|
انا وصلت و البارت وياي. ثواني ويكون عندكم...:3: |
وعقب ما صلت قعدت تقرا قرآن.. بعد نص ساعة تقريبا.. تذكرت الكيكة اللي موجودة في الحجرة.. قعدت تتأملها كانت ولا أروع.. وقعدت تتخيل شو بتكون ردة فعل حارب لو كان شافها البارحة.. وهي قاعدة سرحانة حست بواحد وياها في الغرفة سارة بعد ما لفت ويهاا.. سارة: حـ..ــا..رب.. حارب وهو متفاجىء من اللي قاعد يشوفه؟ وقعد يطالع سارة بنظرات استفهام وحست سارة أنها لازم تشرح له.. سارة: البارحة.. كان عيد ميلادك حارب وهو عاقد حياته.. سارة:اممممممم كنت... حارب: كنت شو؟؟؟ سارة وهب عارفة شو تقوله: أ..أ.. كنت مزهبة لك..أ..أ.. مفاجأة صغيرة ابتسم حارب ابتسامة رقيقة وهو للحينة هب فاهم شي.. ياحليله من تأثير الحمى حارب: يعني البارحة كان عيد ميلادي.. سارة وهي منزلة راسها: كل عام وأنت بخير حارب ابتسم وبعد ما لمح الهدية سار صوبها.. " ياحليله هب مصدق" وبعد ما قرى الورقة.. ابتسم عقبها فتح الهدية.. كانت عبارة عن عطر + ساعة غاوية تخبل عليها حارب حارب:سارة.. سارة رفعت راسها حارب جرب منها: ممكن ؟ سارة: شو؟ |
حارب: ما ادري أحس إني ميهود وقاعد أخرف أخااف إني للحينه تحت تأثير الحمى .. أنا في حلم والا في علم؟ سارة وهي لحالها هب عارفة شو تقول؟؟ بس ما حبت تعترف لحارب وبما أنه مريض فعادي كملت وياه على أساس أنها هي اللي مزهبة كل هذا سارة ابتسمت حارب: لو ادري أن هذا كان ناطرني البارحة جان ما مرضت..هههههههه حارب قعد يطالع سارة.. معقولة معقولة كل هذا يطلع منها؟؟؟؟ يعني تحبني.. والا جان ما سوت كل هذا... آخ يا راسي جني الا خرفت.. عقب شوي انتبه حارب أن سارة ظهرت من الحجرة وهو كان سرحان ياحليله ما ينلام.. ربع حارب صوب الحمام " تكرمون وأخذ شور عالسريع.. يحس أنه متنشط صح أنه كان تعبان البارحة بس مفاجأة سارة كان لها تأثير كبير عليه.. فتح الخزانة واختار أكشخ كندورة عنده.. كندورة سودة على شماغ أحمر.. وكالعادة تسبح بالدهن عود .... وحط من العطر اللي كانت سارة معطتنه اياه( أو بالأحرى نقدر نقول حصة ... ياحليلها ) ولبس الساعة ... نزل تحت ولقى خالته ظبية وسارة قاعدات سوا.. سلم على خالته ظبية وحبها على يبهتها.. ظبية: تحب الكعبة إن شاء الله حارب وعيونه على سارة اللي كانت منزلة راسها.. ظبية: ها؟ شوهالكشخة من صباح الله خير؟ حارب: لازم يا أمي.. ترى اليوم كملت 25 سنة سارة وهي داشة عرض: جذااااااااااااب شو 25... ألا قول 29 سنة حارب وهو ناقع ضحك: يعني لا زم تقولين.. والله شيبنا ونحن للحين شباب ظبية: ههههههه عقبال المئة السنة يارب حارب: يلا الحينة استأذن.. |
ظبية: وين وين؟ اقعد أفطر ويانا ع الأقل حارب: والله ما أروم اليوم عندنا اجتماع مهم في الشركة ولازم أكون موجود ظبية: الله يوفقكم إن شاء الله حارب وهو ظاهر خطف جدام سارة وهمس: شدراج أن عمري صار 29؟ يعني كنت تحسبين لي.. صح؟ سارة قفطت واحمرن خدودها.. ابتسم حارب وغمز لها وظهر.. سارة ماتت من المستحى.. والحمد الله أن ظبية كانت هب منتبهه.. الله يخسه.. فشلني.. .................................................. .. بعد سنة تقريبا.. سهيل الحينة ساكن في بيت لحاله بعد ما تزوج بشيما.. ثاني خطب ميسون حصة حامل وهي الحينة بالشهر السابع.. وطبعا أحمد طاير من الفرحة وأخيرا.. حارب وسارة... اللي للحينه حياتهم ما استقرت ومرة يتصالحون ومرات يتهاوشون ....................................... طول الليل سهران مواصل من البارحة.. ما ينلام.. قاعد يرمس حبيبة القلب.. ميسون: ثاني.. والله تعبت خلاص أبي أرقد ثاني: بس أنا للحينه ما مليت منج ميسون: حتى أنا يا قلبي بس والله فيني رقاد ثاني: قلت لأ يعني لأ ميسون: ............................. ثاني: رقدتي شو؟ ميسون:............................ ثاني: ميسوني؟؟؟ ميسون: اممممممممم ثاني: يلا عاد عن المصاخة.. ميسون: انت تعرف جم الساعة الحينة؟ ثاني: جم؟ ميسون: 7,30 الصبح ثاني: قولي والله.. عيل توا الناس.. انا اتحرى 11 ميسون: لا واللــــــــــــــــــــــــه ثاني: انزين انتي شله مستعيلة وتبين تسكرين؟ ميسون: لا أفا عليك منو قالك مستعيلة خذ راحتك... ترانا مولية ما طولنا من الساعة 3 فليل ونحن قاعدين نرمس.. ثاني: وأنا أقول جذه بعد |
ميسون: ثــــــــــــــــــــــنوي حبيبي يلا عاد ثاني: ششششو شو شو قلتي؟ ميسون وهي متروعة: بلاك؟ شو قلت أنا؟ ثاني: ورفجة تعيدينها... ميسون وهي تبتسم بخجل: ههههههههه ثاني: فديت هالضحكة والله " ميسون الله يرحمها الحينة" ثاني: ميســــــــــــــــــوني... وينج غناتي؟ ميسون وهي ميته من المستحى: أقول ثاني أنا بسكر الحينة.. باااااااااااااي وسكرت قبل لا تسمع رده ثاني: ما علي يا ميسون ... الحينه شردتي ...بس بعدين بنشوف منو اللي بفكج مني؟ وبين ما كان ثاني يتحرطم وصله مسج من ميسون... . ماشي فالكون عن شوفتك يمنعي... الا النظر لو يفارق مقلت أعياني... من دون ما اشعر لك الأشواق تدفعني... و أظن حتى بحلم النوم تلقاني ثاني تشقق من زود الوناسة وطرش حقها مسج.. ((متى شوفك نظر عيني تنور عمري وسنيني أنا مالي سواك .....تعبني الشوق وأضناني وخلاني مع أحزاني تعب قلبي معاك .... يا سيد الكل يا غالي ..يا عمري وكل آمالي أنا كلي فداك ))ردت عليه ميسون بهالمسج.. ساكن بعيني خيالك وانت ما تدري .. اني بحـبك اســابق فـيك امالك .. ليت اقدر اوضّح لك بعض امـري .. وأرسل حروفي باسـم الحب تهجالك .. يا ليت عينك بصدفه تنظر بشعري .. والا خـيالي يمر في يوم ٍعلى بالك***ثاني من يسكته الحينة وطرش مسج يديد .. *** ايه احبك هذا حظي الي انكتب .. دربي الي امشيه و ادريبه تعب .. ايه احبك و انت في عيوني سهر .. و انت وسط القلب حرات و خبر *** ميسون تخبلت زيادة وطار الرقاد.. وطرشت مسج.. **اسكن اعيوني يالغلا ..و اجفوني أتغمض عليك .. خذ ما تشى من دنيتي ...بس لا تقلل من غلاك ** ثاني ارتبش.. وطرش مسج .. (تعال نعيش في دنيا الحنان .. حبيبي خل لي قلبك حنون .. ألا ليش التغلي من زمان .. على خل ٍ لذكراكم يصون) ميسون تخبلت عليه.. بس ما رامت تكمل وطرشت.. " حبيبي.. برقد الحينة.. تصبح على خير" ثاني: ويـــــــــــــــــــــــــــــــــــــــــل حالي أنا.. وطرش لها.. " نوم العوافي حبيبي.. بس بذبحج لو ما حلمتي فيه... امواااااح" ضحكت ميسون بعد ما قرت المسج .. عقبها رقدت... .................................................. |
| الساعة الآن 09:15 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir