|
قلبي رفض يحب غيرك وٰ صرت أنا مجنونك♥.. قلبي رفض يحب غيرڪ وٰ صرت انا مجنونڪ ♥!* . . . روايتي الرابعه ، اتمنى يكون فيها تفاعل شرات الروايات القبليه .. و *لا تلهيكم الروايه عن الصلاه* اللهم اني بلغت اللهم فاشهد .. . . . . أعرفكم على الشخصيات .. ^ ^ بو حمد : سهيل ، ريال معروف في دبي .. عنده شركه يديرها هو و عياله *حمد و نهيان* . ام حمد : ميره ، حرمه معروفه عند ميلس شيخات دبي. و تحب عيالها و وايد طيبه و حنونه . . . حمد : يشتغل في شركه ابوه و مأخذ وحده اسمها شما .. ما تقربله و عندهم بنت اسمها عواش عمرها سنتين ونص > جريب الثلاث .. و شوق الحين حامل .. . نهيان : يشتغل في شركه أبوه بعد .. ما يفكر انه يعرس .. خشمه سيف و عيونه وساع شراتي و شفايفه صغيره .. جسمه معظل و متوسط الطول .. يحب الهياته و دوم يحاوط ويا ربعه .. . شيخه : اكبر وحده من البنات .. مب معرسه .. عمرها 20 .. تدرس في الجامعه .. طويله .. مليانه شوي .. شعرها لونه اسود .. و عيونها ناعسه .. . العنود : اصغر وحده من البنات 18 سنه .. ادرس في الكليه اول سنه .. عيوني وساع .. و شفايفي مرسومه و خشمي خشم شيوخ شرات امايا .. ضعيفه شوي .. متوسطه الطول . شعري لونه بني فاتح على الكستنائي .. بشرتي فاتحه .. . . بو سيف : عبدالله ، ربيع بو حمد من زمان .. من سنييييين .. يشتغلون في نفس الشركه .. بس بو سيف أعماله اوسع .. و اخو احمد *بو منصور* . ام سيف : مهرة ، حرمه بيت و النعم فيها .. تحب عيالها و تبغي رضاهم .. . سيف : 20 سنه .. يشتغل وياهم في الشركه .. يحب يركب الخيول .. دوم يسير المزرعة ويا ربعه .. حنطاوي و فيه من سمار البدو و عيونه كبار .. خشمه صغير و شفايفه عاديه .. جسمه حلو رشيق .. و معظل شوي بس .. أطول عني بشوي .. . روضه : البنت الوحيدة .. دلوعه البيت .. تحب أمها و أبوها .. و اكثر شي اخوها سيف .. وايد قريبه منه .. جميله شرات أمها .. تآخذ ملامح أمها شرات الخشم و عيونها ناعسه لونها بني فاتح .. بشرتها فاتحه شراتي .. . . . ^ ^ بو منصور : احمد ، اخو بو سيف .. و يشتغل وياهم في الشركه .. . ام منصور : منى ، راعيه سوالف و تحب تكشخ و تتحوط .. . منصور : ربيع سيف الروح بالروح .. يقولون انه يشبه حمدان بن محمد >> صدق .. . شما : حرمه حمد .. طيبه وايد و ملامحها حلوه .. تشبهه اخوها منصور .. . شوق : اصغر وحده في العايله 18 كبري يعني .. تموت على شي اسمه طلعات و حواطه . . . . / \ / البارت الأول : على لحن هادي تعزفه بنت على البيانو يالسه على طرف الكوشه دخلت القاعه و انا لابسه فستان ابيض مخصر جريب من الاوف وايت .. و مسويه بف و منزله قصتي .. و من ورا على شكل عقص بس تسريحه رومانيه .. مكياجي ابيض وفيه لمعه و الروج احمر صارخ .. بإختصار كنت اوكيه .... الإضاءة خافته .. و اختيه و الفلبينيات يساعدوني عسب ارفع الفستان .. لانه فيه ذيل وايد طويل .. وصلت الكوشه و يلست تصورني الفلبينية .. الناس كانوا يتكلمون مادري شو يقولون .. بس كنت مرتبكه و افكر ف حياتي .. اللہ يهديك ي ابويه تخليني املج على ولد ربيعك و انا رافضتنه .. مابا ارتبط الحين لأن عمري 18 سنه بس .. وهو عمره 21 .. صح انه مب وايد كبير .. بس مابا أعرس و انا ف هالعمر .. الكل يمدحه و يوم صليت صلاه الاستخاره ارتحت لكن ما احس بفرحه .. أحس بضيق آه ي الدنيا .. الله كريم .. تقربت اميه مني و يلست عدالي .. انا طالعتها : اميه الناس ليش يطالعوني جيه؟ اميه : اول شي قريتي على عمرج ؟ أنا : هيه بس شو يقولون إلناس ؟ اميه ابتسمت : من جمالج اللہ يحفظج .. انا رديت لها الإبتسامه .. شفت ام المعرس يايه صوبنا .. ام سيف : اللہ اللہ هلا بالعروس .. هلا ب حرم سيف .. انا وقفت بسلم عليها .. ام سيف : ريحي فديت روحج .. انا يلست .. ام سيف : هاي روضه اخت سيف .. روضه سلمت علي : لالا العروس محلوه اليوم .. "قصرت صوتها" قريتي على عمرج ؟ انا : هيه ، شفيكم كل شوي تسألوني هالشي .. ام سيف : لانج غاويه و نحن نخاف عليج من الحساد .. انا نزلت راسي .. بعد دقايق دخل المعرس .. دخل هو و أبوه و إخواني و ابويه .. ابويه تجدمهم و باس راسي : سامحيني .. انا غمضت عيني : اللہ كريم ي أبويه .. ابويه مسك ايديني : والله مب بإيدي .. ربيعي من عشره .. و قاللي ابا بنتك حق ولدي سيف .. و انا أخترتج لانج تناسبينه و شيخوه ما تناسبه أبدا .. انا حظنته : ماعليه ابويه مسامحتنك .. سيف باس راسي : مبروك الشيخه .. انا : اللہ يبارك فيك .. سيف وقف عدالي و المصوره قالتله يمسك ايدي .. مسك ايدي وأنا ارتجفت .. و أبوه سلم علي و عقب إخواني سلموا علي .. حمد و نهيان صورتهم وياي كم صوره .. حمد حظني : حبيبتي اختي الصغغيره .. سيف : يا ريال هدي .. بلاك ما بتسافر .. نهيان : هههههه أخاف تسفرها مني ولا مناك .. سيف : جيه بعدنا ما عرسنا يوم بنعرس بنشلك ويانا .. "غمز له" نهيان باس خدي : كبرتي ي الياهل .. انا قصيت ورده من باقه الورد و عطيته .. نهيان : شوف شوف اختي تحبني ما تحبك .. سيف طالعني : ما بتعطيني ورده ؟ انا اول مره اطالعه و ادقق في ملامحه .. جميل ما ينوصف .. حنطاوي شوي .. فيه من سمار البدو .. معظل شوي .. و جسمه حلو .. رشيق .. و عيونه سود وسااع .. و خشمه صغير .. حمد : ايييه يرمسج الريال .. انا عطيته ورده حمرا .. سيف : هههههه حمود وردتك مب شي .. وردتيه احلى .. نهيان : اصلن مب من خاطرها .. عسب جي الورده خايسه .. سيف : عنلاتك .. نهيان مسك ايدي : اللہ يتمم لكم على خير .. انا : أمين .. نهيان : يالله بسير .. سيف : سير سير انجلع محد يباك .. حمد : ماعليه سيف .. مب على أخويه دواك عندي .. سيف : ههههه .. روضه لوت على سيف : اخوييييه الشيبه مبروك .. سيف : شيبه ريلج .. روضه : فديته شيخ الشباب .. سيف : سلمي سلمي على شيختج .. روضه باست خدي : مبروك حبيبتي .. اللہ يهنيكم ويا بعض .. سيف : أمين .. يت شيخوه هي و اميه و عمتيه "ام سيف" .. اميه : مبروك و عقبال ما نرقص في عرسكم .. انا و سيف : ههههه اللہ يبارك فيج .. ام سيف : ها سيف شو رأيك ف عروستنا ؟ سيف طالعني و انا ارتبكت .. سيف : حلوه و يبين من شكلها انها راعيه سوالف بس لسانها طويل .. انا بلا أحاسيه : تعال قصه .. سيف : لو بإيدي جان انا قاصنه من زمان .. ام سيف : ههههههه ماعليك منها انا مختارتلك الزين .. سيف باس راسها : الله يخليج لنا .. شيخوه حظنتني .. انا : بس حياتي عصرتيني .. شيخوه : مبروك فديتج .. انا : اللہ يبارك فيج .. شيخوه طالعت سيف : مبروك .. سيف : اللہ يبارك فيج .. و عقبالج .. شيخوه : هههههه لا بعدني مطوله .. سيف : مب مطوله ولا شي .. دريولنا عبدالقادر صوووبج امررره .. شيخوه : هههه لا لا مشكوره خله حقك .. سيف : ههههه .. شيخوه : يالله جان ما عليكم أمر لبسوا بعض .. "طلعت الدبله مالتي و عطتها سيف" سيف فج ايدي و لبسني .. شيخوه عطتني الدبله مالته : لبسيه و حركات بايخه ما نبا .. انا : هههههه اوكيه .. "لبسته" .. / \ / \ أميه : ها الغاليه ؟ بو العنود يقول متى تبغون يوم العرس ؟ ام سيف : والله بؤ سيف يقول على آخر شهر 3.. اميه : وايد قريب .. نحن الحين ف شهر 2 .. ما بتلحق تخلص زهبتها .. ام سيف : عيل متى نخليه ؟ اميه تفكر : اممم شرايج آخر شهر 4 .. يعني بعد العيد .. بيكون شي شهرين تخلص زهبتها و ترتب أمورها فيهم .. ام سيف مسكت جتف اميه : هذا الرأي الصحيح .. اميه ابتسمت .. ام سيف : و جانكم تبغون مساعده ولا فزعه من صوبي ولا من صوب بناتي انا حاضرة .. اميه : مشكوره فديتج ما تقصرين .. ام سيف : و انا بخبر سيف و بو سيف عن الموعد اللي حددناه .. اميه : و انا بخبر العروس و ابوها .. \ / \ / مي تربع صوب أمها : اميييه .. ام مي : بلااج ؟ مي : سيف يقولون انه ملج !! ام مي : صبري صبري منو سيف ؟ مي : ولد خالوه .. ام مي : هيه ادريبه .. قالتلي اختيه .. مي : انزين امايا .. ام مي : شو تبين أسويله? مي : امايا سيف المفروض يكون حقي !!!!!! ام مي : ليش ؟؟ هو على كيفه يختار اللي يباها .. مي : نسيتوا كلامكم يوم تقولون أنكم محيرينه حقي .. ام مي : خلاص الريال ما يباج .. مي : ما يخصني أمااايااا بنسير دبي .. ام مي : وين نسير الحين الساعه 11 لين ما نوصل بتكون خلصت الملجه و كل حد ساير بيته .. مي انققهههرت : انا براويج امايا ان ما خليته يحب ريولي > خفي علينا .. ام مي : مي !!!! انتي كبرتي .. بلا هالحركات .. الريال ملج على بنت الناس .. و ما ابغيج تخربين بينهم .. مي : امايا .... المفروض هو يكون حقي .. ريلي .. زوجي .. ماي هسبند .. ام مي : مي .. تراج حشرتيني سيري اللہ يهديج .. مي : ما أكون انا مي بنت بطي ان ما خليته يترجاني .. ام مي : مي !!!!!!!!!!!! انا احذرج لا تسوين اي شي ماترومين عليه .. مي : بس امايا .. ام مي : اذا في حد وقف ضدج بكون انا اول وحده انشر علومج .. مي : امايا ... ام مي : سيري رقدي .. مي سارت وهي مققههههوووره و مفوله لان محد خبرها عن الملجه .. . . . ام سيف : خالتج ام مي ما يت الملجه ؟ روضه : لا الحمدلله فكه ما نبا مشاكل .. ام سيف : أخافها تخرب علينا كل شي .. روضه : ان شاء الله ما بتخرب اي شي .. ام سيف : والله يا بنتي خايفه .. روضه : امايا .. ام مي عاقل بس بنتها اللہ يهديها .. خالتيه ما بتسوي شي هي تشوفه غلط .. ام سيف : ان شاء اللہ ما يستوي شي .. روضه : هههههه امايا ليش جي شاكه وايد .. ام سيف : صدقيني احس انها بتسوي شي .. روضه : اممم ماعليج امايا .. ترا سيف كرهها و نساها .. و مستحيل تسير تخبر عنود عن علاقتها ويا سيف قبل .. ام سيف : اذا هي هبله و غبيه بتفضح عمرها .. روضه : صح كلامج امايا .. ام سيف : سيري فديتج قولي ل سيف بعد شوي بنرد البيت .. ريولي تعورني .. و محد بقى من المعازيم .. روضه تبوس راس أمها : ان شاء اللہ .. / \ / \ شيخه يت هي و الفلبينيه يايبين الكيكه و فلبينيه ثانيه شاله عصير و فيه استرو واحد .. قصينا الكيكه مع بعض .. سيف بصوت خفيف : فجي حلجج لا تفشليني .. انا : هههههه بفكر .. سيف : اذا قفطتيني بردلج الحركه .. انا : لالا خلاص ما بقفطك .. مسك الشوكه و خذ قطعه صغيره : يالله فجي .. انا فجيت حلجي و كليت .. سيف : شاطره .. انا مسكت نفس الشوكه و خذيت قطعه عوده و ابتسمت ب خبث : يالله قول آآآ .. سيف : خبله ؟ وين آكل قطعه هالكبر .. شيخه : ههههههه .. انا رديتها و خذيت قطعه اصغر : يالله فج حلجك .. سيف فتح حلجه و أكلته .. شيخه ؛ ما بغيتوا .. سيف : اختج هاي الغبيه اخرتنا .. انا ضربت جتفه : انا غبيه الحين ؟؟ سيف : اول مره اشوف عروس متوحشه .. انا : شكلك مجرب من قبل عندك سوابق .. شيخه : عن الهذرة الزايده و يالله شربوا العصير .. انا طالعتها : عصير شو ؟ روضه : كوكتيل .. انا : ماحب الكوكتيل .. شيخوه : عنود عن الدلع .. انا : صدق والله ما استهبل .. سيف : خلاص لا تشربينه انا بشربه عنج .. انا : اوكيه .. سيف مسك العصير و شرب .. و عقب اونه يا يبا يشربني .. انا حطيت شفايفي على الاسترو .. سيف : شربي .. انا غمضت عيني و شربت بالغصب .. شيخه : اخافج تزوعين عنود .. انا طالعت سيف : بزوع ف حلجه .. سيف : انا مالي خص .. آنا : مب انته قلتلي شربي .. روضه تبوس خده : سواف انا و اميه بنرد البيت ويا الدريول .. اميه تقول عن السرعه الزايده .. سيف : ان شاء الله .. روضه سلمت علي : يالله مع السلامه حرمه اخوياا .. انا : ههههه باي .. روضه : ما اوصيج على أخويا وحيدي هاذا .. انا : افا عليج ف الحفظ و الصون .. سارت روضه .. الفلبينيه : كان يو قو تو ذا روم ؟ انا : ليش انشاءالله ؟ سيف : واي ؟ الفلبينيه : تو تيك سم بيكجر .. سيف مسك ايدي : يالله .. مشينا انا وياه .. مع اني حسيت ب شعور غريب بس سكتت .. سيف > حلوه و عيونها وساع .. ما تستحي وايد .. زين والله لأني اكره اللي يصطنعون الدلع .. شعرها ماشاءالله طويل .. لين تحت آخر ظهرها و تحت يعني تقريباً لين ركبها .. و خشمها حلو شرات الشيخات .. جنها شيخه .. احلى عن خشمي بعد .. و جسمها اوكيه .. و شفايفها .. آخ لا تسألوني .. مرسومه رسم .. انا قرصته في ايده : سيف .. سيف : هلا؟ انا : ترمسك الحرمه .. سيف طالع الفلبينيه .. الفلبينيه : دو لايك ذس .. خلتني جدامه و هو وراي ماسكني من خصري .. صورت و عقب .. خلت سيف ييلس و انا ايلس فوقه .. انا : ويت ويت .. واي اي سيت هير ؟ الفلبينيه : شت اب .. انا : شت اب ؟ اوكيه . انا براويج ي الهرمه .. سيف عدلني و سحب ويههي صوبه .. انا نزلت عيوني .. سيف : طالعيني .. انا طالعته .. كنا وايد قراب من بعض . حسيت قلبي يدق طبول .. سيف لصق خشمه ف خشمي .. الفلبينيه صورت و ابتسمت : سسووو رومانتيك .. سيف ابتسم و طاحت عيونه على شفايفي و انا على طول قمت من مكاني .. الفلبينيه : وأي ؟ انا : ذس نوت أوف يور بزنس .. الفلبينيه خلتني جدامه و هو وراي و انا حايسه راسي اطالعه .. سيف غمض عينه .. انا استغربت بلاه هاذا ؟ عقب ما خلصت جلست التصوير .. يلسنا على الكراسي .. و انا تنهدت .. سيف : تعشيتي ؟ انا : لا مابا عشا .. سيف : انزين آبا رقمج .. انا ابتسمت : عيني عينك ترقم .. سيف قرص خدي : تراج حرمتي الحين .. انا : اوكيه عطني تيلفونك .. سيف عطاني و غمز لي : لا تفتشينه .. انا سجلت رقمي و كتبت "الشيخه العنود" و سويت حق عمري مس كول عسب اعرف رقمه .. سيف : يالله بسير انا .. انا : انزين .. سيف : اونه انزين .. مالت عليج انا ريلج تعالي وصليني لين برا .. انا : اووه صح .. إخواني كلهم ردوا البيت .. سيف : عيل تعالي بوصلج .. انا : ويت .. سرت أدور شنطتي اللي فيها اغراضي .. و تيلفوني .. طلعت العطر و تعطرت .. لبست عباتي .. و لفيت الشيله .. شليت تيلفوني ف ايدي .. و فصخت هالكعب لانه عود و لبست كعب اصغر شوي .. طالعت عمري في المنظرة و سرت صوبه .. سيف مد لي ايده : يالله انسير .. انا مسكت ايده : يالله .. ركبنا سيارته ال g55 و سرنا .. سيف : ترا انا ماعرف وين بيتكم .. انا طالعت الساعه : شت الساعه 1 و نص .. سيف : بنسير جميرا اول شي .. انا : ليش .. سيف : بنسير جميرا .. انا : اوكيه ليش ؟ سيف مسك ايدي : ريال و حرمته بيسيرون البحر شو بيسوون ؟ انا ب عبط : بيتسبحون .. سيف : ماعليه انا بسبحج بفرج ف الماي .. انا تثاوبت و مسكت ايده : باجر بنسير البحر دخيلك فيني رقاد الحين .. سيف : بس بنسير و بنيلس شويه عن خاطري .. انا : اوكيه .. سرنا جميرا بيتش .. و كان البحر ظلام .. المكان ما يخوف وايد لانه شي ليتات .. بس انا خوافه .. انا اول ما نزلت تمسكت فيه .. سيف : بلاج ياخي ما بييج شي .. انا حظنته بقو .. سيف : حبيبي خايفه ؟ خلاص بنرد .. انا : لا لا .. سيف مسك خصري : بمسكج من هني عسب ما تخافين. . انا : اوكيه ،. يلسنا على الرمل .. سيف : من شو تخافين ؟ انا : اقولك الصدق ؟ سيف ابتسم : قولي .. انا : اخاف من القرش .. سيف : ههههه يعني بيطلع القرش من البحر وبيي ياكلج ؟ أنا طالعت عيونه : و أخاف أغرق .. سيف : ما تسبحين في المسبح ؟ انا : اتسبح بس المسبح غير عن البحر .. سيف : فديت اللي تخاف من القرش .. انا : اخااف منه وايد .. سيف حظنني و حط راسي على صدره : انا وياج .. ما بخليج .. انتي حرمتي وانا مب مستعد اتخلى عنج .. بحميج و بحسسج بالامان .. "مسح على ظهري" تدخلين القلب بسرعه ما شاء الله عليج .. حبيتج .. "ابتسم" صدق حبيتج لانج طيبه و جميله و راعيه سوالف .. و جريئه بعد .. المهم اباج تفهمين اني ما بتخلى عنج و ما بخليج .. انا غمضت عيني و ابتسمت على كلامه ما حسيت بعمري الا و انا رااااااااقده .. . . . . |
الروآآآيهه واآآيد حلوههه+استمريي3> |
تسلمين خيتو ع الرواية + حمااسس ."" يعطيج العافية حبيبتي اممممم ان شاء الله ما يصير شي من بينهم او حد يخرب عليهم ويتمون مع بعض نترياااج خيتووو ف البارت الياي ."" |
اقتباس:
. تسلمين حبيبتي على ردج و أتمنى تدوم هالمتابعه:walla: |
اقتباس:
. عيونج الحلوة قلبي <4.:kk_ed: |
البارت الثاني .. . . . . نشيت على صوته وهو يوعيني .. انا قمت طالعت يمين و يسار .. الغرفه فخمه و الأثاث آثاث فخم .. سيف باس يبهتي : قومي تريقي .. انا استوعبت اني امس رقدت وياه و صارخت : لاااااااآآآآ.. سيف حط ايده على حلجي : اشش .. انا عيني غرغرت : كيف كيف؟ سيف : والله ما رقدت وياج والله "أشر على الكرسي الطويل" رقدت هناك .. ما تشوفين اللحاف .. انا غمضت عيني بقوو و قلت ف خاطري : ي عنود ي غبيه لو صبرتي شوي و ما رقدتي كنتي بتردين بيت أهلج ما بتسيرين بيت ريلج المستقبلي .. انا نشيت من مكاني و استوعبت اني فاصخه الفستان و راقده ب فانيله لونها اخضر فاتح وسيعه لين فوق ركبي ب شوي .. انا طالعته ابا منه تفسير .. سيف : قلت ل روضوه تييب ثياب من عندها و تيي تغير لج .. انا : شت !!! وين فستاني؟ سيف : عند روضه .. انا : أمك تدري اني هني وياكـ في البيت ؟ سيف : لا .. بس انا و رويض .. انا نشيت لبست عباتي و شيلتي : قوم ودني بيت ابويه .. سيف تنهد : اوكيه .. نزلنا تحت و الحمدلله امه -عمتيه- كانت راقده .. طلعنا من الباب و ركبنا السيارة .. سيف : قوليلي وين بيتكم ؟ انا : ويت .. نحن في زعبيل صح ؟ سيف : هيه .. انا : لف سير يمين .. بتحصل بيت عووود لونه بيج جنه قصر .. و عداله بيوت لاصقه في بعض لونهم ابيض و كحلي .. سيف : قريب من بيتنا .. انا : هيه .. سيف بركن جدام البيت .. و كنت يايه ابا انزل .. سيف مسك ايدي : تعالي تريقي .. عازمنج ع الريوق .. انا : اممم باجر اوكيه ؟ سيف : برايج .. انا طالعته و هو منزل راسه يالس يطالع فونه .. عطيته ظهري و مشيت ابا ادخل البيت .. دخلت و انا امشي على أطراف أصابعي .. شكرت ربي لأنهم رقوود .. سرت حجرتي .. مسحت المكياج و طلعت لي ثياب .. وٰ سرت اسبح .. يلست في الحمام تقريباً ربع ساعه و عقب ظهرت ياني رقاد و رقدت .. نشيت الساعه 12 الظهر على صوت شيخو و هي توعيني .. شيخه : عنود !! انا : ها؟ شيخه : ياخي نشي .. انا يلست: شوو شيخه : ابا اسير اتشرى حق العيد .. انا: انزين؟ شيخه : تعالي وياي .. انا : وين بتسيرين؟ شيخه : اول شي بنسير مردف .. و عقب بنسير أريبيان .. انا : اوكيه .. شيخه : تراني مضبطه نهيان عسب يودينا .. لا تتأخرين .. خمس دقايق بس .. انا : اوكيه اوكيه .. شيخه : يالله قومي .. سارت عني و انا نشيت صليت .. و رسمت عيني ب الجحال .. حطيت لي روج ترابي .. و خففته شوي .. لبست لي ساعه جيفنشي .. و عباه الحزام .. لبست فلات اسود و شليت هاند باقي و نظارتي الشمسيه .. و فوني و نزلت .. نهيان حظنني .. انا : بلاك ؟ نهيان : اشتقت حق اختي الصغغيره .. انا : ههههههه انا بعد اشتقت حق أخوي العود .. نهيان مسك جتفي بحيث امشي وياه .. شيخه : كل الدلع و الحب صوبها و انا ولا جني اختكم .. نهيان مسك ايدها : كلكم خواتي و أحبكم كلكم .. انا : ههههه .. . . . ام سيف : شرايج روضه ف حرمه اخوج ؟ روضه : امايا الصراحه ما عليها كلام .. يبين عليها انها رزينه و طيبه و راعيه سوالف و يسدج جمالها .. بو سيف : هيه والله صدقتي .. زين انه سيف مستانس عليها .. روضه : الحمدلله اللہ يتمم لهم على خير .. ام سيف و بو سيف : آمييين .. سيف دخل البيت : السلام عليكم .. الكل : و عليكم السلام .. سيف : جني سمعت اسمي .. ام سيف : يالسين نرمس عن حرمتك .. سيف : هيه فديتها .. روضه : هههههههه من الحين فديتها .. سيف : هيه والله .. "باس راس امه" يا زين ما اخترتي .. ام سيف : الزين ل الزينه يالغالي . . بو سيف : عقبال ما نشوفكم واقفين ع الكوشه .. ام سيف : هيه ما خبرتك امس اتفقنا انا و أمها العرس بيكون على آخر شهر 4 .. سيف : خيييييبه وايد .. روضه : مب وايد شوي .. شهرين .. سيف : ماا اروم اصبر .. روضه : و مب انته قلت تبغي تكمل البنيان يالله يالله يمديك تتحرك في هالشهرين .. سيف : ان شاء اللہ بيمدي .. بو سيف : ليش بعدك مصّر تبني البيت ؟ سيف : يا ابويه ابا اخذ راحتي .. بو سيف : و ما بتاخذ راحتك هني ؟ سيف : امايا دوم الحرمات اييون عندها و انته تعزم ربعك كل جمعه .. وين بترتاح عروستنا ؟ ام سيف : صدقه سيف احسن له يبني بيت .. بو سيف : براحتك و الشور شورك ي سيف .. سيف : تسلم ابويه .. روضه : بس حلو تخطيطك سيف .. بيتك بيكون لاصق في بيتنا و بيت عمي لاصق في الصوب الثاني .. ام سيف : زين انه ال 3 بيوت عدال بعض .. روضه : انزين عطني رقمها برمسها .. سيف : منو ؟ روضه : المدام . . سيف : ليش شو تبينها ؟ روضه : بقولها تيي وياي ولا انا اسير عندها اساعدها تخلص زهبتها .. سيف ابتسم : يالله كتبي زيرو فايف زيرو ****** روضه : مشكور .. سيف : العفو .. بس ما اظني بترد عليج لان انا من الصبح يالس اتصل و ما ترد .. ام سيف : لا يكون صابهم شي .. سيف : ان شاء اللہ لا بس انا اقول يمكن انشغلت و لا التهت في شي .. عسب جي ما ترد .. روضه : انزين سواف قوم ودني فيستيفال .. بنشل ويانا شوق بنت عمي .. ابا اتشرى حق العيد .. و ابا اطلع جلابياتي .. سيف : سيري ويا الدريول انتي و شوق .. بو سيف : سير ود أختك حليلها .. ام سيف : خلها تخلص ما بقى شي على العيد الا أسبوعين .. سيف : ان شاء الله اميه .. تأمرين أمر .. روضه : عيل بسير اتزهب .. "نشت و سوت حق سيف *فلاي كيس* : احبك اخويا .. سيف ابتسم : دقي حق شوق خليها تتزهب .. روضه : اوكيه . . ام سيف : هيه صح .. شوق خطبوها .. بو سيف : هيه ادري امسات اخويه يالس يخبرني .. سيف : و منو خطبها ؟ ام سيف : واحد شامسي .. سيف : و النعم .. بو سيف : جيه منصور ما خبرك ؟ سيف : ابويه انا من يومين اراكض حق الملجه . ما لحقت ارمسه .. . . . في سيارة نهيان .. نهيان : ها تبون ميحد ولا حسين الجسمي ؟ شيخو : ميحد ميحد .. انا : مابا لا هذا ولا هذا .. يوعانه و بموت من اليوع .. نهيان : خلاص بعزمج يوم بنوصل .. انا : ابا من ماك .. نهيان يقلدني يوم اقول *ابا من ماك* ياهل انتي ياهل ؟ انا : ياخي اذا بتعزم اعزم على ماك .. و اذا ما تبا .. الخير وايد الحمدلله .. شيخو طولت على صوت الاغنيه : خلاص سكتوا .. انا فجيت فوني .. من امس ما مسكته 14 مس كول من سيف .. استغربت و اتصلت له .. انا : الو .. سيف : وينج انتي من الصبح اتصل لج .. انا : من امس ما مسكت فوني .. سيف : خوفتيني قلت يمكن استوالج شي .. انا : لا ما استوى شي الحمدلله .. سيف : اسمع صوت اغاني . . وين يالسه ؟ انا : في السياره ويا نهيان و شيخو .. سيف : ليش وين سايرين ؟ انا : بنسير مردف .. عسب نتشرى حق العيد .. سيف : زين والله .. انا بظهر بعد شوي ويا روضوه بنسير صوب فيستيفال .. انا : تعالوا مردف .. سيف : بنجووف .. انا : اوكيه باي .. سيف : لا تنسين تشترين حق زهبتج .. خلصي بسرعه .. انا : هههههه اوكيه .. سيف : وإذا نقص المهر .. قوليلي عسب أزيدج .. انا : لا المهر وااايد و بيكفي ان شاء اللہ .. سيف : يالله باي .. انا : باي .. \ / \ / . . . . دخلنا مردف و سرنا ماكس .. خذينا بدل و عقب سرنا مانقو و خذينا فساتين و خذيت لي كم فستان لانه شيخو قالت : تعدلي حق ريلج .. و عقب سرنا الدو .. وسرنا ميلانو .. خذينا نعول *اللہ يعزكم* خذيت لي 4 كعوب .. واحد اسود و الثاني كحلي على الأسود .. و الثالث عينآاوي غامج و الرابع لونه رمادي .. و سرنا داماس خذينا ذهب و الماس .. و بعدين سرنا محل كله مكياج .. خذيت منه شوي .. و تغدينا من ماك و ظهرنا .. . . . في [ سياره سيف ] .. شوق : سسواااف سيارتك حاااره .. سيف : يعني موقفنها في الشمس بيطيح فيها ثلج مثلا ؟ روضه : حححرررر .. سيف : والله مشغل المكيف والله .. روضه : انزين سواف .. بنسير الامارات مول فرع ايكيا .. سيف : ليش بعد؟ روضه : عسب نشتري ديكور بيتك اليديد .. شوق : اونه بتكمل تبنيه ؟ سيف : هيه .. روضه : متعني أخويا .. شوق : ههههههههه لازم كل يوم تعطيهم بخشيييش عسب يخلصون بسرعه .. سيف : هههههه شكلي جي بسوي .. شوق : بس ليش الخساير .. حلوه حجرتك سواف .. سيف : احم و جان أخق .. شوق : ههههههه مدحنا حجرتك ما مدحناك . سيف : انا وياها واحد .. روضه : انقل اثاث حجرتك حق بيتك اليديد .. سيف : تراني ناوي اسوي جيه .. شوق : شخبارها خطيبتك ؟ سيف : بخير .. روضه : ناس راهيين ماشاءالله عليهم .. و ما عليهم كلام .. شوق بخقه : ياويلي انا .. قلت سيف بالـ....... [ القبيله ] .. بيخطبني انا .. ما بيخطب ذيج .. سيف : ههههههه من زينج اخطبج .. روضه : نحن قوم بالـ........ ما نناسب الا الزين .. شوق : خفي خفي .. دخيلج لا تنجلب السيارة و نموت .. سيف : فالج ما قبلناه .. شوق : احم على طاري العرس .. ما باركتولي .. سيف أبتسم : هيه صح .. دومي أنساج .. مبروك مبروك .. منج المال و منه العيال .. روضه : شوقووه .. لايكون انخطبتي ؟؟؟ شوق : هيه .. ما خبروج .. روضه : ولا يابولي طاريج .. شوق : هههه احم .. روضه : مبروك مبروك .. سيف : بس بس .. يا حبكن ي الحريم حق هالسوالف .. روضه : ههههههه بلاك يالسين نرمس .. شوق : انزين هي شو اسمها ؟ روضه : منو ؟ شوق : اللي ضوى راسها حضرته .. روضه : العنود .. سيف : الشيخه العنود .. شوق : حلوه ولا لاء ؟ سيف : حلوه .. روضه : جميله أحلى عني بعد .. سيف : ههههه من حلاتج انتي روضه : جب جب .. جابل الدرب عن تنفدنا .. شوق : عيل بنشوف ذوق سيف .. سيف : لو سمحتي هاذا ذوق امايا .. مب ذوقي .. شوق : يعني مغصوب عليها ؟ سيف : لا حششى .. روضه : امس يت بيتنا .. سيف : ياربي .. رووضوه ليش لسانج مخبوق .. شوق : ههههههه يت شو تسوي ؟ سيف : رقدت .. روضه : ف حجرته .. شوق شهقت : لالا مو صج !!! سيف : بلاكم ياخي ما رقدت وياها ف نفس الشبريه .. روضه : عيل وين رقدت ؟ شوق : يمكن ف الكبت .. سيف : هااهاااهااااا .. شوق : لا صدق اذا مب حلوه بحط عليك حط .. و بعيب عليك .. روضه : لا يعني حلو هالثنائي يعني لايقين لبعض .. سيف ابتسم : صدق والله ؟ روضه : هيه .. شوق : الحمدلله .. اللہ يوفقكم و يهنيكم .. سيف ابتسم : أمين .. شوق : امم ما ييت لان كنت سايره عرس ربيعتي .. ماعليه بنحظر عرسك .. سيف : غصبن عنج عرس شيخج هاذا .. شوق : شاخت ركبك .. روضه : فديته أخويا شيخ .. سيف : حبيبتي اختي .. شوق : ههههههه اونه رومنسي و حركات .. سيف : خليني اييب المدام و براويج الرومانسية على اصولها .. روضه : لالالا دخيلك ما نباك تتهور .. سيف : هههههه .. . . . ام منصور : بخطبها يعني بخطبها .. منصور : امايا .. لا تتهورين !!!! ام منصور : انته ليش ما تفهم انا اباها حقك .. منصور : وانتي امايا ليش ما تفهمين ! انا ماباها .. ام منصور : شو فيها بنت خالتك !! ليش مب عايبتنك ؟ منصور : امايا انا ماباها عسب ما اظلمها وياي .. ام منصور : يا منصور قلنالك بعدين بنخطبها .. منصور : امايا انا ماباها .. ما دخلت مزاجي .. ام منصور : ي مزاجك انته .. منصور : اميييه !!!!!!!!! ام منصور : هاااا؟ منصور : دخيلج ماباها .. آم منصور : الشور مب شورك اسود الوييهههه ما تسمع رمسه أمك .. منصور : امايا انا اسمع كلامج .. بس حمده حالها حال شوق اختيه .. ام منصور : و شو يعني اذا حالها حال شوق؟ منصور : بظلمها ويايا صدقيني و بترد بيت خالتيه وهي مطلقه .. ام منصور : فـال اللہ ولا فآلك .. بلاك انته ؟ منصور وقف : اذا بتخطبينها خطبيها وهاذا منصور ما بتعرفينه ولاهو بيعرفج .. ام منصور وقفت : تهددني ي الماااصخ .. منصور : حششى عليا .. ام منصور : ياربي انا شو بلاني فيك .. اسير اجابل حرمه عمك ابركلي .. منصور يبوس راسها : اميه حرام عليج .. ام منصور : لا تيلس تحلل و تحرم على كيفك .. منصور : امايا والله والله والله ماباها ع الأقل انا بختار وإذا عيبتج خطبي اللي بختارها .. ام منصور : ي ربي منك .. منصور : يالله .. ما ابغيها أمايا ما ابغيها .. ام منصور : شو فيها ناقص عن باقي بنات العرب و الاودام ؟ منصور : امايا انا مب كل حد اييب راسي .. ام منصور : و نحن قوم بالـ......... ما نخطب منهه و الدرب .. ام منصور : اذا ظهرت مب شي شرات ويهك يا ويل يا منصور .. منصور يمسح على ويهه : آه ي اميه كل هالحلاه و تسبيني .. ام منصور : قوم قوم خلني اسير بيت عمك .. منصور : امايا راسج طبجه يابسه .. ام منصور غمضت عينها : منصصصورر .. منصور : امري يا عيون منصور انتي .. ام منصور : صخ و خلني اسير بيت عمك .. منصور : سيري انزين بس انسي انج تخطبينها .. ام منصور : منصصصوووورر .. منصور : هكو البيت سيري .. تراه لاصق فينا .. ام منصور : ادريبه .. منصور : لا بس اقولج عسب ما تضيعين .. ام منصور : مننننصصصورر .. منصور وقف : ههههه خلاص اصلا انا ساير ساير .. . . . سيف : يالله نزلي ييبي جلابياتج انتي وياها .. روضه : ما بتنزل ؟ سيف : لا بحاوط و يوم تخلصون اتصلوا .. شوق : اوكيه .. بس يوم نتصل تعال بسرعه .. مافينا نترياك في الشمس .. سيف : افا عليج الشيخه شوق بييج طيران .. روضه نزلت : ههههه يالله باي .. . . . عايشه : عممميي ... نهيان : عيون عمج ؟ عايشه : ابا اثير وياك الدكان .. نهيان مسك راسه : يا هالدكان .. اسميه مسولنا حشره .. شما : سير ودها حليلها . حمد : قوم سير ود بنتي .. نهيان : عيل غياض فيك انته و حرمتك ما بوديها .. عايشه تصيح : ودوووني الدكان .. حمد : ي الهرم .. ما عليه انا براويك .. شما تحظنها : بس حبيبتي بس .. خلاص لا تصيحين .. عايشه مسحت دموعها : عمي جلب خايث .. نهيان : هيييهاااء انا خايث ؟ عايشه : بدلبك .. نهيان : حمد اصلب بنتك . . عايشه ترد على ورا و تمشي ريوس : ماحبكم (تأشر بإيدها) ماحبكم كلكم .. نهيان : هههههههه نحن اللي ميتين عليج .. عايشه يت عندي : احب عموه .. انا بستها عـ خدها : وأنا احب عواشتي .. عواش حط ايدها على خدي : بتوديني الدكان صح ؟ الكل : هههههههههههه شيخه : والله و طلعت بنتك مال مصلحه .. حمد : ما سارت بعيد طالعه على عمتها .. انا : لالا انته تهيننا جي .. حمد : حشى عليا .. عايشه تلعب بالعروسه مالتها و تمط شعرها .. نهيان : حمود ييب حق بنتك اخو تكفخه .. شما : ههههههه حلوه هاي .. نهيان : صدق ما تشوفون حالتها كيف .. حمد : افا عليك .. عرس و ييبلها خطيب .. نهيان : خل نجهز الحرمه اول .. و عقب نفكر في هالموضوع .. شيخه : شوق اخت شموه .. ما تباها .. نهيان : ووووع .. ما لقيت .. شما : اييه كله ولا اختي .. اصلن خطبوها .. نهيان : و منو هالنحيس .. شما : شامسي من أهل العين .. حمد : زين والله .. عايشه بصوت عالي : بثثــرد من البيت و بثير ويا رآآشييد الدكان .. حمد اونه عصب : قصصورج بعد .. عايشه : ماحبكم ماحبكم .. نهيان : تعالي بطلب لج من الدكان .. عايشه : اييب نعالي؟ نهيان : لالا بنرمسه من التيلفون .. عايشه : لالالالا انا ابا أثير هناك .. نهيان : ياخي حمود شل بنتك و فكنا .. حررام نضرب خط من هني لين الدكان .. بيخلص البترول .. حمد : ي الززط اللي فيك .. نهيان : طالع عليييك .. شيخه : وين امايا .. شما : سارت عزبتها .. انا : عزبه في هالحر !! شما : من مساعه هي طالعه .. البيدار مال العزبه متصل يقولها عنزه ماتت و عنزه شردت .. و هي تدرونها ما تتخلى عن عنزها .. نهيان : امايا لو الود ودها تسير تسوي عزا حق كل دبشها .. حمد : ههههههه أيام يوم نربع انا وياك ورا الدبش .. نهيان مسك يبهته : هههههه لا تذكرني .. اونه امايا قاصه علينا و ميلستنا ف العزبه نرعى هوشها و دبشها .. شيخه : تحيدون يوم ماتو الأرانب ؟ انا : هههههههه انقراض جماعي استوالهم .. كل يوم واحد يموت .. نهيان : هههههههههه تذكرون يوم عنود صاحت على ارنوبها ؟ انا : ههههههه حليلي كنت احبه .. شيخه : هههههه الله يرحمه .. عايشه كانت تلعب في الغسول .. و تشل ماي في الفنايين و تجبه على الارض .. شما : ايييه عواش تعالي .. عايشه فرت الفنيان على اليدار : ماااحبكم .. انا : لالا دخيلج حبينا بنموت تكفين .. نهيان : ما نسوى شي بلا محبتج .. حبينا اللہ يخليج . حمد : هههههه تخبلتوا ؟ ياهل هاي ترمسونها جي .. شما : خلهم حبيبي .. شيخه : له له له ما نروم .. دورولي معرس .. نهيان : خليج عانس .. شيخه : اصلن انتوا الخسرانين لأني بتم يالسه على جبودكم .. حمد : ههههههه .. انا : يوعانه .. تبون اسويلكم شي وياي .. نهيان : هي حبيبتي .. سوي شي حلو من خاطرج .. انا : تآمر بعد جبدي .. كم نهيان عندي انا ؟ نهيان : ههههه يقولون واحد .. شيخه : ولا جنه اخوها .. شما : اللي يطالعهم يقول معاريس .. انا : تف تف تف عن الحسسسد .. سرت عنهم صوب المطبخ .. نهيان : مشكله اللي مب محصلين حد يعطيهم حنان .. شما : هههههه عندي حبيب قلبي حمودي .. حمد اونه يرمش .. شيخه : يا شين الدلع على البقر .. حمد : شيخج انا .. شما : تاج راسج .. شيخه : انا بروحي شيخه .. نهيان : تحسسيني شيخه من شيخات دبي ولا قطر .. تراج الا شيخه بالـ......... شيخه : و لايكون شيخه بالـ.………. مب عايبتنك ... نهيان : لا عايبتني وايد .. دخلت اميه و وراها خدامتنا خيريه - اثيوبيه هاي بس حق اميه - اميه : السلام عليكم . الكل : و عليكم السلام .. اميه فصخت عباتها : امممف عليه من بيدار .. حمد : شو قالج ؟ وين سارن العنز .. اميه : اونه ماتن الصخيلات .. نهيان : كلهن؟ اميه : جذاااب اكبر جذاب .. اشوفهن انا ينقصن .. اكيد ما يأكلهم زين .. يبغي ينفدهن .. نهيان : اللہ يهديج امايا .. حاطه بيدار يرعى الهوش .. شدراه .. امايا : يعرف والله انه يعرف كيف يداريهم الا هو يستعبط .. شيخه : أمايا .. يمكن انتي ظالمتنه .. يمكن مااتن من اللہ مب منه .. أمايا : ادريبه اكبر حرامي رااااجوو .. اكيد بايعنهن .. زاخ الصخيلات و بايعنهن .. حمد : يمكن شردن .. امايا : انا عنزاتي مربتنهن احسسن تربيه .. شما : و عموه شو يأكل لج انه هو اللي بايعنهن ؟ اميه : انا كل يوم اشوف عنزه و ديايه قاصره .. أكيد بايعنهن مسسسود الويهه .. شيخه : يمكن بيداركم الثاني عبدالقادر .. اميه : هذاك مال الرجاب ماله خص في الدياي و العنز .. انا ييت ويايبه صينيه فيها تشيركيك و عصير فراوله فريش .. انا : شو بلاكم .. اميه : هاذا البيدار محد غيره مخبل بي .. انا بست راسها : استهدي بالله .. شياج عليه .. قبل تحبينه و تمدحينه .. اميه : الهيييس الهرررم يبيع صخيلاتي .. انا قطعت الكيك و حطيته في صحون و صبيت العصير في كوبات .. شما : انزين عمتيه شو سويتيله ؟ اميه : كنسلت ويزته .. باجر بسفره .. انا : لا امايا حرام عليج .. اميه : حرمت عليه عيشته ياربي .. حمد : اميه الا عنز ما يرزى علينا .. اميه : حلالي هذا .. بنياتي .. نهيان يأكل كيك (يبا يغير السالفه) : اميه ذوقي الكيك والله حلو من ايد عنود .. انا : احم .. شيخه : تسلم ايدج .. اميه : عنود .. انا : لبيه .. اميه تنهدت : الله ياخذ طاريه من بيدار لعوزنا الله يلعوزه .. المهم غناتي لبيتي حايه .. عرسج بيكون في شهر 4 .. انا : زين والله .. اميه : يناسبج ؟ ولا لاء عسب اخبر العرب .. انا : لالا يناسب .. و زين بعد لان عيد ميلادي على آخر 4 .. نهيان : لالا ما نروم .. انا ابتسمت . اميه هدت شوي : الحمدلله .. . . قوم روضه شلن جلاليبهن من الخياط .. و عقب سارن فيستيفال .. تعشوا و ردوا البيت .. و شوق قالت بتظهر مره ثانيه بتخلص زهبتها بس سيف قالها انا تعبان .. و سارت هي و رويض يقردنون منصور بس ما طاع وسار يلعب ويا سيف بلياردو .. و عقب سارن ويا الدريول فليل الساعه9 .. ( في سيارة دريول قوم شوق) روضه : ززززحممه .. شوق : اليوم اليمعه اكيد زحمه .. روضه : بس مب جيي حححشى .. شووق : أهل السلطنة و السعودية معسكرين في دبي .. روضه ترمس الدريول : ما بنظهر اليوم ما بنظهر ؟ الدريول : انا شو في سوي ماما هزا كلوو في زههمه .. فجأة يت سياره من ورااهم و طططااااااااخ .. شوق زخت قلبها : بسسسم اللہ الرحمن الرحيم .. روضه : زين ما نفدنا هالهيييييس .. نزلت روضه من السياره و نزلت وراها شوق .. الريال : السسموحه الشيخات .. روضه : انته غبي ولا غبي ؟ شو فيك ما نششوف؟ الريال نزل راسه : ماعليه مسامحه الشيخه .. روضه : شو نقول حق أهلنا الحين شو نقول ؟ شوق حست ان الريال متلوم : بس روييض تراه بالغلط .. الشرطي كان يمشي ب دراجته في الشارع و شاف سيارة قوم رويض واقفه ورا سياره الريال .. الشرطي: السلام عليكم .. شو مستوي هني؟ شكله حادث؟ روضه : ترا كان شي زححمه و( أشرت على الريال) دعمنا .. الشرطي رفع راسه يطالعها قال ف خاطره : محلاااها شكلها بنت ناس نااااس ..بس شو مخلي وحده شراتها تظهر ف انصاف الليالي .. روضه تأملت ملامحه و ابتسمت بخقه .. مب انا روضه بنت ابويه عبدالله اللي اييب راسي ريال و انعجب فيه .. هز راسه الشرطي و سار ورا السيارة .. و عقب رد : تؤ تؤ تؤ شكلها انشحفت السيارة .. رويض : لاا مب واايد . . الدريول واقف جنه مزهرية .. الشرطي طالعه : انته اللي كنت تسوق ؟ الدريول هز راسه .. الشرطي: ممكن تطلع الليسن . . و تخليني أشوفه .. الدريول دخل السياره و رد ظهر .. و عطاه الليسن .. الشرطي تم يطالع البطاقه و عقب ردها .. الريال : انزين عطوني رقمكم و بنتلاقى في مكان عسب آخذ السيارة و أصلحها .. شوق : لا والله؟ الشرطي طلع دفتر المخالفات و كتب مخالفه للريال .. شوق طالعت ساعتها و تنهدت .. الشرطي : كم رقمك ؟ حمدان : ******** الشرطي : لو سمحت قولي اسمك .. الريال : حمدان سالم ال..…..... الشرطي بقق عيونه : حمدان اخو سعيد ؟ حمدان باستغراب ؛ هيه ؟ الشرطي : اووه أخوك ربيعي الرغيد من زمان ما شفته .. حمدان : عايشين شو نسوي بعد ! روضه : ها نسير ؟ الشرطي : هيه سيروا .. و عقب اتصلوا على رقم الأخ حمدان .. و لا اقولكم .. "طالع روضه" عطوني رقمكم عسب انا أتواصل وياكم .. روضه الغبيه عطته رقمها : ****** يالله نرد البيت والله بيسوون لنا حششره لأننا تأخرنا .. الشرطي غمز لها : سيروا اللہ يحفظكم .. كل واحد ركب سيارته .. في سيارة دريول قوم روضه . شوق : شقصده الشرطي يوم غمزلج ؟ روضه بعدم اهتمام : مادريبه .. شوق : ورآه سالفه هالشرطي .. روضه : و انتي ليش مهتمه وايد .. بزواله .. شوق : والله اني خايفه من منصور اذا شافنا .. الحين الساعه بتي 12 و نحن ما ردينا البيت .. روضه : ههههه انا سيف عادي ماا بيقولي شي .. شوق صدق تروعت من منصور و ضرب خدها ب خفيف : يااااوييلليي .. روضه : ههههههه ان شافج بيمردغج .. شوق غمضت عينها : لالا سكتي عني بصييح.. روضه : هههههههههـهههه .. . . . أبويه مسح على راسي : كلها كم يوم و بتسيرين عند ريلج .. انا مسكت ايده و بستها : ما اروم افارقكم انا ماروم .. نهيان : خليه يعيشج هني .. أبويه فر عليه قوطي الكلينكس : لا تمزر راسها أفكار غبيه شراتك .. شيخه : هههههههه مسكييين سبوه .. نهيان : ماعليه أبويا .. اصلن عادي .. انا انسدحت و حطيت راسي على ريله : أبويا احبك .. أبويا : و انا احب دلوعتي .. أمايا : امممف عليييكم شو هالمنكر .. حمد : ههههههه قولي اغار .. امايا : جب انته .. حمد : تغاار العيووز .. أبويا : عيز حيلك لا تقول عن أمك عيووز .. حمد : ما يرضى عليها الشيبه .. انا : شيب شعر راسك كلللله أبويا مب شيبه ي الهيزه .. حمد : ها رمست دلوعه البابا .. شما حطت راسها على جتف حمد .. انا حظنت ايد أبويا .. شيخه : عنوود تراج كبرتي عن هالحركات وقومي عدلي يلستج .. انا : تغارين .. خليني جي مرتاحه "طالعت أبويا" مرتاح أبويا ؟ أبويا : هيه .. انا طالعتها و طلعت لساني .. نهيان : بس بس بدت صددعه عنود و شيخوو .. شيخه أشرت على حمد و شما : عايشين الجو الحبايب .. شما : وليش ما نعيشه ؟ شيخه : ههههههه سيروا حجرتكم .. عايشه يالسه تلون في دفترها و ناثره الأقلام الملونه في الصاله و منسدحه على بطنها تغني : ماما جابت بيبي .. بيبي حلووو صغغيير . نهيان انسدح عدالها و يلس يلعوزها .. عايشه : ماحبك ققووووم انته غبي .. نهيان شل اللون الأسود و شخبط على ورقتها : غبي أبوج اللي يابج .. حمد : ايييه لا تغلط .. عايشه رفعت صبعها بتهديد : بخبر يدي عليك .. ابويا : نهييييان لا تلعوز بنت اخوك .. نهيان يمثل انه يصيح : وااء عوااش خفت .. ابا مامااااه .. انا : هههههه ،. عايشه شلت دفترها و يلست تلقط أقلامها و سارت تيلس عدال أمها .. . . . |
هههههههههههههه فوديييت عوااشيي احححم الرواآآيههه واآآيد حلوهه و نترياا الباآآرت الياآآي |
ههه البارت روووعهه + طرر.."" اممممم يعطيج العافية خيتووو نترقب البارت الي بعده بفارغ الصصبرر لا طولين علينا ههه يحليلها عواااشش فدييتها |
اقتباس:
. . هههه فدوه حبيبتي ، مشكورة ع المرور *♥♥ |
اقتباس:
. تسلمين قلبي :blushing: ان شاء اللہ ما بطول <4 |
. . الأعضاء اللي يدخلون و يقرون .. ما يصير جي ! ع الأقل شجعوني اذا ما حصلت تشجيع يمكن اوقف و ما أكملها .. ف يعني لو سمحتوا .. شجعوني .. |
البارت الثالث .. . . روضه دخلت البيت : السلام علييكم .. سيف + منصور + ام منصور + ابو منصور + ام سيف + بو سيف : و عليكم السلام .. روضه مشت صوبهم هي و الاجياس اللي شالتنهم : شحآالكم ؟ الكل : بخير .. منصور : ما يانا الخير يوم شفناج .. روضه : محد رمسك .. منصور طالعها ب نظره .. روضه : ججببب .. منصور : تعالي ضربيني بعد .. روضه : اكسسسر راسك بعععد .. منصور ابتسم : جلبي ويهج .. روضه : اي صوب .. منصور اشر : هناك و لا تيين صوبي .. روضه انقهرت من أسلوبه ليش دوم جي يرمسها و سارت فوق على طططووووول .. سيف : انته شفيك على اختيه ؟ ام منصور : يحبها ما عليكم منه .. منصور : وووووععع .. شو ابا فيها .. احب لي مغربيه ولا أردنيه احسن منها ... ام سيف : امممف عليك شو تبابهن بنات الغرب .. بو سيف : مب من زينهن لو زينات جان انا من زمان مأخذ وحده لبنانيه "غمز لـ منصور و سيف " سيف ؛ هههههههه عيل ابششروا الثانيه بتكون مصريه .. منصور : ما سدتك المغربيه ؟ سيف اعتفس ويهه : لا تييب هالطاري .. بو منصور : ماعليه يا سييف لا تكدر روحك عشانها .. سيف : ما تستاهل أصلن .. بو سيف : بنت سهيل تدري ؟ سيف : لااا .. ام سيف : ما نبغي نخبرها عسب ما تكنسل الملجه و العرس .. ام منصور : تحملوا تخبرونها .. سيف لاعت جبده من طاري هالمغربيه : تصبحون على خير .. . . . شوق دخلت البيت ما لقت حد قالت اكيد ساروا بيت عمها عبدالله .. سارت فوق عفت عباتها و طلعت برا البيت .. و دخلت بيت عمها .. يلست تسولف وياهم شوي و عقب خمس دقايق الكل سار بيته يرقد .. . . . انا سرت لبست بجامه لونها رمادي فيها دبدوب باندا لونه ابيض و اسود .. و انسدحت .. شوي و شفت رقمه يتصل لي .. رديت عليه .. سيف تنهد : الشيخه العنود .. انا : آمر .. سيف : تعبان .. انا : سلامتك من التعب .. سيف : ايي بيتكم الحين ؟ انا : لالا تراك تعبان .. ارقد اشوي .. سيف : ههههه لوتيه .. انا : افا .. تسب حرمتك ؟ سيف : آسف حقج علي . . انا ابتسمت .. سيف : شو تسوين ؟ انا : منسدحه و أرمسك .. سيف : رقدي وياي اليوم .. انا : انزين خلك ع الخط .. سيف : صبري ببند الليت .. انا : لايكون تحب ترقد و الليت مبند ؟ سيف : هيه .. انا : اخااف انا .. سيف : عيل يوم بنعرس رقدي بروحج ف حجره .. انا : أصلن عادي برقد ويا روييض .. سيف : قصصورج بععد .. بترقدين في حظني .. انا ابتسمت : خير ان شاء اللہ .. سيف : يالله وين البوسه .. انا : بوسه شو .. سيف : بوسه ما قبل النوم .. انا : لا احلف انته بس . سيف ابتسم : ماعليه لا تعطيني الحين .. بس صبري علي لين العرس .. بخليج بروحج من نفسج تيين تبوسيني .. انا غمضت عيني : خير ان شاء اللہ .. رقدت و مسكين حليله يرمسني و انا ما ارد عليه .. سيف : حووو "طالع التيلفون" بعدها ع الخط .. بلاها ليش ما ترد .. اكيد رقدت "حط التيلفون على أذنه" نوم العوافي .. . . . روضه انسدحت على ظهرها : منصور ليش يرمسني جي ؟ انا شو سويت له "ابتسمت" صح اني حاطه دوبي من دوبه بس ليش يرمسني بأسلوب خايس .. اصلا ما يستأهل حد يفكر فيه .. تفو عليه هالحيوان .. "رن فونها" ...... : الو .. روضه : الو ؟ ...... : شحالج روضه ؟ روضه : بخير .. منو ؟ ...... : اممم انا واحد .. روضه : ههههه ادري انك مب وحده .. ...... : انزين شحالج بعد ؟ روضه حست انها زودتها : يالله مع السلامه .. و بندت في ويهه .. يلس يتصل و يتصل لين ما تعبت روضه و حطته ع الصامت .. و رقدت .. . . . عايشه تصيح بطنها يعورها .. شما : خلاص لا تصيحين لوعتي جببدي .. عايشه زاد صياحها .. شما يلستها فوقها و يلست تهزها : خلاص خلاص .. حمد : بلاج ع البنت ؟ شما : ذبحتني ... من الصبح تصييح .. حمد : انزين خليها .. شما : وانته تسمعها و مسوي طاف .. حمد : ريلاكس شوي شوي .. لابقه جنج جبريت .. شما : مب انته أبوها ؟ يالله سكتها .. حمد : لا إله الا اللہ شفيج يا حرمه .. "حظن بنته" خلاص ماما سكتي .. باجر بوديج الجمعيه .. عايشه طالعته : صصصددق ؟ حمد : هيه .. عايشه وقفت و مسحت دموعها : بسير عند ليزا .. *الخدامه* شما : خليها تسبحج و لبسي بجامه و تعالي رقدي .. عايشه : اوكي ماماه .. سارت .. حمد مسكها من خصرها : بلاج مطنقره ؟ شما : والله بنتك هاي صددعه .. حمد : شرات أمها .. شما خازت عنه : قوم ياخي اسير اتسبح أخير لي .. حمد بااسها بسرعه : ماعليه شمووه .. شما ابتسمت .. و سارت تسبح عسب ترقد .. . . . انا نشيت و انتبهت ان السماعه ف اذني .. شفت فوني .. و شفت انه بعده ع ع الخط .. انا : أمم .. سييف .. سيف .. سيف راااقد .. انا رحمته و سرت تسبحت لبست لي مخورة زرقا و تجحلت و نزلت تحت .. ما حصلت حد قلت اكيد برا صوب الحديقه .. سرت هناك و حصلتهم يتريقون .. انا بست راس أبويا و اميه : صباح الخير .. أبويا : صباح النور .. امايا : غريبه ناشه هالوقت .. انا : شسوي بعد .. أبويا : تريقي فديتج .. انا تريقت و سرت داخل يلست اجلب في القنوات .. ما عيبني شي. و سرت فوق ف حجرتي أكمل رقادي .. . . . منصور : صباح الخير .. ام منصور : صباح النور .. منصور : النور ولا توام .. شوق : سخاافه من صباح اللہ خير .. منصور ابتسم : محد قالج ضحكي . ام منصور : منصور .. متى بتعقل ؟ منصور يأكل ريوق : يوم ربج بيكتب .. ام منصور : ياربي منك .. مالك حل غير العرس .. شوق : امايا خطبيله حمدوه بنت خالوه . منصور : لالا ماباها .. ام منصور : آسكت اسكت .. الحين بترمس و ما بتسكت .. ادريبك .. منصور : ههههههه عيل وين أبويا ؟ شوق : سار الشركه .. منصور وقف : يالله عيل انا ساير .. ام منصور : على وين ؟ منصور : بسير انكرف ف الشغل .. شوق : سير شو وراك .. منصور يطالع امه : امايا حرام عليهم يكرفوني .. انا مسكين .. ام منصور : مب مسكين ولا شي .. سير توكل .. منصور : ماعليه امايا .. مقبوله .. "باس راسها" مع السلامه .. ام منصور : سير اللہ يحفظك .. . . . . سيف : ي الحماره امس رقدتي و خليتيني ارمس عمري . انا : ههههه والله رقدت جي فجأة .. سيف : ماعليه مب منج مني انا .. انا : ههههههه .. سيف : ضحكي ضحكي شو وراج .. انا حطيت صبعي على شفايفي : خلاص اسفه .. سيف : ع الأقل قولي برقد .. مب تخليني ارمس الهوا .. أنا : ماعليك مني الحين . سير تسبح و تلبس و توكل. . سيف : وين اسير ؟ انا : دوامك وين بعد ؟ سيف : هههههه بسير و بكشخ بعد .. انا : سير فديتك .. سيف : انزين صباح الخير .. انا : تو الناس .. صباح النور .. سيف : ش اصبحتي اليوم ؟ انا : بخير ربي يعافيك .. سيف: يالله بسير الدوام تآمرين ع شي ؟ انا : لا .. سيف : حتى أسلوب ماشي .. انا : .... سيف : بلاج رمسي .. انا : اممم سيف لازم ابند .. سكرت و انا افكر صدق عصب علي .. ولا انا ماعندي أسلوب .. و لا شوو ؟ تميت على أعصابي قلت بيتصل .. صبرت دقيقه و عقب أستوت 10 دقايق ما رمسني .. نزلت تحت و يلست اسولف وياهم .. و عقب ظهرنا سرنا الامارات مول عسب نشطب ع اغراضنا نبا نخلص و نكون جاهزين و مزهبين حق العيد .. خلصنا كل شغلنا و تغدينا هناك و عقب حطنا شوي و ردينا البيت .. . . . روضه نشت من رقادها شافت 21 مكالمه من هالمجهول اللي رمسها امس . . تنهدت و سارت تسبح و تكشخت لبست جلابيه بنيه و شيله صفوه بنيه .. رمست عينها و حطت روج وردي فاتح و خففته .. و نزلت تحت .. ام سيف : صباح الخير .. روضه : صباح النور امايا .. ام سيف : سيف اخوج راقد .. روضه : مادريبه .. ام سيف : رويض خبري حرمه اخوج انه نحن عازمينهم ع الغدى يوم العيد .. روضه : من ارمسها بقولها .. ام سيف : جييينا -الخدامه- جينا : يس مدام ؟ ام سيف : تيل سيف تو كوم داون .. جينا ؛ اوكي مدام .. روضه نشت : الحمدلله .. ام سيف : وابويه .. ما كلتي شي .. روضه : نسوي ريجيم .. ام سيف : مب من متنج عاد . روضه : هههههه بسير بيت عمي .. ام سيف : سيري .. كانت روضه سايره تبا تظهر من باب بيتهم و اتصل لها هالمجهول .. روضه: افففف ياربي .. شو تبى مني ؟ ....... : اباج انتي ؟ روضه : شو تبى فيني فكني .. ....... : حبيتج من اول نظرة .. روضه : سير انجلع .. ...... : ابا اقولج منو انا بس أخاف اطيح من عينج .. روضه : تدري ؟ مب جني زودتها وياك .. باي باي .. لا تتصل .. (سكرت). . . . جينا دقت الباب : سييير سييف .. سيف كان يلبس الكندوره : ها ؟ جينا : مدام سآي كوم داون .. سيف : اوكيه .. سارت جينا و سيف تعطر ب دهن عود و عدل غترته و نزل تحت .. . . . شوق : انزين .. ملل شو نسوي .. روضه تلعب ب فوني و فجأة شافت رقم .. روضه : شرايج نتصل حق العروس .. شوق : اي عروس .. روضه : زوجه اخي سيف .. شوق : حقاً ؟ اتصلي .. روضه : هههههه جب ويا ويهج .. شوق : ههههه ابا اسمع صوتها .. يالله دقي .. روضه اتصلت .. انا : الو .. روضه : أحم هلا ب حرم أخوويه .. انا عرفت انها روضه اخت سيف : اهلين شحالج؟ روضه : بخير و سهآآله .. و العروس شحالها؟ انا : بخير ربي يسلمج .. شوق تهمس : حلو صوتها .. روضه : أنزين و شعلومج بعد .. انا : ماشي علوم .. روضه : انزين امايا تقول هي عازمتنكم ف اول ايام العيد .. أنا : عزيمه شو؟ روضه : غدى .. بتسويلكم ذبايح .. انا : لا ليش .. روضه : هههههه عيد عيييد .. انا : هههههه اوكيه .. روضه : ها بتون ؟ انا : بعدني والله ما خبرت امايا.. يوم بخبرها برد لج خبر .. روضه : انزين .. متتى بتين تولهت عليج .. انا : اممف عليج .. شوق : روضوه بخبر سواف عليج .. انا : منو هاي ؟ روضه : بنت عميه شوق .. شوق : مبروك العروس .. انا : ههههه تو الناس .. عقبالج ان شاء اللہ .. شوق : اصلا انا مخطوبة .. انا : مبروك .. تمينا نسولف شوي .. منه نسولف و منه نتعرف انا و رويض على بعض اكثر .. . . . في الشركه .. منصور : كيف يعني ؟ سيف : ماشي بس قلتلها ماشي أسلوب .. و هي مادري ب شو حست .. منصور : حرام عليك .. سيف : ههههههههه انا ما كنت اقصد شي والله العظيم بس استهبل ابا اشوف ردت فعلها .. منصور : و شفت ردت فعلها ؟ سيف : هيه .. منصور : احس حرام عليك اللي تسويه .. سيف : انا ما سويت شي .. منصور : انزين .. في حد دق الباب .. سيف على صوته : تففضضل .. دخلت وهي ماسكه الملف ف ايدها .. عدلت نظارتها و مدت الملف ل سيف . سيف : توقيع بعد؟ ميار : هيه .. الأستاذ عبدالله طلب مني أعطيك هالملف . لان نحن بندمج شركتنا مع شركه بو عدنان .. منصور : لا تقولون .. ميار طالعته : صدق والله .. سيف : انزين أوقع بس ؟ ميار : أقرى شروطهم بالأول و بعدين وقع .. و لا تنسى ان العمولة 32 مليون .. منصور صففررر .. سيف : اوكيه ميار .. ميار حطت الملف على طاوله سيف .. سيف طالعها : عندج شي تبين تقولينه ؟ ميار : اممم الصراحه امس اتصلت لي ماريا .. و هي راح ترجع من المغرب .. سيف : و خير يا طير .. ميار لعبت ب الخاتم اللي ف صبعها : و هي جايبه معاها بنتك حصه .. سيف وقف .. و منصور من الصدمة فج عيونه .. سيف توتر : كـ .. ككييف جي ؟ ليش عقب هالسنين ترد من المغرب ؟ ميار : والله ما بعرف . . سيف مسك راسه : بنتي وياها ؟ ما أظن انه عندي بنت ؟ ميار : لاء هيا آلت انو انتا ابوها للبنت .. سيف : اللہ يعين .. منصور : مشكورة ميار .. ان شاء الله الحين بيوقع ع الملف .. ميار : العفو .. "عطته ظهرها تبا تمشي" منصور : لو سمحتي طلبي 2 قهوة . . ميار : طييب .. ^ ^ ميار و ماريا : خوات توأم .. بس الفرق ان ميار بريئة و طيبه و على نياتها عسب جي سيف عينها سكرتيرة عنده .. و ماريا .. ملللعععووونه .. مب سبه هاي صفه .. يعني فيها حركات لعانه .. الفرق ان ميار شعرها اشقر على برتقالي على عسسلي و طويله و ضعييفه واايد .. و تلبس نظارة ... أما ماريا مليانه شوي . يعني جسمها معتدل .. و شعرها اسسود .. ^ ^ سيف : والله اني خايف .. منصور : من شو ؟ سيف : أخافها تسوي مشاكل بيني و بين حرمتيه .. منصور : تعوذ من إبليس .. سيف ؛ أعوذ بالله من الشيطان الرجيم .. منصور : ربك بيفرجها .. . . . . . . . بععد ثلاث اسابيع . . . [ يوم العيد ] \ / \ العيد يانا يا الغضي يانا .. يا عساك مرتاح و سعيد .. / \ / انا نشيت الساعه 11 و ما لقيت ولا مسج ولا شي منه .. تنهدت و ابتسمت ب حسره : يوم انه ما يباني لييش يملج علي من البدايه ؟ فريت الفون و سرت اتسبح لبست لي دريس وردي فاتح و فيه شغل من عند الصدر باللون الاوف وايت .. مخصصر وااايد و فيه قصه من عند الظهر .. رسمت عيني من برا .. و حطيت لي روج وردي فاتح .. تعطرت و غرقت عمري بالعطر .. و جهزت عباتي لان اليوم الغدى في بيت ام سيف . . عازمتنا و عازمه قرايبهم .. نزلت تحت .. كلهم كانوا متيمعين .. انا بست ابويه و حظنته و بست راس اميه : عييدكم مبارك .. أبويا : عسساج من العايدين و السالمين .. امايا : عسساج من العايدين و السالمين .. شيخه : أوب أوب .. ظهر كششخه عليج .. انا : احم .. نهيان : لازم هاي عروستنا .. أبويا : فديت عروستنا والله .. امايا : يالله نشن بنسير صوب مهره .. شما : عموه اشلها عايشه ولا لاء ؟ أمايا : شليها و لا بتخلينها عن أبوها .. حمد : لا أمايا أبوها مب متفيج .. امايا : خل عنك يالهيزه .. جابل بنتك .. حمد : أمايا والله بظهر عند ربعي .. شما : خلاص بشلها .. نهيان : احم في ناس ساكتين اليوم .. ما يبون عيديه .. انا : هيه صح .. نسيت .. "مديت له ايدي" يالله .. نهيان : انا مفلس ما عندي .. شيخه : مادري منو امس فليل يالس يعد بيزاته .. نهيان : عنلاتج ردار متحرك .. شيخه : هههههههه يالله وين عيديتي ؟ نهيان عطاني 500 و شيخه 500 .. أبويا طالعني : تعالي .. انا سرت عنده .. أبويا ظهر بوكه : يالله شلي .. انا سحبت و بالحظ طلع 1000 .. حمد : انا اقولكم من الحين .. ما بعطي حد .. شيخه : اصلن ما نبا شي من حمد الززطي .. عايشه يايه هي و ليزا .. عايشه تدور ب فستانها الوردي : اناااا ييييت .. أبويا فتح ايده يعني تعالي .. عايشه ربعت و حظنته .. أبويا : ما بعطيج عيديه .. عايشه : ليث؟ أبويا يأشر على خده : وين البوسه .. عايشه : بوثة؟ اوكي "باست خده" و خيسته بـ تفالها .. أبويا مسح اللي ع خده : ماعليه بطوفها لج .. عايشه فتحت ايدها : وين فلوثي؟ أبويا عطاها 100 .. عايشه : مثكوور يدي .. "سارت عند امايا" و باستها .. و عقب سارت عند أبوها .. حمد : انا مفلس اليوم .. بوكي مغبر .. عايشه : بابا لا تكذب .. موب ذين .. > مب زين .. حمد : هههههه هرمه .. "عطاها 100" و طالع شما : انتي ما تبين عيديه ؟ شما ابتسمت : لا عقب .. حمد غمزلها : هههههه اوكي .. امايا نشت : يالله انا بسير ازهب عمري .. جانكم بتسيرون "أشرت علي انا و شيخه و شما" تزهبوا .. . . . . ام سيف تدخن البيت .. و ترتب الفواله و صياني الباتشي .. بو سيف باس راسها : عيدج مبارك .. ام سيف : عساك من العايدين و السالمين ي الغالي . بو سيف : الللله شو هالريحه الغاويه .. ام سيف دخنته : هههه كل ها عشان بنت سهيل .. بو سيف : تستاهل والله .. سيف نزل وهو لابس كندورته البيضا و غترته و عقاله . و ريحه دهن عوده شاله البقعه .. سيف باس راس أبوه : عيدك مبارك أبويا .. و عقب حظن امه : عيدك مبارك عيوزتنا .. ام سيف : عييز حيلك .. ما برد عليك .. ابو سيف : عساك من العايدين و السالمين .. لا تلعوز ب أمك .. سيف باس راسها : تدري اني استهبل وياها .. يلست امه تدخنه .. نزلت روضه و هي لابسه دريس كحلي و فيه شغل بالذهبي .. واايد حلو عليها .. مخصر و فيه ذيل صغير .. راسمه عيونها من برا و من داخل مع بلشر خفيف و روج احمر .. سيف صفر : ياااويلي .. ام سيف : تعالي تعالي بدخنج و اقري على عمرج لانه بيون الحرمات .. روضه : عيدك امبارك أبويا .. ابو سيف : عساج من العايدين و السالمين .. سيف : ما اروم انا .. متعدله حققيَ ؟ روضه : ههههههه لا .. عنود بتتعدل لك .. سيف : مالت عليج .. روضه : ههههه .. بو سيف ظهر بوكه و عطى روضه 2000 .. روضه باسته : مششككور أبويا .. بو سيف : ههههه حسيت فيج .. قلت بلاها ما يابت طاري العيديه .. سيف : وأنا ؟ ام سيف : ريال شطولك ش عرضك تبغي عيديه؟ سيف : هههههه استهبل والله "باس راس أبوه" الخير وايد الحمدلله .. . . . أمممم شو رايكم في الشخصيات و شو توقعاتكم للأحداث اليايه =)♥؟ |
السلام عليج شحالج؟؟ علومج؟؟ روااايتج طرررر تجنننن والله مبدعه ياخي البطل ليش اسمه سيف اكره هالاسم العنود:حبتين هالبنت حبيتها واايد قهرني سيف يوم م طرش لها ولا مسج حسيت بشي ف قلبي ناغزني >< سيف: حماار يستهبل كريه ليش حي ليش قالها م عندج اسلوب اونهه يستهبل اممف عليك من ريال روضه: اتوقع هو نفسه الشرطي اللي يرمسها ومنصور قهرني ليش جي يعاملها وسموحه |
رواايتج*تصفر* ياا ويليي سيف<<<مسكيين يكسسر الخااطر و الله يسعدهه ويا العنوود ماريااا<<< اففففف تقههههر حق شووه يااايه بعد؟؟؟؟ انشاالله يكوون فييههاا الخبيييث و تموووت<<خخخ كيفي روضهه<<< حبيييبتيي<<<لاازم اسمييي خخخ>>> الموووهيم اظنهه الشرطيي يرمسهاا و اتوقعع انهاا تحب منصوور و هوو بيااخذهاا ووو بسس تقبليي مرووريي:m7d shratii+فانتظاارج |
اقتباس:
. و عليكم السلام .. مشكورة حبيبتي تسلمين ع الرد :10:+ إنشاءالله بتعرفين كل شي في الأحداث اليايه |
اقتباس:
. حبيبتي والله تسلمين ♥:* ههههههه مشكورة على هيك توقعات :kk_ed: |
البارت الرابع .. . . . . شيخه دخلت علي الحجرة : يالله امايا محتششره .. انا لبست عباتي و نزلت .. ظهرنا كلنا من بيتنا .. و سايرين ل بيت ام سيف "مهرة" كان شي ثلاث بيوت لاصقه في بعض و اللي ع اليمين بعدهم يالسين يصبغونه > بيت سيف *بيتي* و ف كل حوش شي البوابه الصغيره شرات مالت الافلام و ديزاين البيوت ديزاين اوروبي .. و شي مسبح في كل بيت و كلهم نفس اللون .. و شي في حوش كل بيت طاولات و كراسي و فوق كل طاوله مظله .. شيخه : اوووب اووب عنود بتعيشين في خيير .. انا ابتسمت لها . . و دخلنا داخل .. ام سيف : هلا هلا مرحبببا .. امايا : مرحبتين .. "تسلم عليها" .. ام منصور : شحالج الغاليه انا اخت مهره .. امايا : هلا والله تشرفنا . انا سلمت عليهم و يلست .. أم سيف : عيدج مبارك عروستنا .. انا : عساج من العايدين و السالمين عمووه .. روضه نزلت هي و شوق .. و يوو يسلمون .. شوق : ههههه لالا طلعت جميله حرمه سيفوه . . انا ابتسمت لها . روضه زختني من جتفي : تعالي براويج شي .. انا : شو ؟ روضه ابتسمت : تعالي .. سرنا الميلس .. مب ميلس الرياييل .. ميلس الحريم .. دخلووني و سكروا الباب .. انا استغربت قلت اكيد روضوه فيها مرض نفسي .. ....... : احم .. انا صديت و شفته .. يلست اطالعه و هو يطالعني و يبتسم .. انا دقيت الباب من داخل : روييض .. فجي الباب . . رويض : ما يخصني .. عقب 10 دقايق بفج الباب .. انا : افف .. سيف : شو بلاج ؟ انا : ماشي .. "عطيته ظهري و يلست مجابله الباب" سيف : اوكيه .. "حظني من ورا" انا سكتت .. بس قلت ف خاطري ليش قالي ذاك اليوم انه ما عندي أسلوب. و ليش عصب علي فجاه ؟ سيف حظنني بقو .. انا : بموت ياخي .. سيف وقف و وقفني و باس يبهتي : عيدج مبارك .. انا نزلت راسي .. سيف رفع راسي بصبعه : بعدج شاله علي ف خاطرج .. انا بإندفاع : هييييه .. سيف : بل بل بل .. يابوج انا شو سويت.. انا : انته أدرى .. سيف مد لي جيسه لونها عنابي : ها حق حرمتي الهبله .. انا طالعته .. سيف : أنزين رمسي .. انا اقولج 20 ألف كلمه و انتي تردين علي ب كلمتين .. انا : شو تباني اقول ؟ سيف : قولي احبك . انا : حببببك يني .. سيف مسك ويههي بإيدينه الثنتين و طالع عيوني : ترا بسوي .. انا : لا .. سيف ابتسم : ما بتقدرين تمنعيني .. انا غمضت عيني و رديت على ورا : خلاص سيف قولي شو تبا .. سيف : ارضي علي عااد .. ادريبج زعلانه .. انا يلست و حطيت ايدي على خدي : مب زعلانه .. سيف : جذابه .. انا : لا تصدق .. مشكلتك .. سيف يلس جدامي : عيل تمنظري فيني .. لأني ما بفج لج الباب لو تموتين .. انا : افاا تفااول علي ؟ سيف : حششى عليا .. انا : سيف خلاص عاد . . فج الباب و اللہ اذا أمك درت بتسوي لنا سالفه عوده .. سيف : ما بتسوي شي .. انا : ياربي منك .. "طلعت فوني و اتصلت حق شيخوه" و حطيت سبيكر .. شيخوه : حووو ي الخديه وينج ؟ خالوه مهره تدورج تبا تعرفج على أهل سيف .. انا : يايه يايه.. (سكرت) سيف : يالله .. انا : شو .. سيف : رضيتي .. انا : مالت عليك الناس الحين جي يراضون ؟ سيف : انا إنسان ما اعرف أراضي .. انا : مشكلتك .. سيف حط ايده على خدي : زعلانه ؟ انا : لاء .. سيف : اثبتيلي .. انا : ب شو تباني اثبتلك ؟ سيف : بوسيني .. انا غمضت عيني : والله ببوسك بس عشان عمتيه مب عشانك .. سيف وقف و مد لي الجيسه : يالله خذيها .. انا سحبتها : مشكور . سيف تقرب مني لين ما لصق فيني : يالله بوسيني .. انا توترت .. بست خده جريب من أذنه و همست له : عيدك مبارك .. ابتسمت و مشيت ابا اظهر .. سيف سحب ايدي : عنود .. انا : هلا؟ سيف سحبني و باس خدي جريب من شفايفي .. أنا شهقت و عطيته ظهري .. سرت مشيت لين الباب .. و لان حظي جميل شراتي .. روضه فتحته ف ويههي .. انا : ما بغيتي انتي وياها .. شوق : شو قالج ؟ انا : ماشي .. بس حاول يراضيني .. روضه : ليش شو مسوي . انا : سسرر ما بقول .. روضه : هههههه سوري بس هو جبرني أقفل الباب .. انا : يقولون امج تدورني . روضه : هيه تدورج .. "طالعت الجيسه" شو داخلها ؟ انا : مادري والله .. هديه من اخوج .. روضه : هيه فديته . ام سيف : وينج ي العنود .. ابغي أعرفج على أهلنا .. انا ابتسمت لها : ماعليه خالوه كنت ويا رويض و شوق .. ام سيف : خالوه ؟ "ابتسمت" جريب بتزقريني عموه .. انا : هههه .. ام مي سلمت علي : هلا والله شحالج الشيخه؟ انا : بخير ربي يسلمج .. ام مي : هاي بنتي مي .. انا ابتسمت : شحالج مي ؟ مي تطالعني من فوق لين تحت : بخير .. انا استغربت بلاها هاي ؟ خطف سواف صوبنا لانه يبا يظهر من البيت ف لازم يخطف ع الصاله .. ام مي : شحالك سيف .. سيف ابتسم و باس راسها : الحمدلله .. اووه خالوه هني عسب جي البيت منور .. ام مي : ههههههه مب زين يغازلون .. سيف : اذا ما غازلتج اغازل منو ؟ مي بححزم : غازلني انا .. ام مي : ويدييييه شله يغازلج .. روضه : اييه خلو أخويا بيغازل حرمته بس . سيف طالعني و ابتسم : هيه والله . انا رديت له الابتسامه .. ام مي : ها عيل وين ساير .. سيف : بسير الميلس .. ام مي : سير ربي يحفظك .. سيف خطف يبا يسير بس .. عايشه يت وهي تمشي على اطراف اصابعها .. سيف : الللله .. منو الحلوه .. شوق ترمسني : شوفي ريلج كل ماطالع حد غازله .. سيف : تراني سمعتكم .. عايشه قرصت خده : انته حلللو .. سيف : و انتي حلوه بعد .. عايشه : انا اثمي عايثه و انته ثو اثمك ؟ سيف : انا اثمي ثيف .. عايشه : الله ثيييف احبك .. سيف اشر علي : انا احب هاي .. عايشه : هاي عموه عنود .. سيف : كيف تعرفج ؟ انا : عواش بنت اخويا حمد .. سيف : اونه ؟ وانا اقول ليش حلوه .. ثرها طالعه على عمتها "غمزلي" انا : أححم لازم اصلن .. عرج الحلا في عايلتنا وراثه .. سيف باس عواش ع خدها : هيه والله .. عايشه تطلع البيزات اللي ف شنطتها : عندي وايد عييديييه .. سيف : تبين اعطيج ؟ عايشه : هيييييي .. سيف عطاها 200 .. و عطاها 1000 : سيري عطي عموه عنود هالبيزات .. اوكي ؟ عايشه : اي واحد حقي ؟ سيف مد لها ال200 : ها حقج .. و الثاني حق عموه عنود .. اوكيه ؟ عايشه ابتسمت : اوكيييييه .. مي : سييييف!!! سيف : انا؟ مي : هيه انته .. سيف : شو تبين ؟ مي تقربت منه : بتصل لك اليوم .. أباك ف سالفه .. سيف : غيرت رقمي .. و تحلمين اعطيج إياه .. مي صدت عنه : اووفف.. خلصت العزيمه و ردينا البيت .. سرت حجرتي فصخت عباتي و فجيت الجيسه .. فيها ثلاث بوكسات لونهم اسود و فيهم شريطه حمرا .. الاول فيه ساعه ماركه لويس آردن لونها ابيض .. وايد حلوه .. و الثاني فيه عطر بيضاوي رييييحه تجججججنننن .. و الثالث فيه سلسله على شكل قلب بس مسطح و كله فصوص .. وااايد حلو و راااقي .. طرشت له مسج : مشكور سيف .. و رقدت .. خطفت الايام بسرعه و دخلنا في شهر يديد .. قوم امايا عزموا أهل سيف .. عسب اييون ويانا العزبه .. و تيمعوا كلهم عندنا و عقب سرنا العزبه رباعه .. و في الطريج نزلنا المحطة .. سيارة نهيان > انا و نهيان و شيخوه .. سياره سيف > سيف و روضه و شوق و منصور .. سياره حمد > امايا و أبويا و عايشه و شما .. سياره بو سيف > بو سيف و بو منصور و ام منصور و ام سيف .. انا مسكت ايد نهيان "صوب الجتف" و دخلت المحطة وياه .. سيف طالعني و ابتسم .. انا : حمد ابا ريدبول .. حمد : ماشي .. انا عليت صوتي شوي : ييعععللك الفقر من اخوو .. سيف و قوم روضه و شوق ضحكوا .. حمد : هههههههه نهيان : بلاج ؟ انا : ابا ريدبول .. نهيان : قصصصووووورررج .. انا : لييييش ؟ نهيان : نسيتي كل مره يوم تشربينه لازم يغمى عليج ؟ انا : انزين واحد عن خاطري .. نهيان حط صبعه على شفايفي : ججبب .. انا خوزت صبعه : دخيلك .. نهيان : لاااا يعني لاااا .. انا : مب ع كيفك .. سيف يا صوبنا : ليش تغصص ب حرمتيه ؟ انا : سواف ششووفه .. سيف طالعه .. انا : سووواااف .. سيف ابتسم : ها ؟ تراج قلتي شوفه و شفته .. انا : سخييف .. سرت و خذيت لي 2 ريدبول و شيتوز و مالتيزرز و وايد حلاوات .. كنت يايه ادفع بس سيف دفع عني .. انا : ليش ؟ سيف : كيفي .. ريلج .. انا بتسمت .. سيف : ركبي عندنا .. انا بعبط : أخاف انخطف .. سيف : منو بيخطفج ؟ انا : انته .. سيف مسك ايدي و ابتسم : يالله خطفتج .. انا طالعته : صدق ترمس و لا تستهبل .. سيف : صدق ارمسج .. انا : اوكيه .. نزلت روضه اللي كانت يالسه جدام .. و يلست انا مكانهاا .. انا صديت اطالع شوق و روضه .. شوق : تو ما نورت السياره .. انا : احم .. لازم الشيخه العنود هني .. كملنا طريجنا لين ما وصلنا العززبه .. عزبتنا مطووره فيها مسبح و ملعب كرة سله .. و شرات الفيلا .. بس ستايلها أوروبي .. فرشنا حصير و يلسنا برا .. رويض : اييي ظهري يعورني .. ام سيف : ماحيدج عيووز .. رويض : و ريلي تعورني .. سيف : روضوه تحسسيني انج مجسحه .. روضه : اييي .. بو سيف : عيل عقاب حقج انتي بتسويين العششى .. روضه : لالا ما اروم .. بو منصور : بيساعدونج البنيات .. روضه : اااااييييييييي .. امايا : هييييههاااء بعدج شباااب .. شو تقولين عنا نحن .. زاخنا ويع ظهر .. و ركبنا تعورنا .. نهيان : تراج عيوز امايا .. حمد : عييز حييلك كله ولا امايا .. امايا : وااه فديتك يا حمد .. أبويا : حموود اعترف ليش تقردن .. حمد : هههههه والله مب يالس اقدرن .. انا نشيت و سرت صوب المسبح حطيت ريلي ف الماي .. سمعت صوت حد ياي .. بس قلت اكيد واحد من إخواني .. يلس عدالي و حط ريله في الماي : شو فيج ؟ انا : ماشي .. سيف : متأكده ؟ انا : هيه .. سيف مسكني من خصري و نحن يالسين .. انا نقققزت .. سيف : شيااج يا بنت الحلال .. انا طالعته ب نظرة : ماااصخ تراك .. سيف بخبث : منو الماااصخ ؟ انا نشيت و ربعععت : انتتته .. سيف ركض وراي لين ما سرت ورا العزبه .. سيف تقرب مني : منو الماصخ هاا؟ انا : اممم محد محد .. سيف بخبث : متتأكده؟ انا : هيه .. سييف لصق خشمه في خشمي : منو؟ انا : انااا ماااصخه . مب انته .. سيف خاز و باس خدي و ابتسم : تععععذبيني انتي جيي .. انا ابتسمت له و سرت .. امايا : وينج ي عنود .. سيري المطبخ سوي العشا ويا رويض و شيخه و شوق .. انا : اوكيه امايا .. سرت المطبخ .. و تموا يحططون اللحم في الاصياغ .. و عقب .. شوق : شرايكم نزيد دياي .. انا : امممم تتوقعون بيسد ها ولا ؟ رويض : لا لا انا شهيتي مفتوحه .. حسبي نفر واحد زياده وياي .. شيخه : ههههههههه انا بعد عن نفرين .. انا : اوكيي يعني ما بيسد .. ويت بزقر مايا .. عسب تييب لنا دياي شيخه : انا بزقرها .. و سارت شيخه .. يــــوو سيف و منصور و نهيان صوبنا .. سيف يطالعني وانا اعابل في اللحم .. نهيان : الله الله ع الريحه .. لك خيتو شو هايدي الريحه الطييبه ؟ انا عطيته يذوق .. نهيان : الللللللللله يــــا عنود تعرفين تطبخيين بععد .. رويض : الله يخليك وين تطبخ بس يالسه تشوي .. شوق : ترا امايا مسويه الخلطه هي و خالوه مهره .. منصور : ابا اذووق .. " شوق عطته " سيف يطالعني ويبتسم : شووه وانا مالي رب ؟ انا عطيته و ابتسمت له .. يت شيخوه صوبنا .. : له له له له شو هيدا عيال عمي يالسين تزطون من الحين .. منصور : يت الساحرة الافريقيه .. رويض : خلصت مني و الحين دور شيخوه .. منصور : هههههه هيه .. شيخه : الساحره الافريقيه حرمتك .. نهيان يطالع منصور و يخلي عمره مععصب : الساحره الافريقيه أختك ويأشر ع شوق .. شيخه : ههههههه .. انا : سيروا سيروا بسكم صرييط .. شيخوه تدز نهيان ع ورا : شلهم وانجلع .. نهيان : آفا .. الحين انا انجلع ؟؟؟ اوكي بنشوف منو بيوديج الدكان أخر الليل بنشوف منو بيسوي مغامرات فليل وياج انتي و عنود .. انا اطالعه : ايييه انا مالي خص .. نهيان : فديت روحج انتي .. شيخه تبوسه : حبيبي اصلاً انته .. منصور : يالله يالله ع المسبح .. سيف : ي اللہ شباب ع المسبح .. انا : اييه ويت تريووني .. نهيان : انتي برا كشش .. شوق : وأنااا ؟ منصور يغمزلها : انتي عقب بتسبحين .. روضه : سيييفففوه ابا اسسبح .. سيف يخلي عمره مععصب : قصوركن بععد تسبحن ويا رياييل .. انا : آآيييي :( سيف يصد صوبي .. نهيان : بلاااج ؟ رويض : فديت هالصببع .. انا شيخوه : بسير اييبلج شاش .. شوق : لازم يعقمونه يبيلها ها الدوى الأحمر .. شيخوه : تععالي وياي .. رويض : بلاه جي يطلع وايد دم ؟ انا : شدراني .. منصور ب غباء : يعور ؟ روضه : لا ما يععوور شو رأيك ؟ منصور : جب انتي انا ما رمستج يــــا الساحره .. روضه تفلعه بقوطي الكلينكس و منصور ينش يربع ورآها .. روضه تركض تركض بسسرعه : اييه سسوري مسامحه ولد عمي مسسامحه .. نهيان يبتسم لي : بسير اسبح .. شيخه وشوق يوو عندنا .. شوق تعابل في صبعي .. شوق : سيف وين منصور ؟؟ سيف : سار يربع ورا رويض .. انا : سيروا اسبحوا احين لان عقب شوي بيأذن .. سيف : إن شاء الله وسار صوب منصوور .. مايا : سيس أنود " تمد لي الدياي المقطع اللي في الاصياغ " انا ابتسم : ثانككس مايا :) مايا : نو نيد سيس !! ديد يو نيد هيلب >> Did u need help ? انوار : نو سويتي ثانككس .. _____________________________________ ماريا : حبيبتي شو فيكي؟ حصه تصصيييح .. ماريا : لاتبكي ماما .. حصه حضنتها و تمت ماريا تهديها . ماريا : انا رجعت للإمارات مشان انتقم يا سيف .. متل ما عيشتني ايام سووودا .. رااح عييش زوجتك ايام سوودا كتير كمان .. و راح تندم يا سيف . راح تندم كتير .. و صدقني راح تجي لعندي و تقول : احبك ماريا سامحينا .. انا مقدرش اتحمل لـ هينا و بس .. راح نرجع احلى من زمان .. انا و انتا و بنتنا حصصه .. . . . . ، . . عند رويض و منصور .. رويض توقف ورا العرقوب و تعدل شيلتها : اففف حسبي الله على عدوك تعبت !! منصور يبتسم ابتسامه خبث .. روضه : ششوَ ؟ منصور : شوفي أهناك " ياشر صوب نهيان و سيف " روضه : بلاهم ؟ منصور : يرشششها بماي بارد من مسدس حصله يوم كان يربع ورآها .. روضه تتنافض : حسسبي الله على عدووك يــــا الجلب ..'!! " تجدم صووبه و تدزه " وردت تربع .. منصور : ههههههههه خبله هالبنت .. __________________________________________ شيخه : وأخيرا خلصنا .. شوق : تعالوا بنسوي الحمص و المتبل و تبوله و عقب بنسبح .. انا شميت ريحت جلابيتي : ريحتي ريحت شوي ..!! سرنا نسوي الحمص و المتبل شوي و يت رويض و شكلها xXx أكس .. شوق : بنت عمي بلاج ؟ رويض : اخوج هالجلب خلاني اربع لين ما مت و عقب رش علي ماي بارد .. انا : ههههههه شكلج غلط تعالي صوب الدفايه .. شيخه : لا لييش خلصنا بنسير كلنا نسبح .. رويض : آووه ما ساعدتكم .. شيخه : المره اليايه إنشاء الله . . سرنا نبا ندخل الفيلا بس لازم نخطف جدام المسبح .. منصور يبتسم حق رويض : يــــا الساحره .. رويض تزاعج : حرمتك .. شوق تطالعني : شوفي سيف .. انا طالعته و هو يبتسم لي .. . . . . بعد أسبوع واحد ب الضبط .. في بيت [ بو سيف ] روضه يالسه ع المريحانه اللي في حوش بيتهم .. اتصل لها هالمجهول .. و ما ردت .. اتصل فوق ال5 مرات .. حطته سايلنت و سرحت ب خيالها .. وصلها مسج "دخيلج ردي .. ابا اسمع حسج .. والله متولهه عليج" روضه تنهدت .. و اتصل لها .. روضه : خير ؟ ....... : اشتقت لج روضضه .. روضه : اها .. ....... : ما تتخييلين شكثر انا متوله عليج .. روضه : ببند .. ....... : روضه انا ما استهبل معاج .. انا شارنج بالحلال و ابيج لي انا .. روضه ب حزم : لو قد كلمتك .. لو تباني و شاريني كنت ع الأقل رمست أبويا ولا حد من إخواني .. ....... : رمستهم .. خليت أبويا يرمس ابوج .. و طلع يعرفون بعض و ان شااء اللہ القدر بيجمعنا .. روضه : و شو يضمن لك اني بوافق ؟ ....... : اممم ماعرف والله .. روضه : اول شي خبرني منو انت .. ....... : و شو بتستفيدين ؟ روضه : وايد اشياء .. ....... : مثل ؟ روضه : بسأل عنك و بشوف .. اذا طلعت اوكيه بوافق عليك .. ....... : تذكرين يوم السياره دعمتكم .. روضه غمضت عينها عسب تذكر : هيه ؟ ...... : انا الشرطي .. روضه اسستغغربت ... كيف ياب رقمها .. ....... : انتي عطيتيني رقمج .. روضه سكتت .. ....... : اسمي احمد .. روضه ساكته .. أحمد : طحت من عينج صح ؟ لكن هاذا اللي يسمونه حب من اول نظظره ،. روضه : ... أحمد : احبج روضه والله احبج وربي الشاهد .. ما قصيت عليج ولا جذبت ب اي كلمه قلتها .. روضه : اممم .. أحمد !!! ببند الحين دخيلك .. و لا تتصل الا يوم تعرف ردي .. أحمد بتفاؤل : اكيد بتوافقين .. روضه : ماعرف .. لين الحين ماعرف .. بتسخير و برد لك خبر .. احمد : يالله مع السلامه .. ديري بالج على عمرج .. روضه : فمان الله .. . . |
البآآآرت وااآآييد حلوو و نتريا البآآرت اليآآي على أحر من الجمر ماريا<<< اووووووفففففففف تقهههههر http://m.youtube.com/watch?v=j7JigkZ2z4I ههههههههههههههههههههه تستاااهل و اكثر بعد تقبليي مرووريي:m7d shratii+فانتظاارج |
يا عيني ع البارتااات الطررر + رووععهه.."" يعطيييج العافية ع الرواية .."" اممم ان شاء الله ماريا ما اتخرب ع سيف و العنود + ومنصور ههه خف ع البنية حرام عليك + ورووضهه ان شاء الله توافق عليه + امممم اما الباجي ف البارتات اليايه ان شاء الله << بخصووصج :426: نتريااا الي بعده بفااارغ الصبببر + تحمستتت ع البارتاات الي بعدها .."" نترقبج حبيبتي :ax: |
اقتباس:
. . هههههههه مرورج الأحلى حبيبتي ♥♥.. بتعرفين ماريا على شو ناويه في البارتات اليايه:9: |
اقتباس:
. ربي يعافيج تسلمين حبيبتي <4 قصدي انه كل شي بتعرفونه في البارتات اليايه :kk_ed: اتمنى تدوم هالمتابعه ♥♥♥ |
رد: قلبي رفض يحب غيرك وٰ صرت أنا مجنونك♥.. السلام عليج شحالج؟؟ علومج؟؟ بااااااارت يجنننننننن طرررررر تسلمييييييييين ع بااارت ي مبدعه:kk_ed: الشخصيات::03: عنود وسيف: الله يخليهم لبعض :1711: يجننون بس سيف كارهتنا مدري بيييش :78: واتمنى ماريا م تخرب من بينهم وبث روضه واحمد: ان شاء الله روضه توافق ع احمد ويعرسون :520: منصور: اتوقع بيحب شيخه وهي بتحبه وخف ع روضه شوي ترا م تستاهل شيخه وشوق: هال2 حبيتهم وايد:blushing: و ان شاء الله شيخه تحب منصور وسموحه |
السلام عليكم الصراحه عنوان الروايه لفتني (≧∇≦)♪ انا الصراحه ماعرف اتوقع (^_^) سامحيني😌 الروايه وايد وايد وايد وايد وايد وايد حلوه 😍😍 تسلمين والله اممم!! حبيت اسأل الروايه بتكملينها بالرمضان؟!! ومبارك عليج الشهر مقدما 🌙🌹 وكل عام وانتي بخير 💐 وكل عام وانتي الى الله اقرب عزيزتي❤❤ |
اقتباس:
. وٰ عليج السلام ... بخير ربي يعافيج شحالج انتي؟! عيونج الحلوة و تسلمين على تشجيعج .. و مشكورة على هيك توقعات <3 اقتباس:
. ههههه مسموحه حبيبتي ♥♥♥ مرورج الأحلى :10::10: فذمتيه انج نورتيَ الروايه *-*. و إن شاء اللہ بنزل بارتات لان أوردي انا مجهزة كم بارت يعني بدخل و بنزل بارت او بارتين :) |
البارت الـ5 .. . . . . . . [ يوم العرس ] في قاعه زعبيل بـ دبي تاريخ 30-4 .. . . . اغنيه الزفه يغنيها راشد الماجد و حسين الجسمي .. من كلمات اخوها نهيان .. بس الأغنية إهداء من حمد ونهيان > إخوان العروس للعروس نفسها .. . . يــآا عروس الكون يا ضي العيون .. يا ملاكـ(ن) ينثر عطور الزهور .. يــاآ عروس الكون يا اجمل مزون .. يا أميرة فاقت الحسن بظهور .. يا عروس اسحرت كل البشر .. يا غزالـ(ن) عليه كل العيون .. يا عروس أسرت قلوب الشجون .. يا جميله ارتمت في قلب حنون .. في قلب سيف استقرت الفتون .. . . . دخلت القاعه ب فستان ديزاينه لبناني لين تحت الركب ب شوي .. و فيه ذيل طويل شوي .. و من عند الصدر حركات و شغل و ممزور كرستال .. و الظهر كله طالع .. قصته لبنانيه .. و المكياج وردي هادي مع رسمه العين الخفيفه .. بس مكثرين من اللمعه .. مع شويه بلشر .. و فاونديشن برونزي و يا روج وردي فاتح .. التسريحه هاديه .. نازل نص شعري اللي صابغتنه باللون الكستنائي و مسوين له فير و النص الثاني ستريتر .. و من فوق بف .. و منزله قصتي .. و المسكه عباره عن ورد جوري احمر .. و فيه كم ورده بيضا .. مشيت ب خطوات واثقه لين الكوشه .. كانت الفلبينيه تصور كل شي .. وصلت الكوشه و يلست ع الكرسي .. شوي و يت أمايا تبارك لي .. اميه : حبيبتي .. مبروك مبروك .. انا بست راسسها: اللہ يبارك فيج غناتي .. اميه يتها الغبنه .. أنا : ليش تصيحين ؟ امايا والله ترا بصيح وياج .. اميه : خلاص ما بصيح .. عسب ما يخترب ها اللي ف ويههج .. انا : ههههه فديتج والله .. يت ام سيف. و روضه و شوق و شما و شيخوه .. ام سيف : حي الله حرم سيف .. انا ابتسمت لها : اللہ يحييج عموه .. ام سيف ابتسمت : وربي ما غلطت يوم اخترتج ل سيف .. روضه سلمت علي : ياويلي ع الوردي انا .. انا : هههه.. شوق : فديت المحلويين .. انا : فدوه .. شيخه : عنود بصورج ابتسمي .. يلست تصورني و سولفوا وياي شوي .. عايشه يايه تربع : عمووووووووه ... انا : عيون عموه .. عايشه : انتي عروووثة اليوم .. > عروسه اليوم .. انا: هههه هيه وانتي عروثة بعد .. عايشه تدور ب فساتنها : فستاني ابييزز حلو .. > فستاني ابيض حلو .. انا : هههههه ابيز ؟ شما : عايشه عموه بتروح عنا اليوم .. عايشه : لالا عموه ما بتثير .. شيخه : بيشلها الحرامي .. عايشه تهدد بصبعها : اذا شل عموه بذربه .. *بضربه* شما : ذربيه .. > ضربيه .. v v v v شما > لابسه دريس عنابي .. و روج عنابي و مكياجها ابيض .. و تسريحتها مرفوعة .. شوق > لابسه فستان رمادي مخصصر قطعته ترتر .. و فيه لمعه .. و مكياجها ابيض على رمادي .. و تسريحتها مرفوعة بعد .. روضه > اخت المعرس لازم تكششخ .. لابسه فستان لونه بيج و فيه وااايد ششغل و الظهر كله مفتوح .. كااامل و مكياجها ذهبي على اللون الترابي .. و روجها وردي -فوشي- و مسويه بف .. و من تحت ستريت بس ع اخر شي كيرلي .. شيخه > واايد حلوه و لابسه دريس اصفر و عينآاوي .. الفستان اصفر و فيه شغل بالعيناوي .. من فوق مخصصر بس من تحت منفوش شوي .. و مكياجها عيناوي و اسود و روجها فوشي و تسريحتها نااازله ع تحت .. عايشه > فستان ابيض و يا الطرحه الصغغيره مالته .. و شعرها مسوتله فير .. و حاطيلها روج احمر .. . . . عند الرياييل .. ربشششه من الخاطر .. سيف متكششخ ع الآخر (لازم معرس) .. واقف هو و أبوه ع اليمين و ع اليسار أبويا و إخواني .. نهيان : ها سيف .. شو النفسية ؟ سيف : عـــال الــعال و حياتك .. منصور : سيف .. احس مب لايق عليك شخصيه المعرس خلاص هون .. بو سيف : غيران انته من ولدي .. منصور يلس عدال أبويا : بتخبرك عمي انته بس بنت وحده عندك؟ أبويا : لا ثنتين .. منصور : الثانيه حقي .. أبويا : جييه شششو .. منصور : هههههه ريلاكس عمي .. شوي شوي .. لا صدق ماباها .. أبويا : هيه تحريت بعد .. حمد : جانك تبا شيخوه امرره صوبك .. نهيان : خذذها فدددوه .. منصور : اخاف ابتلش فيها و تكون عله ع قلبي .. أبويا : امممف عليك بنتي هب عله .. قوم انجلع صوب ابوك .. منصور يبوس راس أبويا : ههههه اسفين إسفين .. نستهبل حرام ؟ أبويا : اقول . . سير دور لك بنيه من صوبك انا مايخصني .. منصور : وأنا اللي ابا اخذ رأيك و ذوقك .. حمد : شو تبا ؟ شو تبا بالضبط قوم خلنا نرزف .. منصور : يالله نهيان .. نشوا منصور و نهيان و حمد يرزفون و الباقين يسلمون ع المعازيم .. حطوا العشى و شوي و قالوا المعرس بيدخل .. دخل على حسين الجسمي و راشد الماجد .. هو و أبوه و نهيان و حمد و ابويه .. باس راسي : مبروك العروس .. انا بحيا : اللہ يبارك .... سكتت .. سلموا علي اهليه و تصوروا كم صوره .. ابويا : سيف ما اوصيك عليها .. شلها و حطها ف عيونك .. سيف : لا توصي حريص عمي .. ابويا : دلوعتنا هاي .. "طالعني" اذا زعلج ما يردج الا لسانج .. و انا بيي جدامج و بمردغه و بفضحه جدام العرب و العربان .. نهيان : سيف .. ان سمعتها تشتكي عنك ياويلك .. سيف : ما بتشتكي ان شاء اللہ .. حمد باس راسي : سيف أمنتها عندك و هاي دلوعه ابويه و انته تدري .. ما بوصيك اكثر لأني اعرف انك قد الثقه و المسؤوليه .. سيف : الحمدلله انا قد الثقه و قدووود .. حمد : كفؤ والله .. عقب ظهروا الرياييل و يو الحريم يسلمون .. مي بحرقه : مبروك .. انا : الله يبارك فيج .. ام مي باستني و وصت سيف علي و سارت .. تجدمت صوبي هي و بنت صغيره وياها .. هي حلوه ما انكر انها مب حلوه .. لكن ملامحها ملامح عيوز .. شفايفها صغيره وايد .. و عينها مثل ما يقولون عين السمجه .. و خشمها صغير .. لابسه دريس اسود .. و اللي عدالها لابسه دريس وردي فاااتح .. و البنت الصغغيره لابسه فستان ابيض .. الحرمه اللي لابسه فستان وردي : مبروك ي عنود .. اللہ يوفأك مع سيف .. انا قمت سلمت عليها : الله يبارك فيج .. سيف يحج راسه : هاي ميار سكرتيرتي .. الحرمه الثاني : مبروك عساكي ما تتهنين معاه .. انا استغربت منو هاي .. طالعت سيف .. شفته متشتت .. انا : سيف. منو هاي ؟ سيف : اممم .. الحرمه ابتسمت : انا طليقته .. انا انصصععععققققت !!!!!!!!! الحرمه : انا ماريا .. طليقه سيف. و ام بنته الحلووه .. حصه .. ماريا ترمس حصه : هاذا ابوكي "أشرت على سيف".. حصه : بااااابباااه .. انا من الصدمه يلست ما رمت اوقف : سـ سيـف . . . . كــ كــيف ؟ و ليش ما خبرتني . . . . الحرمه ابتسمت : يالله مع السلامه .. انا كنت جايه ابارك لكوم .. و الحين مع السلامه .. تعالي حصه .. خازت حصه عن ابوها و سارت ويا أمها .. ميار : عن جد انا بتأسسف كتيير .. ما كان بدي اقلب مودكوم و اخرب عليكم ليلتكون .. بس بعتذر عن اختي ماريا .. مع السلامه .. سيف يلس عدالي و مسك ايدي : آلعنوود .. انا خوزت ايده .. سيف : خلينا نتفاهم .. انا سكتت .. سيف : بفهمج كل شي .. انا وقفت و يوو يسلمون علي أهلي .. قوم امايا .. سلمت عليهم و كنت بصيح بس ما صحت .. دخلت الحجرة و تصورنا انا وياه انا كنت بعدني مب مستوعبه اللي قالته ماريا .. عسب جي كنت بارده في التصوير .. لبست عباتي و .. لفيت شيلتي و سرت صوب امايا و حظنتها .. أمايا : بلاج اميه ؟ انا : ماشي امايا "ابتسمت بغصب" بشتاقلج .. امايا : انا بـعد فديتج .. يالله توكلي .. انا بست راسها : مع السلامه .. روضه حظنت أخوها : يالله حبيبي مع السلامه .. لا تقطعنا عاد .. سيف : هههه ان شاء اللہ .. ام سيف تمسح دموعها : سيروا سيروا اللہ يهنيكم .. سيف : اماييااا لا تخليني أهون .. تراني برد البيت وياج .. ام سيف : لالا خلاص .. شل حرمتك و سير .. مع السلامه .. . . . . . ركبنا السياره و الهدوء اللي مسيطر ع المكان .. سيف مسك ايدي : العنووود .. انا : خوز أيدك .. سيف : بس .. انا قاطعته : آسكت .. وصلنا الفندق و نزلوا الاغراض ودوهم فوق عند السويت اللي حاجزنه سيف .. دخلت و على طول دخلت حجرة من الحجر و قفلت الباب .. يلست فوق الشبريه .. و انا افكر .. ليش خش عني .. و ليش ما خبرني .. و ليش وليش .. عقب طلعت و عسب اخذ شنطتي .. سيف : عنوود . انا ما رديت عليه .. شليت الشنطه اللي فيها ثيابي و دخلت الحجرة مرة ثانيه و قفلت الباب .. طلعت لـي بجامه حرير سووودا .. كنت ناويه البس له قميص نوم بس ططزززز فيه هالحيوان !!!! .. دخلت الحمام (اللہ يعزكم) و تسبحت .. طلعت بعد اقل من نص ساعه طولت لاني غسلت شعري .. و لانه هو طويل و فيه سبريييه و التسريحه بروحها سالفه .. طولت وااايد و على طول انسدحت ع الشبريه .. و رققدددددت .. . . سيف مسك راسه : اللہ ياخذج يا ماريا جانج خربتي علي .. مسك سويجه و ظهر من الفندق .. سار بيت ميار لانه ماريا أختها و اكيييييد بتكون عندها .. نزل من السياره و دق الباب بقووو ... فجت له ميار .. ميار : استاز سيف ؟ شو بتعمل هينا؟ سيف : وين مااريا؟ ميار : جوا .. سيف دخل داخل و شافها جان يصفعهاا طرااق .. ماريا : ي الكلب .. انا شو عملت لك ؟ سيف : ما تدرين ي الوصخه ما تدرين؟ ماريا : اطططلع برا سيف .. سيف : اللہ ياخذج ي ********* خربتي علي كل شي "يزاعج" كل شي .. طلع من البيت و هو مععععصصصب من الخاطر .. سار الفندق .. هدى روحه شوي .. تعشى و دخل الغرفه الثانيه .. خذ له شاور . . وسكر الليت و رقد .. . . أبويا : البيت بدون عنود مول ما يسسوى .. أمايا : هي والله فديت روحها .. أبويا : اللہ يسعدهم .. امايا : أميين .. أبويا : خذتي دواج غناتي ؟ امايا : هييه .. أبويا : رقدي .. تصبحين على خير . . . . . احمد : وينج اليوم ؟ ليش مهملتني و ما تردين علي ؟ روضه : ياربي .. احمد انشغلت و انا مب مجبوره ارمسك كل يوم .. بدون شور أهلي .. أحمد : خلاص لا تعصبين .. روضه : ماااا عصصببت .. احمد : وايد واضح .. روضه : اكرهك تعرف ؟ احمد : وأنا اعشقج .. روضه سكتت .. احمد : وينج .. روضه : برقد .. احمد : اوكيه .. تصبحين على خير .. روضه : لا تتصل .. احمد : ليش ؟ روضه : انته مستوعب نحن شو يالسين نسوي؟ احمد غمض عينه : مستوعب .. روضه : خلاص لا تتصل .. دخيلك .. احمد : أمم .. روضه : دخيلك احمد .. اهليه واثقين فيني ثقه عميا فوق ما تصور .. و مابا اخون هالثقه . . احمد : روضه .. روضه قاطعته : اشش .. تصبح على خير .. احمد تنهد : و انتي من أهله .. روضه سكرت و سارت تسبح و عقب ظهرت ب بجامه طرشلها احمد مسج .. "اوكيه عادي اطرشلج مسجات صح؟" "لا مب عادي" "مب كيفج .. حمدي ربج اني وافقت ما اتصل لج" "اووكيه" "بشتاق ل صوتج" ما ردت عليه لانها رقدت . . . . . . منصور يسولف ويا حبيبته : ألووو حبيبتي .. ::: الوو .. منصور : وينج مختفيه .. ::: انا موجوده .. منصور : لا حس ولا خبر .. ::: من زعل القمر .. مؤ عادتك تغيب و نحنا في نص الشهر منصور : هههههه مب زين يغنون فليل .. ::: اوكيه .. منصور : شخبارج شعلومج ؟ ::: بخير ي منصور .. منصور : من زمان ما سمعت حسج .. ::: خلاص سمعته اليوم .. منصور : واافديته هالحسس .. ::: فدوتك .. منصور : متى بتردين البلاد ؟ ::: ماعرف والله .. بس ان شاء اللہ جريب .. منصور : طمنيني عن ابوج .. شو صحته الحين ؟ بخير ولا تعبان .. ::: لا بخير الحمدلله أليوم سوو له عمليه .. منصور : نجحت العملية ولا ؟ ::: لا ناجحه الحمدلله .. منصور بعبط : مب راسبه؟ ::: هههههههه لاء .. منصور : فديت هالضحكه .. ::: تدري من زمان ما ضحكت ؟ منصور : ليش ؟ ::: لأني من زمان ما شفتك .. منصور : اخخخ لا تقولين جي .. بتخليني ايي عندكم بأقرب طياره .. تنهدت ::: ياليت والله .. منصور : ما عليه قريب بشوفج .. ::: يالله ببند لان لازم نسير المستشفى .. منصور : ما اوصيج على عمرج .. احبج .. ::: استحت : انا بعد .. منصور : يالله باي .. ::: باي .. . . . . . |
اقتباس:
|
تسلميين فدييتج ع الباآآرت الحلو ماريا<<< أفففف تقهر خربت كل شيء انشالله تسويي حاادث و تمووت حصهه<<< مسكيينهه انحرمت من حناان أبووهاا العنوود<<< مسكيينهه ماآآ تهنت ف عرسهاآآ و بسس تقبليي مرووريي:M7d shratii+فانتظاآآرج و لاآآ تطوليين |
يااا سلام ع البارت الجناان + طررر :10:.."" يعطييييج العافية ع البارت حبيبتي .."" امممم العنود : يحليلها والله يعينها + ان شاء اله تسمع سيف وتفهمه عدل و تعرف شو الي صاير .." ماريا : من صج ما حبيتها ع اسلوبها و ع الي سوته بسيف والعنود .." سيف : ان شاء الله يخبرها باسرع وقت عشان تعرف كل شي .." واما باجي الشخصيات سلامي عليهم حبيتين :169: نتريااج بأجرب وقتتتت + تحمست ع البارتات و الروااية .." لا طولييين علينا خيتووو .."" |
رد:مآ هقيت آنه القلب بينبض بعد وفاة الغالي .. * السلام عليج شحالج؟؟ علومج؟؟ البارت يجننننننننن طرررررر تسلميييين ع هيك باااااارت:169: الشخصيات::03: مريوم: هالبنت تعيبني وايد فديتها:1711: صراحتيشن احترت منو اللي يابها الفندق بس انا اتوقع ذياب:kk_ed: فهد: لين متى بتمون جي قول ليدك انا حفيدك لين متى يعني:36: بس حبيت حنانه ع اخته:30: ذياب: رغم ان شخصيته مجهوله بس حبيته م يخصني حجزته قتلج:35.gif: العم سال: كرهته بقووووو كيف جي كييف تقتل اخوك:522: :sneaky2: |
اقتباس:
. . الله يسلمج حبيبتي .. م بطول ان شاء اللہ |
اقتباس:
. مرورج الطرر و الجنان حبيبتي :* باجر بنزل بارت طويل شوي لعيونكم :az_flw: |
وين البآآآرت؟؟؟ c: طولتيي فدييتج |
آلبارت الـ6 . . . . . اليوم الثاني الساعه 9 في الفندق .. نش سيف من رقاده تسبح و طلب الريوق عسب يوم يظهر يكون الريوق جاهز . . و توجه ل الغرفه اللي انا نايمه فيها . . سيف يدق الباب : عنود .. لا أجابه .. سيف : حبيبي عنود .. لا أجابه .. سيف دق الباب بقوو : عنوود !!!! لا أجابه .. سيف تروع و سار تحت عند الاستقبال عسب يعطونه مفتاح الغرفه "سبير" .. شل المفتاح و سار فوق فتح الباب و دخل شافني طايحه ع الشبريه و شعري مبطل و المكيييف بااااااارررد .. تم يدقدق على راسي .. سيف : خيبه جسمها وايد حاار .. انا بطلت عيني و رديت سكرتها : هممم .. سيف تم يهزني : عنوووود .. انا : امممم .. لبسني عباتي و تم يدور وين الشيله .. لقاها و حطها ع راسي .. و شلني ل اقرب مستشفى .. . . . . . شيخه نازله من الدري وهي تربع و لابسه كعب .. و الصوت تدرون كيف .. امايا : شو هالحششرة من صباح الله خير .. شيخه باست راس أمها و راس ابوها : صباح الخير .. الكل : صباح النور .. شيخه كلت لها حبه زيتون : وين حمد ؟ شما : سار الدوام .. شيخه : و نهيان .. نهيان توه نازل من فوق : هني انا .. شيخه : قوم ودني الجامعه .. نهيان : توني ناش .. لا اله الا الله .. شيخه : يابوك قوم .. بتأخر .. نهيان : سيري ويا الدريول .. شيخه : حرام عليك . دريولكم غبي .. ما يسوق بسسرعه .. أبويا : بلاه بعد .. شيخه : بططييييئ . و ما يسمع الرمسه .. أقوله وقف هني يوقف هناك .. عنننز ما يفهم .. أمايا : حرام عليج شيخو لا تسبين .. شيخه : يستأهل زود بعد .. نهيان شل كوب الجاي ماله : يالله فزي .. أبويا : شوي شوي ع اختك .. نهيان : بلششه بللشششه هالخوات .. ماا صدقنا افتكينا من عواش طلعت هاي .. شما : اييه بنتي راقده لا تطريها .. نهيان : من زينها عاد .. تحسسيني مريم بنت محمد بن راشد .. شيخه سحبته : قوووم يالله .. . . . . . بو سيف مسك ايدها : يا روضه في واحد تقدم لج .. روضه توترت .. بو سيف : اسمه احمد الـ****** .. ريال و النعم فيه .. ما عليه كلام و عندهم خير وايد .. وهو ولد واحد اعرفه كنت اشتغل وياه .. روضه ساكته .. ام سيف : مب كل يوم بيي حد يخطبج يا بنتي و ترفضينه .. بو سيف : لين الحين رفضتي 2 تقدمولج و هاذا الثالث و ان شاء الله هالمره الثالثه ثابته .. روضه : ابويا .. بوسيف قاطعها : انا ما اجبرج توافقين بس خذي هالاسبوع كله استخيري فيه و عقب عطيني خبر .. روضه باست راسه : ان شاء اللہ .. . . . . . ::: تصيييح ::: منصووررر .. منصور توه ناش من الرقاد : عيون منصور ؟ ::: منصصور ألحقني .. منصور : بلاج بسم الله ؟ ::: تصييح ::: ابويا دخل في غيبويه.. منصور مسح على ويهه : لا اله الا اللہ .. ::: تصيح و تشاهق من الصياح::: منصور : خلاص انا بييج .. ::: لا منصور .. بسير عند أخوي .. منصور عصصب : كيف تسيرين ؟ انا اليوم بسير ل اخوج و بخطبج .. ::: منصور .. منصور : جب ولا كلمه ... ::: انا برد البلاد و بعيش عند اخوي وحرمته .. منصور بعصبيه : عليييييااا .. عليا صاحت : منصور من متى هو داخل ف غيبوبه . . و هو كبير في السن .. والحين بيدفنونه لانه ما قام من غيبوبته .. منصور : ردي البلاد اليوم .. عليا : ان شاء الله بسير أحجز . . منصور : و خبريني متى طيارتج عسب استقبلج ف المطار .. عليا ردت تصيح : اوكيه .. منصور : خلاص حبيبي لا تصيحين .. ترحميله .. دامهم بيدفنونه . . عليا : اللہ يرحمه و يدخله الجنه يارب و يغفر له ياربي . . منصور : أميين .. عليا : سوري وعيتك من الرقاد بس ما عندي حد اشكي له .. منصور : عادي غناتي .. عليا سكتت .. منصور : الساعه كم عندكم ؟ عليا : 10 فليل .. منصور : نحن 9 الصبح .. عليا : خلاص حبيبي رقد ارقد .. منصور مسك قلبه : وااااايييه فديييت حبيبي على لسانج .. عليا ابتسمت غصب .. منصور : يالله لا تنسين تقصين لج تذكرة .. عليا : باجر الصبح بسير .. منصور : اهتمي ف نفسج ولا تصيحين .. عليا : ان شاا الله .. منصور : باي .. عليا : مع السلامه .. منصور تسبح و تكشخ .. و نزل تحت عند أهله و شاف امه في ويهه .. منصور : أمايا طلبتج .. ام منصور : تم .. منصور : خطبيلي عليا .. ام منصوور : من هاي عليا بعد؟ و ليش اخطبها ؟ و كيف تعرفها .. منصور : امايا انتي تسأليني ولا تستجوبيني ؟ شوي شوي علي .. ام منصور رفعت له صبعها : لا تحااول ترررفع ضغغطي .. منصور غمض عينه : ثره قلب وليدج طايح عند بنت المهيري .. ام منصور : منو هاي بعد .. منصور : اخت ربيعي .. ام منصور : و المطلوب .. منصور : تراج قلتي تم .. خلاص تجهزي بعد شوي بوديج بيتهم .. ام منصور : وليش اخطبها ان شاء اللہ .. خذ شيخه اخت حرمه ولد عمك سيف .. منصور : امايا .. خلاص سيف خذ له عنود قمتوا ربعتوا صوب أهلها ؟ ام منصور : وش فيهم أهلها ؟ ما شفنا منهم الا الزين .. منصور وقف و باس راسها : اميييه انتي قلتي تم .. و وعد الحر دين عليه .. بسير أتريق ف المطبخ و انتي تجهزي .. ام منصور : الله يهديك .. بنسير بنجووف شو أخرتها وياكـ .. منصور ابتسم ب نصر .. بو منصور ياي صوبهم : ها منصور ؟ بلاك توزع ابتسامات ؟ شوق نزلت من فوق .. منصور : أبويا امايا رضضت تخطب لي اللي إباها .. بو منصور : عيل يالله ريلي فوق ريلك جانك بتسير تخطبها من هلها.. منصور تششققق و باس أبوه و تخاشم وياه : فدييييت خشششمممك ي الذيب .. شوق : عندي لكم خبر .. بو منصور : غردي .. منصور : ليش ابويا تويتر على غفله ؟ بو منصور عطااه نظظره .. منصور : خلاص اسسسف .. ام منصور : ما قلتي شعندج يا شوق؟ شوق : خلاص ماباه .. الكل : منووو ؟ شوق : اللي تقدم لي .. بو منصور : ليش ي شوق ليش ؟ شوق : أبويا انا ماباه .. زين انه ما ملجنا .. بو منصور : عطيني سبب مقنع يخليج ترفضينه .. شوق : هو ف العيين .. و انا ف دبي .. مابا اسير بعيد عنكم .. بو منصور : خلاص بخبره .. ام منصور : متأكده من قرارج ؟ شوق : هيه .. ام منصور : ما بتندمين ؟ شوق : ان شااء اللہ لاء .. . . . . . . . منصوور شل امه و شوق صوب اهل عليا .. حرمه خالد ترمس ريلها : اووووه سياره بورش عليها رقم 10 .. خالد : شكلهم نااااس .. حرمته : قوم سير شوفهم .. خالد : يالله ساير .. دخلن الحريم صوب الصاله و الرياييل صوب الميلس .. خالد : ادخل داخل حياك .. بو منصور : الله يحيييك .. منصور دخل هو و ابوه ويا خالد الميلس .. خالد : شو سبب زيارتكم ؟ بو منصور ب صوت خفيف : عثثثرة ها اسلوب الحين ؟ منصور سمع ابوه و ابتسم .. خالد : ارمس احس انه وراك سالفه .. منصور : ههههه .. خف علينا ي ابو الإحساس انته .. خالد : خذ راحتك ارمس .. منصور : الصراحه انا ياي أطلب ايد اختك .. خالد : عليا؟ منصور : هيه ... ليش في غيرها ؟ خالد : هههه لالا .. منصور : ترا انا اشتغل ف شركه ابويا … و معاشي 40 ألف .. اشتغل مدير فرع في الشركه .. خالد : اممم ماعليه ترا نحن من عادات و تقاليد عايلتنا ما نشاور البنات وإذا وافقنا كان بها .. و اذا ما وافق ولي الأمر يعني ماشي نصيب .. بو منصور : ترا اهم شي قبل المعاش و قبل كل شي .. ان المعرس يكون يعرف ربه و يميز الصح عن الغلط .. خالد :ويعني ؟ بو منصور تنهد لان خالد ما عنده أسلوب و يرمس بـ نفس خايسه : أنا مب يالس انغز حد و بعد مب يالس امدح ولدي .. لكن اسأل عن منصور و ما بتحصل الا كل خيير . . خالد : انا الحين موافق .. و لكن بعدني بسأل عنك و برد لك خبر .. منصور ابتسم : مشكور .. هالله هالله فيني عاد .. لا تحبطني .. خالد مسك جتفه : افاا عليك .. ولا اقولڪ خلاص انا موافق .. متى تبون الملجه ؟ منصور استانس : ياااا رياااال .. ما اروم استحمل بتيني جلططه . بو منصور : بسم اللہ عليك . . خلاص خلاص ماشي عرس .. منصور : هههههه .. . . . . . الدكتوره طلعت : مين حضرتك ؟ سيف : ريلها .. الدكتوره : ايوا .. المريضه "طالعت الاوراق" العنود .. عندها فقر دم .. و هيا لازم تأكل كويز .. هيا مريضه فيها زكام و حمى قويه .. فـ لازم تتغذى و تاخذ ادويتها عشان تتحسن .. سيف يهز راسه بتمعن : أهاااا .. الدكتوره طالعته .. سيف : اممم عادي ادخل عندها الحين ؟ الدكتوره : ايواا بس بدون ازعاج هيا محتاجه ترتاح .. دخلته داخل .. مشى بخطوات سريعة لين ما وصل عندي .. انا حاطه ايدي على يبهتي و الأيد الثانيه على بطني .. سيف باس راسي و مسك ايدي اللي ع بطني : حبيبي .. انا حسيت فيه و بطلت عيني .. سيف : سمعي ادري انج زعلانه و معصبه .. و الحين انتي مريضه يعني ما بترومين تنطقين ف عسب جي بخبرج ب كل شي بس لا تتكلمين .. انا بصوت مبحوح : ماااابي اسمع شي! ... سيف : ماريا .. الحرمه اللي سحرتني مادري كيف تزوجتها بس هي انعجبت فيني .. و سوت لي سحر .. مادري كيف تزوجتها و كيف عشت وياها .. كنت دوم اضارب وياها و اجسحها و اسسفل فيها .. و ما اكن لها اي مششاعر ولا ذره حب .. عسب جي هي تكرهني الحينه و حاقده علي . . مرة كنت طالع ويا ربعي و شفتها ف فندق قبل ما اتزوجها .. و سحبتني و كانت تصيح ميته صياح .. و تمت تشكيلي و عقب هي اللي اغرتني و تهورت معاها .. بس والله مب عن حب .. كان تهور .. و ما كنت ادري اصلا انها بتييب مني بنت .. و غصب تزوجتها عسب استر عليهااا. "يرص على ايدي" انتي غير عنها والله .. انتي حبيبتي .. روحي .. قلبي .. عشقي .. والله اني متعذب بلاج .. والله .. امس من غيضي سرت عندها و كفختها و سبيتها .. هاي السالفه كلها .. ما تستاهل انج تعصبين ولا تزعلين أصلن .. انا بصوت مبحوح : لو قلتلي انك كنت معرس .. لو قلتلي بس كنت بقنع أبويا و بخليه يختار شيخوه اختي تكون حرمتك واطلع انا من السالفه .. كيف بعيش الحين وياكـ كيف ؟ سيف : فهمتج كل شي و أذا تغارين قلتلج اني أكرهها و بنتي بقصصر في حقها وايد .. لان هي غلطت عمري .. ما بشوفها حتى .. بخليهم يقولون لها ان ما عندها ابو . . انا سكتت و غمضت عيني .. سيف غمض عينه : شو تبين اسويلج ؟ انا مسكت ايده بقو : طلعني من هني .. سيف : حاظر .. سار يرمس الدكتوره و ما طاعت وو على آخر شي لين راسها و رضت تطلعني .. سيف ياب لي العباه و الشيله و لبسني : يالله قومي غناتي .. انا وقفت وياه و لبست واحسس عمري ماروم امشي ولا اتحرك لان الحمى قويه .. حسيت بتعب و يلست ع الشبريه .. سيف : شفيج حبيبي ؟ انا طالعته : تعبانه .. سيف: خلاص لا تعبين عمرج .."شلني" أنا استحيت منه بس قاومت عمري و سكتت لأني ما اروم ارمس حتتتى من التعب اللي فيني .. سرنا الصيدليه و يلسني ع الكرسي خذ الادويه و ركبنا السياره و محد فينا رمس .. انا نزلت راسي : يوعانه .. سيف مسك ايدي : بوديج تاكلين .. من امس ما تعشيتي واليوم ما تريقتي .. انا : كله منك .. سيف : آه .. انا رصيت على ايده : سيف .. سيف غمض عيونه : آمري .. انا : اييييه طالع الدرب لا تنفدنا .. سيف : هههههههه خلاص آسف .. اتصل ل الاستقبال ف الفندق و وصاهم على ريوق راقي و خبرهم رقم الغرفه.. وصلنا الفندق .. "فندق العنوان" في دبي .. سرنا فوق على طول و كان كل شي جاهز .. صحن فيه بيضتين .. و صحن فيه فراوله و توت و برتقال .. و صحن فيه كرواسون زعتر و صحن فيه و خبز محلى فوقه عسسل .. و صحن ثاني فيه لبنه و زعتر و جبنه مالحه و خبز و عصيرين برتقال فرش و 2 كوفي .. انا تنهدت .. سيف حظنني : شو فيج ؟ انا : ماشي .. سيف حظنني بقو : حبيبي خلاص عاد .. عشاني هونيها و تهون .. انا : هانت .. سيف : اصلن ما تستاهل كل هاذا .. انا : صح .. يلست ع الكرسي بس قومني و يلسني فوقه .. تم يأكلني شوي من كل شي لين ما شبعت و شربت الكوفي و انجب فوقه .. سيف احترق : آخخخخ .. شوهتيني .. انا بسرعه نشيت سرت المطبخ و شليت ثلج حطيته في كلينكس و يبت ماي بارد .. شليت كل هاذا و وديته الصاله .. تميت احط ماي بارد على صدره .. سيف : حرقتيني .. انا تميت احرك الثلجه ع صدره : سوري .. حبيبي .. اسفه والله .. سيف غمض عينه : عيدي شقلتي ؟ انا : اسفه .. سيف : اللي قبلها .. انا ابتسمت بتعب : حبيبي .. سيف خوز ايدي اللي ع صدره : خلاص خلاص طاب .. انا : أحللف .. باس يبهتي : والله .. انا تلومت فيه واااااايد .. سيف : شفيج .. قلتلج خلاص يالله كملي أكلج .. انا : بسني شبعت .. سيف ابتسم : يالله عيل سيري الحجرة الثانيه ريحي و كلي دواج .. بزقرهم يشلونه .. انا : اوكيه .. سرت الحجرة فصخت عباتي .. و شربت الدوا ..و انسدحت ع الشبريه بالعرض . اما سيف .. اتصل لهم و يو شلوه .. قفل باب الفندق و دخل عندي .. انا تثاوبت .. سيف رقد عدالي و باس خدي .. انا ابتسمت بحيا و صديت الصوب الثاني عسب ارقد . سيف سحبني صوبه و رد حظني و رقدنا .. . . . . . اليوم اللي عقبه .. روضه صلت استخاره وارتاحت .. وبلغوا أحمد انها موافقه .. . عليا قصت لها تذكرة و اليوم بترد البلاد .. . . . |
تسلميين فدييتج على هييك باآآآرت العنوود<<<اهم شيء انهاا عطت سيف مجاال يوضحلههاا كل شيء علياا<<<امممم ماعرفها احسهاا غامضهه بسس حسييت انهها واايد حبووبهه و طييبهه و بسس تقبليي مرووري الحاار: m7d shratii+فانتظاار الباااارت اليااي |
بااارت يجننننن تسلميييين ع هيك بارت |
بااااارت يجنننن تسلميييين ع بااارت |
يسلمو ع البارت ." يعطيج العافية حبيبتي." نتريا الي بعده بفاارغ الصبر لا طولين علينا.." |
السلام عليكم ورحمه تسلم يمنااج عالرواايه الحلووه اممم سيف و العنود حبيتهم وحبييت العلاقه بينهم بدات بمجهوله ومع الايام حبوا بعض وهييك علياء احسها كيووت ومظلومه ان شاء الله تاخذ منصور وترتاح روضه موافقتها لاحمد عساها ترتاح وياه لان يحبها :) بانتضار البارت الياي (l) |
البارت الـ7 .. . . . سيف : قومي حبيبي صلي العصر .. انا بسير المسيد و برد.. انا نشيت توضيت و سرت أصلي .. دعيت ربي يقرب لي كل شي فيه خير و يبعد عني الشر .. دعيت من كل قلبي .. و عقب سرت أقرى قرآن وأنا يالسه ع السياده .. سيف دخل : تقبل الله .. انا بعدني يالسه ع السياده .. شوي و قمت .. سيف فتح لي ايده بمعنى تعالي عطيني هق .. فصخت شيلتي و سرت صوبه حظنه .. سيف باس يبهتي : فديت هالحظظن كم يسسوى ملايين .. انا : بس ملايين ؟ سيف : لا .. اكثثر بعد .. انا ابتسمت .. سيف : مرتاحه غناتيه؟ انا : هيه .. سيف : قومي بنظهر .. انا : وين ؟ سيف : اي مكان .. بنتم نحاوط لين العشا .. بنتعشى و بنرد .. انا ابتسمت : اوكيه .. سيف حط صبعه صوب ذقني : فديت هالابتسامه انا .. . . . . . منصور واقف عند بوابه من بوابات المطار .. متساند ع اليدار و مكتف ايده .. تجدمت صوبه بنت لابسه جينز و قميص اخضر و فوقه جاكيت بني .. عيونها صغيرة .. و خشمها حلو .. شفايفها صغيره و ويهها دائري .. مشت بخطوات سريعه و ابتسمت له : منصور .. منصور رفع عينه طالعها : عيون منصور .. عليا ابتسمت .. منصور : تو ما نور المطار .. تو ما نورت دبي .. تو ما نورت الأمارات بكبرها .. عليا ابتسمت اكثر .. منصور مسك ايدها : الحمدلله ع السلامه .. ما بغيتي تيين .. عليا يتها الغبنه : ترا امس دفنوا ابويا .. منصور رص على ايدها ب قوو : ماعليه . . يالله تعالي .. عليا مشت وياه و هي تسحب شنطتها .. منصور : عندي لج خبر بيطيرج من الونااسه .. عليا : قول .. منصور : بلللل ... شوي شوي .. قولي "يغير صوته" قول حبيبي .. عليا استحت : قول حبيبي . . منصور : امس رمست اخوج خالد و هو موافق .. عليا : صدق والله ؟ مننصور : هيه .. اجذب عليج انا ؟ عليا : ههههه لآآآء .. منصور : اوكيه اانا قررت .. عليا : و شوو قررت ؟ منصور : نملج ف المحكمة .. عليا انصدمت : كيف يعني ؟ منصور : ترا ابوج متوفي صح ؟ ف بنعرس ف المحكمة .. عليا : اوكيه منصور .. منصور مسك ويهها بإيدينه الثنتين : بتعيشين وياي ف بيت أهلي .. و انا وياج لو الموت .. بنموت سوى .. و ماعليه ما بنتزوج ب السر مثل ما كنا متفقين .. اهم شي انه اخوج موافق .. عليا : بس بشرط .. منصور : آمري ؟ عليا نزلت راسها : .. بدون دق بدون اغاني و بدون حفله .. منصور : اللہ يرحمه .. عليا بنبرة تقطع القلب : أمين . . منصور ما استحمل و حظنها : خلاص حبيبي .. خلاص .. بدون عرس بدون شي باجر بنملج في المحكمة .. عليا : اوكيه . منصور : يالله ركبي .. عليا : وين بنسير ؟ منصور : بوديج بيت اخوج .. عليا : تبا الفكه مني ؟ منصور : لا والله ما أشبع منج انا اصلا .. . . . انا لبست عباه مفتوحه من عند الأيد .. و تحتها بنطلون اسود و قميص عيناوي عليه كلام بالأصفر .. تجحلت و حطيت لي روج احمر بس خففته شوي . . تعطرت . . و لبست ساعتي و خواتمي .. و كعب اصفر . . سيف دخل علي : عنوود . . انا طالعته : هلا؟ سيف ابتسم لي و مسكني من خصري : ما تتعدلين لي . . تتعدلين بس حق برع .. انا : لا تحط ف ذمتك . . سيف باس يبهتي : فديتج والله . . انا ابتسمت .. سيف : يالله نسير ؟ انا : يالله .. "مسك أيدي" و مشينا .. نزلنا تحت و ركبنا سيارته . . و سرنا صوب بحر جميرا . . سيف مسك ايدي و باسها : تذكرين يوم رقدتي هني . . انا : هههه هيه .. سيف : يالله نزلي . . نزلنا و تمينا نتمشى ع الشاطي . . سيف جابلني : باجر بنسافر . . انا بصدمه : وين ؟ سيف : لندن . . انا ابتسمت له : اوكيه . . سيف مسك ايدي : و ما بنخلي شي يعكر على مزاجنا . . انا : أمم سيف . . سيف : آمري ي روح سيف . . انا : بنتك . . سيف مسك أعصابه : بلاها؟ انا : ليش ما تسير عندها ؟ احس حرام تتربى بدون ابو . . مهما يكون هاي بنتك من لحمك و دمك . . سيف : ما تخافين ؟ انا : من شو ؟ سيف : ما تخافين ماريا تاخذني منج .. انا ابتسمت : لاء .. اهم شي منو انت تبا .. و لو تباها هي عادي . . سيف مسك جتوفي : انا اباج انتي و حقج انتي بس . . ”cut“ . . . . . ام منصور : شوووقي .. شوق : هلا امايا .. ام منصور : وينه منصور ؟ ما ينشاف ؟ شوق : امايا شكله راقد فوق .. ام منصور : سيري وعيه جان ما عليج أمر .. آبغيه ف ساالفه . . شوق : ان شاء اللہ امايا .. سارت شوق غرفه منصور .. منصور يرمس عليا : فديييييت عليا انا .. شوق دقت الباب .. منصور بصوت خفيف : صبري قلبي شوي .. "على صؤته" منوووو ؟ شوق : انا .. منصور : شو تبين؟ شوق : اتقولك امايا نش تبغيك ف سالفه .. منصور : انزين قوليلها ياي .. شوق : انزين بسسسرعه .. منصور : انزين .. سارت شوق .. و رد يكلم عليا .. منصور : حبيبي آنتيَ سيري زهبي عمرج حق باجر و انا الحين ببند امايا تباني .. عليا : اوكيه حبيبي .. بآي .. منصور : باي .. نزل تحت عند امه .. ام منصور : تعال تعال ي الهرم .. منصور : الحين انا هرم امايا .. ام منصور : هرم و نص .. منصور : حرام عليج امايا . ام منصور : خل عنك .. الا ابوك يقولي باجر ملجتهم العرب .. منصور : اي عرب امايا . ام منصور : لا تستهبل علي .. منصور : ههههه قصدج انا و عليا .. ام منصور : هيه .. صح ولا لاااء ؟ منصور : هيه صح .. ام منصور : و ليش مستعييليين ؟ منصور : امايا انا مستعيل .. ام منصور تنهدت : ماعليه .. قوم فارج .. منصور : و ليش افارج اميه ؟ ام منصور : يسسد ان البنت مب انا اللي مختارتنها .. ططزز فيك و فيها .. قوم انجلع .. منصور : بسير ولا انا اروم ارد عليج بس بنرفزج وانتي تدرين .. ام منصور : سير سير .. . . . . . . . . . . روضه ترددت تتصل ولا لاء و عقب هو اتصل .. احمد ابتسم : مبروك .. زين انج وافقتي .. روضه : ليش لو ما وافقت شو بتسوي فيني ؟ احمد : بجتلج .. روضه : عيل خلاص مب موافقه .. احمد : ههههههه اصلا ما تهونين .. روضه : اصلا آدري .. احمد : ها شو ؟ ارتحتي يوم استخرتي؟ روضه : هيه .. يعني لو ما ارتحت جان ما وافقت .. احمد : زين والله .. شو الجامعه ويااج .. روضه : بخير .. احمد : اممم روضه .. روضه : هلا.. احمد : احبج .. روضه استحت بس ما بينت : زين والله .. احمد : عادي استحي .. روضه : ما استحي انا .. عقب هدوء بسيط .. روضه : احمد .. احمد : امريي ؟ روضه : ممكن ما ترمسني ؟ لان جد مصخناها .. يعني ع الأقل عقب الملجه برمسك .. ما يصير جي .. احمد : روضه .. روضه قاطعته : دخيلك احمد ع ألاقل عقب الملجه تكون مكالماتنا حلال . . مب حرام .. نطيح ف الإثم جيه .. احمد تنهد : خلاص مثل ما تبين .. و هالمرة صدق ما بتصل لج .. روضه : احمد مب قصدي ازعلك بس كلام الحق ينقال .. احمد : ماعليه ما زعلت .. مردج لي عقب العرس و الملجه .. يالله فديتج باي .. روضه : باي .. . . . . ماريا سارت شقه حرمه تسوي عمل .. و الحرمه مغربيه بعد .. المهم دخلت عندها .. الحرمه تبوسها : هلا ب ماريا .. شو حالج؟ ماريا : بخير وانتي شو حالج> تنقييع هههه .. الحرمه : بخير .. ماريا : انتي صديقتي صح ؟ الحرمه : ايوا .. ماريا : اباج تسوين سحر ل زوجي .. الحرمه : قوي ؟ ولا قووووي كتتيير .. ماريا : لالا مؤ قوي .. الحرمه : طيب عطيني صورته .. ماريا طلعت صورت سيف من شنطتها : تفضلي .. الحرمه : و جبتي المبلغ الاول ؟ ماريا : و جبت الثاني بعد .. بعطيكي إياه مره وحده .. الحرمه : يالله هاتي الفلوس .. و بيزبط العمل ان شاء اللہ .. ماريا : طيب .. بس ما تتأخري .. انا بدي إياه ف اسرع وقت .. الحرمه : من عيوني.. . . . . . خالد دق عليها الباب .. عليا : تفضل .. خالد ابتسم لها : كبرتي يااا علااايه .. عليا بدلع : لا بعدني صغيره .. خالد :عليا . . في واحد خطبج و اسمه منصصور .. عليا طالعته .. خالد : شكلهم ناس راهين و سمعتهم زينه .. ها شو قوليلي موافقه ولا ؟ عليا نزلت راسها : موافقه .. خالد رفع راسها ب صبعه : ترا انا قلتله اول شي انج موافقه .. عسب ما نخسر الريال .. عليا : اوكيه .. خالد : و يبا الملجه باجر .. و بما انه أبونا توفى لكبر سنه .. ماشي دق و حفله .. عليا : اوكيه .. خالد : باجر الملجه بتكون ف المحكمة و بيمددون المده .. عليا : اوكيه .. خالد : انتي كله اوكيه ؟ غيري قولي شي ثاني .. عليا ابتسمت : اوكيه .. خالد ضرب راسها ي الخفيف : هههههه . . . . . . نهيان طالع ويا ربيعه في واحد من الكوفيهات .. نهيان : يااا حارب حرام عليك .. حارب : كيفي انا طلقتها ماباها .. نهيان : بنات الناس مب لعبه ف أيدك ي حارب .. حارب : انته ما تشوفها كيف .. تظهر بدون شوري و ما تلبس عباه و شيله .. نهيان : تدري ؟ انا مالي خص فيك و ف مشاكلك .. حارب : عيل لا تدخل .. نهيان : ما بتدخل .. حارب : الا اقولڪ ما عندك اخت غير هاي اللي عرست؟ .. نهيان ابتسم : تخسسي أعطيك الثانيه .. حارب : ههههههههه ماباها اصلا .. خلاص بنرد ل حياه العزوبيه .. نهيان : هي والله حياه العزوبيه حلوه .. لا هم ولا غم ولا تسهر الليالي عشان اللي تحبه .. حارب : صدقك والله .. رن تيلفون نهيان . . نهيان : الو .. ها شوييخ ؟ شممموووه ؟؟ الحين ؟ ياويلي .. و حمد وينه ؟ انزين انا شدخلني .. ريلها على غفله ؟ أوكيه اوكيه ياي .. خليها تصبر عاد مب مشكلتي .. باي .. حارب : بلاهم الأهل ؟ نهيان : حرمه أخويا بتربي .. و أخويا محد ظاهر من الصبح و الدريول ساير يوصل امايا عند خالتيه .. حارب : انزين سير انقذها شو تتريا .. نهيان : هههههه سوبرمان على غفله .. حارب : جب جب .. يالله سير .. نهيان : ساااير ساااير .. . . . . . الساعه 8 .. صوب جميرا و برج العرب .. سيف ماسكني من خصري و يمشيني ع البحر : عنودي؟ .. انا : عيوني .. سيف جابلني : تحبيني ؟ انا غمضت عيني : اممم .. يعني .. سيف : كيف يعني ؟ انا : يعني نص نص .. سيف : انزين يوعانه؟ .. انا : هيه .. سيف : يالله بنسير نتعشى .. سرنا تعشينا في مطعم لبناني .. كلينا تبوله و حمص .. و دياي ع الفحم .. و عقب ردينا الفندق .. سيف : قلبي جهزي الشنط حق سفره باجر .. انا : انزين .. شنطتك مرتبه صح ؟ سيف : هيه .. بس شوفي شنطتج اذا مرتبه ولا لااء .. انا : اوكيه .. سرت رتبت الشنط و الثياب .. و حطيت مكياجي في الشنطه و نعولي و اغراضي .. و تسبحت بسرعه و عقب ظهرت سرت يلست عداله .. سيف يتلفت يمين و يسار : آمممم انا بسير الحين .. انا : سيف شو بلاك؟ فيك شي .. سيف : بسير و برد .. ما بتأخر .. انا ما اطمنت : أوكيه .. ، . . . . عواش يالسه ف الكرسي اللي جدام .. و شما و شيخو ورا .. و حليلها شمووه عرقااااانه و تتويع من كل صوب .. و شويخ تهديها و عوااش تصييح و تصارخ .. نهيان : شووو هالبلششه ؟ صخي .. انطمي لا انزلج ف الشارع اهني .. شيخه : نهيانووو .. شو فيك ع البنت .. نهيان يقرص إذن عواش : سكتي سكتي .. عواش : ماماه بتلوووح .. ابا مامااااه .. شيخه : سوووق و انته ساكت .. نهيان يمط كشتها : جب انتي .. شما : ايييي .. آآييي .. نهيان يزخ راسه : يارربي .. شيخه : زخ السكان لا تنفدنا .. نهيان : زين زين ،. شما زخت ايد شيخو بالقووو .. شوي و وصلوا المستشفى .. دخلوها الطوارئ .. و اتصلوا حق حمد و اميه . . بعد ربع ساعه يا حمد هو و امايه و ابويا .. شافوا شيخوه و نهيان واقفين و ساروا صوبهم .. الدكتوره : مين قوزها؟ حمد : انا .. الدكتوره : المريضه لازم نعمل لها عمليه قيصريه .. حمد : و انا شو اسوي ؟ الدكتوره مد له الورقه : وقع على هالاوراق .. وقع حمد و تموا ساعتين و نص داخل .. حمد : بلااااهم ليش ما ظهروا ؟ اميه : اصبر شويه ع البنت .. بيولدونها ب عمليه .. و العملية هب سهله .. حمد اعصااابه منهااااره : بدخل عندها .. شيخه : حمد استخفيت شو ؟ ابويا : أصبر أصبر شوي .. صبرت ساعتين ما بتصبر بعد شوي ؟ نهيان يلس عواش و رقدها ب الطول ع الكراسي .. شيخه : فديتها رقدت .. نهيان يطالع حمد : انته وينك عن حرمتك ؟ حمد : كنت ويا ابويا ف الشركه .. شيخه : اششش البنت راقده .. الدكتوره طلعت : مببرووووك قاتلكو بنوته زي الأمر . . > مبروك يتكم بنوته شرات القمر .. حمد أستانس : و شخبارها شما الحين ؟ الدكتوره : المريضه نايمه .. تعبانه .. حمد : اوكيه . . طلعت النيرس وهي شاله البنت .. شيخه ابتسمت : واااااي فديتها بنتك حمود .. نهيان : حظج امايا دوم حفيداتج بنات .. امايا : اللي من اللہ .. ابويا قاطعها : حياه اللہ . . . . . . . سيف دخل بيتهم و يحس ان في حد يتحكم فيه .. ميار : استاذ سيف ؟ سيف : وين ماريا ؟ ميار أشرت ع الغرفه : نايمه هناك .. سيف سار و فتح الباب .. حصلها راقده ويا حصه فوق الشبريه . . سيف يلس و مسك راسه فـ خاطره : سيف .. شو يابك هني .. عنود لو درت انك هني جان انجلطت .. اظهر دخيلك .. احس انه حد يايبني هني . . مب بإرادتي . . ااااااه .. ماريا : سيف ! سيف : ها ؟ ماريا : شو فيك ؟ سيف يلس يهز ريله : ماعرف ماعرف .. لا تسأليني .. ماريا : حبيبي شو قلت لك .. مؤ قلت انك راح ترجع لي .. سيف : انا ما رجعت لج ولا شي .. ماريا : طيب ليش جيت ؟ سيف : مادري . . تعبان والله تعبان .. ماريا بخبث : بعيد الشر عنك حبيبي .. . . . . . . انا ماياني رقاد و احسس انه قلبي مقبوض .. لين الحين ثلاث ساعات هو محد .. قلبي موووول مب مطمن .. اتصلت له لين ما عييززت .. ؤ المشكلة ما يررد على اتصااالاااتي .. يلست اطالع تلفزيون .. بس بالي وياي .. كل عقلي و تفكيري عنده .. مليييت و طرشت له مسج (وينك سيف؟ تأخرت .. دخيلك رمسني خفت عليك) و سرت اتأكد اذا الباب مقفول ولا مب مقفول .. يوم كنت ابا أقفله .. حد دق الباب .. انا لبست شيلتي : منو ؟ "طالعت هاي الدويره اللي ع الباب " شفت واحد شكله مصري .. يايب صينيه وياه .. انا : منوووو ؟ الريال : خدمه الغرف .. انا : شو تبغي ؟ الريال : حدخل العششى .. انا : مشكور تعشينا .. الريال : افتحي الباب .. أمر من اداره الفندق .. فجيت الباب شوي و دزه .. دخل داخل عندي .. يتقرب منني وانااااا ارررجععع على وراااا .. الريال : اممم فين قوزك ؟ انا : محد . . لو سمحت اظهر برا .. الريال فصخ فانيلته : يااا جمييييييللله .. انا اصارخ : سااااعدوووونييي !!!!! . . . . |
السلام عليكم ورحمة الله تسلم يمناااج غناتي عالبارت امم ماريا : الله يغربلها مصيبه ام السحور >< سيف : حراام لا تخون العنود صح مب ايده من السحر سارلها بس بعد حط عقلك فراسك يارب ما يتهور ويرد لماريا اهي عنود : حبيبتي تحصلها من وين ولا وين من ريلها ولا من المصري اللي متهجم عليها ان شاء الله ما يستويلها شي واي سيف وينقذها علياء ومنصور احلى ثناىي ام منصور ان شاء الله تتقبل علياء وتحبها بانتضار التكمله :) |
| الساعة الآن 04:09 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir