ) : اميه انا مب ياهل اروم ادبر عمري ام سيف : والله بزعل عليك اذا روحت , تم هني يا ولدي ترا هذا بعد بيتك سيف : ان شاء الله اميه عبدالعزيز : عيل وين خالوه و بناتها ؟ حتى عويش مختفيه ؟ ام سيف : طلعو ويا خالتك عندهم شغله و بيردون عبدالعزيز : غريبه حصوه هني ؟ شعنه ماسرتي وياهم حصه ( تحيس بوزها ) : لاني مابا اجابل مريومووه النحسه ام سيف : حصصوه ويهد لا اتقولين عن بنت خالتج جيه , حليلها البنت ماسوتبج شي حصه : وااااااايييييد حلييلها الصرااااااحه عبدالعزيز : ههههههههه لا حصوه شكلج وايد شاله فخاطرج عليها حصه اتجاهلته و ماردت عليه . . حصه اتعزني وايد و وايد متعلقه في محمد و تهتم فيه . . و على حسب علمي ما ترضى عليه . . طيبه وايد و تدخل القلب اللي في قلبها على لسانها و ماتحب اتجامل , ساعات اتذكرني ب ميره اختي , بس طبعا ميره اخس عنها ~ في تايلند . . وصلنـا تايلند و تحديدا في فندق ماجستيك انا و ميره و سلامه و عذيجه و فاطمه في حجره وحده . . اميه و ابويه في حجره وحده .. عمي و مرته في حجره وحده .. و اخير زايد روحه . . دخلت اسبحت و عقب ما خلصت طرشت مسج لـ سيف ( انا وصلت ) . . ميره عاقه عمرها على الشبريه : رآآآآآآآآآآآححححححححهههههههههههههههه موزه صديت صوبها : ميروه ويهد لا تصارخييين حمود راقد بتخربين رقاده ميره : هههههههههه انا اسفه سلامه : صح مواز نسيت اخبرج هذاك اليوم يوم كنا سايرين نتشرى , شفنا اخو ريلج و وياه 4 بنات موزه : وين شفتوهم ؟ سلامه : في فيستفال موزه : ايوا , مادريبهم والله ميره داشه عرض : اتهقين منووووه البنات اللي ويياه ؟ موزه : يمكن خواته و بنات خالته ميره : ايوا , وبنات خالته ساكنين وياهم ؟؟ موزه : لا بس لانهم مأجزين ياييين يباتون عندهم ميره : حلواااات ؟؟ موزه بغيض : ميروه ؟ ليش تسألين هالكثر ؟ ميره : ها ؟ بس جيه اسال ؟ موزه : لا تسأليين هالكثر سلامه : شكلها تبا اخوه سيف موزه : هالي ناقص ميره : وليش هالي ناقص ؟ يمكن ايه يخطبني ؟ موزه بقهر : امه زين منها يت خطبتني لسيف ولين يومج ما تبلعني , بعد تبينها اتي تخطبج ؟؟ ميره حبت اتغير السالفه : انزين بلاكم كنت استهبل , المهم خلونا ننزل نتحوط ؟ موزه : في هاي الحزه ؟ انتي صاحيه ؟ ميره بخبث : خلونا انغامر سلامه : صح موزووه يلااااااا موزه ( صديت صوب محمد ) : لالا ولدي راقد مايهون عليه اخليه روحه ميره : ترا عذوج و فطوم هني بيجوفونه موزه : لالا مابا ميره تسويلي مالت : ما منج فايده سمعنا حد يدق باب الحجره . . ميره فتحت الباب طلع زايد زايد ( يحج راسه ) : انا طفران , ما بتطلعون ويايه ميره شاقه الحلج : يييييييت في وقتك ( صدت صوبنا ) سلااااامووووه يلاااااا تعالي بنطلع ويا زيود طلعو سلامه و ميره ويا زايد . . عذيجه و فاطمه رقود . . تميت العب في شعر محمد و هو راقد ( الله يحفظك لي يا قلب امك ) . . رن تلفوني شفت المتصل شقيت الحلج . . موزه : هلا و غلا سيف : اتولهت عليج موزه : يالعيار قبل كم ساعه كنت وياك سيف : والله والله والله ولهت عليج , تراج قلتي قبل كم ساعه , و الدقيقه اتمر بدونج كنها سنه موزه مبتسمه : وانا بعد متولها عليك اكثر سيف : شوه الجو صوبكم ؟ ان شاء الله مستانسه ؟ موزه : لا بأس , ما طلعت مكان , ميروه و سلامه طلعو , ما طلعت وياهم لانه حمود راقد سيف : فدييته , موزه ما اوصيج على ولدي موزه : حبيبييييي تراه ولدي بعد اكيد بدير بالي عليه ( تميت اسولف وياه الين ما غفيت ) . . في دبي تحديدا في بيت ( ام سيف ) . . سكر عني سيف شل تلفونه و نزل الصاله .. شاف البنات يالسين و توه داش عبدالعزيز سيف : ماشاء الله كلكم متيمعين مريم : هيه , حياك سيف ابتسملها . . سيف يكلم حصه : حصوه فيدي اخوج العود بشي زين و قومي سويلي شي اكله تراني يوعان عبدالعزيز يضحك : مالقيت غير حصوه ؟ حصوه حصوه ماغيرها ؟ ما انصحك الصراحه حصه تطالعه بطرف عينها : عزووووز لا تتمصخر عليه , و ثاني شي انزين بعدني صغيره بكبر بتعلم سيف : يعني صدق ما تعرفين تطبخين ؟ حصه هزت راسها بمعنى لا سيف : هههههههه لا بالله متنا يوع مريم : انا بطبخلك سيف , شوه ف خاطرك ؟ عبدالعزيز : عااااااشت مريوووم , صدق في خاطري الباستا اللي سويتيها هذاك اليوم مريم تطالع عبدالعزيز : عزوز اسكت ما كلمتك , كلمت سيف سيف ( يغمزلها ) : يلا بنجرب باستتج طلعت مريم و سارت المطبخ و حصه لحقتها . . حصه : مريوم مريم صدت صوبها : خير ؟ حصه : انتي على شوه ناويه ؟ مريم : اعوذبالله شوه بعد على شوه ناويه ؟ شوه تحيديني ساحره ؟ حصه : مريوم انا اعرفج و اعرف سوالفج عدل , بس سمعيني لا تحطين في بالج اذا موزه مب هني بتاخذين راحتج , لا يا حبيبتي الزمي حدودج احسن لج لا تسوين عمرج ملاك جدام سيف مريم بخبث : يووه انتي كل هالحقد شالتنه في قلبج عليه ؟ لالالا خفي على عمرج حبيبتي عن لا يصيبج شي حصه ترص على ضروسها : قلت اللي عندي و ما بزيد و انا حذرتج يا مريوم مريم : سيرييي لااااه حصه طلعت عنها و ردت الصاله . . سيف : ها خلصتو ؟ حصه : لا بعدها عبدالعزيز : لهاي الدرجه انت يوعان ؟ عاشه : ههههههه وينج يا موزه اتين اتجوفين ريلج شوه ياه من عقبج دخلت مريم وهي شاله الصينيه . . مريم : يلا اقربو عقب الاكل . . سيف : تسلم ايدج بنت خالتي , الذ باستا كلتها مريم شاقه الحلج : صددددددق ؟ بالعافيه عليك سيف : الله يعافيج , يلا عن اذنكم بسير ارقد ورايه نشه الصبح مريم : نوم العوافي سيف مبتسملها : الله يعافيج عاشه تثاوب : وانا بعد بسير ارقد تصبحون على خير ردو عليها : و انتي من اهله اليوم الثـاني . . في تايلند . . طلعنا احنا البنات و سرنا نانا رود , هالمكان فيه وايد عرب , يا صوبنا واحد يبين عليه خليجي الولد : مرحبا ميره : خير ؟ الولد : انتو اماراتيات ؟ ميره : ما احس انه الشي يعنيلك ؟ الولد : عنبوه ليش مشتطه انتي ؟ ( صد صوب عذيجه ) الغاليه ممكن اقولج شي ؟ ميره تصارخ : خوووش خووووش انا اقول لو تتوكل وايد احسن الولد شرد و تمينا نضحك على ميره ميره : مسود الويه موزه : ههههههه كلتيه بقشوره ميره : يستاهل ( تصد صوب عذيجه ) : قام سوقج ها ؟ عذيجه : جب ميروه انا شوه يخصني فيييييييه ! ميره : هههههههههه طوفو انزين في بيت ( ام سيف ) ام سيف ( تتكلم في التلفون ) : البنت بنتكم و الولد ولدنا , حياكم الله في اي وقت يالغاليه , ربي يحفظج , مع السلامه ام مريم ( بفضول ) : خير شوه مستوي ؟ ام سيف ( مستانسه ) : هاي ام حمد , اتقول انها بتزورنا , تبغي تخطب حصه لولدها حمد ام مريم ( متغصصه ) : هييييه بالبررركه ام سيف : الله يبارك فيج حبيبتي دخل سيف الصاله . . سيف ( يبوس راس امه و خالته ) : صبحكم الله بالخير ام سيف : صبحك الله بالنور و السرور , تعال فديتك اتريق سيف ( يلس يتريق ) : عيل ابويه وين ؟ ما شفته من امس ام سيف : ابوك طلع من صباح الله خير مادريبه وين ساير سسيف : هيه زين , يلا عيل اميه انا بسير الدوام ام سيف : ربي يحفظك يالغالي دير بالك سيف : ان شاء الله طلع ركب سيارته و طرش مسج لـ موزه ( هـذا الصبـــاح.. أفقت من نوْمــي ولم أجدكِ.. وكنت معتاداً أن أحظــى منكِ كُّــل صبـــاحٍ بِـقُبـلـة.. هـذا الصبـــاح.. افتقدتُ فنجان قهوتي السّمـــراء التي تُسوّيـــها لي.. وكنت أُحــلّـيها بِقُبــلةٍ منك.. فكيف سيكون طعْم قهوتي بدونكِ..؟ وهل يَسْتـــحِقُّ أن يُسمّى هذا الصّبْــح من دونكِ صبـــاح..؟ ) طلع عبدالعزيز من حجرته و هو نازل شاف ميثا ميثا مبتسمه : صباح الخير عبدالعزيز عبدالعزيز : صباح الورد , ليش ناشه هالوقت ؟ ميثا : شبعانه رقاد ! عبدالعزيز : هههههههه غريبه ! ميثا رافعه حياتها : ليييش شوه اتحيدني ؟؟ عبدالعزيز : ماشي ماشي , خلينا ننزل ميثا : هممم انزين ابا اسالك شي ؟ عبدالعزيز : اسأليني شي ؟ ميثا : هممم شسمه هـا عبدالعزيز : ها ؟ ميثا : انت اتحبني ؟ عبدالعزيز ( ياربييييه شوه اقول الحين ) : و ليش تسألين هالسوال ؟ ميثا نزلت راسها : خلاص انسى اني سألتك عبدالعزيز : انزين انا بنزل ميثا : اوكيه طلعت مريم من الحجره و جافت ميثا واقفه و عبدالعزيز نزل . . مريم : صباح الحب ميثا : صباح النور مريم تغمزلها : ها ويا حبيب القلب ؟ شوه قالج ؟ ميثا : ماشي مريم : كيف ماشي ؟ عيل شوه كنتو تسون واقفين هني ؟ شوه قالج ؟ ميثا تتأفف : مريوم شعنه تسألين هالقد ؟ ماستوا شي سألته اذا يحبني ولا لا مارد عليه بسس مريم تسويلها مالت : مالت عليييج انا اقول , اتحبني ؟ والله خوش , تمي بسخافتج هذي الين ما يطير من ايدج مثل ما طار سيف من ايدي ميثا دمعت : اووووه مريوم شوه تبيني اسوي ؟ يعني هو ما يدري اني احبه ؟ ما يجوف بعينه ؟ 24 ساعه انا جدامه ولا لفت انتباهه , ما يستوي اقوله حبني غصب مريم دزتها : انتي الكلام ضايع وياج خوزي عن دربي اشوف |
جمييييييييييببييييييييييييل جمااااااااااااال تسلم اناملج كاتبتنا بالتوفيق ♥ |
مرحبا مرحبا الرواية ما عليها رمسه كمليها دخيلج |
السلام عليج شحالج ربج الا بخيير؟ تسلم اناملج ع هالبارت الغاوي ونرقب البارتات الباجيه احرر من اليمرر مم وابغي اعرف اي وقت تنزلين البارتات |
السلام عليج شحالج ربج الا بخيير؟ روايتج روعة وبدعت ايدينج فيها اتريا البارت الياي |
وييييييييييين البااااااااااااااااااااارررررررررررررررررررررررررت |
ختيه ويينج صارلج فتره م نزلتي بارتات عسى المانع خخير فانتظاارجج |
مرحبـا .. انا اسفه لاني طولت عليكم بس ان شاء الله خلال هاليومين بنزلكم بارت اسمحولي ^^ |
مب مشكله فديتج نرققبج |
http://im57.gulfup.com/IDRwTE.png . . موزه صارخت : اوييييييه ميره تصد صوبي : ويديييه شوه ياج ؟ موزه حطيت ايدي على ثمي : تلفوني مش موجووود ؟ و انا احيد قبل لا نطلع سيف طرشلي مسج ما لحقت ارد عليه ( شليت محمد ) : برررد الفندق انا ميره : اففف منج رديت الفندق , ردو البنات ويايه شليت تلفوني شفت 5 مكالمات من سيف و مسجين . . خليت محمد على الشبريه و على طول اتصلت في سيف . . سيف بعصبيه : ما بغيتي الشيخه موزه ؟ شعنه ما تردين ؟ موزه عضيت شفايفي : انا اسفه حبيبي والله نسيت التلفون في الحجره و كنت طالعه و يا البنات سيف بنبره جديه : مب مشكلتي هاي يوم انج مب مهتمه في اغراضج يلسي في الفندق ماله داعي تطلعين , بدخل عند المدير الحين , دواج عقب يلا باي موزه : سيف لحظه انزيييين ( ما وحالي اكمل كلامي الا و هو مسكر في ويهي ) اف ! في دبي . . عبدالعزيز : و منو هذا حمد ؟ ام سيف : انت ما تعرفه يا اميه اكيد سيف يعرفه عبدالعزيز : بس اميه يمكن يطلع الريال مب زين ؟ ام سيف تنافخ : وانا قلت تعال و شلها جيه ؟ اكيد بننشد عنه ما بزوج بنتي منيه والدرب عبدالعزيز : زين صوب سيف . . خلص دوامه و طلع سار البيت . . ( ام سيف خبرته عن حمد و قال بيسأل عنه ) ام سيف : ها وين ساير بعد ؟ توك الا واصل سيف : بسير اريح اميه تعبان ام سيف : ويديييه اتغدى اول شي سيف : ما اشتهي ام سيف : انا مسوتنلك هذاك المجبوس الغاوي من ايدي سيف ابتسلمها : تسلملي ايدج الغاليه ام سيف : يلا قوم خلنا نتغدى عند الغدى . . بو سيف : حصه يا بنتي اليوم بتي ام حمد , تبغي تخطبج لولدها حمد , والله يكتبلج اللي فيه الخير حصه : ............ ام مريم : ويديييه البنت استحت ام سيف : يلا عاد سكتو عن بنتي عاشه : هههههههههههههههههههه مريم : سيف اغرفلك ؟ سيف : مشكوره شبعت مريم : بالعافيه نش سيف و لحقته حصه . . حصه : سيفووووه سيف ( يغسل ايده ) : ها سيفوووه حصه : منووه هذا حمد ؟ سيف : الله يسلمج هذا ولد ربيعت اميه , احيده كان ويايه في الثانويه , ريال طيب و على نياته حصه بحماس : انزييين ؟ سيف يكمل : ماحيده راعي مشاكل و كان من الشطار حصه تربع ايدها : هيييه زين بس انا بصلي استخاره قبل مافيني بعد سيف يود خدودها : اكيد حبيبتي , و القرار بأيدج حصه ( ابتسملته و روحت ) ( في تايلند ) شليت تلفوني و اتصلت في حصه . . حصه : مرحبا الساع بنظر عيني و قلبي هلا موزه : هههههه ميحد على غفله حصه : اشحالج ؟ شحال حمود ؟ شوه مسوين ؟ شوه الاجواء عندكم ان شاء الله مستانسيين ؟ موزه : ويديييه , حصوه و يهد عطيني فرصه ارد على اول سؤال عقب ردي اساليني حصه : ههههههههههه , والله يا مواز لج وحشه ولهت على حموووووووودي موزه : حبيبتي حصوه والله انتو بعد لكم وحشه , الا بتخبرج حصه : امري حبيبتي موزه : هممم سيف وينه ؟ حصه : توه من شوي سار عني , شكله سار يرقد , مووووووووووزووووووه ادعيلي ! موزه : ليش حبيبتي شوه فيج ؟ حصه : بيون يخطبوني اليوم ! موزه ( وانا اخر من يعلم ؟ ) : بالبرررررررركه حبيبتي , الله يجدملج اللي فيه الخير حصه : اميين , عقبالج موزه : هههههههههههه عقبالي ؟ حصه : هههههههه اووه والله من الربكه اللي فيني موزه : هههههه يلا ماعليه فديتج سلمي عليهم بكلمج عقب حصه : ان شاء الله بوسيلي حمووود في دبي . . دخلت مريم حجرة حصه بدون لا ادق الباب . . حصه تطالعها بطرف عينها : خير ؟ مريم بستهزاء : بعدهم ما خطبوج و كبر راسج , عفان الله مب مصدقه ؟ حصه رفعت حياتي : كبر راسي ؟ ليش حبيبتي شسويت انا ؟ و ترا مب اول مره ايون يخطبوني عشان اكبر راسي ؟ كلام فاضي مريم كانت بتفر عليها كلام بس سكتت يوم شافت سيف ياي صوبهم . . مريم : حياك سيف سيف : عن شوه اتسولفووون ؟ مريم : سوالف بنات , اقرب حصه بغت تقهر مريم : تراه مواز دقتلي من شوي , نشدت عنك سيف ( اتجاهل كلامها ) : ماعليه , هالويكند وين تبونا انسير ؟ طفرت من يلست البيت مريم مستانسه : انسير جدا الفجيره , محلا جووووهم حصه : الفجيره ؟ لالا , انا اقول انسير ليوا سيف : انا ايد كلام مريم , الفجيره احسن و جوهم حلو حصه : زين اللي تشوفونه طلع سيف و طلعت وراه مريم . . مريم : لا سيف بنشدك سيف : امري مريم : فيك شي ؟ ماحس انك طبيعي اليوم ؟ انت و مواز مضاربين لا سمح الله ؟ سيف : مش مضاربين بس فتنت عليها اليوم مريم بفضول : ليييش ؟ سيف : اتصل فيها ماترد عليه , و حضرتها ناسسيه التلفون و طالعه مريم بنذاله : هيييه , انزين سامحها تراها ناستنه وانت تدري تايلند و لويتها سيف : ماعليج خليها تتأدب شوي مريم : انزييين انا بسير اسويلي كرك , تباني اسويلك ؟ سيف : اتسوين خير , خلي ميري اتيبه لي فوق لاني برقد شوي مريم : اوكييه في الصاله . . عبدالعزيز : والله يا ميثوه انج غشاشه , جوفي ان مالعبتي عدل تراني ما بلعب وياكم ميثا : هههههههههههههههههههه , ها جوف يالسه العب تراني ما غشييييت عبدالعزيز : هيييه ماعليه من الصبح اشوفج اتغشيين يالغشاااشه عاشه ( فرت الكروت الي في ايدها ) : اتضاربو اتضاربو ما بلعب انا عبدالعزيز : لا تستهبلييييييين عاشه : من الصبح يالسين تضاربون , حشرتوني ميثا : خفي علينا مدام عاشه عاشه تطالعها بطرف عينها : جب دخلت عليهم حصه . . حصه : ماشاء الله , تلعبون من وراي ؟ عبدالعزيز : تعالي حياج , بس عاده ما انصحج تلعبين ويا ميثوه الغشاشه ميثا تفلعه بالمخده : عزوز والله ما غشيييت حصه : ههههههههه ميثوه حبيبتي معروفه انتي ميثا : جب انزييييييين حصه ادور بعيونها : عيل وينها ام الدويس ؟ عاشه : امنوه ام الدويس ؟ عبدالعزيز : مريوم ههههههههههههههههههههه ميثا : اختي مب ام الدويس حصه : سييري لاه , الا صدق وينها ؟ عاشه : ماندريبها من الصبح احنا هني حصه : اها ! في تايلند . . ميره : اسهر طوال الليل كله في غيبته همي طواني و الوقت من دونه امله زايد : يا سلام ميره تكمل : يا طير قوم و اوصل محله ذكره لو قلبه نساني زايد : بس بس سكتي ما تنعطين ويهه ميره : ههههههههههههههههه جب انزييين زايد : اووه ها مب جنه حميد ؟ ميره : هيه صح صح هو حميد زايد رافع حياته : وانتي شعرفج فيه ؟ ميره : مادري عنك ؟ تسألني ها مب جنه حميد ؟ شعرفني انا اذا حميد ولا احمد زايد : يلا جب انزين , بسير صوبه وبيكم لا تتحركون ميره : انزيييين في دبي . . سوت مريم شاي لها و لسيف . . سيف : ليش كلفتي على عمرج ؟ جان طرشتيه ويا ميري مريم بتصنع : زقرتها مادريبها وييين قلت بيبه لك عن لا يبرد سيف ابتسملها : مشكوره مريم : العفو , تبا شي ثاني ؟ سيف : سلامت راسج مريم : الله يسلمك سيف : انا برقد الحين , قولي لحصه اتوعيني ساعه 5 ونص مريم : ان شاء الله , نوم العوافي سيف : الله يعافيج في تايلند . . حميد : روحك ياي ؟ زايد : لا ويا الاهل حميد : هيييه , اقولك شوه البنات هنييي زايد : هههههه الله يغربل ابليسك حتى هني ادور بنات حميد يغمزله : افا علييك زايد : زين سجل سجل رقمي عندك بنتلاقى عقب حميد : متى بترد البلاد انته ؟ زايد : عقب 3 ايام حميد : افااا زايد : شوه نسوي بعد , المهم بخليك انا الحين بينا اتصال حميد : اوكيه فديت خشمك صوب البنات . . موزه : افففف سلامه : شفيج انتي اليوم ؟ موزه : سيف ميره : بلاه ؟ موزه : مايرد عليييه ميره : لا حول انتي وايد مكبره الموضوع , الحين هو معصب عليج خليه بيهدا و بيتصلبج موزه : رايج ؟ ميره : هيه نعم موزه : زين شورج و هدايت الله ميره مبتسمه ابتسامه عريضه : جيه اباج |
حلوووو البارت مريم:خيبه تخيبها خقوده الله يجيرنا منها ههههه ميثا:احس علاقتها صاايره واايد حلوه ويا عزوز وحبها بيزيد لكن عزيز يحب ميرووه ماايقدر يحب ميثا ميره:احس حميد بيكون له دوور فحياتها موووزه:احسها قووية الشخصيه وبتراوي الأدب سيفوه الدرام سيف:احسه بتعجبه مريووم المشعوذه تحياتي:دااانه غير |
http://im57.gulfup.com/IDRwTE.png مرن يومين سيف متجاهلني و مايرد عليه ! في تايلند . . ميره : اففففف عذيجه : بلاج ميره : باجر بنرررد احس اني ما شبعت وناسه سلامه : انا عن نفسي ابا ارد اليوم قبل باجر ميره تسويلها مالت : صخي انتي , الا مواز وين ؟ سلامه : سارت عند امج , من البارحه قابضنها عوار بطن ميره بوناسه : حااااااااممممممممممممممممل ؟ سلامه : لا يالطمه في دبي . . حصه : والله ولهت على حمووودي , افف ماروم اتريا لين باجر سيف : باجر ؟ حصه : ويديه ؟ ما خبرتك موزه انهم بيردون باجر ام سيف : وين بتخبره , هاي مب مصدقه انها مسافره نست ريلها و لهت هناك حصه بغيض : اميه البنت حارقه تلفون ولدج و هو مب طايع يرد عليها شوه اتسوي بعمرها بعد ام سيف : زين يسويبها سيف غيض طلع عنهم . . مريم : ماعليج خالتي لا تعكرين مزاجج ع موزه دواها زين يسويبها سيف حصه : انا اقول لو ماتدخلين في حياتهم وايد احسن يالرزه ! في تايلند ام موزه : بسم الله بلاج يا اميه يمكن كلتي شي ولا شي موزه : يميه انا يومين و اكلي مب شرات ناس مالي نفس للاكل ام موزه : بتسيرين الدختر ؟ موزه حاطه ايدها ع بطنها : لا ام موزه : يميه شوه بيدي انا عيل ؟ مب طايعه تسيرين الدختر ولا طايعه تسيرين الصيدليه , موزوه ليكون حامل ؟ موزه : لا يا امييييه !! مر هاليوم على خير , في مطار تايلند حميد : والله صدفه حلوه ! حتى انا راد البلاد اليوم زايد : زين عيل بتونسني في الطياره بدال صدعت البنات حميد : ههههههه رن تلفون زايد ( ميره ) كانت متصله فيه ميره : زيود و يهد وين سرت انته ؟ و حتى البنات مادريبهم وين ؟ زايد : انتي اي صوب الحين ؟ ميره : صوب الحمام زايد : تمي هناك بيج حميد : ها وين ساير ؟ زايد : هاي ميره اختي , بسير ايبها وبيك حميد : اوكيه في دبي .. حصه : سيف قم يلا بنسير المطااار بيوصلووووون اليوم سيف ( يتلحف ) : حصوه طلعي برع و سكري الباب ابا ارقد حصه ( تسحب الحاف ) : قممممممم يلااااااا سيف يتأفف : انزييييين انزييييين حشرتيني نش سيف و دخل الحمام يسبح ( عزكم الله ) في السياره . . حصه : سيفوه ترا موزه ما تستاهل اللي تسويه فيها و تراها مش قاصده , دخيلك طوفلها هاي المره عشاني سيف : . . . . حصه : سيفوووه ارمسك انا سيف : انزين الشيخه حصه اي اوامر ثانيه ؟ حصه بأبتسامه عريضه : هيه , بشل عنكم محمد اليوم , سرت البارحه بيتكم نظفت و عدلت و جهزتلكم كل شي سيف : لشوه كل هااااا ؟ حصه تضربه على جتفه : اف مول مب رومانسي انته سيف : هههههههه وصلنا البلاد , ما كنت متوقعه انه سيف يستقبلني ما تتخيلون شكثر انا مستانسه و شكثر متولهه عليه , عقب ما سلم على اميه و ابويه و عمي و زايد يا صوبي حبني على راسي سيف : الحمدلله على السلامه حبيبي موزه بأبتسامه عريضه : الله يسلمك و محمد من جاف سيف تم مستانسه و يأشر بأيده , سيف يمد ايده و يشله سيف : حبييييب ابوك انته يت حصه صوبنا لوت عليه حصه : الحمدلله على السلامه يا بعد جبدي , نورتي البلاد موزه : فديت روحج , النور نورج غلايه حصه ميوده خدود محمد : حبيبيييي فديييت هالويه انا اميه و ابويه و زايد خواتي روحو ف سياره عمي و مرته و سلامه ف سياره و طبعا انا سرت ويا سيف و حصه , حصه يلست ورى و شلت محمد سيف لاحظ اني حاطه ايدي على بطني : بلاج ؟ موزه ( صديت صوبه ) : ماشي حبيبي , بس شوي عوار ف بطني سيف : سرتي المستشفى ؟ موزه : لا اميه حنت عليه بس ماسرت ! عوار و بيخف روحه سيف : متأكده مب محتايه اتسيرين المستشفى ؟ موزه ابتسمتله : هيه حبيبي رن تلفون حصه . . حصه : هلا عويش عاشه : ماعلييييييه سرتو بدون لا تشلوني وياكم ها ؟ هييييي ليش جيه سويتو وانا مخبرتنكم البارحه اني بي ويااااكم حصه : ههههههههههههههههه بسم الله , كنتي راقده ما بغيت اخرب رقادج , و ترى حمودي بيكون عنا اليوم عاشه : اف انزين يلا اترياكم حصه : اوكيه صديت صوب سيف موزه : محمد بيتم عندهم ؟ شوه السالفه حصه : لانه سيف مسوي لج مفاجاه ف بنخلي محمد عنا عشان تستانسون و تاخذون راحتكم سكت ما قلت شي ! مع انه ضايقني الشي بس ما بغيت اكسر بخاطرها و بخاطر سيف .. نزلنا حصه و محمد بيتهم و اتجهنا جدا البيت . . نزلت و نزل محمد وراي و نزل الشنط وياه دخلت الحجره و استااانست وايد ! كاتب بالورود " احبج " على الشبريه , و باقه ورد على صوب و هدايا .. لفيت صوبه وانا شاقه الحلج سحبني ف حضنه موزه : احبك حبيبي الله لا يحرمني منك سيف : ولا يحرمني منج حياتي اليوم الثاني . . سيف كان في سابع نومه نشيت اتصلت في ميره بعد طلعت روح ردت عليه ميره : افففف انتي ما اتوبين ؟ موزوه والله العظيم ان طلعت السالفه سخيفه بتبرى منج موزه : ميروه حبيبي الله يخلييج اباج اتسيرين اتيبين حمود , سيف راقد ميره ( تشوف الساعه ) : الحيييييييييييين ؟ لا صدق انتي مب صاحيه ! 8 ونص وين اسير الحيييييين موزه : ياربيييه منج , حصه اتصلت فيني و قالتلي انها واعيه و محمد ناش و يصيح يباني دخيلج ميره ميره نافخ : زين زين جلبي ويهج , و احسبي حسابي على الغدى بتغدى عندج موزه : ع هالخششم اترياج دخلت ميره الحمام اتسبحت و اتلبست و نزلت ام موزه : خير ع وين من صباح الله خير ميره مبتسمه : وييين يا اميييه وين الخير دام موزوه اختيه ؟ ام موزه : ويديييه بلاج شعنه جيه اتقولين عن اختج ميره : متصله فيني تباني اسير ايب ولدها من بيت عمتها عمت عيينها من عمه ان شاء الله , و بالمره بتغدى عندها ام موزه : زين فديتج ديري بالج و عن السرعه ميره : ان شاء الله طلعت ميره و اتوجهت صوب بيت ام سيف , تقريبا نص ساعه و وصلت و على حظها الحلو عبدالعزيز توه كان طالع ميره : اويييه ها عزوز خلني اهرنله هرنت و سار صوبها . . ميره نزلت الجامه : السلام عليكم اخويه , انا ميره اخت موزه , اذا ماعليك امر اتيب محمد عبدالعزيز شاق الحلج : وعليكم السلام و الرحمه , هييييييه اتذكرررتج , ان شاء الله بس عطيني ثواني دخل عبدالعزيز ما طول وايد و ردلها . . ميره : وينه ؟ عبدالعزيز : حصه تغيرله ثيابه , انزين نزلي لين ماتخلص ميره ( ماعندي سالفه اجابل امك ) : لا ماعليييه بتريا هني لاني مستعيله عبدالعزيز : انزين ميره بغيت اسالج ميره ( ايوا ايوا ) : خير ؟ عبدالعزيز : ها , خلاص ماشي ميره ( كتمت ضحكتها ) : زين ! بس اذا في شي في خاطرك قول ؟ عبدالعزيز : انتي فخاطري يت حصه صوبهم , عبدالعزيز من جافها سكت و ميره تمت قافطه حصه : اسمحيلي فديييتج موزوه النحسه ما خبرتني انج بتييين جان جهزته من زمان , شعنه مانزلتي ؟ ميره : لا حبيبتي عادي , مره ثانيه ان شاء الله لانه موزه حاشرتني تبا ولدها حصه : هههههه يلا زين ماعليه ميره : يلا مع السلامه روحت ميره و تمت اتفكر في رمسه عبدالعزيز ؟ بلاه هذا و شوه يقصد !! في بيت ام سيف حصه : وانت ما تستحي واقف اتسولف ويا البنت ؟ عبدالعزيز متجاهلنها : من هامتك يا لين الابهام كلك ع بعضك جاذبني\ حصه تضربه ع جتفه : حووه ارمسك انا عبدالعزيز : والله يا حصوه انها جميييييييله حصه حاطه ايدها على خصرها : لا والله ؟ |
السلام عليكم ورحمة الله وبركاته.. شحالج الميث ان شاءالله بخير ؟ الصراحةة انا اقرا روايتج من يومين تقريباً وايد حبييتها وماشاءالله عليج مبدعه .. الصراحةة الشيَ اللي مااعيبني انه ماشي وايد ردود ؟ يعني الصراحه روايتج تستاهل الكل يرد عليج ويحممسج بس ماعليه ، انا هنييه متابعتنج كملي وماعليج وشسمهه بعد .. احس وايد رمست هههه يعطيج العافيه .. ونتريا البارت اللي عقبه بفارغ الصبر . |
اقتباس:
يمكن يتابعوني بس ما يتفيجون يكتبون لي شي ههه ع العموم تسلمين فديتج مرورج الاروع :blushing: |
http://im57.gulfup.com/IDRwTE.png عبدالعزيز : اباها حصووه صدق اباها داشه خاطري البنيه حصه : نعم ؟ و ميثا ؟ عبدالعزيز : افف ميثا انا ماحبها والله ماحبها ولا فيوم فكرت فيها اصلن حصه : و ثاني شي لا تنسى راي اميه في موزه بتعاني وياها شرات ماعانا سيف ف لا تحلم وايد ! خلك ع ميثا احسن في بيت موزه . . ميره : الا ما خبرتج اميه ؟ موزه : شوه ؟ ميره : زايد يبا يعرس موزه : هههههه حلفي ؟ ميره : والله , يبا سلامه النحسه موزه : حلييله , الله يوفقه و الفال لج ميره ( يا في بالها عبدالعزيز و كلامه ) : ان شاء الله موزه : ذكرتيني ع طاري العرس , ابا اسير اخذلي شي لملجت حصه ميره : حصه ؟ متى ملجت هاي موزه : ملجتها عقب اسبوع , ماعندي شي البسه تعالي ويايه دخيلج ميره : انزيين مر اسبوع ما صارت وايد احداث و يـا يوم ملجت حصـه سولـها حفله صغيره و كانت طالعه قمـر حمد اتخبل عليهـا من جافهـا ميره اتصاصرني : ابا اسير الحمام موزه : طلعي من الصاله خذي يمييين بتلقين الحمام في ويهج ميره : انزين طلعت ميره لمحها عبدالعزيز و تم يطالعها بس هي ما انتبهت له و هي طالعه من الحمام وقف عبدالعزيز جدامها . . عبدالعزيز ( مد ايده ) : ما بطول عليج عشان محد ينتبهلنا , دخليج اتصليبي اليوم اترياج عطاها الورقه و روح و تمت ميره مصدومه منه , و ادور بعيونها اذا حد شافهم , ردت الصاله بسرعه و قالت لموزه انها بتروح و طلعت ميره ( حاطه ايدها ع راسها ) : اوييييه ها شوه يبا منيييييييي خلصت الحفله و كل واحد رد بيته تمت حصه ويا حمد ارواحهم . . حمد : مبروك حصه ( مستحيه ) : الله يبارك فيك حمد : ماشاء الله عليج طالعه قمر حصه : . . . . حمد : هههه فديييت اللي يستحون تمو يسولفون ف البدايه حصه كانت مستحيه عقب قامت تاخذ و تعطي وياه شليت تلفوني اتصلت في سيف . . موزه : حبيبي وينك ؟ سيف : ياي ف الدرب 5 دقايق و بكون عندج موزه : انزين خالتك ام مريم تبانا انوصلها لانه دريولهم محد سيف : ياهي سالفه ! و عزوز وينه ؟ موزه : مادربيه سيف : انزين يلا من اوصل بتصلبج سكرت عنه و دخلت داخل موزه : خالتي سيف ياي ف الدرب اتجهزو ام مريم : انزين , بس لو ماعليج امر اتسيرين اتخبرين ميثا و مريم , هم فوق عند حصه موزه ( افف ) : ان شاء الله طلعت عنهم بس وقفني كلام ام سيف . . ام مريم : والله يا اختيه انا اجوف البنيه زينه بس مايندرابها اذا من جدامنا شي و من ورانا شي ثاني ام سيف : ماعليج منها , وانا الصراحه ماكنت راضيه سيف ياخذها كنت ابا مريم بنتج لـ ولدي , بس ماعليج بخلي سيف ياخذ مريم ع راسها و يطلقها هاي مسودت الويه ام مريم شاقه الحلج : حلللفي ؟ ام سيف : ما اكون انا لطيفه ان ماخليته يطلقها اتغصصت من رمستها ! مادري ليش حاقده عليه هالكثر ! مع اني ما ضريتها ! اتجاهلت كلامها و سرت حجره حصه حصه : حياج حبيبتي موزه ( ابتسملتها ) : ربي يحييج عروستنا , ميثا ترا سيف ياي ف الدرب اتجهزو لانه احنا بنزلكم عاشه : لاااااااااااا تمووو عنا مريم ( تلعب في اضافرها ) : سوري بنيكم يوم ثاني عاشه : يلا عااااد , ميثا انتي تمي انزييين ميثا : بسير عشان عزوز يتوله عليه حصه ( مسكين حالج يا ميثا ) : ههههه خفي علينا انتي الثانيه رن تلفون موزه سيف كان متصل فيها موزه اتسلم ع حصه و عاشه : يلا مع السلامه تميت ساكته طول الدرب و افكر في كلام ام سيف ( ياربيه على شوه ناويه هاي ) قطع حبل افكاري صوت مريم . . مريم : الا بسألك سيف , ماشي وظايف في شركتكم ؟ سيف : شي , تبين اداومين ؟ مريم بحماس : الصراحه هييه , طفرت من يلست البيت ! سيف : ان شاء الله بشوف و بردلج خبر مريم : زين عاد لا تبطي سيف : ان شاء الله عند ميره . . اتصلت على رقم عبدالعزيز و من رن سكرت , رد اتصل عبدالعزيز ( اوييه فشله بيقول اتصلت رنه ! احسن شي اقوله ان الرقم غلط ) ميره : اسمحلي اخوي مغلطه ويلا مع السلامه عبدالعزيز : مييره ميره ( ويديييه رحت فيها ) : . . . عبدالعزيز : ميره دخيلج سمعيني لا تسكرين ميره : شوه تبا مني ؟ انا صح اتصلت فيك بس لا اتحط في بالك اني راضيه على اللي اسويه , انا اتصلت اشوفك شوه تبا و شوه نهاية كل ها ؟ عبدالعزيز : محشومه يا ميره , و انا ماسويت ها كله عشان اتسلى , ميره والله من اول يوم شفتج فيه وانتي تميتي في بالي , ميره صدق انا اباج والله مستعد اخطبج بعد ميره : . . . . . . عبدالعزيز : ميره ؟ ميره : عبدالعزيز لا توهم نفسك في هالشي و انت تدري انه ما بيستوي , و احنا اصلن ما ننفع لبعض ويلا مع السلامه سكرت عنه . . ميره ( اففف انا شوه اللي خلاني اتصل فيه اصلن ) .. تمت اتفكر ميره في كلامه لين ما غفت ! في بيت موزه موزه : مريم بتشتغل وياك ؟ سيف : هيه كنت محتاي وحده في الشركه , زين بعد يت لين عندي ما كلفت ع عمري ايلس ادور و اعور راسي موزه بجديه : و انا ماباها تشتغل عندك سيف : ههههه ليش عاد موزه : سيف ! ارمس جد انا , مابا مريم تشتغل وياك سيف يصد صوبي : و ليش انزين ؟ البنت يتني و قالتلي ابا اشتغل و قلتلها ان شاء الله الحين اسير و اقوللها مرتي مب طايعه ؟ موزه : ما يهمني شوه بتقول المهم انها ما تشتغل وياك سيف بعصبيه : موزه بس عاد مليت من حنتج تراني كل يوم و الثاني طالعتلي بشي ؟ عطيني سبب واحد يخليج اتقولين هالكلام اللي مامنه فايده اتجاهلته و طلعت من الحجره سرت اجوف محمد , لقيته في سابع نومه اليـوم الثـاني . . زايد : صبحج الله بالخير الغاليه ام موزه : صبحك الله بالنور يا ولدي زايد : اميه صبيلي شـاي ام موزه : ان شاء الله زايد : الا وين ابويه ؟ ام موزه : من شوي طلع زايد : انزين اميه متى بتخطبين لي سلامه ام موزه : و انته شعنه مستعيل , كلمت ابوك انا البارحه زايد : و شوه قال ؟ ام موزه : قال بيرمس عمك زايد يحب راس امه : انزين يلا انا ساير ام موزه : عن السرعه فدييتك زايد : ان شاء الله في بيت ام سيف .. ام سيف كانت اتكلم سيف في التلفون . . سيف : اميه اتصلي في خالوه و قوليلها خلي مريم اتيني الشركه اليوم ام سيف : ليش عاد ؟ سيف : مريم تبا تشتغل و حصلتلها شغله اتناسبها ام سيف شاقه الحلج : ان شاء الله يلا عيل بخليك عشان اكلمها سيف : مع السلامه عبدالعزيز : شوه السالفه ام سيف : مريم بتشتغل ويا سيف في الشركه عبدالعزيز : انا بعد ابا اشتغل اميه ام سيف : هيه يا اميه احسنلك لانه خالتك دوم تسألني عنك عبدالعزيز : و ليش تسأل عني ام سيف : عشان ميثا بعد ليش تسأل عنك يعني , البنت كل ما اييها واحد ترفضه عشانك عبدالعزيز : يلا اميه انا طالع بسير عند سيف , شي ف خاطرج ؟ ام سيف : الله يحفظك عند ميره : وصلها مسج من عبدالعزيز ما دريت اني بحبك مادريت لين شفتك وانشغل قلبي بحبك اوماعرفت اني على دربكمشيت غير لما تاه قلبي وسط دربك من هويت امن العلالي لك هويت مثل طيرصابتهنيران حربك لا تعذبني من الود اكتويت اوما اريد الا اعيش العمر جنبك من نظرتك اول النظرة ابتليت اولي بلاني هو ذنبي اهو ذنبك غصب عني فيمحبتكم بديت خذ قلبي وحطني في وسط قلبك ماردت عليه . . في الشركه عند سيف . . سيف : ما طلبت يا اخويه من اليوم بعد جان تبا عبدالعزيز : هههههههههه لالا من باجر احسن سيف : هههههه ع راحتك .. دخلت عليهم مريم مريم : السلام عليكم سيف + عبدالعزيز : عليكم السلام سيف : حياج مريم مريم : ربي يحييك عبدالعزيز : يلا عيل بخليكم انا طلع عنهم سيف : مريم انا كنت محتاي وحده تشتغل وياي و الحمدلله يتيني في وقتج مريم بدلع : هههه ان شاء الله ابيض الويه عاد سيف مبتسم : انا واثق فيج يا بنت خالتي وانتي قدها مريم بمستحى : شكرا سيف : حابه تبدين الشغل من اليوم ؟ مريم : يكون افضل عشان اخذ فكره سيف : اوكيه , بعطيج ملفات اباج اتجيكين لي شوه الاوراق الناقصه لكل ملف و اتخبريني , و هالسيديات فيهم ملفات اباج تنقلينهم ع اللاب توب هذا , مكتبج بيكون اللي على يمين مكتبي , اذا بغيتي شي خبريني او عندج السكرتيره برع مريم : ان شاء الله كنت يالسه العب ويا محمد رن تلفوني سيف كان متصل فيني موزه ( من غير نفس ) : هلا سيف سيف : اهلين , شوه تسوين ؟ موزه : ماشي يالسه ويا محمد سيف : اوكيه , اتجهزو اليوم بنسير نتغدى برع موزه : مالي خاطر سيف : ليش عاد ؟ من زمان ما طلعنا انا و انتي و محمد موزه : خلاص سيف قلتلك مالي خاطر سيف : انتي بعدج زعلانه من سالفه البارحه شوه ؟ موزه : مب زعلانه ! بس مالي خاطر و خلاص سيف : زين عيل يلا بخليج سكرت عنه و انا مقهوره من تصرفاته ! افف يارب صبرني بس ! |
Alpart 6rr wayd Atraya altkmlah bfargh al 9br |
http://im57.gulfup.com/IDRwTE.png طلعت ميره من حجرتها و سارت عند عذيجه ميره : عذووج نشي ابااا اكلمج عذيجه تتلحف : بعدين بعدين ميره تسحب الحاف : شوه بعديييين نشييييي عذيجه فتح عيونها : شوه تبين ؟ ميره : قومي اتغسلي و اتلبسي بنطلع عذيجه تجوف ساعتها : ع وين ؟ ميره : انتي قومي ولا تسألين وايد عذيجه : انزييين نزلت تحت في الصاله . . ميره : السلام عليكم بو زايد + ام زايد : عليكم السلام و الرحمه ميره : اشحال الحلوين ؟ بو زايد : بخير فديتج انتي شحالج ؟ ميره : يسرك الحال ابويه , بتخبركم انا بطلع ويا عذوج بنسير نتغدا ام زايد : ويدييه و شوفيه غداي ؟ ميره : فديييتج و فديت غداج و فدييت ايدج , مافيه الا العافيه بس تدرين اميه نبا نغير جو شوي ام زايد : انزين على راحتكم بو زايد : ميره انتي لين متى بتمين جيه بطاليه في البيت ؟ ميره : ابويه لا اتفولي كملي في الجامعه لاني مابا بو زايد : تبين تشتغلين ؟ ميره : حاليا لا بو زايد : انزين في الشركه . . سيف : ها مريم شوه الشغل وياج ؟ مريم : الحمدلله زين سيف : ماشاء الله عليج احسج شاطره مريم ( مستحيه ) : .... سيف : انزين شوه عندج عقب الدوام ؟ مريم : ولا شي سيف : خلاص عازمنج على الغدى مريم : ههههههه انا المفروض اعزمك , حلاوه الشغل سيف : ماعلييه هاي المره عليه مريم : اوكييه في بيت موزه . . ( حصه كانت عندي ) موزه : اسمحيلي خربت رقادج و خليتج اتيني , بس ماعرف شوه اسوي حصوه قلبي ماكلني حصه : موزه تراج خوفتيني شوه مستوي ؟ موزه : البارحه سمعت امج اتقول لخـالتج انها بتخلي سيف ياخذ مريم ع راسي و عقب يطلقني حصه : شووووووووووووووه ؟ موزه : و ازيدج من الشعر بيت مريم بتشتغل ويا سيف حصه : سوت اللي في راسها مسودت الوييه موزه : منو ؟ حصه : مريم , الله يسلمج اميه ليش مب راضيه على زواجكم لانها كانت تبا مريم لسيف , و دوم كانت اتقول هالكلام بس سيف يتجاهلها موزه ( نزلن دموعي ) : حصصه و لو سوت امج اللي في راسها ؟ شوه اسوووييييي انااا ؟ حصه لوت عليه : حبيتبي مواز لا اتصيحين والله قطعتي قلبي , و هاي مريم دواها عندي الحقيره فجـأه حسيت بعوار في بطني و هاي المره زاد عليه موزه ( حاطه ايدي على بطني ) : حصوووه بطنييييييي حصه اتزاعج : مووووزه شوووه فييييييج ؟ ميييييييييييريييي ميييييييييييررريييييييييي ميري ( شاله محمد ) : ها ماما شوووه فيييي حصه : انا بودي موزه المستشفى انتي ديري بالج على محمد و قفلي البيبان ميري : ان شاء الله ماما في امارات مول .. ميره : ها وين تبين تتغدين ؟ عذيجه : خاطري في بيلا ميره : انزين يلاا رن تلفون ميره ميره : هلا مواز حصه : ميره انا حصه ميره : خيير شوه مستوي ؟ حصه : انا في المستشفى ويا مواز كنا يالسين نسولف و فجأه تمت تصارخ بطنيييي , الله يخلييج تعالي انا ماعرف شوه اسوي و سيف مايرد عليه ميره : انزين يلا الحييييين يااااييييييه عذيجه : شوه مستوييي ؟ ميره : قووومي مواز في المستشفى في المستشفى . . ميره : وينها الحين ؟ حصه : دخلوها بيسون لها فحص ميره : انزين ما قال شوه فيها ؟ حصه : ماعرف ماعرف لين الحين مايا الدكتور عذيجه : و سيف وينه ؟ حصه : مادريبه مايرد عليه في المطعم . . مريم : اكرمك الله سيف سيف : هني و عافيه مريم : انسير سيف : مليتي شوه ههههههههه مريم : لا مايخصه سيف : يلا انزين نشي بوصلج ركبو السياره سيف شاف تلفونه 20 مكالمه من رقمي رد اتصل حصه : وييينك انت ؟ مابغيييت اترررد ؟ سيف : خير شوه مستوي ؟ حصه : مواز في المستشفى و حضرتك ولا داري عن شي سيف : شووووه ؟ و لييييش في المستشفى ؟ شووه فييييييها ؟ حصه : هي يوم كانت في تايلند بطنها كان يعورها , و اليوم زاد عليها و مارامت تستحمل سيف : يلا الحيييين ياااااينكم سيف يكلم مريم .. سيف : انا اسف لازم اسير المستشفى , موزه هناك مريم : انزين بيي ويااااك في المستشفى . . ميره وصلها مسج من عبدالعزيز ( طمنيني عنها , ماتشوف شر ان شاء الله ) ميره ردت عليه ( كانت حامل , بس عقت ) عبدالعزيز ( لا حول ولا قوه الا بالله , يلا ماعليه الله بيعوضها ) ميره ( ان شاء الله ) عبدالعزيز ( انا ياي المستشفى ايبلكم شي من برع ؟ ) ميره ( لا , بس سير جوف محمد لانه حصه اتقول خلته ويا ميري ) عبدالعزيز ( اوكيه ) سيف يمسح على راسي : الحمدلله ع السلامه حبيبي موزه : الله يسلمك سيف : شوه صحتج الحين ؟ موزه : الحمدلله احسن سيف يحبني على خدي : الحمدلله دخلو حصه و ميره و مريم و عذيجه . . كلهم : تستاهلين السلامه موزه : الله يسلمك مريم : ماعليه موزه لا تضايقين الله بيعوضج موزه صديت صوب سيف : بيعوضني في شوه ؟ حصه ضربت مريم بالخفيف على جتفها : لازم تفتحين حلجج مريم : اويه و انا شوه عرفني انها ماتدري سيف سحبني في حضنه : كنتي حامل غلايه , بس الله ماكتب لنا انشوف هالياهل موزه : يعنيي عقيييييت ؟ سيف رص عليه : هيه تميت اصيح و تم سيف يمسح على راسي سيف : خلاص عاد لا تسوين جيه بعمرج , الله بيعوضنا بدال الواحد 10 ان شاء الله موزه ضربته على جتفه : 10 مره وحده سيف : ههههههه هيه ابا 10 انا موزه دزيته : هههه جب انزين ميره : اقوووولكم انا يوعانه الصراحه لا غدا ولا ريوق حصه : حتا انا , بتصل في عزوز بجوف وينه بخليه ايب النا وياه , مريوم و سيف احسب حسابكم ؟ مريم بحماس : لا انا و سيف تونا متغدييييين بالعافيه عليكم ( صدت صوب سيف ) : اذا ماعليك امر اتوصلني البيت سييف : ان شاء الله طلع سيف و طلعت وراه مريم , بدون لا تسلم عليه حتى ! و سيف ؟ ولا جني انا موجوده يودت عمري و ماصحت جدامهم موزه : وين محمد ولهت علييه حصه : كلمت عزوز بيبه وياه موزه : انزين , متى بيطلعوني ؟ حصه : باجر موزه : ابا اطلع اليوم حصه : موزه لا تعاندين لازم اتمين اليوم ميره : موزه اتصل في اميه اخبرها ؟ موزه : لا ماله داعي باجر بترخص تراني , لا تخوفينها ميره : انزيين مـر هـاليـوم على خيـر سيف مر المستشفى شلاني و ردينا البيت , دخلت الحجره و انا مب رايمه استحمل وجود سيف , طلعت شنطه صغيره حطيت فيها شوي من ثيابي و من ثياب محمد سيف : شوه ها ؟ شوه تسوين موزه ( بدون لا اصد صوبه ) : بسير كم يوم بيلس عند اميه سيف حضني : ليش ؟ بتخليني روحي موزه ( ابتعدت عنه ) : بس كم يوم و برد سيف ( رفع راسي بأيديه ) : شوه فيج ؟ موزه ( دزيت ايده ) : سيف شوه فيك ؟ بيلس كم يوم و برد لشوه مكبر السالفه سيف ( ابتعد عني ) : اللي اتشوفينه اتصلت في ميره و قلتلها اتمرني . . عقب نص ساعه اتصلت فيني و قالت انها برع شليت محمد و طلعت ميره : موااااز اعرفج انا , قولي شوه مستوي بينج و بين سيف ؟ خبرتها . . ميره : اخخخ منهااا , وانتي ها اللي سويتيه الحين تتحرينه صح ؟ جيه بتعطينها فرصه تتقرب من ريلج اكثر يالغبيييييه موزه ( اصيح ) : تعبت تعبت ميييره سيف مب حاس فيييه , غير انه امه من صوب تبا تفرق بيييينااا ميره : ياربيييه الحين شعنه اتصيحييين ؟ الصياح ما بيفيدج بشي موزه , اذا انتي اتحبينه و ماتبين تخسرينه خبريه امه على شوه ناويه مب اتهدين بيتج و تطلعين , طبعا هو الحين بيسير يلس في بيت امه و مريوم النحسه بتكون فرصتها تتقرب منه موزه : ......... ميره : اردج بيتكم ؟ موزه ( حركت راسي بـمعنى لا ) ميره : انزييين وصلنا البيت , اتفقنا انا و ميره ما نخبر اميه , مرن يومين ما صارت وايد احداث يديده , سيف ياني بيت اميه عشان يشوفوني و يشوف محمد , كنا يالسين في الحوي سيف : متى بتردين ؟ موزه : ماعرف سيف : موزه شوه اللي ماعرف ؟ يلا قومي الحين ردي وياي موزه : ...... سيف : موزه ؟ موزه : سيف دخيلك لا تضغط عليه ابا ارتاح انا سيف : راحتج في بعدي ؟ موزه : ......... سيف ( نش ) : يلا عن اذنج |
أولا : السلام عليج ورحمه ,شحالج 2ياً:خ أتكلم شوي عن الشخصيات موزه:- ماعرف شو الي تفكر فيه بس الأشياء الي تسويها ابداً مب ل صالحها سيف:- لا تعليق..... اممم بعد ماعرف شو أقول عن الشخصيات الباقيه 3اً : اتريا تكملة الرواية |
| الساعة الآن 11:09 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir