منتدى استراحات زايد - سكر عيونك حبيبي وشوف كيف دنياي بدونك

الجزء الواحد والعشرون

(( غايب حبيبي مآ وصلني سلامة ..مدري غيابهـ عذر أو شي مقصود .. مو عادته يبخل على بأهتمامه ..دآيم يطمني ولو كان موجود..ما ابغي أشوفه بس أبسمع كلامه .. لا صار طيب راحتى مالها حدود ))
/
/

مشاعل : وشخبارها الحين ؟
منصور : الحمد لله أحسن
مشاعل : شو ياها حبيبي ؟؟
منصور : ماعرف عمري ..تعبت علينا فجئه وأغمى عليها
مشاعل : ما تستاهل غادوه حبيبتي والله
منصور : هيه والله ما تستاهل بس لا تحاتينها راقده الحين
مشاعل براحه : الحمدلله ..ونا وايد حاتيتك قلت وينه اليوم ما عبرني
منصور : كنت مشغول عمري وانت عارفه اني استغل الدقايق بس عشان ارمسج وأكون معاج
مشاعل : عارفه حبيبي
منصور بتعب : اليوم منهد حيلي
مشاعل : ارقد وأرتاح
منصور : مابا ابا اكوون معاج شوي مشتاقلج وايد
مشاعل :يا عمري
منصور : والله أنج تنسيني الكون باللي فيه
مشاعل استحت : وانت بعد
.
.
.
.
أم منصور : بشري امايه ؟
هند : سهل
أم منصور : الحمد لله افتكيتي
هند مبتسمه : هيه واخيرا ..صح غادوة شخبارها ؟
ام منصور : بخير لا تحاتينها وديتلها الريوق لين غرفتها وريقناها انا وأبوج غصب
هند براحه : زين طمنتيني كنت احاتيها
ام منصور : بتصل ع منصور بخليه يشلج
هند : لا ما يحتاي برجع مع ريموه
أم منصور :عيل برايج بنيتي وباركيلها
هند : ان شاء الله ..صح احتمال أتاخر شوي لا تمين تحاتين
أم منصور :تمام ياله مع السلامه ربي يحفظج
هند : مع السلامه
تصد صوب ريم : امايه تقولج مبرووك
ريم مبتسمه : الله يبارك فحياتها ..هندوه ياخي ما مصدقه ان خلصنا
هند : تصدقين ولا انا ..بذات هالسنه طلعت من عيونا.. ان شاء عاد نيب نسب حلوه
ريم : ياخي طبي النسب صوب اهم شي افتكينا
هند :ههههههههههههههه صدقج
ريم : اممم هندوه شرايج نخلي سعود يودينا المول ؟
هند تفكر: بس انا ما خبرت امايه
ريم : خالوه تدري انج معاي وانتى قلتيلها انج بتتاخرين
هند بدت تقتنع : صح بس غاده
ريم : تراج لوعه.. غاده امج معاها مب مفروره فالشارع ..خلينا نستانس بنتغدا وبنحضر فلم وبنرجع
هند ببتسامه شاقه الحلج : اوووووكيه
.
.
.
.
.
مريم صارلها اسبوع حابسه نفسها فالغرفة ما ظهرت مكان .. لا تاكل ولا تشرب ..
دخلت أمها الغرفه يابيه معاها الغداء حطته ع الأرض .
.وراحت صوب الدريشه وفتحتها : بسج رقاد قومي
مريم تلحفت وصدت الصوب الثاني عنها
تقربت منها أمها ومطت للحاف بقو
مريم تضايقت : شو فيج ابا ارقد
أمها : سمعيني تراج مصختيها صار لج أسبوع على هالحال ونا مب عارفه شو فيج ..بترمسين وبتقولين شو فيج ولا أخبرعليج خالج
مريم : وخالي شو خصه كل ما صار شي دخلتيه فالنص
أمها : عيل رمسي وخبريني شوفيج
مريم تتأفف : استغفر الله
أمها عصبت: شوفي مريوم بظهر عنج الحين .وبرجعلج بعد ساعه اذا شفت الأكل مكانه والله بخبر عليج ابوج وخالج وبخليهم يتصرفون معاج ..بنات اخر زمن
وطلعت من الغرفه
مريم تصيح : محد حاس فيني .. حتى غاده من خبرتها لادقت تطمن على ولا شياته
اول ممره أحتاجها وما احصلها
مسكت تليفونها ودقت ع غاده: ليش ما تردين علي ؟؟انتي عارفه اني محتاجتنج
دقت ع محمد رد عليها ع طول
محمد :انتي وبعدين معاج ؟
مريم تصيح : حرام عليك اللى سويته
محمد ياخذ نفس : شوفي يا بنت الناس انا غلط أعترف بغلطتي وندمان وووايد ما تتخيلين أشكثر ندمان بس شو اسوي كنت حاطنج فبالي وما رمت اقاوم نفسي
مريم تصيح : يا سلام حطيتج فبالي "تضحك "وخذت اللى تباه والحين بتفرني
محمد : انا تغيرت مريوم وانتى لازم تتغيرين وأتوبين
مريم تصارخ : انت ما تفهم حمار ..وأذا تغيرت منو بيرضا ياخذ وحده شراتي
محمد سكت شوي ومريم تصيح بصوت يقطع القلب
محمد حس بلووم بس مستحيل يرضى فيها زوجه : انا خطبت اخت ربيعي
مريم : وانا
محمد :وبعدين معاج انتى ..قسم بالله راحمنج بس ما أقدر أساعدج خلاص فهمي انا احب هالبنت من زمان وعمري ما فكرت بغيرها حليله لي
مريم بطنازة : تعرفها من زمان ما شاء الله
محمد : شفتها مره وحده ومن بعدها سكنت قلبي
مريم تضحك بهبل مب مستوعبه وقاحته
محمد يكمل : أخوها أخو دنيا
مريم للحظه خطرت عبالها غاده
مريم : شوو أسمها ؟
محمد : أسمها غريب وحلوو
مريم : جهنم مثلا ؟
محمد : غاده
مريم جنه حد صب عليها ماي بارد ..غااااااااااده .غاااااااااااااااااااااااااده عشان جيه ما ترد علي
محمد : الووووو وينج
مريم فرت التليفون ونشت من على الشبريه ولبست عباتها
.
.
.
.
.
أمايه : انتي مصره ع رايج ؟
رديت عليها بعناد : هيه
أمايه : ماما لا تتسرعين فكري زين بعده عندج وقت
مسكت الفون وشفت اتصالات مريوم وحسيت بضيج لآني مب قادره ارد عليها ..رجعت طالعتها : فكرت بما فيه الكفايه
أمايه مستغربه : شو سبب رفضج ؟
غاده : ماشي بس انا ما افكر بالزواج الحين
أمايه : ومتى بتفكرين ان شاء الله ..الريال ما ينعاب وربيع أخوج حرام تفرطين فيه
أدري انج تحبين محمد وايد وتبيني اكون زوجته بس هالشي مستحيل ..رديت عليها : أمايه قتلج ما ابا أعرس بعدني صغيره لاحقه ع الشقاء
حركت راسها يمين ويسار :لاإله إلا الله ..انتى مب صغيره مثل ما تقولين ..بنات أصغر عنج معرسات وعندهن عيال وانتي ع قولتج صغيره "تنهدت " ما بخبر أبوج بردج ..عندج هذا الأسبوع فكري فيه ..والله يجدم اللى فيه الخير
ببرود : اسبوع اسبوعين أنا عند رايي
تضايقت مني : انزين أنا بروح اشوف ابوج
وطلعت من الغرفه
لحقتها ومشيت للباب وقفلته على نفسي ..تعبت منهم محدد راضي يحس فيني ..كيف أخذ حمود ..لو على قص رقبتي ما خذته ..والله لو مريوم تعرف بتقطع علاقتها فيني .. يحليها ما عرف شي عن وضعها ..بس جيه احسن لين ما أتخلص من هالبلوه اللى فيها عقب بروحلها وبفهمها كل شي وأكيد بتعذرني .. وحمود هذا صدق وقح وفحياتي ما بشوف أوقح عنه .. وأكثر شي قاهرني ابوي وأمايه شايفينه ملاك ..ما عارفين شي عن بلاويه ما الومهم بس منصور "تنهدت بقو " اه يا منصور تفر أختك هالفره بس لانه ربيعك مستحيل ما يعرف عن خرابيطه وهم لزقه فبعض .. اكيد يعرف ولا بعد يباني اخذه "بستهزاء " وايد يخاف علي أخوي
فجئه سمعت الباب يندق بدفاشه
اكيد هاي هندوه دفشه هالبنت من صغرها ..رحت صوب الباب وفتحته ..شفت اللى ما كنت مستعده أني أشوفه
مريوم دزتني داخل الغرفه ودخلت :انتي شوووو من الناس شووو
طحت ع الارض من قوة الدزه : مريوم خليني افهمج
مريم تصيح : تفهميني شووو؟ انج خذتيه مني ..أنج كنتي تحاولين تبعديني عنه لأنج راسمه عليه
ما رمت أتحمل أتهاماتها وصحت : حرام عليج تظلميني
تصارخ علي : واللى سويتيه فيني مب حرام
كنت اصيح ومب قادره أرمس
مريم : انتى وحده وصخه ..قربتج مني وعديتج أخت بس طلعتي عقرب تميتي تحفرين من تحتي لين ما خذتي مني كل شي ..تعرفين ان محمد لمسني وخذ مني أغلا ما أملك وأنتي الحين خذيتيه مني
"تقربت مني وتمت تضربني وتصارخ ونا فمكان حتى ما دافعت عن نفسي "
سمعوا صريخها امايه وهند ويوا غرفتي يركضون شافوني طايحه ع الأرض ومريوم تضربني
مسكتها هند وبعدتها عني
أم منصور : طلعي برع بيتي ؟؟ انتى منو عشان تمدين أيدج ع بنتي
مريم كانت فحاله هستيريه من الصايح
ونا ما كنت أحس بشي من كثر الألم اللى كان مسيطر على حزتها
مريم أطالعني : كرهتج كثر ما حبيتج ..الله لا يسامحج لا دنيا ولا آخر وطلعت من الغرفه
من طلعت انا شهقت من الصايح : حرام اللى قاعد يصير
امي تهديني : اهدي حبيبتي راحت خلاص
تميت أصيح بصوت عالي وأمايه حاضنتي .
.
.
.
.
.منصور : أنا قايل حق غاده تقطع علاقتها فهاي البنت بس الله يهديها ما تسمع الرمسه
أم منصور : قلبي معورني عليها قطعت قلبي من الصايح
منصور : زين ويوم شافت معدنها عشان تبتعد عنها
أم منصور : حبيبتي غاده ..أباك توديني بيت ربيعتها وبروح عند أمها وبهزبها جيه بنات الناس لعبه عندهم
منصور : لا أمايه لا تكبرين الموضوع
أم منصور : أنت ما شفت اللى شفته وللا ما قلت هالرمسه..هاي بنتي ونا ما ارضى عليها
منصور : حتى أنا ما ارضى عليها بس خلينا نطمن ع غاده قبل عقب يصير خير
أم منصور : الله يحميكم ويبعد عنكم الشر مالي غيركم بهالدنيا
منصور : أممممين يا رب
.
.
.
.
بطلت عيوني شفت الظلام فالغرفه ..لفيت الصوب الثاني حصلت شخص راقد حذالي تقربت منه شوي ..شفت ملاح هند اختى ..حسيت براحه كبيره من شفتها ..لحفتها عدل ..الغرفة كانت بارده وايد ..تميت أدور تليفوني على الشبريه ابا اعرف الساعه جم الحين .. بس للاسف ما حصلته ..رجعت أنسدحت ما فيني طاقه أنش من على الشبريه وأدوره أحس جسمي متكسر ..للحظه يت عبالي مريوم ونظرتها صوبي وهي تقولي أكرهج ..نزلت دمعه حاره من عيني ..يارب أنت عارف باللى فيني يارب تساعدني يارب "تنهدت" الألم اللى أحسه فيوفي أكبر بوايد من عوار جسمي ..الله يسامحج مريوم ظلمتيني ..حاولت أغمض عيوني وأطرد كل الأفكار اللى يتني بس ما رمت ..تميت أستغفر وأستغفر وأستغفر لين ما غفيت
.
.
.
.
محمد : يعني أنت شو حاس بتوافق ولا لا ؟
منصور : البنت تفكر
محمد بقهر : كل ما سألتك قالي البنت أتفكر ..بس ما جنها طولت "بوز" إذا رافضه وانت مستحي تقولي لا تخاف قول بتقبل الوضوع
منصور أبتسم : شفيك الحين عصبت ؟ شو هالرمسه رافضه ومستحي تخبرني
محمد : ما تشوف عمرك كيف ترمس
منصور :ههههههه
محمد : تبا تجلطني انته ما عندك أحساس
منصور : بصراحه لا ما عندي ..أهم شي عندي أني بخذ البنت اللى أحبها
محمد يعايب عليه : أهم شي بخذ البنت اللى أحبه ..نسينا ما كلينا هاه ..ما تذكر عمرك كيف كنت قبل لا تخطبها
منصور نقع من الضحك ::هيه ما أذكر صراحه ذكرني ههههههههههه
محمد ما رام يتحمل ..نش من على الطاوله زعلان
منصورلحقه وزخه وهو ميت من الضحك : اسفين يا ريال .,وهاي بوسه
مسك راسه وحبه : حقك علي يا روميو
محمد اونه معصب : قوم عني بروح البيت
منصور: وابوي عليك أنا ..أقعد بعزمك ع العشاء
محمد : دام السالفه فيها عشاء خلاص رضيت
منصور : أدريبك كل شي ولا بطنك ..ياله رد أقعد فضحتنا

.
.