|
روايةة :: هِيَّ مَرّةة وتوبهہ♥ ..! السلآم عليكم .. شحآلكم عرب زآيد؟ هآي أول بدآيةة لي وأول روايةة أكتبهآا .. روايتي بتكون عبآرة عن قصة حب ، عنآد ، خبآل ، خذتهآ من واقع نعيشة وخذتها من خيآلي بعد ،شخصيآتها ذاقوا مر الحيآة والعذآب لأسباب مجهولة ، وكملووا حيآتهم غصبن عنهم لين يا اليوم اللي يهدم كل شي ويخلي كل واحد فيهم يردد .. هيا مرة وتوبة مابحب وتوبة خلني عايش مالي لا حبيب وغالي وحدتي بالحالي هي علي مكتوبة ياما شفت وياما من الحزن ودروبه واللي حبهم قلبي احكموا بإعدامه أتمنى إني أقدر أوصل أفكآري لكم وأنهآ تكون بالشكل اللي أنا أباه في حآل أني مآقدرت أكمل أو شي بقولكم أني بوقفهآا ومآ بكملهآا .. وترى ظروفي ما أعلم بهآ .. فمآ أقدر أوعدكم بأيام ولا أوقات محددة .. كل حد يمر هنيه لا تنسون صلآتكم ولا عبآداتكم ولا تأخرونها عسب روايةة .. إلا صلاتكم وعبآداتكم .. بريت ذمتيـه جدآم ربي .. كانت ويآكم أختكم :: لجل الوعد:wrd: ! ♥ |
البآرت الأول .. فالسيآرة كانن البنات طالعات ويا بعض استغلن فترة فضاوة البيت وانه محد بيجوفهن و خطفن ع الدكان وعد : هرني هرني خلي هال... يطلع .. مريم : ما فيني تعالي هرني عني وعد تصآرخ : كومار اطللع ي ... يا كومار يركض زايغ شو عندهآ هاي تصرخ .. كومار : ها ماما ! وعد : هات امممم وييت شوي ! سكرت الجامة ولفت صوب البنات ي بقر شو تبن .. تمن مريم والعآش و شمآ وشوق يطالعنها .. شمآ : انتي بلاج محرجةة افف منج كلهه معصبةة ولسسانج وصخ اسستغفر الله منج .. ووعد : مب وقتج ألحين شوو تببن اقووول انتن مب ويه حد يشآوركن .. فجت الجامة كومار وصمخخ تعال .. كومار : ماماه زيادة حر وانتي داخل في مكيف انا اجي حر شو ريد جلدي ماما .. وعد : عنلاتك ي كومار اونه جلدي انا اراوييك هات خمسة فيتامين سي كبير وهات اجيتوز كبير وواحد صغير حقي وهات لبنةة وحب أسود و اسكريم لندن بالتوفي 4 شما انتي ما تبيين شموه علت صووتها : ابا والله آخذ مالج .. راح كومار اييب الأغراض وجييه ويوم يا قالتله اييب اسكريم زيادة للأنسة شما شموه : كم تبا ! كومار : واحد ستين شموه والعثرة تعثرك :شخذنا نحن ذهب بسك ستيين فرت عليه الفلوس . وردن البيت ،ونزلن ورآحن ع طول غرفة العآش اللي سآكنة ويآ يدتها بروحها بس جافتهن يدتهن وتمت تزاقرهن وهن طاف يت ودقت الباب .. اليدة : فجنن حسبي الله عليكن ما تجوفني ياية وراكن وانابح وانتن ما تسمعني العاش : يلا يدووه ألحين بففج اليدة : لا فجيتي إن شاء الله الخبآير إن ما خبرت عليج ي وعد ابووج وانتن عمكنن ، ما بخليه يرحمكن بخليه يضربكن ي مسوادات الويه من وين يايات ! وعد : شمعنا انا يعني تراهن كلهن كانن وياي ولا لانه ابوية يحب يضربني وانتي تموتين وتجوفيني مجسحة جدامج واصصيح .. شما : يدوه كنا برع فالحوش طالبين الدكان ونترياه اييينا .. اليدة : جييه تجوفني عميه ولا مقصةة تجذبن عليه عند عمكن ما عليه . رآحت اليده الصآلة ويلست تتريا عيآلها ايون اللي ماكان حد فالبيت غير البنات الكبآر و اليدة . |
شكللها ططر بتوفيج |
والله طرررررررررررررررررررررررررر ونتريا باارت 2 جد عيبني ووعد همتني حرام ابوها يضربهااااا ويدتها م تقول شي حرام اكييد فيه سبب خلى جي واتمني انج تكمليين روايج |
البارت الثاني .. طولوا الأهل برع البيت وما ردوا إلا الساعة 12 فليل ، اليهال كانوا راقدين والحريم والرياييل الكبار في قمة تعبهم والشباب مرتبشين اللي يغني واللي يصور واللي يستعبط وصلوا بيت اليدة وكل واحد فيهم خذا بناته وردوا بيوتهم ،واليدة ما مداها الوقت عشان تخبر كانت راقدة ..اول سيارة عايلة وعد .. ابو وليد : ريال كبير شوي فالسن عمره 49 سنةة ، عصبي وشديد ، طيب مع الأولاد و عليا ، بس شديد على وعد وايد ، عنده هواية يحب يضربها ودوم تروح بيت يدتها تصييح هناك ومحد يعرف شو السبب .. ام وليد : حرمة طيبة وايد تدلع بناتها وحريصة عليهن بس بنفس الوقت شديدة فأي شي يخص الدين ،عمرها 44 سنةة . وليد : الولد البجر عمره 24 ، فيه خبال الدنيا كلها ، يشتغل في شركةة ابوه ، حريص ع شغله ، يحب خواته وايد .. أروى : البنت الكبيرة عمرها 23 معرسة أول ما خلصت الثنوية تعيش بعييد عن أهلها ونادر ما اتي لأهلها ، تكون متواجدة وياهم فالمناسبات بس .. وعد : عمرها 17 ف 2 ثنوي ،بنت فرفووشةة ، لسانها طويل ، حبووبة بين ربعها ، خبلة ، يوم تيتمع ويا ولد أخوها تتخبل بزيآدة ، شعرها طويل لين ركبهآ ، حرير ما شاء الله أسوود سواد الليل ، عيونها وسآع وسود ، خشمها مب طويل وايد بس ضعيف ، شفايفها صغآر ، بيضا ، جميلة ما شاء الله عليها من اجمل بنات مدرستهم والكل متخبل عليهآ ، طويلةة وجسمها حلو .. فاطمة : عمرها 13 سنة فصف ثامن ، عقلهأ كبير أكبر من سنها .. آخر العنقود مايد : عمره خمس سنين فكي جي ون .. السيارة الثانيةة عايلة مريم .. ابو سالم : ريال فآخر شبابه عمره 40 . طيب ومتفهم وايد .يحب عياله وايد .. ام سالم : حرمة طيبة عمرها 38 تحب عيالها وريلها ووايد تداريهم ومتفتحة وايد .. مريم البنت الكبيرة : مستجدة ع الجامعة ، تسووق السيارة بس مب دوم فوقت الحاية ، عمرها 18 بتدش 19 عقب شهرين ، متهورة وايد ، عاقلة ، بس فيها خبآل ، ملسونةة ، أكبر بنت فبيتهم والدلوعةة عشان جيه مخلينها تسوق . شوق : توأم مريم ، وايد قرآب من بعض ، جنهن ربع مش خوات ، قلبهن عند بعض ، يشاورن بعض وايد ويآخذن راي بعض ويرقدن في غرفة وحدة ، يتشابهن وايد ، بس مريم فيها شامة فويهها يقدرون يفرقون من بينهن بهالشامةة ، أصغر من أختها بعشر دقآيق .. سالم : عمره 14 ماله خص فالدنيا ولا فخواته كل همه يحاوط ويا ربعه اللي ما يتسمون ربع .. وسيف : الولد الصغير عمره سنةة جميل ما شاء الله ويشبه خواته التوأم .. عندهم بنت عمرها 8 سنين بس توفت بحادث اسمها وعد .. كانوا مسمينها ع وعد بنت عمها .. السيارة الثالثةة عايلة شما .. أم شما هيه اللي تسوق عمرها 45: حرمة كل همها عيالها عمرها ، وفيها انانيةة ، وما تحب إلا عيآلها .. شما : البنت الوحييدة ،ومخطوبةة بس كلام لفارس ، طيبةة وحنونة وايد ، هاديةة ، خوآفةة ، بس البنات مب مخلينها فحالها لازم يخبل بها .. عمرها 18 ثنويةة عامةة .. عندها اخو اسمه عمر بس فسياره بروحهم (الرابعة ) عمره 31 متزوج من من أسما بنت خالته عمرها 29 ، عندهم ولد عمره 10 سنين اسمه خليفةة و اروى عمرها 7 سنوات و روضة عمرها 4 سنوات و بيبي صغيرون اسمه أحمد عمره شهرين .. تسألون وين أبوها : أبو شما : الله خذ أمانته من خمس سنين..عمره يوم توفى 46 ، توفى بجلطةة.. السيارة الخامسة : شبآب العايلةة .. عيآل عموومةة البنات ما بنتكلم عنهم الحين .. عمر و أحمد و حمد وفارس و سعيد .. وراشد ربيعهم من برع العايلةة |
تسلمون حبيبآتي ع المروور .. هالبارت تعريف للشخصيآت .. أتمنى اشوف تفآعل :) |
حرام على بو وليد ليش جي يحب يضرب بنته والله حراااااام فيني دوده ابا اعرف شو سبب الي خلى جي يستوي |
ما آشووف ردود تحمسني أني انزل بآرتات واني أكمل الروآيةة .. في حآل تم التفاعل شرات جيييه السموحةة بغلق الروآيةة |
دخيييييييييييلج لا تغلقييييين عيبتني راييييييييييييييييه نزلي باارت والله م اكذب والله تجنن كملي بلييييييييز |
البارت الثالث .. فبيت ابو وليد .. كانوا ميتمعين فالصالة اللي تحت ، ابو وليد وام ولييد يتناقشون فموضوع السفر بما أنه وليد عنده إجازة ، بيشلون مايد وفطوم ووليد ووعد بيخلونها فبيت يدتها . ابو وليد : إتفقنا عيل ، وليد روح إحجز لنا يوم الخميس كلنا ما عادا وعد . وليد: إن شاء الله أبويه وعد تصارخ : أبا أسافر ليش يعني بتروحون كلكم وانا لا ليش هالتفرقة العنصرية ! ابو وليد : خيرها فغيرها ، قلت هالمرة ماشي يعني ما شي ولا تناقشيني . وعد: بناقش وبناقش بعد انتو تزولون وتحوطون وأنا فالبيت بتخلوني عند يدوه ما بتخلي دعوه إلا بتدعيها عليه وبتوعيني من فير الله تعلمني السنع امحقق سسنع وربي ، ماااااااااااااااااابا شلوني وياكم م يخصني . أبو وليد عصب : وعد ويهد صصخي وإن سمعت لج حس والله لأحلف ما تشبرين مكان غير البيت وبيت يدتج . وعد: اففففففففففففففففففففففف .قلت شلوووووني ماتفهمون أبو ولييد : لاء ، ززولي عن ويهي احسسسن لج ولا والله ما بتسلمين مني اليوم . رآحت وعد غرفتها تصييييييييح وتسب وتلعن ، تبا تعرف ليش ابوها يعاملها جييه ، وليش ما يبون يشلونها وياهم .أم وعد ما هانت عليها بنتها يت تبا تروح فوق ، بس سبقها صوت أبو وليد : ميره تععالي .. ام وليد (ميره): آمر يالغالي شو بغييت ! أبو وليد (محمد) : لا تروحين لوعد خلها تهطى بروحها . أم وليد : ع آمرك ، بروح غرفتي أرتاح شوي . أبوليد : لا تتريوني ع الغدآ بتغدآ برع عندي إجتماع مهم .. أم وليد : ربي يحفظك .. وليد: أمي بروح أكلم وعد ! أبا اعرف شمسوية بأبويه ، مدري ليش أحسها مسوية مصييبة جايدة وابويةة سا تر عليها أم وليد: تشك فتربيتي ، بنتي ما تطلع منها العيببة ومتأكدة السبب من أبوك مب منها وليد : بروح أكلمها وبهدييها .. كان يركب ع الدرج وجاف ميوود نازل بسرعةة يركضض وليد : ماييد بشوي شوي عن اتطيح مايد :ما بطيح انا ريال . وليد : زوول ي الريال . وصل غرفة وعد ، دق الباب وليد : وعدد فجي الباب . وعد : مابا افجج لحد اييني تبون تعايروني انتو اعرفكم وليد: أقولج فجي بسرعةة .. وعد : اووووووووووف كل شي بالغصصب قلت مابا اففج ولييد :وعدووه فجي ولا بهوون والله وعد : بفج ويييت انزين فجت الباب ودخل ولييد وانسدح ع السرير وليد : ويين تبين تروحين ؟ وعد :ابا اسافر وياكم .. وليد: أقصد ألحين ، اختاري مكان والبحر وبشلج بغدييج فمطعم وبردج . وعد : انته جذاب وليد قام : خلي الجذاب يشلج بروح أرمس فطوم .. وعد : الله يخلييييك لاء خلاص ما تجذب وين بتشلنا وليد: شفيج انتي ؟ قلتلج مطعم و البحر واختاري مكان انتي ! وعد :من جدك ! وليد: هيه والله . وعد: اممممم شلنا دبي مول ،لاااااااء غيرت شلنا إمارات مول وبندش الثلج اوكيه ! وليد : اوكيـه قومي ألبسي ولبسي ميود وخلي فطوم اختج تتجهز نص ساعة وبهرن وإن ما طلعتن بروح عنكن وعد : اوكيـه رآحت وعد تركض غرفة فطوم اختها وقالتلها تجهز وتلبس .. - فبيت ابو سالم .. كانن مريم وشووق يتسابقن برع فالحووش ، وسالم اونه الحكم >الله والحكم عاد ، ، فازت مريم ع شوق وعادوا السباق مرة 2 وفازت شوق هالمرة، وتمت مريم تصاارخ ع سالم مريم: انت أعمى ما تجوف زييين قلنا حكم مب عمى ! سالم: كنت أرمس واحد من الربع ع البي بي ما انتبهت لكم شووق : مالت عليييك انت والبي بي فوققققك ، عاشوا يهال آخخر زمان وعندهم بي بي، ونحن مالت أكبر عننهم وما عندنا مريم : أصلن عادي نحن ما نبا فونات ، لو نبا جان يابوا لنا وما قصروا . سالم : منو اللي بييب لكم ، انا مب موافق مريم : وانت منو عشان توافق أهم ششي رضآ شيخ الريآيل علووه وانتههه ما علينا منكك شووق : يتحسسب عمره ريآل ماللت ، مريوم حبيبتي خل نروح فوق لو جافتنا أمي ببجايمنا فالحووش بتعععصب ونحن نصارخ . مريم : يلا سرينا .. سالم : ي حيوانات مب منكن من اللي يالس فالحر يحكم عليكن مريم وشووق تمن يضحكن ع أخووهن وهو محرج ومعصبب من الخاطر عليهن . أول ما دشن جافتهن أمهن (سلوى ) أم سالم : من وين ياييين ! سالم : من برع يالسات يلعبن فالحوش ويصارخن وصوتهن واصل آخر الحارة، نزلت تحت اباهن يخففن صوتهن بس ما طاعن أم سالم : روح فووق أنته وخلني أتفاهم وياهن سالم : عليج بهن وجان بتخبرين ابوويه زيين بعد أم سالم عصبت ع سالم ما تحبه يوم يخرف ع خواته : رووح فووووووق وتسبببح سسمععت تسسبح قلت والله لو ما تسبحت ي ويلك . سالم : ما عليه سلاوي .. أم سالم : أصغر عيالك سلاوي ،قمم فووق يلا سالم : يلا رححت والله رحححت . أم سالم : بيطلع لي الشيب هالولد ، انتن وين كنتن ! مريم : كنا برع نتسابق أم سالم : ليش تصاارخن صووتكن لين فوووق واصل ،هب حسوس عليكن شووق : أمي تحمسنا ععاد ، سووري مرةة 2 ما بنصاارخ أم سالم : ما علييه بس ي حلاة بناتي البنت بهداوتها ، تخبلن واخترشن برايكن بس لكل شي حدود ، انتن مب اولاد تعلن صووتكن جذا ، كبار انتن لي متى بتم ارمسسكن ، مرة اخيرة اقولكن :البنت بهداوتها هددن ششوي وخففن خبالكن اللي ماله داعي شووي خلن هالرمسة حلقة فأذوونكن ... شوق : إن شاء الله أمي مريم :تقاطع شوق : أحلى شي فالبنت خبالها لاحقات ع الهدواة والرزانة ، بما أنا بعدنا صغار خلينا نتخبل ونفلها ويوم نخلص جامعة وعد نهطى . أم سالم : بنجووف ، يلا روحن فووق بدلن جان بتروحن وياي ، بروح كارفور آخذ أغراض البيت ، جان تبن تطلعن بدلن وبلقاكن تحت ، وما يحتاي تحططن مكيااااج جحال وقلوس شفاف يكفي .. مريم : ما بروح وياج انا بيلس فالبيت أم سالم: براييج حبيبتي ععيل شوقوه بتروحين ولا بتمين ويا اختج ؟ شوق : هيه بروح بلبس وبييج وبسحب وياي هالهبلة أم سالم : خليها ع راحتها .. شوق : بتروح مب كيفها اتم فالبيت بروحها .. أم سالم: يلا عيل .. سححبت شوق مريم ويلست تقنعها لين ما طااعت ورآحن فووق وبدلن ولبسن عبي مسكرة وتحت سكني ذهبي وقميص أبيض وفيه فيونكةة فووق وحزام ذهبي ، لبسن فلات أبيض و ساعة ذهبية .. لبسن شرات بعض .. ونزلن تحت يترين امهن - عايلةة شما : كانت شما راقدة ، وامها يت توعيها عشان تنزل تحت وتيلس ويا حرمة أخوها عمر .. ام شما (جميلة) : شميم قوووومي شما: آآآآآآآآآ أم شما : قوومي يلسي عند حرمة أخووج ميلسة بروحها شما : ما عليها شر البيت بيتها ودوم تيلس بروحها تراها أم شما ضربت بنتها : قوومي يلا ، وسحبتها للحمام وبندت الباب شما : اووووووووووووووووه قمت قمت خلاصصص حشى ما يخلون الواحد يتهنى فرقاده . أم شما : ققمتي ؟ شما : هييييييه .. نزلت تحت ويلست عند حرمة ولدها ، وتريقن ويا بععض مرة2 ، متعودة أم شما تتريق بروحها الصبح، نادر أسما ما تنزل تتريق ويا عمتها ، أما شما ما تتريق فالبيت، تخلي امها تخطفها ع الدكان وتاكل كرواسوون وعصير المراعي .. فوون البيت رن مرة ومرتين وثلاث ومحد رد عليه اللي يتصل تم يدق كذا مرة لين ما نزلت ششما من فوق ورددت ع الفون .. المتصل : السلام عليكم شما : وعليكم السلام .. المتصل :هذا بيت ابو عمر ال ..... ! شما : هيه شو بغيتوا ! المتصل : ما كان ودي أقوللكم هالخبر لكن .................................................. ........ صرخخخنن بصووت عالي وطآحت السماعة من ايييد شما ،ركضضضت ففوق تصيييييييييح .. ين أسما وامها وما حصلن حد بندت السماعة وركضتت ورى شما تبا تعرف شياها وامها ردت يلست فالصالة ويا العيال .. أسما : شما حبيبتي شفييج ؟ شماتصيييح ومب طايعة تتكلم .. أسما: وغلات أغلى الناس عندج قووولي شفييج شما : زاددت فالصيااااااح .. أسما خخافت أنه صاير ششي نزلت تحت تبا تعيد الرقم اللي داق تبا تعرف شصاير .. مسكت الفون ودقت للرقم . أسما :السلام عليكم المتصل : بيت ابو عمر كلمناكم قبل شوي وردت علينا بنت ما سمعنا غير صريخها ، ي اخختي هدي واللي صاير انقطططع ... اروى : بندتته انننننننننننننننه أسما : رووحي عند اماية العودة مب وققتج والله ردت تدقق مرة 2 ><" منو المتصل ي ترآ وش اللي صآر وخلى شما تصييييح وتصرخ ! هالبارت نازل ل forza alain .. :ans_flw: تسلميين حبيبتي ع المرور والتفآعل ، لا خليت منج :):ans_flw: |
جد جد البااارت يجنن والله طرررر وشمو عسى م شر شو ستوى وقهرني بو وليد حرااااااااااااااام والله حراام لييش جي قاسي مع وعد كسرت خاطري حررام هي م بتسافر وتسلمييين ع بااارت مره 2 ومب مهم الكل يقرى اهم شي اني قرييت روااايتج مشوووووقه ونتريااج مع باارت الي عقبه |
البارت الرابع .. يا وليد واتصل لوعد وقالها تنزل وتزقر فطوم أختها وصلوا البحر .. انقسموا قسمين وليد ووعد ، وفطوم وميوود .. وعد : وقسسم بالله ليندم أبوية ع كل شي سواه فيني .. وليد: هدي ي روحي ما يحتاي هالعصبية كلها ، أنا يبتج هنيه عشان تغيرين نفسيتج مب اتزيدينها ، ي أختي ي حياتي ترا ما شي يسوى فهالدنيا خلي كل همج ربج ، أبونا وامنا ع عينا وع راسنا وبوسه فوق راسهم بعد من حقهم نحترمهم ، بس ترا بعدين محد يعرف لا بنته ولا ولده خلي همج الآخرة وأنسي، وكل ما يغثج أبويه تمي استغفري ولا ترديين عليه حاولي تكونين ريلاكس ما يحتاي اتشدين أعصابج . وعد: والله ما تحسوون فيني انتو ، لو عايشين الوضع اللي عايشتنه ،و ذايقين اللي ذايقتنه ما بتلوموني بتقولون رادي وعلي صوتج اكثر طلعي كل شي فخاطرج ، عمركم ما بتحسون فيني . وليد : مب اختنا انتي ، ما تعرفين شقى قلوبنا تعتصر يوم ابويـه يهازبج فخاطرنا نوقفه نقوله لا تضربها لا تصارخ عليها ، بس ما باليد حيلةة ما نروم نرمس ونكسر رمسسته .. وعد : ي ليت اموت بس واريحه ، أحس عمري نفس الكابوس فحياته . وليد: لا تقولين جيه ، الله يطول بعمرج ويخليج لي ولامي وخوانج وريلج المستقبلي .. وعد : ما بعرسسسس هالفكرة شلووها من بالكم ما فيني اتعذب أكثر ، كافي العذاب اللي عايشتنه . وليد: مب كل البشر نفس ابويه ، وابوويه وراه شي ، ومردنا بنعرف دام الغلط ما طلع منج . وعد: إن شاء الله أعرف عشان ارتاح وأريحكم بعدد وليد: الأيام يايه ووبنعرف إن شاء الله وعد : مشكوور واييد، ما تعرف شكثر ريحتني جد كنت محتاجةة أرمس وأطلع اللي فخاطري، الله يخليك لنا ويحفظك من شر والله لو مب انته جان سويت بعمري ششي . وليد : هب تتخبلين وتقومين تاكلين حبووب ترا بجتلج اناه ، خخلج عاقلةة ، من حقج تعصبيبن بس تجتلين عمرج لاءءء سمععتي مس ووعد .. وعد : سمعت الشيخ ولييد ، خل نقوم نجوف فطوم وين ودت ميوود بتلقاهم لعبوا بالماي وتخيسوا ، بيخربوون علينا طلعةة المول ووالغدا وليد : ورفجةة لو خيسوا عمارهم لردهم البيت وأطلعج بروحج ، قلت لهم اناه لا يتخيسوون مشوا وليد ووعد بعد ما الهم انزاح عنها ، يدورون فطوم وميود ، دقوا لهم لانه وليد عطآ فطوم فونـه الجآلكسي عشآن تلعب ميود لو صآح وعشان يعرفون وين هم لو بعدوا عنهم ، وليد: ألو فطووم : هلا وليد: وين انتو ؟ فطوم : صصبر ميووود هذا وليد اندووك يبا يرمسسك مايد : وليدوه وليد: عطني فطووم مايد : مابا هذا مالي وليد علا صوته شوي عشان يخوف مايد : عطني فطوم اقول ولا بفرك فالبحر مايد: هكييه فطوووووووم وصمخ فطوم : شو تبا رمسته خلصت مايد : يباج فطوم: ها وليد ، ليش تأخرتوا ملييت والله وليد: كان عندنا موضوع وخلصنا منه ، وين انتي بالضبط فطوم : عند هاييج المظلة ، أقولك ما بتحصلنا بتحصلني عند السيارة وليد: بسرعه لا تتأخريين .وعينج لا تروح يمين ويسآر فطوم : أفا عليك بروحي اعرف وليد: يلا باي ضاعوا فطوم وميود ،وبعد فترة حصلوهم لانهم بعدوا واييد ، مع أنه ما شي زحمةة لاه الصبح بس ميود شلها بعيد ، وليد: وين زلتوا من ساعة ندور . فطوم : ما حصلت السيارة . وعد : حصل خير ،هد ي وليد .. ركبوا السيارة وحركوا .. - نزلت الأم ودقت للدريول يشلهم ، راحوا كارفور ونزلوا وقالوا حق الدريول يروح وأول ما يدقوون له أيي عشان يشل الأغراض ويا الخدامة .. مريم : يلا بسرعة شعندج تمشين بشوي شوي ! شوق : أكسر البيض .. مريم : عشتو وين البيض ما أشوففه شوق : اففف جب انتي .. أم سالم ( سلوى ) : أششششش نحن مش فالبيت ، العالم كلها تطالعكن سكتن . شوق : خليها تسكت عني وبسكت .. مريم : افف شفيج انتي ، توج ي حلوج تضحكين وألحين يقول ميته عليج معزة شوق : اوهوو علينا أمي بجتلها . أم سالم : صخخن خلاص خلنا ندخل دخلوا وخذوا البنات سلة ، وام سالم (سلوى ) و الخدامة( ميري ) كل وحدة سلة ، رآحن البنات صوب قسم الحلويات والجبسات ، حطن مالتيزرز 4 أكياس كبار و خذن ريتر سبورت حطن من كل الانواع 2 تقريبن هن 6 أنواع ، وخذن جالكسي وميلكي ويي و تايماوت وما خلن حلاوة إلا خذنها لهن وللبنات يوم بيتيمعن ، رآحن وخذن جبسات . شوق : حطي 2 ليز ملح وخل كبير و2 بالفلفل . مريم: مانبا بالفلقل بس بالملح والخل وبنحط اممم برينجلز كبير الاسود والازرق شوق: ابا ليز فلفل انا ، حطيهن كلهن خلاص مريم : يلا بسرعة ماخذنا عصاير بعدنا شوق : نبا بوب كورن ما نروم نسوي بناخذ جاهز 3 كبار مريم: حق شوه 3 واحد يكفي . شوق : شو واحد لا تستهبلين واحد للشباب وواحد لنا وواحد يوم بنسهر. مريم : حطي 4 عيل ، واحد سالم بيلشه أعرفه الهس شوق : ايخسي يشله . مريم : خلينا من هالرمسةة، شي نسينا شوق : هيه العصاير مريم : يلا نرووح راحن خذن 7 بيبسي و 7 شاني و 7 فريز فرولة ورمان و7 أنناس وكيوي ، ياخذن للشباب بعد ،عشان ما يسرقوون عنهن الأكل ، مريم : خلصنا ندور امي ، شووق : افففففففف م يابولنا فوونات للحين ، م اروم اتريا ، شو ها مريم: قالنا ابويه بيشلنا وبيخلينا ناخذ بروحنا ونختار ارقام ع راحتنا . شوق : متىى بس ! مريم: ندور ماماه يلا ما شي وققت دارن فكارفوور لين ما حصلوا قوم امهم ، وشوي وبيخلصوون ، أم سالم : خلصتن ! مريم: هيه أم سالم : لا تقولن لي نبا كارفور خذن كل أغراضكن مريم: أنتي خذيلنا نحن خذنا حلويات وجبسات وعصاير بس أم سالم: اعتمدن ع عماركن شوق :بس هالمرة بليز أم سالم: م عليه ، روحن تمشن شوي ووقفن عن الكاونتنت لين ما أخلص ، ماشي تم لنا بس شويات .. مريم : شووووووق شوق فزت : بسم الله شووه مريم: ما خذنا اسكريمات و علووج شووق : ششت نسسينا نقوم ونبا مال الكب كيب بعد مريم: انتي روحي خذي كل شي مال الكب كيك وانا بروح وآخذ العلوج والاسكريمات ولو حصلت شي عيبني باخذ شوق : تعالي عند هالاكاونتنت وبسرعة مريم: اوكيه خذيلج سلة ، لا تشلين بايدينج شوق : يلا بسرعةة مفهووم راحن ياخذن الاغراض وحاسبوا وطلعوا دق بو سالم لام سالم (سلوى ) ابو سالم : مرحبا ام سالم :مرحبتين ابو سالم : شحالج ام سالم : الحمدلله وانت أخبار الشغل وياك خلصت ولا ؟ ابو سالم : بيي ع الغدا ، شو مسوين ام سالم: مجبوس لحم ابو سالم : زين ، خطفي البنات ع اتصالات وخليهن ياخذن ارقام لهن ع ذوقهن وبعدين خطفيهن ع محل اكسيوم تلكوم وخلهن ياخذن لهن فونات أم سالم : شلهن انته بيلعوزني أبو سالم : خطفيهن م اروم يوم انش العصر اشلهن وراي شغل فالشركةة ما خصلت .. أم سالم : ما عليه .. ، شو ياخذن من الفونات ابو سالم: عكيفهن لو يقولن لج نبا نوكيا خلهن ياخذن ، عاد انا واعدنهن من زمان ومتلوم فيهن ، داومن وهن ما عندهن أم سالم: ما عليه أبو سالم : تامرين بشي ام: سالم الله يحفظك ، درويش خططف ع اتصالات درويس: اوكيه مدام .. مريم :ماماه بتاخذون لنا فونات أم سالم :هيه ، ابوج متلوم فيكن ما خذالكن أول ما بديتن الجامعة ، قالي اخطفكن شوق : يالله فديته ، يقول حاس فينا ، والله أنا كنا نتكلم عن الفونات فكارفوور أم سالم : يلا بسرعة ، لا تتحيرن فالأرقاام ، دورن لكن أرقام مرتبة وبسرعة ، أنزل وياكن شوق : مابنزل بدونج انا مريم : خلنا ننزل شوق : والله ما انزل بدون ماماه ام سالم : ميري يالله ننزل .. نزلوا وخذن وقت طويل وآخر شي خذن أرقام متقاربة وأرقام مرتبةة ،فتحن الخطوط وكان ويا أم سالم (سلوى ) الجواز والأوراق المطلوبةة ، دفعوا وفتحوا خط لميري لأنها تمت تطالعهن ما حبت تقصر عليها وطلعوا .. أم سالم : بنات خلنا ناخذ الفونات باجر مريم: ماماه ألحين فديتج لا تخربين فرحتنا أم سالم : تعبتني ، الله يهديكن مريم: ماماه والله ما نتعبج ، نحن مقررين نبا بي بي Q10 أم سالم : بعده ما نزل مريم : امبلا نزل خلاص ، بس بنحجز ألحين وأول ما ينزل بناخذه أم سالم : خطف ع أكسيوم تلكوم وصلوا ونزلن الريال اللي فالمحل : تفضلي مدام أم سالم : نبا 2نحجز بلاك بيري q10 2 المصري : 200 درهم حجز لكل واحد أم سالم : اندوك ومتى بيوصل المصري : عن آريب إن شاء الله ، تفضلي مدام وقعي ع دي الاوراق أم سالم وقعت وخلصت عطني بلاك بيري كيرف المصري : الجديد بدك ولا اللي أبلو أم سالم : لا عطني اللي شرات نوكيا ، هذا الصغير المصري : إن شاء الله مدام لحظة من وئتك راح ويابلها حاسبوا وفجت البلاك بري وعطته ميري ، هدية لها .. - ردت دقت أسما مرة 2 و3 بس ما يردون ، يلست تهدي شما لين ما رقدت .. أم شما : شمستوي أسما : حد داق وبند الخط دقيت كذا مرة وما يردون أم شما : إن شاء الله خير .. أسما : إن شاء الله محد يتمنى الشر .. أروى : ماما أبا حليب فرولة أسما : روحي بتلقينه فوق الطاولة اللي فالمطبخ التحضيري مالنا أروى : وابا حلاوة بعد أسما : بسج من هالسم ، باجر كلي اوكيـه ماماه أروى : اوكيه |
البارت نزل أتمنى أجووف تفآعل .. :5:أجوفكم ع خير |
تسلمييييييين عر بااااااااااااااااااااااااااااااااااااااااااااااااا ااااارت يجننن والله ووليد حبييييييييييته وعد لييييش ابوها قاسي حرااااااااااااااام لو بدالها بنتحر ( من قال بنتحر خرطي) وتسلمين ع بارت مره 2 |
يلاا دخييلج كملييييييييييييييييهااااااااااااا طررر الرواايه همممممممممممم ابا اعرف ليش جي ابو ولييييد يضرببببب وععووووووووووووووود حراااااااااااااامم كلللبب خايسسس كرهتههه المهم نترياج مع باررررررررتتت يديييييييييييييييييييييييييد |
البآرت إن شاء الله الخميس أو الجمعة ،.. :) تسلمن حبيبآتي ع المروور .. :) |
في انتضارج |
البارت السادس .. رآحو ا طلبو لهم من مطعم كرم بيروت وكلوا وشبعوا وليد : كلكم شبعتوا ! فطوم : هيه الحمدلله .. وليد :بالعافيةة ، وعد شفيييج ما عيبج الأكل ! وعد : لا الحمدلله شببعت ، بس تذكرت شي .. وليد: أوكيه عيل ،قومن صلن ،بشل ميود ويآي عشآن ما يلعوزكن وعد : أوكيـه لا تتأخر علينآ وليد: قولي هالرمسةة لكن محد يتآخر كثر الحريم .. رآحوا يصلون .. فمكان ثثاني ، شما تصيييح وتصارخ بشكل هستيري ، مش مصدقة اللي سمعته ، تشكك بعمرها وبإذنها ، تعبت ودقت لوعد .. شما وصوتها فيه نبره صيآح : ألو وعد : هلا حبيبتي شفيييج شما :ولا شي ،شحالج ؟ وعد : قلت شفييج بلاه صووتج ، متضايجةة ، حد قايل لج شي ، حد صارله شي لا قدر الله .. شمآ ما قدرت تستحمل وتمت تصيييح وعد : حبيبتي شفيييج أيييج البيت ! شما : ياليت ي وعد ياليت .. وعد : ساعتين بالكثير ويآيتنج .. دقت وعد لولييد وقالت له أنه لازم يردون البيت لأنه وعد شي فيها ، وليد خخاف وايد عليها ووعد شكت فييه ،بس قالت لازم يخاف عليها بنت عمه ..وطوفت .. فبيت توائمنا الجميلات ... ، شوق ومريم يآلسات يجلبن الأغراض ويجوفن شو خذن شووق : والعثرة نسيينا شي ، بس ما عليه بنآخذه من الدكان مريم : شوو نسينا ،كل شي يايبيينه شوق : الحب الأسود نسييناه مريم :مب مهم خذنا أشياء ثانيةة ، وبعدين مب كل شي علينآ نحن .. يا سالم يركض ويلهث ويلس فنصهن سالم :خواتي أمواااح أحبكن شو خذتن لي مريم: وقت المصالح تجي الكلاب مشتآقة ، بعد شو امواح روح روح عند ابويه ي المنحرف خله يضربك ويعلمك الرمسة .. سالم : افف محد يمزح وياهن اتمصخر وياكن ، شو خذتن لي وللشباب شوق : عشتو منو قلت ! سالم تنحنح : انا والشباب مريم: من متى أيلسونك وياهم إن شاء الله سالم بجذب : من زمان .. شوق : صصدقنا ..لا تخاف خذنا لك وللشباب كل شي .. مريم : شي تبا بعد سالم : لا مريم : عطنا مجفاك عيل .. سالم : اصلن بروح بروحي من دون مما تقولين لي مريم : رح رح .. في بنت حلوة نسيناها ، من زمان عنها ، شو تتوقعون تسوي .. يدووووووه دخيلللج أبا أطلع مليت من البيت ، لي متى بيلس جيه جني هبلة ،ما عندي شغلة غير أعد اليدران ، وبنات عمي اللي ما يدرن عن هوآ داري ، إلا يوم الخميس والجمعةة .. اليدة : قلت ماشي .. العاش : أبا افهم ليش اليدة : ابا اعلمج شقى يخيطون وبعلمج الطباخ والغسيل ، كبرتي لين متى بتم الخدامة تخدمج العاش فتحت عيونها : خير خير شو تقولين يدوه ، تبيني أنا أطبخ وأخييط ولا بعد أغسل اليدة : وابوي عليج شياج ، هيه انتي تجوفين حد غيرج هنا العاش : اففففففففف اسستغغغفر الله اليدة : قومي لبسي لج ذيج المخورة الزينة بشلج عند ربيعتي غبيشة العاش : شوه يدوه ، ما با اطلع مما بروح اليدة : توج تقولين تبين تطلعين ، بطلعج ما تهونين عليه ، فديتج مسكينه لا أم ولا أب بشلج عن غبيشة بتستانسين عليها وبتشربين ذيج القهوة الزينة العاش دمعت : ما بروح ورآحت تركض غرفتها .. في شقة الشباب أحمد : أقولك متى ناوي تخطب .. حمد : جريب إن شاء الله ... أحمد : ناوي من بنات العايلةة ولا من برع .. حمد : لا من بنات العايلة بس أبا أتأكد من شي سعييد : ججني أسمع طاري خطبةة ،منو خطب حمد :أنا بخطب سعيد : ومنو تعيسةة الحظ اللي بتاخذك ، أقصد سعييدة الحظ حمد : بتعرفها .. سعييد:لايكون أخخت أحمد تراها لي حاط عيني عليها تراني أقول جدامك أحمدوه أحمد : صدق أنك مب ريال ، بعد جداامي سعيييد: من زمان أباها وأمي مأذيتني تباها لي وتقولي بتخطب وانا اقولها برمس أحمدو ه قبل يمكن حد حاط عينه عليها أحمد : شوف أخوها العود ، عاد تعرف أخوها من الأبو انا وما لي شور بحسبة ابوها عموري .. سعيد : الله يكتبلنا اللي فيه الخير ، إلا حمد وين رآح فكرك حمد : لا وياكم ، الحمدلله ما طلعت اللي أباها ، ولا كنت بذبحك سعييد :خيبة عشان حرمة تجتلني ما عندك شغلة .. فبيت قوم وليد .. أم وليد : فكرت فسالفة السفرة بنأجلها العيال وراهم مدرسة أبو وليد : مب جنه وليد رآح يحجز أم وليد: مدري به ما قالي .. أبو وليد عصب : دام أنج تعرفين أنه شي مدرسة ، شقى تبين تسافرين عيل أم وليد : ما يا فبالي ، طالعت ع وليد ، نسيت انه العيال مدارس .. أبو وليد : مخخخج وين أشك أنه فراسج أم وليد سكتت ما قالت شي ،يلست تقرى البيسيات .. أبو وليد : حريم آخر زمن ، رياييلهن عندهن وهن ماسكات هالزفت ، ي بوج قدري احترمي ريلج عندج أم وليد : شسوي بك ، رمست عصبت وقلت مخوخكن مدري وين ، مسكت الفون قلتلي قدري ، ما عرفتلك ي بو وليد والله مش قادرة أستوعبك أبو وليد: شتستوعبين بعد ، حطي الفون .. أم وليد زعلت :ويت تبا تظهر برع الغرفة أبو ولييد : ميرره أم وليد : سسم أبو وليد : سم الله عدوج ، تعالي .. أم وليد يت ويلست، وتمت ساكته ومسكت الفون تبا تدق لوليد أبو وليد : حق منو ؟ أم وليد :لوليد بتطمن ع ميود .. أبو وليد:وين شآلنه .. أم وليد :شالنه يحوطه هو وخواته أبو وليد تغيرت نبره صوته : لا يكون وعد وياه بعد .. أم وليد ما عطته مجال وحمدت ربها انه وليد رد: هلا وليد وليد :أهلين أم وليد :أخبار ميود والبنات إن شاء الله مستانسين وليد : هيه الحمدلله أم وليد : متى بتردون عيل وليد :هذونا جريب البيت ، بحط وعد عند شما وبني أم وليد : شمودنها هناك وليد : عمتي تباها .. أم وليد : زيين عيل ، قوللها لا تتأخر هناك .. وسكرت فويهه وليد يطالع الفون : تم يظحكك وعد : شياك وليد : امي سكرت الفون فويهي ، إنزين ابا ارمس اناه وعد : متعودة انا دوم تسكر فويهي ، أحيانن يكون فخاطري أقوللها كلام ، بس انصدم بأنها مسكرة وليد يظحككك .. وعد :ركز فسواقتك عن تدعمبنا ، وليد : شتجوفيني اسوق وانا مغمظ عيوني وعد : ما علينا قلت لها اني بروح صح وليد: هيه وعد : شي قالت وليد : لا - قاعد ومتهني سالي ومرتاح وناسي من بطعنات غدرك مجروح ولا تقول"انسى الماضي تراه راح الماضي راح ولكن جروحي ماترووح وانت الوحيد اللي لك قلبي ارتاح ولكن للأسف خدعت قلبي والروح ياما بالغدر انجرحت الأرواااح بس جراحك باقي بقلبي ما يروح انمسح حبك من قلبي ورااح وقال لك "شكرا" بصوت مبحووح وانت ابيك تقول عني ماض وراح وأنا لي الله يعيني على البكا والنووح هدى منسدحة بس مب راقدة ،تصييح وتشاهق ، قامت تجوف عمرها فالمرايا ، هدى : افففف ليش عيووني سوود ، لا يكون وردت تصيييح من يديد ، ترقد وهيه تصيح وتنش وهيه تصيح وعلى هذا الموال انا شسويت ، شو الغلطة اللي غلطتها فدنياي ، غلطتي اني حبيت بإخلاص وصنت اللي أحبه ،ورديت كل حد ياني عشانه وآخر شي بكل بساطة بقول روحي فدربج مالي حايةة فيج مليوون فكرة فبالها تفكر تتنتقم من هالشخص ، تنتقم من حبها ، تنتقم من خياتنه لها ، تنتقم على ججذبه اللي جذبه عليها طول هالسنين .. - عند وليد و وععد وعد : يمكن أدق لك المغرب وأخليك اتردني وليد : ما عليه ، إن ما طلعت ويا الربع ، من زمان عنهم وعد :اوكيه ، ربي يحفظكم وشوي شوي فالدرب ، لا تسرع أمانةة دشت وعد بيت عمها ، سلمت ع عمتها ولكن ما توقعت هالشي أبد ام شما : حد ايي فهالوققت وعد : بيت عمي حرام أيي وما أظن حد غريب يا أم شما :ألقاج بعباتج من وين ياية وعد : توني رادةة متغدين برع أم شما :كلكم ولا انتي بروحج وعد : منو بيخليني ي حسرة اروح بروحي ، وياي وليد واخواني أم شما تنهدت : شما راقدة تقدرين أتينها وقت ثاني وعد : لا تحاتين خالوه هيه داقتلي رادة من المول عشانها أم شما : محد قالج اتودريين المول واتيينها وعد تمت تطالعها ما تبا تغلط عليها: بروح فووق .. رآحت عندها بدون ما تتريا ردها ما تبا تغلط على حرمة عمها ، اللي بحسبة خالتها .. وعد : شموه حبيبتي انا وصلت فجي الباب شما فجت الباب وحضنت وعد وتمت تصيييح ، دخلتها وعد داخل وقفلت الباب عسب أم شما ما اتيهم وعد خلتها تنسدح وقرت عليها قرآن لين ما هدت : شما حياتي شفيج شما تبا تصيح لكن وعد ما سكة اييدين شما وتضغط عليها بقو تحسسها بالأمان وبأنها عندها ومارح تخليها لو شو ما صار ،وعشان تهدى وتقول .. شما : همممم ما اعرف شقولج وعد : قولي لي كل شي ووعد ممهما كان الشي مجرد أسمعه واريحج ونتفاهم ونسكره ولا جنه شي صار أبد شما تغيرت نبره صوتها ع صياح : مب سالفة انا ، بس يقولون وردت تصيييح وعد : قولي لا إلاه إلا الله شما : لا إلاه إلا الله وعد :اسستغفر عشر مرات شما : استغفر الله عشر مرات وعد : ببغاء واناه مدري تعييد وراي ، بعد عيدي اللي قلته ألحين شما ابتسمت : ما حفظت ردي عيدي تمن يسولفن ووعد ما نست السالفة لازم تعرفها عشان تخفف ع شموه ، سرحت شوي وتقول بنفسها دام انها تظحك ألحين ما بفتح وياها السالفة لين الساعة خمس عشان ترتاح وتاكل باين عليها تعبانة شما تحرك أيديها جدام ويه وعد : اللي ما خذ عقلج يتهنابه وعد : بمنو ي حسرة .. شما : وين رحتي ععيل وعد : ماشي ، نقوم ناكل انا يوعانةة شما : حتى انا من امس ما كلت .. نزلن تحت وسون لهن توست بالجبن وخذن لهن عصاير وطلعن فالحووش .. ي ترى منو هالهدى اللي طلعت اليوم فجآة ، وشو توقعاتكم لها ! شما شو اللي سمعته وخلاها تصيح ! أحمد أخوو منو من البنات ! حمد منو يبآ يخطب ، وتحسون متعلق فيها ولا لاء .. العآش ليش يوم اليدة طرت أمها وابوها صآحت !:wrd: |
ي ترى منو هالهدى اللي طلعت اليوم فجآة ، وشو توقعاتكم لها ! ام اتوقع تحب حممد مدري مجرد احساس وحسها مب هينه شما شو اللي سمعته وخلاها تصيح ! ام اتوقع مدري أحمد أخوو منو من البنات ! اتوقع وعد مب اخت زليد اتوقع احمد اخوها حمد منو يبآ يخطب ، وتحسون متعلق فيها ولا لاء .. اتوقع بيخط العاش ولا وعد ويمكن هو الي ترك هدى العآش ليش يوم اليدة طرت أمها وابوها صآحت ! اكيد ميتين عسب جي بتصيح وتسلمين ع باااارت يجنننن تسلمييييين |
يسلمج ربي تسلمين ع المروور ، نورتي :) |
السلام عليكم .. مآشي بآرت هالأسآبيع ، بوقف .. لأنه أفكاري تلخبطت وآيد وقررت أغير الأحداث اللي كنت حاطتنها فبآلي ، عشآن اتصير أقوى ، حسيت أسلووبي واييد مبتدآ وممل نوعا ما وما حبيته أبد > لآتلوموني أول روايةة لي ،حبيت أغير كل شي واالبارتات تكون أسرع واطول .. :) لجل الوعد:wrd: |
| الساعة الآن 08:52 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir