|
عزيزتي الكاتبة ضحية حبيبي الرواية الي استمريتي فيها طويلاً و بديت اقراها قبل لا تبدا تنزل البارتات النهائية باسبوعين و لكن حبيتها البداية كانت أبداً مش مقنعه لي و لكن بعدين اقنعتيني فَي بعض الأشياء الشخصيات الي رسميتها قصص الحب المكتوبة في الرواية اختلفت بشخصياتها ، بحروفها ، بتميزها تميزتي جداً في سرد حروفج ولكن الخيال طغى على القصة حسيت الواقعية مدفونة ويا الخيال وايد يمكن بغيتي توصلين لنا قصة الشخصيات بطريقة ثانية انتي تشوفينها وَ لكن ما وصلت لي الشخصيتين الي دشوا مزاجي / خلوني أتحمس للرواية هم محمد و عنود ، قصتهم كانت شمس واضحة بالنسبة لي عرفت أن عنود بتاخذ محمد و العكس، عرفت انهم بيعرفون بعض لو كنتي ضايفة أكشن يديد و هو انه محمد ياخذ وحده على راس عنود كانت بتضيف شي واقعي ممزوج بخيال جميل سيف & مهرة الحلم اللي حلمه سيف بَ وفاتها كنت اتمنى أنه يكون حقيقة صحيح مو جميل الشي أن نفقد حد غالي / بس تمنيت هالشي عشان يترك لَ سيف ألم كبير و ترسمين له حياة أخرى جميلة حمد / اقنعتيني انه ما حب له وحده غير مهرة ، و حبيت الإخلاص في هالشي واييد 3> سلطان & عذاري ما حبيت طاعة عذاري العميا ، عيبتني يوم انها راوت سلطان الويه الثاني في بداية الوحام كنت متأملة يكون شي تغير جذري في حياتهم قصتهم كان فيها نوع الملل ، و لكن نهايتها جميلة منصور & سلامة الأكششن الي صار في حياتهم كان ضايف ع القصة بكبرها نكهة غير جداً ، أما سلامة حبيت انها ما استمرت في الغلط و منصور يوم رد لِ سلامة حسيته فعل ساذج ، منصور بالفعل كان إنسان إيجابي في حياة سلامة و الدليل أنه كل ما يدخل في حياتها / تلقى شي جميل منه ناصر & حصيص لا تعليق على قصتهم العادية . . شوق الشخصية الثانوية الي كانت مساهمة في تغيير كبير في القصة لولا حمد / ما تطلقت من الشايب ، بس غلطت غلطة كبيرة وهي تخون ريلها ، بس الله هداها و رزقها بيوسف الي يحبها و ان شاء الله بيقدرها أما عن الكاتبة ضحية حبيبي أسلوبها كان جميل جداً ، و لكن كان فيه نوع من الغرور يوم يرد عليها حد بنقد للرواية و الي عيبني أنها من زود حبها للقراء كانت تحذرهم و أنها ما تبا تلجأ للإدارة بسبب الردود الإستفزازية ، و هالشي جداً جميل تواصلها مع القراء حبيته جداً مع انه كان يستفزني قليلاً . . النهاييات السعيدة الي اسعدت الكثير تمنيت انها تمتزج بالحزن و الالم عشان نعرف ان مو كل شي مثل ما نبيه لكن الكاتبة لها أفكارها الخاصة و في النهاية أتمنى أني ما تعديت حدودي ظهرت الي اباه و عدلت في كل شي ، و أتمنى أشوفج في كتابات متقدمة أكثر (l) الله يوفقج و يسعدج في حياتتج و تحصل لج قصة جميلة من غير حزن ، الم او عذااب ويا القراء |
يا دي النيله شو عملتي فيني يا ضحيوه ع العموم النهايه كانت حلوه بس الصراحه كنت اتمنى حمد لمهره و انه سيف يموت بس مع ذلك كانت حلوه نترياج ضحيوه فروايه ثانيه |
السلام عليككم ورحمة الله وبركاته هلا حبيبتي شحالج ثااانكس واايد ع الروااية الكششششششششخة أول شي مبرووووك ع اللقب تستااهليينه حبيبتي وسوووري ع التأخيير لأني من فترة مب حادرة المنتدى والله لو شو وصفتها ما بيي ف حقها الصرااحة أبدعتي يعطيييج العافية حبيبتي ونترياا يديدج ان شاء الله سيف ومهرة قصتهم كششخة عشناها وياهم بين حب وتسامح وتضحيه حمد ليش ما تزوج تحسبت بيتزوج وبينسى مهرة شوق ان شاء الله بتحب يوسف والله يسعدهم سلاامة ان شاء الله بتعوض منصور منصوور مسكيين واايد عانى هالانسان سلطان يقهرني ليش ما يقول لعذاري عن اللي ف خاطره عادي يعني هاي حرمته عذاري مسكييينة تحب سلطان من قلبها فجيييه تسامحه وايد ناصر & حصة الله يخيلهم لبعض اممممممممم أظن خلصوا الشخصيات نترياااج حبيبتي ف روااية يديدة ان شاء الله مع السلاآآمة خيتووو =) |
بصراااااااااااااااااااحة القصة طررر وروووعة تسلمين ع القصة الكشوخية والف الف مبرووك ع اللقب وتستاهلينه لا تقطعين ولا توقفين عن الكتابة |
الرواية روعة وكنت أعيش أحداثها واصيح واضحگ وياهم كنت اتريا البارتات ع احر من الجمر ابدااااااع وتستحقين اللقب بمعنى الكلمة ما شاء الله عليج والله مآ گآن ودي تخلص الرواية نتريآ رواية ثانية الغلا |
| الساعة الآن 12:34 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir