|
ليش جي صار بالمنتدى ً؟؟ السلام عليكم ورحمة الله وبركاته يا اخوان شو سالفة المنتدى ليش جي صار شبه مهجور ؟؟ انا مسجل من بداية سنة 2008 من اول مافتح المنتدى >>>> طبعا كان المنتدى قبل 2007 بس هكروا عليه !! المهم فتح رسمي ديسمبر 2007 اذكر فسنة 2009 كان المنتدى من أفضل المنتديات على الانترنت انا غبت فترة زمان ورجعت الحين وأحس بعمري يالس فكهف فوق روس اليبال ؟؟؟ شوفوا يا إدارة شو صار ..؟ الله يسامحكم سلمتوا الإشراف حق اليهال :1: |
مرحبـآآ الشيخ .. تبـآآ الصدق .. رمستك مآفيهـآآ شك .. المنتدى صـآر بـآرد والـأعضـآء أختفوآ وين الحمـآس والموآضيع الغـآوية و التفآعل .. أتمنى تعيدون النظر في الموضووع .. لـآن بصرآحة ممل الشي .. والسمووحة .. |
ان شاء الله يعود المنتدى كما كان المهم هو التواجد والتفاعل الحقيقى |
السلآم عليكم ورحمة الله وبركاته .. السبب وآضح ! أكثر النآس حالياً متفاعلينَ في مواقع التواصل الثانية .. والكل تويتر والإنستقرام وغيره :) ، |
السلام عليكم والرحمه .. طبعا انا مدمنه في هالسكشن بالذات .. طبعا لا شك في كلام اختي يوم قالت ( بسبب وجود مواقع التواصل الاخرى كالتويتر والانسقرام .) وفوق كل ها .. احس في هالسكشن بالذات مااشوف مواضيع مشيقه للنقاش .. الاغلب يحطون مواضيع منقوله وغير محمسه ومالها علاقه في النقاش خصوصا .. وباقي السكشنات ما اعرف والله .. ان شاء الله الاداره ماراح تقصر .. |
عليكم السلام والرحمه ي خوي ويسسعد مسسساك بكل خيرررر وسعاده شحالك ي الشيخ وبخصصصوص سسؤالك مثل مآ قالت اختي اسرار القلب الكل ترى ملتهي بتوتير وانستقرام وسناب كات مدري شات المهم سحبو ع المنتدى ههههه وثاني شي لاحظت الكل معسكر صوب الروايآت والله لو المدير ما حط تسجيل من بعد ما تجوف موضوع او موضوعين كان اغلبهم زوار بسس لو الادارة تحط صندوق محآدثآت للمنتدى للسوالف وجيه هالشي بيخلي الاعضاء مع بعض والآستآيل لو يغيرونه ع الدوام بيجذب زوار وان شاء الله المنتدى بيرد شرات قبل بس عاد المدير وين مختفي الله يحفظه وين ما كآن |
يا مرحباً فيكم اخواني ومشاركاتكم أسعدتني كثيراً بكل تأكيد كلامكم عين الصواب ظهور هالمواقع كان له بعض الأثر ..!! وظهور الأجهزة الاخرى مثل الايفون والأيباد والبلاك بييري الخ ،، له بعض الأثر أيضاً بس انا بعدني مصر على رأيي ،، التقصير من الادارة .. سلمت الإشراف للأطفال تتخيلوا ياناس .. مراقب عام المنتدى عمرة 12 سنة (( تراني أعطي أمثله فقط .. وما اقصد حد معين )) .. الادارة تشوف المشاركات الكثيرة قالوا خلاص انته مشرف ..!! انا حزين على حال المنتدى حرام والله سنة 2009 كنا الأفضل على الساحة والحين قمنا نتعذر بمواقع التواصل الاجتماعي !؟!؟ تدرون انا توني ظاهر من ثلاث منتديات محلية كلها مليانة مشاركات وتفاعلات !! وكلها ماتأثرت يعني ،، شمعنا هالمنتدى ؟؟! الاخت سميتج غلاي كلامج صحيححححح أكيد بس فسنة 2009 كان شي صندوق محادثات وكان المدير الله يذكره بالخير محروم كان شخص مجتهد جداً وكان معسكر فالمنتدى 24 ساعة كان يغير الاستايل كل يومين وكان شخص فاهم ف أمور النت وجي وكان مهتم فالمنتدى بشكل كبير الله يجزيه الخير مممممم أختي ليش تزقروني بالشيخ ؟!؟ تشوفوني لابس بشت مثلا :045: ككككك أختي انا مواطن عادي ،، |
مرآحب فييك ، ولد الامارات بقولك شي من ظهر البي بي والتوتير وعيال عمهه الكل قامت توصل له المعلومات كما البرق الكل مفكر زمن المنتديات ولت عسب جيه ما يحدرون واي المنتديات لي فيها مشاركات وتفاعل بروح هناك خخخخ امزح عن انصك بباند محترم ههههه يوه يوه كان شي محادثات راحت علي ياخي دوم حظي مصخم :0088: بس سؤال ليش شلووه ؟ لو شي صندوق محادثات ع الاقل الناس بتحدر وبتسسولف وف احتماليه من انهم يخففون من الروايات وجيه هههههههههه انا حكمت ع اسسلوبك احسسك شيبه مال قوم 25 وفوق هههههههههههه |
والله !! يعني اي شخص فوق ال 25 يصير شيخ ..!! جين جين شي جميل :20: ،،،،،، هيه صح كلامج ظهور هالاجهزه له بعض التأثير مثلا انا الحين حادر من ايباد ومرات أحدر من الايفون ومرات بالسامسونج انزين كل هالاجهزة ماتظهر الفلاشات والتواقيع الفلاشية مثلا وحتى الصور الرمزية ما نقدر نغيرها ف بعض الأجهزة وأيد اشياء ثانية تستوي عالكمبيوتر وما تستوي ف الاجهزة هاي !!!! المهم هيه كان شي صندوق محادثات :02: بس ليش سكر ومتى انا ماعرف انا ما أشارك هناك وايد وكلامج عين الصواب وشكرن |
السلام عليكم ورحمة الله وبركاته كيف الحال ان شاء الله كل اعضاء المنتدي بخير اخت الكريم المنتدى صار ممل صراحة صرت من النادر ادخل و اذا دخلت ادخل عالسريع انا كنت مشرف على هذا القسم لمدة و كان في فيه نشاط عجيب و بعد ما تنازلت عالاشراف بقت اطرح مواضيع و كان يتم غلقها و راح اعطيكم موضوعين انا استغرب ليش تم غلقها http://vb.ma7room.com/t61146.html http://vb.ma7room.com/t278830.html و بعد الاطلاع على هالموضوعين اعطوني انتم سبب الاغلاق برغم انها مواضيع تساعد في اثراء المنتدى اخي الفاضل يبقى سؤالك دوم مطروح ما استطعنا الاجابة عنه ان شاء الله الادارة تلقى الحل لكم من اخوكم اجمل و ارقى التحايا السلام عليكم ورحمة ربي و بركاته |
هلا هلا اخووووي السيل وشرف كبير ردك عليه انته كنت مشرف مميزا جدا واذكر كان بجوارك مشرف مميز اخر ربما ولد الجسمي اعتقد هذا انا ما كنت أشارك وأيد ؟؟ المهم اذكر فسنة 2009 كنا الأفضل بلا شك وياسيدي الفاضل اطلعت على مواضيعك ولم اجد بها عيوب وسبب الاغلاق لمواضيعك // يثبت صحة كلامي وان المنتدى سلم للاطفال وصغار العقول نتمنى من الادارة الرد وإخبارنا بالأسباب ،، |
اخي السيل انا أيضاً كنت مشرفا على قسم اخر وعضوية اخرى وكنت موجود قبلك بفترة طويلة ،، لكني تركت الإشراف وتركت عضويتي الاخرى اللهـم أحـسِـن عاقبتنا في الأمـور كلـها .. وأجـرِنا من خِـزي الدنيا وعـذاب الآخـرة .. ،، |
و انا بعد لي الشرف اني اشارك فمواضعك اخي الكريم وش عسانا نقول : الله يصلح الحاال و الاحوال و يعيد هالمنتدى يلم شملنا مثل ما كنا من قبل و يكون همنا الوحيد كأعضاء تقديم ما هو مفيد لنا جميعا لك مني اخي الفاضل اجمل و ارقى تحايا ربي يوفقك دين و دنيا السلام عليكم ورحمة الله وبركاته |
اتفق معاك لو اداره قويه تقدر توزع مهام المنتدى ع اشخاص يقدرون يسيطرون على كل قسم بس اطفال طبعا ما اقلل من شأن اللى اعمارهم تحت 14 بس يتمون اطفال م عندهم حس المسؤليه بشكل عام وهمهم تقريبا التسليه والقراءه والالعب مش بالمنتدى حتى على مستوى الواقع مش منطقي تحط طفل عمره 14 سنه مدير قسم ! منتدى كان ممتاز وانا رايي انه ما يخصه مواقع التواصل او انه هي السبب ممكن لها تاثير بس مب ذاك الزود في منتديات كثيره مسجل فيها وفعاله وقويه لان الاداره قويه اي طفل يشوفونه يلعب ويخرب على طول باند وبرع ويلغون العضويه ان شااااء الله يرجع المنتدى مثل اول واحسن خصوصا على شهر رمضان باقي 4 شهور على رمضان احب هالشهر وايد ههه طلعت من الموضوع اسمحولي هع تحياتي :) |
ولد الامارات هيه شيبه بنظري هههه وشسمه عن تجربتي لآستخدام الايباد ترى يستوي تحط صور رمزيه وحتى تشوف الفيديوهات اللي ب الفلاشات بس يباله برنامج بًفلوس العمر ما يسوى اممم المدير ما بيسأل عن شخص وكم عمره عشان يحطه ف قسسم معين ! اكيد بختاره من تفاعله وردوده بالمممنتدى وعارف لسوالف المنتدى وله مدة ويانا ولو شخص عمره 15 سنه ترى عقل من عقل يختلف يعني ياما شفت ناس عمارهم 16 احسن من اللي عمره 25 لا تقولو ماشي شي ونا شايفه بعيني ، مجرد راي ي الغاليه ولا تزعلين وبما انه محروم دش ان شاء الله بتصرف ويرد المنتدى شرات اول :GIF_13.gif: |
جذبني عنوان الموضووع انا اعتبر احين عضوه يديده لاني نسيت عضويتي القديمه صح احين المنتدياات بشكل عام صار الاقبال عليهن اقل من قبل و انا من وجهت نظري شرات ما قلتم السبب وسائل التواصل الاجتمااعي واايد اثرت... بس نقدر نرجع المنتدى شرات قبل و احسن بعد اذا المدير محروم رد يتفااعل ف المنتدى لان المنتدى فيه ميزه تميزه عن غيره.. تسلمـ ولد الامارات ع هالموضوع الشيّق |
السلام عليكم و رحمة الله , اول شي يسعدلي صباحكون كلياتكون , ثاني شي غالبيتكم اعضاء قداماء ف لو اتمون بنكاتكم القديمه الواحد بيرد يحن و يسجل و يخبر الناس عن عمره .. بس صارو الاغلبيه يتخفون بنكات غريبه الواحد مايعرف منو هذا و يحس انه غريب .. مثلا انا اللحين داشه بنك مستعار يديد بس نكي الاولي موجود لين اللحين و لا دخلت منه لانه اللي كانو معايه اندثرو .. ف لو الكل دش بنكه القديم بيحفز الباقي .. و سلامتكو , |
السلام عليكم ورحمة الله وبركاته كل أسبابكم صحيحه بس بقول شي زياده الحين فيه وايدين ف المنتدئ اعرفهم ظهرو من المنتدئ الان ربيعاتهم ظهرو وكل شخص كان يدخل يبا شي معين يبا يشوف شي يديد يمكن صار ملل من كثر ما يدخلو وما يحصلون شي يديد وبطلو يدخلون وانا عن نفسي كنت ف قسم الالعاب واييييييييد اتحمس و ألعب جي نجتمع مع بعض وندخل قسم الألعاب ونلعب كنت احسه ممتع ومب بس قسم الألعاب كل قسم تقريبا حبيت اترك بصمة فييه ومن بعد ما عيبني المنتدئ شفته فجأو ممره وحده اختفو ما ألومهم كلن وضروفه يمكن أشغلتهم الحياة مب شرط أنهم إنشغلو بمواقع تواصل إجتماعية أخرئ وشكراا |
[align=center]شكرًا على تفااعلكم جميعا بارك الله فيكم اسمحولي اتاخرت ف الرد بصراحة مابا اعلق ومابا اظلم حد !! مممممم هي والله نتمنى ترجع الحياه للمنتدى خاصة ونحن مقبلين ع رمضان أحيد ف رمضان مسابقات وتفاعلات واجواء. اووووكيك شكرًا لكم جميعا ^_*[/align] |
مرحبا الساع طويل العمر .. شحوالك عساك بخير وسهالة طبعا انا عضوة يديدة وحبيت اعلق ع موضوعك الجميل او مثل ما نقول ع العوووق ... طبعا ما راح اعيد اللي قلتوه من تعليقات بخصوص اختفاء الاعضاء وقل التفاعل لانكم ببساطة كفيـــــــتوا ووفيـــــوا و ما خليتوا لي حاية عسب اقولها هههع ... طبعـــا :( انا شاردة من منتديين كنت مدمنة عليهم وايد والسبب نفسه اختفاء الاعضاء واللي يقهر زود ويجلط الواحد هو [ تسفير المنتدى بكبره ] يعني محد > تسكروا يقههر الشي بس مو بيدنا شي لان صاحب الموقع له الصلاحية كلها صحيح تعرفنا ع اوادم و اشتقنالهم بس الله كريم ما باليــــــد حيله ^ ع العموووم جزيت خيرا ع ها الموضوع واتمنى من كل قلبي ان ها المنتدى يكون احسن واحسن Good Luck |
بخبركم السبب الرئيسي وان شاء الله مانعطى باند .. السبب الرئيسي والمهم انه : اذا جاءت الملائكه تختفي الشياطين .. وانا ييت والكل اختفا :$ ووبهاهاهاهاهاهاهاهاهاها هههههههههه يااخخخخيييييي جد انا دشيت هالمنتدى ويا صديقتي سميتج غلاي .. بس حسيت فيه وايدين عشان جي شاركت , ويوم الحين ادخل , , ولله الحمد ماحصل حد :$ احس لو قلت مرحبا ,, احس حد يقول با با با با << صدى صوت يعني وججي فهمتو !! والله ترا انا وسميتج غلاي نطااااااااااااااااااااالب ب صندوق المحادثات .. كنا نبدع ونحدر وااايد عشان نسولف وجي وبعد نخورها هههههههههه بس بنتأدب الحين وجي :$ الشعب يطالب بصندوق المحادثات .. اذكر الربع :( كلنا جي نتيمع فالصندوق ونسولف :$ كشخه اياام حلوه ... وهيك يعني اسمحولي .. حسيت جوكم حزين وقلت بستهبل وبكتب بعدين رايي وجي :$ ^لاتزعلون .. |
سميتج غلآي مرحبا الساع كلامج اوكي مب دوم اللى عمره 16 ولا 15 ياهل ممكن نستغرب احيانا انه عاقل ويقدر المسؤليه ونعطيه عمر اكبر من عمره ويفهم اكثر من الى عمره 30 بس بشكل عام 14 سنه و15 طفل بعده مب ناضججج هع يعني توه في البدء واغلب همه العب اتسلى اتحمس اشارك زين شاركت ؟شو يعني مب اي حد يشارك خلاص نختاره هذا رايي ممكن يشارك مشاركه وحده ويجذب ويشجع غيره ع الرد والمشاركه بس نشارك لمجرد نزيد مشاركات شو الفايده ؟ لا عادي رايج اتفق وياه نوعا ما واختلاف الراي لا يفسد للود قضيه بس انا مب الغاليه انا الغالي ههههههههههههههه رمضان حلو وتغير الاستايل حلو بيشجع ناس كانوا مشاركين هني يتحمسون من يديد وتدب فيهم الحماسه هع تحياتي |
السلام عليكم الناس ما عادت مثل الاول انت تتكلم عن فئه قديمه من الناس كبرت وتغيرت ظروفهم وحياتهم صار عندهم مسؤوليات اكبر من منتدى ومشاركات ممكن تقول يفضون شوي من وقتهم بس صعبه وانا من الي يحدرون بين فتره والثانيه لان حياتي تغيرت عندي مسؤوليات اكبر عن قبل لو تحسبها بين دوام للساعه 3 وكليه من بعدها لل 8 يدوب ارجع البيت اقعد مع الاهل ساعتين واخمد من بعدها الا اذا كان عندي امتحان قبل كنت احدر يوميا وعادي اقضي وقتي وبالذات السبت كله فالمنتدى وما يخص كون الاشراف صار تحت صغار او كبار فهو على حسب ما ينجزونه وما تقدر تتحكم بعقول كل المشاركين واهتماماتهم بالذات ان اغلبهم بسرعه يفقدون اهتماماتهم حتى لو كان المنتدى في افضل عطائه !! والسموحه في حفظ الرحمن |
هلا وغلا الأخت الحب قلبي انا ماعرف لموضوع صندوق المحادثات وجي اطلبي من الادارة وإنشا لله خير الأخت الزمن بكاني كلامج عين العقل كلامج منطقي وف محله الحين تغيرت الأوضاع وتغيرت الظروف والأحوال ومشاعل الدنيا كثيرة جدا بس هذا كله مش عذر مقنع >>> عن نفسي وايد التزامات ومشاغل عندي بس اقدر ادخل المنتدى فأي مكان وأي وقت حاليا انا خارج البيت وداخل المنتدى واللي يبغي الصلاه ماتفوته واللي يبغي المنتدى بيوصلة الحين حتى الأجهزة اللوحية ب 200 درهم تفي بالغرض والنت فكل مكان والحين شركة دو يخططون لجعل الدولة ب مسمى المدينة الذكية قريبا النت فري فكل مكان المهم انا لازلت مصر بان بان المنتدى سلم للأطفال ومثل ما قال الأخ العمر مايسوى الأطفال كل همهم اللعب والتخريب ومثل ماقال الأخ السيل بان المواضيع تحذف بدون ذكر سبب !! أختي من زمان كنت ارمس واحد عالمسنجر من إدارة هالمنتدى اللي نكاتهم بلون ازرق كنت ابغيه يساعدني ف موضوع المهم عقب فترة اكتشفت عمره 12سنه هالكلام كان ب 2011 اعتقد المهم خلينا ننسا ونترك هالاموور ع صوووب انا أتمنى عودة المنتدى للحياة :wrd: شكرن ^_* |
اخوي ولد الإمارات عن سالفت صندوق المحدثات يحطونه بأول الصفحه يقدروا يسلفون وجي ويقدروا فيه يتناقشوو ويتفاعلوا مع بعض وجي يعني ويقدر الكل يسولف وياه وهذا على حسب ظني وعلى سالفت ان المنتدى صار مييت لأن الدنيا تلهي والمشاغل تحل عليهم ويصيروون اقل دخول يعني في بنات اعرفهم مسجلين هني ولهم عضويات كبيره بس هم مايقدروا بسبب المدارس وهن رايحات علمي مب قادرات يدخلن لأن الظروف تحكم وصدق المنتدى صار واايد ماافيه فعليات بس شوو نسوي مدام الكل عنده مشغال اخوي حلو موضوعك واستمر على ان يكونوا الكبار مشرفين مب صغار سلمت على هذا الموضوع تحياتي:دااانه غير |
هيه صح محد يروم يدخل !! جوفي احصائية المتواجدين عقب اتكلمي 600 موجودين 585 زوار 25 أعضاء الناس تدخل بس محد يبا يشارك ،، |
السلام عليكم اسمحلي ارد مره ثانيه اتفق معاك ان نحن في عصر التكنولوجيا وصار سهل الولوج للمواقع من اي مكان بس يبقى لازال البعض يصعب عليهم توزيع اوتقييم الاولويات وفي بعض الاحيان تكون التزاماتهم اقوى من انهم يدخلون المنتدى وبعد مع طرح انواع التكنولوجيا اليديده صارت تنزل معاهم برامج بديله للمنتديات فما عاد اهتمام الناس محصور في المنتدى والاهم من كل هذا يمكن المنتدى يحتاج للترويج للمنتدى على نطاق اوسع مع العلم انهم مب مقصرين بس يمكن يحتاج لجهود اكبر والله اعلم وبالنسبه للمراقبين وصغر سنهم ،، من ناحيه ممكن نقول ان هذا غلط ومن ناحيه هو صح ممكن غلط لانهم مثل ما تقول يحبون التسليه و غير مؤهلين لان يمسكون المنتدى وصح اذا ما نحن ساعدناهم لان في الاخير الامر مش محصور في اداره ومراقبين حتى نحن نقدر نعينهم في مسؤولياتهم مجرد راي والسموحه دمت في حفظ الرحمن |
كلام منطقي شكرن لكي على المساهمة ،، |
انا احس من ظهرت برامج التواصل الثانية راحت هيبة المنتديات وغيره .. بس بعد الاعضاء بامكانهم يردون المنتدى بتفاعلهم ونشاطهم |
| الساعة الآن 10:33 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir