|
" k e e k " و " الضّـو مبْ طــايْع يلبَـق " Keek , هو أحد شبكات التواصل الاجتماعي ، مثل تويتر و فيس بوك ، بس المشاركه تكون بـ فيديو من تصوير الشخص ، طبعـاً كل شي له سلبيات و ايجابيات ، بس مرات سلبيات الشي تطغى عـ ايجابياته ، لاني اشوف انه الناس ياخذون الفيديوات منه و تكون فقط لـ الطنازه و يمصخرون الاشخاص اللي منزلين هـ الفيديوات ، والصراحه هم فتحو المجال لـ الناس انه يعايبون عليهم ، صح انه في بعض الاشياء تضحك ، بس احس الموضوع يكون حساس اذا يخص بنيه وبذات اذا الناس ماكتفو بنشر الفيديو ، ولكنهم نشرو معلومات خاصه ، مثل سالفة " الضو مب طايع يلبق " بدايتها من keek البنت حطت الفيديو ، وتم تداوله واكيد الاغلبيه سمعَو عن هالسالفه ، المهم و ظهرو اسم البنت ، ومعلومات عنها ، وين تدرس و وين ساكنه و و و و !! وطبعاً البنت اشتكت ، بس شوه الفايده ؟ هيه اللي حاطه الفيديو ! لا واللي صدمني انه ربيعتيه اليوم راوتني فيديو ، لـ بنيه خليجيه ، متنقبه ، وانصدمت الصراحه ، لها عدة فيديوات ، تصور وترمس ، فيديو تصور ريولها ! وتقول شوفو ريولي صغيره > انزين وبعدين ! و فيديو تصور الدلاغ اللي لابستنه وتعبر عن رايها فيه انه عايبنها ، ولها فيديو بعد انها تصور كوب الحليب ،وانه يوم دقو عليها باب الحجره عفدت و وقفت التصوير انزين ، هل هذا له معنى ؟ بنقول لو مصوره الكوب صوره عاديه هب فيديو ، يمكن عايبنها الكوب او الصوره الها معنى بـ النسبه لها ! الخلاصه ، شوه رايكم بـ keek ، ! تحسون انه له فايده ؟ ولا بس لـ تضييع الوقت بـ اشياء غالباً ماتكون تافهه ، وبرايكم شوه سلبياته و ايجابياته ؟ وهل تؤيدون المشاركه فيه ؟ الحينه حتى اليهال ينزلون فيديوات فيه ، اممم تحسون انه ممكن يؤثر بشكل سلبي عـ المجتمع ؟ وتنتج عنه مشكلات ! طبعاً هدفيه من هالموضوع ، التوعيه ، و تنبيه الاشخاص بـ سلبيات Keek و ايضاً عشان يكونون مُلمين بالموضوع و يعرفون انه قد تنتج عنه مشكلات ، بإنتظار آرائكم و مناقشاتكم ، اعتبروها مناقشه حُرّه ، هب لازم تتقيدون بـ الاسئله ، |
يسلمووو على الموضووع الحلووو..ؤشكرآ لج على طرحج للموضووع برنامج keek ماله فايدة اساسا..بس تضيعت وقت.. ..صصراحهه في الناس سسوت من نفسها مصصخره .... ف هذا البرنامج ولي يظحك وبنفس الوقت يحزن هالبنات اول يخافن على عمارهن واالحين هن الي ينشرن نفسهم بايدهن الله يهديهن ..>>مش الكل<< وفي الناس استخدمونها بطريقه صحيحه لاكن قله .. |
اقتباس:
اول شي تسلمييين ومنوره الموضوع:wrd: ثاني شي صح كلامج ولا تحرمينا من مرورج السنع |
موقع حلوو مع ان ما عندي حسااب فييه بس عييييييب ان البنت ترممس و اتصووور عمممرها ..! الشااب : ترى حلوو لما تكوون واقعي ومحترم عممرك ! |
اقتباس:
ولا تحرمنا منه ابد |
للاسف الشديد ان الشباب والبنات فاهمين الكيك غلط .. وانا ما الوم لو حد مصخرهم لان هم مخلين عمارهم مصخره.. بس انا ودي افهم شغله وحده ..شويستفيدون من هذا كله؟؟ وهذا نحن مسلمين نعرف الحلال من الحرام وجي كل شي عادي .. خل يشوفون الاجانب اللي مايعرفون وين الله حاطنهم كيف يستخدمون البرنامج .. لـ اشياء علميه وغيرها .. اما نحن ماخذينها لعب في لعب .. سامحوني بس انا مالوم لو اي حد قال ان العرب "متخلفين" .. لان نحن "العرب" عاطينهم هالصوره .. ومشكوره الغاليه عالطرح المتميز .. و الله يهديهم ويستر على اليميع }..~ |
:wrd: اقتباس:
ولا تحرميييني من من مروورج الطيب :wrd: |
وعليـكم الســلام والرحمه .. احيــيج على هالـــموضوع الي الصراحه أشــووفه جدا مهم !!! أختي أول شي اني خل نتكلم عن البرنامج بشكل عام .. البرنامج هذا نفس غيره من البرنامج .. له ايجابيات وسلبيات .. لكن الناس هي الي تتحكم تستغله بأي ناحيه ايجابي ولا سلبي خليني بالأول اقـولج عن ( الضو مب طايع يلبق ) أختـي .. انا ماراح أتبلى ولا حتى أقول أي شي .. لكن هي لو مضايقنها الأمر جان ما خلت ربيعتها تتكلم بميـاعه جدا .. وتقول الصراحه أنتــوو Boring كانت بالفعل وقفت وقفه عدل هي وربيعاتها ونزلت كلام وكانت جاده طبعا بتسوي هالشي تصحيحا لغلطها !! مش عشان تحد منه .. وخلنا أنـي على أستعــماله .. الإيجابي :ـ لو تلاحظين فالغرب يستعملون هالبرنامج للاشياء المهمه والعلميه مثال .. ـ شخص تعلم اكله يديده وحب يسويها ويعلمها للناس الغير . ـ شخص اخترع مثل شي وحب يراويه للناس البقيه . ـ شخص شاف مكان حلو وطبيعي يصوره لعل وعسى غيره يروح . أما عندنا ما شاء الله عليهـم الصراحه .. ـ تنكيت واشياء مالها داعي .. ـ كل واحد ينـزل فيديو تعليق عن الثاني .. ـ كل واحد يفتخر بجماله .. ـ البنت تتميع وتفصخ الحياء وتضع أشياء مخله بالأداب .. .. ألخ الخ الخ .. لكن في بعضهم بالعكس يساهمون بالأشياء الصحيحه يقدمون ـ يقدمون نصـايح عن مواضيع مختلفه .. ـ يسجلون تلاوه القران على صوت احد الاطفال .. ـ يسجلون محاضره أسلاميه .. ـ تسجيل أقتراحات عن شيء معين .. بجاوبج عني أنـا .. الصراحه ما افكر اشارك فيه .. لأني ما أشوف أي اهميه منه !! والواحد يشوف هالاشياء بدون ما يشارك ما بـالج إذا شارك !! وأنصــح البنـــات خاااصـــا وأقــول .. ( ترا الرزانه حلــوه فالبــنت والثقل .. وثقه الأهل هم حلوه .. خل شوي عنـدج غيره على نفسج .. على صوتج ، جسمج ، اي قطعه صغيره منج أنج تسمحين لمن هب ودب يشوفها .. وتذكري النـاس ما راح يفيدونج .. كلنا نغلط .. ونتوب .. لكن هالذنب راح يكون معاج لين قبرج .. لانه الفيديو راح يتم .. فهل تعتقدين أنـه البرنامج يستـاهل تسترخصين من قدرج هالكثـر؟؟!!! تسلمين غاليني عالموضوع وأسمحيلي على ردي ان كان قوي .. |
اقتباس:
الصرااااااحه ابدعتي في الرد .. ولج مني التقيييم |
الكييييييييييييك يعكس شخصية الإنسااان فإنت/ي تعكسين شخصيتج جدام خلق الله وكل حد مسؤول عن فيديوهاته المفروض الكل يحترم نفسه ولا شو التفاهات الضو مو طايع يلبق شو المطلوب منا ؟؟؟ ولا في فيديوهات واايد أبيخ عيل شو غازلونا في المارين ؟؟؟؟ ليش أنتي تتريين حد يي ويغازلج ؟؟؟ ويين الأدب والأخلاق ؟؟؟ يا أخي استحو على وجهكم !!! وش خليتو حق الغرب ؟؟؟ الناس قامت تنسا شيء إسمه الحيا !!! ولا تنسووون يوم القياااااامة نااااار جهنم !!! نصييييييحة ::: لا تنزلين فيديوهات أبرك من هاي المياعة !!!!! والله الواحد يستحيييييي !!! |
اقتباس:
تسلمين الغلا علي المروور الطيب ولا هنتب واصلن انا من الأشخاص اللي ما ااحب انزل بس احب اشوووف الأشياء لا عدمني تواصلج ومروورج الطيب .. |
| الساعة الآن 10:28 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir