|
ميسون: لا حبايبي.. كلكن بصوب.. وثاني وميسون بصوب شيما: وأنا .. شيما وسهيل.. اسميه ثنائي ازقرت حصة وهي تضحك: هههههههههه ألا حارب وسارة.. تقولن اسم مركب تركيب مزجي.. اسميه معقد مثل سارة.. خخخخخخخخخخخخخ سارة: جب جب انزين ميسون: الحين خلوكم من هالتفاهات.. ونرجع لمحور حديثنا.. حصة: أنا اليوم بفتح الموضوع ويا علي وإن شاء الله بحاول إني أقنعه سارة: خلاص.. وإذا تبين أي مساعدة تراني هب مقصرة شيما: يـــــــاي.. أموت وأعرف ردة فعل عليا يوم بتعرف بالسالفة.. حصة: إن شاء الله بتستانس.. بس على الله يقتنع علي.. .................................................. ........ .. |
اليوم الثاني.. الساعة 10,8 الصبح في جناح حارب وسارة كالعادة سارة في حجرتها راقدة حارب راقد في الصالة ومنسدح عالقنفة.. فجأة وصله مسجين المسج الأول... تمر الساعات ... أنتظر صوتك ... وتمر الأيام ... وأتمنى شوفتك ... ويمر عمري ... وأنا .... أحبك ....أحبك.. أحبك..أحبك المسج الثاني.. ليتك تدش داخل القلب وتشوف وشلون ترجف من غلاك الشرايين بعد ما قرى حارب المسجات على طول حذفهن.. وبما أنه تعود على هالحركات من سعاد ما سوالها سالفة وكمل رقاده.. ..................................... |
في بيت أبو علي حصة في بيت أمها عسب ترمس علي بالموضوع اللي اتفقوا عليه البارحة.. علي: قلت لج لأ يعني لأ حصة: وليش انزين؟ علي: ما أبي أتزوج.. غصب شو؟؟؟؟ حصة: لا طبعا أنت هب مغصوب.. بس ممكن أعرف شو سبب هالرفض المفاجىء؟؟؟؟ علي: بس جذه.. فجأة حسيت أن الزواج ملحوق عليه.. وأنا هب مستعد حاليا حصة: بس أمايا ودها تفرح بك يا علي.. علي:...................... حصة: علي؟ تراني اخترت لك بنت غاوية.. علي: منو؟ عليا؟ انصدمت حصة... حصة وهي تبتسم بخبث: عليا ها؟ والله أنك طلعت لوتي.. وتعرفها بعد علي ويحاول يغطي عالموضوع: لا.. لا.. انتي هب فاهمة..بس أنا قلت يمكن لأنها ربيعتج.. حصة: ههههه انزين ما علي بعديها لك.. ولو أني هب مصدقتنك.. علي وهو محرج: حصــــــــــوه حصه: خلاص انزين...بس قولي شو رايك فيها؟ علي: والله الحق ينقال عليا بنت وشيخة البنات بعد حصه: أوب أوب ما نروم ما نروم.. وينج يا ليلى .. تسمعين كلام قيس.. خخخخخخخ علي: حصوه.. بتوقفين خريط والا شو؟ حصه: خلاص خلاص.. هب قايلة شي.. بسمعك.. قول علي: شو أقول؟ حصه: اللي كنت بتقوله.. علي: والله ما أعرف شو أقولج.. بس مثل ما خبرتج.. عليا بنت حشيمة وإن شاء الله تلاقي ولد الحلال اللي يسعدها حصه: وليش حبيبي؟ أنت شو نا قصنك؟؟ علي: هب ناقصني شي.. بس أنا عليا ما أريدها حصة: شو؟ توك قاعد تمدح في البنية والحين ما تريدها.. ليش؟؟ علي: بس جذه.. أنا أحس أنها ما تناسبني.. حصه: أوكي.. عليا ما تناسبك.. أشوف لك غيرها.. مع اني والله هب ملاقية شراتها في الأخلاق والذوق والجمال حصه كانت ترمس وهي هب عارفة أنها بكل كلمة تقولها قاعدة تجرح وتقطع فيها قلب أخوها علي.. علي حب عليا من أول يوم شافها فيه.. قلبه تعلق بها.. ولليوم قاعد يفكر فيها.. بس....في شي قاعد يمنعه.. علي وخلاص فول: حصوه خلاص انتهى الموضوع.. قلت لج ما أريد أزوج بعليا ولا بغير عليا وظهر من الصالة حصة اللي كانت منصدمة من ردة فعله.. شو اللي غير موقف علي من الزواج؟؟؟؟؟؟؟؟؟؟؟ ............................................. |
نرجع لحارب وسارة الساعة 2,7 الظهر سارة توها تنش.. اعتدلت في يلستها بعد ما كانت منسدحة.. قعدت ترتب شعرها المبعثر بعبث من تأثير الرقاد.. وقفت على حيلها.. تحس أن جسمها ثجيل.. سحبت الفودة ودخلت الحمام " تكرمون" وهي وظاهرة.. لفت نظرها موبايل حارب اللي كان توه واصلنه مسج.. بالأول طنشته بس ياها فضول أنها تشوف المسج.. تجدمت بخطوات مترددة لكن في النهاية قررت أنها تشوفه... هي وقاعدة تمشي اصدمت بطرف الطاولة سارة وهي تتحرطم: أي أي.. حشى ما يسوى هالمسج اللي بقراه بعدها تقربت وهي ياية بترفع الموبايل .. بس ايد حارب كانت أسرع ومسكت ايدها قبل لا تمسك موبايله سارة تيبست حتى أنها صرخت.. حارب: شو كنت بتسوين؟ سارة: و..و..ولا شي حارب وعيونه على موبايله وعقب رفعها وقعد يطالع سارة.. حارب شل موبايله وفتح المسج عسب يقراه وهو للحين ماسك سارة.. حارب قاعد يقرا المسج وهو ناقع من الضحك.. وسارة بتموت تبيه يهد ايدها وفي نفس الوقت متحرقصة تبي تعرف المسج.. |
ساره: هد ايدي حارب: كنت تبين تقرين المسج صح؟؟؟ سارة: شو؟ حارب: اللي سمعتيه ساره: هد ايدي.. هب فايجة لسخافاتك حارب: أنا كم مرة قايل لج إني ما أحب أحد يشوف موبايلي.. وبالأخص رسايلي سارة: ليش؟ خايف نمسك عليك شي؟ حارب: ليش؟ وايد أهمج يعني؟ سارة ما عرفت بشو ترد: أصلا منو قالك إني كنت يايه أشوف المسج؟ حارب: عيل شو كنت بتسوين؟ ساره: ما يخصك.. هد ايدي حارب: جب.. ما بهدج.. وارمسي عدل ساره: هد ايدي أقولك.. حرام طرش لها بسرعة.. أكيد الحينه قاعدة تنطرك.. أخاف تزعل عليك نقع حارب من الضحك...: لا ما عليج منها تموت عليه.. ما بتزعل فولت ساره.. يعني صج.. المسج من وحده.. صج ما يستحي ساره وتحاول تفج عنه: هد ايدي يالخام.. هدها.. حارب: خييبه بلاج معصبه.. كل هذا بسبة مسج.. هههههههه ساره وخلاص شوي والدمعه بتنزل... جرب منها حارب وفتح لها المسج عسب تقراه.. |
| الساعة الآن 05:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir