|
مآ هقيت آنه القلب بينبض بعد وفاة الغالي .. * سلام عليكم .. شحالكم !! ماكنت حاطه ف بالي اني انزل روايه .. بس لاني هالايام فاضيه ف قلت بنزل روايه يديده فهالمنتدى هاذي مش روايتي الاولى .. راويتي الاولى مش فهالمنتدى و بهاللقب .. .. الروايه بعض المواقف فيها حقيقيه .. و البعض من خيالي .. الروايه هاي غير عن كل الروايات .. انا حسيتها جي هع .. ماعرف يمكن لاني ماقريت روايه ثانيه تحممل نفس المواقف و الاحداث :169: اتقبل انتقاداتكم :169: و اذا ماعيبتكم الروايه عادي .. قولو اللي بخاطركم مايردكم الا لسانكم :36: بس اتمنى يعني الروايه تعيبكم :blushing: و اببا حماس و جي :10: و بما اني قررت انزل الروايه مابا اندمم ><" بقلة الردود .. :45: مابنزل بارت .. بس كتبت نبذه عن الروايه :kk_ed: وو .. طبعا الروايه ممش جاهززه .. يعني كل يوم اكتبلي بارتت و اذذا حسيتو البدايه حلوه شجعوني عشان اكتب باقي البارتات :03: برب .. |
ياسه من الصبح اوقع الاوراق , حسيت اني متكسره كل شوي اتي نسرين و اتيبهن .. خل اتصل بها و اقولها لا اتيب مافيه هلكت انا : هلا نسرين , فديتج لاتيبين اي ملف مافيه اوقع خليهن لين باجر .. نسرين : طيب ماراح جيبهم , بس الاستاز فهد ئال لازم تخلصييهم اليوم انا : ويييه كل الاوراق اللي وقعتها مش مهممه , خلاص طرشيهن , كم ملف باقي ؟ نسرين : 6 ملفات سست مريم .. فخاطريه : قفعه .. قلعه تلقعهم و انا فايقه اوقع كل هاذيل انا : خلاص طرشي الملفات مره وحده مب كل دقيقه اتين و اتيبين ملف واحد .. سكرت عنها و انا احسس بتتعب .. اوف متى بخلص و افتك .. ماكمملت دقايق و يابت الملفات شليتهن عنها و قفلت الباب .. عشان افصخ الشيله , بس قبل لا اعقها سكرت الكاميرا .. طبعا ف كل مكتتتب لازم كاميرا للحيطه و الحذر .. خلصت شغليه ع الساعه 6 .. و بما انه يأذن المغرب ساعه 7 و شي خذت لي غفوه عقبها بشوي فجيت عيني .. شفت الساعه بعدها 8 الا ربع .. تنهدت و نشيت .. سررت اصصلي طلعت برع مكتبيه و شفت انه محححد فالشررركه .. و هدوء .. توجهت لمكتب فهد فتحت الباب ماحصلت حد .. المهم دشيت و يلست ع كرسيه اترياه ايي.. وتميت اتعبث بالفون لين ما انفتح الباب .. انا : هااا خلصت شغلك فهد : انتي كيف داشه جي .. اذا حد شافج وقفت : شو يعني حتى حرام اقعد اهنا .. و بعدين مافي حد فالشركه الكل سسار فهد : حتى لو , ماتعرفين يمكن حد يراقب .. انا : بالذممه منو بيراقب ماعندهم سالفه شو .. و انا تأكدت مليون بالميه انه مافي حد فالشركه فهد : انتي ليش جي مستهتررره انا : مب مستهتره بس لاعت جبدي لين متى بنخش عن الناس .. دمعت عيوني : لو كان ابويه ححي ماكان بيرضى باللي قاعد يستوي .. ! فهد تقرب صوبي : ادرري والله ادري .. بس نحن نسوي كل ها عشان ابويه , مابنتم ع هاي الحاله .. بيي يوم و نكشف نحن منو .. تحمملي يختتيه .. تنهدت : آآآخ بسس متتتى !!! فهد ابتسم : الصبر مفتاح الفرج انا : بتحمممل .. مع انه هالشي ماباه بس بتحمممل .. و انا شو مصبرنني غير تواجدك وياي تقرب صوبي و حضنني : ان شاء الله جريب الكل بيلقى جزاتته و ان شاء الله جريب الكل بيعرف انج اختي و بيعرفون منو ابوننا .. بعدني عن حضنه : يلا احين بحوططج وين ماتبين بعدين بعشيييج ف احححلى مطعممم .. ابتسمت : اببا من بحر الامارات .. بس اتريا بسير اييب اغراضي من المكتب سررت ركيض عشان ما ااتأخر عليه ... فالسياره محد فيننا تكلم .. انا افكر بحالنا لين متى بنتم جي .. شفت اخوي منتبه ع الطريج .. وايد تعب و تعذب عشاني .. و انا لازم اتحمل .. و لازم اوقف وياه لو شو مايستوي .. بهالافكار تذكررت موقف خلاني ابتسم .. ... انا : يالله متى بفتتك من الدراسه لاعت جبدي مهره : آخر سنننننه ماصدق انه هالاسبوع آخر اسبوع بعدين امتحانات .. انا : هيه والله منو يصددق كل هالسنين و نحن نكررف 12 سننه و نحن صامدين ههه مهره : اقولج مريومه مافكرتي اي جامعه ادشين ؟ انا : مابدش جامعه .. و انا مابفتك من المدرسه عسبت ابلش عمريه بالدراسه مره ثانيه . بدش التقنيه و بدرس بزنس .. مهره : علمممممي !! و ذالتنا بالعلمي و آخر شي بزنس ابتسمت : ماتعرفين شي انتي انطبببي !! مهره : انا اصلا اعرف شي !! انا : هه صككي السالفه .. خلينا ندش الصف دق الجرس .. ... آآآه والله لج وحشه يا مهره .. ياليتج وياي اححين .. بسس كيف بشوفج من عقب وفاة ابوييهه !! قطع افكاري صوت فهد : يلا وصلنا شفت المكان و انا ابتسسم .. ابتسمت له : فديتتت فهود والله .. فهد : ههه اعرفج تحبين هالمكان .. و شفتج جي تعبانه عشان جي يبتج ع طول نزلت .. القلعه الحمرا .. احب هالمكان لانه هادي .. هو نفس الشاليهات . بس المكان احلى مفتوح و مجابل البحر .. مع اني ماحب اسير البحر وايد بس هالمكان وايد احبه .. لانه يذكرني ف ابويه الله يرحممه .. كان دوم اييبنا اهنا فالويكند .. اميه توفت و انا عمريه 5 سنين ف ما اذكر شكلها وايد .. بس يقولون اني آخذ منها وايد .. دوم اشوف عمريه فالمنظره و اتخيل اممي .. قلت حق فهود يحجزلنا فله كاممله عشان ناخذ راحتنا .. و الفله فيها 4 غرف .. غرفتين فوق و غرفتين تحت .. طبعا قلت حق فهود انا ابا فوق .. و خليت فهود يكون تحت .. كل اغراضه تحت بس يوم يرقد ايي الغرفه اللي فوق .. يخاف عليه وايد هه . فديته والله هاذي كانت نبذه عن الروايه .. وو ابا ردود عشان انزل البارت الاول .. بليزز لا تحبطوني هههههه !! |
الرواية واووو فديتج عيبتني شخصية مريوم وش السر الي من بين فهد ومريوم ويتعلق بابوهم مهره:لاتعليق فهد:حسيته شخص حنون وبس الرواية ماعطتي وااايد فيها فما اعرف شواعلق بزياده نزلي البارت الثاني عشان نعرف الاحداث وش السسالف |
بداية موفقة إختي .، واتمتى منج البارت الثاني عسسب نعرف اكثر عن الشخصيات ،. ويعطييج االعافيه ..، |
البداآآيهه حلوههه و مآآ عليهاآآا كلآآم و فانظارج |
دانةة + الريم + محد شراتي يسلمو حبيباتي ع الررد الجمميل .. و ترقبو البارت الاول ^^ |
البارت الاول نشيت الساعه 6 الصببح سررت اصلي و خذت لي شاور ع السريع عشان ما أتأخر ع الدوام .. لبست خوار و عباه مفتوحه .. عدلت ويهي شوي هه عشان مايتروعون يوم يشوفوني جي و طلعت من الغرفه .. توجهت للغرفه اللي راقد فيها فهود .. دقيت الباب بس محد فتح , ماحبيت افتح الباب فنزلت تحت و طلعت برع الفله .. تميت اتمشى شوي .. الجو ماكان حلو اببد .. رطووبه و هوا حار .. كنت متووجهة صوب المطعمم ابا اترييق .. مب من عادتي اتريق بس حسيت ابا آكل شي .. ريوقهم مايتفوت ههه .. و بما انه المسافه طويله تميت افككر بأمسس ....... .. بعد ماحجززنا الفله .. سرنا انا و اخويه فهود الفندق عشان انيب اغراضننا .. طبعا نحن مانسسكن ف بيت عربي نفس كل الناس .. نسكن ف فندق عشان مححد يعرفننا .. فهود اشترا هالفندق بمساعدة ربيعه المهم دشينا و رحب فيننا محمدد مثل كل مرره .. محمد الوحيد اللي يعرف عننا .. و نثق فيه محمد : لك اهلا و سهلا .. فهد : اهلين .. و سار صوبه بس انا مالحقتته .. كان يقوله شي بس انا ماهتميت وايد انا : فهود انا بسير فوق عشان احط اغراضي فهد : انزين محمد مخليننه المسؤول عن الفندق .. غرفتيه و غرفت فهود حذال بعض .. دشيت غرفتيه و حطيت الاغراض اللي اباهم .. و طلعت ع طول .. شفت فهود توه طالع من الغرفه .. مع اني داشه قبله بس هو خلص ويايه ههه مهما يكون هو ولد و انا بنت .. و نحن نازلين من الاصنصير شفنا واحد توه داش الفندق .. فهود اول ماشافه ع طول سحبنني وراه انا : هذذا كيف عررف .. ليش ياي اهنننا !! فهود : مريوم انتي سيري المخرج اللي ورا و عطول ركبي السياره .. و لا تصدين اببد .. قبل لا اسير عطاني سويج السياره و خلاني اتغشى .. فالفندق 3 مخارج .. المخرج الاساسي و شي مخرج حذال مطعم و المخرج الاخير يكون وررا الاصنصير .. سرت المخرج اللي ورا الاصنصير .. طلعت و انا احس انه حد يراقبني .. ماعرف منو بس ماصديت .. فتحت السياره و ركببت بس ماشغلتها , نزلتت السييت و تميت اتريا فهود .. تميت ادعي انه مايعرف شي و انه محد كان يراقبني .. ابوي تزوج هندييه .. عشان جي اهله تبرو منه .. عاش روحه طول هالسنين و عاننا لين ماسووا هاي الشرككه .. و يابني انا وفهود ... طبعا محد من اهل ابويه يعرف انه ابويه عنده عيال .. ماخبر حد لانه يعرف انه نحن بننضر .. و نفس ماقلت امي توفت يوم يابتني .. و ابويه توفا يوم كان عمري 18 سننه .. الحين انا عمريه 20 سننه .. و فهود 23 سننه .. فالعزا محد ييا من اهل ابويه .. بس ربع فهود و ربيعاتي و يوم توفى ابويه .. فهود راوانني كل صورر اهل ابويه .. وحفظنني اشكالهم و اساميهم .. و اللي دش الفندق كان واحد من عيال عممي بس ماعرف اي عمم بالضبط .. بس اعرف انه اسسمه ذياب ., شويه و فهود دش السياره و هو يتنهد فهد : ياي يحججز اهنا .. انا : شو قلتله ؟ فهد : شو بقوله يعني .. رحبت به و بس .. انا : فهود بسألك فهد : سئلي .. انا : متأكد انه ذياب مايعرف عني ؟ فهد : لا مايعرف , انا اثق فيه و قلتله اني ولد عمك .. بس ماقلتله عنج مابا حد يعرف عنج انتي بالذات انا : هو الوحيد من اهل ابويه يعرف عنك ؟ فهد ابتسم : هيه بس هو يعرف عنيي محد يعرف .. بس مححد يعرف عنج اببد انا : و متى بتخبرهم فهد : يوم بنخلص شغلنا انا : اي شغل بعد فهد : بعدين بتعرفين .. يلا سريننا .. ... طبعا خلصت ريوقي و ع الساعه 7 و نص سرت الفله و شليت اغراضي و دقيت ع فهود .. مارد ع طول تأخر .. انا : الو .. ابا سيارتتي خل محمد ايبها فهد : السياره موجود الفير محمد يابها و السويج ف غرفتيه فوق الطاوله . يلا بسكر انا مشغول .. فخاطريه : خيبه .. .. فالشركه .. ياسه ف مكتبيه اخلص المعاملات و اوافق ع طلب التوظيف .. باقيلي آخر ملف و اخلص .. كانت الساعه 5 العصر .. اتصلت حق نسرين عشان اتيبلي عصير .. ريجي ناشف ههه .. فتحت آخر ملف و تميت اجلب بالاوراق .. شفتت اسسسم انصعقت مننه .. قلبي يددق بخووف انا : ان شاء الله خخير سرت ع طول مكتب فهود . . فتحت الباب بدون مادققه .. حتى السكرتيره لحقتني عشان توقفني بس سويتلها طاف و يوم دشيت المكتب وقفت ع طول .. حسيت اني تصننمت .. بس اطالعه .. انا : السموحه استاذ فهد ماعرفت انه حد وياك .. حسيت من نظرات فهود انه كان يبا يضربني .. خفت من نظراته فهد تنهد : ماعليه اختي تفضلي تجدممت و حطيت الملف ع الطاوله و طلعت ع طول بخاطريه : ذياب شوي يايبنه اهننا .. بعدينن اسسمه فالملف !! ليكون يبا يشتغل اهننا .. !!!! نقززت من البنق اللي طرشه فهود .. فتحت الفون شفته كاتب ( انتبهي لتصرفاتج .. حتى لو شي ضروري , و ذياب بيشتغل فالشرركه ).. فهود ع شو ناوي .. شو مصلحتته فالسالفه ؟؟!! .. بعدين بعرف السالفه منه .. ! ع الساعه 6 سسرت القلعه الحمرا و شليت اغراضي من الفله و سسرت الفندق و طرشت مسسج حق فهود و قلتله انا فالفندق .. تميت احوط فالغرفه من الملل .. اتريا فهود ايي .. ياني اتصال بس مارديت لاني ماعرف الرقم .. اندق باب الغرفه و سرت عشان اشوف منو .. شفت من فتحه الباب ريال صاد ويه .. بس ها مب فهود جسسمه غير .. يوم صصد ع طوول اتساندت ع الباب وحسيت قلبي يدق بسرعه من الخوف !!! انا : هااا شو يسووي اهننننا !!!!!!!!!!!! |
مرحببا :169: ادري انه البارت قصيرر بس ها من قبل كاتبتنه ف ماحبيت ازيد عليه شي :kk_ed: ان شاء الله البارت الياي يكون اطوول :blushing: بانتظار توقعاتكم و انتقاداتكم :03: |
رد:مآ هقيت آنه القلب بينبض بعد وفاة الغالي .. * [COLOR="rgb(153, 50, 204)"]السلام عليج شحالج؟؟ علومج؟؟ روايه طررررررررررررررر يجننن والباااارت كذاا :141: طرررر الشخصيات: مريوم: حبيتها واااايد :kk_ed: حسيتها كذا ربشه ومسولفجيه وحبتين اتوقع بيستوي اكشنات بينها وبين ذياب:17::lol: فهود: عيبني شخصيته حسيته حنووون واايد:20.gif: ووااايد يحب اخته ويعاني عشانها:30: ذياب: معني م اعرفه بس محجوز حقي قتلج حبيته يخرب بيته:001_wub: فديته احس شخصيته بتكون حلووه:426: وسموحه [/COLOR] [COLOR="rgb(153, 50, 204)"]ملاحضه( الروايه روايتج ولا )[/COLOR] |
اقتباس:
عليج السلام و الرحمه بخير يسرج حالي .. روايتي :169: سلمتي ع المرور .. :blushing: |
الرواية طر متى التكملة |
السلام علييج؟؟؟شخباارج؟؟؟علوومج؟؟؟ رواايتج واآآآيد حلوهه فههد<<<طييب و حنوون حرييص جااد و شوي عصبيي مرييم<<<مسكيينهه واآآيد حبييتهاآآآ**خواافههه خخخخ و بسس تقبليي مرووري:m7d shratii+وو فانتظارج |
البارت فليل ان شاء الله |
اقتباس:
|
البارت الثاني تميت احووط فالغرفه من الخوف .. مافتحتله الباب , اتصل ب فهود مايرد عليه و كل ما ارد صوب الباب اشوفه بعده واقف .. انا : ياررربببيه شو بسوي , ذياب شوي ايبنه اهننا !! دق الباب مره ثانيه انا : اوووووف .. وينك فهود الله يغربل ابليسسسسك لبست عباتي و شيلتتي و تغشيت بها .. سرت صوب الباب و انا ادعععي فتحت الباب بس ماطلعت ويهي .. اناا : تفضل اخويه بغيت شي !؟ ذياب تحمحم : هذي مش غرفه فهد انا : لا اخويه غلطان هذي مش غرفته ذياب تلبك : آآه اوك .. السموحه منج عطا ظهره للباب و مشى .. بس قبل لا يبتعد عن الباب .. استتتوى شي مابغيتته يستوي .. قبل لا اسكر الباب وايجت عليه و بغيت اشوفه اذا سسار و لا .. بس تجدممت خطوه و كنت دايسه ع العباه و انا مادري .. ططححت و فوني طاح ع الارض و طلع صوت .. و الغشوه طااححت ... ذياب ع طول صد .. تم يطالعنني .. انا صدييت ويهي عشان مايشوفني فخاطريه : يالله يارررب ماشاااف شكلي .. ذياب نزل ع الارض و ممسسك فووني .. و بهاي اللحظه فهود دق عليه !! و انا من الززيغه نشيت و شليت عنه الفون .. و تمم يطالعنني ماعرفت شو اسسوي .. غير انني اعطيه ظهري و اتم واقفه .. انا من الصدممه اللي فيني حتى مافكرت اسسكر الباب .. بس تميت واااقفه فخاطريه : يارب مايذكر شكلي فالشركه !! , اذا عرفني بيقول اكيد في شي بيني و بين فهود .. يوم حسيت اني طولت فالوقفه صديت و شفته محححد .. تنهدت و سكرت الباب .. بطلت عباتي و طيححت عمريه ع الشبريه .. حسيت عمريه راكضه و جلب يلحق ورايه من التعب . . تميت افكر باللي استتوى .. بعدين تذككررت شي انا : انا ماعرف ذياب ولد اي عم !! سرت و طلعت من تحت الشبريه البووم فيه كل الصوور و تحت كل صوره اسسم .. طبعا فهود كاتبلي عشان ماننسى.. تميت اجلب لين ماحصلت صورة ذياب و عممي سالم .. انا : اييووا طلع ولد عمي سسالم !! وييتت عممي سسالم اللي .... ... فهد : يوم تزوج ابويه يدي كان راضي بس واحد من عمامي مارضى .. و بحكم انه هو اكبر واحد يدي سسمع كلامه و طررد ابويه .. انا : اي عمم !! فهد : عممي سسالم .. انا : يعني هو السبب ف كل شي !!! , انزين كم عمم عندنا ؟ فهد : ثلاث .. عمي سالم و حمد و ابراهيم انا : وعندهم عيال ؟ فهد : هيه عمي سالم عنده ذياب و حصه .. و عمي حمد عنده ماايد .. و عمي ابراهيم عنده ميره و سلامه و سيف انا : ايوا .. ... تميت اردد اسم ذياب و حصه و عمي سسالم انفتح الباب و حسسيت بعمريه و نشيت .. فهد : انتي وينج ادق عليج ماتردين انا حسيت بعدني مب ف وعيي .. بس اسمعه شو يقول و اطالعه فهد : مريومم ردي شو فيج !! تقرب صصوبي و انا بس اراقبه .. تم يضرب ع ويهي فهد : مريومم .. مريوووم ايه سسار صوب الثلاجه و ياب ماي .. حطا شوي ع ايده و تم يرش ع ويهي اراقب حركاته و اعرف هو شو يسوي بس ماعرف ليشم اتكلم .. شوي و صرختت انا اصرخ : ياحححيووووان ببببببارررررررررررررررد فهد ابتسم : انتي تراج ماترمسسين .. ججب عليه كل الماي اللي فالدبببه .. باااررد كان هئئئ .. فهد : شو كنتي تبين داقه عليه !! كفخخته بريولي و قلتله : تتتريا بسير ابدل .. بمرض ججي سرت الحمام و خذت لي شاور بالمرره هه و طلعت شفته يالس و يطالع الالبومم .. حسس فيني و وقف : ليش مطلعه الالبوم انا : كنت ابا اعرف ذياب ولد منو من عمامي .. فهد ابتسم : تراه غغير عن ابوه انا : مايهمننني .. اللي اعرفه اننه ولد سسالم يعني بنفس طينتته فهد : لا غغغير .. هو اللي ساعدني ف كل شي اطالعته : لا تنننسى انه هو السبب ف موووت ابويه فهد بعصبيه : كم مرره اقولج مبب هووو ماتفهمين انتي صرخت عليه : لا هووو .. مب هوو اللي عاااوون ابببوه ع هالشي .. وانت بنفسسك تعرف انه ابويه ماتوفى طبيعيا .. !! لا تقص عليه و تقول مب هوو رد عليه بنفس النبره : اعررف انه ماتوفى ججي .. بس مب ذياب اللي عاون اببوه ع موت ابوويه .. فهمممي انا : تقصصص عليه .. ترا قالووولك واحد من عياله عااااوننه .. يعني بتكون حصصه مثلا .. بنننت شو بتسسوي عششان تذبح رووح .. مابتتحممل !! لا تقص عليه و لا تقنعني انه مب ذياب .. فهد تنهد : فكري باللي تبينننه .. و كيفج حطي هالشي ف بالج .. من العصبيه اللي فينني فريتتت الابجووره اللي حذالي و انكسسرت ... اليوم الثاني .. فالشرككه كنت ف مكتب فهوود اخويه .. كان يتناقش وياي بالمعاملات اليديده .. و شو بنسسوي بها .. صح انه امس عصبت عليه .. بس علاقتي باخويه اقوى من اللي يستوي .. دوم اضارب وياه .. بس نرد شررا قبل .. لانه مالي غغيره فهالدننيا . و هو بعد .. فهد : نحن من باججر بنكون ويا شرككه عممي سالم .. انا بوودي محمد ( المسؤول اللي فالفندق ) عشان يخلص المعاملات وياهم .. و يحاول انه مايذكرر اسممي بالكاممل .. انا اتصفح الاوراق : هييه .. بس فالاوراق يبين انه ذياب ماخذ جززء من الشرركه حققه .. ليش عمي سالم معطنه ؟ فهد : اللي اعرفه انه يبا يخلي النص الثاني حق بنتته حصه بعد ما الله ياخذ امانته انا : عيل ليش اشتغل ويانا ؟ فهد : بيشتغل لففتتره بس .. عشان يساعدني بالمعاملات اللي ف لندن .. انا : هيه عبالي بيتم .. المهم .. بعد مانتعامل ويا شركه عمي سالم ع شو ناوي ؟ فهد : بنحاول نخدعهم و ندخلهم بالاسهم عشان تخسرر الشركه .. انا : و ذياب يدري بهالشي ؟ فهد : لا طبعا مايدرري .. و قلتلج مريوم هذذا حقننا و بناخذه .. شوي و دخل علينا ذياب .. انا : انا اترخص خطف و حسسيت عيوننه علي .. بس خليت عمريه ماعرفه و طلعت من المكتب .. فخاطريه : يقهررر .. اووه ماقللت حق فهود عن امسس .. !! اخخيه تضاربنا و ماقلته .. انا و فهود مافيننا شبه اببدن .. عشان جي محد شك ف شي .. سررت مكتبيه و خلصت شغليه .. تميت اجلب بأوراق شركةة عني سالم .. دققت ع ابسط المعلومات .. بس ماشفت شي مهم اببد ..شفتت اسم واحد بس ماححيده من عيال عمي او اي حد من الاهل .. !! و مكتوب فالورقه انه جززء بسيط من ممتلكات الشرككه حققه .. !!! منو ها .. و ليش عمي سالم يعطي ممتلكاته حق شخخص مب من الاهل .. !!! لازم اعرف منو ها .. تنهدت و قلت ف خاطريه : يالله من باجر بجاببل اهلليه .. يالله استتر فهود طبعا يوم بيسسير شرككة عمي عشان المعاملات بياخذنني انا و نسرين و وحده اسمها نهله من الشركه .. كان بيودني انا بس .. بس عشان محد يشك ب شي دخل نهله و نسرين فالسالفه .. ... بعد يومين .. طبعا امس سرننا شركة عممي سالم .. بس ماستوى شي اخويه وقع ع الاوراق .. و عرف عممي سالم علينا .. و ذياب كان موجود بعد و كل شوي يطالعني .. تغصصت منه بس سويت طاف .. اليوم مابنسير اهناك .. عمي سسالم و ذياب و واحد وياهم اسسمه سعيد بيون و بيلصون المعاملات .. ماعرفت شو لاني قلت حق فهود لادخلنني وايد بمعاملاتهمم .. !! اليوم كان وايد صعب عليه .. كل الشغل على راسسي .. لانه فهود كان ويا عمي سسالم .. و انا فنفس اليوم كنت تعبانه بطنني يعورنني واايد .. ماخلصت شغليه كامل .. كنت صصدق تعبانه و حسسيت بلوعه و مارمت ايلس وايد .. طلعت من مكتبيه و سرت مكتب فهود عشان اقوله اني بظظهر من وقت برييح شوي .. توجهت صوب السكرتيره انا : في حد عن الاستاذ فهد ؟ السكرتيره : هيه اختيه .. الاستاذ سالم وياه و ذياب انا بتعب : خلاص اوك . يلست ع الكرسي اترياهم يطلعون .. و كل شوي ايوود بططني .. حسيت اني ماتحممل اكثر .. قلت بطرشله مسسج و بطلع .. طرشتله بنق ماررد .. ف قلتله اني بطلع و جي .. شليت اغراضي من المكتب و طلعت .. صادفت نهله جدامي نهله : وين رايحه ؟ هاي البنت مول مادانيها احسسها دلوعه .. ماروم ابلعها انا : بطلعع بسير البيت نهله تطالعني بطرف عينها : بس لين لحين ماخلص وقت الدوام وتمت تطالع ساعتها نهله : باقي ساعتين و نص انا عطيتها ظهري و مشيت : مب شغلج حسسيت عمريه هلكانه ماتفيجتت اسايرهها .. حتى الشنطه حسيتها ثقييله .. وصصلت صوب الباركننات .. فخاطرييه : و اخيرا .. حسسيت الدررب طووويل وايد الجو كان ححار .. و حسيت مكان الباركنات خننقه .. همي بسس اني اوصصل للسياره كنت اعرق بشكل مب طبيعي .. حسسيت انه الدنيا تدور فيني .. شوي و طححت .. كنت فوعيي و اشوف جدامي بس ماروم اننش و احرك جسسمي .. تميت ياسه ع الارض .. ابا اشوف اي حد جداامي عشان يساعدني اني انشش .. حتتى لو كان هنندي .. اهم شي اني انش .. زااد الالم ف بطني اكثر .. كنت جريبه من السياره شوي فتميت ازححف عشان اوصل للسياره .. الحمدلله وصلت و اتساندت ع الباب .. احين ابا انش بس ماروم احاول اقووم عمريه بس جسمي مايساندني .. ماحسيت الا بواحد يشلني ماعرفت منو لاني ع طول غمضضت .. ... فالفندق .. فتحت عيني .. انا ف غرفة فهود .. كيف ييت اهننا و منو شلني !! راسي كان يعورنني .. حسيت اني راقده دهررر .. !! , شوي و شههقت انا : اووووووووووويه ليكككووون فهود عررررف ليش انا تعباننه .. !!!!!!!!! يارببببببيه فشلللله هئئئئ تميت ادعي و اسبسب .. نشيت و شفت البروفين ع الطاوله .. اخخخيه لا صدق صدق عرررف .. شليت عباتي و شنطتي .. بس لبست الشيله و طلعت من غرفه فهود و دشيت غرفتيه .. دشيت الحمام عزكم الله و تسببحت بماي باررد .. حسيت بالانتعاش هه .. لبست برموده بيضه و قميص ورددي .. فتحت المكيف و انخشيت تحت البرنوص .. تميت اتعبث بالبيبي .. شفت السساعه 12 الفليل ف رققدتت .. .. اليوم الثاني الصببح .. قبل لا اسير الشركه اتصلت ب فهود و قللتله تعال غرفتيه .. تميت اسولف وياه و قلتله اني ماخلصت شغليه امس .. الخ نزلت راسي : انزين فهود .. شو استوى امس فهد : شو استوى ؟ انا : انا ياسه اسئلك لا تتسيخخف فهد : والله ماعرف عن شوت رمسين انا : عيل كيف كنت ف غرفتك .. ؟ فهد باستغراب : متتى ؟! عن شوت رمسين انا : فهود لا تخلي عمرك ماتعرف شي .. مب انت اللي وديتني غرفتك يوم كنت تعبانه ؟ فهد : انننا !! لا والله حششا .. امس روحي تأخرت و رديت الساعه 3 الفير كنت ويا الربع .. بس شفت المسج اللي طرشتيه .. شو كنتي تعبانه ؟ تميت اطالع فهود .. ها من صدقه مايعرف شي ؟؟!! , عععيل منوو ؟ و شمعننه غرفه فهود ؟ شو السسالفه !!!!! |
سلام عليكم اممس نسيت السالفه هه .. ماسسرت صوب اللاب اببد فليل اتمنى البارت يعيبكم .. وو بانتظار انتقاداتكم و توقعاتكم |
رد:قلبي رفض يحب غيرك وٰ صرت أنا مجنونك♥.. السلام عليج شحالج؟؟ علومج؟؟ البارت يجننننننننن طرررررر ياخي يجن شراتج ابدعتي فديتج انا الشخصيات: العنود وسيف: حرام عنوده كسرت خاطري ف يوم عرسهاااا تعرف كل شي حرام:3898.gif: :9988: وسيف حقير حيوان كرهتتتته:112::137: اصلا من قاله يتزوج من قبل من ماريا لا وعنده بنت الكريه:522: ماريا: هذي م ينسكت عنها لالالالازم تتصفع:090: :smilies-120: لازم اذبحها موتها ع ايدي اليوم وسموحه |
البآآرت ولا أروع مريووم<<< هههههههههه خبلهه لازم تستوي مواقف نحسه بينهاا و بين ذيااب ذيااب<<<احس انهه يحبب مريووم بس هو اصلن جاسووس ف شركتههم حصهه<<<كرههتههاا احس انهها اليي ذبحتت ابووهم و بسس تقبليي مرووري:m7d shratii+فانتظاار البآآرت اليآآي و حبييت أسألج اذاا بتنزليين بآآرتااات ف رمضاان و لا؟؟ |
اقتباس:
اختيه مغلططه بالروايه شكلج ههه ^^ |
اقتباس:
هيه اكيد بس مش بشكل يومي ^^ |
تسلم اناملج ع هالروايهه ابدعتي ونرقب البارتات الباجيهه |
السلام عليكم ورحمه الله تسلم يمنااج عالرواايه الحلوه واايد تحمسس امم مريم حبيبتي غمضتني وحبيتها واايد فهد : كيووت ووايد وعجبني حرصه على اخته ذياب : اكييد هو يعرف عن مريم وهو اللي وصلها لغرفة فهد احسها بيكون غير عن ابوه وبيحب مريم @_# بانتضار البارت الياي :) |
البااارت يجنننن |
:13:بليز كمليها و الله القصه طرر |
هلا خيتو الرواية تجنن وايد حبيتها 😍 اتمنى تنزلؤن البارت بسرعه و اترقبج لا تطولين ❤🌹 |
| الساعة الآن 11:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir