|
إذا حبهـ على كيفه شكرا ما نبي حبهـ ..! السلامنـ عليكم .. شحالكمـ شباب و بنات ؟! عساكم عالقوه ..! اممممم حبيت اليوم أني أحطيلكم قصه من كتابة إيدي و حبر قلمي ..^^ و اليوم بحطي أول بارت للقصه و هوو عباره عن التعريف على الشخصيات و وصفهم و اتمني إنكم تتحمسوون و اكثر عن ثلاااث أعضاء يقولولي كملي القصه ..^^ البارت الأول : في يوم من الأيام كان في بنت قمر ما شاء الله عليها اسمها دانه و عمرها 18 فالثانويه العامه كانت المدارس على نهايتها و هيي كانت شاطره ربي يحفظها .. و كانت عندها شله من أربع بنات اللي هم : دانه و غاليه و ريم و سلامه و طبعا كلهم شطار فالدراسه و بعد شوي بعرفكم على بنات شلتها .. أول شي طبعا بعرفكم على نونه ( دانه ) و عايلتها : هذي عايشه ويا ابوها و امها متوفيه و خيرهم وايد ربي يبعد عنهم عين الحسد .. و كان عندها أخو صغنوني اسمه حمدان و عمره 4 سنوات و عندها اخو اكبر منها عمره 20 سنه واسمه خالد و أبوهم اسمه علي .. و اللحين بوصفلكم القمر نونه ( دانه ) : شعرها طويل ما شاء الله عليها و عيونها عسليه فاتحه و وساع و خشمها سيف و شفايفها كبار ربي يحفظها و جسمها اوكي لا ضعيفه ولا متينه ولا طويله ولا قصيره و بشرتها بيضا و صافيه فيها غمازتين حلوااات و حوايبها مرتبات و مقرونات طبعا طبيعي .. و أخوها خالد هذا واحد رياضي و جسمه حلو طويل و معضل شوي هب وايد طالع كشوخي و يشبه نونه ( دانه ) أبيضاني و خشمه سيف و عيونه عسليات وسااع و مطول شعره شوي طالع كيوت و يويل .. و أخوها حمدان عاده هذا غير هذا الدلوع هنيه يقولكم هذا ابيضاني و كيووووووووووت ما شاء الله عليه فديته ربي يحفظه و أخوه خالد مخربنه من صغره مطول شعره شوي لووووول و فيه غمازه وحده فخده اليمين .. و أبوهم علي هذا واحد من الكباريه يحب عياله واااايد هم حياته كلها ربي يخليهم لبعضهم .. و اللحين بعرفكم على غلاوي و ريماني ربيعات دانه : هذيلا خوات توأم يتشابهون كوبي بيست وهم وايد ويا نونه و ابوهم اسمه محمد وامهم اسمها فاطمه و عندهم أخوان اثنينه أكبر عنهم ما شاء الله بعد توأم و يتشابهوون واحد اسمه حمد والثاني اسمه سيف عمرهم 20 سنه ربع خلوود أخو دانه .. و اللحين بوصفلكم اول شي غلاوي : بشرتها حنطاويه و شعرها لا طويل ولا قصير و عيونها عسليه و كبيره بس هب لذااك الزود و جيمها حلو أوكي لا طويله ولا قصيره ولا ضعيفه ولا متينه و اختها ريماني نفسها بالضبط الفرق بس إنه ريماني فيها غمازه فخدها اليمين .. و اللحين بوصفلكم حمد : طويل و حنطاوي خشمه شوي طويل و جسمه حلو رياضي نفس خلوود معضل شوي و مطول شعره شوي و يويل و اخوه سيف نفسه بالضبط الفرق بس إنه سيف دومه يجحل عيونه يعني لو ما جحلها ما بينعرف منو سيف ومنو حمد .. الله كشخه لوووول .. و أبوهم محمد ربيع علي أبو دانه و هو بعد من الكباريه معروف بين الكل شرات علي و هو يحب مرته فاطمه وااااايد و يعزها و يموت فعياله التواأم ربي يحفظهم و أمهم فاطمه ربة بيت قاعده فبيتها و ما وراها غير أنها تهتم فريلها و عيالها و بيتها .. و اللحين بعرفكم على سلامووه ربيعة دانه : هذي بعد وايد ويا دانه جنهم خوات المهم أبوها اسمه خليفه و امها اسمها عاشه و عندها أخت صغنوونه عمرها 4 سنوات و اسمه شما فديتها انا .. و عندها أخو أكبر منها عمره 20 سنه و اسمه يوسف ربيع خلود .. و اللحين بوصفلكم سلاموووه : هذي دووم تحب تقص شعرها بس هب وايد قصير و عيونها عسليه و خشمها طويل شوي و بشرتها بيضا شوي و شفايفها كبيره بس هب لذاك الزود شوي بس و جسمها حلو أوكي لا ضعيفه ولا متينه ولا طويله ولا قصيره و تموووووووووووت فشي اسمه skull و روك .. و اختها شما هذي بعد الدلوعه شرات حمدان و من حلاتها ما شاء الله عليها خقااااقه هع هع و شعرها طويل هب شرات أختها المستخفه سلامووه و بيضا و خشمها شوي طويل .. و يوسف هذا شرات خلوود طويل و شعره شوي طويل و يوييل و ابيضاني و جسمه حلو رياضي معضل شوي هب وايد .. و طبعا كلهم من دبي دار الحي .. |
القصة شكلهااا حلووووووووه نتريااااااااااااااااااااج |
روووعه نرقب البـارت الاول |
روووووووووووووووووعة وصف الشخصيات وبما ان الشخصيات حلوة اكيد القصة و راعية القصة حلوين |
نتريا ولا طولين ...... |
اقتباس:
و انا ييت و عقب شوي بحطي البارت الثاني ..^^ |
اقتباس:
|
اقتباس:
|
اقتباس:
ما طولت كاني ييتكم ..^^ و ثانكس على ردج .. |
البارت الثاني : على أذان الفير و الجو الحلو الرهيب نشت دانه و كان هذا آخر يوم فالإمتحانات و كانت حدها مستانسه فقامت تغسلت و راحت توعي أبوها و أخوها خالد حق الصلاه ... دانه : يبااااااااااااا قوم قوم قوم اللاة خير من النوم يلا قووووم أبوها : يا الله بالستر أنزين شو اللي وازنج تصرخين بس قولي يبا قوم صلاه و بقوم . دانه : لا تلومني أبوي اليوم آخر يوم ( و تقول بصوت عالي ) يسسسسسسسسسسسس اخيرا بفتك .. أبوها : عاده بيضي الويه يا بنيتي و شدي حيلج دانه : جني قلت قوم صلاه و ما قلت قوم سوولف هع أبوها : ههههههه خلاص خلني أقوم أصلي و روحي بعد وعي أخوج خالد الهيز هب فالح غير بالمغازل ههههه يحليله دانه : إن شاء الله ( راحت دانه تنشش خلوود و من كثر وناستها راحت فجت باب غرفته مال قوووووو هع ) خالد : أعوذ بالله بسم الله أشفييج أنتي يالدفشه أشتبين بعد ؟! دانه : ههااااااااااااي أصلا انا الرقه كلها و حياتك المهم يلا قوم صلاه خالد : إن شاء الله يالدفشه اللحين بقوم دانه : إن ما وقفت و قعدت تقولي يالدفشه يا ويلك والله خالد : عيل هااااااج يالدفشه ( و يطلع لسانه حقها يقهرها ) << سالفة عناد من فير الله ههههههه دانه : و بعدين وياك يعني >< خالد : و بعدين وياي يالدفشه دانه : روح صل أبركلك خالد : بروح أصلي أبركلي يالدفشه دانه : اففففففففففف ما عليه أنا اراويك ( راحت يابت ماي بارد ثلج و خلود كان بعده منسدح عسريره ) دانه : ( صبت الماي على فيس خلوود ) ويييييييييييييييييييو يلا قوم قوم خالد : والله توبه والله انج رقيقه يا حيوااااااااانه يالدبه >< اففففففف بارد ثلج حشى دانه : ههاااااااااااي حد قالك تحط راسك براسي خالد : خلني أقوم أصلي وايد أبرك دانه : ههههههه أنا بعد بروح أصلي ( فراحوا كل واحد منهم صلى و بعد الصلاه راحت دانه ريحت شوي عقب قامت عسب السكوول فتعدلت و تلبست و خلصت و عقب وداها أبوها السكول ) دانه : (تنزل من السياره ) يلا فداعة الله أبوي أبوها : فداعة الرحمن ( دخلت دانه السكول و كانوا ربعها موجودين اللي هم غاليه و سلامه و ريم فراحت سلمت عليهم ) دانه : هلا والله بالغزلان هلا غلاوي و ريماني وسلاموه : أهليين وسهلييين و بوستيين عالخدين . دانه : ياالله بالستر والله خايفه من الإمتحان ريماني : ما عليج إن شاء الله يكون سهل سلاموه : ايي دانوه فالقاعه انتي أقرب وحده مني ما أوصييج هالله هالله فيني دانه : أفااااااااااا عليييج هههههههه ( و تغمزلها ) غلاوي : مابي مابي أنا أبعد وحده يعني محد بيساعدني منكم ما أحبكم يالجلبين >< ريماني : هههههههه جب أنتي أكثر وحده مذاكره فينا ( تصد على سلاموه ودانه ) والله لو اتجوفونها فالبيت تقولون مصريه تذاكر حشى ههههههههههه غلاوي : الله و أكبر بتحسديني ريماني : فديتها عنوني هب حاره غلاوي : الله يوفقنا يارب ( صوب الإداره ) ( يرجى من جميع الطالبات التوجه إلى قاعات الإمتحان يرجى من جميع الطالبات التوجه إلى قاعات الإمتحان ) دانه : يمييييييييييييه والله زيغه اللحين بنبدا >< ريماني : أنتي بس أدعي إنه يكوون سهل دانه : يالله يكون سهل والله خايفه ريماني و غلاوي و سلاموه : الله يسمع منج دانه : ^^ ( دخلوا القاعه و وزعوا اوراق الإمتحان ) دانه : بسم الله يلا خلني أبدا ( على نص الإمتحان ترا سلاموه قاعده ورا دانوه ) سلامووه : حبيبي دانووه الصفحه الثالثه السؤال الرابع بليييز دانه : ( نقلتها الإجابه ) بتوهقينا أنتي ( و بعد فتره على نهاية الإمتحان ) سلاموه : اييي يالدفشه قبل لا تسلمين الورقه الله يخليج الصفحه الأخيره السؤال الأخير بليييز دانووه دانه : ( نقلتها الإجابه و قامت سلمت الورقه ) و عقب ما ظهروا كل البنات من القاعه دانه : والله الإمتحان ما كان فيه أسهل منه غلاوي و ريماني : هيه والله سلاموه : ( مستغربه يحليلها ) دانووه السؤال الأخير نقلتيني الإجابه بس إجابتج ما كانت تخص السؤال دانه : هههههههه أي نووو محد قالج تقوليلي يالدفشه هع سلاموه : شيت والله قلتها زلت لسااان دانه : لي فاتك الفووت ما ينفع الصوت غلاوي و ريماني : هههههههههه صدق حركة نذاله زين سويتي فيها لوووووول ( عاده هني ردوا يهاال هع ولا جنه بيتخرجوون من الثانويه العامه ) سلاموه : >< يالدببه أنا أراويكم .( رفعت سلاموه كندورتها و تركض وراهم هههههه ) دانه و غلاوري وريماني : ( رفعوا كناديرهم و قاموا يتراكضون ) يالدبه سلامووه أنتي مال أول ما يراكضون اللحين .. عقب شوي بتجوفين البنات يضحكوون علينا . سلاموه : ههههههه والله كشخه مال أول .. أنتوا أشعليكم من البنات عيشوا حياتكم ههااااااي دانه : بس بس خلاص الله يبحصكم في بنات غيرنا يمتحنون هههه اللحين بتينا الوكيله محتشره بس يا بوي ما فينا ههههه شو هو الا بس نحنا الأربعه عند الوكيله لووووول حشى طفاااس غلاوي : هههههه و هذا و نحنا اونه شطار جيه هع ريماني : ايي انا مستانسه ابي أظهر اليوم ابي أهايت هع دانه : هييييييه شرايكم نروح إمارتس موول سلاموه وغلاوي و ريماني : فوووووووووووووقه دانه : أوك بنخلي أخوانا الشباب يودونا و عقب كلن فحاله الشباب يتمشون بروحهم و نحنا البنات روحنا اوك سلاموه و غلاوي و ريماني : اوك تم غلاوي : أنا هلكااااانه أبا ارجع البيت طوفوا نظهر ريماني : هيه واللهيبالنا رقده قبل الطلعه هع دانه : هيه والله يلا ( ظهروا برع ) دانه : هكوا باباتي يلا أنا رايحه جاااااااااو غلاوي و ريماني : نحنا بعد هكوا باباتنا يلا بااااااااي سلاموه : و أنا بعد أبوي موجود يلا جلبوا فيسكم .. كـــــــــــــــــــــــــــــــــــــــــــــــــ ـــــت هااا شرايكم فالبارت الثاني ؟! و شو تتوقعون بيصير فالبارت الثالث ..؟! |
وييين تكمله القصه t_t |
كشخه القصه ونتريا تكملت الباااااااااااارت |
| الساعة الآن 05:51 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir