|
انت ل روحي نبض العروق , و عليك فكري دوم تواق♥️... . . . السلام عليكم و رحمة الله و بركاته:wrd:... مثل ما عودتكم قبل انزل روايه ف كل اجازة.... اول شي هلا ي الإجازة ما بغيتي تيين:) و الحين بنزل البارت الاول من روايتي اليديدة... و اذا عندكم اي انتقادات كتبوها ما عندي آي مانع.. السموحة طولت عليكم و هذا هو البارت الاول: . . . . آه يا من يشتكي من قل حيله..ساهر والليل كله ما يباتي.. مستصيب حيلته حيله جليله...من حبيب له اوصوف نادراتي.. يشبه البراق خده استخيله..لي لمع ما بين مزن مدهماتي.. وانخزر بالعين لي دعجا ثليله..أستصيب ابعوق ضيع لي ثباتي.. الغضي إحبيبي شده رحيله..سار او خلى أيام عمري مظلماتي.. نظرة المحبوب للنفس العليله..هي دوا لجروح قلبي النازفاتي.. في حياتي إنكان لي منوا أطلب الله نلتقي قبل المماتي.. في مكان وارف إل دوحه ظليله..خالي امن الحواسد والوشاتي.. فيه يرتاح الخليل اويا خليله...او ترتوي لقلوب يلي ظامياتي.. عقب هجر طال والفرقا الطويله..با اتغانا به عن العالم غناتي.. يعل داره يود مزن من مخيله..او تيري الوديان في كل الجهاتي . . . . .يا *فرنسا* طلبتج و قولي تم.... ردي لي حبيبي اللي خذيتيه♥️` . . . . . . البارت الاول ... في فرنسسا أحلى بلاد أوروبية .. نشيت من وقت تسبحت و لبست قميص كحلي و بنطلون اسود..... و جاكيت كحلي..... شفت ويههي ف المرايا جدامي ابتسمت ل عمري و شفت الساعه.... بسرعه لبست نعالي و نزلت تحت..... ميري : good morning mam.. انا رديت عليها بسرعه : good morning Mary.. سرت عند الخيول و ركبت خيلي... ظهرت برا الفيلا و طالعت ساعتي... انا : الساعه الحين 8 ضبط وينه ما ضوى!! طالعت مزرعتهم و شفته وهو يظهر ب خيله الأسود...... و عيونه الوسيعه...... حطيت ايدي ع قلبي و بلعت ريجي ... انا : يالله محلاه....يالله محلا هالصببح عقب هالشوفه... شفته يطالعني مع أني منخشه ف زاويه بعيده.... دعيت ف خاطري "يارب ما يكون شافني" ...... حركت خيلي و سرت مزرعتنا...... نزلت من الخيل و الbody guard دخله مكانه... اول ما دخلت داخل سمعت صوت أبويه... أبويه : ها عنيد وين سرتي؟ انا : الا هنيه... ظهرت أشم هوى و رديت... أبويه : تريقتي غناتي؟ انا : لا الغالي بعدني... أبويه حب راسي : يالله انا بظهر عندي شغل... ترييوني ع الغدا... انا ابتسمت و لعبت ف شعري : اذا تأخرت بنخلص الأكل عنك.. أبويه : ههههههه ادري أني ما أهون عليج.. انا : فديتك يالشيخ... يالله الحين سير عن ااخرك.. أبويه : ف خاطرج شي فديتج؟ انا : سلامتك... أبويه ابتسم لي و سار .... . . . . . . . . . |
السلام عليكم ورحمه بدااايه حلووه وبارت مشوق بانتظار البارت الياي |
بدايةة قميييلة جدا |
اقتباس:
. . و عليكم السلام و الرحمة مشكورة غناتي و تسلمين ع المرور الطيب:wrd: |
اقتباس:
. شكووووككراا فديتج:yaw: |
بدايه حلوه عزيزتي استمري فديتج مع تحياتي\واختج:دااانه غير |
اقتباس:
. تسلمين غلاي.. |
البارت الثاني ... . . . . . . . روايتي هذي تتكلم عن عايله بؤ محمد.... و بؤ محمد ما عنده غير بنتين توام و ولد واحد حصلهم من حرمته اللي طلقها من 12 سنه .....و من يوم ما طلقها انقطعت اخبارها عن عيال بؤ محمد و مع الأيام نسوها........ سعيد ما قصر ف عياله و دلعهم اخر دلع و عيشهم احلى عيشه .... و الحمدلله نسوا أمهم و لا قاموا يطرونها.... بناته متعودين ع البزا...... لانه طول عمرهم عايشين ف فرنسا و لندن و ألمانيا... بو محمد عنده حرمه ثانيه متوفية و عنده منها بنت وحده و هالبنت اسمها عليا.... ساكنه عند أهل أمها... عنود و فطيم : هذيلا بنات بو محمد التوأم.... مول ما يفارقن بعد.... ربي رزقهم جمال مب طبيعي.... كل وحده احلى من الثانيه.... عنود يلقبونها ب حسنا.... اللي يشوفها يزقرها بهالاسم.... لانه ينطبق عليها...ربي عطاها الحسن و الجمال من فوقها لين تحتها...... و ملامحها ملامح غريبه هب ملامح عرب.... و هالشي وارثتنه من أبوها سعيد *بو محمد* فطيم يلقبونها ب *اصيله* و ملامحها ملامح عرب.... خشمها السيوفي شرات خشم ابوها... و عيونها السود...... و كلهم ظاهرين ع ابوهم... و البجر محمد..... خقاق و طيب بس يموت ع خواته... ظاهر ع امهم و وارث العيون الناعسه.... . . . . . . . محمد : صباح الخير يا حسنا.. انا : صباح النور... محمد : ما يوو صوبنا قوم عمي؟ انا حطيت ايدي ع خدي : لا! محمد : عيل انا بسير اترييق عندهم... انا : اوكيه.. محمد كشش شعري : حسنا.. انا : جب هاه... محمد : هههههه.... انا فكرت ليش أتم هنيه و فطيم راقده : صبر بيي وياك... محمد : يالله بسرعه... انا شليت كوب الجاهي اللي ف ايدي و ظهرت وياه..... سرنا بيت عمي اللي لاصق ف بيتنا... انا ب صوت واطي : هالكريه ليش ناش من الرقاد من وقت.. محمد : ههههههه عنبو مب حقد حاقدتنه عليه... انا : دواه يعله اللوعة... هزاع ابتسم لي : صباح الخير.. انا سرت فوق و ما رديت عليه... هزاع طالع محمد : بلاها ختك عليه؟ محمد : أونك ما تدري انها تكرهك؟ هزاع : هههههههههههه حليلي والله.. . . . . ف غرفه يماني.. انا ب صوت واطي : شو بيوعيها هاي الحين؟ سرت فجيت الدريشه و سحبت لحافها شوي شوي.. يماني وهي راقده : بررررد... انا ما رمت أتحمل شكلها وهي تتنافض : ههههههههههههه.. يماني : عنلاتج ي الكلبه وانا أقول ليش بردت الغرفة... انا : نشي يالله بسج رقاد.... يماني : خليني ارقد.... "طالعت ساعتها" الساعه 9 ي الظالمة.. طلعي برا و سكري الباب..... انا : اففف... لازم يعني كل يوم أسوي لكم جيه... نشوا من نفسكم ياخي.. يماني : محد قالج تسيرين تشوفين الحب من غبشه... علي كان خاطف من جدام غرفتها و سمعها يوم قالت جيه.. علي : اي حب؟ انا ذبت من شفته كاشخ جيه : خبله هاي ما تعرفها... يماني وهي راقده : هيه انا خبله... انا : شفت؟ اعترفت من نفسها.. علي : الحمدلله و الشكر.. انا ابتسمت و هو رد لي الابتسامة.. علي : تريقتي حسنا؟ انا : هيه.. علي غمز لي: يعله عافيه... انا ابتسمت له اكثر و ظهر من الحجرة... أنسدحت حذالها و لعبت ف شعري : يالله فديته.... فديييتت ويهه.. يماني : ماعرفنالج تحبين خويه ولا الخيال؟ انا : اخوج طبعا.. الخيال بس انا معجبه ف شخصيته.. يماني ب نقمه : جنج تعرفينه عدل.. انت فريت عليها المخدة : جب.. يماني : أصيلة ما نشت من الرقاد؟ انا : قوليلها جيه ف ويهها والله بتلعن خيرج.. يماني : هههههههههههههه ادريبها... . . . . . . . الساعه 12 و نص كلنا يالسين ف فيلا عمي ويا يدوه غبيشه و محمد و هزاع و علي... علي : آووه نسيت أخبركم... اليدة غبيشه : عن شوه؟ علي : ههههه يالله فديت الحفوز اللي فيج يا يدتيه..... اليدة غبيشه : بتقول ولا اصلخك ب هاي العصا؟ محمد : ههههههههههههه كله ولا عيوزي لا تعصببها.. اليدة غبيشه : بتقول ولا شوووه؟ علي : خلاص بقول... تزهبوا لان بعد شوي بنسير نتغدى ف بيت يراننا... انا طالعت فطيم... فطيم همست : تخيلي قوم الخيال عازمينا؟ انا ابتسمت : ياليت.. يماني ضربت جتفي : بس لا تحشون... اليدة غبيشه : قوم بال*****؟ علي : هييييه... عرفتيهم؟ ولدهم يستوي ربيعي و عزمنا اليوم... اليدة : يلا عيل انتفضوا... سرنا نتزهب تمينا نص ساعه و عقب كلنا سرنا للمزرعة اللي حذالنا... انا : فطيم .... يمااااني هاااي فلة الخيال! فطيم : انزين و يعني؟ عن ينط لج عرج... انا سويت لها مالت : تفو.. دخلنا فلة الخيال و كانت وايد حلوة و متربه.... سرنا داخل و شفناه لابس كندوره بيضا و غترة و عقال... الله محلاه... الخيال : مرحبا ... يا هلا . اليدة غبيشه : المرحب باجي... الخيال حب رأسها و لآني كنت حذالها شميت ريحه عطره... غمضت عيني و ابتسمت... الخيال : يااا مرحبا نور البيت والله... قربوا قربوا امايه داخل.. دخلنا و محمد و علي و هزاع ساروا ويا الخيال.. اليدة غبيشة : سلام عليكم و الرحمة.. ام احمد : وعليج السلام و رحمه الله.. حصه يت سلمت علينا : شحالكم؟ انا : بخير فديتج.. سرنا ويا حصه يلسنا ف الحديقه... حصه : اخويه وايد يرمس عنكم.. فطيم ابتسمت : بالزين ولا الشين؟ حصه : ههههههههه لا زين.. يماني : انتوا من متى اهنيه؟ ما درينابكم ولا كنا بنسير صوبكم.. حصه : من اسبوعين نحن اهنه.. انا : محد خبرنا عيل.. حصه : ماعليه نحن دوم بنسير عندكم.... انا : افا عليج.... البيت بيتج.. قالوا وقت الغدا و سرنا نتغدى.. عقب يلسنا ويا الحريم ف الصالة... ام احمد ابتسمت لي : اشحالج العنود؟ انا : بخير و عافيه خالتيه.. ام احمد : ماشاء الله عليج انتي و ختج... فطيم : خالتيه اذا عندج معرس طرشيه صوبنا... ام احمد : هههههههه غاليه و الطلب رخيص.. اليدة غبيشة : اقطيعها ذي الرمسه يا فطيم... عنبوج لا حيا ولا مستحى.. انا : يدوة فطيم ما قالت شي غلط... كلنا نبغي نعرس.. يماني غمضت عينها : تخيلوا عرسنا انا و فطيم و عنود ف يوم واحد... انا : هههههههههههه.... اليدة غبيشة : عنود عن الهذرة الزايدة و سيري هاتيلي ماي..... ام احمد : حصه فديتج سيري ييبي ماي.. انا وقفت : لالا والله حصيص يلسي انا بسير.. سرت المطبخ التحضيري و فجيت الثلاجة... وانا يالسه ادور ماي تبطلت شيلتي و ظهرت قصتيه..... خدودي حمرت من البرد..... دورت دبه ماي و عقب حصلتها.... يوم ييت بسكر باب الثلاجة شفت دفتر لونه بني طايح ع الطاوله.. فجيته لقيت مكتوب فيه احمد خليفه ال******..... عرفت انه الخيال اسمه احمد لان حصيص ماعندها اخو غيره هو و واحد صغير اسمه مايد.... الدفتر كله اشعار...... فجيت صفحه انتبهت ع القصيدة اللي فيها...... خلك معي خلي ترى الناس للناس ودي ترى ضدي ومعايه معايه احسبك دايم بانفاس لانفاس وانت ضياء عيني ومنايه منايه لا تسمع العاذل ووسواس وسواس ومن علتي انتي شفايه شفايه لو طال هجرانك فلاباس لاباس غلطان واستاهل دوايه دوايه السهم من عينك وامواس الامواس وانا اناديلك دمايه دمايه سمعتي الموشي وارجاس الارجاس واللي جرى منك كفاية كفاية اعلنت من وصلك بافلاس لافلاس واختاري انتي بين شاية وشاية اما ترديلي باحساس الاحساس والا نتفارق والنهاية نهاية متعود ابدله للاماس بالماس ما يهم اكسب والهوايه غوايه خدعك حاسد يضرب الراس بالراس مسكين وادريبه ورايه ورايه انا : شقصده ب هاي القصيدة؟ احمد من وراي : يمكن انتي تعرفين... انت بلعت ريجي و عدلت شيلتي : لا ما ادري..... احمد عدل غترته : شكلج وايد تحبيني... انا فجيت عيني ... . . . . . |
عجبتني سالفت الألقاب حسنا وأصيله ههههههههه فطوووم طررر صدقها ماااجذبت أحمد:يالواثق انت عنودي او نقول حسنا:يااااقلبج انتي تحبي علووه وذاك الهيس يقوول تحبينه عطيه رد يخليه مااينساه ابد موفق بأذن الله أختج:دااانه غير |
استمري حبيبتي الروايه وايد حلو |
اقتباس:
. مشكورة غناتي فديتج<3 ترقبي البارت الياي:yaw: |
اقتباس:
. . شكرا، مرورج الاحلى:wrd: |
روايه تجننننن كمليها |
اقتباس:
. ان شاء الله:$:wrd: |
السلام عليكم ورحمه الله وبركاته ** شحالج يالغاليه عساج بخير ؟؟! الصراحه البارت حلوو واتحمست حق البارت الياي ههه اترياا البارت الياي *_* |
البارت الثالث .. . . . . . . العيون تحب وتنحب انما انت عندي غير عن كل الوجود❤️..... . . . . . انا توهقت و ما عرفت شقول : نعم ليش احبك؟ من زينك؟ احمد : هههههههههه فذمتج؟ انا :ما اداني الخقاقين... احمد : وانا اموت فيهم.. انا : و بعدين؟؟. احمد : خير؟ انا شليت الماي و ظهرت... يلست ف الصاله و لمحته وهو ساير للميلس طالعني و ابتسم... تلخبطت ماعرفت شسوي.. منو هذا عسب يسوي فيني جيه... تفو عليه.. يدوة غبيشة : عنيد.... حسنا.... بلاج من الصبح ازاقر عليج ما تردين؟ يماني : اللي ماخذ عقلج يتهنى به.. انا : منو بياخذ عقلي يعني؟ فطيم ب خبث : ما يندرى... حصه : ليش عنود مخطوبة؟ انا : ههههههه لا فديتج بعدنا صغار.. يماني : و نشرب حليب و ناكل سريلاك.. فطيم : مسخفكم.. حصه : ههههه .... استوت الساعه 5 و ردينا البيت عقب ما عزمنا ام احمد و عيالها ع العشا. . ابويه : منو العرب اللي بيون عندنا؟ محمد : ربع علي ولد عمي... ابويه : منو؟ الصراحة ما عرفتهم؟ محمد : قوم بال**** فطيم : الللله... جان زين اييني معرس من صوبهم... ابويه : ههههههه مستعيله ماشاءالله.. فطيم : اكيد ... و تراني مجهزة كل شي بس اتريا المعرس.. ابويه : الا وين اختكم عنود؟ محمد: راقدة... ابويه : انزين عندي لكم مفاجأه... محمد نقز : خذتلي بورش ذهبيه؟ ابويه : ههههههههههه لاا.... نزلت و انا لابسه بجامة وردية و شعري الاسود مبطل... و دبدوبي ف حضني.. ابويه ابتسم : هلا والله هلاا.. محمد : حد يرقد العصر؟ لا و لابسه بجامه بعد.. انا : جب اييه.. ابوية : ما عليج منه هالخبله.. انا واقفه جدامهم و هم يالسين مجابليني... يعني انا مجابله باب البيت... دخلت ب دلع هي و شنطتها اللي كبر راسها ...... فصخت نظارتها و ابتسمت لي... انا شهقت : انتي شو يايبنج عندنا؟؟؟ كلهم طالعوا وين انا اطالع.. عليا ب خبث : يايه عشان باباتي... فطيم : مشين الدلع عليج... محمد ضحك : ههههههه كفج... سارت صوب ابويه و حبت راسه : شحالك الوالد؟ ابويه فج عينه : انتي كيف ييتي هنيه؟ عليا : يعني ما تباني؟ محمد : انتي محد يباج.. عليا ب حزن : خلاص اوكيه برجع دبي.. ابويه : مب جيه قصدنا... بس كيف ييتي بروحج؟ ما يصير تسافرين بروحج فديتج.. عليا ابتسمت : انزين انا يايه استانس... يالله نظهر... محمد : قري ف البيت خافي ربج توج واصله... عليا : اوف منك يا محمد... ابويه طالعني انا و فطيم : تبون تظهروون؟ فطيم : هييه. ابويه : عيل يالله تجهزوا.. . . . . . . . . . . . و نحن ظاهرين ب سيارة الكاديلاك.... لمحنا احمد ظاهر من مزرعتهم ب خيله.... انا ابتسمت بس تلاشت ابتسامتي من تذكرت موقفه اليوم......... نزل من خيله و يا صوبنا...... احمد تخاشم ويا ابويه : هلا عمي شحالك؟ ابويه : بخير الله يعافيك... ها بتخاوينا؟ احمد : هههههه على وين؟ محمد : بنسير نتحوط شوي و رادين.. احمد : خلاص عيل بلحقكم ب سيارتي.. ابويه ابتسم : يالله نترياك.. "رفع الدريشة" عليا ب فضول : منو هذا؟ محمد : ش تبين ف الريال انتي؟ عليا : نسأل ... حرام بعد؟؟ انا : اف خلاص عاد سكتي... عليا : انزين بنسكت يا حسنا... انا طالعتها ب قهر... فطيم : صخي عنها.... لا تسوين لها سالفه... وقفنا عند حديقة قريبة و نزلنا لان الجوووو ييغغغررم... ابويه زخ ايدي : تعالي امشي عنديه فديتج.... فطيم : ما يصير ايي انا بعد؟ ابويه ابتسم : يصير ... احمد ابتسم وهو يشوف و يسمع حنان ابويه..... قال ف خاطره< ماشاءالله عليه وايد حنون و اسلوبه راقي> مشى ابويه ف النص و انا ع يمينه و فطيم ع يساره.... عليا مشت بروحها لان محمد سار ويا احمد... ابويه : محلا الجو هنيه... يشبه حسنا و اصيله... انا و فطيم عيبتنا المدحه.... انا : احم احم تسلم ابويه.. ابويه ابتسم لي . فطيم : ابويه خاطري ف اسكريم... ابويه : بتمرضين عقب بابا.. انا : عن خاطرنا شوي بس.. ابويه رن فونه : خلاص خذولكم... محمد سار ياخذ له... فطيم قوليله ياخذلكم بعد.. فطيم : اوكيه.. ابويه طالعني : برمس ف التلفون و بييج.. انا ابتسمت و يلست ع الكرسي.. يت عليا يلست حذالي و تمت ساكته.. انا : شعندج ساكته مب من عوايدج.. عليا : اريح حلجي شوي.. انا ما رديت عليها ... . . . . محمد : فطيم خذييلي كوفي من هناك.. فطيم طالع وين محمد ياشر : تبغيني اسير هناك بروحي؟؟؟. محمد : هههههههه سيري و بلحقج انا.. فطيم : اوكيه... "سارت" محمد : احمد خذ الاسكريم هذا و عطه اختيه عنود... احمد : انشاءالله.. سار محمد ورا فطيم لان كشك الكوفي بعيد شوي.. احمد : تفضلي الشيخة.. انا رفعت عيني و طالعته ... سبحان الله محلاه... احمد : يالله خذي.. انا خذيت عنه الايسكريم و يلس حذالي.... يعني يلس ف النص بيني انا و عليا لانه ما يدري ان عليا ختيه.. احمد حرك شعره و نفض منه الماي : شحالج بعد؟ انا : تهبني هبوب العافيه يوم ما اشوفك... احمد اونه يكسر الخاطر : افا؟ انا : لا تحاول تكسر خاطري... انا شريرة.. احمد ب خقه : ما هميتيني.. انا : ع اساس انت اللي هميتني.. عليا : اسكيوزمي؟؟ عنود منو ها اللي تسولفين وياه؟ احمد صد صوبها و طالعني ب معنى منو هاي؟ انا طنشته : ها ربيع علي ولد عمج ... عليا : ايواااااااا.. محمد يا صوبنا هو و فطيم.. محمد: ها نسير؟ انا : ابويه بعده ما رد.. فطيم : ليش وين سار؟ انا : يرمس تلفون.. احمد : يعني محمد ما استحيت ع ويهك و يبت لي كوفي وياك؟ محمد : هههههههه عنلاتك احول ولا شوه؟ ها اللي ف ايدي شو؟ احمد : اوه ما شفته... يلسنا نسولف لين ما يا ابويه و ردينا البيت... تمينا نجهز العشا لان ام احمد يايه صوبنا.... . . . . . . . . . ف المطبخ.... فطيم مجابلة كتاب الطبخ و تقرا..... انا : فطيم شتسوين هني؟ فطيم تنهدت : شوفت عينج.. انا : انتي بتسوين العشا؟ فطيم : للأسف هيه انا و يماني متواعدات... الحين هيي بتي... يماني دشت البيت ب دفاشه : السلااااام عليييكم.. انا : و عليج السلام.. فطيم : تونا يالسين نطريج.. يماني : هيه صح انا زعلانه منكم.... "مدت بوزها" فطيم : ليش؟ توج مرمستني ما فيج شي انا : تدلع بنت عمج يعني ما تعرفينها؟ يماني : ههههههه لا صدق ليش سرتوا تحوطون عنيه؟ فطيم : عشان خاطر النحسه علايه.. يماني : بسم الله من هالطاري هاي شيابها هني؟ انا : اليوم يت... تخيلي كيف لاصقه فينا لصقه عنبو سيري عند امج.. فطيم : لا ويوم تيي لازم تتخنث... يماني حطت ايدها ع حلجها : استغفر الله... بسكم حش... انا : خلاص انزين شو بتسوون حق العشا؟ يماني : لحظه لحظة... وين الطباخ وين البششاكير؟ فطيم : رغتهم وحياتج.. انا : انزين ممكن افهم ليش انتوا ب الذات بتسسوون العشا؟ يماني لبست روب الطبخ : تعالي بقولج... انا قربت صوبها : شو؟ يماني : لان يا ذكيه ام احمد بتمدح الاكل و بتخطبنا حق ولدها ولا حق واحد من اهلهم. فطيم : كفج بنت عمي.. يماني ضربت كفها ب كف فطيم... انا : صدق مخبل... حق شو تسووون لهم عشا؟ يماني : اوب اوب.. لا يكون معصبه عشان ولدهم؟ فطيم : هيييه اكيد... انا : لا حشى..يخسي والله.. يماني : عيل جب... يالله نسوي العشا.. فطيم : تعالي جوفي كتاب الطبخ هذا... يماني : اول شي بنسوي دياي مشوي... و حمص و متبل عنود بتسويهم.. انا : لا مابا.. يماني : يلا عاد ساعدينا.. انا : اممم انزين. بس بسوي السويت.. يماني : اوكيه خلصينا.. انا سرت زقرت خدامتنا داليا لانها فنانه ف السويت و تميت اساعدها.. عقب نص ساعه قالوا ام احمد يت و انا مليت من الاكل و ريحه المطبخ.. انا : بسير اسبح.. فطيم : تريي بيي وياج.. انا شليت النوتيلا بصبعي و خيست ويه يماني و ششرددت بسسررعه... يماني زاعجت : يييييااااا الحححييوووواااانننه... تمت تربع ورايه و انا على طول ظهرت ف الحوي لمحت واحد لابس جاكيت رمادي و قميص ابيض و بنطلون اسود.. عرفت ان هذا حمود و سرت لويت عليه بقووو.. انا : حموووود خشني عندك يماني بتخيسني.. يماني يت عندي و شهقت يوم شافتني حاظنته وهو فاج حلجه و مبطل عينه ع الاخر... . . . . . . . . . |
حلو البارت طرررررررررررررررررررررررر والله عليا:كرهتها كره العمى استغفر الله بس احسها مسويه شي عشان جي يكروهونها كلهم عنووود او حسنا:طررررر عجبيبه يوم قلتي تفووو عليه يستاهل الهرم فطيم او اصيله:فديتتتتتتتج انتي خققق انتي طرر انتي كل شي فالهدنيا يماني:عسوووله وربي أحمد:وااااثق وبتم طوول عمرك وااثق يااخي خفف من هالخق ياااخي بتخلي عنادي تكرهك محمد:لاتعليق يعااون الأخوات بس بومحمد:يالمطيبك فديتتتك طيووب وحبوب أستمري عزيزتي وإلى الأمـــــــــــــــــــــــ دائمن ــــــــــــــــــــــــام أختج:دااانه غير |
اقتباس:
|
مبدعة ماشاللهه ، نترياج 😍 |
ححلللووو البااااااااااررررررررتت اختييييهه |
البارت الرابع.. . . . . ي مضامير قلبي تركض ركابك ، بجماهير وبلجنة وبمناديّ 🐪 . . . . انا رفعت راسي و طالعته من شفت ويهه شهقت......وتفششلت وااااايد.. يماني تضحك : عنود تعالي يالله.. انا سرت عنه و ويهي محمر... احمد طالعني : العنود.... انا يتني الصيحه و سكتت... سرت وراي يماني.. فطيم : طالع ويهج انتي شحقه تصيحين؟ انا : فطيم والله بيفهم غلط انا عبالي حمود خويه.. يماني : لا ما بيفهم غلط.. روحه تفشل منج.. انا اصيح : الحين بياخذ فكرة غلط عني... فطيم : انزين سيري قوليله.. يماني : هيييه عشان هزاع و علي و حمود يدفنونج ان شافوج.. انا : انا الغلطانه والله مب هو. فطيم : انزين اختاه شرايج تبدلين ثيابج و تنزلين ويانا؟ يماني : هييه والله صح فضيحه امايا العودة *يدوة* يالسه وياها اروحها.. انا : انزين دقايق ببدل و بييكم. سرت غرفتي بدلت ثيابي لبست مخورة زرقا و تعدلت ع الخفيف و نزلت ويا يماني و فطيم.. شفت عليا يالسه وياهم.. ام احمد : يالله بستر وينكن ما تنشافن؟ حصة تضحك : ولا شاردات عنا؟ انا : افا عليج خالتيه ماعاش من يشرد عنكم.. فطيم : كنا نتعدل عسب جيه تاخرنا.. يدوة : يالله عيل بتتعشون؟ يماني : بسير اخبر الخدامات عسب يحطن العشا.. ام احمد: العنود و فطيم عليا ظهرت اختكم ولا خبرتونا.. انا : سمحيليه عمتيه تحريت يدوة خبرتج.. ام احمد : مسموحة غناتي.. بس والله بنات راشد محد شراتهن.. عليا بدلع : مشكورة.. فطيم : تسلمين خالتيه.. عقب السوالف تعشن حصة و ام احمد و سارن ع الساعه 9.. يدوة : يمنة وين خوج ما شفته من يومين؟؟ يماني : ما ادريبه والله يدوه... فطيم : يعني ما تعرفون ان علي رغيد؟ انا ب خوف : يدوة ما اتصلتوا له؟ يمكن صابه شي.. يدوة : الله العالم.. بس عسى ما ياه شي.. . . . . . . . . . اليوم الثاني صار اللي محد توقعه يصير..... كل حد مستانس الا شخصين... الاول ف فلة بو محمد.. انا : ششوووو؟؟؟ اليدة : اللي سمعتيه.. و بعدين ذيلا عرب انعرفهم ماعليهم قصور.. انا طالعت ابويه : مااااباا... ما اباه.... ابويه زخ ايدي : غناتي الريال كلهم يمدحونه.... و ماعليه كلام توكلي على الله.. انا وقفت : انااااا مب موااافقه.... عيال عمي اولى فيني... ابويه : بشاورهم و اذا رخصوج ترا اللي خاطبينج هب اغراب... اليدة : و عقب عادة مالج مفر من العرس.. . . . . . و الثاني ف بيت ام احمد.. احمد وقف : شو امايه ما سمعت!! اميه : رمست يدتها اليوم و قالوا بيردون لنا خبر.. احمد : قلن الحريم اماااايه؟؟ هالبنت بالذات انا ما ابغيها.. حصة : ليش فديتها غاوية.. احمد : جب اانتي.. ام احمد : بتاخذها يعني بتاخذها.....انا عايبتني هالبنية..... احمد : السموحة الوالدة بس انا اللي بعرس مب انتي... ام احمد : والله يا احمدوة ان ما خذتها لا انا امك ولا اععررفك!!!!! احمد ظهر من البيت و رن فونه... محمد : الو احمد... احمد : هلا محمد... محمد : وينك عنا اليوم ما تنشاف؟ احمد حس انه مضايج و يبا يغير جو فقال : خلاص الحين ياي... محمد : يالله نترياك.. غلق فونه و توجه صوب محمد.... انا من رمست يدتيه و ابويه ظهرت من البيت و تميت يالسه ف الحوي.. احمد دخل البيت و شافني سرحانه ف منظر الورد اللي جدامي... احمد ف خاطره : السموحة الغالية ما بقدر اسعدج... صحيح انه ما عليج كلام بس ما ابغي اظلمج... خطف حذالي و تحمحم... انا انتبهت له و طالعته... شوي و لمحت سيارة علي تبركن صوب الباب.. بسرعه دخلت داخل اخبرهم ان علي ضوى... دخل البيت وانا ميته من الوناسه.... يالله فديتك و فديت ويهك... شوي و شفت وحدة اجنبيه وراه..... تلاشت ابتسامتي و طالعته.. علي : السلام عليكم.. الكل : و عليكم السلام.. عميه : ها يا علي وينك من كم يوم تبات برا البيت خوفتنا عليك.. علي : انا بخير ابويه... ما فيه شي.. يدوة : و من هي اللي وراك عنبو ما عندها ثياب متفصخة جذه؟ علي : هاي حرمتيه.. انا انصدمت و عمي عبدالله عطاه ككفف.. علي : السموحة ابويه بس انا ما غلطت.. هزاع وقف جدامه : و شقايل ما غلطت وانت ماخذه وحده هب منا و فينا؟؟ كبر عقلك ترانا مب ناقصين مشاكل.. ابويه : و تعال صح... بنتيه محيره لك من زمان تسير و تاخذ وحده اجنبيه؟؟؟ علي طالعني و همس لي : سامحيني.. انا ما تحملت الموقف زياده ....طلعت من فلة عمي و سرت بيتنا.. محمد ظهر من الميلس : ليش كلكم واقفين؟ شو مستوي؟ عميه : علي سود ويههي يا محمد.. حسبي الله عليه من ولد..... حسسبي الله علييييه.. يماني سارت عند ابوها تهديه.. اليدة : عنلاتك يا علي جان هاي سواتك... شو اللي فيها زود عن بنات عمك؟ فطيم استجمعت قواها و قالت ب صوت عالي : سمحليه علي بس انت ما عندك مذهب لو عندك ع الاقل شويه احساس ما بتسير تفضل بنت الغرب على اختيه اللي منك و فيك.. هزاع : صدق ان ما عندك مذهب..... علي سار غرفته فوق ويا حرمته و ما سوالهم سالفه.. عميه طالع يدتيه : بيذبحني هالولد.. بموووت منه.. يماني : بسم الله عليك ابويه... بعيد الشر.. محمد تنهد و سار صوب احمد اللي يترياه ف الميلس.. هزاع : ابويه انا بظهره من البيت و ما بخليه يجبل صوبك بس انته ارتاح.. عميه : الله يخليك لي يا البجر.. . . . . . . . . فطيم تدق الباب : عنووووود فجي!! انا يالسه ف زاوية و اصيح على حب حياتي... اصيح على حلمي و ولد عمي اللي باعني...... باعني و خذ وحده ما تستحي ولا تخيل.... تميت اصيح وانا ندمانه لاني حبيته..... اليوم الثاني نشيت وانا تعبانه... تسبحت و نزلت تحت... لقيت ابويه و عميه و يدتيه و علي و هزاع يالسين ف الصاله... كنت برجع غرفتي بس .. ابويه : عنود ابويه تعالي شوي.. انا سرت صوبه و حبيت راسه : صباح الخير ابويه.. ابويه : صبحج الله بالنور فديتج.. انا وايهت يدوة و عمي : آمر ابويه.. ابويه : ما يامر عليج عدو... بس ترا نحن كنا نترياج تنشين من الرقاد عسب تسمعين عيال عمج اذا يبونج ولا بيرخصونج.. انا ابتسمت ابتسامه باهته و عرفت انهم ما بيرخصوني خاصةً هزاع.. انا راضية فيه بس ما ابغي احمد.. عميه : ها يا هزاع؟ حاط عينك ع بنت عمك؟ هزاع ابتسم لي و رد طالعهم : لا ابدا.. حلال عليه احمد.. انا فجيت حلجي.. يدوة : وعلي معرس ما يباج.. خلاص عيل توكلنا.. علي : و من قال اني ما ابغيها؟ ابويه : ولا يكون تباها؟ تباها تكون الثانيه عقب الاجنبيه!!! علي : هي نعم عمي انا هب مرخصنها.. انا وقفت : ومن قالك اني اباك؟ انا موافقة على احمد.. سرت غرفتي و احس ب ضعف لاني جذبت.. انا ما ابغي احمد.... علي هو حبي اللي حبيته 19 سنه.. سمعت دق ع الباب و سرت بطلت انصدمت يوم شفته واقف و يطالعني.. انا : نعم؟ علي : بنت عمي احبج.. انا حسيت ب شعور اول مره احس فيه.. اول مره يقولي احبج... بس كابرت و صديته.. انا : احبج وين اصرفها هاي؟ علي : والله احبج مب يالس اجذب.. الله يخليج وافقي عليه.. عندي سببي اللي يخليني اسوي كل هذا.. الله يخليج وافقي خلينا نعيش براحه مع بعض! انا تميت اطالعه : ماا اقدر.. علي ب حنان : ليش؟ انا صحت : لانك بعتني..... بعتني ب رخيص يا ولد العم... سكرت الباب و تساندت عليه... ليش يا دنيا ليش تحرميني من اعز ناسي؟ . . . . . . . . فطيم ب حزن : قولي والله؟ يماني : والله مب يالسه اجذب... كلنا زعلانين... فطيم : اوهووو.. شسوي الحين؟ يماني : سيري خبري اختج.. فطيم : خلاص بسير اخبرها... يلاا باي.. يماني : اشوفج عقب.. فطيم سارت وهي صدق مضايجه.. . . . . . . . . . . |
(0_0)!!!!!!!!! البااارت تووحفهه لا تعلييق... فانتظارج حبيبتي... |
جميل وروعه .. فانتظارج .... |
البارت واايد حلو العنود:غمضتني فديتها حرام كسرتي خاطري تزوجي احمد وخلي قلبه يحترق على حبج لعلووه >>نذله لا علي:جلب حقير ليش بس اقوول حرام احسك تزوجتها يمكن لأنك سوويت شي حراام احترق بنار الغيره يوم تشووف عنود وياغيرك أحمد:تزوجها وحبها وتعذب بحبها معنك مااتستاهل فطيم:والله انج قووو يماني:فديتج عسووله اسمج عسل كيف انتي مع تحياتي:دااانه غير (باقت ورووود) |
علي : ما يستاهل العنود خليه ويا مرته تفيده العنود: تستاهل احمد وان شاء الله تحبه وتحرق قلب علي وتنساه احمد : يارب يتزوج العنود ويحبون بعض :( |
بدايهه موفقهه وحلو تسلسل القصصه ، مم اتمنى تثبتين اسم فاطمه والعنود لانه يلخبط (اصيله، حسنا) واتمنى البارت الياي يكون به احداث اكثر ومشوقهه والبارت يكون اطول مم وابغي اعرف متى بتنزلين البارت الياي ،او البارتات اليايه له وقت محدد ولا عادي واسمحيلي جان ردي ضايج بج ولا شي |
البارت السادس.. . . . . . . حتى الطيور ان هاجرت تعرف تحن .. تلقى جموع احباب ماهي تشتت ! وانا وبعض الناس مانعرف نحن ، نبعد وقلب البعض منا يتفتت.... . . . . ابويه : شقال لك الدكتور ياا عبدالله؟ عمي نزل عيونه : علي فيه الايدز... انا شهقت شهقه طويله خلت كل حد يلتفت صوبي : متأكدين عمي؟ شكلهم مغلطين!!! يماني : مستحيييل!!! خويه كيف بيصيبه الايدز؟ عمي : قال الدكتور ان علي خبره.. حرمته اللي خذها من بد الكل قصت عليه و كان فيها ايدز و عدته... و يوم علي درا انهار و طلقها.. يدوة : واااحسسرتي على ولدييي!!!! هزاع : لاا اله الا الله محمد رسول الله.... فطيم : انا احس انه في شي غلط ب السالفه..يعني هو خذها و ما كان يدري؟ عمي : شكله جذيه.... خلص هاليوم و علي رد البيت... كلنا زعلانين على حال علي... ما يستاهل صراحة... . . . . . . . انا ما ياني رقاد و تميت افكر... الحين احمد مسافر عنده شغل عقب اسبوع عرسي... و احس اني مب عروس. خلاص لازم انسى علي... "غمضت عيني بقوو" بس مب رايمه... اه يا علي شقايل خبلتني فيك.. . . . . . . . اليوم الثاني تريقت و يلست اتريا فطيم عسب نسير الكليه.. ابويه ابتسم لي : مب مصدق اني بفارقج عقب اسبوع.. انا يتني الغبنه ظو طالعت بيتنا الكبير... مررت نظري على كل زاويه ف هالبيت : و انا والله ما اقدر افارقكم. فطيم : good morning daddy,morning my pretty sister ابويه : صباخ الخير فطيم : صباح النور..."طالعتني" يالله نسير.. بنتأخر.. ابويه : كلي لج شي ع الاقل.. انا : خلها ابويه ما بترتاح لين ما تتعبو تسوي لنا افلام هنديه.. فطيم : جب عن الهذرة الزايدة تراني باكل هناك ف الكافيه.. ابويه : يالله الرب الحافظ.. ركبنا سيارة الدريول و سرنا الكليه... وصلنا عقب عشر دقايق.. و نزلنا انا سرت لان عندي محاضرة... تميت متنحه لان البزنس كرييييه ع الصبح..... خلصت المحاظرة و طلعت تميت امشي وانا سرحانه شوي و انتبهت ان بنات الكليه يطالعني بخوف... صديت وراي لقيت الbody guard الحرمة يالسه تلحقني.. غمضت عيني ب عصبيه و مشيت... سرت الكافيه و يلست اتريا فطيم..... انصدمت يوم لمحت احمد من بعيد ياي وهو لابس كندورة بيضا و غترة و عقال ابيض.. صحيح ككان مسافر بس حلوو زياده ف هالاسبوعين اللي طافن.. وقف جدام و قال ب غرور : ماشي الحمدلله ع السلامه؟ انا بنفس الغرور : لا ماشي.. اذا عندك شي تفضل اقعد و اذا ما عندك فارج.. زخ ايدي و يت البودي قارد الحرمة بتصفعه.. انا : its ok he is my husband احمد : مسرع ما استويت ريلج.. انا : افا عليك ما تبا تستوي ايدي؟ احمد ضحك : ههههههههههههههههههههههههه حللللوووةة "ب نبرة جادة" بس لا تعيدينها.. انا : انزين شعندك ياي لين عندي؟ احمد : حرمتي و كيفي؟ و ياي اخبرج اناا جدمت موعد العرس لان ابوج قال لي اجدمه.. انا فجيت عيني ع وسعها : هاااااااا؟؟؟ فطيم يت من وراي : الله اكبر وانا اقول من وين يتني لوعه الجبد... ثرك طلعت انته هني ف الكليه.. احمد : هيه انا هنيه.. عندج مانع اخت فطيم؟ فطيم : هييييه عندي.. احمد ب تكبر : انا ساير.. انا وقفت : سيره بلا رده.. البنات طالعونا و تموا يشهقون و استخفوا.... البنت 1 : احححمممممد بال*****!!!!!!! البنت 2 : و وياه خطيبته العنود سعيد بن ******!!!! فطيم : صدق ما عندهم سالفه.. احمد تقرب مني بيبوس خدي بس فطيم وقفت جدامه : فارج.. انا : شكرا لانج انقذتيني.. احمد رن فونه... احمد : والله ما انقذج الا تلفوني يوم رن... انا ساير و لا تنسين يوم العرس... تاريخ 12-11-2013 - قاعة مركز دبي التجاري.. فجيت عيني و طالعت عمري ف المرايا : فطيم حلو مكياجي؟ فطيم : والللللله انه حلوووو... وايد بعد.. يماني ابتسمت لي : و الفستان وايد حلو بعد.. حصة : الله يحفظج و يخليج ل اخويه.. انا ب حزن : امين... دخل ولد صغير ف ايده قناع و ورقه : عمي احمد يقول لج هذا حقج.. انا ابتسمت له : منو الشيخ؟ الولد خاشمني : منصور زايد ال***** حصة : ما عرفتيه؟ انا : مادري.. حاسه اني شفته ف مكان.. حصة : ها ولد اختيه مها ي الذكيه.. انا : والله؟ فديتتته كيووت... مها دخلت وهي زاخه ايد عايشه : السلام عليج.. شحالج مرت اخويه؟ انا : بخير ربي يعافيج... من زمان عنج وينج مختفيه؟ مها : الا هنيه.... "غمزت لي" شو ها اللي ف ايدج؟ انا : توه ولدج فديته عطاني.. فجيت الورقه المكتوب فيها : حرمتي الدفشة.. الزفة بتكون وايد هادية لانها من كلماتي و الحاني..... يعني حمدي ربج شوي و البسي هالقناع لان القاعه كلها اشكال تنكرية... اتمنى انج تكونين حلوة اليوم عسب ما تخوفيني و اتم سهران طول الليل.. انا : مالت عليه.... صدق انه كريه.. حمدت ربي ان مها ظهرت و خلت بنتها عايشه هنيه... تميت اسولف وياها لين ما قالوا لازم تنزلين..... ظهرت و قلبي يدق بقوووووو... خايفه من حياتي ويا احمد... خايفه من المستقبل..... حطيت القناع على ويههي و مشيت.... صوت الاغاني وايد عالي و يوتر....... سمعت صوت احمد وهو يلقي الشعر و عقبه بدت الاغنية.. يا العنود سمي و دخلي باليمين.. يمناج يا فال البنات الصالحات.. لا يالحسناء ماله داعي تحلمين الواقع بنفسه يلبي لج الامنيات.. عقل و سنع طيبه رقي علم و دين.. و ما تبقى كلمه غير لله الكمال.. هاليله من الف ليله في مزاياها.. ليله ب كل الليالي لي عرفناها ليله زفه فرحها العنود قمر ليلتنا و الكل يرقب ضيا طلت محياها طلت عروس الليله و بشوق رحبنا.. و الحسن يعزف محاسنها و يطربنا يا احمد من اللي في هذا الكون ما حبك كل من يحبك يبان الحب في عينه.. يلست ع الكرسي و انا ابتسم.... شوي و قربوا المعازيم يسلمون عليه... لمحت شاشه عرض ع اليمين فيها العرس عند الرياييل... و الشاشه اللي ع اليسار فيها صور احمد و صوري... وايد استانست ع هالحركة.... عقب نص ساعه دخل احمد وهو ماسك ايد منصور.... حب راسي بدون نفس : مبروك.. رفع الغشوة البيضا و طالعني.. انا ب ارتباك : الله يبارك فيك.. احمد وقف حذالي و هو ينافخ... صورتنا المصورة كم صورة و عقب طالعني : م مم محلوة اليوم.. انا ابتسمت له : شكرا... مرر عينه على جسمي و فستاني الفرنسي... كمه طويل و فيه ورود... مصممينه خصيصا لي.. هذي هديه ابويه لي. و الورد احمر ف شكلي طالع خطير ويا شعري الاسود اللي رافعينه فوق... منصور لعب ف الباقه اللي ف حظني : عمي احمد ما يحبج.. انا سكت و طالعت احمد.. منصور : هو قالي بس يحب نورة.. انا بلعت ريجي و طالعت حصيصه اللي يايه صوبنا... احمد ف خاطرة : زين والله انج ييتي ف وقتج.. حصة : يالله قصوا الكيكة الحين.. انا وقفت و مشيت وياه لين الكيكه .. قصيتها بدون ما اتكلم و شربت العصير وانا ساكته... احمد استغرب لكن ما بين.. يدوة تزغرط : كلوووليييشش..... الله يهنيكم و يسعدكم و يخليكم لبعض.. انا : اميين يدوة..... يدوة : يمااني شغلي اغاني ميحد خليني ارقص لهم.. شغلوا ميحد و تمت يدوه ترقص وانا اضحك حلفت عليه اقوم ارقص وياها سايرتها بس ما رقصت عدل.. احمد بخبث : حلو رقصج.. انا : معلومة يديدة.. احمد : اها.. فطيم لوت عليه : بشتاق لج اختاه.. انا : وانا اكثر حبيبتي.. سلمنا ع الكل و سرنا الفندق... انا من التعب انسدحت ع السرير و ما حسيت ب عمري الا و انا راقدة.... الساعه 2 الفير نشيت شفته مب موجود...سرت الغرفة الثانية لقيته راقد... تشجعت و سرت عنده.. انا : احمد... احمد صد صوبي وهو مغمض : همم؟ انا : فج لي الفستان.. احمد : والله انج متفيجة...سيري نامي.. انا : يالله احمد بليز.. احمد : انزين لا تصيحين.."بطله" انا : مشكور.. احمد بصدمة : شو ها اللي ف ظهرج؟ انا : تاتو.. احمد : تحريته حنا.. ترا طيارتنا الساعه7 الصبح.. نشي من وقت.. انا : انزين.. سرت بدلت ثيابي و بطلت شعري.... ابتسمت بخبث و ظبطت الساعة عسب نقوم الساعه 9 و تفوت الطيارة.. لاني مابا اسافر وياه.. غمضت عيني و غفيت... . . . . . . . |
جاري القرائهه…♥️ بس ما حصلت البااارت الخامس :') |
الرواية روعة بمعنى الكلمة قسم بالله اني مااجاملج بس صدق انتي {مبدعة} |
الباااااااارت واييد صغييير ابا اعرفف شو بيصيرر ع العموم تسلم اناملج ع االبارت :1: |
السلام عليكم ورحمه الله وبركاته البارت كان روعه .. بس البارت الخامس مب موجود |
اقتباس:
هي صدق مب موجود يمكن اهيه مخربطهه |
السموحه خواتي نسيت انزل البارت الخامس و استوت لخبطه لكن م عليه.. ان شاءالله الحين بنزله و عقبه على طول بنزل السابع لان السادس اوريدي موجود و السموحة مرة ثانيه |
البارت الخامس.. . . . . . . ودي ب لقى م يهم الوقت ودي اناظر وجهك اللي احبه:(<3.. . . . . . . اليوم الثاني سافرنا و ردينا الامارات.... بس علي تم ويا حرمته.. الكل كان زعلان لان ايام فرنسسا احلى ايام... و ما كان ودنا نرد البلاد الا يوم تخلص الاجازة بس طلع ل ابويه و عميه شغل ضروري و قالوا بيسيرون و يدتيه حلفت تسير وياهم... و نحن سرنا وياهم غصب.. طيارتنا كانت الساعه 10 فليل.. وصلنا البلاد الساعه 3 الفير.. دخلنا البيت و تمينا تعبانين بالقوو... رقدنا و اليوم الثاني نشينا الساعه 12..... و يدوة تحت مسوية حششرة.. انا نزلت تحت و وايهتها : شحالج يدوة؟ ش أصبحتي اليوم؟ يدوة : هب بخير.. فطيم طالعتني : زين جيه عصبتي بها.. انا : و انا حليلي شو سويت؟ فطيم : من مساعه تزاقر وعوو عنود من الرقاد و محد درابها.. يدوة : ابغي اسولف وياكم و تعرفونيه ماروم ارقى هالدري.. انا : يالله بستر فديتج يا يدوة جان طرشتي وحدة من البشاكير يزقرني.. يدوة : علهن ما يترقعن ما يفهمن لي.. انا : هههههههههههه.. فطيم : الله ياااا يدوة.. مجحله اليوم.. يدوة : هيه فديتج... فطيم : ماشاءالله على عيونج يدوة... محلاهن... "تنقمها" يدوة : تسلمين فديتج... عيونيه ششرا عيونج... فطيم : يالله بستر وين شرات عيونيه؟ انا عيونيه كبااار مب نفسج.. يدوة : قبل ما كانن جذه.. من وسعهن قاموا يعدون الوصف فيهن.. سود ووساع شرا الفنيان.... انا : ههههههههههه صحون ماشاءالله من وسعهن مب فنيان.. فطيم : و عيون عنود يدوه ... شقى تشوفينهن؟ يدوة : هيييييييه يااا حسنا عينها عين حر.. و مدوره شرا القطو.. "ضحكت" ههههههههه.. انا : ماعليه يدوه انا عيني شرات القطو.. يدوة : اسوي سوالف وياج فديتج انتي ماشي احلى عن عويناتج.. انا ارمش : اخجلتيني يدوة.. عليا يت و يلست حذالنا.. يدوة : و بعض الناس يبالهم قول عسب يسلمون. . عليا طالعت يدوه و ردت تتريق.. يدوة : سيري بيت امج فكينا.. شحقه يايه دامج لا بتيلسين تسولفين ويانا ولا بتعبرينا؟ عليا وقفت : سايرة انا اصلن.. امايه الحين بتي.. يدوة : هههههه بنفتك... سمعنا صوت هرن... سارت عليا و البشكارة ودت اغراضها برا لان امها تترياها.. انا : فديت روحج يا يدووووه... مديها.. يدوه مدت لي ايدها و تمت تضحك.. . . . . . . . . عقب اسبوعيييين.... حددوا ملجتنا انا و احمد.... بتكون ف تاريخ 12-12 .... ف يوم الملجة... فبيت ابويه معدل و مسوين كوشه داخل البيت لانها حفله عائلية...انا مب متحنيه و لابسه فستان وايد بسيط لونه عنابي..... دخلت وانا ابتسم ب حرقه... مع كل خطوة ادوس على قلبي و اكسره الف مررره لاني اتخذت هالقرار المفروض علي يكون من نصيبي بس هاذوه لاهي ويا حرمته..... ولا افتكر فيني من يوم ما ردينا من السفر... يلست ع الكوشة و يووا البنات يتصورن عندي.. حصه : مرت اخويا بقولج شي.. انا ابتسمت : قولي.. حصة : انتي ليش جيه حلوه انا اغار.. انا : ههههههه ربج بعد.. حصة : اسولف وياج غناتي.. ام احمد حبت راسي : فديتج قريتي على ععمرج؟ انا : هيه عمتيه.. ام احمد : نحن نحبج و وخاف عليج من عيون الحساد يالغاليه. انا : تسلمين عموه.. شوي و حسيت بتعب جان اقول ل فطيم تييب لي ماي .. فطيم : متاكده انج بخير؟ انا هزيت راسي.. يماني : اختج هاي ما تعرفينها من تمرض تطيح طيحه... انا حسيت بتعب فضييع جان يغمى عليه..... . . . . احمد : الوو حصيص ها وقتج الحين عسب تتصلين؟؟.. حصة : احمد اسمعني حرمتك اغمى عليها.. احمد : ف ذمتج؟ حصة : والله!!!! خبر ابوها و ادخلوا.. احمد : انزين قولي للحريم الحين انا بدخل.. حصة : ان شاءالله.. دخلوا احمد و ابويه و محمد.... اخويه شلني فوق ف غرفتي.... بس المعازيم *اهلنا* تموا يبون يعرفون شسالفه... انا بطلت عيني و رديت غمضتها : ابويه ما اقدر.... ابويه مسح ع راسي : ما تقدرين على شوه غناتيي؟ انا ب غصه : ماباه.. ابويه : فديتج سمعي انا ما سويت جيه الا لمصلحتج.. محمد : عنودي تراا هو الحينة برا بيدخل بيطمن عليج و بيلبسج الدبلة و بيظهر.. انا صديت الصوب الثاني.. محمد : بسير ازقر احمد.. ظهروا و دخل احمد شافني مجبله الصوب الثاني.. احمد انقهر من الحركة : السلام عليج.. انا طالعته : و عليك السلام.. ابتسمت لانه محلوو اليوم.. بس تنهدت يوم تذكرت علي و جبلت الصوب الثاني.. احمد سحب صبعي و لبسني : يالله لبسيني.. انا : تعبانه ما فيه.. احمد : يالله بسرعه مستعيل انا.. انا زخيت ايده و حسيت ب رجفة بسرعه لبسته و رديت مكاني... احمد : انزين ابا رقمج.. انا رقدت : مب لازم.. احمد : لا والله؟ اوكيه خلاص انا بعرف كيف اييبه.. انا : تصبح على خير. ظهر من البيت وهو مقهور.... احمد : يالله كييف مقوي هالبنت... راسها يابس عله النفاد.. . . . . . . . . . مرت الايام و مرت لين ما وصلنا ل يوم الخميس ..... يوم سيرتنا للعزبه... و طبعا عازمين اهل احمد... بما فيهم خواته حصة و مها.... *ما رمست عن مها وايد لانها تسكن ويا ريلها ف العين، بس عندها بنت وحده اسمها عايشه و ولد اسمه منصور* سرنا العزبه وانا على طول شليت الحطب و وريت الضوو.. ام احمد ابتسمت لي : بارك الله فيج.. انا رديت لها الابتسامه.. اليدة : الا وينه احمد ما ينشاف؟ ام احمد : ف خيمه الرياييل... حصة سحبتني : تعالي ويايه.. انا : حصيصه برد خليني اتدفى.. حصة : مب انا ... احمد يباج.. انا : حصيص عقب عقب.. يماني : وابوي عليج سيري الريل يباج.. انا : وانا ماباه الحين.. فطيم : احمدي ربج هاه.. يدوه : ياربيه.. انا ف حياتي ما شفت حد كثر فطيم مستعيل ع العرس.. فطيم : يدوه العرس مب حرام.. يدوه بنص عين : وانا قلت انه حرام؟ ام احمد تسمعهم و تضحك : ههههههه خلاص فطيم انا بخطبج.. فطيم بلقافه : ل منو خالتيه؟ ما عندج غير ذاك الغرشوب و ضوى ختيه.. في حد غيره؟ انا : ههههههه اييه حشمي شوي.. ام احمد : ماعليه يا فطيم... انا وعدتج... صبري عليه و بييج نصيبج ان شاءالله.. حصه حطت ايدها ع خدها : ونحن بنتريا لين ما ايي نصيبنا؟ يماني : عدتج فطيم؟ حصه : هههههه هيه.. احمد : هوود هوود.. ام احمد : هدا ابويه اقرب.. دخل احمد و تم واقف ع الباب.... كان لابس كندورة بيضا و غترة غليظة بنيه... و جاكيت طويل اسود... يدوة : تعال فديتك شعنه واقف عالباب؟ احمد ب نقمة : اطالع هالمزيون اللي عندج.. انا طالعته و نزلت عيني... ضحكت يدوة و طالعتني : شمسويه ف الولد انتي هاا؟ انا : حليلي مب مسويه شي.. يدوة زختني من اذني و بطلت شيلتي : سمعت انج ما تبينه؟ انا تفشلت من ام احمد و ولدها : شو اباه ولدج من زينه؟؟ يدوة وهي تير اذني اكثر : تبينه غصبن عنج.. ولد الغالين هذا.. احمد يطالعني وانا بين ايدين يدوة و يبتسم.. رحمني و قال : يدوه شوي شوي عليها تراها ما تهون.. انا : بس يدتيه عورتيني.. يدوة تضحك : عيل قولي انج تبينه... انا ب عناد : غصب هوو؟ يدوة : عيل والله ما اهدج لين ما تقولينها ب عظمه لسانج.. احمد تقرب صوبنا : قولي انج تبيني و فكي عمرج.. انا : خلاص يدوة ابااااه... فديت ويههج. يدوة خوزت ايدها : هيه تحريت بعد.. كنت بفرج هنيه ف الضو.. انا ابتعدت بسرعة : ولو اني ما اباه يا يدوه.. سرت عند باب الخيمة : بس و غلاتج عندي يا يدوة لو تبيني اخذه.. باخذه بس عشان خاطرج.. طلعت و تمت يدوة تتحرطم علي عند ام احمد.. احمد زخ ايدي : من خاطرج اللي قلتيه؟ انا : لا من حلجي... احمد : لا تستهبلين!!!! انا : مب متفيجه تراني.. و لعلمك ترا انا مغصوبه عليك.. ابغي اقول ب اعلا صوووتي اني ما ابغيك.. بس لو اصرخ و الدنيا كلها تسمع انا متاكدة انكم ما بتسمعوني ولا حتى بتعبروني...... فصخت جاكيته و فريته عليه.... تميت يالسه برا لين ما هديت و رديت داخل.... دخلت عند الحريم... و شفت ام احمد يالسه و شكلها مضايجه.. سرت عندها و حبيت راسها.. انا : عمتية الله الشاهد عليه اني حبتيج و اعتبرتج شرات امايه "ب حزن" مع انه ما عندي ام... بس والله اني مغصوبه على احمد لكن ما برفضه و باخذه و عسى ربي يهنينا عقب الزواج.. ام احمد : فديتج و ربي يشهد اني اعتبرتج شرات حصيصه و اكثر و حبيتج من كل قلبي و عسى ربي يسعدكم عقب العرس... انا ابتسمت لها : لا تزعلين عشانيه.. ام احمد ابتسمت : واللي عنده شرات هالويه الحلو يروم يزعل؟ انا حبيت راسها : لا خليت منج اماية.. ابتسمت لي ب حنان و سرت عند يدتيه.. يدوة : لا تجيسيني.. انا شليت برقعها و حبيتها : يالله فديتج ما يهون عليه زعلج... يدوة : عيل ها كلام ينقال جدام الخلق؟ انا : سمحيليه امايه... اسفه و هذا راسج ابوسه.. "حبيت راسها" يدوة تمت تطالعني.. انا ابتسمت : تصافينا؟ يدوة : هيه.. فطيم دخلت : عنود و يدوة ابويه يسأل عنكم.. تعالوا خاري.. سرنا برا و يلسنا ويا الشباب.. عميه تنهد : هزاع متى ناوي تعرس؟ هزاع : بس انا مستانس جيه.. عميه : ف ذمتك؟ هزاع : هييه.. ابويه : اصلن الراحه هي عقب الزواج.. احمد : و انا اشهد.. محمد : و شدراك انت؟ هزاع طالعني : معلوم الريال مالج.. انا : بردانه.. ابويه ظهر لحاف صوف و لحفني : تدفي غناتي.."طالع فطيم" مدفيه فطيم؟ فطيم : هيه فديتك.. احمد طالعني وانا محمرة من البرد و شكلي بمرض... يدوة : و شعنه تدلعونها؟؟ يماني : ياحليلج استلموج عنود.. الله يعينج يا حسنا.. حصه استغربت : حسنا؟ منو حسنا؟ يدوة : سمعي يا بنت شيخة*ام احمد* عنود نسميها حسنا من زود الحسن لي فيها.. و فطيم فطيم قاطعتها : اصيله.. لاني اصليه صدق و ملامحي ملامح شيوخ.. احمد : ماشاءالله... حلوه هالالقاب.. محمد : لازم ترا يدوة متنقيه هالاسامي.. يدوة نفخت عمرها : اكيد... "ب خبث"بنشوف شو بتسميها عقب العرس.. احمد : و من قال اني بسميها ب اسم خاص عقب العرس.. انا تنافضت : بببررردد.. احمد فصخ جاكيته و لبسني : عنبو يايه العزبة و تدرين انه برد.. شحقه هب يايبه جاكيت؟ انا ببراءة : يبت.. بس نسيته ف سيارة الدريول.. احمد يلس يطالعني و هو ساكت.. هزاع : الللله شكله الجووو استوى حاااررر.. اماية خالتية قوموا نظهر و نخليهم رواحهم.. فطيم : شكلهم والله يحتاجون.. حصة : احمدوووه بلاك تنحت؟ احمد فز : عنبو محد اييلس ويا الحريم.. اذى من كل صوب.. ام احمد : فديتك ماعليك منهن.. ايلس انا ابغيك.. انا بخبث : وانا بعد ابغيك.. احمد ابتسم و همس لي : عن النفاق.. انا امثل : افا... . . . . . . . اليوم الثاني نشينا من وقت صلينا الفير.... تريقنا رباعه و الضحى قاموا الشباب بيتمشون صوب العزب.. انا و يماني لحقناهم.... انا : على وين ان شاءالله اخ محمد؟ محمد : بنسير ندور ظبي.. انا طالعت احمد اللي كاشخ اليوم : اذا قصدك ظبى بشريه ما شي غيرنا في هالمنطقه.. لا اتعبون عماركم.. احمد ضحك : هههههههههههه عوذبالله ضنونج سووداا.. يماني : صدق شو بعد؟ هزاع : ها بتون ويانا؟ محمد : لا دخيلك... ما نبغيهم.. احمد : خلهم كلهم ف صوب و عنود ف صوب بفج عليها شاهين عسب تعرف نوع الظبي اللي ندوره.. انا : اييه احمدوه عاد.. والله لصارخ و اخبر ابويه.. احمد : عاد ابوج طيب ما بيهزبني.. انا : بخبر يدتيه.. هزاع : اووب اوب وزاره الداخليه هاي خلاص اسفين السموحه.. احمد : يالله نسير ماحب اتورط ويا اليهال.. محمد : خاصة بنات عايلتنا... سنه لين ما يفهمن.. انا و يماني نطالع بعض.. انا : قطعونا عنبووو.. يماني : مالت عليهم... . . . . . . . اليوم الثاني ...... ردينا البيت عقب الغددا لانه برررد ف الغربيه.... كلنا يالسين ف بيت عميه شوي و دخل علينا علي و شكله تعبان.. اول ما وقف جدامنا.. كلنا طالعناه وهو يرجف... طاح من طوله و انا تميت منصدمه... اناا : علي!!!!!! شياه؟؟ قوموا ودوه المستشفففى... "صحت" يدوه صاحت ويايه : يالله شو تتريون؟؟ سرنا المستشفى ب سياره هزاع.... تيمعنا كلنا هناك... و الدكتور يسير و يرد ع الغرفه... انا صحت و تذكرته يوم قال : < > < انا : نعم؟ علي : بنت عمي احبج.. انا حسيت ب شعور اول مره احس فيه.. اول مره يقولي احبج... بس كابرت و صديته.. انا : احبج وين اصرفها هاي؟ علي : والله احبج مب يالس اجذب.. الله يخليج وافقي عليه.. عندي سببي اللي يخليني اسوي كل هذا.. الله يخليج وافقي خلينا نعيش براحه مع بعض! انا تميت اطالعه : ماا اقدر.. علي ب حنان : ليش؟ انا صحت : لانك بعتني..... بعتني ب رخيص يا ولد العم... > < > انا : شو السبب اللي منعك عني؟؟ "مسحت دموعي" ان شاءالله ما فيك الا كل خير.. ظهر الدكتور و استلمه عميه.. عميه : عسى ما شر دكتور.. الدكتور : ماشر ان شاء الله... بس انت الوالد؟ عميه : هيه نعم؟ الدكتوور : تفضل تعال معايه.. عميه سار ورا الدكتور و كلنا نتبعه ب عيوننا.. . . . . . . . |
مسمووحه اختيي و فانتظاار الباارت الساابع |
اقتباس:
|
تسلم يمناأأاااااج البارت رووعه العنود حليله احس مظلومه هالانسانه بس احسها مب هينه بتخليه يحبها ويتقبلها احمد يقههر شوي ويغمض شوي ابا اعرف شو سالفته ومنوه نوره !! بانتضا رالبارت الياي |
حلوة الرواية كملي اترياج |
| الساعة الآن 11:26 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir