|
. . . البارت الـ 52 حمد قاعد ع الكراسي صوب المزرعه . . مجابلنه محمد يدوخ . . حمد يتحمحم . . وبصوت مسموع يشل شله : مآ نسينا لو تنآسينا يالغلا في يوم حبينآ . . يوم كنا بسمة حلوة قلب واحد من يساوينا ؟ تذكرين يا مهره حروف كلماتي . . يوم كنتي اروع ابياتي . . يوم قلتي قول وحياتي غير موتي يفرق ايدينا . . تذكرين وكم وعدتيني ؟ كم حلفتي ما تناسيني . . بس يلي صار هنتيني " يطالع محمد وماكمل الشله " فديتها عمرها ما هانتني . . محمد الي تأثر: كممممممممممل يا ريال . . حمد : تذكرين وكم وعدتيني ؟ كم حلفتي ما تناسيني . . بس يلي صار هنتيني واستمعتي لعذلهم فينا . . ويا حسافه ما مضى والله يا حسافة هالغلا كله ليت قلبي ليت ما توله وليتنا في يوم ما غلينا ويالغلا وان كان لي خاطر عند وعدي لك انا حاظر لو يضيق بك الفضى تامر قلبي يالوافي لك رهينه ما ابيعك ذا عهد مني لو يخيب احساسي وضني هب شرا غيري ترا فني ، يوم اجفي عنك تجفينا محمد : ياويل حالي انا والله . . حمد يبتسم ابتسامه مصنطعه : الله يهنيها يارب . . محمد بنظرة جديه : هذا القول الصح . . حمد ينزل راسه : وبتم اهني طول عمرها " ياشر ع قلبه " محمد " يغير السالفه " : حمود تحيد يوم رحنا البر رباعه . . كل العيايز الي ف فريجكم وكل البنيات و الاهل حمد يبتسم : كييف انسى . . هاك اليوم من احلى ايام حياتي محمد : انت كل الايام الي تشوفها فيه تكون من احلى ايام حياتك . . هات اليديد ياريال . . حمد زادت ابتسامته : تحييد يوم هزبتك محمد : انت عاد ما تحييد الا الهزاب . . حمد يضحك ويذكرون الموقف . ! > < محمد وحمد كانو قاعدين يدوخون بعيد عن الشياب . . عقب ما خلصو . . محمد : اعنبوه ليكون سيلانيات اهني حمد : ليشش محمد ياشر : خيبه شوف النعله شكثرها . . واحد . . اثنين . . ست .. سبع . . عشر . . اعنبوه نعل امنو اهني ؟ حمد مستغرب: مادري والله . . نسير نشوف ؟ محمد : بنشوف ورا الستيشن . . ؟ اكيد هايييل الشغالات يالسات يسون منكر ولا شي ويتجدمون بفضول يبون يشوفون شو الموجود ورى السيارة ؟ محمد اول شي تجدم بسرعه وسمع صراااخ بنات . . مهره بعصبية : انت ما تستحي ع ويهك . . . مافيك ادب " تصارخ " شو تطااااالع . . محمد ينزل راسه : مسسامحه انزين . . اتحرا شغالات . . عنود : شغالات في عينك حمود . . روح فارج يلااا . . محمد يرد يرفع عينه يطالعهم : انتو شو تسسسوون . .ليكون ادوخون شييشه ولا شي . . سلامه : ههههههههههههه حمود فارج دخيلك مندمجين احن . . مهره تصارخ : انته ما تفهم شووو . . روووح يلااا . . محمد عاقد حياته وباستهبال : لا تصارخين لا اعطيج كف ع ويهج . . حمد يي صوبهم و شق الحلج يوم شاف مهره ويا البنيات . . حمد يضربه ع جتفه بخفيف : شوفيك تصارخ ع البنيه . . مهره بـ نيه طيبه : ما يستحي ع ويهه طاب علينا جي . . يعني حاطين نعله ويبين نعله بنات عشان محد يي صوبنا .. وهو الي ما يستحي اشكره ياي جي لا هود لا هدى . . يعني لو كنا مش متغطيات . . حمد بصوت خافت بس محمد يسمعه : يا لبييييه . . يودني ياريال يودني . . " بصوت عالي" انت ما تستحي . . والله مافيك ادب . . روووووووووح يالله من اهني . . محمد عاقد حياته : لا تسويلي فيها انا البطل الي تبا تقردن . . عنود : ليش تتحرا اخوي شرات اخلاقك . . محمد : انتي السيلانيه اخر وحده ترمسين . . حمد يطالع مهره باهتمام وابتسم .. خلاها تستحي وتلف ويهها الصوب الثاني .. محمد يود قميص حمد : يلا يلا . . قوم قوم . . بلا خرابيط زايده . . حمد فاج عينه من حركت محمد وانقهر بس ما قال شي . . وراحو عنهم . . حمد يغمض عينه : فدييييتها والله . . ماروم ولد عمي ماروم . . محمد : الله يجعلها من نصيبك . . الله يجدم الي فيه الخير يارب . . حمد : امييييين . . الله يجعلها من نصيبي . . وانت شعنننننننننندك ساحبني . . جان خليتنا نطول السالفه . . قسم بالله قهرررررررتني احمد ربك ماعطيتك طراااق محمد : افا . . هذا واانا افكر لك بخطه عشان تشوفها روحك . . حمد باهتمام : احلف .؟؟؟ محمد : تتحدى قدراتي ؟ حمد باصرار : اتتتتتتتتتتتحدى . . راوني اشوف شو تروم تسوي . . محمد يسير صوب السيارة : هود هود ، ارفع راسي ؟ عنود : اففففففففف . . نعممم محمد نعم ؟ محمد : اسكتي انتي محد رمسج . . اقول الشيخه سلامه تعالي شوي . . سلامه تي صوبه : هلااا حمود . . محمد : اقولج " ياشر على خيمه شوي بعيد عن السيارة " ام مهره تبا مهره اهناك . . سلامه عاقده حياتها : بس ام مهور ما يت ؟ محمد : منو قالج . . انا شفتتها بعيني اهناك وتزقر باسم مهره . . حرااام عليكم الحرمه عن يستويبها شي وهيه تزقر . . طرشي مهره صوبها . . سلامه : اوكي اوكي . . مشكور حمود . . تسير عند البنات وبصوت عالي : مهوور سيري اهناك امج يت وتزقرج مسكينه من الصبح !! مهره تحط ايدها ع قلبها : اممايا !!! وتقوم عنهم وهيه تركض صوب المكان الي اشرت لها اياه سلامه . . دخلت الخيمه ما حصلت حد . . استغربت واول ما طلعت . . !! حمد : بوووه . . مهره تحط ايدها ع قلبها : اميييه . . " تصد يمين يسار " انت شو تسوي اهني . . حمد : وحشتيني . . قلت لازم اشوفج واسولف وياج باي طريقه مهره تطالع يمييين وتشوف محمد يسوي حبتين من بعيد . . مهره تبتسم وهي تطالع محمد : ولد عممك مينون . . حمد فاج عينه : احين انا اهني وتقولين ولد عمممك ؟ استحي عويهج شويه . . مهره ارتبكت وتمت مستحيه وترجف . . عدلت الشيله وانتبه لصبعها " يشوف لصق عليه " حمد يسحب ايدها : شوه فيج ؟ مهره تطالع ايده الي قابضه ايدها : ماشي . . بس شوج دخل فيه . . حمد : ليش ما تحاسبين حبيبي ؟ انا كم مره قلتلج شوي شوي عروحج . . انتبهي على عمرج . . ودري عنج الحركه والشطانه يمين ويسار . . مهره : انا ما اتشاطن . . " سحبت ايدها " . . شوجه صغيره بس حمد : وليش الهالات السودا ؟ مهره مبتسمه : ترى ادرس . . حمد : انزين ادرسي فديتج . . بس ارقدي ريحي عممرج . ." عاقد حياته " انتي مول ماتسمعين كلامي . . اخر مررره ما قلتلج يويلج لو شفت هالات . . ؟ مهره تطالعه : والله اسمع . . بس لازم ادرررس امتحانات الحيين حمد : وين تسمعين وعيونج وارمه . . ؟ مهره الي حست انها مصختها : آآ . . ان شاء الله بتحمل . . يالله انا لازم ارووووح . . حمد بلهفه : ويييين ؟ والله ماشبعت منج . . مهره تطالعه : ماقدر اطول اكثثر . . حمد : ماعليه يوم باخذج والله اخليييج متلصقه فيني ماتفارجيني دقيقه . . بتشوفين مهره تبتسم بحيا وتمشي بتروح عنه ويقبض ايدينها . : تمي شوي بس . . مهره توخر ايده : ماقدر اتم . . حمد : انزيين شوي " يبتسم " والله دقيقه . . حلفت مابطول اكثر عن دقيقه والله مهره : لا . . " تطالع عيونه " برؤووح . . وراحت عنه > < > محمد : اتصصصدق انا غبي لاني ماتراهنت وياك حزتها . . ضيعت الفرصه من ايدي . . اما حمد مارد عليه . . تم يفكر ف ذاك اليوم وكيف كان شعوره واحساسه ! . . . سلامه : عنود خليني ارتاح والله ابا ارقد بسج سوالف . . عنود : انزين انا متولهة عليج . . سلامه : انزين انا راده من المستشفى وابي ارقد خلاص سكتي !! ولا طلعي برع خليني انام . . عنود : بتتعذرين عني ماعليه . . " وتطلع برا " . . . منصور يدخل المطبخ : خلصتي ؟ اعنبوه كيكه تسوينها ساعتين !!! عذاري تمد له صينيه الكيك : خلصصصصصت اصلا . . منصور يشم : ياويل حالي . . من متى اختي عندها مواهب طبخ ؟ عذاري تبتسم : عشششان تعرف بس . . منصور : يالله سيري درسي . . عذاري تمسك ايده : آآآآ منصور عاقد حياته : شوووووو عذاري : ماشي صحتين وعافيه . . منصور يخوز ايدها وييسير عنها الميلس . . >> انا ليكون بتريا ليييييييين ما يييني منصور ويقولي شرايه ف الكيكه ؟ لالاا ماقدر . . لازم اعرف بنفسسسي . . الميلس فيه بابين . . الباب الاول الي هو يطل ع الحوش . . يدخلون فيه الناس ويطلعون ولازم يمرون ع الحوش عشان يدخلون او يطلعون . . اما الباب الثاني ف هو ف اول الميلس . . عباره عن ممر طويل .. على يمين الممر مغاسل عشان يغسلون اياديهم . . وبعد المغاسل على طول باب حق حمام الميلس " الله يعزكم " وبعد كل هذا ممر طويييل وهالممر ينتهي في باب داخلي . . وهالباب دايما يكون مقفول ب مفتاح . . امر من ناصر قبل لا يسافر ! عشان اذا زقر ربعه محد من البنات يطفل وييي هالصوب . . الشيخه عذاري بعد عناء طويييل وبحث طويل لقت المفتاح السري !! ودخلت الممر . . وحطت اذنها ف باب الميلس وقعدت تتسمع !! ماسمعت ولا شي غير الباب فجاه تبطل فويها وواحد دزززها وسار صوب المغسله ويكح . . عذاري من الصدمه ماتحركت حطت ايدها ع قلبها وجمدت مكانها . . من حسن حظنها ان منصور ماكان موجود ف الميلس . . دش داخل البيت عشان يدور عذاري ويهزبها ع الكيك السام !! سلطان بعيون ضيجه : انتي مسويه الكيك .؟ عذاري شافت رده فعله وشافت شفاته الجازه من تفاتيف صغيره من الكيك ويخوزها بكلينكس بلوعه جبد . . عذاري ترص ع الشيله البيضا الي لابستنها وماقدرت تقول غير : هاه ؟ سلطان : دخييلج . . والي يرررررحم والدينج . . لا ادشين المطبخ مره ثانيه . . عذاري : اصلا مش انا مسوتنه . . سلطان عاقد حياته : باين من الطحيين الي مخيس ويهج . . عذاري تشوف الجامه الي مجابلتنها وانصدمت يوم شافت ويهها ملعوب فيه بالطحين وشكلها طالع اكس . . كل الي سوته نظفت ويهها بايدينها بقوه . . سلطان مبتسم : ويهج الي صار كيكه والله . . عذاري تطالعه وعاقده حياته : انته ما تستحي واقف اهني ويا اخت ربيعك . .؟؟؟ سلطان عاقد حياتها ويطالعها بنفس نظرتها : وانتي ماتستحين لانج انتي الي يايه لين الميلس وتتصنتين على ربيع اخووووج ؟؟ " يبتسم ب خبث " مادري شو بتكون رده فعل منصور لو شافج اهني ؟ عذاري تعض شفايفها بقوه بقهر : انتي ليش مصدق روحك وايد . . عشانك حلو يعني . .؟ ؟؟ سلطان الي ابتسم غصبن عنه : ليش انا حلو ؟ " يصد صوب الجامه ويشوف عمره " ماتقصرين صراحه عذاري تلومت : اصلا مش من زين ويهك ولا من زين جسمك . . لا تغتر ف نفسك وايد اوكي . . سلطان مبتسم : اوكي ! ويسير عنها الميلس ويسكر الباب فويها بقوه ! وخلاها واقفه مكانها مذهوله من الي صار قبل شوي ! اما منصور دورها في بقعه بقعه ف البيت ما حصلها !!! لين يأسس ورد دخل الميلس وسمعت صوته وهو يستسمح من ربيعه على الكيك . . وشال في ايده صينيه ثانيه فيها فطاير جبن ومكسرات وعصاير . . . . . يشوف تلفونه ويحوله سايلنت . . مهره : ليش ماترد انزين ؟ خايف تقولها انك وياي .؟ سيف عاقد حياته : انا مش خايف ؟ ليش اخاف . . بس ما ابي اد عشان ما اجرحها واقولها اني معاج . . وهيه حامل مابيها تتأذى . . مهره انصدمت من رده فعله ! ومن كلامه القوي . . شو الي جلبه فجاه . !!! سيف يصد صوبها وبعصبيه خفيفه : لا تقولين خايف مره ثانيه . . مهره تطالعه : وليش عصبت جي . . ما يستاهل كل هذا عشان تجلب وتنطر علي . . سيف يطالعها : خلاص مابا اسمع صوتج . . مهره بابتسامه استهزاء : هذا انت . . ماتتريا شوي الا وتجلب علي . . سيف يدق ع السكان بقوه : لا ترااااادديين خلاص . . مهره تمت تطالعه باستغراب . . وبعدها صدت صوب الجامه وتشوف الدرب . . بعد سكوت بسيط . . وصل سيف المطعم . . سيف : نزلي بنتعشا . . بطلت مهره الباب بتنزل بس مسك ايدها . . مما خلاها اتم قاعده بس ما تطالعه . . سيف يتنهد : حقج علي . . اناا اسسف . . بس طرشتلي مسج وعصبت منه وطلعت حرتي فيج . . مهره تطالعه : احين هيه الي اطرش مسج وانا الي انهزب ؟ ليش هيه المدللـه المدلعه وانا العكس . . انا الي اطلعت حرتك فيني مع ان هيه السبب ليييششش سيف : لاني مينون في حبج . . مهره ماعرفت شو ترد . . بس تمت نظرات الصدمه في عيونها وبعدها تطالع عيونه ! وتشوف الصدق فيه . . سيف : انا اول مره يصير لي جي .. اول مره . . انتي جلبتي كل شي فيني مره وحده . . حبج غربال يا بنت الناس . . حبج عذاب . . كل شي فيج غيير . . كل شي فييييج غيرني انااا . . افهميني وخلي ايدج بايدي . . وساعديني اتغير مهره : كيف تقول هالكلام وانت حتى " يا في بالها ترمس عن حمد بس سكتت " سيف : شوه قوولي . . مهره : مماشي . . سيف يحط ايدينه على ويهها : انا وايد احبج . . والله وايد احبج . . مهره تبلع ريجها وتنزل راسها . . سيف : متى بتقولين لي ؟ متى بتعترفين لي بحبج متى ؟ مهره ترد ترفع راسها وتذكر شي ! > < مهره تصد يمين يسار : رووووووووح . . عنود الحين بتي رووح . . حمد بعصبيه : مابروح مااااااااابروح . . شو كااااان يبا منج شووو رمسي . . مهره : والله ما كلمممممته . . والله . . حمد : عيل شو كان يسوي في بيتكم امممممس ؟؟؟ مهره : حمد شفيييك . . ها ولد خالتي وكان يايب امه عند امايا . . . حمد : ليش عنوود كانت تكلمج ف الفون وتقولج اكيد هو مستانس . . مهره : انا مالي خص فمششاعره تجاهي . . افهمني . . هو يحبني . . بس انا لاء . . حمد يطالعها بعيون حزينه . . مهره : والله حمود ماحب غييرك انا . . والله ماحب غيرك ولا بحب غييرك فحياتي . . حمد يتنهد : مصدقنج والله . . مهره : انا ماخذه عهد ع نفسي ماحب غيرك . . لو شو ما صار ما بحب غيرك . . حتى لو يا اليوم الي يفرقنا . . تاكد . . عهد خذته وبتم وافيه لهالعهد طول عمري . . حمد يتنهد . . مهره : خلاص رووووووح .. الله يخليك روح . . > < سيف : مهـــــــــــــره !! مهره الي انتبهت انه يزقرها : ها . . سيف : في شو كنتي سرحانه . . ؟ قاعد اقولج متى بتعترفين لي بحبج وتسرحين ؟ مهره تنزل راسها وتبطل الباب : يالله خلنا ننزل . . سيف يمسك ايدها : انتي صدق تحبين حمد ؟ . . . |
السموؤؤحه ع التاخير بسس موول مافيني الهااام اكتب وجي . . ما يطلع شي يوم ما ييني هاجس الكتابه لوؤل . . |
طررررررررررررررررررررررررررررررررررررررررر والله ^^ تسلم ايييدج حبووووبه ^^..ونترياااج =) |
مشكوره المرة الياية نبى دبل هذا |
بسسسسسسسسسسسسسسسس نزلي بعد |
| الساعة الآن 11:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir