|
السينمـــا ومادراكـ باللي يصير فالسينما ..!! [align=center] السينما هو المكان المفضل عند الاغلب لتقضيه وقتهم.. وانا من خلال هالموضوع حبيت اني اركز على اخلاقيات اللي يحضرون لمشاهده الفلم .. هناك كثير من السلبيات المزعجة اللي يتسبب فيها الشباب اثناء عرض الفلم وهي كالتالي : ١- الرد على الهاتف بصوت مرتفع و يضحكون بصووت عالي والتعليق على بعض اللقطات بطريقه غير حضاريهـ .. واللي حاط نغمه معاريس .. !! ٢- اللي مدخل المداوخ وحاشر البقعه بريحه الدخان ٣- واللي داش بس عسب يغازل بنات الناس .. وغيرها الكثير .. :mad: يعني مافي اي ذره أحترام للجنس الأخر (( حواء )) .. وماشي اي احترام لاي من الحاضرين فالقاعه.. !! ابااا تعليقكم ع هاي السلوكيات وبنظركم شووو هي الحلوول لايقافها .. :confused: تقبلووو تحيات قلمــي sŋfoOrT AD [/align] |
وييييه حركــأت السينما موول ماتخــلص انا مره حظرت فلم هندي وعاد منو عندي مهنده .. والله حاشرين البقعه بسوالفهم .. اقوول لهم صــخو مايفهمون لا عربي ولا انجليزي هع هع واحد منهم شــال تلفوونه يصور الفلم بتلفووونه اونه حاط فيديو اشكره نحن ااااخر القااعه .. عقب شويه اتصلت وحده ورمسووهاا وعالاسبيكر .. لوعو جبدي .. ماصــخو الا يوم عطيتهم البوووب كورن مالي .. انشغلو فيه كلهم .. ولا طلبو البيبسي بعد .. سويتلهم طااف لوووول .. والله اللي مايعرف الذرااابه شوو بتقوولين له وتسلمين .. |
مرحبآ بج ختييه والله اناآآ مآآعرف شوو يصيــرر فـ السينماآآ بس كل اللي رآحوولهآ مآيمدحونهاا عسبت السوآلف اللي تصيـر بهآ انآ اهلي مآيحبؤون حد يسيير السينماا >_< عسبت جي انآ هب حآآدرتنهآآ ..! يسلموؤوؤ ع الموؤضوع |
السلام عليكم ورحمة الله وبركاته مرحبااااااااا الساااااااااع والللللله انا مااعرف وش يستوي في السينما لأنه منقووود عندنا بس عااد ما يندرى عن الشباب وش يسوون هناااك الله المستعان وان شاء الله ربي يهديهم ^_^ تسلمييييين ختيه ع الطرح الحلوووو تقبلي مروري |
اقتباس:
الله يسامحهم على هالتصرف .. للاسف مع وجود كثره من المثقفين والدارسين الا ان ذلك لايؤثر في تفكيرهم ويجعلهم اكثر عقلانيهـ .. تسلم خويهـ ع المداخلهـ الطيبه .. |
اقتباس:
يالله ان شاء الله تروحينها .. ^^ وتسلمين ع المرور .. |
اقتباس:
مرحبتين ياهلا .. ^^ افااا ليش منقود .. وترى روحت السينما مثل روحت المول ;) كل مكان تسيرينه مخلوووط .. الحياه تغيرت والواحد هو واخلاقهـ.. :) آمين .. وان شاء الله تروحين السينما فالمستقبل .. ^^ |
السلام عليكم صح إن في أشيا بايخه ومالها معنى تستوي هناك بس مب فكل السينمات أنا الصراحه مطيحه فالسينما ، كل ويك أند أسير هناك ( طبعاً مع خواني ) أو مع الوالد . وأحس إن عادي البنت تسير السينما دام إنها محترمه نفسها . وبعدين هي ما بتسير بروحها أو مع حد غريب إلا مع خوانها وأهلها . لكن سيريسلي ما أداني أدش السينما وفيها هنود ( يرفعون الضغط ) على حركاتهم السخيفه ،حشى مب شايفين خير . الحمد الله والشكر الله لا يراويكم المغازل هناك ياخي أنتوا داشين تطالعون الفلم ولا تغازلون ؟؟؟ شباب الإمارات يهونون عن شباب الخليج ( أرقام دوليه برع البلاد وتقردنون ) وهني أنا ما أعمم على كل الشباب ( واللي عراسه بطحه يحسس عليها ) ولا ييج زلمه وإنتي واقفه مع أخوانج ويرقم ( ياخي رقم منقع وبعد رصيد ) وتغازل صدق إن العقل نعمه . الله يهدي الجميع إن شاء الله |
تسلمين ختيه ع الموضوع آممم آول شي المسؤولين لازم مايدخلون اللي عندهم مدواخ هالك عمره فيه ومب مكفنه وبعدين عن الكلام بطلعونهم برا --{ عاد ي الله منو فيه شده ع التقفيييط ^^ آنا عني ماسير السينمآآ بس هذا حل =) نلقى الزود منج خيتوو |
[align=center][align=right][align=center]والله حاااااااااااااااااااااااااااااااله نااس فاضية وتبي تخرب على خلق الله يبالي اسير واشيك ع الوضع وشو يستوى وبعدها ان شاءالله بعطي حلول صائبة باذن الله يسلمووووووو الغلا ع الطرح الغاوي [/align][/align][/align] |
السلام عليكم ١- الرد على الهاتف بصوت مرتفع و يضحكون بصووت عالي والتعليق على بعض اللقطات بطريقه غير حضاريهـ .. واللي حاط نغمه معاريس .. !! كل انسان يمثل بيئتة صراحة .. ٢- اللي مدخل المداوخ وحاشر البقعه بريحه الدخان انا يوم ابا ادوخ ، اظهر برع برررررررررع المجمع ولا السنتر لأني افكر فغيري ٣- واللي داش بس عسب يغازل بنات الناس .. ماعنده سالفه 0 0 0 والله يالبنات اذا تبن رايي وشوري عليكن ماتسيرن ها الأماكن لأنه سينمات الإمارات غير مؤهله للبنات .. لأني شايف وايدن من الشباب من يسوي ها السوالف وازيد عنهم 0 والأفضل مخالفة اللي يدوخون لأنه ممنوع فالأماكن المغلقة منعا باتا 0 يسلم قلمج اختيه سنفورة ، وفي انتظار المزيد منج 0 0 اخوكم / النعيمي |
يسلمووو اختي سنفوره على المووضووع صدقتي في رمستج في منهم مثل ماوصفتيهم وفي منهم لا |
عليج السلااااااااااااااام خيووه نحن الحمدلله ماعندنا سنيماااااااااات بس يووم ارووح البحررين ماشووف شراات ها السلووكياااات ووووايد بس مانقدر نقوول غير الله يهديهم يعني هب صغاار ماايعرفوون الصح من الغلط بس <<<الحيااهـ تتطلب تسلم يمنااج خيوه ربي يعاافيج عسااج ع القووه تقبلي مرووري السموحه ع القصوور |
[align=center]السلام عليكم و الرحمه .... موضووووع راااايع حلوووو فنتووووك , تسلم يمناااج ع الموضوووع اختي ... السينما وبلاوي السينما ... ١- الرد على الهاتف بصوت مرتفع و يضحكون بصووت عالي والتعليق على بعض اللقطات بطريقه غير حضاريهـ .. واللي حاط نغمه معاريس .. !! أول شي برمس عن قضية الرد ع التلفووون , يوم ادش السينيما مارد على التلفووون حتى لو شو صااار :D, واللي يبا يرمسني يدز مسجااات :p , لان الانسااان لازم يحنرم الموجودين ... أما عن الضحكااات الغريبه , فهاي موجوده ف الكثير من شباب الامارات , وانا بصرااحه لو اشوووف مشهد مضحك ما استحي اموووت من الضحك , خخخخخخخخخخخ :D ... ٢- اللي مدخل المداوخ وحاشر البقعه بريحه الدخان.. الحمدلله , انا بعيد عن الدواخه و المدواااخ , ولا احب ريحتهم , واصلا ممنووووع هالشي وقت عرض الفلم , بس بعض الشباب يدوخون بدون ما ينتبه حد , وهالشي سلبي طبعا ... ٣- واللي داش بس عسب يغازل بنات الناس .. هيه والله , خخخخخخخخخ :D ... وفي ناااس يوااااعدووون داخل السينيما وتصير بلاوي وقت عرض الفيلم ف الكرسي الاخير من القااااعه , خخخخخخخخخخخخخ ;)... والله انك ذكرتيني بسواااالف جديمه ... تسلمين ع طرحج الغاااوي ... تقبلي مروووري .. ][®][^][®][Qanes ALreem][®][^][®][[/align] |
[align=center]اول شيء تسلمين على هالموضوووووع ثااااني شيء ما اقدر اقولج اي شيء او اني اتفلسف...........لاني ما قد رحت السينما................لانه عندنا منقوووووووووووود وعيب وتبين الصدق دااام هاااي السوالف اصلاً ما بروووح لو كنت اقدر اروووح الحمدالله اي فلم ابا اشوفه اشوفه بالبيت....اخواني ما مقصرين تسلمين[/align] |
اقتباس:
صح كلامج .. وشي طبيعي انج تاخذين حد من هلج في هالامكان العااامه .. تسلمين ع المداخله الطيبه .. ^^ |
اقتباس:
الله يسلمج .. صح يينفع كحل لايقافهم وترى هالنوعيه تنفع معاهم العين الحمره ... ;) وتسلمين ع المداخله الطيبهـ |
اقتباس:
مشكله موجوووده و واضحه .. بس نتريااا حلولكم .. الله يسلمج وتسلمين ع المداخلهـ .. ^^ |
اقتباس:
عليكم السلام خويه النعيمي .. اتفق معاك ان كل انسان يمثل بيئته والمشكله ثقافيه واخلاقيه بحتـهـ .. بالنسبه لنا كبنات هل من المعقول ان نحن ننحرم من هاي الاماكن بسبب تصرفات غير عقلانيه .. !! فاعتقادي ان الحل المناسب هو تخصيص ايااام او ساعات من اليوم للحريم .. وكلامك صحيح بالنسبه لمشكله التدخين .. شاكره لكـ مداخلتكـ الطيبهـ .. :) |
اقتباس:
الله يسلمج وشاكره لج مرورج الطيب .. |
اقتباس:
هالسلوكيات موجوده وكل يوم عن يوم تزيد وعلى فكره في الغرب نااااااادر ماتلاقون عندهم هالتصرفات وهذا اكبر دليل انهم ناس يولوون احترام كبير للمشاهد .. اللهـ يسلمج وشاكره لج مداخلتج الطيبه .. :) |
اقتباس:
وعليكم السلام والرحمه .. ماشاء الله عليكـ .. هني اللي نقدر نفتخر فيهم ... ;) وماقول غير الله يصلحهم واتمنى من خلال هالموضوع اني وصلت رسالتي لي هالفئه من الناس .. تسلم خويه ع المداخله الطيبه.. :) |
اقتباس:
تصدقيين كنت بنسااااج .. :o الله يسلمج عزيزتي .. اتفق معاج .. هيه والله اخوانا مايقصرون اي فلم نازل يديد تلاقينه عندهم وسعره رخيص بعد :D |
امممممم والله نحن بعد منقود البنات يروحن السينما لهذا ما أعرف شو يصير بالسينما تسلمين إختي ع الموضـــوع |
الصرآحه عن نفسي عيب عندنآ البنت أتروح السينمآ بدون هلهآ او المحرم لنه السينمآ موؤل غير عن الموؤلات الصرآحه لنه الموؤل مكآن مفتوح ومآفيه احتكآك مبآشر مثل السينمآ عآدي لو حد يآلس ورآج ويعطيج من هيييج الرمسة هع وبعدين حق و تروحون السينمآ إلآ الأفلآم تنعرض ع القنوآت بعد حق شو تخسرون عمآركم ^^<<<< أونهآ أقتصآدية البنت ووووبس والله مآعرف وو أقول لنه إلآ مرة دآشة السينمآ وتوبت ^^ |
اقتباس:
الله يسلمج وشاكره لج مرورج .. ^^ |
اقتباس:
بشكل عام روحت المول و لا السينما لازم يكون وياج حد من رياييل البيت .. وانا اركز على السلوكيات اللي تصير في قاعه السينما .. وفالنهايه هي مساله اخلاقيه .. تسلمين ع المرور الطيب .. |
صدقتي والله قبل اسبوع سرنا السينما وكان وراي واحد وحضرحضرته خايف لان الفلم كان رعب انا بعد كنت خايفة هو يهز الكرسي ما اعرف شو فيه ويسولف ويعلق على كل شي يعني الصراحة حركات بايخة |
http://www.3tt3.net/up4/get-9-2007-ljj264jy.gif تسلميـــن أختي ع الطرح الغآوي ,, الصرآحهـ آنآ تقريباً كل شهر أسير السنما ( مع أختي أو إخواني ) اللي يقهرني أكثر شي تعليقآت الشبآب ,, أوكي يعني يت لقطهـ مثلآً تضحك .. انزين الوآحد بيضحك شوي وخلآص عآآآد هم موؤؤل مايصدقون يتمون يضحكون ويسوون إزعآج لغيرهم ,, أمآ عن الرنآآآآت الله لآ يرآويكم والله يقهروني اللي يحطون رنآت والصوت عآآآآآلي انزين حطوا فونكم ع الصآمت ويوم بتظهرون من السنما ردوا الرنهـ اللي تبونهآآ " سوآء كآنوا بنآت أو شبآب " ربي يهدي الجميــــــــع ونترقب يديدج ^^ http://www.3tt3.net/up4/get-9-2007-shgl2hq6.gif |
السلام عليكم ورحمة الله وبركاته ماحب ادش السينما احسها تييب الرقاد بس احينه هذيلا ليش يسوون جي حلام والله بس حبيت اقوول حايه المحترم راح يحترم نفسه وغيره بالسينما او اي مكان ثاني واكثر شي يقهر الدخان عاد خاطري امحيه من الكون مو بس السينما الله يهدي الجميع سلمتي اختي |
[align=center]بعدهـــم مب حاطين سينما فـ السعودية بس الي كتبتيهـ يصير فـ كل مكان حتى المستشفيات والأماكن الترفيهيه والدوائر الحكوميهـ .. يعني تشوفين لوحهـ كبيرهـ مكتوب عليها ( ممنوع التدخين منعاً باتاً ) ولوحهـ ثانيهـ مكتوب عليها (الرجاء أغلاق الموبايل) ومايمديج اطوفين اللوحات الا تشمين ريحهـ الجقاره وصوت واحد يصارخ وهو يرمس .. شووه بتقولين لهم او عنهــم دامهم مايفهمون لاعربي ولا انجليزي "لأن اللوحات تنكتب باللغتين لووول" تسلم يمناج خيتوو ع الموضوع الحلووو يعطيج الف عافية وعساج ع القوووة نرقب الزود منج[/align] |
اقتباس:
[align=center] الله يثبتهم بعقلهم .. تصرفااات مالها داعي .. !! بس نصيحتي لج انج تاخذين حد معاج في هالاماكن العامه لان للاسف الاحترام انقرض هالايام .. [/align] |
اقتباس:
[align=center] صح كلامج .. وربي يسمع منج ويهديهم .. تسلمين ختيه ع المداخله الطيبه .. [/align] |
اقتباس:
[align=center] وعليج السلام ورحمه الله وبركاته .. حبيت توقيعج .. ما شاء الله نايس ^^ نرجع لموضوعنا صدقتي .. بكلامج و الزين زين والشين شين بس اتمنى انهم يقرون الموضوع ويراجعوون تصرفاتهم ويحشمون المكان اللي هم فيه .. وتسلمين ع الكلام الطيب .. [/align] |
اقتباس:
[align=center] هلا ختيه سلمــى .. منوره .. ^^ اول مره اعرف ان ماعندكم سينما .. معقووله وانا اوافقج هالتصرفات موجووده والمشكله انها تزيد بس على الله ان اللي يتربووون عليه طوول هالسنين من اخلاقيات تفيدهم .. وعلى قولتهم .. لا حياة لمن تنادي .. :54: وتسلمين ع مداخلتج الطيبه و لاعدمنا آرائج السديده .. [/align] |
١- الرد على الهاتف بصوت مرتفع و يضحكون بصووت عالي والتعليق على بعض اللقطات بطريقه غير حضاريهـ .. واللي حاط نغمه معاريس .. !! يعني في سينماا لازم يكوون التلفوون على الصاامت او اذا يبا يرمس يطلع براا ويرمس ٢- اللي مدخل المداوخ وحاشر البقعه بريحه الدخان لازم يمنعوونهم وما يخلوونهم يدخلوون هالاشيااء لانه فيها مظرهــ لغيرهمــ ٣- واللي داش بس عسب يغازل بنات الناس .. البنت لازم يكوون حد ويااهاا من الاهل وما تسير ارووحهاا سينمااا!!! يسلموووو على الطرحـــ نتريا الزوود |
اقتباس:
|
انا عن نفسي مدمن سنما وايد تصير لي مواقف هايك المره وانا فسنما وااحد ورانا يضحك بصووت عالي والله اي شي تافه يصير بالفلم يضحك وها كله عسب يسمع وحده قاعده جدامنا والي يقهر اكثر هي تضحك وياااه وغير ها كله السنما صار مكاااان للموواعد يعني البنت تيي ويا رفيجتها ولا ربيعتها ومرات اختها ويوم ايي ربيعها ياخذها ويروح وايد تستوي جدامي ماااقوول غير الله يهديهم |
[align=center]اول مره اعرف ان ماعندكم سينما .. معقووله طولي بعمرج لو عندنا جان الشباب مايسيرون البحرين خميس ويمعهـ لووول[/align] |
اممممم انا عني ماسير السينما ... لان هلي ما يرضون ... بس المسؤولين لازم ينتبهون ع هالأشياء ... والله يهدي اليميع ... |
| الساعة الآن 12:02 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir