|
روايتي الاولى / و في يوم وليله اصبحت وحيده السلام عليكم ورحمة الله وبركاته مثل ماقلت لكم اذا فضيت بكتب روايه وها انا الآن كتبت لكم بالبدايه كتبت هالبارت بس ابي اشوف احد معبرني ولا لا اذا حسيت في حماس ومتابعين رح انزل الثاني وشسمه هاي اول روايه لي يعني لا تحطموني وابى تشجيع وابى اقول ان الرواية لا تلهيكم عن الصلاة و دراستكم اللهم بلغت اللهم فأشهد و و وو بس والله **اترككم مع البارت** ---------البارت الاول------- كانت يالسه في غرفتها تكلم ربيعتها ندو :ياخي شسوي والله ضايق خلقي ومحد حاس فيني ندو: يعني اذا كنتي ملانه مايطير الملل الا اذا تمشكلتي مع خلق الله :هيه احس افضل طريقة لابعاد الملل هي الضرابه خلاص انا بنشر هالمعلومه ههههه والكل بيدعي لي ندو: وما لقينا من وراء هالضرابات مالتج الا ويع الرأس ,الا بتخبرج شسوت مديرتنا العزيزه فيج ؟ :يوووه يا ندو طافج ربع عمرج ندو: الا يعرفه يقولون نص عمرج مب ربع عمرج : هيه هالكلمه من عندي ابى اتميز عن غيري ندو: استغفر الله العظيم منج ومن تفكيرج يعني شو فيها لو سويتي شي سواه غيرج او عندج شي هو عند عيرج : نو نو نو ماحب وخلاص اووه يالسحليه نسيتيني شو كنت بقول ندو: ريلج السحليه قولي قولي شسوت المديره فيج :اول شي قعدت تصارخ علينا نحن وشلة غديرو هالجلبه ف نص الساحه جدام الكل افتشلت والله المهم خلصت تهزيئ هالحيوانه الثانيه مديرتنا قالت تعالوا ع مكتبي الله يسلمج دخلت و عطول قعدت فوق مكتبها اقولج دخلت صرخت صرخه وقفت قليبي حسبي الله عليها قالتلي من سمح لج تقعدين فوق الطالوله قلتلها انتي قالت انا متى قلتلج قلتلها انتي قلتي تعالوا ع مكتبي وانا ييت قعدت ع مكتبج اظن ماسويت شي غلط ههههههههه اقولج البنات فطسوا ضحك ندو: ههههههههههههههههه حسيب الله شرج ما تبطلين حركاتج : الى الابد وحياتج المهم سمعي ما كملت ندو: كملي كملي : بعد ماقلتلها هالكلام وجافت البنات يضحكون عطتني نظره شعللتني وقسم بالله عقب قالت خلي مصخرتج تنفعج وانتي مفصوله لمدة 3 ايام ندو: ياحياتي 3 ايام بتقعدين بالبيت وتزعجيني ملانه و ملانه : والله فكه من ويوه بنات سكولنا وربي تلوع بالجبد ندو: انزين اقولج امي صدعتني من الصبح تزاعق بسير اجوفها : اوكي حبيبي عقب بتصل بج ندو: اوكي باي :باي **شهد:عمرها 18 اخر سنه يعني ثانويه عامه (ادبي) اهبل منها ماشي كل حياتها مصخره بس عليها جمال الله واكبر عيونها لونها بني غامج وكبار وشعرها اسود وظويل وناعم طولها 162 و وزنها 42 وعندها خصر ** **ندو:عمرها 18 نفس شهد و هي وشهد من الاعداديه ويا بعض نفس الشي هبله بس مب كثر شهد حلوه بس اقل جمال من شهد عيونها لونها عسلي وشعرها بني ويوصل لنص الظهر وناعم طولها 160 ووزنها 48** ----------------------------------------------------------------------------------------------------- في جهة اخرى .. فلاح: حمود ياخي أذيتني والله اربع وعشرين ساعه تهذرب اسكت شوي حمود: تكفى فلوح والله يسلمك تعال وياي فلاح: فلوح ها اصغر عيالك انا عناد فيك ع كلمة فلوح ما بسير حمود: لا لا لا خلاص والله خلاص توبه مابقولها فلاح: انزين يالنشبه باجر بسير وياك حمود: يابعد شبدي يا فلاح وقسم محد حاس فيني غيرك فلاح: اقول اطلع برا وخل اكمل شغلي حمود: اوكي اوكي بس لاتنسى وطلع برا ودق لربيعه وساروا يحاوطون وفلاح يكمل شغله **فلاح: ظابط عمره 25 خاطب بنت عمه اسمها ليلى عليه جمال انما ايه خشمه شيف ونظراته حاده وطيب ويحب اخوه الوحيد حمود وما يردله طلب وبارد وهادي بس اذا عصب يتحول لشيطان** حمود: عمره 19 ويحب شهد من سنتين صار لهم موقف ومن بعد هالموقف حبها (بذكر الموقف بالبارتات اليايه ) جماله عادي ومافي شي مهم ينذكر ** ----تعريف العائلتين الي ذكرناهم----- طبعاً عارفين شهد وفلاح وحمود ابو شهد: عمره 49 يحب شهد موت ومايرضى عليها ولا على زعلها يشتغل فالشرطه ومن ناحية الطبقة فهم يعتبرون من الطبقة الغنيه . ام شهد: عمرها 39 تحب عيالها و هاديه وتهتم في مصلحة عيالها و ريلها . سيف:عمره 26 متزوج بنت ييرانهم اسمها فاطمه وعنده بنت و ولد(دانه & عادل) الولد عمره 4 سنيين والبنت عمرها سنه آمنه: عمرها 24 متزوجه ولد خالها سعيد وعندها بنت واسمها وديمه عمرها سنتيين ذياب:عمره 19 نفس حمود ولد عمه يحب يهايط وايد ويشبه اخته شهد لطيفه: عمرها 16 صف اول ثانوي هاديه ومايخصها في احد وياما تحت السواهي دواهي ينطبق هالمثل عليها فهد: 9 سنين لسانه طويل ويحب اخوه ذياب لانه يعلمه ع سوالف الشباب (عائلة ابو فلاح) ابو فلاح: اخو ابو شهد بس اكبر منه عمره 52 ونفس صفات اخوه ام فلاح: عمره 44 تحمل حقد في قلبها وتحب عيالها وريلها بجنون تعتبرهم من ممتلكلاتها الخاصه حتى تغار من ليلى خطيبة فلاح وناويه عليها فلاح و حمود: تم التعريف علياء: عمرها 19 نفس هبال بنت عمها شهد و اذا اجتمعوا هي وشهد في مكان الله يستر شو بيصير ,تحب واحد من العائلة بذكره عقب ------------------------------------------------------------------------------------------------------------------------ البارت مافيه شي ادري والله بس قلت بشوف اذا في متابعين رح انزل الثاني وشسمه من البارت الثاني رح تفهمون القصه و الي قرأ البارت ابى رد بليز عشان اعرف ان في احد ينتظر البارت الثاني ... |
الصباح الساعه 9:30 بغرفة الطعام قاعده تأكل وفجأه توقف اكلها وتغني : ع بالي حبيبي ع بالي حبيبي اغمرك ما اتركك اسرقك ما ارجعك احبسك ما طلعك من قلبي ولا يوم اخطفلك نظراتك ضحكاتك حركاتك علقهن بغرفتي نيمن عا فرشتي ,, احلمن بغفوتي تا يحلي علي النوم ع بااااااالللللي حبببببببببببييييبي ذياب: يالله صباح الخير شهالصوت شهد: وانت متى تبطل غيره ذياب: نعم نعم انا اغار من هالصوت والله مسكينه ماسمعتي صوتج يقولج عيوز محصوره شهد: ذيابووه امسك لسانك لا اشوتك ذياب: تخسين اقول كملي كملي اكلج شهد: سديت نفسي الله يسد انفاسك كان بيرد عليها بس قطعه صوت تيلفونه ذياب: هلا والله بولد العم حمود: ياهلا فيك شخبارك ذياب: منيح وشو اخبارك انت حمود: ياثقل صوتك لا تحجيت شامي انا بخير بخير ذياب: انزين شعندك متصل من الصبح ياريال بعدنا ماحطينا شي ف حلوجنا بسرعه يلا شهد: "هههه ياحلييلك ياذياب ان ماخلصت الريوق عليك ما اكون انا شهد" وقعدت تاكل بسرعه حمود: انزين ابى اقولك فاضي الحين ؟ ذياب انتبه على شهد الي تاكل بسرعه لدرجه انها بتشرق وهي تشرب الشاي ذياب: الله ياخذ عدوج شوي شوي الاكل ماهو بطاير بعدين استوعب انها قاصده تخلصه عليه: شهدوه يالحيوانه صبري شوي خل اخلص من حمود ذياب ياكل ويكلم حمود وكلمه تنفهم وعشره لا: ها حمود شو قلت حمود: ياخي خلصني قلتلك فاضي ولا لا ذياب: هيه هيه فاضي حمود: خلاص عيل بمرك الحين ذياب: زين زين يلا اترياك ,فمان الله (وسده بويهه) (ذياب و حمود متعودين يغيبون يعني مايحضروزن غير يومين وبالكثير ثلاث واليوم غايبين عشان جي حمود بيي عندهم) شهد: بيي حمود؟ ذياب: هيه بيي ويلا قومي قولي حق نوريتا تسوي ريوق ثاني بتريق ويا حمود شهد: خير ياحبيبي خير ماشبعت ذياب: وانتي خليتيلي شي اعوذ بالله فقمه مب انسانه قومي وخلصيني شهد: يعععععععله يسري مايمري ذياب: والله ياشهدوه انا نمت اليوم بالحمام ياويلج كله من دعاويج هالخايسه يالخايسه وللمره الثالثه قلتلج قومي لا اقومج بطريقتي شهد: انزين انزين لا تعصب وراحت تقول حق شغالتهم تسوي لذياب وحمود ريوق مره ثانيه عقب قالت غياض بقعد وياهم قالت لشغالتهم سويلي بعد وشوي ويا حمود ودخل غرفة الطعام وقعد عالكرسي سلم ع ذياب وقعدوا يسولفون ويت الشغاله وحطت الريوق وشهد ما كانت تعرف ان حمود وصل دخلت وهي تغني غنيتها: ع باللللي حبييبي ع با وحمود يوم شافها سرح فيها يوم استوعبت الموضوع صرخت صرخه وبسرعه طلعت برا شهد: ياررربي فشله فشله يشوفني وانا بهاللبس (كانت لابسه شورت و بودي) افف برايه والله بطلع ابدل وبرد ادخل وآكل وكل شي سهالات طلعت بدلت لبست مخور وشيلة صلاة طويلة ونزلت كملت ريوقها معاهم وسوالف وضحك --------------------------------------------------------------------------------------------------------- شمه: اففف السكول لوعه من غير شهودي ندو: هيه والله افتقتدها هالخايسه ميثه: اقول بنات شرايكم نتضارب نفس شهدوه وننفصل وباجر الصبح بمر عليكم وبنتحاوط مهره: لا ياقلبي ابعد عن الشر و غنيلو محنا ناقصين مشاكل واصلاً باجر علينا امتحان ميثه: يووه صح نسيت سالفة الامتحان عقب المس انتبهت عليهم وسكتوا وكملوا حصصصهم بشكل روتيني مُمل -------------------------------------------------------- سِرقُ مَنٌ عينايً النومُ . وجعلنيُ اجلسُ علىٌ طريقً الحنينً . تحِتَ ضَوءً القمرُ والليلَ والسهرُ . اجادلِ نفسيٌ بجنونُ وعبثً . قدِ تمرُ ذكراكُ وقدِ يزيلهاِ النسيانُ . واخافِ ان اغفواِ فجأهُ وتمرَ ولا اراكُ ! -انسانه تعبت من حياتها و عانت كثير بس متفائله بأن الله سيعوضها وكل هذا اختبار من عند الله ومهما عانت ومهما سوت تختصر حياتها بكلمة "خيره"اخوانها محد حاس فيها غير امها وابوها الكبار بالسن يعذبونها ويجرحونها ومع هذا متحمله وصابره لانها مالها احد غيرهم ,ماعندها احد قريب منها تبي احد يسمعها,تشكيله,يواسيها عندها امها وابوها بس ماتبي تزيدهم هم فوق همهم وللأسف عايشه حياتهاوحيده مع اهلها وعذابهم لها وهم مايحسون بلي فيها وكل يوم تتمنى من الله ان يحنن قلب اخوانها عليها **ورده:عمرها 18 بنت جميله وبريئه شعرها بني فاتح وقصير عيونها عسليه وطولها 157 وضعيفه وطيبتها مخربه عليها حياتها ومعيشتها في عذاب.. كانت قاعده في غرفتها الي كانت اصغر غرفه بالبيت وماسكه دفترها الي تكتب فيه كل معاناتها كتبت: دآئماِ آفكرُ انَ هناكُ بعضَ اللحظاتِ تمنيتُ ان لا اعيشهاِ . ولا تعيشُ لحظتيُ . كنتِ تعيسهَ الحظُ كثيراَ لدرجهٌ اننيِ كرهتِ منٌ نفسيُ . وآصبحتَ حياتيُ خاليهَ من كل المعانيُ . بقيتِ على ذلكٌ الحالَ اقول لنفسيُ إننيُ سيئهَ لا ارضىُ بأي شيُ . كنتِ ارىٌ اشخاصَ محظوظينُ بأشياءَ كثيرهَ وافضل منيٌ . وكنتِ بينيُ وبينٌ نفسيُ احسدهمَ على هذا الشيُ . ولكنٌ عندماِ وجدتُ نفسيٌ في الكتابهَ . تغيرتُ حياتيُ كثيراَ . واصبحتٌ واقعيهَ ومتفهمهَ اكثر واكثرَ . لا احبٌ العجلهِ ف الامورَ . ولا احبٌ الفضولَ . ولكنٌ وجدتٌ ان ربيُ يأخذِ شيُ منيٌ ويبدلهَ ليُ بأفضلَ منهَ . مهماِ خسرتُ ومهماِ ربحتُ لكنُ حياتيُ اختصرتهاِ بكلمهَ " خيره " . ولمٌ اعد افكرَ مثل قبلَ " ان هذا لن يحصل ، لن املك هذا الشي ابدا " . ولكنُ مازلتِ مؤمنهَ ومتفائلهَ في حياتيُ . مؤمنهَ بأقدارَ الله التيُ تحصل ليُ ولا اعترضَ . تمنيتُ ولكنَ قدمتِ امنياتيُ للهَ . لم تتحققِ ولكن يكفيُ انني تمنيتهاِ . سكرت كتابها وهي تسمع امها تنادي عليها بسرعه طلعت عندها شافتها بالمطبخ تسوي العشاء ورده: نعم يمى الام: حبيبيتي ورده روحي السوبر ماركت واشتري لبنه خلصت الي عندنا وابوج مايتعشى الا اذا كانت موجوده ورده: بس يمى سعود قالي ما اطلع برع البيت بروحي وبعد الحين ليل اخاف يعصب الام: اخوانج كلهم محد اليوم بيسهرون برا البيت للفجر ورده: ان شاء الله الام: بارك الله فيج روحي غرفتي بتلاقين بالدرج الثاني فلوس اخذيهم وروحي بسرعه وردي وانتبهي على نفسج ورده وهي رايحه لغرفة امها: ححااااضر يممه طلعت من البيت بسرعه وهي لابسه عبايتها الي مشققه ودخلت السوبر ماركت القريب من بيتهم ف الحي الفقير ونزلت بسرعه ووصلت البيت قبل لا احد يشوفها ويخبر اخوانها وتصير مصيبه جهزت ام ورده العشاء الي ماكان غير بيض وجبن ولبنه وشاي نادت على ابو ورده و ورده عشان يتعشون طبعاً ماعندهم طاولة طعام فيأكلون ع الارض وخلصوا العشاء وساعدت امها ف الغسيل وراحت تنام والام والاب نفس الشي واخوانها سهرانين برا البيت **ابو ورده: علي وعمره 62 يحب عياله واكثر وحده ورده لانه يعرف ان اخوانها يعذبونها ويخاف عليها منهم ويفكر اذا مات شبيصير فيها **ام ورده: سعاد وعمرها 56 طيبه وتحب عيالها وايد ومهما سوو ماتزعل منهم سعود: اكبر واحد من اخوانها عمره 27 يحب يعذب اخته ورده واذا كان معصب يطلع كل حرته فيها اناني ومايحب الا نفسه جراح: عمره 25 انسان عايش حياته مع نفسه و مايهتم حق احد حارب: عمره 22 مرات يشفق على ورده ويحاول يساعدها بس مايبي يدخل في مشاكل مع اخوه سعود عمر: عمره 19 نفس صفات اخوه سعود بس خبيث ------------------------------------------------------------------------------------------------------- مثل ماقلت لكم اذا حسيت في حماس وان احد يقرئ رح انزل بارت شفت المشاهدات يمكن وصلت 23 وقلت لكم الي قرئ البارت يرد علي عشان اعرف بس للأسف محد عالعموم بما ان للحين في البدايه وهالايام ايام امتحانات ومحد يدخل المنتدى وايد قلت بكتبت هالبارت تعريف للشخصيات ومنها اختصر وقت رح اوقف الحين لين ماتخلص الامتحانات وان شاء الله راجعه لكم ف الاجازه وشسمه اذا مالقيت ردود وجي مارح اكمل لاني اصلاً مش كاتبه شي يعني من افتح المنتدى ابدأ اكتب يعني اذا مالقيت رح اوقف و و و بس انتظروني ف الاجازه هذا اذا لقيت ردود بالتوفيق للكل .. |
لي عودة ......:183: ^ السلام عليكم ورحمة الله وبركاته ، كبداية موفقه إن شاء الله بس أتمنى تكتبين شي مختلف عن الروايات . . ! حبيت الشخصيات ، في إنتظار التكلمة ويعطيج العافيه .. |
نااااااااااااايس كملي |
بدايه جميله استمري بالابداع :* |
اقتباس:
وعليكم السلام ورحمة الله وبركاته ان شاء الله اكتب شي غير ويعيبج تسلمين بنزله في هالايام اذا الله اراد الله يعافيج حبيبتي اسعدني ردج :* |
اقتباس:
ان شاء الله بنزل البارت هاليومين |
اقتباس:
تسلمين حبييتي ماتقصرين اسفه عالتأخير بس ان شاء الله بنزله في هاليومين |
البارت الثاني يَحسبوننيِ . . .فِتاهُ لآتهتمٌ سوىَ بنفسهاِ ومُتخِلفهِ عَقٍلياَ . لمُ اهتمَ لثرثرهٌ تجعلنيُ اصابَ بالقهرَ لاجلهمُ . ولكنُ فيُ الحقيقهِ لا اهتمٌ سوىْ لِجنونيُ ! شهد دقت حق ندو وقالتلها تيي عندهم البيت العصر بحجة انها ملانه كانت في غرفتها وتدورلها شي تلبسه فتحت الدولاب وقعدت تدور وطلعاً كل مانزلت شي قالت لا هذا خايس اعع هذا قصير والى اخره بس بالأخير استقترت على تنوره قصيره لونها اسود وقميص عنابي مخملي , واكتفت ب مسكره وايلاينر وروج عنابي وكلها دقايق ووصلت ندو سلمت عليها ودخلتها الميلس شهد: عاد هالمره بتنامين عندي لا تقولين لا ندو: لا شهود خليها مره ثانيه شهد: كل مره تقولين مره ثانيه مايخصني هالمره بتنامين يعني بتنامين ندو: مادري عقب بتصل وبقول حق امي شهد: اوكي , ندو شوي بسير اييبلج شي تشربينه ندو: انزين راحت شهد تجوف الخدم خلصوا ولا لا وشوي وردت عند ندو شهد: اقول ندو لو امج وافقت تنامين عندي بنجوف فلم مال رانبير كابور يديد وقسم بالله عذاب ندو: عاد انتي موتج رانبير كابور شهد: ياخي مادري ليش احبه معنى مافيه جمال بس ياخي طحت في غرامه ندو: وماطحتي الا في غرام هالهندي وقطع كلامهم دخول البشكاره ومعاها العصير حطته عالطاوله وطلعت شهد خذتلها قلاص عصير وشفطته مره وحده شهد: اقول لا تقعدين تسوييلي فيها انا الضيفه خذيلج واحد ندو: مالت عليج والله خاطري بس مره ايي عندج وتضيفيني شرات الناس شهد: اقول سكتي تعرفين اني ماعرف اضيف خلق الله ندو: ياسلام وكيف تضيفين الحريم الي اييون عند امج شهد: الله يااااخخخذهم ان شاء الله اصلاً ما اقوم الا يوم تنحول عيون امي من كثر ماتغمز لي عسب اقوم ومن قالج اعرف اضيّف بس امسك الصينيه و الف عند وحده وحده وادعي عليها ندو: ههههه زين زين --------------------------------------------------------------------------------------------------- عند ورده . . كانت بالمطبخ وتغسل الصحون دخل عليها اخوها عمر ارتجفت يوم شافته عمر: اقول وردوه ابي 200 ورده بصوت مرتجف: م م ما عندي عمر: ورده ابي ال 200 تكون عندي ع صلاة المغرب يعني عندج 3 ساعات دبري نفسج ورده: بس ا انا ماعندي م منن وين اييب لك عمر بصراخ: انا مالي شغل فاهمه قلتلج ابي 200 يعني تبلعين لسانج وتقولين حاضر وطلع من المطبخ , ورده يلست تصيح وتلعن حظها بس استوعبت انه قالها عندج 3 ساعات يعني لازم تتصرف بسرعه راحت غرفتها وقعدت تدور مالقت غير 30 يعني باقي 170 ------------------------------------------------------------------------------------------------- كان واقف برا مع ولد عمه حمود وبعد مناقشات طويله قرر حمود يرقد في بيت عمه قعدوا في الصاله وحمود راح الحمام و ذياب راح المطبخ وعقبها بيروح الميلس على اساس يعدله ويركب البليستيشن وفي نفس الوقت شهد كانت تشرب العصير بدفاشه جان ينكب على ملابسها شهد: لاااااااااااااااااا اهئ اهئ ندو: هههههههه تستاهلين قلتلج لا تشربين بدفاشه ترا والله العصير مابيطير شهد: جب جب لا تضحكين ندو: انزين قومي بدلي هالخياس شهد: اففف انزين خلج اهني لا تتحركين ندو: وين بروح يعني الله يهداج طلعت شهد غرفتها تبدل وذياب طلع من المطبخ وتوجه للميلس قام عمر من النوم وتجهز وطلع من غرفته وراح عند ورده الي كانت حابسه نفسها بالحمام مابي تطلع عشان لا يذبحها عمر: ورده ورده وصمخ وينج يالخايسه دورها بالبيت وكله ومالقاها راح غرفتها وبعد مالقها كان بيطلع بس انتبه للحمام طالع منه ضوء يعني في احد داخله عمر: ورده "دق باب الحمام" ورده ارتجفت: "ياربي شسوي ماعندي غير 30 من وين ادبر ال170 يارب ساعدني بيذبحني الحين" عمر: ورده طلعي احسن لج لا اذبحج الحين بسرعه طلعي ربعي يتريوني ورده: ن نععم عمر بصراخ: تو الناس جان مارديتي قسم بالله ياورده لو مافجيتي الباب بترقدين اسبوع بالحمام ورده "يممه وينج ولدج بيذبحني يارب ساعدني مالي غيرك" عمر: ها بتفتحين ولا تبين ترقدين اسبوع بالحمام ورده "الضرب اهون من اني ارقد بالحمام والله مينون مب صاحي بيخليني ارقد بالحمام خل ابطل الباب احسن لي" بطلت الباب وطلعت و اول ما شافها عمر مسك شعرها عمر بصراخ: يالخايسسه تتهربين مني ها ورده : لا لا والله ما اتهرب اااه شعريي بعد عني عمر: حسابج بعدين لاني الحين مستعيل بس الحين وين ال200 ورده وهي ترتجف: مالقيت غير 30 والله العظيم ياخوي دورت بس مالقيت غير 30 عمر: لا والله شسوي بال30 مالتج انا قلت دبري عمرج يعني دبري عمرج ان شاء الله تسرقين مالي شغل انا قلت ابي 200 يعني تطلعين ال200 من تحت الارض ورده: شسوي انزين من وين اييبهم. عمر بصراخ: بقره طول عمرج ماتفهممين انتي بس وقسم بالله ياورده بأدبج بس مب الحين يوم ارد حسابج عندي وطلع و هو معصب اما ورده كالعاده قعدت تصيح بعدها طلعت ورتبت البيت وساعدت امها بالعشاء وتعشوا وكل واحد راح لغرفته عشان ينام اما ورده كالعاده قبل لا تنام تأخذ دفترها وتكتب كل الي بداخلها بس هالمره فكرت فكرت شو تكتب آخر شي كتبت لا تحزن اذا انجبرت على التعايش مع وضع قد يؤلمك بل أبتسم , قَالْتَعالى{وعسَىأنْتَكرهواشيئاً وهوخيرٌ لكم}. ابتسمت على الي كتبته وقالت في نفسها انا لازم اتحمل مهما كان الي يسونه فيني بيتمون اهلي و احبهم ورح اصبر عليهم لين ماتغيرون انا متأكده انهم بيتغيرون سكرت دفترها وحطتها ع الكوميدينه ونامت نرجع عند ذياب كان طالع من المطبخ و متوجه للميلس كان بيفتح الباب بس قال يمكن شهد وربيعتها داخل لانه سمع شهد اليوم تقول بتعزم ربيعتها حط اذنه عالباب بس ماسمع شي قال يعني محد فتح الباب ودخل على طول بس انصدم يوم شاف بنت يالسه ومندمجه بالفون حست انه في احد واقف يالس يطالعها رفعت عينها وشهقت يوم شافته السلام عليكم ورحمة الله اسفه عالتأخير بس جد كنت مشغوله وللحين مشغوله بس كتبت هالبارت وان شاء الله يوم افضى بكمله اتمنى الاقي ردود تسعدني انتظروني . |
السلام عليكم ورحمة الله وبركاته عسااج بخير يارب ، وأخيراا نزلتي البارت انا قريته قبل بس ما طاع ينحط الرد .. يعطيج العافيه ع البارت ، ورده كاسره خاطري وايد ، اخوها ابد مب حاس ومايفكر في عمرها .. يمكن حد يوقف اخوها عند حده ، ندو وشهد حبوبات هههه ويضحكون ، ذياب ابي اعرف شو بيصير .. أتمنى لو تحطين بارت اطول اذا تقدرين ، :) في أمان الله .. |
اقتباس:
بخير ربي يسلمج الله يعافيج يارب بالنسبه ل اخو ورده يمكن احد يوقفه عنده حده ويمكن لا عالعموم مع الاحداث بتعرفين اما ذياب ان شاء الله فالبارت الياي بنعرف شو بيصير فيه ان شاء الله بحاول افضي عمري هالايام واكتب بارت طويل اسعدني ردج ♡ |
روايتي الاولى / و في يوم وليله اصبحت وحيده البارت الثالث في مكان اول مره نروح له كانوا قاعدين 5 شباب نعرفكم عليهم حميد: عمره 22 اسمر شوي ملامحه حاده ومعضل وحيد امه و ابوه الي اذا طلب اي شي مايردونه بأختصار هم من عايله غنيه فهد:عمره 22 ابيض جسمه معضل خشمه سلة سيف عنده 3 خوات و اخ واحد ابوه ميت وهم عايشين مع امهم / من عايله متوسطه راشد:عمره 22 ابيض وضعيف ملامحه بريئه عايش مع امه و ابوه وعنده اخت وحده / من عايله غنيه زايد: عمره 22 اسمر ومعضل يحب وحده بعدين بنعرفها عايش مع امه و ابوه /من عايله غنيه بسام: عمره 22 ابيض ومعضل عيونه لونها رمادي امه تركيه وعايش مع ابوه /تقريباً من عايله غنيه فهد: اعرف واحد من ايام الثانويه عازمني على عرسه وقالي اعزم ربعك حميد: منو هذا فهد: سعيد راشد: سعيد في الف سعيد غيره فهد: سعيد الـ-------/ زايد: هيه هيه عرفته ماشاء الله بيعرس فهد: هيه والله وعازمنا ها بتسيرون ولا ؟ بسام: انا ماعرفه بس اذا بتسيرون بسير وياكم زايد: عيب والله الريال عازمنا وما نسير حميد: خلاص ترتيب بس اي يوم فهد: هالخميس يعني بعد 3 ايام حميد وهو واقف: خلاص اوكي بسام: وين وين اقعد حميد: لا والله تعبان بسير اريح فهد: عيل انا بعد تعبان وبسير اريح راشد: انت اسكت متى ماكنت تعبان زايد: زين والله يوم نشوفك 3 او 4 ساعات باليوم وباقي اليوم راقد بسام: انا ابى افهم كيف تتحمل ترقد كل هالاوقات فهد: اعوذ بالله كليتوني مايسوى علي قلت تعبان حميد: ههههه صدق والله مسكين مايسوى عليه قال تعبان الا ونطيتوا عليه زايد: خلاص دام حميد وفهد بيسيرون انا بعد بسير راشد: واحنا مالنا يلسه عيل يلا سرينا وكلهم قاموا وكل واحد اتجه على بيته (عند ذياب و ندو) نرجع عند ذياب كان طالع من المطبخ و متوجه للميلس كان بيفتح الباب بس قال يمكنشهد وربيعتها داخل لانه سمع شهد اليوم تقول بتعزم ربيعتها حط اذنه عالباب بس ماسمعشي قال يعني محد فتح الباب ودخل على طول بس انصدم يوم شاف بنتيالسه ومندمجه بالفون حست انه في احد واقف يالس يطالعها رفعت عينهاوشهقت يوم شافته ذياب يطالعها ومنصدم ندو: خير مضيع شي بويهي ذياب: هيه مضيع شي من زمان وتوني لقيته بويهج ندو: اها زين الحمدلله انك لقيته وشو هو عشان اطلعه من ويهي واعطيك اياه ذياب: اليوم الصبح الي يسلمج طاحت رمشه من رموشي اصلاً كل يوم يطيحون المهم فصاروا شوي وانتي ماشاء الله رموشج وايد يعني لو تكرمتي وتنازلتي ممكن تعطيني 3 رمشات ندو: وشمعنى 3 رمشات ذياب: مادري بس احب رقم 3 وقلت ابى 3 رمشات ندو: اها انزين يوم بتيي ندو بخليها تقصلي 3 رمشات وتغلفهم وتعطيك اياهم هديه ذياب: مشكوره ماتقصرين ما بنسى معروفج ندو: العفو ذياب "مادري شفيني احس اني مستانس يلا فرصه ومابعوضها بحاول اطول السالفه": الا ما قلتيلي شسمج ندو: اشوفك زودتها ذياب: لا لا اصلاً الحين طالع ندو: ززين يلا ذياب وهو عند الباب طالع لف عليها وابتسم لها وطلع ندو"معقوله هذا يكون اخو شهود او يمكن ولد عمها لا لا ماتوقع ولد عمها شو هالجرأه الي عنده يكلم ربيعت بنت عمه لا احس انه اخوها " ندو: اففف نص ساعه تبدل هالانسانه وبعد خمس دقايق فتحت الباب شهد شهد: لا يكون تأخرت ندو: لا لا ابد اصلاً مايمديني اتنفس الا وانتي رديتي تستعبطين انتي ولا تستعبطين صارلج نص ساعه فوق وتسألين اذا تأخرت ولا لا شهد: له له له عصبت الحلوه هههه شسمه الله يسلمج تسبحت وبدلت وصليت ونزلت ندو: لا والله شهد: هيه والله ندو: مو قلتي بتبدلين بس شهد: خلاص عاد صار الي صار ندو: انزين "اقولها عن الي دخل ولا لا اممم احسن شي اقولها" اقول شهود شهد وهي مندمجه تشوف الصور : نعم ندو: اممم كنت بسألج ولد عمج موجود ولا لا شهد رفعت عينها: وشدراج انتي ليكووووون ندو: لا لا شفيج عطيتيني النظره الصعبه شهد: عيل شدراج انه موجود ندو: شهد بقولج شي بس لا تزعلين والله مب قصدي الي صار شهد: بسم الله شفيج قولي شصار ندو: بعد ماطلعتي يمكن بثواني في واحد دخل عندي شهد: نععععععم ومنو هذا ندو: مادري بس قلت يمكن اخوج شهد: اكيد ذيابوه ندو: غبي اخوج والله غصب يفتح سالفه اونه شو كان يطالعني عقب قلتله نعم مضيع شي بويهي قال هيه قلتله شو عشان اعطيك اياه قال اليوم الصبح طاحت 3 رمشات من عيني ولقيت عندج وايد يعني عادي تعطيني قسم بالله ثقيل دم شهد: ههههههههههه ايه ذياب ساعات يستوي مادري كيف --------------------------------------------------------------- حمود: ياهوووه وين سرحان ذياب: انا لازم اعرف اسمها حمود: ها ! ذياب: اففف بس اعرف شهود نذله مابترضى تخبرني حمود: ياحبيبي فهمني السالفه ذياب: اقولك رحت الميلس ع بالي محد فيه بس انصدمت انه في بنت كانت داخل حمود: انزين وشو يعني ! ذياب: ياخي ركز معاي اقولك بنت كانت داخل حمود: انزين عرفت انها بنت بس شو الشي الغريب ذياب: حلوه حمود: منو تقصد شهد ذياب: اععع خلصوا البنات عشان اقول عن شهدوه حلوه حمود"هذا الي يبيني اكوفنه": عيل منو؟ ذياب: الي داخل حمود: اها تقصد البنت ذياب: هيه سألتها عن اسمها بس مارضت تقولي حمود: لا زين والله كنت تتوقعها تقولك يعني ذياب: خلاص اسكت خلني افكر بطريقه اعرف كيف اطلع اسمها ------------------------------------------------------------ اليوم الي بعده (الاربعاء) الظهر الساعة 2:54 دق تيلفونها وردت ع المتصل شهد: يا مرحبا بالقاطعه موزه: اهلين حبيبيتي آسفه والله بس ظروفي ماكانت تسمح شهد: ماعليه مسموحه الا قوليلي شخبارج و شمسويه موزه: انا بخير الحمدالله انتي شخبرج شهد: تمام موزه: انزين شهد اقولج عرسي باجر والسموحه ع التأخير بس والله مافضيت طول الفتره الي راحت شهد: اوووووووووووووونه مبروك حبييبتي واذا عالتأخير عادي والله عاذرتج موزه: تسلمين ياقلبي اتمنى تحظرين و شوفي ندو اتصلت عليها ماردت اتمنى تبلغينها شهد: ان شاء الله ولا يهمج موزه:خلاص مابطول عليج بسكر الحين شهد: باي موزه: باي "(موزه: صديقة شهد و ندو بالثانويه وعرسها باجر قررت تكمل دراستها بعد الزواج عمرها 19 هاديه وخجوله وايد بشرتها بيضاء وشعرها اسود طويل طولها 162 و وزنها 51 /يتيمه)" stop توقعاتكم شهد تحضر عرس موزه ورجل آخر ام انها ستحضر عرس موزه وسعيد؟ ورده شبيصير فيها ؟ حميد وشلته هل بيكون لهم دور بالروايه ولا لا ؟ و الي عندها توقعات ثانيه او آراء تكتبها! |
حلوووووو البارت ماعليه كلام استمري وبتوفيق |
اهنيج اختي روايتج حلوه استمري |
اقتباس:
اهم شي انه عيّبكم ان شاء الله امين يارب و يوفق الجميع . |
اقتباس:
تسلمين حبيبتي على هالكلام ردج الاحلى ان شاء الله * |
Raw3a -waiting- al New part ❤️ |
اقتباس:
انتي الاروع بطلتج على الروايه -ان شاء الله الويكند الياي بنزل البارت. |
6rrrrrrrrrrrrrrrrrrr ,,,,,alrwayah b m3na aklmah |
اقتباس:
انتي الطرر بطلتج على الرواية اتمنى ردج يدوم للنهاية. -ان شاء الله اذا الله احيانا بنزل البارت في الويكند. انتظروني!! |
البارت الرابع دقت شهد ع ندو وقالتلها وقرروا يحضرون عرس موزه ------------------------- الخميس الساعة 2:30 شهد: يلا ندو انا برع طلعي بسرعه ندو: اوكي اوكي طلعت ندو وركبت السياره الي فيها شهد والسواق وسلمت عليها شهد تكلم السواق: وقف وقف عند هالصالون وقف السواق ونزلوا ودخلوا وحجزوا ندو: شهود شسوي في شعري؟ شهد: انتي بتلبسين الفستان الاحمر صح ! ندو: ايه بس ماعرف شسوي بشعري .. شهد: احس لو تسوين فير وتخلينها تحطلج اياه ع صوب بيطلع حلو ندو: تقولين شهد: هيه ندو: اوكي سوو شعورهم –ندو سوت فير وقالتلها تحطلها مسكه وتحطه ع صوب ,اما شهد سوته استشوار عادي ومن تحت فير – ودقوا ع السواق عسب ايي ياخذهم ويردون يتجهزون لان الساعة كانت 7:33 . . عند حميد كان واقف عند المنظره ويعدل عقاله دق فهد عليه فهد: ارررحب حميد: ارحبت فهد: ها جاهز ولا؟ حميد: خلاص دقايق واكون عندك فهد: اترياك وسكر الخط لف ع التسريحه واخذله عطر وقعد يتعطر وطلع عشان يأخذ فهد ويروحون العرس . . كان يتقلب ع السرير ومتعايز يقوم وما صحاه غير صوت المسج الي وصله شاف فونه وهو مبتسم ويوم شاف المرسل كشر. ذياب: قسم بالله محد فاضي كثر شركات ايتصالات كل ثانيه ييطرشون مسج اهلاً بك , سعدنا برؤيتك لا لا مايخص سعدنا برؤيتك لكن زودوها ياخي "وراح الحمام وهو يتحلطم" نزل من الحمام –الله يكرمكم- وراح بدل ولبس شورت اسود وقميص ابيض وجاكيت اسود لانه قال بيمر حمود وبيسيرون عند الشباب يوم نزل حس البيت هادي قال بيسير المطبخ يسأل سوني شغالتهم دخل المطبخ وانتبه ع الي واقفه عند الفرن ذياب دق الباب عشان يعرف منو هاي لانه من هيئتها مايبين انها شهد فقال يمكن وحده من بنات خالته ندو لفت وانصدمت يوم شافته وذياب تنح فيها , يمكن مرت 3 ثواني وهو يطالعها ندو حست انه طوّل وهو واقف: الأخ مطوّل ؟ ذياب: هـ ـا ايه انزين وطلع ندو: اففف مالقيت اشوف الا هالمخلوق استغفرالله يارب (وخلصت وطلعت الاندومي فوق) كلوا وخلصوا وعلى طول كل وحده راحت تلبس فستانها شهد نزلت من غرفة التبديل شهد نزلت من غرفة التبديل شهد: ها شرايج حلو ولا ؟ ندو: ياحيوانه والله تجنيين شهد: تسلمين كانت لابسه فستان سكري وطويل في كسرات عليه حزام اسود وفوق يعني تحت الرقبه فيونكه صغيره سوده عقبها دخل ندو وبدلت ولبست فستان احمر يوصل لتحت الركبه اكمامه طويله وكله دانتيل وشوي منكوش شهد: اقول ندو اقري على نفسج ندو: ان شاء الله وانتي بعد شهد ماحطتلها وايد بويهها بما انها ماشاء الله عليها حلوه واذا حطت ميك اب مابيبرز جمالها .. فحطتلها فاونديشن وماكثرت منه عقب حطتلها بلشر برونز ورسمت عينها بطريقه حلوه كبرت عينها ومسكرا وروج لحمي اما ندو حطتلها فاونديشن وبلشر احمر بس ماكثرت وايد يعني حمار خفيف وخلت شهد ترسملها عيونها نفسها لان ماشاء الله شهد تعرف بهالشغلات .. خلصت من رسمة العيون وطلعت روعة كبرتلها عينها وحطتلها مسكرا و روج احمر صارخ ..ولبسوا كعوباتهم الي لونها اسود وتبخروا وتعطروا ولبسوا عبيهم وانطلقوا للعرس . . وقفت السيارة وطلعت شهد وندو ودخلوا داخل ولقوا بطريقهم ام موزه سلموا عليها وباركوا لها وودتهم عند موزه عند موزه كانت متوتره وتقرا المعوذات ام موزه وصلت شهد وندو واستأذنت منهم لانها مشغولة مع المعازيم وطبعاً وصتهم يهدون موزه ويخففون من توترها اول وحده دخلت هي ندو يوم شافتها ع طول راحت تحضنها: الف الف مبرووك ياقلبي منه المال ومنج العيال موزه: الله يبارك فيج حبييبتي عقبالج يارب ندو رفعت ايدها: اممين يارب موزه: يالملقوفه شهد: مبروك حياتي الله يتمم عليج موزه: الله يبارك فيج وعقبالج.. شهد: ههههه آمين .. . . . اليوم عيد ميلادها ومحد متذكره زعلانه وايد لان عندها عايله بس ماتحس بهالشعور يعني عندها اخوان بس تحس انهم اسم اخوان صحيح تحبهم وتتمنى لهم الخير لكن بعد تتمنى انهم يحبونها ويحسون فيها ويتذكرون ان لهم اخت وحيده تحتاج لهم ولحنانهم كالعاده كان محد بالبيت غيرها هي وامها كل اخوانها طالعين وابوها قال انه عنده شغله استغربت لان ابوها نادراً يطلع من البيت اصلاً مايطلع الا للصلاة او اذا بيروح يشتري شي للبيت من البقاله راحت عند امها الي بالغرفه ورده: يمه ام ورده: هلا يمه ورده: يمه بسألج ابوي وين طلع بالعاده يوم يطلع مايتأخر بس هالمره تأخر وبصراحه خايفه وايد ام ورده ابتسمت: لا تخافين حبيبتي عنده شغله صغيره بيخلصها وبيرد على طول .. ورده: وشو هالشغله الي طلعت فجأه.. ام ورده: يابنتي اصبري بيرد وسأليه .. ورده: بصبر وامري لله .. طلعت الصاله وقعدت تستنى ابوها الي دخل من مدخل المطبخ وطلع فوق عشان ينادي ام ورده .. ابو ورده: يلا يا سعاد سوي الي قلتلج عليه ام ورده: ان شاء الله طلعت ام ورده وراحت عند ورده ام ورده: اقول ورده شرايج نروح الملحق نعدل فيه شوي ورده: بس محد يدخله اصلاُ ف ليش نعدل فيه ام ورده: ماعليه بس بنعدله وبنظفه حتى لو محد يدخله بعد تخيلي احد يا لا سمح الله والملحق جي خايس ومن سنه مب منظفينه ورده: انزين يلا قاموا وطلعوا للملحق اول وحده دخلت كانت ورده وكان ظلام ما استغربت ولا شكت حتى وتوجهت لمكان الليت عشان تشغله بس اشتغل قبل لا توصل ... اتفاجئت بأبوها الي حضنها : كل عام وانتي بخير حبيبة ابوج وان شاء الله اشوفج عروس وعسى كل ايامج سعاده وفرح .. دمعت عيون ورده: حبييبي ابوي وانتي بخير وصحه وسلامه .. خذتها امها لحضنها: كل عام وانتي بخير ياحبيبتي وعسى يارب كل ايامج سعاده وعسسى الله يبعد عنج كل ضيق يابنيتي .. ورده صاحت وشدت على حضن امها: وانتي بخير يالغاليه عساني مانحرم منكم .. ابو ورده مسك يدها وودها عند طاوله فيها كيكه بسيطه جداً وفيها شمعه في النص ورده: ليش كلفت على نفسك يابوي اصلاً يكفيني وجودكم حواليي فهاليوم .. ابو ورده: يابنيتي قلت اييب لج هالكيكه و اعوضج عن كل اعياد ميلادج الي راحت وماسوينا لج شي .. ام ورده: يلا عاد طفي شمعه وقصينا من هالكيك خلنا نشوف ذوق ابوج ورده: هههههه ان شاء الله طفت الشمعه وقصت الكيك وعطتهم وقعدوا ياكلون وكانت طايره من الفرحه .. . . والحين يا وقت زفة موزه ام موزه: يلا يابنيتي الناس يتريونج موزه: يمه الله يخليج مابي خلاص هونت ام موزه عصبت: موزه بتنزلين ولا اناديلج اخوج يتفاهم معاج موزه: لا لا خلاص بنزل نزلت بمساعدة امها وشهد و ندو انفتح الباب وابتعدوا شهد و ندو ومابقت غير امها الي ماسكه إيدها كانت جميله بمعنى الكلمه مشت على زفة هاديه تناسبها ووصلت للكوشه صورتها المصوره كم صوره وبعدها طلعوا شهد و ندو سلموا عليها وباركوا لها مره ثانيه وتصورا معاها كم صوره وطلعوا .. وحده ورا الثانيه طلعت تباركلها وبعدها قالوا ان المعرس بيدخل تقطوا الحريم ودخل اخوها وعمها وريلها وابوه سلم عليها عمها وباركلها وبعدها اخوها حضنها وبارك لها وسلم عليها عمها الي هو ابو المعرس وبارك لها وبعدها قرب منها وباسها على جبينها سعيد باس جبينها: مبروك ياقلبي .. موزه استحت ونزلت راسها : الله يبارك فيك .. تصوروا كلهم صوره جماعية وبعدها طلعوا يت فاطمه اخت سعيد وقالتلهم يقومون عشان يقصون الكيك راحوا عند الكيك ومسكوا السيف وقصوا الكيك سعيد خذ قطعه صغيره وأأكلها ونفس الشي موزه بعدها شربوا العصير وردوا قعدوا مكانهم قعدوا شوي بعدها سعيد قال حق امه انه بياخذ زوجته وبيطلعون وماعارضت امه راح سعيد وموزه الغرفه عشان موزه تبدل كانت ام موزه بتدخل تساعدها بس موزه: يمه ماودي اتعبج بس اذا ماعليج امر سيري ناديلي شهد و ندو عشان يساعدوني في التبديل ام موزه: ان شاء الله يابنيتي سعيد كان برع يسولف مع حميد وشلته دخلوا شهد و ندو وساعدوا موزه في التبديل لبستلها مغربي والميك اب خلتها نفس ماهوا لانه طلع حلو مع المغربي طلعت وسلمت ع الكل وشهد و ندو كان طالعات نزلوا وشافوا موزه متوهقه ماتعرف وين تسير راحوا عندها ندو: وين وين يالحبييبه شهد: ههههههههه شكلج يضحك وانت تلفتين يمين ويسار تبينه ينتبه لج موزه وهي شوي وبتصيح: جب انتي وياها والله بصييح ندو: لا لا لا تصيحين والله ماغير اليوم تباتين في بيت اهلج موزه ضربتها على كتفها: ياحيوانه لا تتفاولين شهد: هههههه خلاص بسكم وانتي ياحيوانه دقي حق ريلج الي ساحب عليج وفالها ويا ربعه موزه: ياحماره لا تقولين ساحب عليج والله تحطميني وبعدين استحي ادق احس فشله جدام ربعه ندو: اففف خلاص خلنا نسولف شوي ويوم بينتبه حضرة جنابه انه تأخر بطيرج عنده كانوا يسولفون ونسووه موزه ومحد انتبه للثلاث بنات غيره حميد: اقول سعود ما كأنك نسيت المدام سعيد ضرب جبهته: اوووه الله يلعن ابليس نسيتوني اياها خل اسير اجوفها كان متوجه للقاعه بيدخل بس شهد: اييي جوفي ريلج بيدش داخل ندو: صباح الخير جان كمل موزه: جب انتي خلاص انا بسير عنده سلمت عليهم ودخلت القاعه عند سعيد شهد: يلا ندو ندو: يلا ركبوا السياره وحركوا و ف نص الطريق شهد انتبهت ع الشنطة الي ماسكتها شهد شهقت: اووووووف ندو: شفيج شهد: نست شنطتها عندي .. ندو: يالييييييييل الي مارح نخلص .. شهد: شسوي .. ندو: دقي عليها .. شهد: ياغبيه فونها بالشنطة .. ندو: اممم انزين شوفي اخر مكالمه ودقي .. شهد وهي تفتح الشنطة وتاخذ الفون: استغفر الله العظييم مسكر يعني مافيه جرج .. ندو: قسم بالله ياشهدوه بفرج انتي والشنطة برع السياره اوووف يعني مالنا الا نرجع ونعطيها هذا اذا ماتحركوا.. وانا فيني رقاد.. شهد: وهذا الي بيصير .. وانتي لاحقه ع الرقاد ندو: اوووف قالوا للسواق يردهم للقاعة وتقريباً محد بقى الا المقربين كان يتكلم بالفون ويوم خلص بيركب السياره سمع اصوات بنتين منحشرات واشكالهم تضحك يته ضحكه بس ابتسم ركب سيارته وتحرك قرب منهم كان بيكمل بس حس انهم متوهقات ف وقف قريب منهم : تحتاجون مساعده ندو بعصبيه: قسم بالله يا انت لو ماذلفت بشوتك الحين شهد قرصتها وردت: لا اخوي مشكور حميد: والله اشكالكم مبينه انكم متوهقات ماعليه اذا تحتاجون شي قولولي وان شاء الله اساعدكم ندو: ماتفهم انت قالتلك مشكور يعني تقدر تذلف حميد كان وده يكفخها بس سكت حس انه شهد تبي تقول بس مستحيه شهد: لو ماعليك امر اخوي ابي اسألك تعرف المعرس حميد: هيه سعود ربيعي بس ليش تسألين شهد: اها امم بس شسمه حرمته تستوي ربيعتنا ونست شنطتها عندنا يعني لو ماعليك امر تعطينا رقم سعيد عشان نقوله .. حميد: حاضر .. عطاها الرقم وشكرته وركبت السياره هي وندو الي تتحرطم شهد: اووهههووو خلاص ندو عورتيلي راسي .. ندو: شهد حرام عليج تعبانه ابي ارقد بتوديني ولا (بصراخ) ولا ترا والله بنزل ورد البيت مشي .. شهد: انتي الي حرام عليج سكتي شوي خليني اكلم الريال ونخلص من هالسالفه .. ندو: عندج عشر دقايق تخلصين كل شي وترديني البيت .. شهد: اوكي اوكي بس سكتي .. دقت على سعيد الي كانوا بالسياره وتوهم موقفين عند الفندق شاف الرقم غريب وطنشه بس رد يتصل مره ثانيه موزه: حبيبي ليش ماترد سعيد: رقم غريب ماعليج حياتي ناس فاضيه ورد الرقم يتصل موزه: انزين رد يمكن احد يعرفك .. سعيد رد: الو شهد: الو سعيد ناظر موزه وكأن يقولها مب قلتلج ناس فاضيه: نعم اختي شكلج مغلطه .. شهد: لا لا مب مغلطه مب انت سعيد !! سعيد: هيه نعم انا سعيد منو انتي ؟ شهد: السموحه اخوي انا ربيعت موزه ممكن تعطيني موزه .. سعيد استغرب يعني لو تباها بدق على فون موزه بس قال عقب بيسأل موزه عطا موزه الفون: هاج هاي ربيعتج متصله .. موزه استغربت وردت: الو .. شهد: الوا هلا مويز .. موزه: شهوود شعندج متصله على فون ريلي يالخايسه ليش ماتصلتي علي وبعديني اصلاً شعرفج برقمه شهد: ياحيوانه انا الي مفروض اصارخ عليج مب انتي .. نسيتي شنطتج عندنا ونحن الي ابتلشنا .. موزه وتوها تحس انه شنطتها مب موجوده: اويه وانا اقول احس انه في شي ناسيتنه بس ماعرف شو .. شهد: لا ياشيخه . موزه: هههه خلاص انزين باجر بمرج وباخذها شهد: خلاص اوكي موزه: باي وسكرت من عندها ندو: والحين ! شهد: خلاص يابوي بنردج بس انطمي شوي قالت حق السواق يروح بيتهم اول وبتخلي وحده من الخدم تركب مع ندو ويوصلونها .. . . سعيد: يلا حياتي بدلي وتعالي الصاله عشان نتعشى .. موزه مستحيه: ان شاء الله بدلت ولبس روب نوم وعدلت شعرها ومتوتره وايد بس تعوذت من إبليس وفتحت الباب وطلعت سعيد يوم شافها بلم.. موزه حرقتها نضراته موزه نزلت راسها سعيد: حياتي انا شبعان شرايج نروح الغرفه نسولف موزه فهمت قصده وعلى طول: لا لا لا انا يوعانه سعيد: اوفف انزين تعشوا وخلصوا سعيد: حياتي يلا بنروح الغرفه موزه وهي بتموت: حبيبي لا خلنا بالصاله شوي وتعال افتح التلفزيون في فيلم بيعرضونه اليوم وايد حلو .. سعيد: انا بخليج تشوفين فيلم خيالي احلى من الي بتشوفينه بالتيلفزيون (وشالها وودها الغرفه) ~_^ . . ام حميد: حميد حبيبي باجر قوم عمتك بيون عندنا حميد :اوووف يعني بتيي النشبه ام حميد بعصبيه: عييب عليكك تقول حق بنت عمتك نشبه حميد: وانا صاج عند ربي يمه والله العظيم ماشفتي حركاتها قسم بالله لو ما اصطلبت بييها كف على عينها يخليها تحشم عمرها ام حميد: بسك عاد عالبنت ويالله تصبح على خير انا بسير ارقد حميد راح يحب راس امه : وانتي من اهله تِكلمناَ عُنَ الدنياِ وجاءَ طاريُ الولهِ والشوقَ . ذكرتُ الليٌ بعدِ عنيُ بدونَ شعور انا دمعتِ . وقمتً ودمعتيُ بعينيٌ اخافِ يشوفهاِ مخلوقَ . اخافِ يشوفهاِ مخلوقَ اعرفٌ الناسَ ماترحمُ . عليُ شتمتَ اذا ضيعتُ . ينادونيُ وانا سامعَ واسويُ نفسيٌ ما اسمعِ . عزيزُ وما ابيٌ انذلَ ومابيُ انسمعَ لاصحتٌ . اخافِ انيُ اطالعهمَ ودمعهِ بناظريُ تدمعَ . مابيهمُ يشوفونيُ الينِ انكَسرتٌ وطحتِ . _كلمات : بدر حمدانَ ! |
السلام عليكم ورحمةة الله و بركاتة جد جد آسفه بس انا مظطره اوقف الرواية . . لاني محبطه بشكل كبير . . يعني لا ردود ولا متابعين . . اول الايام كان فيه متابعين مع ان العدد قليل لكن فرحت بشكل وتحمست للكاتبه . . وكتبت للبارت الخامس و وقفت والحين صارلي حوالي شهر وانا اتريا ردورد ما بقول ردود عالأقل رد واحد يحسسني ان في احد يتابع مجهودي . . كان فيني حماس للكاتبه لكن الحين تبخر وما اتوقع ارد اكتب . . بتريا بعد يعني بالكثير شهر بشوف اذا فيه ردود ان اكمل ان شاء الله رح اكمل اما اذا مالقيت ف مع الأسف رح اوقف كتابه . . وشكراً للجميع ֆ' ♥♥ |
وين التكمله حرام كمليها حلوه الرواية :sad: |
| الساعة الآن 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir