|
أنا || سميتك الدنيا وأنتّ وش تسميني ؟ أنا || سميتك الدنيا وأنتّ وش تسميني ؟ بأحرف نسجت كلمات وكونت منها عبارات .. ساقتها أحاسيس سكنت روح أبطالي . . ـأشكر من تابع روايتي الأولى ساعتها أعتقد تفهم غرام(ن) في شراييني . واتمنى ان روايتي اليديده تعجبكم أنا || سميتك الدنيا وأنتّ وش تسميني ؟ واتمنى ان الأسلوب يعجبكم . . . حلم قلبي |
قامت الصبح ع صووت " أأأأأأأأأأأأأأأأأ" وحد رفع اللحاف من على راسها أنقلبت الجهه الثانيه وخلت اليدار وراها و كملت نومها وما تحس إلا بشي ينرض ع راسها بقوة و يعووووور فصرخت : إييييييييييييييييييييييييييييه وفتحت عيونهاا سمعت صوت صياااح ميثاا بنت اخوها الصغيرة وقامت وتقول بخاطرها : يعمري خوفتها فشلتها وحضنتها و باستها أنا: بس حيااتي حبيبتي أنتي " باستها مرة 2" حياااتي " اسكتت" ميثاااني انتي شيابج أهنيـه أنا امس نمت أنتي محد " شلتها وقامت" خل نسير نتغسل أوكي ميثاا" ارفعت حوايبها بدليل الوناسة ": معجوون أنا: هيـه معجوون يلا نسير ميثااا" اقعدت اتصفق": هييـــــه سارت الحمام اللي بغرفتها لونه أحمر غامج ومحطيـه درج كبير محطيـه بأدراجه شامبو وفراشي ومعاجيـن وو كل شي ههه حطت ميثاا فوقه وقالتها: ميثااا حبيبي لا تنزلي عن اطيحي ميثا" بحماس": ما بطييـح أبتسمت لها وغسلت أسنانها وويها بصابونتها الطبية شليت فوطة الويـه وردـت لميثاا أنا: ميثااا تبيني أغسل أسنانج " حطيت معجونها مال الأطفال ع فرشاتها" ميثاا: هيييه وغسلت اسنانها و غسلت ويهها ميثاا: احبج أنا: أنا احبج زوود ميثاا: لا انا زوود أنا: لااا اناا زوود ميثاا: انا انا زوود أنا: خلاص انا زوود وانتي زووود ميثاا: اوووكي ضحكت من الخااطر ع براائة الميث ... هذا حالها كل ما تقوم من النوم تشوف ميثة يمها وتغسلها وتبدل لها من لما كانت بيبي وهيه عندها تعودوا على بعض حتى من كثر ما هم متعودين ع بعض فرشااة ميثاا ومعجونها وملابسها كلها بغرفة عمتها وما تنام ألا عندها ... حطتها ع السرير وسارت للكبت اليوم أول يوم دراسي سارت تشوف المريوول عمة ميثة: أمممم اي واحد ألبس ميثااا عيووني البس هذا " ااشر ع واحد " ولا هذا " اشرت ع 2" ميثاا: اممم" حطت ايدها ع حلجها وعقب أشرت على واحد" هذا هذا أنا: زيين يلا غمضي عيوونج ببدل ميثاا" غطت ايدها بعيونها" : زيــن لبست وسرت امشط شعري أووو نسيت ما عرفتكم على شخصيتنا اسمها مثايل عمرها 17 بدش 18 قرييب أمم طويييلة وشعرها أهم شي بحيااتيها مهتمة فيه واايد طويل لين ركبتها لونه بني كستنائي مستحيل تفكر تقصه ميثاا هذي بنت اخوها محمد عمرها 2 ونص شلت مثايل شيلتها البيضاا مالت المدرسة وو شافت ميثاا بعدها ماسكه عيونها باييدها مثايل: هههه ميثاا اانا خلصت ميثا" تنزلت إيدها بعصبية" : خلصيتي وما قلتي مثايل:" لمتها" أنا اسفه حبيبي يلا ننزل تحت نتريق ميثاا: " هزت راسها توافقها " ... أصرخت بأقووووووووووووى صووت عندها: بااااااااااااااااااااااااااابااااااااااااااااااااا اتي بااااااااااااااااااااااااابااااااااااااااااااتي تعااااااااااااااااااال بعد أقل من دقيقه ياا ابوها و معاه أمها وقال: غلا شفييج حبيبتي خرعتيني عليج غلا: باباتي شووف ميراا صار لها أكثر من ساعه بالحمام تسبح وانا ما لحقت اسبح شوف الساعه 7 الحينه متى بلحق أخلص واسير المدرسة وأمس بالليل موول ما رقدت لأن حضرت مقامها يالسه ع اللاب باابااتي دخيلك شووف لها صرفه أنا موو كل يوم أسير المدرسة متأخره أبو غلا: خلاص حبيبتي أنا بتفاهم معاها غلا: لا بابااتي ياا هي بالغرفه يا انا أم غلا: زين تعالي عندي بالغرفه أبو غلا: حبيبتي أصبري بس شوي وبيكون لج مفاجأه كبيره أم غلا: أنت اتدلعها غلا: " تحضن أبوها" خليه كم غلا عنده بهذي اللحظة طلعت ميراا من الحمام وهي لابسه جنز أزرق فاتح و بلوزة حفر وردية بدون أكمام ميرا: يالله صباح خير شفيكم متيمعين من غبشة غلا: كل هالوقت شو تسوين بالحمام ما عندي وقت للمدرسة ميرا: والله انا وراي كلية ولازم اسير من وقت و لازم أحط كريماتي ومنكيري و اللوشن أبو غلا: بس غلا مدرستها قبلج ولازم تقدرينها وهالأشيا تقدرين تحطينها بالغرفه ميرا: والله دامكم مدلعينها هالكثر كاان راحت تسبح بحمامكم ولا بس عشان تهزبوني جي سوت أم غلا: " ملت من ضرابتهم كل يوم" غلا بسرعه خلصي عشان اوديج المدرسة ما بلحق لازم أسير من وقت " وطلعت عسب تزهب روحها للمدرسة" غلا: زين عادي ماما ميرا: وانا منو بيوديني لازم أسير من وقت أبا اسير ويا امي أبو غلا: غلا حبيبتي أنا بوديج أوكي غلا: بس بنمر مثايل أول أوكي أبو غلا:" يقرص خدها" أوكي بس خلصي ... بوغلا: اسمه طارق عمره 41 سنة ويشتغل بالأعمال الحرة أم غلا: أسمها موزة عمرها 38 سنة وهيه وكيلة بنفس مدرسة مثايل وغلا حبوبة وايد ميرا: عمرها 20 تدرس بالتقنيه بالتعليم الأساسي وهيه السنة أخر لفل .. بالانجليزي .. كل ما تاخذ الايلتس ما تعديه ما تدري ليش مع ان كل مرة تقول سهل بس ما يندراا كل شي عندها مووضة مووضه وتهتم بأناقتها واايد غلا: دلوعه أبوها وااااااااااايد عمرها 17 مع مثايل بنفس الصف غلا أكبر من مثايل بشهر تقريباً تحب ترسم واايد و رسمها حلوو وايد وترسم كل شي تشوفه بدقة كبيرة ... مثايل : " حطت ميثا على الغنفة حذال أبوها" حمود أنا ما اقوم الصبح إلا واشوف بنتك جدامي محمد: شعلييج تصبحين على هالويه الصبوحي شو تبين بعد نورا: شو نسوي كل ما نباها ترقد ما اطيع ترقد عندها لين ما نحطيها يمج مثايل: بس جي مب زين يمكن ماكون موجوده ولا شي بعد سنه بروح الجامعه " تأخذ لها توست وجبن " أنتو بتروحو الدوام محمد: هيه تبيني أوديج مثايل: لاا غلا بتمرني بس مادريبها متى بتي نورا: أنا ما بداوم عندي أجازة مثايل: سكتي لا تقهريني أنا مابا اداوم . . . |
لو أعجبتكم بكملها بس باجر |
انا عيبتني حلوه البداايه نتريا الباارت ~ |
ناايس باارت نترياا التكمله ... |
البارت الثاني ناظرها بعيون هيماانة وهيه تركض بالخيل وشعرها الأسود الليلي يتناثر يمين ويسار وضحكاتها اللي ياما جننته تتعالى خلاص هو موب قادر يتحمل أكثر مشتاق لها حييل بعد خمس دقايق وقفت الخيل ونزلت منه وهيه تهمس للخيل فأقترب منها وبدون ما تنتبه له وقال: كنت متأكد بلاقيج اهنيه صدت له وابتسمت داايم يفاجأها بنفس الطريقة وبنفس الوقت وتعودت ع هاا الشي قالتله بدلع: سلطان سلطان: عيونه .. قلبه .. روحه .. تبين تذبحيني انتي لا تناديني جي ترا بتخبل ووتمت تضحك سلطان: إذا رمستج بتذبحني ضحكتج شوو بترقدني بقبري قالت له بخوف: بسم الله عليك سلطان: مهووره تخافين علي مهرة: هيه سلطان: فديتج حبيبتي فديتها مهرتي الغاليه مهرة: شحالك .. اشتقت لك سلطان: هههههه يعني مووب بس انا اللي مشتاق مهره: " ابتسمت بحياا ونزلت راسها" سلطان: ههههههههههه يلا ندخل داخل ما تشبعين من الاسطبلات والخيول من غبشة ياايه اهنيه مهرة: تعرف ان محد يكون موجود الحينه والعمال يعرفون اني ايي الحينه فما يطلعوون وبعدين انا امشي واسوي رياضة الفجر وعقب ايي اهنيه سلطان: فديتج يالله حبيبي تعالي بنروح البيت راحت مهره معااي وهم ماسكين ايد بعض . . . . نازل من الدري ولابس كندورته ومب مسكر الفصم .. ولا مرتب شعره .. وشال جنطة اللاب ع كتفه اليمين وقعد يم مثايل محمد: هههههههههه فلاح شو مسوي بعمرك فلاح: ما مسوي شي نورا " وهيه تأكل ميثة كورن فليكس" : حرام عليك والله باين عليه تعبان فلاح: والله تعبان لولا أبوي ولا ما داومت نورا: الله يهديك عمي موب موجود رايح بوظبي جان غبت فلاح: ابويه انا ادريبه ما ينخفى عنه شي أبد مثايل:" وهيه تتامل عيون فلاح" ههه يالبي أنا لبى هالعيون النعسانه ياويلي ويلااه محمد: إيه هذا اخووج مثايل: واا فديت أخويـه أنا نورا: تتفدينه لأنه أخوج ولا لانكم تتشابهون مثايل: هههه ياويلي جكتني .. الحينه أبوي ببوظبي وأمي معاه .. سلطان وينه محمد: بدبي مادري شعنده مثايل:" بخاطرها أكيد عند مهره ساار ولا قاللي بس وين بيسير مرده لي وبيخبرني" شوي ودشت الخدامة من برع محمد: ميري منو برع ميري: هادا بنية قالا برع مثايل: حسبي الله ع بليسج غلا سويتيها قالا .. زين بسيرلها "وقامت" محمد: ما بتشلي جنطتج مثايل: لا اليوم أول يوم .. " وسارت باست ميثة" ميثة: بسير وياااج مثايل: لا حبيبتي ترييني منيه مع ماما ويوم بيي بلعب معااج ميثة: اوكي نورا: لا تعشمين بنتي مثايل: ما اعشمها برد إن شا الله وبلعب معاها يلا مع السلامة نورا: مع السلامة فلاح:"وهو يسكر فصم كندورته" محمد بتوديني محمد: تريق أول فلاح: مابا علي كلاس الساعه 8 محمد: يلا الحينه قوم بوصلك عشان الحق دوامي يلا مثايل . . . . . بطل الباب لمثايل وشاف سيارة بو غلا برع محمد: اووه طارق خل نسلم عليه فلاح: هذا وقتك و طلعو ووقفو عند السيارة ونزل لهم طارق وسلمو ع بعض غلا "بخاطرها" ياويلي عليه هذا ناوي يخبلني" طارق: هاا وين محمد: يا ريال رايح الدوام وبعق "يأشر ع فلاح" هذا كليته طارق: انت بعدك أساسي ولا تخصصت فلاح: لا ابشرك السنة اول سنه تخصص طارق: ما شا الله وشو تخصصك فلاح: كمبيوتر طارق: شد حيلك عيل فلاح:زين . . . وركبت مثايل مع بو غلا وراح محمد بسيارته ومعاه فلاح . . غلا: مثووووووووول كل هاالوقت شو تسوين انا قايلة لج من ممتى بييج مثايل: ترا قاعده وياا محمد ونورا غلا: وشويه الاعب ميثة وتمت تصيح وتعلقت فيج مثايل : جنج عندي ههههههه غلا: هيه شحالها ميثة مثايل: الحمدلله زينة بو غلا: شحالج مثايل .. شعلومج مثايل:ههه تمام أنت كلك ذوق عمي موو بنتك ما سألتني ع صحتي ولا شي غلا: هههههه يلا عن لا نتاخر ع المدرسة مثايل: أمي موزة وينها بو غلا: سبقتنا المدرسة مساعه مثايل: اها . . |
البارت الثالث طالعه من الحمام بعد ما سبحت بعد لعب الرياضة وركوب الخيل سلطان: حييها تنعنشتي مهره:" تعق الفوطة من ع راسها" هيه سلطان: عيل أبوج وينه ماشوفه مهره:"امسكت مشطها وتمشط شعرها" رايح بوظبي مادري شعنده سلطان: يعني نحن أروحنا اهنيه مهره" افهمت عليه" : هيه سلطان: أحبج مهره: حبتك العافيه سلطان: يابنت مهره: " اطالعته سلطان: تعالي اهنيه مهره:" ما تحركت" سلطان: قلتلج تعالي اهنيه مهره: مابا سلطان:" قام لها ومسك إيدها ووو كت" . . . . وهم يمشون بالساحه الخارجيه صوب المواقف غلا: اشتقت للمدرسة مثايل: ما عندج سالفه غلا: هههه هيه صدقج غلا: تلاقين فطامي وعلايه يتريوونا مثايل: هيه ويسألون ليش متاخرات غلا: أمس ع المسن قايلين لازم اني من وقت مثايل: .. هيه غلا: "تبطل الباب صوب الادارة" خل ندخل من صوب مكتب الوكيلة عند امي مثايل: عن تهزبنا غلا: لا انا نسيت اخذ بيزات مثايل"تحط إيدها بجيبها" انا بعد نسييت غلا: ههه يلا تعالي . . . . ودشو مكتب الأخصائية الاجتماعيه واللي يودي لمكتب الوكيلة غلا: هلا ابلة الاخصائية: أهلين ها اشو يايبنكم مثايل: رايحه لأمها غلا: هيه أبلة لاني نسيت أخذ بيزات الأخصائية: ههه زين غلا: عندها حد الأخصائية: هيه في ولي أمر داخل غلا:" هزت براسها" اها عيل نحن بني عقب "ومسككت يد مثايل" يلا مثووولتي . . . قامت من حضنه لما حست بألم فضيع ببطنها سلطان: " قام لها" شفيج مهره"بالم": بطني يعورني حييل سلطان: "بخوف" قومي بوديج المستشفى زين مهره: مابي بعدين بيعطوووني إبره مااابي" ترص ع بطنها" أأأه" وتبعد عنه" سلطان: قومي" يروح لها" يلا ما تشوفي ويههج كيف جي مصفر مهره: مااابي" ع طول تركض الحماام وترجع" سلطان: مهووور" يروح لها" مهره "يحضنها ممن ورا" مهره: " تحط راسها ع صدره" تعباانة سلطان سلطان: قومي بوديج المستشفى" يطلع فيها برع الحمام وهو ماسكنها" مهره:" تصييييح" سلطان: بلااااج خوفيتيني عليج مهره: مابي هالشي يصير مااااااااااااااااابي سلطان:" بخوف" شو مهره وقفت بس أغمى عليها . . . دخلوا الساحه مثايل: خاطري بشي غلا: شو؟! مثايل:"رفعت طرف مريولها" أركض " وركضت" غلا:"تصارخ" ياا الخبييييييييييييييييييييييييييييييييييل وركضت وراها . . . محمد: متى تخلص دوامك فلاح: الساعه 4 بس عادي بشوف واحد من الربع يردني محمد: لا عادي بييك فلاح: لا عادي محمد: حااس بضيق لان ابوك ما شرى لك سيارة فلاح:" بطل الباب" خلها ع الله . . . وقفت جدام الصف لما شافت فطامي وعلاية وقفو لهم وتمت تتنفس بقووووة غلا: "بخووف" مثايل مثااايل فييج شي وويينه الدواا وينه" تحط إيدها بجيب مثايل" ما يايبتنه مثايل: "تهز راسها بعلامة أنها تقول لاا" غلا: مينوووووووووووووونة "تمسك إيدها" قعدي إنزين وقعدوو إلين ما هدى تنفسها شويه بس بعدها تحس بتعب كانت غلا قاعده يم الباب من برع وخذالها مثايل اللي حاطة راسها ع كتف غلا وبعدين علايه وفطامي مقابلتهم غلا: إنتي مينونة تعرفين موب زين لج الركض ولا الاجهااد ولا ما يايبة دوااج مثايل: ياخي أنا في باالي أحلام أبي أحققها ياخي خليني أسوي اللي اباه " تتنفس شويه بقوة" والدوا نسيته حتى ركض ومشي مارووم أبا اصيح ماروم كله يضيق صدري .. غلا: بتروحي البيت مثايل: لا فطاامي: مثايل متأكده مثايل: هيـه حتى كاا صرت زينة علايه: أشتقناالج" وتدزها" مثايل: هههه مي 2 حبيبتي فطاامي :لو اشتقتي لنا جان سألتي عنا نحدر المسن ما نشوفج بس ع المنتدى ولا تردين مثايل: عشان تشتاقوون لي هههه وبهاللحظة يات بنت صوبهم : سلام عليكم وردو عليها السلام :انتو علمي 1 علايه: هيه . . . |
سلآمي عليييج الشيخه شحآلج عسآأج بخيير وعآأفيه سلمتي ع القصصه الحلوه مآأقصرتي يعطييج العآأفيه ع المجهود .. عآأده سموحه مآأبعلق ع الشخصيآأت آأحس آأني مآأتعمقت بالشخصيآأت عدل آأن شآأء الله البآأرت اليآأي بعللق آأشووفج ع خييير غلآيه ..^^ ومشكوره مره2 ع القصصه |
روعه البارتيين احلى شي شخصية مثايل وغلا هع تسلميين نتريا يلي بعده ^^ |
تسلمين ع بارتين ونتريااا التكمله |
البارت الرابع وبهاللحظة يات بنت صوبهم : سلام عليكم وردو عليها السلام :انتو علمي 1 علايه: هيه البنت: اانا بنت يديده وبكون بصفكم كان باين عليها التوتر وحست بهالشي مثايل فقامت تسلم عليها مثايل:" وايهتها" حيااج حبيتي بصفنا بتنورينا .. البنت: "ابتسمت لها بحيا" مثايل: انا اسمي مثاايل "تاشر ع غلا" وهاي غلاا ويمها علايه وهذيج"تاشر ع فطاامي" فطووم ونحن قرووب حلو بالصف كل وحده منا لها شخصيتها المختلفه تمااماً عن البقيه بس مادري كيف صرنا ربع هههه غلا: هيه صدقج "تسألها" ونتي شسمج البنت: أنا اسمي هيا فطاامي: عاشت أيامج .. بلاج متوترة عادي ريلاكس .. نحن ما ناكل علايه"تخيلت منظر فطاامي وهيه تاكل هياا وفطسسست من الضحك" ههههههههههههههههههههههههههههههههههه البنت "نزلت راسها ظنت علايه تضحك عليها" مثايل: بلاج علايه عادي بنت مستحيه لان اول يوم معانا علاييه: هههه لااا ههههههههههه انا اضحك ههههه على فطاامي هههههه فطامي: ههههههه ليش علايه: تخيلت شي ههههههه غلا: تكلمي عدل لا افلعج الحينه علايه:" حاولت تخفف من ضحكتها وما تتذكر المنظر لان بترد تضحك بعد وصدق غلا بتقوم لها " ههه تخيلت فطاامي وهيه تاكل الانساان فطاامي : " بطلت حلجها ع تفاهه الموضوع " مثايل: "طنشتهم" هيا أنتي من وين يايه " تعالي نقعد اهنيه "وقعدوا" هيا: انا يايه من دبي مثايل: اها يعني انتي من دبي هيا: تقريباً امم لان كنت اتعالج اهنااك وادرس بعد اهناك والسنة ييت الفجيرة وبكمل وياكم مثايل: حي الله أهل دبي .. عاد انا امووت فيهم .. علايه: " تتطالعها بنص عين" مثايل: ههههه شفيج علايه: منو عندج بدبي مثايل: محد فطاامي: حبيب القلب غلا: "شهقت " عندج حبيب وما خبرتيني فطاامي: "ضحكت ع عقل غلا" ههههه . . بهاللحظة أبلة الرياضه نادت للطابور .. غلا: اووف هذا وقتج فطاامي: صدقج مول مب وقتها .. خل انتم شويه مثايل: لا "وقفت " ابا اووقف اول وحده" وتفلها ركض لين مكان صفهم بالطابور" . . . غلا: هذي ناويه على عمرها علايه: لا وما يايبه ادويتها فطاامي: انا ادريبها ما تحب حد يحسسها أنها غير عنا .. خلوها ع راحتها .. متى ما بتتعب روحها بتقول هيا:"تحس عمرها مثل الأطرش بالزفه وما تقدر تتكلم معاهم تستحي يمكن ما يبووها" قامو كلهم فطامي: يلا نوقف طابور هههه غلا: يلا "شافو هيا رايحه الصف" علايه: هيا يلا تعالي هيا: اسبقوني بحط جنطتي علايه: هههه تصدقون ما حجزنا مكان الحينه الزلمات بياخذون الأماكن كلها اللي جدام وبيخلوناا ورا شرا العاام فطاامي: هيا عطيني جنطتج"تشلها" روحي انتي وعلايه الطابور غلوي تعالي معاي . . . مثايل: شو فيهم غلا وفطامي ليكون بيشردون من الطابور علايه: لا ييبي أذنج"تهمس لها" بيحجزون مكان جدام عن الزلمات مثايل: ههههههه عن يذبحونكم علاية: عادي للحين هم ما يوو بنلحق والحق حق . . . فطاامي وغلا حطو جنطه هيا وشلو منها كراسات ووزعوها ع 5 طاولات 3 طاولات بالصف الأول و2 وراهم بالسطر اللي بالنص جدام السبورة غلا: والله يذبحونا لو درو انا ماخذين مكانهم فطاامي: والله نحن ما كل مرة نيلس ورا وما نشوف السبورة عدل ولا نسمع عدل غلا: زين يلا خل نروح الطابور فطامي: ويت ويت بكتب شي حطت ستيكر ع الطاولات وكتبت لو حد شل مكاننا بندعي عليها ما رح تتوفقون غلا: خخخ خطيرة هههههه . . . وراحو للطابور مثايل: بلاكم تأخرتو غلا: فطووم موتتني ضحك تخيلي خذنا الأماكن كلها اللجدام مكان الزلمات مثايل: تخيلي يذبحوننا علايه: يحلموون غلا: تخيلي فطاامي شو كتبت لهم مثايل: شوو فطامي: كتبت " لو حد شل مكاننا بندعي عليها ما رح تتوفقون" مثايل: هههههههههههه غلا: بس بس سكتو كاهم يايين . . . وبدا الطابور وحيوو العلم ورجعو للصف مثايل: تتوقعون من علينا غلا: مادري علايه : بيعطونا كتب فطامي : مادري غلا: هيا عندها كتب هيا: هيه عطوني بالمدرسة الجديمه فطامي: ايوا زين خل نوزع عمارنا مثايل: ابا اقعد مني" بالطاولة اللي بالوسط بالسطر الأول" وكل وحده اختارت مكان بأول سطر غلا صوب جهه اللي عند الباب وبالنص مثايل وعلايه بجهه الثانيه وبالسطر الثاني فطامي ويمها هيا . . أقعدوا وقابلو بعض مثايل: شوفو شله الزلمات شكلهم شايلين علينا غلا: يولون مو كل مرة جي علايه: هيه خل يولون زين يلا سولفو فطامي:انا خاطري يكون عندنا حاسوب ونسير ندش النت غلا: هيـــه مثايل: وادش المنتدى فطامي: خلج انتي ام المنتدى . . |
ناايس باارت نتريااا تكمله حبووبه ^^ |
اليوم البارت طويــل حاولت أطوله قد ما أقدر حالياً أخر بارت تقريباً الحينه لأن مرييضة ووما بقدر أكتب لين ما يروح من الزجاام .. دعواتكم . . . |
البارت الخامس دشت ابله الحاسوب وغلا أطالعت فطامي بنظره وضحكوو ابلة الحاسوب: شفيكم تضحكون غلا: ابلة فطامي توها تقول خاطرها يكون عليها حاسوب مشتاقه لج واايد أبلة الحاسوب الثانيه: إشتاقت لكم العافيه هيا: "تكلم فطامي" ليش ابلتين فطامي: نظام المدرسة ينقسم الصف لقسمين بداية الاسماء عند ابلة والنص الثاني عند الابلة الثانيه لان لاب الحاسوب ما يكفي للصف كامل ووجي هيا: اها ابلوات الحاسووب ( أمينه و نوال) أبلة نوال: يلا اول شي بنقسمكم . . . مثايل: حلاته نكون كلنا بنفس اللاب ههه غلا: هيه فطامي: وااي احبها ابلة اميينه عسسل وطبعاً لان اول يوم واول حصه خلتهم فاضين غلا: مثايل قولي لها عادي نفج الكمبيوترات مثايل: زين .. "بصوت اعلى" ابلة اميييينه أبلة امينه:هلا حبيبتي مثايل: عادي نفج الكمبيوترات ونلعب أبلة أمينه: هيه عادي مثايل:ثانكس أبلة . . . وراحو بطلو الكمبيوترات و عطووول ع المسن فطاامي: محد داش غيركن غلا: هيـه محد علايه: حتى انا محد دااش فطامي:" شافت هيا" هيوونه تعالي عطينا ايميلج خل نضيفج هيا: أوكي وضافو بعض . . علايه: شوفو مثايل من متى وهيه فاجه صفحة المنتدى ومن موضوع لموضوع غلا: هاا حالتها تحب جي فطاامي : خل نغلس عليها شويه غلا: "يات ببالها فكره" هيه علايه: شوب بالج غلا: بعدين بخبركم "كل هذا ومثايل مندمجه كلياً مع المنتدى" علايه: لا ماشي اول قوليلنا غلا: بنشوف منو ضايفه بإيميلها فطاامي: هيه .. عن يكون بعد ضايفه حبيب ولا شي هيا: ونتو عادي عندكم فطامي: لااا طبعاً ههههه علايه: يلا نروح طبعاً مثايل رايحه ع كمبيوتر أخر واحد وع طرف لو مهما سوت ما ينشاف إلا للي وراها لان عليه مخفي غلا:بووووه مثايل: خرعتيني علايه: شو تسوين مثايل: ارد ع المواضيع فطاامي: أيوااا"تغمز لغلا وبدون ما تنتبه مثايل" غلا:"افهمتها" مثايل ما بتضيفين هيا ع المسن مثايل: ممم زين وفتحت صفحه الهوتميل وكتبت إييمليها مثايل: غمضو عيونكم بكتب الباس "وغمضوو عيونها ههه" مثايل: بس خلاص "راحت للإضافات " هيا شنو إيميلج هيا: عطيني بكتبه لج "كتبته لها" غلا: منو داش عندج نحن محد داش مثايل: ويت بشوف: أممم شخصين غلا:"تتطالع فطامي"شخصين ونحن ولا حد " تغمز لمثايل" أمنوه هذيل مثايل: فلاح أخوي وسلطوون بعد منوه غلا: أشوف أشوف بطلي محادثة مع فلاح مثايل: "تتطالع بنص عين" شمعنى غلا: ابا اشوف شو محطي من الصور مثايل: محطي نادي الوصل "بطلت محادثة معاه بس ما كتبت له شي" غلا: أأه ع الأصفر عنده ذوق الريال فطاامي: شو تبينه هاا أطول عنج جنج قرد متعلق بشيره "شجره " هههههه غلا عصبت و علاية تخيلت شكل غلا وهيه متعلقه برقبه فلااح وأكييييد ضحكت علايه: هههههههههههههههههههه مثايل خلتهم ودشت بعالم ثاني وقعدت تكلم سلطان أخوها مثايل : سلطااااااااااااااااااااااااان دقيقه دقيقتين محد رد وطرشت له تنبيه طبعاً سلطان دااش المسن من فونه الجلكسي . . سلطان قاعد بالمستشفى بعد ما دخلو مهره الغرفه يكشفون عليها ومن نص ساعه محد ياااه . . سلطان: هلا مثايل أنتي وين بالبيت مثايل: نووب انا بالسكووول سلطان: أيواا ياحييج مثايل: عند مهره سلطان: هيه مثايل: شحالها سلطان: تعبانة وطاحت عليه ووديتها المستشفى مثايل:"شههقت" أمبيييييييييييه غلا:شوفيج مثايل:"حست ع عمرها" ماشي ماشي وكملت رمستها ويا سلطان مثايل: سلطوون بلاها مهره سلطان: مادري مثايل: زين شووف طمني عليها سلطان: زين وين سايرة مثايل: عندي ربيعاتي عقب بكلمك يوم برد البيت سلطان: بتريااج محتااج لج مثايل: من عيووني . . . غلا: شفيه سلطان مثايل: ولاشي علايه: خليها ع راحتها غلا: سكتي انتي قاهرتني مع تخيلاتج يبالج صج فلعه ع راسج فطاامي : صادقهه ولا شرايج هياا هيا:مادري . . سكووووب وأدري أنه ياا متاخر علايه: تخيلاتها واااسعه جداً اي شي تتخيله ولو كان يضحك تضحك من القلب شخصيتها حبووبة وما تعرف أتجامل وهذا هو اللي محبب ربعها فيها فطاامي: أكبر وحده من المجموعه وأعقلهم تحاول فيهم تخليهم يعقلون بس ماكوو فايده تصرفاتها كلها بعقل . . ع الفسحه غلا: أووووه ما خذيت فلوووس فطامي: عاادي بنتقاسم غلا: لا اليوم علي العزيمة علايه: قصدج ع حساب ابلة نوورة غلا: شدراج فطاامي: بلاج يا الفاصله .. تراج تقولي نسيتي تاخذي فلوس اكيد بتروحين لأمج تاخذين بيزاات غلا: هيييييييييييه والله نسيييييييييت علايه: صج فاصله غلا شافت مثايل قاعده ع طرف ومب معاهم عرفت انها تفكر بأخوها سلطان غلا: مثايل يلا قومي بنروح عند أمي ناخذ فلووس عقب بنشتري للربع من المقصف مثايل:"قامت" زين غلا: يلا كل وحده تقولي شو تباا علايه: ابا فلافل ووعصير كوتيل فطاامي: انا بس ابا عصير برتقال غلا: رجيم شوو فطامي: هههه غلا: ونتي هيوون هياا: لا مابا شي غلا: قولي لا تستحين هيا: مابي عندي فلوس مثايل: عشانج يديده بندلعج بس ترا عقب انتي بتعزمينا يلا قولي شو تبين ., . . بعد ما عزمو عليها طلبت . . غلا: ماماتي حبيبتي .. نبا بيزات أم غلا: ونتي كله تنسين فلوسج مثايل: ماماتي حبيبتي عشااني أم غلا: عشاانج بعطيكم غلا:"مسكت خصرها" ماما تحبين مثووول أكثر مني أم غلا:"تطلع بوكها" عن الاستهبال .. أحبكم كلكمم نفس بعض غلا: عازمين الربع نحن أم غلا: "طلعت لها 100 وعطتها" الباجي تردينه مثايل: ههههه أم غلا: ترا اليوم بتطلعون من وقت مثايل: انتي بتردينا أم غلا: لا ممنوع اطلع انا مثايل: خلاص بشووف حد من خواني أم غلا: زين وتعالي اتصلي "أتصلت مثايل لمحمد أخوها اللي توعد فيها لان أصلا ما يقدر يطلع من الدواام بس بيحاول" . . وراحوا اشتروا من المقصف ووو خبروا ربيعاتهم أن بيروحون من وقت . . . غلا: بنسير من وقت ترا فطاامي: منو بيوديني أووف يعني أرد بالباص غلا: تعالي معانا أخو مثوول بيودينا فطااامي: منوه فلاااج غلا: لا طبعاً علايه: حبيب القلب ما تبيكم تشوفونه غلا: هييـه مثايل: حبيبتي لا تتعلقين فيـه علايه: هيه لا تتعلقين فيه مثايل: لما انرد دشو المسن فطاامي: أخااف تكشتين فينا وما اتدشيين مثايل: لا بدش بدش . . . |
ناايس باارت و مااعندي تووقعاات و سمووحهه ... |
يسلموو.............. |
يسلمو ع المرور .. الطيب وأن شا الله تعجبكم |
رووعه الباارت احس في احداث بعد هالباارت هه وسلامتج حبيبتي نتريا يلي بعده |
يسلموووو ......... |
منوريني .. وو كفاية أني أشوف المشاهدات تزيد حتى لو ما يعلقوون بس يحمسووني إن شا الله اليوم بكتب لان شويه أحسس بحماااس ولو كتبت باارتات طويلة بحدرها أهنيه .. ولو ما قدرت اليوم لقانا الأحد .. وو أتمنى يعني لو ما عليكم أمر ..يعني تحموووسني أبا تعليقاات وو نقد وو كل شي ووما بزعل =)) |
واصلي ع الابداع |
leeeeeeeeeeeeeesh ma nzlty plzzzzzzzzzzzzzzzzzzzzzzzzzzzzzzzzzzzz elpart |
البارت السادس . . أدري أن تووه النااس بس نتعرف ع العائلة الكريمة بيت بو حمدان بو حمدان: اسمه عبدلله عمره بالخمسين وويشتغل بالأعمال الحره بعد ما اتقاعد .. يحب يتحكم بعياله واايد وما يحب أحد يعصيه بكلمه أم حمدان: اسمها فاطمه وعمرها بالاربعين مهتمه بعمرها واايد ومتشببة و كله تقول أن ريلها رجل أعمال ولازم هيه تكون جي كشيخه وشباب ..>!! ماعرف من وين حمدان: عمره 28 (( ما انذكر قبل وو مع الأيام بنعرف شو سالفته )) محمد: عمره 25 متزوج من نوراا وعندهم ميثاا .. ساكنين ببيت بو محمد بنااء ع طلب أبوه لان مايروم يعصيـه أبد نورا عمرها 23 طيووبة وهاديه وتحب ريلها حييل سلطان وفلاح: الأخوان توأم عمرهم 20 ههه سلطان يدرس بجامعه دبي وو فلاح بالفجيرة سلطان عنده سيارة وفلاح ما عنده أبوهم جي مفرق بينهم بس عمرهم ما شالو ع بعض يمكن شايلين ع أبوهم بس مب ع بعض لان سلطان دووم مع فلاح وودووم يعطيه ويوديه موو محسسنه أبد بالنقص يتشابهوون واايد ووفرق يفرقوون بينهم إلي يعرفهم أول مرة ..( فلاح فيه شاامه برقبته وسسلطان ما فيـه) (سلطاان متزوج مهاااري بالسر ومحد يعرف غير مثاايل بنعرف عقب كيف عرفت وليش وكيف وكل شي هههه ) مثايل: أخر العنقود تعرفها عليها قبل بس في شي ما قلتله لكم أنها قريبة واايد من كل خوانها وكل واحد منهم عندها له سر أسرارهم كلهم عندها وو عمرها ما خبرت حد ولا حسست حد بأنها تعرف يعني هم يشكوون لها وجي وعقب ولا كأنها تعرف شي عشان جي يرتااحون لها واااااااايد ووووهيه مريضة بالربوو وضييق الصدر وووايد تعاني من هالشي . . بيت بو مهره بو مهره:اسمه سالم أخو بو محمد .. ساكن بدبي وو بو محمد موول ما يدانييـه ما يندراا شوالسبب يمكن مع الاحداث نكتشف الموضوع عنده بنيه وحيده من زوجته المتوفيه مهاااري : عمرها 19 متزوجه سلطان وو سالفه زواجهم عقب بنقوولها تحب الفروسية واايد ورياضية بشكل كبير محافظة ع رشاقتها وايد دلووعه أبوها وودلوعه سلطان . . بيت بو خالد بو خالد: أخوهم الثالث أسمه حمد أم خالد: اسمها كليثم خالد: عمره 27 يشتغل بشركه خاصة ببوظبي عزاابي الأخو ... لان يقول أنه أبد ما حصل الزوجه اللي اتدش مزااجه .. وهوو بعد ما ينشااف إلا بالويك أند أحمد: عمره 26 .. دكتور .. خوله: عمرها 24 .. بأخر سنه طب .. ناويه ع طب عاام .. ولا طب أطفال محتاارة خلود: عمرها 20 بثاني سنه جامعه .. تخصص رياض أطفال ..لانها تمووت بشي أسمه أطفال علياا: علايتنا عمرها 18 .. تعرفنا عليها سابقاً .. عفكره هيه دشت علمي بس جي .. لان ربيعاتها دشووه ولان خوانها كلهم دشووه و تخااف يستهزءوون بيوم فيها ويقولون لها أن هم أحسن عنها وجي .. تخيلاتها وااسعه .. علي: أخر العنقود عمره 13 بالصف الثامن دلووع .. تصرفاته تصرفات بناات موب أولاد .. ما يحب أبد يطلع من البييييييت . . بيت بو فهد بو فهد:أخوهم الرابع والأخير اسمه سعيد أم فهد: أسمها مريم وو هيه مهتمه بعيالها وااايد فجر: عمرها 23 متزوجه من ولد عمها .. عندها بنتين .. حمده وحور .. 3سنين وسنه .. وحامل فهد: عمره 21 يشتغل بالقوات المسلحه ووماي نشاف إلا بالويك أند فطاامي: ههه تعرفنا عليها قبل ,, عمرها 18 .. تتحمل المسؤؤلية و يعتمد عليها .. عندها حل لمعظم المشاكل اللي تمر بربعها لدرجه ان يقولولها أنتي ابلة علم نفس .. لوووول فارس: عمره 17 .. بصف 11 .. كله يتضارب مع فطاامي..بسبب وبدون سبب في: عمرها 5 .. دلوووعه البيت كله .. . . بالسيارة ((مثايل قاعده جدام يم محمد وغلا ورا بالكرسي اللي بالنص)) غلا: حمووود ودني البيت بييب لي ثياااب وعقب بنروح بيتكم مثايل: لا محمد حبيبي ودنا بيتنا غلووي بتشل من ملابسي غلا: " اتدس مثايل من كتفها" هييه انتي هبلة .. ثيااابج ما تيووز لي محمد: لييش يعني تراا إلا أنتو خواات تلابسن مثايل: أقوول لها ما راضيه تسمع غلا:"رجعت راسها ع ورا ينقاال لها زعلت" مثايل: هيييييييييييييييييييييييييه محمد: ويييييييييييعيييييييييييييه مثااايل: هههه محمد طوفها بيتها أول خل تاخذ لها ثياااب غلا: لاا أنا بنزل بيتنا مثايل:"رجعت راسها ع ورا" زعلتي غلا:"صدت الجهه 2" محمد: أنتو خلصووني وراي دواام روحي مترخص 10 دقاايق مثايل:"سير بيتهم يلا محمد:جني دريول عندج أطالعته مثايل نظره محمد: من عيووني أنتي تامرين مثايل: أحسب بعد" وصدت لغلا" حبيبتي غلوووي أنا اسفه غلا: زين عادي . . وقف جدام بيت غلا محمد: بتنزلون كلكم مثايل: غلووي تبيني أيي معاج غلا: لاا . . محمد: شفيها غلووي مثايل: جم طولي محمد: شدرااني 100 وشي و 70 مثايل: 169 محمد: إنزين مثايل: وهيه محمد: أهااااااااااااااااااااااااااا .. فهمت .. يعني هيه تغوووص بثيابج ههههه "صدت ع اليمين وشافت غلووي لابسه عباتها وشيلتها وشاله بيدها كييس" مثايل: حممود بس اسكت يااات محمد: أوكي "ركبت غلووي" محمد: عيل ما اتأخرتي غلا: بسرعه بسرعه هههه مثايل: محمد خااطري بكرك غلا: كرررررررررك الحينه أستهدي بالله الدنيا حر شوفي الساعه "كانت 12 إلا عشر" محمد: حسبي الله ع بليسكن من بنااتت تأخرت ع دوااامي مثايل: حموود بالحالتين متاخر وبيهزبونك وما بيستوي شي زياده لو يبت لي كررك محمد: أوووف مثايل:"شلت الشيلة من ع راسها " أووف حر ..> البنت ما تتحجب !! غلا: نعم أختي حرر وتبين كرررررك مثايل: بخاطري تبينه ايتم بخاطري يعني محمد: لا عيوني ما في شي اتم بخاطرج .."ووقف عند مطعم" مثايل: حلوو ماله محمد: ونا شدرااني مثايل: زين بنجرب محمد: "يصد ع ورا" ونتي شتبين غلا: ولا شي محمد: ليش غلا: مالي خاطر بشي محمد: بييب لج ع ذووقي غلا:زين بنشووف ذووقك محمد: بيعيبج . . نزل من السياره وطلب 2 كرك و3 عصير رمان مثايل: حق شوو كل هذا محمد: كرك لج ولميثاا لان بتشووفج وبتقول تبا وعصاير لغلا ولي ولنوورا غلاا: مشكوور كلفت عليك محمد: لا كلافه ولا شي يلاا "يحرك السيارة" خل انزلكم واسير الدواام . . وقف السيارة جدام فلتهم وصد يشوفها سلطان: يحليلها ناامت .. "ابتسم و سكر السيارة " وسار الجهه الثانيه وشل مهااري . . دشت البيت بكل دفاااشه الدنيا أم خالد: بلااااااااااج جي منهده عليااا: يممممى حر حررر أم خالد: يمي حر الدنيا ولا حر الأخره علاايه: أميـه انتي كله تخوفيني بس ما كان قصدي أم خالد: يلا سيري بدلي ثيابج علايه: محد عندنا اليوم أم خالد: منوه مثلاً بيكون عندنا خوله وخلوود بالجامعه ووخالد ببوظبي علايه: أحمدووووه "ياتها ضربه ع رااسها" : أحمددووه أصغر عيالج علايه: بسم الله من وين ظهرت لي أحمد: يني أنا يني علايه:"صدقته" يمااااااااااااه بسم الله اللهم سكنهم في مساكنهم أحمد: "ضحك ع هباالها" علايه: "بوزت" أنت ما ينعرف لدوامك أبد أحمد: كان أمس عندي شفت ليلي واليوم أجازة علايه:"طنشته" أمايا يووووعااااااااانه أحمد: موب يوع عليج توج يايه أم خالد: بعده الغدا ما أذن الظهر علايه: تقهرووون ويننه أبوي أم خالد: طالع علايه: أها . . . فطاامي داخله البيت: سلام عليكم فجر: عليكم السلام فطاامي: "سلمت عليها" شحالج فججوووره فجر: "بتعب" حمدلله فطاامي: شفيج تعبانة فجر: لا موب تعبانة عاادي فطامي: والله صوتج متغير من التعب فجر: ترااني بأخر أيامي فطامي: صج فجر: هيه فطاامي:الله يقومج بالسلامة عيل أميه وينها فجر: راحت اتيب فيوونه من الروضة فطاامي: فديتها بس ما كأن تاخرووا فجر: هيه أميه قالت بترووح السوق تشتري أغراض البيت وبتمر المطعم بتيب أكل فطامي: لو اعرف كان اتصلت اقولها اتيني بدال ما ارد بالباص فجر: كان اتصلتي فطاامي: مادري فجر: زين سيري بدلي وتعالي قعدي معااي فطاامي: زين "سارت وردت" فجوور وين بناتج فجر: راحو مع امي فطامي: اها . . حدرت البيت مع خليفه اخوها خليفه: شو اول يووم هيا: الحمدلله خليفه: وشفتي لج ربيعات هيا: هيه 4 بنات هم اصلا ربع وشفتهم مع بعض وقعدت معاهم خليفه: اها حاولتي تتاقلمين معاهم هيا: هيه بس ماعرف أحس مابا اتم معاهم خليفه: بس لازم تحاولين تتاقلمين لين متى ونتي ما تبين تحتكين مع الغرب هيا: .... خليفه: لازم تتغلبين ع خوفج موب كل غريب يبي يضرج هيا: بس خليفه: لا بس ولا شي انا باجر بيي المدرسة وبتاكد من البناات ولو هم أوكي وجي لازم تتاقلمين معاهم عشاانج هيووونه هيا: أوكي خليفه: يلا رووحي بدلي وتعالي بنطلع بنتغدا برع هيا: أوكي . . شلاها وحطها ع الفرااش بس تمت لافه ايدها ع رقبته سلطان حاول يفجها بس ما قدر فرقد يمها ووهيه حاضنته . . مثايل: تعالي دشي محد غريب غلا: زين مثايل: مادري وينهم أكيد أمي وابوي محد وو نورا بغرفتها تعالي نروح غرفتي ببدل غلا: زين" وهيه تشرب عصير الرماان" لزييييييييييز مثايل: ههههههه غلا: والله يحليله محمد طلع عنده ذوووق مثايل: ههه دومه عنده ذووق غلا: أوووووووووه نسيت اييييييييييب الاي باااااااااااد مثايل: هههههههههههههههه غلا: جب جب كيف بحدر المسن مثايل: أنا عندي لابي غلا: محد عنده أي بااد مثايل: مادري غلا: أووووووف منج مثايل: ههههههههههههههههههههههههههه . . دشو غرفه مثايل مثايل: خذي راحتج البيت بيتج .. والغرفه غرفتج غلا: أدري البيت بيتي تراا بيت اختي بيتي مثايل: نحن كيف صرنا خواات غلا: وليش امي ترضعج مثايل: ماعرف انا اصلا محتاااره غلا: تحسين ان السالفه فيها انه مثايل: مادري .." شلت الكرك تشرب" بودي العصير والكرك لنورا ومياااث غلا: أوكي بيي معاج . . نورا: حياكم دشوو مثايل:شحالج حبيبتي ولهت عليج وينها ميثاا نورا: نايمه مثايل: ناامت نورا: هيه قلتلها عمووه عقب بتي بتلعب معاج نامي الحينه عشاان يوم اتي تلعبين معاها مثايل: يحليلها زين عيل يايبه كرك لها نورا: ههه فديتج غلا: ما نسينااج يايبين لج رماان ع ذوق ريلج نورا: هههههه غلا: أحم تحبينه نورا: بس عااد مثايل: نوااري . . . الساعه 3 ع المسن محادثه جماعيه علايه وفطامي وومثاايل مثايل تذكروون اول يوم عرفنا فيـه أنا بناات عم علايه وااا فديتكم .. و فديت العلمي اللي عرفنا ع بعض فطاامي هي والله مثايل ودي أعرف ليش تفرقت العايلة .. ليش جي صار.. ليش من يسأل عن الثاني فطاامي أنا سمعت ان شي صاار بس ماعرف شو مثايل ليش إنزين بس ابوي وعمي سالم الوحيدين اللي ما اييون عندكم والوحيدين اللي مقاطعينهم العايلة..وليش أبوي وو عمي ما يطيقون بعض علايـه مايندراا شو صاير بينهم مثايل حد من أهلكم يدري عناا فطاامي أنا ما خبرت حد .. لان خفت وجي علايه: ولا انا مثايل أحسن .. وخل نفكر بطريقة عشان نعرف السالفه فطاامي أوكي .. أنا بطلع لان فجوور اختي عندنا وبناتها وحرام هيه تعبانة وحامل وبشوف بناتها مثايل واا فديت البنياات انا بوووسيهم لي علايـه فطاامي صايره أمهم الثانيه مثايل ههه شرات ميثاا .. صوريهم لي ووييبي صورهم المدرسة فطاامي من عيووني "" وسجلت خروووووووووج" علايـه ونا بعد مثايل ونتو شوو؟! علايه بروح بقعد مع خواني .. مافيني أتيني نزااعه من حد .. تعرفين عااد مثايل هيه أعرف .. أوكي الغلا .. تيك كير علايه يو 2 غناتوو" سجلت خروووج" مثايل :أوووف كلهم طلعوو غلا: أحسسسن عشاني مب موجوده مثايل: هههههه " رن تنبيه أن حد كتب لها شي" غلا: أمنوووه مثايل:أمممم القلب غلا:هههه مثايل: برمسه غلا:أنا بغط بنوووم عميييق مثايل: أوكي . . مثايل هلا والله ".." أهلين وسهلين مثايل باللي غايب عني ولا سأل ".." أفاا وانا اروووم مثايل هيه رمت تغيب عني يومييين حتى بالمنتدى ما أحصلك ".." بالله لو كنت أحدر النت والمنتدى كان حدرت المسن مثايل ههههه ذيااااااابي ذياااب عيوووونه مثاايل ههههههه مشتااقه اشوفك ذياااب ونا بعد مثايل أنت وين الحينه ذياب تخيلي وين مثايل مم أكيد من بالبيت طالع عندي أنك داش من فون ذياب صح أنا ع بحر جميرا مثايل اها زين زين ذياب لا تغارين مافي حد أهنيه مثايل هههه يارومانسي ذيااب هههه أشكيله هموومي مثايل وشنو همومك ذياب أنتي اكبر همي . . . وقف سيارته جداام بحر جميرا وبطلت جامات سيارته اللي جدام وخذته ذاكرته للي صاار قبل ساعتين . . مهره تقوم من حضنه سلطان: شحالج الحينه مهره:كله منك كله منك سلطان: زين شو صاار الحينه هاا مقدر ومكتووب مهره: بس أنت اهلك ما يبووني ما يبوووني سلطان: موب ع كيفهم ترااا أنتي زوجتي بالحلال وهاا ولدي بالحلال مهره: بس بعدنا صغاااار كله منك يوم قلتلك باخذ حبوب منع ما رضيت وقلتلي انه يضر وانا الغبيه صدقتك .."تضرب بطنها" صدقتك سلطان:"يمسك يدها" بس مهاااري عيووني بس مهره: يعني متزوجين بالسر وأحمل وأهلك شوب يسوون سلطان: تشوفين اللي صار غلط مهرة: هيه المفرووض ما ارضى انك تدخل علي إلا لما أهلك يدروون تخيل يصير اي شي وما يقتنعون بالياهل ويتبرون منه سلطان: هاا الشي ما رح يصير .. ابوج زوجنا و زواجنا حلال ما سوينا شي غلط مهره: بس لازم يدرون سلطان: بهالوقت ماقدر أخبرهم لازم نهيأ الموضوع مهره: سلطان أنا بالرابع تعرف شو يعني . . تنهد بقوة : هيه أعرف يعني بعد 6 شهور بيكون عندي ياهل وبصير أبوو .. وبحتمل موسؤوليه كبيرة نزل من سيارته ورايح للبحر سلطان: ياليتني ما تسرعت ولا عاندت أبويه ع الأقل قنعته اني أخذها بالحلال ولا تتسمى لي والله خايف مادر يشو اسوي "قعد ع السيفة ولم ريوله وحطاا راسه عليهم" . . رفع راسه لما سمع صوت حد يقوله: البحر يسمعك أشكيله وبترتااح لا تخلي شي بقلبك ترا البحر له قلب كبير يوسع لكل همومك مهما حطاا الانسان فيه هموم ومهما غرق فيه بلاويه ما يتلوث وايتم قلبه كبير ويتحمل كل شي . . علايه: أحمدووه وخر عن ويهي أحمد: أحمدووه أصغر عيالج علايه: اللهم طولج يا رووح أحمد:منوه كنتي ترمسين ع المسن علايه:ربيعتي أحمد: اها الحلوه علايه: هي هااااا ونت شعندك أحمد: ولا شيي اخي ملاان علايه: ملان قوم أطلع سير عند ربعك أحمد: ربع القايله علايه: الحينه بيأذن العصر أي قايله أحمد: إلا بسألج ع شو ناويه بعد الثانويه علايه: أممم ماعرف للحينه أحمد: ونتي بعدج ما قررتي مستقبلج علايه: بعدني قاعده أخطط أحمد: إذا ناويه طب أقولج من الحينه لاا بسناا علايه: لا مارووم 7 سنين أدرس واكرف وبالأخير دمااان وولوعه وو أرف لااا أحمد: هههههه . . فجر: انا خايفه اييب بنت فطاامي: وإذا شو يعني فجر: أخاف وليد يطفر مني "وليد ريلها" فطامي: ما يطفر منج وبعدين يحمد ربه ألف مرة أنه صار عنده عيال منج وليد مب من هالنووع فجر: بس بعد أخاف امه تترس راسه علي فطامي: هيه والله أمه عقربة وينخاف منها فجر: هههه . . ناظر الريال الي كلمه سلطان: أنت امنووه . . |
شو سبب القطيعة بين العايلة؟! شو بين بو حمدان وبومهره؟! ليش سلطان ومهره تزوجوا بالسير؟! منو ذياب وشو دوره بحياة مثايل؟! منو الريال اللي صادفه سلطان بالبحر؟! قضيت أكثر من يووم كامل وأنا أكتب البارت .. حطيت كل فكره اتيني فيه .. أول مرة أقضي هالكثر عشان أكتب بارت مع اني مريضة .. بس ماعرف كيف المرض ياب لي 100 فكره وفكره وياب لي الحمااس ..!! أتمنى من كل خاطري أشوف ردودكم .. توقعاتكم .. تعليقكم وو أسفه ع التأخير =)) |
البارت السابع ناظر الريال الي كلمه كان أبيضاني طوييل شعره كثيف يااي لرقبته ولابس برمودا جنز و تي شيرت أحمر اللي يشوفه يعطيه بمنتصف العشريناات سلطان: أنت امنووه الريال: ما تعرفني بس أنا اعرفك سلطان:"رد ناظر البحر" بتعرفني أكثر من هذاا الريال: يمكن البحر عرف همومك و كل شي حزين بحياتك بس أنا اعرف الملخص سلطان: هه وشو تعرف عني الريال: سلطان عبدلله ال... سلطان: يعني داام عرفت إسمي تعرف كل شي عني .. عاادي يمكن شايف هويتي ولا سألت أي حد عني ودلاك الريال: متزوج مهره " بهاللحظه طالعه سلطان" مهره سالم ال... بنت عمك اللي أبوك مقاطعنه .. عاندته وخذت بنت عمك عشان تكسر خشم أبوك سلطان: ليش أكسر خشم ابوي الريال: يمكن تحبها سلطان: أنت أمنووه الريال: "مد إيده" ذياب سلطان: ذياب خل مهره ما غيره ذياب: خال مهره ما غيره سلطان: إنت متى طلعت ذياب: أنا بتم ماد إيدي واايد سلطان: إسمحلنا يا ريال" ومد إيده له" . . الساعه 4 ونص علايه: ماماتي أم خالد: عيوني علايه: يا حلاته ليش كل الناس شراتج أحمد: كاان أختربت الدنيا علايه: إمايا أم خالد: أحمد خلها منك"تتطالع علايه"أمري فديتج شبغيتي علايه: أبا اسير المكتبه أحمد: أمسات مودنج وشاريه لج وقر علايه: "تتطالع أمايتها" أمييه أنا أبا كرسات للماث والكيميا والفيزيا وابا اقلام حبر ورصاص وونوتات وو أحمد: باااااااااال عيل خلصت المكتبه علايه: أحمدووووه بس عااااد أم خالد: زين بوديج علايه: وااا فديت إمييه الغاليه أحمد:"يرن فونه" عن أذنكم "قام طلع برع" هلا .. أمرني ...أمم يا ريال أخاف ما قدر ... خلاص تم إمره وإللي فيها فيها .... أفا عليك باخذ عنك المناوبه ....لا عادي أصلا ملان وو ييت بوقتك..... خلاص أي قسم ........ هاااااااااااااه لا يا ريااال....... أدري قلت تم بس مووب قسم الولاده يا ريال كله حريم و بلاوي..... زين يصير اني أناوب بدالك أهناك ..... خلاص بس انت لا اتطول......... خلاص ع الساعه 9 بكون إهناك .....ما عليك قصيرة أفا عليك عااد ما وصيك يوم انا بحتااي ما تقصر ويااي .... بحفظ ربي ... . . . نورا: محمد فوونك يرن قووم محمد: نودااااان انا مافيه ارد نورا: برد عنك محمد: "يرد يغمض" ردي نورا:"تشل فونه" هااا فلاح محمد:"يقووم" أووف اكيد يباني اسير اييبه نورا: سير ييبه خذ كلمه محمد"يرد ع الفون" هلا فلاح فلاح: أزعجتك محمد: لا افا عليك فلاح: شو تسوي محمد: ماشي بس كنت موطي راسي توني فلاح: ههه تقدر تمرني محد عندي يردني محمد: بييك انا وراي شي ما روم أرقد أنا فلاح:أصلا يقولك رقاد العصر موب زين محمد: هههه فلاح: يلا سرعه خست اناا محمد: يلا مسافه الطريق فلاح:في أمان الله . . في غرفه مثايل غلا نايمه ع سرير مثايل و تحت مثايل تلعب مع ميثا وحاشرين الدنيا مثايل: ميثاااني بس تعبت"ترد بظهرها كامل ع ورا وتتمدد ع الارض" ميثا: أنا بعد تعبييت " تسوي شراتها" مثايل: قومي نوعي غلوووي "شلتها متوجهين للسرير وويوعوون غلا" مثايل: غلوووووووووووووووووي يلا قوووومي بسج رقااااااااد غلا: بعد شووي مثايل: ميثااا وعيها ميثاا: علوووووووووووووووووووي قوووووووووووووومي غلا: احينه انا صرت علووووي ... " ترفع عمرها من ع السرير" كل هاا الأنوثه وو علووووي مثايل: هههه يلا قوومي غلا: قمت مثايل: هههه سيري غسلي ووبدلي يلااا بسير المطبخ بسوي كيكه غلا: شو بتسوي مثايل: مادري غلا: كيكه كاكاوو مثايل: بس من الكاكاو غلا: ميثاا تبين كاكاو ميثا: ممم هيييه غلا: عشان خاطر الميث مثايل: هههه زين عشانكم بسويها غلا: يلااا رووحوو ببدل وبلحقكم مثايل: أوكي . . فطامي قاعده تجوف التي في ياها فارس أخوها وشل الريموت من يدها وغير القناه وحطاا الرياضية فطامي: فروووس رد القناه بجوف المسلسل فارس: مابا المباراه الحينه بتبدا فطاامي: فروووس فارس: إسمي فااارس فااااارس وبعدين المسلسل بتجوفيه ع الننت عاادي فطاامي: المباراه بعد تنعااد فارس: فطيييييييم وخري عن راسي احسنلج فطاامي: فروووووس حرام عليك ياتهم أمهم وشاله في أم فهد: بس عااد ما شبعتو من الضرابه فطامي: ولدج هاا ما يشبع أم فهد: أنتي الأكبر والأعقل فطامي: من الله ان بيننا سنه فارس: أنتي الأكبر ولازم تتنازلين فطامي: أوووف أم فهد: ع شو ناوي فارس فارس: أطالع المباراه أم فهد: أنا أقصد علمي ولا أدبي فارس: أوووهووو ...أميه خل اطالع المباراه عقب بخبرج أم فهد: فااااارس فطامي: ههههه جكووه فارس: أمييـه زين جي تخلين الحريمااات يضحكون عليـه أم فهد: خلصني شو قررت فارس: علمي أميـه علمي فطامي: وتشد حيلك فارس: أنا من يوم يومي شاد حيلي فطامي: بنشووف أم فهد: لازم أول بأول تذاكر فارس: من عيوني إميه بس توه اول يووم ... خليني أطالع المباراه ع راحتي فطامي: أميه فجوور نامت أم فهد : هيه فطامي: حووه و حمده وياها أم فهد: هيه نيمتهم ونامت معاهم فطامي: " تتطالع في" فيوون تعالي عندي قامت في من حضن أمها وراحت لحضن فطامي فطامي:"لمتها" فديتتج أشتقتلج في: هههه فطامي: " خوزتها من حضنها" ههه بس خلاص شبعت منج .. إمييه أنا بسير غرفتي بجوف فجوور وبناتها يمكن يقومو أم فهد: هيه فديتج جوفيهم عن يأذون أمهم فطامي:"شلت في وحطتها بحضن أمها وقبل لا انزلها باااستها بقووه ع خدها" : أحبببببببج في: هههههه ونا بعد . . . بو ميرة: موزة خبري غلووي اتم بيت مثايل لين ما ازهب لها الغرفه وتكون مفاجأه لها أم ميره: إن شا الله بخبرها بس أخاف تشك بو ميره: لا ما بتشك أصلا هيه تتمنى من الله ان اتم ويا مثايل 24 ساعه كانت ميرة ماره يم غرفتهم وسمعتهم ميره:"بخاطرها"ليش كله غلا يسوون لها هي المدلله وانا لا هييه المفضله وانا لا هيه يثقوون فيها وانا لا ليش هيه كله بيت أهل مثايل وانا لا لييش" . . دخلت عليه المكتب وعقب عمرها ع حضنه بو مهره: مهااري عيووني بلاج مهره: يبى ليش مكتووب لي الشقى بحياتي بو مهره: مهااري شفيج مهره:" تصيح" يبى انا حااااامل حامل بو مهره: مهاري إطالعيني "يرفع ويهها" ها شي يزعل مهره: يبى لو حد دراا ما رح يرضى خااصه ابوووه بو مهره : ما يروم يسوي اي شي مهره: يبى أحببببببه بو مهره: وهو يحبج مهره: يبى لليييييش جبرتني اتزوجه ليش هو بالذااات بومهره خذته أفكاره لقبل سنه بالضبط طالع من المستشفى وبيده تحاليله كانت الدنيا كلها تدوور جدامه ما رايم يركز بأي شي هوووو مرييييض وأيامه قد تكون معدوده يمكن يمووووووووووت بأي لحظة ما يعرف شو يسوي بس لازم يأمن ع مستقبل بنته وحيدته مهاااري لازم يحميها لازم يحصل لها شخص يكون سند وعون لها أبووه طرده بيوم وما يقدر يأمن عليها عندهم لانه خااف انهم ياخذوون حقها أفكاره خذته لليوم اللي يات له مهره من بعد اول يووم لها بالجامعه الأمريكيه بو مهره: هاا فديتج شحال الدراسه مهره: ابوويه أحس اني بعدني ما أقدر أأمن ع المستقبل لازم أتعود أول بو مهره: بتتعودين"ناظرها بحزن وبخاطره افكار تايهه" يفكر شلون ممكن يأأنمن ع هالمستقبل مهره: أبويه بقولك شي وما بتصدقني بو مهره: شو فديتج قولي مهره: اليوم كان معاي بنفس الكلاس واحد نفس اسم عايلتنا واسم ابووه نفس اسمك عااد انا قلتله وهوو استغرب هههه تخيل كل اللي بالكلاس يقولون لنا إنتو عياال عم ههه تخيل ربيعتي تقولي أكيد أنتو تحبون بعض وجي ابوويه فشلووني جدامه بو مهره: نفس اسمي مهره: هيه اسمه سلطان عبدلله سلطان ال... بو مهره: صدق مهره: هيه . . بعد جم يوم زاار بو مهره سلطان وتعرف عليه وعرف أخلاقه العاليه وو قاله انه عمه وو وصاه ان ما يخبر حد بالوقت الحالي ليين يجووف حل ثاني كان سلطان واايد مع مهره بهالفتره لان أطمنت ان معاها ريال وبالعكس كان يحاميها ويجاريها بكل شي كان تخاف ان حد يتحرش فيها ولا شي بس وجود سلطان يمها محسسنها بالأمان بعد كم شهر بو مهره خبر سلطان عن سالفه مرضه ووأنه خايف ع مهره وحيدته وو سلطان خبره أبووه ,. . سلطان: ابويه انا عرفت ان لي عم إسمه سالم والصراحه بنته معااي بالجامعه وانا ابغيها ع سنه الله ورسوله أم حمداان: نعم ما لقيت غير بنت سالم اتييبها لي البيت سلطان: وشو فيها بنت سالم أنا ما جفت عليها اي شي أبو حمدان: سلطان إنسى البنت سلطان: وشو السبب ابويه انا البنت داخله خاطري وابغيها أم حمدان: سلطاان ودر عنك البنية بنت شما أبد ما تدخل بيتي لو شو ما صار أبو حمدان: فاطمه خلينا رواحنا أم حمدان: "طلعت" أبو حمدان: سلطان ودر عنك البنية ولا ترا بيصير لك شرات أخوك حمدان سلطان: بتطردني من البيت أبو حمدان: وألعن بعد سلطان:" أفكار كثيرة اتييله" هو بعده صغير عمره 19 ومحتاج أبوه واايد محتاج يصرف عليه محتاج يكون معاه سلطان:"يبوس راس ابوه" ابويه أنا ما باخذها رضاك عندي بالدنيا كلها بو حمدان: عفيه عليك وو ماباك تحتك بعمك لا من بعيد ولا من قريب سلطان: تامر أبويه . . بس بعد كم يووم تعب بو مهره وو حس خلاص لازم سلطان يأمن ع مهره وخلاهم يملجون بالسر وبدون محد يدري . . مهره: ابويه أسمحلي فديتك بو مهره: مسموحه الغاليه مهره: سلطان طلع زعلان بو مهره: بيرضى ما يروم ع زعل هالويه مهره: ههههه بو مهره: افرديها الدنيا ما تسوى وإذا ع سلطان محلوولة بزقره وبيرضى إلا ما قلتلي بأي شهر مهره:" تقووم من حضنه وتلف عنه اونها مستحيه" ابوويه بو مهره: ههههه مستحيه مهووور عادي حبيبي هااي سنه الحياه مهره:ابويه بالرابع " وتطلع من المكتب" بو مهره: هههههههههههههه وصلت غرفتها وتمددت ع سريرها مهره: جوفوو نسيت اسأل ابوي ليش كان ببوظبي . . مثايل: ميثا حبيبي بوديج عند ماما عشان انا اسوي الكيكه واييبها لج ميثا: أوكي مثايل: قعدي مؤدبه ميثا:زين , , مثايل:"ادق باب غرفه محمد" نورا:"تبطل لها الباب" دشي فديتج مثايل: شلي بنتج اليوم بسوي لكم سويت نورا: لا تقولي اليوم رايحين بيت اهلي مثايل: نوروووه عن الخبااال تاكلين سويتي عقب روححي نورا:هههه مثايل: عشان ميثااا نورا: زين عشانج وعشان ميثا بتم بس يلا رووحي خلصيها بسرعه مثايل:من عيوني . . فطامي: فجوور ما نمتي فجر: وهذيل يخلون حد ينام خفت انام وحده منهم ترفسني ببطني فطامي: الله يهديج كان قلتيلي بنيمهم بغرفتي فجر: لا عيوني عاادي فطامي: باين عليج تعبانة فجر: ههه لا يتهيألج فطامي: يعني موو ولادتج قربت فجر: لااا ههه ما حس بشي عاادي فطامي: اها زين بنيمهم ع الأرض بفرش لهم أصلا المفروض بسهم نووم لان بيساهرون بالليل فجر: هههه وفرشت لهم ع الأرض وشلتهم ونيمتهم تحت عشان امهم تنام عدل وتمت حذالهم . . |
ابـداع الصراحـهـ .. نتريـاج .. |
نااااااايس باارتينن ونترياا التكمله و سووري ما عندي تووقعاات و سمووحه |
niiiiiiiiiiiiiiiiiiiiiice wallah tslm eydch el'3la w salamaaaaaat 8lbooo w y36ych el3afya ntr8b elzoooooooooooooooooooood fdytch |
البارت الثامن كانو بالمطبخ وو الكيكه خلصت غلا: وااااو شكلها حلللوه مثايل: هيه وااايد غلا: بسوي عصاير .. شو تبين مثايل: مادري أمم سوي 2 برتقال وو ع كيفج غلا: "بطلت الثلاجه" بصب جااهز ههه مثايل: جوفو الهياازه غلا: هههه والله متعايزه مثايل: من الله توج قايمه من النووم غلا: هههه" تصب العصير بالأكوااب" زين لمنووه هذا مثايل: بشل لمحمد وونورا ومياااث غلا: حيهم والله داام غلا ومثايل يخدمونهم مثايل: ههه وييت بسير وبيي غلا: ع وين ليكون تبيني انا اسير اوديه مثايل: لاا اتريي لا تسوي شي انا بيي بقص وكل شي وييت "راحت غرفته ركييض وويابت كامها وردت المطبخ" غلا: راكضة مثايل: عاادي" تحاول تضبط تنفسها" بصور الكيك غلا: مثوول ليش تركضين مثايل:"تقص الكيك بطريقة حلوه وترتب المكان" عاادي وقعدت تقص الكيك وتصور و تصب العصير و هيك طلعن الصورة رووعه وومبدعه غلا: شو بتسوين فيها مثايل: بحطها بالمنتدى غلا: أيواا مثايل: "تشل الصحن" بوديه غرفه محمد غلا:صبري"يابت لها صينيه وحطت الصحن والعصاير فيها"ترومين مثايل: لو قلت لا انتيبتشلينه غلا: لاا ههههه مثايل: عيل انجبي غلا: قويه تسكتيني مثايل: "شلت الصينيه ورااحت" . . دقت الباب وو حدرت مثايل: سلام عليكم وردو عليها السلام نورا: هاا جهرت الكيكه مثايل: جهزت "نزلت الصينيه ع الطاوله" حياكم محمد: إن شا الله مب محترقه ولا تفله مثايل: افا .. مثايل تسويها وتطلع تفله هزلت نورا: ههههه شوي ونطت ميثا وتحضن ريوول مثايل من وراا ميثا: كاكاو لفت وشلتها وباستها: هيه كاكاو تعالي ناكل محمد: مدلعتنها اكثر من امها وابوها نورا: ههه والله اللي يجوفكم يقول ام وبنتها مثايل: انت ما تعرف اصلا هااي بنتي محمد: ههههه مثايل: يلا ذوقوا وخبروني رايكم بكل صراحه . . واقفه تصب لها عصير و سرحت مادري بشو تفكر وحدر عليها فلاح فلاح:"من وراها" بووووووه ونقزت غلا: بسم الله فلاح : هههههه شكلج تحفه وربي غلا:ونت ما عندك إلا تنقزني أووف فلاح: خفتي غلا: لاا فلاح: عيل ليش نقزتي غلا:كيفي فلاح: هاللسان بقصه لج غلا: "بوزت" فلاح: ههههه شو تسوين غلا: اشرب عصير برتقال فلاح:"شل الكووب وشررب منه" غلا: لا والله فلاح: هاااه همبا مب برتقال ... "قلب ويهه" انا ماحبه شحقه قلتي برتقال غلا: هههههه عشان تشرب منه واتووب تسوي هالحركه فلاح: ما عليه سار يدور شي بالادراج غلا: شو تدور فلاح: مالج خص فيني غلا: اونه زعل .. ياخي انت ضحكت عليه وانا صحكت عليك تعادلنا فلاح: انا اضحك عليج عادي اما انتي تضحكين علي لاا غلا: ليش ان شا الله فلاح: تعرفين تسوي كبتشينوا غلا: اعرف فلاح: وين تعرفين ابووي لا تجتليني قولي ما تعرفي عادي غلا: اعرف والله فلاح: زين بس قبل خبريني عشان ازهب رووحي غلا: بسويلك ويلا اطلع برع فلاح: ليش عشان تجتليني ماعرف شو بتحطين فيه لا ابويه اباها روحي دامج انتي ما تبينها غلا:"بصوت واطي" علني فداها فلاح: " ما سمعها عدل"بدت اتدعي علي انا مادري شو مسوي لج انا ما بطلع الصراحه اخاف تحطين لي سم بالكبتشبنوا مالي غلا: زين ايلس بس مابا اي صووت . . محمد:تسلم يدج الغلا ما شا الله عليج نورا: يدها دوومها حلوه بالاكل مثايل: هههه تسلموون والله اخجلتمووني نورا: ههه محمد: يلا نورا تزهبوا عشان بوديكم وراي درب مثايل: ليش وين بتروح محمد: عندي دوره باجر بالعين الساعه 8 وبسير بنبات اهناك ويا الدوام مثايل: اها ونورا وميثا بيروحو بيت اهلهم نورا: هيه مثايل: "بوزت" نورا :"هههه مثايل: حافظكم ربي محمد: يلا نورا مثايل:"قامت " يلا بخليكم بس قبل لا تروحو مرو علي نورا: من عيووني مثايل قامت وو قبل لا اترووح باااست ميثااا بقوووه . . تعبتْ وما صِدَقْ حَظي وفوق الهم أشيل الهم صغيره في العمر آنا ... وكبيره حيل مأساتي هيا "وهيه مغطيه ويها بإيدها ومنزلته راسها ع ريلها" :"بخاطرها :ياربي ليش انا من بد هالنااااس من بين كل البنات جي يستوي فيني ليش انا بالذاات ليش أأأأأأأه عشااااااااان أبوووووووووووي مااااااااات يعنييييي محححححححد بيحمييييييييني" دشت عليها الغرفه كانت ظلمه .. حسبتها نايمه بس شدها صوت أنين خفييف بطلت الليت وشافت هيا لاويه ع روحها و ميته صبااح أم خليفه: هيا يامييـه لا تقطعين قليب أمج "تروح لها وتلمها" بس عااد ما يصير جي والله أبوج رااح ولا بيرجع وانتي لازم تصيرين قويه قوومي هياا هيا: أميه رااسي يعورني أم خليفه"بحنيه": سلامت راسج بييب لج شي تاكلينه وحطي راسج ورقدي هيا: مابا شي مااااابااا خلووني روحي أم خليفه:" تمسح عراس بنتها" ما علييه تمي اهنييه " تمت تمسح عراسها لين نامت" تجرعت الألم | يمهـ | شربته بـ ( أول ) سنيني وجيتك ما بغيت انك تحسي مر لوعاتي اضّحك هم دمعاتي .. واطمن خوف يحويني واجر بـ ( صوتي ) العالي لاجل عينيك ضحكاتي ولكن لو نجي للجد ... ترى كذبي مأذيني ما عاد استحمل العيشه بـ ( تزيفي ) لـ ( فرحاتي ) ضلوعي تزاحمت | يمهـ | بـ ( صدرٍ ) ما يكفيني من الضيقه، من همومي، من آلامي، وآهاتي انا بس بـ اسألك | يمهـ | حقيقه ليه ولدتيني ... ؟؟ بنفس اللحظه يا | يمهـ | ولدتي ليه وناتي ...؟؟ نيمتها وطلعت رايحه الصاله وشافها ولدها خليفه خليفه: شوفيج الغاليه بلاج جذه متكدره أم خليفه: هيا كاسره خاطري خليفه: شوفيها بعد أم خليفه: تصييح والله حالها ابد ما يسر خليفه: الغاليه لا تكدرين خاطرج ونا بكلمها أم خليفه: تسوي خير والله خليفه: رقدت أم خليفه: هيه خليفه:زين ياللغاليه ما عليه خليها علي ولا تضغطين عليها بشي خليني انا معاها أم خليفه: فديتك الغالي والله شايل البيت ع راسك انت وفيصل أخووك والله ما نوفيكم حقكم وفوق هذا أختكم خليفه: "يبوس راس امه" فديتج الغاليه لا تقولين جي نحن اللي ما نوفيج حقج وو قلتيها اختنا يعني ملزومين فيها أم خليفه: ربي يوفقكم وييسر امركم خليفه: آمين الغاليه آمين . . فلاح: كل هاا كبتشينووا غلا: اصبر اصبر فلاح:قولي ما تعرفين اخاافج تحرقين البيت "تحدر عليهم مثايل" مثايل: بلاكم جي "كان شكل فلاح شراا الخيفاان خايف غلا تسوي له مصيبة وتحرقهه وغلا متوهقه مب عارفه شو تسوي خبصت الدنيا " فلاح: هااي بتحرقناا غلا: مثاايل أووف خلاص بعترف انا ماعرف اسوي شي بالمطبخ مثايل: ههههه شو تبا فلااح فلاح: والله ذلتني انا لو زاقرنج جان خلصت مثايل: شو مشتهي الغالي فلاح: "يقوم"مب مشتهي شي فديتج كان بخاطري كبتشينوا بس عفته خلاص مثايل: هههه فلاح: يلا انا بسير مثايل: حافظك ربي فلاح: ويااج . . علايه حادره البيت وشايله أجياس المكتبة أحمد: بل بل شو هااذاا علايه: خووز عن الباب "يخوز عنها" وتعق الاجياس تحت وتعق بعمرها ع الغنفه" أحمد: شوي شوي والله بتكسرين الغنفه حرااام أم خالد: بس عاد انت وياها أحمد: إن شا الله الغاليه أم خالد: أجوفك لابس ع وين أحمد: والله ربيعي بيتأخر عن مناوبته وباخذها عنه بس ساعه أم خالد: اها علايه: لو انا قايله له يسوي لي شي ما بسويه أم خالد: علايه سيري رتبي اغراضج وشيلي الاجياس من اهنيه انا بروح أجوف علااوي وبجهز العشا أحمد الغالي تبا عشا أحطلك أحمد: لا الغاليه مابا يوم برد باكل ولا باكل أي شي بالدواام علايه: اميه علاوي كبير الحينه وانتي مدلعتنه أحمد: تغارين منه علايه: لا اغار منك انت أحمد: هاهاها ادري غيرانه من جسمي وطوولي ووعقلي وو جمالي علايه: "لفت ويهها" أحمد: ابويه انا اهنييه علايه: وخير يا طير أحمد: انا ساير الدوام احسن لي من مجابلتج علايه: أحسن . . الساعه 9 غلا: أووف شو هيدااا مثايل: بلاج قلبتي سوري غلا: هيه برقد عندج مثايل: قلتي لاهلج غلا: هيه مثايل: زين بتنامين ع فراشي غلا: عيل وين ع الارض مثايل: هيه ع الارض غلا: مشكورة أختيه تعيشين وتسفلين فيني زيااده مو جأني انا اكبر عنج ب "قاطعتها مثايل": بشهر يعني ب30 سنه مو يقولون أكبر عني بيوم أفهم عني بسنه ونتي صرتي عيوز الحينه غلا:" تنط يمها" : سباله شو تسوين مثايل: أنزل الصور مالت الكيك ع المنتدى غلا: اها مثايل: بس خلصت غلا: بنرقد من وقت مثايل: هيه غلا: زين طفي الليت مثايل: بتنامين جي غلا: هيه عيل شو البس مثايل: هههه اقصد جي يعني يمي غلا: خسج الله ترا عادي بتصل بأبوي وبيي ياخذني قولي ما تبيني مثايل: "تبووسها" فديتها يووم تزعل لا حبيبتي ابااج يلا بقفل الباب وبطف الليت غلا: أوكي . . |
yaaaaaaaaaaaaaaaaaaaaaaaaay abaaaa b3d thaaaaaaaaaaaaaanx |
البارت التاسع بو مهره: يلا بنيتي قومي رقدي الوقت تاخر ووراج دراسه باجر ولا ناويه تغيبين مهره: لا أبويه بس اتريا سلطان ما يرد علي بو مهره: قومي رقدي ويوم بيي بيي مهره: إن شا الله أبويه "باست راس ابوها وراحت ترقد" . . قامت من رقادها تحس خلاص الويع زاد عليها خلاص مب قاادره شكلها بتربي الحينه فجر: أمييه أه تعااالي بس محد يسمعها رصت ع روحها وراحت عند غرفه فطووم اختها لانها أقرب لها فجر:"تدق الباب لانه مغفول" فطاااامي قوووومي فطااااااااااااامي فطامي:"مدوخه من الرقااد" شووو "تسمع صووت صيااح فجوور فقامت تبطل الباب فطامي: فجر شفيج فجر: مب قادره اه بطني فطامي: تعالي "قعدها ع الكرفايه" بروح اشوف اميه صبري . . راحت عند امها وحصلتها واعيه بعدها فطامي: ماماتي لحقي علي فجوور شكلها بتربي وايد تعبانه أم فهد: "بخوف" يمى بنتي وينها الحينه فطامي: بغرفتي. . . ساعدت فجر بلبسها وطلعت فطامي: اميه ايي معاج أم فهد: لاا عادي انتبهي لفي وو حمده وحوور وو أي شي يصير اتصلي وو قفلي الباب عليكم فطامي: اوكي سوت اللي قالته امها وقفلت بيبان البيت شلت في و خلتها مع حور وحمده بغرفتها وو تمت واعيه تجوفهم وتنتظر امها تطمنها ع أختها فجأه تذكرت شي ووركضت ع غرفه اختها . . شاف الساعه تشير لل 10 إلا ربع أحمدواقف يرمس بالفون: وينك تاخرت علي يارياال قول زين محد ياا الحينه ولا ابتلشت ما بعرف شو بسوي ..... أنت شو عندك........ ايواا زين لا تتاخر دخيلك ترا والله ما بعرف شو اسوي . . اتصلت لوليد ريل أختها اللي رد عليها ب: هلا حياتي عمري "انصدمت كيف جي وليد يرمسها ابد ما توقعت منه جي " بس ردت للواقع لما وليد: فجووور قلبي وينج فطامي:"بخاطرها": وييه فشله زين ما قلتله شي انا نسيت اني داقه من فون فجورة فطامي: وليد انا فاطمه وليد:"ونبرة الخوف مبينه بصوته" فطامي فجر فيها شي شو فيها ليكون بتربي فطامي: هيه وامي ودتها وليد: باي مستشفى فطامي: مستشفى ال....... وليد: زين بسير لهم ومشكورة انج خبرتيني فطامي: اصلا من اللويه نسينا وتوه يييت ببالي وليد: يلا مع السلامة وديروا بالكم ع روحكم فطامي: أوكي . . أحمد: أووف والله قهر لو ادري انه بيورطني وبتأخر ما وافقت أووف شو جذه قاام مقهوور ناوي يطلع من المستشفى ويورط ربيعه وهو بالاستقبال صادف مرة عمه أم فهد مع فجر أحمد: هلا عمووه خير شو فيكم أم فهد: شكلها بتربي أحمد: الله يقومها بالسلامة و يسهل عليها . . ودخلوها بالغرفه وو دخلت معاها امها وتم أحمد يترياهم برع . . قامت ع صووت حد يحاول يبطل الباب بس لان الباب مقفول مب قادر يبطله مثايل:" صدت شافت غلا نايمه لا وبسابع نوومة بس لان مثايل نومها خفيف قامت" سارت صوب الباب: منووه فلاح: انا فلاح .. امم كنت بسولف معاج نسيت ان غلا وياج مثايل: لا عادي اصلا قمت سير غرفتك وبييك فلاح: اوكي . . وعت غلا عشان تقفل الباب لان ما تعرف شو ممكن يصير وهم ما يخلون البيبان مفتوحه خاصه بوجود الخدم وو ان اهلهم محد يات تطلع بس انتبهت انها لابسه كت وبرموداا فلبست فوقه رووب وسكرته وطلعت . . مثايل: فلاح شفيك فلاح: مضايق وايد تعودت ما ارقد الا وانا شاكي لج ما قدرت اليوم واايد ضايق خلققي مثايل: شفيك فلاح: ما عرف جي مثايل: " انسدحت ع سرير سلطان اللي معاه بنفس الغرفه" اعتبرني محد فلاح: ضايق خلقي من ابووي تخيلي اليوم كلهم يعايرووني اني ما عندي سيارة واني اخلي اخوي يوديني ويردني والله متفشل .. تخيلي محد منهم رضى يوصلني .. مثايل انا مب ولده ليش جي يسوي ليش سلطان عنده كل شي وانا ما عندي اي شي أبويه انا متفاجئ منه واايد وكل يوم اكتشف فيه شي يديد مثايل: مثل ما انا اكتشفت ان عندي أعمام وعيال عم فلاح:"يطالعها مصدووم" شوو مثايل: علايه وفطامي فلاح: شفيهم ليكوون ,,, "قاطعته"": هيه بنات عمي فلاح: كيف " ردت فيها الذاكرة لقبل سنه بالضبط لما قررت تدخل علمي " دورت اسمها باي شعبه محطايه وهيه تقرا الاسماء قرت فاطمه سعيد سلطان ال... علياء حمد سلطان ال.. اللي يطابق اسمها مثايل عبدالله سلطان ال... ولما سألت اكتشفت انهم بنات عم يعني هيه بنت عمهم وهم ما يدروون مثايل:فلاح 17 سنه من عمري قضيتها وانا ما عرف ان عندي بنات عم واعمام فلاح: كيف تاكدتي واجهتي ابوويه مثايل: لاا " رجعت بالذاكرة مرة 2" فطامي: نحن كل ويك اند نروح بيتنا العود وبجوف وبندور انا وعلايه جنسيه يدي وبنجوف أسم ابووج . . فلاح: وجافوو اسم ابويه مثايل: جافووه وجاافوو ان عندنا عم ثاني اسمه سالم وعمه وديمه اسمها محد منهم يدري عنه فلاح: يعني اعمامي ما يدروون مثايل: والله اعمامي ماعرف بس محد من الاحفاد يعرف اوو يمكن الكبار يدروون بس الصغار لاا فلاح: ووش و السالفه مثايل: والله مادري فلاح: شو سالفه سلطان مثايل:ممممم فلاح: عنده سالفه صح مثايل: يوم بيي اتخبره انا ما بقولك شي فلاح: ليش مثايل: يوم انت اتي تشكيلي ما اخبر حد حتى هوو لازم احفظ سره وما اخبر حد فلاح: صح مثايل: مممم فيني رقااااااااد فلاح: سيري رقدي مثايل: مب خايف ان محد بالبيت غيرنا فلاح: تعودت مثايل: حتى انا تعودت انام واصحى دوون اميه وابويه بس محمد ونورا وميثا اول مرة فلاح: صحيح مثايل: انا قلت لغلا تقفل الباب وهيه رقاادها ثجييل فلاح: ههههه زين رقدي اهنيه مكان سلطان ونا براقبج مثايل: تراقبني فلاح: هيه براقب تنفسج مثايل: لازم تحسسني بمرضي يعني فلاح: مب عايبنج مثايل: بلا بس ياليتني اجوف اهتمام اميه فيني شرا اهتمامكم فلاح: فديت جيلا رقدي باجر ورااج مدرسة ويمكن سوالف يديده عن عايلتنا مثايل: ممكن محد يدري عن السالفه حتى لو غلا فلاح: اوكي محد يدري صح مثايل: ممممم انت تدري وو سلطان وفطاامي وعلايه بس فلاح:اوكي . . . رد البيت وجاف عمه بو مهره يتريااه سلطان: عمي انت وااعي ليكون حااس انك تعبان بو مهره: لا ابد ما حاس بشي سلطان: مهره وينها بو مهره: طرشتها ترقد كان شكلها تعبان وهيه تترياك سلطان: اها بو مهره: وين كنت سلطان: عمي تعرف ذياب بو مهره: ذياااب سلطان: خال مهره بو مهره: "تنهد" وين عرفته سلطان: اليوم جفته وطلعت معاه بو مهره: خالها اخو امها سلطان: عمي شو سبب قطيعه العايلة بو مهره: الله يعلم سلطان:ما تبي تقولي بومهره: سير لمهره اكيد تحاتييك سلطان: ونت بو مهره: انا بسير بوطي راسي وبرقد سلطان: نوم العافيه بو مهره: الله يعافيك . . دش المستشفى بسرعه وسار صووب الاستراحه يم غرفه الولاده اللي يتذكرها عدل بنفس المكان استانس بولاده فجر لبناتها حمده وحور شاف احمد اهناك وليد: أحمد أحمد: هلا وليد شحالك وليد: حمدلله انت شو تسوي اهنيه أحمد: ماخذ مناوبه اهنيه وليد: "حس بالغيره انه جاف فجر " فجر أحمد:"يأشر ع باب الغرفه" اهنيه مع أمها وليد: ونت أحمد: ههههه ليكون تتحسب اني بحدر دااخل وليد: "يطالعه" أحمد: ما يستوي وليد شو احدر داخل وليد: وليش عيل مناوب أحمد: الدكتور ربيعي وماخذ مناوبته وو توه يااا بس قلت اطمن ع بنت عمي قبل لا اسير البيت خاصه اني جفت مرت عمي روحها وياها وقلت يمكن يحتاجون شي بس دامك ييت انا اتسهل وليد:"حس بسخافه تفكيره" لا تم الغالي تخفف عني التوتر أحمد: اللي يجوفك ويجوف توترك يقول هااا اول مولود لك وليد: هههه والله كل مرة اتوتر أحمد: يلا تعال ايلس باللحظه اللي قعدو فيه تبطل باب العمليات وو طلعت منه الممرضة فقام وليد وو تم أحمد بعيد وليد: هاا بشري "طلعت الممرضة ممواطنه": الحمدلله المريضة بخير ويابت لك بنووتة قمر وليد: الحمدلله الممرضة: الحمدلله ع سلامتها وتربى بعزك وعز امها وليد: تسلمين راحت الممرضة وو تقرب أحمد أحمد: مبروك ما ياك وليد: الله يبارك فيك أحمد: يلا دام اطمنا ع بنت عمي انا اتسهل وليد: والله ما تروح إلا عقب ما تجوف بنتي وتسميها أحمد: هههه وتباني اسميها وليد: هيه أحمد: يمكن امها ما ترضى وليد: لا بترضى أحمد: زين . . حدر الغرفه وجاف مهره متمدده ع السرير اللي كان مرتب وراقده بطريقه انها مب متلحفه يعني اللحاف تحتها تاملها يحس ان اول مرة يلاحظ انتفااخ بطنها وكان مبين بشكل واضح سلطان:"بخاطره" والله مب عارف شو اسوي احس بالعايلة اسرار كبيرة ومحد راضي يتكلم مهره حامل وبتيب ياهل أبوي لو درا ولا امي لحظة امي ليش ما كانت تبا مهره اي تذكرت هيه قالت مرة انها ما تبا بنت شما تدخل البيت يعني هيه اعرف ام مهره زين هيه متوفيه من زمان مثل ما قالت لي مهره وابوها زين ليش امي تكرهها ليش وليش عمي توتر لما يبت طاري ذياب والله مب عارف شو السالفه الله يستر من اللي ياي . . شل بنته اللي يابتها له عمته ام فهد وبارك لها وليد وو أحمد وليد:" بعد ما اذن بأذونها" فديتها عسل أم فهد : الله يخليها لك وليد: ويخليها لكم أحمد: عمووه يقولج وليد يباني اسميها وليد: هيه نعم أم فهد: هههه وشو تبا يكون اسمها أحمد: مممممم فواغي أم فهد: الله وطلعت خطير يا احمد أحمد:"استحى" عمووه وليد:"يعطيه البنيه" يلا شلها دامك مسمنها أحمد: ماعرف اشل يهاال انها" بس شلاها غصب" اول مرة يشل ياهل شعووور حلو هههه حس جأنها بنته شعوور وايد جميل وليد: عمووه جووفيه اللي يقول هااي بنته الحينه أحمد: مالي خص هاي بنتي الغاليه ما دام اللي مسمنها أم فهد: هههههه أحمد: عموووه بس عااد" يعطيها البنيه" وديها عند امها وباركي حقها وقوليلها تراها فواغي وو أحمد مسمنها وو بتكون بنيتي واااو وليد شعوور حلو أم فهد: ههه الله يبارك فيك وليد: عمووه انا بسير تامريني بشي اييبه أم فهد: ما بتحدر عند فجر وليد: ممم برد مع أحمد أحمد: سير لحرمتك يلاا عن لا اييك كيف وليد: تررا فوااغي ما بسميها فوااغي أحمد: جفت رووحك قلت اسمها فوااغي يلا رووح بتريااك . , دش ع فجر اللي كان ويهها تعبان ع الاخر كسرت خاطره فجر: كنت تتمنى ولد وليد: ولد بنت نفس الشي فجر: بلا انت خاطرك بولد وليد: تعرفين احمدووه سماها فوااغي اونه مادري من وين يعرف باسمااء البناات خطير طلع فجر: هههه أم فهد: فجر انتي تعبانة يلا وليد سير بيتنا فطامي بروحها واكيد فارس راقد عنها واليهال عندها فجر: لاا وليد تم أم فهد: لا رد البيت هيه عاطينها منوم وبتنام الحينه وفعلاً شوي واستسلمت فجر للنوم الععميق . . |
تابع البارت التاسع وليد: بتخلي سيارتك اهنيه أحمد: هههه اصلا انا يااي مع ربيعي سيارتي بكرااج واستحيت اطلب سيارة امي وليد: امك تسوق أحمد: هيه وليد: ايواا عاادي أحمد: لا موو عادي لو عاادي كان ما ركبت ويااك الحينه وليد: هيه صح زين انا بسير بيت عمي عشان فطامي اهناك رووحها بتي معاي ولا بترد بيتكم أحمد: انت بترقد وليد:لا انا اصلا توني ناش من الرقاد لان امس كان عندي خفاارة وسهران رديت ورقدت وتوني قمت أحمد:/ انا نفسك راد الصبح من المناوبة ورقدت والعصر نااش وليد: زين عيل بنسير بيت عمي و بنسولف ولا بنلعب هههه بلي ستيشن أحمد: ههههه خطير طلعت قوم البلي ستيشن وليد: هيه ههه . . الساعه 7 إلا ربع فلاح: مثايل قوومي يلا ورااج مدرسة مثايل: غلوووي قومي عني خليني ارقد فلاح: لهدرجه صوتي رقيق شراا البنات مثايل: اوووووف فلاح: قووومي انتي راقده بغرفتي مثايل:"فتحت عيونها" هاااه فلاح: شوفيج يلا قوومي روحي غرفتج وراج مدرسة يلا مثايل: امي وابويه ما يووو فلاح:لاا مثايل: زين حمدت ربها انها امس رقدت بالرووب عشان ما تتفشل جدام فلاح وتطلع له بلبس قصير . . دقت الباب ع غلا اللي بطلته لها جافتها لابسه ومخلصه مثايل: لا والله وليش ان شا الله ما تترييني غلا: وأنا شو يخصني فيج مثايل: بتشلي جنطه غلا: أكيد ممم هههههه جنطتي بالبيت ممم انتي عندج جنطتين مثايل: غلووو لا تستهبلين خلي ابوج اييبها غلا: ليش بشل جنطه من جنطج مثايل: موو نحن ناوين نطقم غلا: ايوااا صح مثايل:" تضربها ع راسها" الله يرحم هالراس اللي لج انا بسبح و بلبس انتي سبقيني تريقي غلا: فلاح تحت مثايل: مادري شو تبينه ليكون بياكلج غلا: أخاف ياكلني ع اللي سويته له البارح مثايل: تستاهلين عيل دامج ما تعرفين تسوين شي شحقه تربعين اول وحده غلا: خفت ياخذ عني فكره سيئه وبعدين يعوفني مثايل:قلتلها مرة ومرتين الله يرحم الراس اللي لج أبد ما عندج تفكير . . قامت الصبح وتحس مصدعه اصلا هي ما رقدت الا ع 4 لما جافت ان في ريال بالبيت واطمنت نشت وتغسلت ولبست لها جلابيه بكم طويل وحطت الشيله ع راسها طلعت الصاله وجافت فارس يضحك ع شكل وليد وأحمد اللي راقدين ومخلين التي في مفتووح وراقدين ع الارض بطريقه اتضحك فارس: هاييل شو تسوون اهنيه فطامي: ترا فجر ولدت امس فارس: صدق وشوي ابت فطامي: بنت فارس: زين زين وهاييل يعني يحرسووناا فطامي: اونه فارس: ههههههههه مع ضحكته الاخيرة قام احمد إلا انصدم باللي واقفين يطالعونهم أحمد: انتو شو تسوون اهنيه بسم الله شو تسووون ببيتنا ويايين تضحكون عليه فطامي: هههههههه أحمد: ابوي انا هذي الاحلام ولا بلاش" الاخ يحسب عمره حالم" فارس: هيييه انت تراك ببيتنا أحمد:"تفشل تذكر انه يا مع وليد اهنيه صد وجاف وليد بسابع نوومة ههههه" السموحه فارس: ههههههه والله اشكالكم تحفه فطامي: شحالها فجر أحمد: حمدلله زينه فارس: انت جفتها أحمد:لاا بس وليد جافها وليد:"يقووم" شو فيكم أحمد: هاااييل ميتين ضحك علينا فطامي" تقعد ع الغنفه" عيل انا راقده مأمنه فيكم ونتو ترقدون وتخلوونا أحمد: هوو رقد اول وانا رقدت عقبه وليد: جم الساعه الحينه فطامي: سبع وليد: عيل انا بسير المستشفى فطامي: خبرت اهلك وليد:"تغير لونه والكل لاحظ هالشي" هيه فطامي: شو فيك . "وليد: أميه فجر ولدت قبل شويه أم وليد: زين مبروك وشوي ابت وليد: بنيه أم وليد: انا قلتلك هااي ما اتيب غير البناات وليد: أمايا أم وليد: ونا عند ربي صادق هااي ثالث بنيه اتيبها وليد: بنيه ولا ولد كله واحد أم وليد: انت الخسران انا قلتلك تزوج عليها وخل اييك ولد دامك ما تبا اطلقها وليد: انا احب فجر واباها أم وليد: عيل انساني وماله داعي اتيب لي طاري ولادتها وليد: انتي امي أم وليد: ونا اباك تعرس مابا فجر تكون مرتك" . . . بالمدرسة مثايل: سلام عليكم شحالج علايه علايه: تمام مثايل: عيل وينها فطامي علايه: أختها ربت امس وهيه عند عيالها مثايل: صج شو يابت علايه: بنووتة مثايل: مبرووووك باركيلها ووخاطري اسير لهم علايه: شو رايج اتيين المستشفى مثايل: مممم اخاف علايه: لا تخافين بنقول انج ربيعتنا محد بيعرف مثايل: خلاص صااار علايه: عيل غلا وين مثايل: عند امها علايه: ههههه بدينا مثايل: غصصت بي علايه: امس بايته عندج مثايل:يب علايه: وفلاح مثايل: ههههه يقولج قالها يبا كبتشينووا وما عرفت تسويه وتمت فتره تقوله صبر الحينه بيجهز لين عافه الخاطر علايه: هههههههههههههههههه غلا: بلاكم تضحكون علايه: ابا كبتشينواا غلا: مثاااااااااااااااااااايل مثايل: مالي خص انتي ما قلتلي ما اخبر حد غلا: ما علييه مثايل: هههههه غلا: وينها فطامي اللي تآزرني دووم مثايل: ما بتي اختها والده امس وهيه بيزي وهيك غلا: فديت البيزي وهيك انا علايه: اللي يقول حبايب وانا مادري غلا: ايه عن الغلط عيييييييب مثايل: عيل شو تسوي عند ماماااه غلا: تقول بعد شويه بتزقرنا ولازم انسير علايه: ياليت امي وكيله غلا: ههههههه مثايل: شو تبااا غلا: مادري . . . بعد ربع ساعه بمكتب الوكيلة ام غلا: هذيل الطالبتين الي قلتلك عنهم أخلاقهم زينة وعاليه ولي الأمر: شو يضمن لي أم غلا: غلا تكون بنتي وانا واثقه بأخلاقها لاني مربتنها ومثايل انا مرضعتنها فواثقه تمام الثقه من اخلاقهم ولي الامر: إن شا الله يلا حبيبتي هيا رووحي مع ربعج هيا: إن شا الله أخوي . . . راحت هيا مع غلا ومثايل مثايل: هيا منو هذا هيا: أخوي خليفه غلا: وليش جي يسأل عناا هيا: مممم " تنزل راسها" لان انا اخاف من وجود اي غريب فهو يبا يثبت لي ان ماله داعي للخوف ابد مثايل: صادق أخوج ماله داعي حبيبتي تخافين هيا: انا انحرمت من ابوي جنت اجوفه كل حياتي من انولدت وانا ما عندي غيره وامي واخواني بس لا عم ولا عمه حتى اهل امي مقاطعيناا ولا نعرف ليش مثايل: مقاطعينكم هيا: هيه مثايل: امج وديمه سلطان ال.... هيا: "بتعجب" بسم الله شدرااج مثايل: سحر هيا: لا صج شو دراج علايه: لان امج عمتنا وو ابو مثايل شرا امج مقاطينه ولا ندري شو الاسباب فجأه دريت ان عندي عمين وعمه ما نعرف عنهم اي شي من سنه تقريباً درينا وعرفنا مثايل وو كشفنا سر ان عندنا اهل بعدنا ما نعرف عنهم اي شي بس كنا ندور عمتنا وديمه واخيراً لقيناها بس لازم ندور خيوط لسر اسباب القطيعه هيا: يعني انتو عيال خوالي علايه: هيه أمممم خل نعرفج ع الاسره الكريمه "خل تعرفها ونروح مكان ثاني" . . . سلطان: مهرووووه يعني لازم اتين اهنيه للخيول مهره: أحبهم شو اسوي سلطان: بس انتي حامل تخيلي طحتي ولاشي والله انهبل مهره: بس انا ما بركبه بس بمشي معاه ع الارض سلطان: افرضي رفسج ولا شي مهره: بس هالخيل مالي ويحس بي مستحيل يضرني سلطان: انتي ناويه تخبلين فيني والله انا ما مستعد اخسرج ابد مهره: ما بتخسرني ان شا الله سلطان:"يمسك ايدها" تعالي معاه ندخل داخل واباج توعديني انج ما تقربين من الخيل لين تولدين مهره: بعدنا صغغااار عن اليهال سلطان: بس هاا صار و انتي حامل انا ماباج تتعبين ولا ابا الياهل يصير فيه شي مهره: تحبني سلطان: وتشكين بحبي بعد مهره: ههههههه . . . العصر ع المسن علايه: فطامي شرايج نسوي خطه ونودي مثايل البيت العود وتجوف يدي ويدووه واالأهل فطامي: نفاجأهم يعني مثايل: لااا مابا حد يدري الحينه حراام اخاف ابويه يذبحني فطامي: احيدج دلوعته مثايل: بس امي لااا والله عادي تشيشه عليه فطامي: حبيبتي خلاص عندي الخطه بخليج تجوفين كل العايلة ومحد بيعرف منوه انتي علايه: يالهبله شو بتقولين لهم فطامي: يالغبيه عادي بنقولهم ربيعتنا بالمدرسة سمعو الحينه بطلع وبفكر بخطه وباجر بالمدرسة بداوم وبخبركم مثايل: وعيال اختج فطامي: عادي اليوم فجر بتطلع ما تبا اتم بالمستشفى وبتي عندنا وامي ووليد عندنا بعد علايه: وو احمدوووه بعد مثايل: منوه احمد علايه: أخويه مثايل: وشو دخله علايه: تراه امس بايت عندهم بالبيت مثايل: يحبج فطامي فطامي: لاااا مستحيل علايه: ههههه لا هو رايح مع وليد تراه ربيعه وهيك فطامي: غلا وين مثايل: راقده تدرين فيها ترقد هالحزه فطامي: وفلاح مثايل: هههههه علايه: دخيلج لا تخلينها تسوي له اي شي خوفي يكرهها بعدين اطيح بجبدها خلينا بنعلمها شويه ع المطبخ أول مثايل: ههههههههههه زين . . . بعد كم يوم وبالتحديد يوم الخميس بعد المدرسة كانو مسوين عزيمة للأهل ع سلامه فجر والكل كان موجود ومسوينه بالبيت العود الساعه 5 العصر أحمد: أمايه منو بييب خلود وخوله لا تقولين أنا !!!! أم خالد: عادي انا بسير لهم أحمد: لا الغاليه انا بسير أبو خالد: لا خلكم أنا بسير اييبهم وانتي يا كليثم روحي مع علايه بيت ابوي ساعديهم أكيد أم فهد ويا بنتها أحمد: هيه اميه وانا بسير وياج علايه: ليش انت بتطبخ وبتزهب ويا الحريم أحمد: "تفشل" لا الغاليه انا بسير بقعد ويا يدي الغالي أبو خالد: " يقوم" انا بشل علاوي وياي أم خالد: يلا انا عيل بسير ولا تتاخر على البنات أبو خالد: اييبهم اهناك أم خالد: لا ييبهم اهنيه خل يبدلون وجي وعقب تعالو بعده وقت اصلا علايه: يلا امييه ابا اسير عند فطامي أحمد: ما جأنها معاها طول الوقت بالمدرسة علايه: أنت مالك خص ام خالد: سيري لبسي عباتج وتعالي علايه: زين . . . بالمطبخ بالبيت العود فطامي:إميه شو تسوين أم فهد: أشوف الاكل فطامي: الله هريس أم فهد: هيه يلا أختج وينها فطامي: بالغرفه وياها وليد أم فهد: اها وفي فطامي: عند يدووه قاعده ويا حور وحمده يلعبون أم فهد: أبوج أهناك فطامي: هيه حتى فهد ياا من بوظبي بس بيي عقب لان سار بيتنا أم فهد: وربيعتج اللي عازمتنها متى بتي فطامي: هييه ذكرتيني أبا فونج بدق لها أم فهد: خذيه بتشوفيه بجنطتي بالصاله فطامي: أوكيك . . طرشت مسج ع فون مثايل "مثايل الوحيده من الشله اللي عندها فوون و اي فون بعد" تقولها ان هذا رقم أمها وعقب اتصلت فطامي: سلام عليكم مثايل: عليكم السلام هلا والله وبعدين رقم أمج انتي عاطتني من قبل فطامي: والله اممم نسيت مثايل: ههههه فطامي: متى بتي مثايل: فطاامي أنا ما قلت لحد أخااف يكشفوني فطامي: ليش انتي مسويه جريمه قوليلهم بسير بيت ربيعتي مثايل: لو سألوني قوم منووه فطامي: جذبي عليهم مثايل دخيلج لا تستوين بايخه وما تين والله بزعل مثايل: زين بس منوه بييبني فطامي: لا تخبررين ابوج مثايل: بشوف سلطان فطامي: سلطان يعرف مثايل: هيه يعرف فطامي: أوكي أنا بخلي فون امي عندي من اتين اتصلي مثايل: أوكي تيك كير فطامي: يو 2 . . متردده كيف تتصرف سارت دقت باب غرفه خوانها سلطان وفلاح انفتح الباب بكل دفاااشه مثايل: بسم الله شويه رقه لو سمحت سلطان: خلصيني شتبين مثايل:"دخلت ودزت اخوها"تعال اباك بسالفه مابا حد يسمع سلطان: أمممم مثايل: أقفل الباب سلطان: فلاح اهنه مثايل: عاادي فلاح يدري أصلا سلطان: "يقعد ع سريره" وفلاح كان يلعب بالأي باد سلطان: شوع ندج مثايل:"متردده"امممم فلاح: قولي اعتبريني ما اسمع مثايل: ابا اسير بيت ربيعتي وابا حد يوديني فلاح: كل هذا خووف اللي يقول اول مرة تطلب منا جي ما كأنه كل الوقت أطيح ببيت غلا و تبانا نوديها مثايل: فلاحوووووووه من الله انت ما عندك سيارة وما تقدر توديني انا ابا سلطوون يوديني سلطان: زين وبيت منووه فلاح: أكيد غلا سلطان: لو غلا ما يات وقالت بقولك شي ومتردده واقفل الباب وبهدووء فلاح: هيه والله مثايل: مالي خلق برودتكم قولو بتودوني ولا لا سلطان: بنوديج بس بيت منوه مثايل: بيت يدي سلطان وفلاح بنفس الوقت : هااااااااااااااااااااااااه مثايل: بس دخيلكم سكتو مابا حد يدري سلطان: شوب وديج مثايل: مسوين عزيمة وعازميني سلطان: هم يدرون عنج مثايل: لااا سلطان: عيل مثايل: دخيلك سلطان ودي عشاني سلطان: لو عرفوا وطردوج مثايل: أنا لازم أتقرب منهم لازم نعرف شو سبب قطيعتهم فلاح: خلها سلطان قووم ودها يمكن بفضلها نعرف شو اللي صار مثايل: بفضل الله بنعرف سلطان: يلا روحي بدلي على ما ابدل انا مثايل: متى انروح سلطان: ممممم أسألي ربيعتج شو اسمها مثايل: فطاامي " عفكره صوت مثايل وايد رقيق فلما قالت فطامي ضحكوا عليها اخوانها لان الصووت وايد رقيق" مثايل: بس عااد فلاح: فديت الصووت انا فلاح: مممم كأنهم يقولون انا نتشابه مثايل: يب وايد بس مستغربه كيف سلطان ما يشبهك مع انكم توأم فلاح: انا بعد مستغرب اللي يجوفنا ما يقول عنا حتى اخوان مثايل: أممم صح سلطان: اقولكم شي بس ما تزعلون مثايل: قووول سلطان:جأنه امكم أجنبيه فيكم ملامح أجنبيه بحته حتى عيون مثايل عسليه مب موجوده عندنا ابد مثايل: مممم "تتطالع المنظره" أول مرة أدقق ع روحي وأكتشف اللي قلتله صح اللي يدقق يقول أن لي ملامح أجنبيه وخاصه عيوني صح أنا وفلاح نتشابه بس عيون فلاح نفس عيونك بني غاامج ياي ع الاسود سلطان: مممم جأنا طولنا يلا سيري لبسي مثايل: اوكي بس شو نقول لهم سلطان: قولي إن رايحه بيت ربيعتج بس لا تخبريهم منو هيه مثايل: أوكي سلطان: مممم يلا مثايل: يلااا . . . لبست تنورة طويله فيها ورود ملونه أحمر ووردي ولبست قميص حفر وردي وفوقه قميص رسمي أحمر طويل كان ودها تلبس قصير أو كت بس أستحت تلبس جي عند ناس اول مرة تروح لهم أجحلت و ماحطت اي شي ع ويهها لان من بونها وينها طبيعي وصافي وحلو بدون ميك أب بس حطت قلوس شفاف يلمس ع شفايفها قررت تخلي شعرها سايح ع ظهرها ورفعته من جدام بقباضات صغيره ع الطرف و تعطرت ولبست ساعه حمراا و طلعت كعب وردي وفيه ع الطرف ورود حمرا ولبسته وكانت مبين فيها الطول زياده هيه روحها طويله كيف الحينه بالكعب .. بس ما فسخته طلعت باقها وحطت فيه بوكها وأي فونها و جحلها و بخاخ الربو و حطت بوك نظارتها لان نظرها شويه ضعيف بس بشكل عام هيه تجوف عدل بدونه بس البعيد لاا . . وقفت جدام المنظره تاخذ أخر نظره لشكلها العام وطلعت سلطان: ماشا الله ربي يحفظج قريتي ع نفسج أخاف يحسدونج مثايل: انا ما اطلع من البيت إلا يوم أقرا ع روحي سلطان: عفيه عليج يلا خل نطلع مثايل: وينهم سلطان: بالصاله مثايل: يعني لو طلعنا لازم نجوفهم سلطان: هيه يلاا مثايل: يلاا " سمت ومشت معاه" . . بو حمدان: على وين سلطان: بوديها بيت ربيعتها أم حمدان: وجي سايرة مثايل: هيه ليش لبسي فيه شي بو حمدان: لا الغاليه ربي يحفظج ديري بالج ع روحج مثايل: من عيوني باباتي أم حمدان: أنت مدلعنها محمد: من حقه بنته الوحيده بهاللحظه نطت ميثا وحضنت مثايل مثايل:"باستها" خلج مني يوم برجع بيي عندج ام حمدان: وشو عندها ربيعتج مثايل: مسويه عزيمة وتباني ايي و بعدين بنقعد نسوي مشروعنا أم حمدان: مشروع من اول أسبوع محمد: أميه لا تنسين انها ثانويه عامه ولازم تشد حيلها أول بأول مثايل: هيه جي بو حمدان: يلا سيروا قبل لا تتاخرين ع ربيعتج وسلطان لا تروح عنها إلا لما تتاكد إنها حدرت البيت سلطان: إن شا الله ابويه . . . ركب السيارة وركبت حذاله مثايل: سلطان شحالها مهره ما قدرت أسألك داخل خفت حد يسمع ونت ما حدرت المسن من ذاك اليوم ولا رمستك سلطان: الحمدلله زينة والسموحه منج نسيتج مثايل: وشو فيها سلطان:"يحرك السياره" حامل مثايل: حامل !!!! سلطان: هيه مثايل"بنبرة غباء": يعني انت لمستها سلطان: لا تصيرين غبيه أكيد بلمسها تراها زوجتي مثايل: "تفشلت اول مرة ترمس بهالمواضيع" الله يقومها بالسلامة بس أبوي سلطان: أبوي أبوي أبوي ما صرت اخاف من هالانسان الغامض مثايل: عمي بو مهره ما قالك شي سلطان: لاا تخيلي أكتشفت ان خال مهره موجود وقابلته مثايل: أها هيه امها متوفيه صح سلطان: يقولون يمكن هااي سر ثاني لازم نكتشفه مثايل:" تطلع فونها" بدق ع فطامي بجوفها سلطان: ادلين البيت مثايل: هيه هي خبرتني"ودلت اخوها" . . أم حمدان: عبدلله شو رايك نسير دبي ولا مكان دامه ويك اند محمد: إميه امس يايه أم حمدان: ونت شلك محمد: إقعدو شوي بالبيت بو حمدان: خلها ع راحتها يلا قومي لبسي وتزهبي محمد: ع راحتكم" قالها وقلبه يعوره وحاس ان في شي بيصير" . . مثايل: فطامي انا برع فطامي: يلا بييج نزلي مثايل: أخاااف فطامي: سمي بالله وما عليج مثايل: بسم الله يلا تعالي فطامي:بالطريج . . .فطامي:" تهمس لعلايه" مثايل يايه علايه: زين أحمد: بلاكم تتهامسن علايه: ونت شلك اليد: عليوووه هذا اخوج أحمد: خبرها يدي خبرها " كانت طريقه قعدتهم اليد واليده و الرياييل ع اليمين قاعدين تحت والبنات قاعدين فوق ع الغنفات ع يسار الصاله وامهاتهم قاعدين بغرفه عند فجر وكانوا ليهال قاعدين بلعبون " بو خالد: أصلا أحمد دومه يتحرش فيها اليده : أفا أحمد هذا ونت العاقل فطامي:"تهمس لعلايه" ما بيخلصون خلود:"تهمس معاهم" شوفيكم فطامي: ربيعتنا برع ونحن عازمينها خوله:"معاهم ع الخط" قولن جي فطامي: يلا تصرفي خبريهم خلود: يدوووه ربيعت فطامي وعلايه برع يايه تسلم عليكم وتتحمد لفجر ع سلامتها اليد: حياها الله خل تقرب خوله:"تهمس" وين تقرب أهنه يم شبابكم خلوود: " تهمس بعد" هههه فطامي: عاادي ربيعتي بتسلم وعقب بنروح الغرفه داخل خلوود: أوكي "تعلي صوتها"يدووه البنيه بتي تسلم عليكم عقب بنححدر الغرفه داخل بنقعد نحن البنات " شوي يحدر فهد" فهد: سلام عليكم وردو عليه السلام سار باس راس يده ويدته اليد: حياك الله يالقاطع فهد: يدي تراني دوام وجذه اليده: حياك إقرب مشى عشان ييلس و طاف يم البنات فهد: شحالكن بنات البنات: الحمدلله "يسحب فطاامي" فهد: أشوف سيارة برع شو السالفه فطامي: ربيعتي برع بسسير ادخلها فهد: إها فطامي: يلا بسير أدخلها فهد: ديري بالج خلي وحده من البنات تسير وياج خلوود: أنا بسير فهد: مو تطلعوون برع خلها هيه تدخل خلوود: أنزين . . خلوود: أووف والله طولنا ع البنيه فطامي: "تبطل الباب" خلوود: فهد أخوج بيذبحج فطامي: هذي يات وايهنها وسلمن عليها فطامي: خلوود هاي مثايل ربيعتنا مثايل هاي خلود أخت علايه مثايل: لي الشرف حبيبتي خلوود: أنا اللي اتشرف بج حيااج وايد خليناج برع فطامي:مثايل وين العبااه مثايل: إنتي تعرفيني ما اتحجب فطامي: أدري بس قلت يمكن لعل وعسى مثايل: أبوي وامي ما قالو شي فطامي: ههه بنصير أبوج وأمج وبنأدبج خلوود: مب شرط البنيه تكون محجبه عشان تكون زينة في وايدين محجبات وأخلاقهن مب زينه مثايل: خبريها فطامي: ترا الرياييل كلهم داخل مثايل: أويييه فشيله فطامي: عشان جي أقول ليش ما لبسي عباه وشيله لا والشعر طلق سايح و القباضات اللي يجوفج يقول ياهل ع هالملامح والعيون مثايل: قولي غيرانه حبيبتي أصلا أنا لابسه طويل أستحيت البس شي قصير ولا ضيج خلوود: بس عااد فطووم خليها الباب اللي ورا بعيد ولا رحنا فيه ويمكن مسكر بعد و نحن خبرناهم انج بتسلمي عليهم مثايل: صبري شويه" تنفست بقوه" يلا خلوود: هه جأنج داخله معركه مب بيت فطامي:"بخاطرها" بلا ما تدرين لو كشفونا شو بيصير معركه ويمكن قطع رقااب بعد" يلا حدروا دشت خلوود وبعدها فطامي وماسكه بيدها مثايل الي الرجفه بدت عليها مثايل: سلام عليكم الكل: عليكم السلام أول من نش لها علايه اللي حضنتها جدام الكل علايه: حياااااااتي منورة واااللله " مسكت إيدها " واااااو شو هيداا محلووووة لا انا خايفه ع شباب عايلتها عن ينهبلووون " الاخت ماخذه راحتها ولا كأن في حد موجود" الكل أنهبل ع قوله علايه بجمال مثايل ويهها البريء صح اللي يجوفها يقول ياهل بس طولها يعطيها عمر وغير انها مش لابسة عباه وشيلة مثايل: علايه بس وخري عني ناس اهنيه علايه: "صدت وجافت اللكل مندمج فيهم" !!!! اويييه والكل ضحك ع هبالها مسكت إيدها فطامي وو ودتها ليدها فطامي: يدي هاي ربيعتي مثايل هاا يدي " نزلت بتبوس راسه بس هو صرخ : وخري ععني والكل مستغرب !!!!! . |
سلاااام عليج.. وططبعا هذا اول رد لي.. ماراح اقولي اي شي الحين .. وماراح اعلق... لكن فالبارتات اليايه بتلاقين تعليقاتي.. وفانتظارج الغنا،. لا تطولين.. |
niiiiiiiiiiiiiice leeeeeeeeeeeeeesh 9r5 w fshlha akeeeeeeeeeeeed 3rf enha bnt 3bdallah mn elshkl sho elsalfa aba a3rf sho m9yr om w obo mthayl shooooooooooo b9eeeeeeeeeeeer plzzzzzzzzzzzzzzzzz aba part a6wl w a7dath akthr |
تسلميييييييييييييييييين خيتووو صدق ابداااااع مااااااااشاااءالله عليج اامم يمكن اليد عرف مثايل و انها بنت ولده خاطري اعرف شو بيصير عقب حمستيناااااااااااا |
البارت العاشر فطامي" تتطالع مثايل" يدها كيف عرف مثايل منصدمه كيف عرف هيه ما تشبه ابوها عشان نقول انه عرفها يمكن عرفها من اسمها مثايل بس في 100وحده بهالاسم كيف عرف وهو شدراه ان عبدلله ولده عنده بنت اسمها مثايل ليكون يعرف اخبارهم ويتقصاها عياله مستغربين بلاه !!!!!!!!! اليد: فطيييييييم وويع أنتي تعرفيني ماداني حد غريب يبوسني ولا يسلم عليـه خاصه الحريم فطيم:" خلاااااااااص ما قدرت تتحمل" هههههههههههههههههه والبنات وراها ضحك خاصه علايه اليد:" يحاول يتطاولها بعصاته ويضربها" ويعه ان شا الله بلاج انهديتي ضحك علايه: "إتي صوبهم " يدي من متى ونت ما تسلم ع الحريم أحيد يارتكم يوم اتي تسلم عليها ما قلت شي اليده: منووه يارتنا علايه: ماعرفها هااي اللي حذال بيتكم اليده: هيه هااي يقولو انها اخته بالرضاعه عشان جذه علايه: أيوااااااااااا فطامي:" تمسك يد مثايل" يلا عن إذنكم بنسير داخل خلوود خولووه يلا وراااي وتمشي فمسكتها في في: فطووووميييييه ابا اسير وياكم فطامي:"شلتها" دلوووعتي انتي اكيد بتروحين ويانا " ترمس اللي قاعدين" تبوون شي اليده: سيرن داخل يوم وقت العشا بنزقركن عااد لا تتأخرن بو فهد: تعالن شلن هذيل" يقصد بنات فجر" ولا في ع راسها ريشه علايه: لا عمي بنشلهن قوول انك ما تبا حشرة اهنيه بو فهد: اشووف لسانج طاال ويباله قص علايه: وععععع عمي " تخيلت منظر عمها والدممممممم وو لسانها" لوعت جبدي أحمد: يومم اقول خبلة بالله بدال ما تقولين حرااااام عليييك عمي تقولين لوعت جبدي بس شو نقوول الله يعينج ع ما بلاج من قله العقل علايه: أحمدوووووووووووه أبو خالد: أحمد شوي شوي ع علايه هااي الغاليه "يرمس علايه" سيري الغاليه ويا بنات عمج أحمد: هيه زين ابويه " يكلم خالد لان يمه بصوت واطي" مادري وين الغاليه كل وحده من بناته غاليه خالد:"بنفس مستوى صوته" أحمدووه انت ما تيووز لازم ابويه ينازعك أحمد: ما علينا المهم منوه هذي خالد:" يهمس له" حبيبتي أحمد: هاااه خالد: ونا شدراني منوه هذي ربيعت أختك شود راني فيها أحمد: اتحسبك حبيبها صدق خالد: والله علايه ما يابت هالهبال إلا منك أحمد: خلووود خالد: أخوك العوود فهد: "يصد صوبهم" شوفيكم تتهامسون شرا الحريم أحمد: بديناا بو فهد: خالد شحال شغلك خالد: حمدلله عمي زين اليد: مب ناوي تعرس خالد:"يتهرب" يدي بعدني صغير بو فهد: هههه وين صغير الحينه المفروض عندك عيال أحيد أبوك يوم بعمرك انت كنت بالمدرسة اليده: ماعليه انا بدور لك حرمه وخل تقول ما يازتلي إن ما عرستك عليها غصب أحمد" يهمس له" : عاد شو بيفكك الحينه . . . دخلو الغرفه كانت باللون الماروني وفيها سرييييير كبيييييير بالوسط كل يمعه للعايلة البنات يستولن ع هالحجره عسب السرير فطاامي:" انسدحت ع السرير ورقدت في حذالها" خلووووود سيري قفلي الباااااب" بطلت شيلتها وبطلت ع شعرها وتناثر كانت قاصتنه لين تحت جتفها بشوي وطالع حلو عليها" علايه:أوووووووووف قهههر من أحمدووووووووووه مثايل: هههه اي واحد أحمد فطامي: اللي كان لابس كندورة بنيه مثايل: هيه صح يشبهج علايه خلود: اصلا كلنا نتشابه علايه:" بعد ما فضحت الشيلة و علقتها تنسدح ع بطنها" تعالي مثايل انسدحي يمنا مثايل: لا حبيبتي بس بقعد أخاف ارقد خولة: ما عرفتونا عليها مثايل: أمم اسمي مثايل وويا علايه وفطامي بنفس الصف خلود: حياج الله مثايل: الله يحييج حبيبتي زين انتو عرفووني عليكم فطامي: " تاشر على خلود" هذي خلود بنت عمي حمد عمرها 20 وتدرس بجامعه العين تخصص رياض اطفال ما نتشاوف وايد بس بالويك أند " تاشر ع خوله" وهذي خوله عمرها 24 وتدرس بعد بجامعه العين تخصص طب وعااد خولووه موول ما تنشاف لان أجازاتنا تتعارض مع اجازاتهم مرات تنشاوف بالويك أند بس موب دووم لانها أخر سنه ولازم تشد حيلها عفكره خلود وخوله دوم مع بعض وتجوفين وايد ماخذين ع بعض وتصرفاتهم نفس الشي " ترفع في" وهذي فيوونه أختي حبيبتي ههه آخر عنقودنا دلووعتنا مثايل: حبيبتي شوفيها رقدت فطامي: " تتطالعها" فديتها قايمه من الصبح عشان روضتها مثايل: جم عمرها فطامي: خمس سنين " تقوم وتشلها" بوديها ترقد عند أمي وبناخذ راحتنا بالسوالف " تجوف حورة وحمده بعد شكللهم بيرقدون" علااااااايه قوومي شليهم ويااي بنوديهم عند أمي خلود: زين نيموهم إهنيه فطامي: بيأذوننا خلهم بيتلشون فيهم أنتي ما تعرفينهم وودتهم عند أمهاتهم وردوا . . علايه: شحالها غلا ليش مايات مثايل: الحمدلله تمام أممم لان عمها ذياب عندهم انا المفروض اكون عندهم بعد بس ما رحت فطامي: أحسن عشان تتعرفين علينا زوود خلود: منو غلا مثايل: إختي خوله: أها فطامي: اختها بالرضااعه خلود: ومتعلقين ببعض مثايل: فووق ما تتصورين كل وقتنا مع بعض خوله: هههه حلو صح فطامي: لانه خوانها كلهم شباب وهيه اصغر وحده ولا بنت فتعلقت بغلوووه مثايل: علايه وينها فطامي: هههههه مسكتها أمها تباها تساعدها بتجهيز السفره مثايل: زين خل نروح كلنا وناااسه ابا اجهز بعد خوله: فطامي " تسوي لها مالت" استوي شراتها " تتطالع مثايل" نحن عندنا هذييل الثنتين موول ما يدشون المطبخ" قصدها فطامي وعلايه" فطامي: حتى انتوو خلود: نحن لانا ما نكون موجودين او يايين من الجامعه فما يخلووننا بس بالبيت ونحن مرتاحاات وما عندنا شغل ندخل المطبخ فطامي:" تهمس لمثايل" خلاص دامهم استلموني ما بيخلوني مثايل: هههه خلود: دام مثايل تبا تطلع يلا نطلع مثايل: عادي لو ما تبون تسيرون خوله: لا عادي . . . حدروا المطبخ كانت أم خالد تحط المعكرونة بالصواني و علايه تساعدها وأم فهد قاعده مع الخدم يحطون بعد الأكل فطامي:"ترووح لامها" ماماتي " تجوف المحشي" الله محشي منو مسونه أم خالد: انا سويته خلود: امايه بناكل يميع أم خالد: هيه يدج ما بيرضى ننقسم خوله: عيل ما بناكل المحشي مثايل: ليش خلود: لان شبابنا اونه ما يحبون المحشي مثايل: ههههه فطامي:" تمسك ايد مثايل" ماماتي هذي مثايل ربيعتي أم فهد:"اطالعتها وانعجبت فيها" بسم الله ماشا الله عليج شحالج إميه مثايل:"استحت" الحمدلله عموه بخير إنتي شحالج أم فهد: الحمدلله أم خالد: ونا مالي سلام علايه: هذي أمي مثايل: ههه سلام عليج أم خالد: وعليج حبيبتي شو مسويه عساا البنات ما غثووج مثايل: لا والله حبايبي متعوده عليهم علايه: ليكون نحن كل يوم نغثج وتعودتي ع مغثتنا مثايل: هههه خوله: عاد مثايل هيه اللي اصرت اني المطبخ أم فهد: تعرفين تطبخين مثايل: ههه شوي شوي يعني السويت وجي أعرف أما اشياء ثانيه ما عرف بروحي أم خالد: هههه "تتطالع فطامي وعلايه" تعلمووا تعلمو علايه: إمايه لازم تفشلينا أم فهد: فطامي سيري شوفي فجر محتايه شي مثايل:" تهمس لفطامي" فضيحه ما سلمت عليها فطامي: اميه اانا بودي مثايل تسلم ع فجر وبني أم فهد: لا تتاخرون عشان بنحط عشاا فطامي: وفجور أم خالد: بنودي لها اكلها لغرفتها هيه وريلها خلود: هيه احسن لها خوله: لو مخلين العزيمة ببيتكم أحسن ع الاقل ما نكلف عليها فطامي:" تمسك مثايل" يلا تعالي مثايل: أوكي . . . فطامي: فجوورة انتي واعيه وليد: واعيه وين بتنام وهذي تصيح فطامي:عطني اياها " تمسك فواغي" واا فديتها فجوورة هذي ربيعتي مثايل يايه تسلم عليج فجر:" وايهتها" اسمحيلي ماروم أقووم مثايل: مسموحه حبيبتي حمدلله ع سلامتج فجر: الله يسلمج حبيبتي وعقبال ما نفرح فيج مثايل:"استحت" ههه ان شا الله وليد: عيل انا بخليكم فطامي:" تعطيه فواغي اللي غفت لما شلتها فطامي" لا تم اهنيه نحن بنروح بنتعشى و اميه بتيب عشاكم اهنيه تم ويا فجر حراام و عشاها غصب عنها لو ما تبا وليد: فالج طيب فجر: ولييييد " صاحت بنتهم" وليد: انتي وعيتيها شفتي فجر: ييبها برضعها فطامي: يلا عن إذنكم و نجوفكم عقب . . تعشوا وخلصو وتمو يسولفون أحمد: عليووه وينه علي علايه: أولا اسمي عليا وثانيا علي يلعب بلي ستيشن اهناك بحجره التي في خالد:" يعيب عليها" تي في خلود: حرام عليكم قطعتوها . . بالحديقه مثايل: فطاامي انا خايفه فطامي: ليش مثايل: مادري اخاف يكشفوني فطامي: حد يدري مثايل: فلاح و سلطان بس فطامي:خلاص وهم مستحيل يخبرون حد وبتسترون عليج بعد مثايل: ان شا الله فطامي: الخطه الثانيه لازم نفكر ليش يدي قاطع ابوج مثايل: وكيف بنعرف فطامي: ماعليج انا اللي بييب لج الاخبار مثايل: فطووومتي الساعه عشر وربع الحينه بتصل بسلطان اييني فطامي: ع راحتج مثايل: اوكي وبنكون ع اتصال فطامي: أوكي . . . سلطان: شو سويتو مثايل: ولا شي تعشينا وسولفنا وهيك سلطان: محد قال شي محد حس انج قاطعته: لا سلطان: الحمدلله مثايل: بنسير البيت سلطان: هيه تبين تسيري مكان مثايل: لا سلطان: ابوي وامي محد رايحين دبي مثايل: الحمدلله سلطان: و محمد ما منه خوف مثايل:إشتقت لحمدان سلطان: حمدان مثايل: هيه سلطان: الله كريم . . . بعد 3 شهور بهالشهور اللي طافت علاقه مثايل ببيت يدها وايد اطورت مهره صارت بالشهر السابع هيا الي شويه قصرت بحقها بالبارتات اللي طافت تعودت ع البنات خاصه لما عرفت انهم يقربون لبعض وعوضوها فقد أبوها صارت تقضي وقتها معاهم فقلت الاوقات اللي تقعد فيها روحها فما صارت تصيح واايد لانهم لهووها عن ذكره وهيه نفس مثايل ما خبرت حد عن انها تعرف اهلها وجي باجي الشخصيات ما صار لهم شي غير . . اليوم آخر امتحان للفصل الأول عليهم لغه عربيه فطامي: مثايل فاهمه العروض مثايل: هيه ترا اللي بحور وتقطيع عادي سهل فطامي: آخاف اييبون بيت ماعرف اقطعه مثايل: لا تخافين انا امس شرحته لج "اتي علايه صوبهم" علايه: خايفه من التعبير اللي بييبونه اخاف ماعرف مثايل: عادي يمكن اييبون مقال علايه:" تفتح ورقه امتحانات مال السنه اللي طافت" السنه اللي طافت يابو لهم أكتبوا قصه تخيلو تكونون بدال هالشخصيه مثايل: عاادي بنتخيل وبنكتب فطامي:" تراجع مفاتيح البحور" علايه: وينها غلا مثايل: بتتأخر شويه اتيهم هيا: سلام بنات مثايل: عليكم السلام حيااج لا تقولين مواصله بعد هيا: لاا ليش اواصل ليش منو مواصل مثايل: غلووي هيا: اصلا العربي ما يباله شي انا بس حفظت مفاتيح البحور و المفاهيم( النحو) وو المهارات حفظت التعاريف بس مثايل: انا نفسج علايه: ما حفظتوا الدروس مثايل: اصلا ما بييبوا نفس الدروس يعني بالفصيح خارجي كل شي من برع هيا: هيه صح " اتيهم غلاا" غلا: بصييييييييييييح والله مثايل: شوفيج غلا: نسيت احفظ المفاتيح فطامي: عيل مواصله ليش غلا: نسيت نسيت والله فطامي: زين بغششج وقت الامتحان بس ياويلج لو خبرتي حد مثايل: من غشنا فليس منا هيا: هيه صح غلا: إلا مفاتيح ما بتغششني الجواب علايه: مثااايل مثايل: شوفيج علايه:"شوي وبتصيح" خايفه " مثايل تتطالع ساعتها "بنات الحينه 8 وعشر باجي 20 دقيقه غلا: امبيييييييييه لا تخوفيني علايه: انتي ماخذه الامور عادي تيك ات إيزي مثايل: لانه اخر يووووووووووووووووووم . . . طلعت أول وحده من الامتحان راضيه عن نفسها وعن إجاباتها أصلا هي كل إمتحان تطلع منه تكون واثقه تمام الثقه أنها حاله صح لو بتفرق بتكون ناقصه يا أما درجه او درجتين . . كانت عطشانه فسارت المقصف واشترت لها عصير برتقال وطلبته حار او دافئ لان ما لها خلق تمرض . . خذته وقعدت ع العريش اللي يم المقصف وقعدت تتريا ربيعاتها يطلعون طافت عليها ابلة العربي: مثايل ليش طلعتي مثايل: ابلة سهل ما يستاهل اقعد زياده ابله العربي: بس البنات يقولون صعب وبيعطونهم وقت إضافي اخاف يضيع عليج مثايل: ابلة لا تخافين علي قلبي وااثق من إجاباتي يعني إن شا الله درجه كاملة اول مرة تحس بهالاحساس انها بتيب درجه كامله اول مرة تحس قلبها يدلها ع إحساس ان شا الله ما يخيب بعد ربع ساعه اللي كانت مده الوقت الإضافي كانت فطامي أول وحده طلعت من شله مثايل دورتها بس بالاخير عرفت انها بالعريش مكانهم المفضل للقعده فطامي: مثاااااااااااااااايل شو سويتي مثايل: سهل ما يستاهل ساعتين فطامي: صح انا بس علقت ع العرووض وقعدت عليه واايد و نسيت ان وراي مقال اكتبه مثايل: ههه انا اول شي كتبت المقال عشان يكون عندي وقت حق الباجي لان ادري الباجي بسرعه وما يباله تفكير اما المقال يباله تفكير بالفكرة وتصيغين العبارات وهيك . . طلعت هيا وعقبها عليا أما غلا وأخر وحده طلعت وكانت مسطله الآخر غلا:"يايه صوب مثايل وتعق عمرها عليها " خلاص بموووت مثايل: بسم الله عليج غلا: أبا ارقد مثايل: محد قالج سهرانه وع شو عربي شو خليتي للفيزيا والرياضيات غلا: لا هذيل سهلات علايه: ماالت انا بس اقول شو سهلات فطامي: يلا خلاص المفروض نطلع منوه بييكم هيا: فيصل اخوي علايه: أحمدووه فطامي: خل يلعن خيرج مثايل: هههه علايه: برايه ما يروم علي فطامي: بنجوف ونتي غلا غلا: ذياب بييني مثايل: صج فطامي: منو ذياب بعد غلا:"تغمز لمثايل" القلب مثايل: هههههه فطامي: شوو!!!!!!1 علايه: بتطلعين ويا حبيبج مثايل: ههههههههههههههههههه غلا: هذا عمي يااي من برع كان مسافر ويااي مثايل: دام هو عم أختي بالرضاعه يعني عمي فعادي انا وياه فطامي: أيوااااا هيا: خل نطلع برع عن يكونو أخواننا برع مثايل: يلاا شلو أغراضهم وراحو لبوابه المدرسه خذتها أفكارها لقبل شهر مثايل: شحالك يدي اليد:"مسك يدها" حمدلله بويه انتي شحالج مثايل:"مستغربه من مسكته لها " بخير دامك بخير اليد: مديم ان شاالله ابا اقولج شي مثايل: آمرني اليد: انا ادري انج بنت عبدلله مثايل:"بدا قلبها يدق بقوه" اليد: سامحيني يابوج انا غلطت مب لازم اسوي جذه بولدي انا من يوم ما جفتج اول مرة عرفتج عرفتج هيه عرفتج بس قلت مب لازم أعاقب العيال ع مصايب الكبار مثايل: شو سواا ابويه اليد: هو اللي لازم يقولج انا ما بقول اي شي رجعت للبيت سمعت حد يصرررررررررخ عليها : مثااااااااااااااااااااااايل . . . |
laaaaaaaaaaaaaaaaaaaaaaa abaaaaaaaaaaaaaaaaaaaaaaaaaaaaaaaaa a3rf uffffffff a7s obo w um mthayl wrahom m9ayb 7lylh ydy 3rf mthayl w sakt sho el27dath mmmmmmmmmmm w sho b9yr kyf b9y7on w kyf bfr7on mno b7b w mno bkrah tslm eydch w ntr8b elzoooooooooooooooooooooooood |
لااا.. ليش وققفتي.. ابا اعرف شو السسالفه.. ع العموم .. هالبارت طررر.. وقسسم انه ابداع فابداع.. مابي الللق..>>جي مزااج.. هعهعهع.. ترقبي تعليقاتي في البارتات اليايه.. وفانتظارج غناتي.. |
لااا.. ليش وققفتي.. ابا اعرف شو السسالفه.. هئ اهئذذ اممم.. مابا اعللق.. >>جي مزااج.. هعهعهعهههع. ترقبي تعليقي فالبارت الياي.. وفانتظارج الغلاا.. |
سسوري الغغلا.. وصلتج رمسستي مرتين.. وشو السالفه مدري.. بس الايباد يععلق.. |
| الساعة الآن 02:38 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir