|
سارة: ههههههههه احلفي ههههههه والله أنهم تحف.. دخيلج شوفيهم حصة: انزين شرايج بهالصورة؟ سارة: لااااااااااا لا تقولين أنها أنا.. حصة: ههههههههه ياحليلج يا ساروه سارة: وععععع صدقيني أشقها حصة: لا لا يأبوج تبين أحمد يذبحني..هههههههه بس الصراحة ما ألومج سارة: جب جب انزين.. وهذا منو؟ وايد حليو حصة: أشوف؟ ههههههههههههه سارة: بلاج تضحكين؟ حصة: ما علي حليو ها..تعرفين منو هذا؟ سارة وشكلها عرفت منو؟ سارة: لا تقولين...؟؟ حصة: هههههههههه هذا ريلج يا حلوة حارب... أونه حلو ها.. ما علي بقوله سارة وهي قافطة: وشو فيها يعني؟.. وبعدين أنا ما كنت أقصد حصة: لا لا تحاولين بقوله يعني بقوله سارة وشكلها عصبت: سيري لاه حصة: ساروه ورفجة شوفي هالصورة؟ سارة ونقعت من الضحك:ههههههههههههه أحمد صح؟ حصة: فديته قلبي والله.. مسوي روحه سوبر مان واقف فوق السطح سارة: ههههههههههههه وهذا ؟ أعتقد أنه علوي حصة: أشوفه..هههههههههه هي علوي.. وكملوا ضحكهن وهن يطالعن الصور ولمن خلصوا يت حصة بترفع الألبوم جان تطيح ورقة منه.. سارة: لحظة حصوة.. ورقة طاحت من الألبوم.. حصة: أشوف؟ ههههههههه سارة: شو فيها؟ حصة: مكتوب هني كل واحد وتاريخ ميلاده |
سارة: أشوف أشوف أول شي حارب 25/ 5/ 1978م.. سهيل 3/ 6/ 1978م.. علي 1/ 7/ 1980 أحمد 15/ 4/ 1982م.. سارة: أها.. يعني حارب أكبرهم حصة: فديت أحمدوه.. أصغر واحد من بينهم.... أقول سارة؟ سارة: هلأ.. حصة: تعالي اليوم مو 18/5/....؟؟ سارة: أعتتقد.. بس ليش؟ حصة: يالهبلة يعني بعد أسبوع تقريبا بكون عيد ميلاد حارب سارة وهي هب مهتمة: ويعني؟ حصة: شو ويعني؟ حبيبتي لازم تفاجئينه وتزهبين له مفاجأة صغيرة.. والله والله بيستانس سارة: خـــــــــــير؟؟إنتي صاحية..؟ حصة: يا ربي وشو فيها يعني؟ سارة حبيبتي انتي للحين هب راضية تقتنعين أن حارب صار ريلج خلاص يعني لين متى بتكابرين؟ سارة: صار ريلي؟ حبيبتي بالاسم وبسسسسس حصة: سارونة الله يخليج لا تضيعين هالفرصة من ايدج.. ويمكن سبحان الله.. من هالحركة يمكن ترجع المياه لمجاريها سارة: ومنو قالج إني أبي نتصالح؟ حصة: استغفر الله.. يعني ما تقولين لي لين متى بظلون جذه؟ يعني مو خاطرج تكونون أسرة وعايلة وتيبون عيال.. في ذمتج ما تتمنين جذه؟ |
سارة وهي تبتسم باستهزاء: ههههه ويا حارب .؟؟ ما أعتقد حصة: الله يهديكم بس سارة وشكلها اضايجت من رمسة حصة هي بروحها هب ناقصة حصة: سارة.. حبيبتي أنتي زعلتي؟ سارة: وليش أزعل وهذا الصج؟..المهم غيري السالفة عرفت حصة أن سارة قاعدة تتهرب منها عسب جذه ما حبت تضغط عليها زيادة .............................................. بعد أسبوع طبعا سارة نست السالفة.. أو بالأحرى نقدر نقول أنها تناست لكن حصة حطت الموضوع في بالها.. وتكفلت بكل التجهيزات.. في هاليوم حصة زارت سارة في بيتهم ورتبت الخطة.. الساعة 11,7 مساءا.. سارة توها ظاهرة من الحمام" تكرمون" ماخذة شور.. وقفت جدام التسريحة وسرحت شعرها بعد ما لبست برمودا أسود على قميص وردي ناعم..كان جنان عليها حطت جحال خفيف على عيونها.. مع كلوس روعة عقبها ظهرت الصالة وقعدت تطالع التلفزيون حصة في هالوقت دقت على الخدامة واتفقت وياها أنها تدخل جناح حارب وسارة عسب تحظر التجهيزات حارب كان متعود أنه يتأخر وطبعا بما أن سارة للحينه ترقد لحالها.. فما كانت تعرف متى يرد حارب.. وفجأة.... دخل حارب الجناح بعد ما فتح الباب بكل قوته.. حتى أن سارة نقزت من مكانها كان شكل حارب يخرع.. حالته حاله.. السفرة على جتفه وفصم كندورته كلها مفتوحة بعبث سارة انصدمت من شكله وعلى طول اعتدلت في يلستها.. تجدم منها حارب وعيونه مركزة عليها.. قعد جدامها وحط ايده على راسه.. ... لحظة صمت ... .......................................... |
.................................. ..................... .......... ... وأخيرا قررت سارة أنها ترمس.. سارة وهي مرتبكة: حـ..حــ..ــا..ر..ب؟؟؟؟ حارب للحين على حالته .. ما رد عليها سارة وهي تبلع ريقها وتحاول أنها تستجمع قوتها سارة: بــــــــلاك؟ حارب رفع راسه طالعها عقب صد الصوب الثاني سارة: شو فيك؟ حارب: وايد يهمج يعني؟؟؟؟ سارة: ........... تعبان؟ حارب وهو يبتسم بسخرية: ههههه وإذا تعبان؟ شو بتسوين يعني؟ سارة قبل ما تقدم على هالحركة فكرت وايد .. لكن في الأخير استجمعت قوتها وقررت أنها تسويها.. جربت من حارب وجابلته.. وحطت ايدها على يبهة حارب عسب تتطمن على حرارته.. حارب في هالوقت ما صدق أن سارة هي اللي قاعدة جدامه.. قعد يطالعها وعيونه في عيونها ويوم كانت بتسحب ايدها مسكها .. وحطها على صدره.. سارة ما رامت تسحب ايدها وخاصة أن حارب كان ميودنها بقو.. ظل فترة على هالحال وعيونه مغمضة.. سارة: حــ..حــ.. حرارتك وايد مرتفعة حارب:.................. سارة: حـ..حــ..ــا..ر..ب؟؟؟؟ حارب وهو يفتح عيونه.. سارة ارتبكت بعد ما طاحت عيونها في عيونه.. وصدت عنه حارب نزل راسه ومسك ايدها بقو جنه ياهل زايغ أنه يفقد أعز شي عنده سارة حست أنها لازم تتصرف.. سحبت ايدها شوي شوي وربعت صوب حجرتها عسب تييب له كمادات أول ما دخلت سارة الحجرة.. انصدمت.. كيكة صغيرة .. وحواليها شموع.. إضاءة خافته مع شوية ورد منثور في الحجرة.. وفوق السرير هدية مغلفة.. ربعت صوبها.. كان عليها ورقة مكتوب فيها.. |
غنوا لحبيبي.. وقدموا له التهاني.. في عيد ميلاده عساها مئة عام أفرح حبيبي واطلب أغلى الأماني الليلة يا عمري تناديك الأحلام 25/ 5/ 1978م.. ما تتخيلون ردة فعل سارة في هالوقت.. دمعت عينها.. معقولة.. معقولة حصة زهبت كل هذا..؟؟؟ وأنا؟ أنا شو اللي سويته؟؟؟؟؟؟؟؟ وصدت صوب الصالة.. بعد ما طاحت عيونها على حارب اللي كان منسدح فوق القنفة.. فرت الورقة وربعت صوبه.. سارة وهي قاعدة جدام حارب وعيونها ممتزرات دموع.. مسكت ايده وحضنتها بقو.. وقعدت تناديه.. سارة: حــــــــــارب.. حـــــــــــارب رد عليه؟ الله يخليك؟ حارب وهو يسمع صياح سارة.. ما قدر أنه يفتح عيونه.. كان يحاول بس بصعوبة.. كانت حرارته مرتفعة وايد.. ما لقت جدامها غير أنها تنزل تحت عسب تخبر خالتها ظبية.. وقبل لا تنش.. حست بإيد دافية تمسكها.. حارب وهو مغمض عيونه: خليج هني سارة:حــ..ــا..رب.. ما يصير لازم أخبرهم حارب وبنبرة حادة: قلت لج ..خليج هني.. سارة بعد ما سمعت نبرة صوته ما كان منها ألا أنها تطيعه وخاصة أنها عاذرته في هالوقت طول الليل وسارة سهرانة ويا حارب اللي ماهد ايدها مولية.. "مد الخطاوي وعاود يا خلي بساع..في خافقي صار حبك يالزين مطبوع الحب بيني وبينك مكشوف القناع...يعطي البراهين مابين آهات ودموع" ......................................... |
| الساعة الآن 08:10 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir