|
اوووووه نسييييت نصوووور و حصييييص كشـــخة خخخخخ والله يبيها تناام خخخخخ طارت الطيارة خخخخخ |
ترقبوني اليوم مع 4 بآرتآإت بإذن الله مآ بحطها الحيين . . لكن بحطهآإ اليوم ان شاء الله |
. البارت الـ 209 . . . بعد 4 شهور . . عذاري وسلطان حالتهم مستفرة تقريبا . . بعدهم يختلفون وبعدهم يتراضون وكله بسبب صبر وعقلانية وحب عذاري لسلطان . . ! اكتشفو ان فالتلفون كانو اكثر متفاهمين من الواقع . . ومازالت عذاري الي تتنازل دوم . . صح انها تنهزب من خواتها لكنها ترد بشي واحد " احبببب ريلي وابا رضآه " وطبعا امها المشجعه الاكبر لها ّ! دوم تقولها " مالج الا ريلج . . اصبري عليه واتحملي . . كلنا تحمل يوم عرسسنا وشوفينا كيف مرتاحين الحين الحمدلله !! لو يصفعج بالكف اليمين . . مديله الكف اليسار وفوقهم بوسه ! . . " ناصر وحصيص فاتتهم الطياره للمره الثانية ! ومن عقبها قروو ما يسافرون بنصيحه من ام عبدالله لانها قالتلهم ان احتمال يكون شر لهم والله مش كاتبلهم السفره . . حصيص حملت قبل شهر . . والارض مش شايله واسعه ل ناصر من فرحته . . الكل مهتم ف حصيص وشايليينها في عيونهم من حب ناصر الخبيل لها ّ! كانو طول الفتره يتنقلون من مكان لـ مكان . . فندق وشقق وشاليهات . . لكنها من حملت صارت ماتحب تطلع وايد وناصر ما يبا يخليها تطلع عشان ترتاح اكثر . . وحلفها ما تخبر ولا حد من ربيعاتها عن حملها . . " الريال يوسوسس من العييين " روضه صارت احسن بواايد . . خف عنها الوحام وصار جدا بسيط . . حالتها احسن عن اول ايام الحمل . . وبعدهم تامين في بيت امها وفهد معاهم . . لان بو عبدالله تعود على الحشره وكم مره رمس فهد عشان ما يطلعون من البيت وما يخلى البيت من حس اليهال . . وهم تعودو وفهد تعود وماعترض لين حملت حصيص واستقرو حصيص وناصر في البيت . . فهد اعترض ع القعده وطلع . . اتفقو انهم ييون كل ويكند ويتمون في البيت العود عشان خاطر بو عبدالله وام عبدالله . . عنود و محمد . . الحواجز الكبيرة الي بينهم بدت تتحطم شوي شوي . . كل ما ياها وعلاقتهم ترد تزدهر اكثر واكثر . . وبمساعده من ام محمد . . محمد تجاوز تناهيد . . وصاير بيتوتي بشكل كبييير . . وايد انحرم في حياته من الجو العائلي . . صح يوم عاش في بيت عمه استانس ب جو العائله لكن بعد كان يحس روحه غريب . .اما بين امه وابوه وحرمته وولده يحس روحه طاير ! واغلب وقته الدوام والبيت ولو طلع ما يطلع الا ويا حمد ويرجع . . فالفتره هذي كان وايد داير باله من حمد الصغير لان عنود كانت تدرب على الليسن وخذته بتعليم حاااد من محمد ومن عقب رسووب 6 مرات !َ! . . ملجت شوق فالمحكمه ومابغت تسوي حفله للملجة . . خلت الحفلة لـ العرس . . ع قولتها بخليه عرس اسطوري من نسج الخيال >> تحلم . . ارتاحت ليوسف ويوسف من البدايه كان مرتاحلها وبدا يرتاحلها اكثثثر ف الفتره الي كلمو فيه بعض عقب الملجه . . قررت تسوي العرس عقب 6 شهور طبعا مهره الي اقترحت لها لان تبا تكون مربيه ومخلصه الاربعين . . لكن اهل يوسف ما رضو لانهم ما يؤمنون بالملجه الطويله ، ع قولتهم ما تيب الا المشاكل . . ف جدمو العرس وخلوه عقب 3 شهور . . ( بعد مرور فتره الـ 4 شهور باقي على عرس شوق 3 اسابيع تقريبا ) شوق حطت امل بسيط ان حمد ممكن يسوي شي فالفتره الي انخطبت فيها لكن يوم عرفت من مهره انه غير رقمه ! تشجعت وغيرت رقمها وقررت تبدي حياه يديده مع انسان بيجمعها القدر وياه . . سلامه صارت انسانة ثانية . . تغيرت اكثر واكثر . . صارت تعيش فـ بيت خالي فيه حمد وهي !! صح مهره تيهم لكن يوم سيف يروح الدوام مهره تروح بيت اهلها . . صارت تعيسه اكثر واكثر . . مكرسة حياتها اعتكاف تقرا قران وتصلي وتستغفر ! ودخلت ف مركز تحفيظ القران وفالفتره هذي حفظت 10 اجزاء . . ما قامت تحس انها تبا تعيش اي شي فالدنيا . .تبي تتم على هالحاله روحها لين تموت . . منصور حاول ويا امه مليون مررره عشان توافق انه يرجع لسلامه . . ما بغا يعصيها للمره الثانية ويتلعوز في حياته !! وام عبدالله ما وافقت ابدا لين سمعت من الحريم انهم شايفين سلامه تحفظ القران وحفظت اول 10 اجزاء ! ويوم وافقت !! منصور تراجع عن الفكرة . . حس انه ما يقدر يرجعلها . . قعد مع نفسه وايد وانهار وايد لكن مااقدر يرجعلها . . حس بشي داخله بعده مكسور . . وتم يفكر بشي واحد !! " كيف حرمتي الي برجعلها !!! رقدت ويا عشر ملوثه وشافو لك شي فيها ؟ " حمد كان الصديق والاخ لـ سلامه . . كان يحاول قد ما يقدر ما يحسسها ببعده . . صح انه ينشغل فالدوام ومرات يطلع ويا محمد . . لكنه يوم يرجع يحاول يقعد معاها ويسولف وياها . . . سلامه اغلب الوقت معاه ساكته وماتتكلم . .لكن حمد يخبرها كل شي يحس فيه وكل شي يصير معاه . . بعده متامل ان بيي اليوم الي تنفرج على سلامه ولازم يوقف معاها ويخليها تكمل مشوار الصح الي ماشيه فيه خاصه انه عنود ابتعدت عنهم بشكل كبير بسبب ولدها الصياح ماتروم تزورهم وايد وحتى اتصالها لهم قل " الدنيا تلهي " بالنسبه حق مهره وسيف ! مممما بتكلم عنهم عن الحسسسد = ) . . . . . مهره : منصووور ليش . .؟؟ شو الي خلاك تغير رايك لهالدرجه . ..؟؟ اذا ربنا يسامح انته منو تكون عشششان ما تسامحها ؟ منصور : مهووووور قلتلج انا مسامحنها . .قسم بالله مساامحنها . . لكن ماقدر .. شي داخل يمنعني . . "يأشر ع صدره " شي اهننني مايطلع . . انا رياااال مهور ريااال . . عذاري : مهور خلاص ودريه فحاله . . ليش توصلينه لهالمرحله كل يوم . . مهره : يا سلام ؟؟ عذووور هو اصلا تعبان من فراقها . . تعبان لانه يحبها . .وبعدين سلامه وايد زيييينه ووايد تغيييرت .. ليش تمنعون الشخص من الصح ؟ الحين يوم كانت ع الغلط الكل صوبها ويوم ع الصح ليش الكل يبتعد عنها ؟؟ تراها مشت صح . . انتو المفروضون اتمون ويالشخص يوم يعتدل عشان يثق بنفسسه ويحسس انه سووا انجاز كبير . . ليش تكرهونه بالطريج الصح الي مشا فيه عذاري توقف : مهرو يعني تتحرين الي سوته ينتسسسي ؟؟ مهره : ما ينتتتتسي . . لكن منصور دامه يحبها ليش يمنع روحه ويعذب عمره كل يوم . . منصور : بحب غيرها مهره بعصبيه : جان حبيييت عيل . .شو كنت تتريا هالفتره كلها ؟ حب غيرها راونا اشوف . . احنا نترياك من تطلقت تعرفنا ع البنت الي بتحبها . . ماشوف شي منك غير الحزن والعذاب .. انزين حق شوو؟ الفرصه جدااامك ياخي . .البنت جدامك . . حتى موافقة امي خذتتتتتتتها . . امي الي يلست 3 شهووور توزززز ع راسها وتخليني كل يوم ارمسها واخبر ربيعاتها عشان يطرون جدام امي . . واخر شي من وافقت انت تقول لا . . ؟؟؟؟ منصور يطالعها : مهور حتى يوم خذت موافقه سيف قالي لا . . مهره عاقده حياتها : شوووه منصور : قالي انا مابيك ترجع لوحده عاهره . . مهره تمت تطالعه بصدمه ماقدرت تنطق . . منصور يتنهد : وو وقالي لا تسامحها ابدا لانه حتى هو ما راح يسامحها ابد . . مهره انصدمت ونشت بغيض وطلعت من حجرة منصور وهي ماسكه ظهرها . . نزلت تحت وكل نظرات العصصصبية فيها . . كان سيف يالس ويا نصور يشوفون تلفزيون ويشربون شاي وام عبدالله تقص لهم فواكه . . مهره مشت لين وصلت لسيف وصارخت : انت كيف تقول عن اختك جيييه كيييييف عذاري ومنصور يلحقوننها .. منصور : مهرررررررره خلاص كافيي لا اطولين السالفه . . سيف يطالعها باستغراب وهو يشرب . . ام عبدالله : مهره اميه لا تصارخين . . مهره تصارخ : كيف تقول عن اختك كلام وصصصصصصصصخ كييف سيف يقوم : بلاج انتي تصارخين . . ارمسي بهداوه . . حمد وسلامه كانو توهم داشين البيت لان ام عبدالله متصله فيهم قايلتلهم يوون وأصرت . . بس فتحو الباب ويوم حمد سمع صراخ مهره وقف سلامه وتمو واقفين عند الباب يسمعون الحوار . . مهره ترجع على ورى : لا تتقرررب مني . . سيف وقف ومستغرب من عصبيتها المفاجئة . . وليش معصبة لهالدررررجه . . مهره ترمس بهدوء : تقول حق منصور لا تسامحها ؟ عيل انا ليش سامحتك ؟ سيف انصدم وعلى طول صد يطالع ام عبدالله وناصر الي كانو يطالعونهم . . مهره بانفعاال : شوووه ؟ خايف ؟ خايف اقول حق اهلي كيف عذبتنننني وذوقتني الويل ؟ خايف اقولهم سواد ويهك الي عيشتني اياه ؟ خااايف اقولهم انككككككك ما سفرتني شهر عسسسل وخليتني اججججذب على اهلي واقولهم اني ف ماليزيا ؟؟؟ خااايف اقولهم انك في شششششقتتتتي " بصوت عالي " وعلى فرااااشي ترمس وحده خايسه . . خايف اقولهم من اول ليله الكلام الي قلتللي اياه ؟؟؟ خايييف اقولهم كيف طاااااح الي في بطني ؟ خااايف اقولهم كمممممممم مره خليتني ف مستشفى بروحي غرييييبه ولا حد دراااااااابي ولا انت افتكرت . . " تصارخ بجنون " خايف اقولهم انك خليتني ب لييييييييييييل ظلممممممممممممه روووووحي ف مكان شبااااب رايحين ورادين فييييييييييييه ولا خفت علييييييييييييي . . خااااااااااااايف اقولهم انك شكييييييييييييييت فيني اني خااااااااينه وارقد ويا اخوووك . . خاييييييييييف ناصر يوقف يقاطعها : مهررررررررررررررررررررررره . . خلاااااص . . منصور كان يسمع وقلبه يتقططططع ومتفاجأ . . وعذاري تطالع سيف وتذكر كيف كان تكرهه موت لانها كانت تحس بشي مش زين فيه . . وام عبدالله حاطه ايدها ع حلجها وتدموعها تنزل بهدوء من الي تسمعه . . مهره تطالع ناصر ودموعها تنزل وبهدوء: ليش ياخوي خلني اكمل . .ترا هذا ما ييي ربع الي عشته . . يمكن اختصرته بكلمتين . . لكنه خذا عمممر عانيت منه وذقت فيه . .لكن " تطالع سيف " عقب كل هاا . . عقب كل شي سويته فيني انا شسويييت " تطالعه عين بعين " ساااامحتك .. صح تميت فتره زعلاااانه لكن كان من حقييي . . لكن اخر شي سااامحتك . . وليش سامحتك ؟ لاني شفت انك تغيييرت . . انت ما تغيرت الدرجه الكبيرة الي وصلت فيها سلامه . . لكن انت تغيييرت . . كااان يكفيني انك بس تتغير لو شويه للاحسن . . كان يكفيني تغييير بسيط بس . . شـ كان بيكون حالك لو انا ماسامحتك ؟ كيف بتعيش؟ بترتااااح ؟؟؟؟ بتحسس بالراحه وبتحس انك طاييييير من الوناسة ؟؟ ولا العكس ؟ بتكره روحك وبتحس انك تغيرت وبدون نتيجه ولا حصلت الي تبيه . . ولا بتم وحييد طول عمرك وبتحس بتانيب الضمير على الي سويته فينييي ؟؟ يمكن سلامه كااان غلطتها وحده !! صح انه غلطتها كبيره وماتنغفر بسهوله لكن انت اغلاطك وايد . . اغلاااطك وااايد وماتنذكر من كثرها . . انته شو تكون عشان ما تسامح . . منو تكون وشو تكون عشان تعذب انسان مشى صحححححححح . . مشت طريييق صح واتخذت قرااار كبيييير بحياتها . . كان بامكانها تششششرد من عندكم وتكمل الي تبا تسويه لكنها اصطلللللللبت . . كم مره ودرتوها روحها فالبيت وماطلعت من حجرتها حتتتتتتتتتتتى . . لان من داخلها تبا تتغييير . . من داخلها تبي تنسى كل شي غلط سوته وتمشي صح . . كل شي كااان بايدها . . تمشي صح ولا تكمل درب الخراب . . لكنها اختارت الشي الي يخليك تستحي ع ويهك وماتشششيل فخاطرك ذررره . . وان كان قصدك تعذبها . . تراها خذت جزاتها بما فيه الكفايه سلامه كانت حاطه ايدها ع حلجها وتسمع وخانقتنها العبره وتصيييييح بشهقة وعذاب . . مشت بسرعه وطلعت . . حمد يلحقها : سلامه . . سلامه تشهق ودموعها تنزل بدون توقف : ردني البيت . . عم البيت هدوء صآآآخب !!!! هدوءءء يذذذبح . . توتر فظيييع . . مسكت مهره بطنها وحست بشي وعلى طول صرخت .. ام عبدالله وعذاري ومنصور يركضون صوبها : مهرررررررره . . ناصر يسير لها : مهوووور . . مهره ماسكه بطنها وتصارخ . . ام عبدالله : قوم نوديها المستششششفى . . منصور : انا بجدم السيااااره . . سيف كان يحس بخجل كبييير . . خجل يخليه حتى يطالع الي حواليه ويطالعها ويتقرب منها حتى . . ام عبدالله وعذاري راحو يلبسون وييبون لها عباه . . وهي تمت طايحه ع الارض ف حظن ناصر . . مهره تطالعه وهيه تتألم : اكبر عذاب تعيشه تعرف شو ؟ ان الكل يعرف اغلااطك . . هذا اكثر شي يتعب الواحد . . وهذا الي عاشته سلامه بما فيه الكفاية . . ناصر : بسج رمسه خلااااص . . " يطالع سيف " تعال ساعدني بنوديها السياره عذاري تي : انا بساعدك . . ولبسوها عباتها . . وتمت مهره تصااارخ . . كل الي سواه من عقب ما طلعو قعد ع الغنفة وما تحرك من مكانه . . . . . |
. . . البارت الـ 210 بعد 3 ساعات . . على الساعه 10 فليل . . روضة تسير صوبهم : امايا وينها مهوووور . . ام عبدالله تطالع الارض : بعدها داخل . . عذاري : الو . . سلطان : انا في بيتكم والشغاله قالت انج محد ! عذاري : سوري حبيبي نسيت اتصل والله كنت مستعيله ومخي مش وياي سلطان قابض اعصابه : وينج . . عذاري : المستشفى . . سلطان عاقد حياته : عسى خير عذاري : مهور تولد سلطان : مهرررررره ! عذاري : هيه . . ياها الطلق بس بعدها ما ربت سلطان لمح سيف واستغرب . : سيف اهني . . مش عندها عذاري : اضاربو . . سلطان : ايووا . .تبيني اي ؟ عذاري : لا سلطان ماله داعي . . انا قاعده اهني ويا امي . . مانبا نسوي زحمه . . سلطان : دقيلي لو ربت . . عذاري : ان شاء الله . . سلطان : تحملي ع روحج . . عذاري : ان شاء الله سلطان : صدق ما تبيني اكون موجود ؟ عذاري : صدق . ." تحس بدوخه " سلطان : ردي علي اول ما اتصل عذاري : ان شاء الله سلطان : مع السلامه عذاري : مع السلامه . . سارت عذاري صوب امها تبي تقولها شي لكن من شافت امها تصيح ما تكلمت وتمت تحظنها . . روضة : الله يسهل عليج يا اختي يااااااارب . . الله يسهل عليج . .بسها تعبت . . 3 ساعات وشووووي > < سلطان : سيفوه ؟ سيف يحرك عينه يطالعه . . سلطان : شفيك سيف ينزل عينه . . سلطان : مهره تولد . . المفروض تكون معاها الحين . . شو ميلسنك اهني ياريال . . قوووم خلني اوصلك سيف قام وطلع من البيت سلطان : سييييف !!! . . . على الساعه 3 الفير . . روضة : اميه انا بروح البيت . . فهد اتصل بي ويقولي وفوي متيبسه صياح وتبيني . . ام عبدالله : سيري اميه سيرري . . كلنا حواليها .. . ناصر قوم فديتك وصل اختك . . ناصر كان ميمع ايدينه مع بعض وحاطنهم ع نص ويهه وسرحان . . منصور يطالع ناصر وتنهد وقام : انا بوصلج . . ام عبدالله : شوي شوي منصور . . منصور : ان شاء الله . . وطلعو . . ام عبدالله تشوف عذاري ويهها شاحب . .: بلاج انتي بعد . . اذا تعبانه ردي البيت ريحي . . انا بتم وياها عذاري تطالع امها : مش تعبانه امايا . . ام عبدالله : ويهج مصفررر عذاري : متلوعه بس ام عبدالله : من شوووه . . شوه فيج عذاري تطالع امها عين بعين . . ام عبدالله : شوه فيج تكلمي عذاري : امايا . . ام عبدالله تطالعها . . عذاري تحظن امها وتصيح : انا حامل . ام عبدالله : شوووه عذاري تصيح . . ام عبدالله : ليش تصيحين اميييه . . مبروووك حبيبتي مبروك . . لازم تفرحين مش تصيحين عذاري تطالع ام عبدالله : انا مش فرحانه مول ام عبدالله :ليش مش فرحانه ؟ وليش ماخبرتيني قبل عذاري : الاعراض الي مهره حست فيها والي حست فيها روضوه حسيتها انا وشكيت . . وسويت تحليل فالبيت مرتين وتاكدت اني حامل . . ام عبدالله : الله يبشرج بالخير يا اميه . . الف الف مبروك عذاري تمسح دموعها: محد يعرف غيرج . . انا ما قلت حق سلطان ام عبدالله:وليش ما قلتي له عذاري : خفت ام عبدالله : من شو خفتي بسم الله؟ شو الي يخوووف عذاري : خفت اقوله امايا ماعرف ليش خايفه اقوله ام عبدالله :لا اميه لا تحطين هالافكار فراسج . .ها ريلج الي اطيعينه وماتخبين عنه شي . .المفروض تقوليله وماتتريين دقيقه وحده . . خليه يفرح فيييج عذاري تبتسم : صدق ام عبدالله : اكيد صدق . . شوفي ناصر كيف طاير من الفرح . . تبين تحرمين ريلج من هالوناسة عذاري تهز راسها ب لا . . ام عبدالله : خلاص عيل من تشوفينه تخبرينه سمعتي . . مابيج تخبين عليه ابااه يهتم فييج وما يغصص بج ويعرف انج حامل ويهتم . . عذاري : ان شاء الله امايا ام عبدالله تبتسم وترفع ايدها : الحمدلله يارب . . اللهم لك الحمد . . الحمدلله الي يا اليوم وشفت كل بناتي كبرو وعرسو وحملو . . ووحده فيهم بتربي الحين . . الله يبلغني فيكم كلكم مربيات واشوف عيالكم واشلهم بايدي ياارب وعقب الله ياخذ روحي مابا شي من الدنيا عذاري : بسم الله عليج امايا . . شو الحياه من دووونج . . لاتقولين هالرمسه فديتج . . السستر طلعت : مبرووووووك . . ام عبدالله وعذاري : ربتتتت ؟ السستر المصريه تضحك : اااه الحمدلله ناصر يوقف : اختي شحالها . . السستر : كويسه الحمدلله . . تعبت اوووي لكنها حتصير كويسه ان شاء الله ناصر :نقدر نشوفها السستر : اااه طبعا بس مش دلوئتي . . بعد ما نطلعها من هنا حتشوفها . وراحت عنهم . . ام عبدالله تنزل دموعها وتدعي الله . . عذاري شلت التلفون واتصلت ف روضة وخبرتها وعقب اتصلت ف سلطان وخبرته . . وقال ان بيمر يشلها . .ومن عقبها طلعو مهره من غرفه الولاده وحطوها ف غرفه خاصة وعطوها ادوية وكمن شي . . ناصر ماسك ايدها : اختتتتتتي . . مهره تبتسم . . ناصر يمسح ع راسها : الحمدلله ع سلامتج حبيبتي . . " تنزل دموعه " الحمدلله ع سلامتج يالغاليه مهره تغمض عينها وتبتسم بتعب . . ام عبدالله : يالله ناصر ابويه رووح . . خل اختك ترتاح . . مهره تفتح عينها :لا ناصر لا تروح . . ناصر يمسك ايدها بقوة : ما بروح فديتج . . ام عبدالله تاشر لناصر عشان يروح .. مهره : امايا اشوفج تراني . . خليه انا اباه يكون موجود ام عبدالله : لا اميه ما يصير .. انا بتم معاج وبالصبح بيييج اخوج .. الحين لازم ترقدين ورقدت مهره على طول ! ام عبدالله تهمس : عاطينها ابره مهدأ ومسكن . .لازم ترقد ترتاح . . باجر بتنش بتحس بالعوق اكثر بدون مسسكن . . خلها ترقد وبالصبح جابلها . . عذاري كانت تبوس الياهل : فدييت عمممرها . . ام عبدالله بعصبيه : وانتي عطيييهم عذاري : بلاج امايا محرجه . . " عذاري عطت البنت حق النيرس وشلوها " ام عبدالله : وينه ريلج . . عذاري : بعده ما يا . .تبيني اترياه تحت . . ناصر : يالله انزيين قومي خليني اوصلج عذاري : لا هكو اتصل . . بنطلع سوى . . باسو راس امهم وطلعو . . وحطت ام عبدالله راسها ع السرير الثاني وهي تشكر الله وتحمده على سلامة بنتها وبنت بنتها . . . . . سلطان يبتسم ويمسك ايدها : مبرووك . . عذاري تبتسم : الله يبارك فيك سلطان : بتستوين خالوه هاه . . عذاري تغمض عينها : وااي فديتها يوم بتقولي خالوه بششلها وبدور فيها . . ما بخلي شي فخاطرها مول سلطان يبتسم ويرص ع ايديها بقوة : تعبتي اليوم . . من متى عندهم . . عذاري : اختي الي تعبت فديتها انا بس قاعده اتريا . . سلطان يطالعها : الله يقومها بالسلامه يارب . . عذاري : بترد الشقه ؟ سلطان : لا . . ماتشوفيني ما لفيت اللفه عذاري : هيه عسبت جي اسالك .! سلطان يطالعها : في نسمات هوا بارده . . بننزل نتمشى عالبحر . . عذاري تشوف ساعتها : الحييين ؟ الساعه 4 الفير سلطان : ويعني . . ماتبين تروحين ؟ عذاري : بلى عااادي سلطان : ودام اليوم السبت ماله داعي نرد بدري . . بنتمشى ع البحر وعقب " يطالعها " بوديج نتريق في مكان حلو . . عذاري تبتسم : بدلعني يعني سلطان يبتسم : هيه . . عذاري: زين . . لان في موضوع ابي اكلمك فيه سلطان يطالعها : عسى خير عذاري : خير . . كل خير ان شا ءالله سلطان : اتكلمي انزين عذاري : لا يوم بننزل البحر . . وصلو البحر . . ونزلو من السياره . . تجدمو شوي وعقب فصخو نعلتهم وحطو ريولاتهم ع البحر . . عذاري : باااااارد . . سلطان يمسك خصرها . . استانست عذاري وحطت راسها ع جتفه وحطت ريولها على ريوله . . سلطان يطالعها : لا والله عذاري : ههههه انزين بردانه . . سلطان : بردانه خوزي ريولج عن الماي عذاري : حرام احطها ع ريلك . . سلطان : حرام تحطين ريل وحده . .الثانية بتزعل . . قفطت عذاري وابتسمت بحيا وطلعت ريولها عن الماي وتمت تمشي ع الرمل . . لحقها سلطان وقبض ايدينها وتمو يتمشون وهم ساكتين . . وفجاه . . سلطان جابلها : قولي الي تبين تقوليلي اياه . . عذاري تطالع عيونه وترد تنزل عيونها سلطان يطالعها : يالله غناتيه " يبتسم " عذاري يوم شافت ابتسامته ارتاحت جزئيا ونزلت راسها . . : ماعرف كيف اقول سلطان يحط ايده ع ويهها ويرفع راسها بصبعه : قولي حبيبي عذاري تطالعه : اول بسالك سؤال . . سلطان يتبسم . . عذاري : ليش مدلعني اليوم . .؟ سلطان : ممم . . يمكن لاني ماشفتج الا الصبح يوم نزلتج بيت اهلج لين الحيين . . عذاري تبتسم : عيل كل يوم بغيب عنك . . سلطان : اقدر احظنج بقوه واخشج بحظني واخبيج ؟ عذاري : ههههه سلطان يطالعها : أقدر ولا عذاري تبتسم : تقدر . . تقرب سلطان منها اكثر وحظنها بقوووووه وهو يمسح ع ظهرها : والله وحشتيني . . حسيت بالغربه بدونج عذاري : صدق سلطان : صدق . . باس راسها وتم حاظننها . . عذاري : سلطان سلطان : عيونه عذاري : انا سلطان يبتسم : وانا احبج . . عذاري : لا . . سلطان : شو لا عذاري : ماكنت بقول احبك سلطان : عيل عذاري : كنت بقولك انا . . سلطان : . . عذاري : انا حامل . . سلطان : . . عذاري : . . سلطان : . . عذاري : . . عم السكوت بينهم دقآآآيق .. كان يمسح ع ظهرها ومن قالت انها حامل ما تحرك من مكانه ! خازت عن حظنه وتمت تشوف ملامح الصدمه الي فيه . . عذاري تبتسم بخوف : شفيك . . سلطان عاقد حياته : شو الي قلتيه قبل شوي عذاري تطالعه سلطان : سمعيني مره ثانية؟ عذاري : انا . . حامل سلطان : حاااااااااامل .!!! عذاري : هيه سلطان : عذاري ليييييييش . . عذاري تطالعه باستغراب : شو الي ليش سلطان : ليششششش حممممملتي الحين . شوه الي يخليج تحملين الحين عذاري : لحظه سلطان . . سلطان : عذاري استعيلتي عذاري بصدمه : استعيلت ؟ سلطان صد ويهه الصوب الثاني : انا مابا يهال عذاري : عفــــــــوآآآ ؟ سلطان يطالعها عين بعين ويرمس بانفعال لكن بدون ما يعلي صوته : ما ابا يهال . . ع الاقل سنه ولا سنتين عذاري : . . سلطان يطالعها ويمسك جتفها : ليش ما خذتي احتياطاتج . . ليش ما كنتي تاخذين منع الحمممممل عذاري دمعتها نزلت : سلطان سلطان يودر جتفها ويعطيها ظهره : صدمتيني . . عذاري بصوت خافت : انت الي صدمتني . . سلطان يطالعها : ليش انا الي صدمتج . , انا مابا يهال . . انا ماقدر اصرف ع اليهال الحين ولا اقدر على مسؤوليه اليهال الحين عذاري : سويتهم يهال . . . هو ياهل واحد وسويتهم يهال سلطان يطالعها : ليش ماكنتي تاخذين مننننننع ؟؟ عذاري تصارخ : شدراني انك ما تبي يهاااال سلطان يطالعها : كنت اتحرا انج تعرفين . . و الي في بطنج لازم يطيح . . عذاري تمسك بطنها : شوووه سلطان يصد راسه الصوب الثاني : الي سمعتيه عذاري : مستحيل . . ما راح اتخلى عن الي في بطني . . مستحيييل سلطان يطالعها : عيل اختاري . .يا انا . .يلي في بطنج ومشى سلطان عنها بعييد . . تمت مذهوووله . . خوفها وارتباكها انها ماتخبره كان في محله . . سلطان ما يبا ياهل . . لدرجه يبا الي في بطنها يموووت !!!! . . . |
. . . . البارت الـ 211 بعد ساعه كامله . . عذاري تمشي رايحه صوبه . . كان فالسياره يترياها . . ركبت السياره وصدت صوبه على طول وتم يطالعها . . عذاري : انت خيرتني . . بينك وبين الي في بطني صح . . سلطان يطالعها . . عذاري : صح ولا لاء؟ سلطان : صح عذاري تبتسم : وانا اخترت . . سلطان : اخترتي . . . . شو عذاري تطالعه وتبلع ريجها . . . سلطان : . . عذاري تطالعه وتبتسم : اختارك . . ابتسم سلطان وتقرب منها بيبوسها لكنها صدت راسها الصوب الثاني : يالله خلنا نرد . . ابا انام انصدم سلطان بالقو . . وتم متفاجأ يطالعها لكن حاول ما يبين . . سلطان : تبين تردين الشقه ؟ عذاري : هيه سلطان : ماتبينا نروح نتريق ف مكان حلو عذاري : لا سلطان اتنهد وحرك السياره . . طول الدرب ساكتين . . حطت ايدها ع البريك . . ومن لاحظ ايدها حطا ايده عليها وعلى طول وخرت ايدها . . حس انها مضايقه منه لكن تم ساكت ما قال شي . . اول ما وصلو نزلت قبله وراحت عنه . . اما هو تم فالسياره مغمض عينه ما يعرف شو الي لازم يسويه . . تم يفكر ويفكر ويفكر لين ما حس روحه انخنق ونزل من السياره . . اول ما دخل الشقه تم يتلفت يمين ويسار يدورها . . لين سمع صوت صياح فالغرفه . . راح على طول الغرفه وتم واقف عند الباب ما يقدر يدخل . . ! تم يسمع صياحها وقلبه ينعصصر ما يقدر يقول شي ولا يقدر يسوي شي . . تم واقف عند الباب فتره لين شافها سكتت . . بطل الباب بهدوء وانصدم يوم شافه مقفول . . عمرها ما قفلت الباب عليه من تزوجو . . دق الباب بهدوء بس مافتحت له . . سلطان : غناتيه محد رد عليه . . سلطان : غناتيه فجي الباب . . تم شوي وقعد ع الارض متساند ع الباب وهو يترياها تفتح . . تم فتررره طويله لكن يوم حس ان بالمره ماشي حس . . خاف وايد . . قام و تم يدق الباب ويدق ويدق سلطان : عذاااري افتحي الباب ولا والله بكسسره . . عذااااااااري ردي علي تم يدق الباب بقوة واخر شي تم يددددقه لين كسسسره . . كانت عذاري طايحه عالارض . . تخخخخخخخبل يوم شاف منظرها وهي طايحه وكله ادويه حواليها . سلطان يسير صوبها بخوف ويدق ويهها : عذاااري . . عذااااري دخيييلج قووومي . . على طول شلها ووداها المستشفى وهو متخبل مايعرف شوه يسوي ولا يعرف يتصرف ابد .. نزلها المستشفى وهو يصارخ ع الدكاتره والموجودين وع طول دخلوها . . كل شوي دكتوره تدخل الغرفه تم على هالحاله يتريا نص ساعه لين طلعت له الدكتوره . . سلطان بخوف : شفيها . . الدكتوره تطالعه : انت زوجها ؟ سلطان يطالع الدكتوره وهو متاكد انه شايفنها ف مكان : هيه . . الدكتوره : كانت عملية انتحارية . . وانا لازم ابلغ الشرطه سلطان يطالعها : انتي شو تقولين الدكتوره : الجنين توفى . . سلطان انصب الدم كله بويهه . . الدكتوره : والمريضه سوينالها غسيل معده من عقب العدد الكبير من منع الحمل الي خذته مع ادوية مش معروفة بكمية كبيرة . . سلطان نزلت دموعه : هيه بخير .. الدكتوره : بتصير بخير ان شاء الله . . بس اعذرني انا مضطره ابلغ الشرطه . . عقب ماراحت تذكر سلطان ان الدكتوره كانت ربيعه منال . . وكان وايد يشوفهم مع بعض . . قبل لا يدخل عند عذاري مسك التلفون واتصل فيها . . منال : سسسلطان !! مستحيل ماتوقعتك تتصل سلطان : منال . . منال : بلااك سلطان بارتباك : ابا منج خدمه منال: اممرر . . عيوني لك سلطان : تذكرين ربيعتج الي كانت تدرس طب منال : اي ربيعه سلطان : ماذكر اسمها . . بس يمكن عليا ؟ او عاليه . . منال : هيييه . . عااااليه . . بلاها سلطان : اباج تكلمينها الحين وتقولين لها ماتبلغ الشرطه منال : تبلغ الشرطه على شو سلطان يتنهد . . منال: اتكلللم خوفتني سلطان سلطان : عذاري حاولت تنتحر بسبتي " تنزل دموعه " منال : شوووووووو سلطان : هيه الحين بخير . .بس بغيتج ترمسينن عاليه قبل لا تبلغ الشرطه . . منال: خلاص بتصل فيها الحين . . سلطان : خبريني شو بيصير معاج على طول منال : تمام وانت طمني عن عذور عقب سلطان : اوكي منال : سلطان سلطان : . . منال : لا تصيح . . سلطان مسح دموعه : انا ما اصيح . . يالله بخليج الحين بند التلفون ودش عند عذاري . . تم يشوفها بقلب مكسسسور . . متحطم . . تقرب منها واول مافتحت عينها وشافته قالتله . . عذاري تبتسم : استانست الحين سلطان يطالعها بس ما يتكلم عذاري : ريّحتك " تبتسم بعذاب " للابد سلطان يصارخ : ليش سويتي جيه ليييييش . . عذاري تصد الصوب الثاني : اطلع برع . . سلطان تنزل دموعه بحرقه . . عذاري تبتسم : سلطان . . خبروك ؟ سلطان يطالعها : خبروني شو . . عذاري : انا عقب كل الي خذته . . استويت . . عقييييييم عقيييييم عقيييييييم عقييييييم عقييييييم عقييييييم عقيييم عقيييم عقيييم عقييييييييم عقييييييم عقييييم عقييييم عقيييييم عقيييييييييييييييييييييم عقيييييييييم عقيييييييييييييم تمت الكلمه توووون فأذنه لين فز على الباب يوم فتحته . . عذاري تطالعه . . سلطان صد يمين ويسار . . عرف انه كان يترياها تفتح الباب وغفل بدون لا يحس . . سلطان وقف على طول ومسكها من جتفها : شو كنتي تسوين . . دخل الغرفه وتم يشوفها . . ولقاها مترتبه . . عكس فالحلم . .. كانت كلها ادوية متناثره ف كل مكان . . عذاري طالعته وطلعت من الغرفه . . لحقها سلطان ومسك ايدها . . : عذاري كلميني عذاري وخرت ايدها عنه . . سلطان : شو كنتي تسوين . . عذاري تطالعه : كنت ابا اقعد روحي .. حرام ؟؟؟ سلطان ساكت . . عذاري راحت صوب المطبخ وشربتلها ماي وردت دشت الغرفه لقته منسدح ع السرير ف يايه بتطلع لكن كلمها . . سلطان بقلب مكسور : وين؟ عذاري : مافيني نوم . . نام انت . .نوم العوافي وطلعت وصكت الباب . . وراحت الحجره الثانية وتمت قاعده عالسرير وهيه تفكر وتنزل دموعها لين نامت . . , حمد : سيف . !! سيف يرفع عينه يطالع حمد . . حمد : انت من متى اهني . . سيف بعده مركز ف حمد . . حمد : شـ صاير .. سيف : تعرف حمد . . حمد يطالعه . . سيف : كان المفروض انت الي تتزوج مهره . . حمد بلع ريجه . . : انت شارب ؟ سيف يبتسم : لا . . انا صاحي . . وايد صاحي . . حمد يطالعه . . سيف : مهره . . . حمد بخوف : شفيها . . سيف : فالمستشفى حمد بخوف واضح : ليش . . شوه فيها سيف يبتسم : بعدك تحبها .. حمد : تتتتتتتكلم شوه فيها سيف : وتحبها وايد حمد : سيييييييييييييف . . سيف : ادري . . اعرف انك تحبها وتموت فيها . . " يبتسم " والله ادري .. حمد تم يطالعه . سيف : وادري انك بتحبها بقلبك بس . . عشان جي واثق فيك . . حمد ساكت . . سيف : مهره فالمستشفى . . ماعرف شفيها . . حمد : كيف ماتعرف شفيها سيف يبتسم ببرود : والله ماعرف . . من امس فليل فالمستشفى . . حمد يطالعه : روح شوفها . . سيف يوقف و يطالعه : هه . . اروح ؟ " يبتسم " انت روح اطمن عليها . . حمد يضرب سيف بكسسسسس : بسس خلاااااااص سيف عقب البكس تم يطالع الارض ودموعه تنزل . . حمد مسك جتفه : روح شوفها .. سيف يطالع حمد وعقبها دخل البيت . . ومشى حمد وراه . . : سيف رووح بلاها هالبرووود . . سيف يطالع حمد : وينها ؟ حمد عاقد حياته . . : منو سيف : اختك . . حمد : راقده . . شو تبا فيها الحين . . ودرها ف حالها . . مشى سيف عنه وياي يدخل غرفه سلامة بس حمد وقف عند الباب حمد : سيف . . كافي عاد . .كاااافي سيف يطالع حمد . . حمد : روح شوف مهره وخل سلامه ف حالهاا . . سلامه تبطل الباب لانها سمعت اصوات عند باب الحجره : حممد شسالفه " وشافت سيف " عينها بعينه . . عييييييينه بعييينها بتركيزززز . . اخر مره شافها فيها بتركييز حيل كاان ! خطفت الذكرى وهو يطالع بعيونها بحذافيرها .! > < > كل الي موجودين فالغرفه شردو وطلعو براا . . مسكها من شعرها سيف وهيه منهاره تصيح ولاويه على روحها اللحاف . . سيف يسحب اللحاف : تستحين منااا اححححححححححححححنا ؟؟: تستحييييييييييييييييييييييييين !! كيف تستحيييييييييييين . . انتي فيج حيييييييييييا اصلااااااااااا ؟؟؟؟؟؟؟؟؟؟ " يعطيها كفف يعقها ع الارض وهيه عاريه " موووووووتي وانتي جي . . موتي وجابلي ربج وانتي جيه . . ادخلي إلقي حسابج من ربج بسوء هالخاتمه . . " ينزل لها عالارض ويدق راسها ع الارض " مووووووووووووووتي . . يا حمد على طول ومسك سيف من ايده : خلااااااااص . . سيف معصب وما يشوف جدامه : هاي لازم تمؤؤؤؤؤؤؤؤؤؤؤؤؤؤؤؤؤؤؤؤؤت ما تم عايشه . . حمد ضرب سيف بكس عشان يودر سلامه . . ومسك حمد سلامه ووداها شوي جدام وفر عليها ملابسها عشان تلبس . . ومنصور كل هالاحداث تستوي جدامه . . دقايق ودش ناصر وسار صوب منصور من غير ما يشوف سلامه منصور يطالع ناصر : عطني تلفونك . . ناصر عطاه التلفون على طول . . منصور : ألو . . الشرطه . . انا عندي بلاغ . . اناا زخيت حرمتي " يبتسم ودموعه تنزل بغزاره " في بيت دعاره . . المكان ********************* . . تعالو شلوها وشلو اللوث الي اهني . . عقب ما لبست سلامه ملابسها وشيلتها وعباها سارلها سيف وفرها ع السرير وتم يضربها ضضضضضضضضرب . . ضرب عمره ما ضربه حد . . ضرررررب عنيييييييييف قطعها فيه . . الدم كان ينزل من كل مكان فيها . . يبهتها . . خشمها ! حلجها . . منصور سار صوبه وصرخ : وخرررررررر . . مسك ايدها وسحبها وتم يمشي ويسحب ايدها لين ما وصل عند عبيد الي كان فالصاله يسوي روحه مش خايف وكان يالس يجمع الفلوس الي فـ سدته ! ناوي يشرد ويلم كل شي منصور يأشرلها : ها في شو احسن عني " يصارخ" شو الي لقيتيه فيه ما لقيتيه فيني ؟ رمسيني شوه ؟؟؟؟؟؟؟؟؟؟؟؟؟؟؟؟؟؟؟؟ سحبها باقوى ماعنده وركبها السياره . . وناصر مش عارف يتصرف بس يلحقه . . اول ما طلعو منصور وناصر . . راح سيف صوب عبيد وتم يضربه ضررررررررررررب . . وعبيد يضربه وسيف يزيييييييد . . لين ما سحب عمره عبيد وفتح السده وطلع مسدس . . حمد يصارخ : سييييييييييف . . سيف مش مفتكر ويضربه وماسك ايد عبيد مش معطنه المجال يوجه المسدس عليه . . دخلو الشرررطه وحمد يصارخ وخبر الشرطه يتصرفون . . اول ما سارو الشرطه صوبهم يحاولون يفجونهم . . انطلقت الطلقه بصوت يضضضضخ المكان كله .! حمد يصارخ : سييييييييييييييييييييييييييييييييييييييييييييييييي ييييييييييييييييييييييييييييييييف > < نزلت دموع سيف وغمض عينه بقوه وهو يبا يمحي الموقف من باله . . عرف حمد ان سيف ما ياي يتضارب . . فتح عينه وشاف عين سلامه والدموع مغرقتنها . . . فتح سيف ايده وهو يطالعها بربع ابتسامة . . ما استوعبت ولا صدقت . . تمت تمشي ووتتقرب منه بهدوء . . لين وصلت له تقرب منها وحظنها وحظنته . . . تمو يصيحون اثنينهم و حمد ما اتحمل الموقف وتم يدمع . . طلع بو خالد من الغرفه ويوم شاف الموقف وايد تأثر . . وابتسم وتم يطالعهم من بعيد . . سيف : سامحيني . . سلامه تصيح : انت سامحننني . . سيف : مسموحه . . مسموحه ياختي . . مسموووحه . . ابتسم حمد ومسح دموعه . . سيف : تعرفين اني وايد احلم في امي حمد وسلامه يطالعونه باهتمام . . سيف : حلمت حلم وايد حلو ومؤثر . . ويوم فسرته قالي المطوع انه امك ف نعيم و فراحه . . حمد ماقدر يتحمل وصد الصوب الثاني وتمت دموعه تنزل بدون توقف . . سلامه تطالع سيف وماسكه ايده وهي تصيح وترص ع شفايفها بقوة . . سيف : وعقب هالحلم . . كل اسبوع احلم فيها تقولي كلمة وحده . . سلامه وحمد يطالعونه . . حمد : شو تقول . . سيف : سامحها . . سامحها . . سلامه تصيح بقوة . . : انا الي ذبحتها . . سيف يهز راسه ب لا : الي صار مكتوب . . وهذا يومها . . سلامه تطالعه وتنزل دموعها بعذاب . . ابتسم سيف ومسح دموع اخته . . : ابا منج خدمه . . سلامه تطالعه . . سيف : ابيج تين معاي المستشفى . . مهره اهناك سلامه : بلاها سيف : مادري . . خلينا نروح نشوف سلامه : زين ببدل وبي . . سيف : بترياج فالسياره . . وطلع سيف . . حمد لاحظ ان ابوه واقف . . : ابويه ؟ سلامه طلعت يوم سمعت حمد يزقر . . تجدم بو خالد وسار صوب سلامه . . وباس يبهتها ومسح ع شعرها وابتسم . . تخبلت سلامه . . تحس الارض مش شايلتتتتتها . . باست ايده وباست راسه وباست صدره وحظنته وتمت تفرغ كل العذاب الي فيها . . بو خالد : روحي لحقي اخوج يترياج . . . . . على الساعه 9 الصبح . . مهره تفتح عينها : شووقيييي . . شوق تبتسم : عيوووووووون شووووق . . حبيييييبتي مهوووور . . قلبي عيوووني مهره تبتسم . شوق : الحمدلله ع السلامه مهره : الله يسلمج . . انتي متى يييتي . . ام عبدالله : من الساعه 7 وحليلها . . مهره : ليش تعبتي نفسج شوق : مافيها تعب ماقدرت اتم اهناك . . تميت متحرقصه قلت ماقدر لازم اضرب خط اشوفج . . مهره : فديتج يا شووقي . . شوق : شخبارج الحين . . شو تحسين مهره : جسمي كله يعورني . . ماقدر اتحرك . . شوق : حبيبتي والله . . ماعليه يبالج بس اسبوع ان شاء الله والالام كلها بتختفي باذن الله مهره تطالع امها : سيف . . ما يا ؟ ام عبدالله تطالع شوق . . شوق : لا . . مهره : معقوله . . " تبتسم باستهزاء " معقوله . . > < > ناصر : سيف . ! توك ياي . . سيف يطالعه : هيه . . نزلت سلامه من السياره وفهم ناصر ليش سيف طول هالوقت كان محد . . ناصر ابتسم : شحالج سلامه : بخير . . سيف : وينها . .؟. وشصار فيها .؟ ناصر يبتسم : وصلت بنتك بالسلامه . . سيف مذهول : هاه سلامه : مبرووووووووك . . مبروووووووك سوووواف سيف : احلف . . ناصر يبتسم : والله . . سيف: مهره ربت . . ناصر : ربت . . ويتريوونك تسجل البنت . . ف لوسمحت قبل لا تروح حق حرمتك سجل البنت . . سيف بعده مش مستوعب : مهره امس ياها عوق الولاده . . ناصر ابتسم ويطالع سلامه : عاد يودي اخوج لين يستوعب . . سلامه مسكت ايد سيف : يالله خلنا نروح نشوفها . . سيف يطالع سلامه : اكيد شايله علي هي وايد . . ولا بتسامحني لاني ماكنت موجود . . > < > مهره : يا امايا سيري . . انا بييبولي البنت عقب شوي بتسلى فيها وبخليها عندي وبنرقد مع بعض . . لاتحاتيني انا مش ياهل امايا . . سيري فديتج ارتاحي ادريبه ظهرج يعورج مارتحتي للسرير . . مايريحج الا سرريرج . . شوق عااد وديها ام عبدالله : وابويه من هالبنت لسانها عقب ما ربت استوا لسان عيايز مهره : هههههههههههههه . . شوق : ههههههههههههههههههههههه يالله خالوه خليني اوديج عيل . . ام عبدالله : بكلف عليج يا اميه شوق : خالوه لا تعديني غريبه . . مهره : امايا ماعندج سالفه . . هاي الا شوقو ام عبدالله تبتسم : ونعم الرفيييقه . . الله يخليكم لبعض مهره + شوق : امييين . . > < > سيف يدق الباب : هود . . مهره تبتسم باستهزاء : توا الناس . . ام عبدالله :هدا ابويه ادخل محد غريب . . صدت مهره الصوب الثاني اول ما حست ان في حد يدخل . . سيف : السلام عليكم . . ام عبدالله + شوق : وعليكم السلام . . سيف : شوق شحالج . . شوق تبتسم : بخير ربي يعافيك . . مبروك ما ياك . . ام عبدالله : سيف رحت سجلت البنت ؟ يتريونك تسجلها . . سيف يبتسم : سجلتها . . سلامه : شحالج عموه . . ؟ " بعدها متعوده تقولها عموه من كانت متزوجه منصور " ام عبدالله : بخير فديتج . . مهره صدت على طول وشافت سيف وسلامه واقفين حذال بعض وجتف بجتف . . . واثنينهم يطالعونها ومبتسمين . . مهره : سلامه ! سلامه تطالع شوق : مرحبا شوق شخبارج شوق تبتسم : هلا . . بخير حبيبتي . . مهره تطالع سيف بنظرات ماتنوصف . . سلامه : مهووووورتي . . مهره تنزل دمعتها : حبيبتي . . وسلمت عليها وحظنتها بقوة . . سلامه تهمس فاذن مهره : مشكورة . . ربي يجازيج كل خير على الي سويتيه . . لولا كلامج جان سيف ماتأثر . . ولولاج جان ما تصافينا في يوم . . ساامحيه . . تراه متلوم وايد لانه ماقدر يمرج . .ماكان يعرف انه فيج عوق ولاده . . وكان طول الليل في كاراج بيتنا يحاول يدخل ماقدر .. لين الصبح قعد فالزراعه وشافه حمد وعقب حظني وطاح الحطب بينا . . سامحيه . . تعرفينه مايروم على زعلج مهره تبتسم : لا تحاتين . . وانا مستانسه على تصالحكم والله . . سلامه تبوس راس مهره : مبروك مرت اخويه مهره تبتسم :الله يبارك فيج . . ام عبدالله : عيل سيف تم وياها لا تخليها . . شوق بتوصلني البيت بريح وبغير ثيابي وبناكل انا وشوق شوي وعقب بنمر مره ثانية . . شوق تطالع سلامه وتنغزها : سلامه بتين ويانا ام عبدالله : هيه هيه تعالي سلامه ويانا . . سيف بيتحمل منها . . سلامه تبتسم : اوكي . . " تطالع مهره " بيييج عقب . . مهره تهز راسها ب اوكي . . طلعت سلامه وطرشت مسج حق حمد " مهره ربت . . واخيرا بتستوي عم ! " طرشلها حمد " قولي انج ما تتمصخرين " طرشت له " ما تتمصخرين " حمد " الحمممممممدلله . .الف الف مبروك . . " وماردت عليه . . عقبها طرش لها . . " شخبارها " ردت عليه " الحمدلله " طرش لها " والياهل " ردت " هدايه ؟ " طرش لها " فديتها سجلو اسمها يعني . . " ردت " هيه " طرش " بلاج تجاوبين بحرفين ارمسي بالتفصيل " ردت " هههههه شقولك مافي شي ينقال . . مهره بخير الحمدلله ومبين عليها صحتها زينه . . توه ودرناها ويا سيف وانا وشوق وام عبدالله بنروح بيتهم بنتم اهناك شوي وعقب بنرد المستشفى " رد عليها " هيه ويا سيف الحين ؟" ردت عليه " هيه " طرشلها " جان قلتيله يراضيها ويستسمح منه " طرشتله " لا تخاف اصلا من شافته وياي الارض ما شالتها " طرشلها " الحمدلله . . فرحتيني " . . . |
| الساعة الآن 09:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir