|
. . . ترقبوني مع 4 بآرتآت بعد شويه بإذن الله . .:blushing: |
. . . . البارت الـ 206 فتحت عينها عذاري على ابتسامه مشرقه . . ألتفت حواليهآ ماحصلته . . مسكت تلفونها وفتحته وتمت تقرا المسجات وهيه مبتسمه بحيا . . قامت من ع السرير وقفلت عليها الباب وراحت تتغسل وتبدل . . لبست لها قميص زيتوني طويل لين الركب بدون بنطلون . . فلت شعرها وحطت فيونكة سودا على ينب . . رسمت عيونها بطريقة حلوة مع روج عنابي وتعطرت وحطت الدهن العود وبطلت باب الحجره وطلعت وهيه تسوي روحها تبي شي لكنها كانت تدور على سلطان الي كان منسدح ع الغنفة وسرحان . . عذاري : انت اهني . سلطان يطالعها بتمعن : هيه . . عذاري تبتسم : صباح الخير . . سلطان كان فخاطره يطالعها باعجاب على حسنها ودلالها لكنه تعمد يخبي مشاعره وسوا روحه مش مهتم . . سلطان : صباح النور . . عذاري استغربت من رده فعله ومن البرود هذا . . سلطان مبتسم وردت له الابتسامة المصنطعه ! قام سلطان وتجدم ويا صوبها وتم ساكت . . اما هيه توترت ماعرفت ليش يتصرف بهالطريقه . . سلطان بصوت واطي : شفيج . ؟ عذاري بدون ماتطالع عينه : مافيني شي سلطان ابتسم ومسك ايدينها بحنان . . عذاري : تراك وترتني . . شو فيك . . سلطان : عذاري مش ندمانه ؟ عذاري : ندمانه على شو ؟ سلطان : على زواجج مني . . عذاري عاقده حياتها : سلطان ليش تقول هالرمسه سلطان يبتسم : جاوبيني عذاري : طبعا مش ندمانه . . تتقرب منه : انت تعرف شكثر انا احبك وشكثر تمنيت الساعه الي اكون فيها معاك وقربك . . سلطان : اعرف . . عذاري : عيل ليش تقول هالكلام سلطان : احس اني مش مؤهل اني اسعدج عذاري وخرت ايده عنها : سلطان سلطان يبتسم . . عذاري : ليش هالكلام المفاجىء سلطان : انا من الفير واعي . .اقول " ينزل راسه " كيف راح اسعدها ؟ كيف راح اعيشها ؟ كيف ماقصر معاج في شي عذاري : سلطان مجرد ماتكون وياي وماسك ايدي بتكون ماقصرت معايه في شي سلطان : عذاري انا ماقدر ولا عندي الامكانية اني اسعدج مثل باقي رياييل خواتج . . ما سفرتج شهر عسل . . ولا احس اني بعيشج بالدلال الي عشتيه في بيت اهلج . . عذاري : ريايييل خواتي تزوجو متاخرين . . .كان عندهم الامكانية انهم يوفرون عشان يتمتعون عقب . . انت تزوجت بسرعه وانت توك مولف . .شي طبيعي ماراح تقدر تسوي الي هم يسووونه . . مافيها شي . . انا بتريااا . . واكيد راح تتحسن الظروف عقب . . صدقني بس محتاجين كم شهر زياده ونقدر نستقرر وترتب امورنا . . ووو انا مابا شي والله لا تحاتي ولا تشيل همي . . اانا راح اعيش بالامكانية الي انت تقدر عليها . . انا كل الي ابيه قربك . . " تدمع" دخيلك لا تقول هالكلام مره ثانية سحبها سلطان وخلاها ف حظنه : انتي اروع قدر .. انتي هديه من الله عذاري تبتسم بحيا . . سلطان : اكيد شاقه الحلج . . عذاري تحاول تخبي ابتسامتها : لا .. سلطان يبتسم : شقي الحلج . . كم حرمه عندي ؟ الا وحده ربي يخليها . . قامت عذاري عن حظنه وهيه تبتسم : قولها مره ثانية . . سلطان عاقد حياته : ليش عذاري : قولها مره ثانية ابيك تقولها وانا اشوفك سلطان يبتسم بطريقه ساحره : مش لازم عذاري : يالله قووووووول . . سلطان مبتسم : انتي ليش مستحيه عذاري بحيا : مش مستحيه بس ابي اشوفك وانت تقولي هالكلام سلطان عاقد حياته : كل هذا ومش مستحيه عذور . . خدودج طاحت عذاري يايه تروح عنه لانها بتموت حيا وماتقدر تشوفه : خلاص لا تقول شي سلطان : ههههه تعالي . . Cut . . . ناصر عاقد حياته : انتي ليش مبطله تلفونج ازعجني .. حصيص تقوم وتسحب الفون وتبنده . . : سوري . . احيدني بندته ناصر : يوم بتكونين وياي مول لا تفتحينه مالج حايه فيه حصيص تثاوب : انزيين ناصر يبتسم : صباح الخير ياعروسه حصيص مبوزه : عقب ماهزبتني من عالصبح صباح الخير ؟ ناصر يبتسم : انا ماهزبتج يا حماره . . انا اعطيج اوامر .. سحبها وخلا راسها ع جتفه . . حصيص تبتسم : شو اوامرك بعد . . غررد ناصر يغمض عينه : اني يوم ابا ارقد اتمين راقده معاي . . حصيص : لا والله . . ولو مافيني رقاد ؟ ناصر : تجتلين روحج وترقدين غصب . . حصيص : هههههه ناصر يبتسم : صدق ارمس ما اتمصخر . . والحين بعده فيني رقاد وابا ارقد ف راح ترقدين معاي حصيص : مابا نصور مافيني نوم . . ناصر : وامر ثالث . . حصيص : شو بعد ناصر : من اليوم ورايح اسمي حبيبي مش نصور . . حصيص تبتسم : اقولك وخر عني عشان ما اعضك ابا اقوم ناصر : مابتقومين . . " يرص عليها قو " لو رمتي تخوزين لج الي تبينه وحاولت حصيص بس ماقدرت .. حصيص : وين اروم ع واحد معضضضضل . . ناصر ابتسم : يعني اونج ماتحبين عضلاتي حصيص : بلى احبها ناصر : اصلا كل البنات يتخبلون ع عضلاتي حصيص تطالعه عين بعين : شو قلت ناصر يبتسم ويطالعها : كل البنات يوم يشوفوني خاطف يمسكون الكام يصورون شو تتحرين . . حصيص تقرص اذنه : وتعيدها بعد . . ناصر يغمض عين وحده : اخخخ . . حصيص : شو هالرمسه بعد . . شو تبابهم البنات ناصر يبوس يبهتها :ماباهم . . انا اتخقق بس حصيص عاقده حياتها ناصر يبتسم : اسكتي ابا ارقد خلاص . . حصيص : ماشي وقت للرقاد نشش يالله خلنا نزهب حق السفر ناصر يشوف الساعه تشير للـ 11 الصبح . . : توا الناس .. طيارتنا الساعه 3 . . غمضي غمضي خلينا ناخذ قيلوله . . . . . مهره بصوت رقاد : الوو . . سيف : صباح الخير يا حلو مهره : صبااح " تشوف حواليها " النوور . . انت وين سيف : توج تحسين بغيابي مهره : مافجيت عيني الا تواا والله . . وينك ؟ سيف : الدوام حبيبي مهره :ليش رجعت ؟ سيف : لازم ارجع فديتج مهره : انت قلتلي اسبوع بس بتنكرف سيف : لا حبيبي اسبوعين . . مهره : وايد سيف : يالله خلص الاسبوع الاول وباقي الثاني بيمر بسرعه . . مهره مبوزه . . سيف : فدييييته المبوز انا مهره : بسم الله . . " تشوف الفون " انت متصل فيديو كول سيف : هههههه . . لا حسيت . . " يبتسم " كيف ماعرفج . . خلاص خبز ايدي الحين مهره تبتسم . . سيف : شو ناويه تسوين اليوم . . مهره : مابسوي شي . . ابا اريح احسني تعبانه . . سيف : . . . مهره : الوو سيف : . . مهره : الوووووه سيف : حبيبي عقب بدقلج وبند . . مهره : افف من هالدوام الكريه الي ياخذك مني بهالطريقه الزفته . . قوت روحها وقامت وبدلت وتغسلت ولبست لها مخور . . وصلت صلاة الظهر وطلعت من الحجره . . لمحت حمد قاعد تحت ويشرب كوفي مع بو خالد . . نزلتلهم وسلمت عليهم . . مهره تثاوب . . بو خالد : ليش قمتي ابويه . . جان ريحتي مهره : مع اني رقدت وايد بس احس ما شبعت . . حمد يطالعها : ارهاق عشان امس العرس وصالونات وحالتكم حاله مهره تطالعه : انت مارحت الدوام عيل . . حمد يبتسم : اليوم السبت مهره : اوه نسيت . . بو خالد يبتسم : لا تلومها حمد . . شافت سيف فالدوام حسبالها الكل فالدوام مهره تبتسم . . يتبطل الباب وتدخل سلامه وهي تصيح . . انصدم بو خالد من منظرها . . كانت منهاره وجسمها كله وارم ودم فويهها . . مهره قامت وراحت صوبها : سلامه . . شفيييييييج . . سلامه تحظن مهره وتصيييح . . : تطلقت . . مهره عاقده حياتها : شووووووووه . . بو خالد بعصبيه : شوه الي سويتيييه وخلاه يطلقج . . سلامه تمسح دمووعها وبهدوء : ماسويت شي والله العظيم . . بس هو اكتشفت انا شو وطلقني . . بو خالد انصدم وطلع من البيت . . حمد قام ويا صوبها : افتكيتي منه . . سلامه تصارخ : افتكيت منه ؟ ليش بهالسسسسسسسهوله تتحرا الموضوع . . بهالسهووووله . . اطلق واتزوووووووج . . خليتوني سسلعه تلعبون فيني . . حمد : سلامه . . انتي الي خليتي عمرج سلعه وخليتي الكل يتحكم بحياتج بهالطريقه مهره : حممممممممد كاااااافي .. سلامه تصارخ : والله العظيم كاااااااااااااااااااااااااااااااافي . . انتو شعليكم بلي سويته . . ربي فووووووق بيحاااااااسبني .. انا تغيررررررررررررررررررت .. . انا تبت . . ليش تعاقبوووني ليش .. حمد يمسك ايدها وسلامه تنفر ايدها : وخر عنييييييييي . . مهره : حمد روح . . خلها خلاص وروح . . حمد : ليش ضربج . . وكيف عرف . . سلامه تنوح مهره : حمد مش وقته .. ماتشوفها تعبانه . . تنهد حمد وطلع من البيت . . مهره : قومي سلامه . . قومي خليني اوديج غرفتج . . سلامه توخر ايد مهره : وخري عني انتي الثانية . . مهره تطالعها : ماراح اتكلم ولا راح اقولج شي . . بس قومي معاي خليني اوديج الحجره سلامه تقوم :أقدر اروح بروحي . . " تطالع مهره بعيون ضيجه ودموعها تنزل " اكيد انتي مستانسه . . اكيد قاعده تتشمتين فيني وارتحتي لان يا اليوم الي تشوفيني فيه بهالمنظر . . مهره تطالع سلامه وتجابلها وتمسك ويهها : لا حبييبتي لا . . والله العظيم لا . . انتي حسبة اختي . . والي صار صااار انا نسيييته بالمره . . انتي من داخلج وايد زينه . . والدليل انج تغيرتي . . كنتي تقدرين تعاندين الكل وتستمرين بالغلط الي كنتي ماشيه فيه . . لكنج اتغيرتي . . لجئتي لـ الله . . اذا انتي لجئتي لله وطلبتي التوبه منه انا منو اكون عشان اوقف بدربج واذكرج بالغلط ؟ اذا ربنا ينسى اخطاء عبده ويسامحه ع كل شي سووووواه كبير ولا صغير بمجرد ما يتوب . . انا شو اكون؟؟؟ انا مالي الحق ابدا اني اتشمت فيج . . بالعكس انتي كبرتي فعيني . . كبرتي فعيني لانج ماتميتي ع الغلط الي انتي فيه وغيرتي من نفسج وسلكتي الطريق الصح . . شوفي على كثر الي صارلج . . من يوم وفاة المرحوم خالد وانتي كم مره صارتلج فرصه انج بعيد الشر تموتين . . فالحادث سمية وخالد توفو بس انتي لا .!!! الله سسسلمج . . عطاج فرصه تتغيرين وتوبييييين . . ربي يحبج . .شوفي كم الفرص الي حصلتيها . . حتى يوم اكتشفو الي سويتيه . . على كثر الضرب الي حصلتيه بس بعد ربي ما سوابج شي وخلاج حييييييييييه بس عشان تعوضين . . احمدي الله . . احمدي الله انج تبتي ولاتوفيتي ع معصيه كبيرة . . .احمدي الله ع الفرص الي حصلتيها . . غيرج شكثر يتمنى يحصل ربع فرصه يعوض فيها . . وانتي الحمدلله مشيتي صح . والله قاعد يبتليج بلي يصير لج يا سلامه . . تحممملي . . كله ابتلاء من الله . . ماتدرين ليش ربنا قاعد يسويبج جي !! يمكن فيه تكفير عالذنوب الي كنتي تسوينها ولا يمكن فيها اجررر مضااااعف لج . . انا معاج . . الي تمرين فيه مش شويه لكن فكري من هالناحية .. بس فكري من هالناحية سلامه تبتسم وتصيح بهدوء وتحظن مهره . . مهره تبتسم : هدي بالج . . صدقيني كل شي بيتحسن . . صدقيني . . سلامه تصيح : باذن الله . . مهره تطالعها : انتي بس كملي الدرب الي تمشينه . . وخلج ماشيه صح . . وربي ما راح يخذلج . . سلامه تبتسم : ان شاء الله . . مهره تبتسم : روحي الحين بدلي ملابسج واغسلي ويهج وبروح اييب لج لززق ومعقم عشان انظف الجرح سلامه : بسبح وعقب بييج الصاله . . مهره تبتسم . . . . |
. . . . البارت الـ 207 محمد : امايا يوعااااااااااااااااااان ارحمييييييييييييييني . . عنود : حموود بسسس كلت فواااادها محمد يطالعها : اويه عنود الحقيني . . عنود : بلاااك . . محمد : اشوفج 4 عنودات .. عنود تبتسم . . محمد : اميييييييه . .لا تضحكيين . . كله اسناااان . . ماشوف شي ثاني ام محمد : يمه عنود طقيه على راسه علشان يقوم من هالينون عنود : ههههه حمود يوز خلاص محمد يطيح على ريلها . . : والله يوعان ارحموني . . ام محمد : كااهو ابوك ياي بالطريج ويايب الغدا . . محمد : امايا يعني كان ضروري تردين الفررررررن . . جان طبختي لنا الغدا وعقب رديتيه ام محمد : يا محمد ما يشتغل الفرررن . .خربان . . شلون اخليه وهو ما يشتغل . . لا تتحجى خلاص ازعجتني . . حمد يصيح . : . محمد : كملت . . عنود تبتسم : انت الياهل مش حمد . . قوم خلني اروح اشله محمد : مابقوم . . يوعااان انا عنود : حمود قوم ما تسمعه يصيح ام محمد تقوم : الله يعينج عنود . . عندج يهالين . . خلج خلج انا بروح اخذه . . عنود تطالعه : بلاك مستوي بززززر . . محمد غمض عيونه . . عنود تقرص خده : قوووم محمد حطا ايده على ايدها وتم مغمض . . عقب ربع ساعه . . وصل بو محمد . . ام محمد : ناام فديته .. عنود بصوت واطي : هيه . . ام محمد تبتسم : ذبحنا يوعان ويوعان وعقبها نااام !! عنود تدق على ويهه : حمود . . قووم محمد : . . ام محمد : الله عليك يا حمد بس . . عنود تبتسم : حمد مواعينا من الفير ومارقد تم يلاعبه . . وانا نمت وخليتهم سوا لين الساعه 11 . . بعدين قمت وشربت حمد حليب ومحمد بعده واعي ويبي يلاعبه . . قعد يلاعبه ويرقده وما رقد . . ام محمد مبتسم : خلاص خليه نايم عيل . . بعدين راح ياكل . . قومي اكلي انتي . . قامت عنود بشويش ونزلت راسه ع الغنفه . . وعقبها حطتله مخده ويابتله لحاف خفيف . . تقربت منه وباست راسه وعقبها راحت تتغدى وياهم . . . . . عذاري : وين بنروح . . سلطان : بنتغدى . . مش يوعانه ؟ عذاري : بلى . . سلطان : يالله عيل شو تترين لبسي عباتج . . لبست عذاري عباتها . . ورن تلفونها . . سار سلطان صوبه ورد . . منصور : الوو . . سلطان : هلا منصور : اوب اوب . .يالله خلني ادق ع تلفونك شكلها هي الي بترد . . متبادلين شو ؟ سلطان : ههه تطنز . . منصور : شو الاخبار . . سلطان : بخير يسرك الحال منصور : شو وين داركم . . سلطان : في دار الحي بعدنا . . بنروح نتغدا الحين . . منصور : حد يتغدا الساعه 4 ؟ سلطان : هيه .. اختك وانا . . منصور يبتسم : المهم . . ما شفتو العرسان الثانيين ؟ سلطان : لا والله ما شفناهم . . ليش ؟ منصور : اتصلبهم تلفوناتهم مغلقه وامايا تحاتي . . ناصر ما دقلها قبل لا يسافر . . والطياره احيدها 3 سلطان : يمكن نسو منصور : مستحيل ناصر ينسى يتصل في اميه . . يدريبها بتحاتي . . سلطان : خلاص بخلي عذاري تروحلهم الغرفه الحين . . منصور : واتصل بي عطني خبر . . سلطان : تمام . . منصور: فمان الله سلطان : الله وياك . . عذاري تشل شنطتها : شسالفه ؟ سلطان : بنمر نشوف ناصر . . عذاري : ليش سلطان : امج تحاتي . . ماتصلبها قبل لايسافر . . بنسير نشوفهم سوو جك اوت ولا . . جاهزه ؟ عذاري : هيه . . سلطان : يالله اتغشي عذاري : عثثثثره . . اصبر شويه توني فالغرفه . . بعدنا فالفندق سلطان عاقد حياته : اتغشي . . الممرات كلها كاميرات . . عذاري عقدت بوزها . . سلطان : مش عايبنج عذاري ؟ عذاري تطالعه : انا قلت مش عايبني " تبتسم ابتسامه مصنطعه " سلطان ابتسم : اتحرى . . " يمد ايده " يالله تغشت ومسكت ايده وطلعو من الغرفه . . مرو صوب جناح حصيص وناصر وتمو يدقون الجرس . . ناصر عاقد حياته : منو متفيج . . حصيص : قوم افتح . . ناصر : اففف . . قام ناصر ولبس جلابيه وبطل الباب . . عذاري فاجه عينها : انتو ما سافرتو . ناصر بصدمه : الساعه كم الحين ؟ عذاري تشوف الوقت : 4 وربع . . ناصر يغمض عينه : ششششششت . . طارت الطياره . . وييربع صوب فونه ويتصل يتاكد لو طارت الطياره ولا لاء .. . ومع الاسف طاارت .ّ! عذاري دخلت هي وسلطان وقعدو فالصاله . . طلع ناصر وهو معصب : تخيلو طارت الطياره . . عذاري + سلطان : هههههههههههههههههههههههههههه ناصر : اطلعو برا اطلعوو سلطان : والله فشلتنا . . ناصر : خذتني نومه يا رياااال سلطان يقوم : قومي عذور خل يروح يتعذر من الملكه " يبتسم " احنا بنروح نتغدا ما بتون ويانا ؟ ناصر : شوف ويهي كيف . . توني ناش ويهي وارم وين اطلع الحين . . سلطان : يالله عيل " يبتسم " سير لقط بقايا ويهك . . ناصر شل المخده الي ع الغنفه وفرها ع سلطان الي ضحك عليه وطلعو . . حصيص حاطه ايدها ع خصرها : قلتلك بلاها الرقده السخيفه . . لا وشو اونه قيلوله . . قيلولتك طيرت الطياره عنا . . ناصر : شسوي والله ما حسيت . . وانتي بقره جي مبنده تلفونج تراني حاط المنبه فيه حصيص : منو الحمار الي قالي بندي التلفون حشرنا ؟ ناصر: ههههههههههه . . خلاص طارت الطياره لا تحتشرين ع راسي حصيص : لا والله . . انا ابغي اسافر ابغي اروح شهر العسسسل ناصر يبتسم : ايامج وياي كلها شهر العسل حصيص بعصبيه : نصور لا تستهبل .. ناصر : يا حبي شو اسوي يعني متعمد الحركه انا ؟ ماعليه انا بتصل وبحجز حق موعد ثاني حصيص : يالله اتصل الحين . . ناصر : بل بل بل . . كلتنا بقشورنا . . مسك ناصر التلفون وتم يسالهم عن الحجوزات . . قالوله ان شي حجز عقب 3 ايام . . لكنه ماحجز وبند حصيص : جيه ما حجززززززززززت ناصر : عقب 3 ايااام حبيبتي . . ما ينفع ؟!! كم بنتم اهناك 4 ايام ؟ انا اجازتي كلها اسبوع . .ما يصير نروح حق 4 ايام . . حصيص : بلى عادي يصييير . . احجز انت . . حتى لو يوم . . بسافر ماليزيا يعني بسافر ناصر : اسميها الا بلشه . . بلاج انتي ع هاللسان . . بصمج بكس بسفرج ماليزيا . . حصيص : نصووووور ناصر : انزين ازين بتصل بحجز . . وكيفج لا تقولين لي ما سدتني 4 ايام . . ما بسفرج عقب حصيص : عادي برايه راضيه . . ناصر يطالعها : بل كيف حنانه . . . . . روضة تدخل الميلس : السلام عليكم . . فهد : وعليكم السلام . . روضة تسلم عليه وتبوسه ع خده . . فهد : شحالج اليوم ؟ روضة : الحمدلله بخير ..ليش قاعد فالميلس . ؟ ليش ما يييت الصاله فهد : اهني اهدا . . روضة : شخبارك ؟ فهد : زفت روضة :افا ليش فهد : والله مارقدت امس زين . . ماتشوفين الهالات . . روضة تبتسم . . فهد : بيتنا دومه حشره . . اليهال من كل صوب وانتي . . خلا علي مره وحده . . والله ماقدرت اتم فيه ورقدت فالسياره روضة : انا اسفه . . والله ماقدر اطب البيت اهناك . . عايفه ريحته . . فهد يتنهد : ولين متى روضة : خلك اهني معانا فهد : لالا . . روضة : ليش لا . . تم اهني معانا . .البيت خالي مافيه حد وامي بروحها قالتلي اقولك فهد : لا روضة تعرفيني ماحب اثقل على اهلج روضة : مافيها ثقل ولا شي ! وبعدين اهلي هم اهلك . . وانا مايطاوعني قلبي اخليك اهناك روحك . . تم اهني لين يخوز الوحام عني وبنرجع البيت سوى . . . ع الاقل اهني اتم تداريني وتداري اليهال وتشوفنا حواليك فهد يطالعها . . روضة : يالله عاد . . انا بعد ماقدر على بعدك . . فهد يبتسم : صدق ولا تجاملين روضة فاجه عينها : والله ما اجامل . . فهد يمسك ايدها : متاكده مافيها روضة تقاطعه : متاكده مافيها اي احراج . . انت واحد منا وفينا . .والبيت خلاا حتى مافيه حد . . اميه بتتونس لو عرفت انك رضيت اتم فهد : خلاص انزين اقتنعت اقتنعت ! . . روضة تبتسم . . فهد : روحي لبسي عباتج و ازقريلي اليهال بوديكم وياي البيت بييب لي ملابس وبناخذ ايسكريم وبنحوط شوي عقب بنرجع . . روضة : اوووكيه . . . . . |
. . . . البارت الـ 208 سيف : الو . . مهره : هلا قلبي . . سيف : فدييييته . . " يبتسم" شحالج حبيبي مهره : الحمدلله . . . سيف : سوري بس كنت مضطر ابند مساع مهره : لا ماعليه . . سيف : شقاعده تسوين . . مهره : ابدل فالقنوات . . . سيف : في بيتنا ؟ مهره : هيه ما رحت بيت ابوي . . سيف : ليش مهره : متكسره مالي خاطر . . وبعدييين مم سيف : بعدين شوه مهره : سلامه اهني سيف عاقد حياته : شو يايبنها ؟ مهره : تطلقت .. سيف : شووووووووووووووووووووووووو مهره : . . سيف : وليش تطلقت هالحيوانه شو هببت شو سوت بعد ؟؟؟؟؟؟؟؟؟؟؟؟؟؟؟؟؟؟؟ مهره : ماسوت شششي اهدااا . . !! بس سيف : بس شوووه انطقيييييييييييي مهره : عرف عنها كل شي وطلقها . . سيف : الحقيره الززززززززززززززززززززززفتته . .اختفووووووو عليها . . صدددقه .. منو يباها هالزززززباله . . مهره : سيف بسسسس سيف : يالله برمسج عقب باي مهره :انزين انا شو ذنبي ترمسني بهالطريقه سيف : . . مهره : خلاص برايك باي سيف : لحظة . مهره : .. سيف : انا اسف حقج علي . . بس خل تحمد ربها هاللوث اني مش موجود ولا جان دفتنها وهي حيه مهره : بس عاد سيف كافي لين متى سيف : لا تجادليني فالموضوع . . مهره تنهدت . . سيف : ومن احين اقولج مابا اعرف انج قاعده وياها مهره : بس سيف سيف :لا بس ولا شي . . ما تقعدين معاها مهره : سيف اسمعني سيف يقاطعها : مابسمع ولا شي . . .ماتقعدين معاها وخلاص .. يالله ببند الحين . . ومابا اعرف انج قعدتي معاها سمعتي ولا لاء مهره : عشان خاطر هدايه سيف سكت : . . مهره : خلني اواسيها . . الي فيها كافيها . . سيف : سوي الي تبينه مهره : عشان قلت عشان خاطر هدايه ؟ يعني عشان خاطري ما تمشي الحين سيف بدون خاطر : خلاص بكلمج عقب مهره : حرام عليك . . مادري شوه ذنبي ترمسني بهالنبره سيف : بلا حنه زياده مهره دخيلج . . مهره : احين انا حنه سيف : لا اله الا الله . . مهره : انزين خلاص خلاص . . باي سيف : يا حبيبي خلااص عاد لا تبوزين انتي بعد . . . بروحه الي فيني من هالخايسه يكفيني مهره : . . سيف : كلميييني مهره : . . سيف : يالحساسه مهره : انا مش حساااسه سيف يبتسم : والله حساسه .. حتى اسلوبج تغير مهره : . . سيف : وبعدني راضي واحمد ربي ع هالوحام الحلو مهره تمسك بطنها وتبتسم. . سيف : احبج . . مهره : .. سيف : احبج يا حماره! مهره : لا تسبني سيف : ياحماره . . مهره : لا تسبني اقولك سيف يبتسم : احلى حماره فحياتي انتي حمد يدخل . . مهره : حيواان . . حمد يطالعها وفاج عينه : ليش . .؟ شو سويت مهره : ههههههههه . . اكلم سيف . . حمد قفط : زيغتيني . . سيف : هههههههههه . . والله انه مش صاحي . . حمد يطالع مهره : اكيد سبني . . مهره : لا بس قال انك مش صاحي . . حمد : قوليله عدال يا العاقل . . سيف : سكتيه .. قوليله جب واجلب ويهك خل ارمس حرمتي مهره تبتسم : ههههههههه لا شو ما بقول جي سيف : قولي اشوف حمد يبتسم : وينها ؟ مهره : قالت انها بتسبح وبتي . . لكنها كملت ساعه ولا يت حمد : بروح اشوفها . . وسار حمد صوب غرفه سلامه . . مهره : ابي اقولك شي سيف : شوه حبيبي قولي . . مهره : ممم سيف : شوه قولي . . مهره : امس . . سيف : هيه ؟ مهره : استسمحت من حمد . . سيف :ليش مهره : مادري . . حسيت ان فخاطري استسمح منه ع كل شي .. سيف : تغير شي يوم استسمحتي .؟ مهره : ماعرف . . بس حسيت اني ارتحت اكثر .. يعني كان في حاجز شوي بيني وبينه . . مش حاجز يعني مثل عائق وو شي جي واقفلي بالبلعوم . . ويوم استسمحت ارتحت سيف : وليش تقوليلي . . مهره : حسيت انك لازم تعرف سيف : تحسين الي سوييتيه غلط مهره: لا . . انا صاينتك في قلببي . . وصاينتك في عيوني . . . واعرف اني ما سويت شي غلط سيف يبتسم : اعرف .. وصدقيني انا واثق فيج . . و واثق في حمد مهره : وانا اعرف انك واثق . . بس حبيت اقولك سيف : امممواح . . مهره استحت . . سيف : استحيتي ؟ مهره : ههههههه لا . . سيف يبتسم :الله لا يحرمني منج . . مهره : ولامنك يارب . . سيف : يالله حبيبي . . مصختها انا اليوم وايد ارمس فون . . مهره مسكت بطنها : اخخخ . . سيف : بلاج مهره : بنتك . . دقت بالقو سيف : هيه يالسه تقولج سلمي على بابا مهره : هههههههههههههههههه سيف : صدقيني ههههههههه مهره : انزين اهم شي سلامها وصل سيف : وصل وصل . . مهره تبتسم . . : تحمل ع روحك . . سيف : ان شاء الله حبيبي . .وانتي بعد . . مهره : ان شاء الله سيف : فمان الله مهره : الله وياك فديتك . . . . . حمد يمسح ع شعرها وتنزل دمعته وبصوت واطي : شسويتي فروحج ياوخيتي . . نزلت دمعه سلامه على طرف ولاحظها حمد . حمد : انتي واعيه !! سلامه تفتح عينها : اسفه لاني خيبت ظنكم . . " تنزل دموعها " والله اني خذت جزايه . . حمد : اششش . . اهدي انتي ونامي ارتاحي . .لاحقين ع الكلام . . وتقرب منها باس راسها . . : ماتبين تاكلين سلامه تهز راسها ب لا . . حمد : ارقدي . .بنتكلم بعدين . . انزين؟ سلامه : انزين حمد : ولاتزعلين مني . . سلامه تبتسم . . ردلها حمد الابتسامه وطلع من الحجره وكانت فويهه مهره . . مهره : رقدت ؟ حمد يصك الباب . : على وشك. . . مهره : ما اتصلت في عمي ؟ حمد : اتصلت ما رد . . بس دقتلي عنود وخبرتني انه موجود عندهم . . مهره : زين الحمدلله . . حمد : تغديتي ؟ مهره : لا . . حمد : يالله خلي الخدامه تحطلج الغدا . . . مهره : وانت ما بتاكل ؟ حمد : لا ما اشتهي . . مهره : عيل انا مابي اكل روحي . . وبعدين احين بي المغرب مش وقت غدا . . حمد : خل تقوم سلامه وعقب بنطلع كلنا نغير نفسيتها وبنتعشا برع . . مهره تبتسم : هيه اوكي . . حمد ابتسم : تبين شي ؟ بروح اطيح شوي فحجرتي مهره : لا سلامتك . . . يرن تلفونها . . مهره : هلا عنود . . عنود : مهور وينج ؟ مهره : اهني في البيت . . عنود : اي بيت . . مهره تبتسم : بيت ريلي .. الي هو اخوج عنود : حلوو . . بمر عليج الحين مهره : ليش .؟ عنود : اليوم اخر ليله لي فالاربعين ابا اترتب واتزهب واباج تعاونيني . . مهره تبتسم : خلاص تمام . . عنود : انا احين طالعه ويالدريول يبالي 10 دقايق لين اوصل لج . .فازهبي . . مهره : خلاص تمام . . وبندت عنها . . طرشت مسج لسيف " حبيبي انا بروح مع عنودي الصالون وماعرف وين بعد . . المهم بنخلص سوالف حريم " رد عليها " شو هالسوالف ؟ ابا اعرفها " ردت عليه " جب جب " رد عليها " ما تطلعين من البيت لين تخبريني " ردت عليه " بخبرك يوم بربي لاني بحتايها بعد " رد عليها " عياااره . . ديري بالج وشوي شوي وطمنيني كل شوي " ردت عليه " ان شاء الله " رد عليها " احبج يالكريهة " ردت عليه " مابسبك " رد عليها " لانج ماترومين " وودرت التلفون وسارت تزهب لانها عرفت لو تمت تطرشله مسجات ما بيخلصون . . . . . . عقب ما خلصو عذاري وسلطان عشا . . راحو صوب المرسى وتمو يتمشون . . عذاري كانت قابضه ايده بقوه . . سلطان يطالعها : تخافين اطير ؟ عذاري : لا . .عشان هاييل الخايسات الي يطالعونك يعرفون انك معرس . . سلطان : ههههههههه عذاري تطالعه : وانت بعد ماتصدق . . كاشخ سلطان : انا مش كاشخ . . شـ لابس!!! لا كندوره ومتعصصم وين الكشخه فالموضوع . . عذاري : خلاص جب سلطان يبتسم : اترييني اهني . . بروح اشتريلنا عصير وبرجع عذاري : وليش ما اي معاك سلطان عاقد حياته : ماتشوفين كيف ريياييل اهناك ؟ خلج اهني . . وراح عنها . . طلعت عذاري تلفونها واتصلت في امها . . وطمنتها ويوم بغت تسكر طاح التلفون من ايدها . . اول ماوخت عشان تيبه تبطلت الغشوه وتلامست ايدها مع ايد واحد وهو يشل فونها . .! الريال يبتسم ويمدلها الفون : تفضلي . . يا لبى هالعيون السود . . معقوله في وحده بهالجمال ؟ يا سلطان وعطاه بكس ورى بكس وطيحه فالارض . . عيونه كانت شر وهو يطالع عذاري بدون غشوه . . سلطان مسكها بجتفها بقوة : يوم رحت فصختي الغشوه ؟؟؟؟؟ عذاري : لا والله لااا طااح تلفوني ووو سلطان : تغششششششششششي مابا اسمع صووووتج . . انتي مش ويه حد يطلعج من البيت تغشت عذاري وهي مصدومه من الموقف . . كل شي صار بسرعه وبعدها مش مستوعبه . . سحبها من ايدها بقوه ووداها السياره . . اول ماركبت السياره بطلت الغشوه . . عذاري : سلطان خلني افهمك شصاااار سلطان بعصبيه : ماااااااااااابا ااسمع صوتج . . عذاري : انزين خلني افهمك ع الاقل عقب اسكت سلطان يصارخ : قلتلج لا تفصخين الغشوه . . شو الي خلاج تفصخينها . . عذاري : والله تبطلت الغشوه بالغلللط يوم طاااح يقاطعها : بسسسسسسسسسس . . صخي عذاري : سلطان حرام عليك . . اقل شي اسمعني . . سلطان يحرك السياره ويسوق بسرعه جنونية : الحين تروحين تشلين كل اغراضج وبنرجع راك . . تمي فالشقه . . انتي مش ويه حد يونسج حتى عذاري بصدمه : سلطان حرام عليك . . انت قاعد تظلمني . . انا ماسويت شي سلطان ركز ف السواقه واعتبرها مش موجوده بالمره ! . . . منصور عاقد حياته : متى ؟ ام عبدالله : اليوم . . منصور : والحين هيه وينها . . ام عبدالله : تامه في بيتها . . منصور يتتنهد : حسبي الله ونعم الوكيل . . اذووها . . ام عبدالله : هي يابته لنفسها منصور : معقوله امايا انتي العاقل تقولين هالرمسه . . ام عبدالله : هي يابته لعمرها يا منصور . . منصور : امايا ماسمعتي كلام مهره ؟ ماسمعتي وهي تقولج البنت تااابت تاابت . . ليش هالكلمه وايد شويه في عيونكم . . ام عبدالله : اسمعني منصور . . لاتفكر الحين عقب ما البنت اطلقت انا راح اخليك تتزوجها . . منصور عاقد حياته : وليش ؟ ناويه تمنعيني ام عبدالله بعصبيه : ليش انت ناوي ترجعها ؟ منصور: انا ماقلت برجعها لين الحين . . انا قلت لو رجعتها شو الي يخليج تمنعييييني ؟ ام عبدالله : البنت سمعتتتتتتتتتتتتها فالقااااااع . . " بعصبيه " لو على قص رقبتي ما تتزوجها . . البننت تابت والله يسامحها ويغفر لها . . لكن ماراح ترجع لوحده الكل يرمس عن شرفها . . تبا تنزل راسي منصور ميود غيضه ويطالع امه بصدمه . . ام عبدالله : انت ماتستحي ؟ مش ريااال ؟ هذا سيف اخوووها اخوها ولا يقدر يسامحها . . وانت تقولي تفكر ترجعلها منصور : امااااااايا . . قلتلج انا ماقلت برجعها . .بس لو فكرت ارجعها ما راح تمنعيني ابدددددا . . سيف سامحها ولا ماسامحها طززززززززز فيه !! ما يهمني لا سيف ولا غيره . . البنت قررت تمشي صح ليش توقفون بوووييهها . .كككككككككلنا نغلط . . يعني لو اناكنت ريال لوث بتزوجيني ؟؟ ام عبدالله : اولا انت الحمدلله مش ريال لوث . .وبعدين لو كنت لوث . . انت ريال ما يعيييبك شي منصور عاقد حياته : امايا شو هالكلام . . شو هالمنطق . . ام عبدالله : ماتنزل راسنا فالقاع وترد تتزوجها هالكلام حطه ف بالك زين منصور يقوم بعصبيه يبا يطلع من البيت . وقبل لا يطلع منصور : مثل ما انا بتحاسب يوم الدين هيه بتتحاسب . .اثنينا بنتحاسب بنفس الطريقه . .لوا انا كنت ريال وصخ بعد بتحاسب نفسسس حسابها . . ماشي فرق بين ريال وحرمه . . ام عبدالله تصارخ : انت مافيك كرامه ماتتستحي منصور : كرامه ؟؟؟ انا احبههها . . امايا تعرفين شو احبببببببها . . انااا من حبي لها كنت راضي اتزوجها وهي عاااجز ما تمششششي . . البنت دشت قلبي . . ام عبدالله : وانت حاولت تغيرها ولا تغييييررررررت . . تمت وصخه ولا تأدبت منصور : بس هيه الحين تاااابت . .ليش توقفين بطريج توبببببببتها ام عبدالله تقوم : شو تبا الناس ترمس علينا وانت رادلها شوووو منصور : يرمسون لين يموتون . . مش انا الي اهتم لكلام الناس . . انا رضيت اتزوجها وهي عاجز وماهمني كلام الناس . . ولو فكرت ارجعلها بفتخر فيها وبحطها عراسي لانها مشت بالطريج الصح ومشت بالطريج الي انا احب اتكون فيه . . ام عبدالله : ما بترججججججججججعلها يا منصور منصور : قلتلج امايا . . انا مافكر ارجعلها. . لكن لو فكررت . . محد بيمنعني وطلع من البيت . . . . |
. . . . البارت الـ 209 ناصر مبتسم : يعني بتمين طول الوقت مبوزه وماتاكلين شي عشان سفر . . حصيص : هيه . . ناصر :يالله عاد . . من متى طالب لج هالاكل ولا كلتيه . . حصيص : مابا اكل شي ! ناصر : خلاص حجزتلج انزين عقب 3 ايام حصيص : . . ناصر : انزين شو ذنبي يوم كان فيني رقاد ورقدتج وياي حصيص : ذنبك انك ضيعت علي السفر ناصر : انزين ماكنت مستقصد والله . . حصيص : . . ناصر يسير صوبها ويحب خدها : يالله عاد العروس . . بتسافرين ترا بعدج عقب كمن يوم . . وبتعوضين حصيص تطالعه ناصر يبتسم : يالله ارضي عاد . . ماكسرت خاطرج من متى احاول اراضيج . . شوفيني حتى ريجي نششف حصيص تبتسم : انزين خلاص ناصر يقعد : اوف ما بغيتي . . رضاج صعب اعنبوه حصيص تطالعه وتبتسم . . ناصر يطالعها . . حصيص : بلاااك . ناصر : مابلاني شي " يبتسم " مستانس لان ضحكتلي الدنيا وقدرت اتزوج الي اخترتها بنفسي . . حصيص : مع ان وايد امور وقفت بطريجك ناصر : صح . . بس صار الي ابغيه ولله الحمد " يبتسم " حصيص تبتسم . . ناصر : تعااالي بقولج سالفه . . Cut . . . فـ راك . . نزلت عذاري من السياره وتمت دموعها تنزل بدون توقف . . شل سلطان الشنط وتم يمشي وصد ماشافها تمشي وتامه واقفه عند السياره . . سلطان : يالله شو تترييين !! امشششي . . مشت وراه بقلب مكسور ودموعها تحت الغشوه بدون توقف . . ركبو اللفت والسكوت عام بينهم . . وصلو الشقه . . ونزل الاغراض سلطان وطلع على طول . . انصدمت منه وايد وحست قلبها مكسسور . . بطلت الشيله وفرتها وقعدت ع السيراميك متسانده ع اليدار .. جريب من باب الشقه وهيه تصيح بصوت مسموع . . كان سلطان واقف عند الباب ماقدر يروح . . وتم يسمعها وهي تصيح بعذااب وقلب مكسور . . تم يرن تلفونها مره ومرتين وثلاث بس هي ماترد وبس تصيح . . ويوم رن المره الرابعه ردت . . عذاري : الوو . . روضة : مررررررررحبا عذاري تصيح . . روضة : بلاج عذوووور . . شو مستوي عذاري تصيح ماتتكلم . . روضة : خوفتيني شوه فيييييييج . . عذاري : خايفه . . روضة: من شوه خايفه عذاري : من الحياه اليديده الي دخلتها . . روضة : صاير شي ؟؟؟ سلطان قالج شي ؟ عذاري : لا ما قال لي شي .. اصلا هو ما سوا شي . . انا بس جي ارفع ضغطه واعصب فيه روضة : حبيبتي عذوور . . عذاري : انا ماعرف ليش جي انا . . وايد اخليه يعصب ويتضايق . . بدال ما اريحه واسعده ازيد همه روضة : حبيبتي عذووور لا تقولين هالرمسه . . انتو بس بعدكم توكم عرسان . . يبالكم وقت لين تتعودون ع العيشه مع بعض . . ادري بتقولين لي انج تعرفينه عدل وتعرفين طباعه بس كان كله تلفون وفتره الملجه غير عن فتره العرس . . فتره العرس تكتشفينه عدل . .وتجابلينه طول الوقت . . وتطلعون سوا ف تستوي الخلافات في البدايه . . يبالكم وقت لين تتعودين عليه وعلى تصرفاته وهو بياله وقت لين يعرف لج ويعرف لطباعج . . لا تخافين حبيبتي . كلنا مرينا بهالمرحله . . هالمرحله جدا طبيعية لازم تصير بين اي اثنين توهم متزوجييين . . عذاري تمسح دموعها . . روضة :انتي وياي ؟ عذاري : هيه روضة : وينه الحين ؟ عذاري : احنا ف الشقه ف راك . . بس لا تخبرين اميه . . روضة تبتسم : تضاربتو عشان جي رديتو ؟ عذاري : هيه روضة : ها امر جدا طبيعي حبيبتي . . وصدقيني بيراضيج اول ما يرجع وبتقولين روضوه قلتي عذاري : انزيين روضة : يالله امسحي دموعج انتي عروس المفروض ما تصيحين عذاري : ان شاء الله روضة : لو بغيتي شي دقيلي انزين ؟ عذاري : ان شاء الله حبيبتي . . روضة : يالله فديتج مع السلامه عذاري : مع السلامه . . وسكرت التلفون ومسحت دموعها . . تمت قاعده ع الارض تفكر ماقدرت تنش . . ثواني وتبطل الباب ودخل سلطان . . تم يطالعها وهي اطالعته . . طول فالنظرة ونزلت عينها عنه . . جابلها ومد ايده . . : قومي . . عذاري ماقدرت تمد ايدها . . حست بروحها وايد مجروحه . . سلطان : قومي . ! قامت عذاري من دون لا تمسك ايدينه . . كانت يايه تمشي بس حاصرها مما خلاها تتساند ع اليدار وهو مجابلنها . . سلطان يتنهد : منو الغلطان ؟ عذاري تحط عينها فعينه : انا الغلطانه . . سلطان يطالع عيونها الي قاعده تمتزر دموع . . : لا . . اناا الغلطان . عذاري تبتسم بعذاب وتنزل راسها : لا انا الغلطانه انت ما سويت شي سلطان : طاحت الغشوه بالغلط ؟ عذاري تطالعه وتهز راسها . . سلطان : مصدقنج . . عذاري تنزل دموعها : والله بالغلط . . سلطان : تعالي اهني . . وتقربت منه وحظننننته . . وحظنها بقوة وهو متندم وااااايد . . سلطان : غناتيه لاتعقين اللوم ع روحج دوم وانتي مش غلطانه . . عذاري تمسح دموعه وتشوفه : بس انا ماحب ازعلك . . سلطان : اعرف .. بس دامج على حق لا تعقين اللوم ع روحج . ." يهمس " هالشي يذبحني . . يخليني اتلوم فيج اكثر . . عذاري تطالعه وتنزل دموعها : الكل يقولي اني ذاله روحي عليك . . بس انا احبك وماشوف فيها مذله . . يهمني رضاااك ورضاك عندي فوق كل شي . . سلطان يبتسم ويحط ايده ع ويهها : يعلني فداج . . لو ادور الدنيا كلها ماحصل وحده مثلج . . عذاري تنزل راسها . . سلطان : اسف . . والله من جد اقولها . . اسف لاني خربت عليج يومج . . عذاري : عاادي . . " تبتسم " روضة تقول لازم تصير هالمشاكل فالبدايه لين نتعرف ونتعود ع بعض سلطان : صح . . كان سهل يوم اكلمج بالفون . . وايد سهل . . لكن تونا يوم واحد قضيناه مع بعض شوفي شصار . . " يبتسم " يبالنا وقت شويه بس . . عذاري تهز راسها . . سلطان يتقرب منها ويبوس يبهتها وخدها ويهمس ف اذنها : والله اني احبج . . Cut . . . عنود : الوو . . محمد يتثاوب : انتي وينج . . عنود : الصالون حمود . . برمسك عقب محمد : حمد يصيح ما وقف صياااح مادريبه بلاه عنود : احلللف . . ليش شو فيه محمد : اقص عليج . . عنود : اسميك يا حموووود . . محمد مبتسم : اصلا توني ناش مادريبه وين . . عنود : عيل كيف عرفت اني محد . . محمد : احساسي قالي عنود : عن الخررط قوول ام محمد : ماعليج منه يمه عنود . . كاهو حمد ف حظنه وسالني عنج وقلتله انج فالصالون عنود : واي منك يا حمود ما تيوز محمد يبتسم : شو تسوين فالصالون . . عنود : خلني الحين عقب برمسك . . محمد : سايره روحج ؟ عنود : لا محمد : ادري طالعه ويا مهور بس استهبل عنود : هههههههه حمود بند فكني محمد : هههههه . . اوكي . . يالله باي عنود : باي . . محمد :انزين وشو الاخبار .. عنود : حمود والله مش وقتك خلاص بند خلصني . محمد : انزين انتي ما اطيعين اتبندين الله يهديج . . بندي مش فاضيلج مهره شلت الفون : حمود بلا استهبال خلصنا . . محمد : انتي كيف تسحبين الفون جي . . تعرفين اني توني كنت ببوسها . . مهره قفطت واااااااااااااااايد وحست روحها بتطلع . . وفرت الفون ع عنود عنود : بل شو قلتلها . . محمد : ههههههههههههههههههههههههههههههههههههههههههههههههه عنود : شوووه محمد : هههههههههههههههههههههههههههههههههههههههههههههههههه هههههه عنود : حممممود . . محمد : والله انها تحفه مهرو . . عنود : حمود جد مش وقتك خلاص محمد يبتسم : تمام تمام . . يالله بباي . . عنود : باي . . مهره : فظييع ريلج فظيع عنود تبتسم . . : مهور قولي الصدق شرايج . . مهره : والله راكب عليج وايد . . صبغت عنود شعرها البني الفااااتح . . كان شعرها اسود والحين بني فاتح ف جد مغيرنها واايد . . قصت قصتها الطويله وخلتها لين الحاجب . . درجت شعرها وخلته مدرج واستشورته على برع بطريقه وايد حلوه . . . عقب ما خلصو من الصالون سارو يتسوقون وخذتلها عنود فستان اسود اثيري قصير . . مهره : بس يبالج تلبسين ذهب ابيض يصالق وبتكونين امييييره " تبتسم " عنود : احين مادري عموه كيف بتتصرف . . ترا هي حجزت لنا فالفندق والحين مادري كيف بتقوله روح الفندق . . تعرفينه محمد بيتم يستهبل بيطلع عيونها ! مهره : هههههههه لا ماعليج هيه تعرف له وبتروم عليه . . عنود : تقولين يعني . . مهره : هيه هيه لا تحاتين . . عنود : الحين بنروح الفندق . . اباج تمكيجيني اهناك لانه تعرفيني ماعرف امكيج عدل . . وساعديني شوي فالغرفه ابا اسوي كم حركه . . مهره : يالله . . راحو مهره وعنود الفندق . . ومن عقبها مهره تمت تعدل عنود وكثرت لها من المكياج باللون الابيض اللماعي مع روج احمر فاقع . . ماكان شي مجال عنود ترجع البيت وتاخذلها ذهب ابيض ف اكتفت باكسسوارت فضه شرتهم . . رتبو الشموع بطريقه ممر مثل ما كانت تبي عنود . . شموع صغيره بعده الوان m . . نثرت الورد على حرف ال وطلبت اكل خفيف وعلى طول طرشت مسج حق ام محمد" كل شي جاهز " مهره : عنلاته الدريول اتصلبه ما يرد . . عنود : احلفي . . وتمو يدقون له ما يرد . . مهره : عن ييي حمود وابتلش اهني مافيني على ضرافته الصراحه . . عنود : هههههههه مهره : بتصل ف حمد . . بس قبل لا تتصل فيه اتصلت ف سيف . . عنود : ليش تتصلين ف سيفووه مهره : ماقدر . . تعقدت خلاص مافيني سيف : الوو . . مهره : هلا سواف سيف : هلا حبيبي . . مهره : ترى انا ويا عنود فالفندق سيف : نعم ؟ فندق . . تخبلتو . . شو تسوون رواحكم ف فندق مهره : لالا . . عنود مسويه شسمه " تطالع عنود وتهمس بشفايفها ( شقوله ها ) " هيه مسويه حفله حق محمد . . سيف : وانتي شو تسوين وياها . . مهره : كنا نرتب الغرفه وجي شموع " مفتشله ماتعرف شو تقوله " وحركات سيف : هههههههههه حركات رومانسية . . مهره : المهم المهم سيف : لحظه لحظه . . بلاج مستحيه مهره : مش مستحيه " تغمض عينها بقوه " سيف : ههههههههه والله مستحية . . مهره : سيفوه خلاص ماشي وقت اسمعني سيف : انزين قولي . . مهره : نتصل فالدريول ما يرد وماعندي حد يردني . . ومافيني يي محمد وانا شكلي وايد غلط بكون سيف بخبث : وايد وايد غلط بعد مهره : سييييييفووه سيف : ههههههههههههه . . زين حبيبي خلاص بندي انا بتصل ف حمد بخليه يمرج . . مهره تبتسم : انزيين . . سيف : اي فندق انتو ؟ خبرته مهره . . سيف : خلاص الحين بقوله يييج . . بس ما تطلعين تمي فالغرفه انشبي لهم لين يوصل حمد سمعتي مهره : هههههههه انزين بس قوله ما يطول دخيلك مافيني جي اتوهق . . موقفي خايس سيف : هههههههههههههههههههههههههههههههههههههههههههههه . . مهره : حيوان نذل . . سيف : فديتج . . ههههههههههه يالله حبيبي بكلمه الحين . . وبند عنها واتصل ف حمد .. حمد : الوو . . سيف : مرحبا العضيييد حمد : مرحبا الساع . . سيف : شحالك . . حمد : يسرك الحال . . سيف : الفزززعه . حمد : امرر . . سيف : ما يامر عليك ظالم . . بس مهره متوهقة ف فندق ويا عنود . . تعرف عنود مسويه حركات ماصخه حق ريلها وحرمتي ابتلشت . . والدريول مايرد عليهم وتخاف محمد يوصل اهناك . . حمد : هههههههههه . . والله عنود مش هينه يا ريال سيف : هههههههههههه اسكت لا تضحكني . . المهم هم فـ فندق ******** مر عليها الله يخليك ولا تبطي حمد ابتسم : تمام . . سيف : اتصلبها اول ماتوصل عسبت تنزل لك . . لاني خبرتها ما تتزل لين توصل حمد : خلاص مايهمك . . سيف : يالله اخويه فمان الله حمد : الله وياك . . عقب ما بند سيف تم حمد يضحك . . > تفكيرهم الرياايييل بعد غير . . . . . محمد ببرود : امايا بلاج تحتشرين . . ام محمد : محمد انا حاجزتلكم الليله اهناك وانت بدال لا تروح وترتب المكان قاعد اهني بوزارك وفانيلتك المعفنييين . . محمد : امايا عن الغلط هاه . . ام محمد : قوووم يالله . . محمد : انزين هي بعدها فالصالون ام محمد : يا قوطي . . قاعده اقولك روح اهناك رتب المكان بعدين اتصل فيها قول لها انك بتاخذها وبعدين روحو الفندق . . محمد : انزين اصلا الفندق ما يباله ترتيب بروحه بيكون مرتب ام محمد تكفخه ع راسه . . محمد : آآآآآآآآيي ام محمد : رووح انا موصيه ع شمع وورد روح رتب وزين المكان . .خلك رومانسي شوي محمد : انزين انزين بروح ام محمد : يلاااا محمد : اروح جذيه امايا يعني . . بروح البس ترى . . وراح لبس وعقبها . . محمد : وحمد؟ ام محمد :لاتحاتي حمد . . بسويله الحليب وبشربه وبنومه لا تشيل همه روح يالله لا تتاخر . . محمد : والله انتي امايا حركات . .. . . رايح رايح . . . . . عقب 20 دقيقه . . مهره : الوو . . حمد مبتسم : انا تحت . . مهره : ااه الحمدلله انقذتني . . يالله الحين بنزل حمد : اوكي . . مهره تطالع عنود : يالله باي . عنود : مهور مشكوره حبيبتي وايد " تبتسم " مهره : افا عليج .. كثري من العطر . . عنود : اوكي وطلعت مهره . . محمد : مهروووووووه مهره تغمض عينها :مستحيل . . محمد : انتي شو تسوين اهني . . مهره : ها . . محمد عاقد حياته : هامبا . . مهره تطالعه : انا بروحي ماعرف شسوي اهني . . بس انت ادخل وخلاص محمد عاقد حياته مهره : مع السلامه . . وراحت وهي ميته فشششششششششله ! ركبت السياره وهيه خلاص منحرجه موت . . مهره : السلام عليكم . . حمد : وعليكم السلام . . " مبتسم بخبث " >> مهره . . شت ها ليش يضحك . . اوبسس . . ليكون سيفوه قاله شي الحيوان . . لا مستحيل . .اخيه وين احط ويهي . . حمد تم مبتسم وحس روحه بينطر ماقدر يسكت وتم يضحك ويضحك ويضحك . . مهره : سخيييييييييييييييييييييف حمد : هههههههههههههههههه مهره : والله سخيف انت واخوك الي مادري شو قالك حمد : هههههههههههههههه ماقالي شي بلاج معصبه مهره بحترق من الارتباك . . حمد : ليكون شفتي محمد مهره :شششفته . . انت ساعه لين تييييييي حمد : شسوووي زحمه . . مهره : اااه ويهي يحرقني . . حمد تم ساكت وبس مبتسم لين وصلو البيت . . حمد : قولي حق سلامه خل تجهز عشان نروح نتعشا برع . . مهره : خل نطلب اكل ويييبونه البيت . . . احس اني تعبانه وماقدر اطلع . . حمد ينزل :خلاص انا برووح اييب عشا . . وباجر مالج عذر بنطلع نتغدا برع . . لازم نغير نفسية سلامة . . مهره : اوكي . . حمد يبتسم : خلاص لا تنحرجين . . انا نسيت السالفه وراح عنها . . اما مهره طرشت ل سيف مسج " ياحيوان يا حمار يا سخيف . . اقص ايدي لو ماقلت لحمد شي طفس . . ع العموم ترى انا احين بقنع سلامه عشان نروح نتعشا كلنا برع . . " رد عليها " ظلمتيني . . .ماقلتله شي ابدا . . زين حبيبي " فالصوب الثاني ! دخل محمد وهو بعده مستغرب . . مهره شو تسوي اهني . . دخل وشاف الظلمه ولاحظ انارات حلوه . . تم مستغرب ويمشي . . عنود كانت منخشه ع طرف عشان اول ما يدخل تكون وراه . . عقب ما مشا محمد يته عنود من ورا وحظنته . . عنود : مفاجاأه ! محمد شعر ينبه وقف . . ومسك ايدينها الي ع خصره : عنوود . . عنود : بشحمها ولحمها . . صد ع ورا وشافها . . وانسسسسسحر فيها . !!! طول فتره الاربعين وهي شكلها وايد مرهق وتعبانه وكانت كله بجلاليب بيت . . من قبل الحمل ما شافها بهالحلا . .!! حتى ف عرس عذاري وحصيص ماشافها لانها تعدلت وتزينت وهو ماكان موجود وماشافها . . محمد : انتي عنود ولا قرينتها ؟ عنود : ههههههه تستهبل . . محمد : ي لبيييييييه . . . ي ويل حالي . . يلعني كم بعيششش .. عنود : بلاك قبل مقردنجي . . محمد يمسك ذقنها : هاي انتي والله . . الصوت صوت عنود بس الشكل يقول لا . . عنود تبتسم . . : لهالدرجه كنت بشعه . . محمد : حرام تظلمين كلمه بشعه عنود تضربه ع جتفه : حمار . . محمد يبتسم : فديت هالويه . . فديت هالطله . . فديت هالقمر الي جدامي . . انتي منو . . عرفيني عليج . . عشقتج من نظرة . . عنود تبتسم : هههههه حمود يوز . . محمد يبتسم : تخبليين . .تسحرين . . انتي مو انتي وانتي جعانه عنود : هههههههههههه . . وبعدين محمد : تسمحيلي برقصه معاج انستي . . عنود تبتسم : اسمحلك . . مسكها من خصرها وتم يرقص فيها بخفيف لين وصلو قريب السرير . . قعد ع السرير وخلاها واقفه مجابلتنه وهو يطالعها . . عنود : لين متى بتم تطالعني جذه . . محمد : تعرفين انه تقريبا كملت سنه ما شفتج وانتي بهالحلا وبهالسحر . .من اول ما حملتي لين ربيتي . . وبعد ما تبيني اشوفج ؟ عنود تبتسم . . محمد : خليني اكحل عيني . . خليني اشبع مع ان ماظن اشبع من هالشوف . . عنود " تبتسم " : منو قدي دام عينك بتناظرني . . محمد يطالعها بس ما يتكلم . . قعدت عنود حذاله وهيه تبتسم . . تقرب محمد منها ووخر الشعر الي كان ع عينها . . عنود تطالعه : حمود . . محمد : عيون حمود . . عنود : بسالك سؤال وجاوبني بصراحه . . محمد : اساليني . . عنود : بتجاوبني بصراحه محمد وهو يطالع عيونها بسحر : بجاوبج بصراحات مش بس بصراحه . . عنود : . .. محمد : . . عنود : تحبني ؟ محمد تم متامل في عيونها وهو يشم ريحتها الي ذبحته . . عنود بصوت واطي : جاوبني بصراحه . . محمد يهمس : احبج . . انقرص قلب عنود بقوه . . وحست الروح رجعتلها . . شكثر ولهت على هالكلمه منه . .شكثر انحرمت من كل شي حلو كان منه . . محمد يمسك ايدينها ويحطه ع قلبه : تسمعين ؟ والله احبج . . انتي عنودي . . انتي الي خليتي هالمكان ينبض كيف ماتبيني احبج ؟ الا احبج " يهمس " واحبج " يهمس اكثر" واحبببج . . Cut . , . |
| الساعة الآن 08:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir