|
قلبي خذاه لي ساكن (العيــــــــــن) السلام عليكم شحاااااااالكم كلن بحاله البعض منكم يذكر قصة (قلبي خذاه لي ساكن (العيــــــــــن) والبعض لا عاااااااااد اليوم قلت بنزلها كااامله ونشاء الله ألي ماقراها تعيبه وسمحولي علي لقصور |
(قلب ي خذاه لي ساكن العيــــــن) فالعين قلبي معك يازين يالغالي يالي رابي هناك انت سكنت العين والعين في ناظري ما حد يسواك الجزء (1) التعريف: الوالد: حمد ال.....ي الوالدة: مريم ال....ي الريم: البجر وعمرها 16 صف ثاني ثانوي سلامه:عمرها12 صف اول عدادي زايد: عمره 10 صف خامس نوف: عمرها 6 صف اول ابتدائي هزاع: اخر العنقود عمره2 وطبعن يالس في البيت السكن: في العين+ بوظبي ------------------------------------------------------------------ الريم: اوووووووووف زهق هذي المدرسة . وفرت الشنطه على الكرسي ووايهت ابوها الي كان يالس يقرا الجريدة بو زايد(حمد): مرحبا الساع بالريم شيخة الحريم بلاج الغاليه شعنه تتاففين؟ الريم: اتافف من هذي المدرسه اللوعه شي غيرها بعد بوزايد: لا حووول شو سوت لج بعد عسب تسبينها ههههههه الريم: الله ياخذها وافتك منها تدري شو اتمنى؟ بو زايد: شو بعد لا يكون تحترق الريم : هيه شدراك بو زايد : تمنيناها قبلج حد ايي وينقع شلق وتحترق المدرسه الريم:هههههههههههههههه تراك مال اول بو زايد : ليش غيروها الحين؟ الريم:هيه الحين نتمنى تنقع قنبله وتنفجر المدرسه بو زايد: خييييييييبه ثركم مجرمين حشى صدق جيل يخوف (الريم وايد متعلقة في بوها وهو اكثر وحدة يحبها ويحترمها لو انه ما يفرق بين عياله بس هي معزتها غير لانها دوم وياه) الريم: الشيخ انا سايرة فوق اتسبح وارقد ووايه الوالده عني هههه بو زايد: هههههه وشعنه ما تبين غدا الريم : الغدا لاحقين عليه بو زايد : ليش الرقاد بيشرد الريم : بس الرقاد اولى عن الغدا بو زايد : ياحبج للرقاد الريم : منو ما يحب الرقاد احلى شي في الدنيا الرقاد الريم وهي راكبه الدري قالت لبوها: يا المزيون وطرشت له بوسه في الهوى وابوها تم يضحك متعود ع حركاتها وياه هههههههههههههه ( حمد ال....ي ما شاء الله وايد حلو ومزيون الين الحين والبنات يصيحن من غواه الكل كان يباه بس ما خذ الا وحدة من دار الزين مريم ال...ي وهي بعد ما عليها قصور والريم تموت على ابوها ودوم تتغزل فيه وبحلاته عادي ابوهاههههههههههههههههههههههههههه) زايد وسلامه و ونوف : السلام عليكم بو زايد: وعليكم السلام ام زايد( مريم): يلا غدا روحوا غيروا ثيابكم بو زايد: ام زايد نسيت اقولج الريم توايهج لانها سارت ترقد عادي اوايهج بدالها ههههههه هي قالتلي هههههههه ام زايد: عيب هب جدام العيال انت وبنتك فاصخين الحيا مرة وحدة كلهم :هههههههههههههههههههههههه عقب المغرب نشت الريم من الرقاد ونزلت تحت وكانوا كلهم متيمعين ويسولفون وعقب حد دق الجرس ربعت الريم تيب وقايتها (شيلتها) وسلامه لحقتها (اونها تقلد كبرت البنت هههههه) سالم ولد خالهم: السلام عليكم بو زايد وام زايد: وعليكم السلام والرحمة ( سالم ما شاء الله مزيون وانسان حشيم وعمره 23) بو زايد: اقرب يالنسيب سالم : قريب قريب ما تقصر بس ياي اعطيكم بطايق عرس ولد خالي بو زايد: عقبالك الشيخ الريم توها داشه: السلام عليكم كلهم: وعليكم السلام ام زايد: انزين سالم عنبو عند الباب اقرب حياك محد غريب سالم من شاف الريم : يلا بيلس شوي وياكم (الريم ما شاء الله عليها لو اوصف لكم حلاها ما بتصدقوني جمال ربي عطاها ماريته عند حد الصراحة سالم ما ينلام جسمها ولا باربي جسمها متناسق وااااااااااااااااايد حلو عذاااااااب وعليها خصر يذبح وشعرها اسود شرات الليل ناعم كثيف يتعدى ركبها وشو اقولكم عن عيونها عيونها سوووود ووساع ورموشها عذاب ومجحلات جحال رباني والا خشمها كانه سيف يناسب ويها وضحكتها ذباحة عليها غمازات الصراحة طرررررررر شويه عليها ويها بيبي فيس سبحان الي كملها بحلاها) الريم: بطاقة منو هذي وايد حلوة شكلها كشخة بو زايد: بطاقه ولد خال سالم "محمد" الريم: هيه زين والله حد بيعرس من هذي العايله الي محد يعرس فيها ام زايد: هذا عوقكن التعديل والمكياج والفساتين ما شي غير الريم: هههههههه لا ازيدج من الشعر بيت الرقص سالم: ههههههههه هذا عوقكن ما شي شغله انتن البنات بو زايد: ها بو غنيم متى انت بعد بتعرس عسب البنات يجهزن فساتينهن سالم: هههههههه قريب ان شاء الله ام زايد: الا شكلها العروس زاهبه دام ان قريب سالم: ههههههههه لا بعدها (سالم يمووووت على الريم بس محد يعرف لان هو انسان حشيم بس يترياها تخلص ثانويه وبيخطبها) الريم: يلا عيل انا اترخص خلوني اجابل الكتب الطفره سالم: انتي علمي عيل وبنات علمي من امبونهن دحيحات ويحبن الدراسه ليش انتي غير؟؟ الريم: وين الله يخليك انا الا رايحة ورا ربيعاتي قالن بيدشن علمي جان ادش وياهن والله ما ادري شو الي عقني بعلمي ام زايد: عاد لاتفشلينا جدام العرب ييبي نسبه ترفع روسنا الريم وتحب راس امها: فالج طيب مرة ما طلبتي بس انتي دعيلي ام زايد: فديتج والله فالج ما يخيب ونعم ببنت حمد ال...ي ومرة ما يهمج دوم ادعيلج وسارت الريم فوق مرة على الكتب ومرة على الاب توب( امحق دراسه ههههههه) سالم: انا بعد اترخص بو زايد: ياريال بعده توه الناس سالم: تدري ورايه بطايق اوزعهن بو زايد: هيه صح عاد كله ولا البطايق ام زايد: عاد لا تقاطعنا خلنا نشوفك سالم : ان شاء الله عمتي ما طلبتي من عيوني يلا في داعه الله كلهم : بحفظ الرحمن (قوم حمد ال...ي عندهم فله في العين وف بوظبي بس الحين بنوا فله يديدة في يوظبي ومن زمان ما راحوا وباتوا في بوظبي الا حواطه والا بيت قوم عمهم وعقب خلصت فلتهم اليديده واتاثثت وايد فخمة وكشخة وبدت اجازة نص السنه وكلهم نجحوا الحمدالله) سلامة: ابويه نبى نسير نشوف الفله الريم: هيه والله ابويه ونبى نتشرى حق حجرنا ونعدلهن ابو زايد: امرة فالكن طيب ما طلبتن انا من امبوني بوديكم عسب تعدلون الفله ويوم الخميس الصبح كلهم ساروا بوظبي الريم: ابويه الصراحة الفله هب حلوة...... بو زايد يقطع رمستها: افااااااا ذوق ابوج وهب حلوة الريم: هههه عنبو انزين خلني اكمل رمستي هي هب حلوة بس هي طرررررررر ماريت شراتها فديــــــــــــــــــــــــت ذوقك يا بوزايد بس هب احلى عن ذوقي هههههههه سلامه: انا ونوف بناخذ هذي الحجرة ( لانها عودة وكشخة من الخاطر) بو زايد: لا فديتج اسمحيلي هذي حجرتي انا والغاليه هزاع: وانا بابا بو زايد: لا انت خلك مع اخوك زايد يفرق الروحه وانت الحين ريال ما شاء الله هزاع: انا ليال بو زايد: هيه الرياييل عيب يرقدون ويا ماماتهم هزاع: اهي اهي ( وتم يصيح وربع صوب امه الي تحوط تطالع المطابخ) ووعقب الغدا بو زايد: الريم جان تبون انتي وخوانج تتشرون اغراض بنسير السوق الريم: هيه اكيد نبى ما نردك وانته ما تقصر يا بو زايد بو زايد: انزين تزهبوا العصر جان بتسيرون الريم: نبى نسير المرينا مول عسب اخذ لي بدلات تدري اجازة لازم نكشخ بو زايد: حشى انتي ما تشبعين الكبت ما يسد الريم: هذا الكبت اليديد ما فيه ملابس حليله يوعان يهون عليك بو زايد: اسميج انتي ما فيج حيله الريم: اكيد مافيه حيله طالع عليك (وغمزت له) والساعه 4 العصر تموا يتجهزون عسب يسيرون المرينا الريم: نانسي(الخدامه) ييبي لي الدخون سلامه: شعنه تبين دخون شو تبين تكونين زانيه الريم: زانيه فعينج لا يالسباله بس عباتي توها مكوايه وريحتها هب حلوة سلامه: انزين حشى ما قلت شي الريم: جب جب عقب كلهم تجهزوا وركبوا السياره( سيارة ابو زايد بورش ذهبي خقاق حمد ال....ي ههههههههه)وعقب وصلوا المرينا وكان وايد زحمة وتموا يحوطون ويتشرون اغراض حق الحجر بو زايد: شو رايكم اعزمكم على باسكن روبنز ؟ ام زايد: عساك مديم يا بو زايد ما تقصر ونحن ما نردك بو زايد : بناكل وبنظهر الريم : لا والله وانا قايله ابا اخذ بدلات بو زايد: انزين خلاص الشيخة شلي وياج زايد وسلامه لان انا و امج تعبنا نبا نيلس ام زايد: هيه والله ما فيني هبه اتم احوط بعد الريم: عيل شو خليتوا حق الشواب والعيايز بو زايد: زايد روح ويا اختك زايد: لا ابويه انا بروح العب هزاع ونوف: وانا بعد ( ويا بعض لازم العاب هههههه) بو زايد: عيل خلاص ما عندج غير سلامه والا اجليها مرة ثانيه تعالي وخذي بدلات الريم : لالا ابا الحين عاد انا متواعدة ويا ربيعاتي ولازم اكشخ بو زايد: انزين خلاص روحي انتي وسلامه ونحن هنيه بنرقبكم عند المطاعم الريم : لا وي اخاف اتمشى في المول لا وبعد ويا سلامه شو محرم بو زايد: جان تبين محد بياكلج الريم: امايه تعالي ويايه اخاف ام زايد: لا ما اروم تعبت خليها مرة ثانيه ابرك الريم: لا والله خلاص انزين بروح ويا سلامي يلا سلااااااااامي ام زايد : عن تتاخرن وراحت الريم ويا سلامه وتمن يحوطن عند المحلات وكانت وراهن شلة شباب وهن مرة فرقانات(خيفانات) سعيد (واحد من شلة الشباب) :انا اول مرة اشوف غزال في المول واحد رد: هيه والله ( الريم كانت متغشيه بس سلامه هب متغشيه بس جسم الريم وايد حلو يلفت الانظار) سعيد: ليتني اصيد هذا الغزال بس شكله عنيد وراح جدامهن : اقول يالغزال العنيد هذا الرقم xxxxxxx لكن الريم وسلامه طبنه ودخلن محل وتشرن منه وعقب ظهرن بيروحن صوب المطاعم وكانت شلة الشباب الي مساعه بعد عند الطاعم بس كانوا اكثر عن الي كانوا ورا الريم وسلامه (وايديييين ما شاء الله ههههههه عن احسدهم) الريم: والله الشباب فاضين عنلاتهم ما يصدقون يشوفون بنات رواحهن بو زايد: منو تعرضلكن رويني اياه وانا برويه الريم : لا تخاف بو زايد بنتك ذيبه طالعه عليك تعرف تتصرف بو زايد: ونعم ببنتي هزاع كان ياي من الالعاب : ماماه ابا دبدوب الي في اللعبه الريم: فديتك انا بييبلك اياه افااا عليك شبيهي انت امر بس (هزاع وايد يشبه الريم و ثنيناتهم يشبهون ابوهم ما شاء الله كلهم حلويييييين) واحد من الشله: طالعوا منو هناك الغزال الي مساعه ريناه(شفناه) سعيد: والله يا محلات عودها هزاع بعد من الشله بس ما كان وياهم: وين أي غزال سعيد: هذي واشر على الريم واحد منهم: فاتك عاد بو عسكور رقمها بس طبته هههههههه بس اكيد من تشوف مزيون بوظبي ما بتتردد وبتاخذ الرقم حد يردك هزاع : ما عليه الا اطيحها واييب راسها اعرف هالنوع من البنات اونهن يتغلن ههههههه<<<<<<<<<مصدق عمره الريم وهزاع اخوها الصغير ساروا صوب الالعاب هزاع الي في الشله: بو عسكور شو رايك وراها بو عسكور : ما ردك ( اصلن هو ما صدق ههههههههه) وعند اللعبه الي فيها دباديب هزاع : الليم ابا هذا الدبدوب الابيض الريم :حووه لا تتشرط زين لو اييب لك أي واحد وهزاع العود وربيعه يوا عند اللعبه بس الصوب الثاني مجابلين الريم والريم تحاول تيب واحد وهب رايمه هههههههههه هزاع : يلالالا بسرعه بعدين قوم باباه بيلوحون البيت(يتشرط بعد هههههههه) الريم : هزاعوووووووووووووووه لا تم تتشرط وايد ( صارخت عليه) هزاع العود لف صوب الريم ( يتحرها تزقره بس عقب عرف انها تزقر الولد الصغير الي حذالها) الريم: حبيبي ما يطيع يطلع الدبدوب شو رايك اوديك تهاني الخليج واخذ لك دبدوب احلى منه هزاع الصغير: لالالا ما ابا اباااا هذا الدبدوب الي في اللعبه هزاع العود تم يلعب وربح دبدوب من اللعبه سعيد: اكتب رقمك وعطاه الياهل مع الدبدوب هزاع العود: تعال حبيبي تبى الدبدوب (يكلم هزاع الصغير) الريم رجعت شوي ورا هزاع العود: خذ هذي الورقه وعطها اختك هزاع الصغير: انزين وراح هزاع الصغير صوب الريم : الليم عندي دبدوب وهذي اللولقه(الورقة) حقج الريم : شو هذي بعد وبطلت الريم الورقه ومكتوب فيها الرقم واسم هزاع وجان تفر الورقه في الزباله سعيد: اوب اوب حرجت(عصبت) ما حفلتك ههههههههههه هزاع: شكلها فرس عنيده يبالها ترويض سعيد: هي لو شافتك اكيد ما بتردك بس ما شافتك حد يرد غرشوب بوظبي الي البنات هن يربعن وراه عقب قوم حمد ال....ي ردوا البيت |
الجزء (2) يوم اليمعه العصر دقوا ثلاث حريم بيت قوم حمد بن هناد الريم: مرحبا الساع الحريم : مرحب باجي الريم : اقربن حياكن البيت بيتكن حرمه (ام خالد): قريب بنيتي امج موجودة الريم: هيه نعم خالوه موجودة قربي ودخلن الحريم البيت والريم دخلتهن الميلس مال الحريم وراحت تزقر امها ام زايد: السلام عليكم حيا الله من لفانا الحريم: وعليكم السلام ويحييج وتمت ام زايد تتعرف عليهن وهن ياراتهم الي حذال بيتهم الريم توها داشه الميلس ام زايد: هذي بنتي الريم تقطع رمست امها: الريم شيخة الحريم ام خالد: ونعم فيج الشيخة ويلست الريم حذال وحدة اسمها عووشه وهي شكلها هب عودة يعني هب حرمه عندها عيال (عوشه حرمت خالد بن عبدالله ولد ام خالد وتوهم معرسين وهي بنت عمه) عوشه : الريم انتي أي صف؟ الريم: صف ثاني ثانوي علمي عووشه : اهاا يعني بعمر فطامي اخت ريلي بنت ام خالد بس هي ادبي الريم: عيل زين بتعرف عليها ما صدقت القى حد من عمري حذالنا عووشه: عيل خلاص بخليها تي صوبكم الريم: حياها وحياكم مررة البيت بيتكم وعقب ظهروا الحريم ام خالد فبيتهم في الصاله ام خالد: ريتيها الريم بنت حمد بن هناد ما شاء الله عليها هب جمال عليها عووشه: هيه ما شاء الله عليها الله يخليها لهلها هب غوى عليها فطامي : منو هذي؟ عوشه : باجر روحي بتهم وتعرفي عليها هي من عمرج فطامي : اكيد بتعرف عليه حمدان: عاد فطامي ما صدقت تلقى حد من سنها اسميها ما بتخوز عن بيتهم الله يعينهم ام خالد: بس والله ناس طيبين عوشه: هيه والله في بيت حمد بن هناد نوف: والله بخبر ماماتي سلامه: جب انتي شو ماماتي ياهل ام زايد: هيه ياهل خليها عاد كله ولا نوافي يمكن ما ييب عقبها بنات سلامه عصبت (تغار من نوف هههه): فقتها السباله صدق دلوعه وما تنلام ام زايد: حليلها يوم نوف دلوعه الريم شو تطلع الريم توها داخله الصاله: لا حووول بعد شوفيها الريم ام زايد: لابس كنت اقول انج دلوعه نوف مرة ما تي صوب دلعج الريم : حليلي انا دلوعه ام زايد: ليش انتي ثرج هب دلوعة ابوج الريم : فديـــــــــــت (طولتها) حمد يعلنيه افداااااااااه ياربي تغايض امها ام زايد: عنلاتج هذا ابوج هب اخوج الريم: يا ويل حالي ع الي يغارون ام زايد: الله يكملج بعقلج الريم: انزين انا طالعه على باباتي يعني عقلي شرات عقله ( تغايض ) ام زايد: الا في الشكل تشبهينه والا في عقله ما توصلينه الريم: عيل اكيد طالعه عليج يوم اني هب طالعه عليه وربعت فوق ام زايد: عنلاتج زاد يا مسودة الويه اليوم الثاني فليل في الصاله الريم يالسه ع الاب توب وكلهم يطالعون فلم سكوبي دوو( ولا عشرين مرة شافوه بس شو يسون بهزاع ونوف ) زايد: الريم ابا اطلب منج طلب الريم: امرنيه الشيخ زايد: اباج تسوين لي ايميل الريم : هههههه والله وطورنا وصرنا نبا ايميلات زايد: ربعي كلهم عندهم وانا ما عندي الريم: مرررة ما طلبت انت امر بس كم بتدفع هههه زايد : خيبه محد يطلب منج شي الريم: حشى لو بعدني طالبه توديني القمر زايد: انزين خلاص بخلي حد غيرج يسوي لي ذليتيني على هذا الايميل الريم: اسولف حشى انت ما تقهر السوالف شو تبى اسم ايميلك زايد: ما ادري كيفج الريم: شرايك شرات اسمك زايد زايد : يكون اخير بعد وعقب ام زايد( مريم) وابو زايد(حمد) راحوا عرس الساعه 8 فليل حد دق الجرس البشكارة بطلت الباب وكانت عوشه مع بنت ( فطامي) عووشه : شحالج الريم ؟ الريم: بخير وسهاله تسرج حالي ومن صوبكم؟ عووشه: بنعمه ربيه يعافيج وعرفت عوشه فطامي ع الريم فطامي فخاطرها( ما شاء الله عليها صدقت اميه ) (فطامي حلوة حنطاويه بس عيونها ما شاء الله كبار وعسليات) الريم: فطامي عندج تلفون والا ايميل؟ فطامي: عندي ايميل بس ما عندي تلفون بس بعطيج رقم بيتنا وكل يوم اتصلي لانه يعتبر تلفوني محد يصكه غيري ههههههه الريم: ههههههههه زين والله عيل ما يحتاي التلفون بعد وتمن يسولفن والريم وايد استانست ع سوالف فطامي وفطامي بعد وعقب عوشه وفطامي راحوا بيتهم ومر اسبوع ودوم فطامي فبيت قوم الريم هههههههه صدق حمدان اخوها بس هي كانت اتي لان الريم تقولها تعالي عندي محد في البيت ويوم الخميس الساعه 7 كلهم يسولفون في الصاله يدق تلفون البيت الريم: الووووو مرحبا الساع فطامي: مرحبا ملايييين ولا يسدن فذمتيه وان زادن وزعيهن على اهلج هههههه الريم: لا ما زادن ههههههه وييييينج تولهت عليــــــــج فطامي: عن الجذب البارحه كنت معسكرة فبيتكم الريم: بعد تولهت عليج فطامي: فديتج ياربيه تتوله عليج العافيه بس يوم انج تولهتي عليه طلبتج الريم: امري بس انتي فطامي: مايامر عليج ظالم بس اباج تين بيتنا لا ترديني الريم:امممم اوكي خلاص تم ما بردج مرة بس بلبس شيلتيه ومرة تلقينيه عند باب بيتكم فطامي: اوكي فديتج اترياج الريم شاورت اهلها وسارت صوب بيت قوم فطامي فطامي: مرحبا الساع توه نور البيت الريم: مرحب باجي ولا هان البيت منور بهله طوليه بعمرج ودخلوا الميلس ويت ام خالد وعوشه وسلمن وراحن وفجاة تبطل باب الميلس وهذا كان اخو فطامي حمدان وانصدم هو ما توقع ان حد عندهم في البيت وتم واقف متصنم فطامي يت صوبه فطامي: شو انت ما تستحي يلا اظهر حمدان : والله ما كنت ادري وظهر (حمدان عمره 19 في الكليه دووم لاصق على الكمبيوتر( النت)ومعسكر على الجات بس وايد حشيم وما عنده سوالف بنات ويستحي اذا شاف بنيه) الريم: منو هذا؟ اخوج؟ فطامي: هيه اخويه ولا تمين تسوين حق اخويه حركات ههههههه الريم: هههههههه أي حركات ويا ويهج ههههه فطامي: ترا الحين اقولج اخويه حمدان ما عنده هالسوالف هههههههههههه الريم: خلاص عيل بسويله حرات وبطيحه ههههههههههههه فطامي: عاد اسميه بيطيح طيحه هههههه وعقب ظهرت الريم وسارت بيتهم فطامي سارت صوب حجرت حمدان فطامي: شو كنت تبا؟ حمدان: منو هذي البنيه الي كانت عندج؟ فطامي: طالعوا وين انا ووين هوو شلك فيها؟؟ شعنه تسال عنها؟؟ شو تباها بعد تتنشد عنها؟؟ حمدان : حشى كلتيني ما قلت شي سحبناه السؤال ما اباج تجاوبين خلاص فطامي: ليش هو حبل عشان تسحبه بس شعنه تتنشد عنها ؟ حمدان : بس اسال يعني ممنوع؟ فطامي: شو بتعطينيه؟ حمدان خلاص ماباج تقولين ذليتيني تراج (مع انه هو فخاطره يعرف منو هذي البنيه بس ما يبا يبين حق فطامي ) فطامي: خلاص رحمتك بقولك هههههههه هذي بنت حمد بن هناد قوم ييرانا اليداد حمدان: اهااااااااا فطامي: هذي بنته الريم ادري تعذب ههههههههههههههه حمدان: بس انتي محد يعطيج ويه يلا فارجي فطامي:كنت بقولك شي عنها بس الحين خلاص بفارج يوم انك قلتليه فارجي حمدان : قولي يلا فطامي: ما بقول حمدان : مشكلتج سكت عنها شوي عقب قالها انزين هي كم عمرها؟ فطامي: ههههههههههه والله انك ما تعرف تمثل هي شرات عمري حمدان: يلا جلبي ويهج وفارجي فطامي: على أي صفحة؟ حمدان: اخر صفة يلا فطامي: هيه مكتوب عليها تم بحمدالله حمدان: لا مرسوم عليها الباب يلا بسرعه فارجي ربيعي يتريوني فطامي: وين ما اشوفه مغلط يمكن هب في الصفحة الاخيرة هههههههه حمدان: اوووهووووو يلا عاد عن الاستهبال خليني اكمل السوالف فطامي: امحق ربع وامحق سوالف مالت عليك انت ويا هذا الجات حمدان: عيل شو تبيني احدر المسن الملل خليه حقج هذا فطامي: اممممم اعترف كم بنيه تعرفت عليها الين الحين؟ حمدان: ومنو قالج اني اتعرف يخسي عاد مالقيت انا بس اسولف في الجات وكلهم ربعي الي في الجات فطامي: انزين شو نكك؟ حمدان: ما بقولج ويلا فارجي ويا راسج وعطي الباب مقفاج بسرعه وظهرت فطامي ( في بيت حمد بن هناد) الفصل الدراسي قرب مابقى الا كم من يوم الريم: ابويه ابا اسير المرينا اخذ حق المدرسه بو زايد: لاا انا اليوم عندي شغل وايد ما اقدر اوديكم خلي امج توديكم الريم: اممم اوكي خلاص بخلي اميه تروح ويانا الريم عند امها: ويه اميه فديتج الله لا يحرمنيه منج تو لهت عليج وايد ام زايد: اقول قولي الي عندج هذي المقدمه هب لي الريم: هههههه فديت الي فاهمتنيه اميه ابا اسير المرينا مول ام زايد: اوكي خلاص حتى انا ابا اسير كارفور والساعه 5 كلهم ظهروا مع الدريول ووصلوا المرينا زايد: انا ساير صوب الالعاب حد بيخاويني هزاع ونوف اكيد قالوا بنروح ام زايد: زايد عن تودر اخوانك رواحهم زايد: ان شاء الله اميه وتموا قوم الريم وسلامه وام زايد يحوطون عند المحلات ويتشرون ام زايد: يلا بسكن خلنا نسير كارفور ورحوا كارفور وتمو يتشرون عاد اهم شي الحلاوة ام زايد: الريم سيري عند اخوانج زقريهم خلينا انسير يلا بسهم الريم: انزين سلامه يلا تعالي ويايه ام زايد: محد بياكلج سيري بس عند العاب وخلي اختج عندي شو بتخلوني الروحي الريم: انزين خلاص والريم في الدري المتحرك وكان وراها شلة شباب نفس الشله الي ذاك اليوم سعيد: هب هذي الي هذاك اليوم ريناها هزاع: الا هي اعرفها حتى لو كانت متغشية بمية غشوة وهزاع وراها : ليش فريتي الرقم تبينه مرة ثانيه الريم ما رمسته ولا نطقت بكلمه وعقب هزاع راح ووقف جدامها وما خلاها تخطف كل ما تغير اتجاها هو يوقف جدامها الريم: لو سمحت ابا اخطب هزاع: يلا عاد لا تمين تتغلين خذي الرقم الريم( عصبت) : انت ما تخيل ولا تحشم صدق انك مضيع المذهب هزاع عاد هنيه عصب على رمستها: والله ما ادري منو الي ما يخيل ومضيع المذهب بتمشيه الروحه في المولات الريم ما حبت تاخذ وتعطي معاه وخطفت عنه وسارت عند اخوانها سعيد: اوووب شسالفه بلاك معصب ؟ هزاععنلاتها السباله اونها تقوليه انا مضيع المذهب وما اخيل سعيد: لا يكون اضاربت فياها هزاع: هيه عيل اخلي من هب ودب يسبني يخسي الاهي لا راحت ولا يت منو تكون هي اصلن سعيد: وشو قلت لها هزاع: خلاص ماشي غير الوضوع وتمو ساكتين وهم سايرين صوب شلتهم هزاع: بس تدري بو عسكور سعيد: شو ادري؟ هزاع ياخي صوتها عذاااااب سعيد : هههههههههههههههه توك تسبها هزاع: خلاص اسكت اسكت محد يقولك شي والريم شلت اخوانها وراحوا صوب السيارة وردوا البيت وعاد الحين بتبدا المدارس وقوم حمد بن هناد ( بو زايد وعياله) ردوا العين ( دار الزين ) وبدن المدارس( الفصل الثاني) اما الريم فدووم ترمس فطامي في التلفون وع المسن ويوم الخميس كان عرس محمد ولد خال سالم >>>>>> ولد خال الريم الريم اتصلت بيت قوم خالها بعرفكم بعايلة خالها( خالهم سيف- وولده العود عبدالله عمره 25 معرس – وعقبه سالم عمره 23 – عايشة 20 في الجامعه – وحمدة( حمودة) عمرها 17 بس هي صف ثاني ثانوي( راسبه) ادبي – منصور 10 سنوات- علياء عمرها 4 اخر العنقود) الريم: السلام عليكم سالم: وعليكم السلام والرحمه الريم: موجوده حمودة؟ سالم: منو اقولها؟ الريم: انا الريم بنت عمتك انت منو عبدالله والا سالم؟ سالم: انا سالم مرحب الساع بنت العمه شحالج؟ ربج بخير؟ الريم : مرحب باجي بخير وسهاله سالم: هذي حمود يلا اخليج ترمسينها حمودة: هلا والله هلا بالقاطعه نور التلفوووووووون الريم: خيبه يالجذب اول مرة اشوف تلفون ينور هههههههههههه جيه تلفونكم فيه ليتات حمودة: يلا محد يعطيج ويه ويجاملج انتي حشى الريم: شحالج بنت الخال يعلج بخير؟ حمودة: شو خال ايييييييييه انتي وياراسج هذا خالج بعد الريم: ههههههههههههه اقصد شحالج بنت خالي؟ حمودة : هيه توج حرمه انا بنعمه ربي يعافيج ونتي؟ الريم: تسرج حاليه اقول وين بتتعدلون حق العرس؟ حمود: في الافراح الريم: انزين بيي وياكم حمودة: اكيييييد غصبن عنج اصلن نحن مخططين ومخلصين ما نترياج تقولين الريم: فديـــــــــــــــــــتج ياربيه وسكرت الريم عن حمودة وتعدلن البنات وتكشخن وسارن بعد استديو الجميرا وتصورن وخلاف سارن العرس وكان العرس وايد حلو ومرتب ومرن الايام وعقب يابو الصور من الاستديو وكانن الصور جناااااااان وفي اجازة الويك انك( نهاية الاسبوع) ساروا قوم حمد بن هناد فلتهم الي فبوظبي والعصر فطامي اتصلت على الريم فطامي: مرحبا الساع يام عيووون سووووووود ووساع الريم: مرحب باجي ولا هان وتمن يسولفن والريم قالت حق فطامي انها تي بيتهم ويت فطامي والريم دخلتها حجرتها وتمت ترويها الصور مالات العرس فطامي: طلبتج ابا الصور منج ابا اروي ربيعتيه ساروه الريم: اممممممم اوكي خلاص بس يويلج ان رويتيهن غيرها فطامي : عاد منو برويهن وياراسج خلاص اقولج برويهن اخوانيه يمكن واحد منهم ينعجب فيج ويخطبج الريم: ههههههههههههه لا والله انزين اقولج خذي هذا الدفتر حطيهن داخله هب جذه ما سكتنهن بيدج فطامي : اوكي يلا الحين انا بسير بيتنا الحين الساعه 9 يويليه من اميه الريم: ربيه يحفظج وعقب سارت فطامي بيتهم وسارت حجرتها وحطت الدفتر على شبريتها( سريرها) الي كل الكتب معقوقه عليها ام خالد: فطاااااااامي تعالي تحت اباج فطامي: انزين اميه الحين يايه وراحت فطامي عند امها ودخل اخو فطامي البيت هذا اخوها الي عقب خالد وهذا مرة الولد كله يغازل ويرتغد في المولات وااااااااااايد حلووو وسيم من الخاطر عمره 22 وراح حجرته وكان يدور ورقه وقلم ومالقى جان يروح حجرة فطامي لان يحيدها دوم فاره دفاترها على الشبريه وطاحت عينه على دفتر لونه برتغالي ( الدفتر الي عطته الريم حق فطامي) وكان مكتوب في الدفتر اغاني وقصايد وتم يقرا ويجلب الدفتر وشااااااف الصور فج عيونه : منو هذي عمريه ما شفت بحلاها وبجمالها ااااااااه ياويل قلبي انا كم بعيش وعقب حط الصور وسكر الدفتر وظهر من الحجرة وركب سيارته وبعده يفكر بالبنيه الي في الصور والعصر عند الغدا بوزايد: اقولكم تزهبوا العصر بنضوي صوب بيت عمكم احمد من زمان ما سرنالهم ام زايد: هيه صح دووم يتنشدون عنكم الريم: اوهووووو عاد انا ما اداني اسير بيتهم انا بسير الاسكيت اخيرليه بو زايد: بسج كل يوم تهومين ما شبعتي اليوم عاد كلكم بتسيرون بيت عمكم ومحد يقول لا ام زايد دقي حق حرمت احمد شيخة وخبريها انه بنضويهم اليوم ام زايد: ان شاء الله واتصلت ام زايد حق شيخة حرمت احمد عمهم وخبرتها انهم بيضوونهم بخبركم عن عايلة عمهم احمد( العنود عمرها 27 معرسة وعندها ولدين – سارة 25 مالج عليها ولد عمتهم ( مايد) – سيف عمره 22 وايد حشيم وما يخصه فحد –ثاني هذا وايد صايع وضايع عمره 20- ميثه 15 وايد شاطره دحيحه-روضة 12 ومرة ما تفارج سلامه اخت الريم) في بيت عمهم احمد شيخة (ام سيف) : اليوم بيوون قوم عمكم حمد سارة: بيوون كلهم؟ ام سيف: هيه بيون كلهم قالوليه ثاني : منو بيي؟ ميثة: الريم بتي هذي والا بعد شرات كل يوم ما بتي ام سيف: هيه اظن بتي ميثه: زين يوم بتي ست الحسن وبتتكرم وبتضوينا احمد ( بو سيف) : عيب عليج هذي بنت عمج ميثة: انزين انا ما قلت شي اووووف وسارت حجرتها روضه: اوه عجيب بتريا سلامووووووووه الدبه من زمان ما شفتها اما ثاني مستااااااااانس الا متشقق من الوناسه يموووووت بشي اسمه الريم وكل العايله تدري انه يحبها ويموت عليها وهو حليو واسمراني بس الريم ما دزله ويه واصلن ما تحب اتي بيتهم والسبه هو والعصر تكشخوو وساروا صوب قوم عمهم احمد ( ابو سيف) دخلوا بيتهم: السلام علييييكم كلهم: وعليييييكم السلام وتموا يسلمون ويسولفون وثاني ما شل عيونه عن الريم وهي مسوتله طاف وعقب الرياييل راحوا ظهروا من الصاله ومحد كان في الصاله الا الريم وسارة وميثه وثاني ثاني: مرحبا الساع بخطيبتيه الريم: منو خطيبتك لا يكون انا ثاني: هيه اكيييييد انتي عيل منو غيرج الريم: يخسي وسكتت عنه ثاني : انزين بقولج شي الريم: شووو قووول ثاني: هههههه انزين شعنه معصبه بس تدرين اني اموت فيج يوم تعصبين الريم: اوهوو بترمس والا شو ثاني: والله تولهت علييييج وااااايد واحس اني ضايع من دون ما اشوف عيونج يعلنيه افداهن الريم: تتوله عليك العافيه انت من امبونك ضايع بس يت على شوفت عيونيه ثاني: ونتي انزين فديتج >>>>>> هو مسوي طاف حق خواته جنهن هب موجودات صدق انه ما يستحي الريم: انا شووو؟ ثاني : انتي ما تولهتي عليه الريم: شعنه اتوله عليك تهمنيه ثاني: ليتج بس تحسييين فينيه وظهر من الصاله ساره : السموحة منج الريم بس تعرفينه هو ما يستحي ميثه: والله هو ما قال شي يزاه انه يحبها الريم: تدرون شكله عصب ميثه: من حقه يعصب جيه الي قلتيه شويه ساره: ميثه عيب عليج ميثه: شو الي عيب الي في البيت كلهم يدرون انه يحبها بس هي خقاقه الريم: لا خقاقه ولا شي شو تبينيه اقوله يعني احبك وانا ما احبه وانتي اكثر وحدة تعرفين حركات اخوج وصياعته ساره: صدقها الريم ميثه:والله حرام عليج دووم مزعله ثاني وهو يتعذب والله ما تدرين شو يسال عنج ويقول وهو وايد يسولف عندي ويتخبرني عنج بس انتي ما فيج خير و راحت ميثه فوق معصبه الريم حست انها غلطانه من كلام ميثه ساره:لا تزعلين برايها تراها ياهل الريم:اقدر اقولج شي ساره:قولي الريم:مخزنه رقم اخوج ثاني ساره:هيه ليش؟؟ الريم:خليني اتصل واعتذر ساره:ليش تعتذرين بيتحسبج تحبينه الريم:انا ما احب اخلي حد معصب مني وعطت ساره الريم المبايل واتصلت بثاني الريم:الووووووو ثاني ما صدق:الوووووو الريم:انا الريم ثاني: ليش تتحرين اني ما عرف صوتج الريم: انا اتصلت بس اسالك انته زعلت منيه ثاني: ليش تحسين انج مسويه شي غلط الريم: ما ادري بس السموحه لو انيه غثيتك بكلمه ثاني: بالحل الغاليه والله لو تمين من اليوم لين باجر تسبين وتغلطين عليه والله ما ازعل منج الريم: اوكي يا ولد عميه اخليك الحين ثاني: انزين فديتج بقولج شي الريم: امممم حفظته كلامك خلاص لا تقول ثاني: شو بقول يلا قولي الريم: حفظت رمستك احبج وماعرف شوو كل يوم نفس الكلام ثاني: هههههه لا بغير الحين انا اعشقج واتنفس هواج الريم: اوهوووووو يلا يلا باي ثاني: فديت اوهو منج اصلن كل شي منج حلووو لو انها سبه الريم: صدق انك ما تنعطا ويه يلا يلا باي وتمت الريم وسارة يسولفون عن مايد ولد عمتهم والساعه 8 يدش ثاني البيت ثاني : هلا والله اشووووووووف البيت بعده منور والريم مع ساره يسولفن ويضحكن ثاني: اااااااااااااه كم بعيش الحين عقب ضحكتج الريم: ايييييه بس انته زايد: يلا الريم بنسري بيتنا ساره : ما شاء الله زايد غديت ريال زايد : لا والله وليش كنت حرمه ساره: اوب اوب كله ولا يعصب علينا الشيخ زايد لا ريال ونعم ثاني: ريماني عاد لاتقطعين فديتج الريم: الريم لو سمحت وان شاء الله ما بقطع ساره: انا بتصل عليج عشان تروحين ويانا دبي الريم: ان شاء الله يصير خير الريم سلمت على ساره ثاني: وانا ما بتسلمين عليه الريم طالعته بنظهرة ما يبا غيرها وظهرت ساره: انت ما تستحي ثاني: اوووه شفتيها كيف طالعتني ساره: تستاهل زين تسوي فيك وعقب ردوا قوم حمد بن هناد العين ومرن الايام وبدن الامتحانات كلهم خلصوا الا الريم واخر يوم في الامتحانات ام زايد: تعالي تريقي الريم: لا اميه ما ابا انا وحموده دووم نخطف على مطعم هندي وناخذ براتا جبن ام زايد: بعد يا سلام عليكن الريم: اميه دعيليه والله اليوم عندنا امتحان احياء ومرة فينيه حفوز منه ام زايد: بدعالج ولا يهمج الله يوفقج ويسهل عليج ...............الخ وظهرت الريم وراحت صوب حمودة وطبعن خطفوا على مطعم هندي وطلبوا براتا وعقب ما خلصوا امتحانات حمودة: ها الريم شو سويتي؟ الريم: الحمدالله زين ونتي شو سويتي ويا الجغرافيا الغلس حمودة: يلا زوين بس اهم شي ننجح هالسنه والسنه اليايه الاهم الريم: هيه صدقج والله ويت السياره وكان في السياره زايد وسلامه وكانوا يبون يسيرون كارفور الريم: حموده شرايج نسير وياهم كارفور حمودة: ومنو قال بردج وبعد تشاوريني اكيييييييد بنسير وياهم وساروا كارفور وتموا يحوطون وردوا البيت ومرن الايام وظهرن النتايج كلهم نجحوا الحمدالله ويوم الاحد ساروا قوم حمد ( بو زايد) بوظبي بس ام زايد وهزاع ونوف ما ساروا بس الريم وزايد وسلامه وبو زايد( حمد) ويوم الاثنين المغرب الريم يالسه ع الابتوب في الصاله وسلامه عند التلفزون زايد وبو زايد توهم داخلين البيت: السلام عليكم الريم وسلامه: وعليكم السلام ابو زايد وزايد تموا يالسين في الصاله وياهن ابوا زايد: ها شو ملانات سلامه: هيه وااااااااااااااااااااااااايد مليت من مجابل هالتلفزون الريم: كنا ملانين بس يوم ييت راح الملل مرررررة بو زايد: فديتج ياربي يعلنيه ما ذوق حزنج تبن تظهرن اعشيكن في ماكدونالز الريم: ما ادري كيفك سلامه: هيه هيه ابووويه فخاطريه بو زايد: يلا عيل تزهبن بنسير المرينا مول هناك بنتعشا وساروا المرينا وراحوا صوب المطاعم ويلسوا وراح بو زايد وطلب الهم من ماكدونالز وكان بعد في المطاعم نفس الشله الي قبل ( معسكريييييين في المرينا حشى هههههههه) زايد: ابويه باجي بيبسي ما شي الريم : انا بسير ايييبه ونشت الريم وبعد هزاع الي في الشله نش يطلب الهم عشا وكان هزاع واقف حذال الريم هزاع:انتي شو دووووم تهيتين عيل منو هذا الي وياج ربيعج؟ الريم: رابعتك الينيه قووووووول امييييييين وراحت عنه ويلست في الطاوله وعقت الغشوة عشان تتعشا وهزااع يوم شافهاااااا فج عيوووووووووووووووووونه هب مصدق من الي يشوفه جدامه؟؟!!!!!!!!!!!!!!!!!!!!!!!!!!!!!!!!!!!!!!!!!!! ! |
الجزء (3) هزاع:انتي شو دووووم تهيتين عيل منو هذا الي وياج ربيعج؟ الريم: رابعتك الينيه قووووووول امييييييين وراحت عنه ويلست في الطاوله وعقت الغشوة عشان تتعشا وهزااع يوم شافهاااااا فج عيوووووووووووووووووونه هب مصدق من الي يشوفه جدامه؟؟!!!!!!!!!!!!!!!!!!!!!!!!!!!!!!!!!!!!!!!!!!! ! وتم يطالعها وهي مسويه له طاف وتتعشى وتسولف ويا ابوها واخوانها هزاع فخاطره: كيف ؟؟؟؟؟ كيف؟؟؟؟؟ لا ما اصدق هذي نفس البنيه الي في الصور كيف وصلت حق ختيه فطامي ؟؟ وفطامي من وين تعرفها ؟؟؟؟ وتم فويه هزاع مليوووووون استفهام وهب عارف شو جوابهن ( هذا هزاع هو نفسه اخو فطامي المغازلجي مع مرتبة الشرف هههههه عمره 22 رحيــــــــــــــــــــــــــم ما شاء الله عليه وايد حلوووو ومعذب قلوب العذارى عيونه شرات عيون فطامي بس عيونه سود وشعره اسود ناعم شوي طويل حنطاوي وخشمه شرات السيف ) واحد من شلتهم ( محمد) :اووووووه شوفوها وربيه عذاب هالبنيه هزاع: شو تبونها خلوها فحالها محمد: اوووه طالعوا منو يرمس هزاع الي ماخلا بنيه فحالها عاد انا هذي بالذات اتحداك اطيحها هزاع: شو اطيحها وكل شلتهم: افاااااا هزاع ما تروم طيحها افاا ونت غرشوب بوظبي وجذي تقول عيل شو خليت حق غيرك هزاع: انزيييييين خلاص مررررة بطيحها بس صبروا انتوا عليه شوي بس شو بتعطينيه يا بو جسيم محمد: الي تباه مرررررة اشر انت بس بعرفكم بعايلة ابو خالد ( عبدالله" ابوخالد" ولده العود خالد معرس وماخذ عوشه – مريم معرسة بعد- هزاع – حمدان – فطامي – مانع اخر العنقود عمره 15) وهزاع وهو في الدرب مع ربيعه سعيد في السيارة وحاطين ميحد حمد طير الحمامي سعيد: ياويليه عليك يا ميحد مرة كسر تيم والا شرايك هزاع هزاع اصلن كان يفكر بالريم ويبا يعرف منو هذي البنيه سعيد : هزااااااع وصمخ جلاب هزاع: هاااا عووونك شفيك شو تبا سعيد : لا بالله انته هب فيايه وين رحت؟ هزاع: لا رحت ولا ييت انا وياك شو كنت تقول سعيد: ههههههههشو اقوول غير الي ماخذ عقلك لا يكون بالي شفناها اليوم هزاع: لالالالالالا وليش افكر فيها شو اباها سعيد: خيييييبه انزيييييين وشعنه لا هالكثر هذا يبين انك صدق تفكر فيها هزاع: بس عاد لا افكر فيها ولا شي شو بااها انا سعيد: شكلها الا ضوت راسك هزاع: يخسي الا هي قال تضوي راسيه انا الي بضوي راسها هب هي ووصل هزاع ربيعه سعيد بيتهم وهزاع تم حاط اغنية طير الحمامي ( ادعج خدلج ومدملج ادلج اغج وابلج وشمسن على غياب وسيفن مهند وخدن تورد جوري وعناب ليته درابي وعانى صوابي انا المصابي في دنية اغراب ) هزاع: هيه والله يا ميحد مرررررررة ييت ع العوووووووق يوم الاربعاء فبيت ابو سيف( احمد عم قوم الريم) الساعة 11 الضحى ساره: اميه ابا اسير دبي اخذ حق العرس ما بقا شي ام سيف: انزين قولي حق حد من اخوانج سيف والا ثاني ساره: انزين بقول حق سيف مابا ثاني ساره سارت عند سيف اخوها سيف: ها سارووه امرينيه ساره: ما يامر عليك لا عدو ولا ظالم بس طلبتك ابا اسير دبي اتشرا حق زهبتيه سيف: اليوم انا مشغول خليها باجر ساره: لا ما فينيه ابا اليوم سيف: عيل سيري ويا ثاني عنده اجازة اليوم والا يهوم قوليله بيوديج ساره: يعني محد غيره اممممممم يلا شسوي بعد وراحت عند اخوها ثاني ثاني: ها شو تبين انتي بعد ( كان يرمس وحده ع التلفون ههههههههه) ساره: ثاني طلبتك ابا اسير دبي ثاني : لا ما اقدر عندي شغل قد شعر راسي ساره: لو اقولك الريم بتسير ويانا ثاني : هااا صدق !!!!!! ساره: هيه صدق ما تحيد يوم قلتلها ثاني: عيل خلاص يتاجل الشغل وانا شو ورايه بوديج عشان خاطرج ساره: هيه صح عشان خاطريه هههههههههههههههه ساره اتصلت حق الريم ساره: اقوول ريماني بنسير دبي عقب شوي اوكي وتعالي ويانا الريم: اوكيك ساره: بس امممممممم هب سيف بيودينا الريم: عيل لا تقوليليه ثاني ساره: هيه دخيلج لا تغيرين رايج الريم: خلاص لجل عيونج فديتج كم ساروووووووووه عنديه انا ساره: تسلمييييييين فديتج يعلنيه فدا خشمج بنخطف عليج الساعه 1 اوكيك الريم: اوجيج يلا بخلي سلامي تسير ويايه بعد بروح اتكشخ ساره : هيه لازم سلامي بعد لان روضه وميثاني بيسيرن والريم وسلامه تكشخن طبعن عقب ما خذن راي ابوهن وامهن ووصل ثاني بيت قوم عمه وركبت الريم وسلامه وكان حاط السي دي مال حربي وفي الدرب ثاني: ريماااااني سمعي هذي الاغنية اهداء لج ( تذبحني النظهرة من عيونك السود ويلي على ذيك العيون الجميله اشوف فيها سحر ما هو بموجود تشفي الجروح المدميات العليلة........) الريم طبعن ما سوت له سالفه وتمت تسولف ويا ساره ثاني: انزييين حشى حتى ماتعرفين تجاملين وتقولين مشكور الريم: ماعرف انافق ثاني: انا شو ذابحنيه غير اسلوبج فديتج ياربي وفديت اسلوبج ميثه: انتي شو جنسج؟ ما تحسين الريم ما حبت تسويلها سالفه لان تعرف ان ميثه ياهل وما ينخذ بكلامها ووصلوا دبي ثاني: ها وين تبون.؟ شرايكم بمول الامارات كلهم يمدحونه كلهم: اوكي وتموا يحوطون عند المحلات وعقب الريم: انا بدش سكي دبي حد بيخاوينيه كلهم: هيه كلنا وكلهم دخلوااا وكان برد من الخاطر وتموا يتفارون بالثلج وعقب الريم راحت صوب الجامات ويلست هناك اما ساره وميثه وسلامه وروضه تموا يحطون ويطالعون البقعه وثاني بعد الروحه يتمشى واول ما شاف الريم الروحها يالسه راح صوبها ووقف جدامها الريم رفعت راسها الريم: حشى شو طالع وياراسك ثاني : عطني من اوقاتك دقايق اناظرك والعين بالعين الريم: والله انك متفيج ونشت عنه جان يمسك ثاني ايد الريم ثاني: الريم فديتج ليش انتي جذي تعامليني انا شو سويت لج والله انا احبج الريم: اقووووول بطل ايديه وبقولك ليش ثاني بطل ايدها الريم: والله انت تعرف ليش والكل يعرف غير حياتك وراحت عند قوم ساره وخلاف ظهروا من المول وركبوا السياره وكلهم تبانين الا سلامه وروضه بعدهن يسولفن ما شبعن بس الغريبه انه ثاني مرررة ما رمس الريم ولا قال شي طول الدرب ووصلوا بوظبي وطبعن ثاني وصل سلامه والريم بيتهم وعقب ساروا بيتهم والفليل دقت فطامي على الريم فطامي: السلام عليج الريم: وعليج السلام فطامي: شحالج ؟ الريم: اشقح ومن صوبج؟ فطامي: بخير وسهاله هاا شو ماشي علوم اخبار.؟ الريم: اممممم هيه صح ما قلت لج تعرفين منو شفت البارحه في المرينا فطامي: منوو؟؟؟؟؟ الريم: تحيدين ذيج الشله الي دوم اشوفهم الي معسكرييين في المرينا فطامي : هيه شو فيهم؟ الريم: تحيدين هذاك الولد الي ضاربت وياه فطامي: هيه لا يكون بعد اضاربتي وياه الريم: لاحشى ما اضربت وياه بس .... وخبرتها السالفه فطامي: انزين هو حليو والا؟ الريم: تبين الصدق ما شفته ماعرف كيف شكله فطامي: اضاربتي وياه وما شفتي شكله الريم: شفتي عاد والله ما شفت شكله وياراسه فطامي: انزين انتوا باجر بتسرحون العين الريم: هيه ان شاء الله واليوم الثاني الصبح ردوا قوم حمد ( بو زايد) العين المغرب في بيت قوم ابو خالد ( عبدالله) كلهم في الصاله ودخل هزاع ويلس وياهم وتموا يسولفون ابو خالد: يلا اذن العشا يلا المسيد كلهم نشوا يتمسحون الا هزاع كان توه ناش يروح يتمسح ودق تلفون البيت فطامي كانت تطالع التلفزون : هزاع شل التلفون (هزاع شل التلفون) الريم: الووو السلام عليكم هزاع: وعليكم السلام والرحمه الريم: موجودة فطامي؟ هزاع: هيه بس منو اقولها الريم: قولها الريم هزاع راح يزقر فطامي وفخاطره: هذا الصوت هب غريب عليه بس وين انا سمعته فطامي: مرحبا الساع يام عيون سووووود ووسااااااع الريم: هههههههههه مرحبا باجي ولا هااان يام عيون عسليات ووساع هزاع سمع فطامي يوم تقول يام عيون سود ووساع : معقوله هذي هي البنيه الي في الصورة لا وبعد اسمها الريم يا ويل حاليه انا كم بعيش لا ما اظن هي وعقب راحوا المسيد ويوم ردوا بعدها فطامي كانت قابضة التلفون هزاع: انتي اييييه حشى التلفون يشتكي منج يلا سكري بسج حشى ما تشبعين الريم: منو هذا شفيه اخوج معصب؟ فطامي : هذا هزاع اخويه الحشرة ما عرف ليش معصب منيه هزاع: يلا سكري قلتلج هي شو تبا فينيه فطامي: انزين يلا ريماني اخليج الحين برمسج ع المسن فليل فطامي راحت حجرتها وهزاع كان فخاطره يعرف منو هذي البنيه وراح صوبها ويوم دخل روعها فطامي: بسم الله روعتنيه شو تبا؟ هزاع: اممممممممم ابا اسالج شي بس ماباج تفهمينيه غلط اوكي فطامي: اوكيك يلا اسال ما بفهمك غلط هزاع: ااسالج منو هذي الريم الي توج رمستيها؟ فطامي: شو تبا فيها هذي هب من خايساتك ترا هزاع: ادري انزين بس اتنشد عنها لانيه اشوفج وايد وياها فطامي: هيه انا وايد وياها اممممممم انزين بقولك تعرف ييرانا اليداد قوم حمد بن هناد هزاع: هيه اعرفهم شفيهم فطامي: هذي بنتهم هزاع : اهااااا زين والله وظهر عن فطامي وركب سيارته ( سيارته رنج ابيض ) وتم يفكر فخاطره يعرف منو هذي البنيه الي في المرينا وهو وين سامع صوت الريم من قبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الجزء (4) وفي الويك اند قوم حمد بن هناد ساروا بوظبي والمغرب في عبدالله(ابو خالد) كانوا كلهم يسولفون في الصاله وعقب اذن العشا وكلهم ساروا يصلون حتى هزاع كان وياهم ويوم ظهروا من المسيد بو خالد: مرحبا الساع ابو زايد: مرحب باجي شحالك يا بو خالد؟ ربك بخير؟ بو خالد: تسرك الحال والله وتمو يسولفون وهم يمشون اما هزاع كان منصدم هزاع فخاطره: هذا نفس الريال الي شفته مع البنيه ومرة اول ماراح ابو زايد بيتهم هزاع: ابويه منو هذا الريال؟ ابو خالد: افاا هذا يارنا حمد بن هناد ها كله من الحوامه ثرك تيلس عشان تتعرف على ييرانا اما هزاع هب مصدق : يعني هذيج البنيه بنت ييرانا يالله يالصدف وركب سيارته وسار صوب ربيعه سعيد( سعيد ربيع هزاع الروح بالروح) واليوم الثاني العصر اتصلت فطامي على الريم فطامي :ريماني فديتج طلبتج تعالي بيتنا محد هنيه مرة الريم: ليش وينهم؟ فطامي: اميه وعوشه ساروا صوب قوم عميه والاولاد تدرين بعد يهومون محد غيريه في البيت وملانه يلا تعالي اترياج الريم: من عيونيه الحين بييج فطامي : تسلمين وتسلمليه عيونج فديت عيونج انا الريم ظهرت من بيتهم وتوها داخله فلة قوم فطامي وشافت سيارة رنج ابيض كان هزاع توه ياي ناسي غرض بيشله وبيسير الريم : منو هذا توها فطامي تقول محد في البيت لا بعد رنج ابيض ياويل حاليه وهزاع كان توه بينزل من السيارة وشاف بنيه يايه اول ما شافها عرفها لو انها متغشيه واستانس من شافها الريم: السلام عليكم هزاع: وعليكم السلام والرحمه الريم: موجودة فطامي؟ هزاع: ما ادري اظن في البيت هي حياج الريم فخاطرها: ااااااااااااااه يا ويل حاليه كم بعيش عقب شوفته والله انه عذاااااااااااب اول مرة اشوف راعي رنج مزيوووووون ( الريم اول مرة تشوف هزاع لان قبل ما انتبهت على شكله) ودخلت الريم البيت وتمت في الصاله تتريا فطامي تنزل هزاع كان ساير فوق صوب حجرته وهو خاطف في الصاله هزاع: هلا الشيخه ما تذكرتيني وسار عنها الريم: ؟؟؟؟؟؟؟؟؟؟؟؟؟؟؟؟؟ شفيه هذا ؟؟؟؟؟؟؟؟؟؟؟؟ شو تذكرته من وين اعرفه؟؟؟؟؟؟؟؟؟؟ هزاع في حجرة فطامي: اييييييييه انتي ما تستحين اربيعتج تحت بسج من هذا الاحمر والاخضر الي حاطتنه فويهج فطامي: الحين نازله وانت شدراك ماتعرف سوالف البنات فطامي نزلت عند الريم وسلمت عليها الريم: منو هذا راعي الرنج الصرااااحه طررررررررررر فطامي: ايييييييه لا تتغزلين بخويه هذا هزاع اخويه اكبر مغازلجي في بوظبي ههههههههه فطامي: نجمة ..... نجووووووووم وصمخ ( الخدامه) وينها هذي بعد شعنه ما تييب العصير الريم: هب لازم انا هب ضيفه فطامي : انا بسير اييبه شو يعني الضيف هب احسن عنج الريم: فديت خشمج ياربيه وسارت فطامي المطبخ وبنفس الوقت هزاع بعد كان نازل من فوق وشاف الريم يالسه ارووحها : اااااااااااااه يا محلاج اسمييييج انج غرااااااام الريم من شافته اتغشت هزاع:شو بعدج ما ذكرتيني الريم:ليش اعرفك انا عسب اذكرك هزاع و هو يضحك:ترابعني الينيه عاد ههههههههههه الريم فجت عيونهاومتفشله:انت هو؟؟؟؟؟؟؟؟ هزاع:هيه شفتي الصدف…….وراح عنها ركب سيارته وظهر وتمت الريم هب مصدقة وفطامي ترمس والريم مرة هب وياها الريم فخاطرها : معقوله هذا الي دوم اشوفه في المرينا يطلع اخو فطامي صدق قفطه ومن الخاطر بعد معقوله انا ما انتبهت حق كل هالوسامه صدق انيه عميه وعقب سارت الريم بيتهم وهي بعدها تفكر بهزاع واليوم الثاني عند الغدا فبيت ابو خالد فطامي: ابويه ابا اطلب منك طلب ابو خالد: طلبي بنيتي فطامي : ابا موبايل ابو خالد: لالا هذوه تلفون البيت محد يصكه غيرج هزاع: تخسين تاخذين تلفون فطامي: انا ارمس ابويه … ابويه انزين ليش كل البنات الحين عندهن بو خالد: محد هنيه بنيه نعرفها عندها موبايل فطامي: عيل هذي الريم بنت حمد عندها بوخالد: يوم ان شاء الله بتخلصين ثانويه عامه مرة انا باخذلج وايدد تلفون بعد فطامي: فديتك والله ابويه وقامت وحبت راسه وعقب الغدا كل واحد سار حجرته فطامي سارت عند مانع فطامي: مانع شوتسوي؟ مانع: شو تشوفينيه اسوي يعني فطامي: انزين حط كرش ( كان مانع يلعب بليي ستيشن ) مانع: يلا قالت كرش ظهري وسكري الباب وراج فطامي ظهرت وسارت صوب حمدان فطامي: حمدان شو تسوي.؟ حمدان : شو تبين ما تشوفينيه ارمس ربعي ع الجات فطامي: والله ملانه ماعرف شسوي حمدان: وانا شولي فيج ظهري لا فارجي وخلينيه اكمل السوالف فطامي ظهرت وسكرت الباب بقوو وكانت معصبه وهزاع كان خاطف حذالها هزاع: اووووب اوووووب شفيج فطيم فطامي: فطيم فعينك والله شو فينيه غير هالبيت والي فيه زهقونيه هزاع: انزيييين والحين شو تبين فطامي: مابا شي بس ملانه وكل ما اسير عند حد من اخوانك يروغنيه من حجرته هزاع:انزين والي الحين بيلعب معاج بليي ستيشن فطامي: صدق هزاع والا تتمصخر هزاع: صدق شفيج فطامي: فديتك والله انت الوحيد الي حاس فينيه وراحت فطامي وهزاع يلعبون بليي ستيشن وهم يلعبون هزاع: فطامي اسالج صدق ربيعتج الريم عندها موبايل؟ فطامي: هيه صدق ليش؟ هزاع: ليش هي في الجامعه؟ فطامي : لا هي ع قدي بس عادي اهلها واثقين فيها ….. وانت شعنه تسال؟ هزاع: لا بس استغربت وتمو يلعبون هزاع: انزين فطامي هم من العين صح؟ فطامي: منو هم؟ هزاع: قوم حمد بن هناد فطامي: هيه شعندك اليوم وايد تتخبر عنهم هزاع: لا بس ما اشوف سيارته دوم الا في الويك اند فاستغربت فطامي: هيه هم طول الوقت في العين لان هناك يدرسون بس ايون هنيه في الويك اند واجازة الصيف والربيع هزاع: اهااا فطامي : تدري شو قالت الريم يوم شافتك هزاع: شو تقول فطامي: امممممممم اقول والا >>>>تغايضه هزاع: عاد يلا قولي شو قالت وياراسج >>>>>> تحرقص يبا يعرف فطامي : خيبه يعني وايد يهمك شو قالت عنك هزاع: هيه يهمني يلا رمسي وياراسج بشتريلج باسكن روبنز فطامي : خيبه لهادرجه مهم الي قالته انزين خلاص بقولك يوم شافتك قالت راعي الرنج طررررررررر هزاع: يا ويل حاليه فطامي: شعليك حتى ربيعاتيه ما سلمن منك والعصرام خالد وبو خالد في الصاله يتقهويون وتوه هزاع حادر من فوق وكاشخ ومتسبح بالعطر ويدق تلفون البيت ام خالد: فديتك هزاع شله لو ماعليك امر هزاع: فالج طيب عيوزيه كم ام خالد انا عنديه ماطلبتي وظهر في الكاشف رقم موبايل هزاع: الووو الريم: السلام عليكم هزاع: وعليييييييج السلام والرحمه مرحبااا ملاييييين ولا يسدن فذمتيه الريم: مرحب باجي ولا هان موجودة فطامي؟ هزاع: منو اقولها الريم؟ الريم: هيه ؟؟ ( استغربت كيف يعرفها) هزاع: اممم انزين انا هزاع اخو فطامي تذكرتيني الريم: انزين ممكن فطامي هزاع: اممممممم اوكيك الحين بزقرها لج فديتج زقر فطامي وسار صوب المرينا عند ربعه فطامي: مرحباااا الساااااااااااع يا ام خصر ذباااااااااح الريم: هههههههه مرحب باجي شو انتي كل ما ادق لج تتغزلين فينيه فطامي: ههههههه شسوي معجبه فديتج انزين شحالج؟ الريم: اشقح وتمن يسولفن ويقولن الاخبار اليوميه هههههههههههه ولا اخبار الامارات هههه والمغرب في بيت حمد بن هناد كلهم في الصاله يسولفون ويسمعون صوت الجرس الريم: انا ببطله حلفت محد ينش هههههه بو زايد: والله محد نش يلا سيري بطلي الباب وبطلت الريم الباب وكان ثاني ولد عمها يايب روضه عند سلامه الريم: مرحبا الساع ثاني: مرحباا ملايييييييين ولا يسدن فذمتيه وان سدن فلا باس الريم: لا ما سدن هههههه .... قربوا محد غريب قاني: قرييييييييب علنيه لا خليت منج ودخلوا وتموا يسولفون وطبعن ثاني ما يروم يرمس الريم لان امها وابوها يالسين وياهم واذن العشا الريم: انا بروح اصلي ثاني : يلسي بعده الا توه ماذن الريم: ونته شعنه ما تسير المسيد ( الريم فشلته لان هو اصلن ما يصلي ولا يهتم حق الصلاه) ثاني تفشل من رمسة الريم: روضه انا بسير وبرد اشلج اوكي روضه: اوكيك والساعه 10 يا ثاني عشان يشل روضه اخته روضه: ثاني انا ما بسير وياك ببات هنيه ثاني : لا والله يعني انا شعنه راد هنيه يوم انج ما بتردين الريم: شو يعني الحين بدق ع خالتيه شيخه بقولها ثاني : انزين لا تقولين خالتيه الريم: لا والله عيل شو اقول ثاني: قولي عمتيه لان قريب بتكون عمتج الريم طنشت رمسته واتصلت حق حرمت عمها ام سيف وطبعن ام سيف وافقت وفجاءة وصل مسج حق الريم وكان رقم غريب ( دخلوا دكاتره وسط قلبي يبغون يشوفونه لقوك بوسطه واشهقوا وقالوا يا حلى عيونه قلت لهم هذا حبيبي ارجوكم لا تقربونه قالوا هو سبب تعب قلبك ومسبب طعونه رديت وقلت ياهو حلاله واصلن انا كلي فدا لعيونه) ثاني: بلاج شو مكتوب في المسج الريم: مسج عادي لكن رقم غريب وبعد وصل مسج ثاني ونفس الرقم ( هالله هالله بعمرك وزينك وفالهوى لا تتعب شعورك دامك جامع هالغوى فعينك لا تصيبك عين حسادك ........ تبين تعرفين منو انا؟ الساعه 1 فليل بقولج) ثاني: ها شو نفس الرقم؟ الريم: هيه هاذي اكيد وحدة من ربيعاتيه ثاني : اذا تم يطرش لج وماعرفتي منو عطينيه الرقم انا بتصرف الريم: اوجيج وع الساعه 1 الريم ترقب راعي المسجين متحرقصه تبا تعرف منو لكن ما وصل ولا مسج وع الساعه 2 قالت خلاص انا بطرش بسال وطرشت ( لا تخلينيه اتحرقص يلا قولي وياراسج اعرف انج وحدة من ربيعاتيه تسوي سوالف) وعقب وصلها مسج من نفس الرقم(ههههههه والله انا هب وحدة من ربيعاتج) وتمت الريم تفكر منو هذاا معقوله سالم بس سالم ما عنده هالسوالف؟؟؟؟؟؟؟؟؟؟؟؟منو ياربيه اووووووووف منو يعرف رقميه؟؟؟؟؟؟؟ اممممم وتمت تفكر ما حست بعمرها الا وهي راقده |
الجزء (4) وفي الويك اند قوم حمد بن هناد ساروا بوظبي والمغرب في عبدالله(ابو خالد) كانوا كلهم يسولفون في الصاله وعقب اذن العشا وكلهم ساروا يصلون حتى هزاع كان وياهم ويوم ظهروا من المسيد بو خالد: مرحبا الساع ابو زايد: مرحب باجي شحالك يا بو خالد؟ ربك بخير؟ بو خالد: تسرك الحال والله وتمو يسولفون وهم يمشون اما هزاع كان منصدم هزاع فخاطره: هذا نفس الريال الي شفته مع البنيه ومرة اول ماراح ابو زايد بيتهم هزاع: ابويه منو هذا الريال؟ ابو خالد: افاا هذا يارنا حمد بن هناد ها كله من الحوامه ثرك تيلس عشان تتعرف على ييرانا اما هزاع هب مصدق : يعني هذيج البنيه بنت ييرانا يالله يالصدف وركب سيارته وسار صوب ربيعه سعيد( سعيد ربيع هزاع الروح بالروح) واليوم الثاني العصر اتصلت فطامي على الريم فطامي :ريماني فديتج طلبتج تعالي بيتنا محد هنيه مرة الريم: ليش وينهم؟ فطامي: اميه وعوشه ساروا صوب قوم عميه والاولاد تدرين بعد يهومون محد غيريه في البيت وملانه يلا تعالي اترياج الريم: من عيونيه الحين بييج فطامي : تسلمين وتسلمليه عيونج فديت عيونج انا الريم ظهرت من بيتهم وتوها داخله فلة قوم فطامي وشافت سيارة رنج ابيض كان هزاع توه ياي ناسي غرض بيشله وبيسير الريم : منو هذا توها فطامي تقول محد في البيت لا بعد رنج ابيض ياويل حاليه وهزاع كان توه بينزل من السيارة وشاف بنيه يايه اول ما شافها عرفها لو انها متغشيه واستانس من شافها الريم: السلام عليكم هزاع: وعليكم السلام والرحمه الريم: موجودة فطامي؟ هزاع: ما ادري اظن في البيت هي حياج الريم فخاطرها: ااااااااااااااه يا ويل حاليه كم بعيش عقب شوفته والله انه عذاااااااااااب اول مرة اشوف راعي رنج مزيوووووون ( الريم اول مرة تشوف هزاع لان قبل ما انتبهت على شكله) ودخلت الريم البيت وتمت في الصاله تتريا فطامي تنزل هزاع كان ساير فوق صوب حجرته وهو خاطف في الصاله هزاع: هلا الشيخه ما تذكرتيني وسار عنها الريم: ؟؟؟؟؟؟؟؟؟؟؟؟؟؟؟؟؟ شفيه هذا ؟؟؟؟؟؟؟؟؟؟؟؟ شو تذكرته من وين اعرفه؟؟؟؟؟؟؟؟؟؟ هزاع في حجرة فطامي: اييييييييه انتي ما تستحين اربيعتج تحت بسج من هذا الاحمر والاخضر الي حاطتنه فويهج فطامي: الحين نازله وانت شدراك ماتعرف سوالف البنات فطامي نزلت عند الريم وسلمت عليها الريم: منو هذا راعي الرنج الصرااااحه طررررررررررر فطامي: ايييييييه لا تتغزلين بخويه هذا هزاع اخويه اكبر مغازلجي في بوظبي ههههههههه فطامي: نجمة ..... نجووووووووم وصمخ ( الخدامه) وينها هذي بعد شعنه ما تييب العصير الريم: هب لازم انا هب ضيفه فطامي : انا بسير اييبه شو يعني الضيف هب احسن عنج الريم: فديت خشمج ياربيه وسارت فطامي المطبخ وبنفس الوقت هزاع بعد كان نازل من فوق وشاف الريم يالسه ارووحها : اااااااااااااه يا محلاج اسمييييج انج غرااااااام الريم من شافته اتغشت هزاع:شو بعدج ما ذكرتيني الريم:ليش اعرفك انا عسب اذكرك هزاع و هو يضحك:ترابعني الينيه عاد ههههههههههه الريم فجت عيونهاومتفشله:انت هو؟؟؟؟؟؟؟؟ هزاع:هيه شفتي الصدف…….وراح عنها ركب سيارته وظهر وتمت الريم هب مصدقة وفطامي ترمس والريم مرة هب وياها الريم فخاطرها : معقوله هذا الي دوم اشوفه في المرينا يطلع اخو فطامي صدق قفطه ومن الخاطر بعد معقوله انا ما انتبهت حق كل هالوسامه صدق انيه عميه وعقب سارت الريم بيتهم وهي بعدها تفكر بهزاع واليوم الثاني عند الغدا فبيت ابو خالد فطامي: ابويه ابا اطلب منك طلب ابو خالد: طلبي بنيتي فطامي : ابا موبايل ابو خالد: لالا هذوه تلفون البيت محد يصكه غيرج هزاع: تخسين تاخذين تلفون فطامي: انا ارمس ابويه … ابويه انزين ليش كل البنات الحين عندهن بو خالد: محد هنيه بنيه نعرفها عندها موبايل فطامي: عيل هذي الريم بنت حمد عندها بوخالد: يوم ان شاء الله بتخلصين ثانويه عامه مرة انا باخذلج وايدد تلفون بعد فطامي: فديتك والله ابويه وقامت وحبت راسه وعقب الغدا كل واحد سار حجرته فطامي سارت عند مانع فطامي: مانع شوتسوي؟ مانع: شو تشوفينيه اسوي يعني فطامي: انزين حط كرش ( كان مانع يلعب بليي ستيشن ) مانع: يلا قالت كرش ظهري وسكري الباب وراج فطامي ظهرت وسارت صوب حمدان فطامي: حمدان شو تسوي.؟ حمدان : شو تبين ما تشوفينيه ارمس ربعي ع الجات فطامي: والله ملانه ماعرف شسوي حمدان: وانا شولي فيج ظهري لا فارجي وخلينيه اكمل السوالف فطامي ظهرت وسكرت الباب بقوو وكانت معصبه وهزاع كان خاطف حذالها هزاع: اووووب اوووووب شفيج فطيم فطامي: فطيم فعينك والله شو فينيه غير هالبيت والي فيه زهقونيه هزاع: انزيييين والحين شو تبين فطامي: مابا شي بس ملانه وكل ما اسير عند حد من اخوانك يروغنيه من حجرته هزاع:انزين والي الحين بيلعب معاج بليي ستيشن فطامي: صدق هزاع والا تتمصخر هزاع: صدق شفيج فطامي: فديتك والله انت الوحيد الي حاس فينيه وراحت فطامي وهزاع يلعبون بليي ستيشن وهم يلعبون هزاع: فطامي اسالج صدق ربيعتج الريم عندها موبايل؟ فطامي: هيه صدق ليش؟ هزاع: ليش هي في الجامعه؟ فطامي : لا هي ع قدي بس عادي اهلها واثقين فيها ….. وانت شعنه تسال؟ هزاع: لا بس استغربت وتمو يلعبون هزاع: انزين فطامي هم من العين صح؟ فطامي: منو هم؟ هزاع: قوم حمد بن هناد فطامي: هيه شعندك اليوم وايد تتخبر عنهم هزاع: لا بس ما اشوف سيارته دوم الا في الويك اند فاستغربت فطامي: هيه هم طول الوقت في العين لان هناك يدرسون بس ايون هنيه في الويك اند واجازة الصيف والربيع هزاع: اهااا فطامي : تدري شو قالت الريم يوم شافتك هزاع: شو تقول فطامي: امممممممم اقول والا >>>>تغايضه هزاع: عاد يلا قولي شو قالت وياراسج >>>>>> تحرقص يبا يعرف فطامي : خيبه يعني وايد يهمك شو قالت عنك هزاع: هيه يهمني يلا رمسي وياراسج بشتريلج باسكن روبنز فطامي : خيبه لهادرجه مهم الي قالته انزين خلاص بقولك يوم شافتك قالت راعي الرنج طررررررررر هزاع: يا ويل حاليه فطامي: شعليك حتى ربيعاتيه ما سلمن منك والعصرام خالد وبو خالد في الصاله يتقهويون وتوه هزاع حادر من فوق وكاشخ ومتسبح بالعطر ويدق تلفون البيت ام خالد: فديتك هزاع شله لو ماعليك امر هزاع: فالج طيب عيوزيه كم ام خالد انا عنديه ماطلبتي وظهر في الكاشف رقم موبايل هزاع: الووو الريم: السلام عليكم هزاع: وعليييييييج السلام والرحمه مرحبااا ملاييييين ولا يسدن فذمتيه الريم: مرحب باجي ولا هان موجودة فطامي؟ هزاع: منو اقولها الريم؟ الريم: هيه ؟؟ ( استغربت كيف يعرفها) هزاع: اممم انزين انا هزاع اخو فطامي تذكرتيني الريم: انزين ممكن فطامي هزاع: اممممممم اوكيك الحين بزقرها لج فديتج زقر فطامي وسار صوب المرينا عند ربعه فطامي: مرحباااا الساااااااااااع يا ام خصر ذباااااااااح الريم: هههههههه مرحب باجي شو انتي كل ما ادق لج تتغزلين فينيه فطامي: ههههههه شسوي معجبه فديتج انزين شحالج؟ الريم: اشقح وتمن يسولفن ويقولن الاخبار اليوميه هههههههههههه ولا اخبار الامارات هههه والمغرب في بيت حمد بن هناد كلهم في الصاله يسولفون ويسمعون صوت الجرس الريم: انا ببطله حلفت محد ينش هههههه بو زايد: والله محد نش يلا سيري بطلي الباب وبطلت الريم الباب وكان ثاني ولد عمها يايب روضه عند سلامه الريم: مرحبا الساع ثاني: مرحباا ملايييييييين ولا يسدن فذمتيه وان سدن فلا باس الريم: لا ما سدن هههههه .... قربوا محد غريب قاني: قرييييييييب علنيه لا خليت منج ودخلوا وتموا يسولفون وطبعن ثاني ما يروم يرمس الريم لان امها وابوها يالسين وياهم واذن العشا الريم: انا بروح اصلي ثاني : يلسي بعده الا توه ماذن الريم: ونته شعنه ما تسير المسيد ( الريم فشلته لان هو اصلن ما يصلي ولا يهتم حق الصلاه) ثاني تفشل من رمسة الريم: روضه انا بسير وبرد اشلج اوكي روضه: اوكيك والساعه 10 يا ثاني عشان يشل روضه اخته روضه: ثاني انا ما بسير وياك ببات هنيه ثاني : لا والله يعني انا شعنه راد هنيه يوم انج ما بتردين الريم: شو يعني الحين بدق ع خالتيه شيخه بقولها ثاني : انزين لا تقولين خالتيه الريم: لا والله عيل شو اقول ثاني: قولي عمتيه لان قريب بتكون عمتج الريم طنشت رمسته واتصلت حق حرمت عمها ام سيف وطبعن ام سيف وافقت وفجاءة وصل مسج حق الريم وكان رقم غريب ( دخلوا دكاتره وسط قلبي يبغون يشوفونه لقوك بوسطه واشهقوا وقالوا يا حلى عيونه قلت لهم هذا حبيبي ارجوكم لا تقربونه قالوا هو سبب تعب قلبك ومسبب طعونه رديت وقلت ياهو حلاله واصلن انا كلي فدا لعيونه) ثاني: بلاج شو مكتوب في المسج الريم: مسج عادي لكن رقم غريب وبعد وصل مسج ثاني ونفس الرقم ( هالله هالله بعمرك وزينك وفالهوى لا تتعب شعورك دامك جامع هالغوى فعينك لا تصيبك عين حسادك ........ تبين تعرفين منو انا؟ الساعه 1 فليل بقولج) ثاني: ها شو نفس الرقم؟ الريم: هيه هاذي اكيد وحدة من ربيعاتيه ثاني : اذا تم يطرش لج وماعرفتي منو عطينيه الرقم انا بتصرف الريم: اوجيج وع الساعه 1 الريم ترقب راعي المسجين متحرقصه تبا تعرف منو لكن ما وصل ولا مسج وع الساعه 2 قالت خلاص انا بطرش بسال وطرشت ( لا تخلينيه اتحرقص يلا قولي وياراسج اعرف انج وحدة من ربيعاتيه تسوي سوالف) وعقب وصلها مسج من نفس الرقم(ههههههه والله انا هب وحدة من ربيعاتج) وتمت الريم تفكر منو هذاا معقوله سالم بس سالم ما عنده هالسوالف؟؟؟؟؟؟؟؟؟؟؟؟منو ياربيه اووووووووف منو يعرف رقميه؟؟؟؟؟؟؟ اممممم وتمت تفكر ما حست بعمرها الا وهي راقده |
الجزء (5) ورجعوا العين ومرن ايام وراعي المسجات مارد ولاطرش الريم قالت هذا شكله مغلط وفي بيت عبد الله(ابو خالد) هزاع: اميه حشى بعدكم ما خلصتوا انقفضوا يلا المغرب بيي وانتوا بعدكم ام خالد: عوشه وينه الدخون خلي نجمه تيبه دهديه؟ عوشه: عموه انا بييبه هزاع: يلا خلصونا...... حشى الله لا يبلانا بالحرمات وراح صوب فطامي وانتي بعدج ما خلصتي بسم الله الرحمن الرحيم شو غاديه ساحرة صدقينيه بيتروعون الي في العرس فطامي: انت شدراك بنشوف يوم بتعرس شو بتقول حق حرمتك هزاع: لا فديتج انا باخذ وحدة حلوة بدون مكياج فطامي: لا والله فديتنيه حتى انا حلوة بس المكياج شي ضروري يعني هذا يدل ع الانوثه هزاع: يلا يلا انزين قالت شي ضروري الي يسمعج يقول مىء(ماي) ما ترومين تعيشين بدونه وبعد سار عند امه ام خالد: عوشه فديتج دخنيني لو ماعليج عباله عوشه: ان شاء الله عموه وهزاع: عنبوا هب دخون هذا كلنا دخنا وانتن بعدكن ام خالد: انت ظك ظك مناك خلنيه اظهر المعمول وعقب اخيرن ظهروا ساروا العرس وهذا عرس ولد خالهم الي في العين وحتى كان بو زايد وام زايد معزومين ع العرس وساروا بعد عند الرياييل كان ربشة من الخاطر تموا يوولون وهزاع ويا ابو زايد تموا يبسون ويولون مع بعض والمصور كان كله يصورهم وعقب خلص العرس وردوا قوم هزاع بوظبي وعقب كم يوم قوم حمد بن هناد ساروا بوظبي فطامي اتصلت حق الريم فطامي: ريماني تعالي بيتنا يلا عندنا قوم خاليه الي من العين ويايبين شريط الفيديو الي مال اليواله تعالي جان تبين تشوفين المزاييين الريم: منو ما يبا يطالع مزايييين مرة الحين يايه صوبكم الريم وسلامه ساروا بيت قوم فطامي وسلمو وتمو يسولفون علاية : فطامي وين هزاع ما شفته؟ (علايه بنت خالهم وتموت بهزاع عمرها 19 بس هزاع عادي عنده ) ودخل هزاع فطامي: والله انك ولد حلال تونا نطريك هزاع: بالخير والا بالشر فطامي: اكييييد بالخير حد يروم يرمس عنك بالشر ماعاش وانا فطامي هزاع: فديييييت الي يحبونيه اناا ( كان يطالع الريم وهو يقول هالرمسه) وراح هزاع فوق ويوم حطوا شريط الفيديوا كلهن اخترشن من الخاطر فطامي: ياويل حاليه على ابوج الريم صدق انه غرااااااام عادي ياخذنيه هههه الريم: يلا خلي عنج تراه ابويه يا مسودة الويه علايه: ااااااااااااه ياويل حاليه ع يوالته اسميها كسر تيم فطامي: منو ابو الريم هههههههههه علايه: لالالا هزاع فطامي: هيه حشمي انزين هههههههههههه ترا انا اخته هههههههه وكان هزاع حادر من فوق وشاف الريم بلا غشوة وتضحك هزاع فخاطره : ياويل حاليه ع غمازاتج وضحكتج ..... الريم يوم شافته حادر تغشت فطامي: ما اروم ع يوالتك اسميها كسر تيم علايه: مررررة يوالتك ماعليها رمسه شرات راعيها ...... طبعن هزاع ما حفل رمستها وعقب ظهر هزاع والريم وسلامه بعد ساروا بيتهم والفليل وصل مسج حق الريم نفس الرقم الي كان قبل يطرشلها (فدييييييت ضحكتج وغمازتج ياربي .. شرايج بيوالتي فديتج؟ ) الريم فجت عيونها : منو هذا شدراه انه فينيه غمازات وين شافنيه واي يواله معقوله هزاع انا واثقه انه هوو محد غيره بعد وصل مسج ثاني( شو بعدج ما عرفتينيه انا وايد قريب منكم) الريم طرشت( هزاع اخو فطامي صح) هزاع طرش( هيه فديتج اخيرن عرفتينيه) الريم تمت متصنمه : هذا شعنه يطرشليه مسجات شو يبا منيه ومرن ايام وفي المرينامول كانت شلة قوم هزاع متيمعين في ستار بوكس محمد ( واحد من الشله) : اقووول من زمان ما شفنا البنيه الي اونه هزاع بيطيحها ولا سوى شي هزاع : شو اسوي يعني محمد: تتخبرنيه انا انت عندك الخبرة وتعرف هالسوالف اكثر عنيه هزاع: منو قالك انيه ما سويت شي محمد: صدق يحيك يوم بتضوي راسها لا تنسانا عاد هزاع : تحلم هذي عاد مستحيل اعرفك عليها محمد : بعدين بعدين يوم بتعافها لنا رمسه خلاف هزاع: لا خلاف ولا الحين محمد : يصير خير لين ما تضوي راسها الشيخ وظهروا هزاع وسعيد من المرينا وفي الدرب سعيد نزل محل اشرطه وخذ له سي دي ميحد حمد اليديد سعيد: اسمع اسمع مرررررة مافيك حيله يا ميحد (لا تعذر حبيبي ولا اباك تحلف يا مليكن ملكني في حروف اربعه .......) هزاااااع: اووووووب مررررررة ع العوووووق يا ميحد سعيد: اسميك الا متصوب يا هزاع هزاع : شو متصوب تخسي ما عاشت الي تصوبنيه انا اصلن ماباخذ الا وحدة اميه تنقيها لي سعيد: لا والله هزاع: انا بقولك انا يمكن معجب بالبنيه هب انيه احبهاا ......وتم هزاع يخبر سعيد عن البنيه وانها هذي الي كانوا يشوفونها في المرينا بنت ييرانهم سعيد: انزين هزاع كيف هي اسلوبها فياك؟ هزاع: ماعرف بعدها ما بينت لي شي سعيد: ونت شو تباها يوم انك ما تحبها هزاع: انا اباها فخاطريه هي سعيد: هي بنت ييرانكو لا تضرها هزاع: منو يقول انيه بضرها بشي بس انا معجب فيها سعيد كان حاس انه هزاع يحبها بس يكابر ولا يبا حد يعرف انه متصوب وقربت المدرسة وردوا قوم حمد بن هناد العين مابقى شي والريم وفطامي وحموده هالسنه عاد ثانويه عامه يعني لازم يشدن حيلهن ( في بيت بو خالد) هزاع: ويييينك يا منير( الدريول) الله بليتنا بالحرمات ام خالد: شعنه تهذرب ظك هنه خلنيه البس البرقع هزاع: يالله يالعيايز اسميكن صدعه انتن وبراقعكن ام خالد: عيز حيلك قول امييين .. يا مسود الويه شفيهن البراقع ستر هزاع: هههههههههه والله امووووت ع العيايز يوم يحرجن ابا اخذ وحده عيوز شراتج رياضيه هههههه اقصد شبابيه ههههههههههههه ام خالد: الله يبلييييييييك بحرمتن عوفه يا مسود الويه وظهر عنها هزاع وهو ميت على امه ضحك وراح صوب سيارته يترياهم ييون هزاع : ااه الحين بسير العين عند القلب كم بصبر بدون شوف عيونها وعقب كلهم يو ا وركبوا السياره وفي الدرب طبعن حاطين السي دي مال ميحد حمد فطامي: الله اسميها هذي الاغنيه طررر ( يا حبيبي حبك فدمي ووسط قلبي والشراييني يوم اشوفك ينجلي همي وعن عنا الدنيا ينسيني ........) هزاع: اااااااااه يا ميحد صبت العوووق فطامي: ها هزاع منو الي ضوت راسك من غراشيب بوظبي والا هزاع : انتي سكتي وسمعي وسكري حلجج لو اقدر اقولج فارجي جان قلت بس الحين نحن في السياره فطامي: اووووووب كل هذا بس عشان قلت لك متصوب وعقب وصلوا فلة قوم حمد بن هناد الريم تطالع من الدريشه الي في الصاله: ياويل حاليه ع الرنج الابيض وراعيه سلامه: ايييييييه انتي عن الخبال ما تستحيين الريم: ونتي من وين ظهرتي بسم الله ودخلو الحريم الميلس والرياييل ميلس الرياييل الريم وفطامي تمن يسولفن وعقب قالت الريم:شو رايج فطامي عقب صلاة المغرب نروح العين مول والا كارفور فطامي:هيه العين مول ابا بس خلينا نشاور اهلنا وراحوا الريم وفطامي كل وحده عند امها وتاخذ بشورها ام خالد:ومن بيسير معاكن عني انا هب سايره ام زيايد:وانا بعد هب سايره ومحد عود اهني وبو زايد الحين بيظهر عنده شغل فطامي:انزين بنخلي هزاع يروح ويانا الريم:لالا شو هزاع ما يقرب لي عسب اركب وياه ام خالد:ويديه بنيتيه هو مابياكلج ولا بيعظج وحطي وقايتج على ويهج الريم اتقفطت من رمست ام خالد:مادري شو رايج اميه ام زايد: عادي جان بتسيرين واخذن حق المدرسه مرة وحدة وفكينيه عن الصدعه فطامي: اميه دقي حق هزاع انا ادري لو رمسته ما بيطيع بس من ترمسينه انتي اكيد بيطيع ام خالد دقت ع هزاع: ها ولديه شو بتودي اختك والريم بنت حمد العين مول اونهن يبن يتشرن حق المدرسه ومحد عندهن عود يسير وياهن مع الدريول هزاع من سمع اسم الريم تشقق من الوناسه : اكيييييييييد اميه اقدر اوديهن ما طلبتي خذي عيونيه جانج تبينهن ام خالد: فدييييييت رووووووحك علنيه ما ذوق حزنك هزاع: ولا حزنج الغاليه وعقب المغرب راحت الريم تلبس عباتها لان فطامي اوريدي لابسه عباتها الريم: منو قديه الحين بركب رنج ابيض بعد فطامي: الي يشوفج يقول عمرج ما ركبتي رنج فديييت سيارة ابوج اسميها طرررررر من تخطف عندنا اتخبل الريم: خلاص عيل مرة ثانيه بنركب ويا ابويه في سيارته ويسمعن هرانه خاري ونشن وراحت عوشه وسلامه وياهم وركبوا السيارة الريم فخاطرها: ااااااااااااه ياويل قلبيه اسميه انه غراااااااام .... ايه الريم شو تقولين انتي عيب عليج ..... بس والله عذاااب هزاع: سمعوا هالمقطع وربيه طررررر فطامي: اصلن كل اغاني ميحد طررر هزاع: هذا غير اهدااء فطامي : منو هداك هاا علينا من ورانا يلا قول هزاع: سكتي وسمعي ولمي ثمج ......وطول ع الاغنيه ( ياليتك تكون واحد من بني عمي واكون انا الاولي بالحق المطالب) ووصلوا العين مول ولفنه كله محل محل ماخلن شي ما خذنه هههههه فطامي: هزاع فدييييييتك طلبتك هزاع: ها شوتبين خلصتن العين مول فطامي: ابا باسكن روبنز لو ماعليك امررررر فديتك اخويه هزاع: انزيييييين ما يحتاي تقردنين شو كلكم تبون ؟ ( كان فخاطره الريم ترمس) عوشة : انا عادي ابا ما يرد الكريم الا الئيم فطامي: الريم وسلامه ها ما تبن الريم: كيفكم عادي عنديه سلامه : انا عادي بعد هزاع: خلاص اوكي كلكم تبون جوكليت الريم: لا انا ابا فانيليا هزاع استانس من الخاطر: فالج طيب ما طلبتي يعني شراتيه تحبين الفانيليا الريم: فالك ما يخيب وتسلم وراح هزاع وخذلهم كلهم وساروا صوب البيت والساعه 8 قوم هزاع ساروا بوظبي وكان حده مستانس لان شاف الريم والفليل اسلاعه 1 طرش هزاع حق الريم مسج( فديتج والله انج غرام فهمتي الاهداء ؟) الريم ما ردت عليه وبعد رد طرش ( شو ما عندج رصيد لو ما عندج بعطيج بس اهم شي تردين عليه) الريم عصبت من الخاطر ع المسج هذا وطرشت له(الشيخ شو شايفنيه وحدة من خايساتك عشان تعطينيه رصيد هب انا الي ما عنديه رصيد وعندنا وعندكم خير والسموحة منك الشيخ) هزاع يوم قراه استانس من الخاطر وعيبته رمستها هزاع: فديتج ياربيه .... شفينيه انا عمري ما اهتميت حق بنيه جذي شمعنا هذي يمكن لانها الوحيده الي ما عطتنيه ويه .... هب يمكن الا اكيد وطرش لها( لو ادري بتردين على هذا المسج جان من زمان طرشته هب اليوم والسموحة منج فديت خشمج ع ذيج الرمسه يعلها ايديه القص قبل لا اطرشه لج) طرشتله(مسموح ولاتم تدعي على عمرك فكر بناسن لك تهتم قبل كل شي) وطرش( فديتج ياربيه بسالج سؤال شو رايج فينيه؟ عيبتج والا؟) طرشتله( انا ماعرفك عشان اقول رايي فيك وثاني سؤال ما بجاوب عليه والسموحة منك ابا ارقد باي) الريم فخاطرها: انا ليش كنت ارد عليه شفينيه اوف الحين بيقول عنيه بياخذ فكره هب زينه اكيد وانا ليش ما قلتله انت هب عايبنيه .......... الصراحه هوو عايبنيه وايد كله ع بعضه غرااااااااااام اسلوبه شكله وكل شي وبدن المدارس وقرب عيد ميلاد الريم وهالمرة ناويه تسوي حفله حق عيد ميلادها في بيت عبدالله(بوخالد) فطامي :اميه ابا اروح السووووق اخذ هديه حق الريم لان عيدميلادها قرب ام خالد: انزين خلي حد من خوانج يوديج فطامي: خلاص عيل بخلي منير يودينا (الدريول) ويا مانع مانع: روووحي انتي ما عندج مونه غير طرووق السوق انا عنديه دراسه وما ابا اخرب دراستيه عشانج فطامي: امممممم هيه صح نسيت انك دحيح حشى روف بحال هالكتب اسميهن تقطعن من كثر ما تفتح واحد وتسكر الثاني بيشتكن عليك يوم القيامه مانع: سكتي لا اصفعج الحين اونها تطنز بعد شو هب عايبنج يعني فطامي: اوووف هب فاضتلك يوم انك ما بتسير ويايه... فدييييييييييييت حمدان علنيه افداه محد يسواه اصلن هو شيخك حمدان: من الحين اقولج سيرة السوق ماشي يعني لا تحاولين تقردنينيه فطامي: حشى ما واحاليه وربيه انه شيخكم وشيخ البيت هزاع محد غيره علينه لا خليت منه ومن اسلوبه الراقي في التعامل ويا اخته الحبوبه فطامي فديتها هزاع: هههههههههههههههه كل هذا حقي ادري بس يلا انا ظاهر فطامي: فديتك هزاع طلبتك ترد خويتك فطامي الحلوة هزاع: ههههههههههههههه وايد مصدقه عمرج امحق حلاه انزين بوسي راسيه جانج تبين تروحين والا اقولج بوسي ايديه عادي فطامي: حشى ما ترزا عليه سيرت هالسوق اسمنيه انذليت وانا بنت عبود ام خالد: ويــــــــــديـــــــه ما تستحين تقولين عن ابوج عبود مرة فصختي الحيا هزاع: هههههههههههههههههه دواج حد قالج بسرعه انا الحين راكب السيارة جان تبين تين يا مرحبابج عندج 5 دقايق بس انقفضي ولا تحطين من هالالوان وفطامي حليلها بسرعه ربعت تيب عباتها وشيلتها شو تسوي ........ الحايه وما تسوي صدق انها تذل وعقب راحت ويا اخوها هزاع وتمت تتشرا وكانن الاغراض كلهن تقريبن لونهن عيناوي ووردي وحتى البوكس وشكله وايد حلو ومرتب هزاع: انزين اسالج فطامي شمعنه هالالوان؟ فطامي: لان الريم تحب الوردي وعيناوي لانها تشجع نادي العين هزاع: روووح عيناويه وليش ما ظهرتي عليها فطامي:انا وحداويه وافتخر وارفع راسي فوووق هزاع: بس اقول عن تنكسر رقبتج مالت فديت العيناوييييين كلهم مزاييييين فطامي: منو المزيون عاد ؟ هزاع: احم احم وليش انا هب عايبنج غرشوووب بوظبي والكل يشهد لي فطامي: اوف والحين شو الله يفكنيه من خقتك (في بيت بوخالد عندهم حزبين ما شاء الله وتعالوا عاد يوم امباريات العين والوحدة ينجلب البيت فوق تحت والصدعه والضرابه جنه مصراعه هب الا مباراه بقولكم هزاع وحمدان وبوخالد عيناويين اما فطامي ومانع وحتى ام خالد وياهم وحداويه وخالد ما يخصه بس هو شغلته يوم المبارايات يفجج من بينهم ههههه اما بيت قوم حمد بن هناد اكييييييييييييييد كلهم عيناويييين) وعند الغدا فبيت بو خالد انسب وقت حق الطلبات لان كل العايله متيمعه ههههه فطامي: منو هذا الحلووووو الغاوي المزيوووووووون الي بيودينيه العين ام خالد: وشعنه بعد؟ فطامي: قلتلج اميه عيد ميلاد الريم وهي ناويه تسوي حفله وكل ربيعاتيها بيون فضيحه ما سير احتفل وياهم خالد ومانع وحمدان كلهم نشواااااا الا هزاع وبو خالد عوووشه: ههههههههههه حشى لو بعدها قايله ودونيه القمر ابو خالد: ها فطامي محد عندج الحيييين غير هزاع يلا اشتغلي تقردين هزاع: فالج طيب فطامي من عيونيه اصلن بنسير نخمس في البدع نحن والربع بس يوم بتسيرين ويايه خلاص بسير بسيارتيه فطامي: ليش كنت بتسير بأي سيارة ؟ هزاع: كنت ناوي اسير ويا سعيد بالفتك الله عاد صدق مرررررة كسرتيم الفتك فطامي: منو سعيد بعد عنده فتك ياويل حاليه انا هزاع: سكتي الحين لا ييج كف ع ويهج وايد تتنشدين فطامي: فديييييييييت اخوووووووويه كله ولا تعصب عليه عاد انا ما صدقت حد يعطينيه ويه وبيشلنيه العين والعصر راحوااا العين وطبعن هزاع وصل فطامي وحط سيارته في فله قوم حمد وسار مع سعيد ربيعه بالفتك والمهم كانت الحفله رقيييص من الخاطر وايد حلوة وربشه وع الساعه 8 يا هزاع وشل فطامي وسار صوب بوظبي وع الساعه 1 فليل هزاع طرش حق الريم مسج ( فديييتج طلبتج ولا تردينيه الحين بتصل عليج واباج تشلينه ولا ترمسين هب لازم بس بسمعج شي وسكري عقب مرة) واتصل هزاع ع الريم هي اول شي احتارت تشله والا لا بس بعدين شلته هزاع: مرحباااااااااااااا ملاييييييييين فذمتيه ولا يسدن الريم ما رمست لان هو قالها لا ترمسين هزاع: يعني انا ارمس السماعه الريم: مرحب باجي ولا هان هزاع: شحالج فديتج؟ الريم: بخير وسهاله هزاع : لا حووووووول انزين خلاص انا بسال عن احواليه .. شحالك هزاع ربك بخير الحمدالله انا بخير لو عرب يرمسون بس الريم هنيه ضحكت لان اسلوبه كان يضحك وهو يقول جذيه هزاع: علنيه فدا هالضحكة يعلها مدييييييمه امممممممم انزين يلا بسمعج تبين تسمعين والا؟ الريم: هيه يلا هزاع : انزين تعرفين منو بيشلها لج الريم: منو ؟؟؟؟؟ هزاع : احم احم انا يمدحونه صوتيه انتي عقب قولي رايج في صوتي ولوما عيبج فذمتيه ماشل عقب وتم هزاع يشل لو تنهدا الدنيا والاروااااااح في عيد ميلادك هديتــــــك ولو تنعطا البهجه والافراح خذت الحزن عنك وعطيتك دامك معي يا نور الاصباح في من تقوله ما عصيــتك امر تدلل قول يا صــــــــاح القى السعاده لي لقيتــك برق الهنا والخير لي لاااح من يوم يا عمري هويــتــك الشوق يالمعشوق ذبــــاح لو ما ذبحني ما شريتــــك ينبك اعيش العمر مرتـاح بعدك يموتني فديـــــــــتك هزاع:ها شو رايج بصوتي حلو شرات ما يقولون الريم ساكته وفخاطرها تقول:فديتك ياربي والله احبك انت تعذب حرام عليك هذا كان ناقصني تسمعني صوتك وانت تشل عشان اتعذب اكثر هزاع:ها شكله الا ما عيبج لو ما عيبجة ببيعه وباخذ غيره بس عشانج الريم:لا واايد حلوو هزاع:قولي ماشاالله الريم ضحكت:ما شاء الله هزاع:لو انحسد من عيونج بكون محظوظ وكلهم عقب بيحسدوني انج حسدتيني الريم استحت وكانت محتاره تسكر عنه والا لا هي تبا تسكر بس سوالفه حلوه ما تقدر الريم: هزاع هزاع: ااااااااه ياويل حاليه يا محلى اسميه ونتي تنطقينه اول مرة اعرف ان اسميه حلو جذيه امري غناتيه الريم: مايامر عليك ظالم اقولك الحين بسكر بروح ارقد هزاع: ع الكرى يا سيدي بدري وتونا في نشوة السهـرة يا عقيـــــد الريم يالخبري يا مضوي كوكـــب الزهرة حبكم في مهجتي يسري لين شيد في الحشا قصره لا تبيع ولا بعد تســـــري تختفي وتزورني فتــــــره يوم سالب وصلنا يطري وفي خفوقي تنزف العبره من غلاكم ملتزم صبري وعن هواكم ماليه قدره روف بي يا مالكن امري لا تزود حسرتي حسره الريم هنيه خلاص ذاااااااااااااااااااااااابت ماعررررررفت مرررررة شو تقول هزاع: الريم الريم: هلا هزاع: انا ذايب فحبج وهايمبج هياما الريم استحت من الخاطر ماعرف شو ترد عليه هزاع: فديتج وفديت مستحاج ياربي الريم: اسمحليه بسكر هزاع : انزين انا ملان رمسي ويايه الريم: ملان هب عنديه ترمس روح عند ... هزاع قطع رمستها: فهمتج ادري اني وايد اغازل بس انا ما يخصنيه هن يبن يرمسنيه انا عادي عندي تتخيلين هن اين يطلبن منيه الرقم هب انا الريم: تدري انك خقاق وايد ومصدق عمرك هزاع: انزين هب من حقي اكون خقاق من حقي ......وحتى انتي خقاقه بس بعد من حقج فديتج الريم: لا والله تبا الصدق احس انيه غبيه ارمسك وعطيتك ويه وانا غلطانه انيه رديت عليك والسموحة منك باي هو تم يدق بس هي ماترد عليه طبته وعقب طرشلها ( شو انتي ناويه تعذبيني ااااااااه منج حرام عليك روف بحال خلانك) واليوم الي عقبه بعد طرشلها ( من تحسب نفسك؟ حبيبي ؟ عيوني؟ لا يا مسكين انت دنيتي كلها) بس الريم ماردت عليه ومرن ايام وهو دووم يطرش لها وهي ماترد مرة عليه بس كان كل فكرها وعقلها وياه وتقرا مسجاته اكثر عن عشر مرات في اليوم وفي اجازة الخميس واليمعه اكيد قوم حمد في بوظبي ووصل حق الريم مسج من عند هزاع( انت بقلبي غالي ما ترخص ولا تهون وانا في قلبك وش حالي غالي عليك والا اهون اكيييييييييد اهون) الريم وايد اضاايجت من المسج بس ما حبت ترد ع مسجه لانها خافت ان يتحسبها وحدة من الي يرمسهن وتبا تفهمه ان هب كل البنات يحبنه ويبغنه عشان ما يصدق عمره وعقب الساعه 9 الفليل اتصلت الريم ع فطامي الريم: السلام عليكم هزاع: وعليكم السلام والرحمه الريم عرفت انه هزاع : موجوده فطامي هزاع: حتى صوتي ما عرفتيه ......اوكي الحين بزقرها الريم كانت تبغي تقوله انها عرفته بس هو ما عطاها فرصه وايد اضايجت من عمرها ومنه وهي ماتعرف شو شعورها بالضبط اتجاه هزاع بس الي تعرفه انها تشتاق حق مسجاته وفكرها دوم وياه فطامي رمست الريم وقالتلها تعالي بيتنا وراحت الريم صوب فطامي وكانت سيارة هزاع موجودة الريم ماعرفت تهبط والا لا بس اخر شي هبطت وكانت في الصاله عوشه وام خالد وفطامي وتمن يسولفن وهزاع كان حادر من فوق هزاع : احم احم الريم تغشت طبعن وهزاع سلم وعلى طول ظهر حتى ماطالع الريم وهي مرررة منقهرة ما تعرف ليش تغير عليها وما يعطيها ويه شرات قبل وردت عقب بيتهم (وفي العين) ومر شهر وماوصلها من هزاع ولا مسج واحد ولا حتى شافته وهي خلاص ميته على عمرها ووايد مضايجه (اما في بوظبي) وهزاع مع ربعه في المرينا طبعن........ ودق تلفون هزاع ونش عن ربعه وراح بعيد عنهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ |
الجزء (6) وهزاع مع ربعه في المرينا طبعن........ ودق تلفون هزاع ونش عن ربعه وراح بعيد عنهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ .................................................. ........................................... وهزاع استغرب من الرقم و شله هزاع:الوووووووو ......:الوووووووومرحبا الساع هزاع:مرحب باجي ......:شو ماعرفتني؟ هزاع:لا منو الشيخه؟ ......:افااا انا بنت خالك هزاع:أي وحده فيهن ويدات بنات خالي ما شاء الله (هذي كانت علايه بنت خاله الي اتحبه ) علايه:انا علايه هزاع:هيه انزين امري علايه شي فخاطرج علايه:ليش انت مشغول؟ هزاع:هيه والله عند الربع بس يلا قولي اللي عندج علايه:ليش جي ترمسني هزاع؟ هزاع:يعني كيف ارمسج عادي شرات ما ارمس فطامي علايه:حرااام عليك شو فطامي هزاع:عيل كيف ارمسج شرات منو؟ علايه:انت شو جنسك انا احبك واموووت فيك بس ليش انت ما تحس فيني هزاع:حبتج العافيه انزين انا بعد احبج شرات ختيه فطامي علايه:انت ما تحس اقولك احبك و تقولي احبج شرات اختي هزاع:انزين شي ثاني تبين والا اسكر علايه:لهدرجه مليت مني ؟ هزاع:ترا قلنالج عند الربع ومشغوول علايه:يعني ربعك اهم عني ؟ هزاع: انزين تراج طفرتيبي يلا يلا بااي وسكر هزاع وعلايه خلاص بتموت من القهر (الله يعينها عاد يوم بغت تحب ما حبت الا هزاع <<<<<<<الخقاق اللي الخقه ما يت الا من عقبه) وهو ساير صوب ربعه دق تيلفونه V V V V V V V منو تتوقعــــــــوون ؟؟؟؟؟؟؟؟؟ هزاع استانس وفخاطره:انا احلم والا شو معقووله هذي الريم لا وبعد هب مطرشه مسج داقه و على طول شله هزاع: الووووووووو ....... لكن الريم كانت حاطه اغنيه حربي وهزاع تم يسمعها تحيه طيبه وبعد التحيــــــــه احيي قلبك القاطع وصاله مضت ايام بك وامضت عليه سهر ودموع وهموم وعباله خذاك الوقت او قصدك اذيــه او انت ابره لحالن ما تطاله هذاني لك وله نفسـن شجيه حنان وشوق ودروب ورساله اسال الناس عنك وانت فيــه واهــــــاذيبك تلا يالليل داله ذبحت القلب والطرف وصبيه وزولك ذابح الفكروخيــــــاله الاوينك تعال وحس بيــــــه اعاني من غيابك واحتماله بغيت اعرف حياتك كيف هيه عساك بخير واطياب وسهاله وعلى طول سكرت الريم هزاع راح ستار بوكس شوي وبيطير من الفرحه وهو رايح طرشلها(الحمدالله انا بخير وسهاله دام بس شفت رقمج فديتج مشكووره ع هذا الاهداء ما تدرين كيف استانست) سعيد:ها هزاع شعندك كنت مضايق والحين بطير من الفرحه منو الي اتصل؟ محمد: يلا قول باجي الربع:يا ريال لا يكون؟ هزاع:لا شو لا يكوون انا ما احب وما اتصوب محمد:ها شوصار على ذيج الغاويه ترا بعدنا على المراهنه هزاع:اكيـــــــــــــد على المراهنه وبتشوف سعيد هني انصدم وعند الباركنات سعيد وهزاع ظاهرين مع بعض وكل واحد بيركب سيارته سعيد:هزاع من صدقك بعدك على المراهنه هذي بنت ييرانكوو هزاع:اصلن انا طيحتها وصوبتها........ وخبره انها شو سوت اليوم سعيد:انزين انت ما تحبها هزاع:لا انا قلت لك قبل بس معجب وما افكر آخذها سعيد:يعني تلعب عليها حرام عليك هذي بنت ييراانكوو وربيعة ختك هزاع:منو قال العب عليها اناا عادي معجب فيها بس مستحيل آخذها لان انا اميه تبغينيه اخذ بنت عميه (علي) سعيد:انزين خلاص قول حق بنت يراانكوو انك ما تحبها واعتذر منها هزاع:لا هب هزاع الي يرد في المراهنه سعيد:شو جنسك انته حرام عليك هزاع:سعيد الشيمه لاتم طفربيه خلاص انا قلت الي عنديه سعيد: ع راحتك وكل واحد ركب سيارته وسار البيت ومرن الايام والريم خلاص تمووووووت بهزاع مع انها ما ترمسه ع التلفون بس من بينهم مسجات وعقب خلص الفصل الاول وكلهم نجحوا لو ان النسب هب ذاك الزود بس عادي لان هب محسوب الفصل الاول حق الثانويه العامه وعرس سارة بنت عمهم قرب ما بقا عليه الا يومين واتصلت سارة حق الريم سارة : السلا علييييييج الريم: وعلييييييييج السلام هلا والله فدييييت العروس انا والله سارة : الريم عاد بس والله الروحيه فينيه حفوز من العرس الريم: مررررة لا تتحفزين ولا شي تراه الا عرس ( هي بس تخفف عنها) سارة: بنشوف يوم بتعرسين شو بقولين انزين الريم فديتج طلبتج قوليليه تم الريم: تم فديتج كم سارووووه عنديه انا سارة: اباج تين بيتنا وتباتين عندنا ابا حد عنديه ويفهمنيه هب ميثوه ماتفهم شي وتعرفينها انتي كيف الريم: هيه ادريبها خلاص فديتج بس اشاور اميه وابويه وامررررة صوبج كم عروس عندنا وحدة بس وما نقدر نزعلها يوم عرسها سارة: علنيه افدااااج ياربيه هنيه الناس الي تشجع هب الي عنديه الريم سارت صوب امها وابوها عشان تشاورهم امها عادي طاعت بس ابو زايد اول شي ما طاع عقب سارة رمسته ووافق وخلاف سارت الريم بيت قوم عمها وفي الدرب هزاع طرشلها مسج ( وينج تولهت عليج يلا الحين اباج تين بيتنا) الريم طرشت( توله عليك العافيه وربيه انا اكثر الحين سايرة صوب قوم عميه ببات عندهم) طرشلها( انزين وقوم عمج عندهم شباب كبار؟) الريم طرشت( هيه عندهم ) هزاع طرش( عيل ما شي مبيت عندهم يلا ردي بيتكم اغار عليج) الريم فخاطرها: انا بس قلتله عندهم لو قلتله ان ولد عميه( ثاني) يموت فينيه شو بيقول وطرشت له( انزين الحين اخليك وصلت بيت قوم عميه باي) والريم دشت بيت قوم عمها وسلمت عليهم بس حمدت ربها لان ثاني ما كان موجود في البيت وفي حجرة سارة تمن الريم وسارة يسولفن عن مايد طبعن والعرس وع الساعه 11 فليل نزلن الريم وسارة تحت في الصاله يطالعن التلفزون وميثة وروضة بعد هناك يالسات وتوه داخل ثاني البيت( هو اصلن مايي البيت بس لان باجر عرس اخته سارة) ثاني: يا ويل قلبيه اقول ما شفت القمر فوق ثاريه عندنا ياي سارة: انزين الناس يسلمون قبل ثاني: السلام عليكم واخص السلام لقلبيه كلهم: وعليكم السلام وتم يالس وياهم في الصاله ويطالع الريم ما شل عيونه عنها والريم منقهرة منه بس ما عاطتنه ويه وتشوف التلفزون سارة: والله انا ملانه والتلفزون مافيه شي يتشاهد روضة: انزين شرايكم نلعب لعبة حقيقه وامر هذي اللعبه طرر ثاني: شوهاللعبه ممكن تفهمونيه والعب وياكم روضة تمت تفهمه اللعبه(لعبة يلعبونها بالقلم او باي شي يدور ويدورونه ويوم ايي القلم صوب اثنين واحد يسال او يامر والثاني لازم ينفذ الي طلبه او يجاوب ع السؤال بصراحه) وعقب تموا يلعبون وكل مرة ايي الدور على حد وتموا يلعبون ومستانسين وعقب يا الدور على ثاني والريم: يلا شو امر والا حقيقه ثاني: امر اباج تقوليليه احبك الريم: لا والله ......انزين بقولك عادي ....احبك ثاني: هب جذه تقولينها ابا من خاطرج سارة: لا خلاص قالت يلا نكمل ويا الدور على الريم وسارة الريم: انا ابا حقيقه....... امممم قد مرة حبيتي قبل لا يخطبج مايد وهل انتي تحبين مايد والا بس لانه ولد عمتج وعشان اهلج وافقتي عليه سارة: لا عمري ما حبيت حد واول حب واخر حب ان شاء الله بيكون مايد فديته وانا من زمان احبه وهو يحبنيه هب لانه ولد عميه وانا لو ماباه برفضه ما بوافق عليه حتى لو كان ولد عمتيه وعقب يا الدور على سارة والريم سارة: انا ابا حقيقه .... قد مرة حبيتي حد وهو يبادلج الحب واذا تقدرين تقولين منو قولي بعد يكون احير الريم: هيه انا الحين احب وهو يقول انه يحبنيه وما اقدر اقولكم منو لانه هذا سر ثاني فخاطره: اممم يمكن تقصدنيه لا ما اظن لانها هي تعرف مليون بالميه انيه احبها منو هذا الي تحبه اووووووف بمووت من القهر يوم بيي دوريه بسالها وعقب دق تلفون الريم وكان هزاع هو المتصل استغربت الريم لانه من زمان ما رمسته ونشت الريم عنهم وسارت بعيد عنهم هزاع: مرحبااااااا الساااااع تولهت علييييج فديتج الريم: مرحب باجي وانا اكثر وربيه هزاع: شو تسوين ؟ الريم: ماشي نلعب لعبة حقيقه وامر هزاع: مع منو؟ الريم: بنات عميه هزاع: بس بنات عمج الريم: اممممم ما بجذب عليك وبعد ويا ولد عميه هزاع: كم عمره عود والا؟ الريم: اممم يعني في العشرينات هزاع: لا والله ويالسه وياه بعد وتلعبيييين يلا نشي لا تكملين اللعب اغااار عليج فديتج......... اممم الريم الريم: هلا هزاع: انا احبج يعني اعشقج يعني انا ميت في عشقج الريم هنيه خلاص ماعرفت شو تقول وتمت مستحيه ومارمست هزاع: فديت المستحى انا ياويل حاليه عليج .... انزين ريماني تحبينيه؟ الريم وهي مستحيه وميته على عمرها : هيه هزاع: امممم شو هيه ابا اسمعها منج؟ الريم: اممممممم احبك هزاع: فديييييييييييييييييتج ياربيه ياويل حاليه انا اموووووت فيج غناتيه .... انزين ابا اسمعج شله الريم: انزين يلا سمعنيه هزاع : واهديها لج فديت قلبج انا ........ وتم يشللها كلمني وطير منامي والقلب صوبه يرف ويتوق عليه والله ياسلامي ماريت مثله عذب منطوق يلعب بحروف الكلامي وله ضحكتن تشفي من العوق وضحتله حبي وهيامي قال الصبر ما هكذا الشوق الشوق له معنى وكلامي في منهج العشاق له ذوق والوقت مع خطف الهيامي بتكشف حقايق كل معشوق واصبحت من كثر الغرامي هايم ودمعي يهل من الموق الله يعين المستهامي يلي من الاشواق مخنوق حبه رسخ داخل عظامي وحبة دفق في دم العروق بدر الدجا فليل الظلامي يسفر وينور كل الخلوق كلمني وطير منامي والقلب صوبه يرف ويتوق ..وسلامتج الريم: صح لسانك وتسلم ع الاهداء هزاع: صح بدنج والله يسلمج من العوق الريم: هزاع هزاع: عيون هزااااااع الريم: بخليك الحين بنت عميه تتريانيه هزاع: اوكي فديتج ربيه يحفظج وسكرت عنه الريم وسارت صوب قوم عيال عمها ثاني: منو هذا الي كنتي ترمسينه؟؟؟ الريم: ارمس ربيعتيه ثاني : لا والله ترمسين ربيعتج عيل شعنه نشيتي عنا الريم: ليش تبغينيه ارمس عندكم يعني سارة : صدقها شو يعني ترمسها عندنا..... يلا الريم خلينا نسير فوق ثاني: وين بتسيرن خلونا بعدنا يالسين الريم وسارة طبنه وسارن فوق ميثه: انا ما عرف شله تحبها وربيه تقهر ثاني: ما اقدر ميثوووه والله هب بيديه احبها غصبن عنيه ميثة : اوووف منها ما عندها اسلوب ثاني: لا ترمسن عن اسلوبها وما اسمحلج تسبينها عنديه ميثة: كيفك والله بعد يزايه انيه ادافع عنك ثاني : انزين قلنا دافعي عنيه هب تسبينها واليوم الثاني كلهن سارن الصالون وتكشخن والصراحة سارة كانت وايد حلوة بس طبعن الريم كانت احلى وحدة لانها احلى وحدة في العايله ويوم وصلوا الصاله كان ماشاء الله وايد ناس يايين وعقب دخلت سارة وعاد هنيه كان ربشة من الخاطر لان دشوا الاولاد الصغار وتموا يولون ع الكوشة وعقب دخل مايد ومن شاف سارة ع الكوشة يالسة تيبس وتم ما يعرف شو يسوي لانها وايد كانت حلوة وعقب خلص العرس وعقب يومين المعاريس ساروا ماليزيا شهر العسل وعقب اسبوع فطامي اتصلت على الريم فطامي:اقووولج ريماني الريم: هلا قولي فطامي :عووشه حامل بستوي عمه الريم: مبرووووك وينها هي عندج فطامي : شو تبينها الحين هي شوي مشغوله ههههههه الريم: اها يحيج عيل والا بتغدين عمه لا والله زين وفي القهوة الشباب يالسين هزاع: عيل يا بوجسيم ما تنشدت عن المراهنه محمد: ها شو بشر؟ هزاع: انا قدها قلت لك من قبل طيحتها ويبت راسها بعد سعيد تم يطالع هزاع مصدوم من رمسته محمد: انزين شو الدليل انك طيحتها يلا خلنا نكلمها ما مليت منها هزاع: يعني شعنه بجذب عليك قلت لك طيحتها وخلاص عاده محمد: انزين انا ابا اثبات اوكي ما ابا رقمها يلا رمسها انزين عندناا عشان نصدقك هزاع : امممممممممممم يعني ما بتصدقونيه الا اذا رمستها عندكم كلهم الا سعيد: هيه ما بنصدقك لازم اثبات انك طيحتها ويبت راسها هزاع: اممممم انزين .....؟؟؟؟؟؟؟؟؟ |
الجزء(7) محمد: انزين انا ابا اثبات اوكي ما ابا رقمها يلا رمسها انزين عندناا هزاع : امممممممممممم انزين .................................................. ................................ وسعيد هنيه فج عيونه ويطالع هزاع هزاع: انزين ومنوو قال اني اباكم تصدقون هب لازم صدقتوا والالا وانا البنيه مستحيل اعطيكم رقمها ولا اني اتصل عليها وارمسها عندكم وانا حلفت لكم اني طيحتها والله عزيز وتبون تصدقون صدقوا واذا ما تبون شي راجعلكم سعيد شاف هزاع واستانس من رمسته : عنيه انا مرة مصدقنك باقي الشله: امممم دام انك حلفت صدقناك هزاع: باقي محمد والا هب مصدقنيه محمد وهو مضيج : لالا صدقتك دام انك حلفت يلا شو تبا امرني هزاع: مايامر عليك عدو ولا ظالم بس انا ما فكرت بشي بعدين بقولك والحين مرة ع حسابيه منو يبا كرك كلهم: كلنا نبا محمد : امممم اووف شوهالتلفون الجرج خلص هزاع ممكن شوي تلفونك بتصل ع الوالدة متصله ماعرف شو تبغي هزاع: مرة فداك التلفون وراعيه وسلم ع الوالده محمد : تسلم الشيخ وسلامن يبلغ وشل محمد تلفون هزاع وسار شوي بعيد عنهم وتم يطالع الارقام والمسجات وشاف رقم هب مسيف اسمه وايد يطرش له مسجات شل الرقم وحفظه في تلفونه واتصل على امه عشان محد يشك فيه ورد عند شلتهم هزاع: ها اخبار الوالده ربها بخير؟ محمد: امرة تسرك حالها ولا تضرك تبغيني اشلهم السوق تعرف انته الدريول مسافر هزاع: هيه يلا عيل ربيه يحفظك والفليل كان هزاع وسعيد في السيارة وعند البحر سعيد: شو هزاع شكلك انت صدق تحبها ؟ هزاع: احب منو؟ سيعد؟ هذي بنت ييرانكو لانك اول مرة ما تعطي رقم بنيه رمستها حق حد هزاع: انا قلت لك ما اقدر اضرها بحايه لانها بنت ييرانا وربيعة ختيه سعيد: فذمتك هزاع يعني انت ما تحس بشي من جداها؟ هزاع: انا قلت لك بس معجب فيها وهب شي ثاني ولا افكر اخذها سعيد: كيف يعني ما تفكر تاخذها عيل شعنه رمستها وحاولت فياها الين ما رمستك وعطتك ويه هزاع: يمكن لانها الوحيده البنيه الي صدتنيه وحسيتها غير عن البنيات عشان جذيه انا معجب فيها بس مستحيل اخذها سعيد: يعني ما بتاخذها لانها رمستك بس انت تعرف انها مستحيل تكون رمست غيرك هزاع: الا انا واثق انها مارمست غيريه بس ما اقدر اخذها وخلاص ونت تعرف ان اميه تبغينيه اخذ بنت عميه علي ومن زمان هي محيرينها حقي والحين اقول ماابغيها ما يستوي سعيد: والله ماعرف شقولك بس حرام تعلق بنت العرب فياك ونته ما تبغيها قولها انك ما تحبها وخلاص كل واحد يروح بطريجه هزاع: ماعليه يصير خير اما في حجرة الريم الريم يالسه ع الاب توب ترمس ربيعاتها ع المسن دق تلفونها وكان رقم غريب وشلته الريم ...... : الووو السلا عليكم الريم: وعليكم السلام ...... : اقولج ختيه من راعي هالتلفون؟ الريم: ونته شولك منو راعي هالتلفون انت منو تبا اخويه؟ ...... : ختيه انا بس ابا اعرف هذا تلفونج والا ؟ الريم: اقول اخويه مالك خص بمنو راعي هالتلفون ويلا في داعة الله .... وسكرت الريم عنه وتم يتصل بس الريم ماترد عليه وخلاف ما دق وعقب ساعه دق مرة ثانيه الريم شلته وهي معصبه : مرحباا اخويه امر انت الحين شو تبا ...... : ختيه انتي شفيج معصبه انا هب ياي اضاربج انا بس سالتج منو راعي هالتلفون الريم هنيه ضحكت يوم قالها انا هب ياي اضاربج وردت عليه: اوكي انا راعية التفلون شي ثاني الشيخ ........ : ايواا يعني انتي راعية التلفون انزين انتي تعرفين واحد اسمه هزاع بن عبدالله الريم: هاااا؟؟؟؟ شوووو؟؟؟؟ منو انته؟؟ ....... : بس جاوبي تعرفينه والا لا؟ الريم: انته مالك خص اعرفه والا لا ويلا باي وسكرت عنه وتم يتصل والريم ما ترد عليه وعقب طرشلها مسج وكاتب( انا ربيع هزاع .. بس حبيت اقولج شي يهمج عن هزاع اذا حبيتي تعرفين ردي على اتصالي ) الريم هنيه مرة ماعرفت شو تسوي بس مرة ضربها حفووز واول ما اتصل ربيع هزاع شلته محمد: هلا بسالج سؤال اول شي انتي هي البنيه الي دوم نشوفها في المرينا صح؟ الريم: اممممم ماعرف يمكن اكون انا او غيرها محمد: هب انتي الي ترمسين هزاع وكم من مرة شفتيه في المرينا الريم: انزين شو تبا تقول عنه محمد: بقولج شي وايد مهم عن هزاع بس لا تخبرينه اني انا خبرتج اصلن هزاع ما يحبج ولا شي ويقص عليج وهو تعرف عليج ويقولج انه يحبج بس عشان يطيحج لاني انا متراهن معاه انه يطيحج واذا ما تصدقيني اساليه بعد الريم: انت شو تقول انت واحد جذاب وسكرت الريم فويهه وتمت الريم تصيح وماعرفت شو تسوي وعقب طرشت حق هزاع مسج وهزاع كان راد البيت في السيارة ويقرا المسج ( انت صدق ما تحبني وانك تلعب عليه ونك متراهن عليه لا تجذب عليه الشيمة وغلات والديك وغاليت غاليك عندك) هزاع طرشلها( ونتي منو قالج هالشي؟) طرشتله( واحد من ربعك المهم جاوب عالسؤال ؟ ) هزاع طرش(انا الحين ما اقدر اجذب عليج الي قالج هالشي ما جذب عليج والسموحة الريم والله هب كان قصديه ) الريم اول ما قرت المسج خلاص حست انها بتموت وطرشتله مسج(ظلمني صاحبي اكبرظليمه ظلمني دون قدر ودون شيمة ظلمني وصرت انا بالظلم راضي ولو هو مرتكب اعظم جريمه بعد ما كنت له بالحب وافي!!!!) وفي خاطرها: يعني كل هالوقت كان يقص عليه وانا صدقته ولا بعد رمسته بس حسافه انا خنت اهليه عشان واحد والله انيه استاهل الي يصيرليه هذا جزا الي يخون هله ااااااااه ولا وبعد ناشر رقميه عند ربعه شسوي ياربي وتمت تصيح اليوم الثاني العصر في بيت ابو خالد(عبدالله) ام خالد: هزاع ها شو الراي ويا بنت عمك ترا الحين ياها واحد يخطبها ونعم فيه وقال عمك لو هزاع ما يباها ترا بخليها تروح بنصيبها هزاع: لالالا شو تاخذ غيريه نحن هب تونا قايلين نباها من زمان بو خالد: يلا عيل بنسير بيتهم مرة اليوم جانك تباها ومايحتاي ياخذون رايها لان نعرف رايها من زمان وما ظنتيه بتردك هزاع: بعد قصورها تردنيه اصلن انا من اخطبها بتحب ايدها ويه وقف تحصل واحد شراتيه ام خالد: صدقه هزاع مرة ولديه ماعليه رمسة وبتحمد ربها جانه بيضويها بوخالد: عيل الولد ما ينلام يوم هذي رمست امه ترا حتى بنت اخويه ما عليها رمسه هزاع: اكيد ماعليها رمسه والا انا ما باخذها اما فبيت حمد بن هناد ( بو زايد) كلهم يالسين في الصاله ويرمسون ويسولفون ويضحكون الا الريم كانت امرة هب وياهم ولا تضحك ولا شي يعني غير عن كل يوم بو زايد: شفيج الشيخه الريم مويمه فديتج؟ رب ما شر ؟ الريم: مافينيه شي ابويه بس شوي مضايجه بو زايد : من شو مضايجه فديتج؟ الريم: مضايجه انت تعرف الحين انا ثانويه عامه واحاتي النسبة بو زايد: ما عندج مونه يوم تحاتين النسبه امرة ماتبينها الدراسه يوم بتخليج مويمه ام زايد: صدقه ابوج شوفي عيونج انتي امرة غاديات حمر جيه الدراسه كل هذا تسويه عيل مرة بزوالها كله ولا عويناتج فديتج بو زايد: انزين فديتج تعالي ويايه بنسير بوديج المكان الي تبينه مرة ولا تحطين شي فبالج الريم هنيه تمت تصيح اكثر حست انها خلاص ماتروم تستحمل اكثر وفي خاطرها : انا كيف بديت هالخاين االلعاب على هليه فديييييت ابويه واميه ياربيه حتى هو ما سئل عنيه وعن احواليه بو زايد: فديتج ريماني شعنه هالدموع وربيه ماشي يستاهل انج تنزلين دمعتج وربيه ترا دمعتج غاليه ويلا نشي معايه ولا ترديني بوديج مكان نغير جوو بوديج المرينا المكان الي تحبينه الريم: لا المرينا كرهت هالمكان وساعته خلاص بسير وياك حتى لو بس تحوطنيه في الشارع بوزايد: ع راحتج فديتج اهم شي انج ما تضايجين ولا تحطين شي فخاطرج امرة وانا اترياج خاري وسارت الريم ويا ابوها بس رواحهم محد وياهم وتم يحوطها ع الكرنيش ونزلوا البحر الريم: ابويه والله انيه احبكم بو زايد: فديتج ندري انج تحبينها ونحن وربيه نحبج زوود عن حبج النا الريم: ابويه بو زايد: عونج الريم: عانك ربك بس ابا اقولك عن سالفة ربيعتيه الي مضيجتنيه وابا رايك هي الحين تترياني ارد عليها وانا وايد زعلاانه عليها وماعرف شقول بو زايد: اسمعج بنيتيه رمسي الريم: ربيعتيه انسانه حشيمه ومرة ولد ييرانهم سوالها حركات وهي طنشته بس عقب حبته وهو عرف رقمها ودقلها ورمسته مرة او مرتين بس كانت طرشله مسجات وهو بعد بس الحين اكتشفت انه ما يحبها وانه يلعب عليها وهي الحين منهارة وانا عشان جذيه زعلاانه واصيح لانها وايد غاليه عليه وماعرف شسويلها بوزايد: تبين الصدق هي غلطانه شعنه ترمسه وتعطيه ويه لو هو يباها وعينه منها جان يا بيتهم ودخل من الباب هب من الدريشه قوليلها مرة تنساه ولا تحفله ترا هالاشكال مرة ما تنعطى ويه ونتي هذا الي مزعلنج مرة طبيها السالفه عنج والله يحفظج عن هالاشياء الغبره الريم من سمعت رمست ابوها حست بندم اكثر بس بنفس الوقت ارتاحت وبعدين ساروا المطعم وتعشوا هناك اما عند قوم بو خالد هزاع وابوه وخالد اخوه ساروا بيت قوم عمهم عشان يخطبون بنت عمهم علي(وضحة) حق هزاع وعقب ساروا بتيهم وهزاع كان يفكر بالريم >>>>زين يوم خطرت عباله هزاع: منو هذا الي قال حق الريم اني العب عليها معقوله ربيعيه سعيد لا ما اظن بتصلبه ........ واتصل هزاع بسعيد هزاع: سعيد بسالك سؤال وفذمتك تقول الصراحه وهب زعلان منك مرة سعيد: امرنيه ومرة بجاوب هزاع: مايامر عليك ظالم بس انت الي قلت حق بنت ييرانا الي رمسها انيه العب عليها سعيد: مرة لا تكمل فذمتيه انيه ما رمست فياها ومن وين بضوي رقمها هزاع: يعني هب انت سعيد: شعنه هي درت بالسالفه؟ هزاع: هيه وتعرف كل شي وانيه متراهن ويا حد انيه اطيحها وهي قالت انه واحد من ربعك سعيد: اممممممم الصراحه انا اشك فواحد محد غيره وهو الي شل تلفونك ذاك اليوم هزاع: تبا الصدق انا بعد اشك فيه ومحد غيره يسويها الحين بسير صوبه هزاع اتصل على محمد ورمسه جنه ماشي صار : وينكم انتوا محمد: في القهوة تعال هزاع: مرة ياي صوبكم محمد : حياك وسار هزاع صوب ربعه في القهوة واول ماشاف محمد راح صوبه وتم يضارب وياه وعقب ظهر من القهوة وهو مضايج من الي سواه في الريم وحاس بالذنب وطرشلها( الريم فدييييييييتج اسف وربيه هب قصدي ازعلج والعب عليج انتي غاليه عليه وما تهونين) والريم فكرت انها ما طرشله مسج بس عقب غيرت رايها وتمت ادور اغنية وعقب دقتله وحطت الاغنية وهزاع تم يسمع بس يكفي ما ابي منك ملااااااااام عفت حبك عفت شوفك يا ظلووم مابي منك لا كلام ولاسلاااااااااام خل غيري يعتنـــــــيبك لو يرووم كنت اشوفك حول عقلي كالحمام دوم تطريلي على بالي وتحوووم كنت غادي كالقمر وقت التمااام في عيوني لا ولا عندك خصوووم وكنت احطك في جفوني ما انام وانت بالك مستريـــــــح بالف نوم كنت غاااارق في بحر كله ظلام واحسب انه صاحبه شخصن رحوم لين شفته يجرم ف درب الغرام يطعن احســـــاس المحبه كل يووم ما رحمني قلب هايم به هياااام سال دمعه من جروحه وهو يلوم كم صبرله وما لقى منه اهتمام ومات حبي من كثر ذوق السموم بعدها عيش المحبة في غماام وخل بعدك عن حياتي لي يدووم انا حايز بالوفا تاج ووسااااام من عرفني يشهــــــد باني كتووم ارضا بالي ينكتبلي باحتراااام اقتنع به والقــــــــدر شي محتوم شفت فرحي بين ربعي والانام ينتظرني دون وصلك بالسلوووم روح ابعد ولك بغني يا سلام وقت بعدك تنتهي كل الهموووم بس يكفي ما ابي منك ملام عفت حبك عفت شوفك يا ظلوم مابي منك لا كلام ولا سلام خل غيري يعتنيـــــــبك لو يرووم وسكرت عنه الريم.............. اول ما سمع هزاااااع الاغنية اضايج وايد اما الريم صح انها مضايجه ومارقدت من يومين بس حاولت تنسى هزاع وتفكر بدراستها فطامي اتصلت على الريم فطامي: مرحباا الساع الريم: مرحبا بج ملايين فطامي: شحالج علنيه فداج؟ الريم: ااااه انا بخير وسهاله ونتي فديتج؟ فطامي: الريم شفيج والله ان فيج شي انتي من يومين متغيره هب شرات الريم الاوليه الريم: مافينيه شي غناتيه فطامي: امممم صدق الريم: هيه صدق فطامي : والله كنت مستانسه بس الحين اضيجت الريم: شو تضايجين خل عنج يلا ونسينيه وياج فطامي: اوكي يمكن تستانسين ويايه لو انه الخبر ما يهمج وايد الريم: بستانس حتى لو ما يهمنيه دام انج مستانسه فديتج فطامي: فديييييتج ياربيه انزين يلا بقولج هزاع اخويه الريم: شفيه فطامي: شوي شوي بقولج هزاع خطب بنت عميه علي وضحة الريم: هاااا شو؟ صدق ( والدموع فعيونها وفخاطرها: حشى مسرع الا من يومين مودرنيه ) فطامي : شفيج اقولج خطب بنت عميه الريم: هيه هيه مبرووووووك يلا فطامي اخليج الحين اميه تزقرنيه فطامي: اوكيك تيك كير وسكرت الريم عنها والدموع فعيونها صح انها تحاول تنسى هزاع بس هي انقهرت انه بسرعه خطب يعني ما تريا وتمت الريم تشل وتصيح : الا يا قلبي يا مسكين ترا باعوك احبابك تغير زينهم بالشين ولا عادوا بطلابك ولو سالت دموع العين ما تغني عن غيابك تقطع قلبيه بالحيل وهو جالس ويا احبابه ولا ادري الغلط من وين ولا ادري وش هي اسبابه الا يا قلبي يا مسكين ترا باعوك احبابك في بيت بو خالد ( عبدالله) كلهم في الصاله فطامي يوم سكرت عن الريم سارت صوبهم بو خالد: شفيج فطامي شبلاج مويمه؟ فطامي: اممممم مافينيه شي بس احاتي الريم هنيه فز قلب هزاع من سمع طاري الريم ام خالد: شفيها الريم؟ فطامي: ماعرف الروحيه ابا اعرف بس مرة تغيرت سبعه وثلاثين درجه ام خالد: انزين خلج وياها انتي يمكن شي مضايجنها والا شي ماعرف بسوالفكن انتن البنيات بعد هزاع فخاطره: اااااااه يا الريم شو سويت فيج انا ليتنيه ما تعرفت عليج ولا خليتج تحبينيه والله اني احس عمريه امرة هب مرتاح وظهر هزاع وركب سيارته وهو عاق السفره وراح صوب سعيد ربيعه سعيد: شفيك؟ رب ماشر ؟ هزاع: ما من شر بس اركب ويايا ماعرف شسوي ملان سعيد: انزين بركب فياك وبتخبرنيه شبلاك هزاع: يلا انت ركب وركب سعيد ويا هزاع سعيد: والله انه شي فيك قوول روعتنيه عليك هزاع: ااااه شقولك والله احس انيه مخنوق بس ما عرف شعنه سعيد: افااا هزاع : تصدق يمكن انا استعيلت يوم رحت وخطبت بنت عميه سعيد: انا قلتلك يعني انت تحب بنت ييرانكو؟ هزاع: والله ماعرف بس احس انيه ظلمتها وايد ويايه سعيد: انت ظلمتها ظلمتها بس شو بتسوي الحين خلاص خلها تروح بطريجها هزاع: هيه اكيد بعد ما اروم اسويلها شي اكثر عن الي سويته سعيد: تعرف هزاع تبا الصدق انا احسك تحبها يعني انت هب اول بنيه تلعب عليها وتتراهن فيا محمد هزاع: قلت لك ما احبها بس انا حاس انيه بس ظلمتها ويايه سعيد: انزين خلاص ع راحتك بس والله بتندم اذا كنت تحبها وخذت بنت عمك يعني فكر يوم انك بعدك في البر ترا يوم تغرق بعدين ما تروم تظهر هزاع: لا خلاص انا فكرت وقررت ومستحيل ارد بكلمتيه حتى لو كنت ع قولتك احبها مع اني واثق اني ما احبها سعيد: ع راحتك والله انا قلت لك وانت كيفك اما الريم وفي حجرتها وعيونها مرة متورمات وحمر وشكلها مرة تعبانه يعني مرة ما ذاقت العيشة من يومين ولا رقاد ولا حايه وغير انها تفكر ومضايجه يعني انتوا تخيلوا !!!!!!!! وتمت الريم تفكر وفخاطرها: هو ما يحبنيه شعنه انا عاقه عمريه عليه والله الي ما يبانيه ما اباه لو كان وزنه من ذهب يا كيف نسعى في رضاه ما دام ناوي ينسحب خلاص الريم حاولي تنسينه وربيه هو ما يستاهلج ولا يستاهل ظفرج واحد ضايع صايع ما عنده قلب ولا مشاعر ولا احاسيس حتى ثاني اخيرعنه بمليون مرة ع الاقل ثاني عنده قلب ويحس وانا الحين ثانويه عامه ولازم اشدحيليه هالسنه ابا ارفع راس اميه وابويه فووق هب اوطيه يكفي الي سويته ..........وصلت ركعتين وقرت قران وحاولت ترقد وما حست بعمرها الا وهي راقده ونشت اليوم الثاني العصر ونشت وصلت واتسبحت واتكشخت ونزلت تحت وشافتهم كلهم تحت في الصاله ونزلت وسلمت على امها وابوها ويلست تسولف وتضحك وياهم بوزايد: فدييييت ضحكتج وربيه تولهت على شوفت غمازاتج الريم: فدييييتك ابويه وربيه ولهت ع سوالفك الغاويه اخبار العزبه والهوش والبوش بوزايد: مررة تسرج حالهن يباليه اوديج تتطالعينهن الناقه الي تحبينها يابت حوار الريم: لا والله عيل لازم اسير اسلم عليها وتحمدلها بالسلامه اسميها بتزعل منيه ههههههههه ام زايد: هيه نعم الحييين ردت للبيت حياته يعلها هالضحكة ما تفارقج ياربي الريم: وياكم اميه فديتج .... وراحت تلوي على امها والفليل تموا يلعبون اونوو وعقب كل واحد وسار حجرته والريم مرة تعبانه وتوها موطيه راسها ع المخدة ويوصلها مسج من عند هزاع >>>بعد له عيين ( الغاليه بعدج زعلانه ومضايجه اتمنى تنسينيه وانا بعد مرة ثانيه اقولج اسف) الريم عصبت منه: يعني هو وايد مصدق عمرة وربيه يقهر اوووف له عين يطرش مسجات وهو خاطب ما يفهم انا لازم اتصرف وافهمه انيه خلاص ماباه وخله ياخذ بنت عمه ما ادري بنت عمته اممممم شسوي شسوي ؟؟؟ وعقب طرشلته مسج قوي شوي (يا هاتفي حرمت انا بعض الارقام ما ادقها في شاشتك للقيامه ناسن قدرها تحت الاقدام ما ظني يلحقني وراها ملامه احكم عليه فالغلا حكم الاعدام مشان كلن يتضح له مقامه) هزاع ماعرف شويقول والا يرمس حس عمره خلاص بيموت وهو يقرا المسج : كل هذا.... انا لازم انساها خلاص بحاول وبخليها تسير بطريجها شرات ماقاليه سعيد واليوم الثاني هزاع كان توه داخل البيت ياي من الشغل بوخالد: هزاع هزاع: لبييييييه بوخالد: لبيت في بيت االله ان شاء الله اقولك عمك توه يرمسنيه ويقول متى تبون الملجه هزاع: مرة الشور عندك يا بو خالد انا ماعنديه شور من عقب شورك بوخالد: شرايك مرة عقب شهر هزاع: ابشر مرة لو حتى من اليوم |
الجزء (8) وراحوا الفندق ولقوا اقرب موعد للعرس 18/2 والملجه قبل العرس باسبوع يعني ما بقا ع العرس الا شهر وكم يوم بس بو خالد: ام خالد دقي حق موزة حرمت علي اخويه وقوليلها تخبر وضحه عشان تتزهب حق العرس ونحن عطينا اخويه المهر واي شي ينقص عنها تامر بس ام خالد: ان شاء الله ....... واتصلتبها وقالتلها وباجر بيبدا الفصل الثاني .......... فطامي: يااااااااي بيكون عندنا عرس مبروووووووك هزاع عقباليه ان شاء الله هزاع: وياراسج انا الي لازم اقول عقبالج هب انتي تقولين حق عمرج ونتي شعنه مستعيله فطامي: منو ما يبا يعرس هزاع سكت عنها وما رد فطامي: هاشو ما شي رد اكيد لان محد مايبا العرس ههههه هزاع نش وضربها ع راسها وتم يضحك وسار فوق فطامي: هب ايد عليك وياراسك حمدان: يلا انتي سيري رقدي باجر وراج مدرسه ع ما اظن فطامي: شو قالولك ديايه والا منوع مانع: منوع فعينج يالسباله وشو فيها لو رقدت من وقت فطامي: لا حووول وشعنه ما تحترم ختك العودة يلا هش مناك سير ارقد مانع: ايييييه انتي شبلاج شو شاربه ريدبول والا خمر عمان (ديووو) فطامي: لا والله شاربه فيتامين سي مانع: لا حوول صدقينيه فيج شي اخيرليه اسير ارتب كتبي فطامي: كتبي والا رميثي خخخخخ مانع: يالله يالسخافه ما يضحك ...... وسار عنها حمدان: لا بالله شي شاربه هب صاحيه البنيه شبلاج انتي فطامي: فينيه نشاط وطاقه استعد حق باجر حمدان: يعني تستعدين حق الاجوبه فطامي: لالا حشى منو قال اني اجاوب لا استعد حق ضرابة الابلات حمدان: اييييييه انتي شو ولد فطامي: لالالا حشى بس بويه ههههههه حمدان : لاحووول اخيرليه اسير عنج لا تخبليبيه فطامي: وين وين ساري يا بعد عمري منك ما تكفيني النظرة حمدان: صدق انج خبيله اليوم يلا يلا محد يعطيج ويه ....... فطامي: لالالا تروح وتخلينيه الروحي شو مع منو ارمس يعني حمدان: تشوفين كم يدران عندج رمسي واحد منهم فطامي: اونك تنكت بضحك عشان ما تزعل هههههه حمدان: منو قال اني انكت أي تراااي (احاول ).......وظهر فطامي:ويا ويهك جنه محد يعرف انجليزي غيرك يبا يثبتلنا انه جامعي امحق اليوم الثاني الصبح في مدرسة قوم فطامي سارووه: هلا فطااااااااامي وحشتيني ويا راسج فطامي: اصبحنا واصبح الملك لله عاد يوم تونيه يايه محد غيرج بتلقاليه سارووه: جب جب محد يقولج شي يعني منو تبين؟ بس نورت المدرسة فطامي : انا قلت اول ما بدش بشوف وحدة من غراشيب مدرستنا هب انتي ههههههه ...... اكيد بتنور هب الشيخه فطامي يت سارووه: خلاص زعلت يعني ما تكفيج غرشوبة صفج فطامي: الا تكفيني وتزيد فديت انا غرشوبتنا سارووه: هيه توج حرمتن زينه .. يلا يلا خلينا نسرح صوب اوائل يمكن نشوف وحدة غاويه نلعب عليها فطامي: يلا ما شي شغله ترا اما في العين وبالتحديد مدرسة قوم الريم الريم توها داخله الصف : هلا والله ماشاء الله كل الشلة هنيه( شلتهم كانن تقريبن اكثر عن عشر بنات) كلهم: اهليييييييين توه نور الصف نحن كنا نترياج وتمن يسلمن وفي الفرصه الريم: اييييه شوفن شوفن نويرة شعنه جذيه لابسة مريوم ربيعتها: شو ما تدرين انتي خبر خير اونها الحين تقلد البويات حمودة : الريم تعالي بقولج الريم: هلا قولي شعندج حمودة: تشوفين شموس الي في شلتنا الريم: الي في شلتكم هذي الحليوة هيه شفيها حمودة: تحبج شعنه انتي ما تعطينها ويه الريم: شو تحبنيه انتي تعرفين اني ما احب هالحركات وسوالفكن ربيعتها وبس حمودة: اوكيك خلاص بقولها مع انها والله تموت فيج وكله ترمس عنج الريم: تبا تكون ربيعتيه يا حيالله فيها وان تبا شي ثاني السموحة منها عقب الفرصه في الصف كان عندهم فراغ محد الابله كاننن كلهن يسولفن والريم امرة هب وياهن وتفكر شميم: الريم حوووووه وين رحتي لندن والا ابعد وبعدها ما انتبهت الريم كل شلتهم: لالا اظن ابعد من شكلها مريوم : شكلها في كوكب زمردة ..... الريم وضربتها على جتفها الريم: هلا شفيج حشى عورنيه جتفي مريوم : شفيج انتي من ساعه ونحن نرمسج ونتي امرة هب ويانا الريم: لا سلامتج ما شي شميم: منو هذي الي خلتج تفكرين فيها قولي اعترفي الريم: مالت عليكن انتن وسوالفكن انتي تعرفين انيه مااحب هالسوالف سلوم: والخيبه عيل لو هب بنيه يعني صبي منو هذا سعيد الحظ الي ضوا راسج الريم: لالا شو صبي سلوم : هب عليه انا فديت خشمج منو من هل العين والا مناك من بوظبي شميم: يلا يلا الريم قولي احب هالسوالف مريوم: خلاص احرجتوا البنيه طالعوا ويهها غدا احمر واخضر من المستحى الريم ارتبكت: مريووم عن المصاخه انتي وشميم وسلوم ما عندكن سالفه سلوم: بالله عليج نحن الماصخين والا انتي عاد تدرون بنات لازم نسوي حفله يوم حد ضوا راس الريم وكلهن تمن يضحكن عليها في اخر الدوام في بوظبي فمدرسة قوم فطامي فطامي اتصلت على امها لان الدريول مايا يشلها من المدرسة فطامي: اميه وين الدريول مايا يشلنيه ام خالد: فديتج فطامي الدريول محد خلاص الحين بخلي حمدان اخوج يشلج الحين فطامي: اوكيك اترياه سارووه: اووف متى بيي هالدريول العله ما ادانيه بعيشة ربي ودقت سارة بيتهم وامها قالت لها ان الديول في المزرعه بيي عقب ساعتين سارووه: والحين شو الحل اووووف فطامي: وانا شو فايدتيه والا ربيعتج ع الفاضي سارووه: لا فضيحه اخوج بيي يشلج لو الدريول شي ثاني فطامي: خل عنج عيل والله تين ويايه وهذوه حمدان وصل وتغشي يوم انج تستحين سارووه: ما عرف شقولج بس فضيحه والله فطامي: يلا يلا جداميه انا حلفت وحطي وقايتج ع ويهج هههه لان حمدان يستحي سارووه راحت ويا فطامي وطبعن كانت متغشية فطامي: حمدان سير يمين حمدان: شو تتحرينيه دريولج وياراسج فطامي: والله شي طيب غريبه ما تستحي حمدان: مااستحي فعينج شو شايفتنيه فاصخ الحيا يا مسودة الويه وسارووه ميته من الضحك عليهم فطامي: ماعليج منه سارووه ترا هو امرة يستحي وخاصه عند البنيات حمدان : انتي ايييييه حشمي رمسج شو عندج البارحه هب صاحيه واليوم بعد لا بالله عينا خير اسميييه منير ما ينلام يوم يقول انا مافي يجيب فطامي فطامي: بالله عليك قال جي ماعليه اسمينيه بغسل شراعه حمدان: لالا ما قال لا تغسلين شراعه ولا شي وعقب وصلوا سارووه البيت وساروا حمدان: بنت منو هذي فطامي؟ فطامي: ونت شلك تتنشد عن ربيعاتيه ما بقولك حمدان: عادي يعني وايد مهتم بس اشوفج منو ترابعين يمكن بنيه هب زينه والا شي فطامي: شو شايفنيه ما عرف ارابع والا صف اول ابتدائي تتنقوليه اربيعاتيه حمدان: حشى كلتيني خلاص خلاص هب ناشد عن شي ورابعي الي تبينه اسميه هب لسان عليج والله يعينهن ربيعاتج عليج ما عرف كيف صابرات عليج فطامي: يتمنن انيه ارابعهن والمغرب هزاع في القهوة عند ربعه ويدق تلفونه نش هزاع عنهم هزاع: الووو وضحه: مرحبا الساع هزاع: مرحب باجي وضحة : شو ما عرفتنيه هزاع: كيف ما عرفج شو نستي انيه خطيبج وضحه: يعني انت عندك رقميه والا عرفتنيه من صوتيه هزاع: لا رقمج شو عرفنيه بصوتج وضحه: اهااا منو عاطنك رقميه هزاع: شو هالسؤال بعد يعني فذمتج ما اروم اييبه والا نسيتي انج بنت عميه وضحه: هيه صح هزاع: امرينيه وضحه شي بغيتي وضحه: لا بس حبيت اسلم عليك واتخبر عنك هزاع: يسلمج ربيه من الشر بس اقولج وضحه : عونك هزاع: قوم عميه يدرون انج بتكلمينيه وضحه: لا ما يدرون هزاع: عيل يوم ما يدرون شعنه داقه شوفي انا ما يعيبنيه البنيات الي جذا ما يمشن ع شور اهلهن انا الي هو خطيبج ما دقيتلج انتي ادقيليه وضحه: شفيك هزاع شكلك ما تبغينيه هزاع: لو ما ابغيج جان ما خطبتج وانا الحين ما صرت ريلج بعدنيه خطيبج يوم بملج عليج ذيج الساعه برمسج واصلن الملجه قبل العرس باسبوع يعني هب لازم ارمسج وضحه: اوكي اسفه لا تزعل منيه هزاع: لا لا هب زعلان امره واذا انتي تبين ترمسينيه شاوري قوم عميه قبل وضحه: لا خلاص ما يحتاي عشان نوله ع بعض هزاع: زين زين عيل يلا تامرينيه بحايه؟ وضحه: سلا متك وبقاك في الدنيا هزاع: يسلمج ربيه من كل عوق ويلا ربيه يحفظج وضحه: ويحفظك ....... وسكرت عنه هزاع صح انه خاطب وضحه بس بعده يفكر بالريم ومر اسبوعين وما بقا عن الملجه غير اسبوع والريم بعدها ما تدري لانها الحين ما ترمس وايد فطامي بس تسلم وتسكر لان الريم كله في المعهد وما تتفيج ام زايد: الريم باجر بنسير بوظبي الريم: لا اميه بجر عنديه رياضيات في المعهد وما اقدر اسير وياكم ام زايد: من اسبوعين هب سايرين بوظبي يلا ما نقدر بعد ما نسير هالخميس واليمعه وما بنخليج الروحج هنيه الريم: لالا ما بسير اسمحوليه وانا يعني ابا ارفع راسكم وتقولوليه تعالي ويانا ام زايد: انزين تراه الا يومين الريم: انزين هاليومين اهم يومين عنديه باجر عندنا رياضيات والي عقبه فيزياء ونتي تعرفينهن اهم مواد في علمي ام زايد: خلاص انزين فديتج بس ما تمين هنيه بخليج تسيرين عند قوم خالج الريم: امممم ما ابا اسير بتم هنيه ام زايد: يا تين ويانا يا بيت قوم خالج مستحييل تمين هنيه الروحج الريم: خلاص انزين بسير بيت قوم خاليه راشد ام زايد : انا اقول بعد جذيه لان البنيات كلهن هناك واليوم الثاني وصلوا الريم بيت قوم خالها راشد وساروا بوظبي بعرفكم ع عايلة خالهم راشد(بو سالم)( سالم اكبر واحد والي عقبه كلهن بنات فطيم عمرها 20 – حمودة الحين كملت 18 – ميمي 16- سالي(سلامه) 14- واخر العنقود منصور عمره 6) والريم تموت ع بيت قوم خالها لان كله بنيات الريم دخلت بيت قوم خالها راشد والخدامه تنظف في الصاله الريم: هلا وين ما ما وبنات الخدامه: ماما وفتيم في مطبخ وكل بنات في نوم الريم: اوووووب كلهن رقود ...... وسارت الريم المطبخ وسلمت على ام سالم وفطيم الريم: شو تسوون فطيم: انا عني اسوي كيك الريم: زين والله يحيج.... عيل كلهن رقود ها؟ ام شالم: هيه ما يشبعن فليل سهر والصبح رقاد سيري وعيهن الريم فديتج بيقومن من يعرفن انج عندنا الريم: من عيونيه اصلن انا من امبونيه بسير اوعيهن ما يشبعن رقاد الريم تمت دق الباب عليهن: يلا يلا نشن بسكن حشى هب رقاد هذا خستن وسالم ظهر من الحجرة والريم سمعت الباب يوم يفتح لفت صوب الصوت سالم استانس: مرحباا الساع الريم الريم: مرحب باجي ولا هان سالم: شحالج؟ الريم: بنعمه ربيه يعافيك ومن صوبك؟ سالم: تسرج الحال وين ابوج وعمتي الريم: لا محد ياي بس انا ببات هنيه كلهم ساروا بوظبي سالم: اهاااا عيل حياج انا بظهر تامريني بحايه؟ الريم: سلامتك وعقب نشن كلهن وتمن يالسات يسولفن وعند الغدا حمودة: عاد الريم اليوم ماشي معهد الريم: حلفي انتي بس وانا شعنه هب سايره وياهم بوظبي يعني هب عشان المعهد وتبينيه مااسير فطيم: حموده انتي ادبي ولا يهمج بس الريم علمي ويباله دراسه ومعهد الريم: هيه عاد اليوم وباجر اهم شي لان رياضيات وفيزياء حموده: انزين منو بيوديج الدريول محد مسافر سالم: شو يعني الدريول مسافر وانا وين سرت بو سالم: ماعليه بنيتي ولا يهمج بنت حمد ما بنقصر عنج انا والا سالم الريم: تسلم خاليه ادريبكم ما تقصروون حمودة: شعليج يدلعونج سالم يوم نش: خلاص الريم يوم تبين تروحين قوليلي بس الريم: تسلم والعصر كل البنات عند التلفزون وطبعن لازم يضاربن ع الرموت الريم: حموده يلا الساعه 4ونص الحين بيي لاستاذ الساعه 5 حموده: اوكي يلا نسير نقول حق سالم الريم: روحي انتي انا بترياج هنيه حمودة: والله انتي الي تبين يلا ( حموده تعرف انه سالم يحب الريم تحس بنظراته صوب الريم وعاد هي حركات) الريم: اممم انزين يلا بس انتي ترمسين وسارن فوق حجرة سالم وكان سالم واقف عند المنظرة يتسفر حموده: سالم يلا الريم تبا تروح سالم: انزين وشعنه هي ما ترمس تبين تروحين الحين الريم: هيه لو تقدر سالم بابتسامه : ما طلبتي اقدر ليش ما اقدر ...... حموده قولي حق الخدامه تسوي دخون حمودة : ان شاء الله وحموده طبعن بتسير ويا الريم لان مستحيل الريم تركب مع سالم الروحها وعقب تلبسن وركبن السيارة وكان سالم توه شاري هالسياره وهي نيسان فتك اليديده الريم: مبرووك سالم ع السياره سالم: الله يبارك لج الريم: الصراحه ماشي شرات الفتك وزين ما اخترت حموده: والله الحين عاد ابا اسير البر بالفتك وعقب وصلن المعهد وطبعن هناك وايد بنات من مدرستهم وعقب ما خلصن الريم: حموده خذي التلفون ودقي حق سالم اخوج خليه ايينا حموده: دقيله انتي ما تشوفيني عند عرب الريم: هيه صح انزين ماعرف رقمه عطينيه اياه حموده: اوكي xxxxxxx ودقتله الريم سالم: شو خلصتن الريم: هيه خلصنا سالم: عشر دقايق وياي صوبكن بدقلج يوم بوصل الريم: اوكي باي سالم فخاطره: اااه يالريم يلا متى بتخلص هالسنه وبتكونين من نصيبي وعقب وصل سالم ودق على الريم وظهرن سالم: شو تبون من العشا حموده: ماعرف شو الريم شرايج؟ الريم: انا مابا شي تسلم سالم حموده: عن الخريط من متى انتي ما تبين شي ما احيدج تستحين الريم: لا والله شو تشوفينيه فاصخه الحيا حموده: هيه الحين انتي الريم نعم شو تبين ماكدونالز شرات كل مرة والا بتغيرين الريم: ماعرف كيفكم الي تبونه سالم: خلاص اوكي ماكدونالز والفليل كل البنيات يالسات في الحجرة يسولفن ودقت فطامي وعقب ما سلمت فطامي: وانتي وين الحين قوم ابوج في بوظبي الريم: في بيت قوم خاليه راشد عند حموده فطامي: هيه سلمي وانزين شعنه ما تين بوظبي الريم: ما بيي بوظبي الين ما اخلص الامتحانات فطامي: الي يقول محد امتحن غيرج الريم: امرة شرات رمسة حموده فطامي: هيه ذكرتينيه ع طاري انج ما بتين شرايج انج بتين قبل لا نخلص امتحانات وغصبن عنج الريم: لا والله شو بتيرينيه من شعريه والا كيف فطامي: لا شو ايرج من شعرج ما تهونين عاد لا بس ملجه اخويه عقب اسبوع صح انه ما بنسوي حفله عوده بس المهم حفله الريم : واي اخووو؟ فطامي: اخويه هزاع نسيتي وعرسه عقب الملجه باسبوع مستعيلين شوي الريم والدموع فعيونها : ها شو تقولين فطامي ...... وظهرت عن البنات وراحت حجرة ثانيه فطامي: شبلاج الريم ؟ الريم: الشيمه فطامي لا تمين تتمصخرين شو ها العرس الي بسرعه جذيه فطامي: والله ما اتمصخر وياج الريم تمت تصيح :يعني اخوج هزاع بيعرس فطامي: الريم شفيج فديتج شعنه تصيحين؟ الريم: اقول فطامي اخليج الحين يالسه مع بنات خاليه باي..... وسكرت عنها الريم كانت تصيح من الخاطر وحموده يت صوبها ويوم شافتها تصيح زقرت ع خواتها وحاولن يسكتنها ويعرفن السالفه منها والريم امرة ما ترمس وتصيح وتمت لاويه ع حمودة وتصيح وشكلها امرة لا يسر عدو ولا حبيب وفطيم حاولت تهديها وتشلها تغسل عيونها لكن الريم طاحت ع الارض ومارامت تنش وسالي تصيح يوم شافت الريم جذيه وراحت تزقر امها ام سالم: شو عندج بلاج تصارخين وتصيحين سالي وهي تصيح: امايه الريم ماعرف شبلاها وراحت ام سالم الحجرة وكلهن هناك عندها يحاولن يهدنها وسالم بعد كان توه داخل البيت وراح فوق وشافهن كلهن متيمعات في الحجرة سالم: شفيكن ( هو ما انتبه على الريم لانهن كلهن مداورات بها) ميمي: سالم الريم مانعرف شفيها سالم: شفيها يلا يلا خلونا نوديها المستشفى ام سالم: يلا ركبنها السيارة وانا وياها بسير وشلن الريم السياره وسالم وام سالم شلوها والدكتور (مواطن) توه ظاهر من عند الريم سالم: شفيها دكتور طمنا الدكتور: لا الحمدالله احسن عن قبل بس ياها انهيار لو تعرف ليش قولنا سالم: لا والله دكتور ماعرف ......... يعني نروم نشلها الدكتور : يكون احسن لو تخلونها الين باجر سالم: خلاص دكتور الي تشوفه سالم اتصل ع قوم حموده وطمنهم سالم: حموده الدكتور يقول فيها انهيار من شو؟ حمودة: والله سالم ماعرف بس كانت ترمس ربيعتها وفجاءة لقيناها تصيح سالم: اهااا خلاص يلا اخليج وسالم تم يفكر شو هالشي الي خله الريم تصيح جذيه |
الجزء (9) ام سالم: سالم فديتك روح البيت انت تعبان انا بتم وياها سالم: لا امايه انا بتم وياج والحين بياذن الفير ام سالم: ع راحتك الغالي وع الساعه 8 الريم نشت شافت ام سالم حذالها ع الكرسي راقده ام سالم انتبهت ع الريم يوم نشت ام سالم: الحمدالله ع السلامه بنيتي ما تشوفين شر الريم: الشر ماييج خالوه ام سالم: شياج بنيتي شو صار عليج روعتينا البارحه الريم: ما من شر ام سالم : انا بسير اشوف سالم خاري ما سار البيت بطمنه عليج وراحت ام سالم تقول حق سالم انه الريم نشت وبخير وسهاله ام سالم: سالم فديتك الريم نشت دق على ابوك خله اييي ويشلني وييب حد من البنات عند الريم سالم : ان شاء الله امايه........ وسالم دق حق ابوه وطبعن ام سالم تمت ترمس ابو سالم واطمنه ع حال الريم سالم: الحمدالله ع السلامه الريم وما تشوفين شر الريم: الله يسلمك الشر ما ييك سالم: شو ياج الريم؟ الريم: ما يانيه شي سالم: وغلات غاليج تخبريني الريم: ما فينيه شي بس كنت مضايجه شوي سالم: وغلات والديج الريم: انزين بقولك انا مضايجه عشان ربيعتيه مسويه حادث وماعرف شو حالها سالم: انزين وين الحادث مستوي انا بتخبر عن حالها اهم شي ما تضايجين(سالم يشتغل في الشرطه) الريم: لالا خلاص ........ ودق تلفونها وكانت حمودة وتمت ترمسها وطبعن قالتلها شرات ما قالت حق سالم وسالم ظهر حس ان الريم ما تبا تقوله بس كان اهم شي عنده انها تكون بخير وسهاله وعقب اتصلوا على ام زايد وخبروها وامرة ردوا العين وكلهم ساروا عند الريم المستشفى في بيت عبدالله( بو خالد) بو خالد: ام خالد شعنه قوم حمد بن هناد ما تموا .. ردوا العين ؟ ام خالد: ما ادريبهم بشوف ام زايد واتصلت ام خالد حق ام زايد وتنشدتها وخبرتها ام زايد ان الريم مرقده في المستشفى وعند الغدا ام خالد: فطامي جيه انتي ما تعرفين ان الريم مرقده في الدختر؟ فطامي كانت تشرب ماي وشرقت : هاا شوو فيها؟ ام خالد: شوي شوي , يقولون البارحه فليل تمت تصيح وياها انهيار فطامي فخاطرها: شبلاها الريم وليش انا يوم قلتلها عن هزاع انه بيعرس تمت تصيح معقوله ياها الانهيار بسبب هزاع فطامي: اميه انزين ابا اسير اشوفها واطمن عليها ام خالد: خلاص ان شاء الله العصر بنسير والعصر في الصاله ام خالد لا بسة عباتها وتتريا فطامي تحدر من فوق وهزاع دخل توه ياي من الدوام ام خالد: فطامي يلا اتاخرنا انقفضي دهديييه الدريول يتريا خاري هزاع: اميه وينه بتسيروون ام خالد: بنسير صوب العين هزاع: ليش؟ ام خالد: بنت حمد بن هناد مرقده في الدختر هزاع هنيه فز قلبه : أي بنيه فيهن؟ ام خالد: بنته العودة ربيعة فطامي هزاع بصوت حزييين : شبلاهاا؟ ام خالد خبرته السالفة هزاع: انزين صبروا شوي ببدل وانا بشلكم وفطامي كانت حادرة من فوق :وليش توصلنا؟ الدريول بيشلنا هزاع: لا فديتج مستحيل اخليكم تسيرون العين مع الدريول وانا موجود ام خالد: هيه نعم صدقه اخوج فدييييتك ياربي يعني ما ذوق حزنك هزاع: فدييييييت اميه انا ولا حزنج الغاليه يلا عطونيه عشر دقايق بس وعقب راحوا العين وفي الدرب هزاع تم يفكر بالريم وبحالها فطامي: الله ياخذ الي كان السبب اصلن هي ما كانت جذيه ام خالد: هيه فديتها عين ما صلت ع النبي الناس ما تعطي خير فطامي: بس فخاطريه اعرف ليش صاررلها جذيه هزاع: ليش هب شرات ما قالت اميه فطامي: ونته شلك؟ ( فطامي كانت معصبه من هزاع كانت حاسه ان الريم كانت تصيح عشان هزاع) هزاع عصب من اسلوب فطامي: ونتي شعنه جذا ترمسنيه شو خوج الصغير فطامي: ما ادري شوف انت شو سويت قبل هزاع سكت عنها لان حس ان فطامي تعرف سالفته ويا الريم ووصلوا المستشفى وكانوا كلهم عند الريم لكن حمودة وفطيم وميمي وسالي توهن ظاهرات وصادفن فطامي وسلمن عليها وظهروا تقريبن العرب من الحجرة ومحد بقا الا ام زايد وبو زايد ودخلت فطامي وام خالد عند الريم وبو زايد ظهر خاري عند هزاع يسلم عليه واول ما شافت الريم فطامي لوت عليها وتمت تصيح فطامي: وغلات غاليج عندج الريم لا تصيحين ولا تظهرين دمعج ع ناسن ما تسوى والله ترا دمعج ثمينه عنديه الريم: فطامي فطامي: عوووونج الريم: عانج ربج بس ابا اظهر من هنيه مليت خلينا شوي نظهر برا الحجرة ام زايد: هيه فطامي فديتج ظهري وياها يمكن ترتاح طشونه ام خالد: عين ما صلت ع النبي دخنوها واقروا عليها وظهرن فطامي والريم في بيت بو سالم(راشد) حمودة: فطيييم شفتي خو فطامي اسميييييييييه انه عنييييييف فطيم: هيه ما شاء الله عليه الله يحفظه ميمي : الصراااااااحه طررر يحظها الي بياخذها حمودة: يمكن ياخذني هههههههه فطيم: لا فديتج طمني عمرج الريال خاطب وملجته عقب كم يوم حمودة: لا والله صدق ونتي كيف تعرفين؟ فطيم: شو كيف اعرف نسيتي اني طول الوقت عند امايه يالسه واكيد اعرف هالسوالف هههههههه حمودة: هيه صح نسيت انج حرمه الحين تدربين وتاخذين وكورسات حق سوالف الحريم وخلونا نرجع حق المستشفى فطامي والريم تمن يتمشن في المستشفى فطامي كانت تبا تفتح الموضوع انها ليش كانت تصيح بس ما حبت تضايجها اكثر وهن يمشن كان هزاع يالس ع الكراسي وتم يشوف الريم ...... الريم اول ما شافته دمعت عيونها الريم: فطامي يلا خلينا نرد الحجرة فطامي: فدييييييييتج الريم ليش هالدمعه فعيونج وغلاتيه عندج تقولين اعرف ان السالفه تخص هزاع اخويه والله اليوم لتقوليليه حلفت انا الريم: امممم خلاص انا بقولج بس والله لانيه ما اقدر اتحمل اكثر احس عمريه بموووت فطامي: بسم الله عليج من هالطاري ويلا قولي ورفجه انيه ما اخبر حد وتمت الريم تخبر فطامي السالفه فطامي: بالله عليج الريم كل هذا يظهر من هزاع اخويه الريم: انا فطامي ما باج تتغيرين من صوبه ولا شي خلاص الحين ماشي من بينا فطامي: الصراحه هزاع طاح من عينيه ما توقعته جذيه الريم: لا تخلينيه غلطانه انيه خبرتج خلاص قلتلج انتهى الي بينا فطامي: يعله ان شاء الله .. الريم قطعت رمسة فطامي: الشييمه فطامي ورفجت غالي لا تدعين عليه فطامي : خلاص انزين بس هو ما يحس ونتي بعد ما عندج سالفه تفكرين فيه لازم تنسينه الريم ولا عاد تفكرين فيه و ما يستاهلج وثانين هو الحين بيملج الريم: ادري فطامي خلاص انا قلت انيه لازم انساه فطامي: ونتي فديت خشمج الحين ثانويه عامه وهذا الي لازم تهتمين حقه هب شي ثاني اوعدينيه انج تحاولين تنسينه وما تفكرين فيه وفكري بس بدراستج الريم: ما بوعدج بس بحاول ومن ناحية الدراسه اوعدج فطامي: يلا الحين خلينا نسير عند امج واميه شكلنا الحين بنسير وعقب راحوا قوم فطامي وام خالد وفي السيارة هزاع: ها اخبارها بنت حمد ربها الا بخير؟ ام خالد: لا الحمدالله بخير وسهاله بس ماعرف شفيها من شافت فطامي تمت تصيح فطامي: هيه لانها تذكرت عرب من شافتنيه ام خالد: ويديه منو هم العرب؟ فطامي: شو اميه نسيتي ربيعتها ربيعتيه تراهاا هزاع حس انه فطامي كانت تقصده بالعرب ........ وعقب وصلوا البيت هزاع نزل فطامي وامه وظهر والساعه 2 فليل هزاع رجع البيت وراح فوق صوب حجرته وتوه يبا يتسبح وحد يدق ع باب حجرته هزاع: منووو دخل فطامي دخلت : ممكن هزاع ارمسك شوي هزاع: هلا بس شعنه ما رقدتي الساعه 2 وباجر مدرسة فطامي: ما قدرت ارقد والحين بقولك ليش هزاع: هلا يلا رمسي اسمعج فطامي: هزاع ابا ارمسك عن الريم بنت حمد هزاع فز قلبه : شفيها !!! فطامي: ما فيها الا كل خير هزاع: لا صدق قولي فطامي شفيها فطامي: والله ما فيها شي بس شله وايد مهتم!!! هزاع: هاا لا عادي هب مهتم بس لانها ربيعتج وادريبج تحبينها وايد وبنت ييرانا بعد فطامي: هزاع ورفجت غالي تقوليه الصدق هزاع: صدق شو بعد تبين اقولج فطامي: انت تعرف ليش الريم كانت تصيح وياها انهيار !!!!! هزاع: هيه عشان ربيعتها فطامي: لا هب عشان ربيعتها هزاع: عيل شله كانت تصيح؟ فطامي: كله منك انت هزاع انت السبب ونته تعرف ليش هزاع: هاا شوو!! فطامي: بس والله طحت من عينيه ما توقعت انك تلعب عليها يعني انت تعرف انها ربيعتيه وبنت ييرانا بعد يعني ع الاقل بتعتبرها ختك وبتحترمها شرات ما تحترمنيه هزاع: والله يا فطامي اني ما كنت العب عليها والله اني .....( سكت ) فطامي: انت شو انت بدون احساس بس همك تلعب وتستانس هزاع: فطامي والله قلت لج اني ما كنت العب عليها انا حسيت بشي جداها فطامي: انزين والحين تراك ودرتها وبسببك صابها الانهيار هزاع: ليتنيه ما شفتها ولا تعرفت عليها فطامي :حتى الريم ما كانت تبا تقوليه شي بس انا غصبتها تقوليه هي والله ما كانت تبغيك تطيح من عينيه هزاع ودمعه فعيونه : والله ما كان قصدي اجرحها فطامي: ونته يوم انك ما تحبها ليش كنت تجذب عليها هزاع نزلت دمعته بس حاول انه يمسحها من دون فطامي ما تنتبه عليه: والله يا فطامي اني احبها ( هذي اول مرة هزاع يقول انه يحب الريم من خاطره ) فطامي: الحين تحبها يوم كانت بين يدينك كنت ما تبغيها خلاص الحين لي فات الفوت ما ينفع الصووت ونته الحين بتعرس ما بقا الا كم يوم هزاع: ليتها والله كانت بنت عميه فطامي: خلاص انت لازم تنسى الريم والريم اكيييد لازم تنساك لا وبعد لازم ما تفكر فيك ونته الحين بتاخذ بنت عميه وضحه وهي ما تستاهل تظلمها هزاع: لا اكيد ما بظلمها وبحطها فعيونيه وبحاول انسا الريم واحب وضحه فطامي : اوكي خلاص الحين انا بظهر بخليك تتسبح وترقد...... وتوها فطامي بتظهر هزاع: فطامي مشكووة فديتج حسيت براحه فطامي: وهذا هو اهم شي راحتك وهي بعد ان شاء الله ترتاح هزاع:اميييييييين ( من خاطر) واليوم الثاني الدكتور رخص الريم من المستشفى والمغرب فطامي اتصلت على الريم فطامي: مرحباااااااااااا السااااااع يام عيووون سووود ووساااااع شحاالج فديتج ربج بخير؟ الريم: مرحب باااااجي علنيه افداج كل هالترحيب حقيه انا بخير يعلج بخير فطامي: فديتج اذا مارحبت فيج انتي بمنو غيرج ارحب الريم: تسلمين يعلنيه ما ذوق حزنج فطامي: ولا حزنج ياربيه الريم: ها شو مسوييين؟ فطامي: نشقح ع كراع اقولج هالاسبوع لازم تين بوظبي خلي عنج المعهد الريم: وشله عاد؟ فطامي: شو نسيتي ان الملجه هالاسبوع وبنسوي حفله صغيره الريم: السموحه منج فطامي ما اقدر ايي فطامي: خل عنج انتي وعدتينيه انج بتحاولين تنسينه الريم: قلتلج بحاول بس ما اقدر احضر ملجته فطامي: وغلاتيه عندج اذا تغلينيه وتعزينيه انج تحضرين الريم: امممم خلاص فطامي بس والله عشان خاطرج وغلاتج عنديه فطامي: تسلميين هذا العشم فيج فديت خشمج يلا اخليج الحين باي وسكرت عنها اما هزاع ويا سعيد في السيارة وهزاع حاط اغنية ميحد مالك رجى ويسمع http://www.ma7room.com/songs/sounds.php?mqtaa=2453 سعيد: والا اقول هزاع شو ازهبت حق الملجه والعرس هزاع: الشيمة سعيد سكر الموضوع ولا تيب طاريه ماليه بارض ارمس فيه سعيد: وشعنه عاده شفيك؟ هزاع: ما فيه شي بس خلاص ما ابا ارمس فيه ....... وطول هزاع ع الاغنيه وسعيد سكت عنه وهزاع وهو يسمع الاغنيه الدمووع فعيونه وسعيد ربيعه انتبه عليه بس ما حب يحرجه ويساله ويوم خلصت الاغنية سعيد: شرايك هزاع نيلس ع العرقوب هزاع: غايته وراح هزاع وسعيد وتموا يالسين ع العرقوب سعيد: هزاع هزاع: يالبييييه سعيد: لبيت في منى بس بغيت ارمسك بموضوع هزاع: اسمعك سعيد: شو كان قصدك انك ما تبا ترمس بموضوع العرس يعني انت هب مقتنع في بنت عمك والا شوو السالفه هزاع: لا انا مقتنع فيها بس مابا ارمس بهالموضوع سعيد: شوف هزاع انا ربيعك هب من اليوم والا من البارحه انا من متى اعرفك واعرف بشو تفكر انا اقولك مرة ثانيه يوم انك ما تبغي بنت عمك خلاص لا تاخذها هزاع: لا باخذها شو بيقولون مابا احط اهليه في موقف ما يتمنونه سعيد: انا اقول كذيه بعد بس هزاع لا تنسى هذي بنت عمك من دمك يعني لازم انك تنسى الي في بالك هزاع: شو منو فباليه سعيد: قلتلك هزاع انت هب ربيعيه انت خويه واعرف بشو تفكر وبمن هزاع: والله يا سعيد احس انيه ما اقدر انساها وانا بعترف لك انيه احبها سعيد: ادري والحين اقولك انا هالرمسه ما منها فايده طال عمرك وانت الحين خاطب وكم يوم بتملج يعني انساها وحاول تحترم حرمتك وتقدرها ولا تظلمها فياك هزاع: ادري يا سعيد وانا ان شاء الله بنت عميه ما بقصر عنها وبحطيها فعيونيه وبحاول انساهاا ( ودمعت عيونه) سعيد: خلاص هزاع وهذي دموعك مابا اشوفها مرة ثانيه لازم تنساها هب تحاول بس هزاع: ان شاء الله سعيد ومر كم يوم ويا يوم الملجه والرياييل ساروا وملجوا والفليل قوم حمد ساروا بوظبي وعقب ساروا بيت عبدالله (بو خالد) الرياييل في ميلس الرياييل والحريم في ميلس الرياييل بس محد وايدين كانوا بس عازمين الي قريبين منهم في ميلس الرياييل حمد (بوزايد) وهزاع ولده وزايد دخلوا وسلموا هزاع عبدالله: هزااع تعال فديت خشمك هزاع بن حمد سار صوبه هزاع فخاطره ياويل حاليه ياكم تشبها ذكرتنيه بها ) هزاع عبدالله: حبيبي هزاع منو يا وياكم ؟ هزاع حمد: كلهم هزاع عبدالله: الريم يت ؟ هزاع حمد: هيه الليم وسلامي ونوف بعد وماما هزاع عبدالله فخاطره: ااااااااه يالريم انتي هنيه وما يفرق من بينا الا يدار ليتنيه اشوفج بس اما عند الحرمات كان ربشة لو انه ما كانوا وايدين ناس يايين بس كانت الحفله حلوة سلامة: الريم ابا ماي عطشانه الريم: انزين سيري شربي في المطبخ محد هناك وسارت سلامة المطبخ تييب لها ماي وفي نفس الوقت مانع خو فطامي بعد كان ياي المطبخ( والمطبخ له بابين واحد من داخل واحد من خاري) وسلامة وهي تصبلها ماي مانع دخل سلامة تفشلت وتبا تظهر مانع: لا خلج انا بظهر ........... وظهر وعقب الحفله كلهم ساروا بيتهم سلامة خبرت الريم السالفه الريم: كيف كان شكله؟ سلامة: شكله هب وايد عوود توه الشنب يظهر له الريم: عيل هذا مانع اتوقع وفي بيت عبدالله(بو خالد) هزاع امرة من ظهروا الرياييل سار عند ربعه اما فطامي وحمدان ومانع في الصاله يطالعون فلم وع الساعه 1 حمدان سار عنهم فوق عند الكمبيوتر وطبعن ع الجات فطامي: لازم اليوم اسوي عرس كولووولووووش مانع: شعنه عاده؟ فطامي: لا ما صدق شكلهم باجر بيحطونه في اخبار الامارات ههههههههه مانع بن عبدالله هب راقد الين الساعه 1 مانع: ايييييه انتي بسج وايد تتمصخرين عليه .... فطامي اتخبرج فطامي: هلا مانع: اليوم كنت ساير المطبخ اييب لي ماي وشفت بنيه هناك لاهي من بنات عموميه ولامن بنات خواليه فطامي: اممممم كيف شكلها أي لون لابسة مانع: لابسة وردي مع اصفر فطامي: اهاااا هذي بنت حمد بن هناد يارنا مانع : اهااا أي صف هي؟ فطامي: ولا تتنشد شو تبا فيها مانع تفشل: لالا ما شي بس شفتها استغربت منو هي فطامي: لا يكون عيبتك منوع انت ياهل ترا خلك عن هالسوالف وفكر بكتبك بس مانع: انتي شو تقولين اخيرلي اسير ارقد تعبان ........ وسار فطامي: شفيهم اخوانيه طايحين ع بنات حمد كلهم امرة باقي الا خالد ههههه وعقب يومين في بيت عبدالله كانوا يايين قوم خالهم الي في العين وعلاية امرة ما كانت تبغي اتي بيتهم معصبة ومبوزة ( عشان هزاع طبعن) وعلايه عندها خت من ابوها اسمها حصة ع قد الريم وفطامي بعد كانت يايه وياهم فطامي دقت على الريم وقالتلها تعالي صوبنا بنات خاليه يايين والريم وسلامة ختها ساروا بيت قوم فطامي اول ما دخلت الريم الفله تمت تتلفت تدور اذا كان الرنج الابيض واقف (سيارة هزاع) بس خاب ظنها ما شافت السيارة هي ارتاحت وزعلت فنفس الوقت ودخلن الريم وسلامة وكلهن في الصاله وسلمن وتمن يسولفن الا علاية كانت من الخاطر معصبة ههههههه ومادة البوز شبرين فطامي: الريم ؟؟ الريم: يالبيييييييه فطامي: لبيتي في منى ان شاء الله قولي تم الريم: تم يابنت عبدالله امري فطامي: ابا منج تسمعينا شلة غاوية بصوتج الغاوي حصة: اووووه الريم تشليييييين الريم: هيه طوليه بعمرج حصة : يلا عيل سمعينا صوتج الريم: امممممم شسمعكم .................ودخل هزاع بس وقف عند الباب لان سمع وحدة تشل وعرف انها الريم وتم واقف ويسمع بحضر زفافك يا حياتي بحضر زفاف الي هويتـــــــه وبرزف عشانك لا تحاتي وبهديك كل الي بغيتـــــــه بهديك دمعي واعبراتي والهم الي فيني رميتــــــه بحضر ولو بعرسك مماتي شايل معي قلبن نسيته واجمل قديم الذكرياتي والضيم لي منك خذيتـــــه وبذكر ليالي الماضياتي كنت الوليف الي اهتويتـــه كنت الذي لجله اباتي ساهر ونومي ما اهتنيتــــــه بهديك في ليلة وفاتي حلم الليالي لي طويتـــــــه واعطيك من قلبي امنياتي تلقا الهنا فدربن مشيته وتعيش في راحه وسباتي ويا الذي عقبي لقيتـــه بحضر زفافك ياحياتي بحضر زفاف الي هويتـــــــه http://www.6rbtop.com/library/resour...n/16315_hi.ram والسلموووومة كلهم: صح لسانج حصة : والله انه صوتج طررر اما هزاع كان متيبس وهو يسمعها حس ان الشله حقه وامرة ظهر من البيت علاية: والله انج صحيتي الريم بحضر ولو بعرسك مماتي شايل معي قلبن نسيته فطامي حست ان الريم كانت تشلها وتقصدبها هزاع وقبل العرس بيوم فطامي دقت على الريم فطامي: ريماني تعالي فديتج يابوا فستانيه اليوم الريم: هب لازم اييج باجر بشوفه فطامي: عيل والله تين اليوم شو باجرالعرس وانتي ادريبج عقب ما بتين الين ما يخلصن الامتحانات بتسيرين العين وطاف حق فطامي وغيرها الريم: طاف فعينج شالهرمسة انا اسوي حق العالم كله طاف وانتي مستحيل انزين الحين بيي صوبج فطامي: اوكي اترياج والمغرب الريم راحت عند فطامي وسلمت وعلى طول سارت هي وفطامي فوق حجرتها وتمن يسولفن فطامي: اوووه صح ابا عطر كشخه امممم من ويين اييب الريم: وجيه ما شتريتي الحين تذكرين فطامي: شسوي نسيت والله خلاص لقيتها فحجرة هزاع احيد عنده عطور كشخه الريم: شو تبينهن عطور الرياييل فطامي: منو قالج انهن مال الرياييل عادي هو ياخذ عطور نسائية ع قولته احلى يلا تعالي ندور الريم: لا روحي الروحج انا بترياج هنيه فطامي: عيل والله تين ومحد احين هو لو حد انا مستحيل اقولج تعالي الريم: انتي الا تحولفين امرة ما عندج وقت انزين يلا وسارت فطامي والريم حجرة هزاع وفطامي تمت ادور عطر والريم تطالع حجرة هزاع وطاحت عينها ع صورته في برواز ع الطاوله ومن دوون فطامي ما تنتبه عليها سارت وشلت الصورة وخشتها وعقب فطامي نقت عطر حلوة ريحته وظهرن والساعه 9 تقريبن الريم اترخصت عن فطامي والريم وهي ظاهرة كان هزاع توه ياي البيت ونازل من السيارة وحاط شلة عبدالله الرميثي ليت ما شفته وحبيته الريم ما كانت متغشية واول ما انتبه هزاع على الريم تم متصنم وهي بعد كانهم يودعون بعض وعيونه فعيونها http://www.ma7room.com/songs/sounds.php?mqtaa=243 والريم دمعت وخطفت عنه هزاع: الريم ....... والله اااااااااسف(صوته حزين) الريم لفت صوبه : مات حبك من خوافينا مات حبك ونعلن احداده .... وخطفت عنه وسارت بيتهم اما هزاع سار فوق ودمعه فعينه وايد اضايج من الي قالته الريم لو انه من حقها ويوم العرس كلهم كاشخين الريم كانت متكشخه لكن ما عقت العباه طبعن بس كانت حاطه الشيله ع جتفها ومسويه تسريحه خفيفه لان شعرها طويل مستحيل تفتحه وشافت فطامي وسلمت عليها وتمن يحوطن في القاعه ويسلمن ع الخطار وعقب دخلت العروس (وضحه) وكلهم تموا يسلمون عليها ويباركولها وقالوا ان المعرس وابو العروس بيدخلون الريم راحت ويلست ع الطاوله وهزاع من دخل وهو يتلفت يمين ويسار وعقب سلم ع وضحه وباركلها ويلس عندها وهو هب وياها امرة يدور الريم وعقب قالوا ان اخوان وضحه بيدخلون فطامي سارت عند الريم فطامي: ريماني يلا تعالي ويايه بييب عباتيه وشيلتيه الحين بيدخلون عيال عميه خوان وضحه والريم نشت ويا فطامي واول ما نشت هزاع امرة عرفهاا وتم يطالعها وما خازت عيونه عنها ودخلوا خوان وضحه وسلموا وعقب خو وضحه: هزاع يلا خلنا نيول هزاع: يلا وايد يهال كانوا يولون وثنين من خوان وضحه وهزاع يوم كان ايول كان كله يطالع الريم فطامي انتبهت عليه حتى الريم بس سوت له طاف وعقب ظهروا خوان وضحه وبوها فطامي راحت فوق عند الكوشه وهمست فاذن هزاع : انت شو ماتحشم حرمتك حذالك ونته تطالع غيرها هزاع ماعرف شو يرد وفخاطره: والله صدقها فطامي انا شفينيه ما حشم وحرمتيه عنديه وانا افكر بغيرها لازم انساج يالريم لو اني احس ما اقدر انساج وخلص العرس وكلهم ساروا وهزاع ووضحه راحوا فندق اما الريم يوم وصلت البيت راحت وتسبحت ولبست بجامه وحاربت عينها الرقاد تمت ضاربه فكر بهزاع اليوم وتذكرت الصورة الي شلتها من حجرته وحطتها جدامها وشغلت الاب توب وتمت ترمس ربيعاتها ع المسن وشغلت هذي الشله حربي العامري ما جنيت من الهوى شيا (بيني وبينك) http://uaefm.net/music/sh/sh03/harbi...y-wa-binek.ram اما هزاع ووضحه عقب يومين ساروا ماليزيا( شهر العسل) وهزاع امرة كان يحترم وضحه ويقدرها وما يقصر عنها بحايه لو انه كان يفكر بالريم بس حاول ينساها عشان وضحه في بيت حمد (بو زايد) نزلت الريم تحت العصر ولابسه عباتها وشيلهتا وكانوا كلهم يالسين في الصاله وحاطين جدامهم القهوة والجاهي ولقيمات بو زايد: مرحبا الساع بالريم شيخة الحريم الريم: مرحبا ملايييييين ولا يسدن فذمتيه فدييت بو زايد انا وراحت ويلست عند ابوها ولوت عليه ام زايد: جيه شو انت وياها هب شايفين بعضكم من كم سنه بو زايد: والله يوم ما اشوفها فيه كانه سنه عاد هذي الريم غير .. وحط ايده على جتف الريم سلامه (غيرانه): ابويه شمعنى الريم؟ الريم: فديت ابويه يحبنيه بوزايد: احبكم كلكم بس الريم فديتهاالوحيده تي عنديه ونتي شعنه غيرانه سلامه: هب غيرانه فديت اميه والله محد يسواها (تغايضهم ) الريم: زايد يلا سير ازقر الدريول ابا اروح المعهد بوزايد: افاا الريم وجيه وانا هب عايبنج تبدين الدريول عليه الريم: افااا ما عاااش من يبدي الدريول عليك يابوزايد حد يبدي الستيشن بالبورش بوزايد: عيل يلا ..... زايد وهزاع جان بتون ويايه كارفور يلا سلامه: وشمعنى هم ؟ بوزايد: شو انا بسير عند ربعي وبخطفهم هناك ونتي بنيه محد عندج قري بقعتج وصكي الدعنه سلامه مشغله التلفزون وحاطه قناة نجوم سلامه : طالعي الريم اليازيه مسويه اغنية يديده الريم: اوووف منها هذي وطت راسنا اونها اماراتيه وعقب ظهروا بوزايد وصل الريم المعهد وشل هزاع وزايد كارفور وساروا عالم فتون وبوزايد سار عند ربعه والريم دقت على ابوها ع الساعه 7 ويا بوزايد وشلها وساروا كارفور عشان اييبون هزاع وزايد بوزايد: يلا الريم نزلي جان تبين شي تاخذين الريم: اممممم مابا شي ..... والا اقولك بحدر اشتري حلاوة وكافي ونزل بوزايد والريم وياه بوزايد: انا بروح ازقر خوانج ونتي خذيلج حلاوة الين ما ارد الريم: اوكي وسار بوزايد عند زايد وهزاع والريم تمت تتنقى من الكوافي والحلاوة وكانوا ثنين وراها ويرقمون وهي طاف بعدين بعدهم ما خلوها وراها الريم: اووف شو هذا حتى في الكارفور ما يخلون حد يتشرى حلاوة واحد سمعها منهم: افااا منو الي ما يخليج اتشري الشيخه وماعليج الريم سارت عند الريدبول وخذت لها واحد وقال واحد منهم: تدرين انه الريدبول هب زين حق البنات الريم ( عصبت) وحطت واحد ثاني رد وقال: انتي شو ما تفهمين هب زين اقولج بس خلاص لا تاخذين الريم تغيضت منه و حطت ثلاثه زياده تموا يضحكون عليها واحد قال: هب هينه هذي هههههههههه ربيعه قال: والله انها طررر دقي اليوم وهذا الرقم xxxxxxx الريم: اووووف يعلكم العوق ياربيه ...... وشافت ابوها وهزاع وزايد وسارت صوبهم وحاسبت وظهروا وهزاع ووضحه عقب سبوع ردوا الدار لانهم تولهوا وهزاع بعده ما خازت الريم عن باله لحظه وحدة بس ماكان يبين لوضحه بالعكس يبينلها انه يحبها وحاطنها فوق راسها والريم تدرس دراسه وكله في المعهد ومن زمان ما سارت بوظبي من عقب العرس بوزايد: بسج حشى عيونج بيظهرن بعدهن الامتحانات الريم : ههههه لا ما بيظهرن ادري بعدهن بس لازم اييب نسبه ترفع روسكم بوزايد: عاد انا عنديه صحتج اهم عن دراستج ام زايد: صدقه ابوج تعالي يلسي عندنا امرة ما تيلسن عنديه انا وبوج وخوانج ويوم غايت الدراسه درسي تراه بيعطونكم شهر ودرسي فيه وامرة لا تين عندنا والريم تمت يالسه عند ابوها وامها واخوانها سلامه: ابويه شو بتاخذليه يوم بنجح؟ بوزايد: امرررة الي تبغينه سلامه: ابا دراجه ام زايد شهقت : والخيبه دراجه مرة وحده جيه ولد ثرج انتي بوزايد: فالج طيب ما طلبتي ام زايد: شو فالها طيب ويديه لا بويه ابها بنيتيه وكلهم : ههههههههه زايد وهزاع ونوف: نبا دراجه نحن بعد زايد: حشى وين بتخلونهن خلاص هونا ماشي دراجه سلامه ويوم بنسير البر بناجر شرات كل مرة ما يحتاي ........ الريم ونتي شو تبين؟ الريم: والله بس ابا رضاكم عليه بوزايد: فديتج والله راضين عليج خلاص انا اخترت هديتج تنقي ثلاث بلدان ع كيفج وكلنا وياج امرة سلامه: الله والله ذيج السنه ما سافرنا ملل كان .... الريم اختاري اسبانيا ام زايد: عاد كله ولا تختارين المانيا والا لندن ترا والله عفناهن الريم: لا اميه هالمرة بنقي بلدان ما كد سرتوهن زايد: الريم ورفجى سويسرا الريم: امررررة تم كم اقدر اقول شي للشيخ زايد اما في بيت عبدالله( بوخالد) هزاع ويا وضحه في الحجرة يسولفون وضحه: هزع احبك هزاع: انا بعد وضحه: هزاع بس فخاطريه تقول احبج هزاع: وضحه كيف يعني ما حبج ونتي اولن بنت عميه والحين حرمتيه وضحه: بس يعني لانيه بنت عمك وحرمتك هزاع: هيه عيل كيف بعد الحب تبينه وضحه: هزاع انت تحب وحدة غيريه والا شو هزاع فج عيونه : شو احب وحدة غيرج شفيج وضحة اليوم وضحه: ماعرف والله بس احسك ماخذنيه لانيه بنت عمك بس هزاع: انزين لانج بنت عميه كيف بعد باخذج يعني... اقولج سكري الموضوع انا برووح اتسبح الحين وسار هزاع يتسبح وصل حق هزاع مسج وضحه عمرها ما شافت شو فيه تلفون هزاع وهو بعد نفس الشي لانه واثق فيها وهالمرة شلت وضحه التلفون والمسج واصل من اسم ( قلبي ) ومكتوب فيه( لا ضاق صدرك غمض عينك وتذكر شكلي بترتاح على طول .... ناس مجربينها ) وضحه وايد اضايجت من المسج وماعرف منو هاذي الي مطرشة وفتحت الصندوق الوارد وايد رسايل من قلبي وكلهن مسجات حب وشوق وضحه فخاطرها : معقوله هذي الي هزاع يحبها ولا بعد مسيفنها قلبي وانا مسيفنيه عنده هزاع ( هزاع مسيف وضحه عنده هزاع عشان اذا حد شل تلفونه من ربعه ما يعرف انها بنيه) ........ وضحه وايد حطت فخاطرها وعقب هزاع ظهر من الحمام !!!!!!! |
الجزء(10) وضحه ما قدرت ترقد تفكر بهزاع ومنو الي مسيفنها قلبي وضحه فخاطرها: هووو من امبونه جذيه يغازل ولا والحين يرمس وحدة ويحبها انا لازم اسوي شراته شرات ما يكلم وحدة انا بعد بكلم واحد ما كون وضحه ان ما خليته يندم اليوم الثاني وضحه تمت تفكر : كيف اتعرف على واحد امممممم خلاص لقيتها ماشي غيره من الجات اليوم الثاني دخلت غرفة الكمبيوتر وقفلت الباب ودشت الجات واتعرفت على واحد نكه مزيون العين وضافته عندها ع المسن وعقب خذت رقمه هو اسمه خالد بس سيفته خلود عشان محد يشك ويتحرونها بنيه ومرن ايام وهي ترمسه ع التلفون وع المسن وعادي عند قوم فطامي حتى عند هزاع تتخيلون !!!!!! بس ع اساس انه بنيه وضحه كانت في الصاله ترمسه فطامي: وضوووح منو ترمسين وضحه: ربيعتيه خلود فطامي: هذي الحين وايد وياج عطينيه ارمسها ابا اتعرف عليها وضحه ارتبكت : لالالا شو تتعرفين عليها هي يالله يالله تعرفت عليه ما تحب تتعرف فطامي: صدق حشى وين عايشه هذي فكوخ يوم ما تحب تتعرف ع حد برايها جيه ما لقيت غيرها في شهر 4 اخر شهر ثناويه عامه انهم يداومون في العين وبالتحديد في مدرسه الريم مريوم:شو رايكم نروح عند الاخصائيه ونقولها نبا نروح رحله دبي الريم: هيه والله يبالنا سيره شرات العام شميم:انا اميه ما بتخلينيه اروح دبي ( شميم ابوها متوفي وعايشه مع امها واخوانها بس) الريم:فديت امج يوم برمسها بطيع شميم:هيه صح عاد هي ميته فيج ودوم تقول لو عنديه ولد عود جان خطبت الريم حقه الريم:والله فديتها منو ما يبا تكون عمته شرات امج مريوم:وين كنا ووين صرنا يالله نروح نزقر الشله ونروح عند الاخصائبه وتيمعن كل الشله وروحوا عند الاخصائيه (الشله هذي دوم عند الاخصائيه من كثر ما يسون ضرابه ويشردن من الحصص) الاخصائيه:ها بعد شو فيكن مع منو مضاربات؟ كلهن ظحكن :لا لا ما ضاربنا اليوم مريوم : ما باقي الا كم يوم لازم نسوي صلح ويا الابلات الاخصائية: زين والله عيل شو تبن؟ الريم: ابله نحن نبا نرووح رحله دبي عشان نذكر بعضنا وتكون لنا ذاكرة طيبه عن مدرستكم الاخصائية: انزين مع منو تبون ترووحوون ادبي والا ويا علمي شميم: لالا علمي ما نبا ادبي ( المعرووف ان بنات علمي ما يحبن بنات ادبي والعكس صحيح) الاخصائية: عيل خلاص علمي 1 بيروحوون وياكم بس خلوني ارمس الوزارة قبل ... انزين وين تبون تسيروون؟ شميم: موول الامارات يمدحونه الاخصائية : لا لازم قبل مكان علمي تسيروون يعني متحف شي جي الريم: خلاص اوكي متحف دبي الاخصائية: خلاص ان شاء الله انا برمس الوزارة وبرد لكم خبر وعقب اسبوع الاخصائية راحت صفهم وقالت الهم ان يوم الاربعاء رحلتهم مع صف ثالث علمي 1 شميم : الريم وعد الحر دين لا تنسين انتي قلتي بترمسين اميه الريم: اكييييييد فديتج من عيونيه بعد لو تبين ارمس اخوج الي في الاعداديه برمسه شميم: لا يهالواا شونباهم بس اميه الريم ومريوم وشميم ساروا عند الاخصائيه وهن ظاهرات شافن سلوم سلوم توها يايه: هلا والله شو بعد مع منو متمشكليين افاا خيانه وليش ما زقرتونيه مريووم: وين تبين شو تتحرين مصارعه سلوم: اشوفكن ظاهرات من عند الاخصائية ومستانسات قلت اكيد اضاربتن مع حد الريم: من متى اذا حد اضارب مع حد يستانس الا جان انتي سلووم: تدرين عاد الريم والله من يومين هب مضاربه فخاطريه قبل لا تخلص المدرسه الريم: عيل مريووم تقول نسوي صلح ونتي تبين تضاربين سلووم: امحق صلح جان مع الابلات من زينهن مالت عليهن الهرمات شميم: الله يعين الابله الي بطيح بين يدينج الريم: اسميهن ما بيعينن خير يوم بيضاربن ويا سلوم حمودة يايه صوبهن: هااا شو تسون مع أي ابله اضاربتن بعد لايكون النحسه بدريووه ( ابلة احيااء) سلوم: عاد هذي امرة فخاطريه لازم اخر يوم ضاربها ابرد خاطريه ما عليه ما كون سلوم بنت سلوم (سالم) ان ما ضاربتها الريم: والله انتي بسوينها حشى لا بويه بس نحن كنا عند الاخصائية عشان رحلة دبي حمودة: أي رحلة بعد مريوم: احم احم بس نحن بنات علمي حمودة: لا والله ع راسكم ريشة الحين بروح عند الاخصائية شميم: سيري خلاص تحددت الرحلة يعني ماشي فايده تسيروون ويانا سلوم: صدق بنسير الرحله عيل من اليوم بشتغل تقردين بالعيوز جادها تطيع ( سلوم كل اهلها في بوظبي بس هي عايشة هنيه في العين مع يدتها ) الريم: فديت عيووزج انا لا بطيع ولا يهمج بس عليج شوي تقردنينها عاد هي امرة تحبج سلوم: هيه صح تحبنيه هب جنه كل يوم تمرغنيه بعصاتها حشى ما اواحي ارمس بكلمه الا القاها مجهزهة عصاتها الريم: ع قولتهم ما يضربك الا الي يحبك سلوم: هيه انتي تقولين هالرمسة الا كذيه تعالي يلسي عندها بس الريم: لازم ايي اتعرف على يدتج فديتها محلى سوالفها يوم تطرينهن النا سلوم: هيه فديت عيوزيه محلى سوالفها كسر تيم ماعليهن رمسة الساعه 8 فليل شميم دقت حق الريم وخلت امها ترمس الريم الريم: مرحباا الساااع خالتيه ام شميم: مرحب باقي شحالج يعلنيه افداج؟ الريم: بخير وسهاله ومن جداج خالتيه ربج الا بخير؟ ام شميم: بنعمه ربيه يعافيج ما نشكي باس .... عيل وينج الريم بنيتيه مالج شوف تولهنا عليج ما ريناج من زمان الريم: شسوي خالتيه تعرفين ثانويه عامه ودراسة وكراف ام شميم: هيه عسى الله يوفقن وتيبن ذيج النسبة الي ترفع الراس الريم: امييييييين ويا شميم ياربيه .خالتيه ابا اطلب منج طلب ولا تردينيه ام شميم: عوونج بنيتيه الريم: عانج ربج بس بغيت اطلب منج ان شميم تي ويانا رحلة دبي ام شميم: لالالا منقوود ماشي سيرة الريم: خالتيه هذي اخر سنه ويمكن ما نكون مع بعض السنه اليايه وما نسير رحلات ويا بعض لا تردينيه خالووه ام شميم: ما ردج بنيتيه لكن الريم تقطع رمستها: عيل خلاص عشان خاطريه تخلينا تسير ويانا ونحن ما بنسير رواحنا ابلات بيكونن ويانا وانتي بس قولي تم وشميم بعيونيه بحطيها والي يقرب صوبها بحط الفرد بين عيونه ام شميم: ونعم والله بنت حمد خلاص تم فديتج الريم: مشكووووورة خالوه ام شميم: يالله فديييييييييت منطووقج ياربي الريم: علنيه ما ذووق حزنج خالتيه تسلمين ام شميم: امييييين ولا حزنج يلا اخليج هذي ها شميم رمسيها الريم وشميم سووو حفله ( مستانساات) بس بدوون كيك الا في التلفون عقب كم يوم كانت امباراة العين ويا الشارجه نهائي كاس رئيس الدوله وكان ربشة من الخاطر خاصه يوم فازت العين ويوم الاربعاء الريم خطفت على حمودة (حمودة دووم تسير مع دريول قوم الريم المدرسة) حمودة كانت معصبه ليش يودون بنات علمي وما يودونهن هههههه وكانت الريم متفقه ويا شلتهم انهن يلبسن عيناوي غياض ههههههه وكل البنات نزلن عشان الطابور الا صفين علمي 1و2 عشان الرحله الريم: ياويل حاليه الصف امرة كله عيناوي غادي محلاتكن والله سلوم توها هابطه الصف الريم: سلوم شياج اتاخرتي فديتج؟ سلوم: والله ماشي بس العيوز الين ما فججت راسها والا شميم كيف امج طاعت شميم: فديت ريماني ما قصرت الريم : خبرينا سلوم وياراسج كيف قردنتيها ادريبج هب هينه سلوم:اسميها العيوز كانت ميبسة راسها هب طايعه تخلينيه اسرح اليوم اوين تبغينيه اسرح فياها العزبه جان ريتي ؟ الريم: وشقايل طاعت عاد هي كله ولا عزبتها حلالها سلوم: قلتلها فديتج اميه باخذلج مناك شي قالت شو بتاخذين قلتلها الي تبينه قالت ابا حنا احني راسيه اسميه يعورنيه من كم يوم كلهن : هههههههههههههههههه سلوم: عاد قلتلها ان شاء الله باخذلج عقب ردت وقالت ما بتسرحين الين ما تفججين راسيه اسميها هذي ميرنا ما تعرف طشه مسوده الويه لازم نسفرها عاد الين ما فججت راسها شسوي بعد الريم: فديييييييييت عيوزج وحليلها خدامتكم هههههههههههه سلوم: دووم الصدعه والضرابه فياها امرة الخدامه متخشه انا ما سلمت من عصاة العيوز تبين ميرنا تسلم مسكين حالها هههههههههههه وعقب ين الابلات وكلهن ركبن الباص الريم كانت شاله تلفونها وكيمرة ديجيتال صغيره وفي البااص كان صدق خرشة من الخاطر حاطين ميحد وتمن يبسن البنات تحت عن حد يشوف لان المخفي مال الباص كان هب قوي وايد مريوم: بنات شرايكن نسوي برنامج نجم الشله هنه كلنا بنشل حتى لو الصوت زياغ ههههههههه الابلات كانن وياهن وكل المرة الدورعلى حد حتى الابلات شلن لو انهن زلمات هههههههه الريم شلت ( الله عطاناا خير وانعام والحمدالله واجب علينا يالي عطانا ايمان والهام من فضله الضافي عطينا..........) كلهم : اوووووووووب اكيد الريم نجمة الشله وعقب وقفوا عند شيشة البتروول ونزلن كم بنيه يتشرن حلاوة الريم:منو بيخاوينيه ؟ سلوم: انا بخاويج فديت خشمج تقدرين تصبرين عنيه الريم: منو قال اقدر انا ثانيه ماصبر بلااج علنيه فداج ..... بنات حد يبا حايه؟ مريووم: ابا فيتامين سي الريم: اخيرلج الريدبول مال اول الفيتامين مريوم: لالا حشى جنه بول بعير عزكم الله سلوم: والخيبه لو عتي بجبودنا من امبونيه كنت باخذ بيربه دام هذي رمستج هونت امرة الريم هوني فيايا ماشي ريدبول الريم: هيه والله صدقج خلاص مالنا غير الفيتامين مال مريوم الحايه وماتسوي شميم امرينيه انتي امج موصتنيه عليج؟ شميم: انا اباا امممممم كندر سوربرايس وباا عصير جلكسي لو شي الريم: من عيونيه ما طلبتي ونزلت الريم وسلوم يتشرن الريم: سلوم هذووه كندر سوربرايس جان تبين بس عطينيه اللعبه كان واحد هناك بعد: انزين انا بعطيج اللعبه بس تاخذين وياها الرقم شرايج؟ سلوم: فعينك يالهرم مالت عليك وعلى رقمك يلا فارج هش هش مناك الريم نقعت عليها من الضحك: جيه شو هوش ههههههههه اسميج الا متاثرة بالعزبه بويه هذا بشر هب هوش هههههههههه لا تمين تسبينه خلاص سلوم: عنلاته شو ما اسبه الهوش اخيرعنه يفهن يوم تقوليلهن هش مناك هو ابدن ما يفهم ورد قال: ايييييييييه سكت عنج وايد تراج مصختيها انا ما رمستج سلوم: بعد قصورك ترمسنيه جان تبغينيه احطك تحت نعوليه الريم: حووووووووه فضحتينا يلا يلا ركبنا الباص وراحن الريم وسلوم الباص سلوم: انتي شفيج يزايه انيه ادافع عنج ويوم ركبن الباص هو بعد كان راكب سيارته يعبي بترول وكانت سيارته مجابلتهم سلوم تاشر: الريم طالعي هذا السبال الي مساعه ريناه مالت عليه عنده فتك هب راكب عليه الريم: انتي شولج فيه طبيه هو انتبه انه حد ياشر عليه بس كان الباص عليه مخفي خفيف ما يبين وايد ونزل من السيارة وقف جدام سيارته ويطالع الباص وتم يرقم بصبوعه ويسوي حركه بايده اتصلي سلوم: نشي الريم فيايا الريم: شبلااج وين انش شعنه؟ سلوم: لازم اسنعه هالسبال ما ريتيه مسود الويه فاصخ الحيا الريم: عيني خير شبلاج استخفيتي مريوم: انتي صدق مينونه وربي تسوينها شو اول مرة حد يرقمج هههههههههه شميم: ليش اصلن هي تخلي حد يرقمها كله تضاربهم حشى والله تخليهم صدق يتوبون يرقمون ههههههههههه سلوم: ايييييييييه اقولكن نسيت الريم: شعندج بعد لا يكون شي بتسوين سلوم: وجيه فديتكن الحين العين فازت ونحن ما خذنا مجلات يلا نشن فيايا بنشتري جرايد ومجلة السوبر ماعرف شسمها ونزلن وخذن وكانت ويا المجله صور اللعيبه ويا الشيخ الابله: دي حلوة الصورة علؤووها ع الباص سلوم : ونعم صدق انج ابله غير عن الابلات هذي الابله الي تفكر صح الابله: ايوه عشان يعرفوا ان من العين وعلوقوا صورة ورا ع الجامه وصورة ثانيه ع الطرف بس وايد واضحه وتبين ان فريق العين لوووووووووول وعقب وصلوا المتحف وتموا يحطوون وكان وايد اجانب فيه والريم وسلوم خلصن حواطتهن فيه وراحن فوق يترين الين ما يوصلون كلهم وكانوا ثلاث فلبينين وايد يطالعون واحد منهم وايد اكثر عن الثانين سلوم: والله بكفخه ع السبال الريم: طبيه شو تبينه وظهر الفلبيني كيمرته سلوم نشتله ومطت الكيمرة من ايده : واي يو وونت تصور يو دوونت تستحي يو سبال ؟ وهو حليله تروع ههههههههههههه : سوري مريوم: شو مستوي شفيكن الريم: فاتج سلوم اضاربت ويا الفلبيني هههههههههه نص بالعربي ونصه بالانجليزي ههههههههه مريوم: لا حوووول حتى الفلبيني ما سلم صدق انج عيوز ماكلين عشاها لووول وعقب ظهرن وسارن الامارات مول اول ما وصلن سارن المصلى وصلن وعقب راحن صوب المطاعم يتغدن وتمن عقب يحوطن عند المحلات وخلاف دشن سكي دبي الظهر محد كان ولعبن من الخاطر والعصر انترس واستوى زحمه وكانوا فنفس اليوم يايين قوم نجم الخليج الي في دبي مريوم: طالعوا فوق قوم نجم الخليج معضد الكعبي سلامي عليك الريم: الصراحه انا ماعرف غير معضد واحد كان واقف جريب منهن لابس مال الثلج يعني هب كندورة وكاب مال الثلج يعني لبس كامل شميم: اييييييييه طالعن هب هذا هو السعودي الي وياهم سلوم:هيه هو اظن السعودي بساله الريم: شو تبينه طاف خليه يولي سلوم : شو عشان نتخقق بنقول شفنا نجم الخليج ووقعلنا بعد مريوم: شوفي اذا هب متاكدة لا تسالينه سلوم: متاكده ...... اقول انت من نجم الخليج؟ تم يضحك: ايش؟؟ مريوم: لا خلاص ماشي سلوم: الا شي انت هب من نجم الخليج السعودي: انا من الشرقيه ونتوا؟ سلوم فاجه الحلج : نحن من العين السعودي: ياهلا والله بهل العين كلهن تحرنه من نجم الخليج وتمن يتمشن وخلاف كانن بيسيرن السينما الي في السكي ( هي حجرة مافيها ثلج اونه حاطين فلم بس محد فيها) عشان يعدلن جاكيتهن ويدفن شوي وهو كان يالس عند الجامه ويرمس ع التلفون وهن يمشن سلوم: ايييييه حووه اطالعن عنده تلفون كذاااب هب من نجم الخليج الهرم السعودي سمعها صوتها عالي وهو يضحك هههه: والله انا موكذاب انا قلتلكم مو نجم الخليج انا من الشرقيه وعقب سارن وقالن بيصورن وهوكان بعد ياي صوبهن وهن تمن يصورن سلوم: وشله واقف تطمش هب فلم حنا يلا رووح راحت روحك السعودي: ممكن اصور وياكم الريم: لا خويه هب ممكن سلوم: يالله هاذي الي بتعصبيه وياراسك جلب ويهك وهو عادي تم يضحك شكله هب فاهم لووووووووووووول وخلاف خلصن تصوير وبيظهرن من سكي دبي السعودي: لحظه اقولكم لفن الريم وسلوم السعودي: ممكن تاخذون الرقم الريم: لا خويه السموحه نحن هب من البنات الي يتعرفن وكنا نتحراك من نجك الخليج سلوم: اسميك ما تستحي ولا تخيل ولك ويه ياي تطلب الرقم صدق انك مضيع المذهب لو كنت من نجم الخليج يمكن ويهالشيفه يلا فارج وخطفن عنه وهو متفشل فهم نص الرمسه والباجي مافهم منه شي لووووول وعقب ظهروا وخطفوا ع الكوفي وطلبن والابله محتشرة عليهن كل البينات في الباص الاهن وركبن الباص وردن البيت وعقب كم يوم تاريخ 20/4 قررن بنات الثانويه العامه ياجزن والريم كانت تدرس من الخاطر ودخل شهر 5 الي هو شهر الاجازة حق الثانويه العامه الريم تدرس فوق في حجرتها ام زايد: الريم يلا حدري تحت قوم عمج هنه سلمي عليهم لبسي كندورتج ووقايتج الريم: لا ما فيه ام زايد: عيب عليج نزلي قوم ميثة وروضه تحت الريم: ميثة وروضه يبن سلامي هب انا ام زايد: انزين بس سلمي على عمج وحرمت عمج وردي درسي ما بيطير الكتاب وراحت الريم لبست كندروة وشيله ونزلت تحت وسلمت عليهم ويلست عندهم بوزايد: بو سيف عيل وين سيف وثاني مايوا وياكم احمد(بوسيف) : سيف عنده زام وثاني يهووم في الدار في العين بعدين بيي يسلم عليكم الريم : انا بروح اكمل دراستيه تامرونيه بحايه؟ ام سيف: سلامتج والله يوفقج بوسيف: نحن بعد بنترخص ورانا درب روووضه وميثة: لا بعدنا نبا نيلس ابوسيف: دقوا على ثاني خلوا ايي يشلكم هو في العين الا يهوم وراحواا بو سيف وام سيف بوظبي وميثه دقت على ثاني عشان يشلهم وع الساعه 9 سلامة: الريم لو تبين عشى الريم: شو من العشى سلامه: كشري وطالبين من المطعم بعد الريم نزلت تحت وكانت شاله كتاب بيدها وطته ع الطاوله في الصاله وسارت غرفة الطعام وثاني دق الجرس ودخل ويلس وكان جدامه كتاب الريم انتبه ع الاسم وهو كان كتاب عربي وفتحه ولقا فيه اغاني واستكرات ومكتوب فيه احبك H وميت بعشقك يعني من هالكلام انصدم هو ويوا قوم سلامه وروضه وميثة وام زايد الصاله ام زايد: حيالله ثاني ما تبا عشى ثاني: لا مشكورة ام زايد متعشي ...... عيل وين الريم مالها حس؟ ام زايد: الريم هناك تسويلها نسكافيه عشان تنتبه تعرف انته الحين مابقا شي عن الامتحانات الريم دخلت وما كانت تدري انه ثاني عندهم وتغني كانت لووووووول ويوم شافته هو ابتسملها بس هي تفشلت الريم: السلام عليكم كلهم : وعليييج السلام والرحمه ثاني: شحالج الريم ؟ ربج بخير؟ الريم: بخير ونعمه ربيه يعافيك وشلت كتابها: يلا اسمحوليه بسير اكمل دراستيه ثاني: افااا يلسي طشونه ويانا الريم: السموحه منك انا هب فاضيه شراتك انا ثانويه عامه ثاني: انزين وشعنه ما سويتيليه نسكافيه وياج الريم: ليش تبا؟ ثاني: هيه ابا الريم: انزين خل الخدامه تسويلك ثاني: لا حووول انتي ما تعرفين تجاملين وتقولين خذ ماليه او الحين بسويلك الريم: منو تكون عشان اسويلك او اعطيك ماليه ثاني: هيه صح انا هب اتش(H) الريم فجت عيونها عرفت ان ثاني فتح كتابها الريم راحت فوق اما ثاني يفكر منو هذا اتشH الريم ما اهتمت حق ثاني لان هالركلام كان قبل كاتبتنه هب الحين هي الحين ما تفكر وايد بهزاع ومن زمان ما شافته من يوم العرس عكس هزاع الي لحظه وحدة ما راحت الريم عن باله وتفكيره وكلهم خلصوا امتحانات الا الثانويه العامه ومابقا عن الامتحانات الا اسبوعين تقريبن وسلامه وزايد وبوزايد ساروا بوظبي الا الريم ونوف وام زايد وهزاع لان ام زايد ما تقدر تخلي الريم الروحها في البيت الريم دقت حق سلامه الريم: سلامي اقولج سيري بيت قوم فطامي انا قايلتلها تطبع ليه اوراق اباج تيبنهن سلامه: انزين بييبهن في بيت عبدالله ( بوخالد) فطامي في الحجرة تدرس مانع طبعن مخلص مدرسة راح عندها مانع: فطامي ملان فطامي: شسويلك يعني سير اقعد تحت عندهم مانع: تونيه ياي من تحت قلت خلنيه اطفر بفطامي طشونه هههههه فطامي: وياراسك ماتعرف انيه ثانويه عامه يعني اونيه لازم ادرس مانع: امحق دراسة يوم هذي الدراسه فطامي : يلا اظهر فارج عنلاتك خلنيه اركز مانع: والا اقولج منو كسر النبته فطامي: وخيبه ع العدو هذي نبتتك ماباها شلها من جدام حجرتيه اسمينيه اليوم بغيت اطيح منها مانع: ثرج انتي كسرتيها حشى هب كراعين عليج شو ما تشوفين جدامج فطامي: لا السموحه الشيخ مانع شرايك اتي وتضربنيه بعد مانع: لا احترمج لو هب ختيه العوده جان ضربتج فطامي: اوييييييه عاد منوع اونه يبا يضرب من متى امحق مانع: منوع فعينج غبيه يلا يلا مسكينه بعدكم امتحانات وعباله وييييه فطامي : سير سير يودلك كتاب يالمثقف ع الاقل نحن اخر سنه بندرس هب انتوا وراكم كراف كم سنه بعدكم مانع: انزين يلا يلا يودي كتابج فطامي: اييييييييييه يالعنز حشم رمستك شو يلا شو شايفنيه جدامك مانع: محد غيرج عنز فطامي: عيل والله ان ما شليت النبته مالتك الا اعقها في الزباله اليوم مانع: شو هي ع راسج فطامي: قلت لك ان ما شليتها مفرووره ماعنديه مونه يوم حطيتها عند باب حجرتيه اسمينيه كنت خديه مانع: من امبونج خديه والحين ما تغير حالج فطامي: ويع ان شاء الله يلا فارج وعط الباب مقفاك مانع : انزين بشل النبته بس ابا اسوي شي مليت من البيت فطامي: امممم رحمتك كسرت خاطريه خلاص شوف هناك هالاوراق مانع: هيه الزباله فطامي: زباله فعينك هالاوراق بتلقا فيهن قصص وشل وياك قصه وفارج مانع: وجيه ماعندج كتاب محترم تعطينيه اوراق فطامي: شو شايفنيه وحدة مثقفه شرات حالك لا بويه وين انا ووين الكتب يالله يالله ايود كتاب المدرسه مانع: انزين خلاص بس شو احلى شي فطامي: كلهن حلوات خذ لك أي وحدة مانع: انزين عن شو هالقصص عاده فطامي: عن الحب بعد عن شو ادري ان ويهك هب ويه حب وغرام بس يلا هالموجود مانع: انزين الي يقول ويهج ويه حب وغرام بس ما علينا بطوفها لج وشل اوراق وتوه بيظهر فطامي: منوع نبتتك الحلوة شلها من عند حجرتيه مانع: منوع فعينج ما تفهمين صدق انج بقرة والساعه 7 سلامه سارت بيت قوم فطامي تيب الاوراق الي وصت الريم عليهن دخلت سلامه وشافت ام خالد وعوشه في الصاله وسلمت عليهن سلامه : وين فطامي؟ ام خالد: جاما فطامي فحجرتها تدرس عوشه: سيريلها فوق حجرتها بتلقين عند الباب نبته دخليها هذي حجرة فطامي سلامه سارت فوق شرات ما قالت لها عوشه وشافت النبته ودقت الباب ودخلت بس ماشافت حد فطامي: منوع انت غبي شل الاوراق كلهن هب كل مرة تي وتاخذ جزء مانع: هذا الحين بس جزء خيبه اسمينيه ما بخلص اليوم فطامي: ماتبا تقرا رجعها محلها مانع: حشى كلتي فواديه باخذها شسوي ملان وسار مانع حجرته وكان الباب مفتوح وهو يقرا القصه بصوت عالي متاثر ودخل وسلامه فجت عيونها مستغربه اما مانع هب مصدق هذي من وين يت وليش داخله حجرته وهو يطالعها بنظرات استغراب وهي وبعد نفس الشي سلامه : اممم وين فطامي؟ مانع: هذي هب حجرة فطامي هذي حجرتيه سلامه هنه تفشت واستوا ويها شرات اشارة المرور من القفطه : عيل وين حجرة فطامي مانع اشرلها وين حجرة فطامي وسلامه راحت صوب فطامي مانع تم يفكر بسلامه ونسى سالفة القصه سلامه خبرت فطامي السالفه تمت تضحك فطامي عليهم وعطتها الاوراق وسارت سلامه بيتهم وهي معصبه مانع سار صوب فطامي: اقوول هذي هي البنيه الي شفتها ذاك اليوم في المطبخ فطامي: هيه وحليلها قالولها حجرتيه عند بابها نبته ونت شليت النبته وهي دخلت بالغلط وعاد ويه سلامي محترق بالقو ههههههه مانع: اسمها سلامه فطامي: ونته من وين تعرف عنلاتك مانع: توج قايله اسمها سلامي فطامي : بعد يدلعها يلا جلب ويهك ما تستحي ما بقا الا اليهالوا يرمسون مانع: ياهل فعينج انا ريال غصبن عنج اما سلامه معصبه من الخاطر ودقت على الريم وخبرتها السالفه والريم نقعت من الضحك سلامه: والله ماروح بيتهم بعد تضحك والله بصيح كنت من القفطه الريم: انزين تعيشين وتاكلين غيرها ههههههه سلامه: لو انتي استوالج هالموقف والله ما بتقولين جذيه وعقب كم يوم فطامي سارت عند وضحه الي كانت ع المسن ترمس ربيعاتها فطامي: وضووح ابا تلفونج شوي ابا ادق حق ربيعتيه وضحه : خذيه انزين وخذت فطامي التلفون وتمت ترمس ربيعتها وعقب ما سكرت فطامي : بشوف وضحه شو مسيفه هزاع عندها ..... يا ويل حاليه مليكن ملكني وتمت تطالع الارقام ....... اووووووب خطير هالرقم هيه هذي ربيعتها خلود الي تستحي اونها هههه وبطلت الصندوق الوارد وايد مسجات من ربيعتها خلود وفجاءة فطامي فجت عيونها انصدمت: وهذا رقم خلود ربيعتها كيف جذيه ؟؟؟؟؟؟؟؟؟؟؟؟؟ وهذا كان اخر مسج واصل ( انا حادر الحين المسن اترياج فديتج احبج) >>>>>> والمسج من عند خلود !!!!!! |
وفجاءة فطامي فجت عيونها انصدمت : وهذا رقم خلود ربيعتها كيف جذيه ؟؟؟؟؟؟؟؟؟؟؟؟؟ وهذا كان اخر مسج واصل ( انا حادر الحين المسن اترياج فديتج احبج) >>>>>> والمسج من عند خلود !!!!!! .................................................. ......................................... الجزء(11) معقوووله مغلطه كاتبه حادر !!!!!! انا لازم اعرف منو هذي خلوود وكتبت الرقم ع الكتاب وعقب سارت عند وضحه وعطتها التلقون فطامي: مشكووووووورة وضحه منو ترمسين (وضحه كانت ع المسن) وضحه: ارمس ربيعتيه خلوود فطامي: حشى هذي واايد وياج اكثر عن هزاع ( كانت تسولف) وضحه ارتبكت : ها هيه هي وايد طيبه وحبوبه وترتاحليه وايد فطامي: اهااا زين والله بس كيف تعرفتي عليها انتي الا من شهر تقريبن تعرفينها؟ وضحه ما تعرف شو تقول: هيه هي ربيعتيه من زمان بس ما كنت وياها الحين عاد علاقتيه فيها زادت فطامي: اهااا لا والله يحيج هزاع توه دخل : وضحه وضحه: عوونك هزاع: عانج ربج بس تعالي ابغيج في سالفه وضحه تروعت : سالفة شوووو هزاع: شفيج تعالي بس ابا ارمسج بموضوووع وضحه سارت عند هزاع اما فطامي شافت الايميل وكتبته ع كتباها وظهرت من الحجرة وهزاع ماكان يباها فشي بس يبا يسولف وياها وعقب وضحه سكرت ايميلها وردت عند هزاع والفليل الساعه 12 تقريبن فطامي حدرت المسن وضافت خلوود عشان تتاكد منو هذي البنيه وتمت ترمس ربيعاتها وخلاف ع الساعه 1 دشت خلووود ايميل فطامي( بنت فلان ) ايميل خلوود( خلووود ) فطامي دشت عليه بنت فلان: السلام عليكم خلوود: وعليج السلام بنت فلان: شحالج؟ خلوود: بخير ونعمه وشحالج انتي؟ بنت فلان: تسرج حاليه خلوود: بس انا هب بنيه انا ولد فطااااااااااامي انصدمت وتمت صاااااااااااااااااااااخه خلوود: شفيج الشيخه انا اسمي خالد بس الدلع خلود بنت فلان: اهاا اوكي السمووحه منك عيل خلوود: ما عرفت منو الشيخه بنت فلان: السمووخه منك بس مغلطه بالايميل عباليه ايميل ربيعتيه خلوود: هذا من حسن حظي بنت فلان : السموحه الشيخ بصكك بلوك ودليت خلوود : افااا شله عاده البلوك والدليت خلينا نسولف قبل عقب وفطامي ما سوتله سالفه وامرررررررة صكته بلوك ودليت بس كاااااااااانت مصدووومه بالقووو فطامي ما قدرت ترقد حتى كل ما تفتح الكتاب تفكر بوضحه .. وتفكر شو تسوي اوتخبر منو!! فطامي فخاطرها: انا لازم اتاكد قبل لا اقول حق هزاع يمكن انا غلطت بالايميل لازم اخلي حد من اخوانيه يدق ويتاكد بس منو !!!!؟؟ واليوم الثاني ع الساعه 8 فليل فطامي يالسه في الصاله ومبطله الكتاب وهي امرة هب وياه تفكر شو تسوي بسالفة وضحه هزاع: بووووووووووووووو فطامي: حشى روعتنيه هزاع: انتي اونج تدرسين وين كنتي في أي بقعه هاا قولي اعترفي بمنو تفكرين اكيد فينيه هههه فطامي: حشى كل هالاسئله تبغينيه اجاوبهن انزين صح كنت افكر فيك هزاع: اووووه منو قديه يوم فطامي بنت عبدالله تفكر فينيه فطامي فخاطرها وهي يالسه تطالع هزاع: مسكين حالك يا هزاع والله ما تستاهل هالخايسة ما عندها مونه ولا ذوق يوم تحب او ترمس غيره هزاع: ايه انتي حوووه شبلاج جذا تطالعينيه اول مرة تشوفينيه امبحلقة عويناتج عليه فطامي: هاا شو لا عادي بس ع قولهتم كل فتاتن باخيها معجبه هههه هزاع: وشفيج جلبتي المثل احيده كل فتاتن بابيها معجبه لهدرجه الدراسه ماثره ع عقلج فطامي: حتى بويه فدييييته معجبه فيه ...... والا اقولك وين وضحه عيل عنك هذي امرة ما تقعد ويانا هزاع: ما ادريبها ما يت هي عندكم اليوم؟ فطامي: انا من العصر يالسه هنه وما حدرت تحت هزاع: اهااا يمكن مشغوله خليها ع راحتها فطامي: أي شغل امحق طول الوقت يالسه ع الكمبيوتر وحادرة المسن هزاع: عاده انتي اكثر منها الا لانج الحين عليج امتحانات خففتي طشونه فطامي: بس في فرق هي معرسة وماخذنها هب أي واحد غرشوب من غراشيب بوظبي وانا بعدنيه ما عرست يوم بعرس يصير خير ولا بتشوفنيه مجابلتنه الكمبيوتر شبابه يوم ريليه بيكون عنديه هههههه هزاع: اونه طالعوا انتوا منو يرمس اوووه والله كبر عقلج يا فطامي لا يحيج والله بس برايها وضحه خليها ع راحتها يمكن هي متعودة ع هاالاسلوب في بيتهم فطامي فخاطرها: والله ما تستاهل يا هزاع والله انك طيب ونيتك صافيه فقتها هالخايسه وع الساعه 12 فليل فطامي: ما عنديه غير منوع عشان اتاكد اذا كان كان هذا واحد والا وحدة وراحت صوب حجرة مانع فطامي: اوووووف هذا حتى في الاجازة ديايه لا حووول شسوي لازم اتاكد شو بعد هذا الي قاصر ترمس واحد وعندهاغرشوب بوظبي ..... اممم ما عنديه غير حمدان دقت فطامي الباب على حمدان وهو طبعن كان ع الجات كالعاده حمدان: دخلي حياج فطامي فطامي: وخيييييييييبه تخيب العدووو ثرك ساحر انت شقايل عرفتنيه حمدان: من دقت الباب وثانين محد ايي هالوقت ويصدع راسيه غيرج فطامي سكتت حمدان: شبج فطامي هب من عوايدج تمين صاخه قولي شعندج فطامي: بقولك بس لا تعصب اباك تكون ريلاكس حمدان: ياعينيه ع الريلاكس ان شااء الله فطامي: والله ماعرف شقولك بس مشكله عووده حمدان: شو مسويه بشو مسوده ويهنا فطامي: عنبوو من الحين انت معصب خلاص هونت ما بخبرك حمدان: عيل والله تخبرينيه فطامي: اوكيك اباك تتاكد من رقم اذا هو رقم واحد والا وحده حمدان: رقم شو انتي بعد ومن ضاوتنه هالرقم فطامي : شوف انا ما بخبرك الين ما تتصل وتتاكد من راعي او راعية هالرقم حمدان: اوكي عطينيه الرقم . ........ وعقب دق حمدان حمدان: السلام عليكم خالد: وعليكم السلام والرحمه حمدان: منو الريال عبدالله والا خالد: لا الشيخ هذا هب تلفون عبدالله حمدان: عيل منوو خالد: انت متصل خويه حمدان: انا حمدان خالد : عاشت الاسامي انا خالد حمدان : من وين انته خالد من بوظبي والا؟ خالد: لالا الشيخ من دار الزين العين حمدان: ياحيهم هل العين والله خالد: يحييييييك ويبقيك حمدان: عيل السموووحه منك خالد جان غثيتك خالد : بالحل ما استوى شي فرصه سعيده انيه تعرفت عليك حمدان حمدان: تسلم يلا عيل في داعة الله........ وسكر عنه حمدان معصب: خبرينيه منو هذاا ومن وين ضاويه رقمه قولي يامسودة الويه فطامي : اول شي خبرنيه ممنو هذا ومن وين وشسمه؟ حمدان: لا والله حلفي انت بس بتقولين والا فطامي: عيل والله ما بقولك الين ما تخبرنيه حمدان: انتي من ويايبه هالعناد انزين بقولج هذا اسمه خالد من العين فطامي : لا تقوووووووووول صدق الله ياخذها ياربي حمدان: شبلاج شومستوي منو تسبين فطامي: وياراسها حد يودر مزيون بوظبي الي كلهم يتمنون نظره بس منه حمدان: شسالفه شفيهم وضحه وهزاع فطامي: اوكي بخبرك بس يتم بينيه وبينك الين ما نشوف شو نسوي بالسالفه حمدان: تم السااع فطامي: هذ الي رمسك وضحووح الخايسة ترمسه ع التلفون والمسن بعد حمدان مصدوووم : السباااااله عنلاتهاااا هذي بتفشلنا جدام العرب وبتسود ويهنا فطامي: انت الحين لا تخبر هزاع خلاف بنشوف شو بنسوي حمدان: وحليله هزاع وربيه ما يستاهل اسميها من ضوت بيتنا اخترب البيت فطامي: هيه والله حتى هزاع هب شرات الاول ييلس عندنا ويسولف اليوم الثاني فطامي: وضوووح منو ترمسين حشى عنبو بسج هزاع ينشد عنج في الصاله وضحه: اوكي فديتج فطامي دقايق بس عطينيه ارمس خلووود فطامي: عنبووها هالخلوود ما تعرف انج معرسة وما تحشم وضحه: شفيج فطامي شو فيها فطامي: انتي ادرى شفيها هالخلوود ..... وخطفت عنها وسارت تحت فطامي يالسه عندهم كلهم في الصاله وراحت ويلست حذال حمدان وتمت ترمسه في اذنه هزاع: اقووول انا بظهر تامرونيه بحايه من براا؟ حمدان: هزاع لا تظهر ابغيك بسالفه مهمه وااااااايد هزاع: اوكيك وين تبغينا نرمس حمدان: نسير حجرتيه ,,,,, فطامي يلا تعالي هزاع: فطامي بعد شسالفه ؟ !!!!!!! فطامي: وليش كد مرة استوى شي ما كنت انا فيه ههههه هزاع: اقوول انا المشاكل ما تي الا من تحت راسج حمدان: فديتها فطامي والله عاده في هالسالفه بتشكرهاا وبتحب ايديها ويه وقفاا بعد هزاع: لا والله بشكرها يمكن بس احب يدينها تهبي ما لقيت الا فطامي ههههه فديييييت اميه ما بحب الا يدينهاا ((( طبعن هم يرمسون وهم يركبون الدري)))) حمدان: انزين خلك من السوالف يلا هبط الحجرة حمدان: ااممممم فطامي انتي بترمسين والااناااا هزاع: حشى روعتونيه والله ان ظهرت الساله مقلب والا ما تستاهل على هالزياغ والله بشوتكم فطامي: شفيك انت ماكل قرصك ني كل شي تباه دهديه .... لا حمدان انت رمس حمدان: اوكيه هزاع ما عرف شقولك بس والله نحن نحبك عشان جذا بنخبرك السالفه هزاع : اوكيه يلا بسكم زياغ حمدان: لا تقاطعنيه انزين ...... اممم هزاع وضحه ترمس واحد غيرك ع التلفون والمسن هزاع: فج عيونه: شووووووووووو صددق وانتوا شدراكم فطامي: لحظه توقعت هالشي بيصير انك ما بتصدقنااا ويت بييب التلفون وبخليك انته ترمسه بعد وبتلفون وضحه عسب تتاكد وسارت فطامي عند وضحه وخذت عنها التلفون هزاع شل التلفون ودق حق الرقم الي مسيفتنه وضحه باسم خلووود خالد: مرحبااااااا الساااااااع والله لو انج توج مسكره عنيه بس تولهت عليج هزاع انصدم ما عرف شيرمس وشيقول!!!!!!!!! خالد: شفيج فديتج وضحه شعنه صاخه؟ هزاع: اقووووووول انت منو عنلاتك يا مسود الويه يالي مضيع المذهب خالد: انت منو وشعنه تسب حشم رمستك هزاع: والله الي هب حشيم طول عمره بيتم هب حشيم وانت هب ويه حشمه عشان احشمك يا السبال خالد: ايييييييييه يعلك العووق شعندك عليه وهذا هب تلفونك منو تكون انته هزاع: ونته شعنه ترمس وحده معرسة يالخايس خالد: ليش انت تقربلهاا هزاع: انا ريالها يالهررم خالد: انزين يوم هي هب مسنعه شو يخصنيه اناا رووح رمسها هي هب انا هزاع: انت وياها في الهوا سوا عنلاتكم بس ما عنديه شي اقوله غير الله يبلاك بحرمتن شرواها وادمر خالد: ايه لا تم تدعي عليه روووح سنع حرمتك عقب تعال ارمس هب ياي تسب وترمسنيه هزاع: بس اقولك الحشمه هب حق الجلب الحشمه لراعيه يالجلب انته وياهاا وسكر عنه هزاع وهو امررررررررة خلاص معصب ع الاخر وسار صوب وضحه الي كانت يالسه في الحجرة وفتح الباب وفر التلفووون ع الارض وتكسر وضحه: هزاع شفيك وشعنه كسرت التلفون هزاع راح وعطاها كف ع ويهها : صدق انج لعووب يالجلبه وضحه وهي امرة تصيح والدموع ينزلن من عيونها : هزاع شفيك شله تصفعنيه شو سويت لك انااا هزاع: ما سويتي شي بس انج هنتي كرامتيه وبعتينيه وارخصتينيه يالصايعه وضحه فهمت من رمست هزاع انه عرف انها ترمس غيره وتمت تصيح هزاع: بس اقوولج صدقينيه وربيه ان عقب هالسالفه ما بتمين عنديه يالرغيد بس تبين الصدق والله فذمتيه انج ما تسوين ثراها<<<< (قصده الريم) يالثرى انتي حتى يمكن الثرى اعلى منج ومن مستواج وضحه: والله انا احبك هزاع بس انت خنتنيه ورمست غيريه هزاع: عيل والله فذمتيه انيه ما رمست غيرج من خذتج اونج تحبينيه وترمسن غيريه حلوة هذي خلي غيريه يصدق الجذبه هذي ياللعووب وضحه: هزاع لا تم تجذب عليه عيل منو هذي الي مسيفنها في تلفونك قلبي هزاع وهو معصب ضحك: قلبي ااااااااااه ياويليه انا من قلبيه اسميه بيشتكي عليه يوم القيامه كيف بعتها وشريتج انتي وضحه: شفت وتحلف انك ما رمست غيريه هزاع: بقولج فذمتيه انيه ما رمست غيرج وقلبي الي مسيفنه في تلفونيه هذا ربيعيه هب شرات ما تقولين وحده يالخايسه وضحه: خل وحده غيريه تصدق هزاع: انا بخليج تتاكدين هب عشان اباج تصدقينيه بس ابا ابين لج كيف كانت غلطتج ... اندوج هذا تلفونيه وتصلي ع قلبيه بخليج انتي بعد تتصلين عشان ما تقولين جذبت والا غيرت شي ودقت وضحه وهزاع حط سبيكر هزاع: مرحبااا الساااااااااااااااااع يا بوسنيده ( هذا ربيع هزاع راشد وهو وياه في الشغل واصلن الروحه مسيف اسمه قلبي في تلفون هزاع يعني هزاع ماله خص ولا غيره لانها كانت سوالف بس) راشد: مرحبااااا ملايييين يابو عوينات سود وووساااع اما وضحه فجت عيونها !!!!!!!! هزاع: شحالك يا بوسنيده ربك الا بخير؟ راشد: بخييييير ونعمه ما نشكي باس ....... ومن صوبك؟ هزاع: تسرك حاليه ولا تضرك راشد: عيل وينك ما ريناك كلنا هنه في القهوة عند الربع هزاع: اسمحليه مشغول شوي عند الاهل راشد: مسمووح وسعيد يسلم عليك هزاع: الله يسلمك ويسلمه من كل شر عيل يلا الشيخ رد السلام عليهم الحين اخليك راشد: سلامن يبلغ يلا عيل في داعة الله ....... وسكر عنه وضحه: والله يا هزاع اسفه هب قصدي والله عباليه انها بنيه وتحبها عشان جذيه ما تحبنيه ما كنت ادري انه ربيعك هزاع: ودري عنج هالرمسة وهب مسمووحه وانا قلتلج ماباج تصدقنيه بس ابا ابين لج غلطتج وانا صدقتي ما كنت احبج بس خذتج لان اميه قالت ليه خذ وضحه وصدقتي انا احب وحدة غيرج وليتنيه ما ودرتها عشانج وضحه: انزين هزاع والله اسفه هب قصديه اقولك ارحمنيه ( وهي تصيح طبعن) هزاع: بتبطييييييييييين اسميج لو تترينيه اسامحج حتى لو انا سامحتج فذمتيه ان هلج الي هو عميه ما بيسامحج وبتمين موخيه راسهم طول عمرهم ع الي سويتيه ونتي الحين يا وضحه طاااااالق وبالثلاث وردي بيت هلج ومن وين ما ييتي وخليهم يسنعونج قبل لا طيحين عند حد بعد والله يستر عليج وعلى هلج وورقة طلاقج بتوصلج جريييييييب وفطامي وحمدان طبعن خبروا امهم وابوهم وكلهم عرفوا بالسالفه وخلاص طبعن ما يبونها لانها سودت ويهم والا ام خالد معصبه بالقوو منها حتى امرة ما رمستها هزاع ظهر من البيت وهو خلاص منهار لانه حس ان وضحه وطت راسه بين العرب وهانت كرامته وتم في السيارة وحط اغنية حربي اجرحتني http://www.6rbtop.com/library/resour...n/26917_hi.ram سعيد اتصل به بس هزاع ما رد عليه وعقب سعيد اتروع ع هزاع لانه اول مرة ما يرد عليه والا ما يرمسه يوم كامل هب من عوايده ودق بيت قوم بو خالد فطامي شلته سعيد: السلام عليكوو فطامي: وعليكم السلام والرحمه سعيد: هزاع موجود؟ فطامي: لا والله هزاع ظهر وما نعرف وينه دقله ع تلفونه سعيد: ما يرد ع التلفون فطامي تروعت شرات سعيد : لحظه ...... وسارت عند خوها حمدان وقالتله حمدان: هلا سعيد سعيد: هلا ملاييييييين حمدان: يعني هزاع هب وياك سعيد: هزاع هب فيايا اتصل عليه ما يرد اول مرة يسويها قلت يمكن تعرفون عنه خبر حمدان خبر سعيد السالفه( لانه يعرف ان سعيد ربيع هزاع وايد) سعيد: خلاص انا بشوف وينه وبرد عليكوو خلاف اذا عرفت خبر عنه حمدان: اوكي الشيخ بحفظ الرب وسعيد تم يتصل ع هزاع وبعد مارد عليه وفكر سعيد ان هزاع دووم يوم يكون مضيج يا يكون عند البحر او فوق العرقوب وراح اول شي صوب العرقوب وما شافه وعقب سرا عند البحر وشااف سيارته وارتاح ولقااه يالس عند البحر الروحه (هزاع كان حاط تلفونه في السيارة) سعيد: وينك انته روعتنا عليك شحالك؟ هزاع: ااااااااه ياسعيد لا تتنشد عن احواليه امرررررررة ما تسر لا عدو ولا ظالم سعيد: ادري خبرونيه الله يعينك ياخويه والله هالزمن خربان نادر تلقا فيه حد يحبك صقد والا يحترمك يثمنك هزاع: والله يا سعيد احس هذا الي صار حوبت الريم والله انيه ندمااااااان اكبر ندم انيه ضيعتها من ايديه ياحسااافه والله لو حتى الحين ابغيها خلاص اكيد ما بتعود حقيه اااااااااه هي الوحيده الي كانت صدق تحبنيه وتغلينيه سعيد: والله يا هزاع ماعرف شقولك بس فذمتيه ان الريم ما نستك وبعدها تحبك واذا الله كتبلكوو نصيب بترجع لك وبتاخذها هزاع: ان شاااااااااء الله يا بو عسكوور والله انيه احبهاا ا احس انيه مضيج بلاهااا واليوم حسيت اكثر بقيمتهاا عنديه سعيد: ترا ما تحس بالشي الا يوم تفقده بس اذا الله راد بتعودون لبعضكوو وتم سعيد عند هزاع عند البحر الين الساعه 4 الفير يرمسون وعقب ساروا صلوا الفير وكل واحد رد بيته ومرن الايام وهزاع طلق وضحه وطبعن اهلها الي هم قوم عمهم علي موخي راسه ومفتشل منهاا ومستحي من اخووه وولد اخوه الي هو هزاع بس هزاع عادي كان وياه حتى بو خالد عادي لان الغلط هب منهم من وضحه وبدن امتحانات الثانويه العامه علمي كان عندهم رياضيات وادبي تاريخ بوزايد: ريماني يلا انقفضي الريم: شبلاك ابويه؟ بوزايد: وشعنه ما تبغينيه اوصلج المدرسة ربج يباركلج يوم بوصلج وتسوين زين في الامتحان الريم: اووووووووه من قديه يوم ابويه بيوصلنيه ولا بعد بيدعيليه اسمينيه اليوم ببدع في الامتحان فديت حمد والله علنيه افداه ياربيه ام زايد سمعتها من بعيد: ويدييه يالي ما تستحين شو حمد بعد جيه هوو خوج والا اصغر عيالج تقوليله حمد بوزايد: هااا امج غارت الحين وين الله بيوفقج وبيباركلج وبتبدعين الريم: فديييييت مريووووم والله فذمتيه محد يسواهااا يعلنيه ما ذووق حزنها وحبتها ع راسهاا ام زايد: امييييييين يابنيتي ولاحزنج يالله انك توفقها في الامتحان وتيسرلها وامررررررة تخطف عن الامتحان وتظهر اول وحده الريم: اميه شفيج شو اظهر اول وحده ربج اكون ماعرف احل واظهر اول وحده ام زايد: لالا شو تظهرين اول وحده منو قال تمي امرة اخر وحده ظهري من القاعه بوزايد: اسميج يا ام زايد حفله شقايل اول شي تدعين انها تظهر اول وحده وخلاف تقولين اخر وحده ما يستوي الريم: صح ابويه بس حفله بدووون كيك ام زايد: ظك هنه خلنيه ارمس الريم فديتها شدي حيلج قري المعوذات قبل لا تبدين واهم شي اية الكرسي والسؤال الي ما تعرفينه خطفي عنه وحلي السؤال السهل قبل وخلاف ردي عليه عن تودرينه ربج تذكرين جوابه ولا تغشين مووول ودريه عنج الغش ............................. الخ هههههههههههههه بو زايد: الريم يلا اسميها امج ما بتخلص بتبطين جانج بتتريينها تخلص رمستها وبيفوتج الامتحان والا ما بتضوين شي في الامتحان بتكتبين بدالها رمست امج الريم: هيه والله يلا يلا ابويه خلنا نسرح اميه انتي كملي الين ما رد البيت ههههههههههههه ام زايد: يلا ظكوو هنه انتي وبوج صدق انكم امرة ما تحشمون روووحي خلاص جان بتروحين اوين قال ما بتضوي شي الريم: ويييييييييييه فديت امييييييه انا فذمتيه محلاج يوم تعصبين وحبتها مرة ثانيه ع راسها وعقب سارت مع بوها وخطفوا على حمودة وفي المدرسة سلوم: اوبوووووووووووووب محلات ابوج يالريم ولا بعد بورش الريم: هيه فديت ابويه انا محد يسواااه والا اقول سلوم ها درستي والا شرات كل مرة؟ سلووم: وييييييييين درست يالريم اسمينيه اليوم ما بضوي شي في الامتحان بس ربج انجح يلا الله يوفق الريم: افااااااااا انتي ثنويه عامه وشعنه ما درستي سلوم: وين ادرس وعيوزيه عنديه اسميها ما خلتنيه اصك الدعنه وادرس كل يوم اسرح فياها العزبه والا عند قوم اميه في بوظبي الريم: انزين وف بوظبي شعنه ما درستي شي سلوم: ع قولت عيوزيه الحرمه مالها حايه في الدراسة الا اخر شي بتعرس وكل الي درسته بتعلقه شرات البرواز الريم: لا والله وانتي امرة صدقتيها اشوفج كانج ما صدقتي سلوم: لا والله ما صدقتها بس شسوي كل ما يودت كتاب فايديه تقوليه تعالي بنيتيه سلوم همزينيه والا سويليه قهوة وكذيه ههههههه الريم: الله يعينج عيل اسميج ما بتضوين شي في الامتحانات دام هاذي حالج سلوم: لا ان شاء الله بنجح وبفتك من العباله وعقب الامتحان شميم: شو سويتن بشرن كلهن: زوييييييييين ماشي حاله سلوم: ابدن ولا ياه الزين امرة صعب بالقوو بعد شو هذااا من وين يايبين الاسئله عنبوووهم حشى ما خلوا فينا اعصاب عنلاتهم الي حطوا الامتحان بالعاني هم الا يبون يرسبون حد ومرن الايام بسرعه وكان اخريوم امتحانات حق العلمي بس ادبي بعدهم سلوم: اوووووووف شو هذاا والله انه صعب ( كان عليهم كيمياء) الريم: هيه والله صدقتي وااااايد صعب اسئله غريبه اول مرة نشوفهن شميم: سلووم تعودنا عليها تقول صعب بس الريم غريبه مريوم: صدق لان وايد صعب ما كدر شفتهن هالسئله وعقب يت سيارة قوم الريم الدريول ويا زايد الريم: اقوول شرايكن نسير كارفور سلوم: وين تبين صايعات قالولج نحوط رواحنا في الكارفور بلا محرم الريم: زايد خويه في السيارة شميم : انتي رمسي اميه مريوم: بدق على امايه انا سلوم: ما ظن عيوزيه بطيع بتبطيييييين وايد جان بتينها طيع الريم: انا برمسها افا علييج سلوم: ع راحتج بس ما بترومين بتبطين وايد تتحرينها ام شميم هذي عيوزيه ما تنرام الريم: اوكيك اتحداج وان طاعت امرة الباسكن عليج سلوم: تم الساااع اتحداج دقت الريم على يدت سلوم( غبيشة) على تلفونها اطورن العيايز ههههه الريم: مرحباا الساااااع غبيشة يدت سلوم: مرحب باقي ولا هان منو البنيه؟ الريم: انا الريم ربيعة سلوم شحالج اميه ربج بخير؟ يدت سلوم: ماشكي لا من باس ولا من ياس الريم: يعلها حالن مديمه ... اميه بغيت اخذ رايج ان سلوم تي ويانا الجمعيه طشونه بس يدت سلوم: ويدييييييييه لالا ماشي خليها تهضل هالخايسه مسودت الويه تبا تفشلنا تهووم في الجمعيات الريم: اميه طوليه بعمرج زايد خويه االصغير ويانا ونحن الا بنسير الجمعيه والي تبغينه بنيبلج اياه انتي بس امرينا يدت سلوم: لالا ماشي منقوود ...... عاد انزين شو بتاخذوليه من الجمعيه الريم شوي وبتنقع من الضحك: امرينيه انتي اميه بس وانا امرة فالشوفه يدت سلوم: اباج تاخذين ليه كركم حقيه رويحاتيه هذي الخدامه عنلاتها ما خلت حايه حتى الكركم ما سلم منها الريم: بس هذااا اميه من عيونيه ما طلبتي يدت سلوم: يسلمن عويناتج والا ما قلتيليه بنيتيه الريم بنت منو انتي؟ الريم: انا بنت حمد بن هناد اميه يدت سلوم: ونعم فذمتيه وسبعه فوقهن الريم: ينعم الله بحالج يدت سلوم: عيل بنيتيه ما كد ريناج عندنا تعالي ويهي جدانا والا امرة تعالي الحين فيا سلوم الخايسه الريم: ان شاااء الله بييكم خلاف يدت سلوم: عاده اقولج قولي حق سلوم هالخايسه تحط وقايتها ع ويها عن تعقها وترتغد في الجمعيه خذن حايتهن وامرة ظهرن الريم: ان شاااء الله لاتوصيييين اميه لازم الوقايه ع ويهنا بتم ........ وسكرت عنها الريم: يلا سلوم الباسكن عليج سلوم: فذمتج انها طاعت غبووش الريم: والله فذمتيه انها طاعت سلوم: صدق انتي شومسويه ساحره ام شميم وحتى غبيشة عيوزيه ماسلمت منج الريم: احم احم عنديه طريقه خاصه حق الامهات والعيايز وطبعن الريم رمست ام شميم وطاعت ومريوم رمست امها وبعد طاعت وعقب كلهن ركبن السيارة الريم: زايد حط اغنية خلصن الامتحانات خلنا نخترش http://www.6rbtop.com/library/resour...n/31731_hi.ram وامرة شلن السيارة شل ههههههههههه مريووم: اسميه ميحد كسر تيم سلوم: ويدييييييه هنه ريال مزيووون في السيارة تغشن بنات زايد ناقع من الضحك ههههههه الريم: هذا سمي المرحووم زايد سلوم: الله يرحمه ويغمد روحه الينه كلهم : اميييييين سلوم: والا شحال الريال زايد ربه الا بخير؟ زايد: بخيييير وسهاله ربيه يعافيج شميم: ماشاء الله الريم كلهم خوانج مزاييييين زايد غداا اشارة مروور ههههههههه الريم : لازم هب ابوووهم حمد بن هناد وامهم مريم بنت سلطان لازم يطلعون مزايين وخلاف وصلوا كارفور وتمن يحوطن تحت عقب راحوا فوق عشان ياخذووون باسكن ع حسااب سلوم سالم كان هناك فوق بعد عند الكوفي وانتبه ع زايد .... وزايد سار وسلم عليه سالم : منو البنات الي وياك زايد: الريم وربيعاتها سالم: لا والله وكيف هلهن طاعواا وكيف الريم يايه بلا امها والا بوها زايد: عادي انا وياهم سالم: والنعم فيك ريال بس هن هب بنيه والا بنتين اربع الريم انتبهت ع سالم واتقفطت وماعرفت شوتسوي وسالم سار صوبها سالم: مرحبا الريم شحالج ؟ الريم: مرحب باجي بخير وسهاله ومن صوبك؟ سالم: بخير ونعمه اقوول شو تسون هني تحوطن في الكارفور الريم: ماشي سلامتك يايين ناخذ باسكن سالم: وامج وابوج يدروبج انج يايه كارفور ويا ربيعاتج الريم: اكيد يعرفون شو انا ما بظهر عن شورهم طوليه بعمرك سالم: انزين يلا بسكن ظهرن يلا اشوف شو تبون الشباب يقولون وهم يشوفون بنات رواحن الريم: وين رواحنا جيه شو تشوفنا رغيد ما تشوف زايد سالم: ونعم فيه بس الشباب مالهم الا الظاهر الريم: انزين الحين بنظهر بس بناخذ باسكن سالم: اكيد الحين بظهرن بعد تبن تمن يلا انا بوصلكم السيارة الريم: لا ربيعاتيه ويايا شو ما يستحن تتحراهن خلاص الروحنا بنسير ما يحتاي سالم: انزين خلاص بس دقي عليه يوم بتركبن السيارة الريم: اوكيك بس ماعرف رقمك سالم حز فخاطره ان الريم ماتعرف رقمه : خلاص انزين انا بتصل عليج الريم سارت عند ربيعاتها سلوم: منو هذا المزيووون انا اشهد انه رحييييم الريم: ولد خاليه اسمه سالم شميم : هاا الريم لا يكون هو سلب عقلج ههههه الريم: لا فديتج خلي عنج هالرمسه هو بس شرات اخويه هب شي ثاني سلوم: بعد شو تبين كل هالرحامه وما تبينه فضل عنج لو اسميها غبيشة هنه ما بتخليج الا تاخذينه الريم: ههههههههههه الحمدالله محد مريوم: خلاص الريم دامج ما تبينه انا ابااه اسميها هب رحامه عليه الريم فخاطرها: يوم هذا عندهن مزيون وامرة ميتات عليه لو بس شافن هزاع شو بيقولن اسميهن ما بيعين خير ولا بيباتن اليل واكيد بلقاهن فمستشفى الميانين ( هذي كانت اول مرة الريم تذكر هزاع في الامتحانات) وفي السيارة دق التلفون الريم سالم: ها شوو وينكن في البيت الريم: وين في البيت بعدنا في السياره سالم: هيه زين عيل خلصتي امتحانات الريم: هيه خلصنا اليوم بس نحن علمي حموده بعدها سالم: اهاا يحيج شو سويتي اليوم عساه زين الامتحان؟ الريم: الصراحه صعب سالم: يالله بالتوفييييج ان اشاء الله ........ عيل يلا اخليج تامريني بحايه امارة؟ الريم: سلامتك وبقاك في الدنياا سالم: هالله هالله بعمرج وردي السلام على هلج الريم: سلامن يبلغ وسكر وعاد اكيد سلوم وشميم ومريوم ما بيخلنها بحالها ومن ردت الريم رقدت الين العشااا <<<<<<<<< من التعب لانها ماكانت ترقد اوكي سلامة: الريم دقت فطامي الريم: صدق اوووه من زمان ما رمست فطامي فديتهااكيد زعلانه منيه >>>>>>>> الريم ما تعرف ان هزاع طلق وضحه ودقت الريم حق فطامي وشلته ام خالد الريم: عيل خالتيه وين فطامي؟ ام خالد: فطامي رقدت تدرين باجر عليها امتحان الريم: اهااا زين عيل خالتيه سلمي عليها وسلمي بعد على عوشة ووضحه ام خالد:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!! !!!! |
ههههههههههههههههههههههههههه بسكم صح ؟؟ بكمل الاجزاء اليايه بكره بذن الله سمحولي لو قصرت |
thnx 3la il 89aa il 9rr....ntryaa il tkmlaa |
يسلموووووو علي مرورج حتيه |
شوووووو بسنااا لسه ما شبعت من القصة خخخخخخخخ يلا نتريا التكملة.. |
هههههههههههه أن شاء الله بكملها |
جاري الانتظار |
القصه طرر عجيبه نتريا التكمله تسلم يمناك.. |
مرحبااااااااااااااا الساع نورتو الموضوع أمممممم تريو شوي خخخخخ أن شاء الله بكملها فالكم طيب أختكم الروح دايم |
نبا تكملت القصة تبين الصدق عينى عورتنى من كثر الاندماج |
مرحبتيين يا هلا يا عسل قصتج حلووه بس راسي عورني من كثر ما اندمجت وياها اوييييييه تحسبتج ولد |
ههههههههههههههههههههههههههههههههههههههههههههه تسلمووووووووووون علي المرور وسلامت راسكم وبذن الله بكملها فالكم طيب |
:14: نباااااا التكملة |
يسلمج تعالي كل يوم بسررعه حبيبتي لو سمحتي |
فاااااااااااااااالكم طيب أن شاء الله |
الروح دايم وين القصه لا تبطين |
هههههههه أبا أحرق أعصابكم شوي خخخخخخ |
ابا التكملهـ مليت لين متى الله يخلييج لا تبطين حطي التكملهـ |
نبا التكلمه من متى انا اتريا شو هذا افففف :h_em3a9bah: |
بلييييييييييز نتريا القصة... |
ابا التكـــــــــــــــــــــــــــمــــــــــــــــــ ـــــلــــــــــــــــــــــــــــــهــــ |
الجزء (12) ام خالد: فطامي رقدت تدرين باجر عليها امتحان الريم: اهااا زين عيل خالتيه سلمي عليها وسلمي بعد على عوشة ووضحه ام خالد:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!! !!!! ----------------------------------------------------------- ام خالد: يبلغ ان شااء الله وسكرت الريم سلوم دقت حق الريم سلوم: مرحبا بهالصووت وبراعيته الريم: مرحب باجي ولا هان علنيه افداج سلوم: شو الاجازة رقيييييص والا؟ الريم: وين رقيييص كلها حفووز هالاجازة الين ما يطلعن النتايج والله يستر سلوم: ما عندج مونه يوم تفكرين بالنتايج خليهن عنج اهم شي تستانسين فحياتج الريم: انتي خلج ع راي عيوزج البنت شو تباها الشهاده يوم انها بتعرس سلوم: هيييييييييه ذكرتينيه عيوزيه غبوش تبغيج تين صوبنا وتلفينا محترة عليه تقول لازم اشوفها بنت حمد والله كلتليه فواديه الريم: فالهااا طيب انا قلتلها بيي صوبكم وامرة اليوم انا فبيتكم عقب ماخذ راي ابويه واميه سلوم: ويييييييييييه فديتج الريم جان بتين بيتنا حياج يعلنيه افداج وان سدج الميلس امرةبحطج في الحوي الريم:ههههههه انتي اونج تقربيبيه جذيه الله يستر عيل اخافج تقولين ان ما سدج الحوي بحطج في السكه هههههههه سلوم: هيه والله احلى شي في السكه حلاص فالج طيب تعالي انتي بس الريم: شكليه بهون الا ههههههههه سلوم: يلا اترياااج اسميها عيوزيه يالسه تزاعج ما عرف شو تبغي برووح اطالعها مع السلامه وسكرت الريم عن سلوم وشاورت امها وابوها وخلاف تكشخت الريم وسارت بيت قوم سلوم ويا ابوها سلوم: انوووور البيت مرحبااا الساااااااااااع والله حي الله ذاا الشوف الريم: وييييييييييييه فديتج سلوم والله تولهت عليج وعقب دخلن داخل الريم: مرحبا السااع اميه شحالج؟ يدت سلوم: مرحب باقي ... بخير ونعمه ما اشكي لا من باس ولا من ياس وشحالج انتي؟ الريم: تسرج الحال ولا تضرج يدت: سلوم تعلمي السنع من ربيعتج وييه يا محلات منوطوقها تعلمي الرمسه الغاويه منها امرة غاديه صبي الريم : ههههههههههههههههههههه سلوم يلا تعلمي شعنه ما تتعلمين منيه ههههه سلوم: ايييييييييه انتي وياراسج ما صدقتي العيوز توقف في صفج الريم: اميه طالعي تقول عنج عيووز ما تشوفج بعد شباب ماشااء الله عليج يدت سلوم: وين العصاا المحنايه يييبوها يلالا دهدييييه خلونيه امرغها فيها عيزحيلج يا مسودة الويه سلوم: لا هدي اميه السمووحه اسولف بس محشومه عن العيز انتي امرة بعدج شباب يدت سلوم: ماشاااء الله ع بنيتيه الريم اسميها رحيمه شرايج سلوم نخطبها حق خوج سلطان سلوم: ويييييين اميه سلطان الا في ثاني ثانوي يدت سلوم: وشو فيها يعني شو فرقت يعني الا سنه والريال ما ينعاب لا من سنه ولا من شي الريم: هيه صدقها سلوم خلاص انا موافقه باخذ سلطان خوج سلوم بصوت واطي حق الريم: اييييييييييييه انتي شو تقولين عاد عند غبوش صدقينيه انها اليوم بترمس اميه عشانج ههههههههه الريم: صدق ههههههههههههههه يصير خير وتمن يسولفن الريم ماتت ع سوالف يدت سلوم الريم: يلا عيل اميه اترخص عنكم انا يدت سلوم: لالا ماشي صكي الدعنه وقري بقعتج وين بتسرين الريم: السمووحه اميه بس ابويه خاري يتريانيه يدت سلوم: هيه عيل دام بوج خاري مسموووحه وسلمي علييه الريم: سلامن يبلغ حايه امارة من جدايه؟ يدت سلوم: سلامت راسج وبقاج في الدنيا وردي السلام على هلج كلهو وظهرت الريم وتمت تخبر ابوها عن يدت سلوم وسوالفها وتم ناقع من الضحك عليها وخلصووا بنات ادبي امتحاناتهم فطامي الفليل دقت حق الريم وسلمت عليهاا الريم: هاا شو سويتي؟ فطامي: الصراحه يعني الله يستر الريم: افااا مع انيه حسيت انج تدرسين وانا والله ما ادق لج عشان اخليج تدرسين ولا اشغلج عن دراستج فطامي: تسلمييييييييييييييييين يعلنيه افداج صح انا ما قلت لج شو صار عندنااا والسوالف والحشرة عشان جذيه ما قدرت ادرس اوكي اخر الايام الريم: خيير شو الي صار روعتينيه فطامي: تدرين ان هزاع طلق وضحه الريم منصدمه وفاجه عيونها : افااا شعنه شو صارر حشى توهم معرسين شهرين تقريبن ما كملوا فطامي: هيه استوت سالفه <<< وتمت تخبرهاا الريم : فقتها يعلهاا الويع شو هذي خايسه ما توقعتها جذا الحين شو نفسية هزاع عساه بخير؟ فطامي: ياويليه ع الحب هههههههه الصراحه عنيه انا ماشوفها وايد واذا شفته شي نادر ما ييلس شرات قبل في البيت تعرفين هب شويه الي صار الريم: اهاااا يعل الحزن في عدوووه هب فيه فطامي: سمعو سمعواا الصراحه انا ما اقدر لازم احب حد هههههههههه الريم: عيل ااسالج ليش يوم انا قلت حق امج من كم يوم سلمي على وضحه قالت يبلغ؟ فطامي: صدق قلتيلها سلمي ع وضحه الريم: يعني قلت سلمي ع فطامي وعوشه ووضحه وياهم فطامي: هيه عادي لان اميه الروحها مضيجه منها وما حبت يمكن تفتح الموضوع . وانتي كيف ما تعرفين في السالفه مع ان امج تعرف الريم:اصلن انا ماايلس وياهم في الامتحانات الا طشونه يعني ما اقدر اسولف مع حد من الخاطر فطامي: بس تبين الصدق يستاهل الي صارله هذي حوبتج ليش يلعب في مشاعرج الريم: فطامي شفيج هذا خووج لا تمين تقولين عنه جذيه ولا تخلينيه اندم انيه خبرتج الي صار من بينا فطامي: انزين خلاص بغير الموضوع ....... ابا ايي العين اشتقتلج فديتج والله الريم: حياج امرة قربي صوبناا فطامي: انزين شرايج عقب كم يوم بشاور الي فبيتنا وبني صوب المبزرة ويبل حفيت الريم: وااااااااااااااااو يلا اوكي ارقبج ردي عليه واذا ييتوا انا امرة هناك برحببكم فطامي: خلاص ان شاااء الله بشاورهم وبردلج خبر واذا الله راد بشوفج في المبزرة .. لحظه شوي الريم هزاع: انتي شو تسوين الحين هالوقت منو ترمسين فطامي: ارمس ربيعتيه وينك هزاع اشتقتلك والله مالك حس ولا شوف هزاع: لا تغيرين الموضوع منو ترمسين طالعي الساعه كم الحين فطامي: ليش الساعه ككم الحين هزاع: الساعه 2 حبوووبه فطامي: والخيييييييييييييبه بس تعرف عادي ما ورانا شغله ولا مدارس خلصنا هزاع: انزين مبرووك بس يلا سكري عيب منقود شو بيقولون اهل ربيعتج وهي ترمس الحين فطامي: انزين الحين بسكر ....... ريماني اخليج الحييين هزاع من سمع اسم ريماني فز قلبه : ياااااااااااااويل حاليه انااااا يا كثر ما شتقتلهاا فديتها والله الريم: هو عندج صح فطامي: هيه الريم: اوكي حياتي سلمي على هلج فطامي: والعرررب ههههههه الريم: عن المصاخه قلت هلج يعني كلهم وخص عوشه وامج فطامي: افااا بس يلا اوكي يبلغ في داعة الله هزاع: فطامي اخبارهاا؟ فطامي: بخير وسهاله احسن عن قبل هزاع: اممممم انزين فطامي هي ما قالت شي عنيه فطامي: ليش شو تبغيها تقول هزاع: امممم هي تعرف اني طلقت وضحه فطامي: هيه تونيه خبرتهااا هزاع: اهاااا شو كانت ردة فعلهااا فطامي: زعلانه اكيد قالت حرام يطلقون توهم معرسين هزاع: صدق زعلانه اهاااا ( هزاع فخاطره: يعني هي الحين خلاص ماتفكر فيه ) فطامي: ليش تبغيها تستانس لانك طلقت ترا خلاص احيد الي بينكم من زمان انتهى وولى هزاع: عنديه انااا لا ما انتهى ولا بينتهي الين ما اموووت فطامي فخاطرهاا: ياويل حالك يا هزاع ليش انا جذبت عليه اممممم هزاع هزاع: عووونج فطامي: عانك الرحمن امممم بقولك انا قلتلها هذي حوبتج لان هزاع ودرج وهي ردت عليه لا تمين تقولين جذيه عن اخوج لا تخلينيه اندم انيه قلتلج هزاع: صددق جذا قالت فدييييييتها ياربي والله محد يسواها عنديه فطامي: يا عيني ع الحب هههههههههه هزاع: انزين خل عنج انا برووح ارقد فطامي: ليش بيك الرقاد عقب الي قلتلك اياه هزاع: هيه بحلم فيهااا فطامي: والله انكم طماشه ما عندكم الا سالفه وحب وغرام هزاع: وشو احلى من الحب صح انه عذاااب لو كان من طرف واحد بس الحب حلى شي في الدنيااا فطامي : ونحن نتعلم منكم يا استاذ هزاع والله صرت معلم في الحب هههههه هزاع: يلا هب فايج لج بسير ارقد باجر ورايه نشة فطامي: ويييييين بتسرح باجر؟ هزاع: الله يسلمج باجر بنرووح القنص ويا الشبيبه وبنبات في البر يا طويلة العمر فطامي: ابا اسير وياكم ابا اقنص غزال هزاع: وين انتي ووين القنص لو بنخليج تنقصين اسمينا ما بنضوي على شي فطامي: ماعليه ان ما خليت ابويه يعلمنيه كيف اقنص وامرة من عقبها وياك بلصق فيك شرات اللزق هزاع: صدق انج حفله والله لو بتم اسولف وياج الين الفير ما بتقولين لا فطامي: انزين متى بترووحون ومتى بعد وكم يوم بتمون ؟ هزاع: ايييييه ترانيه ما بشلج فطامي: ما ابا اسير حشى بس اتخبر عشان ابا اسير المبزرة هزاع: هيه باجر انا بسير العصر وبنتم يومين في البر تقريبن يلا يلا محد يعطيج ويه يلا رقاد حشى ناشه من صباح الله خير وبعدج ما رقدتي شو بتحتفلين ويا الينون عشان انج خلصتي امتحانات فطامي: عاد تدري يسلمون عليك الينون ويتخبرون عنك يقولون وين ربيعنا هززاع من زمان ما رمسنا وياه هزاع: فضل عنج يلا والله محد يرمس وياج سميج ما بتخلصين الله يعييييييييينه الي بياخج اسميه ما بيعين خير فطامي: شووف الي بياخذنيه بيحب ايده ويه وقفاا منو قده انه فطامي بنت عبدالله وافقت عليه هزاع: شفتي ان محد يعطيج ويه حشى صدق انج حرمه تونا في موضوع غير والحين غير صدق ان الحريم يرمسون في اليوم الواحد اكثر عن 40 موضوع فطامي: وين 40 قووول 100 وبعد 100 طشونه هزاع: اوووووووووف يلا يلا وسار عنها فوق اما الريم كانت تفكر بهزااع وهي كانت مستانسة ان هزاع طلق وضحه بس فنفس الوقت زعلانه : خلاص حتى لو طلق وضحه شو بيصير يعني ما بيغير من الموضوع شي يعني مستحيل ارد حق حد ذلني ولعب فمشاعريه واذاا بعد هو يذكرنيه شكله خلاص نسا شي اسمه الريم اليوم الثاني العصر ام خالد: فطامي شلي كتبج من الميلس تخيلي حد يلفي عندنا شو بيقول فطامي كانت تشوف التلفزون وتاكل جبس : اميه انزين عقب شوي هزاع يا ويا ربيعه سعيد ودخل سعيد الميلس لان هزاع يبا ييب شي ويتسبح وبيضووون رباعه صوب القنص هزاع: قرب يابوعسكور والسموحه شوي الميلس معتفس سعيد: لا عادي ما عليه ترانيه هب من الخطار من هل البيت والا انت رايك ثاني هزاع: لا الا من هل هل البيت عطنيه بس نص ساعه وبييك سعيد: استناك وسار هزاع وسعيد شاف كتب ممواطايات ع الطاوله وفج كتاب التاريخ وتم يقرااا وكان متروووس استكرات ولا تقولوون كتاب تاريخ تقوولووون كتاب السوالف اليوميه في الحصه (فطامي شوفي الابله شو لابسة اليوم والله تقلولين علم الامارات جيه البارحه شي مباراة وانا ما ادري؟) (فطامي شو شاربه اليوم حشى اسميج هب صاحيه والاكل هذا عشان حبيبتج كويز) (اقوول اخبااار خوج هزاع الصراحه انا يغررم خوج يحظها الي بتضوي راسه وبتاخذه هههه ) (والله لتشوووف بكفخها اليوم جدام البنات وفي الساااحه تخسي الاهي ترمس عنيه بتشوووف بتعرف منو ساروووه) (اييييييييه طالعي جوتي الابله يشبه جوتي جحا هههههه) (اووووف هذي الحصه الي ما ادانيهاا يلا يلا خلينا نفتح موضووع اليوم لانيه ملانه ومافينيه اسمع شرحها) (سمعي سمعي قصيدة اليوم تقول الشاعره سارة المريخي ههه << جان تعرفينها شوفووا الابله وشوووفوووووووووووا نويااااااها وشالي حصل يانااااااااااااااااااس بعد رويااااااها كرهتلي حياتي وش اسوي دام هذي سوايااها الله يستر هالسنه ما نعرف وش بتكون ضواياها والسلمووومه هههههه) (شو رايكم نلعب حيوان جماد وخطفوا الورقه ع الربع ) (موضوع اليوم لو قالولكن ربحتن ثلاث عمليات تجميل وهو في الدين هب حرام شو بتسوون ) (يلا يلا فتحو موضوع الحصة اليومي ) (اذا خطبج واحد من اهلج وانتي ماتبينه ) (الوو الووو فطامي شحالج وين دارج ما عرفتيني انا سارووه) ( ترى اقولج مشهووره و اصلن وايدين طلبوني من الكباريه لكن الشغل وايد شو اسوي) (اقولج يا الرقاصة المغربيه سمعي واايد ترااج مصدقة عمرج) ( اقوول فطامي متى رقدتي البارحه؟ .. الساعه5 الفير .... اها اشوفج مسطله رقدي رقدي ) (لوووو ردي عليه بسرعه شالحال؟ وينج البارحه ادقلج ما تشلينه..... الو هلا وغلا حي الله ذا الصوت بخير وسهاله ومن صوبج؟ هيه انا البارحه كنت اجهز هديت ملجتج) ( اقووووووووول شرايكن نشرد من الحصه عقب هذي حصة هذي الخايسة) ( اقوول جب جب لا تمين تسبين دريولنا تره احلى عن ريولكم منيروووه هذا الخسف ودريولنا بعده هب معرس وقال انه معجب فيج هع هع) وسعيد يقراا وميت من الضحك ع سوالفهم وفجاءة يايه فطامي ووقفت عند باب الميلس وشافت الخدامه سعيد انتبه على فطامي بس ما شافهاا عدل بس انتبه ان بنيه يايه الميلس تخيلوا عاد الموقف وماسكه الجبس فايديهااا هع هع لكن حظها انها لابسه سكارف وشوي طالعه قصتهاا هب وايد: الله ينطبج من خدامه وشوو فايدتج في البيت يوم انج ما تنضفين الميلس ما تشوفينيه تعبانه وما فينيه هبه ع ترتيب الكتب الحين شو في ماما يسوي لي قرقر كله منج يا مسودة الويه وسعيد يسمع وويضحك ودشت فطامي <<<<<< بعدها ما انتبهت ان حد في الميلس ووقفت متصنمه سعيد نفس الشي ووقف يوم دخلت وهو ماسك كتابها فايده فطامي امرة ظهرت من شافته سعيد: ااااااااااه يا ويل حاليه ولا عيووون الوضيحي (نوع من الغزلان وتعتبر احلاهن وتتميز بكبر عيونها وحلاتهن )من هذي البنيه خت هزاع اكيد شرات عيونه فديت عيونه ياربيه فطامي: الله ياخذج من خدامه وشعنه ما ترمسين ان حد في الميلس شو بيقول الريال عنيه الحين اكيد ما تخيل ولا تستحي داخله الميلس ولا بعد ماسك كتابيه حافظ عليه لايكون بس قرا سوالفنا ههههههه وهي كانت هب وايد بعيده عن الميلس يعني سعيد سمعها ونقع من الضحك هزاع: اقووول نجمه وديتي القهوة في الميلس والا؟ نجمه( الخدامه) : لا مافي يودي الحين في يودي هزاع: فضل عنج ما تستحين كم مرة قايلج الشيبه يوم حد بيي تقربببه وتوطين القهوة والفواله نجمه: انا ما في يفهم انت شو في يقوول شووو يقول بابا هزاع: حافظ عليج انتي بس روحي عند فطامي خلها تعلمج رمستناا نجمه: جين >>> زين يعني هع هع هزاع: عاشوااااا جين في تقدم في الموضوووع هذي الكلمه اول كلمه فقاموسنا فضل عنج خربي رمستنا لا تعلمين يلا انقفضي وييبي القهوة مانبا فواله لان الحين بنظهر نجمه: جين بابا الحين في مناك ودي هزاع: السموحه منك بطيت عليك سعيد: سعيد عادي فخاطره >>>> زين يوم بطيت عشان اشوف الوضيحي وظهروا هزاع وسعيد من البيت وساروا صوب الشبيبه في البر فليل سعيد يفكر فالبنيه الي شافهاا : ياويل حاليه ع منطوقها ورمستهاا وسوالفهااا وخص عيونهااا كانوا سعيد وهزاع رواحهم يالسين والشبيبه راقدين هزاع: والا شفيه بو عسكوور حافظ عليك بمنو تفكر وسرحان سعيد: لا تخبر يا هزاع هزاع: لا يكون تصوبت هههه سعيد: لا يخوك الا تخشعت تخشيع هزاع: ابووووووووووب يعني لحقتنيه سعيد : الي يسامح الي خشعنيه ما توقعت انيه انا سعيد اتخشع هزاع: هيه والله اسمينا تخشعنااا سعيد: الصراااحه الحين ما الومك ع الي قبل كنت تقوله هزاع: الله يعين والله اسمينا ما عينا خير يوم تصوبناا هذا الحب عذاااب هب شي ثاني سعيد: هيه والله اشهد انه عذاااااب واليوم الثاني فبيت احمد( بو سيف) روضه: ابووويه نبا نسير البر ميثة: اوووف ماقالت شي فيه خير بو سيف: اسميه ان راي طيب وغاوي رووضه: ابويه شرايك كلنا نسير رباعه ويا قوم عميه حمد وعياله بوسيف: اسميه رايج طيب بنيتي تم الساع بتشاور وياه ميثه: اوووووف عاد وياهم ما اداني الريم هذي اوووف منها خقاقه ماعرف على شوو بوسيف: شهالرمسه ميثة بنت عمج هذي ميثه كالعاده بوزت روضه: بس بس طالعي وين ووصل البووز تحت ميثه: جب انتي يالياعده ويارايج الخسف شراتج وراحت فوق معصبه لووووووووووووول وعقب اتصل بو سيف على بو زايد وقاله الراي بوزايد: الراي حي اسميه راي طيب بس خلنيه اشاورهم خلاف برد لك خبر والاعنيه ما عنديه خلاف وتم الساااع في البر والفليل الشبيبه يالسين ومورين الضوو >>> احلى شي ويالسين يرمسووون عبيد: والا شفيه بو عسكوور هزاع: خله ياريال اسميه انه تصوب الله يعينه عبيد: هيه والله يعينه ويعين اليميع سعيد: والمعوووونه هزاع: الله يعيييييييينك ولا يهينك فارس: عيل هزاع على هذا الجوو الغاوي والضوو والمورايه سمعنا شي طيب منك انت كريم ونحن نستاهل هزاع: تم السااع وفالكم طيب شو تبغونيه اسمعكم سعيد: سمعنا شلة غاويه الي هي شفتك ولا ضنيت بهواك جان تعرفها مالت الرميثي عبدالله هزاع : هيه والله يا بو عسكوور شفته ولا ضنيت بهوااه فارس : انتوا امرة متخشعين ههههههههه وتم يشل لهم http://uaefm.net/music/sh/sh03/alrom...hi_shiftik.ram شفتك ولا ظنيت بهوااك ما هو بكيفي غصب عنـــــي لا و الذي في الكون سوااك صدق المشاعر لك خذني حاير وسج وفكري وياك اقصد وشعري لك اااعـــنيي كان القمر طلعت محياك يالي جماااااالك فاتــــــــــنني حاولت اصبر عنك واااااااانساك لكن روحي لك تحني اتخـــــــيلك في يوم لقيااااك يوم الصدف فيك اجمعني اشتاق لك والشوق جدواك ونظرات عينك شوووقني دايم عليه تمر ذكراك مالشوق قلــــــــبــــــي متعبني ودي بشوفك لا عدمناك فالعمر تبـــــقى ملاززززمني شفتك ولا ظنيت بهواااااااك ما هو بكيفي غصب عني هزاع:والسلومه كلهم : صح لساااااااااااااااااااااااااااااااااانك عبيد: صح صوووتك هزاع:صح بدنكم واليوم الثاني ردواا كل واحد سار بيته الظهر الريم اتصلت حق فطامي الريم:الوووو السلام عليكم حمدان:وعليكم السلام الريم:موجووده فطامي حمدان: لحظه بطالعها فطامي فطامي هزاع توه حادر من فوق: شو بلاك الريم استانست من سمعت صوت هزاع حمدان : ربيعتها داقه هزاع: فطامي راقدة ما تعرفها انها ما تنش الحين حمدان: فطامي راقده منو اقولها الريم:قولها الريم حمدان :انزين اتصلي عليها العصر اكيد بتكون ناشة من الرقاد الريم:اوكي خلاص بتصل عليها العصر وسكرت هزاع: منو هذي اللي ما تستحي داقه الحين حمدان:هذي بنت حمد يارنا هزاع فز قلبه هزاع سمع حمدان يوم قال حق الريم اتصلي العصر عقب صلاة العصر تم هزاع يالس في الصاله عند ابووه وامه وخالد وعوشه ومانع وحمدان كان محد ظاهر فطامي توها حاده من فوق:السلام عليكم وحبت راس امها وابوها هزاع:حشى هب عيوون منتفخات من كثر الرقاد فطامي: عاد ما رقدت الا كم ساعة ام خالد:كل هذا ما رقدتي خالد:انا احيد اللي مخلصين الثنويه العامه ما اييهن رقاد ولا يغمض الهن جفن فطامي:عاد انا مرتاحه الحمدالله واللي ايي من عند الله حياه الله بو خالد:ونعم بالله صدقها حليلها شو تبونها ما ترقد عسب الدراسه فطامي يلست عدال ابووها:فديت ابويه هو اللي يفهم والساعه 5 دق التيلفوون هزاع نش يشل التيلفون وشاف الكاشف وتشقق من الفرحه الريم:الووو السلام عليكم هزاع فخاطره:من متى ما سمعت هذا الصوت ياني تولهت عليه ..... وعليييييج السلام والرحمه الريم تبسمت : موجوده فطامي والا بعدها راقده؟ هزاع: والله تولهت عليج وعلى صوووتج والله اني اااااااااااااسف يالريم الريم: منو انته؟>>>>>> تستهبل هزاع: افاااا حتى صوتيه ما عرفتيه الريم: ليش لازم اعرفه ممكن فطامي والا هزاع: والا شووو شو بتسوين لو ما عطيتج فطامي الريم: هزااع لو سمحت ابا فطامي ضروري هزاع: يعني عرفتينيه وليش تقولين ما عرفتينيه ياويل حاليه فدييييييت اسميه على لسانج الريم: شوف اذا ما تبغي تعطينيه بسكر هزاع: خلاص فديتج ولا تعصبين بس حبيت اسمع صوتج وزقر فطامي فطامي: انا اقووول اول ما دق التلفون ربعت شليته شي غريب هزاع يشل تلفون البيت هزاع: انا اذا ابا شي اسويه ..... وظهر وهو يفكر بالريم ويوم رمسهاا فطامي: شوووقالج هذا الخبيل الريم: ماقال شي فطامي: فديت خشمج هب عليه انا اعرفه اخويه عدل مستحيل ما يبدع برمسته الريم: انزين خليه عنج انا داقتلج عشان اسالج ها بتون المبزرة باجر فطامي: خلاص بقولهم اليوم اناااا وبرد عليج خلاف والا بطرش لج مسج الريم: والااقولج انتي كيف راقده وعادي وماعندج حفووز وما تفكرين بالنتايج شرات بنات الثانويه العامه فطامي: وشله الحفووز شو باخذ من الدنيا ومن الدراسة الريم: والله انا كل ما يغمضن عيونيه اتم اتحلم بورقة الامتحان وبالنتايج ما يسوى عليه فطامي: ماعندج مووونه تتحلمين في الدراسة الريم: انزين اقولج يلا الحين اخليج واترياج تردين هب تنقعينيه فطامي: ان شاااء الله وسلمي على سلاموووه هههههههههه الريم: يبلغ ههههه عاد هي محرمه تي بيتكم من ذيج السالفه هههههههه وسكرت فطامي عن الريم في الصاله كلهم فطامي : باااباااتي خالد: وويع ان اشاااء الله فقت هالراس شو باباتي بعد بوخالد: صدقه خووج ماحيد حد منا يقول باباتي اننننف عليج فطامي: والخيبه تخيب العدووو انزين هذا دلع حشى ما قلت شي هبيتوا فينيه ام خالد: امحق دلع عاد فطامي ما يليقلها الدلع فطامي: اهي اهي طالعوا دموعيه حرام عليكم شو قالولكم اعرف الدلع اصلن انا الدلع كاسنيه منراسيه حتى موطاي مانع: الدلع يعرف ناسه ونتي الدلع مايعرفج سائلنه قبل انااا قال وين انا ووين فطامي حشى عليه تتخيلين حتى الدلع متبري منج ههههه فطامي: والحين شو المطلوووب اضحك اوكي بضحك عشان ما تزعل ههه بس هزاع توه داخل عندهم فطامي: هزاع شوووفهم يقولون عنيه هب دلوووعه وماعرف الدلع حتى هزاع: منو هذا الي قاال فطامي: فديت اخويه الي بيدافع عنيه كلهم قالواا وخص هذا منوع يقول الدلع متبري منيه هزاع: انزين صدقه ههههههههههههههه فطامي: انا بغيتك عوون صرت فرعووون معوفك حشى خلونيه في المهم ....... اقووول ماي فاذر ابا اسير المبزرة باجر تعبانه اابا اغير جووو هزاع: وانزين الحين ابويه شدراه انج زقرتيه فطامي: افاااا ابويه تسمعه شو يقول اونك ماتعرف انجليزي بوخالد : انزين وانا شعرفنيه بالانجليزي فطامي: شفيكم اليوم تفشلونيه حشى ....... ابويه قلت ابا اسير المبزرة باجر بوخالد: لالا مافينيه اضرب خط العين باجر مشغوول باجر ابا اسير المزرعه طالعي حد من خوانج خالد: انا عنيه عنديه زاام ونتي تعرفين هالي يعني السموووحه هزاع: لا تطالعينيه اناامرررة ترااااا ما بوديكم فطامي: افاااا عاد انا متواعده ويا عرررب خلاص عادي بسير ويا اميه ومانع والدريول والاحمدان هزاع : منو هم العررررب فطامي غمزت له هزاااع: خلاااص والا اقووول باااجر ما عنديه شغل بوديكم مانع: عاااشت فطامي فدييت ختيه هذي البنيه صح والله من زمان فخاطريه اسير المبزرة فطامي: احم احم عاشت اياامك ادري ادري بس مدح حقيه هزاع: ويا هالراس محد مدحج فطامي: عيل بروووح ابشر عرررب هزاع: بس لا تخبرينهم عنيه وغمزلها فطامي: اوك مانع: شو سالفتك انت وياهااا ومنو هم العرررب اعترفواا فطامي: ونت شو لك سوالف كباار هع عررررب عيييووووونهم سووود ووساع مانع: انا ريال غصبن عنج يالياعده هزاع: اييييييه لا تسب ختيه قلتنالك اسرااار مانع: والله عندكم شي لازم اعرف ماعليه ودلع لهم وراح ههههههههههههههه فطامي: صدق انك ياهل هههههههههههه وطرشت فطامي حق الريم مسج وقالتلهاا انهم بيييووون باجر المبزرة واليوم الثاني طبعن الريم نفس شي قالت حق اهلهاا وكلهم عزمواا يروحووون وفطامي وعوشة وام خالد ومانع وطبعن هزاع شالنهم وقوم الريم كلهم سارواا بعد مع ابوهم بوزايد: هيه صح ما قلتلكم شرايكم تسيرون البر مع قوم عمكم احمد الريم: لالالا وياهم لا اذا قوم خاليه راشد بيووون اوكي ام زايد: والله بعد هذا راي طيب خلاص عيل عزموا وبنقول حق خويه راشد عشان اييون ويانا سلامه: انا عنيه بسيييير اكيد حد يفوت سيرة بر ودراجات نونو بو زايد: انزين ام زايد انتي شاوري قوم راشد بو سالم وردي خبر عليه عشان انا بعد ارد على بو سف ووصلوا المبزرة قوم هزاع وصلواا قبل قوم بوزايد <<<< لانهم بطواا يوم ظهرواا هزاع هناك يتمشى ويرمس سعيد ربيعه في التلفون وفطامي وعوشة وام خالد يالسين ومانع يتشمى بعد والريم يوم وصلوااا شافوا قوم فطامي >>>>> طبعن دقولهم عشان يعرفون وين البقعه الي يالسين فيها وسلموواا عليهم ويلسوا عندهم وهزااع من بعيد يشوف الريم الريم انتبهت على هزاااع وفجت عيونهاااا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!! |
وسلموواا عليهم ويلسوا عندهم وهزااع من بعيد يشوف الريم الريم انتبهت على هزاااع وفجت عيونهاااا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!! ------------------------------------------------------------ الجزء(13) بس حاولت تتجاهل وجوده وما تصد صوبه وفطامي ترمس الريم وهي تفكر فشي ثاني وهب ويا فطامي امررة الريم فخاطرها: يعني هزاع ما اقدر انسااك اوووف احس انيه اتنافض الف صوبك والا احس قلبي ينتفض فطامي تقطع حبل افكارها: الريم >>> زاعقت عليهاا بصوت عالي الريم: حشى زيغتينيه فطامي: اوووووووووب الي ماخذ عقلج ..... وغمزت الهاا الريم: لا تمين تغمزين ويا حركاتج ادريبج شو تقصدين خل عنج فطامي: بووويه فديت خشمج تراها محد القلب والله قبل شوي راحت ( هزاع كان قبل خمس دقايق ركب سيارته وتم يحووط في المبزرة) الريم لفت صوب ماكان واقف هزاع وما كان موجود فطامي: عيل قلتي ما تفكرين فيهاا اشوووف العكس الريم: لالا شو ما افكر فيهاا سكتي خلاص يلا نشي خلينا نتمشى في المبزرة خلينا نحوط هب كل يوم بتين هني فطامي: يلا اوكيك وراحن فطامي والريم يحووطن ويتمشن في المبزرة هزاع عقب رد البقعه الي يالسين فيها بس ما شاااف لا الريم ولا فطامي وتم يتمشى يدورهن وسار صوب النافورة الي فوق هزاع: اشووووف البقعه منورة هنه قلت خلنيه اشووف شو النور هذاا طلع نووور القلب فديييت القلب اناا الريم تمت تطالعه شو هذا ين وطالعته بنظرة >>> مايبا غيرها>> نظرة احتقاار هزاع تقرب صوب الريم وين فطامي>>>> ادري تسالون هذا السؤال؟؟؟؟؟؟؟؟؟؟؟؟ |
وين فطامي>>>> ادري تسالون هذا السؤال؟؟؟؟؟؟؟؟؟؟؟؟ فطامي كانت شوي بعيده عن الريم تصور الصوب الثاني ما انتبهت ان هزاع يا عندهن فوق عقب الريم اول ما شاافت هزاع ياي صوبهاا عطته مقفااهاا وراحت صوب فطامي : انتي حووووه بسج تصوير خلينا نحدر تحت لفت فطامي انتبهت على هزاع فهمت ان الريم تبغي تحدر تحت عشاان هزاع .. وعقب نزلن تحت عندهم كلهم بس كانن فطامي والريم يسولفن بعيد عنهم شوي اما هزاع اختلطت مشاعره عصبية + حزن وزعل >>> عصب من حركت الريم يوم يا صوبها وعططته مقفاها وحزن وزعل لانه حس في ذيج اللحظه ان الريم نسته وما تفكر فيه يوم طالعته بذيج النظرة وعقب المغرب راح هزاع يصلي وخلاف رد عندهم لانهم عقب شوي بيسرون بوظبي وحط اغنية وطول عليها ونزل من السيارة وتساااند ع السيااارة وكلهم لفوااا صوووب السياارة لان صووت الاغنية عالي والريم كانت ترمس فطامي ومجابله سيارة هزاع وعيونها فعيونه >>> تخيلوا الموقف الريم ما قدرت نزلت عيونها اما هزاع تم يطالعهاا وما خازت عينه عنهاا والريم كل مرة ترفع عيونها صوبه وتشوفه يطالعها بعده وتنزل لهن مرة ثانيه وخلاص حاسة بعمرهااا انهااا بتمووت لانها فهمت ان الاغنية الي مشغلنها هزاع حقهااا واخر مقطع من غلاك اتخيلك دوووم فعيوني>>> كان ياشر على عيونه >> الريم كانت في هالوقت تطالعه بس رجواا لا تخيب لي ضنوني>>> ياشر عليهااا لا تشمت بي عذوولن ما دراا>>> يسوي بصبعه لالا( يعني يحركه >> فهموها هع) واااااااااااااه من قلبن غداا حبه جنوني >>>> اشر ع قلبه واااااااااااااه من خلن على بالي طرااا>>>>> اشر على راسه والريم متيبسة فمكاانهااا صح فطامي انتبهت ان الريم توترت وتتنافض بس خلتها ع راحتهاا >> فطامي حركات ههههههه اما بتقولوون وين الباقين كانوا يالسين يرمسون ولا عليهم يعني ما انتبهوا عليه والريم وفطامي قلتلكم ان شوي بعيدين عنهم يعني مستحيل بينتبهون فطامي: الريم شفيج تتنافضين علنيه افداااج قلنا القلب هني بس عاده هب لهادرجه هههههههههه الريم ما ردت عليهاا لانها اصلن ما انتبهت عليها وشو قالت وشو ما قالت وعقب ما خلصت الاغنيه بدت اغنية مالك رجااا يا قلبي فيهم ولا لي>>> ميحد حمد >>> تعرفونها وايد ربشة ام خالد: عنبوووها الحشرة هزاع الشيخ اقصر عليه لو ماعليك امر اسميه صدع روسنا تقوول عنز مزنوط وكلهم نقعواا من الضحك هزاع: اميه ما طلبتي فالج طيب امري انتي بس شو تبغين احطلج ام خالد: حشى ما نبا شي جان عندك قران حطه هزاع: انزين اميه خلينا نسري بوظبي وبحط لج في السياره قران ام خالد: هيه الغناا بتحطيهن وبطول عليهن ولا بيهمك حد بس ذكر الله ماشي امرة جان عندك شريط قراان في السياره زين انته هزاع نقع من الضحك ع رمسة امه: لا اميه عنديه شريط لا تخافين ولو ما عنديه شي اذاعة القرااان ما تقصر طول الوقت قراان حاطين الريم: فطامي اتخبرج فطامي: عوونج الريم: عانج ربج بس اتخبرج هذي اغنية حربي اليديده اه من قلب فطامي: هيه على ما اظن يديده اول مرة اسمعهاا الريم: اووووووف اسميهاا انها غراااام الا عذاااب هب غرام بس فطامي: هزاااااع هزاع: لبيه فطامي: لبيت حاااي ان شاااء الله بس انشدك عن الاغنية يديده هذي مالت حربي هزاع: هيه ايدد اغاني حربي فطامي: اسميهااا اغنية طرر وغررراااام هزاع: هيه والله طررر بس ان اشاااء الله تعيب عرب فطامي: احم احم عيبتهم وغرمتبهم وعذبتهم بعد الريم قرصت فطامي فايدهااا فطامي: اااااااي حشى سمسوووم هزاع ابتسم حق الريم بس هي ما عطته ويه ام خالد: ونتي شعنه تزاعقييييين جذاا جيه محد غيرج هنه مسودة الويه فضحتينا شو بيقولوون عنا العرب انتي دقي حق خوج مانع الين الحين ما ضواا وين سرا هوو قوليله الحين ايي لانه بنسري بوظبي سلامه اول ما سمعت اسم مانع احترق ويههاا اتذكرت الموقف الي استوا من قبل فطامي: منوووع وينك انته اميه محتشره عليك يلا تعال بنسري بوظبي مانع: فعينج منوووع انزين شله تحتشر الحين ياي بس كنت عند ربيعيه فطامي: انزين يلا نرقبك وعقب يا مانع عندهم وانتبه على سلامه وابتسم الهاا سلامه فخاطرها: شو سالفته هذاا وشعنه يبتسم اممم شكله تذكر الموقف شراتيه انزين بس شله يبتسم !!!! وبعدين راحوووا قوم هزاع بوظبي وقوم حمد بعد ردوا بيتهم الريم او لما ردت راحت حجرتهاا وسكرت البااب وتمت تفكر بهزاع وتصيح : ياويل حاليه يا هزاع والله انيه ما اقدر انسااك احسك مزرووع فقلبيه وما اقدر اشلك منه وتمت تطالع صوورة هزاع : واااااااااااايه فديته والله ما اقدررر انسااه كل ما حاولت انسااه احس انيه احبه اكثرر واكثرر وصلواا قوم هزاع بيتهم كل واحد سار حجرته هزاع دق الباب على فطامي فطامي: حياه الي عند الباب هزاع دخل : ها شو تسوين فطامي: ارمس ربيعاتيه ع المسن هزاع: اهاا....... وسار عندها ويلس عدالهاا فطامي: شو تبا هب ضاري تي عنديه الا اذا بغيت حايه هزاع: بصرااحه ابااا اتخبرج عن الريم فطامي: ردينا ع طير يالي هزاع: والله وعلموج امثاال واحكام يحيج والله شي تطور ههههههه فطامي: هيه عيل لازم نطور وياهم انزين شو تبا تتنشدنيه عنها هزاع: شي قالت عنيه فطامي: لالالا هزاع: صدق فذمتج مممم انزين ماقالت شي يوم حطيت الاغنيه فطامي: لا بس تمت صاخه وتتنافض ماعرف ليش هههههه وانا ارمستهاا وهي طااف هزاع:اهاااا انزين امممم يعني امررة ما يابت طاريه فطامي: قلنالك لا مايابت طاريك لا بالشر ولا بالخير هزاع تنهد فطامي: ليش انت بعدك تفكر فيهاا هزاع: شرايج يعني يا فطامي الي يحب صدق مستحيييل ينسى الي يحبه والريم ساكنه فقلبيه ماحد بيسكنه غيرهاا فطامي: ياويليه على هذي الرمسه لازم احط مايك عشاان اسمعهاا هزاع: ليش انتي ترمسينها الحين فطامي: ما يخصك هزاع: ورفجت غالي عندج خلينيه ارمسهااا فطامي: نوو وييييي مستحييييييل شو قالولك هزاع: انا ما بقولها انيه هزاع برمسها ع اساس انج انتي فطامي: بس سوالفنا ما تصلح لك هزاع: انا بغير سوالفكم ع السوالف الي ابغيهن ورفجت غالي قلتلج فطامي: ماعرف ياهزاع والله اممم اخافهاا تزعل هزاع: قلتلج ما بقولها انيه هزاااع وبرمسها اساس انج انتي يعني ما بتدري الا جان انتي بتخبرينها فطامي: اممممم ماااعرف هزاع: قلت لج ورفجت غالي حشى رفجتبج بغالي وما بتخلينيه ارمسها فطامي: اوكي بخليك ترمسهاا ع المسن بس هب المايك هزاع : اوك اكيد سنقباسي ناشل الراسي(الريم): فطامي وييييينج ليش ما تردين عليه اااااه من قلبن غدا حبه جنوني: ويااج فديتج سنقباسي ناشل الراسي: انزين كملي سالفة سارووونه هزاع: فطامي منيه هاي سارونه وشو سالفتهاا فطامي: ما يخصك قلتلك انا قبل وانت تقول بتغير السوالف يلا اشووف غير هزاع : شو هب عايبنج الحين بغير السالفه اااااه من قلبن غدا حبه جنوني: اقووولج ريماني سنقباسي ناشل الراسي: عوونج علنيه افداج >>>>>>> لووووووول مسكينه ما تدري ان هزاع يرمسهاا اااااه من قلبن غدا حبه جنوني:عانج الرحمن بس اقوولج شرايج بهزاع اليوم وشو استوا من بينكم سنقباسي ناشل الراسي: شو رايي فيه بعد عادي انسان ومر فحياتي ونسيته وما استوا شي من بيناا اااااه من قلبن غدا حبه جنوني: صدق يعني نسيتيه سنقباسي ناشل الراسي: فطامي فديت خشمج سكري السالفه اااااه من قلبن غدا حبه جنوني : يعني انتي بعدج ما نسيتيه سنقباسي ناشل الراسي: محد بينسااا جرحه فيوم من الايام ويتم ع البال ذكراه اااااه من قلبن غدا حبه جنوني : فديت منطوووقج والله وكلامج عشرة على عشره فذمتيه سنقباسي ناشل الراسي: فطامي ما اصدق انتي تقولين هالرمسه استويت اشك ان هب فطامي الي ترمسنيه شي شاربه فديت خشمج اااااه من قلبن غدا حبه جنوني : شاربه بول بعير ههههههههه>>> وكانت هذي المرة صدق فطامي سنقباسي ناشل الراسي: هيه صح الحين صدقت انج فطامي هزاع: حشى تعرف اسلوبج بعد متعوده ع دفاشتج فطامي: شسوي الله خلقنيه جذيه هزاع: انزين حطي المايك ابا اشللها شله فطامي: لا والله حبيبي هالحركات والسوالف هب عنديه لو حسك حلوو ما بخلي المايك شووو بتقوول هزاع : انزين انا بس بشل وانتي بس سمعيهااا فطامي: لالالا مستحييييييل هزااع: طلبتج فطامي فطامي: هزاع السمووحه منك هذا الشي ما اقدر اسويه يمكن هي ما تبا انت شفتها شو قالت انا نسيته وليش تبغي ترجعلها الي نسته هزاع : انزين خلاص مابا منج شي يوم ابا اسوي شي بسويه مابتريا حد فطامي: ايييييييه حوووه انت شو بتسوي والله مينون تسوي أي شي هزاع: صدق انزين انا مينون فحبهااا فطامي: ياويليه على هذي الرمسه لو انا اسمينيه بندفن فقبريه قبل لا اسمعهاا منك هزاع: انزين يلا بسير اناا فطامي: ما قلتليه شو بتسوي يعني هزاع: ما يخصج انتي يوم انج ما بتخلينيه اشللها في المايك بلقاا الف طريقه غيرها فطامي: والله انك تخوف صدق انك ولد عبدالله هزاع: اعجبج فطامي: شو بتسوي قوليه عاده هزاع: لا ما بقووولج فطامي: امممم انزين اوكي بخليك بس تشللهاا هزاع: ما باا منج شي اذا اباا اسوي الشي بسويه يلا باي فطامي: هذاا شو بيسوي والله مينون يسوي اي شي واليوم الثاني هزاع ما عنده ايميل ولا يعرف طشه عن هالسوالف ما يخصه ع قولته لو يحتاي حد بيرمسه في التلفون هب من المسن وهو فكر شقايل بيرمس الريم لانها مستحيل ترد ع رقمه وسار عند حمدان اخووه هزاع: مرحباا والله بخويه حمدان شو تسوي الشيخ حمدان: ما عنديه مونه غير هالجات هزاع: اي جات انت تحدر حمدان: اقراا ما تشووف اسمه هزاع: هيه ما عرف هالسوالف انا شي اسمه كمبيوتر ما يخصنيه فيه انا بس عنديه بر وطيور ويلست مخاوين شما حمدان: ما نسيت شي متاكد هههههه هزاع: شوو نسيت ذكرنيه حمدان: ومغازل بنات وتلفونات وسيارات هزاع: هيه والله عاده هذا اهم شي لو انيه ما غازل شرات الاول بس هن يبن يتعرفن شسوي ارحمهن حمدان: امحق رحمه هزاع: انزين انا هب ياي اسولف وياك ابا منك خدمه لانيه مشغوول شوي حمدان: امرر هزاع: مايامر عليك لا عدو ولا ظالم بس بغيتك تسويليه ايميل وتعلمنيه شقايل اذا نبغي نحط حد في الايميل حمدان: تحط هههههههههههه الناس يقولون اضافه لا حوول لازم ابا وياك من الصفر اقصد تحت الصفر لانك امررة ولا يخصك في شي اسمه كمبيوتر هزاع: لا تم تطنز يلا ابدا الدرس حمدان: عاده كم بتعطينيه ع الدروس الخصوصيه هزاع: مابا درووس بس درس واحد لانيه مستحيل استخدمه الا عشان شي واحد حمدان: امممم فهمت تبا ترمس وحده وهي ماتبغي ترمس ع الفون صح هب عليه هالحركات هزاع: انزين يلا سويليه ايميل لانيه ماعرف شقايل يسووونه حمدان: يعني انت ما تبغي ايميل حلوو هزاع: اي ايميل شدرانيه انا بس اليوم ابغيه عقب بعطيك اياه حمدان: انزين عيل اي شي بسويلك اياه هب اسم هزاع: هيه المهم ايميل وسواله حمدان ايميل وعلمه كيف يضيفوون ع الايميل هزاع: خلاص بس مابا شي ثاني حمدان: انزين والنك نيم شو تبغيه هزاع: شو هذا بعد النك نيم حمدان: انته امرة قاضي النك نيم هذا الي بيظهر يوم بترمس حد هزاع: اي شي حمدان: يعني قصيده كلمات اي شي يعيبك هزاع: اممممم انزين اكتب هذاا احب البر ومداعب الطير وجلسة نشاما بالوفا يعرفوني حمدان: الله عليك شهالنك الغاوي ا سميه تحطيييييم الي بترمسك امرة من تقرا نكك بتتعرف عليك هههههه هزاع: يلا فكنيه حمدان: انزين اقوولك حفظته الباس وورد هزاع: اي واحد حمدان: رقمك الي تكتبه يوم تكتب ايميلك هزاع: هيه عرفته خلاص والفليل دخل هزاع حجرة الكمبيوتر وحدر المسن وبعدين ضاف ايميل الريم>>> حفظه يوم كان يرمس الريم بايميل فطامي وكانت الريم اوون طبعن>>> معسكرة 24\24 هههههههه طبعن الريم استقبلت الاضافه ودخل عليهاا احب البر ومداعب الطير.. : السلام علييييج سنقباسي ناشل الراسي: وعليكم السلام والرحمه احب البر ومداعب الطير.. : شحاالج؟ سنقباسي ناشل الراسي : بخير ونعمه بس منوو ويايه؟ احب البر ومداعب الطير .. : واحد من عرب الله ياويليه على هذاا النك اسميه كسر تيم سنقباسي ناشل الراسي : انت صبي والا بنيه احب البر ومداعب الطير.. : شرايج يعني ما تشوفين النك سنقباسي ناشل الراسي: اشووفه بس انته منو ومن وين يايب ايميليه احب البر ومداعب الطير.. : انا لو اباا شي اييبه انتي تسمعين اغاني بالروغه سنقباسي ناشل الراسي : شرايك يعني ما تشووف نكيه احب البر ومداعب الطير.. : فديييييييتج انا والله عيل سمعيهااا اهدااء سنقباسي ناشل الراسي والهوى يلوي على زلوفه خور واله ثوب مدراسي واستحي الخوار من يوفه يوم يشرب ماي مالكاسي من ترفة ينبه اتشوفه شمس وانجومه الجلاسي لو زهن بالحسن ووصوفه الرجيب أيغيب بنعاسي و الكثيب ايغيب بردوفه نور خده بدر الفلاسي سوى ازلوف الليل وازلوفه بين للعاسي خمر كاسي من افراقه هوب مولوفه شفق شمس اسلومها الماسي مأ ادرى ورت وجنة اخشوفه ين شمم ما ينك اركاسي عين الف و لام محذوفه ما طمثهن طفل بنفاسي لا و لا مستهن اجفونه بيته عالي ثابت الساسي والسحب تنشب على ارفوفه ياني خطه وسط قرطاسي وانحنيت اقبل احروفه جنه لمبشر وصل راسي عند يعقوب ورجع شوقه ارفع اكتابه على راسي مثل تاج الملك وزفوفه لا ألم لا هم لا باسي امر ولك نحن ف الشوفه لك غلا و حروز حراسي وحشمه بلمداره محفوفه عنى متمدن ومتواسي نفسه جزله هوب مخفوفه مترفٍ ما يشتجي باسي من الخلق والدهر وصروفه من افراقه ضاقت اهواسي ما يشرف صوبي ابلوفه سنقباسي ناشل الراسي: اقوولك السموحه منك بسويلك بلوك ودليت احب البر ومداعب الطير ..: شو يعني بلوك ودليت سنقباسي ناشل الراسي: انت ما تعرف طشه عن هالسوالف ومن وين يايب ايمليه عيل يعني احذفك من عنديه احب البر ومداعب الطير ..: انزين ما تبغين تعرفين منو انا قبل سنقباسي ناشل الراسي: سالتك قبل منو ما جاوبتنيه منو انت؟ احب البر ومداعب الطير ..: اوكي الحين بطرش لج شي وسمعيه حس منو وبتعرفينيه او يمكن تعرفينيه سنقباسي ناشل الراسي: اوكيك يلا وطرش الها هزاع وكانت شلة بصووته لامني لي مادرى بحالي..لي بنومه تهتني عينه..>>>>>>> الريم انصدمت الجفا بي طول وطالي..والهوى شانت موازينه.. الغضي بي مادرى وسالي..ملتهي بأيام وسنينه.. والحشا به نار شعالي..تكوي القلب وشرايينه.. لابدر ولاشمس فالعالي..به اوصف شعة جبينه.. رمش عينه سهم قتالي..لي تصيبه ربي يعينه.. لان خلي ماله مثالي..يعل يسلم من المعادينه.. مالكن حالي ويحلالي..مغرم في حسنه وزينه.. السبب من قول عذالي..لي سعو مابيني وبينه.. احب البر ومداعب الطير .. : هاا شو ما عرفتينيه؟ سنقباسي ناشل الراسي: هزاع احب البر ومداعب الطير: هيه فديتج بعدج تذكرين حسيه سنقباسي ناشل الراسي: انزين شو تبغي بعد احب البر ومداعب الطير.. : ابااج انتي سنقباسي ناشل الراسي : السمووحه منك بصكك بلووك ودليت احب البر ومداعب الطير.. : شفيج انيت على هذاا البلوك انا قلت لج اااسف والانسان يغلط بس اهم ش يتوب وانا تبت سنقباسي ناشل الراسي : مع السلامه ........ وصكته بلوك ودليت هزاع عصب من الخااطر ودق تلفونه هزاع: الوو سعيد : مرحبا السااع هزاع: مرحب لا هان سعيد: شفيك امررة شكلك معصب هزاع: اوووف لا تخبر سعيد: انزين الحين انا يااي صوب بيتكو تعال فيايه بنسير عند العرقوب وخبرنيه سوالفك بعد هزاع: خلاص تريااك هزاع راح حجرته ونسى تلفونه في حجرة الكمبيوتر سعيد اتصل عليه بس محد رد عليه ودق على تلفون البيت فطامي: الوووو سعيد تشقق : مرحبا السااع فطامي: مرحب باجي سعيد: مووجود هزاع اتصلبه ما يرد عليه فطامي: ماعرفه لحظه بشووفه بس منو اقووله سعيد: فياج سعيد فطامي: انزين بقوله ودقله على تلفونه سعيد: انزين مع السلامه فطامي: الله وياك سعيد استانس هذي ثاني مرة يرمسهااا : ليتك دووم يا هزاع ما تشل تلفونك عشان اتصل ع بيتكوو وراحت عند هزاع الي كان فحجرته ومعصب فطامي: هزاعوووه ربيعك يتصل بك ونته ما ترد عليه شعنه هزاع: فعينج هزاعووه ... وتم يدور تلفونه ما لقااه .. انزين منو من ربعيه فطامي: اسمه سعيد قاليه هزاع: اووووه صح سعيد انزين انا وين وطيت تلفونيه اممممممم هيه صح نسيت فحجرة الكمبيوتر فطامي: شووو انته من امتى تهبط هناك غريبه احيدك ما تحب هالسوالف هزاع: شسوي الحايه وما تسوي وليتنيه ما هبطت هناك ولا سويت الي سويته فطامي: وشو سويت بعد هزاع: مالج خص يلا رووحي ييبي تلفونيه الين ما اتسفر فطامي: اونه يهزب ويقوليه سيري يبي تلفونيه هزاع: قلتلج رووحي يلا ويا راسج فطامي: انزين وليش معصب انا ما قلت شي حشى ويابت فطامي تلفونه وسارت عنه هزاع: فطامي لا تزعلين فديت خشمج بس معصب من سالفه فطامي: لا عادي بس يوم تعصب من حد لا تحط حرتك على غيره هزاع دق على سعيد سعيد: انت وينك انا من الصبح واقف عند باب بيتكوو اترياك هزاع: عن الجذب وين من الصبح عاده الحين فليل سعيد: ههههه ما كذبت انا اقصد من زمان هزاع: من كم سنه اسميك خرااط هههههههه سعيد: يلا انزين اتريااك وركب هزاع ويا سعيد وراحوا صوب العرقووب الي دوم متعودين يلسووون فيه سعيد: شبلاك هزاع شوي وبتنفجر هزاع: ااااااااه يا سعيد لهدرجه الحب يذل الواحد سعيد: من ذلك ما عاااش وانا بو عسكوور هزااع: اااه منو غيرهاا ذلتنيه سعيد: ليش شووو سويت وشوسوتلك هزاع خبره السالفه سعيد: تبا الصدق والا ولد عمه هزاع: اكيد الصدق سعيد: من حقهاا ونته اذا تبغيها يا ريال سير اخطبها لا تم تسوي سوالف بعد هزاع: انا بس ابغي اعرف اذا هي تحبنيه او لا واذا هي مسامحتنيه او لا سعيد: شووف اذا انت خطبتهاا صدقنيه بتعرف اذا هي تحبك بتوافق واذا ما تحبك اكيد ما بتوافق هزاع: بقوولك شي لو هي تحبنيه وهي هب مسامحتنيه اكيد ما بتوافق سعيد: هو صح الي تقووله بس ما عندك شي ثاني تسويه هزاع: تبا الصدق انا افكر انيه خلاص احااول انساهاا وما افكر فيهاا شكلها عايفتنيه سعيد: هذاا احسن شي بتسويه هزاع: انزين خلك من مشاكليه ونته اخباارك بعد؟ سعيد: والله ما شي كتوووف هزاع: وخباار الاحم احم سعيد ابتسم : تسرك هزاع: ليش انته ترمسهاا سعيد: لا والله حشى مستحيييل ارمسهاا لانهاا اخت غالي هزاع: منو هذاا الغالي عاده سعيد: بتعرفه خلاف يوم بخطبهاا هزاع: على طوول بتخطبهاا يعني ما بتحاول ترمسها وتعرف مشاعرها سعيد: لا مستحيييل هذي هب افكاريه يعني هي بتكون حرمتيه هب وحده من الي ارمسهن واكيد ما برضاها عليهاا انها ترمسنيه وثاني شي اقوولك انها خت غالي يعني مستحيل اضره واضرهاا واذا هي بتحبنيه الحب ايي عقب العرس هب قبله هزاع: الله الله عليييييييك وعلى هذي الدرر الي تطلع منك سعيد: احم احم شفت عاده درر مرة وحده ترووم عليه انته عاد هزاع: حشى ما رووم انا غير تفكيريه عنك يعني لازم اعرف اذا هي تحبنيه اولا مستحيل اخذها الا جذاا سعيد: انت تفكيرك تفكير اجانب هزاع: شسوي تاثرنا ع طاري الاجانب شوو ما عزمتوا بقعه نسيرلهااا في هذي الاجازة سعيد: الشباب معزمين يسيرون صوب المانيا هزاع: هيه عيل ونته؟ سعيد: انا عنيه بغيت اول شي النمساا لكن خلاف الربع معزمين المانيا عاده قلت فياهم هزاع: هيه خلاص انا بعد بسير فياكم حشى خلينيه ارمس برمستكوو سعيد: فديييييييييت منطووقك انا ومحلات رمستناا وانته ترمسبهاا هزاع: تسلم يعلنيه ما ذووق حزنك سعيد: امين فياك ياربيه دق تلفون هزاع :شوو هذاا الرقم غريب سعيد: شله ياريال يمكن حد مغير رقمه او شي وشله هزاع: الوو ..... : هلا والله هزاع: هلا ملايين منو الشيخه .... : شو ما عرفتني هزاع: لا والله الشيخه .... : ها من كثر الي ترمسهن يعني هزاع: انتي من وين ضويتي ع رقميه ....: اناا الي ذاك اليوم طلبتك الرقم هزاع: وايدات الي يطلبن رقميه .... : انت وايد خقاق هزاع: ونتي شولج خقاق والا هب خقاق خلاص لا تتصلين على هذا الرقم ....: ليش انت زعلت هزاع: هههههههههههههههه سعيد: شبلاك نقعت من الضحك هزاع: يود يود رمسهاا ما اقدر ارمسهاا سعيد: لا والله تبلي غيرك هزاع: انزين .. اقوولج يلا بااي مشغول انا الحين ..... : ليش شغلك فليل؟؟ هزاع: لا شغليه هب فليل بس عند حد من الربع >>>> يقلد صوتهاا لانها هي ترمس وهي تدلع ههههههه ...... : انت تظنز عليه هزاع: لا الشيخه خلاص اقوولج مشغوول يوم بفضاالج بدق عن تخسرين رصيدج ..... : فداك الرصيد وراعيته هزاع: ويليه على هذي الرمسه ... انتي شسمج .... : اسمي ريم هزاع: وايه فديييييييت هالاسم يعلنيه افدااه ريم: تفدتك العافيه هزاع: ومنو قال اتفداج يلا يلا باي وسكر عنهااا سعيد: شفيك عليهااا حرام عليك انت عطيتها الرقم يعني رمسهاا هزاع: ما حبيت اردهاا واكسر فخاطرهاا سعيد: شسمهاا انزين هزاع: مالك خص بسمهاا سعيد: شرات اسم القلب عشان كذيه ما تبا تقوليه هزاع: اسميك متحيذق( متبيصر) عرفت انها شرات اسم قلبيه سعيد: اعجبك اما الريم تمت تفكر بهزاع وكل مرة تحط الشله الي طرشلها الريم: ااااه يا هزاع والله ما اقدر ماافكر فيك لو لحظه وحده دقت سلوم الريم: هلا والله بالقااااااااااطعه الي ما تنشد عنا سلوم: هلا بج زوود علنيه افداج والله تعرفين رقمنا بدقين لو خطرنا عبالج الريم: السموووحه فديت خشمج بس كنت مشغووله شوي سلوم: اقووولج ما تدرين باكر بينزلون النتايج الريم: فذمتج سلوم : انتي خبر خيرر كل الناس تدري الريم: متى بينزلونهن سلوم: يقولون الصبح الريم: هيه اسمينيه ماببات الليل سلوم: وشله كل هذاا عاده ان شاااء الله بتيبين نسبه زينه عيل انا شو اقوول وهب حاله زين ي الامتحانات لكن عادي عنديه مرتاحه نفسيا الي ببي من عند الله حيااه الله الريم: انتي تبغين تعرسين كيفج انا ابا انجح واييب نسبة اوكي ابا اروووح ادرس براا هب شراتج بس افكر بالعرس سلوم: والخيبااااااااااات تخيب بليس وجيه ابووج بيطيع الريم: تبين الصدق عكيفيه هالرمسه بعدنيه ما شاورته سلوم: والله لو انا اقوولهو ان باا ادرس خاري بيذبحونيه قبل لا انطقبها هالرمسه الريم: هيه عاده انتي تسدج رمسة يدتج انزين اتخبرج اذا نجحتي وين بدشين تقنيه والا جامعه سلوم : شكلي ما بكمل واذا كملت بشووف النسبه لو دخلنيه الجامعه بدش واذا دخلنيه بتم في البيت تعرفين منقود عندنا التقنيه ليش ماعرف الريم: هيه وايد ناس جذا شراتكم انزين ما بتين بيتنااا سلوم: لالالا ما اقدر انتي تعالي عندنا الريم: كم مرة ايي بيتكم ويبي يدتج وياج سلوم: بشاورها خلاف يلا الحين برووح ارقد الريم: ولج بارض والله ترقدين لا يحيج والله سلوم: ليش انتي ما بتوطين راسج الريم: وين بيغمضليه جفن وباجر النتايج سلوم: ما عندج مونه يلا يلا باي لا اتخبل شراتج الريم: سلمي على يدتج سلوم: يبلغ في داعة الله واليوم الثاني الصبح >> طبعن الريم ما رقدت واصلت الساعه 7 نزلت تحت وشافت امهاا سلمت عليها ام زايد: وليش الريم هب راقده الريم: اميه اليوم النتايج ما قدرت ارقد من الحفوز ام زايد: صدق لا ان شااء الله بتبيضين ويهنا الريم: ان شاااء الله اميه ام زايد:الريم فديتج سيري وعي بوج من الرقاد الريم: ان شاااء الله وسارت فوووق وشافت ابوها ناش من الرقاد ومتسبح ويلبس سفرته وعقاله ووايهته بو زايد: شبلاج هب راقده الريم: ابوويه اليوم النتايج بوزايد: هيه زيين عيل الريم: اي زين بوزايد: شفيج انتي متحفزة ان شاااء الله بتيبين نسبه زينه على دراستج الريم: الثانويه العامه العككس الي يدرس ماييب نسبه والي ما يدرس هو الي ييب بوزايد: ونتي من وين يايبه هذي الرمسه الريم: من عنديه ومن الي اشووفه بوزايد: ماعليج لا بتيبين نسبه زينه الريم: الله يسمع منك يلا ابوويه ريووق اميه تحت تترياك ونزلت الريم ويا ابووها الريم يلست ع الاب توب ام زايد: تعالي تريقي ودري عنج هذا الكمبيوتر الريم: هب مشتهيه العيشة بوزايد: وشعنه كل هذاا خلي عنج تعالي عشان خاطريه تريقي ويانا الريم: عشاان خاطرك ابويه والله خاطرك غالي عنديه وعقب الريوق الريم: ابوويه شرايك اصورك واحط صورتك في المنتدى بوزايد: لالا حشى ما فيه تنتشر صورتيه اخاف امج تغار ويغمز حق الريم ام زايد: بعد قصورج تحطين صوورته الريم: هي من الحين غارت وبعدنيه ما حطيتها ام زايد: خلي عنج هالرمسه اننننننف منقوود بعد باجر بتين تقولين بحط صورتيه الريم: لالالا ما بحط صورتيه هب مينونه بس افكر احط صورتج بوزايد : هيه نشريهاا هههههههههههه ام زايد: انت وياها امرة ما تحشمون رمستكم اشووف الريم راحت تبوس امهاا: واااااايه فديت اميه يوم تعصب ام زايد: ظكي هنه توج بتحطين صورتيه الريم: اسوولف اميه اصلن حمد ما بيخلينيه ما بيرضاهاا بوزايد: هيه شو بعد القصور نحط صوورة ام زايد ام زايد: شوفي الرمسه انتي هب رمستج الريم: اقوول انا شكليه عذوول بخليكم رواحكم ام زايد: عن المصاخه الريم بوزايد: يلا انا بسرح عنديه شغل الريم: بتتاخر ابويه بوزايد: وليش تتخبرين الريم: نسيت النتيجه يوم بتظهر اول شي بيطرشولك مسج انا حاطه رقمك يوم اشتركت في الخدمه بوزايد: لا برد بس ساعه تقريبن الريم: اوكي ارقبك بوزايد: ترقبينيه والا ترقبين نتيجتج الريم: الاثنين فديت ابويه وكيف ما برقبه ع الساعه 9 بدت الاتصالات والحشرة عن النتايج وعقب رد بوزايد ع السااعه 11 الريم: هااا بويه ما طلعن النتايج بوزايد: لالا بعدهن ....... و توه وصل المسج الريم: هاااا ابويه شووو حقيه المسج بوزايد: اول ما قرا المسج كان شكله حزين شوي الريم: خلاص ابويه لا تقوول عرفت النتيجه ودمعت عيونها بوزايد: والله ماعرف شقولج الريم انتي الصراحه شديتي حيلج وثابرتي بس شو تسوين الريم يلست ع القنفه وتصيح بوزايد: راح يلس عدالهاا : ونتي ليش تصيحين الحين خلاص هذا نصيبج الريم: ابويه بس انا حاولت ارفع راسكم وشديت حيليه واخر شي اييب هالنتيجه بوزايد: فديتج انتي دوم رافعه روسنا بنسبه زينه والا لا ام زايد: هيه والله صدق ابوج الريم: خلاص انا مابعيد السنه اليايه بتم في البيت ابركليه بوزايد: وليش تعيدينهاا لا تعيدينها امررة ام زايد: وشقايل ما تعيدهااا عيل بتم في البيت بوزايد: وليش تم في البيت ام زايد: وشفيك بوزايد بوزايد: الريم انزين ما تخبرتينيه عن النسبه الريم: ولا ابا اعرفهااا اعرف انها هب شي بوزايد: فدييييييييتج والله ولوا عليهااا وقالهاا مبرووك رفعتي راسناا فوق فذمتيه الريم: والله ابويه حاولت اييب نسبه عشاانكم بوزايد: ويبتيها فديت خشمج نسبتج 6 ,92 الريم: صدق ابويه بوزايد: هيه والله فديتج ام زايد: مبروووووووووك الريم وشعنه تخوفنا انته بعد ناقصين نحن بوزايد: شرايكم بالمقلب عشان تذكروون هذاا اليوم زين الريم: ابويه وخليتنيه اصيح يعني اسمينيه ما بنسااه هذا المقلب وتموا مستانسين وكله اتصالاات ويباركوون سلوم يابت 69 وفطامي 81 وحموده 80 ومريوم ربيعتهم 82 وشميم 70 وساروه ربيعة فطامي 72 بيت قوم سلوم غبيشة يدت سلوم: يلا متى بيي مبارك بيخطب سلوم سلوم: لا حشى شو الا تونيه مخلصه واصلن هو اصغر عنيه مستحيييل اخذه يدت سلوم: هيه بعد شو اصغر عنج ما ينعاب الريال بعمره شكرثرهم الحين ماخذين اكبر عنهم ام سلوم: اميه هذا عمره 17 وين يبا يعرس هههههههههههه بعده الحين ثانويه عامه يدت سلوم: انزين يعرس ويكمل ام سلوم: انزين خلاص سلوم خذيه ونتي درسيه عاده سلوم: شووو هذااا ليتنيه ما نجحت يدت سلوم: حتى لو ما نجحتي وايد مهم يعني نجاحج اخر شي البنيه الا بتعرس وما يهم النجاح ام سلوم: لا اميه الحين مهم البنيه تكمل وتدرس وتنجح والا الريال يبغيها ما تعرف طشه يدت سلوم: والله نحن الاول ماشااء من عمرنا 12 فبيت ريلناا وكل شي نعرفه ما خلينا ثريد ولا هريس ما تعلمناه شو نباهن الشهايد ام سلوم: زمان الاول مضى الحين هالزمان شي اساسي الدراسة والشهاده الريال ما يبغي حرمته هب دارسه يدت سلوم: هيه انتي قويها علينا الروحنا هب رايمين عليهاا تقوول صبي سلوم: اميه حشرتونيه صبي وصبي حتى اسميه خليتوه سلوم عنبوو ما بقاا شي بعد يدت سلوم: انتي سكتي مسوده الويه ونيها العصااا ييبوووها خلونيه امرغهاا سلوم: والااقوول اميه غبيشة الريم بنت حمد ربيعتيه تغينيه اسير بيتهو ونتي فيايه يدت سلوم: أي الريم هذي سلوم: الي هاذاك اليوم يت بيتناا يدت سلوم: هيه بنت قوم هناد هيه فديتهاا ماعليه جان تبغينيه اسير بيتهو بنسير وشوعلينا سلوم استغربت غريبه يدتها تطيع بسرعه سلوم: اميه غبيشة متى عيل بنرد العين يدت سلوم: باكر بنسرح العزبه سلوم: ان شااء الله ام سلوم: وشعنه بترووحون باكر عاده يدت سلوم: والا حلاليه من بيجابله سلوم: صدقها اميه غبيشة ام سلوم: هيه انتي عوقج بيت ربيعتج هب العزبه والحلال والا كم يابت بنت قوم هناد سلوم: 92 ام سلوم: ذكر الله ماشااء الله عليها وشله ما طلعتي عليهاا يدت سلوم: هيه مغواهاا بنت قوم هناد انا قلت خلونا نخطبها حق سليطين ولدج ام سلوم: وين اميه هو اصغر عنهاا يدت سلوم: لا حوول وشفيكو انتوا ع العمر برايه العمر سلوم: انزين خلاص فكونا من هذي السالفه ما عندكو مونه غير العرس وطاريه بروح اتصل على الريم بقولها بكرة بني صوبهوو سلوم: مرحبا ملايييييين الريم: مرحب باجي ولا هان سلوم: ماببطي عليج باكر انا والعيوز بني بيتكوو الريم: مرحبابكم باي وقت البيت بيتكم علنيه افداج سلوم: انزين ما بتقولين حق شميم جادها بتي فيانا ومريوم الريم: مريوم محد هب في العين في دبي الحين عند قوم خالتها سلوم: هيه وشميم الريم: ما ادريهاا برمسهااا بس اظني ما راحت عن زاخر في بقعتها سلوم: هيه زين عيل قوليلها وانتي ماشااء الله تعرفين تتفاهمين فيا امها الريم: هيه اكيد سلوم: مع السلامه عيل وردي السلام على عربج الريم: سلامن يبلغ ونتي بعد ردي السلام على هلج في داعة الله في بيت قوم عبدالله (بو خالد) في الصاله ام خالد: والله يحيج فطامي يوم ظهر منج شي وما فشليتنا بين العربان |
يتبع ودخل هزاع : هاا شو فطامي قالوا اليوم بيظهرن النتايج بشري فطامي: توه النااس ظهرن وباركولنا ونته اخر واحد ياي تبارك خلاص انا زعلت ابا شي الحين هدية ترضيه هزاع: شكلج نجحتي تقولين باركولج فطامي: لا والله اكيييد نجحت طايحه من عينكم انت وامك حمدان: والله حتى انا انصدمت هزاع: ليش كم يابت شكلج طلعتي زلمه فطامي: احم احم يبت 81 هزاع: اوووه مبروووك ما توقعتج تيبين جذا غديتي زلمة مانع: شوو زلمه الا 81 تقولك الزلمات في التسعينات هزاع: امم هيه صح نسيناك انك انت زلمة ودحيح العايله اسمحلناا فطامي طلعت الا من عقبك فطامي: الحمدالله انيه مواطنه هب زلمة شرات بعض الناس مانع: مالت عليكم انا بسير اخيرليه فطامي: بتسير تقرا أي كتاب بعد مانع: كتاب رؤيتي مال محمد بن راشد جان تعرفينه هزاع: والله انك دحيح سير سير كمل حمدان: هيه والله هزاع: انت بعد اسكت روح جابل جاتك الغش اللووث حمدان: ايه لا تسب الجات والله فيه ناس حشام هزاع: ابصملك بالعشر محد حشيم في الجات حمدان: فذمتيه اكثر الي في الجات حشييمين واخير بمليون مرة عن الي ما يهبطون الجات هزاع: لا والله شي طيب ههههههه حمدان : والله مشكلتك ما تصدق يعني تشوفنيه لووث هزاع: محشووم حمدان: عيل ترانيه من الي يهبطون الجات هزاع: بس انته تهبط تسولف حمدان: واغلبيتهم جي هزاع يلس عدال فطامي هزاع: اقولج فطامي الريم كم يابت فطامي: ما يخصك هزاع: فديتج ارووم اظهر كم يابت بس حبيت اسالج فطامي: عيل ظهر اذا تقدر هزاع: شو نسيتي انهم يحطون النتايج في الجريده فطامي: هيه صح يابت 92 هزاع: ماشااء الله وهي علمي بعد فطامي: حشى تعرف كل شي عنهاا هزاع: وشقايل يعني ما عرف عنها كل شي ..... اممم انزين شرايج اطرشلها مسج فطامي: لا طرشلهاا هزاع: اممم اوكي ما بطرشلهااا اليوم الثاني الريم تمت تسوي كيك وفطاير عشان بيون قوم شميم وسلوم ويدتهاا الريم دقت على حموده بعد عشان تي عندهم وعقب الريم راحت وتكشخت وطبعن لبست كندوورة سودة عليها وروود حمرا واايد كشخة عشان يدت سلوم تنتقد الي يلبسون تنانير وبديهات وتمت تشوف من درشة الميلس وشافت سيارتين يوا وطلعت تشوف منو الريم شافت سيارة سالم وقوم سلوم ونزلوا كلهم حمودة سارت صوب سلوم: مرحباا والله ملاييييين بسلوم سلوم: مرحب لا هان فديت خشمج سالم استغرب منو سلوم منو هذاا !! الريم: قررب سالم سالم: جريييييييب عندي شغل بسير وسلمي الريم : مرحبا السااع بالي لفوناا شحالج اميه ربج الا بخير؟ يدت سلوم: بخير وسهاله وشحالج انتي ربج ما تشكين باس؟ الريم: لا ما شكي لا من باس ولا ياسقربواا حياكم البيت بيتكم ودخلوا داخل حمودة راحت عند سالم سالم: متى تبيني ارد اشلج حمودة: ماعرف بدقلك سالم: ومنو هذا سلوم حمودة: هههههههههههههههه شو منو هذاا هذي ربيعتنا والله انك تضحك سالم: شدراني انا حد يسمي بنيه سلوم شوو ولد حمودة: اهلهاا مدلعينها جذيه سالم: امحق دلع شو صبي لا يكون بس بويه حموده: لالا حرام عليك خلاص انا بدش عندهم فضيحه وراح سالم وعقب يت شميم وتمواا كلهم سوالف ويا يدت سلوم حتى ام زايد كانت وياهم وبعدين كلهن ردوا بيوتهن وعقب كم يوم الريم وحمودة قررن يسون حفله عشان نجاحهن وسون حفله في فندق روتانا وكانت وايد حلوة الحفله بوزايد: ها الريم فكرتي وين تبين نساافر عشان احجز الريم: هيه بس بدق حق فطامي بشاورها فشي لانها تبغي تسير شرات المكان الي بنسيره وراحت الريم دقت حق فطامي الريم: هاا فطامي شوو قررتي عشان السفر فطامي: بدقلج خلاف بسير اشاور شيبتيه وراحت عند ابوهاا فطامي: ابوويه وين هديتيه بوخالد: الي تبينه امررة تم فطامي: خلاص عيل ابغي اساافر بوخالد: تم السااع بس وين فطامي: النمسااا وابا نفس وقت الي بيسافروونه قوم حمد بوزايد بوخالد: ماعليه بخلي خوج خالد يشووف فطامي: يعني خلاص ارد عليهاا لانهم هم بيساافروون قبل بيروحون ثلاث دول واخر شي النمساا بوخالد: خلاص ان شااء الله وفطامي حدهااا مستانسه وقالت حق الريم الريم: ابويه خلاص قررت اول شي بنسير سويسرا طلبت الشيخ زايد وثاني شي التشيك واخر شي النمساا مع قوم فطامي بوزايد: تم السااع انا بحجز ان شاااء الله بس اخر هالاسبوع قوم عمج يبون يسيرون البر وقايليلناا الريم : انا قلتلكم اذا قوم خاليه راشد بيروحون ويانا بسير اما بس مع قوم عميه لا ما بروح ام زايد: انا شااورتهم وقالوا بيسيرون ويانا الريم: خلاص عيل انا بعد بسير ودق بوزايد على خووه بوسيف ( احمد) وقاله واتفقوا يوم الاربعااء الين يوم اليمعه يتمون في البر ويردون في بيت بو سيف بوسيف: هاا منو بيسير ويانا البر روضه: انا اكيد ميثة: انا بعد بسير سيف: اممم انزين منو بيكون هناك بوسيف: نحن وقوم عمك حمد وقوم بوسالم راشد سيف: بيروح سالم؟ بوسيف: ما ادري اظن بس سيف: انا بدقله اذا بسير انا بسير بعد بوسيف: عيل وينه ثاني روضه: ليش هو يتم في البيت كله مرتغد بوسيف: هيه والله ما يقر فبقعه كل يوم مرتغد فبقعه ميثه: انزين وليش ترمسون عنه جي ونتي يالفقمة هذا خوج العود احترميه روضه: اوووه نسيت ان هنه محامي ثاني خلاص السمووحه ابا اعفاء بوسيف: ماقالت شي ختج رويض كلامها صدق ميثه: ادريبكم انتوا ما تحبون ثاني حرام عليكم طيب بوسيف: طيب ما قلنا شي قلنا مرتغد وتوه ثاني داخل : منو الي مرتغد اكيد اناا ما ترتاحون الين ماتيبون طاريه بوسيف: تعرف بقاك انك مرتغد ثاني: انزين عيل اتم في البيت شو حرمه سيف: كلنا نظهر بس هب طوول الوقت ثاني: لا حووول بيبدوون محاضراتهم بوسيف: انزين ما بنبطي بس ابا اقولك جان بتي ويانا البر وعزمت تعال ما ببطي عليك هكي الدرب اظهر ظهرت معاليك ثاني: وليش تدعي عليه شو سويت اناا ما عرف اذا بسير بفكر بس منو بسير ويانا ميثه: الي خبرك بوسيف: قوم عمك حمد وقوم راشد ثاني: والريم بتسير سيف: وانت شلك بتسير والا لا هذا بدال ما تقوول بيسير سالم وسيف ثاني: وانا شو اباكم يعني وايد مهمين عنديه ميثه: هيه الريم بتسير عاده استانس انته سيف: انت ما تستحي اسميك وفاصخ الحيا امررة شو هذاا وانتي بعد فضل عنج يالسباله يلا فوووق ميثه تصيح : شوو هذاا كله تصارخون عليه والا رويض الخايسة ما تقولولها طشه..... وراحت فوق تصيح سيف: والله رويض اصغر عنج واحشم عنج رويض: اوييييييه وجان يستون خدوديه حمر سيف: هههههه ما يستون انتي حنطاويه قولي ع الاقل ورديات رويض: وشفيهن الحنطاويات والسمر محلاتهن والا شو بيضه شرات المصريات ثاني: وشفيه البيااض الجمال رويض: لازم لانه الاحم احم بيضه والا ما بتقول جي سيف: الحلاة حلاة القلب هب الشكل رويض: صحيت السيافي قذمتيه شووف انته الرمسه هب رمستك مالت عليك ثاني: مالت عليج انتي يالسباله رووضه: مالت عليه غصوون الجنه سيف: امييييين وانا وياج روضه: وبويه بوسيف وثاني خارج نطاق الخدمه ثاني: وياراسج ماطلبت تدعيليه بدعي حق عمريه بوسيف: انت اصلن تندل بقعة المسيد رووح صل قبل خلاف ارمس عن انك تدعي حق عمرك ثاني تفشل وعصب وظهر سيف: اووووف اسميهاا ضربه قاضيه بس يستاهل والله الصلاة ما يندلهاا بوسيف: والله هذا الصبي مفشلنيه في كل بقعة ارووحها استحي ان يابوا طاري ثاني ينزل راسيه في القاع سيف: هيه والله مفشلنا من بين العربان رووضه: خلاص انا من اليوم بروح ازهب القشار اما ثااني كان صدق معصب من رمسة ابووه وتفشل جدام خوانه وراح صوب ربعه في الشقه ربيعه : شفيك ثاني رب ماشر.؟ ثاني: والله ضايقه فينيه الوسيعه ربيعه: انزين شرايك تجرب هذاا ثاني: شو هذاا ربيعه: والله من تجربه بتحس عمرك مرتااح وبتنساا هموم الدنيا كلها ثاني: صدق عيل وين يبيعونهاااا ربيعه: ما يبيعونها فمكان تبا انا بييب لك كم ثاني عندي انا ثاني: عيل محد بنات اليوم ربيعه: لا ابشربسعدك عقب شوي بين ثاني: انزين هذاا بكم بتشتروونه ربيعه: اممم غالي شوي ثاني: يعني انته عندك وحدة غيرها الحين ربيعه : فالك طيب الحين بييب لك .... يود وجربهاا وقوليه شرايك ثاني يود الزقاارة>>> مخدرات[/B][/size][/color] |
الجزء(14) دق تلفوون ثاني كان سيف اخوووه بس شااف الرقم وسواا طااف ثاني: حمود عندك ولاعه؟ حمود ربيعه: هيه فالك طيب ماطلبت ثاني: فالك ما يخيب ومسك ثاني الولاعة بايده وتوه بيولع الزقارة ووصله مسج من اخوووه سيف وتم يقراه ثاني ومكتوب في المسج( ثاني ورفجة غالي ترد عليه وغلات الريم عندك وجانك تحبها ترد عليه الحين بدق عليك) ودق سيف امرررة وثاني شله اكيد>>> رفجه بغلاة الريم>>> وتعرفووون انتوا شقايل يحبها سيف: مرحباا ثاني شحالك الحين؟ ثاني: وشوو يهمك حاليه سيف: وينك انته الحين؟ ثاني: عند ربيعيه سيف: لا يكووون فذيج الشقه الغبره >>>>( هذي الشقة معروووفة انها هب زينه ودوووم مشاكل ويشتكوون عليهاا ودووم الشرطه عندهم بس يردووون ييفتحونها ويلغوون الشكاوي لان راعي الشقة الي هو ربيع ثاني ما شاااء الله عندهم خير ومن الكباريه يعني واسطه) ثاني: مالك خص سيف: انزين الحين بيي صوبك ابا ارمسك ثاني: لا تينيه ولا اييك ما عنديه رمسه وياك سيف: ادري انك رديت عشان انيه كتبت وغلاة الريم لهدرجه تحبها ثاني: واكثرر بعد عن هذي الدرجه سيف: والله يحظها الريم يوم ضوت راس ثاني بن احمد ثاني: ليتها تحس بس ... انزين انا مشغوول الحين سيف: عاده فشوو مشغوول ثاني: فاشيااء ما تعنيك سيف: شووف يا ثاني والله انك غالي عليناا ولو هب غالي عندنا انا وابويه جان ما رمسناك وقلنالك هذي الرمسه نحن نبا مصلحتك وما نبغي الناس تعايرنا فيك نبغيك تكوون ريال نعم ويوم ينطرى طاريك عند الريااييل يقوولون ونعم هب العكس ثاني: انزين كمل بدت المحاضرة اليوميه سيف: لاتم تطنز كلمنيه شرات ما اكلمك واسمع يا ثااني قبل لا تسوي أي شي فكر بالي تسووويه وانك ما تضر حد بهذاا الشي واهم شي ما تضر عمرك وقلتلك انت غالي والله وفكر بعد بخواتك ثاني: وليش وشفيهن خواتيه سيف: مافيهن الا الخير بس أي شي ترا بتسويه ما بتضر عمرك به بس بتضر خواتك قبل منو بيي بيتقدملهن وخوووهن جذا والا انت شرايك ثاني سكت ما رد عليه سيف: وانت ع قووولتك تحب الريم صح والا لا؟ ثاني: اموووت فيهاا انا هب الا احبها سيف: انزين وهي شرايها فيك ثاني: شرات رايكم فينيه وماتعطينيه ويه سيف: شفت انزين انت ما فكرت تتغير عشانها ع الاقل اذا نحن ما نهمك فكر بالي تهمك ثاني: والله تعبت من محاضراتكم ليه كل يووم ودوووم الا مفشلينيه عند الي يسوا والي ما يسوا سيف: شووف يا ثاني اذا انت قصدك رمسة ابويه لك والله تراااه ابوويه يباك تكووون ريال ويفتخر فيك جدام الرياييل ويقوول هذاا ولديه ثاني هب يتفشل منك ولو على رمسته اليوم لك ترااه كان متلوم فيك ويقوليه انا لازم استسمح من ثاني لانيه غثيته وانا قلتله لا تستسمح منه ولا شي انت ابوووه ولك كل الحق انك تقووله أي رمسة تبغيهاا وانت شرايك ترضااها على ابوووك انه يعتذر منك لوو انته تراضااها بقوووله انه يستسمح منك وجدامنا بعد وهو اكيد ما بيقوول لا لانه هو قبل قايليه جذا ثاني: الا اكيييييييد ما برضااها انا استسمح منه واحب راسه وهو يالس فبقعته سيف: ونعم والله ولد احمد عيل خلاص لا تحط فخاطرك بشي من جدانا وانا عنيه اسف اذا غثيتك بكلمة ضايقتبك ثاني: بالحل اخووويه وما منك مغثة سيف: ولا تسوي خرابيط مني مناك خلك ريال وفكر بالي تسوويه اهم شي وفكر بناسك قبل كل شي والي يعزووونك ثاني: ان شاااء الله سيف: حايه _ اماره من جدانا؟ ثاني: سلامت راسك سيف: الله يسلمك ويعافيك في داعة الله..... سكر عنه ثاني تم يفكر برمسة سيف ثاني: حمود يود زقاارتك حمود: افاا شيخ الريااييل شعنه ما تبغيها ثاني: كنت مضيج طشوونه بس الحين الحمدالله مرتاح حمود: انت جرب ولا عليك وشووف النتيجه بتشكرني اسميك ثاني: لا اسمحليه اعرف انها هب زقاارة عاديه انا هب مقصه يالشيخ حمود: تراها الا زقاااره بس انها تريح الواحد ثاني: حمود هب عليه هالرمسه انا اعرف انها مخدر لانها لو زقاره عاديه ترا بلقاها في كل بقعه وما بتكوون غاليه شرات ما تقوول السمووحه منك والحين اترخص حمود: ع راحتك اناا احبك وانته تعرف وماباا شي يضرك بس حبيت اخدمك شفتك مضيج قلت بخليه ينسى ضيجته وهمه ثاني: ادري والله يا حمووود لا تقول هالرمسه ما يحتاي حمود:واقررب امرة صوبنا ان حسيت بضيج وهم ثاني: ان شاااء الله حمود: وليش ترووح الحين بيوصلن البنات ثاني: ماليه بارض مرة ثانيه ان شاااء الله حمود: تراها والله السهرة ما تسوا بلاك ثاني: تكفي وتوفي يا بوجسيم حمود: تسلم وخلنا نشووفك ثاني : ان شاااء الله باي .. وظهر ثاني اليوم الثاني فبيت حمد ( بو زايد) بوزايد: خلاص ان شاااء الله انا حجزت التذاكر والاسبوع الياي اذا الله راد بنساافر الريم: ياااااااااااي وناااسه اخيرن بنظهر من البيت بوزايد: وعقب باجر بنسير البر وبنتم يومين جذا هناك سلامه: الله الله ع سيرة البر والله تسوااا عن السفرررة بمليووون مرة بس ابووويه ما اوصيك بالبانشيااات تراهن اهم ما في السيرة بوزايد: ولا يهمج ماجر قبل لا ترمسين الريم: عاده كم وحدة مأجر بوزايد: انا مأجر ثنتين وكل واحد ثنتين الريم: بس ثنتين وين تكفي ابويه بنضاررب عليهن بوزايد: كل واحد بيشل وياه ثاني بيشل دراجتين وسيف بعد وسالم كم استون الريم: ثمان دراجات بوزايد: بس بعد كم تبووون يلا زهبوا القشااار عاده وبعد قشار السفر مرة وحده وتشروا جان تبووون ام زايد توها يايه من بيت الييران : وجيه يالسين هنه متيميعين عسااها مديمه هاليمعه بوزايد: على خير ان شاااء الله هب على الشر لا بس اخبرهم عن سيرة البر والسفر ام زايد: هيه توها ام ساالم متصله عليه تتاكد منيه اذاا بنسير بوزايد: انا ترا قايل حق بو غنيم ما يحتاي بيقولهم ام زايد: هيه زين عيل وخبرت بوسيف عن السفر بوزايد: عنده خبر كنت انا وسيف رايحين نحجز التذاكر ام زايد: جيه سيف بيخاويناازين والله ريال ونعم فيه ينشد الظهر فيه بوزايد: لالا زين لو بيخاوينا انا قلتله بس هو عنده زام وبيداري الحلال هنه ام زايد: هيه ماشااء الله اسميه ريال يحظها الي بتاخذه بوزايد: هيه والله ونعم بو هناد احمد ياب ورباا ام زايد: ليته ثاني يغدي شراته بوزايد: يوم الا ع ثاني غسلي ايدج الله يهديه هذا الريال ويصلحه الريم: هيه والله يهديه ليته يغدي شرات سالم والا سيف ريااييل والا صح ثاني بيسافر ويانا بوزايد: هيه اكيد يوم انه سيف ما بيسافر ويانا الريم: اووووف الله يعين ويصبر وبالباجر اتصلت حمووده على الريم حموده: مرحباا السااع الريم: مرحب باجي لا هان وشحالج يعلنيه افدا خشمج حموده: تمامووو الريم: اسميج متاثرة من المسن حموده : شسوي من كثر هب معسكرة عليه الريم: عيل باجر بنسرح البر شو زهبتوا القشاار حموده: افااا عليييييج كل شي زاهب ومرتب بس نترياا باجر متى بيضوي الريم: يحيكم والله حموده: اممم قالولي انه قوم عمج احمد بيسرحوون ويانا الريم: هيه اكيد هم راعين هالفكرة من اسااسه حموده: هيه زين والله والا اتخبرج هذاا ثاني ولد عمج الي ماادانيه بيسرج ويانا؟ الريم: هيه اظن قالوليه بيي ويانا حموده: اووووف منه ما ادانيه بعيشة ربي شكلي بهون عن السيره الريم: لالالا عاد كله ولا تهونين اصلن والله لو انكم ما بتسيرون ويانا جان انا ماسرت حموده: خلاص توكيه ولا يهمج الريم: يسلموووو حموده: انا الي متثرة والا انتي الريم: فديتج شرات حالج هههههه حموده: هيه والله ما عندنا مونه غير هالتلفون والا المسن الريم: حتى العزبه الحين ما اسرحلها شرات الاول حموده: شراتي انا والله اونه كبرنا امحق الريم: انا احاتي باجر الله يعين عاده انتي وثاني كيف بتسكتون وانتوا فبقعه وحده حموده: شسوي ماارتاح الا يوم اضاربه الريم: هو بعد شكله جذا ما يرتاح الا اذا ضاربج هههههههه ودخل سالم: شو تسوين انتي من نص الليل حموده: ارمس الريم بنت عمتيه الريم: اونه سالم قوليله ارمس ريماني ولا عليج منه ومافيها شي في نص الليل والا عقب الليل والفير ما يضر حموده: لا فديت خشمج انتي قوليله الريم : انزين عادي حطي سبيكر ما فيها شي بقوله حموده: انزين كيفج .... وحطت سبيكر الريم: سالم شحالك؟ سالم: بخير وسهاله ومن صوبج؟ الريم: تسرك سالم: شو باجر ما بتسرحن البر والا هونتوا الريم: لا اكيد بنسير باجر سالم: وشله ما رقدتوا الريم: شراتك شعنه ما رقدت الين الحين؟ سالم: كان عندي زام وما ظني انكن انتن بعد عندكن زام الريم: هيه أنزين عادي مافيها شي لو رمستها هالوقت ترانيه بنت عمتها هب حد غريب سالم: انزين بسكن انا ابا راحتكن عن اتعبن باجر الريم: تسلم الحين بسكر عنها سالم : يلا انزين انا بروح اوطي راسي ويلا سكرن ورقدن اخيرلكن ورااح سالم فوق حموده: يالجذاابه وين بتقوليله اشووفج ما قلتيله الريم: قلتله حموده: هيه صح >>> تطنز هع انزين المهم يلا الحين اخليج عن يحتشر برووح ارقد ونتي بعد الريم: توكيه بباي اليوم الثااااااااااااني ام زايد: يلا الريم نشي كلنا متلبسين ونتي بعدج ع فراشج . .. وشلت اللحاف عنهاا الريم: اميه دقيقه بس ام زايد: وشو بتسوي الدقيقه يلا نشي ترا كلناا متجهزين وباجي بس نركب السياره انقفضي يلا الريم نشت تسبحت طبعن ولبست اكيد كندورة عربيه>>> سيرة بر لازم كندورة بس تحت الكندورة كانت لابسة بنطلوون جنز عشان الدرجات الريم نزلت تحت عقب ما شلت الكيمرا مالتها واغراضهاا الي بتحتايهن واكيد اهم شي الحلاوة ما نسته سلامه: يت العروووس كلولوووش زين يوم نزلتي الريم: انتي سكتي عنيه ماتشوفين عويناتيه امرررة يبن يرقدن سلامه: اشووفهن غايصااات بوزايد: خل عنج ماشااء الله على عيوون الريم ولا عيون الوضيحي شرات عيونيه انتي تغارين ما طلعتي على عيونا الا طلعتي ع عيون امج ام زايد: وشفيهن عيون امها بوزايد: رادار ما تسمع الا الشي الشين مافيهن شي عيونج اصلن الحلا الا من عقب عيونج الريم: بويه خل عنك لا تنافق انت تدري انه عيونا احلى عن عيونها بوزايد: لازم ام العياال الغاليه لازم نراضيها وانجاملها طشونه ام زايد: فضل عنك انت وياهاا زايد: يلا ابوويه رتبنا القشاار وفازعنيه الدريول هب انتوا مخلينيه الروحيه اعابل بالقشار بوزايد: ريال ونعم والله ام زايد: تراك تطنز ع الي طالعين عليه بوزايد: انزين ام زايد: فديته زايد طالع عليه بوزايد: ومن وين ضويتي على هذا الراي لا بوويه فديت خشمج طالع على يده هناد شراته امرة وهو صغير زايد: الله يرحمه يديه هناد لكن يلا خلونا نسرح ورانا درب بوزايد: هيه صدقك والله والا السوالف ما بيخلصن سلامه: الريم لبستي بنطلوون الريم: هيه اكيد عيل حد يسير البر وبانشيات وما يلبس بنطلون يعني شو تبغينيه اظهر صرواليه هههههه سلامه: حشى هب جواب بس سالت سؤال قولي هيه والا لا الريم: جواب كامل الابله الاول تقولنا جذا ههههههه سلامه: انزين يبتي درجه كامله الريم: لحظه يا بوزايد بوزايد: يالبييييييييييييييه الريم: لبيت في منى ان شاااء الله والا اتخبرك أي سيارة بنسير بها بوزايد: وشي عقب الفتك ترا ماشي غيرها والا تبغين بالبورش الريم: هيه اقوول اناا بوزايد: يلايلا دهديه ركبوا السياره وفي السيارة دقت الريم حق حموده الريم: حموودة وين انتوا حموده: في البيت عقب شوي بنظهر الريم: بعدكم يلا انقفضوا عشان نتلاقاا في بقعه حمودة: هيه ان شاااء الله الريم: اقوولج لبستي بنطلوون تحت الكندورة حمودة: أي كندورة الريم: يالله بالستر جاد الا ما لبستي كندورة جيه اول مرة تسيرين البر حمودة: انا بس لابسة بنطلون جنز وقميص الريم: وسالم ماقال شي غريبه حمودة: اقص عليج انا اصلن ما لبست تحت الكندورة بنطلون الريم: وشعنه؟ حموده: وليش البس واعرف اني ما بركب البانشي الريم: وليش ان شاااء الله رب ماشر؟ حموده: الشر ما ييج انتي تعرفين انه قوم عمج بيووون ويانا وتعرفينه سالم ما بيطيع اركب دراجه وحد شباب الريم: ماعليج لبسي انتي وانا بتصرف خلاف بقنعه حموده: خلاص اوك الحين بنظهر وداعة الله وكلهم تلاقوا فبقعه وحدة وعقب اختارووا مكان عشان يلسوون فيه ( في البر) ونزلوا ونصبوا الخياام ونزلوا القشااار وكانن ثلاث خيام خيمه حق الرياييل ( بوزايد – بو سيف – بو سالم - سيف – سالم – ثاني – زايد) خيمة الحريم( ام زايد – ام سيف – ام سالم – فطيم ( خت حموده اذا تذكرونها) – هزاع ( خو الريم) – منصور( خو سالم)- نوف ) خيمة حق البنات ( الريم – حموده – سلامه – روضه – ميثه – ميمي – سالي ) ووروا الضوو وكان الظهر فتموا يجهزوون الغدااا الريم وحموده يشووون وفطيم وام زايد وام سيف وام سالم يعابلن بالعيش وباقي البنات يالسات يرتبن ويسولفن طبعن والشباب يمعون حطب والي يالس يطالع البقعه يستكشفها ام سالم: فطيم لو ماعليج امر ييبي تلفوني نسيته في سيارة سالم فطيم : ان شااء الله امايه وسارت فطيم سيارة سالم ولقتهاا مسكرة وراحت ادوره وشافته يمع حطب ووياه سيف اول شي استحت لكن خلاف راحت عنده سالم طالعها بنظرة : شو تبين؟ فطيم: امايه تبغي تلفونها في السياره نسته سالم: انزين الحين بييبه انتي روحي الحين فطيم: ان شااء الله وسارت فطيم وسالم عقب ياب التلفون سيف فخاطره: منو هذي من خوات سالم اول مرة اشووفها اممم شكلها هب صغيره وايد بعد وعند البنات سلامة: اقوول سكتن الا تتناقرن حشى ما تسوا علينا هالظهرة روضه: ما تشوفينها هذي حشى حتى هني هب ماخذين راحتنا معقده قلنا تدرسين وحالتج حاله بس هب جي ميثة: انتي سكتي لا اعطيج كف ع ويهج واحيسه لج وخلي خشمج عوي ميمي : اووووف منكن اسميكن صدعة راس انا بروح عند قوم الريم وحموده اخير سلامه: ورفجة تمين عادي دومهن جي صدعه سالي: اوووبووووب اوكييييييييييييييشن عندكم اقووول لو تشووفوون الحريم يعابلن بالغدا كلهن حشى هب غدا هذا هههههههه سلامه: اصلن هن الا يسولفن تلقينهن هب الا يعابلن الغداا سالي: لالا هن يحيهن انت روحي طالعي الريم وحموده الا يسولفن عن فلانه وعلانه وهذي حبت هذي وهذي ودرت هذي وخانتها حشى هب بنات اسميهن ميمي: حشى سي ان ان حتى هني قلنا في البيت اسميج سي ان ان متنقل بالقووووو سلامه: هب رادار عليج لقطي الرمسه كلها والا اقوول سالي عيل شو اخباار الشبيبه سالي: ممليييين بالقووو هذاا يرمس عن السيارات والثاني عن الطيور والا ثاني حشى اسميه من اول ما وصلنا وهو يرمس بنات عنبوووه ميثه: ايييييييييه ما اسمحلج كله ولا خويه سالي: انتي صخي والالا اقوولكم عن بو سنيده فاتكن ركب البانشي ميمي : صدق ابووويه ركب بانشي شي طيب من متى سالي: ليته ساقها عاده بس الا ركب وصورووه الشبيبه وضحكوا عليه طشونه وخلاف نزل وانا ارقبه يسوقها ابدن سلامه: اسمييييييييج انتي عيوووز ميمي: لا تلومينها يوم يدتها ميته عليها ودوووم عندها شقايل ما تبغينها تكون عيوز سالي : بخبر عليج يدووه هدايه ميمي : شو قلت حشى محد يرمس عندج سي ان ان متنقل سالي : اخليكم بروح استكشف شرات ثاني اونه يستكشف ومناك يرمس بنات خرييييييط روضه: والا اتخبرج عديتي كم بنيه رمس سالي: اممم انا يوم كنت اطالعه رمس مع وحده خلاف سكر ودقت وحده ثانيه عاده الحين فاتني كم رمس اكيد زاد العدد دام انه بعده مايا يلا يلا بييب لكم العلووم واخر الاخباار سلامه: سالي لا تنسين خلي الاخبار مرفقات بالصور عشان نتفاعل ويا الاحداث هههههههههه سالي : بحااول القط اشيااء مهمه بس لو عندي مسجل جان سجلتلكم ميمي: ما يحتاي انتي تكفين وتوفين راديوا ما يسكر سالي: بسم الله عليه من عيونج الغبر يلا باي وعند الريم وحمووده الريم: اووووف خطيييره هاي حموده: بس حرام مشكلتها اكبر لعابه في المدرسه الريم: كبرنا على المدرسه يولن البنات الي فيها الحين بنات الجامعه كشخة ثاني توه ياي ثاني: شو تسوين الريم الريم: نشوي ما تشوووف يعني ثاني: ان شاااء الله يظهر حلوو عاد الريم: دام انيه انا الريم بنت حمد مسوتنه اكيد بيطلع حلو ثاني: اكييييييييييييييييد واحلى من الحلوو انتي اصلن أي شي تصكينه بيدج بيطلع حلوووو فديت ايدج انا حمووده عصبت: شوو هذاا مينوون الريم: لا حووول بدينا حشم حد عنديه هنه ثاني: هيه ادري بس لو يخلونها هالعذال الريم: أي عذال ثاني: هني موجود من بينا عذوول هب طايع يخلينا الروحنا نرمس مخرب علينا حموده : ريماني فديت خشمج منو العذوول انا والا هو فذمتج الريم: يباله رمسه اكيد هو ثاني: انتي منو رمسج يالفقمه حموده: فعينك يالسبال ثاني: محد سبال غيرج اقوول انا وين شايفنج ثاريج يايه من حديقة الحيوانات الي فالعين حموده: هيه صح ادريبك هب انت ذاك الشمبانزي الغش ثاني: لمي لمي ثمج اخيرلج والله انج غبيه الريم: لا والله انزين انت وياها حشمووا لو ما بتحشموون روحوا بقعه ثانيه ثاني: لا فديت خشمج ما اقدر افارقج عسبت وحده لا راحت ولا يت حموده: انت فاارج قبل لا ادووسك تحت نعولي يالهرررم ثاني: انتي شو هالالفااظ الي عليج اسميهن الفااظ شوارع انا محشمنج عشان شيختج بس الريم: محد شيخ على حد والشيووخ الله يطول بعمارهم محد غيرهم شيوخ حموده: اقوول البقره ما تشووف ذيلها تشوف ذيل ربيعتها والا شرايج الريم الريم: الله الله عليج على هذي الامثال الغاويه ثاني: افااا ريماني جلبتي عليه بسبة العذال حموده: انت شووو ما تحشم حد قوول انك تبغي تضارب وبس ثاني: اقوول يلا يلا هش مناك سيري عند حد من امثالج حموده: امثاليه اخيرعنك رووح راحت روووحك بلا ردة ياربي ثاني: ان شااء الله انتي قبلي حموده: ول ول يالخايس ثاني: خاس يمبج محد غيرج خايسة لا تقولين خايس الريم فصخت نعولهاا : حموده خذي هذي فرده من نعوليه ثاني وهذي الفرده الثانيه يلا قوموا تكافخوا فيهن حشى ما تحشمووون حد يلا انا بسير بخليلكم البقعه حتى بمشي حافيه بسبتكم ثاني: ايييييييه ماعرف شسمج امحق اسم حموووده اونه شوو ولد عيل يزقرونج حمود اخير حموده: مالك خص باسمي والا اسمك ثاني لا تحسبته واحد ثاني: يعني شو المطلووب اضحك مافيه ضحكه السمووحه حمووده: مالت عليك وانت تقول السمووحه امرة هب راكبه عليك ثاني: ايييييييهااا طالت والله السالفه وياج وانا ياي عشان شيختج بقوولج بس شي واحد تشوفين هالنعووول ما تسوينهااا وما تسوين حتى الي توطاه والي هو الثرى حموده عصبت من الخاطر: انزين اذاا انا الثرى انت شو تكون اكييييييد اوطى من الثرى وهو هب معروووف يعني انت تحت الصفر وانا الصفر ثثاني: اقوول انا هب فاضي حق ميانين انا كنت ياي عشان شيختج بس سارت حرام خربتي علينا الجو ودامنها محد يلا يلا بتوكل حموده: بلا ردة ادريبك سرت ما عندك رد تقووله ثاني: ايييييييييه رمسي شيووخج عدل حموده: اذا انت شيخ اسميها اختربت المشيخه ثاني : اوهووو والله ما عندج سالفه حموده : والله انك نكته ما تعرف ترد شرات الناس ثاني: الحمدالله والشكر اللهم كملها بعقلها حموده: لا تعب بقاك ما بيتقبل دعواك مسكين حالك ثاني: يل...... لعنهاا حموده: اللعنه ترد على صاحبها ثاني خطف عنهاا وحموده وايد مضايقه من ثاني بقوولكم سررر تبوون تعرفوونه نزلوا تحت ( حمووده اصلن تمووت ف ثاني عشان جي تعصب منه ومن حركاته ورمسته حق الريم وتموووت من القهر يوم يسبهااا ويضاربهااا وهو يبدا ويتعمد هالشي بس محد يعرف حتى حموده نفسها ماتعرف بس تعصب منه يوم تشووفه لازم يضاربون ويستوي شي من بينهم ما يرتاحون) الريم وهي سايرة صووب الخيام سالم كان جدامهاا سالم: شو بعدكن ما خلصتن شوي الريم: وين خلصناا ليش هم يخلوون حد يشوي سالم: منو هم الريم: عرررب خلاص يلا خلنيه اسير صوب حموده الروحهاا يالسه تشوي سالم: انا بعد بيي وياج بفازعكن محد يبا الغدا العصر الريم: يلا اوكيك وسارواا صوب حموده الريم: هاا شو خلصتي ضرابتج ويا الاحم احم حموده: هيه خلصت وغلبتهاا بعد سالم مستغرب !!!! الريم: يحيج يوم غلبتيهااا تستاهل سالم: انتن شساالفتكن منو اضارب ومنو غلب وليش ترمسوون بالالغاااز يعني الريم: حمودة اضاربت ويا الاحم احم وحموده الي غلبت سالم: منو هي الاحم احم الريم:سوالف بنيااات ما تعرفهن ويا سيف سيف: والمعوووونه يا بو غنيم سالم: الله يعينك ع طاعته سيف: شو بعدكم ما خلصتواااا سالم: شدراني فيهن يالساات اكيد يسولفن ما عندهن مووونه ودرن عنهن الشوي سيف: هيه عاده البنياات ما عندهن شغل غير فلانه وعلانه الريم: حرام عليكم شفيهن البنياات محد اخير عنهن سيف: هيه بس هب كلهن يلا ظكي انتي هنه خلينيه افاازع بو غنيم الريم: شو هالاسلووب الراقي يا بوهناد ما توقعت اسلووبك راقي لهذي الدرجه سيف: هذي نقمه اصلن انا الاسلووب راكبنيه من ساسيه الين راسيه من فوق الريم: والله انك خقاااق يا بو هناد سيف: من حقيه هب انا من قوم بن هناد الريم: واااااااااايه فديت اناا هالاسم اقوول سيف يوم بتعرس اسمه امررة هناد سيف: وجادهااا حرمتيه ضوت ع بنيه الريم: وليش بتلقى اخير عن اسميه وربك تظهر عليه بعد سيف: هيه صح ما بلقى اخير عن اسمج وجادهاا طلعت عليج يحظهااا الريم: ويييييييييه جان استحي ويغدن خدوديه غبر ههه سيف: صدق انج بدويه لا بعد غبر وملح الريم: فديتنيه والله سيف: اسميج خقاااقه صدق انج بنت حمد بن هناد الريم: أي نوو سيف: لا ترمسين عنديه عنجليزي تعقدينيه الريم: حلووووووووووووووة منك يا بو هناد هذي عنجليزي سيف: ادري اصلن انا لسااانيه ينقط دبس الريم: طالعوا قال دبس الناس يقولون عسل وياراسك ههههههه سالم: حشى بسك انت وياهاا من الصبح ترمسوون ومخلينا نحن نعابل هذاا سيف: ومنو غيرها هذي بنت عمتك ما تخلي حد يفاازع حد الريم: يا كبرهااا عند الله لا تم تعق كل شي عراسيه ما عرف منو من الصبح يهربد عنديه سيف: انتي من الصبح تتهندقين تقولين محد يرمس ويااج الريم: خييييييييييييييييييبه طالعوا الشلقاات فووق صواريخ سالم: بسك عاده يا بوهناد تراك وايد خرتهاا وجذبت سيف: انزين يلا عيل خلصتوااا شوي سالم: اسميك الا مخاوني مخوت بووش سيف: افاا يا بوو غنيم يلا بفاازعك بشل وياك الشوي سالم: لا والله يحيك يوم تذكرت تشل ويايه... حموده انتي شلي هذا حق الحريم الريم: اتخبرج حموده منو مسوي الغداا؟ حموده: هزري انها فطيم محد غيرهاا الريم: الله يازينه من غداا غدا فطيم ماشااء الله طباخه سالم: ونتن شعنه ما غديتن شراتهاا الريم: بدت المحااضرة يلا يلا خلينا حمودة نسيرعند الحرماات سيف فخاطره: منو هذي فطيم أي وحده من خوات سالم انا بس اعرف ميمي وحموده وسالي أي وحده فطيم لا يكون هي هذي الي يت عشان تلفون امهااا ماشااء الله عليهاا حرمه غير عن البنات هالزمن والعصرر كل الحريم يالساات يسوولفن الريم: يلا يلا خلووونا نروح نركب الدراجات حموده: انا عني ما بقدر اركب تعرفين سالم ما بيطيع ميمي: انتن بعدكن ما ركبتن الدراجات عيل سلامي وسالي ورويض غلبنكن الريم: لا تقووولين ما عليه الحين بنسير عندهن... وانتي شو بعدج تخافين من سالم هذاا بر ولازم الدراجات ومافيها شي نحن بنسير بقعه بعيده عن الشباب حموده: ماعررف بشووف خلاف وراحت الريم وحموده عندهم وكلهم راكبين سالم + سيف+ثاني + زايد+ سلامه+ روضه+ سالي+ميثه الريم: لا والله حلفووا انتوا بس واناا وين دراجتيه ثاني: فدااااااااااج الدراجه وراعيهااا سالم عصب الريم: سلامه يلا نشي خلينيه اركب سلامه: لا ما بعطيج سالي: افاا عليج ريماني دراجتي فداج الريم: وااايه فديت خشمج تسلمين طالعي الرمسه هب رمستج سلامه: مشكلتهاا هي انا ابا اركب سالم عصب من الريم لانها ما ردت عليه : هي شكلهاا عايبنهااا عشان جي ما ردت عليه الريم: اقوول بنات خلونا نسير بقعه ثانيه عسب ناخذ راحتنااا اكثر وكلهن سارن بقعه بعيده عن الشباب الريم : يلا حموده ركبي محد هنه شباب وركبت حموده دراجة رووضه الريم: لحظه خلونيه اتلثم حموده: الله الله علييييييييييييييييج فديت عيوووووونج ياربي الريم: علنيه ما ذووق حزنج تسلمين فديت خشمج حموده: خلاص انا تخشعت ههههههههههههه الريم: يلا خلونا نبدا السبااق بس اقوولكن الي يفوز يطلب منا كلنا اي شي يبغيه بس شي مقدور عليه هب صعب وكلهن تسااابقن وفاازت حموده الريم: اوووووووووه هب هينه بعد حموده ليتنيه ما خليتج تسابقيين يلا فديت خشمج طلبي الي تبغينه امرينا انتي بس حموده: ببدا اول شي من سلامه اطلب منج تعطين دراجتج حق رويض سلامه: لا والله شو هالطلب صعب هب مقدور عليه قالولج شي مقدور عليه الريم: لا هذاا شي مقدور عليه يلا نشي سلامه: والله غش ونزلت سلامه من دراجتهااا حموده: والحين ميثوووه اطلب منج طلب بسيط بس اممم ابااج اليوم كله تبتسيمن حتى لو حد عصبج يعني ماباج تعصبين مووول ميثه: حشى ليش انا اقدر اتحكم بعمريه الريم: احلى طلب فذمتيه عااااااااااااااشت حموده يلا ميثه ابتسمي الحين ابتسمت ميثه روضه: يبالج صووورة هب كل يوم انتي بتبتسمين الريم: ميثوووه شو قلنااا بس ضحكي اليوم وبااجر عوضي حموده: وباااااااقي الريم شو اطلب منج اممممم الريم: عطينيه شي سهل اقدر اسويه هب شي صعب حمودة:ا مممممم خلاص اوك لقيتهاا شي سهل وايد عليج اباا تشلين شلة غاويه الريم: من عيووونيه بس خلاف عند الضوو اغوى جوو شاعري حموده : هيه والله احلى جووو اوك فديتج ويوااا الشبيبه ونزلت حموده من دراجتهااا سيف: انتن هنه الريم: هيه يعني ما لقيتوا الا هالبقعه ثاني: انزين يلا خلونا نسوي سباااق الريم: اوكيشن ما عنديه مانع ثاني: يلا فديييييييييييييت هالعيووون اسمينيه ما بعيش اليوم عقب شووفتهن ريماني فديتج خلينيه اصووورج شكلج غرام الريم: انت شووو ما تحشم حد والله ان صورت تلفووونك ما بتشوووفه بكسررره ثاني: فداج التلفوون وراعي التلفوون بعد يحظه يوم انج انتي بتكسرينه كسرينيه ويااه سالم عصب من الخااااااااطر: الريم نزلي من الدراجه الريم: ما بنزل وشله انزل يعني ليش نحن يايين البر سالم: سوي أي شي في البر هب شرط انج تركبين الدراجه الريم: مابا انزل سالم: اوكي لا تنزلين انا الي بنزل ........ ونزل سالم وراح عند حموده حموده: شبلاك سالم رب ما شر؟ سالم: ليش عايبنج شكل بنت عمتج حموده: عادي ما فيها شي يتبع |
تااااااااااااااااااااااااااااااااااابع سالم: لا والله شو عادي مظهرة بنطلونهاا ومتلثه عند عيال عمهاا يعني حلال حموده: انزين هي ما سوت شي غلط لا هي فاره الشيله ولا هي عاقه كندورتها متلثمة بشيلتها عن الغباار ومطلعه شوي من بنطلونها لان اوريدي بيطلع يوم بتركب الدراجه والبنطلون واسع هب ضيج سالم: هب عنديه هالرمسه انتي تعرفين ما احب هالحركاات حموده: وانته شولك فيهاا كيفهاا سالم: شو شولي انا الي لي حموده: شقايل يعني >>> تستهبل سالم: ما يخصج انتي بتعرفين يوم بيحين موعده حموده: والله انك ما تعرف تمثل عقب نزلت الريم من ع دراجتهاا وراحت صوب حموده>>> غيااض هع الريم: حموده تعالي ركبي دراجة سالم يوم ما يبغي يركبهاا سالم: لا والله اذا انتي عادي عندج هب كل البنات شراتج طال عمرج الريم عصبت : لا والله شقايل يعني الشيخ سالم ما فهمت انا شو سويت اصلن لا هو عيب ولا شي اذا ركبت الدراجه وانا اركبهاا واسووقها عند عيال عميه بحشمتيه وبشوور هليه هب الا جذا طال عمرك سالم: انزين ع راحتج سوي الحين الي تبينه لانج خلاف ما بتقدرين تسوينه الريم: شقصدك يعني دام انه ابوويه عايش وباقي في الدنيا محد يمشي شووره عليه غيره سالم: وحيااتج حتى لو ابووج عايش وباقي في الدنياا والله يحفظه ان شااء الله ويخليه بس بيكوون حد غيره بيمشي رايه عليج صدقييني الريم: يخسي الا هو يمشي رايه عليه اصلن منو هو هذاا سالم: لا تستعيلين بتعرفين خلاف الريم: انت من تكوون عشان انك تعصب عليه والا تقوليه لا تركبين دراجه عند عيال عمج ولد خاليه على عينيه وراسيه بس هب انك تتحكم فيه سالم: انا هب بس ولد خالج انا يالريم .. وما كمل رمسته وساار حموده: اوووووووووووووووف كل هذاا صار جدامي ليت كان عندي كيمراا واصوور هاللقطه الريم: اوووف منج انتي وخووج قالت كيمرا مالت عليه كنت احترمه الحين ما ادانيه بعشة الله حموده: ونتي شقايل ترمسينه جذيه وتقوليله ما يخصك الريم: صحيح انزين هو ماله شور عليه دام انه ابويه عايش هو الوحيد الي يمشي شوره عليه حموده: يالريم يعني انتي ما تعرفين ان سالم يعتبرج شي ثاني فحياته غير انج بنت عمته الريم: شقايل يعني غيرر وشو هذا الشي الثااني حموده: الريم حراام عليج فذمتج ما حسيتي نظراته ورمسته ويااج الريم: لا ما حسيت بشي عادي حموده: الريم انا بقوولج الريم: شووو هوو حموده: ما تبغين تعرفين شو هو الشي الي يحسبه سالم صوبج الريم: اكيد يعتبرنيه شرت اخته حموده: الريم سالم يحبـــــــــــــــــــــــــــــــــــــــــــــج الريم فجت عيوونهاا مصدوووومه حموده: وهو من زمان يحبج هب من اليوم والا البارحه والصراحه عيونه ورمسته لج تفضحه بس انتي خبر خير الريم: حموده انتي شو تقولين اناا ما اصدق يمكن تتوهمين هالشي حموده: شوو هالرمسه الريم يعني ما شفتي رمسته توج قالج انا هب الا ولد خالج وما كمل رمسته كان يبغي يقولج انه يحبج بس تعرفين سالم وطبعه حشيم وعزيز نفس الريم: الصراااحه ياحمووده صدق صدمتينيه حموده: انا قلتلج ونتي كيفج وهو من زمان يحبج ويترياج تخلصين الثاانويه العامه عشان يخطبج وتكونين من نصيبه بس انتي شكلج اخر من يعلم. ........... ويلا خلينا نسير نصلي المغرب وعقب المغرب سارو صوب الضوء البنات يالسات هناك حمودة:وين سالم؟ ميمي:سالم ما ادريبه ركب سيارته وراح الريم تلومت وحست انها هي السبب وطالعت حمودة حمودة:يعني شو رد العين؟ ميمي:لا لا ما اظن منو بيردنا عيل سالي:انزين خلونا ندقله حمودة:انزين فطيم انتي دقيله فطيم:اوكي ودقت له الوووو السلام عليك سالم سالم:وعليج السلام والرحمه فطيم:وين انت سالم انحاتيك ما شوف سيارتك؟ سالم:لا شوي عند الربع متهندقين عليه يوم كامل ما يلست عندهم فطيم:يعني بترجع هنه سالم:هيه اكيد الفليل برد ان شا الله فطيم:عيل خلاص ما ببطي عليك بس البنات كانن يحاتنك سالم:أي بنات فطيم: حمودة وميمي وكلهن يعني سالم: اهاا عيل يلا فداعة الله كان فخاطره يسمع اسم الريم بس ما قالت حمودة: ها فطيم شو قال؟ فطيم: لا عادي بيرد الفليل عند ربعه الحين هو الريم: هيه زين الحمدالله سالي: بس اقول شسالفة سالم يوم عصب على الريم؟ حمودة: عادي عصب شرات ما يعصب عليه سالي: بس الريم هب اخته صدقها الريم شو يتحكم فيها فطيم: انتي جــــــب حشميه هذا اخوج العود سالي: ما قلت شي بس استغربت يوم الريم ما طاعت تنزل من الدراجة هو نزل شو معنى هالحركة فطيم: انتي لازم تعرفين النفسيات والوقايع و تحللينهن تنفعين تكونين صحفيه ( فطيم بعد كانت تعرف ان سالم يبا يخطب الريم لان قالها) سالي: منو قالج ما افكر بهالشي لا بس صدق عصب من الخاطر سالم يعني حمودة ما عصب على حمودة جي حمودة: والله انج ملقوفة كيفه يخاف على عرضه سالي: ليش هي ويا منو كانت الا عيال عمها وهم شرات ما هو يغار على عرضه اكييد هم يغاروون الريم: انزين خلاص حصل خير شبلاكن جذا سالي: انتي طول الوقت صاخة والحين ترمسين الريم: والله انج سلوم الثانيه ولا بعد سميتها عيل الحمدالله سلامي هب شراتكن سالي: فديتني محدن شراتي فطيم: نحن هذي في البيت ما نسميها الا سالي العيوز حمودة: هيه حليلها يدوه هدايه لو يبناها ويانا سالي: واااااااايه فديتها امايه هدايه والله بتحلي السيره بكبرها فطيم: ركبها حليلها معوقتنها سالي: يعلي ما شوف حزنها ياربي كلهم:امييييييين وعقب صلو العشا وعقبها تعشوووا وبعدين رجعوو صوب الضو سيف:السموحة بس بغيت انشدكم عن سالم ما ريته في بقعة ؟ الريم: عند ربعه هو الحين بيرد الفليل سيف: عيل ما قاليه عسب اخاويه ضجت فهذي البقعة رويحاتيه الريم: عيل وين ثاني عنك؟ سيف: وين اقعد ويا ثاني تعرفينه انتي وهو وين اصلن ما ريته ؟ ام سيف: انزين قعد عندنا سيف: لا لا ايلس ويا الحرمات منقود الريم: عيل اتخبرك يا بو هناد عندك الربابه سيف: افااا عليج ما اروح بقعه الا وهي ويايه ام سيف: عيل تبخل علينا يرلنا الربابه وسمعنا حس البداوة اللي فيك سيف: لالا ام زايد: ورفجه المرحوم وهو فقبره سيف: تم يا ام زايد من عيونيه دام انج رفجتي بالمرحوم كلهم: الله يرحمه ويغفرله سيف: ثواني بس بييب الربابه من الخيمه وسار وتم ير ع الربااابه ....... الباارحه والبارحه خاواني همن ذبحني وعنبووها مخوة امسى على جرح الفكر يحذاني ويشل وسط عطش المحاني ضوه من كل فج تسلل بوجداني والله الساتر من توالي سوه الله لنا يا طرفي السهراني ليلي سرا و الهم بادي توه كل ما انتهى طاري طرالي الثاني وع الواقعي بانت اتساع الهوه بين الطموح وواقعي شتاني ومعذور من يعاكس نوه لا يا زمان الحزن والخذلاني مات الفرح واحلامنا المرجوه من يحسن النيه اليوم يعاني وجه الزمان من الانام مشوه رجل المواقف تايه وحيراني وضعاف الانفس والقيم مزهوه قريت صفحات الشقى وتقراني ونهارنا مافيه أي مروه يا راحتي الفاات للرويااني لولاك مالي ساعتن محلوه وسلمتواااااااااا الريم: سلامي عليك يا بو هناد كلهم: صح لسانك سيف: صح بدنكم ام سالم: ما شا الله حسك غاوي يا سيف سيف: تسلمين ما عليج زود يا ام سالم وفبوظبي في المرينا هزاع: انزين الحين وين بتروحون السينما والا سعيد: لا خلينا نتمشى هنه خلونا نطمش راشد: اقوول اخليكم شفت مزيونه توني هزاع: انزين قول بتخاوونيه راشد: انت جب جب ما خليت بنيه فحالها كل ما بغينا نتعرف يتعرفن علينا عشان يتعرفن عليك هزاع: شو اسوي يا بو سنيده وايد معجبات راشد: فديت عيونك يا ربي حتى انا ما خليتني فحالي عيل ما ينلامن البنات سعيد: يا بو سنيدة بويه شارب شي انت اليوم؟ راشد: هيه والله توني شارب وياكم كابتشونو نسيت هزاع وسعيد نقعوو ضحك راشد: شو بلاكم تضحكون سالتوني شو شربت وجاوبتكم هزاع: اسميك انته هب صاحي يا بو سنيدة راشد: انزين خلونا من هذي السالفه الا اتخبرك هزاع لا يكون غيرت الاسم اللي مسيفنه في تلفونك هزاع: أي اسم !! راشد: قلبي شو نسيت هزاع: الله ينطبك هذا الاسم سواليه مشكله لكنيه اشكرك خدمتنيه خدمه العمر سعيد: امحق خدمه راشد: افاا أي مشكله هزاع: الله يبعد عنيه وعنك المشاكل راشد: وعن اليميع يا ربي يلا يلا اخليكم هزاع:انزين سير تعرف عنيه انا مليتهن راشد: اووووه من متى هزاع يمل هزاع: من اليوم كلهن شرات بعض يوم تتعرف عليهن تقولك ما عندي رصيد ويعني شو المطلوب تقولك ابا رصيدة امحق مالت عليهن سعيد: انزين هذا ثمنها تراك خربت سمعتها هزاع: اصلن ليش هي عندها سمعه سعيد: هي والله صدقت ونحن ما نربع وراهن تقولهن هذا الرقم و هن يتعرفن هزاع: والحشيمه تراها حشيمه لو تلقى جدامها 100 رقم راشد: الله الله على هذي الرمسه يلا انزين خلوني اترزق ملان يا خي <<<<<<<<< وطلع عنهم وكانن جدام هزاع وسعيد بنتين سعيد: طالع هالسودانيتين ما فيهن حيله لا بسات عباه وشيله هزاع: يبن يخلن عمارهن مواطنات غصب سعيد: اقوول هزاع شو رايك هزاع:لا يكون اللي فبالك شرات اللي فباليه سعيد: شو فبالك انته هزاع: انسويها فرشود سعيد: والله شرات اللي فباليه هزاع: هو يبا غزلان ومزايين سعيد: اقوول الشيخه ممكن نتعرف ردت عليه وحدة: طيب وين الرقم هزاع: سيفيه عندج ******* ودقي لا تنسين السودانيه: لا ما راح انسى انا يحصلي اكلمك انته هزاع: احم تسلمين والله وروحوا عنهن وهم ناقعين ضحك وراحو صوب المطاعم راشد توه ياي: اوووووووووووف ما طاعت تتعرف حشى خقاقه ما عرف على شو هزاع: افاا يا بو سنيده و شعنه عاده راشد: شدراني برايها اللي خلقها خلق غيرها سعيد: لانك ما شليتنا فياك راشد: هيه والله يمكن اذا شافو هزاع يتعرفن عليه سعيد: عيل ابشر بسعدك عطينا رقمك حق وحده عنيفه راشد: قول والله هزاع: والله عطينا رقمك حق وحده راشد: يالله شقايل اشكركم الحين هزاع: يلا عزمنا على العشا راشد: افاااا امره عليه العشا والغدا بعد هزاع: بس عشا مشكور يا بو سنيدة ما تقصر سعيد: اللي يقول اول مرة تتعرف راشد: شو اسوي من زمان ما تعرفت على وحده مليتهن اللي عندي وكلهن هب شي وهذي انتو تقولون انها عنيفه سعيد يطالع هزاع ويضحكون راشد: شو اللي يضحك وطلبو عشا وطبعن على راشد ودق تيلفون راشد وهو طاير من الفرحه : هذي هي دقت بروح ارمسها وعقب يا عندهم وهو مطنقر راشد: شو ها انتو امحق سودانيه هزاع: مواطنه شفتها لابسه شيله وعباه راشد: راشد: ادريبه انه مقلب يا مسودين الويه سعيد: حبينا نسويلك معرووف راشد: معروفكم ما ابغيه والحين كيف بودرها وهي قالت بدق خلاف مالت عليها شكلي بغير رقمي هزاع: حراام بتزعل عليك راشد:انته جب ولا كلمه انت السبب ادريبه بو عسكور ما يسوي هالسوايا كلها سواياك هذي سعيد: هيه هو مخربنيه هزاع: عقها فراسيه انته وتموووووووووو حااااااااااااشرين وفي البر كلهم رقود في الخيم الا الريم وحموده وسالم بعده ما يا والساعه 12 ونص الريم وحموده يالسات عند الضو يسولفون الريم: سالم بعده مايا بطا ؟ حموده: ما دريبه وليش تحاتينه جي الريم: لا عادي لا احاتيه ولا شي حموده: ادريبج الريم متلومه فيه الريم: تبين الصدق هيه متلومه حموده: انزين الريم يلا خلينا نرقد الساعه 1 الحين وباجر بنش من غبشه الريم: يلا ودخلن الخيمه والريم ما ياها رقاد شافت حموده راقده جان تظهر حموده انتبهت على الريم يوم ظهرت بس كملت رقادها الريم يلست عند الضو تفكر برمسة حموده اللي قالتها عن سالم وانه يحبها وفجئ خطر فبالها هزاع وفخاطرها : سبحان الله صدق اللي قال اللي ما يباك تباه اللي يباك ما تباه وشكله هزاع نساني بس انا مستغربه هو ليش ضافني عنده على المسن وشو قصده من الشله والا هذي لعبه يديده وهي تفكر وتحرك الحطب اللي جدامها سالم: انتي بعدج يالسه الريم: متى ييت سالم سالم: توني ياي وليش انتي بعدج ما رقدتي الريم: ما ياني رقاد سالم: انا اسف الريم اذا غلطت عليج وانا هذي الكلمه ما اطلعها حق أي حد الريم: ما يحتاي تتاسف انا هب زعلانه ولا شي سالم: صدق يعني هب شاله فخاطرج عليه الريم: ابدن ولا طشه سالم: والله يا الريم هب قصدي اعصب عليج ولا شي بس غصبن عني وانا فكرت وحسيت اني غلطان ومالي حق اقواج ذيج الرمسه الريم: لا عادي وشو مالك حق انت ولد خالي وانا بعد غلطانه والسموحه منك سالم: مسموحه ويلا رقاد وبسج من التفكير يحظه اللي تفكرين فيه الريم فخاطرها: ياويل قلبيه من اللي افكر فيه لا بيلس هنه طشونه سالم: يلا عاد انا تعبان اباا ارقد الريم: وليش انا قابضتنك سير ارقد سالم: ما اقدر اخليج الروحج هنه يالسه الريم: عادي ما عليه خوف سالم: الحين الساعه 2 عشان خاطري جان لي خاطر عندج الريم: افا عليك فالك طيب سالم: فالج ما يخيب يا بنت حمد وتوها الريم ناشه ثاني طلع من الخيمه ثاني : لا والله وانتو شو تسوون هنه رواحكم الريم: ولا شي شو نسوي بعد ثاني: والله ما دريبكم شو تسوون عقب نص الليل رواحكم الريم عصبت : وانت منو عشان ترمس بها الرمسه يعلي هب فداك ثاني: انا ما رمستج الريم: لا والله تقول هالرمسه وتقول ما رمستج ثاني: وليش انتي معصبه ما بتعصبين الا اذا اللي قلته صح الريم: والله ما تستحي ولا تخيل حد يقول هالرمسه عن بنت عمه سالم وبكل هدوء: يا ريال انت شو سالفتك وشو تبغي بالضبط ثاني: انت شو تتمصخر يالس تسوي سواياك وترمس جذا سالم: أي سوايه سويتها بعد الريم: طبه سالم عنك هذا هب ويه حشيمه ثاني: شو هالرمسه بعد الريم اشوفه ضوا راسج الريم : اقول الحشمه هب للجلب الحشمه لراعيه يا الجلب انته ثاني: تعرفين تسبين الريم بعد الريم: والله اذا تعتبره هذا سب اوكي كيفك سالم: الريم دشي داخل الرمسه حق الرياييل ثاني: لا يكون بعد بدقوليله سمعن وطاعه الريم:وانت شلك اطيعه والا ما اطيعه شي راجعلي سالم: الريم تبين اتمين تمي بس خليني انا اتفاهم وياه ثاني: وليش لك ويه ترمس عقب سواياك سالم: جان عندي اكثر عن ويه جان جبلتهن لك واي سوايا سويتها وهذي بنت عمك وتعرف تربيتها عدل وما يحتاي ترمس عليها ثاني: انت جـــــــــــــــــــــــــــــب ولا كلمه ادريبها تربيه بنت عميه ما يحتاي بس ناس لعبوو بمخها سالم: انت بتحشم والا شو ؟ ثاني: انت ............................................... وتم يسب سب ماصخ وبعدين سكت ثاني سالم: خلصت ثاني: انت تتمصخر ويايه سالم: الصرااحه الحين عقب هالرمسه اثبتلي انك ريال ونحن جدامك ولا يتنا المريله ولا عرفناها ثاني: انت تتطنز والا شو سالم: ليش انت تحس اني اطنز برمستي هب صح عقب اللي قلته انت ريال ونعم ثاني: ريال غصبن عنك وعن اللي يابوك سالم: عاد كله ولا اللي يا بوني سبني الين ما يسدك بس اهلي لا تيب طاريهم على لسانك وهذا اللي ترمسبه يعكس تربيه هلك اللي تعبو عشان يربونك بها ثاني: شو قصدك ان هليه ما عرفو يربونيه سالم: اهلك ونعم ربوك بس السوال هني منو اللي خرب التربيه ثاني: ........................................... ( رد يسب) حموده ظهرت وهي كانت نص راقدة وسمعت الرمسه اللي انقالت حمودة معصبه من الخاطر من اللي قاله ثاني : انت ما تحشم و عطته كــــــــــــــــــــــف قووو ما يبا غيره وثاني صخ وفج عيونه هب مصدق انه حمودة عطته كف سالم عصب: الريم حمودة دشن داخل سيف وفطيم سمعوو الحشره اللي خاري وظهروو سيف+ فطيم: شسالفه<<<<<<<<<< ويا بعض سيف صد صوب فطيم وابتسملها فطيم استحت ونزلت راسها سالم: ما شي فطيم دشي داخل ودخلت فطيم وثاني عصــــــــب وركب سيارته وراح سالم مضيج وراح عند العرقوب ويلس فووق سيف راح صوبه: شبلاك يا بو غنيم رب ما شر سالم: لا ما من شر سيف: وشبلاك مضيج عيل وشوو سالفه ثاني سالم: ما شي الا الخير سيف: يعني ما بتخبرنيه سالم: اممممممم السالفه هب حلوه اقولها سيف: على راحتك بس بغيت اسالك وابغيك تجاوبنيه بصراحه سالم: اسال بجاوب اذا الله قدرني سيف: انت تحب الريم؟ سالم فج عيونه: لالالا ليش هالسؤال يعني؟ سيف: انت قلت بتجاوبنيه بصراحه سالم: جاوبتك سيف: هب عليه انا سالم خلاص ع راحتك لو ما تبغي تقوليه سالم: يعني لهذي الدرجه انا مفضوووح سيف: يعني انت تحبهاا سالم: هيه سيف: يبين عليك وايد سالم: شعننه عيل هي ما لاحظت هالشي سيف: يمكن هي تدري سالم: لا ما اظن من تصرفها ويايه اليوم سيف: يمكن وتموا الين الفير وصلوا وخلاف رقدوا اما ثااني في سيارته : انا ليش ما سويت شي يوم عطتنيه كف ومنو هي اصلن بس الصدق انا غلطت شقايل ارمس ع بنت عميه واقول عنها جذيه لازم اتاسف منها والا صدق عاد الريم ما بتساامحنيه عاده هي الروحها دوم مضايجه منيه شقايل الحين........ والصبح رد عندهم كلهم يالسين يشربون جاهي والي يشرب قهوة ام سيف: ثاني وينك تمينا نحاتيك تعال اشرب جاهي وراح ثاني ويلس عند امه الريم كانت جدامه يالسه بس بعيده عنه وتم يطالعهاا والريم طالعه بنظرة احتقاار وتصد ويهها عنه وعقب الريم وحموده تمن يمش ويا ثاني صوبهن ثاني: الريم انتي زعلانه منيه والله انا ااااسف وهب قصدي الي قلته الريم: ليش كنت فاقد ادراكك شو كنت شارب يعني ثاني: عصبت يوم شفتج ويا سالم انتي تعرفين انيه احبج وما اتحمل افكر انج تقعدين عند حد غير الريم: لا والله انزين تغار والا عقولتك تحبنيه حد يرمس جذا عن بنت عمه ثاني: قلتلج انا اسف وهب قصديه الريم: انزين خلاص حصل خير والحمدالله انه حد كان عاقل موجود من بيناا ثاني: منو هو؟ الريم: سالم ماشااء الله عليه طلع اعقل عنك بمليون مرة ثاني: انتي شو تبغين بس تقهرينيه الريم: خلاص انزين ثاني: فديت والله الطيبين والي يساامحون حموده: بعد تسامحينه عقب الي سواه البارحه ثاني: انتي ليش تتدخلين وليش رازة بعمرج الباارحه انا ما قلت لج شي يوم عطيتينيه كف لانج بنيه وانا ما اضرب بنات بس مرة ثانيه ان بس تجراتي تسوين هالشي بكسرها ايدج الريم: انتوا بس خلاص تبون تضاربون اضاربوا ان بروح عند اميه ثاني: لا خلاص ما يحتاي انا بروح وعقب سالم نش من الرقااد سالم: حموده شوي اباج حموده: امر سالم سالم: انا ما قلت لج شي ع الي سويتيه البارحه لاني ما حبيت افشلج بس صدق الي سويتيه تراه هب حلوو يعني انا كنت ارمس وياه واتفااهم وانتي تين تعطينه كف شو هذا الاسلوب ما حيدج جذا حموده: والله يا سالم هب قصدي اسوي جي وماحسيت بعمري الا اني اعطيه كف ع ويهه سالم: انزين خلاص ولا تعيدينها وهو اصلن ما كان يرمسج انتي ولا شي حموده: ادري بس عصبت لانه يرمسك ويرمس الريم جي سالم: انا والريم نعرف نرد عليه ما يحتاي حموده: انزين السموحه منك سالم سالم: مسمموحه بس اهم شي تفكرين بالي تسوينه عشان ما تقولين ما حسيت بعمري وماعرف شو حموده: ان شاااء الله وسالم راح عند ثاني واستسمح منه ع الي سوته حموده وثاني بعد استسمح من سالم ع الي سواه والعصر الريم وزايد وسلامه وسالي وروضة وميثة يلعبون بالباانشيات بوزايد وبو سيف وبو سالم يايين بوزايد: يلا يا بوسيف جان بتركب بوسيف: لالا وين اركب حشى عليه تركبنيه بعير اخير عن هذي الدراجه بوزايد: وانته بوسالم؟ بوسالم: يلا ماعليه بنيرب ما شي ورانا وركبوا بوزايد وبو سالم بوزايد: يلا تساابقون شرايكم كلهم : هيه يلا اوكي وتموا يساابقون ويا سالم وثاني وسيف وتموا يطمشوون ويضحكون على بو سالم لانه ما يعرف يسووق الدراجه ههههههه وعقب بوزايد: يلا شرايكم تساابقووون والي يفوز منكم عليه انيه اعطيه حوار وكلووز سيف: يالبيييييييييييييه حوار وكلووز انا بشترك عيل ثاني : عاده يا حبك لهذي الاشيااء انا بشترك لانيه ابا افوز بس سالم: اسميك يا بوزايد ما فيك حيله انا بعد وياهم الريم: افااا عليك بووويه انااا ما بنزل من الباانشي وياهم بوزايد: يلا بو سالم والا بوسيف ما تبون تشتركون بوسيف+ بوسالم: لالا حشى زايد: انا بعد بويه بشترك بوزايد: بقاا 3 دراجات يلا منو بعد ميثة: انا بعد اباا اشترك بوزايد : يلا يا بوسالم بتسبقهم صدقنيه بوسالم: وين اسبقهم بوزايد: ونته بو سيف يلا عاد بتخلون الشبيبه يغلبونكم افاا بوسيف: الشبيبه بيغلبونا اكيد بوزايد: افااا عاده بو سالم: خلاص انا بشترك بوسيف: انا عنيه ما باا اشترك ولا شي بس بطالعكم بوزايد : منو عيل سلامي والا رويض وسالي ما تبن كلهن: لالا بوزايد: حموده عيل يلا انتي محد غيرج الريم : سالم لا تطالع حموده جذاا ابوويه قال وخلاص مالك رمسه عقبه يلا حموده ما عليج انا ويااج فديت خشمج سالم ابتسم الهااا حموده تطالع سالم سالم: يلا تعالي ركبي م اقدر ارد الشيووخ حموده ركبت الدراجه الريم: حموده لازم نغلب الشباب بوزايد: اول مرة بيطلعون 2 يلا واحد اثنين ثلاثه وتموا يسابقون واخر ناس كانوا بوسالم هع وميثه وعقب ظهروا بعد ثنين وطلع زايد وسيف بوسيف: افااا يا بو هناد يغلبنك بنياات سيف: اسميها فضيحه وين اودي ويهيه الحين شسوي ماشااء الله عليهن يعرفن يسووقن بانشياات عندهن خبره بوزايد: ونته بعد يا بوخليفه غلبنك البنات زايد: يلا عادي انا بالعاني خليتهن يفوزن حرام كلهم: هههههههههههههه الريم: مسكين حالك يا زايد عاده انا قلتلك وترجيتك انك تخلينيه افووز عليك زايد: هيه انتي رحمتج شسوي مشلة القلب الطيب بوزايد: بسك خرط زايد يلا نكمل والحين بيبقاا ثنين وتموا يساابقووون وهالمرة طلعت حموده وطلع ثااني ثاني: قلبيه وياااج بوزايد: يلا الريم خليهم يعرفوون عيال حمد شقايل سالم: لا تمون تتحدون انا الي بفووز الريم: فحلامك سالم: اوكي الريم بنشوووف منو بيفووز الريم: وان فزت انا امرة من صوووبك الحوار والكلووزر سالم: تسلمين بس انا الي بفوز ان شاااء الله وتموا يساابقون والصريخ وحالتهم حاله الي يشجع الريم والي يشجع سالم وكان سالم متجدم والريم من السرعه انجلبت وكلهم ربعوا صوبها حتى سالم وقف وراح عندهاا بوزايد: ها الريم شي فيج ايدج تعورج والا شي الريم: لالا عادي الحمدالله بس شوي ايدي هنه تعورنيه بلفها عادي سالم: الحمدالله ع السلامه الريم لا بو السباق الي يخليج تكسرين ايدج الريم: الله يسلمك سالم بوزايد: منو الحين عيل فاز بوسيف: محد فااز الريم: شقايل منو الي فاز تراه سالم ما شفتوه كان سابقنيه بس انجلبت جان يوقف سالم شااف الريم وابتسم الهااا واستااانس ان الريم جذيه ترمس عنه بوزايد: يستاااهل بوغنيم اكثر بعد خلاص ان شاااء الله يا بوغنيم بيوصلك الحوار والكلوز سالم: تسلم يا بوزايد ما تقصر بوسيف: ترانا بااجر بنسرح البيت روضه: لا شوو نبغي نتم بوزايد: شو نسيتوا ان عقب كم يوم وراكم سفره رووضه: هيه صح نسيت بعد يبالناا نتشرى بوسيف: اسمينااا ما بنعين خير بعدهن البنات بيتشرن بوزايد: هيه والله صدقك وانته بعد خذلك شي سيف: عاده فخاطريه اشووف الشيبه وهو لابس البنطلوون والقميص اسمينيه بضحك ههههه بوسيف: انته بسك عن الطنازة وهذا بعدنيه ما لبست شقايل لو لبست سيف: نسولف ويااك يا بو سيف لا تزعل بوسيف: لالا حشى هب زعلان الريم: والا اتخبرج ميثوووه ميثة: شووو الريم: شواخي بنت عمتيه سمعت انها بتي ويانا ميثة: ما عرف واله سالي سارة ومايد هم بعد ترا بيوون يمكن هي تي ويااهم الريم: وناااسه لو بتي ويانا ميثه: امحق ما ادانيها بعيشة الله الريم: عادي اصلن انتي من ادانين كلهم تبغضينهم حتى انا ميثه تفشلت: لا عادي انتي الريم: انزين انزين فديت قلبج ترا أي رمسة تقولينها توصلنيه بس عادي ما اخذ فخاريه منج لانيه اعرف انج طيبه وما تقصدين ميثه: السموحه الريم وهذاا من طيب اصلج الريم: ماعليج زوود سلامه: اقوول رويض منو بي ويانا روضة: نحن اللي فبيتنا كلنا الا سيف .....و سارة و ريلها مايد ويمكن شوااخي تي ويانا سلامه: وليش سيف ما بيي روضه: تعرفين ما يحب هالسولف وثانين عنده زام وبويه مقبضنه الحلال هنه لان لو سيف راح اكيد ابويه ما بيسافر سلامه: هيه والساعة 10 الفليل البنات كلهن يالسات والحرمات رقود حمودة: الريم عيل وين الوعد ما شفنا شي الريم: أي وعد حمودة: الشله اللي بتشلينها الريم: فالج طيب من عيونيه حمودة: تسلملي عيونج وتمت الريم تشل http://uaefm.net/music/sh/sh05/3-alr...la_3llmook.ram علموك شلون تخدع من يحبك يا حـــــــــــرام علموك شلون تهجر من بوده لك وفـــــــــتي صرت حتى يا حبيبي ما تبادلني الكــــــــــلام من عقب ما كنت روحي و كنـــــــت عـــــندي كا شي وين هاذيك الليالي الاوليه والـــــغرررام وين عطفك وين شوقك كيف عني يكتفـــــــي كنت اشوفك مثل جسمي لي يغطيها العـتظام كنت اشوفك ماي صافي منك ناري تنـــــطفي واثرك انت حلم خاطف في متـــــــاهات الظلام يابتك صوب الليالي دون شور ومــــــــــــعرفي كيف تسمع لو نهمتك وسط ضجات الزززحــــام وانت عني يا حبيبي في زحامـــــــــك مختفي يا حسافه عقب شوقي عقب هاذااااك الهـــيام استويت لحد غيري وبك تغيررررر موقــــــــــفي يادنيا غريبه بلي تــــــبدل كل عــــــــــــــــــــام كل ما بقول هانت زاد جرحي ينززززززفـــــــــي والسلومه كلهم: صح لسانج حمودة:صحيتي الريم (وكان ثاني توه ياي) على هذي الشله اسميها غرام ومن الخاطر بعد بس حق منو الريم:صح بدنكم اكيد من الخاطر ما اشل شي الا من خاطريه حمودة: اشوف عيونج بس مدمعاات بس حق منو يحظه ثاني: وليش ما سمعتينيه حسج يلا شلي الشله اللي توج شليتيها الريم: انت وايد تتشرط ومنو قال بشل جدامك شو قالولك مطربه ثاني: وليش ما تشلين عنديه بس تشلين عندهم الريم: بويه انا ما اشل عند الشباب لو انك انته ولد عميه منقود ثاني: منقود عند الهنود يلا يلا لاتمين تتغلين والا تخافينيه احسد حسج الريم: هيه اخافك تحسدنيه حمودة: انت ما تفهم شو ما تستحي تقولها سمعينيه حسج ثاني:انتي تغارين والا شو سالفتج حمودة سكتت الريم: خلاص بس صخو لازم كل ما تتشاوفون تتضاربون ثاني: هي اللي بدت فديتج والا انا ما ابدا ولا اقول شي سلامه:الريم باجر بنرد العين والا بوظبي الريم:مادري سلامي بس اتوقع العين وخلاف بنسير بوظبي سلامه: هيه والفليل كلهم رقود الا حمودة والريم حمودة: اسالج شويخ هب محيره حق سيف الريم: هيه بس ماعرف عادي يتغير كل شي حمودة: وسيف ما رمس يعني الريم: لا ما ظنيه حمودة: اهااا الريم: امممممممممم حمودة اسالج؟ حمودة: سالي الريم: امم ليش يوم قالج ثاني تغارين ما قلتي شي حمودة: شو اقول يعني تعرفين ولد عمج وسخافته الريمك يعني انتي ما تغارين.؟ حمودة: على شو اغار عليه هو يخسي الريم: اهاا بسالج سوال بس اباج تجاوبينيه بصراحه ولا تجذبين انا اعرفج عدل حمودة: سالي الريم: انتي تحبين ثاني؟ حمودة:لالا ما احبه الريم: قلتلج حمودة انا اعرفج زين واعرفج متى تجذبين حمودة : انزين انا ما عرف تبين الصدق اذا احبه او لا بس وايد اعصب منه واضايج الريم: انتي تعصبين منه يوم يرمسنيه صح حموده: هيه تبين الصدق الريم: اهاا يعني انتي تحبينه عاده ما لقيتي الا ثاني تحبينه يا حموده حموده: ماعرف غصبن عني هب بيدي الريم تنهدت: هيه والله الحب هب بيدناا والقلب يوم يرف حق حد ما نرووم نغير حموده: الله الله على هذاا الكلام الريم كانج الا تحبين؟ الريم: ومنو ما يحب؟ حموده: اقدر اعرف منو؟ الريم: لالا ما اقدر اسمحيليه محد يعرف منو هو الا شخصين بس حموده: ع راحتج اليوم الثااني الصبح كلهم سرحوا بيتهم وقوم حمد بن هناد ساروا بيتهم الي في العين عشان ام زايد تسلم على هلها قبل لا يساافرون وخلاف بيسيرون بوظبي وفي بيت بو خالد العصر خالد: الحين كلكم بتساافرون؟ بوخالد: ان شااء الله كلنا خالد: وهزاع؟ بوخالد: ما ادريبه خالد: عوشه ترا ما بتسير ويانا بوديها بيت هلهاا لانها جريب بتربي واخافها تربي في الطياارة ام خالد: الله يقومها بالسلامه وتيب لناا عبدالله الصغير خالد: وليش ما تكون حصه الصغيره ام خالد": فديت عيالكم كلهم الي بيون ياربيه بنيه والا صبي كله واحد الي بيي من عند الله حياه الله وتوه هزاع داخل هزاع: هلا بعيوزيه فديتج ياربيه ...وحب راسهاا ام خالد: انت بس تعرف ترمس برمسة حلوة ولا تيلس عندنا دوم مرتغد في الشوارع هزاع تم يضحك : لا اميه وين في الشوارع في المولات والافي البر لا ارتغد في الشوارع ولا شي ام خالد : متى بتعرس انته وبنشووف عيالك يربعون في الصاله هزاع: ان شااء الله اميه جريب بترسلج البيت هذا كله عيااال بس خليها ترضاا الي فباليه والله اليوم قبل باجر بعد بااخذهاا لو هب العيب والحرام جان سرقتها من بيتهم ام خالد: طالعوا الرمسه الطفسة انتوا ويديه تسرقهاا خلها فبيتها وهي ما بتصدق ان هزاع ولد عبدالله بياخذهاا هزاع : علنيه افداج اميه ترفعين معنوياتيه خالد: بس فكونا من طاري العرس هزاع بتساافر ويانا هزاع: وين بتسافرون انتوا؟ خالد: النمساا ان شاااء الله ع طلبت فطامي هزاع: صدق حليله بو عسكور كان يبغي يسير النمساا خالد: يعني بتسير ويانا هزاع: لالا خلونيه بعيد عنكم انا بساافر ويا ربعيه المانياا وشليه انا بسيرة الاهل الي تصدع البال خالد: ع راحتك بوخالد: ام خالد متى بيساافرون قوم حمد بن هناد؟ ام خالد: عقب كم يوم هزريه خالد: هيه هم بيساافرون ثلاث دول هزاع: كلهم بيسافرون؟ ام خالد: هيه كلهم هزاع فخاطره: ااااااه يالريم نحن فبقعة وحده ما نتلاقى شقايل لو سافرتي دوله ثانيه كيف بتحمل الفراق الله يعينيه على هذا الحب الي اشقانيه فطامي توها نازله من فوق: وينه هذا الدحيح هزاع: منو؟ فطامي: منوع منو غيره وياراسه حشى ماخلا ورقه ولا كتاب ماقراه هزاع: ليش شو شال عنج؟ فطامي: شال قصتيه هزاع: شو من القصص؟ فطامي: قصة حب هزاع: اااه اسميه الحب عذاااب خالد: اوووب هزاع يرمس عن الحب شي غريب الله يعينك ياخويه هزاع: شفت عاده اااه يا دنيا غريبه بي تبدل كل عام خالد: هيه والله صدقت فذمتيه ام خالد: ماشي في الدنياا باقي ع حاله كل شي يتغير خالد: فطامي شهر 8 ترا بنساافر اوكيك فطامي: هيه هيه اوكيشن هزاع: بعده شهر والحين تحجزون شله العيله خالد: زحمة انته شو تتحراا بعدين ما بنلقاا تذاكر واصلن نحن هب الحين بنحجز بس عشاان نرتب منو الي بيسافر ويانا هزاع: اهاا يحيكم والله فطامي: وشعنه هزاع انته ما بتساافر ويانا؟ هزاع: لا لا حشى عليه سيرة الاهل ابغض شي عنديه مافيه اتحمل الماسوليه بسير ويا ربعيه اخير فطامي: عاده بنتوله عليك هزاع: انتوا سافروا قبل خلاف تولهي عليه فطامي: عادي انزين بيخطف الشهر بسرعه هزاع: انزين يلا انا بظهر حايه امارة من جدايه؟ ام خالد: وين بتضوي تونيه ريتك انته امرة ما تصك الدعنه دووم تهوم هزاع: اميه فديت خشمج بروح عند ربعيه يتريونيه في ستار بوكس ام خالد: منو هذاا الي بيعطيك بوكس بمرغه بعسوو هزاع نقع من الضحك : هههههه فديتج اميه هذا محل ماعاش الي بيعطينيه بوكس خالد: وهي شدراها بستار بوكس مسكينه ماتعرف الا العزبه ههههههه ام خالد: هيه زين عيل هزاع: اميه ابويه تامرونيه بحايه؟ ام خالد: سلامتك فديت روحك وهالله هالله بعمرك وعن تسرع اهااا تحمل على بقااك بوخالد: صدقها امك دوومك مسرع 180 وفوق حشى شو ما تبغي عمرك يعني فطامي: تستااهل صدقهم عيل حد يسرع جي بعد واقوول وليش ما تقوول فطامي تبين حايه ايب لج هزاع: خالد تبغي شي اييب لك خالد: ستار بوكس بكبره فطامي: انت شو تعاندنيه هزاع: انتي لو اقولج شي تبين ما بيخلصن طلبااتج يلا وداعة الله وفي بيت بوزايد حموده فبيت قوم الريم يايه ويااهم ماساارت بيتهم وهن في حجرة الريم ....... الريم ترتب شنطتهاا وطالع الي تحتاايه حق السفر والي ناقصنهاا عشان تاخذه وحموودة يالسه تسااعدهااا حمووده: الريم صوورة منو هذي؟؟؟؟؟؟؟ الريم فجت عيووونهااااا من سمعت صوورة وهي كانت عاطيه حموده ظهرهاا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!! |
البااااارت (15) حمووده: الريم صوورة منو هذي؟؟؟؟؟؟؟ الريم فجت عيووونهااااا من سمعت صوورة وهي كانت عاطيه حموده ظهرهاا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!! _____________________________________________ حمودة: منو هذي الريم ؟ الريم تنهدت وفخاطرهااا : اوووف الحمد الله >من الخااطر انهاا هب صورة هزاع حمودة : حليوة ما شااا الله عليها شكلهااا بيبي الريم: هذي شوااخي بنت عمية حمودة: هذي هي ما توقعتها الصراااحة جي الريم: هيه شكلها صغيرة وااايد حمودة: هذي هي اللي محيرينا حق سيف الريم: هيه حمودة: ما يليقون حق بعض احس سيف ريال غير بس شواااخي صغيرة الريم: انا بعد اقووول جذاا شرااتج بس والله شواااخي سوااالف ع كيف كيفج في الجااامعة يسمووونها خرشة حمودة: بعد والله فرق سيف احسه عااقل وهي خرشة ما يناسب امره الريم: بس والله حلو لو ياخذون بعض وعقب يومين طبعن تجهزوووا وتشروا وما باجي الا يسافروون وسلموو على اهلهم اللي في العين ويوم الاربعاء ساااروا بوظبي عشان يسلمون على عربهم اللي فبوظبي واليوم الثااني بيسيرون المطار( مطار دبي ) الريم تمت تفكر وفخاطرها: لو الصورة اللي شافتها حمودة صوره هزاع شو بقول وشو بسوي اممم اردها والا ما اردها بس القصيدة اللي كاتبتنها وراا شقاايل بمسحهاا لالا ما بردها فطامي تعرف خطي واخاف هزاع يسالهاا ويعرف انيه بعدنيه افكر فيه احسن شي ما اردها والعصر ام زايد: يلا انا بروح بيت قوم ام خالد الريم: اميه بسير ويااج ام زايد: انزين خطفي جداامي الريم: اميه شفيج عليه ليش تقوليلي خطفي ام زايد: عيل شو تبينيه اقوولج ان شا الله الريم: قولي تعالي ويايه فديتج ما اقدر اروح الا ويااج ام زايد: اسميج الا تحبين المجاملات الريم: الدنيا بدون المجااملات ما تمشي ام زايد: يلا جان بتين تراانيه سايره عنج الريم: لحظه امايه على الاقل بلبس عباتيه ام زايد: انزين يلا انقفظي الريم: اميه ثواني بس ام زايد: حد بيي ويانه غيرها.... سلامه بتسيرين ؟ سلامه: لالا حشا عليه محد على قديه هناك الريم نزلت: اميه وين الدهن العود منو شله من حجرتيه ام زايد: هذو موطاي على الطاوله نسيته كنت مستعيله وشليته الريم: لا والله موطتنه هني عشان يلعبون لعبتهم وتعطرت .... سلامي شليه فووق سلامه: يعني ما تشوفينا مندمجين بالفلم بعدين بشله الريم: قلتلج الحين ما تفهمين سلامه: انزين ليش تزااعقين عليه الحين بشله وسارن ام زايد والريم بيت بو خالد الريم وامها توهم دااخلين وعقت الريم الغشوه وكان هزاع توه نا زل من فوق ولابس كندوره بيضا وسفره بيضا وحاط السماعه فذنه يكلم راشد ربيعه هزاع: ياريال خل عنك اروحه اليوم المدير خاصم من معاشك راشد: عنلات ويهه انت اطنز ما تعرف شي غير هزاع: افااااا فديت خشمك وهذا وانت قلبيه والله احبك وشااف جدامه الريم يوم يقول هالرمسه وابتسملها الريم تغشت امره من شافته وفخاطرها : وااااااايه فديت ابتسامته وتقويمه اللي مركبنه بعد هزاع فخاطره: فديت الحشيم ياربيه راشد: وين نهيت من الصبح ارمسك هزاع: لحظه يا بو سنيدة ......... مرحبااا الساع اقربووا ام زايد + الريم: مرحب باجي هزاع : قربوا الحين بزقر ااميه وتوها يايه ام خالد : مرحبا مرحبا الساع باللي لفونا ام زايد + الريم: مرحب باجي هزاع: حيه _ اماره من جدايه ام زايد+ ام خالد : سلامتك هزاع فخاطره: اوف منج يا الريم حتى سلامتك ما بتطلع منج ام زايد: الا اقول هزاع بو زايد ما ويه صوبكم هزاع: لا ما يا الريم: اميه ابويه عند عميه احمد .... ابتسملها هزاع والريم نزلت رااسها هزاع فخاطره: فديت هالمنطوق يا ربيه ام زايد: وييه يا الفضيحه وجي ما ايي يلوفكم ونحن باجر بنسافر هزاع فخاطرم: مسرع بتسافرون ام خالد: هيه يا حيكم انزين متى بتويهون المطار ام زايد: الساعه 1 بطير الطياره ويمكن نظهر من هني الساع 10 ان شا الله ام خالد: هيه يلا تروحون وتردون بالسلامه ان شا الله هزاع: درب السلامه يا ربيه ويلا انا اترخص وراح القهوه في القهوه سعيد: تصدق هزاع طالع وايد حلو عليك التقويم راشد: اناا اغرمت فيك هزاع سعيد: بس ما دري شله التقويم ماشااء الله ضروسك مافيهن شي هزاع: الي تحت ابغيهن شوي يعتدلن راشد: ماعليك منه طالع عذااب البنات بيتخبلن عليك وهذاا بو عسكور الا محتر يبا يركب سعيد: وشعنه محتر ضروسيه محلاهن واذاا عن اركب التقويم متى ابا بركب بس ماله لزمه وتموا يسولفون وهزاع ساكت راشد: شبلاك يا هزاع عسى ما شر هزاع ما سمع ولا انتبه اصلن راشد: هزاع هزاع: عونــــــــك راشد: عانك الرب وين وصلت هزاع: سطح القمر سعيد: سطح القمر والا القمر هزاع: ياويليه على القمر لا والله عند القمر راشد: شبلاكم ويا القمر والشمس و النجوم والكواكب سعيد: شدرانيه بربيعك هزاع ما خلا لا قمر ولا شمس هزاع: اقولكم يلا انا اترخص ربعه: وين يا هزاع توه الناس سعيد: يالسين الا تونا مصلين المغرب هزاع: عنديه شغله طشونه راشد: خل عنك وصك الدعنه سعيد: هزاع بسير فياك هزاع:ماشي انثبر بقعتك سعيد: خلاص ما يحتاي فهمتك هزاع: فاهمنيه ما شا الله عليك متحيذق سعيد: افاا عليك وانا خويك ............... وسار هزاع صوب بيتهم وشاف في الصاله امه وعوشه بس هزاع:عيل وينها ام زايد؟ ام خالد: راحت بيتهم يتزهبون حق السفر باجر هزاع سار فوق : وانا ياي عشانها واخر شي سارت شو هالحظ اوووف دخل حجرته وعق سفرته وتم يالس يفكر في الريم هزاع: امممم ليش ما اروح عند فطامي اطفربها طشونه واتخبرها عن الريم وراح ودق الباب: ادخل والا ؟ الريم طالعت فطامي فطامي:لا لا تدخل لحظه هزاع: اونه شو تسوين يعني فطامي فجت الباب:امرنيه هزاع هزاع:شو امرنيه قولي ادخل فطامي: اسمحليه عنديه عرب هزاع: منو هم العرب يعني انا اعرفهم؟ فطامي: هيه تعرفهم هزاع:بتقولين والا ادش واشوف منو هم عربج اللي اعرفهم فطامي: لا لا ادش بقولك الريم هزاع:الريم فديتها ما سارت بيتهم فطامي: ما سارت عقب شوي بتسير هزاع:انزين خلينيه ادش اسلم عليها فطامي: اسميك ما تستحي شهالرمسه بعد هزاع: انزين بس سلمي عليها فطامي : يبلغ هزاع راح حجرته : والله اليوم ما بروح الا وانا مرمسنها وراح وركب سيارته وراح ووقف خاري عند بيتهم يتريا الريم تظهر الريم:يلا فطامي بروح البيت هبابيه ازهب وارقد فطامي:اوكي فديتج نزلن تحت الريم وفطامي ودقت حق بيتهم عشان اتيها الخدامه لان مستحيل تروح بيتهم اروحها هالوقت حتى لو جرييييب الريم: يلا خالتيه تامرونيه شي اييبلكم مناك فطامي: انا عنيه ما اوصيج على الحلاوه وباخذه منج في النمسا ام خالد: عنبوو بيخترب لا فديتج الريم ما نبا غير سلامتكم ودرب السهاله ياربيه الريم: الله يسلمج خالتيه فطامي طالعي الرد هب ردج فطامي: ما حط شي فخاطريه صريحه فديتنيه الريم: انزين يلا انا بسير فطامي: يلا بوصلج الين الباب الريم: لا ما يحتاي فديت خشمج فطامي: افاا عليج ووصلتها فطامي لين الحوش وتمت تسلم عليها تودعها فطامي: الريم الريم: هلا فطامي: نسيت عرب موصليلج سلام امانه عليه الريم: منو ؟ فطامي: هزااع الريم تغير ويها : اها انزين الله يسلمه فطامي: يلا انزين سلمي على اهلج وبوسيليه هزاع الريم: شووووو فطامي: شبلاج هب اللي فبالج هزاع اخوج فديته ياربيه الريم: انزين ادري فطامي: خل عنج حلفي انج ما تحريتينيه اقصد هزاع اخويه الريم: لا بحلف ولا شي خلاص انا بسير هذي يت خدامتنا فطامي: خلاص انزين يلا درب السلامه دخلت فطامي ..... وظهرت الريم ويا خدامتهم وهزاع كان واقف خاري ومن شاف الريم ظاهرة وتمشي حذال الشاارع >>> ع الرصيف خطف عدالهاا وهو في السياره طبعن ومشغل هالشلة وتم يقوول وياه : ودعتكم يا غلى المحبين ودعتكم وفي القلب نيران الريم فخاطرها: ياويل قلبيه احسه بيظهر من محله صفحة اغاني شبكة وبطاقات المحروم هزاع وقف سيارته ونزل ووقف جدام الريم والريم تبا تخطف بس ما خلاها الريم: والله انك ما تخيل ومضيع المذهب هزاع ضحك : عادي انتي لو تسبينيه من اليوم الي باجر ع قلبيه مثل العسسسسسل ذكرتينيه شرات اول يوم رمستينيه في المرينا تذكرين؟ الريم سكتت وفخاطرها: شقايل بنسى يعني انا أي شي يخصك مستحيل انسااه هزاع: الريم والله احبج و ما اقدر اصبر بلاج الريم تيبست شوي وبيظهر قلبها اول مرة هزاع يقولها هالكلمه من خاطره هزاع: بشتاق لج وايد دخيلج لا تقطعينيه وطرشيليه لو مسج واحد الريم: لا والله وخطفت عنه هزاع: الريم انزين لحظه ابا اعطيج شي الريم سوتله طاف بس هو راح صوبها وقالها يودي الظرف الريم ما عطته ويه .... وبعدين عطى الخدامه هزاع : اذا تبين تقرينه عند خدامتكم واذا ما تبين قلعيها وقلعينيه وياه ودرب السهاله ياربيه وتروحين وتردين بالسلامه بتوله عليج وسار وركب السياره وراااح الريم طبعن اول ما وصلت حوش بيتهم امره شلت الظرف من عند الخدامه وسارت فوق وفتحت الضرف : وفيهاا ورقتين وفتحتهن مرحبااا بطارش نباااكم عد قولي وارتييكم دوم وعيوني جداكم لا ولا قلبي نسيكم غناتيه: احبك لو بغيت انساك ماقدر احبك لا تسال القلب اصبر تعرفين شو اكبر خطاي: اكبر خطاا محبتك ونته ما صنت حبن يخلد المشيب لشبابه تدري وش يغيض الرجل في هوى البنت انه يعيش بواقعن ما درى به شوفي الريم اناا يمكن قبل ما كنت احبج بس الحين ما احبج و لا اموت فيج اناا اعشقج اغليك . يعني اعشقك. يعني اموت فيك. يعني انا ميت بعشقك مع مرتبة الشرف اطلبج: تكفى حياتي لا تجافيني !! امنيتيه الوحيده في دنياي: انا تمنيت شوفك في العمر منوة والروح تسال عيوني وين غاليها والله حسسينيه انج سامحتينيه والله من باجر انا فبيتكم انتي شو جنسج ؟ شو سويتي فحاليه؟ عمريه ما حسي بهالاحساس جدا بنت!!!! برهان حبيه لج: عطيتك قلبيه فيديك وهذا حب برهاني وتمنى ا نج تسامحينيه يالريم عقب ما تقرين هالرساله والله احبج يالريم والله واناا احلف بعد وكلمة الله عزيزة وفي ختام رمستيه ودعتكم ياليت ماكان يوم الوداع القلب ممحون سالني ويش الذي كان المفارج احبابه وش يكون!!!!! عااااااشق الريم للابد الريم وهي تقراهاا استااانست وايد بس فكرت الريم: لالا مستحييييييل ارجع له يمكن اسامحه بس انيه افكر فيه لا والله لو انيه احبه بس عزة نفسيه فوق هام السحاب واوطااه قلبيه ان كان بيرخص كرامتيه....... اسمينيه ما برقد اليوم عقب هالرساله وما قدرت الريم ترقد الين الفير صلت ورقدت والساعه 8 الصبح م زايد وعتهم كلهم من الرقاد وكلهم نشوا تسبحواا وتكشخوااا بقولكم الريم شو لابسه بودي ازرق مكتوب عليه اسمهاا ( رسم) وتنورة صفراا بالقوو وسكارف ازرق عليه دواير صفر وعبااه مفتوحه اكيد ومعلقه على عبااتهاا عند ايدهاا اليسار حرفهاا A واكيد يوم بيروحون المطار بتلبس غشوة زايد: سلامي شو هذا الي لابستنه سلامه: شو لابسه يعني؟ زايد: لا والله وهذاا الي فقميصج وايد فرحانه باسمج ( سلامه لابسه شرات لبس الريم بس لونه البودي اخضر واسمهاا مكتوب بالوردي والتنورة بعد ورديه) سلامه: انزين حتى الريم وثانين انا بلبس فوقه عباه يعني محد بيشوفه زايد: يلا سيري غيريه ما عنديه هالرمسه سلامه: لا والله اول شي قول حق الريم خلاف تعال عنديه والا ما تروم الا عليه زايد: ارووم عليج وعليهاا غصبن عنكم الريم توهاا نازله سلامه: الريم سمعي خوج زايد شيرمس الريم: شو عنده الشيخ؟ زايد: ما عنديه شي سلامه: اشووف غيرت رايك زايد: لا بس احترم اختيه العوده الريم: شبلاكم انتوا سلامه: اونه زايد يقول يروم يتحكم فيج الريم: انزين لازم هب خوويه من حقه فديت الشيخ زايد والله انه شيخ الشباب سلامه: لا والله يعني بتبدلين لبسج الريم: وشعنه ابدله؟ سلامه: لانه هو هب عايبنه الريم: افاا الشيخ زايد وشعنه هب عايبنك لبسناا زايد: شو كاتبات اسمكن عليه الريم: ليش يبين اسميه الحين تحت العبااه زايد: لا بس منقوود الريم: منقود عند الهنود نحن هب مسوين شي وهذاا بويه عايش وما قالنا شي زايد: الله يطول بعمره انزين خلاص ما قلت شي حشى اسميكن بنات كلتونيه الريم: هيه توك ريال ام زايد: خيييييييبه تخيب العدوو عورتي عيونا بهذا اللون الريم: اميه انتي ما تعرفين الموضه طالعي بعد اسميه ع البودي ام زايد وهي تشهق: يالفضيحه بين العربان يلا نشي انتي وياها فصخنه بوزايد: وشعنه يفصخنه تراه بيغطيه العباه ام زايد: محد بيضيع البنيات غيرك بوزايد: لا فديتهن بناتيه محد احشم عنهن الريم: واااااااااااايه فديت ابوويه حمد ياربيه بوزايد: تفدتج العافيه ياربي زايد: ابويه تراها الحين الساعه 10 ورانا درب بعد بوزايد: هيه والله صدقت يا بوخليفه شوف الدريول في السياره زايد: هيه من الصبح حليله يترياكم وكلهم ركبوا السياره والدريول الي بيوصلهم المطار وسيف وصل هله ( بوسيف احمد + ام سيف+ ثاني+ ميثه + روضه) وخو مايد وصل مايد وساره وشواخي وكلهم تلاقوا في المطار( مطار دبي )وسلموا وعقب حطوا الشنط وخلصوا الاجراءات وراحواا قاعه الانتظار الريم يالسه تسولف ويا شواخي شواخي: الله الله يالريم ش هالزين كله اشوف اللبس جادنيه افصل شراته الريم: اعجبج حبوبه طالعي اسميه بعد ع البودي والريم يالسه تروي شواخي اسمهاا ع البودي وثاني انتبه الهاا ثاني: حلفي انتي بس؟ الريم: شعندك بعد؟ شواخي: عاااااااااااش ثاني: شو هذا القميص ولا بعد كاتبه اسمج عليه الريم: ظنيه لابسه عباه وابويه الي هو ابويه ما واقعنيه انت ياي ترمس ثاني: ظنيه انا خطيبج وليه الحق انيه اتحكم فيج وف لبسج شواخي: افااا ومحد خبرنيه انج انخطبتي يالريم الريم نقعت من الضحك: من متى ما عنديه علم ولا خبر!! ثاني: انتي من اول ما ضويتي ع الدنيا ونتي خطيبتيه الريم: هههههههههههههه والله انك خبييييل يلا خروووش خلينااا نركب الطيارة اسمع الندااء بوزايد: يلا تراهم يزقرون ع المسافرين شواخي: الريم وين مكانج؟ الريم: ماعرف الحين ادوره ونتي؟ شواخي: شرات حالج وكل واحد سار يدور المقعد ماله في الطياره شواخي لقت المقعد مالهاا بس كان واحدر يالس عدال الكرسي الي هو مكانها عند الدريشه بس صوب اليمين شواخي: ريماني لحقي عليه الريم يالسه في مكانهاا وهو عند الدريشه الصوب الثاني ع اليسار الريم: هلا غناتيه شواخي: تعرفين منو عداليه في الكرسي واحد شكله مواطن بعد الريم: لابس كندورة يعني شواخي: لالا بس كان يرمس حد من خوانه ورمسته شراتناا ثاني توه ياي: الله اناا الي عندج ياحظيه الريم شهقت: لا والله صدق اسمينيه ما عينت خير بس اقوول شواخي لقيت الحل شواخي: شوو هو فديتج الريم: ثاني بيروح مكانج وانتي تين مكانه لانيه مستحيل ايلس عنده ونتي مستحيل تيلسين عند ذاك ثاني: لا والله حلفي انتي بس اناا ما صدقت ايلس حذالج تقوليليه غير مكانك بعد ما تشااورنيه امرة ثاني بيغير مكانه الريم: افااااا تردنيه انا هب دووم اطلبك عشاان خاطريه ثاني: فديييييييت خاطرج والله احبج خلاص فالج طيب من عيونيه لو تطلبين عيونيه الريم: عيونك خلهن لك عشان تشوف الدرب ويسلمن وفالك مايخيب يلا عطناا مقفاك هههههه ثاني: ما عندج اسلووب امرة بس فديت اسلوبج شو الي معلقنيه فيج غير اسلوبج الريم: هيه اسلوبيه حلوو من زمان ادري ثاني: ههههههه انتي شو تعاندينيه بس تبين الصدق ما يعاندك الا الي يباك الريم: من وين ضاوي هالمثل عكيفك انته ثاني: من اشوف عيونج اخترع الامثال وكل شي فديت عيونج انا الريم: لا حوووووووووول انزين خلاص وايد تفديتنيه ثاني: والله احبج ياربيه شواخي: الله والله انه احلى فلم حب شفته فحياتيه اسميه غرااااااااااااام الريم: أي فلم شواخي ما اشوف افلام شواخي: ياويل حاليه هذا الي جداميه وشو احلى من قصة حب بين عيال العم الريم: ومنو الي قال ان نحب بعض سوالف فديت خشمج ثاني: منو قال ان سوالف اناا اموووت فيج شواخي: والله انك خرييييييييييييش بالقوو حلو تمثيلكم الريم الريم: شبلاج شواخي أي تمثيل ثاني: أي تمثيل والله انج انتي الي خريش شواخي: ثاني شرايك تبدل الريم فينيه ثاني: شو مينون قالولج والا ناقص عقل حد يحبج انتي شواخي: وانته عاده الي يقول مقطعنهم كلهم ثاني: يكفي شيخه الحريم تحبنيه الريم: ومنو هي ان شااء الله ثاني: ومنو غيرج انتي شيختهم كلهم الريم: احبك شرات ما تحب الاخت خوها ثاني: لا والله انتي هب اختيه انتي خطيبتيه وحرمتيه الريم: والله انك ع قولت شواخي خريش يلا انزين واقفين في الممر والناس يبون يخطفون وعقب يلست شواخي عند الريم وفي الوسط وام زايد وام سيف وهزاع ونوف ووراهن روضه وميثه وسلامه وزايد وصوب الدريشه ع اليمين بوزايد وخوه احمد وجدامهم سارة ومايد ثاني سار ويلس مكان شواخي وهو عند واحد مواطن وفي الجووو>>>>>>> نهيان: مرحباا السااع والله ثاني: مرحب باجي نهيان: وشحالك الشيخ؟ ثاني: بخيير ربيه يعافيك ومن جداك؟ نهيان: تسرك حاليه ... ممكن اعرف منو الشيخ؟ ثاني : ثاني بن احمد بن هناد نهيان: والله ونعم فذمتيه ملايييييييين ثاني: ونته الشيخ؟ نهيان: انا نهيان بن مجتوم طوليه بعمرك ثاني: والله ونعم وسبعه فوقهن نهيان عاشت الاسامي نهيان: عاشت اياامك بس من وين ثاني؟ ثاني: من بوظبي دار الظبي ونته نهيان؟ نهيان: انا من العين دار الزين فديت خشمك ثاني: فذمتيه صدقت انهاا دار الزين وهلهاا هم الزين كله نهيان: تسلم ماعليكو زود هل بوظبي ثاني: وياا منو ياي الشيخ الاهل والا الشبيبه نهيان: لا والله هيا الاهل طال عمرك ونته؟ ثاني: شراتك الشيخ ويا هليه نهيان: يحيييييييييك وسهلا ثاني ثاني: ويبجييييييك شواخي يالسه تسولف ويا الريم الريم: شواخي صح ما رويتج شي خطييييييير شواخي: شو هووو ترانيه بموووت الين ماعرفه الريم: والله انه خطييييييييير تبين تشوفينه مصممه يعني شواخي: اكييييييييد دام انه خطيييييير احب الاكشن والاشيااءالخطيره الريم: انتي الي قلتي اوكي بعدين ما تين تقوليليه ليش وماعرف شو شواخي: افااااا عليج وانا خروووش ما رد فكلمتيه الريم: اوكي لحظه خلينيه اظهره وظهرته الريم شواخي صااااااااااااااااااارخت شلت الطيااارة بكبرهاا بصوتهاااا وكلهم لفواا صووووووووووبهاااا وحتى المضيفااات ين صوبهاا وهي شردت من مكانهااا وبدون ما تحس هههههههه والريم ناااااقعه من الضحك عليهااا خلاف شواخي انتبهت على عمرهاا وتلف يمين ويسار شواخي: اناا وين طرت وين مكانيه ثاني ونهيان يطالعون وشواخي تتلفت يمين ويسار وكلهم يالسين يطالعونهاا وتقفطت بالقوووو وثاني راح صوبهاا ثاني: انتي شو ما تستحين شواخي نقعت من الضحك ههههههههههههههههههههههههههههههههههههههههه ثاني معصب بالقوو ونهياان يضحك بعد ثاني: انتي ما تستحين وتضحكين بعد شواخي حطت ايدهاا ع خصرهاا: ليش شي لافته مكتوب عليها ممنوع الضحك ومايد انتبه عليهاا وتموا يضحكون هو وساره لانهم متعودين على خرشتها ثاني: هيه ممنووع شواخي : اقوولك العااشق الهيمان هذي كله من خطيبتك ههههههه ثاني: فديتها خطيبتيه ما سوت شراتج شواخي: انته وايد مصدق انهاا خطيبتك المضيفه يت صوبهم: بليز سيت ان يور جير( لو سمحتوا يلسوا بمقاعدكم) شواخي: انزين لحظه انتي شوي خلينيه اتفااهم ويا هذيلا البيبل ( الناس) بعدين بنيلس في الجير مالنا نهيان نقع من الضحك يوم قالت هالجمله وهي كانت ما تضحك يوم تقولهاا المضيفه: وت يو سيد( ماذا قلتي) شواخي: اناا هب فايجه لج تريي شوي ثاني: اقولج سيري صكي الدعنه ويلسي ع كرسيج شواخي: هيه الروحيه الحين عنديه مهمه يلايلا بعدين بكمل وياك ثاني: لا تكملين ولا شي انا اروم عليج اصلن وعلى لسانج حشى متبري منج شواخي: احسن عشان تهاب ترمسنيه ثاني: انتي الي يشوفج يقول هذي مقطعه من الادب بس الي يشوف رمستج ينصدم شواخي: فديتنيه بنت ادبي وكل الادب عنديه >>>>>> ما يخصه ههههههه ثاني: انزين لا تكثرين رمستج كلهم يطالعون شواخي: وانا شليه منهم وشعليه من الناس وش على الناس منيه يلا يلا باي ثاني راح ويلس : اوووف حشى روحه بلا رده شقايل بتحملهااا نهيان يسمعه ويضحك شواخي: وانتي غربنلات عدوج شو هذاا الي يايبتنه حتى في الطيارة ( تعرفون حق شو هالحشره كلهااا !!!!!! الريم تعرف انه شواخي ما تحب الحشرات وتخااف منهن وهي يايبتلهاا سماسيم ههههههههههههههههههه) ثاني: اسميهن البنات الحين مستقويات نهيان: هيه وهو يضحك ثاني: شبلاك نهيان تضحك نهيان: ولا شي وتم صاد صوب قوم الريم وشواخي هم نفس السيد ماله بس قوم نهيان في اليمين وقوم شواخي في اليسار ( شواخي الي يشوفهاا ما يتخيلهاا جي خرشه شكلهاا بيبي بالقوووو بيضه وايد خشمهاا رفيع وايد وعيونهاا هب كبار بس ناعسات وبنيات وفيهاا خدود شوي وهب طويله وايد وضعيفه بس احلى شي يوم تضحك شي فيها يجذب وهي دوم تضحك اصلن ويلقبونهاا في الجامعه وفي كل مكان الخرشه او خرووش من كثر هب هي ربشه وخرشه و هي واايد جريئه ولابعد الحدود ووايد صريحه ولا عليها من حد عمرهاا 19) ونهيان ما خازت عيونه عن الريم وشواخي شواخي: طالعي هذاا الي ثاني يالس عداله يطالع شكله انعجب فيج الريم الريم: لا والله وليش هب معجب فيج انتي شواخي: على شو يا حسره مالت عليه وش ياب النجم عند القمر الريم: افاا يا شواخي والله انج شيخة الزين كله فديت خشمج شواخي: هيه هو شيخه شيخه ترانيه ما يبالهاا رمسه وشيخه البنات بعد لو انتي شيخة الحريم الريم: شفتي عاده فدييييييييتج والله خرووش زين يوم ييتي وياناا والا بتم رويحاتيه شواخي: افاا عليج ريماني نهيان: شو بتطلب؟ ثاني: والله ماعرف نهيان: بطلب هياك الي بتطلبه ثاني: خلاص اوكي دياي شرايك ماشي غيره اصلن في الطياره ثاني: هيه والله صدقت الريم: سلامي عندج لبان؟ سلامي: لا ما عنديه شواخي: تبغينيه اييب لج بدورلج اافا عليج وراحت شواخي عند مايد خوهاا: ميوود عندك لباان مايد: ماعنديه وشعنه الحين بييبون الغداا شواخي: اووووووووف منك انت شو تيب اصلن سارووتي فديتج عندج لبان سارة: لحظه ظنيه كان عنديه في الشنطه وتمت دور..... مالقيته شكلهاميثوه شلته شواخي: حشى هذي ما خلت شي الا كلته ساره: ونتي شعنه محتشرة شواخي: قلت حق الريم اافا عليج انا بييب لج ولا زم اييب لها استويت شحاته والسبه هي بس لازم اييبلهاا هب شواخي الي ترد فرمستها والله حتى لو اتشحت من الي ماعرفه مايد: والله انج تسوينهااا ويهج لوح ما تخيلين اننننف عليج ياويلج ان تشحتي من عند أي حد ما تعرفينه شواخي: والله مارد فرمستيه واناا حمارة بييبه مايد: انتي ماشي مثلج ثنين ههههههههه والريم ترقبهاا من بعيد وتضحك عليهاا تعرف شواخي ما بترتاح الين ما تيب الشي الي تباه شواخي: اكييييييييد ماليه مثيييييييل فديت قلبيه والله مايد وسارة تموا يضحكون عليها شواخي: اسميكم هب راعين فزعه قووموا دوروا ويايه لبان مايد: هب شراتج نحن يلا سيري دوري ساره: شواخي ظنيه عند ثاني شوفي اذا بتلقين شواخي فخاطرهاا: وهذاا الي عداله برايه والله ولا بحفله طاف وسارت شواخي عند ثاني ثاني طالعهاا بنظره >>> عصب شواخي: اقوول ثاني عندك لباان ثاني: انتي شو جنسج شواخي: انثى بس اقولك هب ليه لخطيبتك ههههههههههه نهيان يتاملهاا ويبتسم لهاا ثاني: فديت خطيبتيه بدورلهاا شواخي: ونته ايييييييييه شعنه تطالع شي فيه غلط مثلن لا سمح الله نهيان قفط وضحك شواخي: ويهك لوح اسميه يضحك بعد ثاني: شواخي انجلعي محلج اسميج ماتستحين شواخي: اييييه شو تقول ارمس عدل وحشم ويا ذا الويه الي عليك سالتك عندك لبان والا لا ثاني: ما عنديه شواخي: يعني من الصبح موقفنيه وتقول ما عندك نهيان: كم وحدة تبغين شواخي: انته كم عندك؟ ثاني معصب منها بالقووو نهيان عطى ثاني البان كامل بس شالين منه حبه ( لبان الكسترا) شواخي: والله زين مشكوور ما تقصر ايي من عندك اكثر ادري ما يخصه يلا باي ليه عوده ههههههههه نهيان ناقع من الضحك ثاني معصب بالقووووووو شوواخي: افاااا عليج ريماني يبتلج ايااه اتشحت من الي يسوا ومن الي ما يسوا كلهم يسوون الا ثاني طبعن ههههههه الريم: فديييييييييت خشمج شله كل هذاا عاده شواخي: عاده ما تخبرتينيه من عند منو يبته الريم: اتوقع ثاني شواخي : لا من الي عدال ثاني هذاا الغبي الي يطالعج الريم: يحيج والله بس صدق ويهج لووح شواخي: تدرين انيه هزبته الريم: بعد شواخي: هو يطالع ويبتسم جان اهزبه جيه شو الدنياا فوضه الريم: انتي الدنبا فوضه عندج بكبرهاااا وعقب الغدااا شواخي سارت عند قوم مايد خوهاا تربشهم شوي والريم فتحت شنطتهاا وظهرت الرساله الي عطاها يااها هزاع وتقراهاا مرة ثانيه ومستانسه عليهااا ثاني انتبه ان الريم شاله رساله فايديهاا وسار صوبهااا ثاني: وقف عندهاا : شو هالرساله الريم الي اشووفج مستانسه عليهااا عسى دوم الريم ارتبكت : هاا شوو لاولا شي بس هذي ما تخصك الرساله شله تنشد عنهاا ثاني: انزين من عند منو وشعنه متوتره؟ الريم: من عند ربيعتيه وهب متوترة بس انته روعتنيه كنت مندمجه ثاني: اهاا يحيج والله الريم حطت الرساله في الشنطه : اقوول رد محلك لاانيه بسير عند قوم شواخي ثاني: انزين سيري سارت الريم عند قوم شواخي وسارة ومايد تموا يسولفون ثاني استغل ان الريم مشغوله وهو فخاطره يعرف شوو في الرساله الي خلت الريم مستانسه ويوم خربت عليهاا توترت وارتبكت ثاني تم يقرااا الرسااااااااااااله وصل اخر شي ثاني: عاااشق الريم للابد!!!!!! منوووو هذاااااا |
| الساعة الآن 03:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir