|
من شاف اصحابه نسا احبابه السلام عليكم والرحمه شحاالكم ؟؟ التعريف : عائلة ابو سيف ساكنين في العين ابو سيف (احمد) : وايد يحب عياله ومايداني الازعااج ومشغوول وايد وعمره 41 ام سيف : وايد تحب عيالها وراعية سوالف واجتماعيه وماداني يوم عيالهاا ايبوون علامات مب زين ي الامتحانات وهي اصغر عن ريلها بسنتين البجر سيف : حنطاوي ويها طويل وخشمه طويل وهادي مايداني الحشره ظاهر على ابوه و شال نص شغل ابوه و وايد يحب العزبه وعنده فتك 2006 مزود ويحب السيااير والدراجات وهالسوالف مريم : واايد تشبه اخوها سيف بس هي احلى عنه وظاهره على امها راعية سوالف وظاهره على امها راعية سوالف ومب متينه ومب ضعيفه وطوييله حمدان : ضعييف و شوي طويل ابيض و خشمه طوييل وعيون سود ووساع وشعره طويل شوي مرتفع عن كتووفه يدرس في الكليه ومغازلجي و وايد ويا ولد عمه راشد وعمره 19 ويحب بنت عمه وعنده رنج 2008 ميثة : ثانوية عامه عمرها 17 وايد تحب اخوها حمداان و وايد تشبهه بس عيونهاا عسلياات مب سود و وايد مع بنت عمها فطامي سلطان : وايد يحب الكمبيوتراات و وايد يرمس انقليزي ودوم على الكومبيوتر ولا يجووف افلاام ولا يدرس وعمره 15 (دحييح) اخر العنقود منصوور : صغيرووني وشكله وايد حلو كوبي بيست من اخته ميثة بعده مادش المدرسة عمره 3 سنين عايلة ابو عيسى ساكنين في العين ابو عيسى (علي) : يشتغل اعمال حره وهو اكبر عن اخوه ابو سيف بـ 3 سنين و وايد يحب عياله ام عيسى : وايد تحب عيالها و كل ماتسير تتشرى لعيالها دوم مع ام سيف وهن خواات من دبي ويستون عيال عم ريالهم عيسى : وايد يحب العزبه وهمه كله سيارات ودراجات وعنده فتك 2005 ومزودنه هو و عيال عمه وربعهم مسوين قروب مال سياايير وكلهم في هاذا القرووب عمره 23 وخاطب بنت عمه مريم شمسة : عمرها 21 خريييش تحب تطفر اخوانها وهي دوم ويا بنت عمها مريم وتدرس وياها نفس الجامعه وعندها ليسن بس ماعندها سيارة راشد : شوي اسمر شعره طوييل وعيونه كبار ودومه مبتسم وراعي سوالف و وايد ويا ولد عمه وعمره 19 ويدرس معاه في الكليه وعنده بورش ومغازلجي ظاهر على ولد عمه فطامي : عمرها 17 مع بنت عمهاا و تحب ولد عمها حمدان وعيونها حلوه وبنيه و شعرها مب وايد طويل لين نهاية ظهرها و وايد تحب تظهر من البيت عايلة ابو سالم من ابوظبي ابو سالم (خليفة) : يشتغل مع اخوه ابو عيسى وعمره 40 ومب مثل اخوانه مايحبون الازعاج هو عادي بالعكس وراعي سوالف ويحب اليهاال ام سالم: هي وايد مع خواتهاا الثنتين وهي عمرها 35 وعكسهن هادية مب وايد اتسولف و تحب عيالها سالم : عمره 21 وايد مع عيال عمه ومثلهم دوم وياهم في العزبه ومثلهم يحب السيارات وهالسوالف وهو وايد حلوو ويحب بنت عمه مييثة بس مايقول وهو حشيم شيخه : عمرها 19 تدرس في جامعة زايد واكثر اوقاتها على الكمبيوتر منصور : عمره 18 المغازلجي العوود ودومه هايت في الشوارع ويحب بنتعمه ميثه بس هي امره ما اداني ولا تسويله سالفه |
و عليكم السلام و الرحمه بخير الحمدالله كبدايه للشخصيااات شكلها القصه بتكون حلووه تسلم يالمزروووعي ..سؤال :انت كاتب القصه ؟؟ بنتظااار التكمله و نبا البارت الياااي طوووويل .. |
احم .. احم .. كبدايه للقصة والشخصياات شكلها القصة حلوة دام انه الكاتب "المزروعي" هع هع ^.^ ويلا نتريآآآ البارت الاول نبييييه طوييييييييييييييييل وطوله 190 cmهع هع |
البارت (1) ميثة في غرفتهاا وادق لبنت عمها ماترد عليها : اوووف شفيها هاي ماترد وظهرت من الغرفه اونه ملاانه وروحت عند اخوها سلطان ميثة ادق الباب سلطان : هلا ميثة ميثة وهي داشه : عنبوه كيف تعرفني سلطان : عالم الغيب ميثة فلعته بالمخده : استغفر الله شو انته الله سلطان : اي يعور عاد مايبتيه الا على عيني ميثة : عاد ولا ثموود هههههههه سلطان : اونج تنكتين ميثة : لا اجرب هع هع هع سلطان : شو المطلووب اضحك ههههه ارتحتي ميثة : شو بترقدني عشان ارتاح سلطاان : صدق سخييفه ميثة : مرتك السخييفه سلطان : في عيينج ميثة : تشوف مرتك في عيني سلطان : والله دمج ثقييل ميثة تقطعه : كم وزنه هع هع سلطاان : اقوول انا قلت بتسويلي شي ثرج الا يايه تستهبلين يلا جلبي ويهج ميثة : على اي صفحه سلطان : الاخيره الي فيها غرفتج ميثة : تم بحمد الله وظهرت روحت عند اخوها حمداان حمداان : هلا والله توها الا نورت الغرفه ميثة : تسلم حياتوو هاذا الكلام مب اخوك سلطان حمداان : افا عليج الحين بظربه وبخليه يعتذر لج هع هع على امرج يالشيخه ميثة : لا خلاص خله \\ حمدااني ملاانه حمداان : شسويلج انزين ميثة : حوطني حمداان : وين انسير ؟؟ ميثة : المول ولا اي مكان اتونس به حمداان : اوك بس سيري ازقري مريم توها يتني وقلت لها سيري مب متفيج ميثه : اوك وروحت تربع عند مريم مريم : قربي ميثة : اتزهبي حمداان بيحوطنا مريم : هيه يوم انتي تقولين بيطيع ولا انا لا \\ اوك يايه ميثة : اكيييد انا حبيبته هع هع مريم : اوك يلا سيري اتلبسي ميثة : اوك وروحت تتلبس ومريم بالمثل وهن راكبات السيارة مريم : حشى مب سيارة صندقة هع ميثة : ايه هب على سيارة حمداان حمداان : ماتبين تسيرين انزلي ميثة : اوك لف يمين نزلهاا تسوي لنا نفس مريم : خطف خطف المستشفى بسرعه ميثة بتموت ماعندها نفس الكل : ههههههههههه ميثة اونها تكمل : يلا بسرعة بموت هع حمداان : انزين ويت تبونا انسير ميثة : المريخ مريم : بس دخيلك خلنا على طرف الكوكب يقولون برد حمداان : انا امسكن صدق ماتبن تسيرن بخطفكن البيت مريم : لا لا اوك روح الجيمي مول حمداان : بس بشرط ميثة : امر حمداان : تعزموني على ستاربكس مريم : اووه نسيت فلوسي حمداان : قود تراي ماتبين بخطفج البيت ميثة : افاا عليك يفدنك الفلووس حمداان : هالكلام الحلو مب انتي مريم : اونه كلام حو انا بسكت بحلي الجو الرومانسي عليكم هع حمداان : يلا انزلن وهم نازلين نزلن البنات قبل وقعد شوي حمدان ولحقهن وللاسف هناك شلة شباب استقبلوهم بالمغازل 1 منهم : توه الا نور المول كنت بظهر لانه كان ظلام بس يوم يا القمر نور وبتم الثاني : شوف هاي ام عيون عسلياات محلاها وهن مطنشاات وتغشن واحد منهم كتب الرقم وحطه على شنطة ميثة ميثة حرجت : لو سمحت هاي ورقة طاحت منك وفرتها على ويها وتمو الكل يضحكووون عليه وحمداان كان يراقب الموقف كان بيسير يضارب بس قال بطالعهن شو بيسون يوم حد يغازلهن ونجحن في التجربه هع وسار لهم حمداان : اشكر فنكن على الي سويتنه مريم وميثة بطلن حلوجهن ومستغربات : شووو ؟؟ حمداان : شفيكن امبطلاات حلوجكن المهم يلا انسير استاربكس مريم : يعني مانتحووط بس تبى تمزر الكرشة حمداان: لا بنيلس هناك وعقب بنتحوط مريم وميثة : اوك وسارن هناك وقعدوو على الطاوله وطلبو وروحو يتحوطون شويه ورجعوو وهالشله نفسها وهم ظاهرين تلاقت وياهم على الباب بس ماسوو شي وهم يبوون يركبون السيارة ميثة قبل ماتركب طاح الكعب من ريلها وهي تبى تنزل يى هو الي نفسه الي عق الورقة ربع وشل النعال ودق على الدريشة يبى يعطيها ميثة متقفطة : ياويييلي ياوييليي شو بسوي حمدان انزل ادب هالكلب والريال طفر سار دق على دريشة حمدان حمدان فج الباب والريال كان واقف جدامه طاح الريال على الشارع ونزل حمدان وهو معصب كــــــــــــت عيبتكم القصة ولا لا ؟؟؟ شو تتوقعون يستوي امبين حمدان والريال ؟؟ شو بيسوي حمداان لميثة ؟؟ |
القصه حلوه ونايس يلا نتريا التكمله << بس لا تبطي علينا ><" تسلم اخوي :) |
اقتباس:
بس انا الي كملتهاا عقب يعني الي الحين بحطه كتابة ربيعي والي بي عقب كمن بارت بيكون كتابتي اووه بتذلني نفس ما اذلكم هع |
اقتباس:
عن التقليد هع هع هع هع اسولف اسوولف وتسلميين على المرور |
عيبتكم القصة ولا لا ؟؟؟ هييييه عيبتني البدااايه شو تتوقعون يستوي امبين حمدان والريال ؟؟ اممممم ضرب و كف و طاااخ و طوووخ هههه و جي يعني شو بيسوي حمداان لميثة ؟؟ امممم يمكن يعصب عليهاااا تسلم عالبااااارت الناااااايس بنتظااار التكمله .. |
اقتباس:
توني حااط التكمله بكملهاا ورا باجر هاي الايام الي بكمل فيهن : الاحد , الثلاثا , مرات الاربعا ومرات في الاجازة |
اقتباس:
تسلمين على المرور وتسلميين على الاجوبة |
عيبتكم القصة ولا لا ؟؟؟ اكييد عيبتناا^.^ شو تتوقعون يستوي امبين حمدان والريال ؟؟ امم.. اظني الا بيظربه ههه شو بيسوي حمداان لميثة ؟؟ امم .. مااعتقد يسويلها شي .. لنها حبيبته هع^^ يلا نترياآآ البارت ونبيييه اطووول هع^^ |
اقتباس:
ما شاء الله << حاط لك جدول هع خلاص نتريا التكمله ^^ |
اقتباس:
اوك اترياكم باجر تحطون بارت طويل واذا حطيتوه باجر طوييل بدمج بارتين هع هع |
اقتباس:
ترا هالايام الي بفضا فيهن ماعندي وقت غيرهن وتسلميين على المرور |
اقتباس:
هههههه .. تحدي هو ولا شوو^.^ خلاص باجر بنتريااك^.^ |
هيييه هع هع مش بااجر .. باجر ما اقدر عليه درااسه يوم الثلاثا عليه امتحان بنزله يوم الثلاثاء والسمووحة |
ههههههه.. انا بعد يوم الثلاثاء عندي امتحاان هع ماعلييه بنتريااك هع^^ |
دام انك كتبت القصه اكيد حلوه مثلك.. لي عوده يالمزروعي وبرد ع اسألتك.. تقبل مروري .. عزه .. |
تسلمووون على الردوود |
تسلم ايدك عالقصة الحلوة... نتريا التكملة... |
الصراحه غاوي القصه بس مانبا لا كت ولاكوبي كمل وتراني ابا أسأله ع كل بارت وابا درجات بعد ههه ________________ الحل :- * اضني بينقع البوكس من بينهم.. * ميثا بتم زايغه طبعا تقبل مروري .. عزه .. |
تسلووون على الردوود الحلوه |
القصه روووووووووووووعه ونتريا التكمله |
بنتظااار التكمله.. |
نتريـــــآآآآآ التكملــــــــــــــــــه.. |
تسلم عالقصة الحلوة ونتريا التكملة لا تبطي ولا ماشي باارت من صوبنا خخ :) |
تسلموووون على الردوود اوك الحين بحط البااارت |
هاذا بارت طوييل البـاارت (2) والريال طفر سار دق على دريشة حمدان حمدان فج الباب والريال كان واقف جدامه طاح الريال على الشارع ونزل حمدان وهو معصب ومسكة من رقبته وقاله : شفيك انته شو سالفتك شي جايسنك ؟ الريال : لا السموحة اخويه بس نعال البنت طاح وعطاه النعال وشرد هع حمدان شل النعال ضحك عليه ودش السيارة حشى هب نعاال مسوتلنا قصة سيندرلا هع هع الكل : هههههههه وهم في الطريج دقت ام سيف لـ حمدان حمدان : هلا والله بالغاليه والبناات تحرو حمدان يغازل جدامهن وهو عايبنه وتم يغايضهن الام : هلا ابويه وين انته ؟؟ حمداان : والله يالغاليه رادين من الموول الام : هييه منوه وياك ؟ حمداان : معايه بناتج مريووم و ميثاني وضحكن البنااات يتحرنه يغازل هع الام : عنلاتهن شعنه مايستأذنن اتحراهن فوق حمداان فر التيلفون على ميثة ميثة زخته مستغربه : هلا امايه الام : هااه مسوداات الويه اشعنه ماتستأذنن يوم انكن بتسيرن ولا شووري مايهمكن مييثة : اماية سووري بس حمدان قال لنا قومن انسير ونحن ماسرنا ويا غرييب الا حمدان الام : المهم ثاني مرة تقولون لي وين اتسيرن فاهمات ميثة : انشالله اماية وبندت الام وميثة كانت معصبه على حمدان : اووف منك ليش تفر التليفون جان رمست حمدان : هههه والله مشكلتكن ليش ما استأذنتن مريم : لا والله يعني تبى تمزر الكرشة وبعدين تعق السبه علينا ميثة : هيه والله حمدان : شو هاي ترمس وانتي توقعين هع هع \\ انزين خيبه كلتني انا ابا اونسكن وجي تسون ميثة : المــهم خلاص فكوونا من السآلفـه \\ حمدان دان دان حمدان : خيييير ميثة : خيبه ليش معصب ؟؟ حمدان اونه زعلان : تراكن تنازعني وتردن السبه عليه ونزلهن البيت وروح الساعة 5:00 العصر وفي بيت ابو عيسى فطاامي : شماس دقتلي ميثة ومارديت عليها شمسة : انزين شسويلج فطامي طنشت ودقت لـ ميثة ميثة : الو فطامي: هاااااااي ميمي ميثة : هاياات fatmama فطامي : هع اونه fat mama ما با دوريلي نك ثاني عن ها ميثه: المهم شحالج والله تولهت علييج فطامي : تولهت عليج العاافيه \\ بخير حياتي ومن جداااج ميثة : مم! أوكيك فطاامي : لييش اوكيك ميثة : ههههههههه حبيبج زعلان فطاامي : جب يلا اكيد استوا شي يضحك ميثة : اتخيلي ونحن رادين من المول وخبرتها السالفه فطاامي : ههههههههههههههههههه لا بعد حمدان اونه سيندرلا هع هع ميثة : هييه بس اونه مسوي عمره زعلاان فطامي : اووووف لازم اتخلين حمدان الاتنشن ميثة : المــهـم قوولي تم فطاامي : اوك اوك بييج بس بدور حد من اخواني يوصلني ميثة : ههههههه ماشالله فاهمتني \\ ماتبين حمدان اييبج هع فطاامي : جب جب خايسه وحده ميثة : اوك يلا باي ويتنق فور يو فطاامي : اوك مع السلامه وسارت فطاامي اتلبست وروحت عند اخوها راشد فطاامي : رشوودي قول تم راشد : انتي من وين طلعتي ماتعرفين ادقين الباب \\ ليش عشان شو ؟؟ فطاامي : انته قول تم اول راشد : تم فطاامي : وصلني بيت قوم ميثة راشد فرح انه لقى فرصة يشوف ميثة : اوك من عيووني ماطلبتي فطاامي : يلا اتريااك تحت ونزلت راشد سار يتلبس ونزل تحت والي كانو في الصالة شمسة وام عيسى وحدر عليهم راشد راشد : السلام عليكم الكل : علييكم السلاام راشد : اماية وين عيسى من الاثنين ماشفته ؟ الام : سار البداير والحين في الطريج راد وتمو يسولفون وحدر عليهم عيسى عيسى : السلام عليكم الكل : علييكم السلام سار عيسى سلم عليهم وقعد عيسى : هااه شحاالكم ؟ الام : بخير ومن جدااك الغالي عيسى : بخير ونعمة الام : ها شخبارها العزبه الي في البداير عيسى : والله زينه الام : ياحييك عيسى : ولا وين ابويه و فطاامي شمسة : ابويه سار عند الشغل وفطامي فوق الحين بتنزل عيسى : هييه ياحييكم والله وتوها تفيجت العروس تنزل ( فطاامي ) راشد : ليش مارقدتي فوق عنبوه ساعتين اتريااج فطاامي : كنت ارمس ويا ربيعااتي راشد : مب ربع هالكثر ترمسينهم كنت بنسا اني بوديج فطامي توها منتبها انه عيسى موجود فطاامي : شحاالك عيسى ؟ عيسى : تماام وانتي ؟ فطامي : طماامووز عيسى : ههههه شو طلبتي مووز لا اسمحيلي ماعدنا موز هع فطاامي : هههههه اونك تنكت \\ راشد يلا قم انروح بيت عمي ابو سيف ونش راشد ونشت فطاامي وركبو السيارة وسارو وفي بوظبي دار الظبي عند عايلة ابو سالم ام سالم و ابو سالم وسالم توه حادر عليهم سالم : السلام عليكم الكل : عليكم السلام سالم سار سلم على ابوه : شحالك ابويه ؟ ابو سالم : بخير ومن صوبك سالم : الحمدالله بخير ونعمه وسلم على امه : شحالج الغاليه ؟ ام سالم : الحمدالله ومن جدااك يالغالي ؟ سالم : بخير ونعمه وقعد سالم سالم : ولا وين شوااخ و منصوور ؟ ام سالم : شواخ اكييد على الكمبيوتر و منصور دومة هايت سالم : هييه ياحيكم والله ام سالم تزقر الخدامه الخدامة : يس مااما ام سالم : سيري ازقري شيخوو بسها من الكمبيوتر عيونها بتروح ابو سالم : هاه سالم شو سويتو في العزبه ام سالم مستغربه : أي عزبة ؟ سالم : عزبه انا وعيال عمي وربعنا مشتركين فيهاا ام سالم : هييه ياحيكم والله وتوه منصوور حادر عليهم منصوور : السلاام علييكم الكل : علييكم السلام ام سالم : مابغيت تيي يا بويه من متااك تحوط دومك ليل ونهاار منصوور : والله كنت عند الشباب ام سالم : هييه ياحيك منصوور : اماية باجر الخميس شرايج نروح العين ( هو قصده يبى يجووف ميثة لانه منزماان ماسارو لهم العين ) وهنه كانت شوااخ توها يايه شوااخ : هييه اماية منزماان ماسرناا ام سالم : انشالله بنروح باجر بتروح سالم ويانا ولا سالم : لا اماية مشغوول شوي ام سالم : عراحتك الغالي شواخ : اماية ملاانه ام سالم : وين تبين اتسيرين شواخ : السوق ولا المول ام سالم : مافيه اسير اجليها ليوم ثاني وعند بيت قوم ابو سيف الكل في الصالة ام سيف : مريم شلي منصوور لعوزني شلته مريم وتم يصيح مريم : حبيبي شو فيك مصنور وهو يضرب مريم على ايدها : ابا ماماتي اهىء اهىء عقب رن تليفون ميثة وروحت برا وتمت ترمس شوااخ ميثة كانت قاعده على الكراسي جداام البيت شوااخ : ميثة بنيي باجر العين ميثة : قولي والله شواخ : والله ميثة : الله بيكوون ونااسة وهنه حدرت سيارة بورش بيضا ميثة عرفت انه رااشد استحت ميثة : شوااخ برمسج عقب شوااخ : اوكي بااي بااي ميثة : سي ياا وبندت اول شي نزلت فطامي ميثة : هلا والله هلاا توه الا نور البيت راشد : احم احم منور بأهله ميثة : انته ليش راز فيسك ارمس فطاامي رااشد : افا انا الرزة يلا قومي فطامي انسير ميثة : لا لا خلاص اسفه هع وسارت سلمت على فطاامي وتمت اتسولف وياها ودشن البيت فطامي وميثة : السللام عليكم الكل : علييكم السلاام وروحت سلمت عليهم وقعدت وياهم ام سيف : منو وياج ياي ؟ فطاامي : راشد ام سيف : هييه عيل وينه فطامي : برا يرمس في التليفون وعقب دش حمداان عليهم حمداان : السلاام عليكم الكل : علييك السلام حمداان كان مستانس يوم جاف فطاامي : اووه عدنا ضيوف فطاامي استحت : شحالك حمدان ؟ حمدان : بخير ومن صووبج فطاامي : تماااام حمداان كان بيسير غرفته بس يوم شاف فطاامي قرر يقعد ام سيف : هااه اشعنه مب قااعد ويا راشد مخلنه برووحه حمداان : ليش وين راشد ؟ سيف : برا قاعد يلا قم بنسير له حمداان : يلا وروحو هم الاثنين عنده وسلمو وروحن فطاامي وميثة فوق وكاانت فطاامي قاعده على الابتوت وميثة سارت الحمام وعند الشباب قاعدين في الخيمه برا حمداان : اقوول انا بروح البيت شوي وبرجع وروح حمداان كان يبى شي من ميثة كان البااب مبطل ونسا يدق الباب وشاف فطامي تحراها ميثة كـــــــــــــــــــــــــــــت شو تتوقعون يسوي لفطامي ؟؟ شو بيكوون موقف حمداان اذا عرف انها فطاامي ؟؟ في الباارت الياي بيكونون ويانا عايلة يديده شو تتوقعون يكونون هالعايله ومن وين وشو يقربولهم ؟؟ |
يمكن يزيغها او يمطها.. ويه بيقفط بيستوي رقم5.. اضني خوالهم وخالاتهن تسلم المزروعي ع البارت بس هب طويل |
تسلم أخويه ع البارت ونتريا البارتات اليايه يسلمووووووووووو |
تسلم أخويه ع البارت ونتريا البارتات اليايه يسلمووووووووووو |
يسلموااااااااا عالبااارت :) |
تسلمووون على الردوود الحلوه عزووني تسلميين على التوقعاات والبااقي وين توقعااتكم |
لــــــي عوده ان شاء الله لاني اقرا قصه اخاف اخربط بين احداث القصص :) |
شو تتوقعون يسوي لفطامي ؟؟ يمكن يزيغها او يمسكها شو بيكوون موقف حمداان اذا عرف انها فطاامي ؟؟ بينصدم وبيستانس هع في الباارت الياي بيكونون ويانا عايلة يديده شو تتوقعون يكونون هالعايله ومن وين وشو يقربولهم ؟؟ يمكن خوالهم وعيال خالتهم وخوالهم يسلموو ع البارت.. ونتريا التكملة.. |
تسلميين ختيه على الرد وعلى التوقعات |
ُعيبتني قصتكـ :) ثـــانكس عـ البارت ؛؛ ونتريا التكملهـ ؛؛ |
تسلميييين ختيه على المرور الطيب |
القصه رووووووووعه ونتريا الباارت الياااي ^_* |
وجان ارد واقرا البارت شو بيصير << بتصير اكشنات ومستحى والخ .. يسلمو عالبارت خيوو ونتريا بارت يديد ^^ |
| الساعة الآن 07:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir