|
ظاهرة خروج البنات .... للنقاش السلام عليكم اضع لكم اليوم ظاهرة خرووج البنت مع صديقاتها في المراكز والمولات .. و بتغير الجو مع صديقاتها بالتجول بواسطة السياره .. والمشكله ليست هذي .. المشكله ان الاهل لا يعرفون البنت اي تذهب .. ومتى ستعود ... ومع من ذهبت .. وهل هي في المكان الي قالت لاهلها انها متواجده فيه .. حيث لاحظت ان بعض الفتيات يتجولن بالمولات حتى منتصف الليل .. بدون اي رجل معهم وبنات بين اعمار 16 ولغايه 26 سنه ... وفوق هذا الزينه ليست زينة تسوق بل زينه زفاف .... انا استغرب كيف خرجت هذي البنت من البيت بهذي الحليه .. وهذه الزينه بدوون اي حساب.. ولا شورايكم انتوا؟؟؟؟؟ اترك هذا الموضوع بين ايديكم واريد ان ارى آرائكم حول هذا الموضوع والسموحه |
.... صدقت بلي قلته... بس مب كل بنت تطلع مع ربيعتها معنى هذا غلطت ... إذا البنت تطلع بحشمتها و هي صاينه عمرها فهاذي و باعتقادي ماعليها كلام . .. |
وعليڪم السلام والرحمه . مثل ما في بنات يظهرون ويروحون مولات والخ ويا ربيعاتهم مثلا او حتى بدون علم اهلهم . متزينات على اخر حد . ڪاشخات على اساس رايحين المول ترا في بعد بنات ويا امهاتهم وربيعاتهم محتشمات وما يتمون فالمولات والسينما لين نص الليل ياخذون اللي يبونه او الشي اللي قاصدين يروحون عشانه مثلا تغيير جو لا أڪثر . ترا الدنيا فيها الزين والشين ياخوي =) يعطيڪ الف عافيه والسموحه :) . |
انا احتر وجهة نظركن خواتي لكن القصد من الموضوع هو مناقشه ظاهره خروج البنات بكامل مكياجها وكاشخه تقول سايره عرس وكل هذا حق الحواطه في المولات والاسواق . وما هي حلولكم لكي نقضي على هذه الظاهره . والسموحه |
وعليكم السلام ورحمة الله وبركاتة اخوي مهما الإنسان ابتعد عن دينة بيخترب اكثر ( لأن الشيطان موجود) ... الدين يقول دائما وابداً [mark=FF0000]( خروج المرأه او البنت يجب ان يكون مع محرم)[/mark] والبنات غافلات عن دينهن وعن حياءهن ، والبنت صراحة بدون الحياء هي ( لاشئ ) .... وبعدين رخصة السياقة او ( الليسن ) ، قالوا الناس يالله مانبا نتعود على الدريولية لأنه حرام وهذا اجنبي ، بس شي من الناس او الأهل مصخوها وعااااااااادي عندهم ( سارت المول ولا نادي ولا تسابق فالشارع) والمصيبة تستغل ثقة اهلها الي عطوها الليسن لقضاء الحاجة ( الضرورية) وهي " حدث ولا حرج "!!! عيل ماشفت اللي يسابقون الرياييل فالشارع .. والأسواق ماشاء الله ممزورة من بنات المكياج والأزياء ولسان حالي يقول ( خسارة تربية الأهل اذا كنت(ن)متربياااااات) [mark=FF0000]ويقول الرسول عليه الصلاة والسلام ( ان لم تستح فإصنع ماشئت)[/mark] 0 0 مشكور الغالي ع الموضوع ، ونتريا منك فالقسم مواضيع اخرى طيبه مثلك وشرواك 0 0 اخوك / النعيمي |
http://www.21za.com/pic/decoration002_files/21.gif السلام عليكم ورحمة الله وبركاته ياخــــــــ،،ـــوي الحل بيد البنت نفسها وبيد أهــــــــلها وبعد الاهل ما بيراقبونها أربع وعشرين ســــــــــ،،ـــــــاعه أن ما يت الحشمه من خـــــــــــوفها من ربها ومراعـــــــــــــاة لدينهااا وتربيتها ما بيردهـــــــــــــــــا عن الغلط شي كـــــــ،،ـــــل شي أساسه صح بيدووم وينتج عنه الطيب والاساس الغلط ما بتكون نتيجـــــــــــــته الاالغلط والدنيا فـــــــــــيها من زين وشــــــين سوائن بنت أو ولد شـــــــ،،ـــــاكرين لك هالطرح الطيب وربي يعطيك الصحه والعافيــــــ،،ـــه أخوي http://www.21za.com/pic/decoration002_files/21.gif |
الله يسلمكم اخواني ويعافيكم يارب وصراحه انتوا اقنعتوني بآرائكم .. وانا ما عندي شي اقوله بعد اللي قلتوه . وربي يسلمكم ع التفاعل والمشاركه الغاويه ........ ولا تحرمونا من طلتكم الحلوه واتريا تفاعل الباقيين |
والله البنت المحترمة مستحيل تظهر بروحها تحوط في الولات وحاطة مكياج كامل وبعدين هذيلا الي يظهر بروحهن اغلبهم مب مواطنات هم مشوهين سمعت المواطنات |
انا اعارضج فقولج ان البنات اكثرهن هب مواطنات لكن المشكله الع** صحيح واللي هب مواطنات ينعرفن وبعضهن ما يلبسن عبايات اصلن لكن البنت المواطنه هي اللي شوهة سمعت خواتها الباقيات ولا هنتي يالغاليه ع المشاركه والتفاعل الطيب ...... ولا تحرمينا من طلتج الحلوه |
ويت ويت اول شي كل شي قلتوه صح بس هب كل البنات ليش دومكم ع البنات انتو ما تشوفون الاولاد اول شي شو يسوون انزين اخوي النعيمي انت قلت <<الدين يقول دائما وابداً ( خروج المرأه او البنت يجب ان يكون مع محرم)<< بس الدين قال اذا كنتو مسافرين هب وانتو ظاهريين اي مكان في بعض الاخوان ما يحبون يظهرون ويا خواتهم يخافون ربعهم يشوفونهم ف المول يعني شو بتسوي البنت<<بعد مناكر الاولاد ما نروم عليها والدين يوم قال قال مسافة 80 كيلو متر وعن المكياج والعبي وهاي الخرابيط معاك حق كل الي قلت عنه صدق خلهم يمكن في خاطرهن يكونن عارضات ازياء بس اهلهن هب طايعين حرام والله يكسروون خاطري البنات الover<<هع هع بس انا عندي اقتراحات وااايد حلوه:1*عند باب المول يحطون السكيوريتي الي هو الشرطي يشيك ع البنات الي وااايد متكشخه وبزياده عن اللزوم ما يدخلونها يخلونها تمسح كل شي ع ويها وبعدين يفكروون يدخلونها..<<خلهم يخلوني انا الشرطيه جان ما خليتلكم الموول نظيف وحلو وبدون هالمصاخه الي فيها ايه تراني استهبل بس بس اذا صار صدق الله واايد زين بس الشباب الي بيحتجون والله بيقولون الله ياخذني ع الاقتراح البايخ<<هعهع 2*وفي محلات العبي ما يفصلون العبي al over يعني يفصلونلها عبي بسيطه بس.. 3*لازم الشباب ما يكشخوون واااايد لانهم يوم ايوون الموول بعد هم جنهم يايين يخطبوون وحده ومساكيين البنات عقولهن تطير اظني واااايد اتفلسفت "سوري:p موضوعك نايس اتمنا تشوف تفاعل زياده من الاعضاء والي ما عيبه كلامي يقول عادي تراني ما ازعل تقبل مروري طموحي تعداكـ |
تسلم اخووووووووووي ع الطرررررررح الغااوي وفي رااي الزين والشين موجوووووووووود في كل مكان .. وهذي اولا وآخرا اسمها تربية....... البنت او حتى الولد اللي متربي انه يراعي الله ويحشم نفسه وهله اول شيء اكيد ما بيخترب ولا بتغره او تغرها هالمظاهر.. وبعدين هب شرط ان البنت اللي تخط مكياج واتسير المول اتكون من دون راي اهلها ,,,,,,,,, والله اني مرات اشوووووووووف بنات حاطات فل مكياج جنهن سايرات عرس وايكونون وهاللي يقهر ويا اهلهم .....ماشي حتى حشيمه للشيبه ولا العيوووز اللي وياهم...... اما سالفة تغييير جو في الموووووووول لين نص الليل هذي في رااي مشكله ولازم ينوجد لها حل ....خييبه استون ينافسن الشباب ع سهرات الموووووووول لين نص الليل..... (الله يهدي شباب وبنات المسلمين,,,,,,,,,,,اللهم آآآآآآآآمين) تقبل مروووووووووووري....... |
المفرووووووض الوحده ماتظهر الا ويا أهلها هذا راييه الشخصي والسموحه عالقصور أختكم : منصوريه قمر |
عني ماتعيبني طلعت البنت ويا ربيعاتها للمولات سوا كاشخه او لا .. مالها معنى شوهالحاجة الملحة يعني الي بتكون فالمول ماتقدر البنت تتريا لين اهلها يودونها والله الدنيا هالوقت مالها امان .. وايد بنات قامن يطلعن الي تشرد من الكلية وتطلع والي ماتصدق عندها بريك .. والي شلة موظفات يروحن .. هو مافيها شي سالفة دام البنت محترمه بس الافضل لو يحشمن اعمارهن ويخلن هسوالف الوحده ماتدري شو ممكن يصيرلها يوم هي وربيعاتها برع يمكن تتعرض لموقف وتتصرف بشكل غلط وتيب لعمرها مشاكل هي فغنى عنها اما سالفة الحواطه لين نص الليل .. فالله يهدي بناتنا وشبابنا ومشكور خويه على الموضوع وغيرتك على بنات البلاد |
ما شاء الله عليكم .. صراحه شبعتونا نقاشات وتقريبا وجدنا حلول نصف المشكله لكن ( هل من مطبق لها ..؟ ) وعلى العمور اعجبتني آرائكم ومناقشاتكم الطيبه ... وبالتوفيق للجميع ان شاء اللهـ .. ومشكورين ع التفاعل والمرور الغاوي ....... ولا تحرمونا من طلتكم الحلوه بانتظار آلآرائ الباقيين |
---[ وعليكم السلام ورحمه الله وبركأأتهـ .. مرحبآآنــــ,,ــي اخويهـ " شقأأوي العين ^.^ -( كلاآآمكـ صحيح اخويه .. هالظأأهره منتشرع بشكل كبير وغير طبيعي مما يثير في نفووسنا " العجب .. بس قبل لا نرمس ولا نقول اي شىء .. نحن لازم نحلل القضيه " صح =) هممم ممم .. نرجع للسب الأساسي شو هو ؟؟ - (( الاهل )) ---> هأأي البنت منوهـ عطاها مطلق الحريه بالخروح وبروحها من غير محرم ؟؟ منوهـ الي رباها على هالشىء ؟؟ لو انزرع فيها حب الله والخوف منه وخشيتهـ .. صدقني ما بتسوي هالسوآآهـ .. بس الاصل يرجع للأهل .. ليش مخليين بنتهم " مهيته ؟؟ تروح وترد ع كيف كيفهأأأ !!!! - (( قلت الوآآزع الديني والتربيه الغلط )) ---> لو الانسان يخاف ربه مستحيل يسك طريج يغضب الله .. وهالانسان من وين بيتعلم الخوف من الله جان ما انزرع فيه من صغرهـ .. اذا هليه ربووني غلط .. عودني ع الدلع " كل شىء تبينه جدامج .. عطوني (( الثقه من غير مراقبه ؟؟ هآآي بعض الاسبأأب الي تخلي البنت تسوي جيييه .. لو تلاحظوون الغلط يرتكز على الاهل والتربيه والوازع الديني .. لو هالاشياء ما توفرت " ضأأعت البنت .. انا وحده عمريه 16 سنه .. لو قالي ابوويه قومي رووحي وي ربيعاتج وسيرن الموول بروحكم بليا محرم بقوله " لاااا ريلي على ريلك .. ما اطلع من غير محرم !!!!! (((= طبعا ابويه مستحيل يقولي جييه .. لانه رباني صح .. وخلاااني اعرف الصح من الغلط .. بروووحي >< والحمدلله عأأرفه عمريه مستحيل انجر وراا الغلط لو شو ما صأأ{.ر ^.^ ------[ مشكور اخويه على هالموضوع الغاوويـــ .. ربيه يعطيك الصحه والعافيه .. لا هنت ولا انهأأن قدرك ولا مقدااركـــ ... ^_^ اسمحلي طوولت وخذت راحتي وايد هع هع ^.^ ~ )= |
والله الحمدالله انا الوالدة ما تخليني اطلع مع اربعاتي الا اذا معزووومه وتخلي حد يوصلني ويترياني الدنيا ما فيها امان والحمدالله على كل حال انا عقب الجامعة اشتغل والله تمر علي اشكال شو تقدر تقوول البنت مع واحد واشك انه ريلها او اخوووها جدام الناس والفل مكيب والكل يطالعونها ليش اهلها شو ذنبهم لا تنسووون الشبا ب بعد والل كل واحد معاه اجنبيه او ثنتين عقب ما تخلص افلووسه تسويله باي باي ما اعرف ليش الشباب وااايد اغبي والواحد اذا كان محتاي شي يروح يتزوج احسن له ولا يفضح عمرها ويغربل بنت الناس السمووحة اذا طولت تسلم اخوووي على الموووض لاهنت والله يحفظك والى الامام دائما |
يظهرن المولات مع ربيعاتهن ؟!! و الله عاداتنا وتقاليدنا ماتسمح لنا بصراحه .. و الله لو ظهرنا ..عادي يحطونا في التنور يطبخونا .. و يفرون لحمنا حق الجلاب .. و بصراحه انا ضد هذه الظاهره ..البنت للي تبا تطلع يا مع ابوها او أخوها الكبير او ريلها و بس .. هذا من وجهه نظري .. السموحه ^.^. |
[align=center]وعليك السلام والرحمه ... صدقت ياخوي بكل كلمه قلتها ... واظن ان الغلط ع الاهل بالدرجه الاولى وبعدين ع البنت .. المفروووض ان الاهل ما يخلوون بناتهم يظهرووون الا ويا ناااس هم واثقين فيهم وفي اخلاقهم ... وبعدين البنت لازم تخف من المكياااج , لاني يوم اظهر المووول اشوووف بلاوي ومصايب زرقا , وطبعا البنت المحتشمه اللب تمسي ويا اهلها مابا يقرب الشبااااب صوووبها .. اما اذا شافو الشباب شلة بنااات بروووحهم أكيد رح يلحقووونهم ويسووون الواجب وياااهم :lol: ... تسلم ياخوي ع الطرح الرااايع .. تقبل مروووري ... ][®][^][®][Qanes ALreem][®][^][®][[/align] |
http://up.graaam.com/p11ic/f9fbe3755a.gif وعليكم السلام ورحمة الله وبركاته والله هالايام هالشي صار موضه والبنت اللي ما تسوي مثلهم يقولون متخلفه عنها وبالعكس هن المتخلفات يعني البنت اللي تظهر بكامل زينتها والبنطلون راص عفانا الله شو بنقول عنها الله يسترعليهن ويسلموو عالموضوع الطيب |
المشكله مشكله ثقة الاهل الزايده يسمعون سوالف البنات .. بنت ظهرت .. وبنت سوت .. بس يستبعدون هالشي فبنتهم ويقوولون مستحيل هي جي اتسوي من جذا مايراقبوونها او حتى يسألووونها البنااات حركااااااات في المولات .. واتهبي اتحط عينها فعين واحد اذا كانت ويااا حد من اهلهاا .. بس وياا اربيعاتها اتسوي عجب العجاب الله يعيناا .. هاييل هن امهااات الغد امحق وربي ويسلموو عالموضووع اخوك ... حمدان |
والله صدقتوا يا اخواني وخواتي ... وشي طبيعي تصير هالظاهره فيوم من الايام موووووضه .... ولا تستبعدون ان البنت اللي محتشمه يقولون عنها متخلفهـ ... شاكر لكم تفاعلكم و لآرائكم الطيبهـ .... بانتظار المزيد من التفاعل .... |
تسلم اخوي عالموضوع وانا صج فيني ضيجه من هالسالفه وأنا مريت بهالشي >> ماعليه يمكن اطول عليكم بس شسوي تحملوني شويه أنا من النوع اللي أحب أكون صداقات واايد من يوم ما دخلت الجامعه وتقريبا أعرف الأغلبيهـ بس فالسنوات الاخيرة تعرفت على شلة تتكون من 5 بنات وانا السادسه .. فيوم كنا مقررين نطلع رحله مع الجامعه كانوا منظمينها لمول الأمارات ... رحنا .... بس --- للأسف تفاجات بربيعاتي جني أجوفهم أول مره وما عيبني اسلوبهم فالسوق كشخه عالآخر ووووو ....إلخ .. ما حبيت اشوه سمعتي واروح معاهم خليتهم ورحت بروحي خذت اللي أبيه من المول ورحت قعدت مع المشرفه وسوالف وضحك حسيت اني استانست لاني رحت عنهم . طعبا ً زعلن عالشي اللي سويته وانا ما همني لاني رضيت ربي وما خنت ثقة اهلي اللي أمنوني وخلوني أروح . وبالباجر قطعت علاقتي فيهم وصار بينا سلام الله بس . حاولت أغيرهم بس للأسف ما شي فايده اللي يتربا عـ شي صعب يغيره ومن يومها وانا معزوله عن البنات ليما تخرجت وطلعت من الجامعه . صج الدنيا على نهايتها والله يستر من اللي ياي اللهم أصلح بنات وشباب المسلمين .. آمين .. والسموحه عالإطاله بس حبيت أذكر الموقف لكم وربي يجمعنا إن شاء الله على الخير دمتم في ظل الرحمن نسايم كلباء |
الله يوفقج اختي نسايم كلبا ... وتشوفين كل خير ان شاء الله ... ومشكوره ع المرور والطله الطيبه .. |
والله الصرآحه أشوفهآ عآدي البنت تظهر ويآربيعآتهآ المول بس أتكون مصطلبة وتحترم عمرهآ... لكن اتسير تتميع وضحك وسوآلف وتخون ثقة هلهآ لأ أهني أنآ ضدهآ |
[align=center].. و عليكم السلام و رحمة الله و بركاته .. الصراحة أنا أعارض فكرة أن البنات يضهرن رواحهن و بدون أم ولا أبو و لا حتى إخو .. أو بالنسبة لي مستحيل أظهر من البيت بدون عل أقل إختي الكبيرة .. بـــس طبعاّ كل وحده أو طبيعة المكان و البيئة إلي هي عايشة فيها .. أو لا تقولون أنه بنات البلاد ما يظهرن و ايحوطن رواحهن لأنه العكس .. ؟؟!! بس أنا أبا أوصل فكرة أنه مش كل البنات نفس الشيء أو نفس الطبع .. أو بالنسبة للمكياج و اللبس ترا كل يوم يلسين ايطورون في هـ اللبس و الماركات .. أو عاد شوفو الموضة الشهر الياي ولا فـ الصيف شو بتكون .. !! أو أبا أنهي كلامي بنصيحة لكل وحدة تقرا الموضوع .. إلي ما تبا الناس يرمسون عنها لا تيب الرمسة لعمرها .. أو إذا عــ سالفة الرياييل أو أطباعهم "الريال مسماي ريال لأنه ما ايعيبه شيء" .. بس مش معناة هــ إلي يالسه أقوله أن الريال من حقه ايسوي كل شيء .. !! ~ أو نحن ما بنغير الناس و أطباعهم .. لأنه كل حد ايعرف حدوده أو كيف يلتزمها ~ .. و السموحة إذا طولت عليكم .. تسلم .. إخويـــــــ $$ شقاوي العين $$ــــــــة عـــ الموضوع إلي يستاهل المناقشة .. [/align] |
وانا اوافقج الرأي ... وصراحه ابدعتوا في نقاشاتكم وآرائكم الطيبهـ ....... ويعطيكم العافيه على كل حرف كتبتوهـ ..... بانتظار تفاعل الباقيين ... |
انا الصراحة اعارض اخوي ظبياني عكس القانون هو قال ان هذا من ثقت الاهل بس انا من رايي ان البنت كل ما تذكرت ثقت اهلها فيها كلما ابتعدت عن طريق الظلال هذا طبعا ان كانت بنت واعية وعاقلة |
يقولون الدنيا ذي من سنين فيها الردي و الشين....مب كل بنت طلعت هايته وااايد بنات يطلعون يقضون حاجاتهم و يرودون لا حركات و لا مصاخه...الغلطه مب بس على البنات غلطة الاهل اللي ما يعروفون بناتهم وين ومع من...... الله يستر على الجميع |
. .. هب كل حد جيه .. يعني شي بنات محترمات عمارهن حتى لو ظهرن مع ربيعاتهن .. وشي بنات حتى مع اهلهن *حدث ولا حرج * شي من الاهالي عادي عندهم بنتهم تظهر بهالمنظر وهي رايحه السوق او المول .. ربي يعافينا ويستر علينا وع بناتنا ^.^ .. تسلم اخويه ع طرحك لهالموضوع .. ونرقب يديدك ^.^ .. .. . |
العفووو خواتي ... ولاهنتن ع التفاعل والمشاركه الطيبهـ ... وانا ماقلت انه ماشي بنات محترمات بالعكس المحترمات اكثر من اللي مادري شو يسمونهن لكن انا لاحظت في الاشهر الاخيره ان عدد البنات الهايتات واللي مايدرون عنهن اهلهن يزيد بكثره وهذا طبعا شي خطير على المجتمع الاسلامي والعربي ... والسموحهـ ... بانتظار تفاعل الباقيين ... |
ثانكيووو على الموضوع النايس =) الدين حرم ان البنت تطلع من بيتها بدون علم أهلها .. يعني في ظروف تصير مثلا البينت ما عندها أخ أكبر عنها وأبوها كبير بالعمر وما فيه يطلع معاها وأمها تداوم ! خبرني هالبنت شو بتسوي لو في عندها شي لازم تشتريه ! :eh_s(1)P: أنا بالنسبة لي أطلع مع فرينداتي أو مع خواتي ! وبالنسبة للكشخة ! الشباب ما يتكلموا إلا على كشخة البنت ! شوفوا نفسكم بالأول ! كل واحد فيكم ريحة الدخون والعود اللي حاطتها ريحتها ولا نص ريحة البنت ! =P وغير كل ويك ايند على الحلاق كإنه عيد ! يعني لو كانت البنت اللي تغازل الشاب كان بيطلع عليكم نفس الكلام اللي يطلع على البنات ! :169: وبعدين اوووكي اللي تكشخ ! مش كل البنات اللي تكشخ يعني يلاااااااااا غازلوني يالشباب ! أبدا ما يخصه !!! الناس تطورت بس تفكيركم انتوا الشباب بعده تفكير من القرن الحجري !! افهموا بنات هالأيام وشوفوا اللي انتوا تلبسوه واللي تسووه وبعدين عارضوا اللي نلبسه واللي نسويه ! أنا ما أعارض الدين ولا كلام الرسول بالعكس ! والحمدلله الله هاديني ! بس المشكلة هالتفكير للبنت خلوه يتطور .. عشان تتطور مجتمعاتنا مع الإلتزام بديننا :9: وثانكيوووووووووو :a040: |
.... صدقت بلي قلته... بس في حدود لكل شي والاهل هم المسؤلين عن بناتهم.... انا مب ضد البنية تظهر و تغير جو بس في حدود فلبس و الوقت و المكان..... مشكور اخوية على الطرح الغاوي.... |
المووضوع خذ حجمة وزيادة والإخت اللي تتكلم عن تعطر الرجال فهالشي مصرح لهم اما البنات فاساسا حرام ويعد زنا مصرح اما ويابيتها وعند ريلها مابه خلااف ولاتقارنن رواحكن فالرياييل مغلق النعيمي |
| الساعة الآن 09:56 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir