|
ما قدرت اصبر دقيقه .. حبك اكبر من حقيقه .. لو بغيت أنساك لحظه .. شبت بقلبي حريقه . السلام عليكم انا عضوة يديده وكاتبه مبتدئه حبيت اطرح روايتي هنييه لاني وايد القى تششجيع من الاعضاء بسس بشرط : لا يجوز النقل من دون اسم الكاتبه : محبوبة العين وابا رايكم بصراحه ورجاء ابتعدوا ععن الردود السطحيه مثل يسلمو لانها تحبططني ووو ابتعدوا عن الجمل الممله مثلا وين البارت طولتي البارت بنزله كل اسبوع ان ششاء الله نبدآ البارت الأول كلي معك شوق ..واحساسك معي ضدي ............ تسرقني مني واحط الشوق شماعه صحت مهره على صوت دق الباب وقعدت وفجت الباب وقالت مرحبا بشيخ البيت :ها شو تسوين مهره : ماشي كنت راقده \نايمة : اها يلا قومي تعالي تريقي معاي مهره: اوكي ظهر من الغرفه وراحت خذت شور عسريع وبدلت ونزلت تحت تتريق معاه مهره :هااه شو تسوي بالبيبي قاعد تغازل : ههههههه شو اغازل قاعد ارمس رفيجي مهره : اها صدقتك : يلا عاد كلي وانتي صاخه مهره: ميودي جب انت يتني وناديتني اتريق معاك واحين تسكتني لا والله ميود : هههه كلتينا مايسوى علينا مهره ساكته عنه ولا عبرته تمت تاكل وعقبها قامت الحمدالله صفره دايما وشردت تغسل يدها قبل لايرمس ميود مهره : صج هالميود خريش ميود: منو خريش يحماره مهره : هاه انت بعد منو ميود: زين والله انا خريش مو ثرثار مثلج مهره عصبت وصرخت عليه : رووووووووووووووووووووح من جدامي يالحمااار ميود تم يضحك عليها وشرد هههههههههههههههههههه صج انهم مخااابيل راحت مهره غرفتها وراح ميود دوامه من صوب ام عبدالله نزلت تحت تجهز فطور بو عبدالله نزل بو عبدالله وقعد يفطر وتم يسولف مع ام عبدالله نزلت مهره واختها شما مهره وشما : السلام وعليكم ام وبو عبدالله : وعليكم السلام مهره وشما ساروا سلموا على راس امهم وابوهم وقعدوا مهره يبا ممكن اقول لك شيء ابو عبدالله: تفضلي يابنتي مهره : ابوي انا احين مخلصه ثانويه وجي وقدمت على جامعه وشافوا نسبتي وقالوا للي ادرس بالخارج احسن ابو عبدالله: والمطلوب مهره : امممممممممممممممممممممم ابو عبدالله: خلصينا دون اممممممممم مالج مهره : يعني ممكن تخليني ادرس برع ولا لا بو عبدالله: خلاص خليني افكر فالموضوع وارد لج مهره : اوكي يبه مشكوور شما:اووووف متا انا بعد اخلص دراستي واسير مثلج ام عبدالله وابو عبدالله ومهر :ههههههههههههههههههههههههههه ام عبدالله: اشفيج انتي مستعيله بعدج ولا مستعيله تبين الفكه منا شما :لااااااااااااااااااااااا بس مليت من المدرسه مهره : ههههههههههههه يالله ماباجي لج الا جم سنه وتخلصين شما : انشاااااء الله بو عبدالله : مع السلامه بروح الدواام ام عبدالله والبنات : الله يحفظك |
القصة وايييد حلوة انتي كاتبة الرواية |
y36ych el3afyah akeeeeeeed bntrya kl esbo3 ^__^ |
يسرني تواجدكم حبيبة المطيري ونور الدولة هيه انا كاتبة الرواية |
البدآآيةة روععه ومآعليهـآآ ككلآمم >> استمري على هالأبـدآع وان شـآء الله بكوون من متآبعيين القصصة .. ونترقب البـآرت اليـآآي .. ^ والسموووحةة ^^" |
البارت الثاني شربت اّمنـ البحر يا (حبيبي لين ارتوى المحبوب ............ مـا غير اكتب علىرمل الشواطي (حالتي حاله) ستوووووووووب خلونا نتعرف على عايلة ام وبو عبدالله بو عبدالله : نايف حنون جدا وعنده شركة كبيره عمره 40 ومايرفض طلب لعياله ام عبدالله: اسمها نوف حنونه جدا جدا جدا لدرجة ماتتصورونها عندها غمازات وشعرها بني وحساسة جدا)عمرها 37 عبدالله: بجرهم عمره 24 حليو وطيوب وشخصيته قويه ذياب: طيب وحنون ويحب خواته وايد عمره 22 وشخصيته مثل عبدالله مايد : هذا حاله خاصه واايد مع مهره وكله يتناجرون هههه عمره 21هو حليو يطيح الطير من السمااا هههه عنود : بنت طيوبه حلوه شعرها اشقر ويوصل لحد كتفها عمرها 19 متزوجه ولد عمها مهره : ثنائي المرح لمايد عمرها 18 عندها شخصيه غير عن الكل لها شموخها وثقتها قويه ومحد يقدر يهز شعره منها وحليوه مرررره واحلى وحده من خواتها فيها جمال فرنسي شما:اخر العنقود حبوبه واايد تتمصخر عمرها 16 نرجع لقصتنا طلع عنهم بو عبدالله وكان يفكر بموضوع بنته مهره من صوب ثاني عائله ثانيه عنود : حبيبي قوم بسك نوووم تراك تاخرت عن دوامك علي : عنودي خليني انااام عنود : سير ترى رفيجك حرق لك الفوون المدير يباك \ كانت تقص عليه عشان يقعد هههع علي: قعد حلفي ليش ماخبرتيني يالمينونه عنود : قلت لك انت ماراضي تقعد علي : اوكي جهزي لي ملابسي عنود : كل شيء جاهز بس سير اسبح وتعال علي : اوكي .... وسار ياخذ دوووش اكرمكم الله وظهر وبدل ونزل تحت سلم لامه وتريق عسريع وظهر وكااان يسرع يتحسب المدير يباااه وقف سيارته وبسرعه نزل وسار مكتبه وسال وين المدير قالوا له بعده ماسار لهم الشركه وعلي عصب لانه عنود قصت عليه هههههع علي في نفسه: الله يسامحج ياعنوده خليتي قلبي جي بس عشان اقعد هنت عليج وسار واتصل على عنود رن رن رن رن رن رن رن رن رن رن رن رن رن رن رن رن رن رن رن رن رن محد يرد خاف علي ليكون صار لها شي من صوب عنود كانت فالحمام عزكم الله ظهرت شافت علي داق عليها خافت لانها جذبت عليه ونزلت فونها الا وفونها يرن ردت بسرعه عنووود : الوووو علي: هلا عنودي وينج صار لج شي عنوود : لا حبيبي ماصار شيء كنت اسبح (عزكم الله) علي : اااه ريحتي قلبي يالدبه جذبتي علي هاااه برويج لما برجع عنود : ماكان قصدي بس انت مابتقعد الا اذا قلت لك جي علي : اوكي يصير خير يلا باااي عنود : لا تزعل مني بااي وسكر عنها علي وعنود هز بخاطرها نعرفكم على علي علي : انسان حبوب ويحب عنود ويخاف عليها عمره 22 من صوب مهره قاعده فغرفتها تلعب على الاب واندق عليها الباب مهره تفضل دخلت امها وقالت لها يمه مهره انتي مقتنعه تسيرين بالغربه لو ابوج واافق مهره: هيه اميه ابا اكمل دراستي واغير جوو ام عبدالله : والله ماادري شو اقول لج في واحد متقدم لج ويباج وهو يداوم بالخارج وبيخليج تدرسين لو تبين شقلتي مهره : لااااااااااااااااااااااااا يمه ماابي اتزوج ابي اكمل دراستي خله يدور وحده غيري ام عبدالله : برااحتج وظهرت ام عبدالله عن بنتها ومهره بنفسها : اااف شو هاين لما قررت اسافر ادرس واغير جو يتقدمون لي ونسير عند اهل الولد ترن ترن ردت ام خاالد ام خالد : الووووووووووووو ام عبدالله : هلا والله ياختي ام خالد : اهلين شحالج غلاي ام عبدالله : تمام يسرج الحال من صوبج ام خحالد : تمممام هاااه بشري ام عبدالله : والله مادري شو اقول لج بس ام عبدالله تفشلت منها وسكروا عن بعض وخالد كان راجع من السفر بس عشان يبا مهره هااه امي منو كنتي تكلمين ام خالد كنت اكلم ام عبدالله خالد ابتسم وجان يقول لها بشري وافقت صح ام خالد حز بخاطرها بسمت ولدها اذا قالت لا جان تقول ياولدي مافي نصيب لاتضايج خالد تلاشت عنه ابتسامته وقال لا امي عادي الدنيا جي اعرفكم على الشخصيه ام خالد : مريم حنوونه ومؤمنه وماتحب تضغط على ولدها خالد لانه وحيدها عمرها 36 خالد : انسان حبوب وجميل وااايد يداوم ويدرس بالخارج عمره 21 يحب مهره ويموووت فيها وهو يشوفها لما يرجع من السفر ولما يروح كله يفكر فيها وابو خالد عطاهم عمره من يوم كان عمر خالد 7 سنوات \ ان لله وان اليه راجعون نرجع عند خالد راح غرفته وبدت دموعه تحرق خده وسار عند البلكونه يشوف غرفتها ويقول ليش يامهره ليش انا احبج وانتي ماتحسين فيني ااااااااااااااااه عند مهره ملت من الاب وظهرت على بلكونتها وشاف ولد غرقان دموعه على خده هز بخاطرها وهو لما شافها تم يصيح بصوت اعلى جنه ياهل يصيح مهره : والله حررام غمضني بس هو ليش يصيح يمكن تذكر ابوه وسكتت وقعدت عند خالد تحسبها سارت الغرفه وقال بصوت عالي ليش يامهره ليش تعذبيني ليش رفضتيني ليش انا بمووت من دوونج ابوي خلاني واحين انتي محد لي ليش اعيش عند مهره تمت تسمع ومنصدمه ودموووعها تنزل على خدها وماتعرف شو تسوي الولد يحبها ويمووت فيها مو مصدقه هههع خالد بصوت عالي: اااااااااااااااااااااااااااااااااااااااااااااااااا ه يامهره سامحيني انا بروح خلاص ماعد تشوفيني بروح عند ابوي وتحملي من امي امي امانه برقبتج مهره من سمعت جي قامت من مكانها وشافته ولما شافها وحس انها سمعت نزل راسه مهره دخلت غرفتها وتمت تصيح وعقب ثواني شافته واقف مكانه يصيح سارت الحمام اكرمكم الله وظهرت دقت لابوها وقالت له ها ابوي وافقت ولا لا لانهم يبون الرد عشان اسافر ابو عبدالله : خلاص قولي لهم موااافق مهره : مشكور ابوي والسموحه انشاء الله تعجبكم |
البارت الثالث دام مالله كتبلي في هواكم قطوف ..........وانكتب لي اعيشولا حصلي هواك راحت مهره وقالت لهم وقالوا لها الرحله باجر بس وين ماقالت لحد وتمت تجهز جنطتها وكذالك خالد بيسافر نفس اليوم فاليوم التالي الصبح مهره تجهزت كانت لابسه تيشيرت مكتوبه عليه بالاسود وجينز وسوت شعرها ذيل حصان وتجحلت وحطت كلوس وطلعت قمه فالجمال ونزلت تحت مع جنطتها وسلمت عليهم وسارت مع ميود ميود : مهره خلاص بتسيرين عني ماعد اشوفج ولا اضارب معاج وقعد يصيح مهره مايهون عليها ميود مهره : لا حبيبي منو قال راح نضارب بالكول كل يوم وانت متى مايكون عندك فجه تعال لي ميود : اممممممم اوكي انتي ماقلتي لنا وين بتسيرين مهره : بقول لك بس ماتقول لاي حد حتى امي وابوي ميود :اوكي قولي مهره : بروح بريطانيا ميود: اهاااا مهره : يب يب يلا اخي وصلنا بروح لاتي معاي اخاف اصيح ولا انت تصيح اوكي ميود : لاااااااااااااااااااا بي معااج مهره بترجي : لا ميود دخيلك ميود بحزن : اوكي انتبهي ععمرج مهره :اوكي حبيبي |
البارت الرابع انـا الذي أسئلگـ في غيابگـوينگـ يامصدر الشـوق عليگماتشرهت والله من يـوم عينيفارقت عينگ زاد شوقي شـوقولعينگ تولہت گان حبگ وطنخلني أول محبينگ أو واحد منظلوعگ يلقاگ لو تہت راحت مهره المطار من صوب خالد تجهز وسلم ع امه وراح المطار وفالمطار خلصوا الاجراءات وسارت مهره وقعدت فالاستراحه لحد مايوصل موعد الطياره وخالد كذالك وكانوا قاعدين ورى بعض يعني مهره جدام وخالد فالكرسي اللي وراها فهمتوه وعقب نداء الى البوابه رقم121 الى بريطانيا وراحت مهره ودخلت الطياره وقعدت فكرسيها ودخل عقبها خالد وقعد والمفاجاه هيه ان خالد كان قاعد حذالها وماكانوا يعرفون وطارت الطياره وعقبها ناد مضيف الطايره خالد وقال what do you want drank خالد : no tank وروضه: من سمعت الصوت رجفت وصدت صوب المنظره مالت الطايره ولحظات وهبطت الطايره ونزل خالد من الطايره ومن عقبه مهره وخلصت اجراءاتها وخالد عرفها لانه كان وراها وخلص اجراءاته وظهر وراها وانتظرها وشاف ركبت سياره وراح ركب سيارته ولحقها وصدفه تجمعهم انهم نفس الفندق ونزلت مهره وسارت الرسبشن وخذت مفتاح الغرفه وراحت ودخلت الغرفة اللي ابوها حجزها لها وسارت تاخذ لها دش عزكم الله وعقبها انسدحت ورقدت ومن صوب خالد يصيح على حظه ابوه توفى وحب حياته وحلمه مااات ولقاها معاه مايدري شو يسوي وعلى هالتفكير رقد وفي الصباح الساعه 8 ونص في بريطانيا مهره قعدت خذت لها دش ولبست شرت ذهبي ومكتوب عليه بالاسود ولبست سكيني وحطت جحال وقلوس وشويه بلشر ولبست كعب صغير لونه اسود |
البارت الخامس ربما عجزت روحي ان تلقاك وعجزت عيني ان تراك ولكن لم يعجز قلبيان ينساك. اذا العين لم تراك فالقلب لن ينساك . احبك موت.... لاتسألني ما الدليل ارايت رصاصه تسأل القتيل . ونزلت الكوفي فالكوفي كان خالد هناك قاعد مع ربعه من صوب مهره قعدت وطلبت لها نس كفي وقال واحد من الشباب واااااااااااااااو شوفو القمر اللي هناك صدوا الشباب ومنهم خالد ولما شافها تخبل وسكت والشباب واحد منهم قال طوفوا نقعد نرقمها حمدان : انا اول بسير الكل: اوكي الا خالد ماتكلم حمدان سار صوبها: هلا بالغاليه مهره : ـــــــــــــــــــــــــــــ حمدان : شحالج عطينا ويه مهره : ابو الطاااااااااف مسويه له رجع حمدان صوب الشباب وقال اف ما عطتني ويه ناصر : احين انا بسير يمكن تنعجب فيني \وراح ناصر لمهره ناصر : قعد هلا بالحلو مهره :ــــــــــــــــــــــــــ ناصر : اشفيج ياقلبي طالعيني مهره : ـــــــــــــــــــــــــــــــــــــ ناصر : اقول انتي شو شايفه عمرج مهره :ــــــــــــــــــــــــــــــــــــــــــ ناصر : قام من مكانه وسار لربعه وقال حمدان وناصر : خالد مابتسير انت ولا مثل كل مره ماتبي غير حبيبتك اللي ماتسوى شي سمعت مهره الكلام وهي ساكته خخالد : اسكت محد له خص فيها وبروح لهاي خالد : السلام عليكم مهره: ببتسامه وعليكم السلام خالد : شحالج وهو يرمس ومنزل راسه مهره : يسرك الحال من صوبك خالد : حالي مثل ماهو ماتغير من وفات الوالد الله يرحمه مهره : الله يرحمه ، تفضل اقعد خالد : زاد فضلج بس حبيت اي اسلم عليج واروح للربع مهره : اوكي تسلم خالد : مهره ماوصيج اذا تريدين شي انا فالخدمه وانا اسكن فهالفندق ورقم الغرفه **** ولاتستحين مهره : تسلم ماقصرت خالد : افا عليج نحن فالخدمه |
البارت السادس خبروه أني أعرزهـ والأمور كلهـ بديهـ ليت كان الحب فأيدي كان أحبه واهتويه ماهو عيبه ماعشقته قلبي وادري العيب فيني..... وراح خالد عند ربعه حمدان وناصر :!!!!!!!!!!!!!1 خالد : اشفيكم حمدان وناصر : عطتك ويه ونحن لااااا خالد : هيه شفتوا عاد تحديتوني وغلطتوا عليها وانا ماارضى وعطتني ويه حمدان وناصر : دخيلك خلها تعطينا ويه خالد : هههههه تحلمون وااايد ومن صوب مهره واحد كان يتحرش فيها وسمع خالد الصوت وصد وشاف الولد يمسك يد مهره ومهره تضربه وهو يمسكه بقو وسار خالد لعنده وعطاه بكس عويهه وطاح وخذ مهره وراح وقال للولد ياويلك لو شفتك لمستها الولد شرررد لانه يعرف خالد اذا عصب بيكسره ومهره ماتدري شو تسوي خالد: صد عليها عورج صار لج شيء مهره : لا تسلم ماقصرت يايه بتروح لغرفتها مسكها خالد خالد : مابتسيرين الجامعه مهره : اووووووه صح نسيت خالد : هههه اوكي عطيني عنوانه وبوديج مهره : لاشكرا السايق بيوديني خالد: لا ماامن فالسايق انا بوديج مهره اوكي وعطته العنوان خالد : مهره انتي وانا نفس الجامعه فما بيكون علي تعب اوصلج كل يوم اوكي مهره : مشكور خالد مشى خالد لسيارته وراه مهره فتح السياره وقعد وقعدت مهره ورى وساروا الجامعه مهره : لو سمحت خالد ابي شخص اسمه*********** يعرفني على الجامعه خالد : هههههههههههههههههه حلفي انتي بس مهره : استحت وسكتت وفخاطرها انا شقلت عشان يضحك خالد : انا بقول لج ليش ضحكت مهره : هااااااااه خالد: انا هو الانسان اللي تبينه يوريج الجامعه مهره : صج انته جونسن خالد : هيه مهره : شكرا بتعبك وياي دخلت مهره ورواها خالد كل الجامعه وعرفها على غرف المحاضرا وتقرب منهم شخص وقال : هااااااااااااي خالد : هلا والله سلطان : شحالك وشو هالزين اللي ياينا اليوم وطاح بيدك خالد :هههههههههههههه سلطان : اشفيك خالد : هاي وحده من هلي يايه تدرس سلطان : اهاااا يعني مافي مجال تخلينا نرقمها خالد : امبونك ماتيوز سلطان : خلاص اسف وراح عن خالد |
البارت السابع كم ذبحني الشوق يالغالي .. وكم الدموع العين هليتهـ .. وأنت عني لاهي .. ولاقلبك عني صديته.. شوف حالي كيف ياحال.. لك القلم بيدك..... بريته من صوب مروان الصبح فالامارات نزل من الغرفه وساير الدوام سلم على امه وابوه وراح وعند غايه فالغرفه ترمس عنود ومن صوب سيف كان يتغتر بيظهر مع احمد ستوب اعرفكم على العوايل اليديده عائلة بو وام مروان ابو مروان : فيصل انسان حبوب وطيب ويحب عياله عمره 39 ام مروان : نورة انسانه طيوبه عمرها 32 مروان : شخص له هيبته ويحب اخته وعمره 22 غاية :بنت حلوه وحبوبه وحليوه وحساسه بشكل فضيع وعمرها 20 سيف : حللو ووسيم له شخصيته ومزيون مرررره ملاحظه بو مروان اخو ام عبدالله يعني يصير خال عبدالله ومهره ...... عايلة بو زرايد ابو زايد : ناصر ريال طيب وعنده شركة وله هيبه ويحب عياله ام زايد :حمده حليوه وطيوبه وتحب عيالها وااايد زايد : حبوب ويحب اخته حووور واااايد وحليو ومو متزوج وهو البجر علي : ريل عنود انسان حبوب ويحب عنود ويخاف عليها عمره 22 ( ذكرته لكم في ماسبق ) أحمد : طيب وحبوب فيه جمال غربي عمره 19 حوووور : حبوبة وتحب أخوانها وهي آخر العنقود وهيه وحيده امها وابوها من البنات واايد تستاهش بروحها فالبيت عمرها 17 نرجع لقصتنا عند سيف قاعد يتغتر ولما خلص نزل وسلم ع امه وظهر وساروا المووول هو واحمد (خبال شباب المعاكسه هع) نرجع لبطلتنا فبريطانيا مهره : ااااف ملل شو اسوي مااعرف حد هني وسارت اكرمكم الله الحمام خذت لها شور ماسريع وظهرت ولبست لها قميص فوشي مع جينز وكعب عالي وحطت قلوس وجحال ونزلت تحت ويايه تركب سيارة الفندق وقفها صوت : مهراااا اصبري شوي \صدت مهرا وشافته وابتسمت له خالد : وين سايره انا مو قلت لج لا تسيرين مع السواق وانا موجود مهرااا: حسيت بملل قلت بتمشا ومابغيت اشغلك خالد : لا شغل ولا شيء انتي انسانه عزيزه عقلبي مهرا : انشاء الله خالد : يلا انا بمشيج مكان ماتبين مهرا : تسلم \وهيه منزله راسه ساروا ركبوا السياره وقعدوا وكل واحد سارح بفكره قطع عليهم المسجل اغنية ماجد المهندس ( انسى) إنســـــــــى.. إنسى كل الناس خليني احضنك غمض عيونك وانسى بحضني نفسك انسى عمرك وانسى عمري امتزج بيا وصير عطري ليش وانا وياك احس بالوقت يجري انسى كل الناس.. كل الناس.. خليني احضنكـ هذي اول مرة احس كلي عشق انطيني فرصه اتنفسك اخاف اختنق وياك انت تأكدت اني قبلك ماعشت وعلى كل لحظه بدونك ياحبيبي تندمت انسى عمرك وانسى عمري امتزج بيا وصير عطري ليش وانا وياك احس بالوقت يجري انسى كل الناس.. كل الناس.. خليني احضنك قطع عليها خالد خالد : مهرا يلا وصلنا مابتنزلين مهرااااااا: هاااااااه امبله بنزل (بطلت مهرا الكعب ونزلت) وهي وخالد قاعدين يمشوون بالجوا الرهيب على البحر جنهم ازواج واشوي جان اتطيح مهرا حخالد: مهرا بسم الله عليج شو صار لج فيج شيء اوديج المستشفى ومهرا ماتعرف شو تسوي غير انها تشوف الخوف بعينه لها ابتسمت له وقالت لا مافيني شيء تطمن انشاء الله الروايه تعجبكم بليز ابا تفاعل عشان اكمل ولا مابكمله |
مممرحبـآآ السـآآع ... الـروآآييةهـ ححلوة ومـآعليهـآ اي كـلآم بس لو تكبريين الخط شوي واطوليين ف البـآرتـآت يكون آحسن ^^" . . وسسلمتي على ططرح آككثر من بـآآرت ^^ ونترقب البـآآرت اللي عقبه ولآ تتـأخخريين علينـآآآ ..~ .. والسسمووحةهـ |
روعة كملي الرواية نترقب الياي |
قصتج رووعه و في قمه الابداع .. بس لو سمحتى كبري الخط و طولي البارت .. |
السلام عليكم .... الروايه حلوووة 😄 |
الروايه حلوه من بدايتها |
حبيت شخصيه خالد |
حلوه اتريا التكملة حبيبتي و لا تتأخرين علينا :) :) :) |
وينج طولتي :( |
وينج حبيبتي طولتي وايييييييييييييييييييييييييييييييييييييييييييييييي يييييددددددددددددد:( :(:( |
كملللللللللي ..... |
الروايهه ححلووهه ف انتظاررجججج كمليها |
| الساعة الآن 01:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir