بسم الله الرحمن الرحيم ..

السلام عليكم و الرحمه ..

شحالكم ؟؟ .. عساكم بخير ؟؟ ..

اليوم .. قررت اني انزل روايتي في ها المنتدى الجميل ..

طبعا هاي مب روايتي الاولى .. لي روايه من قبل نزلتها بس طلبت يحذفونها لانها ما وصلت للي اباه ..

بس بعد مده .. ييت لكم بروايه ثانيه وهي ..

" وَ أنآآ بـھا ... خَآلدٍ " ..

روايتي بشكل عام تتكلم عن مجتمعنا الحالي .. عن بعض من الشخصيات لهم دوور كبير في الروايه يواجهون بعض من المشاكل ومع الايام هل بتنحل ولا ؟؟ ..

ماقدر اتكلم وايد عنهم تابعوني في روايتي " وانا بها خالد .. "

قبل لا انزل البارت الاول .. عندي بعض النقاط اتمنى الكل يتبعها ..

*الصلاه الصلاه الصلاه .. اللهم بلغت اللهم فـ آشهد ..
*ماحلل من ينقل روايتي بدون ذكر اسمي " جموح " ..
*اتمنى اللي عنده اي نقد لي .. لا يتراجع في ذكره .. يمكن اتعلم من انتقاداتكم ..
*لا تحرموني من مشاركاتكم .. و تضيعون حماسي ..

واخيرا .. بنزل بارت الحين واتريا مشاركاتكم ..
.
.

جموح .. :wrd:

وَ أنآآ بـھا ... خَآلدٍ

البارت " 1 "

" الصلاه الصلاه الصلاه .. اللهم بلغت اللهم فـ اشهد .. "

.
.
.

اليوم : الاثنين ..
المكان : بيت بو راشد ..
الساعه : 8 المسا ..
.

حسيت بفرحه وانا اشوف العايله كلها متجمعه وفرحانه بشوفتي ..
ههههه اقصد برجعتي يعني من السفر .. زين العايله كلها ما راحت و استقبلتني في المطار ..
جان امايه سوتها مناحه في المطار .. بس زيين انه ابويه رفض روحه الحريم .. وخلى حمد اخويه .. وناصر ولد عمي يروحون يشلوني ..
اما الحريم واللي هم امايه و عزه و مهره خواتي .. قعدن في البيت يجهزون لاستقبالي ههه ..
اكيــد سؤالكم ويـن كنـت !! ..
كنت مسافر مع الربع لايطاليا .. وقعدنا هناك بحدود الثلاث اسابيع و كم يوم .. يعني تقريبا شهر .. اللي متزوج ارتاح من حنه الحرمه .. واللي عزابي مرتاح من حنه امه للزواج .. يعني الفئتين مرتاحين ..
بس بيني و بينكم انا بعد ارتحت .. وخصوصن من امايه .. تبا تزوجني اونه !! ..
تقول يوم من الايام بروح اخطبلك وحده بدون ما تدري .. يعني بالغصب..
وانا ماريــد !!!!! ..
خصوصن بعد ما موزه راحت من ايدي و تزوجت غيري .. احس خلاص ابواب الدنيا تسكرت بويهي ..
ادري انه ها السالفه من سنه يمكن .. بس صعـــب عليــه اني اعيـش في البيت نفسه و اشوفها دوم بس مـع غيــري ..
لو تزوجت غير اخويه جــان انا ناسنها من زمان .. بس الذكرى دوووم موجوده ..
عشان جيه اقترحت لشلــه انه نسافر نغير جو .. وكلهـــم ايدوني .. فـ رحنا نحن الشباب .. اللي كنا مجموعه شوي كبيره .. لايطاليا .. وبسياره او القطار كنا نزور الدول المجاوره ..
حطو العشى .. ونحن الرياييل توجهنا للميلس .. عشان نخلي الحريم ياخذن راحتهن اكثر ..
كان ناصر ولد عمي ع يميني اللي كان يسولف مع حمـد اخويه عن مواضيع طايشه .. وابويه ع يساري ..
كنا نسولف كلنا مع بعض .. الا حمـد و ناصر يسولفون بروحهم .. بس انضمو لنا وابتدا بسؤال حمـد
غمز لي .. و ابتسم ابتسامه ماكره ..
حمـد : هاه خلود شفت الشقر !! .. عسى بس حطيت عينك ع وحده فيهن ..
ابو راشد ( ابويه ) : ولــــــد !!!!! .. شو ها الكلام !! .. منقـــود ..
خالد : هههههههه والله انه عيونك زايغه انته ..
راشـد : ناصر انته دوم تيلس وياه .. عطه شويه دروس من الرزانه ..
ناصر :ههههههههه عطيته يابوك .. بس هو عيونه زايغه ع قولت خالد ..
حمـد : تحسسوني انكم ما طالعتـــو ..
ابو راشد : خوااااانك .. مب مثلك .. عقـــال وسوالف الطيش هذي مالت شباب ها الايام ما كد سووها ..
خالد : ما بيعقله الا الحرمه ..
راشـد : هيه ابويه زوجوووه .. خله يفكنا من حشرته ..
ناصر :هههههه ماظني ..
حمـد : زوجوووني .. وان شالله بعقل ..
ابو راشد : قبل ما خالد يتزوج .. مــــــــاشي ..
حمـد : افااا يا بو راشد .. انته اول واحد تعرف انه خالد ما يبا يتزوج ..
خالد : ابويه اغسل ايدك مني .. زوج حمـد قبلي وايد احسن لاني ما بفكر اني اتزوج الحين ..
ابو راشد : تصرف ويا امك .. انا مالي خص .. هي قايله جييه ..
راشد : الا خالد .. انته ليش ما تبا تزوج ! ..
قلت ببرود .. ومن بعدها كل حد سكت عن ها الموضوع و بدو يغيرون السالفه ..
خالد : يوم القى البنت ان شالله ! ..
ابو راشد : الله يهديك يابويه ..
خالد : امين و يهدي اليميع ان شالله ..
استــــــــاهل .. انا اللي فتحت الموضوع .. لو قابض لساني وايد احسن ..
بعد ما خلصت العشى .. رحت المغاسل .. و غسلت ايدي .. عقب طلعت من الميلس .. وتوجهت للبيت ..ب
بما انه الميلس منفصل عن البيت .. وله باب بروحه ..
دخلت البيت .. وقبل لا ادخل الصاله .. قلت بصوت عالي عشان يسمعوني ..
خالد : هـــــووود ..
سمعت صوت امايه .. وهي ترد علي بصوت عالي ..
ام راد : هدا هدا ابويه .. ادخــل محد غريــب ..
كنت اعرف انه بنات عمي داخل .. عشان جيــه ما حبيـت ادخل الا وانا مستأذن .. وسامع صوت امايه وهي تأذنلي بأني ادخل ..
دخلت الصاله .. ومن غير سابق انذار .. نقزت ع الكنبه اللي امايه كانت قاعده فيها .. وحطيت راسي ع ريلها ..
ام راشد : وابيـــه عليــك انا ..
خالد : امـــــــايه .. والله مشتااق لحنانج ..
عزه اختي : خلوود طولك طول و عرضك عرض .. و تدور حنان امايه ..
طالعتها بنص عين ..
خالد : مادري منو بيدور حنان امايه .. بعد ما يطلع من البيت ..
ابتسمت بخبث وانا اطالعها مستحيه و منزله راسها .. اسميها الا هاي نقطه ضعفها ..
ضربتني امايه ع راسي ..
ام راشد : اسميك الا ما تستحي ع ويهك .. قوم قوم عني ..
قمت من ع ريل امايه .. وعدلت يلستيه وانا عيوني ع بنات عمي شيخه و نوره اليالسات .. عدال عزوه و كل وحده ماسكه تلفونها وترقع فيه ..
خالد : ييييييييييييييييهأأأأأأأأأأأأأا .. ضاااعن بناااااتنا ..
ولا وحده فيهن رفعت راسها او ع الاقل بينتلي انها سمعت اللي قلته .. لانهن عاطييين التلفون كـــــــــامل حواسهن ..
صرخت بصوت عالي وانا ابدا اخبل بالعوده اول عقب الصغيره ..
خالد : شويــــــــــــــــــخ ..
طالعتني بنظره بارده ..
شيخه : نعــــم ..
تنحنحت .. وعدلت يلستي ..
خالد : احــم شحالج !! ..
شيخه : بخير ..
وردت تركيزها لتلفونها .. عقدت حواجبيه باستغراب .. شو ها الشي المهم اللي قاعدات عليــه !!!!!! ..
خالد : قومـــي صبيلي شاااي احمر ..
شيخه : صبلك بروحــك ..
شفت عزوه ادزها بخفه .. وتعطيها نظره ما فهمت معناها .. بس اللي عرفته انه شيخه فاهمه نظره عزه ..
قامت شيخه وهي تتأفف و صبت شاي و حطته عند الصينيه .. بدون ما تقربه لي .. وردت يلست عدال عزه ..
خالد : انزين كملــي معروفج و قربييييه .. بس ماعليـــه مشكوووره ..
شيخه : العفـــو ..
تقربت من الصينيه و خذت الكوب .. بس ما رديت لعدال امايه .. اللي حطت راسها ع مسند الكرسي و غمضت عيونها ..
شفت شيخه ردت و مسكت تلفونها و مندمجه فيــه .. وعزوه ماسكه تلفونها بعـد بس عيونها ع تلفون شيخه ويتهامسن ويتضاحكن .. ويا بعض ..
خالد : عــــزوووه .. باجر بسير دبي بتسيرين ويايه !! ..
عزه : دبـــــــي !! حق شــووه !! ..
خالد : بس جيه بغيت اغير جو .. بتغدا هناك و بنحوط شويه .. وعقب بنرد ..
عزه : اوكيـــــه بسييير ..
شيخه : ناصر بيسير وياك ! ..
طالعته بنص عين .. من سمعت طاري دبي ع طول رفعت عيونها .. من ع التلفون .. بس عنادا لها حبيت اغايضها
خالد : هيه ناصر بيسير .. و اخوج سيـف بعد بيسيـر ويانا ..
شيخه : الــــللللللله بسيييير ..
خالد : قري محلــج .. ما عزمناااج ..
شيخه : لا والله شمعنى عزه تسيــر !! ..
خالد : مب بس عزه .. حتى مهره اختي اذا بغت بتسير .. ونوره اختج بعد .. بس انتي لااااااااااااء لااااااااء لااااااااااء ..
عزه : حـراااااام عليـــــك خلها تسييير ..
خالد : عيــل حتى الشاااي مب رايمه تقربه لي !!! .. الحين انا ولد عمها التلفون اهم مني !!! ..
طالعتني بنظره تحدي ..
شيخه : هيـــه التلفووون اهم منـــك ..
خذت رشفه من الشاي .. وانا اقوول ببرود تــــــــــااااااااام ..
خالد : زيــن عيـل .. قــري محلج و ساعدي البشاكيـــر ..
شيخه : هييييه بساعدهن .. و بسوي الغــددا .. بس اباااك تذووق شي منه ..
خالد : لا من ها الناحيه لا تخافيـن .. في نفس الوقت اللي تطبخييين فيــه .. نحـن نتغدا في مطعم من مطاعم دبـي ..
شيخه : بتتغدووووون هنــــــااااااك !!! ..
خالد : بنتغدددا و ينتعششااا .. و لو بيدي جان بتنا ليله هناك و تريقنا .. اليوم الثاني ..
عزه : انــــــا ما بسيـــــر اذا شيخه ما بتسير ..
خالد : احســـن بعــد .. ساعديها في الطبيــخ .. بالمره سحبو وياكم مهرووه اختي و نوره بنت عمي .. عشان الطلعه تكون شبابـــيه اكثر ..
شوي و دخلو الرياييل .. ابويه .. راشد و حمد اخواني .. وناصر ولد عمي و اخو شيخه ..
بو راشد : يووووووووووه يا ام راشد ..
نشت امايه بخوف و هي حاطه ايدها ع صدرها ..
ام راشد : شو فيــك محـــمد !! ..
بو راشد : نشي ابوويه رقدي داخل .. ارتاحي هناك ..
ام راشد : اووف غفلت هنيه !! .. يالله تصبحون على خير !! ..
الكل : وانتي من اهله ..
طلعت امايه من الصاله .. اما الرياييل فانتشروا في الصاله ..
اللي قعد ع الارض و اللي قعد ع الكرسي ..
شوي شيخه بدت تزن .. وقالت موجهه كلامها لناصر .. اخوها العود ..
شيخه : نـــأصر باجر بتروحوون دبــي ..
ع طول ناصر طالعني بعصبيه ..
ناصر : قلتلها !!!!!! ..
خالد : ماعليييه لا تخاف ما بتروح ..
قال بعصبيه .. وهو عاقد حواجبيه ..
ناصر : شو هاااي الحاله .. الحييين بتقعد تزن فوق راس ابويه خله يشلني خله يشلني .. وانننا ما ارييد اشلها ..
عزه : انزين انا بروح .. اقعد مع منو اذا رحت ..
ناصر : انا مالي خص فيييج .. هذي شويخ اعرفها حشرررررره ..
بو راشد : زين ناصر ابويه هد شوفيـــك معصب ..
نزل ناصر راسه .. وهو يحاول يخفف من عصبيته .. ويهدي اعصابه ..
حمـد : نــاصر عزه بتركب مع خالد .. اذا ما تبا تشلها انته ..
وقف ناصر .. وقال بضيج ..
ناصر : لا بتركب معايه ولا مع خالد خلها تقر محلها .. ( طالعها بعصبيه وهو يأشر جدامه ) يالللله نسيـــر .. انتي و اختــج .. مع السلامه
وقفت شيخه .. ومشت ورا ناصر .. اللي طلع من الصاله وكل خطوه اطول من الثانيه .. اما نوره فربعت .. وراحت غرفه مهره اختي .. تقول تبا تيــب شغله من هناك ..
بعد ما طلعو .. هز ابويه راسه بأسى ..
بو راشد : الله يسامحك يا خالد ..
طالعت ابويه .. وعقب طالعت خواني راشد و حمـد .. اللي كانو يطالعوني بلوم ..
تنهد ابويه .. وقام
بو راشد : انا ساير ارقد .. حد منكم بيطلع من البيت !! ..
حمـد : انا بطلع ..
بو راشد : وين سايــر ..
حمد : ما بتأخر هنيه ساعه و راجع ..
طالعه ابويه بتهديد .. و اشر عليه بالسبابه
بو راشد : ان نشيت لصلاه الفير .. وما لقيتك ع فراشك .. اسميك الا بتبات برا البيت ..
حمد : يا بويه قلتلك ساعه و راجع .. الساعه 12 وحده بالكثير انا في البيت ..
بو راشد : بنشوووف .. ( طالع عزه ) عزوووه عقب ما يطلع حمد من البيت قفلي الباب .. ( ورد طالع حمد ) لا تنسى مفاتيحك اذا ما تبا تبات في الحوش .. يلا تصبحون على خير ..
الكل : وانته من اهله ..
وسار ابويه غرفته اللي مكانها تحت هو و عيوزه .. بحجه انهم ما يرومون يرقون الدري .. عشان جيه مطرحها تحت ..
طلع راشد من بعد ابويه .. وسار جناحه اللي مخصصيله فوق هو و حرمته .. مـــــــــــوزه !! ..
اما حمـد فطلع من البيت .. وعزوه قفلت الباب وراه .. وسارت غرفتها ..
سكرت التلفزيون و ليتات الطابق اللي تحت .. و توجهت لغرفتيه .. وانا حاط في بالي اني اطالع فلـم .. من الافلام اللي عطاني اياهن هذيج المره .. ربــيعي أحمــد ..
.
.
.
اليوم : الثلاثاء ..
المكان : بيت بو ناصر ..
الساعه : 11 الصبح ..
.

( شيخه ) ..

اخيرا نجحت في اقناع ابويه انه ناصر يشلني دبي .. و قالي ما عليج منه بتسيرين .. لو هو ما بيوديج انا بوديج ..
فرحـــت بصرااحه .. تميت اتريا احر من اليمر لين ناصر ما ينش من الرقاد عشان اغايضه بقرار ابويه .. وبالمره عشان نطلع و نسير ..
كانو عيال عمتيه حصه .. عيسى و عمر موجودين .. معانا ..
اخيرا نزل الشيخ ناصر بن خلفان الـ........ .. تو الناس بس الحين الساعه 11 وهو نازل بيفونه ..
ناصر : صباح الخير ..
الكل : صباح النور ..
قعد ع الارض عند الريوق و صبله شاي .. وهو يتكلم و موجهه كلامه لابويه ..
ناصر : ابويه .. تراني طالع مع عيال عمي دبي ..
ابو ناصر : وشعنه ما تخبرني !! .. توك الا فضيييت ..
ناصر : امس قرروا و ماوحيــت اخبرك ..
ابو ناصر : هييه خير ان شالله .. ( طالعني ابويه ) سيري ابويه تلبسي و قولي حق اختج تتلبس ..
فر ناصر الكوب ع الصينيه بعصبيه ..
ناصر : ابوووويه حققق شوووو تتلبسسس !! ..
ابو ناصر : جيييه اختك سايره وياك ولا شوووه الراي !! ..
ناصر : لا لا ما بتسير !! ..
ابو ناصر : ما شاورتك اناااا .. عيل عزه و مهره بنات عمك يسيرن و خواتك ما يسيرن !! ..
ناصر : عزه و مهره انا مب مسؤول عنهن .. خوانهن شالينهن و هم المسؤولين عنهن .. وانا ماريد اعور راسي ببناتكك ..
عيسى : سايرين دبـي !!! ..
ناصر : هيه نسيت اخبرك .. موصيني اخبرك انه بنسير دبي .. لانك دوم انته و اخوك طايح عندنا .. بتسيرون صح !! ..
عيسى : هيــه اكيـــد بسير ..
عمر : الساعه كــم !! ..
ناصر : والله مادري اظن الساعه 1 بنطلع .. بنشووف الترتيب يوم نروح بيت عمي ..
شفت ابويه يأشرلي اني اسير .. وعرفت من اشارته اني اسير ابدل ملابسيه ..
طلعت من الصاله .. وربعت لغرفه نوره اختي .. قلتلها تبدل ملابسها .. وانا بعد سرت و بدلت ملابسيه ..
بعد ما خلصت و تكشخت لطلعه دبي .. واللي حبيبي فديته بيروح معانا ..
هيه حبيبي !!! .. خالد فدييته .. يمكن ما يفكر فيني .. ولا يدري عن هوا داري ..
بس يكفي اني احبه .. واخته عزوه تدري .. و يكفي بعد اني بنت عمه الوحيده المناسبه لعمره ..
يعني حرمه عمي بتسوي مثل ولدها راشد .. زوجته موزه البنت الكبيره .. في بيتنا ..
فأكيد بتزوجني .. بخــــــــالد ..
احلــم وايد صح !! .. ههههههه ماعليه بيفتكر بيفتكر فيني يوم من الايام .. او ع الاقل بيحس فيني .. بيحس انه في وحده على قارعه الطريق تترياه ..
دخلت نوره عليه و انا ادندن وحده من الاغاني ..
شيخه : افندك ربي و سميتك ملاك .. من جمالك خايف احسدني عليك شاقني طاريك متولهه اباك اشتياقي ذابحن قلبي عليك ..
نوره : اللله اللله ع الصوووت .. كل هاااه حق احــم ..
هيه و نسيت اخبركم .. حتى نوره اختي تدري باللي بقلبي .. و بشعوري تجاهه خالد ..
شيخه : ههههههه هيه هيه حق الاحم ..
نوره : مالت عليج ههههه ..
شيخه : جييه ما تكشختي !! ..
طالعت نوره شكلها .. من فوق لتحت ..
نوره : ليــش هاي ما يسمونها كشخه !! ..
ضحكت عليها .. لانه نوره اصلا ما تفكر بالكشخه و بسوالف الحريم .. قاصه شعرها لين نص رقبتهها و اكثر لبسها بنطلون و قميص مثل الرياييل ..
ساعات اشــك انها بــــــويه .. بس سألتها كذا مره وهي اكدت لــي مليوون مره انها مب بويه .. بس تحب ها الستاايل لانها تحسه احلى عليها .. بدال لا تحط مكياج و تكشخ عمرها و تاخذ ذنوب ع شغلات فاضيه .. تطلع ببساطتها وايد احسن .. وهذا اللي خلاني انسى فكره البويه ..
شيخه : ههههه انتي وين و الكشخه ويـــن !! ..
نوره : ههههه والله جــــد !!! انا الحين سنه لين ما تنقيت اللبس و العباه بعد .. اخر شي جيه تقولين ..
لبسها كان لاباس فيه .. كانت لابسه بنطلون و قميص و عباه مفتوحه مافيه عليه شغل وايــد .. ولابسه نعال سطاحيه .. او الموضه اللي الحين الكل ملتزم فيها .. وهي التـــومز .. اما شعرررها .. الله لا يبلاااناا ..
كانت للحين مب لابسه شيلتها .. حاطته ع رقبتها .. فـ كان شعرها مكششششش .. مسكتها من ايدها و يلستها ع الكرسي اللي جدام التواليت ..
شيخه : يلسي يلسي .. بمشط ها الكشه .. عنبوووها من كشه ..
نوره : لا لا لا .. هاااي مووضه شويـــخ .. كل حد يخلي شعره كشه الحيــن ..
شيخه : لابوها لابو الموضه .. يلسي غربلات ها الويه .. ما بتروحين بها الكشه ..
نوره : شيـــــــخه لا تستعبطيـــــــن ..
شيخه : ما قاعده استعبط .. يلسي اقولج وانتي منطمه ..
نوره : ترا هاي الكشه متعوووب عليها .. لا تصكييينها ..
شيخه : اي تعب بالله ( وبديت امسك شعرها بحيث اني اراويها جدام المرايه ) اي تعـــب هاااه !! .. يايبتلي الماي و صابتنه ع شعرج تقولين متعوب عليها !! ..
نوره : كل البنات يروحن جيـــه ....
قاطعتها .. يوم شغلت السشوار .. يمكن كملت كلامها .. بس بسبه الصوت العالي .. فما سمعت التكمله ..
استشورتلها شعرها و رتبتلها اياه .. بعد ما خلصت .. مشطت بحركه سريع ..
عقب حطيتلها شوي من الكريمات و كنت بحطلها مكياج بس اصرت اني ما احط ..
حاولت اقضي على عنادها .. بس مافي فايده ..
بعد ما خلصنا و سبحت عمري بالعطر .. نزلنا انا و نوره ..
وفي بدايه الدري .. ابويه كان واقف هناك ..
بو ناصر : هاااه توني كنت بزقر عليكم ..
طلع ناصر من الصاله و هو يزقر سيــف اخويه ..
ناصر : يــاااا سيــــــــ .....
ما كمل .. الا وهو يشوفنا انا و نوره من فوق لتحت ..
ناصر : خيــر ان شالله خواتي وين سايرات ..
بو ناصر : حشى يا بويه .. مسرع ما نسيت .. قايللك انه خواتك بيسيرن وياك ..
ناصر : هيه بيسيرن بيت عمي عند عزوه ومهره ..
بو ناصر : لااا .. وياك دبــي ..
ناصر : شوووووووووووو !!!! ..
كتمت ضحكتي ع شكل ناصر .. وع ابويه اللي فيه ضحكه بعد بس ميودنها عشان ما تخترب الخطه ..
ناصر : لاااااااااااء مب سايراااات ..
بو ناصر : انزين سير سير انا بوديهن دبي ..
ما بغيت ابويه يسوق .. لانه اصلا من قبل مسوي حادث .. فحطله دريول .. و الدريول الحين امايه شالتنه و سايره الجمعيه ..
شيخه : لا ابويه خلاص مب لازم نسير ..
بو ناصر : لا والله يا تسيرن دبي .. اذا ما وداكن هو انا بوديكن ..
ناصر : يابوويه هذيلا بنااات لا يلعبن في راسك و تبزيييهن زياده عن اللزوم .. خلهن قارات محلهن ..
بو ناصر : سير انته سير ويا عيال عمك .. نحن لاحقينكم ..
ناصر : تعرف شووو مب ساااااير امره انا .. ودهن ويين يبن ..
قال ابويه بصوت صارم هز البيت هز ..
بو ناصر : نـــــاصر !!! .. بتوديهن ولا انا اوديييهن !! ..
طالع ناصر ابويه بحيره .. عقب طالعنا بلوم انا و نوره ..
ناصر : ركبن السياره يلااااا ..
ابتسمت لابويه .. وهو بدوره رد لي الابتسامه .. وسويتله حبتين ع خطته اللي نجحت .. وهي انه حطينا ناصر امام الامر الواقع ..
صرخ ناصر يزقر سيــف ..
ناصر : سيـــــــــــف ويــــنك !!!! ..
طلع سيف من الصاله وهو يتسفر ..
سيف : انا هنيـــه هنيـــه خلوني ياخي اتسفر ..
ناصر : ويووم اسير عنك .. اباك تتصلي و تقولي ارجعلي ..
سيف ما يسوق .. لانه بعده السنه اليايه بيدخل الثانويه .. و هو باقيله كم شهر و يدخل 18 .. بس طبعا ابويه ما بيخليه ياخذ الليسن .. بحكم انه دراسته اولى .. و الليسن بياخذها بعد ما يخلص من الثانويه ..
ابويه وعده انه بعد ما يخلص من الثانويه .. بيشتريله السياره اللي يباها .. و اللي هي الرنج ..
تعصم سيف بسرعه و طلع من البيت بنرفزه ..
بو ناصر : ناصر انتبه على خواتك ..
ناصر : ان شالله ان شالله ..
بو ناصر : لا تقولي ان شالله .. واخر شي واحد من عيال عمك يتم معاهن وانته ساير مع حمــد بروحكم .. شو بيقول عنك !! .. عاق خواته عندي و ساير مع حمــد .. عيـــب ..
قال ناصر بنبره مستضيجه .. وفي نفس الوقت متلومه ..
ناصر : بحطهن في عيوني ابويه .. ولا يهمك ..
بو ناصر موجهه الكلام لنا انا و نوره : محتايات بيزات !! ..
نوره : لا ابويه عندنا مصروف اسبوع اللي طاف ..
طلع ابويه بوكه من مخباه .. و مد لنا بيزات ..
بو ناصر : اكيــد باقي شويه من اسبوع اللي طاف .. خذن هااي .. واذا احتيتن شي خبرن ناصر ..
شيخه : ان شالله ابويه ..
بو ناصر : يالله ركبن السياره ..
اتجدمنا ناصر .. وقبل لا اطلع من البيت .. شفت من طرف عيني .. ابويه حاط ايده ع جتف ناصر و يكلمه .. اكيد يوصيه او شي جيه ..
ركبنا انا و نوره ورا بما انه سيف راكب جدام ..
بعد دقيقه تقريبا ركب ناصر جدام .. وحرك السياره متوجهين لبيت عمي ..
بيت عمي ما كان بعيد .. نفس المنطقه اللي نحن عايشين فيها ..
نزلنا من السياره .. ودخلنا الصاله ..
.
.

وَ أنآآ بـھا ... خَآلدٍ

البارت " 2 "

.

" الصلاه الصلاه الصلاه .. اللهم بلغت اللهم فـ اشهد .. "
.

البارت " 3 "

.
الصلاه الصلاه الصلاه .. اللهم بلغت اللهم فـ اشهد ..

.
.
.
.
اليوم : الثلاثاء ..
المكان : دبي ..
الساعه : 3 عصرا ..
.
( شيخه ) ..
مشيت بقهر من عندهم .. مووول هذيلا ما يحسوون .. دمهم ابرد من الثاني .. بس يتضاحكووون ..
وخالد يضحك معااهم بعد .. اوووووووووووووووف .. ولا نااصر قاعد يذلني ع الطلعه هااي..
اصلا قبل لا نوصل متنييحس عليه .. والحين متنييحس اكثر .. و بيقعد يلوم ابويه حليله ..
والله ما يهون عليه ابويه فدييته .. عشان جيه قررت اني اهدي اعصابي .. السالفه ما يبالها ..
حق شو اعصب .. الحين بمش ها الكولا اللي في عباتي .. وكل الامور طيبه ..
لاحظت من طرف عيني .. عزه تتبعني .. ووياها سيف ..
مادري لين وين مشيت .. مادري وين الحمامات اصلا ..
لين ما مسكت ايدي عزه .. و لفتني صوبها ..
عزه : يا مينونه نحن طفنا الحمامات ..
تميت اطالع كل الجهات في المول .. يمكن احصل شي يرمز انه الحمامات موجوده ..
شيخه : وين ؟؟ ..
تنهدت .. و طالعت سيف عقب طالعتني ..
عزه : تعالي معايه ..
تبعت عزه .. لين ما وصلنا الحمامات .. دخل سيف حمام الرياييل .. ونحن دخلنا حمام الحريم ..
فصخت عباتي و قعدت امشها و امشها .. وعزه بعد ما قصرت ساعدتني .. عقب نشفناها عند هااا اللي ينشف ..
وبعد ما مشينا و خلصنا مسكت العطر و عطرت صوب المجبووب عليه .. عشان تروح الريحه ..
لبست عباتي وانا ابتسم لعزه ..
شيخه : مشكوره فديتج ..
عزه : افا عليج شويييخ ..
شيخه : سامحيني قطعت عليج اكلج ..
عزه : مسموحه فديتج .. يلا جان خلصتي خلينا نسير اكيد سيف يتريانا برا ..
طلعنا انا و عزه من الحمام .. وشفت سيف واقف يتريانا متساند ع اليدار ..
اول ما طلعنا تقرب صوبنا وهو يتفحص عباتي .. لدرجه انه مسك ايدي و قعد يدورني و يشوف عباتي ..
سيف : مافيها شي؟؟ ..
ابتسمت له .. وانا اشوف عيونه اللي ع عباتي ..
شيخه : لا خلاص مشيته ..
بعد ما خلص طالعني وهو مصغر عيونه .. و قال متلوم ..
سيف : شويخ والله اسسف .. ما كان قصدي .. بالغلط حطييت الكوب ع طرف وعااد ما طاح الا ع عباتج ..
شيخه : لا عادي سيف .. شوفيك انته ..
سكت شوي عقب طالعني بعين متفحصه ..
سيف : اكيد ؟؟ ..
ابتسمت له ..
شيخه : اكيدين ..
مشينا و ردينا صووب المطعم .. وكانو تقريبا مخلصين .. بس قاعدين يسولفون ..
ضحك عيسى بخفه و طالعني ..
عيسى : هاااه نظفيتها ؟؟ ..
قعدت ع الكرسي اللي كنت فيه ..
شيخه : هيه ..
تكلم حبيب قلبي .. وقال بنبره هاديه ..
خالد : الحمدالله .. عن تسوييلنا سالفه عووده ..
ناصر : ما يبييين ؟؟ ..
شيخه : لا ما يبين .. عزوه حبيبتي ساعدتني لين ما نشف ..
ناصر : يزاج الله خيير انقذتينا عن تحتشر علينا ..
عزه : ههههههه فديتها شوييخ ..
طالعت نوره و مهره .. اللي يالسات ع صوب و جنهن مب موجودات .. مهره تراوي نوره شي و يضحكن ..
انا خايفه من ها المهره ..
غيير عن اختها عزه .. وغير عن اخوانها خالد و حمد و راشد ..
جييه يايه ع صووب .. مادري يمكن لانها الصغيره و دلوعه زياده عن اللزوم ..
من ناحيه دلوعه .. فهي دلوووعه دلوووعه .. وتلحق اخر الموضه ..
انا وحده ما ارتاحلها .. جييه نظراتها خبييثه ..
وخايفه منها انه تخرب اختي نوره .. يكفي انها مختربببه زوود .. ناقصه تتخترب زيااده بعد ..
انا شاكه من ها الضحك .. شكلها السالفه فيها آآآنه ..
استغفر الله العلي العظيم .. ان بعض الظن اثم .. انا ماعرفها زين .. خلاص عيل ما بحكم عليها وانا ماعرف شو تسوي من ورا هلها ..
اصلا انا مالي خص .. بحذر عزه انه تشوف اختها قبل لا تخترب .. ولا في تربيتها مالي شغل ..
عندها اخت عندها اخوااان عندها ام و عندها ابو .. وكل وااحد مسؤوول عنها ..
وصلني صوت حمد اللي يى من وراي .. شكله كان يكلم تلفون او شي جيه ..
حمد : ناصر ..
ناصر : هلا ؟؟ ..
حمد : تعرف معضد ولد عبدالرحمن ..
ناصر : منو هذا ؟؟
حمد : معضد معضد .. بو خشم عوود ..
ناصر : ههههههههه هيه هيه هاه اللي بيتهم صوب المسيد ..
حمد : ايواا هو ..
ناصر : انزين شوفيه ..
حمد : ههههههه توه مكلمني .. يقولي حاجزينه هو و موتره اسبوع ..
ناصر : لا لا ..
حمد : والله وتوه طالع ..
خالد : هههههههههههههه هذا امبونه متهوور .. طالع ع اخووه سالم .. تحييده عواااس ..
عيسى : ههههههههههه اسمييه هذاا اخووه طيحنا في مشاكل نحن في غنى عنها ..
عاد نحن البنياات قاعداات و نطالع .. ونسمع سوالفهم الطايشه حليلنا ..
ناصر :ههه جييه شو سويتو ..
عيسى :هههههههههههههه كان مغازلجي هذا سالم .. وعلمنننا عاااد انا وخالد حليلنا ..
حمد : وتلوموني طالع ع منننو ؟؟ خلوود ماشي غيره ..
خالد : هههههههههه اسكت عويييس غربلك الله .. عن يتنيذل و يسير يخبر ابويه ..
تأأففت بملل .. وطالعت عزه اللي مستمتعه بسوالف الشباب .. وتتابعهم بصمت و تبتسم اذا قالو شي يضحك ..
طالعت اخويه ناصر ..
شيخه : ناااصر .. يالله بنسير اذا خلصنا ..
طالعني ناصر بنظرات قهر .. لاني قطعت سالفتهم الممله .. ونحن شدخلنا بالله بمعضد يعني ؟؟ ..
ناصر : طلبي الجييك انزين ..
شيخه : انته اطلب ..
ناصر : انتي بتدفعيين ..
شيخه : لا والله !! .. منو الريال فينا ؟؟ ..
حمد : لاحوووول الحين بيتضاربون .. خلاص لا انته ولا انتي .. انا انا بدفع ..
عيسى : هييه والله لا تبدوون .. نحن بندفع ..
طلبنا الجيك .. وعقب طلعنا من المطعم .. عااد كل وااحد يبا مكان ..
ف تفرقنا .. حمد و ناصر و سيف و عمر .. ساروو يلعبون بوليينق صوب الالعاب ..
اما مهره و نوره وانا و عزه .. سرنا صوب فيرجن .. وخالد و عيسى كانو ويانا ..
كنت امشي بقهر من اسلووب ناصر .. مادري شفيه عليه اليوم ..
يابوويه ما تسوا طلععه ..
انا و عزوه بما انه عشقنا الروايات .. سرنا صوب الكتب ..
اراويها ها الكتاب و ها الكتاب .. بعد ما يمعنا كم كتااب ..
قعدنا ع كرااسي عشان نقراا و نحكم اي الكتب نشتريهن ..
شفت انه عيسى و خالد عند الآآلات الموسيقيه .. قاعدين يستعبطون ع البيانو ..
كل وااحد يسوي عمره خطيير في العزف .. ومن وراا هم خـــــــريط ..
ولا عويس مسك الجيتار و سوا حشررره .. لدرجه انه الناس كلهم التفتو عليها ..
لا لا مب مندهشين من عزفه الخطيــــر ..
منصدميين من ها المصخره اللي قااعده تصير .. لين ما ياهم اللي مسؤول عن اللآلآت ..
وقاللهم انتو مسوين حشره .. خلوو الآلات مكانها و توكلو ع الله ..
طبعا ماقدر اوصف ويهه .. لانه انتو تعرفوون كيف انحرج ..
طبيعه عيسى انه ينحرج بسرعه .. بس مب معناته انه امررره مافيه ذره رجوله ..
المهم ..
اخترنا الكتب اللي بنشتريهم .. وسرنا عند الكاشير واشترينا ..
عقب شفنا مهره و نوره صوب الكاميرات .. ولمحت عيسى عند الفونات ..
اما القلب .. مادري ما شفت ويين ساار .. بس اللي اعرفه انه قريب يعني موجود في المحل..
رحنا عند عيسى .. اللي ماسك واحد من الفونات و يسأل عنه ..
عزه : هاه عيسى بتشتري حق خالد ..
عيسى : عااد انتي سكتي ابا اسويله مفاجئه .
عزه : هههههههه منو قده اخوويه ..
حسدت عيسى لانه يقعد ويا خالد ..
والكل يعرف انهم ما يتفارقووون ابببد .. ولو شي فرقهم .. فهو المووت الله يطول بعمارهم ..
الله لا يفرقهم ان شالله
عزه : شيييييييخه ..
التفت صوبها .. وشفت انه هي و عيسى يطالعوني بنظرات بتلهفه ..
حست بوزي ..
شيخه : شفيكم ؟؟ ..
تأفف عيسى و رد طالع تلفونه .. اما عزه طالعتني بظييج ..
عزه : قاعدين نسألج حبيبتي ..
اشرت ع عمري و قلت بتساؤل ..
شيخه : تسألوني ؟؟ شو تسألوني ؟؟ ..
عيسى : عزوه خليها هاي شكلها راقده ..
شيخه : لا واللله بس سرحت شويه .. شوفيكم ؟؟ ..
عزه : عيسى يسألج .. شو ياخذله هذا ولا هذا ؟؟ ..
شفتها ع شو تأشر .. وكانت تأشر ع جلاكسي نوت و اي فون 5 ..
حست بوزي بتفكييير .. وانا اشوف الفونات بتفحص ..
عيسى : بــــسررعه شو اشتريله الريال واقف يتريا ..
كان قصده هاا اللمسؤوول شو يقولك مواصفات الاجهزه ..
ضحك الريال و قال ..
الريال : هههه لا خليها تاخود راحتها..
طالعه عيسى بنظرات .. على انه انته مالك خص .. وعقب رد طالعني .. بس ما كملت ثواني الا وهو يطالع عزه ..
عيسى : هاه اخذ ايفون و اتوكل ؟؟ ..
شيخه : لا لا هو كان عنده اي فوون .. حق شو تشتريله اي فون بعد ..
عيسى : كان عنده اي فون 4 مال سنتين وراا ..
عزه : ههههههه هيييه صح جدييم وايد .. بس هو ما يحب وايد استعمال الجلكسي .. خذله اي فون احسن ..
تدخل الريال مره ثانيه ..
الريال : هو بوصي حضرتك .. الاي فون مافييهاش عيووب .. بس الجلكسي استعماالوو احسن .. بالنسبه للآبس و الكاميرا ..
قال عيسى بهمس يعني ما يسمعه غيرنا انا و عزه ..
عيسى : بروغه تراني ..
عزه : ههههه احمد ربك انته .. قاعد يقولك شو احسن ..
عيسى : بس لا يقعد يتكلم معاكن .. يتكلم مع الريال وايد احسن من الحريم ..
شيخه : هههههه طايح من عينه ..
طالعني عيسى بنظرات طنازه ..
عيسى : هاها وايد تضحكين تصدقين ..
شيخه : هيه انته مب اول واحد تقولي ..
التفت عيسى صوب الريال مره ثانيه .. وقاله ..
عيسى : عطني اي فون ..
الريال : اي لون ؟؟ ..
عيسى : جييه في الوان بعد ؟؟ ..
عزه : فضحتنا ..
عيسى : شوو فيج قاعد اسال انا ..
الريال : هههههه ايوا فيه تلات الوان .. قولد و ابيض و اسود ..
شيخه : هاات قوولد ..
الريال : على امرك ..
عيسى : لااا اخ شو قوولد مال بنقال .. هااات اسود ..
الريال : راح اشوف اذا في اسود .. لانه في كميه محدوده عندنا هوون ..
عيسى : انزين شوف شوف ..
راح الريال .. اما عيسى فلف علينا بكامل جسمه وهو متنرفز ..
عيسى : عنبووو من عيوون لــك .. قاعد تبصبص بالحريم و الرياييل موجوودين ..
عزه : هههههههههه انته ما قصرت فيه بعد .. اطالعه بنظرات ..
شيخه : زين ما شرد الريال ..
طالعني عيسى ..
عيسى : خيــر اخت شيخه ؟!!! .. عايبنج انه يطالعج اشووف ..
عزه : عيسى شو ها الكلام ..
عيسى : ما تشوفينها من الصبح تكلمه جنه العيد عاادي .. ياخي خبريني وانا بخبره الكلام ..
انقهرت من نبره عيسى الاستهزائيه لــي .. خذت نفس عميق قبل لا ارد عليه ..
شيخه : عيسى انته ولا واحد من اخواااني .. يعني مالك خـــص .. اكلم اللي ابا و اسوي اللي ابا .. ما ارتكبت جريمه انا !! ولا سويييت اللي يسوونه الكفار .. ولا عصيت ربي .. و ولا خسرت ثقه هليه فيني .. هو يخدمنا و بدوري انا اكلمه باحترام .. ( وقلت بنغزه ) جان تعرف الاحترام بعد ..
عيسى : بس انا ولد عمتج .. ودام انه محد من اخوانج هنيه .. يعني انا مسؤوول عنج حاليا .. واحتمال مستقبلا ..
عقدت حواجبيه .. وانا مب فاهمه اللي يقوله ..
شيخه : شدخل المستقبل ؟؟ ومنو سمحلك تكووون مسؤول عني مستقبلا ..
طالعته بنظرات اتريا يفسرلي اللي يقوله ..
.
.
.
اليوم : الثلاثاء ..
المكان : باركنات المول ..
الساعه : 5 العصر ..
.
( عزه ) ..
من اول ما طلعت من المول وانا اشوف حال شيخه مب عايبني .. من بعد الكلام اللي صار بينها و بين عيسى ..
حسيت الجو متكهرب ..
انا فهمتها ع الطاير .. بس مادري اذا شيخه فهمت شو يقول ..
بعد ما قاال صاعقته .. اللي صدمتني انااا شخصيااا .. مستحييل اللي قاعد يصير ..
وخالد !!!!! ..
اتمنى شيخه تكون مفهيه و ما فهمت اللي قاله ..
بعد ما طلبت شيخه تفسير لكلامه ( التــــافهه ) .. سكت هو و بعد سكوته اللي ما طول .. ضحك باستهزاء و قاللها ..
" الموضوع ينفهم ع الطاير بس انتي بقره شكلج " ..
كان بيروح بس ردت شيخه و استوقفته مصره بعدها و تطاالب تفسير لكلامه .. طالعها بنظرات غير مفهومه وقال ..
" خلاص مب لازم تفهمين " ..
ما قدرت شيخه ترد و تطالب .. لانه الريال يى و سلمهم الفون و دلهم وين يدفعون ..
والحين هااه نحن طالعين و بنرد بوظبي ..
مسكت خالد اخويه ..
عزه : خالد فدييتك ..
خالد : هااه عزه ؟؟ ..
عزه : بركب وياا ناااصر دخيييلك ..
خالد : حق شوو تركبين ويااهم ؟؟ ..
عزه : ابا اسولف ويا شيخه ..
خالد : هذييه هااه اختج مهره سولفي وياها ليش تسيرين و تركبين هناك و تزاحميينهم ؟؟ ..
حست بوزي بقهر .. اعرف انه ما بيوافق .. بس ما استسلمت ..
عزه : مهروه ما تسولف كله ع الفون .. انا ابا حد يسولف معايه ..
خالد : انا بسولف وياج يلا ركبي ..
عزه : مابا ..
خالد : كيفج تبين اتمين هنيه ماعندي مشكله بس تركبين وياهم لااا ..
عزه : انزين شيخه محتاجتني الحين .. عندها مشكله فيها حياه او موت .. تبا بنت عمك و زوجتك المستقبليه تكون عندها مشااكل ..
حسيت خالد عصب من كلامي .. طالعني بعصبيه ..
خالد : زوجتك المستقبليه ؟؟ .. عزوووه سيري سيري ركبي ويااهم وايد احسن ..
ركب السياره و سكر الباااب بقوووه .. لدرجه انه طلع صدى في الباركنات ..
استغفربت من عصبيته يوم قلت زوجتك المستقبليه .. وشوفيه الموضوع عشان يعصب ؟؟ ..
جيه ولا جيه امايه بتزوجه شيخه اصلا .. يحبها ولا ما يحبها .. ما يبا و لا يبا .. بتسوي مثل راشد ..
زوجته موزه اخت شيخه .. والحين ياي الدور عليه و الاضواء كلها مسيطره ع خالد .. وعقب عاااد حمد ..
ركبت ويا قوم ناصر ..
وطول الطريج وكاانت السياره ازعاج .. بس كنت مستمتعه بسوالفهم ..
وكانو يسابقون خالد و عيسى .. بس طبعا عيسى دووم يفوز عليهم .. فتك لاااه ..
تعيبني سوالف الشبابيه .. فيها شويه ثقل .. مب البناات شفت هاي و شفت هاااه ومادري شووه ..
بس طبعا سوالف شيخووه فديتها غييير ..
وصلنا بوظبي .. وكنت بروح بيت شيخه .. بس خالد موصنهم يردوني البيت ..
تأففت بقهر يوم وقفنا جدام بيتنا ..
سيف : يلاا ماعليه خيرها بغيرها ..
ناصر : عزوه سلمي ع عمي و خالتيه .. و قولي حق حمد بمره اليوم الفليل ..
قلت بلقافه ..
عزه : وين بتسيرون ؟؟ ..
ناصر : لقافج خليها ع صوب لو سمحتي ..
عزه : فقتتك .. يلا تامرون ع شي ؟ ..
الكل : سلامتج ..
عزه : مع السلامه ..
نزلت من السياره .. ودخلت البيت و ع طول للصاله ..
شفت حمد بس قاعد .. وصلو قبلنا ..
قعدت عدال ابويه بقهر و تأفتت ..
ابو راشد : شوفيج ابويه ؟؟ ..
عزه : ابويه انتو مسويلي اي اعتبار في البيت ؟؟ ..
حمد : ههه بدت النفسيه ..
عزه : انته جب ..
حط ابويه ايده ع راسي و مسحه ..
ابو راشد : طبعا فديتج .. ليش صايرلج شي؟؟ حد منازعنج ؟؟ .
عزه : مااحس ..
ابو راشد : ليش ؟؟ حمد مسولج شي ؟؟ ..
حمد : حشى عليــه .. بس شكلها السالفه فيها خالد ..
هزيت راسي بايجاب ..
عزه : هيه خالد ..
ابوراشد : شو مسولج مسود الويه ؟؟ ..
عزه : تخيل ابويه تخييل .. عصب عليه وما خلاني اسير بيت عمي ..
ابو راشد : ليش عصب عليج ؟ ..
نزلت راسي وتأففت .. شو بقوله يعني .. لاني قلتله شيخه زوجه المستقبل !! ..
هيه ليش ما اقوله عااادي ع الاقل بيوقف وياييه ..
عزه : انا بس قتله انه زوجه المستقبل متضايجه ابا اسير اعرف شوفيها و اركب ويا قوم ناصر ..
حمد كاان يشرب شاي .. فمن سمع كلامي ضححك و طلع كل اللي فحلجه ..اما ابويه ضحك بخفه ..
ابو راشد : ومنو قصدج زوجه المستقبل !! ..
دخلت امايه الصاله و هي ترد على ابويه ..
ام راشد : شيخه الحسن و الجمال منو غيرها بعد ..
حمد : الحين تتكلمين صدق !! قلتيله شيخه !!! ..
هزيت راسي و انا متحمسه ..
عزه : هيه قتله جيه ..
حمد : وشو رد عليج ..
عزه : قال اقولج سيري ركبي ويا ناصر وايد احسن ..
بو راشد : ههههههه والله انج سوالف يا عزووه ..
حست بوزي وانا اطالع ابوويه بنظره بريئه ..
عزه : ابووويه شووفه ما خلاني اسير بيت قوم عمي ..
ام راشد : وانتي كل يومين طاابه عندهم .. قبضي لسانج و يلسي هنيه ..
عزه : اماااايه انتي دوم تهازبين .. انا استأذن ابويه مب منج ..
فتحت عيونها ع وسعها .. منصدمه من جرأأتيه .. بس انا ما كنت جريئه ولا ققليله ادب .. لاني كنت امزح ..
ام راشد : شوو بقوول يعني .. جلللبه طالعه ع ابووج الجلللب .. امبزننج اخر بزاا .. لين ما طولتي لسانج عليه ..
حمد : ههههههههههههههه افا يا العيوووز .. شيبج هذاا ..
ابو راشد : ولا ليش ما تكون طالعه ع امها !!! .. كل شي عقيتوه ع الابو حليله ..
عزه : امايه جلبه مشيناها .. اما الباااقي .. لاااا و الف لااااااء ..
ام راشد : قومي ضربيني بعد ..
عزه : ..
ام راشد : لا حلفت عليج تقومين تضربيني ..
عزه : والله !!! ..
ام راشد : اجذب عليج يعني .. قومي قومي ..
قمت وانا اتجدم من امايه .. بس قبل لا اوصل .. وصلني الريموت اللي انضرب ع ايدي ..
ام راشد : مســوده الويه ما تصدق على الله ..
حمد : ههههههههههههههه عزوه الا عيووزي .. خلج بعيده عنها ..
ابو راشد : ههههههه الله يهديج يا ام راشد .. روحي ابوويه بدلي ملابسج ..
عزه : بخليييها لك حممد .. عشان تيوزك و نفتك من حشرتك ..
ام راشد : الا ع طاري الزواج .. يا محمد انا قررت اخطب لولدك ..
حمد : تخطبليلي !!! الحيين !! وقبل خاالد !! ..
ام راشد : ومنو طرااك انته .. اقصد خالد بخطبله بنت عمه ..
تنهد ابويه وطالع امايه بحيره ..
ابو راشد : والله يا ام راشد .. انا اقول تيلسين ويا ولدج و ترمسينه في هاي السالفه وايد احسن .. لانه شكله مب مقتنع ..
ام راشد : يلست معااه واكثر من مره .. بس هوو مادري ليش راسه يابس .. مايبا يتزوج ..
ابو راشد : خلاص عيل بنترياه لين ما يقتنع و يشوف الوقت المناسب للزواج و بنيوزه شيخه ..
حمد : لا والله !!! .. شيبت انا وهو ما بيتزوج و يفكنا ..
ام راشد : وهذا اللي خايفه منه .. تشيب وانته مب متزوج بسبه خالد .. عشان جييه شكلي بسير و بخطبله شيخه و بحطه امام الامر الواقع ..
عزه : لااااااااااااء الا هذي .. تبلشييين شيخه بخالد ليش !! تريي شوي يمكن يلين ها الراس و يقتنع وايد احسن من انج تغصبينه بوحده هو ما يباها ..
ام راشد : انا بس ابا افهم .. هو يبا شيخه ولا وحده ثاانيه !! ..
عزه : لا شيخه ولا وحده ثانيه .. هو مب مقتنع بالزوااج بكبره ما يخصه بالحرمه ..
ام راشد : عنبووو من كم سنه يبا يتزوج بسسسرعه .. و هو قاال بعظمه لسانه ابا بنت عمي .. شو اللي غيره ..
عزه : هو قالج جيييه !!! ..
حمد : هيه حتى انا احييده .. قال ابا بنت عمي ..
فتحت عيوني ع وسعها منصدمه من اللي قالته امايه .
عزه : قااالج يبااا بنت عممه !!!! ..
ام راشد : عنبووو شو فيج ..
عزه : اي بنت عم !!! ..
ام راشد : وابووووي !! عزه كم بنت عم عنده هو عشان ايوزه اياها .. شوييخ منو غيرها ..
عزه : قالج يبا شيخه !! ..
ام راشد : ماقال شيخه .. قال ابا بنت عمي .. يعني اكيد شيخه ماشي غيرها ..
ابو راشد : عزه .. لا تشغلين بالج بها السوالف .. روحي بدلي ثيابج ..
عزه : ان شالله ابويه ..
وقفت بس استوقفني صوت حمد و هو يزقرني ..
حمد : عزه ..
التفت صوبه ..
عزه : امر !! ..
حمد : ما يامر عليج عدو .. بس راشد موصني اسلم عليج ..
ابتسمت باحراج وانا اشوف امايه و ابويه يطالعوني و يضحكون ..
عزه : الله يسلمه ..
ام راشد : بس موصل سلامه لعزه !!! ..
حمد : هههه ولج و لبويه بعد .. بس موصني حرييص اوصل سلامي لعزه ..
ابو راشد : ههههههههه والله انه ها الراشد .. قوله باجر ايي صوبي ابغيه في سالفه ..
حمد : ان شالله ( التفت لي ) هاااه اوصله سلامج !! ..
ههزيت راسي و وعقب ع طوول ركضضت فووق .. و لغرفتييه بدون ما التفت لمنو طلع من الغرف ..
سكرت باب غرفتيه .. وانا امسك قلبي .. اووف خلااص لا ادق بسسك ..
آآآآآآه .. فديييته ..
سرت لدرج اللي عدال سريري .. وطلعت صورته .. اللي موصيه حمد انه اييبلي اياها منه ..
وحمد قال لراشد .. اني ابا اشوف صورته .. فيطرشها عشان اشوفها ..
وبعد اقل من اسبووع .. يابها و استسمح لانه اتأخر ..
وهااه الحيين بين ايديني صوورته ..اتأمل عيونه الوساع .. وخشمه السيف .. بشرته الحنطاويه ..
هو مب جميـــل لذااك الزود .. لكن جماله مقبوول .. جماله هاادي ..
ندمت ع كل لحظه قبل لا اوافق لراشد .. لاني كنت رافضه فكره الزواج ..
كنت احس عمري صغيره ومب ويهه زواج .. بس بعد محاضره من ابويه و امايه و راشد و حمد و حتى خالد الهادي ..
وعقب يتني شيخه واختها و في نفس الوقت حرمه اخويه موزه ..
يعني ما خلوني الا يوم وافقت ..
انا ما انغصبت .. بس هــم اقنعوني بفكره الزواج .. وانه الحرمه مردها تروح بيت ريلها ..
ودام لقو الشخص المناسب من بين كل اللي خطبوني .. فهم شي اكيد ما بيخسرون ها النسيب ..
ابتسمت بخبال وانا اشووف صورته مره ثانيه بعد ما سرحت بأفكاري ..
عزه : فديييتك رشودي .
قمت و رديت الصوره لمكانها .. عشان اسير ابدل ملابسي .. لاني بعدي ع عباتي هههه راشد نساني عمري ..
سمعت دق بااب خفيف ..
عزه : مفتووح ..
دخل خالد بهدوء وهو يشوفني من فوق لتحت ..
خالد : خلاص عقب بييج ..
عزه : لا لا تعال .. بغيت شي !! ..
خالد : عقب بييج بعد ما تبدلين ثيابج ..
عزه : تعاال بس بفصخ عباتي .. سالفتك اهم ..
هز راسه .. دخل و سكر الباب وراه .. ويلس ع السرير ..
اما انا فصخت عباتي و حطيتها ع العلاقه .. وعقب قعدت عدال خالد .. وانا ارد قصتيه ورا اذني ..
عزه : امر اخويه ..
خالد : ما يامر عليج عدو .. بغيتج فسالفه مهمه ..
عقدت حواجبيه .. وطالعته باستغراب .. وانا اترياه يقول سالفته ..
واللي زاد استغراببي اكثر انه كان متوتر .. و مرتبك
.
.
.

وَ أنآآ بـھا ... خَآلدٍ


البارت " 4 "

.
الصلاه الصلاه الصلاه .. اللهم بلغت اللهم فـ اشهد ..

.
.
.


اليوم : الثلاثاء ..
المكان : غرفه عزه ..
الساعه : 6 المغرب ..
.
( خالد )



اول ما وصلت البيت فكره تيبني و فكره توديني .. افكر بكلاام عزه بخصوص شيخه ..
هو مب كلام .. اكثر من انه طاري شيخه ..
حسيت برعشه في قلبي يوم قالت لي انها زوجه المستقبل .. انا ما انكر كلامها .. هو صح هي بتكون زوجه المستقبل ..
بس بعد ما اتقبل الفكره كليـــــــاَ ..
هذا زواج مب لعبه ابـد .. انا ماريد اكون مثل حاله راشد .. يوم امايه زوجته بموزه .. بمجرد انها قالت له بتزوجها وهو ع طول وافق .. ما فكر بالموضوع ولا شي .. جنه يعرف منو بيتزوج
هو اصلا يعرف .. وكل العايله تعرف .. انه راشد لموزه و موزه لراشد ..
بس ما ذكرولي اياه يوم كان اسمها بحفور في قلبي .. ويوم كنت اعشــق كل شي تعشقه او تحبه ..
عشان جيه قررت اني اسال عزه .. عن شيخه .. يمكن عقلي يتقبل ها الفكره .. وفي نفس الوقت قلبي ويحبها و ينسى اختها ..
معني ما اظن ها الشي بيصير ..
اباا انسسى مووزه .. ابا اعششق شيخه .. هيييه اعشقها ..
مب بتصير حرمتي !! ..
خلاص عيل خلني اقول لعزه اني احب شيخه .. ومع الايام بتقبل ها الفكره ..
وبتعوود ع طاريها ..
لااا ليش اقوللها !! .. ماريد اختي تاخذ عني فكره غلط ..
بس بظهر اهتمامي الوهمي بجانب شيخه .. وعاد عزه تفهم اللي بتفهمه .. احبها ولا ..
والحين هااه انا يالس جدام عزه .. وهي تترياني لهفه عشان اقول السالفه ..
بس عقدت حواجبها يوم شافتني متوتر ..
عزه : شوفيك خالد ؟؟! ..
خذت نفس عميق .. وانا ارد و افكر بشو ابــدا .. وكيف ابدا .. لين ما يت في بالي اني ابدا بسؤالي عن شيخه و شو اللي مضايجنها ؟؟ ..
خالد : آآآممم عزه بغيت اسألج ..
عزه : الحين سالفه مهمه ولا تسألني ؟؟! حدد ..
خالد : هي مب سالفه مهمه مهمه ذاك الزود .. يعني بس حبيت اسألج عن شيخه ..
حلت ع ويهها تقطيبه .. ومن شفت ملامح ويهها تحولت جيه .. ع طول تنهدت ..
عزه : شوفيها شيخه ؟؟ ..
خالد : آآآممم انتي قلتيلي في دبي انها متضايجه .. بلاها عسى ما شر ؟؟ ..
شفت رجعت الابتسامه و حلت ع ويهها .. قالت وهي مستانسه ..
عزه: ليــش يهممك ؟؟؟؟؟ ..
رفعت حواجبي من سوالها ..
لا ما يهمني .. بس انا ابا ابين اهتمامي الوهمي لها .. عشان اقنع نفسي ..
او بالاصح .. احاول اقنع نفسي بحبي لها ..
و احاول اشل موزه من بالي ..
واحاول واحاول واحاول ..
وايد اشياء ابا احاول اسويها ..
بس مــب قادر دام موزه موجوده ..
خالد : طبعا يهمني مب بنت عمي هي ؟؟ ولا شو الترتييب ؟؟
عزه : لااا لااا بنت عمك ونص ..
خالد : انزين شوفيها متضايجه !! ..
عزه : والله شووف انا ماقدر اخبرك بشي .. يمكن البنيه ما تبا اخبرك اللي فيها .. بــس ....
خالد : بس شووه ؟؟
عزه : اذا تباا انته كلمها و اسألها ..
عقدت حواجبيه اكثر ..
خالد : اسألللها !!! ..
هزت راسها متحمسه .. جنه الفكره عايبتنها ..
خالد : كيف اسألها ..
عزه : قاعده اقوولك بترمسها ..
خالد : وكييف برمسسها ؟؟ ..
نقزت بحمااس
عزه : بنروح بيتهم و بدبرلك موعد وياها ..
ابتسمت لحماسها الزايد .. طبطبت ع جتفها ..
خالد : كل شي بالحلال احلى ..
نقزت بحماس ..
عزه : بالحلااااال ؟؟؟ ..
خالد : هيه ..
عزه : يعني نااوي تخطببها ؟؟ ..
دق قلبي ..
شفيني مب قادر امسك لساني .. كل ساعه اصدمها بشي ..
وبعدين يا خالد انت ما قلت شي غلط .. كل شي بالحلال احلى ..
الحب ..
السوالف ..
الطلعات .. الـخ ....
يعني بعد الزواج ينمو الحـب ..
ويا خوفي من ها الزواج ..
عزه : خـــالد ..
خالد : هااااه ؟؟؟ ..
عزه : شوو هااه .. روح روح شكلها مسيطره ع تفكيرك و انته مب قادر تركز وياي ..
خالد : هههه يلا بدلي ثيابج ..
عزه : و بررقد رقااد ما بعده رقااد .. حــدي تعبانه من المشي اللي مشيته في دبي ..
خالد : هههه اخليهم يوعونج ع العشى ؟؟ ..
عزه : لا لا لا يوعوني .. انا بنش برووحي ..
خالد : كيفج ..
قمت من ع سريرها و ظهرت من غرفتها ..وخليتها تاخذ راحتها ..
رحت غرفتيه.. و اول ما دخلت فريت جسمي ع السرير ..
مسكت تلفوني بدون حاسيه ..

"
الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآه ) وإسألهـا ’’
"
ارســال .. ( مـوزه ) ..

بتأكد ها المره بـس .. اذا صدق تحبني ..
رقمها مب غريب انه عندي .. شي طبيعي ..
باساليبي الخاصه .. قدرت احصله من عزه ..
قعدت اراقب التلفون و اتريا ..
اووف ماردت ..
فريت التلفون بقهر ع السرير .. و سرت طلعت ثيابي بتسببح ..
عشان اخفف من قهري ..
من حزني ..
ودي ها الماي اللي يسيل ع جسمي .. ياخذ همومي ويااه ..
سمعت صوت باب غرفتي يتبطل ..
وصوت امايه من ورا باب الحمام ..
ام راشد : خــالد بوويه ..
رديت عليها ..
خالد : هلا امايه ؟؟ ..
ام راشد : تسبـح ؟؟ ..
خالد : هييه خلصت .. بغـيتي شي امايه ؟؟ ..
ام راشد : عمتك و يدتك تحت .. يبون يسلمون عليك ..
حسييت بفرحه مب طبيعيه .. يدووه هنييه ؟؟ ..
قلت وانا البس الروب بسرعه ..
خالد : الحين الحين نازل امايه ..
ام راشد : يلا تلبس و انزل ..
خالد : ان شالله ..
تلبست ع طول .. وعقب طلعت من الحمام ..
رحت صوب التواليت .. تعطررت ..
الا تسبحت بالعطر .. ههه ..
رحت و شليت تلفوني و انا افتح المسج اللي وصلني منها بلللهـــفه ..
"
لآآ تقوول الحظ عمرهـ مآآ كمل
قوول انــآآ حـآآولت والله مـآآ قسم
لآآ تتحطم لوو تحطم لك امــل
اعـــرف ان الله يحبك و ابتسم

ولد عمي تهمني راحتـك ..
"

تهمج راحتي ؟؟ ..
تهمج راحتي يا موزه ؟؟ ..
دام تهمج راحتي ليش ما تريحيني ..

"
تهمج راحتي ؟؟
"
هممم طرشت المسج وانا اترياها تررد عليه ..
موزه :
"
طبعا .. انته ولـد عمي ..
و اخـوي بعد ..
"
اخووي ؟؟؟؟ ....
خالد :
" يعني تهمج راحتي كأخ ؟؟ "
موزه :
"
طبعا .. خالد انا تزوجت ..
حاول تنساني
"
خالد :
"
عباللج ما حاولت ؟؟ ..
حاولت و حاولت وحاولت بس ماقدرت ..
موزه انتي كنتي تقدرين ترفضين راشد ..
ليش ما رفضتيه ؟؟
"
عشر دقايق مرت ..
وما ردت عليه ..
هممم خلني انزل تحت عن تحتشر عليه يدوه ..
نزلت تحت و اللي كان موجود ..
يدوه و عموه .. و شما بنت عموه .. و امايه ..
بعد ما خلصت من السلام .. قبضتني يدوه و يلستني عدالها ..
ام محمد : تعال تعال ..
خالد : هلا فديتج .. بغيتي شي ..
ام محمد : فدااك الند .. ويينك انته ويينك ..
خالد : ويني بعد موجود ..
ام محمد : اي موجوود لا تمرني ولا شياتته ..
خالد : هههه افااا .. عشان جيه زعلانه ..
ام محمد : قوم قوم عننني ..
تقربت منها ابا ابوسها فوق راسها .. بس دزتني ..
ام محمد : اقوولك قووم ..
خالد : ههههههههه يدوووه عااد شوفييج .. تراني كنت مساافر ..
ام محمد : مسااااافر ؟؟؟؟؟ ..
عقدت حواجبيه ..
خالد : جيه ما مخبرينج ؟؟ ..
التفتت يدوه ع عمتيه حصه ..
ام محمد : حصيييص .. شعنه ما خبرتينه ..
ام عيسى : مخبرتنج امايه .. انتي شكلج ناسيه ..
ام محمد : جذااابه .. جذببه عيينج ..
شهقت عمتيه و حطت ايدها ع قلبها ..
ام عيسى : اممماايه خبببرتج ..
ام محمد : مااذكر انج خبرتيني ..
ام عيسى : هممم خبرتج وانتي تسولفين ويا ام حميد ..
ارمقتها يدوه بنظرات وعقب طالعتني ..
ام محمد : عمتتك خرففت ..
خالد : هههههه افاا بس افاا ..
شما بنت عموه : يدووووه عن امايه ..
التفت صوبها ..
خالد : كبررت كرشتتج شميم ..
شما : ههههه .. جبب جبب ..
خالد : وين عبود ؟؟ ..
شما : في الميلس ويا ابووه ..
خالد : جااسم هنيه ؟؟ ..
شما : هييه ..
وقفت و اترخصت .. و رحت الميلس ..
سلمت على جاسم .. ريل شما .. وريل عمتيه حصه ( ابو عيسى ) ..
و شليت عبدالله عن جاسم .. بو سنتين..
و يلسته في حضني ..
جاسم : شحالك خالد ؟؟ ..
خالد : طيب طاب حالك ومن يدااك ؟؟ ..
جاسم : الحمدالله ..
خالد : ما بغييينا انشوووفك ..
جاسم : هههه شنسوي .. تعرف انته عااد شما حامل وما تروم ع الخط من دبي لين بوظبي ..
خالد : هيييه الله يعيينها .. وربي يسهل عليها ..
جاسم : اميين ..
ابو عيسى : خالد .. الحمدالله على سلامتك ..
خالد : الله سلمك .. عمي ..
ابو عيسى : عنبو يا خالد .. انت بس تلقى اجازه خذت شنطتك وع المطار ..
خالد : هههههه شنسوي يا عمي .. عشق السفرات ..
ابو عيسى : يلاا ان شالله المره اليايه بنسافر وياك ..
خالد : ههههه على امرك .. بس القى اجازه .. بنسافر ..
جاسم : خل عنك عااد .. رمضان قرب .. خلك ملتزم في شغلك ع الاقل ..
خالد : لا تذكرني دخيلك .. تيني ازمه قلبيه اول ما اذكر انه بداوم في رمضان ..
جاسم : ههههه و سويحان بعد .. الله يعينك بوووي ..
ابو عيسى : ابوك وين خالد ؟؟ ..
خالد : مادري وين والله ..
وخذتنا السوالف ويا جاسم و ريل عمتيه ..
و انظم ويانا ابويه و حمد ..
بس عقلي ويا التلفون ..
انتظر مســج منــها ..
.
.
.


اليوم : الثلاثاء
المكان: بيت بو راشد
الساعه : 8 مساءا ..
.
( حمد )


اتصلي ناصر و قالي انه يترياني برا البيت .. انصدمت انه ماقالي بيمرني اصلا .. فسألته ..
قالي خبرت عزوه تخبرك .. عصبت بصرااحه منها ..
شووو بخلي الريال يترياني لين ما اتلبس اوووف ..
سرت غرفتيه و بدلت كندورتي لبنطلون و قميص .. عقب تعطرت ..
خذتلي شورت .. يمكن اسبح هناك مادري .. خذت اغراضي الشخصيه و طلعت من غرفتي ..
شفت عزه طالعه و عيونها ميفنه .. شكلها كانت رااقده ..
اول ما شافتني متلبس و طالع .. قالتلي ..
عزه: طالع ؟؟ ..
حمد لا دااش ..
عزه : هاهاها لا تعيدها ..
حمد : ما بعييدها اخاف مستقبلج يضيع مب نااقص انا حنه رشوود ..
ابتسمت بمستحى وهي تقول بهدوء
عزه : ايييه
حمد : هههههههههه شو اييه .. يحليلج يا عزوووه
شقت الحلج ..
حمد : والله فراقج بيتعب ها البيت و خصوصن ابوي .. بنشتاقلج يعللج الجنه ان شالله ..
امتلت عيونها بالدموع و هي تشوفني و متأثره ..
عزه : حممد خلااص بتصيحني ..
حمد : هههههه يابوي شو خلاص عرسج بعد ثلاث شهور لازم تتعودين ع ها الكلام ..
خشت ويهها بين ايدينها الثنتين و بدت تشاهق بصوت عالي ..
صيااح ها البنيه لا يطااق ما تعرف تصيح بهدووء لازم تسمع العالم و الناس انها تصييح ..
ضحكت عليها بصوت عالي .. و تقربت صوبها حطيت ايدي ع ظهرها.. وانا اضربها بالخفيف اوني اهديها ..
حمد : بس بس فدييتج لا تصيحيين ..
وصلني صوت امايه وهي يايه فوق وحاطه ايدها ع قلبها ..
ام راشد : وابووي يا بنتي بلااج تصيحين ..
ردت عزه عليها بصياح و هي تتقرب منها و اطييح في حضنها ..
وامايه بدورها ااستقبلتها بحضن اقوى و تحاول تعرف شوفيها ..
حركت ايدي بيأس وانا اشوف الموقف المؤثر هذا.
حمد : سلااام انا طالع ..
مشيت عنهم و فيني ضحكه .. الحين بدال ما امايه تهديها .. بتصيح وياهاا
والله حاله ها الحريم .. بس اللي اكلمهن فدييتهن غيير غيير .. ينسني بالعالم اللي فييه ..
صح اللي اسويه غلط .. بس شو اسوي انا رياال وهاي رغباتي ..
البنــااااات ..
فقط لاغيــر ..
مب راعي بنات .. بس لي علاقات ويا كم بنت تكفيني ..
ماريد اكثر .. عن ابويه يدري ..
بروحه داري عن علاقاتي ويا هالكم بنت .. لو يدري اكثر عن جيه بنذبح ..
ماريد اتعدى الحدود وياهن .. يعني مجــرد علاقات اخويه .. او بالاصح صداقيه احسن ..
لانه اللي يصير يتعدى حدود الاخوان .. يمكن تكون صداقه ..
شفت فوني اللي رن وكانت وحده من البنات .. طبيتها و حطيت سايلنت لين ماوصل سياره ناصر ..
مريت ع الصاله عشان اشوف منو موجود .. كان راشد قاعد ع الارض و حرمته موزه ع الكرسي القريب منه ..
راشد : بتطلع ؟؟
حمد : هيه مع ناصر .. يترياني برا ..
طالعني بنص عين .
راشد : و عسى مب سايرين تصيعوون ..
حمد : هههههه لا لا هنيه الا بيت واحد من الشباب ..
راشد . بتتأخر ؟؟ ..
حمد : والله مادري يمكن شوي .. لانه رايحين صوب الشاليهات ..
راشد : حفله ؟؟ ..
عرفت انه يقصد اذا حفله فيها بنات ولا .. ف حبيت اطمنه بردي ..
حمد : قعده شبابيه ..
هز راسه و كمل شرب قهوته .. اما انا سالته ..
حمد : خلص التحقيق ؟؟..
راشد : هيه خلص تقدر تطلع ..
حمد : يلا مع السلامه ( التفت صوب موزه ) امسكي ريلج الله يخليج ..
ضحكت ..
موزه : يخااف علييك شوفيك انته ..
حست بوزي و طلعت من البيت ..
لو الحفله فيها بنات جان ناصر ما سار ويايه .. لانه ع قولته الحين ع ويهه زواج و مايريد يصييع ..
طلعت من البيت بقهر .. ها العايله حاطين عينهم عليه بس انا .. وين طالع و وين داش ..
شفت ناصر نازل من السياره و يكلم تلفون .. اول ما شافني ..
ناصر : اقولج جلبي ويهج ... شووو تبين ؟؟ ... مب يايبلللج شوفي ابويه او عيسى اذا في بيتنا ... محد موجود ؟؟ ... امايه وينها ؟؟ ... شوووه ؟؟ ... وسييف ؟؟ ... بعد مب موجوود ... انتي و شويخ بس في البيت ؟؟؟ ... لاحووول خلاص انزين قفلو البيبان عليكم و لا ادخلوون غرييب البيت ..
سكر و طالعني ..
ناصر : يلا اركب السياره ..
هزيت راسي و ركبت السياره عدال السايق .. و طالعته وهو يسوق السياره بهدوء ..
بدت نشوه اللقافه و سالته ..
حمد : شي صاير ؟؟ ..
ناصر : لا لا .. وين شاليهه هذذا ربيعك جمالووه ..
حمد : نااااصر ..
ناصر : هلاا ..
حمد : اذا شي صاير ببيتكم رد البيت وانا بسير بروحي ..
ناصر : مب صاير شي ..
حمد : كيف مب صاير شي وانا سامعنك ترمس في الفون توك ..
ناصر : ماشي بس ماحب نوره و شويخ يتمن في البيت بروحهن ..
عقدت حواجبي باستغراب ..
حمد : ليش هلك وينهم ؟؟ ..
تنهد ناصر ..
ناصر : بنت ييرانا دقت عليهم الباب و قالت انه امها تعبانه و محد عندهم يودونها المستشفى .. فلبست امايه عباتها و ابويه وصلهم .. و سيف عند ربعه يهييت ..
حمد : هيييه الله يصبرها ان شالله ..
ناصر : امين .. يلاا وين الحين الف ها اللفه ..
حمد : هيه لف و خذ ها الدوار يسار .. انزين وما تبا ترجعلهم ..
ناصر : لا وين ارجعلهم قلتلهم يقفلون البيبان ..
حمد : ما تخااف عليهم ؟؟ ..
ناصر : والله مادري ماريد اخليهم بروحهم ..
حمد : تبا شوري ؟؟ ..
ناصر : بناخذه ان شالله قول شو هو ..
حمد : اتصل ع عيسى و قوله يوصلهم بيتنا احسن ..
ناصر : لا ويين اتعب الريال بطلبيه ..
حمد : الحين اتعبه يعني .. مب هو دوم طااب بيتكم ما بيي ها المره يعني عشان يشل خواتك ..
ناصر : لا لا خلهن في البيت وايد احسن ..
حمد : كيفك .. هذا هذا الشاليهه
ناصر : هذاا ..
بعد ما بركن .. تم يطالع الشاليهه و يتفحصه ..
ناصر : ماشالله وايد عوده الفله ..
حمد : هيه انزلل الحين اكيد بدو يشوون ..
قبض ايدي جنه يمنعني من اني انزل ..
ناصر : انته متاكد مافي اي حرام في ها اللمه..
حمد : متاكد يابوويه بس يشوون .. و بعدين هذيلا ربعنا من المدرسه شوفيك انته ..
ناصر : حبيبي انا مب متهور مثلك اروح اي مكان..
حمد : بتنزل الحين ولااا ؟؟ ..
ناصر : ماقدر اخليك روحك .. يلا ننزل ..
نزلنا و استقبلنا واحد من الشباب .. وصلنا وين قعده الشباب .. واللي كانت ع البحر ..
جمال : هلاااا ابووووووي ..
ابتسمت ع كلمته تقربت منه ووايهته ..
حمد : اهلين .. شحالك ؟؟ ..
جمال : يسرك الحاال ومن يداك ..
حمد : ترتووب .. جمال هذا ناصر ولد عمي تذكره ايام المدرسه ؟؟..
سمعت ضحكه جمال وهو يتقرب من ناصر ..
جمال : اذكره اذكره يابوويه .. هذا اكثر واحد ضاربته في المدرسه ..
ناصر عباله انه بيوايهه بس صدمه يوم تقرب منه و حضنه ..
ابتسم ناصر لي و بدوره حضنه هو بعد ..
ابتعد جمال عنه و مسكه من ذراعه و يلس و يلسه عداله ..
جمال : شحالك ناصر ؟؟..
ناصر : الحمدالله شحالك انته اخباارك ..
جمال : تمام التمام من شفتك .. وين هالغييبه ؟؟ ..
حط ناصر ايده ع رقبته وهو نوعا ما منحرج من سواله ..
شو يقوله يعني ؟؟ انا بعد ما خلصت من المدرسه قررت اقطع علاقاتي ويا الكل ..
وابتعد عن رفقتهم .. اللي ما سببتت له الا المشاكل ..
ابتسمت .. و خليتهم و رحت صوب عبدالعزيز و ذياب و حمدان .. اللي يشوون ..
حطيت ايدي ع جتف ذياب ..
حمد : ها الذيييب العشى علييك ..
ذياب : هلااااا بوشهااب ..
وايهتهم كلهم ..
ذياب : امره لا تحاتي عليه ..
حمدان : كمل كمل الشوي عن تحرق اللحم ..
ذياب : حمدانوووه وخر عن تشفط الاكل قبل لا يوصلون الشباب ..
حمد : وينهم عيل الشباب ؟؟ ..
عبدالعزيز : نصهم يسبحوون هناك و نصهم يشيشون و سالم و محمد سارو اييبون كولا ..
التقت صوب البحر وانا اشوفهم يتسبحون بشورت بس ..
عبدالعزيز : شو بتروح تسبح ..
حمد : والله انا يايب الشورت مالي بس مافيني الحين عقب العشى يمكن ..
حمدان : هيه انا بعد بسير وياك ..
تقرب ذياب مني و صاصرني ..
ذياب : الاسبوع الياي في حفله بس فيها بنات بتي ؟؟ ..
فتحت عيني ع وسعها و طالعته ..
بنـــات !!!..
هممم من زمان ما سرت حفله من ها النووع ..
اخر مره سرت كان من خمس شهور يمكن .. و من بعدها ابويه عرف بحفلاتي اللي من ها النوع .. وطبعا اللي خبره ناصر ..
ناصر سكت ع كم حفله بس عقب هددني اذا رحت ع ها الحفلات بيخبر ابويه ..
ما اهتميت لتهديده و رحت اخر حفله .. و ع طول خبر ابويه ..
طبعا ابويه عاقبني خذ عني سويج سيارتي و انحبست في البيت كم اسبوع بس عقبها عفى عني ..
اعرف انه ناصر ما تهمه الا مصلحتي .. بس ماله خص فيني .. اسوي اللي اباه انا ..
و شكلي بسير الحفله بدون ما ناصر يدري .. عشان ارتااح ..
اعرف انه ابويه موصي ناصر عليه .. و موصنه ما اسوي الغلط .. او بالاصح الحراام ..
عشان جيه اغلب طلعاتي ويا ناصر ..
شفت ويهه ذياب مره ثانيه وانا اطالعه بحيره ..
ذياب : هاه بتسير ولاا ؟؟ ..
حمد : همم مادري انته تعرف اخر مره شو صار ..
ذياب : انته مبلغ ولد عمك هذاا الحشره محد قالك تخبره ..
حمد : ولد عمي هذاا اللي تقول عنه .. مثل اخويه ترااه ..
ذياب : بتسير الحين ولا لااء ؟؟..
شكله عبدالعزيز سمع الرمسه .. لانه التفت صوب ذياب و طالعه بكرهه ..
عبدالعزيز : الذييب خل عنك ها السوالف ولا تخرب الريال و اطببخ ..
ذياب : عزووز خلك بعيد لو سمحت ..
حمدان : عزوووز .. ها السوالف مالك خص فيها دامك انته متزوج ..
عبدالعزيز : حمــد .. انا حذرتك لا تسير احسن ..
ذياب : عـــزووووز ..
عبدالعزيز : شوفيك تسكتني .. كل حد يعرف شو صار فيه من المره اللي طافت .. ناوي علييه انته تباه ينذبح ..
حمدان : كل حد يعرف انزين .. بس هو بيرووح بسر ..
عبدالعزيز : وكيف هاي بالسر بعد ..
ذياب : يعني لا ابوه ولا ولد عمه ناصر يدروون .. فاهم يا حبيبي ..
التفت صوبي ..
ذياب : هاه بتسير ولاا ..
حست بوزي وانا اطالع عزيز اللي التفت ع طول و اشتغل بالشوي .. و جنه يقولي مالي خص فيك ..
سو اللي تبااه بس انا حذرتك ..
اخر مـرره ..
مافيها شي .. بس اخر مره بسير و محد بيدري .. ما بخبر ناصر ..
ولا بخبر اي حــد ..
قلت بتساؤل ..
حمد : وين الحفله ؟؟ شقه جمال ؟؟ ..
ذياب : اي جماال يابوويه .. هذا ما عنده ها السوالف مثله مثل عزوز ..
حمدان : بتي ولااا ؟؟
حمد : خلاص يصيير خير ..
شق الحلج وهو يحط ايده ع جتفي ..
ذياب : بوشهااب اسمييك بتستانس ع رقص البنات ..
ابتسمت نص ابتسامه ..
التفت ع ناصر اللي مستانس ويا جمال و الشباب ..
بعد ما خلص العشى .. اللي يتسبحون في البحر طلعو و بدلو ملابسهم .. و انظمو للمجموعه العوده ..
ماقدر احسب بصراحه لانه واايد شباب .. اغلبنا كنا ويا بعض في المدرسه .. و البقيه من معارفنا يعني نعرفهم ..
قبل لا نبدا ناكل سمعنا صوت سالم وهو ينادينا ..
سالم : وين ويين اشوفكم مرتبشين بتاكلون بدوني ؟؟ ..
جمال : ههههه افاا حياك حياك انته و محمد .. يبت الكولا ؟؟
سالم : اوفكوورس بيبي ..
محمد : وخرو وخرو الشيخ محمد وصل ..
حمدان : دخييلكم الزوليه الحمرا فرشووها .. اخاف يودينا ورا الشمس ..
محمد : ههههههههه لا لا حمدانوووه انت الحبيييب ..
سالم : هااه راشد راشد سكتو شوي ..
كان فونه يرن فرد عليه و حط سبيكر ..
سالم : هلااااا والله بوسنييده ..
راشد : اهلين بوغنييم ..
سالم : شحاالك عساك بس طيب ..
راشد : طيب طااب حالك ومن يدااك ..
سالم : تماام .. هااه وينك بتي صوبنا ..
راشد : والله مادري .. النسيب موجوود ؟؟ ..
طالعنني سالم وهو يبتسم لي ..
عليت صوتي بما انه شوي بعيد سالم كان ..
حمد : موجود موجود تعالل صوبنا ..
راشد : هههه خلاص ياي صوبكم .. خلولي عشى يااخي ..
جمال : اسميهم ما بيتعشووون بدوونك اقررب انته ..
راشد : ههههه حبيبي والله .. يلا دقايق و اكون عندكم. ..
سالم : ادله المكان صح ؟؟ ..
راشد : امرره حافظنه ..
سالم : هههه يلا مع السلامه ..
راشد : فمان الله ..
سكر سالم عنه .. و انشغلوو الشباب يتريوون راشد ايينا ..
التفت ادور بعيوني ناصر .. اخافه يقعد ويا وااحد من ها الخياس الموجودين .. وخصوصن ذياب ..
اعرفه و اعرف بلاويه وماريده يخرب ناصر ..
شفته داق سوالف ويا واحد من الشباب .. و ارتحت نسبيا انه اللي قاعد معاه .. زين مب صايع..
بعد عشر دقايق ..
دخل راشد بكندورته و غترته المعررس .. عباله ساير عرس .. بتخييس كندورته ..
سلم ع الشباب من بعيد .. و عقب يلس عدالي و بدو ياكلوون ..
راشد يصاصرني : بلغتها ؟؟ ..
ابتسمت وانا اطالعه ..
حمد : امرره لا تحاتي ..
راشد : وما وصلك شي ؟؟
حمد : ههههه وصلتني .. تسلم عليك ..
راشد : الله يبشرك بالخير ..
ضحككت علييه بصوت عالي لدرجه انه الكل التفت عليه ..
شكله راشد هيمان بحبها قبل لا يشوفها ..
و يترياها توصله سلامها عن طريقي انا ..
حمد : صدق انك غبي ..
راشد : يابوي والله اني ياي عشان اسمع ها البشاره ولا شلي انا بيمعه عزابيه ..
ضحكت و عقب قلت بصوت عالي للشباب ..
حمد : يا شباااب تعالو سمعو شو قال راشد ..
راشد : ههههه انطم لا تفضحنا ..
سالم : شو من بلاوي سواها بعد .. و قبل عرسه ..
حمد : طلع بو سنيده ياي صوبنا بس عشان يسمع بشااره مني .. قال ولا انا شلي بيمعه عزابيه ..
جمال : ههههه افااا شبااب ترضوووونها ع نفسكم ..
كلهم : للاااااااء ..
محمد : الهـــرررم .. والله انك راعي مصالح ..
توهق حليله يوم شاف الكل جلب ضده .. واللي قام و ضربه واللي رش عليه مااي ..
راشد : لاااا دخييلكم .. كندوره يديده اليوم متكشخ فيها ..
ذياب : خطبت يعني خلاااص .. يابوويه عبدالعزيز متزوج وماقال اللي قلته يالحماار ..
راشد : عبدالعزيز حمــاار ..
عبدالعزيز : نعــم ؟؟ ..
راشد : هيه نعم حمار .. عيل ياي يمعه عزاابيه فاضين لا شغله ولا مشغله .. ونصهم بطاليه !!!..
عبدالعزيز : والله هاييل ربعــي .. من زمان ما تغيرني الحرمه عنهم ..
جمال : هههههههههه وقسم بالله انك عسل ..
سالم : ههه حبيبي والله ..
محمد : هههههه هيه بويه لا تغيرك الحرمه علينا ..
حمدان : ما عليك من رمسه راشد .. شكله بايعنا بالقو ..
ذياب : رشووود يا الهرم قووم اطلع براا .. هاي يمعه عزاابيه .. ممنوع دخول رجال متزوجيين .. وشل ويااك عزوز ..
عبدالعزيز : صدق انك ناكر المعروف ..
حمدان : والله يا عزوز من تزوجت صاير عاقل ..
جمال : حمدانووه خل الريال عاقل انته و ذياب ..
الكل يعرف انه عبدالعزيز نوعا ماا .. ما يرتاح لذياب و حمدان .. وبينهم خلاف بسيط .. طبعا مب لدرجه انهم ما يقعدون ويا بعض .. بس تصير نغزات بينهم ..
كملنا عشانا بعد سوالف .. وخبرت راشد انه ابويه يباه فسالفه ..
عقب استأذن راشد بحجه انه تأخر ع البيت .. وهو لا متأخر ولا شياته بس ما يبا يقعد ..
شفت من طرف عيني عبدالعزيز يقعد عدال ناصر .. ياهي وهقـــه ..
بيخبره الحين عن الحفله ..
التفت يوم شفت جمال يزقرني ..
جمال : تبا تشيش ؟؟ ..
حمد : لا مالي بها السوالف ..
جمال : كيفك ..
سكتت بس جمال ما سكت الله يهداك خلني اشوف ها البلوه اللي فوق راسي ..
جمال : الا حمد انته كم عمرك ؟؟ ..
حمد : جمالوووه ..
جمال : شووه ؟؟ ..
حمد : كم سنه انا وياك وانته للحين ما تعرف عمري ..
جمال : ههههه شسوي من كثر معارفي انسى كل واحد و عمره ..
حمد : عمري طال عمرك 23 ..
جمال : زين زين .. العمر كله ..
حمد : وياك ..
جمال : ع فكره ناصر ولد عمك اعقل منك بواايد ..
حمد : ههه ليش ؟؟ ..
جمال : مادري القعده اللي قعدتها ويااه .. كان فيها رزين و يرد بأدب و ع قد اللي قلته يرد ..
حمد : ههههه لانك انته ما تعرفه وايد ..
جمال : عرفني عليه اكثر .. ابغي ربعته ..
طالعته ..
حمد : من صدقك انته ؟؟ ..
جمال : هيه والله .. عمري ما ارتحت لريال مثل ناصر ..
حمد : خلاص ولا يهمك .. كل طلعه اطلعها ويااه بطلعك ويانا وانت بدورك عاد تقرب صوبه ..
جمال : خلاص تمام ..
طالعت مره ثانيه ناصر .. بس ها المره هو بادلني بنظراات شرانيه ..
ابتسمت بوهقه .. خلااص انكشفت ..
والله انك يا عبدالعزيز .. كفــــووو ..
كانو الشباب يسولفون وانا بالي بعيــد ..
نـاصر اكيد بيمنعني من السيره ..
.
.
.

وَ أنآآ بـھا ... خَآلدٍ

البارت " 5 "

" الصلاه الصلاه الصلاه .. اللهم بلغت اللهم فـ اشهد .. "

.
.
.
اليوم : الثلاثاء ..
المكان : الشــاليـهه ..
الساعه : 1 صبـاحا ..
.
( نـاصر ) ..


حسيت بنفور من كلام عبدالعــزيز .. عيل هاي سواتك يا حمــد ..
ناوي تذبــح ابووك ..
ما كفاك اللي صارلك من المره اللي طافت ..
يــاي بعد تعيد نفس الغلط ..
ماعليييه ..
شغلك ويااااي .. واراويك كيف ترابع هذيله المخيَــــــس ..
شفته وهو يسلم ع جمال .. وقد ما يقدر يطول ويسولف ..
بس وييين بتروح عني يا حمــد .. مردك بتركب وياي السياره ..
تأففت بنرفزه .. يوم شفت انه طول بالسوالف ويا جمال و سالم ..
قلت بصوت عالي ..
ناصر : حمــد يلاا ..
طالعني حمد ..
حمد : يلا ياي ياي ..
ضحك جمال و واشر عليه ..
جمال : وين ناصر مستعيل .. نحن سهرتنا لين الفير ..
ابتسمت باحراج ..
ناصر : لا وين لازم نروح .. وحمد بيقفلون باب البيت .. بيبات براا ..
حمد : لاماعليك .. امبلغ راشد اخويه ..
طالعته و انا احاول قد ما اقدر اهدي عمري ..
ناصر : بس ما يصير انا يايبنك لازم ارجعك ..
وقلت بنرفزه ..
ناصر : يلا يلا بس .. اباك ف موضوع ..
تنهد حمد .. وحسيت من تنهيدته انه فاهم قصدي ..
او بالاصح متضايــج ..
حمد : يلا شباب .. بروح انا ..
جمال : ربي يحفظك ..
ناصر : فمان الله ..
جمال و سالم : فمان الكريم ..
كنت اتريا اللحظه اللي يركب فيها حمد السياره .. و اعطيييه بكــس ..
عشان اعلمه الغلط من الصح ..
صح اني اكبر منه بسنه .. بس بنفس الوقت .. حمد مثل اخويه ..
ومارضى انه يسوي الغلط ..
او بالاصح .. الحــــرام ..
مره .. مرتين .. ثلاث مرات ..
ماعليه بنقول كل انسان يغلط ..
بس مب يتم يعيد و يعيد الغلط .. والمشكله الاكبر يعرف انه قاعد يغلط ..
سامحناه اكثر من مره .. بس هو يباله شويه قوه عشان يفهم ها العقل ..
عنبو ما يقول كبير و عقله عقل واحد عشريني ..
جنه مراهق ..
او .. يــــــــــــــــاهل ..
::
::
صرخت بصوت عالي ..
ناصر : انـــــــــت تستعببببط !!!!!! ..
التفت صوب الدريشه و حط ايده ع ذقنه وهو قال بهدوء ..
حمد : لــــــــــاء ..
صدمتني هداوته .. بروووده .. جنه عايبنه اللي يسويييه ..
ناصر : عايبنك اللي تسوييه انت !! ..
حمد : هيه عايبني ..
ناصر : وابــــــــــوك مب خايــف عليـــــه !!! .. انت ما تستحيي ع ويهك ولا شو سالفتك ..
حمد : ابويه ما عليه شر ( التفت صوبي و هو يطالعني بنظرات شرانيه ) لو انته ما بتخبـــره ..
قهرني اللي قاله .. ضربته ع راسه بقوه .. قلت يمكن يحس ولا شي ..
بس بعد ماحس والتفت صوب الدريشه وكمل تأمله ..
ناصر : طبعــا ما بسكــت .. بخبر ابووك او اخوك راشد .. عشان يشوفون ها المخ لين ويييين بيوصل ..
اول ما شاف حمد انه وصلنا صوب حارتهم .. فتح الباب و نزل ..
و ومشى مشي سريع ..
حركت سيارتي الحقه .. دخلت بيتهم .. ونزلت ..
الحقه قبل لا يدش البيت ..
مسكته من جتفه و لفيته صوبي بكل قـــوه ..
صرخ .. وهو يوخر ايدي عن جتفه ..
حمد : شوو تباااا !!! ..
ناصر : ما بتروووح الحفلله ..
حمد : لا بروووح وما يخصصصك فينيي .. برووح و بستااانس بداال القعده ويااك اللي تملللل ..
ناصر : اقووووووووووولك ما بتروح ..
ضحك باستهزاء .. وها اللي خلاني انقهر ..
حمد : هه شوف منو بيمنعني ..
قهرني رده و قهرني بروده ..
قبضته من كندورته وقربته مني ..
ناصر : انااا بمنععك .. خاااف ربببك عنندك خواااات ..
ضربني بكـــــس خلاني اطيح ع الارض .. وصرخ
حمد : خـــــواتي اشررف من هذيلا اللي اشوفهن في الحفله ..
مسكت طرف شفايفي وانا احس بألم هناك ..
حمد : ولووو سمحتت ما يخصصك ف حياااتي ..
غمضت عيوني يوم سمعت صوته وهو ينــادي ولده بأعلى صوته ..
ابو راشد : حمـــــــــــــــــد ..
اشاح حمد ويهه لصوب الثاني .. وهو يحيس بوزه بنرفزه .
ابو راشد : كيف ناصر ما يخصـه فحياتك !!! ..
حمد : يعني بتقنعني انك ما فهمت ؟؟؟ .. ما يخصه يعني مايخصه بحياتي ..
طـــــــــــــــــــــــــــرررررررررررررراااااااا اخ ..
صدم الجميع ها الكف .. خالد وحرمه عمي .. عزه و مهره ..
انا عن نفسي انصدممت بعد ..
قمت من مكاني و حطيت ايدي ع سيارتي .. عشان اتساند عليها ..
تقرب خالد وهو يبعد ابووه عند حمد ..
خالد : ابوويه .. ابووويه .. حمد مب ياهل عشان تضربه ..
ابو راشد : مب يــــاهللل ؟؟؟ .. هذا بيفشلني جدام العالم و الناس ..
حمد : بفشلك جدام الناس ؟؟ .. ليش انا شو مسوي ؟؟ .. ذابح حد ؟؟ معتدي ع حد ..
ارمقه خالد بنظرات ..
خالد : حمـــد ..
حمد : شووه حمــد ؟؟ ..
خالد : عيب هذا ابووك .. احترمه ..
ابو راشد : خله خله .. ها ما يعرف شو يعني احترام .. لا دراسه مثل العالم و الناس كملها .. ولا احتراام يحتررم الكبير .. بس ربعك زين ما تنزل تبوس ريلهم ..
حسيت حمد منحرج نوعا ما من كلام ابوه .. وخصوصن جدام خواته و جدامي انا كولد عم ..
عقب ركض متوجهه للبيت .. وخالد راح و تبعه ..
تقرب عمي صوبي و وهو يطبطب ع جتفي ..
ابو راشد : ماعليه يا ناصر .. امسحهها بويههي ..
ناصر : للا ماعليه عمي .. مسأله وقت و حمد ان شالله بتتحسن حالته ..
ابو راشد : لا بركتن فيه من ولد ..
ناصر : ..
سكتت ما عرفت شو اررد عليه .. نزلت راسي ..
سمعت صوت حرمه عمي .. القريب مني ..
ام راشد : نــأصر ولدي .. تعال بنحطلك ثلج ..
حطيت ايدي ع شفايفي و ابتسمت لها ..
ناصر : لا عمووه .. بسير البيت ..
ابو راشد : يابويه تعال بنحطلك ثلج ..
ناصر : عممي لازم اسير .. السموحه ..
ابو راشد : انته اللي سامحنا ع اللي سوااه حمد ..
ناصر : ماعلييه حمد اعتبره مثل اخويه ..
التفتت ع عزه وهي ماسكه صحن .. وفيه فوطه صغيره .. وعطته امها ..
عزه : ليش تضاربتو انتو ؟؟ ..
استحيت و انحرجت يوم شفت عمتيه ام راشد .. شاله الفوطه و تقربت مني و حطته ع طرف شفايفي ..
ام راشد : اقبضه ابويه ..
قبضته و ثبته .. وانا ارد ع سوال عزه ..
ناصر : خلاف بسيط ..
ابو راشد : بتقدرون تحلونه بروحكم ؟؟ ..
طالعت عمي .. كاسرني خاطري عليه ..
والله انه حمد ما يعرف قيمه الابو .. غيره يحسده لانه ما عنده ابو ..
وهو مادري وين عقله .. وهو يرد ع ابووه .. بها الطريقه ..
بدون احترام .. وقله ادب ..
نزلت راسي .. اتجاهل نظراته .. او بالاصح نظرات عزه و ام راشد و عمي .. المتلهفه .
يتريوني اقول السالفه .. بس ماريد اخبرهم .. بشووف اذا حمد بيهون ها السيره ولا ..
ناصر : هيه نقدر ..
ابو راشد : ناااصر ..
رفعت راسي و طالعت بعيونه ..
ابو راشد : اكيد تقدرون تحلون بروحكم ؟؟ ..
ناصر : طبعا عمي .. الخلاف مب مستاهل اي تدخل من اي حد .. نقدر نحله بتفااهم ..
حطيت الفوطه اللي كانت بارده .. شكله داخلها ثلج .. ع الصحن اللي قابضتنه ام راشد ..
ناصر :يلا انا اترخص .. تامرون على شي ؟؟ ..
ام راشد : سلامتك فديتك ..
ابو راشد : انتبهه من السواقه .. وسلم ع ابوك ..
ناصر: الله يسلمج .. يوصل ان شالله ..
ظهرت عنهم .. وانا اتابع نظرات عزه لي ..
ما خوزت النظراااات اببد ..
ركبت سيارتي و نظراتها بعدها مسلطه بي ..
صابتني موجه مشاعر .. ماعرررف شو صاررللي ..
ناصر هد شوفيييك .. البنت مخطووبه خلااص .. الحين تعتبرك مجرد اخخ ..
بس ليش صابتني ها المشاعر في ها اللحظه بالذاات ؟؟ ..
طول السننين اللي طافت كانت موجوده .. ما حسيت بالربكه و التوتر الا من نظراتها الحين ..
طلعت ها الافكار من راسي .. و ظهرت من البيت متوجهه لبيتنا ..
.
.
.

وَ أنآآ بـھا ... خَآلدٍ

البارت " 6 "

" الصلاه الصلاه الصلاه .. اللهم بلغت اللهم فـ اشهد .. "

.
.
.
اليوم : الاربعاء ..
المكان : بيت بو ناصر ..
الساعه : 1 ظهرا ..
.
( عيسى ) ..


قبضت عبدالله .. اللي بهدل ابووه .. وخرب كشخته .. وضحكني اكثر تحرطيمه جاسم .. وهو يعدل سفرته ..
جاسم : يالللله كييف ها الوللد ما يثبت ف مكانه ..
عيسى : هههههه قلتلك عطه شما ..
جاسم : لا شو مينون انته .. شما بروحها تعبانه ..
عيسى : مارووم انا ع الحب ..
طالعني بنظرات وعدل سفرته ..
جاسم : اقول عيسى ..
عيسى : هلا ..
جاسم : تعرف تقبض لسانك ولا ؟؟ ..
ضحكت ع جديته .. و نظراته الصااارمه .. وهييبته اللي تخلي الكل غصبن عنه يحترمه ..
عيسى : ههههههههه ان شالله ..
شلت امايه عني عبدالله .. عشان يدخلون البيت .. وانا و جاسم وعمر اخويه بنتوجهه للميلس ..
رحنا للميلس .. وكان ناصر و سيف و وابوهم .. يالسين ع الكراسي .. والسفره فارشينها ..
يعني الغدا جاهز بس يتريونا ..
سلمنا عليهم .. وتغدينا ..
بعد الغدا .. قام ناصر ..
عيسى : ع وين ؟؟ ..
ناصر : ع حمر عين .. وين يعني بسير اسلم ع يدووه اللي سارقينها منا ..
عيسى : عداااال عاااد .. بسير ويااك ..
جاسم : ازقرو شما .. قولولها بنروح..
ابو ناصر: وين وين ؟؟ ..
جاسم : مروحيين عمي .. واعد شما بوديها البندر اليوم ..
عيسى : هههههههه فوووقه ..
طالعني جاسم بشراسه .. وجنه يقولي خلك ف محلك ..
جاسم : اقول ازقرها وانت ساكت ..
عيسى : افااااااااا ..
جاسم : بلى افاا بلى خربطان .. ازقرها ..
عيسى : ههههه انزين ..
طلعنا انا و ناصر .. و دخلنا البيت ..
استقبلونا استقبال حاار هههههه .. حريم شنسوي ..
لمحت لزييم الشوق .. و غرااام القلب .. وعذاااابي و محبوووبتي ..
يالسه عدال اختها نوره .. وموزه .. برقتها و نعومتها ..
بس للاسف شخصيتها .. تنعكس عن ها الاطبعاع 180 درجه ..
شيخه نوعا ما يمكن شوي دفشه .. وسليطه اللسان شويات ..
هههه ياخوفي تستلمني اول ما اخذها .. عاد شو يخلصني من لسانها هههه .. ماعليه ها الطبع بنحله مع الايام ..
خلاص اليوم لازم ارمس امايه في السالفه .. البنت كبرت ..
وانا بعد كبررت ..
قلت لشما انه ريلها يترياها براا .. خلت ولدها عند امايه و ظهرت ..
هههه شما و جاسم ..
عصافير الحب .. يا محلااااهم والله ..
يا عسى انا و شيخه نكون مثلهم ..
قبضتني امايه و قعدتني عدالها ..
ام عيسى : عيسى ..
عيسى : امري امايه ..
ام عيسى : تغديييت ابوويه ..
عقدت حواجبي .. مستغررب من اسالتها .. مب من عادتها تقبضني و تسالني تغديت ..
هزيت راسي بايجاب ..
ام عيسى : زين فديتك .. شو تشرب شاي اخضر ولا احمر ؟؟ ..
عيسى : والله اي شي موجود وجاهز هاتيه ..
طلبت امايه من شيخه بما انها اقرب وحده لها .. انه تصصب شاي احمر لي ..
وفعلا قامت شيخه .. و صبت لي .. وقربته صوبي .. قبضته ..
ومن غير قصد .. او بالاصح قصدت .. اني المس اطراف اصابعها ..
بس شكلها هي توترت .. والنتييجه انه فقدت سيطرتها و ضعفت قبضتها للكوب ..
مما كان سبب في انها اجب الشااي علي .. و على كندورتي ..
سمعت شهقتها العاليه .. وهي ترد ع ورا ..
كانت طاوله صغيره وراها .. وهي ترد ع وراا بحركه سريعه قعدت عليها .. و ها الشي خوفها بزياااده ..
لانه عبالها كانت بطيييح ..
لولا الاهل اللي موجودين .. جان انا تقربت صوبها و مسكتها .. بس حشمه للموجودين ..
ما تهورت .. وقلت وانا ابين خوفي عليها ..
عيسى : سلمتتي بنت خالي ..
قامت ع طوول و نزلت راسها باحرااج من اللي صار ..
شيخه : السمووحه منك ما كا....
قاطعتها .. لاني ماريدها تحس باللوم .. من اللي صار ..
عيسى : ماعلييه مسمووحه بالحل ..
ام عيسى : شيخه امايه فيج شي ؟؟ ..
هزت راسها بنفي .. بس صدمني رد نناصر لها .. وعصبيته ..
ناصر : انتي ما ترومين تقبضين الكووب زيين .. بقره بقره ؟؟ .. صدق انه امايه ما جذبت يوم قالت انه ما منج فايده ..
حسيت شيخه بدت تنفعل .. ونفورها زاد .. لدرجه انه التفتت صوبه و طالعته بشراسه ..
وخصوصن انه احرجها جدام الموجودين ..
بس هداها رد امها ..
ام ناصر : ناااصر شو ها الكلاام ؟؟ .. عييب علييك ..
حاس ناصر بوزه .. وتجاهل كلام امه و نظراتها له ..والتفتت صوبي ..
ناصر : قوم قوم ..
عيسى : ع وين ؟؟ ..
ناصر : ع وين بعد .. بعطييك كندوره من كناديري ..
عيسى : هههه لا ويين بتيني وسااع ي الدب ..
ارمقني بنظرات من مما خلاني اعدل اللي قلته ..
عيسى : احمم .. عندي كناديير ف السياره جاهزه ..
ناصر : كناديير شو انته الثاني .. اقوولك قمم وياييه ..
تذكرت انه اصلا الكنادير اللي حاطنها ف السياره .. يبالهم غسيل ..
قمت ويااه ولحقته .. لين ما دخلت غرفته ..
ماقدر اووصصف غررفته لانها كانت .. woow ..
حط ايده ع رقبته باحرااج ..
ناصر : ما علييك من الغرفه .. هههه ادري مبهدله ..
عيسى : هههههه مبهدله بسس .. الااا مفروومه .. ما ينظفوون غرفتك انته ؟؟ ..
ناصر : ههههههههه ماحب الخدامات ينظفن غرفتيه .. يوم امايه تفضا هي تنظفها ..
رفعت حواجبي ..
عيسى : شعننه ؟؟ ..
ناصر : هممم مادري بس ماحب حد غريب يدش غرفتيه .. ينسرق شي يضييع شي .. يتحملن عصبيتي ..
عيسى : ههه هييه صح انته عصبيتتك اخخ منها بس ..
فجج ناصر كبته يدور كندوره ..
ناصر : الكل يقول جييه ..
يلست ع كرسي التواليت .. وانا اتأمله وهو يحاول ما يبين الضيجه من اللي قلته ..
بعد ما طلع الكندوره فرلي اياها ..
ناصر : هاي كندوره من قبل .. شوف جان بتي زينه عليك ..
قبضتها وانا اضحك ..
عيسى : ههههه ايام العز .. ايام الضععف ..
سكر الكبت وهو يضحك ..
ناصر : بتيييك فلعه ع راااسك .. بدل وانزل انا بسبقك ..
طلع ناصر و سبقني لتحت .. اما انا بدلت كندورتي بالكندوره اللي عطاني اياها ..
و حطيت تلفوني داخل جيبي .. وخذت الكندوره ..
بس قبل لا اطلع لفتتني شي ..
صوره جديمه امبرووزه بشكل جمييل ..
خالي وعداله ولد ادركت انه ناصر بما انه كان اطول واحد من العيال ..
اما البنات فكانن ثلاث بنفس الطول تقريبا .. عرفت اي وحده شيخه و اي وحده نوره واي وحده موزه ..
من الملامح طبعا ..
بس سيف اللي كان قاعد ف حضن ابوه ( خالي ) .. ما تعرفت ع ملامحه بما انه كان صغير وايد .. يعني بو ثلاث سنين ..
شيخه كانت جميله وهي صغيره .. ولين الحين جميلهه ف عيني ..
قطع تأملي تلفوني وهو يرن .. طلعته من جيبي ورديت عليه وانا مبتسم ..
خالد : عواااس و صمخ ..
عيسى : وعليكم السلام و الرحمه يا هلاا والله بولد خالي ..
خالد :ههههه اهليين فيك .. شحالك ؟؟ ..
عيسى : يسررك الحال من يداك ؟؟ ..
خالد : الحمدالله ..
عيسى : يصمممخ اذذنك يا التييس .. شوو تبا ؟؟ ..
خالد : هههههههه اقوولك ..
فتحت باب الغرفه ..
عيسى : قووول ..
طلعت ف ويههي شيخه رايحه صوب غرفتها ..
شفت انه خالد سكتت ..
عيسى : خاااااااللللد ..
ابتسمت لشيخه .. وهي ردت لي الابتسامه بربكه و احراج ..
مشيت عنها بس ..
بس .. استوقفني حسسسههها .. ما صدققت اللي سمعتته اذني ..
شيخه : عيســــى ..
ما حلى اسمي ع منطوووقج ..
التفت صووبها .. ونسيت خالد و طوايف خاالد اللي كان يزقرنني ..
عيسى : لبيييه ؟؟ ..
خالد : متأكد انك عيسى ؟؟ .. انا تقولي لبييه ؟؟ ..
عيسى : مب حقك انته جب ..
خالد : ادري انزين .. منو هاي تزقرك ..
تجاهلت خالد ورديت طالعت شيخه ..
شيخه : السموحه مننك ما كان قصدي اجب عليك الشاي ..
ابتسمت لها ..
عيسى : مسمووحه بنت خالي .. ماعلييج ..
خالد : هاي شيخه ؟؟ ..
عيسى : هيه ..
خالد : تعال انته ويين ؟ ..
عيسى : ف بيت عمك ..
خالد : هيييه سللم سلم ع شيخه ..
عيسى : شيخه ..
شيخه : هااه ..
عيسى : خالد يسلم عليج ..
ابتسمت باحرااج .. وقالت بصوت يادوب ينسمع ..
شيخه : الله يسلمه ..
وشردت من جدامي ..
لاا دخيييلللج رجععي .. خلنني اكحل عيني بشووفتج .. اكييد انحرجت من خاالد فقتته ..
رديت عليه بعصبيه ..
عيسى : فقتتتك ..
خالد : شوفييك ؟؟ ..
لاحظت اني كنت بزل بلساني و بقووله بمشاعري باتجاهه شيخه ..
نزلت تحت و كملت سوالفي ويا الكل ..
وانا تفكيري انشل ويا شيخه من اول ما دخلت غرفتها ..
بتنزل تحت و بتردلي عقلي ولا ؟؟ ..
.
.
.
اليوم : الاربعاء ..
المكان : بيت بو ناصر ..
الساعه : 3 عصرا ..
.
( شيخه ) ..

بسس بسسس دخييلك يا قلبي .. وقققفف دققق .. والله احسه بيطيح من مكانه من كثر ما يدقق ..
لدرجه اني خففت انه عيسى يسممع صوت الدق ..
خالد سلم علــــــي ؟؟؟ ..
لا لا ماصدددق ..
قبضت تلفوني و اتصللت عليها .. هي الوحيده اللي تحس فيني .. وتعرف شكثر احب خالد ..
بعد رنين ما طول .. ردت علي ..
عزه : هلا هلااا ..
شيخه : عزووووه ..
عزه : لبييه ..
شيخه : تخيلي شو صار ؟؟ ..
عزه : لحظه لحظه شوي ..
ترييتها شوي .. وعقب ردتلي ..
عزه : قوليلي بالتفصيل الممل ..
شيخه : وين سرتي ؟؟ ..
عزه : فضييتلج و دخلت غرفتيه عشان اسمع ع راحتي ..
شيخه : ههه .. انزين سمعي ..
عزه : كلي اذان صاغيه ..
شيخه : خالد ..
سمعت تنهيدت عزه ..
عزه : شوفيه ؟؟ ..
قلت بصوت عالي .. و بحماس و انا اناقز ع السرير ..
شيخه : خااالللد سلللم علللي ..
سكتت عزه شوي .. واستغربت من سكوتها المفاجء ..
عزه : شويخ برد ادقلج بعد شوي ..
شيخه : شوفيج عزه ؟؟ ..
عزه : بررد ادقللج اقوولج ..
شيخه : اوكيه ..
سكرت منها .. وزاد استغراابي من عزه اللي سكتت فجاءه و قالتلي بسكر ..
شوفيها ؟؟ ..
ارتعبت يوم شفت نوره اختي داخله وهي تناقز ..
شيخه : شوفييج دااشه جييه علييه ؟؟ ..
تقربت مني و باستني ع خدي .. وطولت ف البوسه .. لدرجه اني انا اللي دزيتها ..
نوره : شوييخ احببج .. احببج .. امووت فييج .. اعششقج .. اهوااج ..
حطييت ايدي ع يبهتها ..
شيخه : بسم الله عليج اختي .. مافيج حراره .. شو صايرلج ؟؟ ..
يلست عدالي .. وهي شاقه الحلج ..
نوره : ماشي بس من زمان ما يلست ويااج .. وقلت لج باللي احس فيه ..
رفعت حواجبي باستنكار .. ومب مصدقه ..
شيخه : انزين .. وشو اللي تحسين فيه ؟؟ ..
نوره : احس بقلبي .. قلللببي ..
ومسكت قلبها وهي تمثثل .. ومغمضه عيونها ..
نوره : في شي ف دااخل قللبي ..
شيخه : لا لا .. انا متأكده يبالج مستشفى الامل .. يعالجونج علاج طبيعي ..
نوره : مستشفى الامل اللي يشلج ..
وطالعتني بنظره و هي ماده بوزها ..
نوره : شووو هااه تراني يايه اشكييلج ..
مسكت تلفوني بملل و انا اجلب و اشوف شو من بيسياات مطرشيلي ..
شيخه : حد قالج اني دكتوره نفسيه تشكيلي ..
انسحدت ع السرير و هي تلعب ف شعرها المنتف ..
نوره : همم شيخه ..
شيخه : هاااه ..
نوره : الرياييل شو يحبون يشوفون ف البنيه ؟ ..
طالعتها بصدمه من سوالها الجريئ شويتين .. بالنسبه لعمرها ..
شيخه : شو ها السوال ..
حاست بوزها و عدلت قعدتها ..
نوره : لا تفهميني غلط يا بقره .. اقصد يعني عشان الريال يحب البنت شو يحب يشوف تسويه .. الاطباع اللي يحبونها ف البنت .. جذيه يعني ..
حطيت ايدي ع ذقني بتفكيير .. سواالها ما توقعته .. سوال يباله تفكير ..
الريال شو يحب ؟؟ ..
بعد تفكير دام دقيقتين طالعتتها ..
شيخه : شوفي نووره .. الريال ما يحب البنت اللي لسانها اطوول منها .. يعني ما يحب الجريئه وما تستحي ع ويهها .. واللي بقلبها ع لسانها .. بس ف نفس الوقت ما يحب البنت اللي تستحي واايد .. وويهها يحمر بسرعه .. وكلمتين و تنطم .. يعني بين الاثنين .. اما شو يحب يشوفها تسويه ما عندي اي فكره ف هذا الشي .. بس الاغلبيه يحبون يشوفنها محتشمه و ما تحط من المنكر وايد ..
نوره : هممم توني ادري عن ها الاشياء .. يا دكتوره شيخه ..
قالتها باستهزاء .. واللي خلاني اشل المخده و اضربها ع راسها ..
شيخه : حمدي ربج قاعده اقولج اشياء مب لسننج القانوني ..
نوره : جب جب بدش ثالث ثانوي وانتي بعدج تقوليلي مب لسنج القانوني ..
شيخه : هههههه لانه مب لسنج القانوني .. بعدج صغيره ومب لها السوالف ..
نوره : احسلي اطلع من حجرتج اللي تييب المرض .. وتخلي الواحد بريله يروح مستشفى الامل ..
بطنازه ..
شيخه : مستشفى الامل يستقبلوون نفسيات من نوعج .. يلا بس يلا شلي قشج وطيري لمستشفى الامل ..
طلعت من الغرفه بعد ما رقعت الباب ..
فتحت لابتوبي .. وانا اكمل قرايه الروايه .. اللي طايحه فيها ها الاسبوع ..
رن تلفوني .. وكانت عزه فديتها ..
رديت عليها ع طول ..
شيخه : عزوووه .. شوفييج ؟؟ ..
عزه : شوييخ ما بتتوقعين شو صار ..
قلبي دق من نبرتها الجديه .ز
شيخه : شو صارلج ؟؟ ..
عزه : تعرفين ليش سكرت عنج ؟؟ ..
شيخه : عزووه لا تزيغيني .. وقوليلي شو مستوي ..
قالت بترردد ..
عزه : خاالد ..
انقبض قلبي .. وانربط لساني ماعرفت شو اقوللها ..
عزه : شييخه ..
قلت بهدووء تااام ..
شيخه : شوفيه ؟؟ ..
قالت بسرعه و تصحح اللي فكرت فيه .. وهو انه خالد صايرله شي ..
عزه : لا لا مافييه شي ..
غمضت عيوني و تنهدت بارتياح .. ومسكت قلبي .. اللي ارتااااح جزئيا من اللي سمعته ..
شيخه : خس الله بليسج انقبض قلبي .. شو مستويي عزوه ؟؟ ..
عزه : خالد سمعج شو قلتيلي ..

.
.
.