|
يا شبــاب ,, رايكــم يهمنــي’’ وانتــوا البنــات -> حيــاكم اذا تقدرون تساعدون ( موضوع مميّز) http://www.ma7room.org/upload/uploading/29f5bb164e.gif مرحبـــ [ــآآآ] ’’ ^^ شحـــآآلكم’’ ربكــم بخيـــر ,, ممـ ’’ ع العموم ,, مطلــوب منــا ,, نكتب مقال ,, عن موضوع نحن نحس انه هو انترستنج ,, وانا حابــه اكتب عن نظره المجتمع الاماراتي عن كليات التقنيه ,, هل هــي سلبيه ,, ام ايجابيه ,, لانه نحن دووم نسمع انه شي نااس يعارضون بناتهم يدخلون كلية التقنيه ,, ليش و شو هو السبب ,, يعني انتوا الشبــاب ,, [ هل تعارضون دخول خواتكم لكليه التقنيه أة مستقبلاً هل ممكن انه بناتكم يدخلون كليه التقنيه ] ’’ وانتوا البنات ,, [ هل صادفتم ,, مثل هالحاله ’’ عدم موافقه الاهل دخول التقنيه ] ’,’ وليــــــــــــــــــــــــــش ؟! ,, ممــ ’’ ملاحظــه ’’’ شبـــاب اللي بيعطينــي رايــه ’’ ممكن يطرشلــي اسمه ع الخــاص و شو وضيفته ’’,, عســب احتاج لـ هالشي ضروري ,, ,, مم’’ والسبب : احتمال نشر المقال بإحدى الجرايد المحليه ,, والسموحه منكم ,, وربي يحفظكم ,,, |
واللهـ معروفهـ سمعة الكليهـ انها خايسهـ والبنات اللي فيهاا خايساات عكس الجامعهـ بس اتوقع المحترمهـ اللي بتظهر من بيت هلها محترمه ماظنيهـ بتخترب وبتستوي شراتهـ(ن)..وانا اتوقع من وجهة نظريهـ انهاا سلبيهـ.. هل تعارضون دخول خواتكم لكليه التقنيه أة مستقبلاً هل ممكن انه بناتكم يدخلون كليه التقنيه ] ’’ هيهـ اكيد بعارض بخليها تحدر الجامعهـ احسلهاا من الكليهـ وبس.. واسموحهـ عالقصوور |
أن شاء الله مايقصرون ويآآج وربي يوفقج ’’ نظرة الآهآآلي للكليآآت بشكل عآآم --{ سلبيه وآلسبب برآيي --{ وجود مظآهر يديده فالكليآآآت مثل لبس البنآآت وحركآآتهن والكل يجؤؤف هالشي وكله كؤؤم ويوم يصير آوبن دي آو البزآآر من فتره --{ نشووف العجب في شيكآآغو مب فالامآآآرات :21: آنا حاليا ثآنويه عآآمه --{ حآآبه آدش جآآمعه بس عرضت ع هليه آني آدخل الكولج آممم ماشجعوني عليهآآ بس مع ذلك مآآمنعوني --{ يمكن الايجابي الوحيد اللي يخليني احتمال ادشهآآ الانجلش gd عندهم ,, و الوظيفه المضمونه والله يوفق الجميع --{ آن شاء الله آكون سآعدتج لو شوي ^^ |
نظرة اهلنا للكلية " سلبية" .. بسبب البلاوي اللي ف الكلية .. بس هذا ما يمنع انهم يخلونا انكمل دراستنا .. لانهم يعرفون بنتهم زين .. والبنت الزينة بتم طوول عمرها زينة .,, يسلموو ع المووضووع .,, >> ابـــداع .,, |
[align=center]هلا وغلا بخير يسرج الحال من صوبج ؟؟؟!!!!!!!!!!!!!!!!!!!! لا أكيد ما بيعرضون وااااثقين منا ولله الحمد وأعرف بنات وااايد في الكولج قمة في الاخلاااق الله يحفظهن ان شاءالله يسلموووووووووووو ع الطرح المميز والله يوفقج ان شاءالله لا تنسين خبريني شو النتيجه الاخيرة ضربنيه فضووووووووووووول !!!!!!!!![/align] |
[align=center] طبعا بوافق .. اولا انا طالبه من كليات التقنيه ولا امانع بدراسه اختي في الكليهـ .. لاسباب عديده .. هو ان مثل مافي بنات لعابات اكيد بعد في بنات محترمات وبكثره بعد .. وجودي هناك اتاح لي الفرصه بمقابله اصناف كثيره من البنات .. اختي الفاضله .. هالنوعيه من البنات تلاقينها في كل الجامعات والكليات وهذا شي طبيعي .. وبالاخير هالشي يعتمد على البنت نفسها .. هي اللي لازم تحدد علاقاتها .. بغض النظر عن سمعه البنات الا ان كليات التقنيه معروفه بمستواها المرتفع من ناحيه التدريس و صراحه خريجات التقنيه مطلوبات اكثر من اي جامعه في ميدان العمل .. ولسبب بسيط هو ان دراستنا عمليه اكثر من نظريه وهي تأهلنا للعمل .. بخلاف باقي الجامعات .. واحمد ربي مليون مره اني دشيت الكليه لاني صدق تعلمت الكثير منها .. و تخلصت من نظام المساقات في جامعه الامارات والمستويات اللانهائيه في جامعه زايد وبوظبي .. !! وارد اقولج ان هالنوعيه من البنات تلاقينها في كل مكان .. . . . تقبليـ تحياتـ قلميـ [/align] |
[overline]وعليكم السلام ورحمه الله وبكاته .. هلا والله مرحباني اختيه .. انا عن نفسي بعدني توني ع الجامعه والكولج والتقنيات وغيره .. بس من وجه نظر " اهليه .. (( احس عادي بس الوالد يفضل انا نروح الجامعت افضل واحسن .. وانتي يالطيبه تعرفين بنات " الكليات .. ما يحتاي ارسم اشياء فضييعه يسونا هناكي .. وحتى الجامعه .. شوو بقى طولي بعمرج ؟؟؟ بس البنت الي تظهر من بيئه مضمونه وتربيه " صـــح امرره ما ينخااف عليها ابد .. وربيه يوفج ويسهل عليج اختيهـ .. ~ ودمـــــ,,ـــتي بحفظ من " الله وبرعآآيتهـ :) [/overline] |
مرحبــــا مليوووون حيــاج الله ختيه ، بصراحة احس السؤال صيغته غلط ( هل توافق او تمانع ) ماعرف شو احط ( نعم ولا ) لو كاتبة هل تمانع افضل لأنه انا حطيت لا ـ لأني رافض فكرة الدراسة فالكلية التقنية ... ياليت تعدلين السؤال ( هل تمانع(يــن) من دراسة اختك فالكلية التقنية ؟!) جذى افضل وسهل اكثر :D 0 0 وبالنسبة حق يوابي انا رافض ..لأنه سمعة المكان اللي بتلتحق فيه اختي يهمني ، لأن للأسف ها الأيام الشر يعم والخير يخص ، والله يهدي بناتنا للخير ، وان شاء الله اطرش الإسم والمهنه ع الخاص 0 0 اخوكم / النعيمي |
الحين بالله هذا موضوع حد ينشره بجريده! مايصب لأي مصلحة إلا يسيء للبنت الامارتيه فالاخير. .. وبعدين ماشي فرق بين تقنيه ولا اي جامعة ثانية ترا الي تدرس فالكليه اكيد عندها اخت ولا بنت عم فالجامعة يعني فالاخير البنات الي فالكليه او الجامعة ياين من بيئة وحدة ومثل ماتشوفين بنت سلوكها مب عدل فالكلية بتحصل مثلها فالجامعة ... للاسف اختي مقالج يشير للتقنية بأنها ... مكان **** وكأنها مب من اهم الصروح التعليمية في الدولة. وياليت تدورين لج مقال انترستنغ 2. وولا تحطين افكار غلط في عقول شبابنا باجر يعنسن بنات التقنية خخخخخ |
عادي مدام الوحده صاينه عمرها وحشيم ليش لا .. تدرس ف المكان اللي يريحها .,, الحمدلله درسنا فالكليه وع ابواب التخرج ان شاء الله .. ومحد قال عنا فينا عيب .. :3: الصراحه زعلت من رمسه انه بنات الكليه ## :045: بقولكم شئ ترا بنات الجامعه ولا الكليه ولا حتى مدرسه ولا ف البيت كلهن سواسيه .. اللي تغلط العيب يركبها وين ما كانت تدرس .. بس اذا بعضكم تعرف مجموعه من بنات ف مكان محدد لا يجمعون انه هالمكان ماتنفع فيه الدراسه :54: يت ع بنات الكليه ما ادااافع عنهن .. بس ما عيبني اسلوب الاجماااع لانه فيه بنات داشات الكليه يدرسن :03:.. الحمدلله ع كل حااااالـ .. ساترين عمارنا واهلنا رافعين راسهم فينا والشهاده ف الدرب والوظيفه بعد .. :77:.. والسموحه .. |
تســلمون ع المرور ,, ومشــاركتكم الفعاله ,, ممـ’’ كــل له وجــه نظــر ‘‘ ’’ وانا من هالموضوع او الخبر اللي حبيت اني اطرق له ,, بغيت اعرف راي مجتمعنا بكليات التقنيه ’’رايهم الحقيقي ,, مب مجامله ,, رمسه كثيره تنقال عن التقنيه ومجتمعها ’’ و يعني مب اني ابي واشوه سمعه الكليه او البنات ,, اولاً : لاني طالبه بكليه التقنيه ,, واغلب وقتي في الكليه ,, و شايفه البنات كيف ,, واعرف احكم ع كليتنا ,, [ النعيمي ] تسلم ع الملاحظه ,, ^^ [ غزيل الدار ] الغلا ممكن لا تحكمين ع الموضوع من جهه وحده ,, ويوم بنزل الموضوع ,, بطرشلج نسخه وساعتها احكمي ,, لا تتسرعين ,, والسموحه منج ,, [ الغزال الدماني ] ’’ لا تزعلين وان شاء الله هالخبر ,, بيفرحج ,, ^^ السموحه منكم ,,, وربي يحفظكم ,, |
ننتظر موضوعج وان شالله يكون هادف وتتوفقين في طرحة،، بس لا تنسين انه نفس البنات الي شفتيهم فكليتج وحكمتي عليهم .. لهم شبيهات كثار في جامعات ثانية نحن شفناهم بس انتي مب مركزه إلا ع كليتج ولله يوفقج فدراستج |
اختي غزيل الدار استسمح من اختي صاحبة الموضوع اختي غزيل الدار طولي بعمرج وجهة نظرج صحيحة ولكن التحقيق اللي تسوية اختنا عزت نفسي اكيد بتاخذه من عدة جوانب ( اي تحقيق ياخذ آراء المواطنين والوافدين) بعدها يكتب الكاتب راي الأشخاص والتحليل وآخر شي يحط علاج للمشكلة مثلاً اذا هي طرحت ها الموضوع ان شاء الله ، ممكن في آخر التحقيق تكتب آراء لبعض علماء النفس او التربويين او هي من وجهة نظرها يكون لعلاج القضية او المشكلة .. ( ليش الناس ماخذه هاي الفكرة عن التقنية) مثلا وع فكرة وايدين ماخذين افكار عن التقنيّة ان لها سمعة هب لي هناك تحز فخاطرنا كمواطنين بس هذا الحاصل وللأسف الموضوع متداول من 3 سنوات تقريباً واحيده في استديو 1 - والمنتديات الاماراتية 0 0 وجهة نظر ، والسموحة منكم |
النعيمي انا الي مايعبني فالموضوع انه حسيت يمكن يعكس صورة مب زينه عن البنت الاماراتية لي تدرس فالكلية ولكن نحن عند حسن الظن بالكاتبة وان شالله توفق في طرح موضوعها |
وعليكم السلام.. هلا ختي عزه نفسي انا معرف شي فهالسواالف يعني ماا افكر ادخل لا كليه ولا جامعه>>>>> ماتحب الدرااسه خخخخ:20: احم احم :03::03: بس حبيت احط رااي في اللي يقولون عن سمعه المكاان ياخوااني والله حتا المدراااس فيهاا بلاوي يعني اللي بتخترب بتختر من سكوولهاا يعني كل وحده عقلهاا في رااسها وتعرف خلااصهااا........ وواللي وااثق من خوااته مابيعاارض اللشي اللي تبااه وتحبه وعمر التربيه الصح ماااتييب فاايده........... ولي بتسوي شي هي الخسراانه الوحيده واكبر خسرااانه......لانهاا لو فقدت سمعتهاا وسوت شي يسئ لاهلها بتكوون كأنها مااتت مليونننن مره........وربي يابنات يوم طيح البنت من عين اهلها عذااااااااااااااااااااااااااب مااينووووصف........حلاتج ونتي معززه مكرمه فبيت هلج......وتروحين وتردين وتفكرين في الشي قبل ماتسوينه..... خخخخخخ فيلسووفت زمااني حليلي :77: >>>>> افلحي اول عقب تفلسفي ههههه يالله سي يوو وتسليمن ع الطرح :ast7eee: |
[align=center] سلسبيل إحساااس فاااض بلورة ماااسية لموضوعكـ تنااقم مقنعـ عزيزتيـ / ][عزت نفسي][ _ أناا كمااا تعلمون لست أمااراتي ولكن لي الشرف في ذلك , يهمني هذا الأمر لأنه يشمل تخصصي في المملكة , وإختلاف البيئة السياسية التعليميه , وايضا أنه في هذه الفترة الحالية من طفرة تعليميه وايضااا لماا يحتااجه سوق العمل بالمملكة وضعت المؤسسة العامة للتعليم الفني والتدريب المهنى في المملكة (( الكليات التقنية للبنااات )) مع إنه في الساابق كاانت توجد المعااهد الفنيه والصحية وتشمل تخصصات قليلة وبسيطة , وماوضع الآن يعتبر شي جميل ومتقدم يسعى لتطوير في بعض التخصصات التي تتيح للمرأة الدخول لسوق العمل والمواكبة السوق وتلبية الإحتياجيات والمتطلبات للفرد وللمجتمع , في سياااق محافظ تخصصي للمرآة وفيماا تبرع به فقط , وهو شي سبقتنا عليه بعض الدول ومنهاا الإمااارات وهو نااجح بشتى المقاييس التعليميه ومالبي من إحتياجات سوق العمل والإبداااع الذاتي للفرد لكي يسمو للمجتمع ... _ وتطرقا لموضوعك إنه لو أتينااا من ناحية المعاايير والمقاييس العلميه فهي ناجحة جدااا ولكن فيه موضوع سوف اتحدث به في التالي , ومن ناحية سمعة الكلية فهذاا شي مخزي جدااا وهو سبب لرفض من أهالي ابناء المجتمع ... _ ولكنـ ارجع لموضوع النجاااح , بالفعل نجااح باااهر و فرصة عمل لكن يبقى الأسم كلية وليست جااامعة وأيضا هذا سبب أخر لأنه الجاامعه تقدم للتقني أو الفني بكلوريس هندسة أمااا الكلية تقدم دبلوم وهذا ايضا شي محزنـ إلا في حااالة حصول الطاالب على معدل يؤهله لدخول الجاامعه وإكماال دراسته لذلك نرجع نجد أن الأسباب تعددت لرفض ... _ ولكن لا نضع اللوم على الكلية بل نبحث الأسباب التى جعلتهاا تصل إلى هذه الحد من السمعه السيئة من نااحية طلاب وطالبات وأكاديمين , لأنه علم والعلم سلاااح ونور سوء للفتااة ولشاب يجب أن يتسلح به لكي يرد فضل الأرض التي عاش عليهااا ويعطي ماتعلمه لغيره ويعلم الأجيااال من بعدهـ ... _ هناا سبب ايضا من وجهت نظري أنأ (( أنه لسنا كالأجنبي , عندنا غيرة على عاداتنا وتقاليدنا ووطننا مهما حصل الأمر أما الأجنبي يوصل المعلومه بأحسن وسيلة فقط )) لذلك يجب أن نسلحأنفسنا بالعلم والعادات والتقاليد لكي نصبح افضل منه ... _ وإلا لماذا وضعت الدولة المنحاات الخارجية لناااا ... _ لذلك اسباااب الرفض معروفة ومتعددهـ من شخص لآخر , مع إن الرفض له تبعاات سلبيه جدااا لكن الأهم الأبنااء عند اي اب غيور أو أخ أو زوج ... _ لذلك يجب البحث وراء السبب لماا وصلت إلي الأمور إلي هذا الحد ... _ أما في المملكة لا يوجد أي من هذه الأمور لأنه في البداية ولما توضع اي أمور لحد الآنـ ... دمتي بود وتقبلي مروري إحترامي وتقديري لكيـ هبوب الهوى (( سوف أرسل إسمي وتخصصي على البراايفت )) [/align] |
مســموح اخوي النعيمي ,, وبالحل ’’ والغاليه ,, غزيل الدار ,, ما قصر النعيمي ,, وان شاء الله يوم بخلص الموضوع ,, بنزله ان شاء الله ,, و يا خوااان ,, انا قصدت اختار كليه التقنيه ,, و التقنيه حالها حال جامعه زاايد ,, و جامعه الامارات ,, بس شو السبب اللي خلى الرمسه تضهر ع التقنيه والتركيز ع هالصرح التعليمي ,, هذا هو سبب طرحي لـ هذا الموضوع وحبي للإطلاع على افكار المجتمع الذي انتمي له ,, [ خليتوني اكتب باللغه العربيه خخـ ] ’ ’ هبوب الهوى ,, تسلم يا خوي وما قصرت ,, و رايك واايد بيفيدني في الموضوع ’’ انتظر الرساله ,, منك ,, والسموحه منك ,, وربي يحفظك ,, |
مرحبتييين الحمدالله بخير ومن صوبج اممم انا اوافق لانه هي سايرة تدرس وتكمل دراستها يعني اخرب عليها دراستها بشي مايرزة بس هب انه اهلها وافقو لها تسير الكليه تفصخ الحيا وتسولف ويا الشباب لازم ماتخلي اهلها يشكون فيها واتفكر للدراسه مب للعب اما انا ارفض اذا كانت سايرة ماتبى تدرس الا جي تلعب ولا تسوي اشياء مانرضا انها تسويها والسمووحة |
تســلم [المزروعــي] ,, ^^ |
وعليكم السلآم والرحمه بخير يسرج الحآآل ختيه عآآدي لو البنت بدش الكليــه مافيهآآ شي لنه مثل ماهي فيهآآ الشين بعد فيهآ الزين وو هذآ فكل مكآآن مب بس فالتقنيــه فعآآدي انه اختي او حد من هلي يدرسوون فيهآآ لنه دراستهم اوكيه بعد والسموحه ع الاطآآله و مشكوره ختيه ع الطرح وو بالتووفيج لج ^^ |
.. فلاسـ[جميرا]ـي .. تســلم يا خــوي ,, صدقت يا خوي ,, [ مثل ماهي فيهآآ الشين بعد فيهآ الزين ] ’’ |
صراحة حنا ف قطر مادري اذا في كلية تقنية اولا بس انا بعطيكم وجهة نظري يقولك الذهب عمرة مايتغير يعني عمرة مايتغير لونة والبنت الزينة نفس شي لو هي زينة ودشت الكلية اول مادشت لو هي زيتة بتم زينة لاكن البنت الي مب زينة بتأثر بكل شي سواء كانت في الكلية او في الشارع او المدرسة او السوق .........الخ فاانا لاامانع من الدراسة لة هالشي مايعتمد ع الكلية يعتمد ع الاشخاص الي في الكلية هذا راي واختلاف الرأي لايفسد لود قضية والسموحة ع اطالة سلمتي ع الطرح وخيتي الغالية |
اكييد هليا بيوافقوون المحترمة بتكوون محترمة في الجامعات والكليات واي مكان واللي مش محترمة لو تصكين عليها في الحيرة لحالها بدوور حاية وتخرب منها انا اقوول ع حسب البنت اللي أنتي بتدخلينها الكليه اذا كانت البنت بسرعه تتاثر باللي حولها وتاخذ منهم كل شي اللي يضرها وتقلد عليهم فأتوقع اهلها ماراح يخلونها تدش هالاماكن الجامعه ويالله واذا كانت العكس حتى لو يسفرونها برع مااظني بتخترب يسلمو الشيخه ع الموضوع النايس |
انا طالبه في كلية التقنيه وقريت رايكم في بنات الكليه ويالشباب وصراحه اخالف وايد منكم على وجهات نضركم انا اكبر مثال عندكم انا طالبه منهم عايشه معاهم وعارفه اجواء الكليه حبيت اقولكم في كل مكان بحصل الشين والزين سواء كان في المدارس او الجامعات او الكليات او المعاهد او الدوامات الى اخ عمر الشخص مايحكم على اي انسان الى اذا كان عارفنه عدل وخاصه انتو يالي حكمتو على جميع طالبات الكليه كنكم تعرفون كل طالبه فيها واذا قلتو لا احنا مستحين اندخل خواتنا او بناتنا فهو العيب فيكم انتو لانكم ماعندكم ثقه في تربيتكم وان كنتم ادورون على الخايسات تراهن في كل مكان بتحصلونهم واعتقد لو الكليه سمعتها خايسه لهدرجه كان ماتمت مفتوحه ليومك هذه والسموحه ان طولت عليكم ومللتكم في كلامي |
انا عن نفسي ابوي ما وافق بس لسبب واحد يباني آخد الباكالوريوس بس وانا الحينه ادرس في الجامعة و تراه التقنية اسيرها بين فترة وفترة اجوف اربيعاتي والصراحه ما اجوف فيها شي غير عن الجامعة يعني كل مكان تسيرونه لازم تلقون الصالح والطالح حتى مرات في عايلة وحده ولا بيت واحد تلاقون البنت الزينه والبنت الشينه واذا الواحد واثق من اخته و تربية اهله بيخليها تدرس اي مكان حتى لو برع البلاد وانا منوجهة نظري ان التربية من الصغر والبنات نادر مايتبدلن في الجامعه لانهن يبدن يعقلن في هذيج الفترة اما المدارس فهي اللي لازم الواحد ايراقب بنته او اخته فيها لانها فترة مراهقة وخبال بنات واسمحووولي طولت عليكم^^ |
يااختي انا الي كنت رافضة اني ادخل الكلية مو هلي لانه ما حسيت اني في دراسة عليا وحسيت في وايد اشيا خاايسة وبعدين البنت صح الزينة بتم زينة بس في مؤثرات خارجية والكل يعرفها والسموحة |
اكيد بيوافقون دامهم واثقين فبنتهم وفتربيتهم لها ... وشرات ما في بنات مب اوك فالكليه في فالجامعه وفـ السكول بعد ... وانا اعرف وايد بنات من الكليه قمه في الأخلاق والأدب والتربيه ... وربي يوفقج ان شالله ... تقبلي مروري ... ...اختج... |
أنآ أجوف إنه مآفيهآ شي كل وحده وضميرهآ اللي تبآ تخترب بتخترب واللي بتصطلب وبتمشي سيده محد يروم يضرهآ هب بس فالكلية هآلشي وسمعتهآ مب أوكيه والله كل مكآن ىحين المدآرس المدآرس جذه ونفس الشي الجآمعآت ^^ يعني كل وحده وضميرهآ |
تسلمون ع تفاعلــكم ,, وتسلمون ع المرور .. وربي لا يحرمنــي منكم ,, |
[align=center]السلام عليج والرحمه .... الحال يسرج , ومن صووووبج ؟؟ ... ( هل تعارضون دخول خواتكم لكليه التقنيه أة مستقبلاً هل ممكن انه بناتكم يدخلون كليه التقنيه ) ,,, بصراااحه انا ما أعااارض هالشي .... المفروووض ان البنت تبني مستقبلها مثل الرجاااال ... وطبعا الكثير من الناااااس يرفضوووون دخول بناتهم كليات التقنيه , وهالشي نتيجة السمعه الزفت اللي تتمتع فيها كليات التقينه .... لكن المحترمه رح تثبت عمرها في اي مكان تسير له , ومحد رح يقدر يأثر عليها وعلى سلوووكها .... تسلمين ع الطرح المميز ... تقبلي مرووري ... أخوج / Qanes ALreem[/align] |
ابصراااااااااحه الردوووووود خلتني اعصب...... المحترم يفرض نفسه وين ما كان......... اكيد ما عندي ولا عند اهلي اعتراض في سالفة الجامعه او الكلية....... والزين والشين موجود في كل مكان في المدرسه والكلية والجامعه والشغل وحتى في الشارع........... لا تحرمووون اخواتكم ولا اهلكم من الدراسه في الكلية ولا الجامعه بس عسب انكم سمعتم سوالف وانا متأكده انها تافهه هالسوالف اللي سمعتوها.........(هالرمسه للشباب) السموووووووووووحه من الجميع |
والله انا كل خواتي دارسات في الكلية وكلهن يقولون ان الكلية احسن وبعدين البنات الي مب مال دراسة يطردونهم اختي مخبرتني ان العام طردوا وااااااااااايد بنات الصراحة انا من رايي ان هي تشوف الي يناسبها لان هي الي بدرس مب انا يمكن اذا حرمتها من الكلية يؤثر هذا الشي على دراستها يعني هذا مستقبلها ولها الحرية في اختياره والسمووووووووووووووووووووحة |
تسلمــون ’,, وكلن له وجه نظر ,, تسلمون وربي لا حرمني منكم ,, |
السلام عليكم اللي يحاول يخرب سمعة كليات التقنيه هذا مريض نفسيا وعلى فكره كليات التقنية من افضل الكليات احتراما واحسن من باقي الجامعات واذا على الخراب اللي بالدنيا ترى موجو كل مكان سواء مدرسه ولا جامعه ولا دكان ولا بيت ولا فريج كل مكان موجود الصراحه الواحد يستغرب من بعض العقول الموجوده وتفكيرها واللي بناقش لايعم على جميع خلق الله بالنسبه للسؤال : هيه نعم اكيد موافق (( الثقه مطلوبه ترى بين الاخوه)) لحد يقولي لا انا مارضى لا انا ماعرف شو ...... معقوله بيي واحد بخرب على اخته ولا حد من اهله وبوقف دراسته على كلام الناس اللي مايخلص ممــ ’’ ملاحظــه ’’’ شبـــاب اللي بيعطينــي رايــه ’’ ممكن يطرشلــي اسمه ع الخــاص و شو وضيفته ’’,, سؤال غريب؟؟ عطيتكم رايي وظيفتي ... مهندس فني بشركة ادما البتروليه الاسم: تركي بن سالم الشامسي شكرا لطرحك الكريم |
السلام عليكم ورحمة الله وبركاتهـ ... تسلمين أختيهـ على الطرح.. عقب الثانوية العامة كل بنت تحتار أي مكان أنسب إلها حتى باجر إن شاء الله ما تندم على القرار الي هـي ختارتهـ.. وبعد الإستخارة كم من مرهـ ربج يسر الأمور ( أنت تريد وأنا أريد والله يفعل ما يريد )... في بداية مسيرتي الجامعية أهلي كانوا معارضين وبشدهـ إنـي ادش التقنية لأنهـ سمعتها مب هاكي الزود .. ومن الرمسهـ الي توصل للأهـل.. أول ما دشيت حسيتهـ عالم غريب لانهـ بينهـ وبين المدرسهـ إختـلاف كبيـر وهذا طبعا إحساس الي يكون توهـ مجرب شيء يديد .. لكن بعد كم من سنهـ أختلف الأمر عبارهـ دوم كنت اسمعها من امايهـ ( لاتحكم على الناس من مظاهرهم ) .. أختيهـ الشين والزين موجود في كل مكان سواء كانت التقنية أو زايد أو حتى جامعة خاصة تعرفين شو الي يفرق الإنسان وتربيتهـ ومدى الوازع الديني الي عندهـ وأخيرا طبيعتهـ .. انا شفت نوعيتين من البنات : الأولى : الي ما يواحيلهن يتغيرين وبسرعهـ قياسية .. بس ما يصدقن إنهن ينفتح عنهن حصار الأهل و عيونهم سوا كل الي يبونهـ لأنهـ بساطة أهلهم مب موجودين .. ناس سريعي التأثر بلي حولهم أو أقرب وصفا ناس شخصيتهم سطحية أي هبة نسيم خفيفة ممكن تجلبها من حال إلى حال وهذا طبعا على حسب استايل البنات والموضة الي تسيرهم في هاي السنهـ لو ويست تنورهـ مني وغيرهـ وغيرهـ.. وأغلبهم للأسف اهلم ما يرضون بالمناجر الي تستوي.. الثانية : الناس الي اصلا يكونون ناس متربين ناس على خلق ودين ما تزعزهم رمسة البنات أو حتى رمستهم عنها بالقيل والقال .. منها إنها لإنها ما تلبس مثلهم تعتبر متخلفهـ وجاهلهـ بالموضهـ وعايشهـ في عالم ثانـي..رمسة الناس.. وعمر رمسة الناس ما ودت ولا يابت الناس يرمسون ويرمسون وما يعيزون لين ما يحصلون سالفهـ غيرها .. نصيحة : إذا اختج ، بنت عمج أو أي حد حتى تعرفينهـ شخصيتهـ سريعة التغير سريعة التغير لا تودينها أي مكان تعرفين لـيش..؟؟!! لأنهـ بساطة الناس من النوعين لشين والزين موجودين في كل مكان وما اظن أي إنسان قادر على إنهـ يحتكر إي إنسان عن العالم .. تسلمين على الطرح .. |
اقتباس:
ليشـ غريب ,, مب غريبــ ’’ عاديـ ’’ ثــآآنكسـ ع الرايـ وصدقتـ بكل الليـ قلته ,, |
صراااااحه انا رااااسي افترررررر انااااااا نفسييييييييي ادشششش الكليييييه لانها احسن و اخاااااااف اذاااااا دشييييييتهااااا النااااااس يااااخذوووووون عني فكرررررة خاااايسه بس الاهل اكيد يبوووون الزين حقنا بس انا الحين ثانويه عامه وين ارووووح على العموووووم ثااانكس الموضوووووع و اترياااا اليدييييد |
^_^ آآآآناا عن نفسي أي حد حاط فباله يبا يحدر التقنيه .. أقول هذا ساير يلعب هب يدرس . . ! ما اعرف ليش .. ؟ للي أشوفه . . . بس انا دايما وابدا شي واحد فباليه أقوله لربيعاتي إذا يشاورنيه مابين الجامعه او الكليه . . آقولها إذا انتي ويه دراسه وعندج طموح . . الجامعه . . آم تبين اللعب و الخرابيط الكليه آخير لج ^_^ راي لا يودي ولا ييب .. ^_^ والسموحه |
^__^,, ثــآآنكسـ ’ ’ |
مرحبااااااااا السااااااااع الصراااحه انا استغربت يوم جفت الردوود واصله لهالدرجه انه الكل يماانع أولا انا طالبة جامعيه وهالشي الي يستوي فالتقنيه يستوي اخس عنه فالجامعه فالسكناااات ،، وبعدها التقنيه ارحم ،، وبعدين اصلا البنت المحترمه بتم محترمه طول عمرهاا واللوث لووووووث وبعدين لو كان تخصصي موجود فالتقنيه ببدي التقنيه ع الجامعه والسمووحه منج اختي بس لحد احين مب مصدقه أنه فيه ناس يفكروون جي سبحان الله وترااها وجهة نظر فقط والسمووحه منج خيتو وتسلم يمناج ع الطرح المميز |
| الساعة الآن 04:34 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir