|
أعشقكك و احب كل ما فيك حتى عيوبك اشوفها بعيوني مزايا'♥♥! بقلم دآهيه . . . سيف : انا ما اباها .. تعرفين شو يعني ماباها ؟ مب هي اللي ف خاطريه .. ام سيف : عيل منو اللي ف خاطرك ؟ سيف : محححد .. بس مابا أخذ وحده انا ماعرفها .. ام سيف : لالا احلف انته بس ..كيف ما تعرفها .. أمها تستوي ربيعتيه .. سيف : اميه !!!!!! انا شو ابا ف أمها ؟ شو ابا فيها ؟ ام سيف : اقولڪ هاي رمستيه جانها مب عايبتنك مشكلتك .. سيف مسك راسه : ياا اميه .. ام سيف : اص اص ولا كلمه .. سيف : ماباها و ما بأخذها .. هاي حياتية اميه وأنا مسؤول عنها .. ام سيف : والله ي سيف انه البنت ماشي احسن عنها .. انا شايفتنها .. سيف : اميه الله يهديج .. ماباها .. ام سيف عصبت : لا تخليني ادعي عليك ما تترقع ف حياتك .. سيف : آه ي اميه آه .. اللہ كريم .. ام سيف : خلك سنع و اسمع رمسه أمك .. سيف : بنسمع رمستها شو ورانا .. . . . انا شردت .. منيرة : تعالي تعالي .. خدي السياب *الثياب* الوصخه .. انا تنهدت : خلاص ياخي تعبت .. منيرة : انتي تسسسمعيييني ولا لاااء ؟ انا طالعتها بنظرة .. عليوه : شو هالنظرة الخايسه .. يالله سمعي كلام امي .. انا : والله اظني انه عندج ريـِل انتي ويا امج .. ترومون تقومون و تتحركون صح؟ عليوه : ماعليه .. كل شي عند ابويه .. انا مثلت اني خايفه : لا دخيلج لا تخبرينه "رديت طبيعيه" خبريه شو علي منج .. اميه تزقرني من بعيد : عنووود .. تعالي اللہ يرضى عليج .. انا : يايه اميه .. سرت عندها .. اميه : العنود فديتج .. ام سيف رمستني و الأسبوع الياي بتكون ملجتج .. انا نزلت راسي لأني مابا اعرس : خير انشاءالله .. اميه ابتسمت لي : اللہ يهنيج وياه .. انا تنهدت : أميين .. اميه : يالله قومي جانج بتسيرين السوق .. تتشرين كم غرض .. انا : يالله يايه .. بتزهب وبيي .. اميه سارت : لا تتأخرين .. انا : اميه .. منو بيشلنا عبدالقادر ولا ابويه .. اميه : لا عبدالقادر .. ابوج محد .. انا : اوكيه .. . . . يتصل له بس هو ما يرد .. سيف : اففف منك ي منصور .. "رد اتصل له مرة ثانيه" .. منصور يثاوب : الو .. سيف : يال******* من الصبح اتصل لك .. شعنه ما ترد ؟ منصور : يا ريال الحين الصبح .. الساعه 10 هيه ؟ سيف : هيه عشر الحين بتي 11 .. قوم فز تعال مردف اباك .. منصور : اوهو مردف مره وحده .. مافيني ياخي .. سيف : اخطف عليك ؟ منصور : تسوي خير والله .. سيف يطالع ساعته : عشر دقايق ماشي غيرهن .. بدق لك هرن ان ما ظهرت ياويلك .. منصور : انشاءالله الشيخ سيف المهيري .. تآمر على شي ثاني بعد .. سيف ؛ هههه آحم سلامتك .. منصور يثاوب مرة ثانيه : اللہ يسلمك .. سيف : خيبه اسسد هب منصور .. منصور : بسك عاد .. بند خلني اسير اسبح .. سيف : امممف عليك .. مب منك من اللي بيخطف عليك .. منصور : ههههه لالالا آسف .. خلاص مع السلامه .. سيف : فداعه الرحمن .. . . . سرت فوق تعدلت ب الخفيف .. رسمت عيوني بالايلاينر .. حطيت لي روج احمر و خففته شوي .. لبست عباه مسكرة و نزلت تحت .. منيرة طالعتني : دي الزاهر انها سايرة تهيت بنت المغربيه .. انا سكتت عنها .. منيرة : أنا بكلمك ليه ما ترديش علي .. انا : ههههههههه انا مغربيه ع الأقل احسن من المصرية و بنتها .. اميه دخلت علي : يالله حبيبتي .. انا شليت شنطتي : يالله فديتج روحج .. في السيارة .. انا : وين سايرين اميه ؟ اميه : اممم بنسير مردف نطالع الفساتين و الاكتسوارات .. بنتغدى و بنرد .. انا : اوكيه .. الدريول : وين يسير ماما ؟ اميه : مردف سيتي سنتر .. الدريول : اوقي .. سرنا مردف .. اول شي دخلنا max لانه جذبتنا ألوان الصيف .. الفسفوريه .. خذيت لي كم قميص و وياه بنطلونه لونهم فوشي بس فسفوري .. و خذيت لي نعول *اللہ يعزكم* كل نعال بلون فسفوري غير عن الثاني .. ظهرنا من ماكس سرنا فوق وين المحلات .. تحوطنا شوي .. و عقب سرنا آلدو .. خذيت لي كم اكتسوار .. و آخر شي تغدينا من ماك .. و ظهرنا .. و نحن سايرين صوب السيارة .. اميه : قلبيه العنود .. بسير اشتري أغراض البيت من الجمعيه و بيي .. نسيت و توني اتذكرت .. انا : اوكيه .. اميه : ما بتين وياي ؟ انا : لا تعبت .. اميه : يالله عيل بروح .. "سارت" . . منصور : ههههههههه تذكر الدكتورة اللي ف الجامعه اللي رقمتك .. سيف : هههههههههه لا ذيج الايام كنت من قوم اللي يدرسون و يكدون .. منصور : ههههههههه .. سيف : تراك كنت وياي .. هههههههه .. كانوا يبون يبركنون .. منصور حرك السكان : اييييه بندعم .. سيف بند السيارة و نزل .. انا مغمضه عيوني و ماسكه قلبي .. سيف : اممم الشيخه .. منصور : اختيه ؟ انا فجيت عيني ببطئ .. سييف فخاطره : ماشاءالله عليها .. محلاها محلاها محلااااااها .. جميله الله يحفظها .. سيف : تعورتي الشيخه ؟ انا طالعت جسمي : لا الحمدلله .. سيف : والله بالغلط .. السموحه .. انا : يعني بالعمد مثلا ؟؟! ادري انه بالغلط .. منصور ينفخ علي : هف هف .. ليش لابقه جنج كبريت .. انا طالعته : سخيف تراك .. سيف : المهم الشيخه سامحينا .. انا : مسامحه أخويه .. . |
نآايس ، ❤❤' كملي فديتج ~ |
اممم شحالج ؟ البارت طرررررر نتريا البارت الياي 😘😍 |
اقتباس:
|
اقتباس:
تسلميين فديتج دقاايق و انزل الباآآرت الثااني |
البارت الثاني .. . . . أنا سرت دخلت داخل المول و تريت اميه .. شوي و يت .. اميه : يالله فديتج انسير؟ انا : هيه .. ركبنا السياره و سرنا البيت .. اول ما وصلنا .. شفت سياره ارمادا بيضا استانست من خااااطري .. نزلت بسرعه و دخلت داخل .. انا زاعجت : السلااام عليييكم .. محمد ابتسم : وعليكم السلام .. انا نقزت و حظنته .. محمد : بس بس عصرتيني .. انا : والله اشتقت لك واايد وااايد وااااايد .. محمد : هههههههه حتى انا والله .. انا حظنته مره ثانيه : نور بيتنا .. نور زعبيل نورت دبي بكبرها.. محمد : هههههه لازم الشيخ محمد ياينكم شو تبون اكثر ؟ انا : ي الخقاق.. محمد: اميه وين؟ انا أشرت على الباب .. شوي و دخلت منيرة .. و بنتها .. عليا : أوه حمود هني .. انا : هيه شيخج هني .. عليا سلمت عليه .. و عقب أمها سلمت عليه بعد .. محمد : والله الصراحه انا خست يالس ف البيت بروحي من نص ساعه انا ياي .. اميه حظنته : آه شوفتك ترد الروح والله ي محمد .. محمد : فديتج امايا .. وين كنتوا ؟ اميه : لو اتصلت كنا ما بنسير .. محمد : وين تسيرون ؟ انا : احم أختك سارت تدور لها فستان حق ملجتها .. محمد : اووه مبروووك .. منيرة : عؤبال بنتي علايه .. محمد : هههه لالا هالعله محد يباها .. عليا : يتمنوني اصلا .. محمد بطنازه : صح صح .. رن تيلفون اميه .. انا يلست عدال حمود .. اميه : الو .. لا فديتج البيت بيتج .. ي قلبي انتي عادي .. هيه هيه .. تغدينا .. العزبه؟ عقب الملجه عادي ؟ حياكم .. يالله اترياكم انا .. مع السلامه .. محمد : منو ياي ؟ اميه : فاطمه حرمت عمك يايه هي و عيالها .. عليا : اففف .. حق شو اييون ؟ انا : والله اذا مب عايبنج أظني عندكم بيت .. ابوي ماخذلكم بيت الحمدلله كثر الله خيره .. سيروا بيتكم .. علايه : تطرديني يعني؟ انا العب في ظفوري : تقدرين تقولين جي.. منيرة : هففف .. انا ماشيه .. سارت منيرة ويا بنتها .. انا : سيرة بلا رده .. اميه : ي العنود شو تبينهم الله يهديج .. انا : مب كفايه أنهم يبون يخربون عيشتتنا .. و يخلون ابويه يبتعد عنا ؟؟ محمد : بعدهم على طبعهم ؟ انا : هيه .. اميه تتنهد : اللہ كريم يا محمد.. . . . يا الوقت اللي أعرفكم فيه على الشخصيات .. - ابويه *سهيل* ابويه وايد يحبنا بس المصرية تبا تخليه يبتععد عنا ب اي طريقه .. عسب جي أسلوبه يتغير و فجاه يرد طبيعي .. الحين هو ساير بوظبي ويا عميه عسب الشركه .. طبعه حنون بس يعصب يوم حد ينرفزه .. -اميه *لطيفه* مغربيه .. بس منولده في الامارات *يعني من مواليد دبي* تعلمت رمستنا و استوت حرمه .. الحين اللي يجوفها ما يقول انها مغربيه .. وايد طيبه و حبوبه .. ما تغار على أبويا وايد .. هاديه .. و تحب الخير و تباه لعيالها .. بيضا وايد .. خشمها صغير .. و شفايفها متوسطه .. عيونها لونها بني فاتح .. و جميله .. -البجر .. *محمد* ها اللي يجوفه يقول انه زلمه مب عشان شكله .. درجاته كلها توب ماشااءالله .. وايد شاطر .. عقب ما خلص ثانوية حصل بعثة ل لندن .. سار يدرس هناك تقريباً 3 سنوات و كم شهر .. و الحين رجع .. حنطاوي شوي طالع على ابويه .. خشمه سيف .. عيونه ناعسه .. لونها اسود .. - انا : عنوود .. 18 سنه الوحيده البنت بين ولدين .. طبعاً الدلوعه. .. أبويا ما يرفض لي طلب .. وايد يحبني اكثر عن عليوه .. عسب جي هي تغار مني .. دفشه شوي ..* وايد ويا ربيعتي نوري -نوره-* و رمستيه شوي قويه --- لا تتحرون اني اعصب بسرعه --- جسمي متوسط .. بيضا شرات اميه .. عيوني كبار نفس عيونها .. رموشي طويله .. و حواجبي مرسومه رسم .. "كل حد يسألني حافه ولا لاء" و خشمي صغير شرات اميه .. شفايفي عاديه .. بس مركبه تقويم حق ضروسي اللي تحت .. بس اللي تحت .. - مايد *اصغر واحد* آخر العنقود .. صف ثامن .. يعني عمره 15 سنه .. عليه سوالف .. وايد طيوب .. مشكلجي .. و كشييخ .. دوم يظهر ويا أبويا و يسير وياه اونه ريال البيت .. بس لان حمود محد .. / \ / منيرة : دوم تضارب ويا اميه بس اميه ما تسويلها سالفه *طنش تعش تنتعش* تحط على اميه و تسبها و مثل ما ذكرت تبا تسوي اي شي عسب تبعد أبويا عنها لانه وايد ويانا .. و نادرا ما يسير عندهم .. قلتلكم انها مصريه .. بس مب متجنسه لو متجنسه بسوي سواياها .. دوم تترصص مع انها متينه شوي .. بس تلبس ضيج و تطلع السوق بلا عباه بلا شيله .. -علايه : البنت الوحيدة اللي من منيرة .. راعيه شباب وايد ويا ربيعتها *ودوم* >>> شراتها من نفس الطينه .. تظهر السوق تلبس عباه بدون شيله .. قليله أدب شوي .. لسانها طويل .. / \ / عمي ذياب + عمتيه ام سعود .. - سعيد -البجر- كبر حمود أخويه .. كان مسافر وياه .. ربيعه الروح ب الروح .. خقاق .. وايد اضارب وياه .. و اسبه بس مسكين اشتقتله من زمان ما جفته .. . - نوره -يدلعونها نوري - انا وياها نفس العمر .. طويله شوي .. ضعيفه واايد .. مشكلجيه و تسولف وايد .. تدرس وياي ف المدرسه و انا وياها نفس الصف .. دوم مع بعض .. تضارب ويا عليوه دوم .. مادري ليش جي من اللہ .. / \ / انا وقفت : بسير اتكشخ .. اميه : انا بعد بسير .. محمد : و انا ايلس بروحي ؟ انا : ايلس تريا ميود .. "اطالع ساعتي" الحين الساعه وحده ونص .. بعد شوي بيي .. محمد : الهرم .. اشتقتله .. اميه : يالله حمود انا بسير تبا اي شي .. ازقر وحده من الخدامات .. محمد : امايا .. انتي تدرين اني ما احب البشاكير .. اميه سارت فوق : حمود انا مب فاضيه .. انا ابتسمت : افا عليك كم اخو عندي انا.. بسويلك اللي تباه .. محمد ابتسم : سيري تزهبي بسرعه و تعالي .. انا : اوكيه .. . . . مهوي : سييييييييففففوووووه .. سيف حط صبعه على أذنه : اخخخ .. طريتي طبله اذني .. مهوي : انا اختك صح ؟ سيف : هيه للأسف .. مهوي نزلت راسها : خلاص اسفه .. سيف : هههه قولي قولي . مهوي : اصلن ادري انك ما ترفضلي طلب .. سيف : هههه رمسي خلصينا .. مهوي : باجر ودني البستان أبا اشتري فستان حق ملجتك .. ولا ما تباني اتكشخ ف يوم ملجتك ؟ سيف : لالا أخاف انبهر و اطيح ف غرامج و اهون .. مهوي : ههههههه عنلاتك .. ام سيف : سيف .. مهاا يالله غدا .. مهوي نشت بسرعه : يالله هجوم .. سيف يقلدها : يالله هجوم .. شوي شوي ي الطييبه جنج ما كليتي شي ف حياتج .. مهوي : ههههههه .. . . . عمي ذياب : هوووود هوووود .. محمد تخاشم وياه : هدا هدا .. اميه نزلت .. وام سعيد سلمت عليها .. نوري : حموووود ي الطفس اشتقنالك .. محمد يخلي عمره مستحي : امبيه مؤ صج :$ .. نوري نقعت من الضحك : ههههههههههههههه يا شين الدلع علئ البقر .. سعيد ابتسم : خشمك ي النسيب .. محمد : هههههه اي نسيب اللہ يخليك .. شوي و نزلت .. حطيت آيلآينر و قلوس وردي .. لبست لي جلابيه حمرا مخصره .. تعطرت و نزلت .. انا : السلام عليكم .. ام سعيد : وعليكم السلام .. شحالج العنود ؟ انا : بخير ربي يسلمج .. يلست عدال نوري .. سعيد صفر : اوووه الصخله متعدله اليوم .. انا فريت عليه قوطي الكلينكس : صخله حرمتك .. محمد : اووه ما قالولك .. خطبوها عنوود . سعيد : اونه ؟ مبرووك ما بغيتي .. انا : تتحراني بتم طول عمري عانس .. نوري : للالا كله ولا العوانس .. ترا انا منهم .. عمي ذياب : افا عليج .. هاذوه حمود ولد عمج جدامج .. محمد : لالالا عمي انا بنات بريطانيا يسدني . اميه : من زين الخياس اللي ترمسهم .. ام سعيد : هيه والله بنات البلاد احلى .. عمي ذياب ابتسم : و اكبر دليل أمك .. سعيد : ههههههه لالا الشيبه شي ضاربنه اليوم .. مايد دخل البيت : السلام عليكم .. الكل : و عليكم السلام . مايد زاعج : حمووووووووووووود .. محمد : ي ربي شكثر تحبوني .. خلاص كل يوم بسافر عسب تشتاقون لي .. مايد حظنه : ي الهرم .. محمد : سير بدل و تغدى .. ترا ورانا مشوار .. اميه : وين بتسيرون بعد؟ سعيد : اللي بالي بالك حمود؟ محمد غمزله : هيه .. . . تموا على هالسوالف لين ما تغدوا و قيلوا شوي .. . . . |
تسلم ايدج البارت وايد حلو .. استمري .. ننتظر التكمله |
اقتباس:
|
مببببببدعه هالكاااتبه ، متى البارت الياي ؟ :) |
تجنن الروايه استمري حبيبتي و نتريا البارت الياي |
اقتباس:
|
اقتباس:
|
| الساعة الآن 01:50 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir