|
ما كان ودي ابعـد بس الزمن جبرني$ عندما خطت اناملي على دفاتري وكتبت كل مايدور فيني من احاسيس ومشاعر صادقـه اود ان اقدم لكم روايه جديده من قلـم الله يعين القلب عندما يلتقيان {{الفرح×الحزن}} {{الفراق × الـألـم}} {{الامل × الخيبه}} {{الخيانه× الصداقه}} {{الحب×التضحيه}} {{الهجر× الصد}} {{ الظلـم×العدل}} {{الضيق× الفراق}} {{الحنين ×الشوق}}اود ان انثر حروفـي لـكم واتمنـى لكم خالص الشكر والتقدير http://www.fujeyes.com/vb/images/smiles2/bt.gif "" السلام عليكم ورحمه الله وبركاته شحـالكم "" بعد غيبـه طويله رجعت لكم اللـه يعين القلب بروايه يديده وان شاء الله تكون احلى من الاولـى واتمنى محد يزعل مني واي اقتراحات او انتقادات او اي شي يكلمني ع الخاص ومايرده إلا كيبورده |
بســم الله الرحمن الرحييييييمّ الفصل الأول،،} 1 { عايــله بو منصوؤور الــ**** :_ عبدالله عمره 51 سنـه ريال طيب يخاف ربه ويحب عياله وحرمته وعنده شركه كبيره يشتغل فيها هو واخوانه (( من دار الظبي)) ام منصور:_ ظبيه 45 سنـه حرمـه طيبه وحنان الدنيا فيهاا تحب عيالها وماترفض لهم طلب ماتشتغل ملامحها حلوه وماتحب تبين انها كبيره^^نكتفي بهالمواصفات^^ منصصور :_ 25 سنه مدير عام شركه ابوه ,,حنون وطيب ويحب امه وابووه ومايرفض لهم طلب متزوج وعنده ولد ويمووت فيه اسمه((عبدالله)) عمره سنه ونص يشبه ابوه مره طبق الاصل رموشه كثيفه وحوايبه مرسوومه ،،شعره لتحت اذنه وناعم وخشمه سله سيف // مريـم حرمه منصور :_23 سنه تحب منصور وتموت فيه وتحب ولدهـا ومدلعتنه ،، بشرتها بيضه وعيونها وساع لونهم بحري ورموشها كثاف وحوايبها مقرونات ،،شعرها يوصل لخصرها ،،ضعيفه وطوويله و ساكنين في بيت بو منصور منــاير:_ عمرها 23 سنه طيبه ومايخصها في حد تمتو في امها وابوها ،، بشرتها صافيه وبيضه ،، عيونها ناعسات لونهم عسلـي رموشها كثااف مثل منصور ،،تدرس اداره واعمـال في جامعـه**** آخـر سنـه مخطوبه لولد خالــها ((تحبـه بس محد يعرف __بنعرف منو هاذا خطيبها اثناء احداث الروايه)) منيييره:_ 21 سنه طيوبه واسلوبها عفوي ودوووووم تنكت وتضحك عكس مناير ومحد يسلم من لسانها ،، متينه شوي طولها مناسب ،، شعرها لنص ظهرها لونه ككاوي ناعــم ،، عيونها وسااع لونهم بني غامـج رموشها كثاف حوايبها مرسوومـه طبيعي ،، تدرس بالتقنيه حميد :_ 20 سنه يدرس في تكنولجيا الامارات عيونه وسااع لونهم عسلي ورموشه كثيفه وحوايبه مرسومه((مثل منيره)) وطبعه مثل منيره يحب السواالف وحبوب ،،طوييل ومعضل شعره طوويل وكثيف وامـه دوم تنازعه عشان كل اسبوع له استايل يديد بس مع الاسف عنده الربو من المرحله الثالثه وهو مع اخته منيره وااااايد وبير اسراره مايـد:- 15 سنه اول ثنووي مشااغب ويحب المشااكل وماخذ طبع منييره مايخصه في شي اســمه دراااااااسه ضعيف وطويييييييل ــشعره مثل حميييد بس صابغنه اشقر بلاتيني ياي عليه حلوو ،،بشرته بيضه خشمه طويييل شفايفه صغيييره و حوايبه مقروونه ويحب ولد اخوه ((عبودي الصغير)) >>>>>>>>>>>>>>>>>>>>>>><<<<<<<<<<<<<<<<<<<<<<<< //نبـــدأ أحداث الروايه\\ الصبح في بيت بو منصور الساعه 7 يوم الاحد على طـاوله الاكل الكل متيمع وهاذي سنه دراسيه يديده أم منصور: ابويه وين عبود(( توجه الرمسه لمنصور)) مريم:عموه عبود نايم امس متأخر ابوه الله يسامحه قعد يلعب وياه وعقب فره عليه ونام بو منصور: وانت شقايل تسهر الولـد مب زين عليييييييك منصوؤر (يطالع مريم بقهر): لا والله الحين طحتو فيني هااا! منيره: هههههه تستااهل ياحبيبي منصور:حبيبتي منوره عادي اقولج شي منيره بشمووخ: عشتو من متى الادب هلا آمر غررد منصور انفجر فيها: لو ماسكتي بتشوفين ويهج في دله الحليييب منيره: لو........(قاطعتها ام منصور) ام منصور: بسكم ماااقر من الصبح ابو منصور: ماتحترمو حد انتو شو وانت كبرك كبر ومعيل حاط عقلك بعقلها منصور ومنيره استحو من ابوهم وامهم ((قامو باسو راسهم)) بو منصور باستغراب: عيل وين حميد وميود حميد من بعيد: انا هنيه ابويه في الصاله الثانيه ام منصور: واابوي شعنه مب قاعد هنيه تتريق تعال ابويه وخل هالزفت من ايدك حميد يمشي : ان شاء الله اميه (وباس راسها وراس ابووه):: صبااااح الخير الكل: صباح النور حميد: عيل الكل متيمع وينه عيل الهفت ام منصور: لاتقول عن اخوك هفت انا مادري من وين يايب هالرمسه حميد: هيه ها ولدج دلوووعج مابترضين علييه منيرره: وانت شو حارنك؟ حميد: عزيزتي بخصوص حارنك شايفتني غاز ولا فرن منييره:لا ميكروويف مناير:يالله مع السلامه (باست راس امها وابوها وطلعت) بو منصور:وينه عيل صح ميوود اليوم اول يوم دراسه وللحين خامـد حمييد: مب من شي انتو مدلعينه ام منصور: حميييييييييد حميد: خلالآص خلآأآإص ام منصور: ابويه لاتنسى البخاخ مالك ولاتقعد في الهوا وايد يوم بتتعب وصدرك بيعورك روح المستشفى ولا اتصل علي واذا ماقدرت تسوق اتصل لمجيد ((السواق )) حميد بعصبيه: بسسسسسسسسس الله يخلييييييج بس حراااااااااااام علييييييييج جنه محد مرييييض غييييييييييري خلاص والله تعبت ومليييييييييييييت وزهقت ياااااااريت اموت بس عشان تفتكون تتحريني ما اشوف نظراتكم لي يوم اطلع ولا اسوق ولا اتاخر شووووي ويوم قلت لكم ابي اتزوج شبيتو فيني ((يعني انفجرتو فيني)) وسكت ماقلت شي تتحروني ما اعرف ان ابوي يكلم مدير الكليه وقايل له كل شي تتحريني يا اميه اني ما اعرف انج انتي الي تعقين عني العطوم وتقولين ان الخدامه كسرتهم انا كبررررررت انا مب حميد بو 7 سنوااات شوفو ويهي((يأشـر على ويهه )) شوفو لحيتي طـالعه (وبغصه وعينه تجمعت فيها الدموع ؛؛ طــــلع بسرعه برع عشان مايبين لحد ضعفه ماعمره صاح إلا جدام منيره والبحر((وشخص بنعرفه بعدين)) ام منصور تصيح: منصور قوم ابوييييه شووف اخوك ألحق عليييه منيره تصيح: بس اميييه استهدي بالله لاتخافين مافيه شـي ام منصور تصيح: واااااااعليه علييك ياولدي مريم تصيح: بس عمتي قومي غسلي ويهج وكل شي بيرجع اووكي ×× صوووب منصور وحميييد قاعدين على طاوله كبيره في حديقه البيت طلع منصور حصل حميد حاط ايده على راسه منصور ((يطبطب على ظهر اخوه: ماعليه حميد بتزعل الحين على رمسه اميييه هي خايفه علييك شوفها كيف مقطعه عمرها روحها من الصيااح شوفني انا تزوجت وعيلت واميه بعدها ادلعني حتى مرتي تغار منها وسكت ماقلت شي هي لو ماتحبنا ما كانت تسوي جي فينا صح ولالا حميد يسمع كل كلمه من اخوه وهو ساكت لانه عارف لو تكلم عادي ينفضح ويصيح وهو مايبي هالشي وقف وراح لسياارته منصور واقف ورافع راسه للسما: ياارب انك تحفظه (( ودخل داخل ماحصل حد في الصاله ،، راح حجره امـه قال اكيد هناااآإك ،، وفعلن راح حجره امه وحصل منيره ومريم قاعدين يصيحون معاها ) منصور بحزن: لا اله الا الله بدل ماتهدونها تصيحو منيره تتكلم بصعوبه وهي تصيح: اهي اهي انننت لوو تسسمعها ششو تقول بببس منصور: استغفر اللـه وباس راس امه: اميه هو زين لا تحاتي انتي ((يطالع مريم حرمته ومنييره اخته)) : يالله طلعو خلوها ترتاح منيره تمسح دموعها: منصور منصور بضيج: هلا منيره: انت وداني اليوم لان الملكيه مالتي منتهيه واخاف يمسكوني\ منصور: زين يالله روحي شغلي السياره لين ما ايي منيره تغمز له: هيه عسب تقعد مع القلب صح((تتطالع مريم)) منصور يضحك : ههه حتى وانتي تصيحي ((راحت منيره)) منصور يصد صوب مريوم: وافديييييت ال يستحون كم بعيييش اناا ((وحاط ايده على قلبه)) منيره من بعيد: ابووووي انا بروح اخاف يصير شي بعد حجرتكم فوق ترى للتذكيير بس (وشردت) منصور انحرج بس ماحب يبين: امممم اقوولج مريم: هلا منصور: اليوم بنروح نتشرى ملابس لنا مريوم عقدت حوايبها وطلعت حلوه (لان حوايبها مقروونه)): سفر اي سفر وليش ملابس ولنا؟؟! منصور: ههههه اول شي انا وياج وعبودي بنروح ألمانيا وبنشتري ملابس للبرد لان جوهم باارد مريوم: حلو بس ليش بنسافر منصور: احم تقدري تقولي تجديد شهر عسل مع ولي العهد عبوود مريوم: حيااتي والله مايد نازل من الدري وفي ايده عبود يصيح: بلا حياتي بلا قلبي وخرابيطكم من الصبح شلو ولدكم حشرني ابا انام مريم تركض لمايد عشان تشل ولدها وتبوسه: شو سوى فيك هالمتوحش منصور: ماعليه ياميود تزعل ولي العهد ها خلني بروح وبرجع لك مايد ركض فوق: خفت وااايد ((وطلع ميود ينام// ومنصور راح الشركه ووصل منيره ومريوم راحت تسبح ولدها)) شو رااااااااااااايكم بالبارت واتمنى اشوف توقعاااااتكم وتشجييييييييييعكم تحياتي {{الله يعين القلب}} |
الله عاد انا احلى اسم عندي منصور تسلمين يالغلا و بانتظارج |
اقتباس:
اشكر تواجدج واشكرج لانج اول من رد:1711: |
{{الفصــل الثــاني}} >> بوظبي<< اليوم الثاني يوم الاثنين الساعه 4 العصر في بيت عايله يديده عايله بو فهد // احمد عمره 49 سنه ريال عصبي مره مايحب الخير لحد وطماع قلبه قااسي ومغرور متزوج عنده ولد وبنت((بتعرفون عنه عقب اكثررررررر)) ام فهـد // لوجينا عمرها 40 مايبين عليها الكبر عيونها زرق وشعرها اشقر عسلي عيوها ناعسه ,, تركيه حلوه مايخصها في الدنيا كله مسافره وماتعرف شي عن عيالها ومن حفله لحفله تزوجها بو فهد يوم كان صغير وابوه غضب عليييه ((بعدين بتعرفون السالفه بالتفصيل)) فهد/عمره 24 سنه ,, بشرته بيضه عيوناته عسلي فاتح خشمه طويل ،،شفايفه صغيره و=،، معضل وطويل ،، شعره طويل لين رقبته لونه كستنائي ،،رموشه كثااااف ،، حنون وطيب عكس ابوه ،، يحاول يعوض اخته وهو ربيع منصور الروح بالرووح ويشتغل في شركه عمــه بو منصور مهندس معماري بس ابوه مايعرف ((لانه لو عرف ان ولد يشتغل عند اخوه بتصير علوووم لانه يحاول يبعد عياله عن اخوانه ومثل ماقلت لكم بتعرفون كل شي في الاحداااث)) شهــد( البطـــله)"" عمرها 20 سنــه امها يابتها عقب فهد متأخر لانه امها عندها مشاكل في الرحم ويابت شهد وماتروم تييب غيرها المهم هي حلوه على امها عيونها واسعه لونها بحري شعرها لين اخر ظهرها لونه اشقر عسلي مثل امها ،،دلوعة اخوها واسرارها عنده وتموت فييييييه ومالها غير دراستها واخوها ،، هيه تدرس في تقنيه الامارات وهي وحيده اخوها ؛؛ نرجــع نكمل الروااايه؛؛ كانت قاعده في الصاله تتطالع مسلسل ايام الزهووور ومندمجه دخل عيلها بدون ماتحس وحب يخوفها يا من وراها وصرخ في اذنها: واااااااااااااااااااااااااااااااااااااا لفت بسرعه عليه وطاحت في حضنه وتصيح من الخرعه فهد: ههههههههههه اشفيج بسم الله تقولو واحد ميت عندج شهد تصيح وتصارخ: اهي اهي ياحيوااااااااان والله خوفتني تدري ما احب اندمج وحد يخرعني فهد يطبطب على ظهرها:بس خلاص حياتي بعدين لو حميد خوفج عادي صح شهد خافت وارتبكت وبين عليها: ااي حمييد ششو السالفه فهد يغمز لها: اي حميد هاا تتحريني ما اعرف طع ويهج كيف صار بس شهد تقوم من حضن فهد: بلا خرابيط فهد يلفها عليه: قعدي وخبريني كل شي من متى تخشين علي شهوود شهد وعيونها منترسه دموووع : انزين بس والله ماتنازعني وتحاول تفهمني فهد يمسك ايدها ويهديها ويمسح دموعها الي طاحن: حياتي اهدي ولا تصيحين وخبريني على راحتج وانا من متى انازعج انتي دلوعه فهود وانا ما احب دلوعتي تصيييح شهد ابتسمت فهد : ياويييل حالي اذووب انا شهد استحت: ايه عاد عن السخاافه فهد يقعد صوبها ويحط راسها على صدره:_ يالله حبيبتي نفس كل مره وانا اسمعج وعلى فكره حميد قايل لي كل شي لاتخافين حبيبتي انا واثق فيييج شهـد ارتاحت لكلام اخوها: بسم الله امممم تذكر يوم كان عمري 16 سنه فهد: هيه كان عمري 21 شهد: ايواا وقتها كنت تدرس في بريطانيا انزين كان دوم حميد يكون عندنا بالبيييت ومثل منت عارف ((وبنظره حزن)) امي وابووي محد كان يسلم علي واونه يطمن عليييك وكان كل يوم يوديني السكول بس والله ماسويت شي غلط حتى ماحاول يمسك ايدي ولاطلب رقمي ولا طلب يكلمني حتى يوم احتاج شي من المكتبه بروحه يسأل منيره ويقولها تتصل لي وتسألني شو احتاج وتقوله وتعرفني ما احب اروح مع السواق اخاف فمره حسيت اني ابي اشووووفه حسيت بخوف لانه فجأه اختفى لانه سافر يدرس برع بس كان يوصي منيره علي وماقصرت فديتها بس كنت احس بالوحده حتى قطعت السكول 4 ايام وكنت احس باحساس غريب ما اعرف شو هو بالضبط احس اني اشتاق له حتى لو كان جريب مني ومرات ودي اكلمه واسولف له واقوله اخباااري والله ليومي هاذا متردده ومش عارفه شو هالشعور فهد يرفع راسها ومبتسم وهمس باذنها : الحــــــــــــــــــــــــــــ❤ــــــــــــــــــ ـــــــــــــــــــــ♥ــــــــــــب شهد انصدمت هي كانت متردده في هالشي قالت يمكن اعجاب في خاطرها((معقوله انا احب حميد آآآآآآه ياقلبي ماعمري فكرت بهالشي ياوييييييل قلبي تصوبت من قلب حمييييد )) فهد بعده يهمس: معقوله للحين ماعرفتيه ياقلبي للحين متردده للحين تفكري 5 سنين وانتي مش متأكده ^^وفي خاطره^^( الله يوفقج ياحبيبتي مع حميد )) شهد باست راسه: الله يخلييييييييييييييييييييك لي يارب ×× فـي نفس البيييت بس صوب بو فهـد قاعد بالمكتب مع [...] بو فهد بخبث: راشد اسمعني ابيك تختلس من شركتهم نص الفلوووس راشد بطمع: اكيد طال عمرك ان ماخليتهم يزحفون لريلك زحف يترجونك تعطيهم فلس بوفهد: حلو وهاي بتكون الخطه الاولـى ّّ وقفه×× راشد مدير اعمال بو فهد يعني ايده اليمين بس طبعا بالشر عمره 48 سنه نفس صفات بوفهد بس هاذا اخسسسسس وألعن متزوج وعنده بنت وحده عمرها 18 سنه ماعنده غيرها لانه سوا حادث وسبب له عقم ""نرجع للروايه"" راشد بخبث: بو فهد ان كل مره انفذ اوامرك وماعمرك شفت مني شي غلط بوفهد : والنعم وانا اشهدد راشد بخبث اكثثر: عيل عطني بنتك!!؟ بوفهد باستغرااب: يعنيي((راشد قاطعه)) راششد: اتزوووووجهاااااااا !!! ّّّّ صدمـــــــــــــــــــــــــــــــــــــــــــــــ ــــــــــــــــــــــــــه** صدمـــــــــــــــــــــــــــــــــــــــــــه ^^احم السموحه منكم لاني تأخرت في تنزيل البارت بس والله ظرووف الدراسه وعندي ضغط وماقدرت بس ان شاء الله تكمله البارت بااااااااااجر اوعدكم وشي هديه من لكم ب‘‘عد^^ تصبحووون ع خييييير: |
الله شهد ذكرتيني بشهوده عاد الاسامي عايبتني عن لا اطيح عليج بس تسلمين غلايه |
اقتباس:
دووم منوووره:wrd: |
>> عند آخر عاايلـه (( الشارجه ... قراين)) عايله بونايف"" بطي ريال طيب على نياته عمره 48 اخو ام منصور وام سلطان يحب عيااله وحنون عليهم ام نايف: صووغه عمرها 44 حرمه مايخصها بشي اهم شي عندها ريلها وعيالها وبيتها وتحب تتكشخ لريلها بس تحب تغايض خوات ريلها شغلان حريم ال......اخ {هههه نفسياات} نايف: البجـر عمره 24 سنه خطييب مناير(عرفتووه *_^) يموت فيهااا بس ماحب يعترف لها طويل وجسمه رياضي شعره قصير لحد اذنه وهو مع سلطان ومنصور وربيع فهد الروح بالروحّّ حامـد":\ عمره 22 سنه يدرس مع ولد عمته نهيان واسرارهم وسوالفهم دوم مع بعض ونفس التخصص بعد طويل وجسمه عادي عيونه وساااع ويشبه منصور ولد عمته الريم"|: عمرها 19 هي مع اصايل // وهي تقول لأم اصايل((خالوه من باب الاحترام) وتشبه ميود ولد عمتها بالضبطط المييث": عمرها 17 سنه سنه مع مثاايل واايد وكل 5 دقايق بالفون شعرها لركبتها ماشاء الله ولونه اسوووود وناااااعم حرير وعيونها عسليه ،،آخر سنه ثنويه العنوود :" ععمرها 15 سنه اول ثنوي عيونها ناعسات عسليه .. رموشها كثاف وحوايبها مرسوومه رسم فن الصراحه وتحب الدراسه وتموت في شي اسمه كااام تحب تصور كـل شي شعرها لنص ظهرها لووونه اسوود >>>>>>>انتهـــى البارت الثأأأأأأأأأأأأأأنــي <<<<<< |
يا ويييل حالي الريم و حامد أنا متخبله ع الأسامي أكثر عن الروايه |
اقتباس:
|
>>>>> توقعااااااتكم للبارت الثـــــــــــــــــاني <<<< بو فهد ينفذ وعده ويزوج شهد لراشد؟؟ بو منصور وبو سلطان وبو نايف وبو مشعل بيتصرفووون؟؟ شهـد بترضـى تروح بيت عمها؟؟ وهل بتستوي مشاكل بين بو فهد واخوانه؟؟ هل بتخسر شركه بو منصور؟؟ هـل حميد بيتصرف وبيقول ان يحب شهد ويبيها؟؟ هــــل راشد ناوي بس عـلى اخوان بو فهـد ولا على حد ثــاني بعد؟؟ \\ اتمنــى اشوف توقعاتكم عشان انزل لكم بارت يديد وقولو لي رايكم بالشخصيات اليديده وعطوووني رايكم بالبااارت؟؟// كانـــت معكــــــــم الله يعيــــــــــــن إلقــ،ّلـــــبّ!:001: |
رووووووعههه تسلمين ع هالروايةة نتريا الي بعده |
اقتباس:
الله يسلممج افا لعيج ان شاء الله جريب وانزل ثانكس فديتج تشرفت فيج الصراحه وجودج له اهميه عندي والله نورتي الصفحه غلاي:wrd: |
مرحبااااااا مليووون الغاليه شحالج عساج بخير الصرااحه انا حبيت الرواااااااااايه وسجلت والله بس عشااانج يمكن ماتصدقين بس انا كنت متابعه لج من ورا الكواليس واتمنى انج تنزلين لنا البارت الثاااالث بليييز اتقبلي مروري فديييييتج بو فهد ينفذ وعده ويزوج شهد لراشد؟؟ (( اممم هيه وبيغصبها)) بو منصور وبو سلطان وبو نايف وبو مشعل بيتصرفووون؟؟((لا ما اظن لانهم مايرمسوونه)) شهـد بترضـى تروح بيت عمها؟؟((لا ما اظن عشان حميد هناك)) وهل بتستوي مشاكل بين بو فهد واخوانه؟؟((اكييييييييد ها لازم)) هل بتخسر شركه بو منصور؟؟(( لا ما اظن)) هـل حميد بيتصرف وبيقول ان يحب شهد ويبيها؟؟((هيه عشان ماتروح منه)) هــــل راشد ناوي بس عـلى اخوان بو فهـد ولا على حد ثــاني بعد؟؟((لا ما اظن بس على اخوان بو فهد)) اتمنــى اشوف توقعاتكم عشان انزل لكم بارت يديد وقولو لي رايكم بالشخصيات اليديده وعطوووني رايكم بالبااارت؟؟// الصراااااااااااااااااحه البارت رووووووووووعه تسلمين فديتج |
اقتباس:
ثاانكس فديتج على الرد الجميييل لا والله مصدقتنج ثااانكس حيااتي ..تسلمين والله..ثانكس ع التوقعات .. ان شاء الله بنزل جريييب:1711: |
الفصل الثالث(( في الشارجه المغرب صوب بيت بوسلطان الكل قاعد في الصاله)) ام سلطان: وين عيل ابرار سلطان: نايمه اميييه ام سلطان تشهق: هئئئ للحين حرام عليكم عقب فليل بتقوم تحشركم سلطان: ان شاء الله اميه الحين بقومها((يطالع اسرار)): حبيبتي قوميها مكتوم:احممممممممم حرمه اخوي لاتصدقينه يساحلج عسب مايرووح سلطان يفره بالمخده: يالخايس تواقع بيني وبين حرمتي مكتوم ببرائه ويأشر على صدره: انا .. انا في حالي مايخصني نهيان : ويييييييه انت وين والبرااائه وين ويا هالكشه مكتوم يكشكش شعره بحركه حلوه: ياااي فديت شعري شعر جذاب بلا عذاب بو سلطان: جذاااب ها برويك انا ان ماقصيته لك ((مكتوم يقاطعه: لالالالالالالا تكفى ابوس ريلك)) ام سلطان: اممف عليك اغدى ريال اشو بعد هالرمسه لا بعد طي حلك دمعتين ماتو الرياييل نهيان اونه عاد: هيه والله افا ماتو صدق سلطان يطنز: ليش حبيبي انت مب ريال ههههههههههه لا يكون جلبت ام سلطان عصبت صدق: بس عااااااااااااااااااااااااااااااااااااد رياييل شكبركم ماتحترمون حد لي شجي اشوف قومو من جدامي مكتوم يبوس راسها: واااااااافديت ام مكتوم كله ولا زعلج(ويطالع اخوانه ويغايضهم )) \\ // \\ // \\ // صوب الفجيره في بيت بو مشعل رمايل واصايل ومشعل قاعدين بالصاله ومنصور الصغير يلعب وي مشعل: رمااااااايل رمايل تسكر اذنها: اسمعك وربي ليش تصرخ مشعل: يعني ماتشوفييين هالاهبل مطول ع الصوت جنه مايسمع اصايل: لاتفاول عليييه مشعل: مالت انا اقول((يصد صوب منصور: منصوووووووور ويهد منصور مسوي طاف مشعل قام وشله ومنصور يطير في الهوا مشعل: انت ماتسمع منصور: ههههههههه نزلني ايه نزلني والله اخبر باباه نزلني ههههههههه مشعل يدغدغ منصور : ههههههه يالهرم ماتسمع لاااااااه اونه بخبر عليك باباه خفت انااه صح منصور يتنفس : هههه اننزين خلاص والله بسممع مممره ثانيه هههههه نزلني عاد مشعل ((ينزل منصور)): خلاص يالله روح ماعندك مذاااكره انت شوو؟ منصور يشرد فوق: لالالالا ماعندي مشعل: ههههه ماعليه شردت هالمره عقب مابتشرد اصايل: خلالاص خله مشعل: هيه ها القلب ماترضين عليه المهم رمايل روحي لمثايل قولي لها مشعل يقولج البسي لانه بيطلعج رمايل: اووك ((وراحت صوب مثايل)) صوب بوظبي عند بيت بو منصور بالتحديد قسم منصور ومريوم منصور منسدح على ريل مريم وهي تلعب بشعره الكثيف الناعم مريوم: هممم منصور متى موعد السفر منصور: يوم الخميس ان شاء الله مريوم: اها على العموم انا مجهزه الشنط منصور لف عليها : حياتي مب ناويه تيبين اخت لعبود مريوم استحت وصدت الصوب الثاني لان ويه منصور مجابل ويههااا منصور: لا والله اشفيج استحيتي عادي مافيها شي مريوم قامت: اممم بسير اشوف عبود منصور سحبها لين ما طاحت في حضنه: خل عنج عبود صوب اميييه مريوم ربتوتر: اا تترى هو يلعوزز فيها منصور: خلي عن هالعياره اميه تحبه مريوم في خاطرها شكله في شي اليوم مابيخليني بحالي عيل الله يستر منك منصور بهيام: انا عطشان ارويني مريوم تحاول تفج من ايد منصور بس مب قادره :ممنصور بسير الحمام(عزكم الله) منصور يبوس رقبتها: بعدين بعدين :///// تشفيييييير انقطعت الخدمه يالله برررع *_^ \\ \\ // \\ // نفــــــس البيت بس بغرفه ثانيه غرفه حميد ومعاه عبود ولد منصور حميد حاضن عبود وكالعاده يقوله كل شي : شفت كيف والله حظك انك ياهل ماتعرف شي ومايهمك شي في الدنيا ليتني مثلك آآه ياشهد متى اقدر اشوفج بس حسبي الله ونعم الوكيل <<بقولكم سرر كره بو فهد عن اخوانه وخاصه بو منصور<< {عبيد الي هو بو منصور بس مات الله يرحمه واكبر عياله انتو عارفين بو منصور وكان واااااايد يحبه ويعتمد عليه في كل شي مره وكان احمد((بوفهد)) يغار منه وخاف ان ابوه يوم يموت يكتب كل شي لبومنصور وكان دوم يسوي مشاكل لبومنصور ودايم يبين لعبدالله ابوه ا نبو منصور مش زين لدرجه قال عنه انه يتعاطى مخدرات >>عافان الله وكفانا منه<< نرجع شوووووي بالزمن للذكريات الاليمه // \\ في بيت عبودالله الكل قاعد عنده في الغرفه الي يصيح والي متضايق والي يقوي عمره عسب ماينهار عبدالله كان يحتظر وقاعد يوصي عياله وحرمته وعياله عنده إلا احمد ((بو فهد)) عبيد يرمس بصعوبه ويتنفس: يا عيالي انا اوصيكم على بعض وعلى امكم وعيالكم وحريمكم وانت ياعبدالله ما اوصيك على امك كح كح كح انت العود عبدالله بحزن كبير: بعيد الشر عنك ابوي(بغصه) ان شاء الله بتعيش وان تالي بتحميهم عبيد : انا ماباجي من عمري شي كونو قلب واحد مايفرقكم شي سميه تصيح : لالالا يابوي لاتقول جي ان شاء الله بتعيش صدقني بتعيش ام عبدالله تصيح: شو هالرمسه ياعبيد بتخليني بروحي افا اهون بعد صمت قليل دخل عليهم احمد وصوبه حرمه حلوه ومب متحجبه احمد : السلام عليكم عبيد يكح بصعوبه: كح كح كح سويتها يا احمد سويتها احمد بقوه عين: هيه سويتها عيل بخاف منك لييييش انا مب ريال مالي راي ولا لازم تحكم رايك انا مب ديايتك(يطالع بومنصور من فوق لتحت) انت تمشي رايك عليه مب انا عبيد يتنفسس بصعوووبه اكثر خلاص مب قادر اطالعهم كلهم : اشهد ان لا اله إلا الله واشهد ان محمد رسول الله.. وراح عبيد لعند ربه,,هنيه عاد بو منصور ماقدر يقاوم اكثر بومنصور: لالالالالالالالالالالالالالالالالالالالالالالالالا لالالالالالالالالالالالالالالالالالا ابويه لالالا تروح دخيلك((ويبوس ايده وراسه ويصيح مثل الياهل سميه تصيح وتشهق بصوت عالي: لالالا يابوي لا ماهقيت منك انك تخليني وحيده لا يابوي لا ياسندي بهالدنيا انا مالي غييييييرك لاتتركني بحااااااااااااااااااااااااااااااااالي ((وتصيح بقووووووه)) ///// وبعد وفاه عبيد بــأسبوعيييين في بيت عبيد الكل قاعد في الصاله الكبيره احمد بحقد وغرور: انا قلت الي عندي ونصيبي من الورث اباه يوصلني هالاسبوع ولا بشتكي عليكم وانا ماعندي مشاكل عادي عندي بسوي الي اباه محد يقدر يمنعني عبدالله((بومنصور)): استهدى بالله كل شي بالمشاكل ماينحل وبعدين اي ورث الي تتكلم عنه حرام عليك ابوي ماصار له شهر من توفى انت شو من قلب عليك ومن توفى ابوي انا ما اعرف شي عن الورث يعني ريح عمررك احمد قام يبي يخنق بو منصور: انا ماعلي منك لا تحسسني انك طيب وماتعرف شي اونك عاد طافت علي هالاشكــــــال لاتحاول يعني ألعب على غيري الكل قام يفزع لبو منصور: استهدو بالله احمد ها اخوووك احمد يقعد: ماعندي اخو سميه بنبره حزن: الله يرحمك يبه رحت وخليت لنا ناس ماتخاف ربها احمد قام يبي يضرب سميه((ام مشعل))::- بس سهيل ((ريلها)) وقفه عند حده : اظن انر وراها ريال وماعاش من يمد ايده عليها فهمت ولا افهمك احمد باستهزاء: هه لاتصير لي انت بعد اونك طيب تلاقيك تبا ورثها وتتريى صح ولا لا اونه ريال هه اقول انقلع برررع سهيل معصب: تصدق لو لا الحشيمه جان عرفت ارد عليك يالله قومي سميه مالنا مكان هنيه} رااااااااااااايكم بالبارت وشو توقعاتكم؟؟! |
تسلمين ع البارت يقهههر هذاا احمد خاااطري اكفخخهه عنبووه الي يريد ياخذ من هالفلوس وان شاء الله حميد ياخذ شههد بس اشكك انهه بيعترض ااحمد انه بنته تاخذ حميييد والله يسستتر ونتريا البارت الياي ع احر من الجمر جاري الانتظار |
اقتباس:
ان شاء الله توقعاتج تشوفينها في الفصل الرابع.. انشاء الله فالج طيب وان شاء الله ما أتأخر ولا اقصر بشي:wrd: |
بدايه روعه وتسلمين ع البارت |
اقتباس:
الله يسلممج~~ ثانكس ع الخطفه غلاي~~:987: |
| الساعة الآن 12:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir