|
مِنْ يۆ ۆ ۆ مْ شِفتڪ ۆأنـآ في دآخلي ۆنـﮧْ } . . السلـآم عليكُم ورحمـة الله وبركـآته ~ ,’ ,’ بعد تفكيـر عميق جداً جداً جداً . . . ، قررت أنزل أول محآولة لي فالگتآبـة ، طبعن أنآ مش گآتبة لگن لي محآولآت مختلفة فالگتآبه ، قريت وآيد وآيد وآيد و ترددت وآيد قبل لا أخطي هالخطوة و أنزل روآيتي ! مَ أدري أسميهآ قصة أو روآية -> أترگ هالشي لأهل الخبرة . . مَ بطول عليگم وآيد لگن حبيت أنزل لگم جزء من اللي گتبته و أنتظر دعمگم و تشجيعگم = ) ,’ ,’ في بقعة أول مرة تتوآجد فيهآ ، بين نآس علآقتهآ بهم جداّ ضغيفة ، يآلسة فحديقة بيتهم على صوب ، و سرحآنة بكل اللي مر عليهآ ، من دخلت لهالبيت و قآبلت هالأشخآص ، و لي وجودها بين هالكم من النآس اللي رآح تعتبرهم أهلهآ ردت بذآكرتهآ لليوم اللي يت فيه هالبيت ، دخلت البيت مع ريآل في أوآئل الأربعين من عمره ، مآسك ايدهآ بكل حنآن و طيبة ، دخل و سلم ع الموجودين ، كآنو 3بنآت يبين عليهن خوآت و وحدة أكبر عنهن الظآهر هي مصدر الحب و الحنآن بين أفرآد هالعآيلة ، معنآته إنهآ رآح تكون بدورهآ فهالبيت [ أم ] ، تخيلو موقف أي إنسآنة فالكون تجوف أبوهآ دآخل البيت مع وحدة يبين عليهآ من جيلهم ، أول مرة يشوفونهآ فيهآ من ملآمحهم بشكل وآيد بسيط ، إنسآنة مجهولة الهوية ، محد قدر من الـ3 بنآت يعرف من تكون !و شو اللي يآبهآ و خلآهآ بقرب أبوهم لدرجة إنهآ مندسة ورآه و كأنه هو اللي رآح يحميهآ ، معقولة [ إختهم !، خآلتهم !! ، عمتهم !!! ، أو ليش مآ تكون حرمة أبوهم !!!! ] كل وحدة فيهن فكرة توديهآ و 10 تيبهآ و الأم قلبهآ من دآخل يحترق ، معقولة عقب 23 سنة يدخل عليهآ زوجهآ و معآه بنت في كبر وحدة من بنآتهآ ! ، لآ لآ لآ أكيد في شي ، أكيييد الموضوع فيه إن ، مب معقولة بهالسهولة تهون عليه عشرة عمر .. كل وآحد التهى بأفكآره في ثوآني ، قطع عليهم الصمت صوت آخر العنقود ، صوت أكثر إنسآنة دلوعة و حشرة و طيبة فنفس الوقت . . تجدمت من أبوهآ ، حبت رآسه وقآلتله بهدوء : بآبآتي ممكن أعرف هآي منو !! و أشرت عليهآ بطريقة مآ ينعرف إذآ تقصد منهآ التعجب و لآ الإستهزآء !!!!! حست إن نظرآت الـ5أشخآص اتجهت صوبهآ بدون سآبق إنذآر ، دمعت عينهآ مب لأنهآ خآيفة من اللي رآح يصير ، و لآ لأنهآ فمكآن مآ تعرف فيه غير الشخص اللي دخلت معآه ، لآء . . لأن الموقف نفسه وآيد يصيح و يهز مشآعر الإنسآن ، كيف بعد 17سنة تكتشف إنهآ عند نآس مب أهلهآ و لآ يقربولهآ ، كيف بيكون موقف اللي جدآمهآ لو عرفو إن هم أهلهآ … من وين ظهرت ! و كيف هي إختهم !! ، كل هالأسئلة كآنت تدور فبآلهآ ، فالوقت اللي سرحت فيه لعآلم كله توقعآت ودر إيدهآ الريآل اللي كآن معآهآ ، و حط ايده على جتف بنته الصغيرة و الدلوعة [ فطيم ] و قآللهآ : بآبآتي هآي إختج ، شوفيهآ تشبهج . . قطع عليهآ حبل أفكآرهآ صوت أمهآ اللي تنآديهم عسب الغدآ ، رآحت تتغدى معآهم يمكن هآ أول لقآء يجمعهآ بهالعآيلة ، بطبعهآ الاجتمآعي قدرت تتآقلم مع كم شخص بسرعة ، بس في نآس لي الحين مآ تعرف عنهم شي و لآ تعآملت معآهم . . ع الغدآ و بالتحديد على طآولة البنآت كآنو يرمسون و يسولفون عآدي ، بس هي كآنت ملآزمة الصمت و اكتفت بإنهآ تسمعهم وبسسس ، مرة وحدة اتجهت نظرآتهآ صوب إختهآ و تذكرت جملة أبوهآ [بآبآتي هآي إختج ، شوفيهآ تشبهج ] ، يمكن هالجملة خلتهآ ترد لسرحآنهآ و أفكآرهآ . . . لمحة مختصرة عن القصة ، عآرفة إنهآ قصيرة و مب وآظحة لكن بتتأقلمون مع الأحدآث من بدآية البآرت الأول .. إنتظروني =) |
يآآآآي كشششششخهه الروآآآيهه ككممليي كممليي والله الرواايهه حللوهه =) |
روعه ..! كملييها بلييييييز |
البآرت [ 1 ] رفعت رآسهآ لآ إرآدياً ، حست إنهآ ممكن تنطرد من البيت اللي توه وصلته ، ممكن تنظرب !! ، تنجتل ! ممكن يصير لهآ أي شي ، بس مآ حست إن بيجوفونهآ بكل هدوء ، بس فبآلهم مليون سؤآل و سؤآل ، رد عم الصمت عليهم .. الأبو حب يوظح الأمر لبنآته و حرمته بدل الأوهآم و الأفكآر اللي ممكن اتيهم ، و تسبب له مشآكل هو في غنى عنهآ ، طلب منهم يردون ييلسون مكآنهم ، تجدم صوبهم و يلس ، لكن في وحدة حآلتهآ مآ تغيرت ، الدموع فعينهآ و منزلة رآسهآ و مآزآلت في مكآنهآ ، قآللهآ بحنآن : حصة لآ تستحين و لآ تخآفين ، إنتي بين أمج و أبوج و خوآتج ، تعآلي يلسي عندي ، حست بالرآحة عقب جملة أبوهآ ، تجدمت صوبه و يلست عنده فهالوقت اللي الأبو كلمهآ فيه ، الأم حست بشي في دآخلهآ ، إحسآس وآيد غريب ، حصة !!! ، هالاسم تعرفه ، هالاسم ردهآ لجرح وآيد كبير فحيآتهآ ، لإنسآنه عآشت فالدنيآ إسبوعين و مآتت ، كيف يقوللهآ إنتي بين أمج و أبوج و خوآتج !! ، الأم [ آمنة ] فظولهآ كآن أقوى منهآ ، و قررت إنهآ تتكلم و تقول : عبدالله ممكن أعرف شو الموضوع !!! ، منو اللي جدآمي .. إنت قلتلهآ حصة ، تعرف منو حصة !! قلتلهآ أمج ، يعني أنآ أمهآ !! ، لحظة لحظة أنآ عندي 3 بنآت [ مريم و عليآ و فآطمة ] من وين يت !! انت تقول شي مب معقول ، حصة مآتت من كآن عمرهآ إسبوعين و الحين تقوللهآ إنتي بين أمج و أبوج و خوآتج !!!! حست إنهآ مب قآدرة تتحمل الموقف ، وقفت و قررت تروح لحجرتهآ ، لكن حصلت من يطلب منهآ اتم و تفهم الموضوع ، الصمت كآن سيد الموقف ، و يآ كثر أسئلتهم و أفكآرهم اللي تدور فبآلهم ، عبدالله حس إنه لو تم سآكت الجو بيتكهرب بزيآدة فقرر إنه يوقف و يتكلم و بدا كلآمه بكل هدوء [أنآ عآرف إنكم مستغربين إلآ متفآجئيين باللي يآلس يستوي ، بس بطفي نآر الفظول اللي فدآخلكم و بقوللكم القصة من أولهآ ، قبل 17 سنة أمكم حملت ، و ربت بالسلآمة ويآبت بنت ، سمينآهآ ع اسم أمي الله يرحمهآ ، سمينآهآ حصة ، لو كآنت موجودة بينآ كآنت رآح تكون أكبر من علآية و فطآمي ، بس الكل يعرف إنهآ مآتت و هي توهآ مآ كملت الإسبوعين ، لأنهآ مرضت وآيد و كآن عندهآ مشآكل فالقلب ، بس اكتشفت من شهر و شوي إن عقب 17 سنة البنت اللي كآنت عندي و مآتت مب بنتي ! ] ابتسم و جآف بنآته و قآللهم : [ أدري تتحروني أستهبل و إن هآ كله مجرد خرآفآت ، بس مآ رآح تصدقوني لي مآ تعرفون اللي صآر ، من شهر و شوي كنت مآر المستشفى أسوي فحص شآمل ، سويت الفحص و خلصت و الحمدلله الدكتور طمني إن مآ فيني أي شي ، سليم والحمدلله ، بس اللي صآر ، إني مآ كملت 5 سآعآت و رد اتصل فيني الدكتور ، قآلي ( أخ عبدالله في خربطة فالنتآيج و لآزم ترد عسب نتآكد منهآ ) ودرت أشغآلي و رحتله و مليون فكرة وفكرة فبآلي ، معقولة فيني مرض !! معقولة أنآ إنسآن مصآب بأمرآض الدنيآ و هآي مب نتآيج فحوصآتي ، كآن كل تفكيري فالأمرآض و فصحتي ، مآ طرى ع بآلي إني بسمع أحلى خبر فحيآتي ] قطع كلآمه و الكل كآن مستمع فهالوقت و كآنو يتريون إنه يكمل لكنه لآزم الصمت ، حصة قررت تكمل القصة نيآبةً عن أبوهآ ، تكلمت و صوتهآ متقطع من كثر الصيآح ، كآنت تتنفس بصعوبة لآنهآ كآتمة صيآحهآ ، تكلمت و لأول مرة يسمعون صوتهآ فحيآتهم ، قآلت : [ يومهآ أمي معدل السكري عندهآ نزل و نزل وآيد ، دوخت و طآحت علينآ ، و تمت فالمستشفى فترة ، فهالفترة أبوي اقترح علينآ نسوي فحوصآت نطمن على صحتنآ بالمرة ، بس فحوصآت لكل شي بدون استثنآء ، سويت الفحوصآت و كل شي ، طلبني الدكتور بعدهآ بسآعآت عسب يقولي عن نتآيجي بالصدفة حصلته موجود في غرفة الدكتور ، مآ أعرف شو اللي صآر بينهم من حوآرآت و لآ كآن يهمني وقتهآ كثر مآ كآن يهمني سبب وجوده ، يلست مكآني أتريآ الدكتور يقولي عن النتآيج بس كآن مشغول بأسئلته لأبوي اللي يآلسة عنده الحين ، و مآ انتبهت لهآ هآك الزود ، لي مآ قرر الدكتور يتكلم و قآل : [ بصرآحة أنآ مب عآرف كيف أقوللكم و لآ أوآجهكم ، في شي لآزم تعرفونه ، و نحن نجوف نتآيج الفحوصآت ، حصلنآ شي وآيد غريب ، حصلنآ تشآبه في بعض الفحوصآت مثل فصيلة الدم وغيره ، و هالتشابه حيرنآ وآيد فقررنآ نسوي تحآليل الورآثة بتصرف منآ و اسمحولنآ ع هالشي و إن مآ بلغنآكم فيه ، لكن التحاليل اللي سوينآهآ بتصرف منآ كآنت تحآليل خآصة بالـdna و طلبتكم عسب أقوللكم عن شي صعب تصديقه بس هآ هو الوآقع ] ... الدكتور كآن يقول كلآم نحن أكبر عنه ، كآن يقول أشيآ نحن مب فآهمينهآ ، طلبنآ منه يوظح الأمر أكثر ، أول شي بدآ بتشآبه الأسمآء ، صح أسآمينآ وآيد تتشآبه ، و سألني عن تآريخ ميلآدي و سأله عن وآيد أشيآ ، و الدكتور مآ طآع يقول شو الموضوع ! ، مرت الأيآم و كآنت تصير أشيآ من ورآنآ ، كانت في تحقيقآت على موآضيع جديمة ، الموضوع كآن وآيد كبير و لي الحين كبير ، لأنهم فجو سجل الوفيآت ، فالنهآية بعد مرور أسبوعين بالكثير الدكتور طلبنآ مرة 2 ، أنآ عن نفسي كنت هنآك بشكل مستمر و يومي لأن أمي كآنت فالمستشفى وكنت مصرة أتم عندهآ بمآ إني أصغر وحدة و أقرب وحدة لهآ ، الدكتور طلبنآ و طلب أبوي و إخوآني و خوآتي ، تكلم و تكلم وتكلم ، فالنهآية قآل شي فحيآتي مآ توقعته ، و لآ خطر على بآلي من الأسآس ، بس قآل انتي قضيتي حياتج مع ناس مب اهلج ، و هالغلطة المستشفى مسؤولة عنها ، صد صوب ابوي اللي كنت عايشة عنده وقاله [ بنتك ماتت من 17 سنة و اللي جدامك بنته مب بنتك ، يمكن 17 سنة تكفي انك تعتبرها بنتك ، انا اللي علي سويته وخبرتكم و انتو لازم تتفهمون الموضوع بطريقتكم ، اسمحولي اذا صدمت حد منكم بس هاي الحقيقة ولازم نواجهها كلنا ] ، الدكتور كمل كلامه وما اهتميت للي قاله و لا عبرته ، بس طيحت عمري فحظن خواتي و صحت ، و انا اتخيل كيف ممكن اعيش بدونهم باقي حياتي ، انعزلت عن العالم و كان كل همي دراستي ، ما اكلم حد و لا حد يكلمني ، لي اليوم اللي دخلت علي امي فيه و قالتلي ابوج الصدقي يباج ، كلموني وايد و خففو علي وايد ، بس لي الحين في جملة تدور فبالي ، امي وابوي و اخواني قالوها لي ( يمكن مآ كنتي بنتنآ ، عشتي معآنآ حيآتنآ بحلوهآ و مرهآ ، الله يوفقج ويآهم و تأكدي إن نحن مستحيل ننسآج ) ... سكتت و تمت تصيح ابوها كمل عليها و حب يختم الجلسة اللي من اولها صدمات فصدمات ، وقال : [ حصة اختكم مب بالاسم ، حصة اختكم من الام و الابو يعني هي من لحمكم و دمكم ، لازم ما ينقصها شي ، و اللي بيزعلها او يجرحها ، فيتاكد انه زعلني ، يمكن من اول يوم ما تعرفونها عدل ، بس حصة هادية و خجولة و وايد تستحي ، شاطرة و ذكية وما تعصي اللي يامرها بشي ، يمكن ما تربت مثلكم ولا وياكم بس تربت بطريقة احسن عنكم ، هي الحين اختكم ، صعب من اول يوم تاخذونها فحظنكم و تحبونها ، لكن اعتبروها ضيفة مع الايام بتكون وحدة منا وفينا ] خلص كلامه الابو و سار صوبها حظنها و تم يخفف عليها ، يت امها صوبها و عيونها كله دموع ، شافت فامها من اول يوم الحنان والطيبة و الحب و العطف و كل الصفات الحلوة اللي الانسان بصعوبة يحصل عليها .... نرد شوي لأرض الواقع ، فهاليوم كانت وايد تسرح و تذكر شو اللي وصلها لهالمكان و بين هالناس ، بس اللي لازم تعرفه ان حاليا حصة مع اهلها ، خواتها و امها و ابوها و خالاتها وعماتها و كل اللي يقربولها ، لازم ترد حصة القبلية اللي الكل يرتاح لابتسامتها الهادية و يرتاح لسوالفها ، لازم ترد مثل ما كانت و تبدا معاهم حياة يديدة ، تتقرب منهم و تفهم كل واحد و طبعه وصفاته ، عسب تقدر تتعامل معاه ، هذا كان اسلوب حصة فحياتها ، الناس الناس الناس ، ما يهمها كلامهم ، لكن يهمها ترتاح لهم و تفهمهم ، دايما كانت تردد جملة [ حياتي من غير اهلي ربيعاتي و لاااا شي ] و بالفعل ها اللي بتعرفونه عقب . . خلص البارت الأول بسلام ، يمكن ما طولت فيه وايد ، برد لكم بالبارت الثاني ان شاء اللهبالخميس أو الجمعة، و بتتعرفون ع الشخصيات اكثر و اكثر =) |
روووووووععععه الروااييه بالقوو! كملييها بلييز الاسسلوبب طرر بالقوو ونتريآج =) |
الشيييمة غيري الخطِ ما فهمت ولا كلمةِ ><" |
تسلمييين الغلآآ ع البآررتت والله صرآآحهه الروآآيهه اكثر من ابدااع ..! ف انتظآآآآرج الخميس او الجمعهه ..! تقبلي خطفتي ..! |
مشكووووووووووووره..! ع البارت ذاا والله انها روايه حلوه وفي شي ف روايتج يجذبنا لهاا وهو اكيد اسلووبج..! |
بآك مع البآرت 2 ’, ,’ البآرت [ 2 ] ف البدآية بعرفكم على بعض الشخصيآت اللي بتكون معاكم طول القصة =) عآيلة عبدالله أحمد عبدالله ؛ 41 سنة ، متزوج من بنت خآلته آمنة ، يشتغل في هيئة المعرفة و له منصب ، و يملك شركة عقآرآت ، ريآل يحب عيآله بشكل جنوني ، كله و لآزعلهم ، اللي يطلب منه شي لو يكون من تحت الأرض اييبه له و مآ يرفضلهم طلب ، إنسآن طيب و حبوب و جدآ محترم و يملك محبة الجميع . . . آمنة ؛ عمرهآ 39 سنة هي بنت خآلة عبدالله ، زوجة مثآلية مب مقصرة ع ريلهآ و عيآلهآ أي شي و هي مصدر الحب و الحنآن فالبيت ، تحب عيآلهآ و مآ ترضى على زعلهم ، لكن فيهآ عيب وحيد إذآ عصبت تجرح وآيد ، و مرآت تكون عزيزة نفس و مآ تنزل نفسهآ لمستوى أي شخص عسب تعتذرله مع إنهآ هي الغلطآنة ، مع هذآ فقلبها وآآآآآآيد كبير وتحب الناس . . . أحمد ؛ الابن الأكبر فهالعآيلة عمره 23 سنة ، يشتغل في مؤسسة إعلآمية ، إنسآن طموح جدآ ، لكنه عصبي ، الكل يخآف منه إلآ اللي يعرفه ، إنسآن وسيم جدا ، و وسامته ما تعطيه اي نوع من التفاخر بالعكس إنسآن جدآ متواضع . . . - محمد ؛ عمره 21 سنة ، إنسآن جدآ حيوي و مرح ، الحياة عنده ظحك و هبل و مآ يحب يجوف إنسآن متكدر، رآعي مقآلب و حركآت و عششقه البر ، يشتغل في شركة أبوه و أخلآقه جدآ عآلية . . . مريم ؛ 20 سنة هآذي آخر سنة لهآ فالجآمعة ، تدرس هندسة ديكور ، ذوقهآ رآقي و بسيط فنفس الوقت ، هآدية و ابتسآمتهآ تريح الكل ، مخطوبة لولد عمهآ و خآلتهآ فنفس الوقت حميد و العرس بعد شهور . . . عليآ ؛ عمرهآ 16 سنة ، بآقي لهآ سنة وتتخرج من الثآنوية ، إنسآنة وآيد هآدية ، الهدوء عندهآ دليل للثقة بالنفس و الرزآنة ، شخصيتهآ قريبة من شخصية مريم وآيد لكن الفرق إنهآ بزيآدة ، و تموووت ع إختهآ فآطمة اللي تعتبرهآ أقرب وحدة لهآ . . . فاطمة ؛ آخر العنقود ، و دلوعة البيت ، عمرهآ 14 سنة يعني بتروح تآسع ، وآآآآآآآآيد حشرة و تحب الظحك و الهبل ، مسوتلهم جو فالبيت هي ومحمد ، تمووووووت ع محمد أخوهآ و تخآف من أحمد و دآيماً تقول محد فآهمنهآ فهالبيت غير أمهآ . . . -حصة ؛ اللي رآح نعتبرهآ بطلة قصتنآ ، عمرهآ 17 سنة ، عآشت حيآتهآ مع عآيلة [ عبدالله أحمد ] المشآبهة لعآيلتهآ الحقيقة ، عرفتو قصتهآ و اللي صآر لهآ لمآ كآن عمرهآ اسبوعين ، عآشت عند نآس مب أهلهآ ، تعلقت فيهم وآيد و صعب تبتعد عنهم ، عمرهآ مآ حست إن هآييل مب أهلهآ ، لأن مآ خطر على بآل أي شخص منهم هالشي ، إنسآنة اجتمآعية بطريقة فظييييييييييعة ، تحب الكل ، و الكل متعود عليهآ إنهآ وآيد ترمس ، تحب الرسم و تبدع فيه بشكل رآئع لكن موهبتهآ محد يدري عنهآ ، ذكية و عآقلة و الكل يقول إن عقلهآ أكبر من سنهآ ، صعب أوصف لكم شخصية هالإنسآنة ، لكن بترك لكم المجآل إنكم تتعرفون عليهآ من خلآل القصة ، و هي حآلياً العضو الـ8 فهالعآيلة ، و هي أكبر من عليآ و فآطمة . . . ------------- عآيلة محمد أحمد محمد ؛ 44سنة ، متزوج من بنت خآلته أمينة اللي هي إخت آمنة حرمة أخوه ، يملك فرع من فروع شركة عقآرآت أخوه عبدالله ، ريآل والنعم فيه يعرف الوآجب و الأصول و مب قصر على عيآله وحرمته شي . . . -أمينة ؛ عمرهآ 41 سنة هي بنت خآلة محمد و اخت آمنة مثل مآ قلت حرمة مآ عليهآ كلآم ، طبعهآ مثل طبآيع ريلهآ ، طيبة و حنونة و تحب الخير للكل . . . -حميد ؛ 23 سنة ، ربيع أحمد الروح بالروح ، يشتغل في اتصآلآت ، إنسآن مثقف و هآدي ، و خآطب بنت خآلته و بنت عمه فنفس الوقت مريم ، مآخذين من طبع بعض وآيد ، و إنسآن جداً منظم و يحب الحيآة المنظمة . . . نوصل لآخر 2 فهالعآيلة التوم [ حمد & حمدة ] ؛ عمرهم 20 سنة ، أغرب توأم شفته فحيآتي ، أبببببببببداً مآ فيهم شبه من بعض ، لآ فالصفآت و لآ فالشكل و لآ جنهم توم من الأسآس . . حمدة ؛ تموووووووووت ع بنآت خآلتهآ و دومهآ ويآهم و تعتبرهم خوآتهآ بمآ إنهآ البنت الوحيدة فبيتهم ، دلوعة أبوهآ و أمهآ ، حليوة و ملآمحهآ طفولية ، و تآخذ من شخصية فآطمة شوي . . . أمآ حمد ؛ شخصيته منآقضة لحمدة إخته ، فصغره كآن وآيد متعلق فيدته [ حصة ] أم أبوه ، لكن بعد وفآتهآ شخصيته تغيرت ، كآن مرح و حبوب و رآعي سوآلف ، لكن بعد وفآتهآ صآر إنسآن منعزل و غآمض جداً ، مآ يجوفونه إلآ فالمنآسبآت و نآدر مآ ايي صوبهم ، هالإنسآن رآح أوصفلكم شكله ، عيونه خضر ع يدته - الله يرحمهآ - و شعره فآتح ، و فيه جمآل هآدي ، تعقد من لون عيونه ، لدرجة إنه قآم مآ يحب يشوفهآ و دآيماً يستعمل عدسآت بنيآت عسب يغطي ع لون عيونه اللي يعتبره [ عيون قطآو ] مثل مآ ينآدونه شبآب العآيلة ، رآح تتعرفون ع شخصيته أكثر فالأيآم اليآية ، نآس بتحبه ونآس بتكرهه ، لكن الاختيآر لكم . . . -------------------------- بعد الغدآ الكل تيمع في حديقة البيت ، يمكن أغلب الحضور مآ كآنو يدرون بالموضوع إلآ الكبآر ، البنآت بطبعهم يحبون السوآلف ، و سآلفة توديهم و سآلفة تيبهم لي مآ وصلو لموضوع التوآريخ و أعيآد الميلآد ، و هآ الموضوع تعشقه حصة بجنون ، فالبدآية كآنت تستمع للحوآر بس بعد مآ تعودت عليهم حبت تشآركهم و تتقرب منهم شوي . . . فآطمة : والله كششخة لو حمود كآن هني جآن قلتله يوديني السينمآ . . مريم : زين سوآ يوم سآفر ويآ أحمد ع الأقل يغير جو مب يجآبل طلعآتج . . حمدة : لآ حرآم ، محمد روحه كآن يقول تعآلو بوديكم و كآن يظهرنآ و يسويلنآ اللي نبآه بس بشرط نخليه يمر البر ، يآ حبه للبر ، أبآ أفهم شو الحلو فييه !!! فآطمة : احمددددددي ربج يظهرج بعد ، مب هالقطو اللي عندج ، لو تقولين فالسنة مرة ظهرني و لآ بيظهرج . . حمدة : لآ حرآم حمد طيب ، حليله ودآني العآم بوظبي فيوم ميلآدي و يوم ميلآده ، مب عآد مووووليه مآ يظهرني فآطمة : على طآري يوم ميلآدج ، شرآيكم نسوي حفلة حق حمود ، فديته حفلته عقب العيد ، أكيد بيستآنس وبالمرة حمدوه و حمد معآه ، الله كششخة بيكون . . يآهم سعيد من بعيد و هو يقول بصوت عآلي : أنآ سمعت طآري حفلة ، خير فطوم حفلة شو نآوية تسويلنآ !! فآطمة : أولاً ليش دآش عرض ! ، ثآنياً أخويه و كيفي ، أسويله حفلة ولآ مآ أسويله بكيفي ، إجلب ويهك و رد عند الشبآب أحسنلك . . حمدة : قفطووووووووووه حليله . . سعيد : منو قفط منو ! طآع هآييل ، أنآ سألت سؤآل و انتو سويتولي قصة ، محد بيجآوب عليه إلآ مريوم . . صد صوبهآ و قآل : حفلة شو اللي نآويين يسوونهآ الخوآت ! مريم : أونهم يبون يسوون حفلة حق محمد و حمدة و حمد ، عسب يوم ميلآدهم ، نسو حظرآتهم يوم إن يوم ميلآد حمود بيكون ففترة عرسي . . ذكرو حفلآتهم و نسو عرسي اللي الكل مفروض ينشغل فيه . . نشت مريم من مكآنهآ عسب تحسسهم إنهآ زعلت ، لكن فالأسآس كآنت تبآ تخلي حصة تآخذ عليهم و ترمس عآدي فآطمة : شششششششششششت نسينآ عرسهآ هآي بعد ، الحين بتزعل ، يآربييه منج يآ حمدوه جي مآ تقولين إن عرس أخويه مآ يستوي نسو حفلة ؟ حمدة : أنآ روحي مايا ع بآلي .. سعيد : يزآكم عسب مآ تخططون ع كيفكم ، شوفو البنت زعلت و انتو بعدكم تتنآقرون . . أنآ سآير عنكم ، أرد عند الشبآب أحسن لي ، يلآ جآآآآو الحوآر كآن بين فآطمة و حمدة و مريم و سعيد ، نسو إن بآقي البنآت ويآهم وإنهم حشرو الدنيآ بموضوع الحفلة ، بغو يغيرون الموضوع ، لكن في وحدة فظولهآ كآن أقوى منهآ و رمست حصة : انزين متى عرس مريوم و متى يوم ميلادج حمدة !! الكل انصدم ، أول مرة يسمعونهآ ترمس و تدخل فالنقآش معآهم ، ردت عليهآ حمدوه بسرعة : مريوم بيكون عرسهآ شهر 9 تآريخ 15 أظن ، وأنآ و حمد أخويه يوم ميلآدنآ 2-9 ، وحمود ولد خآلوه عقبي أنا وحمد ب4 أيام . . حصة : صددددددق !! حمدة : هي ، بلآج مستغربة ؟ حصة : هههه يوم ميلآد محمد اللي تقولون عنه ، يوم ميلآدي ، أنآ منولده ف6-9 ، يعني انتي قبلي بـ4 أيآم . . فآطمة : الله كشخة ، عيل بنسوي حفلة حق أربعتكم ، بس قبل العرس بفترة عسب مريوم مآ تزعل .. حمدة : صح فكرة حلوة ، و أصلن بيكون قبل فلا تحاتون و حمود بيستآنس إذآ عرف إن حصة يوم ميلآدهآ نفسه .. حصة : لحظة أنآ وآيد أسمعكم ترمسون عن اللي اسمه محمد وحتى عن حمد ، منو هآييل ! فآطمة : احلفي إنتي مآ تعرفينهم !!! حصة : والله ، أنآ توني من إسبوع عندكم مآ لحقت أعرف حد ! حمدة : الله يسلمج محمد هذآ أخوج ، هو الحين مسآفر مع أحمد ، و عقب يومين بيردون ، و القطو ع قولة فطوم ، أو حمد هذآ أخوي و توآمي ، بس حليله وآيد يحطون عليه . . حصة : أيواا ، يعني أنآ عندي إخوان !! ، أنآ توقعت بس نحن 4 بنآت مآ شي أولآد فالبيت ، و محد يآب لي طآري ، بس الحين عندي مشكلة ، مآ بفرق بينهم إذآ كلهم أسآميهم متقآربة صعب أحفظ .. فآطمة : طع طع طع شو الصعب ! هذآ محمد و هآك أحمد و و هآك القطو بس إنتي قولي مآ أبآ أحفظ . حمدة : فطوم بس عيب ، المهم حصة مآ قلتيلي إنتي كم عمرج ؟؟ حصة : أنآ عقبج بـ4 أيآم بدش 18 ، و بليز لآ تقوليلي حصة مآ أحب ، قوليلي حصوه أحسن .. حمدة : أفآ عليج مآ طلبتي و أنآ بعد نآديني حمدوه أحلى ، إنزين كم نسبتج ! ، وأي جآمعة بتدشين ! ابتسمت لهآ حصة : نسبتي الله يسلمج 98.3 ، كنت علمي ، و بدش زآيد إن شآء الله =) بدت حصة تتقرب لحمدة مثل مآ تقربت لمريم فالإسبوع اللي تمت معآهآ فيه و عرفتهآ ع البنآت و صآرت تتعآمل معآهم نفس ربيعآتهآ أو زميلآتهآ اللي كآنت معآهم أيآم الدرآسة ، ارتآحت لهم وآيد و حست إنهآ بتستآنس معآهم ، و قرب أذآن العصر ، و كلهم دخلو عسب يصلون ، والريآييل رآحو المسيد ، فحصة حطت فبآلهآ إن البيت هالوقت فآظي ومآ فيه غير البنآت ، دخلت و توهآ يآية تعق شيلتهآ عسب تدخل عند مغآسل الصآلة و تتيدد ، سمعت صوت زيغهآ و خلآهآ تصد صوبه بدون لآ تحس ------ : لآآ حصة : في شي !! ----- : لآ ، بس بغيتي تعقين شيلتج ، وأنآ يآلس هني ، بس بغيت أنبهج ابتسمت له حصة : مشكور، زين إنك نبهتني ، و نزلت رآسهآ و توهآ يآية تروح صوب المغآسل ، رفعت رآسهآ و جآفته مرة 2 ، مآ عرفت منو هو !! ، و لآ شو يقربلهآ ، بس من أول موقف بينهآ وبينه حسته إنسآن محترم لأنه قآللهآ عن الشيلة ، معنآته مآ يرضى ع خوآته ، مآ اهتمت له وآيد ، و رآحت توضت و صلو البنآت جمآعة ، عقب الصلآة ، مآ حبو يردون الحديقة فقآلو بييلسون فالصآلة أحسن ، و هم يرمسون سرحت حصة شوي ، وتمت تجوف شخص شخص ، و تقول فبآلهآ [ هآي مريم بنت خآلتي ، و هآي حورآ بنت خآلي و هآي نورة بنت خآلي الـ2 و عآشة و موزة بنآت عمآتي ، وحمدة بنت عمي و بنت خآلتي ، وأخييراً عرفتهم ، يآ الله شكثر مرتآحة معآهم و مستآنسة ، صح مآ تعودت عليهم وآيد بس وآيد حلو التعآمل معآهم ] و هي سرحآنة سعيد كآن يكلمهآ و هي مآ ترد ، حصلت حد يطبطب ع جتفهآ ، كآن أبوهآ ، ،جآفته و ابتسمت ، قآل لهآ :حصة حبيبتي سعيد يكلمج ردي عليه .. انتبهت للشخص اللي جدآمهآ ، وآقف و يطآلعهآ بنظرآت غبية و شكله وآيد يظحك ، مآ قدرت تتحمل الموقف و تمت تظحك عليه ، يمكن الكل انتبه لظحكتهآ اللي كآنت شبه عآلية و من انتبهو على سعيد ، كلهم ظحكو ، وآقف و حآط ايده ع خصره و يطآلعهآ بغبآء ، بعد مآ حست إن الكل قآم يظحك ، قآلتله : آسسفة مب قصدي ، بس شكلك يظحك و ردت ظحكت ، وقف جدآمهآ أونه محرج و قآل : يآ بنت خآلتي مب معنآته تأسفتي يعني سآمحتج ، أنآ مأ أرضى إلآ بمقآبل ، كيفج عآد محد قآلج اظحكي و ظحكيهم ويآج أن ما يمشي وياي سوالف آسفة ما آسفة كل شي له عقابه .. جآفته حصة و هي مستغربة بلآه هآ !! .. بغت تستهبل عليه شوي ابتسمت و قآلتله : وشو المقآبل اللي تطآلبني فيه !! كتتتتتتتتتتتت خلصنآ من البآرت الثآني ، اسمحولي وآيد طولت عليكم ، تتوقعون منو هالشخص اللي قآللهآ عن الشيلة !! ، و شو المقآبل اللي بيطلبه سعيد منهآ !! ،اتريوو البآرت اليآي و الشخصيآت اليديدة =) |
تسلم ايدينج الحلوه كيكيك:191: بس.. انتي ماطولتي ولا شي..بارتج ها وايد قصير المره اليايه طولييه اوكي..:8: امم اتوقع سعيد هو اللي قالها لا تعق الشيله..المقابل اممم هههه اكيد شي يضحك:24: بس من هو سعيد . ... انتي يوم عرفتينا ع العايله ما خبرتينا ع واحد اسمه سعيد ..:54: كان بااارت جميييل يوم تنزلين البارت الثالث خبرينا ...ولاازم يكون اطول ههه:1709.gif: بانتظارج عزيزتي...! |
اقتباس:
و توقعج بتعرفين اجابته فالبارتات الياية ان شاء الله ♥ و سعيد هو واحد من العايلة بما ان المشهد فيه كل افراد العايلة وانا كل بارت بنزل تعريف شخصيات بسيط لي ما تكتمل الصورة عندكم والبارت باذن الله كل خميس :) وتسلمين ع المرور 3> |
الروآايه تجنن وٰ اسلوبج طرطرييششنِ :$ تقبلي خطفتيه *☺*:oi-o: |
ليش ....؟المهم لا تطولين .....احس الين يوم الخميس بنسى كل شي ههههه يعني نزلي الحين بارت ويوم الخميس بإرت بلييييييز فيني حماس |
البارت [ 3 ] لِ عيون ( بَنتْ ذآگ آلأمٓير ) سعيد : آمممممم هو شي وآيد سهل بصرآحة .. بس بغيتج تخدميني لمدة سآعتين ، يعني تكونين تحت أمري ، و أي إعترآض ممكن أضآعف المقآبل ، مفهوم يآ بنت خآلتي !!!! خلص جملته و ظحك ظحكة استهزآء مصطنعة ، خلت حصة تيلس مبهتة لأكثر من دقيقة ، فتحت عينها مب مستوعبة و قالت بغباء : هاا ؟؟؟ سعيد : هههههههههههههه والله إنج تحفة يآ بنت خآلتي ، عن تموتين علينآ بس ، لآ تخآفين مب لهالدرجة إنسآن عبيط عسب أطلب منج هالطلب ، بس بغيتج الشيخة تروحين تبدلين و تلبسين عبآتج ، لأن قررنآ نظهرج و نستآنس ويآج قبل لآ تدخلين السجن المركزي مآل عمي عبدالله أقصد القصر الملكي ، ممكن ! فآطمة : إنت ايييه ، بلآك معلق !! بنت خآلتي و بنت خآلتي ترآ والله عندهآ اسم سعيد : فطوم إنتي اصصصصص ، لآ تدخلين يوم الكبآر يرمسون فآطمة : لآآآآآ احللللف !! ، دخييييييلك احلف ، منو الكبآر !! انت و لآ حصة ؟؟ عبدالله : فطآمي بآبآ عيب ، و انت يآ سعّود شغلك عقب ، تخرب مخ البنية من الحينه و أونه سجن مركزي .. مآ عليه بنجوف منو بيخليك تطب هالبيت لمآ يرد محمد ، تريآ انت بس سعيد حب رآس ريل خآلته و قآله : أفآ عليك عمي تزعل من ولدك ! أفآ والله أفآ .. وبعدين ترآ عدلتهآ و قلتلك القصر الملكي ، ترآ والله عآدي عمي ، و إذآ انك مستحي إن قلت جي جدآم بنت خآلتي ، فهي لآزم تتعود على خفة دمي ، شي وآيد طبيعي عبدالله سوآله طآف و ظهر من الصآلة و هو يظحك ع على عبط هالإنسآن اللي كل حيآته ظحك ، و سعيد تم يسوي حركآت و يستهبل ، لي مآ سمع صوت إخته [ مريم ] : يعني يعني إستآذ سعيد بتطلعنآ و لآ بتم تستهبل !!! سعيد : والله بطلعكم بس تزهبو و خلصونآ عليآ : انتو روحو أنآ مآ بيي مآلي خلق أظهر حصة : حرآم علآية عشآني ، هآي أول مرة نظهر كلنآ ، تعآلي بس هالمرة و عقب كيفج ، بس عشآن خآطري حمدة : خلصووووووووووووونآ يآخي ، سيرو بدلو عقب قررو منو بيي و منو بيتم سعيد : 5 دقآيق إذآ مآ كنتو صآفين هني بنروح عنكم فآطمة : عسكرية مثلاً !! سعيد : لآ طآبور الصبآح تصدقين ! اجلبي ويهج بسرعة فآطمة : اجلب ويهي على اي صفحة ههههاي سعيد فر عليهآ مخدة صغيرة و هي من جآفت المخدة صوبهآ شردت و تمو يظحكون ع شكلهآ ، صدق مينن هالـ2 .. يمكن حصة تعودت على طبيعة سعيد ولد خآلتهآ و عرفت إنه دمه وآيد خفيف و إنسآن مرح ، لدرجة إن حتى إستهبآله يبين عليه جد و كل مآ كآنت تذكر الموقف اللي صار بينهم عن المقآبل اتم تظحك ع ردة فعلهآ و كيف تمت مبهتة من طلبه ههههههه ، والله إنك سوآلف يآ سعيد . . البنآت رآحو لبسو عبيهم و عقب 3 دقآيق بالظبط كآنو فالصآلة ، عن ينفذ سعيد تهديده و يروح عنهم ، اللي كآنو فالطلعة هآي ، من البنآت : [ مريم ، حصة ، عليآ ، فآطمة ، حمدة ، مريم إخت سعيد ، حورآ و عآشة و موزة ] و الأولآد: [ سعيد ، حميد ، علي و سلطآن إخوآن سعيد ، رآشد و سعود و خليفة ] ) طبعاَ بتتعرفون عليهم عقب ) ، سآرو بأكثر عن سيآرة ، نص البنآت مع السآيق و نصهم مع سعيد و الشبآب مع حميد ، كآنت الطلعة هآي من تنظيم و إشرآف سعيد ع قولته ، فقرر إن أول طلعة مع بنت خآلته تكون لـ mcc ، طبعاً فالدرب السوآلف مآخذه وقتهم ، و القنبلة انفجرت في سيآرة سعيد ، لأن اللي كآنو معآه حمدة و فآطمة و حصة ، و فآطمة و سعيد إذآ توآجدو فمكآن ممكن يسوولهم زلزآل ، و الظحك طبعآ كآن سيد الموقف ... ------------------------ ننتقل لمكآن ثآني .. لمكآن وصلتله بطلتنآ من إسبوع و ظهرت منه من دقآيق عسب تعيش أول مغآمرة مع شبآب و بنآت هالعآيلة ، فالصآلة الدآخلية اللي فالبيت ، المتوآجدين فالمشهد 14 شخص و هم [ الأم آمنة ، الخآلآت أمينة و أمل وريلهآ مبآرك ، الخآل عبدالرحمن و حرمته هدى ، اليدة فآطمة ، اليد محمد ، الأبو عبدالله ، العم محمد ، العمآت عآشة و فآطمة ، و ريآييلهم مصبح و محمد ] ، شغلهم الشآغل كآن شعور حصة بالرآحة بين أفرآد العآيلة و سعآدتهآ ، و كيف ممكن تتأقلم معآهم بسرعة و تتعدى أي مشكلة توجههآ مع إخوآنهآ ؟. . عبدالله : خآلوه لو تدرين شكثر استآنست لمآ شفت ظحكتهآ ، مع إنهآ أول مرة تشوف سعيد فيه و تتكلم معآه ، بس أحسه بيسآعدهآ تتعود عليهم . . اليدة فآطمة : شوف يآ عبدالله . . البنية عآشت كل عمرهآ عند نآس مب أهلهآ و مآ قصرو فحقهآ بس لآزم إنت و آمنة مآ تقصرون عليهآ و تعوضونهآ اللي فآت ، كفآية الصدمة اللي يتهآ من بعد مآ فهمهآ الدكتور السآلفة ... الخآلة أمل : تدرون أخآف يخبلهآ هالسعيد ، من أول يوم و هو حآشرنهآ ، بس حليلهآ كيف زآغت يوم قآللهآ أبآج تخدميني لمدة سآعتين ههههههه العم محمد : والله انخطف لونهآ ، حرآم عليه هالسعيد و اللي يسويه في البنآت ، مخبلنهم والله آمنة : عآد كللللله و لآ حشرته هو وفطوم ، إن يلسو فمكآن وآحد شلوه من ظحكهم و سوآلفهم .. عبدالله : خلونآ من سعيد الحينه ، أنآ خآيف وآيد .. العمة عآشة : من شو خآيف !! عبدالله : مآ أدري بس خآيف حد يجرحهآ و لآ يزعلهآ ، و هي وآيد حسآسة و مآ تتحمل ، على أدنآة الدون تدمع عينهآ و تصيح ، يوم كنت أمرهآ البيت و أظهرهآ.. من تركب السيآرة أحسهآ مضآيقة ، و مآ كنت أدري ليش !! اليد محمد : يآ ولدي لآ تخآف و لآ تحآتي ، و إذآ ع ضيجهآ ترآ كآنت تحت صدمة قوية ، مب شوية تكتشف إنهآ عآيشة و رآبية بين نآس مب أهلهآ فالأسآس و بهالسهولة تتعود علينآ . . الخآل عبدالرحمن : بس هي وآيد هآدية يآلله يآلله ترمس شوي و ترد تسكت ، بس هي الحين وين وآصلة فدرسآتهآ ؟؟ آمنة : أمسآت سألتهآ أي سنة الحين و كم نسبتهآ و شو نآوية تدرس ، بس مآ شآء الله عليهآ شآطرة ، هالسنة كآنت ثآنوية عآمة و نسبتهآ 98.3% و كآنت فالعلمي ، وقآلتلي مآ تفكر لي الحين شو تدرس ، بس من صغرهآ خآطرهآ فالطب ، و ع قولتهآ قلبي مآ يتحمل أجوف الدم و أدش مختبرآت و حآلة ، عسب جذه شلت الطب من بآلهآ . . عبدالله : أنآ لو أدري إن خآطرهآ فالطب ، والله أخليهآ تسير لأحسن جآمعة وتدرس فيهآ ، بس دآمهآ مآ تبآ برآحتهآ ، و زين سوت يوم إنهآ قآلت مآ تبآ ، عسب مآ ترد تبتعد عنآ ، الله يرحمهآ أميه ، دوم كآنت تقول : حصة مآ مآتت ، حصة لي الحين عآيشة و بآحسن حآل ، كنآ نقول مخرفة ، بس ظهرت أكثر وحدة فينآ عآرفة و فآهمة الكل : الله يرحمهآ و يغمد روحهآ الجنة . . ------------------------------------------------------------------------------------------ آمممم نوقف هني شوي ، و نرد للشخصيآت ، يمكن طولت عليكم فيهآ ، بس حآن الوقت إنكم تتعرفون على معظمهم ، و البآقي فالبآرآت اليآية إن شآء الله =) عآيلة مبآرك سعيد مبآرك ؛ هو ريل الخآلة أمل و ولد عمهآ فنفس الوقت، هو أكبر وآحد من بين إخوآنه مصبح و محمد و هدى .. الخآلة أمل ؛ هي إصغر وحدة من بين آمنة و أمينة عمرهآ 35 سنة ، مآخذه ولد عمهآ مبآرك ، و عندهآ 3 أولآد و بنت وحدة ، إنسآنة بسرعة تنحب و مآ ترفض لعيآلهآ طلب .. سعيد ؛ غني عن التعريف ، عمره 21 سنة ، محمد ولد خآلته أخوه و توأم روحه ، يستشيره فكل شي ، و هو أقرب وآحد له من صغره ، إنسآن مرح و يحب الظحك ، يكره الضيق و النكد ، كل حيآته ظحك × ظحك ، أهم شي عنده يسعد غيره و يخليهم سعدآء و على قولته [ أبوي و أمي عرفو يسموني ، لأني إسم على مسمى ] =) . . سلطآن ؛ عمره 18 و أول سنة جآمعة و هو وآيد مع سعود ولد خآله و ولد عمته فنفس الوقت ، ويعتبره أكثر شخص فآهمنه . . مريم ؛ عمرهآ 15 سنة ، أكبر من فآطمة بسنة و أصغر من عليآ بسنة ، هي قريبة من موزة و عآشة بنآت عمومهآ وآيد ، و تعتبرهم خوآتهآ .. علي ؛ آخر العنقود عمره 14 سنة ، كبر فآطمة بنت خآلته ، إنسآن هآدي و خجول بزيآدة ، و خليفة أخو سعود أقرب النآس له .. ------------------------------ عآيلة مصبح سعيد و محمد سعيد مصبح سعيد ؛ هو ريل العمة فآطمة و تستوي بنت خآلة عيآل عمه ، أصغر من أخوه مبآرك و أكبر من محمد و هدى ، يحب الخير للنآس و ايده سبآقة للخير . . العمة فآطمة ؛ هي إخت عبدالله و محمد ، أصغر منهم لكنهآ أكبر من إختهآ، و تصير عمة حصة ، هآدية نوعاً مآ ، و دآيماَ تستشير إختهآ عآشة فأي موضوع ، مع أنهآ الأكبر و الأعقل .. عآشة ؛ عمرهآ 20 سنة ، كبر حمدة بنت خآلهآ ، هآدية و يقولون فيهآ نوع من الغرور محمد سعيد ؛ هو ريل العمة عآشة ، إنسآن حيآوي و يحب شغله وآيد ، و عآيش مع أخوه فنفس البيت .. العمة عآشة ؛ أًصغر وحدة من بين إخوآنهآ ، حبوبة و رآعية سوآلف ، جددددداً متوآضعة و تمووت ع إختهآ و بنتهآ .. موزة ؛ عمرهآ 16 سنة ، كبر عليآ بنت خآلهآ ، إنسآنة فرفوشة و تحب الحيآة ، و هي ملح البيت ، دلوعة أمهآ وأبوهآ و عمهآ و خآلتهآ ، و تعتبر عآشة بنت خآلتهآ أقرب وحدة لهآ . . --------------------------------- نرد صوب الربشة و الشبآب ، وصلو للمكآن المطلوب بقيآدة الأفندي سعيد ، أول مآ نزلو بدآ يستهبل عليهم و يحشرهم و بدآ يتفنن باللغآت واللهجآت اللي يعرفهآ .. دخلو الشبآب والبنآت للستي ، وبمآ إن مآ شآء الله عددهم كبير ، فقرر الإستآذ سعيد يآخذ النص الأول اللي هم البنآت و يتحمل مسؤوليتهم و يآ حميد خطيب مريم ، وقآل للنص الـ2 اللي هم الشبآب : عندكم مجآل سآعة كآملة تحوطون و تخلصون أشغآلكم ، بعد السآعة مآ تخلص ألقآكم صآفين مجآبل السينمآ فآهمين يآ حلوين !! سعود : سعّووود و الله العظيم إن نحن مب يهآل ، بلآك مستخف اليوم بزيآدة ، شآرب شي ؟؟ مأكلينك شي بالغلط فبيت عموه !! علي : إلآ قول مضيع حمود من شهرين ، و مآ بقآله غير يومين و يرد ، عسب جي الأخ متحمس و رآد يستهبل علينآ .. فآطمة : صح كلآم علآوي ، ولآ أول إسبوع حمود سآفر فيه ، مآ كآن ينسمع لسعود حس ، تقولون مآنعينه من الرمسة سعيد : أووووووووووف رمست الحشرة ... و صد عنهم فآطمة : حشرة و لآ صرصور !! مريم ( بجدية ) : سعيد .. فآطمة ، ودرو اللعب عنكم شوي ، نحن يآيين نظهر ويآ حصة ، لآ تخلونهآ تآخذ فكرة عنكم و اتم فالبيت و مآ تظهر ويآكم مول ، لأن بصرآحة أشكآلكم تفششل من الخآطر .. مريم [ إخت سعيد ] : صدقهآ العروس ، سعيد فظحتنآ ، دآش ترمس مصري و تجلب هندي و مآ أدري حآشر الدنيآ عيب عليك والله عيب عليك ، لو مب ياي ويانا احسن شو ها اففف .. سعيد صد صوب حصة : أقول حصة تعآلي ويآي إنتي وخلهم هآيل يتفلسفون من الحين لي بآجر مآ عليج منهم حصة : ها ! لا لا خلهم ويانا كلنا بنسير ويا بعض احلا ، مب حلو جي ملل روحنا سعيد يطالعها : شو باكلج انا ! حصة قفطت : لا .. لا ما اقصد بس .. اقول خلنا نروح احسن سعيد : انزين بنروح بس خلهم يتاسفون ، شو يعني لو مب ياي ويانا احسن ! ، تبون تظهرون رواحكم بدون ريال ، اسف .. و سوا عمره زعلانة ومشى عنهم حصة : الحين لآ تظيعون الوقت ، و سعيد لآ تزعل ترآهم متحمسين حق الطلعة و يبون يعرفون شو نآوي تسوي ، و بالعكس مب فشلة اللي يسوي سعيد يوم إنه يرمس لغات و يظحكنآ ، ترآ عآدي هو ريآل و محد يروم يقوله شي ، عيل نحن البنآت يوم كنآ نظهر قبل شو كنآ نسوي !! سلطآن : جي شو كنتو تسوون ! حصة استحت ترد عليه فالبدآية لأن هو أول شخص يكلمهآ من بعد سعيد و مب متعودة عليه ، بس عقب حست إن عآدي و قآلت : انتو امشو و يوم بنيلس فمكآن بقوللكم شو كنآ نسوي ، أوك ! الكل ( بحمآس ) : أوك حصة : هههههههه متحمسين بزيآدة شكلكم ، صدت صوب مريم و قآلتهآ بهدوء : مريوم بآبآ عآدي عنده نظهر نحن البنآت و الشبآب ويآ بعض بدون لآ يكونون ويآنآ !! مريم : هي حبيبتي ، بس ليش السؤآل ؟ حصة : مآ أدري حسيت بشي غريب إن نحن روحنآ ال4 بنآت يآيين معآهم بدون ريآل ، ع الأقل البآقي إخوآنهم معآهم مريم باستهبآل : شو حميد مب تآرس عينج !! حصة : هههههه مآ أقصد شي ، بس مآ أدري حسيت إنهآ غريبة مريم : جوفي حصوص حبيبتي ، بآبآ مآ يرفض شي نحن نحبه و بعدين نحن فالعآيلة كلنآ إخوآن مب بس أهل ، يمكن إنتي توج أول يوم مآ بتحسين بهالشي ، بس عقب لمآ تعآشرينهم بتعرفينهم =) حصة : تدرين أنآ وآيد أحب طلعآت الأهل ، وأحب يكون عندي عيآل عم و عيآل خالة و جي ، و أظهر ويآهم ، بس قبل مآ كآن عندي عم و أهلي كلهم ف كويت و قطر .. مريم : حلييلج والله ، يلآ عآد استآنسي اليوم ، و ع فكرة ترآ كل خميس و يمعة شي طلعة جمآعية ع قولة رآشد حصة : هههههههه ، تدرين وآيد خذت رآحتي ، هآييل سآرو و نحن بعدنآ ههههههههه مريم : يلآ عيل سرينآ حصة : و ضآقت الدنيآ علينآ هههههههه مريم : هههههه حصوه بس كفآية الظحك اللي ظحكنآه ع سعيد ، بعد تبين تظحكيني ! حصة : هههه بس خلآص والله مآ فيه أحصل هزآب و أحصل طلب 2 و أتبهدل مريم : هي والله صدقج مآ فينآ هههههه سعيد كآن ورآهم و هم يسولفون و يحشون فيه ، و هم يتحرونه إنه جدآم مع البنآت ، تمت وآقف يسمع اللي يقولونه ، يوم طفر منهم قآللهم : خلصتو حش !! ، صدق مآ تنعطون ويه ، يلآ جدآمي بسررررعة ، مظهرنهم و يتفلسفون .. مريم و حصة أول شي زآغو بس عقب مآ سمعوه يتحرطم ردو ظحكو ، و هو صدددددق مفول منهم ، و قآل لحصة : والله يآ بنت خآلتي الشرهة مب عليج ، الشرهة علي أنآ اللي مسوي عمري ريآل و أبآ أظهرج و أونسج ، هآ يزآي !! هآ يزآي عقب كل اللي سويته ! ، هآ يزآي عقب مآ ضيعت عمري كله ويآج ، هآ يزآي !! ، و تم يمثل إنه يصيح ، وكالعآدة محد يقدر يتحمل استهبآله ، بس اللي صدق حست إنهم زودوهآ و عآدي ينهزبون كآنت عليآ ، وقفت مجآبل سعيد و قآلتله بكل هدوء : سعيد بليز عيب اللي تسونه ، والله من دخلنآ و انتو تظحكون ، نص سآعة ضيعنآهآ ع الظحك ، و تعرفني مآ أحب الحشرة ، بليز سعيد خل الظحك فالبيت و هني خلنآ جد شوي .. مشت عنه وردت صوب البنآت ، و سعيد حس إن زودهآ و قآللهآ : أفآ عليج علآية خلآص عشآنج بنخفف ظحك و مآ بنعيدهآ ، و صد صوب حصة ، جآن يقوللهآ : أيتهآ البرنسيسة حصة ، الفلم ينتظرك جآفته بنظرة حآدة ، وقآلته : شكراّ لك أيهآ الأمير ، هل يمكن أن تصمت لدقآئق و تنقلنآ للمكآن المطلوب بسلآم ! سعيد : مهلاً مهلاً ، إنكِ تجيدين اللغة الفصحى ، شي وآيد حلو رآشد من ورآ : سعيد والله والله والله ، وحلفت جآنك مآ ودرت عنك الهبل ، الحين أتصل فالدريولية يشلونآ تجدمت حمدة و قآلتله : شوف سعيد ، صح نحن نستآنس و نظحك ع الهبل ، بس والله عيب ، حصوه أول يوم ويآنآ و إنت وآيد مآخذ رآحتك عيب تآخذ عنك فكرة مب زينة من الحين صح ! ، إنك ثرثآر و لآ وآيد ترمس و حشرة ، ترآ والله و قبل لآ تكمل كلآمهآ ، سعيد عطآهآ ظهره و مشو لي بنك بيري و دخلهم و و يلسو ع الكرآسي ، و قآل لخليفة و علي يجوفون شو يبون البنآت ، فهالوقت ، وقف سعيد مجآبلهم و رمس : : أنآ آسف إذآ زودتهآ معآكم ، بس تعرفوني مآ أحب أجوف حد مضآيق و متكدر جدآمي ، مريوم إختي من أمس مضآيقة ، لآن هالصيف مآ بنسآفر ، و هآي أول مرة نطلع فيهآ مع حصة ، كل اللي بغيته إنهآ تآخذ علينآ و تستآنس معآنآ اليوم ، لأن أكيد هي مآ تعرفنآ و أكيد في إحسآس غريب فدآخلهآ عقب اللي صآر لهآ ، ترآ والله كل هالحشرة بس عشآن محد يضآيق و لآ يزعل و مب قصدي شي و أنآ صدق آسف ، سكت و نزل رآسه ومشى صوب البآب عسب يظهر منه ، بس سمع صوت حد ينآديه مآ عرف منو هالشخص بالظبط ، لكن اكتفى إنه يوقف و يسمع للي رآح ينقآله ... خلص البآرت و أحس إني صدق طولت فيه ، تتوقعون منو هالشخص اللي نآدى سعيد و مآ عرفه !! ، و شو يبآ منه ؟؟؟ ، شو موقف البنآت والشبآب لو ظهر سعيد و هو زعلآن !! ، أتريآ توقعآتكم و اتريووني =) |
اول شي..اشكرررررج من الصميم على هالبارت و كثري منها هاي لعيون بنت ذاك الامير اوكي..؟؟!:8: انا وياج هالمره البارت اطول وتسلم ايدينج..!:GIF_13.gif: واو طر هالادمي...(سعيد) :7bteeen:عيبتني شخصيته بس حليله زعلووه ما يسوى عليه جانه بيونسهم:walla: توقعاااتي~ توقعون منو هالشخص اللي نآدى سعيد و مآ عرفه !! حصووص اكيد..!.:fr7an_: ، و شو يبآ منه ؟؟؟ تبا تشكره ع اللي سواه وتقوله انها استانست وماخذت فكره و هييكاا :78650: ، شو موقف البنآت والشبآب لو ظهر سعيد و هو زعلآن !! تأنيب الضمير شي اكيد + حسوا انهم خلطوا في حقه:a050: مشكوره مرتن 2 ع هالبارت ويالله عاد بنترياج الين ما تنزلين الرابع ..ترا اذا تأخرتي تزيدين احداث البارت الرابع مفهووم:132:؟! هههه تقبلي الخطفه ..! :84: |
رواااية روعة روعة بمعنى الكلمة تتوقعون منو هالشخص اللي نآدى سعيد و مآ عرفه يمكن حصووو شو تبا منه أكيد تبا تناديه شو موقف البنآت والشبآب لو ظهر سعيد و هو زعلآن !! ، أتريآ توقعآتكم و اتريووني =) اكيد بيسووون شي عشان يرضووونه واترياااج ع ناااااار متى بيكوون البااارت:d-uae0(1)::d-uae0(1)::d-uae0(1)::d-uae0(1): |
البآرت بيكون السبت إن شاء الله اتريوني و بليز لا يقل حمآسكم |
السب ؟؟!!..... أوكي على انتظاااار وابشري حماااسنا ما ليقل بالعكس بيزييييييييد |
[align=right][/align]في انتضاااآااآاااآاارجججج اخيييتوووووو ع ناآاآاآر ان شاء الله بتشووووووفييين حماااااسنااااااااا في الباااارتاات الياااآآية[ وفداااآااعت الله ............:d-uae0(1):.......... |
البآرت الرآبع بعد شوي سوري لاني طولت بس صارتلي ظروف :") |
البارت 4 وقف سعيد و هو منزل راسه و مستحي و مضايق فنفس الوقت من اللي سواه ، كآن يتريآ حد يرمس أو يقول شي بس الكل سآكت و محد رمس ، في وحدة نشت من مكآنهآ و سآرت صوب سعيد ، الكل كآن مستغرب من اللي تسويه ، وكآن فيهم فظول مب طبيعي عسب يعرفون اللي بيستوي ، وقفت حصة جدآم سعيد و قآلتله : سعيد ارفع رآسك ، إنت مآ سويت شي غلط ، بالعكس أنآ وآيد استآنست ، و ظحكت من خآطري ، و الطبع اللي فيك وآيد حلو إنك مآ تحب تجوف حد متكدر و متضآيق ، و اللي سويته عشآن إختك أكبر دليل إنك تحبهآ ، و إذآ علي أنآ ، فكلآمك صح ، صدت صوب البآقين و نزلت رآسهآ ، وبدون لآ تحس دمعت عينهآ و قآلت : أنآ صح معآكم الحين و أظحك و أسولف عآدي ، مع إنكم مب متعودين علي و لآ أنآ متعودة عليكم ، بس في دآخلي شي وآيد كبير ، يمكن مآ تصدقوني إذآ قلت لكم أنآ كل يوم الفليل أروح لغرفة مريوم و أصيح عندهآ ، مب عشآن شي ، بس لأني خآيفة من اللي بيصير ، لأني خآيفة مآ تتقبلوني ومآ تحبوني ، و لأني أذكر كل لحظة قظيتهآ مع عآيلتي القبلية ، يمكن محد بيحس فيكم بهالإحسآس لأنه مآ بيجربه ، بس شي وآيد صعب ، مسحت دموعهآ و قآلت : ترآ اللي سوآه سعيد اليوم ، أنآ لآزم أشكره عليه وآيد ، أنآ مآ أعرفه و لآ أعرف حد منكم ، كل اللي أعرفهم أمي و أبويه و مريوم و فطآمي ، حتى علآية من أول مآ ييت البيت مآ رمستهآ ، حمدة اليوم خذت عليهآ و سعيد تعودت عليه لآن هو رمسني ، أمآ البآقين مآ أعرف شي عنكم ، سعيد ثآنكس وآيد لأنك ظحكتني و خليتني أنسى اللي أنآ فيه ، مآ بنسآلك هالمعروف ، سكتت شوي وقتالت : الحين يلآ بسرعة كل وآحد يخلص أكله و عالمسيد نصلي المغرب و عقب ع السينمآ ، لأن مآ بقى غير 10 دقآيق و الفلم اللي حآجزلنآ إيآه سعيد بيبدآ .. الكل انصدم من حصة ، كيف قدرت تقول هالكلآم في دقيقة و جدآمهم و ترد تغير الموضوع و ترد طبيعية ولآ صآر شي !! ، إنسآنة غريبة فعلاً .. صدت صوب سعيد و قآلتله : إذآ فيك خير صيحني مرة 2 ، انزين ! ظحك سعيد عليهآ و قآل لهآ : أفآ عليج حصوه ، مآ عآش اللي بيصيحج يآ بنت خآلتي إنتهى الحوآر بينهم بهالجملة ، ردت حصة صوب البنآت و خلصو الآيس كريم ، و توجهو للسينمآ ، دشو فلم كآن حآجزنه سعيد لهم و ع قولته [ اللي مآ بيعيبه الفلم معنآته مآ عنده ذوق ، لأن ذوقي الكل يعيبه ] يآ ربيييه أنآ من هالإنسآن ، أبببببببداً مب صآحي --------------------- فالوقت هذآ ، كآنو 2 برع البلآد و المفروض يردون عقب يومين ، لكنهم حبو يفآجؤون الأهل و يردون فهاليوم ، اللي هو [ الخميس ] . . أحمد و محمد إخوآن حصة اللي لي الحين مآ شآفتهم ، و لآ تدري عنهم ، فالمقآبل هم مآ يدرون عنهآ و لآ عن الموضوع من الأسآس ، وصلو للبيت بدون لآ يخبرون حد إنهم فالبلآد ، دخلو البيت شآفو السيآيير تآرسة الحوش ، معنآته الأهل عندهم ، دخلو الفلة و توجهو لمصدر صوت الكبآرية اللي كآن فالصآلة الدآخلية أحمد : هود هود و دخلو الصآلة أحمد و محمد آمنة : بسم الله الرحمن الرحيم ، من ويت ييتو إنتو !! محمد : أفآ يآ أم أحمد أفآ ، بدآل لآ ترحب فينآ و تآخذنآ فأحظآنهآ تقول من وين ييتو ، و يآلسة تسمي جنهآ جآيفة ينآنوة آحمد : حمود صخ عيب عليك ، أمآية نحن يآيين من المطآر ، بغينآ نفآجئكم و إني بدون لآ حد يدري محمد : آحم آحممم ، من أفكآري طبعاً آحمد (و هو يحب رآس أبوه ) : اسمحلنآ الغآلي مآ بلغنآك ، بس مآ بغينآ نتعبكم و تونآ المطآر وحآلة عبدالله : أفآ والله أفآ ، و قبل لآ يكمل قطع عليه محمد و قآل : طآع طآع طآع ، أونه يقلدني اليدة فآطمة : حمود إنت مآ تيوز عن سوآلفك !! ، حششة مآ خليت أبوك يكمل كلآمه عبدالله : خآلوه خليه هآ مآ يوز عن سوآلفه مآ أدري ع منو ظآهر !! محمد : ظآهر عليك أبويه ، عليك ، مب يقولون [ هذآ الشبل من ذآك الأسد ] كح كح ، و أنآ أقول [ هذآ المحمد من ذآك العبدالله ] الكل ظحك ع محمد و سوآلفه نسخة من ولد خآلته سعيد فسوآلفه و حركآته ، يلسو ويآ الكبآرية شوي ، و عقب رآحو يريحون عن تعب السفر و الرحلة الطويلة ----------------- ظهرو من السينمآ و كل وآحد يتمدح فالفلم من الخآطر ، و سعيد ذل أخلآقهم من كثر مآ يعيد هالجملة : قلتلكم أنآ قلتلكم بس إنتو مآ تسمعون الرمسة ، ذوقي هآ محد يروم له . . و قرب أذآن العشآ ، توجهو للمسيد وصلو ، و يآ وقت الأكل يآ هالأكل اللي بيبهدلهم الحينة . . في ركن المطآعم بالتحديد عند مآك وآقف سعيد و معآه حميد عسب يطلبون حق البآقين الوجبآت ، و كآنت الطلبية [ 18 وجبة مآك جكن سبآيسي الحجم ميديآم بدون جبن ] و اتفقو سعيد يطلب 9 و حميد 9 ، صوب سعيد الموضوع وآيد مرح بالنسبة له ، يآلس يستهبل ع الفلبينية و يقلد رمستهم . . hello Sir Good evening : --- Hi , I want to order 9: سعيد [ مآق جقن سبآيزي ، وذ آوت جييز ] أوق مدآم ! okay your order is 9 ma8 ch8n spicy without Cheese Right ?: --- Right : سعيد Any thing sir ??:--- No Thanx : سعيد Totallyone Hundred beebtii6ree Sir : --- سعيد : إن شآء الله عمتي ، بنعطيج 100 و بيبتي طري ، والله إنكم خربتو اللغة ههههه What You Say Sir ?: --- Nothing : سعيد Thanks sir come A8ine: --- خذو سعيد و حميد الوجبات ، و عطوهم وكل وآحد انشغل بالأكل و السوآلف مع ال2 ، مرة وحدة قآلت لهم حصة : لحظظظظة نسيت شي ، أنآ قلتلكم بقوللكم شو كنآ نسوي يوم نظهر نحن البنآت صح !! الكل : صح حصة : تبون تعرفون ! فآطمة : أكييد ، يلآ قولي حصة : الله يسلمكم قبل سنتين تقريباً ، يوم كآن عمري 15 اشتركت فنآدي صيفي ويآ ربيعآتي ، و يوم من الأيآم قآطعهآ خليفة : شو قصة هي !! سعود : إنت جب ، خلهآ تكمل سلطآن : كملي كملي حصة : ههههه إنزين بلآكم متحمسين جي والله بقول ، يومهآ الله يسلمكم كآن عندنآ رحلة لدبي مول و طبعاً نحن شلتنآ مآ نفآرق بعض ، من يوم ثآمن و أنآ و فطوم و عليوه ويآ بعض ، و فهالرحلة كآنت معآنآ مريوم و المشرفة و جوجو إختي اللي كنت فبيتهم يعني ، المهم ودونآ سيقآ ، و من لعبة لي لعبة ، في لعبة تمينآ عندهآ نتريآ لي اللي فيهآ يظهرون ، و كنآ تعبآنين ، بغينآ نيلس ، المشرفة سبقتنآ و تربعت ويلست ع الآرض و نحن ورآهآ ، يلسنآ ع الآرض و تمينآ نسولف ، جآن ايينآ السكيوريتي ، أونه إتس بآد فور يور بدي ، و الأرض بآردة مب زين تيلسون عليهآ ، و نحن طآف ، نسولف و نتصور و حآلة ، و اللي سآير و اللي رآد يجوفونهآ و يظحكون ونحن الحيآة حلوة ، شو يعني يلسنآ ع الأرض سوينآ شي غلط !! فآطمة : انتي من صجج ! حصة : والله ههههههه ، أحيد يومهآ كنآ وآيد مرتبشين يوم سرنآ نتغدآ علآية ربيعتي مآ قصرت تمت ترمس مصري ، أحيد ع ذيج الفترة وآيد كنآ نستهبل و حآلة ، و هي صدق يوم ترمس مصري جنهآ مصرية ، مرآت كنآ نشك إن فيهآ عرج حتى ، عآد هي تمت ترمس مصري و تقول أشيآ تظحك و نحن نظحك و نظحك ونظحك بطريقة مآ تتخيلونهآ ، يعني أخس من لمآ سعيد كآن يظحكنآ ، وأنآ كنت أشرب كولآ و من الظحك الزآيد مآ أدري شو صآرلي و شرقت و استوت حركة تلووووووووع بالجبد ، الله لآ يراويكم ، و هني صدق تمينآ نظحك بزيآدة و النآس يطآلعون ونحن طآآآآآآآآآآآآآف والله أيآم كآنت ، يآريتهآ لو ترد ..... و مرة وحدة ردت حصة تظحك : تدرون دوم كآنت تقول جملة ، تموتني من الظحك ، لمآ كآنت تشوف شي ، أونه [ اي ده نحن معندنآش حآجة كده فمصر ، بسم الله مآ شآء الله ، في دبي عندكو حآجآت مش معأولة ] هههههههههه و الكل تمت يظحك ع سوآلف حصة و ربيعآتهآ . . و تمت تكمل سوآلفهآ بشوق وحمآس و هم يسمعونهآ و مندمجين من الخآطر ، يمكن لآن أول مرة يشوفونهآ تظحك بهالطريقة ، أو لأنهم بغو يعرفون حصة كيف ع طبيعتهآ .. خلصو عشآهم و تحوطو شويه و ردو لبيت عبدالله [ بو أحمد ] ، و قآلولهم عن سوآلفهم و اللي سووه فأول طلعة مع حصة ، و حصة بدون شك كآنت حددددددهآ مستآنسة من هاليوم ، كلن رد لبيته و اتجه لغرفته ، عسب ينآم و هو متشوق للأيآم اليآية ، اللي رآح يقضيهآ معآهم حصة ...... -------------------------------- في نفس اليوم ، السآعة 12 ونص الفليل ، نقدر نقول إن في غرفة من الغرف عندهم اجتمآع مغغغغغغلق ، و المسؤولة عن هالإجتمآع هي . . . فآطمة ، بمآ إن أخوهآ و حبيب قلبهآ محمد رآد من السفر ، و مب مخبرنهم ، فشي طبيعي بتسوي حفلة ، و بتحشر الدنيآ عليه ، و بتهديله بآقآت الحب و الشوق .. ظحكآتهم وآصلة لآخر الممر ، و أصوآتهم كل مآ تعلى ، و محد منزعج من الموضوع ، إلآ عليآ ، اللي مآ تحب الحشرة و تعششق الهدووء ، انفتح البآب ، و ظهرت منه إنسآنة على ويهآ بآين الإزعآج و شكلهآ نآوية ع نية شينة ، ترتيب الموجودين في قآعة الاجتمآعآت كالتآلي : محمد منسدح ع فرآش فآطمة ، و فآطمة حذآله تلعب فشعره ، و مريم ع الغنفة اللي ع صوب تجوفهم و تسولف معآهم ... عليآ : فطوووووووووووووم ، مآ تعرفين تخفين صوتج !!! ، مآ تعرفين ترمسين بهدوء ؟ ، مب قآدرة أقرى الكتآب اللي فايدي من يومين من حشرتج ، بس عآد مآ أتحمل هالحشرة و الظحك ، افهمي إن في إنسآنة تشآركج فالقسم ، مب حقج وخلآص ، وإنت إستآذ محمد شو يآيبنك هالوقت حجرتهآ ! ، وانتي يالعروس مب قآيليج مآ تصعدين فوق الفليل و تودرين هآييج تحت !! ، أوووووووف منكم يآ ربي الكل منصدم منهآ ، دشت الحجرة و تمت ترمس و ترمس و ترمس ، يمكن هآي أول مرة ترمس عليآ هالكثر ، جآفهآ محمد و فخآطره صدق مستغرب ، عدل نش من ع الشبرية و عدل يلسته و قآللهآ : خلصتي اللي عندج علآية !! ، في شي بعد تبين تقولينه ؟؟ ، أنآ قلت الحين بتستقبلني نفس فطوم ، بتين تحظنيني و تقوليلي الحمدلله ع السلآمة تولهت ع شوفتك ، مب يآية تصرخين علينآ و تظهرين حرتج فينآ !! عليآ توهآ تستوعب إن أخوهآ كآن مسآفر ، و توهآ تستوعب إن اللي سوته قبل شوي شي وآيد غلط يكون فشخصيتهآ ، قربت منه و سلمت عليه ، وقآلتله : آسسفة لأني مآ انتبهت بس روحي متوترة و أصوآتكم وآيد عآلية ، مآ عرفت شو اللي يآلسة أقوله ، ع العموم الحمدلله ع السلآمة و نورت البيت =) ... محمد : الله يسلمج بس لآ تعيدينهآ ، و بعدين ويآ ويهج أول مرة تسوينهآ و تدشين بدون لآ تدقين البآب شو يعني لهالدرجة العصبية تنسيج الأدب ؟؟ فآطمة : حمود فكنآ دخيلك ، لآ تستوي شرآت أحمدوه يعطينآ محآظرآت صبح و مسآ . . مريم : فطوم عيب عليج المهم كملو سوآلفكم روحكم أنآ بنزل ، مآ فيه أحصل هزآب من أبويه يلآ تصبحون على خير .. محمد : ويت ويت ، على وين !! النآس صيف و مآشي دوآمآت ، و هزآب شو اللي تحصلينه ؟؟ فآطمة : جي مآ تدري ؟؟ مريوم تحرس البيت عن يدشونه حرآمية ، تعرف هالأيآم يمدحون جرآيم القتل و السرقآت هههههههه محمد : بسج سخآفة إنتي الثآنية متآثرة بسعّود وآيد شكلج مريم : إنتو شكلكم مآ بتخلصون يلآ بآي .. و نزلت مريم و على طول اتجهت لغرفتهآ ، عسب تنآم وتنش الصبح تسآعد أمهآ ع الغدآ ، لأن الكل بيكون فبيتهم محمد : بلآهآ هآي !! ، صدق شو ورآهآ ، مستوي شي وأنآ محد ؟؟ فآطمة : مب شي إلآ أشيآء إنت الصآج . . عليآ : فطوم كملي بهدوء دخيلج و لآ تنفعلين بزيآدة ، أنآ سآيرة أكمل الكتآب و أرقد ورآي نشة الصبح ، نشت من مكآنهآ و ظهرت من الغرفة ، شوي و فتحت الباب ، نسيت أقوللكم تصبحون على خير .. محمد : خوآتج فيهم شي صح ! ، مآ علينآ ، شو الأشيآ اللي أنآ مآ أدري عنهآ ؟! فآطمة : بقولك بس بشرط محمد : لآ تذلينآ يآخي ، من الحين كل اللي تبينه بيصير ، مآ فيه ع حشرتج أنآ فآطمة ( وتسوي عمرهآ مظلومة ) : حرآم عليك ظلمتني ، والله مآ كنت أبآ أطلب شي ، بس كنت بقولك ، قبل لآ أقولك عن اللي صآر ، بسآلك عن كمن شي و أبآك تجآوبني بصرآحة . . محمد : ويي فدييت إختي أنآ ، أول مرة مآ تبآ تفلسني ، قولي إنزين وأنآ بجآوب ، بس خلصيني ورآية رقآد . . فآطمة : روح زييييين ، أونه ورآية رقآد ، أصلا من تسمع السآلفة الرقآد بيطير من عينك .. محمد : فطوم خلصيني ، ذبحتيني مب سآلفة بتقولينهآ .. كتتتت ، خلص البآرت الرآبع ، شو الموضوع اللي تتوقعون فآطمة بتقوله لمحمد ! هل يمكن موضوع حصة ؟ و لآ مستوي شي 2 ونحن مآ ندري عنه ، و شو بتكون ردة فعل أحمد و محمد إذآ درو عن حصة ، اتريوني فالبآرت الخآمس .. |
البااااااااارت واااااو حبوبة مممكنن اطوليننن البااااارت اشووووي بث شوووييي ع العموووم حبيتتت شخصية حصووص شكلهاا كانت دفشه ايااام العدادية شراتنااااا يوم كنااا في العدادية ومازلناااا ع دفاشه اووو وعلى سالفة فطوووم فظولييه اكيييد بيكوون عن حصصووو اوو شيخصيتهاااا اوو اسلوبهااا او سالفة بعدهاااا ما ظهرررت ودر فعععععل احمممممد ومحمممممممممد أكييد اول شششي بينصدموووون كيييف ومتىىىى وشوووو سالفة آونههههههههههـ وعقبببببب بيتقبلووونهاااااا اتمنىىىى ان يتقبلونهااا ويأخذون راحتهههممم ويااهااااا اصلاً مردهمممممم بتقبلونهاااا ههه صححح ان البااارت قصييييير بس حلوووووو اتمنى اتمنى اطوليناااا او تسوين مسافات لأنة نفسيتي تنسسد لأمااا اشوووف كل كلماات متراصاات جنه تعبييير سوي سطر هيه وسطر لا يكوون أفضل وبنحسسه طويلللل وهيييه صححححح متى الباااارت الياااي و اترقبببجججج ححبوووووووبة ع ناااااااااااااااار |
اقتباس:
احس م اقدر أطول أكثر عني جي لظروف صحية :( -> عيني ما تتحمل إضاءه الأجزة لأكثر من ساعتين فاليوم فما اقدر أيلس وأطول فالكتابه اكثر بس ان شاء الله بحاول والبارت بيكون الخميس ان شاء الله |
الصراحة روايتج طر بمعنى الكلمه نتريا البارت الياي |
الرووووااااااية وووايد ححلوة ... ونترياااااااج |
ما شاء الله عليج مبدعه و استمري في هالابداع .... و نترياج غلاايه |
الحبوبة اليووووم خمييسسس وين البااااااارت |
اسمحولي تأخرت عليكم ، بس صارلي يومين محمومة و حرارتي وايد مرتفعه وما رمت أنزل شي بصراحة :'( ان خفيت ورمت أنزل البارتات اليوم كان بها و ان ما رمت اتريووني باجر و اسفة وايد ع التاخير |
البآرت [ 5 ] فآطمة : أنزين بخلصك ، بس تجآوب عدل بدون مآ ترد علي بسؤآل ، اتفقنآ ! محمد ( وهو نآش من مكآنه ) : شكلج بتسهريني ع سآلفة سخيفة ، أنآ سآير بآي فآطمة : ويت ويت ويت ، والله مآ تسير حلفت ، برمس والله برمس و مشت ورآه سحبته من قميصه و فرته ع الشبرية ، و يآبت نظآرتهآ الشمسية و حطتهآ ع رآسهآ ، و بدت تسأله : السؤآل الأول : إنت كم عمرك ! محمد : المحقق كونآن عندي مب فطوم هههه ، عمري الله يسلمج ، يقولون انه 21 فآطمة : انزين .. الثآني : عقبك إنته مريوم صح ! محمد : والله صح .. فآطمة : انزين مآمآ منو يآبت عقب مريوم ! محمد : عن الهبل علآية بعد منو !؟ فآطمة : يعني مآفي حد قبل علآية ! محمد : هو في و مآ في ، بس ليش هالسؤآل !؟ فآطمة : حمووووووووود نحن على شو اتفقنآ ! ، لآ ترد علي بسؤآل ، إنزين شو هو اللي في و مآ في ! ، يعني مآمآ يآبت بنت و من كملت إسبوعين توفت و سموهآ حصة ، و يدوه الله يرحمهآ وآيد تظآيقت صح ! محمد : صح ، بس إنتي منو قآلج كل هآ !؟ فآطمة : مب مهم منو قآلي ، بس نحن عندنآ إخت اسمهآ حصة ، و المهم إنهآ مآ مآتت ، و الأهم إنهآ عآيشة ويآنآ من إسبوع ، و انتو مآ تدرون عن شي أبد . . . محمد ( بصدمة قوية ) : فطووم ، انتي شو تقولين !! صآحية ؟ شآربة شي ! ، مآكلة شي بالغلط ؟؟ ، ظآربة رآسج فشي و فيوزآتج ظربت !! ، عن الاستهبآل الزآيد ، كيف تقولين إنهآ عآيشة ويآكم من إسبوع ، و إنهآ مآ مآتت ! فآطمة : شوف حمود أنآ بقولك السآلفة كلهآ ، بس لآ تتهور و تقول إني جذآبة ، لو مب مصدق انزل تحت و جوف الحجرة اللي حذآل حجرة مريوم منو فيهآ ، عقب بتصدق إن كلآمي صح ومب يآلسة أخرط و قآلتله فآطمة السآلفة من أول يوم دشت فيه حصة هالبيت مع أبوهآ ، لي السآعة اللي محمد يآلس فيهآ معآهم و هي فنفس البيت و هو مآ يدري .. محمد حس الدنيآ تدور فيه ، معقولة بعد 17 سنة تظهر إخته عآيشة !! ، ووين ! فنفس المنطقة اللي هم فيهآ ، و بنفس الاسم ، شي وآيد غريب بصرآحة ... فآطمة : و هآي السآلفة كلهآ ، عقب قول فطوم سهرتني ومآ أدري شو ، أصلا مآ بييك رقآد من التفكير ، بس جآن تبآ ترتآح روح تحت ، أكيد بتحصلهآ تصلي أو تقرى قرآن ، من أول مآ يت هآي عآدتهآ ، ترقد و تنش ع الوحدة ونص تصلي وترد ترقد ، تعرف أبآ أستوي نفسهآ ، شكلي بقوللهآ توعيني كل يوم ويآهآ .. محمد : فطوم إنتي رقدي و بسج سهر ، أنآ بنزل ، خآطري أشوفهآ و أعرف كيف شكلهآ ، حتى لو رآقدة بس أبآ أشوفهآ ، أبآ أتآكد إن اللي قلتيه صح ، و إني صآحي من يآلس أحلم .. فآطمة ( وهي تتلحف ) : سير ، والله يخليك يوم بتظهر بند الليت و البآب ويآك ، يلآ تصبح على خير .. ----------------------------- فالوقت اللي فآطمة كآنت تسولف مع محمد و تقوله عن اللي صآر ، في وحدة يآلسة فحجرتهآ مع أمهآ وأبوهآ ، تقوللهم عن اللي استوآلهآ فهاليوم ، و كيف أنهآ حبت أهلهآ و حست عمرهآ قريبة منهم ، كآنت يآلسة فحظن أمهآ ، و أمهآ تمسح ع رآسهآ بحنآن ، و ابتسآمتهآ مآ كآنت تفآرقهآ ، لي مآ يآهآ سؤآل من أبوهآ ، خلآهآ ترتبك شوي .. عبدالله : إلآ أقول حصة ، شو رآيج فسعيد !! حصة ( باستغرآب ) : سعيد !! عبدالله : هي ولد خآلتج شو نسيتيه ! حصة : ههه لآ مآ نسيته وأنآ أقدر أنسآه أصلاً ! ، بس كيف يعني شو رآيي فيه ؟ شخصيته يعني ! عبدالله : لآ ، بشكل عآم شو رآيج فيه ! حصة : عآدي إنسآن مرح و يحب الظحك ، و مرآت أحسه أهبل هههههه ، و أحب أجوفه هو و فطوم يتنآقرون ، أشكآلهم وآيد تظحك ، و خآصةً جدآم النآس ، يسوولنآ فظيحة ههههه ، بس وآيد حبيت شخصيته و اللي سوآه اليوم عشآن إخته . . عبدالله : زين زين ، يلآ رقدي إنتي الوقت تآخر ، بآجر ورآج نشة ، لأن كلهم بيونآ آمنة : إلآ قول ورآهآ صدعة رآس ، فطوم وسعيد مآ بيخلونهآ فحآلهآ حصة : عآدي أمآيه ، بالعكس ونآسة ، يسوولنآ جو هههههههههههههه عبدالله و هو نآش من ع شبريتهآ و معآه آمنة : يلآ بآبآ حبيبتي نآمي و ريحي ، و لآ تفكرين فشي حصة : إن شآء الله .. و حبت رآس أمهآ و أبوهآ و قبل لآ يظهرون قآلت لهم : تصبحون على خير ردو عليهآ : و إنتي من أهله .. حصة ترمس بطريقة طفولية : أمي ..أبويه عآدي أحلم فيكم !! تمو يظحكون عليهآ و ع السؤآل اللي سألته إيآهم ، و من عقب مآ ظهرو نشت تتوضى و تصلي الوتر .. بعد مآ خلصت صلآتهآ ، و لمت سيآدتهآ و قرتلهآ كم آية ، وقفت جدآم المنظرة و فتحت شعرهآ و تمت تسحيه ، و شوي وتسمع صوت البآب طق طق طق حصة : مريومة تعآلي مآ في حد .. اللي كآن وآقف برع ، كآن محمد و من سمع صوتهآ ارتآح ، و تآكد إن كلآم فآطمة صحيح و مآ فيه لعب شرآت دوم محمد : أنآ مب مريم .. استغربت حصة من الصوت ، أول مرة تسمعه ، ومنو ممكن يكون يآيلهآ هالوقت !! حصة : لحظة شوي بس ، بلبس شيلتي .. محمد وهو دآش الغرفة : مآ يحتآي أنآ محمد أخوج .. حصة من شآفته تذكرت كل اللي كآنو يقولون عنه فنفس اليوم .. ’, ’, ’, فآطمة : والله كششخة لو حمود كآن هني جآن قلتله يوديني السينمآ . . ) مريم : زين سوآ يوم سآفر ويآ أحمد ع الأقل يغير جو مب يجآبل طلعآتج . . حمدة : لآ حرآم ، محمد روحه كآن يقول تعآلو بوديكم و كآن يظهرنآ و يسويلنآ اللي نبآه بس بشرط نخليه يمر البر ، يآ حبه للبر ، أبآ أفهم شو الحلو فييه !!! -------------------------- حصة : انزين متى عرس مريوم و متى يوم ميلادج حمدة !! الكل انصدم ، أول مرة يسمعونهآ ترمس و تدخل فالنقآش معآهم ، ردت عليهآ حمدوه بسرعة : مريوم بيكون عرسهآ شهر 9 تآريخ 15 أظن ، وأنآ و حمد أخويه يوم ميلآدنآ 2-9 ، وحمود ولد خآلوه عقبي أنا وحمد ب4 أيام . . حصة : صددددددق حمدة : هي ، بلآج مستغربة ؟ حصة : هههه يوم ميلآد محمد اللي تقولون عنه ، يوم ميلآدي ، أنآ منولده ف6-9 ، يعني انتي قبلي بـ4 أيآم . . فآطمة : الله كشخة ، عيل بنسوي حفلة حق أربعتكم ، بس قبل العرس عسب مريوم مآ تزعل .. حمدة : صح فكرة حلوة ، و حمود بيستآنس إذآ عرف إن حصة يوم ميلآدهآ نفسه .. حصة : لحظة أنآ وآيد أسمعكم ترمسون عن اللي اسمه محمد وحتى عن حمد ، منو هآييل ! فآطمة : احلفي إنتي مآ تعرفينهم !!! حصة : والله ، أنآ توني من إسبوع عندكم مآ لحقت أعرف حد ! حمدة : الله يسلمج محمد هذآ أخوج ، هو الحين مسآفر مع أحمد ، و عقب يومين بيردون ، و القطو ع قولة فطوم ، أو حمد هذآ أخوي و توآمي ، بس حليله وآيد يحطون عليه . . حصة : أيواا ، يعني أنآ عندي إخوان !! ، أنآ توقعت بس نحن 4 بنآت مآ شي أولآد فالبيت ، و محد يآب لي طآري ، بس ( الحين عندي مشكلة ، مآ بفرق بينهم إذآ كلهم أسآميهم متقآربة صعب أحفظ .. ’, ’, ’, مر هالحوآر فبآلهآ مثل سرعة البرق ، و مآ حست بعمرهآ إلآ وهي يآلسة ع الغنفة و تجوفه و تقوله : إنت محمد أخوي اللي ولدت في شهر 9 تآريخ 6 و إنت اللي تحب البر و حمدوه بنت عمي طفرآنة منك و إنت ربيع سعيد صح !! استغرب محمد منهآ ، كيف تعرف هالأشيآ !! ، مسرع مآ قآلولهآ عني ، ابتسم لهآ ، و يلس مجآبلهآ و قآللهآ : صح ، وإنتي حصة و عمرج 17 ، سِمية يدوه اللي يرحمهآ ، و اللي ييتي هني من إسبوع صح ! حصة : صح هههههه ، حمدة قآلت بترد عقب يومين ، و نحن تونآ دآشين فاليوم الأول ، مآ مدآنآ نوصل اليوم الثآني ، متى ييت ! محمد : شو يعني أرد أسآفر و أردلكم السبت ! حصة : هههه لآ والله مآ أقصد جي ، بس ييتو من وقت ، ع العموم الحمدلله ع السلآمة .. محمد : الله يسلمج . . و سكت حصة كآن فيهآ فظول ، كيف محمد عرف إنهآ موجودة ومتى يآ و ليش يآهآ هالوقت ، فحبت تقطع الصمت و ترمس و قآلتله : آمممم انزين حمود إنت منو خبرك عني ! محمد : هههههه مسرع مآ استويت حمود ، خلآص عيل إنتي حصوه ، مآ يخصني محد قآلج تقوليلي حمود ، واللي خبرني بصرآحة .. فطوم ، كنآ فوق نسولف و يت عليوه هالمعقدة تقول مسوين حشرة و حآلة و قآلت حق مريوم إنهآ تنزل لأن قآيليهآ مآ تصعد فوق ومآ أدري شو .. ، مب مهم هآ كله ، المهم إن إنتي من اليوم وسآير إختي و دلوعتي ، فطوم بتستوي مآل أول عقب أسميهآ بتنقهر . نيهاهاهاها حصة : هههههههه ترآك شرآت سعيد ، ترمس عن مليون موضوع فدقيقة وحدة ، ترآ أنآ جي كنت بعد ، المهم زين تسوي يوم تنآديني حصوه ، لأني مآ أحب حد يقولي حصة ، و زين سوت فطوم يوم قآلتلك عسب مآ تنصدم عقب يوم بتشوفني بين النآس ومآ تعرفني ، عن تتحرآني حرمة أبوك ، مثل مآ تحرت حمدوه قبل لآ تعرفني ، و حرآم عليك لآ تقول عن علآية معقدة ، هي بس مآ ترمس وآيد ، يعني هآدية مآ يبآله تقوللهآ معقدة ، و إذآ عقولتك بكون دلوعتك ، فإنت وآيد استعيلت ، يمكن مآ تحبني و مآ تتقبلني .. محمد : خلصنآ المليون موضوع مآلنآ فهالدقيقة ، بس لآ تيبيلي طآري حمدوه مرة 2 ، مصيبة هالبنت ههههه ، و مب بكيفج مآ أحبج ومآ أتقبلج ، إنتي إختي اللي كنت أغآر منهآ يوم انولدت ، وأوني زعلآن من أمآية و أقوللهآ جي مآ يبتيلي ولد أصغر عني ههههههه ، من صغرج و أنآ أغآر منج ، الله يعين الحينه حصة : لآ تخآف محد يغآر مني أنآ .. وتمو حصة ومحمد يسولفون و يسولفون و يسولفون ، وآيد ارتآحو لبعض ، و مآ حسو بالوقت و إنه يآلس يمر بسرعة ، لي مآ سمعو صوت المؤذن يأذن لصلآة الفير ، محمد قآم ورآح المسيد و حصة صلت و وعت خوآتهآ و رقدت و حطت المنبة ع ال9 ونص عسب تنش و تسآعد أمهآ و خوآتهآ ... يوم الجمعة يوم يديد على شخصياتنا .. نشت حصة على صوت المنبه ، نشت عدلت فرآشهآ ، و فتحت الستآرة عسب تدخل النور للحجرة ، و بدلت ثيآبهآ وظهرت عسب تساعد امها و خواتها لأن اليوم الكل بيتيمع في بيتهم ، ظهرت من الحجرة جافت فطوم في ويها ، و شكلهآ كآنت معصبة ، الله يستر من اللي صآير . . فاطمة : صباح الخير حصوصي حصة: صباح النور حيآتي فاطمة كانت اتقول وهي مضايجة : توني كنت ياية اخرب رقادج مثل مآ خربولي إيآه ، بس ظهرتي أحسن عني و نشيتي روحج حصة كتمت ضحكتها قبل لا تفلعها اختها لآن صدق شكلهآ مفولة : لا دخيلج انا بروحي نشيت ، و المنبه مآقصر طير النوم من عيني ، مع إن فيه رقآآآآآآآآآآد ، أحس سنة مب رآقدة ، بس كله من حمود الله يسآمحه ، تم يرمسني و أرمسه و يرمسني و أرمسه و مآ حسينآ إلآ و الفير ظآهر علينآ ، صلينآ و رقدنآ فاطمة : عآشو عآشو من لقى أحبآبه نسى أخوآنه ، برآويه هالحمود أنآ ، ودرني و يآج مآ عليه مآ عليه ، المهم تعالي نتريق حصة : هههه حرآم عليج ، فطوم لآ تستوين غيورة ، حرآم عليج والله ، أول مرة يشوفني و يرمسني ، إنتي طول اليوم ويآج ، حرآم يتم معآي كم سآعة ! ، بس مآ عليه بمشيهآ لج و خلنآ نتريق أحسن ، ترآ عصآفير بطني تصآوي من الخآطر .. توجهو لغرفة طعام والي كان متواجد فيهآ : الأبو والأم و مريم وعليا .. دخلت حصة : السلآم عليكم ، صبآح الخير ، وحبت رآس أمهآ و أبوهآ ، ويلست عند مريم الكل : و عليكم السلآم ، صبآح النور عبدالله : فطيم تعلمي من إختج ، دشت سلمت و صبحت علينآ ، مب إنتي دآشة علينآ جنج دآشة حرب ، يآلسة و مكشرة حصة : بآبآ مآ عليه خلهآ أنآ قلت بدآلهآ ، شو مآ يكفي ! الأم والأبو كآنو مستغربين من فاطمة انها ناشة من وقت ، غريبة .. مب من عوآيدهآ، بس سكتو عنهآ و ما قالو شي لأن صدق كآنت محرجة و نفسيتهآ دآآآآآآآآآآآآآون دخل عليهم محمد محمد: صبااح الخير يا عيآل عبدالله ، وصبآح الخير عبود ، و صبحج الله بالخير آمون الكل : صبااح النوور و سار حب راس أمه و أبوه ويلس حذآل حصة ومريم ، و مجآبل عليآ و فآطمة عبدالله : أنآ عبود بمشيهآ لك ، بس أمك آمنة لو سمحت ، مآ أسمحلك تدلعهآ محمد : أونه بعد الشيبة مآ يرضى آمنة : حمود يوز ، ترآ والله بتنظرب ، و أظن عيب ريآل شكبرك تنظرب محمد : أفآ والله .. اليوم العآيلة كلهآ قآيمة عليه ، والله مآ في حد بيمشي الموضوع معآي غير حصوه فديت روحهآ عبدالله : محمد كل وانت سآكت محمد : إن شآء الله طآل عمرك و بدآ يحط له شوي من الريوق ، و صب لعمره كوب حليب ، و جآفو صخة ، قآل بيلعوز حد ، و تم يطالع ويوهم و فجآة تم يطآلع فآطمة و هو مستغرب و قآل : له له له ، انا في حلم ولا علم ؟! ، فاطمة بنت عبدالله ناشة هالحزة !؟! ، يآ ربآآآآآآآآآه معجزة .. مريم ابتسمت بخبث ويودت ضحكتها و فطووم اطالعها بنظرة . . ’, ’, ’, دخلت مريوم حجرة فطووم وهي راقدة ، مشت شوي شوي في غرفتها و سكرت عنهآ المكيف و فتحت الدريشة وكان الجوو صدق حر ، لأنهم فالصيف ، سارت عند فطووم و مطت عنهآ اللحاف . . و صرخت : يلااا نشي بسج رقااد ، فطوم نشي ، فطووووووووووووووووووووم و علة ، محمد من الصبح يتريآج تنشين عسب يظهرج ، نشي ، فطوم نشي قلتلج نششششششششي ..و فاطمة مب طآيعة تنش ، مريوم عيزت من كثر ما تقومها و هي مب طآيعة تنش ، آخر شي يآبتلهآ كوب مآي بآرد ، و تمت ترش عليهآ بالقطآرة و فآطمة [ لآ حيآة لمن تنآدي ] ، آخر شي مريم قربت من ويهآ و صبت الكوب كله عليهآ ، مآ كآن فيه إلآ شوي ، لكن المآي بآرد و الرقآد شحلآته لآزم بتكون ردة فعل فآطمة جي [ فطوم المسكينة نقزت من برودة الماي و صرخت صرخة تعور الراس ] وقآلت : يالددددددددددددبة ، والله لآ أخبر عليج بآبآ و مآمآ و حمود والله ، والله حرآم عليج المآي بآرد .. و تمت تفر عليهآ المخدآت .. ومريم خلاص مارامت تتحمل شكل إختهآ و هي نآشة من الرقآد مفزوعة و تمت تتحآشى المخدآت و تظحك بآعلى صوتهآ ’, ’, ’, قالت لهم مريوم الموقف ومحمد تم يضحك ع فآطمة ، و هي صدددق كآن محرجة من الخآطر. نشت من مكآنهآ و قآلت : و يقولون مريوم رزينة و مآ في أهدى عنهآ ، رآقدة أمس جريب السآعة 3 و يآية توعيني جي ، والله مآ تحسون إنتو ، اظحكو بزيآدة اظحكو و قطع عليهآ الأبو : محمد عيل وين اخوك احمد ما اجووفه وياك !؟ محمد: ابوي احمد اليوم ظهر من وقت وما بيرد إلا فليل عبدالله: مايستوي جي ، اليوم الكل في بيتنا كيف يظهر !؟ محمد : ابويه هو عنده شغله وايد مهمة ، من لمآ نحن هنآك يتريآ يرد بأسرع وقت و يخلصهآ عبدالله: إذا جي عيل مسموح البآرت انتهى ، تتوقعون شو الأحدآث اللي بتصير فيمعة العآيلة اليوم ، أحمد شو بيكون موقفه لمآ بيعرف عن حصة !! ، هل الممكن الوضع يتغير و معآملتهم لحصة تختلف ! ، اتريو أحدآث البآرت اليآي |
. . البارت حلو .. بس مب جنه قصير =))؟ آممم تسلم ايدينج ع هالبارت :* . . |
اقتباس:
فاترجاكم لا تحبطوني في اول تجربة لي ، ها كل اللي اقدر عليه و السموحة منكم :') |
السلاآآآآم علييكممم ورحمممة الله وبركاآاآااته علومممججج اختيهه عسااج بخييير وسهههههههالة .. سلامماآاات ماتشوفيين شششرر ....اشكررجج ع الباآاآاآآت القمممميل ده :861:..ولججج منييي تقيمممممم بعععدد يووم اليمعة اليووووم المفضلل :fr7an_:عنديي الأنة يوووم تجمممموووع العائليي عندنااا .... احسسس بتسييير احداث حلوه:lolr43: من سولف بنات+:162: احمدوو لماآاآا بيعررف عن اختههه+ هل ان بيتقبلهاااولا بيتضااايججج + سووالفف سعييييييد الي تونسسس :fr7an_:خاطررر + اذ يبوون يظهررون اتوووقعععع يممكن حصة تحب سسسسعيييد:001_wub: ولا حمد:001_wub: اخوو حمدة قطوة هيه ليين احيين ماتكلمتيي عن حممد انا اتوقععععع هاكاليووم الي حصة كانت بتفصخخخ شيلتهاا:70: كان حمممد الي شافهاآاآا هيه خبرينااا :045:منوو الي حصة شافته هكاليوومم لماآاآا بغتتتت تفصخخخخ شيلهههههه حبيت البااارت:10: ياحليلهاااا فطووووم خربوووو رقادهاااا اكره شي عندي لما انكوون في إيجازة الصيف ويي حد يسكر مكيف ويفتححح ستاايرر اففف قهههررر اتمنى :1711:احمممدوو يتقبلللل حصصصة وماآاآا يتضاااايجججج:36: من وجودهاآآآآاآ انكوون معاملتته مثلللل حممممووود واحسسسن بععععععدد.......! حبيت:lolr43: شخصية حموود حسيته من نوع الاجتماااعي احسسسسس هو وسععععععيد نفسس شي يقولوون طيوورر تقعععععع ع اشكالهااا اترقب:001_wub::169: الباآاآاآاآت 6 احر من اليمممر وهيه صححححح حبوبة متى البااااارت القاااادمممممم ....... وفداآاآاآاآاآعت الله ...... |
إن شاء الله الخميس إذا قدرت بنزل بارتين لأن عقب بتبدا المدارس وبنشغل وايد فأول اسبوعين فالبارت الثامن بيكون ثاني اسبوع من الدوامات اسمحولي اذا كانت البارتات قصيرة بس انا ه اللي قدر عليه ولي ما تترتب الأفكار و أقدر أظهرها بصورة زينة وفنفس الوقت صحتي ما تتاثر أشكر ردودكم و تشجيعكم لي ، لأن جد محد يحمسني غيركم ♥ |
البآرت [ 6 ] بعد الريوق اجتمعت العآيلة مرة 2 ، لكن مب في غرفة الطعآم .. هالمرة كآنو فالصآلة الدآخلية أو نقدر نقول غرفة المعيشة لأنه أكثر مكآن ييلسون و يجتمعون فيه ، و كل وآحد منهم ميود مصحف و يقرآ سورة الكهف ، خلصو و بدو يسولفون .. مر الوقت و الريآييل رآحو لصلآة الجمعة ، و الحريم عقب الصلآة بدو يزهبون للغدآ و شوي شوي بدآ العدد يزيد لي مآ اجتمعت العآيلة كلهآ ، الريآييل خلوهم فالميلس بعيد عن الحريم عسب يآخذون رآحتهم ، الحريم فصوب والبنآت فصوب و سوآلفهم مآلية البيت بكبره ، تغدو و خلصو و بدو يسولفون ، و فجججججججأة اقتحمو الصآلة الثنآئي المرح [ سعيد و محمد ] ، و طآحو فالبنآت طيحة ، و كل وآحد منهم يعلق ع حد ، لي مآ نفذ صبر البنآت و بدو يكملون عليهم الحشرة ، و ارتبشو بزيآدة وأصوآتهم بدت تعلى و هم مب حآسين بشي حمدة : والله يآ سعّود إذآ مآ سكت بنآديلك حمد .. من الصبح تغلط علينآ و نحن سآكتين .. فطوم : قآلت حمد قآلت .. أصلاّ إنتي تعرفين هالقطو وين عسب تنآدينه لسعود !! سعيد : لآ يعني قولي إني بخآف منه ، لآ قولي !! ، شو يآهل تزيغيني بحمد .. هكي بنت خآلتي فديتهآ ردت عليج ، مآ يحتآي أرد عليج بعد ، أخآفج تصيحين .. مآ فينآ عقب الخآلة تزعل علينآ .. حمدة جآفته بنظرة و نشت من مكآنهآ .. حصة : سعيد ممكن تروح ترآضيهآ !! ، حرآم إنت وآيد غلطت عليهآ محمد : خلوهآ زين .. يآلسة تتدلع عليكم هآي أصلاّ .. لآ تسويلهآ سآلفة ، المهم كمل سعّود منو اللي عقبهآ !! سعيد و هو كآن يطآلع البنآت عسب يختآر وحدة و يطفرون بهآ ، طآحت عينه ع حصة ، و غمز لمحمد إن الفريسة اليآية بتكون حصة ، بسسسسسسسسسس مرة وحدة نشت حصة من مكآنهآ ركييييض ، و كلهم استغربو شو يآهآ فجأة ؟؟ ، توهآ تسولف و تظحك معآهم ، قآمت مريم و لحقتهآ و عقبهآ عليآ و فآطمة و محمد ، لقوهآ عند بآب حجرتهآ متسآندة ع البآب و ميودة رآسهآ ، و كل مآ حد يقرب صوبهآ تبعد ، فجت بآب حجرتهآ بسرعة ، وظهرت من درجهآ حبة و خذتهآ و يلست حصة ع السرير تصيح ... مريم : حصوه شو فيج !! ، ليش تصيحين ؟ حصة : ---------- محمد : حصوه حبيبي شو فيج !! ، زعلتي من كلآمي ؟؟ حصة : ---------- محمد : حصة لآ تمين سآكتة قولي شو فيج !!! ، خوفتيني عليج ، ارمسي دخيلج حصة ( شآفت عليآ اللي وآقفة صوب البآب ) : بندو البآب .. مآ أبآ حد يسمعني ، بليز بندوه مريم : اووك بنبند بس هدي حبيبتي .. هدي أعصآبج و سآرت عليآ وبندت البآب و يلست ع السرير عند حصة .. مريم : البآب و سكرنآه .. قولي حبيبتي شو فيج ! حصة : مآ فيني شي .. مريم : طآع .. عن الدلع يلآ قولي ، حصوه نحن خوآتج تخشين علينآ !! حصة : بقوللكم بس بليز مآ أبآ بآبآ يعرف .. محمد : إن شآء الله بس إنتي قولي بالأول .. حصة : عقب مآ صآرت سآلفة المستشفى و تعرضت للصدمة .. تعبت نفسيتي وآيد ، و من قلة الرقآد و كثر السهر و الإرهآق .. والتفكير بين فترة وفترة تيني نوبة الشقيقة ، و مآ أتحمل الحشرة الزآيدة ، أمس رقدت متآخر و كنت تعبآنة .. والصبح يوم نشيت كنت حآسة بصدآع بس مآ قلت شي ، و توه من الحشرة مآ قدرت أتحمل .. سكتت و يودت رآسهآ و كآنت تتآلم وآيد ، عليآ مآ تحملت المنظر و ظهرت من الحجرة و طيرآن فوق صوب حجرتهآ و صآحت ، لأنهآ مآ تحب تشوف حد يتعب جدآمهآ ويكون بهالحآلة .. و محمد و مريم تمو يهدون حصة و خلوهآ تريح شوي عسب يخف عليهآ الصدآع .. و طلبت منهم إن محد يعرف .. لكن في وحدة كآنت ترآقب من بعيد لي بعيد و سمعت كل شي ، و حبت إنهآ ترمس حصة شوي و تريحهآ .. و تسليهآ فنفس الوقت بدل لا اتم ملآنة و كآنت ......... حمدة حمدة ( و هي تدق البآب ) : ممكن أدخل ! حصة ( بصوت تعبآن ) : حيآج حمدة ( دشت بسرعة و بندت البآب و رآحت حظنت حصة ) : حصوه حيآتي شو فيج !! ، سمعتج تصيحين .. تعبآنة ؟ حد قآلج شي !! حصة ( ابتسمت ابتسآمة بآهتة و ردت عليهآ ) : لآ تحآتين مآ فيني شي .. بس مجرد صدآع عآدي حمدة : الحمدلله ، انزين عآدي أتم عندج .. مآ أبآ أرد هنآك سعيد و محمد رآفعين ضغطي حصة : لآ تسويلهم سآلفة ، وبعدين لو هم يلعوزونج ترآهم يحبونج عسب جي حمدة : أدري .. و يحبون يزعلوني وآيد ، و عقبهآ بكم يوم حمود إييبلي هدية يرآضيني فيهآ ، و أنآ غبية أرضى بسرعة يعرفوني طيبة وبسرعة ينقص علي .. حليلي والله حصة : هههههههه والله زين منه يرآضيج أنآ قبل كآنو يبهدلوني و طآف و لآ جني زعلت و تضآيقت .. و احمدي ربج محمد يآيبلج هدية .. هآ اللي نآقص ترفض هدية أخوي حمدة : طآع هآي .. استوت فطوم الثآنية حصة : هههههههه لآ مآ عليج بس حرآم أخوي و مآ أرضى عليه فيهآ شي !! ، و جآفتهآ بنظرة غبية حمدة : لآ أبد مآ فيهآ شي .. حصوه الصدآع شكله مأثر ع مخج عدل حصة : هههههه والله تعبت من حشرتهم .. أصلا زين ييتيني عسب ما اتم روحي يلست حمدة تسولف و يآ حصة لي مآ خف عنها الصداع ، و وآيد ارتآحت لحمدة و تمت تسولف ويآهآ لين مآ رقدت .. خلتهآ حمدة رآقدة وردت للصآلة ...... ------------------------------------------------ في الصالة كانوا قاعدين الشباب والبنات يستهبلوون و عآيشين حيآتهم ، يعني الوضع مآ تغير من مسآعة .. سعيد: شباب تذكروون كيف طاحت فطووم على ويها يوم سافرنا سويسرا ههههههههه .. شكلج كان تحفه .. فطوم: عدااال عدااال يا مستر سعيد ما تذكر يووم ركبت الجيتسكي وانجلبت في شاليهنا .. مشكلة الي ما يعرفوون حق دراجات الماي ههههههههههههه سعيد ( وهو يقلدها ) : شاليهنا .. عن يطيح نصج .. شاليه ريل خالتي للعلم .. و بعدين عادي تيكت ايزي كل الناس تصيبهم حوادث .. و اولهم انتي عاشة : دخييلكم بس بس .. والله ماروم .. واااااااايد ضحكت هههههههههههههههههههههه موزة : سعود بليز بس والله مآ فيه حيل أظحك .. خلاص ريجي نشف بس ما اروم .. مريوم نادي بشكارتكم تيبلنا ماي مريم : جمييييييلة .. جمييييييييييلة ... ييبيلنا ماي لو سمحتي حميد : مريم مرة 2 قصري حسج .. عيب شي شباب هني مريم ( قفطت و نزلت راسها ) : اسسفة .. محمد : ايييه انته حميدو شوي شوي ع اختي .. عقب ما تاخذها كفخهآ .. بس في بيتنا منقود الرياييل يرفعون صوتهم ع حريمهم ... شو تتحرا !! حرمتك مالها محامي دفاع ! حميد : حمووووووووووووووووووود ، خله الدفاع مالك حقك .. حرمتي ما تبالها محامي .. و بعدين ما قلت لها شي .. ياخي ريال واغار ع حرمتي حرام ! فاطمة يآلسة و مستغربة وتقول فخاطرها ( معقولة ها حميد ) !! حمدة : اييييييييه بس خلصونآ .. مب مريوم اللي تظآربون عشآنهآ ، حششة أنآ يوم زعلتوني مآ سويتو هآ كله .. مريوم بس قآللهآ قصري حسج عطيتوه محآظرة عسبهآ .. و أنآ شو يعني مآلي رب !! ، محد يدآفع عني .. خلآص زعلت أنآ زعلت .. ومدت بوزهآ نفس اليهآل محمد : أفآ والله أفآ .. بنت عمي زعلت ، اسمحيلنا بنت خآلتي ، مآ قصدنآ .. بس يعني جآن تبين محآمي دفآع .. قولي حق القطو مآلج .. أقصد الإستآذ حمد ايي ويدآفع عنج .. مب التوأم المختلف مآلج ! فآطمة : ههههههههههههآي توآم مختلف أونه محمد : فطوم إنتي جب خليفة : قفطوهآآآآآآآآآآ سعيد : بسم الله الرحمن الرحيم .. منو اللي رمس !! خليفة : أنآ .. ليش في شي !! سعيد : هآ ! ، لآ مآشي تحريت قرينك اللي رمس رآشد : سخيييييييييييف و ربي سعيد: والله معقووله توني ادري فااطمة: معقوولة ولا مع ببسي ههاي و تمو كالعآآآآآآآآآآآآآدة ع سخآفتهم .. و من ظرآبة لي ظرآبة ، و ينطون من سآلفة لي سآلفة .. لي مآ يآهم صوت غليظ شوي ، و يبين عليه صوت ريآل عود و قآل : مآ تستحون انتو !! بسكم رمسة مب زين والله مب زين .. ريحو الملكين اللي ع جتوفكم شوي .. ارحموهم من الصبح و هم يكتبون .. بسكم قفطو الإخوآن و استحو من رمسة يدهم لهم .. لكن بسرعة مآ تلطف الجو بدخول عليآ دشت و وقفت حذآل يدهآ و قآلت : و عقب تقولون عليآ هآدية .. إلآ قولو إنتو الحشرة .. صدقه يدي والله .. من الصبح حآشرين الدنيآ .. وحصة حليلهآ صدعت منكم .. شو مآ تحسون ! و سآرت صوب حجرة حصة دقت البآب و مآ حصلت حد يرد عليهآ .. قررت تدش تجوفهآ وآعية و لآ رآقدة .. دشت و سمعت صوت المآي مفتوح فالحمآم .. و يلست ع السرير تتريآ حصة .. أمآ الجمآعة اللي برع .. وقفو هبل .. و حولو جد شوي .. و من عقب سوآلفهم الحلوة اللي رد لبيته و اللي ظهر عيآله و اللي كمل أشغآله . . ---------------------------------------- نرد لعليآ عليآ تمت تتريآ حصة لي مآ تظهر من الحمآم عسب تطمن عليهآ ، وتشوف كيف صحة إختهآ الحين ! ،، شوي و تظهر حصة من الحمآم من شآفت عليآ ابتسمت فويهآ وقآلت : إختي الحلوة فحجرتي شو تسوي ! ، تتريآني ولآ تبآ مني شي ؟ ! عليآ : أفآ الحين أنآ أبآ منج شي !! ، تحيديني مصلحجية ؟ حصة : لا والله مب جي قصدي ، بس يعني قلت يمكن حد يبآ شي و طرشج عندي ، لأن مآ جد ييتي روحج عليآ : هههه لآ محد يبآ شي .. يآية أتطمن ع إختي فيهآ شي !؟ حصة : لآ طبعا مآ فيهآ شي بس فيهآ أشيآ ، فيهآ إن إختي حبيبتي عندي فالحجرة ، و ترمسني و بروحنآ ، فيهآ إن إختي لمآ شآفتني تعبآنة تظآيقت و صآحت ، و فيهآ إن إختي من خوفهآ علي يت حجرتي تتطمن علي .. كآنت تقول هالكلآم و هي مبتسمة مآ تدري ليش حست إنهآ تبآ تتقرب من إختهآ ، يمكن لأنهآ قريبة من سنهآ ، أو حتى تبآ تعرف شخصيتهآ ، تجدمت صوبهآ و حظنتهآ و قآلتلهآ فإذنهآ : عسى الله لآ يحرمني منج علآية 3333> ----------------------------------------- الأحدآث اللي صآرت كآنت جداّ عآدية ، سوآلف و ذكريآت ، منهآ يقضون وقتهم ويستآنسون و منهم يتقربون لإختهم اليديدة ، مضى الوقت بدون لآ حد يحس فيه ، و الكل رآح يرقد لآن بالسبت قررو الشبآب يظهرون يتريقون و طبعاً طبعاً معآهم البنآت ، لأن مستحييييييل الشبآب يفكرون يظهرون مكآن وفطوم تخليهم فحآلهم ، و قآلو بالمرة عسب يتعرفون البنآت ع حصة أكثر ، لأن لي الحين مآ تعرف غير حمدة و خوآتهآ مريم و فآطمة وعليآ ، والبآقي معرفة سطحييييية جداً .. السآعة الحين 12 ونص الفليل ، نشت من رقآدهآ حآسة بعطش فظيييييييييييييع ، المآي اللي كآن فالكوب خلص ، الوقت متأخر و كلهم رقود ، مستحيل تروح لبرع البيت روحهآ ، لأنهآ سمعت فآطمة تقول لمحمد إن المآي اللي فالمطبخ التحضيري خلص ، حآسة بتعب من بعد هاليوم الطويل ، و عطشآنة وخآيفة ، والحل يعني !! ، قآلت بتجرب و بتروح للمطبخ يمكن تحصل كوب صغير ، أو حتى لو عصير بس المهم يبل ريجهآ ، ظهرت برع الحجرة و رآحت صوب المطبخ التحضيري اللي دآخل البيت ، و هي مآرة جآفت إن ليتآت الصآلة مبطلة ، و حتى ليت المطبخ قآلت فخآطرهآ يمكن محمد و لآ فطوم سهرآنين و يآيين يآكلون شي دشت المطبخ و حصلت كرآتين مآي محطوطة ، الظآهر من شوي يآبوهم لآن المكآن أجيآس جمعية وبهدلة ، سمعت صوت حد يرمس قآلت يمكن محمد و لآ أبوهآ ، خذتلهآ الكوب و توهآ يآية تظهر من المطبخ إلآ تحصل وآحد جدآمهآ ، أول مرة تشوفه فالبيت ، و أول مرة تلتقي فيه أصلاً ، اللي جدآمهآ كآن وآقف و يرمس فون من جآفهآ نزل رآسه و صد الصوب الثآني عسب يبعد عيونه عنهآ و قآل للي يكلمه : عزوز برد أكلمك عقب يلا مع السلامة خلص مكالمته و لف الصوب الثاني و عطا حصة ظهره ، و قال بصوت جاد مستغرب من البنت الي وراه : انتي منووه ؟!!! ممكن أفهم باي حق داشة بيتنا هالوقت !! شو تسوين في بيتنا هالحزة ?!! ، حصة كانت منصدمة ع مستحية ع متشتتة ومب عارفة شو تقوول ، كل اللي قالته : أأ أأنا ... و سكتت ، قاطعها : انتي منووه !! ، و حصة ما عرفت شو تقول ! ، لانها اول شي ما تعرف منو اللي جدامها ، ثاني شي انها واقفة بدون شيلة ، لو ظهر واحد من شباب العايلة و لا واحد من ربع محمد اخوها شو بيستوي فيها !!! ، تمت ساكتة و صددددق خايفة رد قاللها : ردي عليه ، قولي انتي منو !! ما تستحين داشة بيتنا و لا تحوطين فيه عكيفج ، و لا بعد بدون غطا و ماخذه راحتج بزيادة .. ( ورفع صووته بزيادة ) عيب عليييج تدخليين بيووت النااس هالوقت و بدون استئذان .. حصة خلاص ما تحملت زيادة ، الطريقة اللي يكلمها فيها ابددددا مب في مستواها ، و من كلامه يعني انه اخوها ، لانه قال [ بيتنا ] ، معناته اخوها ، صح هذا اخوها ، لما ركزت ع اللي قالة و فهمت اللي يقوله نزلت دمووعها واحمد ما قصر تم يصرخ عليها ومره وحدة دخل عليهم الابو ، الابو كان فوق مار يتطمن ع عياله و سمع صوت الصراخ اللي تحت وجاف ليتات الصالة مفتوحة فقال بينزل بيجوف شو السالفة !، و عرف ان مصدر الصوت من قسم مريم و حصة ، بس مريم وقتها ما كانت حاسة بشي و لا بالصوت لانها راقدة من عقب يوم طويل و حدددددها هلكانة ، يوم وصل للمطبخ شاف الموقف و سمع احمد كيف يصرخ ع حصة والكلام اللي يقوله ، و بما ان هو اقرب واحد لحصة لي الحين وأكثر واحد فاهمنها فمعناته يعرف هي من اي نوع و كيف حساسة و لي الحين مب متعودة ع اهل البيت عسب ايي واحد اول مرة تجوفه و يصرخ عليها ! .. الابو من شاف الموقف سكت احمد و ظهر حصة من المطبخ و وداها لحجرتها .. حصة تمت حاضنة ابوها و تصيح و هو تم يهديها لي ما رقدت ، ظهر من حجرتها بعد ما سكر الليت و راح لحجرة ولده احمد فوق ، وصل عند باب حجرة ولده و خذ نفس عميق و قال فخاطره : [ يا رب اهدي هالولد و خله يخف عصبية ويتفهم الموضوع بدون مشاكل ] ، دق الباب و دخل الحجرة ، حصل ولده مسندح ع الشبرية و حاط ايده تحت راسه و بين شعره ، و يطالع السقف ، الساعة كانت فوق الوحدة و الكل كان راقد حزتها ، وقف عبدالله عند سرير احمد و ساله : احمد وينك من الصبح ؟! ، امس رديت من السفر و رقدت و الصبح ناش من وقت و راد متاخر ، شو هالشغل اللي يخليك فيوم اليمعة تودر اهلك وتلاحق وراه ؟!.... الابو تم يتريا الجواب ، لكن للاسف احمد ما نطق بولا حرف و لا جنة يرمسه ، ابوه بدا يتنرفز من طريقة أحمد و قاله بصوت عالي بعد ما يلس عنده : ممكن افهم ليش هالعصبية و الصريخ اللي كان قبل شوي ، خليت اختك تخاف و تاخذ عنك فكرة مب حلوة من اول مرة .. احمد رد عليه وبسرعة : و ليش ما اعصب اجوف وحدة فبيتنا و بدون غطا ع راسها و تمشي وتروح وترد ع كيفها فانصاص الليالي وما تباني اقول شي عبدالله : احمد احترم نفسك و ارمس عدل ولا تصصرخ انا ابوك ولا ناسي ! قفط احمد من رمسة ابوه ، و قاله : اسمحلي ابويه بس الموضوع ما ينسكت عنه ، و يوم ان عندنا ضيوف جي ما تخبروني ؟ عبدالله : و نحن شفناك عسب نخبرك ؟! احمد : انزين ابويه منوهاي !؟ عبدالله : قلتلك اختك احمد : ههه ظحكتني شو اختي ! ، هاي لا علاية و لافطامي و لا مريومة ، من وين استوت اختي ؟؟ ----------------------------------------------------------------------------------- البارت [ 7] السبت .. 8 الصبح حمدة : عادي امييي والله حمود سوالف شرات حميد . . ماما الله يخليج ابا اروح امينة : اففف منج يا حمدة قلتلج ما شي .. ونشت من مكانها سارت المطبخ و لحقتها حمدة .. و سارت حظنتها من ورا وباستها : عشاااااني امينة: لا حمدة : عشان ريلج امينة: عن قلة الادب قلتلج لاا يعني لا حمدة : بلييز بس اليوم امينة: دوم اسمع هالرمسة ، وظهرت من المطبخ تتحرطم . . يا ربيييه شو هالعيشة ، حمد ما يحس، كل يوم ويا ربعه و لا مهتم فيه و لا جني اخته ، حميد لاهي بمريوم و طلعات و روحات و ييات ومحد يروم يقوللهم شي و امي معانده .. يا ربيه شو هالعيشة ! نزل واحد من الدري كاشخ و ريحة عطره واصلة اخر الفريج .. صدت صوبه ع السريع وردت تتحرطم فجاة نطت من مكانها وسارت صوبه و يودت ايده و قالت بترجي : حمممووووووودي حياااتي دخيلك لا تردني .. والله والله والله طلب صغييييير حمد : شو مشكلتج ياية حمدوي و حياتي و طلب .. شو تبين ! حمدة : يا ربيييه مب وقته انت بس قول موافق وانا بقولك كل شي فالدرب حمد : جانج بتظهرين وياي اسسسسف مواعد الربع وبمر عليهم حمدة : السالفة باختصار ابا اسير بيت عمي ، بتقولي منو عمي بقولك عبدالله ، بتقولي منو بقولك بيت خالوه امنة ، جان ما تعرفها احسن ، المختصر ابا اسير عند حصوه اخت فطوم عسب نروح كلنا ويا بعض ونتريق ممممممممكن ؟ حمد : اييييه عن الصدعة لا مب ممكن فارجي و نشي عن دربي احسنلج حمدة وهي تبعد : والله توأم ع الفاضي . . يا ريت لو كانو بدالك سعيد ولا محمد و توها ما كملت قبضها حمد من ورا : نععععم ما سمعت ؟ شو قلتي ؟! حمدة : قلت لو محمد ولا سعيد اخواني احسن ، ع الاقل سعيد من جاف حصة قام يظهرنا ويسويلنا سوالف نفس قبل ، بس عسب يغير عليها الجو، ومحمد ما يودر اخته دقيقة وانته ولا مهتم فيه ولا جني اختك و عايشة وياك فنفس البيت و ظاهرة من نفس البطن و كنت توأم روحك ، خلاص كبرت ونسيتني ما عليه يا حمد ما عليه حمد : افففف حمدوووووه جب و لا حرف ، عن الهذرة الزايدة ، اختي على عيني و راسي بس لا تصدعين بي من اول الصبح ، الا تعالي منو حصة هاي ؟ ، ما احيد عندنا حد بهالاسم غير يدوه الله يرحمها حمدة : بتجوفها وبتعرفها وكل شي بس قول بتودني ولا حمد : حمدوووووه والله طفرت ، شو اللي خلاني انزل وامر من الصالة لو ظاهر من ورا احسن ، كلمتين وما بعيدهم بدلي بسرررعة حمدة : احححلف ؟ ، فدييييتك يا احلى توأم فالكون ثواني واكون عندك حمد تم يظحك ع اخته اللي صدق حاس انها ملانة وطفرانة . . راح السيارة و يترياها تنزل و هي راحت تبدل و تخبر أمها إنها سايرة لبيت عمها ... و وصلت للسيارة و سوت مكالماتها الدولية و خبرت فطوم و سعيد انها سايرتلهم و تمت تهذرب لي ما وصلت لبيت عمها ، ونست انها وعدت حمد تقوله عن سالفة حصة ولا طرا ع بالها الموضوع من الاساس .. الفرحة وماتسوي.. وصلت لبيت عمها بعد معاناة مع امها واخوها .. بس في واحد ثاني يعاني من نفس الموضوع و يبا يروح لبيت خالته بس امه مب طايعة .. >سعيد : امووووووووووول يلا عاد عشان ولدج >. امل : سعيد بلا حركات ، روحي مصدعة و أخوك تعبان و مالي خلقك .. خلصني شو تبا ! سعيد : ولا شي بس اباج تطيعين امر حمود فبيت خالتي ، أخذه هو وخواته و نتريق و عقب نظهر بسسسس امل : جي ماشي ريوق عندنا عسب تريق هناك ! سعيد : لا شي شي ، و ريوق ما يتفوت بس ابا اسير عند حمود متولهة عليييييييييييييييييه ، تعرفين شو يعني توأم روحي كآن مسآفر عني شهرييييين ، شهرين يا أمي شهرين ! أمل : سعيد حشرتني ، دخيلك فج عني ، علاوي مريض و يباله حد يوديه المستشفى ، بدال لا تسير تهيت ويا ولد خالتك تعال شل اخوك و وده العيادة .. سعيد : بوديه بوديه بس خليني أسير أمل : سر دخيلك سر بس فكني من الحنة ، سير قول حق أخوك يتزهب عسب توديه سعيد : فدييييييييت أمي أنآ .. ( وحبهآ ع رآسهآ ، و لف صوب الدري ) يلآ جاااااو أمل : تعال تعال على وين ! سعيد : ساير عند علّو أوديه المستشفى ، أمل بلاه مخج قفل ! أمل : لا مب جي بس جنه إنت طول عمرك كنت تخبرني و تظهر و ما اقولك لا ، هالمرة يوم قلتلي قلتلك لا ليش يعني ! سعيد : هههههههههههه امي مشفرة تساليني انا ! شدراني . . بس يمكن عسب عندهم حصوه ان ما تبيني اسير و البنت توها و جي امل : حصوه فعينك حصة اسمها .. تعال انت شقا عرفت اني ما اباك تسير و هي هناك ! سعيد : شو يعني بحبها مثلن ! تراها بنت خالتي حالها من حال فطوم و حمدوه و مريم يعني إختي أمل : و عليا بعد و لا ما تنعد بنت خالتك ! سعيد : أميييييييي خلنا منهم الحينه ، انا ساير عسب حصة و حمود ما يخصني فالباقين امل : استح ع ويهك حصة اونه ! .. سر سر ما منك فايدة سعيد : ههههههه شسوي فيج الا تظهريني مغازلجي خخخ يلا بـرب امل : تيت .. فكني من حشرتك و سير عند اخوك bb سعيد : ويييييي اماية تعرف تيت بعد اونها متطورة ، لازم مال قوم أمل : سعيييييييييييييييييييييييييييييييييد جب --------------------------------- ظهرت حصة من حجرتها و سارت صوب المطبخ تتريق ، توها وهي داشة حصلت واحد بغا يدش وياها فنفس الوقت ، و هالواحد كان محمد أخوها . . حط ايده ع جتفها و لوى عليها و تم يمسح ع شعرها وقبل لا يدخل المطبخ قاللها : ان شاء الله الحين احسن ! حصة : هيه الحمدلله ريحت ، الا هو صداع ترا مافيني شي محمد : مافيج شي و ويهج وارم .. حصوه انتي صحتي قبل لا ترقدين ! حصة : ها لا لا ما صحت .. بس ويهي جي لان توني ناشة محمد : متأكدة ! حصة : هيه متأكدة مافيني شي صدقني دخل محمد المطبخ و سوالها طاف و قال لأمه إن اييبونله الريوق هو و حصة فالحديقة اللي فالطابق الثاني [ نفس بلكونة عودة مكشوفة و هم مسوين فيها يلسة و طاولات و زرع و فيه باب يدخل ع الطابق الثاني وفنفس الوقت دري ينزل ع الحوي ] و ردلها و قاللها : تعالي وياي فوق بسرعة اباج حصة : اوك اوك ويت بسلم ع أمي محمد : مب وقته عقب قلتلج .. وسحبها من ايدها و وداها صوب الحديقة .. يلسها ع الكرسي و تريا شوي و عقب قاللها : حصة أنا أدري باللي صار أمس ، أبوي ع صلاة الفير قالي عن موقفج ويا أحمد و شو قالج و إنج تظايقتي ، ليش يوم سألتج صحتي ما قلتي الصدق ! مب واثقة فيني ؟! ، مب أخوج و حبيبج و أكثر واحد وياج ؟! عيل ليش ما صارحتيني وقلتيلي إنج مضايقة و صايحة أمس ؟ حصة تمت ساكتة ما تعرف شو ترد عليه ، كل اللي سوته إنها نزلت راسها و تمت تدمع عيونهآ .. محمد قرب صوبها و حط ايده ع ظهرها بحنان وقاللها : حصة أنا ما خليتج اتدشين المطبخ و تتريقين وياهم لأن أحمد هناك ، وأنا عارفة إنج مب متقبلتنه و مب قادرة تشوفينه من عقب اللي قالج ، عسب جي يبتج هني تتريقين و تظهرين اللي بخاطرج .. أنا رمست أبوي من شوي و قلتله أنا وحصة بنظهر شوي عسب أعرف أرمسها ع راحتي بس هو رفض و قالي أنا واعدنها إنها كل اسبوع تسير بيت أبوها القبلاني و هالاسبوع ما صار لان الأهل كلهم يو ، فلازم اليوم أوديها ، يعني خرب علينا كل شي حصة : صددددددق ! محمد : شو هو الصدق ! حصة : إنك بغيت تظهرني وبابا ما طاع و قال بسير بيت أبويه ! محمد : هيه صدق .. قوليلي بصراحة شو اللي بخاطرج الحين ! حصة : بخاطري وايد اشيا ، انزل تحت و اجوف أحمد أخوك و توها ما كملت قاطعها محمد و قاللها : تراه مب أخوي بس أخوج بعد .. المهم كملي حصة : أخوي أخوك ما فرقت ، الأهم إني أبا اقوله ترا اللي ينصدم من شي ما تكون ردة فعله جي ، يصرخ و يقول رمسة ما تنقال ، خله يتاكد قبل عقب يرمس و يقول مثل ما يبا .. نشت من مكانها و وقفت صوب السور و تمت تجوف السما و كملت : وايد ظايقني بإسلوبه صح أبوي قبل كان عصبي و أخس عن جي بس كنا نتحمله ، ليش عاملني جي ! لو شو ما أكون غلطانة و مسوية ما يرمسني بهالطريقة ، وايد جرحني و أنا ما اتحمل هالإسلوب ، أنا حسااااااسة تعرف شو يعني حساسة !! ، يعني لو بتقولي و انت تمزح دمج ثقيل بحط بخاطري و بزعل و بسوي وبسوي ، ما احب هالاسلوب موول ، لكن ما همني المهم إن انت و أبوي معاي و عارفين إن مب غلطانة ، صدت صوبه و ابتسمت و قالت : ترا البيت بيت أبوي و لازم أخذ راحتي فيه مثل باجي خواتي و لا كلامي غلط حمود ! محمد : لا والله كلامج صح .. و ها المفروض اللي يستوي إنج تكونين نفسهم فكل شي وما تفرقين عنهم ، انزين خلنا عن أحمدوه الحينه و بعد شو بخاطرج ! حصة : امممم بخاطري أروح بيتنا و أخذ لابي و صوري و أغراضي و ذكرياتي .. وايد اشيا ودرتها هناك وخاطري اييبها ، حتى لوحاتي ودرتها هناك ، انا ييت هني بس بشطنة ثيابي ، ما اعرف اعيش بدون ذكرياتي .. محمد : لاب و صور و أغراض و ذكريات و لوحات ، شو سالفتج انتي ! خاشة شي عني ؟ حصة باستغراب : شو يخص خاشة عنك شي ، بالعكس عادي هالاشيا لازم تكون عند أي انسان محمد : لا يعني لوحاتي تعني انج ترسمين و لابي تعني انج تبين المسن ، لان اللاب بالنسبة للبنات معناته مسن و منتدى و جات و سوالف وبس ، الا جان يبون شي حق الدراسة فهاي معجزة حصة : هههههههههه لا ما يخصه ، صح إني اباه حق المسن و ارمس ربيعاتي و تولهت عليهم و جي و ابا بحوثي وتقاريري مال العام و ابا اجيك ع الجامعة جان قبلتني و لا و وايد اشيا مب بس جي محمد : انزين تعالي وياي الحجرة ابا اراويج شي ظروووووووووووري .. و سار عنها يلا بسرعة الحقيني شكله محمد اليوم ما بيخليها تتريق أول شي يابها و صيحها و خلاها ترمس والحين الله يعين ع شو ناوي يسويلها فحجرته .. الله يستر من الياي يا محمد .................................................. ........ بعيد عن هالعايلتين ، نروح لشخصيتين مقصرين فحقهم شوي و اللي هم موزة و عاشة بنات عمات حصة و حمدة و الباجيين موزة و هي تقرا المجلة : أفففف مليت ما في شي حلو ، كله جديم لووعة عاشة سرحانة و لا تدري باللي يستوي حولها موزة : حووووووووووووه عواش ماما وينج !!!! عاشة لا حياة لمن تنادي راحت موزة صوبها و تمت تأشر بايدها جدام عين عاشة و لا تغير شي ، ردت مكانها و فرت المجلة ع راس عاشة عاشة : اااااااااااااااااااااااااااااي ، حمارة زوز عورتيني ، ااااخ والله يعور شو تبين !!! ما تعرفين تزقرين نفس الأوادم !! موزة : انا اللي ما اعرف ازقر نفس الاوادم و لا انتي اللي سرحانة من ساعة و انا حليلي احاول فيج ولا معبرتني عاشة : افففف شو تبين حشرتيني ؟ موزة : ما ابا شي بس مليت من المجلة و قلت بسولف وياج بس عاشة : الحين ها كله عسب تسولفين وياي ،، انزين قولي فشو تبين نسولف ! موزة : ما اعرف اي شي .. امممممممم هيه قوليلي فشو كنتي سرحانة ؟ عاشة عصبت : ما يخصصصصصج ، مواز لا تتدخلين فخصوصياتي موزة : حشششة علي شو قلت انا الحين ! بس قلتلج قولي فشو كنتي سرحانة عاشة : فحد ، بشو يهمج ! موزة : ما يهمني بس مجرد تضييع وقت ، ع العموم ما ابا اعرف شي .. و ظهرت من الحجرة عاشة : يا الله ع دلعج يا مواز فكل شي لازم تتدخل و اذا حد قاللها شي تزعل .... موزة و هي يالسة مع امها فالصالة ملت من السوالف فقالت بتقترح ع امها اقتراح موزة : أمايه عطيني الفون شوي برمس علاية بنت خالي عبدالله العمة عاشة : شو تبين فيها ! موزة : ماشي بسولف وياها من الله عواش مزعلتني توها و مليت من اليلسة فالبيت روحي قلت برمس علاية خلها تيني العمة عاشة : وليش هي تيج ! انتي سيريلها بيت خالج عادي موزة باستغراب : أمايه جي قلتي انا اسيرلها ، ليش علاية ما تعيبج ! العمة عاشة : زوز حبيبتي ما يخصه ، بس اعرف علاية ما تحب تسير بيت حد و لو يت ما ترمس و بالزور ينسمع لها حس ، ع الاقل فبيتهم تاخذ راحتها و ما تستحي من حد موزة : خلاص برايج عيل بقوللها تطرش الدريول ويا البشكارة ياخذوني ... ................ نزلت حمدة من السيارة و طيرااااااان صوب قسم مريم و حصة ، دقت ع باب حجرة حصة لكن ما حصلتها و راحت لعند مريم دقت الباب و دخلت ، جافت مريم يالسة ترتب كتبها و أغراض الجامعة ، سارت صوبها وسلمت عليها و تمت تلعوزها شوي : فدييييييت حرمة أخويه أنا .. الا قوليلي خلصتي تجهيزات العرس ! مريم : من زماااااااااااااان .. أمي ما خلتني فحالي أول شهر ، من مصمم لي مصمم بهدلتني ، الله لا يبليج حمدوه والله بتهلكين حمدة : ها ها شو قصدج ! يعني حميد أخويه بلوة ما عليه ما عليه بخبر مريم : طععع والله مب جي قصدي بس انا اقصد العرس حمدة : انا بسالج انتي ما ترمسين مووول الاا اذا حد ياب طاري حميد ، شمعنه هالسالفة ! مريم : لا ما يخصه بس ان يعني ولد عمي ادافع عنه جان حد غلط عليه حمدة : هييييييه هيه صح صح ولد عمج ، يلا ما عليه صدقتج ههههههه مريم : حمدوه بسج عاد امممممم مثل ما وعدتكم نزلت بارتين ، إن شاء الله يعيبكم البارت .... اقتراحاتكم ؟ انتقاداتكم ؟ و توقعاتكم للبارت الياي اللي هو البارت الثامن وبيكون إن شاء الله بعد أسبوعين .. تقبلو تحياتي و أتمنى لكم وقت ممتع =) |
الرواااااية نااااااايس تسسسلم اييييدج بصصراححة لا تعليق |
يآأإا ويــل حآأإالـي ع آأإالبآأإارت آأإالجونآأإان بـــس للأســف مآأإا عنــدي آأإاي توقعآأإات . و ننتظـــر آأإلبآأإارت إلــيآأإاي بــفآأإارغ آأإالصبــر ..(= إختج:- بّـنٌوِتُهِ عَ ـآدُيّهِ |
رد واحد بسسسسسسسسسس ! الصراحة إحباط .. يعني انا متعنية و كاتبة بارتين وانا مريضة و فالنهاية رد واحد بس ؟؟ شكلي بوقف الرواية لان وايد أحبطتوني :( |
[align=right][/align]:03:سلام عليكم ورحممة الله وبركاته شخبارج اختيه علووومجج عسااج بخير وسهههـالة البارتييين :861:حلوييين ماحبيت شخصية احمممد بنوووب:112: يلوع الششششبد اتمنى يعتدل اسلوبه ويتأسف من اخته ويتقبلهاااا والله خيب ظني:70: كنت أتحرى ان بيتقبلهاا ولا تعليييق ع بااااقي شخصيااات:24::09::wrd:;):m_embar6em: كلهمم حلويين (:001_wub::lolr43:) وربي سمنة ع عسسل وماعندي توقعااات مخي مقفل ومسسطل والسموحة ع قصووور وفداعت الله :24:..:169:.... :1711::w00t::66::112::520::mxinthgnwzmhqn0vrjy:Cr_ y::191::tooth::70::00::38::thumbdown::169::03::9:: 36::78::184::12::001_wub::24::861::smilies-113::09::84::84::lol::ena::yaw::yaw::d-uae09::Afk_r::wrd::1568::ast7eee::3::3::005::8989: :006::3898.gif: |
وين البااارت كمل ثلاث اسااابيععع ما شي بااارت مفرووض اسبوع الي قبلة وهالاسبووع يكووون فيي باااارت :( في انتظااار البااارت |
البارت [ 8 ] فحجرة محمد بالتحديد ، حصة ع السرير و محمد منخش تحت السرير يدور على شي ، شو هو محد يدري ! حصة : اممممم حمود شو يالس تسوي تحت ! محمد بصوت واطي و بالزور ينسمع : ويت ويت الحين بقولج .. و ظهر من تحت السرير و تنهدت و قال : اففف هلكت ، تعالي جوفي شو يالس أسوي .. ظهر صندوق خشبي صغير مكتوب عليه محمد و معاه دفتر صغير ، عطاه لحصة وقاللها : جوفيه أنا شوي و راد سعّود ذل اخلاقي من كثر ما يدق يقولي انا تحت تعال سولي درب ،، بنزل بييبه و بردلج حصة : بتيبه هني ! محمد : هي ترا ببدل و بخليج تتزهبين و بوديج بيت ابوج بس جوفي هاييل ع السريع حصة ابتسمت له : اوك محمد محمد و هو ظاهر : حمود لو سمحتي هههههه .......................................... بقت حصة روحها فالحجرة ، خذتلها نفس عميق قبل لا تفج الدفتر و سمت باسم الله و فتحته ----------------------------- عقب ما نزل محمد عند سعيد وهم داشين الصالة جافو وحدة بعباتها ، استغرب محمد منو بيكون فبيتهم هالوقت ! محمد : درب درب حمدة : اووووه انتو هني ! ، محم قالي انكم هني جان ما ييت سعيد : ولا انا لو داري انج هني جان ما ييت اففف آمنة : ايه ايه شو ها بعد ! داشين ظرابة عيب عليكم ، اللي يسمعكم يعني يقول مب جنكم متفقين أمس إنكم اتون و الصبح مسوين مكالماتكم ، مثلو مثلو شو وراكم ؟ وراحو سعيد و حمدة صوب خالتهم يسلمون عليها محمد : ههههههههههه زين تسوين فيهم أمي ، عطيهم من الزين عطيهم أمنة : صخ إنته بعد ، جي ما تخلي اختك تتريق ويانا ! محمد : بعدين بعدين الحين انا صاعد و يا سعوّد ، شوي و بنظهر يوم برد نتفاهم آمنة : جي وين ساير ! سعيد : ماشي خالوه ولا مكان بس بنوصل حصة وبني آمنة باستغراب : وين توصلونها ! محمد : الله يهديج أمي ، أحيد أبويه قايلج إنها بتروح لأهلها بتتغدى وياهم و بترد الفليل عندنا ، شو نسيتي ! آمنة : أوووه صح ، والله نسيت من حشرة أخوك عليه قبل شوي ، انزين سر قوللها تنزل ما شفتها اليوم و خلها عقب تبدل و توديها حمدة : لحظة لحظة لحظة ، وين تسير !! انا ياية عشانها ، شو هالنحاسة ي ربيييي و مدت بوزها سعيد : حد قالج تعالي ! محمد : سعييييييد صخ عن بنت عمي ما أرضى عليها ، و بعدين البيت بيتها تي أي وقت ما يخصك فيها .. و صد صوب حمدة و قاللها : ما عليه تمي لي الفليل يوم بترد سولفي وياها جان تبين باتي عندنا بعد عادي و صد صوب أمه : يلا أمي نحن صاعدين .......................... و هم فالدرب سعيد : ع كيفه يعزم والله ، أدري إن هالعزيمة مب من الله بس ما عليه أنا براويك محمد : هههههههه لا والله بنت عمي و كيفي بعزمها وقت ما ابا يلا طوف جدامي .................................................. .. أول صفحة مكتوب فيها إهداء من محمد إلى حصة بخط طفولي و مب واضح و مكتوب تحت تاريخ الميلاد 6 \ 9 بخط عود ، فجت الصفحة الثانية حصلت صوره و هو صغير شوي شوي لي ما كبر ، كل صفحة وكاتب ذكرى بسيطة تخصه ، كانت صورته لأول مرة يحبي و أول ما تكلم و صور يلعب فالتراب و هو صغير و وااايد صور ، لي ما وصلت لقسم في نهاية الدفتر كان عنوانه بخطه و هو عود [ سري للغاية ] خافت تجلب الصفحة و تجوف و محمد يتضايق منها بس عقب قالت ان هو ما قاللها عن هالشي .. معقولة يكون ناسي !! ، او حاط فباله شي و يبا يراويني ! توكلت على الله و توها ياية تجلب الصفحة سمعت صوت سعيد عند الباب سعيد : هود هود .. عدلت حصة شيلتها و قالتله : هدا .. حياك سعيد سعيد : الله يحييج شو يالسة تسوين ! حصة : ماشي اطالع اشيا تخص محمد محمد دش و قاللها : حصصصة كم مرة قلتلج حمود ! حصة : انا مبببب حصة اوك ! و انت محمد اوك ! محمد و هو يقلدها : انا مببب محمد اوك ! و انتي حصوه اوك ! سعيد يالس يظحك عليهم ، وجان يدح محمد ع ظهره محمد : اااااااااااااااااخ ، يغربلك يا سعوّد عوتني سعيد و هو يشرد : والله والله والله اني ما كنت قاصدنها ، بس كنت ابا انهي النقاش الغبي محمد : ما تقصدها لا انا براويك حصة يالسة تشوفهم يتلاحقون مرة وحدة قامت قالت فخاطرها : ما ينفع فيهم الا التهديد حصة : سعّود ، حمود وقققققققققققققفو مكانكم عورتو راسي .. ترا والله مب مرمستنكم طول عمري بس عاد سعيد توه ياي يوقف جان ايي محمد صوبه و سعيد مالقى غير حصة يندس وراها سعيد : حصة دخييلج بعدي هالمتوحش عني محمد : محد متوحش غيرك حصة : اففففففففف خلصصصصصصصصتو هالهبل ولا بعدكم ! حمود في شي مكتوب هني جوف و راوته الدفتر وين مكتوب [ سري للغاية ] عادي أجوفه ولا ؟ محمد : حلفي انتي بعدج ما شفتيه ! حصة : والله ليش ! محمد : يا حصوه يا اختي يا ذكذك انا كل اللي كنت اباه من الدفتر هالقسم تقرين اللي فيه و تفتحين الصندوق وتجوفين اللي داخله ، ع العموم قومي تزهبي وانا عقب بقوللهم ينزلون الاغراض تحت وشوفيها براحتج ، والفليل يوم بييج بنتفاهم و غمزلها.. حصة : هههه ظهرت غبية انا والله ، انزين ويت بتريق ع السريع و وببدل و بودع أمايه عقب اوك ! سعيد : فكيييييينا انتي واخوج سيري سوي اللي تبينه .. أبا اخوج بسالفة يلا برع كش كش حصة : كش كش فعينك حجرة أخويه ما بظهر منها كييييييييفي و تأشر بـايدها ع راسها محمد : كيفج والله كيفج بس بدلي ترا ماشي روحة حصة : لا خلاص خلاص و هي ظاهرة من الحجرة يلا جااااو ------------------------------------- صوب عاشة فالحجرة وآقفة جدآم المنظرة و تسحي شعرهآ و تفكر ، سرحت شوي و تمت تقول فخآطرهآ : ( إنزين ليش جي قآللهآ ! هو ما يخصه فيهآ ، انزين هي مب حلوة و لا فيها شي عادي .. افففف ليش ظحكتله شو يخصها فيه !! .. شو في بينهم ؟؟ شو يخصه يقوللها ؟؟؟؟ ، يا ربيييييييييييييه بموت من التفكير ليكون بينهم شي !! لا لا مستحيل مستحيل أصلن هي توهآ .... ) و قطع عليهآ صوت الباب موزة دخلت طآلعت عآشة بنظرة و مشت لي صوب كبتهآ تبدل .. عآشة صدت صوبهآ قآلتلهآ : زوز حبيبي إنتي شو تتوقعين في بينهم ! ليش جي قاللها ؟ زوز : خييير خير خير ؟ منو اللي قال لمنو ؟؟ شو السالفة ؟؟؟ عويش انتي صاحية !! ، شو تخرفين ؟؟؟ عاشة : ها ؟ لا لا ماشي خلاص كملي شغلج زوز و هي تسوي حركة إن الحمدلله والشكر : ترا العقل نعمة ، وبعدين نشي بدلي بجامتج هاي بتعفنين فيها ، عقب شوي علاية بنت خالي عبدالله بتي ، كنت بسيرلهآ بس هي قآلت بتي تغير جو عندنآ ، نبا نسولف ع راحتنا و جان تبين تتفلسفين آآآآآآآآآآوت لو سمحتي عاشة : تطرديني يعني ! زوز : هيييييييه عندج مانع ؟؟ عاشة : هيه عندي مانع و سعيد و عتيبة بعد ، الحجرة حجرتي ، و البيت بيت أبويه كييييييفي أيلس فيها ببجامتي بكشتي ما يخصج زوز : والله إنج ... ، أنا الخبلة اللي مسوتلج سالفة عاشة : قلتيها خبلة ، الحمدلله عارفة عمرج زوز و هي سايرة صوب غرفة التبديل : أففففف صدق ما تنطاقين ------------------------------------ بعد ما تريقت سارت حرجتها ، لبست و خلصت و توها ياية تسير صوب الباب شو يو الا يهجمون ع الحجرة فطوم و حمدوه ، سارو يلسو ع السرير و يفرفرون المخدات ع بعض و حصة واقفة تطالعهم مريم : ايه ايه ايه .. ايييييييييييييييييييييييييييييه وقفو وجااااااااان اتيها فلعة بالمخدة حصة وهي تشل شنطتها و تظهر من الحجرة سمعت صوت حمدة تناديها : افا والله افا بنت خالتي ياية عندج تعطيني طااااااف ! ، ما احيدج قليله ادب تعالي تعالي وين سايرة ! ، سارت صوبها وحظنتها وسلمت عليها و قالت : حصوص وين سايرة ؟؟ ، حمود يقول إنج بتسيرين بيت أهلج ، صدق ولا ها يخرط عليه ؟ حصة ابتسمت : لا صدق أصلن المفروض اسيرلهم أمس بس إن ييتو وجي ما لحقت اليوم بسير حمدة وهي مبوزة : افا عيل انا ذالة عمري مرة عند ماما و مرة عند حمود هالقطو عسب اييج والحين بتسيرين ! شو هالنحاسة =( حصة : انزين تعالو ويانا وصلوني و عقب خلهم يظهرونكم إنتي و فطامي وعلاية ومريم مريم : لا انا ما بيي وعلاية سارت عند زوز من شوي ويا الدريول ، فطامي و حمدوه سيرو جان تبون ، بس خبرو حمود قبل عسب ما يهزبكم فطامي و هي تنش من ع السرير وطيران صوب حصة باستها وقالتلها : ثوااااااااااني بلبس عباتي وياية يويلكم لو سرتو حصة : هههههه اوك يلا اترياج سارو للصالة و سلمت ع أمها و تريو محمد و سعيد و فطامي ينزلون ... بعد نص ساعة تقريباً عليا وصلت لبيت عماتها و حصة وصلت لبيت أهلها و محمد و سعيد و حمدة و فطامي سارو العربي يتحوطون شوي و يردون قبل الغدا بشوي -------------------- نروح لمكآن بعيد شوي ، صوب جميرآ بالتحديد في مطعم [ برج الحمآم ] ، يآلس هو وربعه و سوآلف و ظحك .. ثوآني و سرح لمكآن بعيييييييد و هو يقول فخآطره [ ليش يآ رويض جي سويتي فيني ؟ ليش جرحتيني لييييش ؟ حبييج من كل خآطري هآ يزآي ! ، بعدت عن العآلم كله عشآنج و الحين جي تسوين فيه ؟؟ ، آآآآآآآآه يآ ربي ، خلني أنسآهآ و أرد لطبيعتي ، لحمد اللي الكل متعود عليه ، ليش غلطت هالغلطة وحبيتهآ ، يزآي والله يزآي ... ] قطع عليه سرحآنة صوت هزآع ربيعه يقوله : اييه حمود فونك يرن من سنة حشرنآ .. فمنو سرحآن هالقد ، اعترف اعترف منو هآي اللي شآغلة بالك ! .. و غمزله حمد : هزاعوه صخ لا تنفلع ، عن الهبل .. و رد ع فونه بعد مآ شآف رقم عويش بنت عمته حمد : ألو .. هلآ عويش عويش : أهليييين .. شحالك حمودي ؟ حمد : تمام شحالج انتي ؟ عويش : تمام دامك تمام حمد : غريبة داقة ، بغيتي شي ! عويش قفطت : آممم لا بس جي قلت أسلم ع ولد خآلي و أخويه فيهآ شي ! حمد : ههههه لآ مآفيهآ شي بس انتو البنآت حق المصآلح تعرفوني عويش : أفآ والله الحين انا مال مصالح ! اوك ثانكس باي حمد : ويت ويت عن الدلع عويش .. تدرين إني مآ أقصد ، جي تتغلين ! عويش : ما ابا خلاص زعلت .. سكتت شوي ، الحين انا مال مصلحة ! حمد : لا حشة ما قلت جي ، بس يعني بشكل عام ، ترا حمدوه مأثرة ع مخي من الصبح حآشرتني تبآ تسير عند حصة مآ أدري منو ! عويش فخآطرهآ [ أفففف بعد هالحصة ! ليش دشت حيآتنآ يعلهآ من بنت مآ أدآنيييييييهآ ] : أها ، حمدوه وايد مسوية سالفة حق هاي حصة ، ما ادري ع شو ! حمد : اصلن منو هاي ؟ عويش : جي ما تعرفها ؟ حمد : لا وين بس اسمع عنها ، انزين قوليلي عويش منو هاي ! عويش : دامك ما تعرفها أحسن مب لازم تعرف ، انزين حمود امممم طلبتك لا تردني حمد : آمري ، كم عويش عندي أنآ ! عويش صدقت عمرهآ : آحم تسلم ولد خآلي ، بس بغيتك آممم ... آممم ، لا خلاص ماشي حمد : عويش عن التغلي قولي ، ما بينا هالسوالف نحن عويش : ماشي بس كنت اباك تمر تودي سيارتي التجييك ، تعرف ابوي و عمي مالهم خلق و انا وامي وخالوه ما نروم نوديها ، و تعرفني وحيدة ما عندي اخوان ، عاد قلت بتعبك وياي شوي و بخليك تمر تاخذها ، اذا ما عليك امر حمد : ما طلبتي شي ، خلاص بخلص من غداي و بوصل ربعي و بمر بيتكم ، أي أوامر ثانية طال عمرج ! عويش : تسسسسلم ، لا خليت منك حمود حمد : الله يسلمج يلا بخليج انا الحينه الربع حشروني عويش : وي فشلة سوري شغلتك عنهم .. يلا تيك كير .. باي حمد : هههه لا عادي الغالية .. يو يو .. باي كتتتتتتتتتتتت ، وجآن يخلص البآرت الثآمن ، شو موضوع [ سري للغاية ] !، و منو روضة ! ، شو علاقة حمد بهآ !! ، عليا لي متى بتم فهالعزلة و شو هالسر اللي يخليها جي ! |
| الساعة الآن 10:44 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir