الجزء الرابع الاربعون

اذا قلبي بنبضاتـــــــه نـــــــسيك *** عيوني بالمحـــــبه لك تخالــــي
يضيج من الهوى صدري واجيك *** واصرخ هاجسي فوق احتمالي

فاضل : صح الكلام اللي يقوله اخوك ولا لا .
يابر وهي يطالع خليفه بعيين حاااااره ..
خليفه : هيه نعم صح ..
عزه وهي اتصيح : اشعنه يا خليفه اتسوي ابها جذيه اشعنه يابويه وهي الحرمه اللي حشمتك وسترت عليك .. يعلني افداها مانطقت ابشي ولا فضحتك ولا قالت فيك وفيك قبل لا تروح رضت انها تجذب وهي اللي في حياتها ماجذبت في شي بس عسبك انته عسب ماتتطريك جدامنا بالشينه واخر شي اتسويبها جذيه..
فاضل : انته ماتستاهل هاي الحشمه ولا الستر .. تستاهل الفضيحه ..
خليفه وقلبه مقبوض ويحس انه الرمسه تظهر لا اراديا : سمعونيه كلكم انا ريال واللي في راسي بسويه .. تبون تتطردوني عادي اطردوني .. بس ولا انكم اتعاملونيه معامالة اليهال هاي ..
فاضل : صااااااء .. مسود الويهه مسود ويهك وبعد ياي تتطاول علينا .. لاتحط في بالك انيه ماروم اطردك انا اروم انيه اطردك وارد حرمتك وخليها قاعده عنا معززه مكرمه .. بس انا عارف انك انته اللي بتضيع ومحد بينضر كثرك اذا انا طردتك.. وكثر مانته دمران بتتدمر ازيد .. انا مابا العرب ترمس عليه واتقول طرد ولده من البيت يسد الرمسه اللي بتظهر عليه .. منك ...انته ماتستحي ولا اتخيل .. اعنبوك ماكملت سنه ع عرسك شو اللي ياك شو اللي جلب حالك جذيه .. وين خبالك علبيها وين حبك الها هاذا كله سار وانتهى عسب وحده خايسه الله يعلم من وين ظاونها ... وحط في بالك انك لا انته ولديه ولا انا وابوك اعتبر انه وجودك معانا من عدمه تفففففففهم ...
يابر: ابويه الخايسات من وين يظووون عليهن الا من الشوارع ..
خليفه وهو توه بينش حق يابر عسب يضارب معاه : اسككككت احسللللللللك ..
فاضل : بتضرررربه جداميه يالسباااااااااال ..
خليفه وهو يتكلم بطريقه وحشيه : انا هب سبال .. تفهمون ولا لا واقولكم اياها من الحينه هاي البنيه انا اباها وباخذها .. واللي في راسي بسويه وانتوااااا كلكم مالكم خص تفهمووووووون ..وظهر عنهم ..
وتمت عزه اتصيييييييييح ونوف ماسكتنها . ..
نوف : بس يامايه خلاص .. هاذا اكيد حد لاعب في عقله .. اكيد هب صاحي .. انا ماصدق انا هاذا خليفه اللي جداميه ...
عزه وهي اتصيح : حرام عليه اللي يسويه في ميثه فديييييتج ياميثه والله فديتج والله يانها ماتستاهل ..
فاضل : اشعنه اتصيحين عليه مسود الويهه .. لا حشيمه ولا مذهب ياخسارة تربيتيه فيه ..
يابر: ابويه لا تحر روحك عسب واحد شراته هاذا شي فيه مستحيل ايكون صاحي ..
عزه : وين اودي بويهيه منها ومن ختيه شمه .. وين اودي ويهيه ..
فاضل: الله يفضحه شرات مافضحنا مسود الويهه الحينه يوم بيرد المر من القنص وين اودي ويهيه ..
عزه : يافاضل لا اتقول جذيه مهما كان هاذا ولدنا والله ان شاء الله بيهديه ..ونش فاضل وظهر من الصاله معصب وسكر الباب بقو وراه ..
يابر: واحد شراته ماظن انه ينهدي ..
عزه وهي اتصيح : لا يابويه لا اتقولون جذيه هب هاذا ولديه اللي يسوي في حرمته كل هاذا انتوا كلكم ماتعرفون شو ميثه بالنسبه لخليفه عسب جذيه انا هب مصدقه لين الحينه الرمسه اللي سمعتها ..
يابر: يامايه نحن كلنا ماكنا متوقعين هاذا كله بس كل شي جدام اعيوني والرمسه اسمعها باذنيه من فلان وعلان .. كل الشباب ايقولوليه شو بلاه اخوك اتخبل يحوط ويا هاي السباله في المولات ..
نوف : امايه اتعرفين منوه البنيه
عزه وهي تمسح ادموعها بشيلتها : منيه الله ينتقم منها ان شاء الله ولا يوفقها في حياتها ياربي
نوف : امايه هاي السباله حمده بنت المغربيه ..
انصدمت عزه وتمت ساكته : اعنبوها زاد هاي مسودة الويهه هي وبنتها ... اخر شي جذيه اتسوي ابنا عطيني عطيني التلفون .. خليني اتصل ابها اراويهالا هاي السباله هي وبنتها كيف يتجرأن انهن يطالعن اعمامهن ...
نوف : امايه سكتي عن الموضوع خليهن ايولن اكيد مسويله شي .. ساحرينه ..
عزه : استغفر الله يابنتيه لا تحطين في ذمتج .. وهالشي مايباله سحر ولا شي عادي يستوي بالمسايس ..
يابر: امبووووونه ولدج ملعوب بعقله ..
نوف : امايه تتدرين انه يبا يعرس ع حرمته ..
وردت عزه مره ثانيه اتصيح : ياالله ياربيه انا الين الحين هب مصدقه اللي يستوي ابنا ياربيه انك ترحمنا يارب ارحمنا ..
يابر: بس يامايه من اصبحتي وانتي اتصيحين واحد مايسوى ..
عزه : يابر اتحمل ياولديه حد ايقص عليك وتستوي شرات اخوك.. واتسوي بحرمتك ترا حرمتك محد يسواها فالهدنيا ..
يابر: افا عليييج ياام زايد ماهقيتها منج .. ريسه نظر اعيوني اللي انظر به ..
عزه : والله انيه هب عارفه شسوي في هالولد .. ومفتضحه من شمه ومن ميثه . والحين بيونيه كيف اجابلهم الله يسود ويهك ياخليفه شرات ماسوودت ويهيه . ليتني خليتك تاخذ اللي كانت في خاطرك ولا بليت ميثه يعلني افداها فيك ..
نوف : ابرايكم انا بروح غرفتيه شويه ..
راحت عنهم نوف صوب غرفة ريسه وحدرت على ريسه اللي كانت قاعده ادخن كنادير يابر في الكبت ..
نوف : السلام عليكم ..
ريسه : هلا وعليج السلام شو استوا
نوف : اشعنه شردتي
ريسه : مافيني وبعدين مابياخذ راحته وانا مارمت اقعد الصراحه ريلي امرره خارها ..
نوف احسن شي ايسوي فيه ..
ريسه : شو ردت فعل امايه وابويه
نوف : ماشي ابويه ظهر معصب وكان بيروغه من البيت ..
ريسه : والله انيه كنت متوقعه انزين وخلاف ..
نوف : ماشي قاله انه مابا الفضيحه جدام العرب بس لا انته ولديه ولا انا ابوك..ومايشرفني بولد شراتك ..
ريسه : لاحول ولا قوة الله بالله العلي العظيم .. وين هالمشاكل كانت امخبايه النا ..
نوف : وتتدرين انه يبا ايعرس وياخذها ..
ريسه وهي منصدمه : حرااااااااام عليه والله حرام عليه هو اشعنه ايسويبها جذيه اشعنه .. والله قههههر قهر والقهر الاكبر انها لين الحينه متعلقه به وتباه يالاااه اشعنه هاذا كله يستوي ابها ..
نوف : والله انيه ماروم ارمسها ولااروم انيه اتصل اتخبر عنها مفتضحه فيها وفي خالتيه شمه ... والله انه سبال .. الله يفضحج ياحمدووووه يالسباله ولا يستر عليج في يوم ..
ريسه :تعالي نوف اللي شفتها معاه انا شايفتنها مكان بس وين ماعرف
نوف : شايفتنها في التقنيه مالتكم هي تتدرس معاكم .. في نفس الفل اللي انتي فيه
ريسه :هيييييييييييه حمده القبيسي اللي اربيعتها وديييييمه هاك اليوم كنا نتمشى انه وميثه ويت وسلمت على ميثه ..
نوف : طالعي الوقااااااحه .. والدناااااائه كييييف .. والله انها حقيرررررره ..
ريسه : والله انها بتشووووف شو بسوي فيا بخليها تكره حياتها ..
نوف : والله انيه لو وياكم في التقنيه بخليها اتعيف شي ا سمه دراسه وييت تقنيه ..
ريسه : افا عليييييييج ... دواها عندي ..
وشويه ورن تلفون صالة قسم يابر..
ريسه : رقم قوم شمه .( شلت السماعه ) .. مرحبا ..
ميثه : ..
ريسه : فدييييييتج ياميثااني والله يانج بنت حلال
ميثه : والله شو كنتوا اتقولون عنيه
ريسه : ماشي نطريج انا ونوف ..
ميثه : هييييييه الا نوف شحالها من زمان ماسمعت صوتها
ريسه : هاذي حذالي تبينها ..
ميثه : هيه عطييني اياها ..
يت نوف وشلت السماعه وهي قافطه حدها من ميثه ..
نوف : السلام عليج..
ميثه : وعليكم السلام والرحمه حيالله القاطعيين ..
نوف : اسمحييلي الغاليه والله سمحييلي والله ياميثاني يعلني افداج انتي اتعرفين غلاتج كيف في قلبيه والله انيه اسفه والله .. بس والله انيه مالي ويهه ارمسج عقب اللي سواه فيج خليفه ...
ميثه : نوف والله انج الحينه صدق برمسج اليه زعلتيني .. نوف انا وانتي شو انتي اتعرفين غلاتج .. واللي سواه خليفه انتوا كلكم مالكم خص فيه انا مستحيل احمل اي حد منكم الذنب ..
نوف : فدييتج والله يالغاليه من طيب اصلج ..
ريسه : عطيييني عطييني اياها بقولها شي ..
نوف : ريسه تباج ... وعطت نوف السماعه حق ريسه ..
ريسه : تتدرييييييييين
ميثه : شوووو
نوف : ابرايج انا بسير اشوف امايه احيدها مستضيجه ..
ريسه : خلاص ماعليه ..
ميثه : اشعنه شو بلاها امايه عزه
ريسه : يابر خبرهم عن كل شي سواه خليفه ..
ميثه وهي منصدمه : حراام عليه اشعنه ايخبر عليه جوفي الحينه اكيد استضاجوا او صارابهم شي ..
ريسه :لا ماصار شي ... انتي لين متى بتمين جذيه ادافعين عن انسان مايحبج ولا مهتم فيج ولا معبرنج لا وشو يبا ايعرس عليج خلاص هو قرر انه يعرس جريب اشعنه هالحب كله له في قلبج بعد كل اللي سواه فيج لين متى بتمين ذليله هااااااه .. طالعي من متى وهو هب مفتكر الحينه كملتوا اسبوعين وانتي بيت هلج وهو لا معبرنج ولا حتى سؤال يسال عنج ...
ميثه وهي اتصيح : ريسه منوه اللي يبااها خليفه
ريسه : وحده حقيره وحده انتي عطيتها ويهه
ميثه وهي اتصيح : امنووووه امنوووووه هيه دخيلج ياريسه رمسي رمسي ..
ريسه : حمده القبيسي اللي ويانا في التقنيه اللي في ثاني سنه ..
ميثه وهي منصدمه : هاي هيه اللي من اول يوم شافت ريلي في البييت حطت عينها عليه وقعدت تتطالعه كيف عرفته وكيف اتقربت منه كيييييييف
ريسه : اشعنه هي وين شافته
ميثه : هاك اليوم يوم كنتوا انتوا مسافرين يتنا البيت وقعدت تتطالع خليفه . ويلست ميثه اتصيح ..
ريسه : كيف ايبدي عليج انسانه شرات هاي منحطه كيييييييف
ميثه وهي اتصيح : ماعرف كيييف مااعرف كييييف هان عليه هالحب عسب ايسوي به جذيه مااعرف اشعنه لهالدرجه النذاله وصلت فيه ومن وين يابها يعلني اموت وارتاح من هاي الدنيا ليتني ماحبيته ليتني ماخذته عسب اجوف اللي انا يالسه اشوفه الحينه من غدر الزمن اليه .. ويلست اتصيح كانها ياهل يتوسل حق شي ولكن هالشي هو واثق اميه بالميه انه راح عنه وماظن انه في يوم ايعود .. تمت ريسه ساكته وادموعها ع خدها ميثه كسرت خاطرها بس بعد ميثه لازم تستوي قويه وماتخلي هالشي نهاية الدنيا الها .. فرت ميثه السماعه وراحت غرفتها .. وشمه هالوقت كله كانت تتطالعها منصدمه ودموعها على خدها عليها اشعنه بنتها تتعذب هالعذاب شو اللي يخلي بنتها اتسوي بعمرها جذيه شو هالشي .. الله يظلم كل من ظلمج يابنتيه .. وراحت خلاف شمه عند السماعه وقعدت اتكلم ريسه وخبرتها ريسه بكل شي ..

بيت المر الرميثي ..
يوم الخميس ..
الساعه 10 فليل ..

ابطوي صفحة الماضي *** وابطفي نوري واطفيك
كأنه ماعرفنا الــــــحب *** وكأنه ماحضر او صار

ميثه كانت طايحه على شبريتها واتصيح ... وكانت اتقول في خاطرها عقب كل هاذا ياخليفه اتسوي ابيه جذيه وتتخلى عنيه عسب منوه عسب وحده ماتستاهلك ولا تستاهل ظفر من اظفورك واتبيعني وتخرص ابيه لهالدرجه صبرت وياك وصبرت وانا بعيده عنك قلت يمكن تتغير يمكن اتحس فيني يمكن تشتاق اليه معقوله قلبك ماهزه الشوق .. معقوله ماتذكرت لحظة حب ويايه معقوله عمت عينك عن كل شي .. ولا صدق اللي قالوه عنك انك ماتستاهل حبيه الك وانته ماتستاهل انه حد ايحبك او انه حد ايعيش ع ذكراك .. الحينه بس اتاكدت عدل انك ماتستاهلني ولا تستاهل حبيه .. لك والله ياخليفه نكرانك اليه وهجرك اليه حط في بالي شي واحد انيه من يوم ورايح اكرهك وماتحمل طاريك .. الله يلعن الساعه اللي حبيتك فيها هيه نعم اكرهك ومن كل قلبيه هاي الكلمه ظهرت ومابكرهك ليوم ولا ليومين صدقني بكرهك طول عمريه علىاللي سويته فيني على الذل اللي ذليتني اياه على الهجر اللي هجرتني اياه ومافتكرت فيني ولا افتكرت في اللي في بطني روح عساك ماترد في يوم من الايام.. بعدك وغيابك عني بيقسيني عليك .. واوعدك بالهشي .. وتمت اتصييييييييييح.. لا لا انا احبه اشعنه اقول عنه جذيه .. احبه اي احب هاذا اللي انا ارمس عنه .. لازم اكون اقوا عن جذيييه لازم لازم .. وتمت اتصيييييييييح .. وخلاف حدرت عليها امها . . وتمت تطالعها .. رفعت ميثه راسها من على المخده وشافت امها واقفه فوق راسها وتتطالعها واعيونها مليانه ادموع .. قعدت شمه حذال ميثه وحطت راسها على ريلها .. وتمت تمسح ايدها على شعر ميثه ..
شمه : اشعنه يامايه ماخبرتينيه اعنبوه ماتوصل لمسالة انه يعرس عليج وتسكتين ولا ترمسين ولا تخبرين عليه ..
ميثه : امايه هاذا ريلي .. وخلاص اللي استوا استوا ..
شمه : يابنتيه انتي بنتيه ومايهون عليه الله اتسوينه في عمرج .. خلاص دام هو يبا هالشي لا تعذبين عمرج اكثر عن جذيه ..
هزت ميثه راسها وهي تبتسم ابتسامة الم : يامايه اعرف انج شاله همي وتحاتيني بس صدقينيه ماله داعي نصيبي في هالدنيا باخذه .. صدقينيه وهاذا هو نصيبي ولازم انيه ارضا به ..
شمه :فدييييتج يامايه . .وتمت شمه قاعده عند ميثه ...

لي قلب محد هز عرشه ولا جاه *** ومحد تجرأ يطلع في كــــتابه
كم مر من عند حبايب بدنـــــياه *** وكم واحد ينشد لقلبي اعجابه
لكن قلبي محـــــــد منـهم اغراه *** كل الوجوه اللي تمر تتشابهـه
الا انت صوتك كل ماقلت بنساه *** احس لك وحشه وقدر ومهابه

بيت بو حمد الفلاحي
بعد صلاة الجمعه
الساعه 1 الظهر ..

ام حمد : هاه ابويه حمد مستعد للخطبه اليوم
حمد وهو منصدم : هاااااااااااا حددتي وياهم الخطبه اليوم ..
ام حمد : هيه نعم حددنا الخطبه معاهم اليوم .. ترا امها اتصلتبيه وشاورت اخوانها وابوها وعيال عمها وخالها وخالتها واليوم بنسير صوبهم بنشوف البنيه وبنخطبها رمسي ..
حمد : لا والله واشعنه ان شاء الله يشاورن اعيال عمها وخالها وخالتها
ام حمد : وايه بالستر .. هالشي لازم انه يستوي في كل بيت ..
حمد :شو هالخرابيط ..
ام حمد : لا خرابيط ولا الله قاله ..
ودشت عليهم فاطمه ..
فاطمه : السلام عليكم .. وراحت صوب امها وحبتها ع راسها ..
حمد : وانا بعد ( وجدم راسه صوبها )
فاطمه : بتبطي مسود الويهه ..
حمد :حبييينيه اقولج ..
فاطمه : اليوم بنسير انخطبلك وخلاف بتعرس وبتييب حرمتك عندك .. وخلها تشتغل فيك حب ..
حمد وهو مستانس : ياااااااااله متى بيي هاليوووووووم .. ههههههههههه ..
ام حمد : ياله يالوناسه اللي هو فيها بيطير بيطير .. من الوناسه ..
حمد : خلاص انا باجر هب ساير الشركه .. لاني بردكم العين وبكون تعبان ومابدوام باجر امايه اي شي يبونه قولوهم ان شاء الله .. لا تردونهم في شي .. بس ع شرط انكم تستعيلونهم في موعد العرس اف انا تعبت عاده ابا اعرس ... ماروم اصبر..
ام حمد : هيه الحينه مستعيل ولا قبل اتخلييييني اترجاك رجا ولا اتوافق انك اتعرس ..
حمد : ههههههه وايه يعلني افداج انتي يالغرشوبه .. وراح حبها ع راسها ..
فاطمه : انزين وعلى الساعه كم بتروحن الهم
ام حمد : ان شاء الله ع الساعه 5 بنتحرك صوبهم ..
فاطمه : زين عيل ..

في بيت فاضل القبيسي ..
الساعه 2 الظهر ..
يوم الجمعه ..

عزه : يله تعالن شلن ويايه الفواله موييييز .. نوووووووف .. يانووووووف ..
موزه وهي تربع عالدري : عووونج يدتيه ..
عزه : عانج الله يامايه تعالي يعلني افداج بنسوق الفواله .. وبنحطهن في الثلاجه ..
شيخه : خالتيه وين عنج الخدامات اشعنه اتسقوينهن روحج ..
عزه : حليلهن من اصبحن وهن يكرفن اعنبوه مهما كان هيله بشر ..
شيخه : انزين اشعنه انتي اللي اتسوقين اقعدي مكانج وانا وموزه بنحطهن في الثلاجه ..
عزه : لا فديتج .. يمكن حامل انتي ولا شي ..
شيخه :هههههههههه لا الغاليه هب حامل ولا الله قاله .. توها بنتيه صغيرونه عقب سنه ان شاء الله ..
عفراء : ههههه زين والله افك لج ..
شيخه : ياختيه مافينا ع الصدعه ..
وشويه بدشة سعيد عليهم ..
سعيد : هووووووود ..
شيخه : اهدااااااا محد غريب ..
وحدر سعيد ..
سعيد : ماشاء الله هالفواله كلها حق امنوه من الصبح اتنزلونها من السياره .. ليكون امايه بتيوزنيه .. ( وغمز حق شيخه ) ....
عزه : بنجتلك قبل لا انيوزك مسود الويهه ايسدنيه واحد ..
شيخه وهي حاطه ايديها ع خصرها : ايروووووم هووووو .. عسب اجتللللله ..
عزه : زين اتسوين فيه ماباكن تسكتن عن ريايلكن .. اباكم اطيحون فيهم اتادبونهم .. عن هاللعبه ..
سعيد : افااااا افاااااااا الحينه انا جذيه ..
شيخه : عوذ بالله منه هالزمن والله في هالزمن الوحده منا لازم اتيود ريلها بايديها وريلها وضروسها بعد..
سعيد : هههههههههه هيييه خلج انتي عاده ...
نوف : السلام .. عليكم ..
الكل : وعليكم السلام ..
نوف : ماشاء الله الكل متيمع اهنييييه .... شو عندكم الااااااه فواكه.. وتمت تربع بين الصناديق ..
عزه : وايه بالستر بس يامايه عن الخبال .. يوزي عن هالخبال اللي انتي فيه ..
سعيد :حيالله العروس ...
عزه : وابوووووكم خارها .. جدامها يابويييه هيه اروحها ماتنزاد .. بعد اتزيدها ..
نوف وهي معقده حياتها : امنوه العروس
سعيد : حظرتتتتتتتتج ..
نوف : سعووود لا تستهبل .. صدق منوه العروس امايه شو السالفه ..
سعيد :اوونه ليكون هيه ماتتدري ..
عزه : لايابويه ماتتدري الا انته الله فتحت الخريطه ..
سعيد : ههههههههههههه ..
نوف وهي حاطه ايدها ع خصرها ومعقعده حياتها : عن امنوه حظرتكم ترمسوووووووون ومنوه هاي اللي ماتتدري شو السالفه شو الخريطه اللي فجها اماااااايه شووووووو ...
عزه : عرب بييون اليوم يخطبون ..
نوف : مويز مبروووووووك ..
موزه : لا لا حشا يابويه ماباه العرس .. لا لا هب انا ..
عفراء : ههههههه مانيوز الصغير قبل العود ..
نوف : يعني انا ... جوفي عزه انتي ماخبرتيني وانا اقولج انا ماباه العرس .. انزين مالي خص عاد انا ماباه العرس قتلج انا .. انا هب ذبيحه عندكم .. لا وشووووه بعد يبون ايخشون عنيه لا تخشون عنيه ولا شي اشعنه تبين اتخشين عنيه ها
عزه : يامايه شو اتخربطين انتي ..
شيخه : نوف كل بنيه يوم ايون يخطبونها عرب غرب مايخبرونها لانهم يبونها اتكون طبيعيه جدامهم ..
نوف : لا والله وبعد ناس غرب ومجربين ابهم ... ( وخلاف صدت على امها ) .. اقولج انا ماباه هااااه.. سعود انته راضي
سعيد : هيه نعم انا راضي ابصراحه الريال العيبه اللي هيه العيبه ماخطفت احذاله .. وريال والنعم فييييه ..
وماعليه اقصور ..
نوف : هيه بس هاي حياتيه وانا لازم اعرف .
عزهع : بس عاده وايد عاطينج ويهه ودريه هالبزا عنج .. خوانج وابوج كلهم اموافقين الا انتي بس اليوم العرب بيوون ايشوفونج .. وانتي بتصلين الاستخاره ..
نوف : لا والله عيل اشعنه خبرتونيه الحينه جان تميتوا كل هالوقت ساكتين وبس قبل موعد الملجه بيوم ولا بيومين اتخبرونيه هب اخير بعد ..
عزه : عن الخريط هاذا اللي انتي فيه استخيري ربج .. اخيرلج ولا تسبقين الاحداث يمكن ايكون ماله نصيب معاج ..
سعيد : هههههههه ويمكن ماتعيبين هله .. ايشوفونج جذيه خسفه واتروعين ..
نوف حاطه ايديها ع خصرها : نععععععععم نععععععععم شو تكرمت الغالي شو تفضلت اونه احلف انته بس .. عيل عناد فييييييك انته بس انا موافقه ..
سعيد : هههههههههههههههه جفتي قتلج ..
عزه : هيه عاده هالله هالله في العقل .. جوفوا كيف مطيوره ع العرس مسودة الويهه ..
نوف : .. ههههههه .. امايه لا تخليني اكنسل .. انزين عاده امنوه هيله العرب
عزه : هل العين اللي يونا هاك اليوم الخوات ..
نوف : هيييييه اذكرتهن هيلاك الحلوات ..
شيخه : هيه هنه ..
نوف بهبل : عاده اخوهن غاوي شراتهن ولالا ..
سعيد : ودج الا انتي اتحبين ايديج ورا وجدام جانه بو شهاب يظوي عليج وياخذج ..
نوف : اوووووونه اممره مول عاده في ذمتيه امحق ليل بينضرب بسكتون في راسه .. عن لا يعيش الدور ويصدق عمره ..
عزه : طالعوا الشر كيف هاي اخاف ايوزها . صراحه انا عدني بفكر في الموضوع وبجلب فيه ..
شيخه : ههههههههههههه .. حرام عليج خالتيه ..


في بيت فاضل القبيسي ..
الساعه6 ونص المغرب ..
يوم الجمعه ..

لعيونها هاجوس فكري لفاني *** اطلب عذر ذيك العيون الكحيله
قليل ماينجب مثلها زمانـــــي *** بنت الاصاله والكروم الاصـيله
عزه : ياحيالله من يانا ..
ام حمد : الله يحيج ويبجيج يعلني افداج ..
وخلاف حدرت ريسه وسلمت على فاطمه وعلى ام حمد..
ريسه : شحالج خالتيه ربكم ابخير
ام حمد : بخير يعلني افداج . ماشاء الله هاي نوف
عزه : لافديتج هاي حرمة ولديه الصغير يابر..
ام حمد : سمحيلي الغاليه ماعرفتج ..
ريسه : لا فديتج مسموحه انتي ماكد يتينا ولا تعرفين .. فاطمه هاك اليوم يتنا وعرفتنا ولا نسيتينا فاطمه
فاطمه : لافديتج اعنبوه ماعاش الله ينساكم ..
شيخه : من طيب اصلج يالغاليه ..
عزه : عفراء حرمة ولديه زايد .. واليازيه حرمة ولديه نهيان .. وشيخه حرمة ولديه سعيد ..
ام حمد : حياهم الله البنيات ماشاء الله عليهن .. ربي يخليكم يارب ..
عفراء : الله يحيج .. تسلمين يعلني افداج ..
وشويه بدشت نوف عليهم .. لابسه جلابيه زرقا مع شيله نفس اللون ..ومجحله اعيونها وحاطه قلوس خفيف وكان عاطنها جمال طبيعي بدرجه فضيعه ..
نوف : السلام عليكم وراحت ووايهت ام حمد وحبتها ع راسها وخلاف راحت ووايهت فاطمه ..
الكل : وعليكم السلام ..
ام حمد : اللهم صلي وسلم على سيدنا محمد .. ماشاء الله عليج ..
وتموا الحريم شويه قعادات وخلاف نشن كلهم ايصلن المغرب وراحن نوف وشيخه المطبخ عسب اييبن الفواله ..شلت شيخه صينيه الجاي والقهوه وتمت نوف اتعدل اكواب العصير واتصفهن في الصينيه وخلاف ظهرت من المطبخ وهي شاله الصينيه .. وكان حمد توه ظاهر من الحمام الله يعزكم مال الميالس وهي توها ظاهره وشاله الصينيه في ايدها .. تم يطالعها ويبتسم وهي منصده والصينيه تهتز في ايديها والاكواب يتحركن ..
حمد : ههههه شويشوي بيطيحن الاكواب
فجت نوف اعيونها وردت ع ورا وحدرت المطبخ ورقعت الباب ..
تم حمد يضحك في خاطره عليها ويتفداها لين ماوصل الميالس وراح هو مع زايد ونهيان وسعيد ويابر المسيد عسب يصلون المغرب .. وخلاف ظهرت نوف من المطبخ وه منصدمه كيف هالريال في بيتهم وشو سالفته استسلمت للصدمه اللي هيه كانت فيها وحطت غشوتها على ويهها وخلت الخدامه اتشل عنها الصينيه لين عند باب الصاله وخلاف شلت عن الخدامه الصينيه وحدرت الصاله وتمت قاعدع مع الحريم طبيعي بس بعد الافكار كانت اتيبها واتوديها ....

في قسم يابر ..
الساعه 12
بيت فاضل القبيسي..
لي صاحب رمش الغلا راس ماله *** واحكم انا قلبه بعرضه وطولــــه
ماله سواي وساكنن في خـــــياله *** واجري بدمه في طلوعه ونزوله
نوف : ريسوه بخبرج بشي
ريسه : شوه
نوف : توعديييني ماتخبرين حد..
ريسه : يالعنززززه .. انجبي انجبي ( ودزتها) .. لا ترمسين .. شو ماشي ثقه
نوف : هههههههه فدييييت حرمة اخويه انا لاوالله بس هب جذيه ..
ريسه : جاااب جااااب لا تكلمييييني ..
نوف : هههههههه .. ياويهج .. ( وحطت ايديها على بطن ريسه ) اف ياربيه هاذا متى بيطلع عسب كل ماتقهرينيه اضربه ..
ريسه : هههههههه بيوزج اياه ..
نوف : اااااه ااااااه ..
ريسه : شو فيج
نوف : بخبرج هاك اليوم يوم عرسج انا رحت اتحنى في الصالون وخلاف يوم ظهرت كنت واقفه اتريا الدريول لانه الدريول كان رايح اييب الباتشي من المحل وفهاليوم فيه هوى وكان واحد موقف سيارته جدام الدكان ياه راعي الدكان وقاله شو يبا وتم واقف وخلاف طارت شيلتيه على الجامه مالت سيارته وغشوتيه طاحت ع الارض .. وخلاف هو نزل وعطا الخدامه شيلتيه .. وانا تميت ساكته شويه وبموت
ريسه وهي منصدمه وفيها ضحكه بس ميودتنها : ههههههههههههااااااااااااي كملي كملي ..
نوف : وبعدين نزل الجامه وحط اغنية حمد العامري ياحمد وطول عليها وخلاف .. وخلاف ..
ريسه : وخلاف شوووووو .. حمستييييينيه ..
نوف : لحقنيه لين البيت .. وعقب فتره كنا رايحين بيت شمه ختج انا وميثه وشفنا سيارته .. ووقف عند بيتنا وحدرالميلس .. و اليوم شفته عن المطبخ يوم كانوا عنا العرب اللي ياين ايخطبونيه من العين ... اخاف خبر اخواني عليه عني عن هاك اليوم ..
ريسه : ههههههههههه تتدرين انه هو ..
نوف وهي منصدمه ودمعتها في عينها : شوووووووو
ريسه وهي تهز راسها : هيه نعم والله انه هو ..
نوف : وانتي شدراج ..
ريسه : اليوم سالت يابر قتله منوه عندكم قالي محد الا حمد الفلاحي هو اللي خاطبج واللي كانوا هله عنا وانتي اتقولين انه هو نفسه .. يعني هوووووو ..
تمت نوف ساكته .. وريسه ادزها عسب تستوعب واتحرك ايدها جادمها بس منوه قال نوف وين خبر خير .
وخلاف حدر يابر..
يابر: السلااام عليهم ..
ريسه : وعليك السلام هلا غناتي .. ويا يابر وباس ريسه ع راسها ونوف بعدها ..
يابر: حوووووه شو فيها
ريسه : ههههههههه ماشي ..
يابر: نوفوووووووه .. واااااااع .. ام الهيلان .. وضربها ع جتفها ..
نوف : ااااااي ..
يابر: في شو اتفكرين ..
ريسه : ولا شي .. وظهرت عنهم من الغرفه ..
يابر وهي يطالعها وهي ظاهره : شو ابلاها
ريسه : تستهبل هههههه...
وخلاف حطوا اغنية هب النسيم في نجوم واستانس يابر..
يابر: عاشوووا يااااااابس ياااااااااابس روح ونش اييول بطربوشته .. وايبس حق ريسه وريسه مستانسه عليه ..


السبت ..
الساعه 2 الظهر ..
في التقنيه ..

شافله غيري ونساني صار كذاب واناني
ظلم الدنيا بعيني راح وماخلى لي شمعه
بانت عيوبه وبان للاسف ماله امـــــــان
واللي مثله مابيه اتركه من غـــير رجعه
ميثه هالوقت كانت تتمشى مع ربيعاتها فاخره وامنه والكل كان ايسولف وميثه في عالم ثاني عالم متروس بالحزن وخلاف مسكنها امنه وفاخره وودنها في كلاس من الكلاسات كانن فاضيات وتم قاعادات ايكلمنها انها ماتحر عمرها على اللي استوا ..
فاخره : والله العظيييم لو تبيني اخليها تكره حياتها والله لا اكرهها اياها ..
ميثه : فخور الذنب هب ذنبها الذنب كله ذنبه هو اللي ماصدق ..
امنه : هو مايستاهلج انتي اشعنه حاره روحج عسب واحد مايسوا .. والله قهههر ..
شويه وحدرت عليهم حمده وكانت قاعده تتكلم في التلفون بسوط عالي ..
حمده: حبيييييبي بتمر عليه اليوم
ويوم حدرت شافت ميثه وربيعاتها انصدمت وتمت واقفه .. نشت امنه من القهر ..
امنه وهي معصبه وواصله حدها : يالسببببباااااال........
نشت ميثه من ع الكرسي ومسكت امنه من ايديها ..
ميثه : امون فديتج لا تنزلين مستواج لمستوى ادنى عن مستواااااج بوااااااااااايد .. وتمت ميثه تتطالع حمده من فوق لين تحت .. ومن شافتهم حمده ظهرت من الكلاس بسرعه ..لانها كانت متروعه ..
فاخره : النذله السباله طالعي كيف ظهرت تربع ..
امنه : ااه يامبيثوه لو خلييييتيني ابرد حرتيه فيها ..
ميثه : اشعنه عاده حق وحده لووووووث تتدرون يوم شفتها الحييييييينه كرهته من كل خاطريه وحسيت اني قويه واقدر انيه انساه الله لا يوفقهم ان شاء الله .. يله يله خلونا نظهر ..

صدقني مابقى للحب قـــــــــيمه *** الجفا شل الوفا واصبح مكـــانه
والصراحه اصبحت كلمه قديمه *** والهوى اصبح خيانه في خيانه
والمحبه صارت طفله يتيــــــمه *** مات ابوها وانحرمت من حنانه ..
وراحن صوب البوابه عسب يركبن سيايرهن وايردن البيت .. ظهرت ميثه وشافت سيارة خليفه واقفه وحمده ميمعه البنات .ويالسه اتخبرهم بانه هاذا ريلها .. وقريب بيعرسون .. خطفت ميثه من حذالهم وهي تسمع الكلام .. بس طنشت كل كلمه سمعتها وربكت سيارتهم قوت قلبها ولا كنه شي كان امبينهم خطفت من جدام سيارته .. ومنوه اللي مات محد مات الا هو تم قلبه ايعوره ويحس بالم فضيييييع تم ايضرب هرنات حق حمده لين مايت وركبت واتحركوا ..

يت المر الرميثي ..
الساعه 5 العصر
السبت ..

آآه ياعمر الجراح ليتني مايوم طــــــــعته
اللي عذبني وراح باعني والحين بعــــــته
غرته ضحكت سنونه والقصايد في عيونه
ماحسب هالورد باكر يختفي ويموت زرعه

ميثه كانت قاعده اتكلم روضه في التلفون ..
ميثه : ها رواضي غناتي خلصتي كل شي ..
روضه : هيه خلصت كل شي الحمد لله ...
ميثه : زييين تستاهلين بالبركه الله يوفقكم ...
روضه : اميييين .. تتدرين ميثه ماكنت اتمنى في يوم ايصير لج اللي صارلج ..
ميثه : افا عليج رواضي هاذات نصيبي وبالعكس انتوا مكبرين السالفه بس هو مايستاهل هاذا كله وصدقينيه على ماكنت احبه على ماانا اكرهه الحينه ..
روضه : ميثاني اللي يحب مايكره ..
ميثه : بس الخيانه اتسوي اكبر عن الكره وخصوصا يوم ايي قبلها مذله وترجي صدقينيه اتخليج تكرهينه وتكرهين حتى انج بس تسمعين طاريه .. صدقينيه وكل شي ممكن انه يتصلح الا الخيانه .. لاني رضيت بخيانته اليه لكن انه يطردنيه وايقولي انه يبا يعرس عليه .. صدقيييني هاي اقوى صفعه في حياتي .. ومااسمح لحد انها يصفعنيه اياها واتم متعلقه فيه .. وصدقينيه عمر اللي انكسر مايتصلح..
روضه : الله يعينج ..
ميثه : اوووووه اشعنه اتيبين طاريه خليه ينفد ..
روضه حست انه ميثه كانت اتقول هالكلام بس جذيه والكل ايعرف عدل حب ميثه لخليفه يمكن انه ينقص لكن لايمكن انه يفنى او يزول .. وخلاف يا هزاع وشاف رقم موبايل روضه ع الكاشف ..
هزاع : عطييييي اياها .. هاه العروس شحالج ..
روضه : .......................
هزاع : اشعنه صاخه ..
روضه : ماباك تسمع صوتيه ولا تشوفنيه لين يوم الملجه ..
هزاع : ههههههههه اللي يقول عاده امره مول مارمستي حظرتج ...
روضه: هااه اوييييه باي باي وسكرت ..
نقع عليها هزاع من الضحك : هههههههههه فديتها والله انها خبله ..
ميثه : ههههه الله يديمها عليكم من فرحه ..
هزاع : امييييين و ياج ان شاء الله ..
ميثه بابتسامه متصنعه : ان شاء الله ..


في بيت بو حمد ..
السبت ..
الساعه 8 فليل ..

ام حمد شلت التلفون واتصلت في حمد ..
حمد: بشيوووخ العين ..
ام حمد : المرحب باجي يعلني افداك شحالك
حمد : ابخير وسهاله .. وانتوا شحالكم ..
ام حمد : بخير ربي يسلمك . مبروووووووك مبروووووك ..
حمد : حلفي في ذمتج وافقوا ..
ام حمد : هيييه يابويه وافقوا ..
حمد : ياله يامايه الله يبارك فيييييييييج .. يله ابرايج ابرايج انا حالف انيه بعزم ربعيه ع العشا جان وافقوا ..
ام حمد : ههههههههه الله يديمها عليك من فرحه ...
حمد : امييييين ..
ام حمد : بس انته شي وراك ... ويا هالبنت اول مره اشوفك جذيه ..
حمد : ههههههه .. عارفتني ... خلاص الغاليه خلاف بخبرج ..
ام حمد : انزييين بنشوف .. يله عيل ابويه ابرايك ..
حمد : ربي يحفظج ..

بيت المر الرميثي ..
الاحد ..
الساعه 12 الظهر ..
قلبي علـى ..علـى النيـران وقـف
مثل السجين ..السجين وتـم مكتـوف
في باطني.. باطني والجـرح ينـزف
مالـه دواء..دواء وعـلاج معـروف
حدر هزاع ع امه وعيونه متروسه ادموع وشكله كاره الدنيا وكاره حياته هاي ابكبرها ووده بالموت اليوم قبل باجر ..
هزاع : امايه .... وتمت ادموعه تنزل ع خده ..
شمه : بسم الله ( وراحت صوبه ولوت عليه ) بلاك يابويه شو فيك خبرنيه شواللي مستوي ..
هزاع : امايه طلبتج لا تردييينيه ولا تساليييينيه اشعنه ..
شمه وهي متروعه ودموعها في اعيونها : ان شاء الله يابويه خبرنيه شواللي مستوي اوعدك بلي تباه بس خبرنيه ريحني ياولديه ريحني ..
هزاع : امايه اتصلي حق قوم خالي وكنسلوا موعد الملجه قولوهم هزاع مايبا ايعرس ولا يريد يملج وانيه انا بسافر وخلوا البنت اتشوف نصيبها .. ولا ترحمونها من اي حد ايي يخطبها وحلفي خالي وخالتيه ميره انهم مايزعلون عليه وتم يصيح في حظن امه شرات الياهل ..
شمه وهي اتصيح : شوووو بلااااك يابويه شو اللي فيك خبريني اشعنه ماتباها بنت خالك شو السالفه شومستوي ..
هزاع : امايه انتي وعدتيييني انج ماتسالييييني بلي يستوي دخيلج ..
شمه وهي اتصيح : كل شي اتسونه وماتبوني اعرفه .. كل شي تبوني اسكت عنه ولا جني امكم ولا جني شي في حياتكم ..
هزاع : سمحييييييلي ... الغاليه وخلاف حدرت ميثه وشافت امها ..
وراح هزاع غرفتتتتتته ..

انتهىىىىىىىىى الجزء ..

ظنكم شو الي صار في هزاع
ظنكم شو بيكون مصير نوف وحمد
ظنكم ميثه بتقدر انها تنسى خليفه
الجزء الخامس والاربعون
( الفصل الاول )
ترا باقي منه بس والله انيه مرمت اخلص من متى وانا عالنت حتى عشا ماتعشيت ...
ليش ضعيت الوفا ليش خيبت الامـــل.. ليش سببت الفراق ليش طفيت الشــــــــــموع
ليش ترحل ياحبيبي دون سبه او زعل.. صارت احلامي سراب صارت ايامي دموع
وين عهدك وين حبك وين ايام الغزل.. وين راحت تضحياتي وين تذريف الدمـــــوع
بيت حمدان الشامسي
يوم الجمعه ..
الساعه 7 المغرب ..

روضه كانت قاعده اتكلم ميثه في التلفون ..
ميثه : ماعليه يارويض سمحيلنا والله انه نحن مالنا خص في اللي صار الله يعلم به شو ياه وشو اللي غيره وجلبه مره وحده مع انه كان قبل هاليوم مستانس وانتي روحج جفتيه يوم كان ايرمسج في التلفون .. وهاليوم هو عنده تحليل في الطب الوقائي .. والله انيه ماعرف وسافر عنا لا عطانا لا خبر ولا رد .. متى حجز ومتى ظهر وشل اثيابه والله انه ماندريبه الا الصبح يوم نشينا مخلي ورقه عند الخدامه وكاتب فيها امايه انا بسافر وبرد ومثل ماقالتلج استسمحي من قوم خالي .. ولا .. ولا ...
روضه ودموعها في اعيونها : ولا شوو
ميثه : ولا تقطعون نصيبها ..
روضه : حراام عليه اشعنه هو جذيه ايسوي هو ماحس فيني بس لو لحظه شو ممكن انه ايكون موقفيه حرام عليه والله حرام ويلست روضه اتصيح ..
ميثه : بس يارويض والله انج اتقطعين قلبيه.. شو بيدنا انا نحن انسوي والله وامايه من اصبحت وهي في حجرتها اتصيح من عقب ماخبرت قوم امج .. حالي من حالج .. هاذا نصيبنا هاي دنيا لعيينه تاخذ منك اللي تباه عادي تجرح قلبك وتقسي ناس وايد عليك من دون سابق انذار من دون اي ذنب انته ذنبت به والله يارويض .. انا مالومج على اللي انتي فيه بالعكس ماقول غير الله يعيني ويعينج . بس لا تكرهينه في يوم اكيد له عذره ..
روضه : اي عذر هاذا اللي يخليه يتخلى عني ويروح من دون اي كلمه ومن دون وداع ولا شي ..
ميثه : اصعب شي في هالدنيا على الحبايب الوداع ..
روضه : اي حب حبي اللي موجود في قلبه مات من نوى انه يسافر ويتخلى عني ..
ميثه : هيه والله ومن عقب مادرت الخلق كلها انه بالخميس ملجتنا بيقولون اشعنه كنسول اشعنه ماعرسوا شو اقول شو اسوي .. يالفضييييحه ..
روضه : انا هب هامنيه كل هاذا انا اللي هامنيه الحينه هوووووو اشعنه ايخليني ويروح عنيه اشعنه وتمت اتصيح ...
ميثه : بس يارويض تعبنا من الصياح الله يخليج احس انيه ماعندي دموع من كثرالالم الموجود احس انه دموعي خلصت انه دموعي نشفت بس بس دخيلج لا تقطعين قلبيه ..
روضه : اللله يعينج ياميثه .. والحينه يعيني معاج . هاذا نصيبنا من عقب الاحلام والامال اللي بنيناها حلمنا انا انعرس وانييب اعيال وعقب العرس اييكم بوظبي واكون عندج واروح معاج كل مكان ونسوي كل شي نفس الشي .. حرااام والله حراااااام ..كل هاذا استوى سراب .. انشوف ونحلم به لكن مانحس فيه ..
ميثه وهي عيونها مليانه ادموع : الله كريم ياروضه .. الله دومه مع المظلوم ..
روضه : اااه .. امين يارب ..
ميثه : خلاص عيل الغاليه ابرايج اعرف انج مضايقه بخليج ترتاحين ..
روضه : مشكوره فديتج عالتلفون .. وعالسؤال ..
ميثه : افا عليج يارويض ماهقيتها منج .. انا وانتي روحين في جسد ..
روضه : هيه والله ياميثه صدقتي وهالروحين اللي يصيب الروح الاولى يصيب الروح الثانيه . خلاص ماعليه يله فديتج مع السلامه ..
ميثه :ربي يسلمج ..

في غرفة روضه
الساعه 8 فليل ..

كانت روضه قاعده في غرفتها على مكتبها وفاتحه الاب توب مالها وحاطه اغنية راشد الماجد علمونا .. وكانت اتصييح وتذكر هزاع كيف كان ايغلس عليها يوم كانت تربع وراه يوم كانت تضربه ويتوعدلها انه بيراويها وبينتقم منها على كله اللي اتسويه فيه عقب العرس بس للاسف هالحلم استوا سراب .. ومات ..
مات كل شي حلو في حياتي معاك ياهزاع ماتت كل لحظه حلوه .. اتحطمت الوعود وراحت وياك ومااعرف لوين ولا متى بتعود .. تمت تتذكر اسامي اعيالها اللي كانت تبا اتسميهم اياها معاه ويوم كان ايواقعها ويقولها جب جب كلهم اولاد انا رميثي ماييب غير الاولاد معروفين نحن بها الشي .. تمت روووووووضه اتصييييييييييييييييح .. ماتت من الصياااااااح يوم ذكرت هالشي .. انها انحرمت من كل شي حتى من الحلم اللي صبرها عليه لين مايتخرج من الكليه كله انهددددم وكل شي راح ..

علمونا ليه رحتوا عــلـمونا *** ننتـظر مرسال منكم طمـنونا
الزعل طول امانه ليه مـتى *** فهمونا وش تبون وريــحـونـا
اسالونا عن غلانا والــهوى *** جربوا ياناس مره واســالـونا
جاملونا لو بكلمه بالســــنه *** ان وماتبون اتكلمونا اسمـعونا
يانحب ابـصدق او مانحب *** الحب عادل والحبايب يظلمونا
ماشكينا غـير فرقا احبابنا *** يله حسوا عاد فينا وكلـــــــمونا

.. شويه وتم ايرن تلفونها مره مرتين ثلاث ماردت ويوم رن المره رابعه راحت صوبه وظهرته من شنطتها حصلت مكتوب مكالمه يوم شافت فز قلبها من مكانه حست انه قلبها يدق بقوووه وشويه بيوقف حطت السماعه على اذنها وتمت ساكته ومن بعيد سمعت صوت تنهيدة هزاع ساح قلبها بين ضلوعها من كثر ماتاثرت .. تمت سااااكته تترياه ايقول شي .. تم ساكت وخلاف شغل هاي الاغنيه ..
سافرت عنك و خافقي معك .. يـا سيـدي عنـدك امانـــه
ما طاع يالغالـي يــــودعـك .. يرحل معي و يترك مكانـه
خله معاك يسهر و يسمعك .. خلـه يسامـرك بحنـانــــــه
و اذا الوله و الشوق لوعك .. بتشوف طيفي فـي عيانـه
لو شفت عني البعد يمــنعـك .. لو طـول غيابـي زمانــــه
لالا تبكـي بيـوم مـــــــدمعك .. ماهوعلى شانـي عشانـه
بكره الليالي بـي تجــــمعـك .. يا نبض قلبـي يـا كيانـــه
راجع لدنيا فرحتـي مـــعـك .. راجع و عندي لـك امانـه

تمت ساكته وهو بعد ساكت من عقب ماسمعها الاغنيه .. فجاه انفجرت من الصياح وتمت اتصيييح بالم وبصوت عالي وتتنهد تنهيدات قويه .. هالشي اللي خلا هزاع ايموت بدال المره الف عرف انه هو سبب العذاب اللي هي فيه .. هو سبب الالم هاذا كله بس شو يسوي اذا القدر حكم عليهم بالهشي هو هب بيده اي شي ايغيره ..
هزاع وقلبه يتقطع : روضه وغلات الحب اللي كان بيننا خلااااص خلااااااص..
روضه وهي اتصيح : الحب ... اي حب الحب اللي انته ماقدرته الحب اللي روحت عنه بلا سبب .. هاذا هو الحب اللي تتطريه ..
هزاع : حرام عليج .. لا اتقولين جذيييه .. نصيبنا من الدنيا الين اهنيه ووقف حاولت حاولت لكن ماقدر ماقدر اظلمج واظلم نفسي معاج ماقدر ياروضه ماقدر حرام عليج .. اموت انا ولا اموتج معايه دخيلج دخيلللج .. وتم ايصيح شرات الياهل .. ماتت روضه من سمعت هالكلام وسمعت صوته وهويصيح هزاع اول مره يصيج جدامها في هاللحظه حست بالظلم وكان في خاطرها اتعرف نوع الظلم اللي اتعرضت له هي مع هزاع ..
روضه وصوتها رايح : هزاع شو اللي خلاك تروح عني وتتخلى عنيه شووو
هزاع : ........................... روضه حاولي انج تنسيني وانج ماتزعلين منيه ..واذا كنت غالي عندج جوفي نصيبج وين لا تتريني ارجوج ياروضه .. وتم ساكت وادموعه ع خده ..
روضه وهي اتصيح : هزاع انته تتطلب الموت شو انساااااااااك وكيف اجوف نصيبي من دونك حرام حرام والله انه حرام ..
هزاع : لا تزعلييييين ..
تمت روضه اتصيح وخلاف قالتله : ممكن اسمعك شي .. واعتبر هالشي اخر شي من بينا ..
هزاع سااااااااكت من كثر الالم اللي كان يعتصر قلبه ...........
الا بزعل اذا بتروح عن عيني وترحل *** الا بزعل واتوه بعالمك وامشي واوصل
وتاخذ احلا ضحكه في حياتـــــــــــي *** لا وتـــــقــوللــــــي مابـــغــاك تزعـــــل
مــــن اللــــي قــــالـك انـــي ابـــقــدر *** انـا اقــــدر كل شـــي افـــراق مــاقــــدر
تــــخليني مـــع الذكــــرى بروحــــي *** تـــعــيشــني علــــى محـــــلاك يــااول
عيونـــــــي انت والدنــــــيا بـــــعيني *** اذا بتـــــغيــــب انا ماحــــتاج عــــينــي
واذا كــــان الـــتوســــل لـــك يــردك *** انا ماعـــــــــندي مانــــــــع اتـــوســــل

هزاع متالم ودموعه ع خده وصوته رايح : مع السلامه .. وسكر الخط ...
تمت روضه مكانها ومسكت راسها وطاحت ع الارض ويلست اتصيييييييح ....

في بيت حمدان
في الصاله ..
ميره : شو من النوع عيال اختك اعنبوه فضحونا جدام العرب الحينه شو بيقولون عنا شو بيقولون اكيد بنتنا فيها شي عسب جيه روح عنها وخلاها اشعنه هم ايسوون ابنا جذيه اشعنه مانحصل الا الشر من وراهم ابااااااااااك اتخبرني خبرني ..
حمدان : ميرررررره لا تنسين انج ترمسين عن ختيه وعيالها وكل شي نصيب في هالدنيا ..
ميره : اختك وعيالها اللي ماقدروا اعيالي اعنبوه من انحدد موعد الملجه ولا موعد الخطبه يونا وبكل برود مانبا ومانبا انكسل انته ماتحس انا ام .. اتعرف شو يعني ام .. هم سبب عذاب اعيالي روح شوف روضه كيف حالها .. اشعنه هاذا كله اشعنه انا اعيالي اللي ينذلون واعيالي انا اللي يصيحونهم ويركضون وراهم وهم بكل سهوله يعلقونهم فيهم وخلاف ايودرونهم .. شو هالمذهب اللي هم عايشينه ..
حمدان :اووووووووه . وتوه بينش عسب ايروح عنها ..
ميره : هيه لازم مايرضالك في اعيال اختك واختك لكن يرضالك في عيالك يتعذبون جدامك وانته بس قابض النصيب والنصيب .. اسمعني عدل اقولك انه روضه بتاخذ ولد ختيه وولد خالتها يباها وانا اللي بحرق قلبهم عدل .. وبتشوف جان ماخليت هالشي يستوي
حمدان : الشوور هب عندج ..
ميره : في عبد الله وروضه خليت الشور عندك وقتلي اعيال اختيه احسن عنهم ماشي وطعتك وقلت ماعليه عند عمتهم اخيرلهم .. عقب شوووووو استوا.. ردوا عبدالله .والحينه يبونا انكسل موعد ملجة روضه وهو مسافر عنها ولاهي عن هوى داره .. هاذا شورك اللي ترمس عنه ..
حمدان : مايستوي يعني انتي بتروحين اتخطبين الها الولد ..
ميره : لا بس الولد يباها من يوم هم اصغار ..
حمدان : ..................... تمت ساكت عنها وروح ..
تمت ميره اتصيح على حال اعيالها واتفكر في الفضيحه اللي بتسويلهم من ورا اعيال شمه ....
بيت المر الرميثي ...
الساعه 10 فليل ...
الجمعه ...

راح تعرف ان حبي مع مرور الوقت صايـب *** وراح تعرف فالنهايه ماحد يعوض مكـــاني
وراح يكشف لك زمانك منهو اللي كان طايب *** ومنهو اللي لجل خله عاند ظروف الزماني

نزلت ميثه من غرفتها وحصلت امها قاعده اتصيح .. تمت واقفه ميثه تتطالع امها بحزن ..
ميثه وهي تلوي على امها : يامايه شو فيج اشعنه هالصياح انتي ماوقفتي خلاص هزاع سافر خلاص يامايه بس خلاص لا تعبين عمرج ..
شمه : انتوا ماتحسون فيني ولا جني امكم ولاجني اي شي عندكم اعنبوكم هب اعيال .. كل شي ادسونه عنيه واتحلفونيه انيه مازعل وانيه ماقول شي هب حاله هاي اللي انا فيها وياكم .. كرهتوونيه حياتي والله لو ابوكم اهنه جان ماسويتوا اللي اتسونه بس هو اللي الله يهداه مجابل اصقوره وطيوره بس يتصل ويتخبر ويسكر .. شو بقوله بخليه يشتط من مورتانيا وايي .. وهو روحه ايسوق ماروم انيه اسوي هالشي . شو تبوني اسوي ..
ميثه واعيونها ادمع : ياماايه لاتحملينا ذنب نحن ماذنبناه غيرنا اذنب فيه .. هاذا نصييييييبنا ونحن ناخذه هاذا قدرنا ونحنا الحينه انسايره وانعيش فيه يعني الحينه خليفه انا شو سويت فيه عطيته كل اللي يباه عرفت انه يخوني وسكت عنه .. قلت ماعليه مابهدم بيتي لكن لدرجة انه انه يعرس عليه هالشي اللي ماتحمله ياامايه حرام عليج وانه يقولي اني انا ولا شي في حياته... بعدج تبيني اتم معاه واصبر عليه اشعنه انا مافيني قلب ماحس .. ولا شووووووو وتمت ميثه اتصييح ..
شمه : يامايه انا اعرفج زين بس اخووووج .. الله يهداه ابا اعرف اشعنه سوا ابنا جذه اشعنه حرام عليه والله انه حرام البنيه الحينه شو بيقولون عنها بيقولون اشعنه ولد عمتها خلاها وسافر .. وانا يوم رمست يدتج اتخبره خليتها هي اتخبر مارمت اخبره تتدرين اشعنه ماخبرته لانه ويهيه مسود ..امايه اللي هيه امايه كلت ويهيه .. فمبالج هو اللي ميودين نصيب بنته من اربع اسنين هب حرام هاذا اللي يستوي ..
ميثه : ادري يامايه انه حرام بس بس .. الله كريم ..الحينه انتي اتعوذي من ابليس واللي الله يريده تراه كله بيصير ..
شمه : لا حول ولاقوة اله بالله العلي العظيم .. لااله الا الله محمد رسول الله ... الحينه شو اقول حق العرب اللي عزمانهم حق الملجه ..
ميثه : عادي دقيلهم وقوليلهم انكم اجلتوا موعد الملجه بس لا تخبرينهم انكم كنسلتوا او انه شي مستوي ..
شمه : كل شي انتوا عادي عندكم .. كل شي عادي بتسوووونه .. ماتفكرون في غيركم ..
ميثه : امايه خلاص خلاص عاده يامايه خليني انساه شويه لا تيلسين اتذكريني به كل ساعه الله لا يوفقه في دنياه ..
شمه : لا تدعيييين عليه هاذا بو ولدج ولا بنتج اللي في بطنج ..
ميثه وهي اتصيح : والله انه بيندم على كل لحظه ودرني وذلني فيها صدقيني ع ماكثر انا كنت احبه اكره تتدرين السبال كل يوم ايي يشلها من التقنيه ويطلبلها خروج ويظهر معاها لا خيال ولا مستحى .. والله انه جداميه جدام اعيوني تركب وياه وهو بكل وقاحه يوقف يترياها جدامي هاذا انسان شو تبيني اسويله اعيش على ذكراه واتم احبه ايخسي وايهبي الا هو الخااايس ..
شمه : بس يامايه بس خلاص سامحينيه يعلني افداج والله انيه هب عارفه انا شو قاعده اقول .. اسمحيليه ..
نشت ميثه ولوت على امها : لا فديتج مسموحه انتي امي وكل حياتي انا مالي غيرج فالهدنيا ..
شمه : يعلني افداج ...

بيت فاضل القبيسي ..
الساعه 5 العصر
يوم السبت ..

ريسه كانت توها نازله من ع الدري .. وشافت سعيد ظاهر في ويهها ..
سعيد : ريسه ..
ريسه : هلا ..
سعيد : ريلج راقد ..
ريسه : هيه راقد ...
سعيد : حظرته ريلج راقد ومكيف ولا همه وموقف ورا سيارتيه وانا ماروم انيه اظهر هاتيلي السويج ..
ريسه : هههههههه .. خلاص ان شاء الله ...
سعيد : ادري بتعبج توج نازله ..
ريسه : افا عليك يابو مهره فالك طيب .. وراحت عنه ريسه ..
سعيد : فالج مايخيب .. خلاص عيل انا بروح اشغل سيارتيه عسب اتحر ..
ريسه : خلاص بيبليك اياه خاري ..
سعيد : ماعليه ..
حدرت ريسه قسمها وظهرت سويج يابر من مخباه وردت نزلت تحت وشافت نوف قاعده ..
ريسه : السلام علييج .. توني نزلت ماحصلت حد
نوف : وعليج السلام .. هيه توني واعيه ..
ريسه : بودي السويج حق سعيد وبييج ..
وظهرت ريسه برع في الحوي وعطت سعيد سويج سيارة يابر وحدرت الصاله وخلاف رد سعيد سويج يابر حق ريسه وتوه بيظهر ..
نوف : سعيد وين بتروح
سعيد : بروح عند ربعيه شويه القهوه وبيي اشعنه شو تبين
نوف : لا ماشي سلامتك . بس اتخبر..
سعيد : سادتني انا وحده ناقصنج انتي يللللله ..
نوف : ههههههه . ...( وظهر عنهم سعيد) .. والله انه مالي خاطر اظحك
ريسه : هااااه شو بعد مستوي .. نحن ناقصين مصايب ..
نوف : والله ميثاني وايد كاسره خاطريه ... وبعدين امايه اتقول انه ملجتيه عقب اسبوع ..
ريسه : الله يعينها .. واذا ع الملجه عادي ..
نوف : ريوس حرام عليج شو عادي
ريسه : حياتي الجاهز مايقول شي .. وانا شراتج كنت بس الحمد لله خلصت وشفتي ملجتيه غاويه مافيها شي ..
نوف : لا وازيدج من الشعر بييت .. بعد يبا العرس عقب شهر من عقب الملجه لانه هو بيسافر ويبا ايعرس قبل لا يسافر ..
ريسه : واكيد هاي الاتفااقات كلها استوت يوم الرياييل كانوا اهنيه عنا ..
نوف : هيه وانتي اتعرفين ابويه واخواني كل شي عادي عندهم .. مايفكرون انيه بخلص ولالا ..
ريسه : ماعليه لا تحرين عمرج ولا تضايقين افا عليج انا بروح معاج كل مكان تبينه ...
نوف : ااااه والله ... ماعرف من دونج شو بسوي . تتدرين خبرت ميثه عن سالفة الخطبه استاااااانست اتخيلي هي قالتليه بيي يخطبج .. وطالعي سبحان الله من رمسيتها جنه ملك خاطف ..
ريسه : نوااافه حبيبتي كل شي فالهدنيا نصيب طالعي يعني كيف ويا وخطب ..باين عليه شرانج ..
نوف : ريسوه بس استحي انا .. احم احم..
ريسه : ياااله ...

الاثنين ... المانيا ..
في منطقة بون في واحد من الفنادق..
الساعه 6 المغرب ...

ياصاحبي ضاقت عليه الليالي *** بلي شغل قلبي وفكري وبالي
هزاع كان قاعد مع واحد من هل الامارات في اللوبي ..
علي : هزاع شو اللي مكدر خاطرك ومزعلنك ..احس انك دوم امويم .. وفي خاطرك حايه اتقولها ياخوك اعتبرنيه انا اخوك وفضفض اليه ..
هزاع : اتصدق علي هيه والله في خاطريه انيه ارمس واقول .. لانيه احس انيه بنفجر ان مارمست او اني ماتكلمت ..
علي : افا عليك ياهزاع انا اخوك .. وقول كل اللي في خاطرك . .بس نش اهنيه في اللوبي كتمه خلنا نظهر نتمشى على نهر الراين اقريب من اهنيه ..
هزاع : يزاك الله خير ياعلي المكان اهناك شرح ويمكن ايكون اسهل عليه انيه ارمس واخذ راحتيه ..
علي : يله سرينا ..
رواحوا هزاع وعلي ينشون صوب النهر ..
علي : يله هزاع ارمس شو اللي في خاطرك ..
هزاع : علي انا كنت خاطب بنت خالي واحبها من يوم نحن اصغار وخلصت الثنويه وخلاف تميت في الكليه الجويه اربع اسنين .. ويوم الاربعاء هاذا ملجتنااااا ..
علي : شوو يوم الاربعاء ملجتكم وانته يالس اهنيه اشعنه
هزاع : لانيه يوم الخميس كان عندي تحليل ويوم رحت الطب الوقائي قالولي انه فيني فايرس ومسبب اليه هالفايرس التهاب ومايستوي انيه اعرس لانه هاذا الفايرس معدي ....ومافي لهاذا المرض علاج ..
علي : لا حول ولاقوة الا بالله العلي العظيم وعسب جذيه انته ودرت هلك ويت اهنيه ..
هزاع : هيه نعم ..
علي : اقولك انته لا تصدق رمسات الدكاتره اللي اهناك نش نش ويايه خلنا انسير المستشفى اللي اهنيه واهنيه بنتاكد عدل من نتيجة التحليل ..
هزاع : لا ياعلي الله يخليك انا ماروم اني انصدم مرتين ..
علي : كل شي في هالدنيا بيد ربك .. وانته لازم تتاكد . .. مستشفياتنا معروفه في المبالغه .. نش نش ..
هزاع : لا لا ياعلي ماروم والله ماروم حرام عليك .. لاتزيد عليه اجروحي ..
علي : لا اجروح ولا شي قتلك قوم انته مابتخسر شي الا بس بنتاكد ..
تم هزاع ساكت قام مسكه علي من ايديه وراحوا صوب المستشفى عسب ايسون التحليل .. وحدروا عند الدكتور وعطاهم موعد حق التحليل وانه اييهم وايكون صايم بعد اربع اسابيع وهالشي اللي خلا هزاع في حاله نفسيه .. ومخلنه ايفكر وايد .. ويتريا هالاربع الاسابيع يمرن عسب ايروح ويتاكد .. لانه علي اقنعه بكلامه فبالتالي هزاع اقتنع الحينه يتريا موعده اللي بعد اربع اسابيع ...

الاربعاء ..
الساعه 5 العصر
بيت بو حمد الفلاحي .. العين ..

شفتك وشفت الشفا في شوفك الشافي
من بعد شوفك غفا طرفـــي ولا خافي..
حمد : ياله يامايه والله انيه هب امصدق انيه الاسبوع الياي بملج ..
اليازيه : اموت واعرف اشعنه هاي العيله والله كان ودي انيه افصلليه موديل غريب بس انته حاكم علينا حكم بالجاهز حتى نوف حليلها تشتكي من هالشي ..
حمد : متى رمستيها .
اليازيه : البارحه دقيتلها اتقول حاطت بوظبي ابكبرها وماحصلت الها شي واتقول باجر بتروح دبي ..
حمد : وكيف اتروح من دون شوري ..
اليازيه : ياله عاد انته عايش الدووور مرررره .. بحذافيره عايش فيه ..
حمد : انطمي انتي ..
ام حمد : اعنبوه هي الحينه بس خطيبتك وتبا تحكم عليها .. تو الناس يابويه .. حليلها حليلها والله ..
حمد : انزين امايه اوصفيلي اياها ..
ام حمد : الزين الا من عقبها بنت فاضل .. يعلني افداها .لا لا هب واصفتنها جدامك اعنبوه حرام .. يوم بتملج بوصفها لك ..
اليازيه : وووووووككككككككككك ..
حمد : امايه عاده عقب الملجه ماباج توصفيلي اياها لاني روحي بشوفها ..
ام حمد : نعععععم .. لا تشوفها ولا شي ماتشوفها الا ع الكوشه ..
حمد وهو منصدم : هااااااااه .. عادي عقب بتكون حرمتيه ..
ام حمد : هاي عاداتنا وتقاليدنا مابنتخلى عنها عسب خاطرك الغالي ..
وشويه بدخلة بو حمد ..
بو حمد كان من يحدر ايسوي حق المكان اللي هو فيه رعب من كثر هيبته وشخصيته القويه ..
بو حمد : السلام عليكم ..
الكل : وعليكم السلام والرحمه ...
بو حمد : حيالله المعرس .. هاه بشر شو هباتك ..
حمد : افا عليك امره مستانس . بس الوالده شويه مخبصه علينا العرس ..
بو حمد : اشعنه
حمد : اونه ماشوف حرمتيه الا ع الكوشه ..
بو حمد : ماتخرب والله ام حمد يعلني افداها انا بعد ماشفت امك الايوم العرس واختك يوم عرست ماشافها ريلها الا ع الكوشه الا انته بتسوي اللي في شورك ..
حمد : اعنبوه حرمتيه ..
بو حمد : ماعليه اتريا الله كريم ..
حمد : يالااااه عيل خلاص بملج الاربعاء الياي وبعرس عقب اسبووووع ..
اليازيه : لا عاده جيه مصختها ..
ام حمد : ترانا وايد سكتنا عن هاي اللعبه هاذا عرس هب لعبه ..
حمد : اعنبوه اتمصخر كلتونيه مايسوى عليه .. لا نحن متفقين وياهم العرس عقب شهر من الملجه ....
ام حمد : بو حمد انته ظاوي وياه اشعنه اتوافق على رايه ..
بو حمد : الا ولدج مستعيل ع العرس ومستلهث عليه شوتبيني اسوي به خليه ايعرس .. ايفكنا من الصدعه نحن من متى نتريا هالساعه خلينا نفرحبه واوعدك ياولديه انيه اسويلك ذاك العرس الا لا صار ولا استوا ..
حمد : ماعليك قصور يابو حمد ..

في بيت فاضل القبيسي ..
يوم الخميس ..
الساعه 3 الظهر ..

محفور في قلبه وفكره وبــــاله *** كاني ماسس للغلا فيه دولـــــــــه
دستورها حبن فريــدن مثــــاله *** واشرع احكامه بصـــــوله وجوله
ريسه ويابر ونوف كانوا توهم يايين من دبي ..
يابر: اف مابغيت افتك منكن انتن الهنتين ..
ريسه : ههههههه حرام عليك يبوري ..
يابر: يله لا يبوري ولا شي يبورج من كمن يوم مهلكتنه تراكضين به شرق وغرب ماتقولين ريلي بريحه ولا جنج حامل واللي في بطنج لازم ايقر مكان واحد ..
ريسه : ايييييهييييييييه شغله الرادو ..
نوف : ههههههههه طااااااف ..
يابر: ايه انتي مسودة الويهه لا تعلمينها هاي اروحها ماتنزاد ..
نوف : هههههه حليلها انا بروح اراوي امايه الفستان .. اللي خذته . وراحت نوف صوب غرفة امها ..
يابر: ياله فديت هالعيون محلاتها امواح ..
ريسه : ماباك نش عنيه توك اتواقعنيه ..
يابر وهو يغمز الها : انا اروووووم
ريسه وهي اتحيس حلجها : مادري ..
يابر يعض على شافيفه : اااااااااااخ محلاتها ومسك ويهها بكل قوه وبااااسها على خدها وخلاف ييت نوف ..
ريسه : ااااااخ ..
نوف : وي وي .. واتغشت بشيلتها ..
تمت ريسه قافطه وكفخت يابر ع جتفه ..
يابر: ااااي .. انزين انا مالي خص اللي هي نقزت وييت . اعنبوج انتي ماتخلين الريال وحرمته يتهنون ..
نوف : عاده علينااااا حد يتهنا في الصاله عندكم قسمكم ..
يابر: كيفنا عاده نحنا ..هب قاعدين عراسج ..
ريسه : جب انته .. ياويهك .. نش نش عنيه وراحت صوب نوف ..
نوف : لاتسون جذيه جدامي انا بعرس اجوف هالاشياء لا لا وخلاف اكنسل نو نو..
ريسه : هههههههههههه .. لا مابتكنسلين ولا شي .. وينها امايه راقده
نوف : هيه راقده ..
ريسه : كنت متوقعه .. تعالي حجزتي عند دولا
نوف : هيه ..
ريسه : اف يعني الحينه مابقا شي صح .
نوف : امممم على ماعتقد ..
يابر: ريلج لزقه كل يوم عنا اتقولين يشم ريحتج عنا ..
نوف وهي مستحيه : بس بس اسكت
وجبلت توها بتظهر شافت شيخه نازله وسعيد معاها شال مهره ..
نوف : فديييييت الشيوخ اللي لابسين وردي محلاتهم يالبيييييه ..
يسلت مهره اتكرر ومبطله حلجها تضحك .. ربعت ريسه صوبها ..
ريسه : لاعاده هاي شقت الحلج انا ماتحملها وشلتها .. وتم لاويه عليها اتبوسها ..
يابر: انا مايسولي نص اللي يسولج اياه يامهرووه ..
ريسه تتطالع يابر معقده حياتها وتضحك عليه : بدت العيوز تتحرطم ..
شيخه : ههههه ادريبك حليلك دوم ماخوذ حقك ..
يابر: هيه والله يابنت خالتيه ..
نوف : ياله مررره مول عاده ..
شيخه : ريسه يعلني افداج بتظهرين مكان
ريسه : لا فديتج هب ظاهره اشعنه اذا تبيني اروح معاج مكان عادي
شيخه : لافديتج ادريبج يايه من درب دبي تعبانه بس بغيت اخلي مهره عندج ابرايها الخدامه عندها بس وايجن عليها انتي ونوف .. لاني بروح افصل انا واخواتي حقق عرس نوف ..
ريسه : اعنبببوه ياشويخ فديتها مهاري بنتيه .. لا اجابلها البشكاره ولا شي بخليها عندي لين ماتين ..
شيخه : ماتقصريييين يابنت غيث .. مشكوره
ريسه : افا عليج نحن خوات .. هب من بينا ..
شيخه : تسلمييين ..
وخلاف حدر عليهم ناصر اخو شيخه ..
ناصر : هووووووود .. هووووووود ياهل البيت ..
اتغشت ريسه واتحجبت نوف ..
سعيد : اهداااااا يابو سالم محد غريب ..
ناصر : السلام عليكم ...
الكل : وعليكم السلاااام ..
يابر: حييييييييبه ..
ناصر : الله يحيك ..
وسلم على يابر وسعيد ووايهه شيخه وقعد حذال سعيد ..
ناصر : شحالج نوف
نوف : بخير وسهاله شحالك انته ناصر
ناصر : بخير ربي يسلمج .. مبروك ع الملجه ..
نوف : الله يبارك فيك ..
ناصر وهو صاد صوب ريسه : ريسه ولا ميثه .
يابر: حرمتيه ..
ناصر : شحالج ريسه
ريسه : بخير وسهاله ربي يسلمك شحالهم هلك
ناصر : بخير وسهاله .. يسلمون عليكم ..
ريسه ونوف : الله يسلمك ..
ناصر : يله نشي لا تاخرييني ..
يابر: ويين وين توك قاعد اعنبوه .. اتقهوا .. وراحت نوف اتييب دلة القهوه ..
ناصر : انا كنت اقريب من اهنيه وكنت راد البيت دقيت حق شويخ قالتليه مر عليه برد وياك البيت ...
يابر: هييييه ..
شيخه : انزين يله نش قبل لا نتاخر ..
ريسه : اعنبوه شيخه هيدي عليه خليه يشرب قهوته ..
ناصر : لا ماعليه مشروبه في وقت ثاني ان شاء الله ..
ونش ناصر ونشت وراه شيخه وسعيد ويابر عسب ايوصلونه لين الباب . .. ركب ناصر الكوبي مالته وركبت حذاله شيخه .. وكانت لابسه جابية بيت وشيله بيضا فاتغشت ابها لانه سيارته ماكان عليها مخفي ..
يابر: شويخ ماتبينها بنتج انبيعها ..
شيخه : ههههههه لااااااااء بنتيه .. ودوها داخل عن لاتصيح تراها اتعرف لحينه ..
يابر: وايه اتصيح لا لا اتصيح ولا الله قاله هاتها هاتها بنوديها داخل .. وشل يابر مهره ودخل داخل الصاله وهي طول ماكان شالنها اتيره من شعره اللي ظاهر من ورا قحفيته .. وراحوا قوم شيخه واخوها وحدر سعيد الصاله وقعد معاهم ..

يوم الثلاثاء
الساعه7 المغرب ..
بيت بو حمده القبيسي ...
ابى اسألك يا بحر ليش أمواجك تعاني..
انته مثلي يا بحر فاقد عزيز وغالي...
خليفه ها الوقت كان قاعده مع حمده في الصااله ..
حمده : حبيبي ايبلك عصير ..
خليفه : لا مابا تونا شرابين فرابتشينو شبعت .. وين امج عسب ارمسها ..
حمده : الاه فديييييتك .. حبيبي ان شاء الله الحينه بروح ازقرها ..وراحت تزقرها ..
خليفه كان ياي يخطب حمده .. خليفه هالوقت كان مثل الانسان اللي بليا روح ويدينه ترتجف ويحس في جسمه ببروده غير طبيبعيه وبرعشه .. يحس بضياع والم بس مب في جسده الالم اللي كان فيه لو انه في جسده ممكن انه ايكون اهون لكن الالم اللي كان ايحس فيه كان في روحه .. خليفه صار مثل الضايع فاقد لهويته فاقد كل شي حلو كان يربطه في هالدنيا .. بلا حب .. بلا قلب .. بلا ميثه .. كان ايقول في خاطره شو اللي صار شو اللي اتغير فيني شو اللي حل بي معقوله انا احب حمده .. وحبي لميثه وولديه اللي في بطنها وينه وين راح .. كيف قدرت اسلى .. كيف قدرت انيه انسى .. كيف قدرت ابدل حب بحب وقلب بقلب .. كيف يارب انك ترحمنيه كيف انا اتغيرت واصبحت لهاالدرجه من الانانيه والحقد .. اشعنه كل مايمر ذكرى ميثه ع قلبي او اني كل ماشوفها ينقبض قلبي كانه شي يمنعني عنها كانه شي ايقولي لا تروح عندها لا تكلمها .. تم خليفه مثل الانسان اللي عايش في متاهه قلبه تعبان وهو يتالم وينزف من كثر الجروح والالام اللي كانت فيه .. خليفه مارضى انه يجتل ذكرى ميثه من داخل شرايينه .. ويبدلها بحب مصطنع دخيل انزرع بالقوه بداخل قلبيه المريض .. شويه ودخلة حمده مع امها ..
ام حمده : السلام عليكم ..
خليفه : ..............
تمت حمده تتطالع خليفه االلي كان سرحان في عالم .. اسمه ميثه : خليييفه ..
خليفه : هلا .. هاه ... هلا ..
حمده : امايه يت ..
خليفه : مرحبا خالتيه شحالج
ام حمده : نحمدو انتوا اشحالكوا واشحال امك
خليفه : بخير ربي يسلمج كلهم ابخير.. خالتيه انا ياينج في طلبه واتمنى انج ماترديني فيها ..
ام حمده : انا عارفه ليش جاي جاي تتطلب ايد حمده
خليفه : هيه نعم ياي اطلب ايدها من بعد اذنج ..
حمده : احم احم ..هههههه..
ام حمده : انا موافقه وانتي
حمده : اكييييييييييييييييييد ..
خليفه : على خير ان شاء الله . يله اسموحلي بترخص عنكم ..
ام حمده : حمده روحي حطي العشا لرجليك ..
خليفه : لا خالتيه انا ماتعشى الحينه ابرايه المره الياي ان شاء الله .. يله مع السلامه ..
حمده : غناتي .. يوم بتوصل البيت اتصل خبرني لاني الحينه بمر ع ودوم وبروح معاها المارينا انزين ..
خليفه : اوكي .. وظهر عنهم ..

بعد اسبووووووووع ..
يوم الاربعاء ( يوم ملجة نوف وحمد )..
الساعه 4 العصر ..
بيت فاضل القبيسي ..

نوف كانت توها نازله من ع الدري .. واتصارخ تبا امها ..
عزه : ياربييي يا هاي البنت اللي من اصبحت وهي اتزاعق اشعنه اتزاعقين بضيع انا ..
نوف : امايه شو اتسويييين
عزه : انرتب الفواله في المطبخ ..
نوف : اممم ووين ريوس
عزه : ريسه يعلني افداها في المطبخ يالسه ..
نوف : حليلها هاي شقدرها على المعابل في المطبخ تتدرين ان الدكتوره قالتلها ارتاحي انتي وايد تتحركين .. بس هيه اللي يهداها ..
عزه : حلفييي ..
نوف : والله العظم هي ماخبرتني بس يابر خبرني ..
عزه : يعلني افداها والله .. وبعدها ماجابلتنا والله انه هيه وميثه مايتعوضن لالله لا يبارك فيك ياخليفه على اللي سويته ..
نوف : امايه حرام لا تتدعين عليه مهما كان هاذا ولدج ..
عزه : ولديه طالعي هالولد شو مسوي فيني ..
نوف : يله يامايه الله بيهديه ان شاء الله اكيد يوم بتربي ميثه ..
عزه :اميييييين ..
نوف : تتدرين امايه توني رمست ميثه قتلها بتيين قات ماعرف بشوف .. حسيت انها ماتبا اتي وانا مابغيت اضغط عليها بس والله يامايه ودي انها اتي ..
عزه ودموعها في اعيونها : شو بتقولييين بعد يابنتيه الله كريم ..
نوف : امايه عاده اليوم بتفتكين منيه بسنا من الدموع ولاحزان ..
عزه وهي تمسح ادموعها بالشيه : بفتك الا من خبالج .. وحليله بيطيح هالخبال كله في حمد .. يعلني افداه
نوف : عاشووووووا من الحينه يعلني افداااااه . هااااااا
عزه : انقلعي انتي مايخصج متى بتييج راعية الصالون مالتج ..
نوف : عالساعه 7 المغرب ..
عزه : هلله هللله في العقل ..
نوف : ان شاء الله ... وراحت نوف صوب المطبخ وقعدت معاهم وخلاف راغوها وماطاعت اتحدر الصاله الا يوم راحت معاها ريسه..
نوف : طيييييحي انتي تعبانه هب زينه لج اليلسه ليني ظهرج ..
ريسه : هاااااه شوتبيني اطيح في الصاله لالا. اعنبوه اخوانج يوم بيحدرون
نوف : اخواني مايحدرون بدونه الهود طيييييحي انتي ..
ريسه : لالالا استحي اعنبوه ..
نوف : انزين تعالي خلينا انسبير حجرتيه انسولف لين ماتي راعية الصالون وطيحي اهناك ..
ريسه : اذا جذيه ماعليه يله .. وراحن هن الهنتين غرفة نوف ..
في بيت غيث الشامسي ..
يوم الاربعاء ..
الساعه 6 المغرب ..
ام حمدان : يله ياعيال بنتاخر ع العرب هب زييين..
شمسه : يله انا جهزت ..
سلطان : وين بتروحون
ام حمدان : وايه بالستر هب الظهر انا مرمستنك اليوم ملجة نوف قتلي ان شاء ان شاء الله وظهرت عني
سلطان : نوف مااغيرها .. بنت خالتيه عزه
ام حمدان : هيه نعم نوف بنت خالتك عزه
سلطان : لا والله شوووو شوووووو
شمسه : شو هو اللي شوووو اشعنه محتشر
سلطان : واشعنه ايوزونها انا كنت اباها
ام حمدان : كنت تباها عاده من سبق لبق وبعدين انته خاطبيلك شو في كل مكان تبالك خطيييبه ...
سلطان : هيه صح نسيتها لطوف الخبله ..
شمسه : حوووووووه لا اتقول عن ختيه خبله ..
سلطان : تراها ختج هاذي هي المصيبه ..
شمسه اف منك ياويهك هاك هاك يود شله ركبه وياك السياره بسير اجوف العنود وبييكم .. وعطته غيث
ام حمدان : يله امايه لا تبطين ...
شمسه : ان شاء الله خالتيه ..
سلطان : هاتيييه ... ياويهك انته اشعنه احلى عني ويلس اونه يصفعه شويشوي نشت له ام حمدان وضربته على جتفه ..
ام حمدان : مسووووود الويهه .. عاطينك الولد اتصفعه ..
سلطان : امايه طالعي والله انه مزيون بيخرب عليه الزين ..
ام حمدان :هيه عاده انته بتموت ان حد شل عنك الزين هاه بيظهرن اينووونك ..
سلطان : ااااااااه .. صدقتي والله ..
ام حمدان : عن هالهذره الزايده امش امش جداميه شغل السياره ..
سلطان : انزيييييين .. بس انتي اشعنه ماخطبتيلي اياها ..
ام حمدان : ياربييييييه على هالولد المصرقع ..
وخلاف ركبوا السياره ويت العنود شاله بنتها ووياها شمسه وركبوا مع سلطان .. وراحوا صوب بوظبي ..

يوم الاربعاء
بيت فاضل القبيسي ..
الساعه 7 ونص المغرب ..

في قسم يابر..

رمش عيونه جديلي سليلي حد الصبا صقيل..
شعره اسود شليلي ويميلي عودن الدلال ايميل..
يابر كان توه ياي من تحت كان ايرتب معاهم .. وحدر على ريسه اللي كانت ناشله شعرها ويالسه اتصك العقم مالت التنوره .. كانت لابسه تنور برتقاليه فيها ورود بيض ع الاطراف وكان شكلها حلو مالت حفلات مبطله صوب البطن يعني مالت حوامل وعليها قميص ايديه طويله وفيه ربطه على الرقبه .. وفاجه شعرها ورافعه نص منه بورده لونها برتقالي ... وحاطه هاك الميك اب اللي لونه برتقالي وظاهر عليها موت لانها كانت بيضا تم يطالعها وهو فاج حلجه ..
يابر: يالبرتقاله .. عذببتي حاله ..( وياشر على عمره )
ريسه : هههههههه .. لا والله .. انا احلى عنها
يابر: ادري فديتج والله اني ادري انه محد في مستوى جمالج وحلاتج ..
ريسه : يبوووور بس بس .. وحطت الربطه مالت الرقبه على ويهها ..
يابر: تعالي يلسي اهنيه ..
ريسه : روح عاده تبا اتاخرني انته ..
يابر: تعالي اقولج ..
ريسه بدلع : هااه يييييت ..
يابر وهو معقد حياته : لااااااااااااء لاااااااء لااااااااااء ..
ريسه : شوووو ..
يابر : لااااء لاااااء ..
ريسه : اووووووه ... شو عاد
يابر: اشعنه راصه ولديه بالهنتوره اشعنه ..
ريسه وهي ااتحرك اتنوره على جسمها: هاي الحينه ضيقه وراصتنه والله انها وسيعة وهالتنوره مالت حوامل اصلا شوف مبطله صوب البطن بس عسب ماترصه ..وردت صوب االتسريحه مره ثانيه
يابر: روحي عقيها والبسي مخوره ..
ريسه : هييييه مررره مول عاده مايحتاي ..
يابر: تعالي انزين تعالي ..
ريسه : يبور عاده خلني اكمل فديتك لا تعطلني عقب بسويلك اللي تباه ..
يابر: لا لا الحينه تعالي ..
ريسه : خلاااف ..
راح يابر صوب ريسه ومسكها من جتفها لفها عليه وتم واقف مجابلنها تم يقرا عليها المعوذات وخلاف نفخ عليها وهي مستحيه ومغممضه اعيونها : ربي يحفظج اليه من عيون الناس ..
ريسه : امييييييين .. ويحفظك اليه من كل عين ..
يابر: هههههههه انزين اشعنه جذي حمرتي ومغمضه اعيونج
ريسه : ا ماشي يله روح اتسبح ..
يابر: ان شاء الله . وحدر الحمام الله يعزكم عسب يتسبح .. وظهرت له ريسه اثيابه وقعدت تترياه لانه عقب بيقذيها يبا درب .. ظهر وتم يتلبس ولبس سفرته ..
ريسه : انته اشعنه تتسفر ماتلبس سفره وعقال
يابروهو يقلدها : انته اشعنه تتسفر ماتلبس سفره وعقال .. بس عسب ايقولون هاذا بعده ولد .. هب معرس ..
ريسه : هيييييه هاذا اللي انته تباها ياويههههك ..
يابر: ههههههههه .. لا حبيبي بس انا متعود .. عقب يوم بييب اعيال بلبس ..
ريسه : اوووونه .. عاده . يله اخرتني قوم امايه واصلين اهنيه قريب يله ..
يابر: ان شاء الله ..
ونزلت ريسه حصلت اشوية حريم قاعدات اللي هن خوات شيخه وخلاف اتغشن ومر يابر وسلم عليهم وظهر .. وقعدت ريسه اتسلم على العرب وخلاف يوا هل العين وشمه من الساعه ست وهي عندهم .. والبنات كلهن كانن لابسات تناننير قمصان والحريم المعرسات يشمك ..واليازيه وفاطمه خوات حمد كانن مطقمات لابسات موديل اسباني بس ع شكل تتنوره وقميص وفجات اشعورهن ..

عالساعه 9 نص ..
بيت فاضل القبيسي ..
راحت ام حمد مع ريسه غرفة نوف وكانت نوف صدق قمر .. كانت لابسه لبس هندي وحاطه عليه كل الاكسسورات الهنديه وكان الللبس كلمة روعه شويه عليه ولونه ازرق على الكحلي وكانت دولا حاطتلها ميك اب هندي وكانت ظااهره قمر من حلاتها .. تمت ام حمد تقرا عليها ونزلت ريسه تحت ونزلتها ام حمد .. ونوف كانت متروعه وقلبها ايدق بقووووو ..

اقبـــــلت كنها على قلبي تدوس
في تمخطيراتها تمــــشي دجـــر
كنها في شكلها اجمل عــــروس
من لدانة عودها الموت الحمـــر
في تعازيل الخصر قلبي مغروس
في دعاليل الــــــهوى طرف حور
جل من صور جماله في النفوس
لي عطها من حسن يوسف صور

وقعدوها على كرسي وكل الحريم كانن يطرن جمالها وايقولن انهن مايلومن عزه يوم كانت اتخشها عن اعيون العرب .. وخلاف حطوا العشو وقعدوا يتعشون ..

في حوش قوم فاضل .. كانوا الشباب هالوقت مرتبشين .. وحاطين اغنية ويلي والكل ارتبش وقاموا ايولون ويبسون اخوان حمد.. راشد وغانم.. وسلطان ويابر ايولون وايبسون في صوب . وقاموا الشباب خلاف كلهم يتحدون من اصغيرهم لين اكبيرهم .. على اغنية وييلي ..

ويلي ياويــــــــلي ويـلي ياويلي ويلي انا ياويــــل
راح القمر ع الليلي ياليلي ليل الســـــــــهر يالـيل
رمش عيونه جديلي سليلي حد الصــــــــبا صقيل
شعره اسود شليلي ويميلي عودن الدلال ايمـــيل
عمري وروحي وخليلي بالحيلي عقبه مالي خليل
ازقره ويـــــــــلبلي بتدليلي حلو النطق الجـــــميل

وخلاف خلصت الملجه وردوا كلهم صوب ابيوتهم ...

اليوم الاربعاء
بيت حمدان الشامسي
الساعه 1 فليل ..
روضه كانت قاعده ع الشبريه ودموعها على خدها .. وكل ماتغمض اعيونها تتدمع اعيونها وتتذكر هزاع .. اه ياهزاع ليتك مارحت عنيه ولا خليتني اروحي اقاسي .. اه يايومي مطلوه من دونك رحت عني وظلمت نفسك وظلمنتني معاك كيف هنت عليك وكيف هان الحب هاذا كله عليك . قعدت روضه .. لاويه على مخدتها واتصييييح ..

ياكيف نامت عيونك وانته ظالمني
وأنا عيوني تعاف النوم لو تزعل
اسهر وقلبي لجل عينك يخاصمني
كني انا اللي خطيت ولازم اتحمل
***
معذور قلبي اذا لجلك يألمني
طبعا حبيبه ولو عذلت مايقبل
مايرتضي فيك مايسمح يكلمني
يغرق بصمته ومني يزعل تخيل
***
جنوب وشمال .. شرق وغرب توهمني
جهاتي اربع وانته الخامسه تكمل
توّهتني في غرامك ليت تفهمني
بعثرتني ليت افهم وين انا بوصل
***
يرضيك يعني اذا يرضيك خبرني
امر وعيني بمرواد السهر تكحل
وش في يديد دامك بامر الحب تحكمني
ابشر حبيبي ترا من حب يتحمل

وم العرس .. بعد شهر كاااااااامل ..
الخميس ..
الساعه 8 ونص فليل ..
في قاعة الانتر كونتنتال ( القاعه الكبرى ) ..

الكل كان هالوقت مرتبش في القاعه مالت العرس .. ويابر توه كان يايب شيخه وريسه ونوف من البيت . نزلن الفندق وحدرن غرفة العروس وكان يابر شال الفستان .. اللي كان ثجيل وايد .. بسبب فخامته ..
يابر وهو يحط الفستان ع الشبريه : ااااه والله انيه تعبت هاذا فستان متاكده انه فستان
ريسه : هيييييييييه ههههههه ..
شيخه : يله ماعليه هاي اختكم الصغيره اتعبولوبها ..
يابر: يعلني افداها انا محلاتها ..
نوف وهي مستحيه وشويه بتصيح من الروع : صخوا عنيه انا شويه وبصيح اصلا . بس ابا الدقه ..
ريسه : هااااااه لااااااا هاه اقولج لاااااا .. بذبحج .اسحبيها الصيحه على فوق اسحبيها ..
شيخه : هههههههه دواج فيها ادبيها ..
يابر: شويخ وراس مهاري هاه انج ماتخلين ريسوه ترقص ..
ريسه وهي منصدمه : هااااااااه .. اشعنه ان شاء الله ..
يابر: لانه ان شاء الله يعني انتي حامل .
ريسه : حرام عليك عن خاطريه ..
يابر: ماشي انا حلفت ..
وتم ميودنها .. وحاط ايديه ع بطنها ..
يابر: في ذمنكتن شي احلا عن هالقمر .
ريسه : تراه سخيف ..
شيخه : لا هب سخيف ولا الله قاله احلا شي انه الحرمه اتكون في عين ريلها قمر ..
ريسه : عاد هاذا يبور بياع رمسه .. اقولك يله اظهر روح عن الرياييل مشكور ع الخدمه ..
يابر: طالعن كيف اتروغني ..
ريسه : والله انه من الساعه 6 المغرب وهو مجابلنيه مجابل الا فستانج حلو الا تسريحج حلوه الا مكياجج حلو بس انتي اللي ملحتنه والله هلكني .. روح روح الله يخليك ..
يابر: انزين ماعليه براويج انا انتي ..
ريسه : ههههه اوكي راوني ..
شيخه وهي صاده ع نوف : انتي اشعنه من الصبح صاخه
نوف : ابا اصيح ابا امايه ..
ريسه : وااء واؤ ادلعي يختيه يلللللله ماشي دلع .. ويلسن يساعدنها تلبس الفستان وعطرنها وحطنلها الدهن العود ودخنوها .. ريسه كانت لابسه فستان وردي ومسويه تسريحه ومنزله منها خصل وحاطه على اطراف تسريحه اربع ورود جوريات وبما انه شعرها كان طويل فكان عاطن شكل حلوو .. وشيخه لابسه فستان عنابي ومسويه تسريحه في نص شعرها والنص الثاني رافعتنه على فوق ومنزله منه خصل . .. ظهرت شيخه من الغرفه وراحت صوب القاعه عسب اتشوف بنتها وراحت عند عاشه وخواتها لانه من الصبح يتصلن فيها تلفون ..

عالساعه 10 ونص
اتصلت ريسه في يابر عسب ايي ويظهرون نوف من الغرفه عسب تحدر القاعه .. وراح يابر صوبهم وحدر الغرفه فتحوا الهم البيبان وكان يابر هو اللي بيزف نوف.... الكوشه كانت مالت بلاد الصين كلها عباره عن اشياء اتخص االصين من اجراس ع طرف الكوشه و من كتابات على الكرسي وكانت الكوشه ولا ارووع كانت كبيره وفخمه بشكل فضيع .. بندوا اليتات وظهرن حرمتين من الصين لابسات لبس صيني لونه احمر وسون استعراضهن على الموسيقى الصينيه لمدة عشر دقايق وخلاف حطوا دقه صينيه مالت الاعراس اللي يحطونها في اعراسهم وموسيقتهم مالت الاعراس وايد كانت حلوه واتبين شده رهبة هاليوم وهالشي اللي خلا نوف اتموووت من الخوف ..
نوف : ريسوه تمشين احذالي ماتفجييني ..
يابر: ياويهج انا وياج..
نوف وهي لاصقه في ريسه : انا اباج ..
ريسه : ههههه انزين انا معاج .. تراني بمشي معاكم ..
نوف : بسم الله بسم الله ..
وريسه ويابر ميتين عليها من الضحك .....
فتحوا الباب وظهرت نوف ومعاها يابر يمشيها وريسه اتعدل فستانها اللي ماكانت قادره انها اتشله او تمشي فيه .. نوف كانت ايه من الجمال ظاهره في هاذا الفستان الضخم .. وكانوا مسويلها تسريحه ورافعين شععرها باكسسوارات فخمه اتبين في شعرها .. ومكياجها الترابي اللي كان كله الوان ترابيه .. تمت الناس بس الاتسمي عليها من حلاتها .. ماتن عليها العرب والبنات والكل كان ايقول ياحي اللي بياخذها اكيد مايسوى نص الجمال اللي هيه فيه والبنات طبعها اعيونهم على يابر وريسه انتبهت وماتت من الغصه ... وصلهم يابر لين قبل الكوشه وخلاف حب نوف على راسها وروح عنهم .. ظهرت عاشه هي مع شيخه وقعدن ايساعدن نوف عسب تركب الكوشه وركبت وقعدت على الكرسي ...
عاشه : امايه تتدرين امنوه اهنيه
عزه : امنوه ..
عاشه : هاي السباله المغربيه سماح وبنتها حمده ..
عزه : حلفي ..
عاشه : والله شفتهم قاعدات ..
عزه : نشي عنيه خليني اروح اروايهم الشي اللي عمرهم ماشافوا بعد الهم قوات العين انهم اييون لين اهنيييه ..
عاشه : امايه اللي يخليج نحن مانبا الفضايح . خليهم ابرايهم ..
عزه : انا بظهر سباله ان خليتهم اهنيه نشي عنيه ..
عاشه : امايه وغلاتي عندج ابرايهم خليهم هذيله ناس مستواهم واطي انتي مستواج عالي اشعنه اتنزلين مستواج الهن ..
عزه : بس ان شافتهن شمه شو بتقول
عاشه : امايه خليهن ينقلعن قتلج لا تحرين عمرج عسبتهن ..
عزه : ييت ميثه
عاشه : لا ماييت ..
عزه : الله ينتقم منه اخوووووج ..
عاشه : اشعنه امايه هي كانت بتي
عزه : هيه سالت شمه عنها قالت بتي ان شاء الله .. بس ماعرف حسيت انها هب متاكده ..
عاشه : حليلهم والله طالعي كيف خالتيه شمه ولا كنه شي مستوي اتحاول اتسوي المستحيل بس والله ايبين الحزن اللي هيه فيه من اعيونها ..
عزه : شسوي يامايه والله هب بيديه شي ..
وشويه ودشت ميثه وسلمت على عزه وعاشه اللي كانن واقفات عند الاستقبال ..
عزه :فدييييت روحج انا .. شحالج يعلني افداج ..
ميثه : اخير وسهاله شحالكم ولوت على عزه .. وتمت عزه اتصييح ..
عاشه : امايه العرب تتطالع
عزه : فديتج والله يامايه والله انيه اتولهت عليج ..
ميثه : وانا اكثر يعلني افدا روحج والله انيه وايد اتولهت عليكم . وفاقدتنكم لكن ماعليه الله كريم .. شحالج عاشه
عاشه : بخير يعلني افدا روحج انتي شحالج .. وسلمت عليها وخلاف قعدت اتسولف معاهم وخلاف استاذنت منهم عسب اتروح اتسلم على نوف .. وراحت صوب الحمام عسب اتعق شيلتها وعباتها واتصلت بالعنود عسب اتتيها يتها العنود .. وعقت ميثه شيلتها وعباتها .. ميثه كانت قمر من حلاتها صدق كانت حلوه من الخاطر .. كانت لابسه فستان عريان مال كرستيان ديور لونه وردي ومكتوب عليه بالابيض حرف السيه وحرف الديه ولابسه ساعه ونعال نفس قطعت فستانها وكانت فاتحه شعرها اللي كان واصل لين ركبتها وحاطه على الطرف ورده جوريه لونها وردي .. ظهرت ميثه من الحمام وراحت صوب قوم يدتها وسلمت عليهم والكل كان منصدم من ميثه ومن جمالها كان شي محد ايروم انه يوصفه غطت على الكل اللي كان موجودين اهناك ..
ميثه : امايه بسير اسلم على نوف وبظهر لانيه ظهريه ايعورني من القعده في الصالون ..
شمه : اللي يرحج يعلني افداج .. تعاالي شويه ..
ميثه : لبيه امايه (.يلست شمه تقرا على بنتها المعوذات )..
ام حمدان : زين سويتي يامايه ..
وخلاف راحت ميثه صوب البنات وسلمت عليهن كلهن والكل استانس يوم شاف ميثه وتمن البنات يلون عليها وفي خاطرهن عبره على فراقها .. تمت اتسولف معاهن شويه وراحت صوب ريسه اللي كانت قاعده تشرب الماي ... ومسكتها من جتفها ..
ريسه : واااااايه فدييييت هالويهه وايه ولوت عليها ..
ميثه : افدااااج .. هههههه تعالي بنسير انسلم على نوف .. فديتها طالعي منصرعه حتى ماتصد على الناس .. هههههه ..
ريسه : سكتي سوتلنا حفله ..
ميثه : ههههه حليلها ..
راحت ميثه مع ريسه وركبن عالدري مال الكوشه بطن ميثه توه كان ظاهر ايبين انها كانت حامل .. بس ريسه كان بطنها اصغر شويه لانه ميثه كانت في الخامس وريسه في الثالث .. نوف من شافت ميثه انصدمت ووقفت من مكانها وراحت ميثه ولوت على نوف خنقتهن العبره هنتيناتهن ..
ريسه : هيهااااء .. الحريم كلهم يطالعن ..
فجت ميثه نوف وهي تبتسم الها وسلمت عليها وقعدن ايسولفن مع نوف ..
حمده كانت قاعده مع امها واختها ووديمه اربيعتها ..
حمده : طالعوا ميثوه هاذي ..
وديمه : واااااااااو طالعي محلاتها .. طالعي فستانها ايجنننننننن ..
هدى اخت حمده : والله انها حلووووووووووه منوه هاي
وديمه : هاي حرمة خليفه
ام حمده : محلاتها قمر ..
حمده : وايد عايبتنكم مالت عليها .. ( حمده كانت واثقه ومتاكده من جمال ميثه بس وايد كانت منقهره من جمالها ونعمومتها وانه الكل كان يشهد ع جمالها ).. تموا اهل حمده يرمسون عن ميثه .. وخلاف عصبت حمده واتصلت حق خليفه عسب ايي يشلها .. وخلاف استاذنت ميثه من نوف ومن الكل لانها كانت بتروح البيت عسب انه الدريول كان يترياها خاري .. وراحت ميثه صوب قوم امها ولبست شيتها وعباتها ...
خليفه توه كان واصل صوب الفندق وكان قاعد في السياره يتريا حمده لين ماتتطلع .. هالوقت خليفه كان ايفكر في ميثه ويوم كان ايكون عندهم عرس ولا شي كيف ايدلعها وايغار عليها من اي شي ويوم كانت تتدلع تم يتذكر كل الايام الحلوه اللي كانت تجمعهم واتذكر هله وزعلهم عليه وامه اللي من شهرين وهي زعلانه عليه فجاه نزلت دمعه من اعيونه دمعه على مرور الليالي اللي مرت اللي خذت معاها كل الذكريات الاليمه ولكنها تنسى انها تاخذ اثر هذيج الذكريات الحزينه .. صح انها تتلاشى واتروح واتضيع .. ولكن اثرها ايتم محفور في القلب .. ميثه .. ميثه .. وبسسسس. تم خليفه يطالع من الجامه اللي جدامه ويحس كانه ضباب في اعيونه وخلاف يت حمده وركبت معاه توه بيتحرك شاف وحده ظاهره من القاعه وقف قلبه حس بانها هاي روحه وحياته
عالبال توك ياجمــــــيل*** والحين اشوفك مستحيل
ماصدق اعيونـــــي انا*** ياسيدي عمرك طــــويل
توني اسولف عن هواك*** واسال فؤادي لي معاك
وين ارضك انته او سماك *** والقاك فعلا مو قــليل
ياليتك كل ماشتقــــــــــتلك *** حبي وشوقي يوصلك
والقاك كل ماتــــــــــــخيلك *** في قربي يااغلا خليل
شرفت قلبي بالحـــــــضور *** وانته على بالي تدور
شعور مابعده شـــــــــعور *** واحساس مامثله مثيل

تم واقف وخلاف اتاكد انها ميثه لانها كانت رايحه صوب سيارة الدريول مالتهم توها بتركب نزل من السياره وتم يزقر عليها .
خليفه : ميثه ميثه ..
صدت ميثه صوبه ..
وووووووو انتهى الجزء ..

ظنكم شو بتقول ميثه حق خليفه ..
ظنكم شو بتظهر نتايج تحاليل هزاع سلبيه ولا ايجابيه
ظنكم خليفه بيقدر ايقاوم العذاب اللي هو فيه ولا لا
ظنكم شو بتسوي روضه يوم بتعرف انه امها بتيوزها ولد اختها ظنكم بتاخذه ..
الجزء الخامس ولاربعون
( الفصل الثاني )

روح وروح ابـــــــعد بدنيـاك *** يامتعبن قلبــــي بصـــــدك
الدرب لي ضحكك بكـــــــــاك *** موت وتـــكور ابنار حقدك
كم في العضا ياناس شرواك *** محب الجـــمال ايفوق مدك
واليوم لي بيــــــــصير وياك *** باكر معاك لانـي انتظرتــك
تذكر زمانن كنـــت اهــــواك *** انته الوحـــــيد ومين قــدك
ودك ادور غـــــــــــير لقياك *** ودك ادور غــــــــــير ودك
انا نســــيتك قبل لا انســـاك *** حتى خفــــــوقي اليوم هدك
وبكل صراحه واتــــــــحداك *** اوقف مكانك عـــــــند حدك
لقياك اصـــــــبح مثل فرقاك *** والبـــــــــحر مده غير مدك

تمت ميثه بكل احتقار ووقاحه تتطالعه وخلاف قالتله : هب سادتنك السباله اللي عندك .. اسمعني عدل ان يبت اسميه ع لسانك ياويلك ماتخلط اسميه مع اسمها .. لانك ماتسوا اسميه .. ياخي فكنيه .. انقلع .. وركبت السياره وصكت الباب ...
ميثه : يله اتحرك عبد الرحمن ..
عبد الرحمن : جين مااما ..
راحت سيارة قوم ميثه وتم خليفه واقف ..
حمده : خليييفه . شو ماتروم اتشوفها واتم ساكت .
خليفه منصدم : معقوله هاي ميثه
حمده : هيه هاي ميثه اللي دومك تتطريها .. ميت عليها مادري ع شوه ومتمسك فيها هب راضي انك اطلقها ..
خليفه : ولا بطلقها ...
حمده بعصبيه : خلييييفه..
خليفه : انزين ان شاء الله ان شاء الله سكت .. وخلاف حرك سيارته وروح ..

في القاعه ..
حدر حمد االقاعه على نوف والحريم كلهن ماتن يوم شافن حمد وكانوا ايقولون صدق انهم وايد لايقين ع بعض حمد كان حليو ويجذب اي حد ايشوفه .. وكان ميت من الوناسه وشكله مستانس من الخاطر .. وتم قاعد معاها لمدة نص ساعه تقريبا وخلاف راحوا لغرفه مالت الفندق ايمكلون تصوير لانه طيارتهم كانت اليووووووووم فليل ..

في بيت فاضل القبيسي ..
الساعه 1 فليل ..
يوم الخميس ..

عزه واتصيح : ياه يانوف جان فراقها غالي .. وماروم انيه اصبر بلاها ..
ريسه : امايه عاده لا تصيحينا والله انه دمعتيه في عيني كلنا ماتهون علينا .. بس شو نسوي هاذا نصيبها .. الله يوفقها ..
عزه : ياله يارب ويسعدهم مع بعض ..
ريسه : هاي احلى دعوه (و نشت ريسه وحبت عزه على راسها) .. يله امايه سيري ارقدي ارتاحي من اصبحتي وانتي تكرفين ..
عزه : يعلني افداج يالشيخه انتي .. فديت عمرج انتي اللي من اصبحتي تشتغلبين واتروحين واتيين روحي يعلني افداج هب زين لج سيري ليني ظهرج ..
ريسه : ان شاء الله يامايه ..
عزه : ووينه يابر..
ريسه : راح معاهم ايوصلون المعاريس المطار .. وبيي ..
عزه : خلاص ماعليه يعلني افداج .. يله تصبيحين ع خير ..
ريسه : وانتي من هله ..

في بيت المر الرميثي ..
الصبح الساعه 10 ..
الجمعه ..

هزاع : السلام عليكم ..
شمه : بسم الله الرحمن الرحييييييم ..
هزاع : هههههه اشعنه منصدميين ..
ام حمدان : انا زعلانه عليك لا ترمسنيه ..
هزاع : افا عليج ..
شمه : لاتي ولا اتقرب صوبيه ..
هزاع : اعنبوه عالنين عليه حرب .. خلاص برد مكان ماييت ...
شمه : عادي ماتفرق عندك نفس ماسويتها اول مره بتسويها ثاني مره ..
هزاع : افا عليج ياشيخة الزييين ..
وراح صوب يدته وحبها ع راسها وصوب امه وحبها ع راسها ..
هزاع : امايه غايه من متى انتي عنا
ام حمدان : من البارحه يينا عرس نوف وردوا حريم اخوالك وانا تميت عند امكم فديتها اللي ملعوزينها انتوا..حرام عليكم االلي اتسوونه فيها .. اشعنه ماترحمونها هاي هب امكم
شمه : ولا الله قاله لا امهم ولا شياته ..
هزاع : امايه حرام عليج لا اتقولين جذيه ..
ام حمدان : عيل خبرنا اشعنه سافرت واشعنه ماتبا بنت خالك
هزاع : باجر بخبركم ..
شمه : طالعي يوم اقولج كل شي يبونه ع كيفهم واللي بيقولونه بيقولونه واللي مايبون ايقولونه لا والله قاله مابيقولونه ..
ام حمدان : يامايه كل شي بالتفاهم . اشعنه يابويه ماتخبرنا الحينه اتخبرنا اخلاف
شمه : بس يامايه والله انيه ماروم اخبركم الا باجر وبخبركم ..

في بيت حمدان الشامسي
الساعه 1 الظهر
يوم الجمعه ..
باتت عيوني .. عيوني حيـل تـذرف
بين النهار.. النهـار وبيـن بشـوف
من علتي.. علتـي والجسـم يرجـف
في داخلي.. داخلي واتزاحم الخـوف
كانت اخت ميره وريلها في بيتهم ياين ايخطبون روضه حق ولدها خالد .. الحريم في الصاله والرياييل في الميلس ..
ميره : نحن خوات والبنت امره من صوبكم ...
موزه : تسلمين يعلني افداج والله ماتتدرين كم استانس خالد يوم عرف انكم موافقين عليه .. والله انه تم ايحلف انه بيسويلها كل شي هي تباه .. وبيحطها في اعيونه ..
ميره : يعلني افداه والله .. ماعليه اقصور ولد احمد ..
موزه : ووينها عروستنا
ميره : الحينه بتنزل ..
وخلاف نزلت روضه .. وسلمت عل خالتها وقعدت معاهم شويه وخلاف ردت غرفتها ..
موزه : شو بلاها لين الحينه هي مضايقه ..
ميره : لا عادي هي تباكم وموافقه عليكم وقالت مدام ولد عمتيه ودرني اخير عن ولد خالتيه مابحصل ..
موزه : يعلني افداها ..
وطبعا روضه ماعندها علم باي شي من الكلام اللي يصير ..وخلاف تموا ايسولفون واتغدوا عندهم وراحوا عنهم .. وراحت ميره عند بنتها الغرفه ...
ميره : هاه يابنتيه شو اتسوين
روضه : ماشي قاعده ..
ميره : تتدرين خالتج اليوم اشعنه كانت يايه
روضه : لا ماعرف اشعنه كانت يايه ..
ميره : يايه اتخطبج حق خالد ولد خالتج وانا وابوج وافقنا ..
تمت روضه واقفه مصدوووومه كانه حد صافعها كف ع ويهها تمت تتطالع امها فجاه يلست ادموعها تنزل وتمت تمسح ادموعها بيديها بس دموعها ماطعات انها توقف ..
ميره : لاتيلسين اتسويلي ها الحركات ..
روضه بحزن : وانا مالي شور
ميره : لا مالج شور لانج اخير عن ولد خالتج مابتحصلين .. وهو قايل انه بيحطج في اعيونه وبيغمض عليج ..
روضه وهي اتصيح : حرام عليج اشعنه جذيه اتسوين فيني اتعرفين انيه انا احب هزاع وانيه اموت فيه وانيه بتم احبه لين مااموت حتى له هو مايحبني حتى لو هومايباني عادي انا اباه انا احبه مستعده اتم ع ذكراه طول عمريه ولا اني اخلي واحد غيره يلمسني او انه يكلمني او انه يتقرب مني حتى .. تفهمييييييييييين .. انا كم بتحمل قولييلي كم بتحمل ..
ميره : انا امج وشورج عندي هب عندج وهاذا لا تتطرينه جدامي تفهمين شو تبيبه وهو سافر عند وخلاج ومايباج .. وانا مابسير على شور خبايل تفهمين ولا لا .. كم من الفضايح تبون تفضحوناااااه كم قولي كم
روضه : انا ااباها الفضايح اذا بتيوزونيه هالسبال انا ماباه مش ع كيفج انتي شو تتحسبييييييين ..
ميره رفعت ايديها وصفعت روضه كف ع ويهها : يمكن هالشي ايصيحج من اللي انته يالسه اتسوينه .. واللي انتي تقولينه ..
طاحت روضه علىالشبريه وتمت اتصيييييييييييح .. : تبين تحكمييين عليه بالموت .. اجتلييييييني اصلا خلاص مافي شي يستاهل انيه اعيش عشانه .. احبببببه احببببببببه . والله انيه احبه وبتم احبه . وبقولها جدام اختج وولدها ...
ميره : اتروميين يالسباله رمسه ثانيه بتشوفين شي ماشفتيه .. بتاخذينه وريلج فوق راسج تفهميييييين ..
تمت روضه ساكته واتصيح وظهرت ميره عنها وسكرت الباب بقووووو ..
في بيت فاضل القبيسي ..
الساعه 3 الظهر ..
يوم الجمعه .. قسم يابر
كنت اظن هالدمعه اللي وسط عيني وانت رايح جت معايه اتودعك
لين طاحت مني كنها ماتبيني من غلاتك ودها ترحل مــــــــــعاك
هاذا قلبي هاذي عيني وذي ســـــنيني مايبونك ترحل وكيف اقنعك
حتى روحي واقفه بينك وبيـــــــني لاهي عندي ولاهي تقدر تمنعك
خذتني كلي انا وش باقي فـــــــــيني خايف اوقف والقى ظلي يتبعك
روح وسافر بس طلبتك ياظــــــنيني على الاقل لو ماشوفك اسمعك
ريسه : الحينه انته مصمم اتسافر عنيه واتخليني روحي
يابر: حياتي انا هب متاخر بس ثلاث ايام بنروح صلاله مع ربعيه وبنرد ايقولون الجو عندهم حلو مووووووت .. والله كان في خاطريه اوديج معايه بس انتي حامل حبيبي عاده لا تزعلين والله انيه مابطول عليج بس ثلاث ايام وبروح انا واخوج سلطان واثتنينه من ربيعيه وبنرد ..
ريسه : هيه بس حبيبي انا ماروم اقعد بلياك لحظه .. غناتي انته كل شي عندي في هالدنيا وطاحت دمعتها ع عينها ..
يابر: لااااااااااااء .. كله ولا دموعج غناتي انتي اتعرفين اذا نزلت دمعه وحده من اعيونج انا اموووووت ... اتعرفين شو يعني اموت .. خلاص عسب خاطر اعيونج هب رايح يله سكري الشنطه وظهري الثياب اللي حطيتيهم ..
ريسه وهي منزله راسها : لااتقوووول جذيه لاتييب هالطاري ع لسااانك كم مره اقولك انا لا حبيبي برايك روح استانس .. وصدقني بترياك ..
يابر: فدييييت عمرج انا .. وباسها بين حياتها . احبج والله انيه احبج يعلني افقد روحي وحياتي ابكبرها ان اطالعت او فكرت مجرد تفكيرانيه اطالع حد غيرج ..
ريسه : لانك ماترووووووم بجتلك ..
يابر: فدييييته الحلو .. اللي بيجتلني فدييييييته ..
وخلاف تمت ريسه تمت اتحط اثياب يابر وعقب ما خلصت ركبت معاه السياره وراحوا بيت قوم المر ..

بيت المر ..
في الصاله ..
ريسه : سلطان حط ريلي في اعيونك ..
سلطان : خليه هو ايحط اعيونه عليه ..
يابر: هههههههه .. امحق ليل .. شو ابابك ... ماشي شغل
ريسه : ياويلك ان خربت ريلي وخليته ايسوي نفس حركاتك بذبحك ..
سلطان : هاذا .. اصلا هو اللي بيعلمني ..
ريسه وهي فاجه اعيونها : شوووووووووو
ام حمدان : يله عاده انتي تبين الدقه عليه يعلني افداه .. ..
ريسه : لا لا امايه لحظه لحظه .. شووو شوووووو اللي يقوله سلطان ..
يابر وهو يغمز الها : اتصدقييين فيني هالشي
ريسه : امممم لاااء ..
سلطان : عاشوا هل الثقه .. يله يله عن لا نتاخر ..
شمه : بسيرون بطياره
يابر: لا لاء هاك الجو الغاوي مايباله طياره بنسير بسيارتيه ان شاء الله ..
شمه : هيه والله زين اتسوون يله انتوا سيروا واطالعوا الجو كيف والسنه اليايه في الصيف بنروح وياكم ..
يابر: ان شاء الله وعاده ايكونن ريسه وميثه مربيات وبنشبل الصفاصيف مالهم ويانا ..
ميثه : ان شاء الله .. والله الكل يمدحها .. يبالنا والله يبالنا ..
سلطان : اف بنوديييكم يله عاد لا تاخرونا .. يله ابرايكم ..
وظهروا من البيت سلطان ويابر وركبوا السياره وخلاف مروا على نهيان وراشد .. وظهروا صوب خط صلاله ..

بيت المر الرميثي ..
الساعه 10 فليل
يوم الجمعه ..
ماوعدت انك تقاسمني المحـــــــــــــبه..... وتبقــى لي حبا ولدروبي دليل
بس حسافه الموت كان اقرب وارحم... حسبي الله وحده ونعــــــم الوكيل
كانوا ريسه وميثه وام حمدان وشمه قاعادات في الصاله .... ريسه وام حمدان باجر بيردون العين .. وفالوقت اللي هم كانوا قاعدين ايسولفون فيه رن التلفووون .. وراحت شمه اتشله .. والكل كان يطالعها لانه قالت انه الرقم غريب .. سكرت شمه وهي في حاله هستيريه الخط : ماتواااااااااا مااااااااااااااتوا .. لاااااااااااااااااااااااااااااء .....

انتهىىىىىىىىى الجزء ..
الجزء السادس والاربعون
والاخييييييييييييييييييييييييير

لا سلهمت ظاع العزم والتقوي ... فيها حياة وموت واكبر بلاوي

السبت
الساعه 8 الصبح ..
بيت المر الرميثي ..

كانوا ريسه وام حمدان وشمه قاعادات في الصاله .... ريسه وام حمدان توهن كانن بيردن العين .. وفالوقت اللي هم كانوا قاعدين ايسولفون وواقفين عند الباب رن التلفووون .. وراحت شمه اتشله .. والكل كان يطالعها لانه قالت انه الرقم غريب .. سكرت شمه وهي في حاله هستيريه الخط : ماتواااااااااا مااااااااااااااتوا .. لاااااااااااااااااااااااااااااء ..
وخلاف يت صوب امها وطاحت في حظنها وتمت اتصيييييح .. يعلني بدالك يعلني ابدالك يالغالي .. حراااام والله حرااااااام ..
ريسه منصدمه وسااااكته ودموعها في اعيونها ..
ام حمدان وهي منصدمه وواصله حدها : لاحول ولا قوة الابالله العلي العظيم .. منوه اللي مات يامايه امنوه
شمه وهي اتصارخ واتصيح : رييييييلي .. يامايه ريييييييلي .. سووا حادث وماتوا كلهم وريلي وياهم يامايه وياهم ..

السبت
الساعه 11 الصبح

دار الزمان وصار في العهد تغيير ... مدري الزمن غدربي ولا الوقت غدار

بعد ماوصل الخبر حق الكل والكل اتيمعوا في بوظبي وردوا يابر وسلطان من عمان من بعد ماسمعوا بالخبرلانهن كانوا واصلين احدود صلاله وعدهم ماحدروا فيها فردوا بوظبي .. شمه هالوقت كانت مثل الجثه طايحه ع فراشها ودموعها ع خدها وريم اتصيح كل ماشفتها اتصيح وقاعده احذالها .. ام حمدان راحت وقالت حق سلطان ايروح ايظهر ميثه من التقنيه وهو يكلمها لانه ام حمدان كانت اتعرف شكثر ميثه متعلقه في ابوها فاذا سمعت هالشي من ريال وخصوصا من واحد اقريب منها مثل سلطان يمكن انها اتكون اقوى وراح سلطان صوب التقنيه عسب ايظهرها ويطلبلها اذن خروج .. راحت ميثه عسب اتشوف منوه اللي طالبنها . ويوم راحت شافت سلطان انصدمت .. وراحت صوبه ..
ميثه وهي متروعه :سلطاااان اشعنه ياينيه خير مستوي شي ..
سلطان وهو منزل راسه في الارض: لا سلامتج ..
ميثه : عيل اشعنه ياي تتطلبليه اذن خروج
سلطان : انتي ركبي معايه وبتعرفين بكل شي لا تخافين مافي الا الخير ..
تمت ميثه منصدمه وسرحانه اتفكر في السالفه وشو اللي خلا سلطان اييها وهم البارحه مسافرين وطول الطرق هو ساكت وهي ساكته الافكار كانت اتيبها واتوديها وكانت تترياه يرمس بس هو كان ساكت وتوها بترمس الا وهم واصلين صوب لفة البيت .. صدت صوب بيتهم شافت ناس تتدخل وتظهر وسايير وايده واقفات جدام باب بيتهم . وتمت ميثه يالسه في السياره من عقب ماسلطان وقف سيارته جدام باب البيت ..
سلطان : ميثه نزلي ..
ميثه تتطالعه وهي مستغربه ومنصدمه في نفس الوقت من اللي يصير جدام اعيونها وهب قادره حتى اتفكر شو اللي يستوي : وين انزل اشعنه بيتنا متروس رياييل وهالحريم يظهرن ويحدرن شو السالفه
سلطان : يله نزلي ... حطت ميثه غشوتها ع ويهها ونزلت مع سلطان وحدرت الحوي شافت انه محد فيه غريب غير يابر رفعت غشوتها وتمت تتطالع يابر مستغربه من وجوده ومن وقفته هالوقفه الغريبه ويابر منزل راسه للارض ..
ميثه : يابر خبرنيه شوالسالفه
يابر: الله يصبرج ياميثه ..
تمت ميثه تتطالع يابر بعيون حايره تتدور رد اترد به على يابر اللي هب قادره اترد او انها اتقول شي .. حدر سلطان ع الراييل في الميلس وزقر منصور واستاذن منصور من عندهم وراح عند سلطان وخليفه من شاف منصور ظاهر ظهر وراه شاف ميثه واقفه مارام انه يتجدم منها من انه يلسمهامن انه يحظنها كان ايفكر شو ايقول او انه شويسوي وكان يتريا ردت فعلها . وتم واقف ورا الباب .. بس هو يطالعها وهي ماتتطالعه لانه الباب كان زجاجي وعاكس .
يابر : منصور .. منصور ..
ميثه دمعتها في اعيونها : اتكلموا شو السالفه .. اشعنه جذيه تتطالعونيه خبروني شو فيكم
منصور : ميثه يعلني افداج..( واتقرب منها وحظنها) .. انتي انسانه مؤمنه بلي ايقدره ربج والله يبتلي المؤمن في اغلى شي عنده ولازم انج تصبرين وتحمدين ربج على كل حال ..
ميثه بتعب : شو .. شوه .. خبرونيه شوه . . منصور اشعنه اتقول جذيه .. ابوس ايديكم حد ايخبرنيه شو مستوي .. والدموع في عيونها كانت كنها سيل تذرف من اعيونها ..
سلطان ومنزله راسه للارض: ابووج ..
تمت ميثه واقفه فجاه خرت ع الارض على كوعها والدموع في اعيونها : اشعننننننننننننننه لاااااء لاااء منوه قال ابويه اليوم بيي (وصرخت بصرخه قويه صرخه ماظن انه ايكون بعدها صرخه) .. الموت اايك وايشلك عنيه اشعنه اشعنه يابويه.. ليتني مت قبل لاتموت( وتمت اتصيح واتصارخ ومنصور حاظننها ويهديها )لاااااااااء ابااااااا اشوفه .. ابا اشوفه ..
مااقدر مااقدر .. وتمت تتنهد بصوت تعبان وحزين كنها راكضه البلاد بكبرها من كثر ماكانت تنهيداتها قويه وحزينه .. اه .. وطاحت عليهم .. مثل الجثه اللي بليا روح ..
منصوره وهو يرفعها : مييييثه .. ورفعها .. من شافها خليفه ربع صوبها ومسكها وشلها وركبها السياره وطار ابها صوب المستشفى ..حب خليفه كان اقوى من كل شي اقوى من انه يكسر ويقاوم القيود اللي فيه بكل قوه والكل افي هالوقت ماعرف شو ايسوي او انه كيف يتصرف او شو يقول او وين يروح تموا منصدمين وواقفين .
سلطان : شو انسوي الحينه .. خليفه شلها ..
منصور : برايه ريلها .. حدروا انتوا داخل وانا بتصلبه بساله بس لا تخبرون امها ..
يابر: الله يعينهم .. وراحوا سلطان ويابر وقعدوا في الميلس اما منصور اتصل في خليفه كمن مره بس خليفه ماكان ايرد ..

في غرفة شمه ..
الساعه 12 .. الظهر
شمه وهي اتصيح لاويه ع ريم حزن شمه هالوقت.. حزن الدنيا كله كان في قلبها .. على الانسان اللي عاشت عنده اغلب حياتها عاشت عنده من هي اصغيره عمرها 16 سنه ماتعرف ولا شي فالدنيا كان بالنسبه الها كل شي في هالدنيا بس للاسف هالانسان انتهى من الحياه واستوا وجوده عدم ومابيعود في يوم
شمه بالم وصوت مبحوح وعبره مخنوقه : ريسه وين امايه
ريسه : امايه تحت ويا الحريم ..
شمه : وميثه وينها
ريسه تمت ساكته ماتعرف شو اتقولها : اااميثه ففي غرفتها ..
شمه : بروحلها..( وتوها بتنش )..
ريسه بتوتر : لا لا شمه لا تروحينلها هي من الصبح في غرفتها .. خليها شويه اتعبر عن اللي في خاطرها انتي اتعرفين كيف ميثه متعلقه باابوها ..
شمه :عسب جذيه انا اريد اشوفها ..
ريسه : خليها الحينه نحن من الصبح اندق عليها الباب وهي هب طايعه اتفجه ..
شمه ودموعها في اعيونها : اخاف استوا فيها شي
ريسه : لا بسم الله عليها انا كل ساعه اروح عندها الحمد لله مافيها شي انتي ارتاحي ..
تمت ساكته شمه وخلاف تمت لاويه على ريم واتصيح
ريم وهي اتصيح : ماما لا تصيحين لا تصيحين ..وتمت اتصيح ريم بسوط عالي ..
ساره ودموعها في اعيونها : ريم حبيبي تعالي عنديه بوديج عند عليا تحت .. تعالي ياماما ..
ريم وهي تلوي ع امها واتصيح : لا انا اليد ماماتي ماليد حد .. واتحط ايديها على ويهه امها . .. تمسح ادموع امها بايديها .. واترد تلوي عليها واتصيح ..
ريسه ودموعها في اعيونها ماتت من شافت ريم اتسوي هالحركه وهي اتصيح كسرت خاطرها : حرام عليج شمه لا تسوين جدامها جذيه هاي ياهل شمه شمه حرام عليج ..
شمه وهي اتصيح : حرام اشعنه ايموووووت ..
ساره : لاااااااااء حرام لا اتقولين جذيه ياشمه انتي مؤمنه .. خلاص الله بغاه وشله .. اترحمي عليه ..
ريسه : استغفري ربج ياشمه .. استغفري ربج .. حرام عليج لا تعذبين عمرج وبنتج وياج حرام عليج .
شمه وهي تمسح ادموعها بشيلتها عشان خاطر ريم : الله يرحمه .. وتمت ادموعها تنزل ورا بعض .
وخلاف حدرت عليهن عزه اللي من سمعت بالخبر وهي عندهم وهي اللي اصرت ع خليفه انه ايي وحلفت عليه وخلته ايي .. هو عادي بيي بس كان مستح من اللي سواه ... وبعد اصرارها راح العزا ..
عزه : السلام عليكم ..
الكل : وعليكم السلام ..
راحت عزه ولوت ع شمه وقعدت احذالها ..
عزه ودموعها في اعيونها : قومي ياام هزاع نقعد تحت..
شمه : ماقدر ماقدر ياعزه ياختيه ليتني مت بداله ياليت ..
عزه : لا اله الا الله محمد رسول الله لا حول ولا قوه .. لا ياغناتي لا اتقولين جذيه محد بيتم فالهدنيا كلنا بنروح ومابيتم غير ويهه الله سبحانه وتعالى ..
ريسه : ونعم بالله وانا رايي من راي امايه عزه انزلي تحت قعدي مع الحريم كلهن يتنشدن عنج ويبن ايسلمن عليج ..
ساره : والله ياشمه هب حلوه قعدج فوق نزلي تحت . انتي اتعرفين الواجب لو مهما كان ..
تمت شمه ساكته فتره : ان شاء الله .. ونزلت معاهم تحت.. وسلمت ع الحريم اللي كانن موجودات وقعدت حذال امها وعزه وعمتها اللي هي ام المر .. والكل كان ايعرف انه ميثه في المستشفى بس كانوا ساكتين ..
شويه وحدرت هند عليهم ...
هند : السلام عليكم ..
الكل : وعليكم السلام والرحمه ..
نشت شمه وربعت صوب هند وهند نفس الشي اتحركت بسرعه صوب شمه ولوت عليها وقعدن ايصيحن ..
شمه وهي اتصيح : راح وخلاني ابروحي ياهند .. راح عنيه. مكانه استوا خالي .. وتمت لاويه ع هند واتصيح...
هند وهي اتصيح : لا ياغناتي لا اتقولين جذيه .. الله وياكم .. والله يبتلي المؤمن في اغلى شي عنده بس عسب ايعرف مدى صبره .. وتمت لاويه عليها نشت ريم وراحت صوب امها وتمت اتير شيلتها ..
ريم اتصيح واتير شيلة امها : ماما ماما انتي كله اتثيحين لا تثيحين .. وتمت اتصيح ريم وخلاف طاحت ع الارض وتمت اتصيح .. بسوط عالي ..نشت ريسه صوبها اتكلم ريم . وخلاف مسكتها شمه وقعدتها احذالها وسلمت هند ع باقي الحريم ..
ام المر : يامايه ياشمه لا اتسوين جذيه هب زين عليج انتي تحرقينه بصياحج عليه بس يامايه ..
عزه وهي اتصاصر شيخه : روحي شلي ريم عن امها من الصبح حليلها طالعي شو اتسوي هاي بعدها ياهل ..
راحت شيخه وشلت ريم اللي كانت اتصيح ع الارض وودتها معاها وريم اتصيح تبا امها ..

في مستشفى الكورنيش
الساعه 2 الظهر ..
يوم السبت ..
في النهايه ياوليفي لك غلا دامي حييت
حبكم تاجن ع راسي وع الصدر دايم وسام...

ظهرت الدكتوره من غرفة العمليات .. وشافت خليفه واقف وكان معاه حميد عم ميثه وسلطان ..
الدكتوره : مين زوجها ..
تم خليفه يتالم وساكت : انا زوجها .. خير دكتوره طمنيني ..
الدكتوره : ممكن تيجي معايه في الغرفه شويه ..
خليفه : رمسي محد غريب هاذا خالها وهاذا عمها ..
الدكتوره : الجنين اللي في بطنها ميت من اثر صدمه شديده وانا في المرات اللي فاتت اللي قبولي اياها نصحتهم عن الانفعالات والصدمات لانه الجنين ماكنت صحتوا قويه ودي الصدمه اللي جتها دلواتي سببت في وفاة الجنين في بطنها وانا اديتها ابره تسقيط وهي سقطتوا .. ودلواتي حيرخرجوها من غرفة العمليات .. واتقدروا اتشوفها .. وراحت عنهم ..
تم الكل ساكت ومنصدم .. حميد وسلطان يطالعون بعض ويردون يطالعون خليفه يتريون ردت فعله .. تم خليفه ساكت ومنزل اعيونه في الارض وااعيونه مليانه ادموع ..
سلطان : الله يعينك ياخليفه ..
حميد : ماعليه هونها واتهون يابو دعي افا عليك انتوا توكم اصغار وبتعوضون بغيره وجداكم الدنيا ..
خليفه : انا مش زعلان عليه .. انا زعلان على اللي هي فيه انا السبب في اللي هي فيه انا .. الله لا يسامحني ..
سلطان : ماعليه ياخليفه يمكن هالشي صار عسب ايصلح اللي من بينكم ..
حميد : خليفه انا سمعت عرسك قريب .. تم خليفه ساكت .. ومنزل اعيونه في الارض وخلاف روح عنهم صوب غرف العمليات واتخبر عنها وقالوله انهم نقلوها للقسم وراح القسم اللي هيه فيه وحدر غرفتها وتم يطالعها من بعيد كيف كانت طايحه وويها مصفر من كثر التعب كانت كنها ملاك طايح ع السرير حاطين عليها مغذي .. من شافها خليفه ماااااااات موتت عمره موتت حياته اللي ماكد في حياته حس بالهشي حس باحساس فضيع كانه حد ايقطع قلبه بكل قوه .. راح صوبها ومسكها من ايديها وتم يطالعها وخلاف وخا عليها وحبها ع راسها .. وهي طبعا في حالة تخدير ..وعالساعه 3 اتيمعوا كلهم وراحوا يدفنون المر الله يرحمه ..

في بيت المرحوم المر الرميثي .
الساعه6 المغرب
في الصاله اللي فوق ..
ظهر هزاع من غرفته اللي كان طول الوقت كان قاعد فيها من سمع بالخبر .. وشاف روضه وريسه قاعدات في الصاله اللي فوق .. ومن شافهم تم واقف ومنزل اعيونه .. روضه اهنيه ماااااااتت يوم شافته .. حست انه ملايين الجروح اللي كانت في قلبها استوت مليارات من شافته ..
هزاع في خاطره اه ياروضه ليتج معايه اتشاركيني هالهم اللي انا فيه ليتج كنتي معايه بس للاسف انتي الحينه هب لي انتي لانسان غيري ليتج معايه في هالحزن القوي اللي مقطعني ومقطع قلبيه تمت ساكت فتره وخلاف صد صوبهم : السلام عليكم ..
روضه وريسه : وعليك السلام ..
ريسه : حسن الله عزاك ياهزاع .. انته الحينه ريال البيت من بعد ابوك الله يرحمه .. لازم انك اتكون قوي جدامهم عسب يقوون فيك ..
تم هزاع يطالع ريسه بحزن: ان شاء الله..
صدت روضه عليه والعبره خانتقتنها : حسن الله عزاك ياهزاع ..
تم هزاع واقف يطالعها .. واعيوننه مليانه دموع وشكله كان وايد تعبان ومتاثر : الدوام لله .. ونزل عنهم .. وراح صوب الميلس محد كان موجود فيه الظاهر انهم كلهم راحوا ايصلون المغرب .. وخلاف ظهر من البيت وراح صوب المسيد عسب يصلي ..
وفي غرفة شمه ..
شمه : انا بروح اوعي ميثه عسب اتصلي ..
العنود : لا برايها انتي تمي اهنيه انا بروح اوعيها ..
شمه : انتوا خاشين عنيه شي ... انا حاسه انه في شي كل ماقولكم شي قلتوا راقده او تعبانه ولا قافله الباب خبروني شو السالفه .. دخيلكم اللي فيني يكفيني . وبعدين وين راحن شمسه وساره من العصر وهن محد
عزه : استهدي بالله ياام هزاع واتعوذي من ابليس قبل ..
شمه وهي اتصيح : شو بعد شو اللي مستوي شو استوا في بنتيه شوووو
هند: لا ياشمه بنتج مافيها الا الخير .. بس هي منومه في المستشفى لانه الياهل اللي في بطنها ميت ونزلوه عنها ..
تمت شمه ساكته وقت طويل ومرصصه اعيونها في الارض مارامت انها اتسوي اي شي انها اتروح عند بنتها ماتقدر لانه الحرمه ماتظهر من البيت قبل لا تنتهي عدتها .. بس هاذا ظرف صعب ويجوز .. بس طبعا خافت الحريم ينقدن عليها ..
ام حمدان : لا تخافين حريم اخوالها عندها وبيبابرونها .. والدكتوره قايله انها ابخير وسهاله ..
ميره : الله يعينج ياختيه الله يعينج ..
تمت شمه حاظنها امها واتصيح وكسرت خاطر كل الحريم اللي كانن قاعدات ..

اليوم الاحد ..
الساعه 10 الصبح ..
في المستشفى ..
ريسه كانت مع ميثه في الغرفه .. وميثه كانت قاعده اتصيح على ابوها وريسه كانت قاعده ااتهديها ..
ميثه وهي اتصيح : طالعي هالزمن كيف سوا فيني حرمني من ريل حبيته وحرمني من ابو اتعلقت فيه وحرمني من ياهل انا كنت اتمناه .. وتمت ميثه حاطه ايديها ع ويهها واتصيح ..
ريسه ودموعها في اعيونها : لا ياميثه لا اتقولين جذيه انتي انسانه مؤمنه .. ولازم انج اتقولين الحمد لله ع كل حال ..
ميثه : وين ماصد كله حزن وين ماصد كله الم قوليلي من وين بلقاها من وين من وين اشعنه الله ماخذ روحي وفكني من هالدنيا اشعنه ...
ريسه وقلبها يتقطع : ميييييييثه خلااااص خلااص كم مره اقولج لا اتقولين جذيه انتي هب ياهل .. حرام عليج الللي اتسوينه .. كلنا فقدنا ابوهاتنا وابوهاتنا راحوا عنا .وكلنا بنروح منوه تتحرين بيتم على ويهه هالدنيا غير الله سبحانه امنوه خبرييني
ميثه وهي اتصيح : محد اعرف انه محد .. وردت مره ثانيه اتصيح ..
خليفه هالوقت كان واقف عند الباب من برع يسمع الكلام اللي اتقوله ميثه كان ناوي انه يحدر بس من عقب ماسمع هالكلام اتراجع لين ماوصل عند اللفت وعند اللفت شاف يابر وهزاع وسلطان ...
يابر وهو منصدم : انته اهنيييييه
هزاع وهو شال في خاطره ع خليفه واللي سواه في اخته : غريبه
خليفه : من حقكم اتقولون اللي تبون اتقولونه ..
سلطان : خليفه من البارحه بايت عند ميثه .. ومحد يدريبه ..
هزاع : توك حسيت فيها
خليفه : انا طول عمريه حاس فيها ..
سلطان : مش وقت اللوم الحينه خلونا انروح نطمن عليها ..
خليفه : سمحوليه انا بروح . سلمولي عليها ..
سلطان : لا وين اتروح تعال ويانا رمس حرمتك .. حرمتك فهالوقت بحاجه لك .. اكثر عن اي واحد فينا ..
تم خليفه يطالع سلطان .. وخلاف راح معاهم صوب الغرفه ..
سلطان: هووووود ..
ريسه : حد معاك
سلطان : هي يابر وخليفه ..
ريسه : اهداااا .. حياهم الله ..
ميثه وهي منصدمه وتلبس شيلتها ع راسها : اشعنه حظرته ياي ..
ريسه : اصصص ..
وحدروا هزاع ويابر وخليفه . وسلموا ..
خليفه وهو يطالع ميثه : شحالج ربج ابخير
تمت ميثه تتطالعه بحقارة الدنيا كلها وقلبها ينزف من كثر الالم اللي هي فيه .. وتمت ساكته ولا ردت عليه ..
سلطان : ريسه يابر هزاع تعالوا شويه اباكم خاري ..
ريسه : اظهر بجلابيه وشيلتيه مالت الصلاه ..
يابر: حوووه وين بتظهر حرمتيه وهي جذيه..
سلطان : مابنظهر مكان اهنيه في الصاله مالت الغرفه تعالوا ..
يابر: هيييييه فهمت ان شاء الله ..
وراحوا هزاع وسلطان ويابر وريسه وقعدوا في الصاله وتموا خليفه وميثه اروحهم قاعدين في الغرفه ..
خليفه : عظم الله اجرج ..
ميثه : ممكن تتطلع برع .. لاني ماتحمل اكون معاك في المكان اللي انته اتكون موجود فيه احس انه هالمكان كله غدر وخيانه وجذب .. وخليفه من قالتله ميثه هالكلام حس بانه حد طعنه في قلبه بسجينه تم ساكت يطالعها وهي منزله راسها وادموعها على اعيونها .. وخلاف ظهر عنها خليفه وسكر الباب وراه ..

بعد شهر من مرور الاحداث السابقه ..

يوم الجمعه..
الساعه 1 فليل ..

على طريق الكورنيش .. المظلم والهادي خليفه كان يمشي بسيارته بشويشوي .. وكان قاعد يسمع اغنية (استكثرك ) .. والهدوء والظلمه كانت تعطي المكان جو حزين تتمثل خليفه بوحدته وقسوة الزمان عليه ..
خليفه كان بكندورته اللي كانت عقمها مفتوحه .. وشعره الاسود اللي كان يعاند نسمات الهوا .. ويسمع عبدالمجيد وهو يقول ..
استكثرك وقدي علي وغدابك ***عادت زماني كل ماطاب هون
ليت الذي وداك يازين جابك *** تشوف عقبك كيف الايام سون
وتنزل دمعه من اعيون خليفه دمعه حزينه دمعه كانها اتحاول انها اتجاري هالزمن في وحدته على خليفه وتبقى العبره مكبوته في الخاطر ومخنوقه تقاوم الياس والظلم والصياح والحزن والالم وقسوة الزمن ..
شرقن مشيت وغرب وقتي مشى بك *** والقلـــــب ماله لايم فيك لون
طويتني طي الورق في كتــــــــــابك *** حتى معاليق الحشا لك تطون ..
عود تراني داعي الهوى عند بابك *** واروي القلوب اللي بعد ماترون
غنيت لك عمري ولا جا جوابــــــك *** واسمي مع مجنون ليـــلى تدون
خليفه كان قاعد ايفكر في كل لحظة حب عاشها ويا ميثه في كل لحظة شوق وكل لحظة ولهه .. وكان ايرص على السكان بكل قوه وايقول وينج ياميثه وينج .. والله انيه محتاينج وانه حياتي بلياج ولا شي
وتمت ادوعه اتسيل على ويهه كانها سيل من كثرهن .. وينج اباج اتكونين عنديه اباج اتكونين في حظنيه ابا احس فيج واتحسين فيني وينج وينج ... تم خليفه يتصل حق ميثه كم مره بس للاسف تلفونها كله كان مغلق .. وتم خليفه اروحه في هالمكان المهجور بروحه مع نفسه المريضه وايده اللي كانت ع قلبه وهو اللي كان ايقاوم بقوه هذيج العواطف تعب من كثر مايرفض ويرفض بس عسب يكسر القيد ويتحرر من اللي هو فيه .. ويتحدى الالم .. وكان ايقول في نفسه مابتتغلب عله حبي اكبر من الالم اكبر من العذاب في انه يواجهه حبه لميثه .. تهتز مشاعر خليفه ويهتز قلبه بهذييج الهزه القويه اللي حس بانه قلبه ممكن انه يظهر من جسمه الحينه .. قلبه اللي ايسيل منه الدم لتروي شجرة حب مغروسه اساسها الوفا وثمارها العطا مستحيل انها تفنى او انها اتزول او تموت رغم العواصف والرعود وصوتها المخيف اللي تعصف بكل قوه واتحاول كسرها وتحطيمها واقتلاعها وزرع وحده غيرعا تتمايل الشجره لكنها تبقى شامخه واقفه في سما العشاق وترسم النا اجمل تضحيه باسم الحب .. اللي المفروض انه كلنا انواجهه بلي فيه بحلوه ومره بزينه وبشينه .. واكيد اللي يحب بصدق بيقدر انه يتغلب على هاي الالام وايكون اقوى منها ومايخليها تتغلب عليه .. مهما طالت ..

بيت فاضل القبيسي
اليوم السبت
الساعه 7 المغرب ..

ريسه : يعني ناوي انك اتسير
يابر: هيه نعم ناوي .. ولازم اسوي هالشي ..
ريسه : اتحمل على عمرك وطمني بكل اللي بتسويه ..
يابر : ان شاء الله غناتي .. وباسها بين حياتها وروح عنها وهو ظاهر راح صوب الخيمه وشاف خليفه قاعد اهناك ..
خليفه : هاه وين تباني اروح معاك ..
يابر: انته تعال ..
خليفه : يابر حرام عليكم انا روحي هب صاحي بسير ارقد .. والله انيه تعبان ..
يابر: لا تعال انته معايه وخلاف ارقد ع راحتك ..
خليفه : انزين عاده انته خبرني وين تبا اتسير ..
يابر: انته تعال وخلاف بخبرك بنروح انشوف ريال ..
خليفه : ومنوه هالريال
يابر: ياالاااااه لا تم تسال بخبرك اخلاف ..
خليفه : ان شاء الله ..
وراحوا خليفه ويابر صوب سيارة يابر اللي كانت موقفه في الحوي وركب يابر وركب حذاله خليفه .. وراح يابر ووقف تحت في باركنات بوظبي مول ..
خليفه : شو الريال وينه ..
يابر: صبر الحينه بيي ..
ورن تلفون يابر ورد ..
يابر: هاه وين انتي
تم خليفه يطالع يابر وهو منصدم .. اشرله يابر ع اساس انه يسكت ..
يابر: يله تعالي انزلي نا في الباركنات بتشوفين رنج لونها ذهبي واقفه مره جدام الباب .. نزل يابر من مكان السواق وركب ورا ...
خليفه وهو منصدم : اشعنه
يابر: تعال اركب مكاني ..
خليفه : بخبرك انته شو سالفتك اركب مكاني .. و تنزل وتركب ورا شو السالفه انا هب فاهم فهمنيه ..
يابر: خليفه لا تعطلنيه دخيلك ..
خليفه : ان شاء الله .. بشوف اخرتها معاك شوه ..
نزل خليفه من مكانه وراح وركب مكان اللي يسوق .. شويه والا بييت وحده متغشيه وركبت ورا ..
يابر: حرك ..
حمده : امنوه هاذا اللي وياك
يابر: هاذا ربيعي بينزلنا انا وانتي في روتانا بنتعشى ...
حمده : هيه احسن واامن عسب محد ايشوفنا ..
يابر: هيه اعرف ..
وتم خليفه ساكت الصوت اللي يسمعه هب غريب عليه بس كان متشكك فيه وخاطره ايصد ايشوف بس للاسف البنت حاطه الغشوه ع ويهها .. وخلاف وصلوا صوب المكان اللي اتفقوا يابر وخليفه عليه اللي هو في باركينج من باركنات فندق روتانا اللي احذال بوظبي مول ..
يابر: نزلي غشوتج خاطريه اشوفج ..
حمده : امممم ان شاء الله .. ونزلت حمده غشوتها ..
يابر وهو يمد ايديه ويزقر خليفه وياشر عليها : حرم اخويه المصوووووووون ..
تم خليفه منصدم وواصل حده وخلاف صد عليها وتفل في ويهها وحمده حاولت انها تفتح الباب وتنزل بس ماقدرت لانه البيبان كانت مقفوله قفل مايروم ايفجها اللي داخل بس اللي برع .. تمت اتصيح ..
حمده :دخيلكم خلوني اروح خلوني ..
يابر: هاي اللي كنت تبا تاخذها من اول يوم يبت فيه رقمها وجافت رقميه اتخبلت عليه وسكرت في ويهها وردت هي اللي تتصلبيه وهي اللي اتقردننيه .. هاي انته تتمنى انها اتكون حرمتك عقب شيخة البنات .. هااااي الصايييييييعه .. مد خليفه ايديه وصفعها كف ع ويهها ..
خليفه : انا ماصفعتج لاني مهتم فيج انا صفعتج .. لانج نذلللله ..
حمده : اصلا انته مايفيد وياك لا سوا ولا شي يبالك شي اكبر عن جذيييييييييه ..
خليفه تم ساكت منصدم شو سوا
يابر من سمعها اتقول جذيه مسكها من شعرها بدون احساس من حرته : منووووه اللي مسوي السوا ..
حمده : ................
يابر: امنوه ان ماقلتي بجتلج .. ولا حد بيقولي شي وانتي اتعرفين انا منوه اكون
حمده : انا اللي مسوتنه وان مافجيتوووني الحينه بتصل وبخبر عليك الشرطه فجني فجني ..
يابر: رمسي منوه اللي مسوي السوا والله انج اتخسين والله لاافرج في الاحداث بعدج ماعرفتيني منوه اكون وتم ايرها من شعرها ..
حمده : ااااي ايييي .. سوا هيه سوا انا اللي مسوتنه .. حقه وفارتنه في سيارته ..
خليفه وهو مصعب : خلها تنزل لاا اجتلهااااااااااا .. نزل خليفه وفج عنهاا الباب من برع ونزلت تربع شرات المينونه متروعه منهم ..
خليفه : ودني عند اي مطوع الحينه ..
يابر: وين مادلهم .
خليفه : امش انته انا بدليك ..
وراحوا خليفه ويابر عند المطوع وقالهم انه العمل اللي مسوينه مفرور في السياره وكل مايدوس خليفه عليه يجدد فيه ولازم انه يبيع السياره .. وهالشي مابيضر غيره بس ايضره هو لانه هو اللي مقصود بهاذا السوا وسيده عطاه المطوع اذكار وادعيه عسب ايفج عنه هالسوا وراح خليفه سيده وغسل سيارته ووقفها في باركنات المارينا ورد مع يابر البيت من كثر ماهو كان كارهه السياره من بعد ماعرف اللي فيها .. واتفق مع يابر انهم مايداومون باجر وايرحون الوكاله عسب ايبعونها .. وردوا البيت ... محد كان شالتنه الفرحه غير ريسه ويابر اللي وايد كانوا مستانسين وعرفوا انه هالشي وايد بيخفف عن ميثه بس بترضا انها اترد ولا لا ..
في قسم خليفه ..
الساعه 1 فليل
اليوم السبت ..
قلبي جداكـم.. جداكـم دوم يخطـف
روحي عليكم..عليكـم دايـم اطـوف
اطلبت منـك ..منـك ليـت تعـــــطف
يا سيدي.. سيدي وبحالـي تــروف

خليفه كان قاعد في غرفته وحاط صور ميثه جدامه يوم عرسهم قاعد يطالعهن و احلا صور كانت تعيبه وكان يتخبل يوم ايشوفها يوم كانت حاطه صبعها عند ثمها والصوره الثانيه اللي هي فاتحه ايديها وحاطين صورته بين ايديها .. وكان ايقول في خاطره .. يعلني افداها يعلني افدا هالايد وهاي الاصابع وهاي الايد الحلوه .. اه ياغناتي فدييتج والله انيه متولهه عليج .. ومتولهه على كل شي فيج .. انا تحررت من القيد اللي كان حارمني منج .. بس صدقيني انيه ماكنت مرتاح انيه كنت اسوي كل شي وبدون مانا احسه .. والله يوم كنت اسويه احس بالعذاب بس داخلي شي ايقول ويطلب منيه انيه اسويه بالغصب .. الحينه انا لج وانتي لي انتي حرمتيه واوعدج اني ماسمح لحد مره ثانيه انيه يتقرب مني .. فديتها والله انيه متولهه عليها من كمن يوم ماعرفت اخبارها .. فديتها فدييييتها .. وتمت عبره مخنوقه في خاطره ودمعه على وشك انها تنزل .. شل تلفونه واتصلبها .. ميثه هالوقت كانت راقده .. وتم ايرن التلفون كم مره وخلاف ردت بدون ماتشوف الرقم .
ميثه :الوو ..
خليفه بصوت مبحوح وخانقتنه العبره ويهمس الها : فدييييييييت صوتج ..
تمت ميثه منصدمه وساكته عرفته حتى بدون لا تنتبه للرقم حبها له خلاها اتعرفه واتميزه ولو حتى كانت دهمانه : ...................
خليفه : احبج .. سمحييلي ياغناتي على كل اللي سويته ..
ميثه : اقولك لا تفكر انك تتصل ولا تفكر اني بردلك في يوم هالشي بعيد عن خشمك تفهم ولالا .. حرمتنيه من اشياء وايده ذليتنيه حق اشياء وايده تسوى وماتسوى قرهتني عسب ناس ماتسواني .. والحينه سامحيني وفديتج .. ولا ترد تتصل احسلك .. تففففهم يل .. يل .. الخاين وسكرت الخط في ويهه .. شويه وطرشلها هالمسج .

" تدري اني موت احـبك وان مالي غير قلبك..
واللي ينبض في ضلوعي ماهو قلبي هذا قلبك.."
تمت ميثه تقرا المسج وهي واصله حدها ودموعها ع خدها وخلاف طرشتله ..

"انته مو قد الكلام ..كل يوم ولك كلام
انته تلعب بالقلوب .. انته جاهل بالغرام "

تم شويه يفكر في الكلمات معقوله الحينه انا جذيه مالومج والله مالومج انا استاهل كل شي على اللي سويته فيج .. واتذكر الاغنيه .. ورد طرشلها

" تظلميني يالحنون وانتي قلبي والعيون
اسمعي عذري ابتعادي بعدها قولي اخون
ابتعادي واللي صار صدقيني باختصار
هي ظروف وعاكستني مالي فيها اي قرار "
ردت ميثه وطرشتله ..
" بتعد عني بعيد مابي حبك يزيد
الهوى شوق وعذاب وانته موداري اكيد
انته شخص بلا ضمير لا تحب ولا تغير
انا مثلك مالقيت لا كبير ولا صغير "

انصدم خليفه لو انه هاي كلمات الاغنيه بس المفروض انها ماطرشها له .. لانها قويه ..
مااصدق مستحيل هاذا قلبك او بديل
كيف غروه العواذل واتهمني بلا دليل

انقهرت ميثه منه اوووووه انا اشعنه مسوتله سالفه .. وغلقت تلفونها .. وتمت طول الليل اتفكر .. وهو نفس الحاله ..

بيت المرحوم المر الرميثي ..
الساعه 5 العصر
يوم الاحد ..

ابعد وخليني ما فيني يكفيني ..
حل عن سماي وروح مالك شغل فيني ..
راجع وطبعك غيــر والله وصباح الخير..
ياسيدي توه النالس توك تراضــــــيني
وياك نفس اليوم ابات مو مظلوم ..
والاانت يعني بس شاطر تبكيني

خليفه كان رايح بيت المر الله يرحمه .. وحدر الصاله وشاف شمه قاعده وسلم عليها وقعد معاها شويه وخلاف سال عن ميثه شمه وايد استانست يوم انه سال عنها وسيده طرشته صوبها المطبخ ميثه كانت في المطبخ قاعده اتسوي كيكه ..
خليفه : ياله محلاتها هاي الكيكه اطعم .. امم يمم ..
ميثه وهي منصدمه : انته شوا للي يابك اهنيه ..
خليفه وهو ياشر ع قلبه : هاذا اللي يابني..
ميثه : لاااااااه هيه عيل يله ابرايك .. وخلته في المطبخ .. وتوها بتظهر مسكها من جتفها ووقفها جدامه وتم ماسكنها من جتفها .. حركت ميثه راسها وطاحت قصتها على ويهها .. حط ايديه ورفع قصتها عن ويهها ..
وتمت ميثه معصبه ..
ميثه : انقلع عنيه لا تلمسنيه ماتعرف اني اكرررررررهك ..
تم خليفه واقف ومنصدم .. يطالعها بعيون حايره ... وعبره مخنوقه في خاطره تمت ميثه تتطالعه باحتقار لفت ويها وراحت عنه .. ظهر هو من بيت قوم ميثه وراح صوب بيتهم وحدر الميلس .. وشاف يابر قاعد يتعبل في تلفونه .. حدر خليفه وهو متضايق وواصل حده ..
خليفه : اووووف ..
يابر: ياله عليك السلام لله اعنبوك اشعندك . ههههه عافس الويهه
خليفه : قالتلي اكرهك ..
يابر: انته مصدق انها من خاطرها يعني بتكون ..
خليفه : لا .. بس المفروض انها ماتقولها ..
يابر: خليفه حاول لا تياس ... من حقها انه تتغلا ياخي ..
خليفه : حرام انا ماروم اصبر من متى وانا بعيد عنها من متى .. ماقدر احس روحي بتظهر من مكانها ..
يابر: الله يعينك يله ماعليه .. هونها ياريال .. شويه ووصل مسج ع تلفون خليفه وكان مكتوب فيه وكان المرسل .." القلب " ..
" مابيني وبينك مشاريه وعتاب
شفت دربك اللي جيت منه تدله
ماراح تغلبني لو الحب كذاب
من حظرتك عشان قلبي تذله
كنت القريب وكلهم اغراب
حتى القمر لاغاب شفتك محله
رح واعتبرني واحد اذنب وتاب
ماني بثوب تلبــــــسه ثم تمله " ..
تم خليفه منصدم وميود التلفون ..
يابر وهو يطنز : شو الكتابه لها الدرجه بلغه صعبه .. خخخخخخخااااي .
خليفه : انطم انطم وفر التلفون ع يابر..
يابر: هههههههه عادي ..
خليفه : اقولك صبر بتصلبها اباك اتشللها اغنية لا سلام مالت اصاله ..
يابر: اشعنه منوه شلها عسب انيه اشلها اشعنه تباني اخربها ..
خليفه : اوووووووه والله متفيج ...
يابر بعبط: هب حافظنها ..
خليفه : بحفظك اياها .. وتم خليفه ايحفظ يابر الاغنيه .. ويابر يستهبل عليه وكل مايستهبل يابر زخه خليفه وضربه ع راسه .. والله انك متفيج يله بسرعه ..
يابر: حاظر ياستاذ كوكو ..
وشويه تم خليفه يتصل من تلفونه ع تلفون ميثه بس ماردت ..
خليفه بيأس : ماترد
يابر: صبر انا بتصلبها من تلفونيه .. وشل يابر تلفونه واتصل ع تلفون ميثه ..
ميثه : ..
يابر: المرحب لاهان .. شحالج
ميثه: ابخير وسهاله انته اعلومك واعلومهم قوم امايه وابويه ربهم ابخير ..
يابر: الحمد لله كلنا ابخير وسهاله ..
هالوقت مط خليفه السماعه عن اذن يابر ..
خليفه : هيه يوم انا اتصل ماتردين من اتصلبج هو رديتي ..
ميثه : ثرك حذاله يله باي ..
خليفه : يعلني الموت جان سكرتي ..
ميثه : ...................................
خليفه : اتحبيني اعرف ..
ميثه : لا تقص ع عمرك انا اكرهك .. بس ماريد انيه اتسبب في موت انسان .. ممكن اعرف شو تبا
خليفه : انزين ماعليه اكرهينيه بس بغيت اهديج اهداء ممكن ..
ميثه : بسرعه لانيه هب متفيجتلك ..
خليفه بتعب : اه ياربيه ساعدني ..
يابر:
لا سـلام ولا وداع ولا عليـــك *** لا اتصال ولاهــــموم ولا ســـؤال
مد قلبك حظن جفنك يهـــتويك *** يااريش العـينين برموشــك ظلال
يالغلا وينك ووين الشوق فيك *** في حشا يوفي من الشوق اشتعل
روح روحي ياغناتي تفـتديك *** ودي بقربك ولا تجـفـــــــــي تعال
ياعسى كل شر ياخلي خــطيك *** من سعا بالــــــــشر من شره ينال
بعتدي كلن حبـــــــيبي يعتديك *** وله شهر بالزين واعلنـــت النزال
وان سطع نجم العواذل ماعليك *** كل نـــجم له بزوغ ولـــــــه زوال
وش بقى في ذ الزمن ماله شريك *** في سؤالــي ياهوى بالي سؤال
كلمات : الشيخ هزاع بن سلطان ال نهيان ..
يابر: احم احم ..
ميثه : صح السان من قال ..
يابر: ميثه ..
ميثه : لبيه ..
يابر: لبيتي حايه ..والله انه خليفه ايحبج وماله ذنب في اللي صار واللي صار كله صار غصبن عنه ..
ميثه : مافي شي غصب عنه يا يابر .. وخلاص اصلا اللي بيني وبينه كل انتهى حتى الياهل اللي كان يربطنا راح .. يعني مافي اي شي يربطنا ببعض .. خلاص يابر اسمحليه بسكر ..
يابر: افا عليج مسموحه ربي يحفظج .
ميثه : ويحفظك ياربيه سلم ..
يابر: ماعليه سلامن يبلغ وانتي بعد سلمي مع السلامه ..
ميثه : ربي يسلمك وسكرت ميثه ..
يابر : ابا افهم انته اشعنه ماتخبرها بلي استوا واتصارحها .. صدقني انا بتتفهم ..
خليفه : مارضى على نفسي اني اقولها كنت سبال حق وحده خايسه مارضا ع نفسي اني اقولها اني كنت خاتم في ايد وحده صايعه ..
يابر: بس هاي حرمتك ومن حقها اتعرف كل شي ..
خليفه : والله انيه ماعرف .. شسوي والله انا تعبان صدق ومحد حاس ابيه .. وخلاف نش خليفه عن يابر عسب يظهر عنه ..
يابر: تعال وين رايح ..
خليفه : لعنه اللي تلعنيه .. وسكر الباب وراه ...

الثلاثاء ..
سيارة هزاع ..
الساعه 11 فليل ..
بلواي أصلا ً كل هالعمر بلواي
فاقد وياريت أقدر أقول أبا اعطيه
لا اني بعطشان ولا شارب الماي
ولاني أنا ماخذ ولاني بمعطيه
هزاع كان رايح صوب البيت .. وكل فكره في روضه اللي ملجتها يوم الخميس .. معقوله يارويض بتكونين لانسان غيري معقوله اني مابكون انا اللي ايكون ريلج .. معقوله عقب كل هاذا اخليج اتروحين عنيه مستحييييييل .. ياربي هاذا هو نصيبي ولا شوو .. يارب ارحمنيه يارب انا ماروم انيه اعيش بلياها ياربيه الحمد لله المرض اللي فيني واكتشفت انه نتايجه غلط .. ياليت اني اقدر اروح اكلم قوم خالي بس شو بيقولون عنيه هاذا يلعب ولا شو سالفته انا غلطان من البدايه ماكان المفروض انيه اروح كان المفروض انهم ايعرفون بلي فيني ..لا بس انا اعرف اذا روضه عرفت بلي فيني بتم اتحبني ومابترضا بواحد غيري بس الللي انا سويته صح عسب تكرهني واتشوف حياتها .. بس الحينه الحمد لله انا مافيني شي .. شويه ومسك تلفونه واتصل في روضه .. روضه كانت قاعده مع قوم امها في الصاله .. ومن شافت رقمه ربعت غرفتها وردت .. تمت ساكته ..وسمعت بداية لحن اغنيه وقالت في خاطرها اكيد بيهديني شي .. ياله ياهزاع والله انيه ماباك تهديني شي اباك انته ابا اسمع صوتك انته وانترست دموعها في عيونها ..
بحضر زفافك ياحياتي بحضر زفاف اللي هويته*** وبرزف عشانك لاتحاتي وبهديك كل اللي بغيته
بهديك دمعي وعبراتي والهم اللي فيني رميته*** بحضر ولو في عرسك مماتي شايل معي قلب نسيته
واجمل قديم الذكرياتي والضيم اللي منك خذيته*** بذكر ليالي الماضاتي كنت الوليف اللي اهتويته
كنت الذي لاجله اباتي ساهر ونومي مااهتنيته*** بهديك في ليله وفاتي حلم الليالي اللي طويته

وبسرعه سكر هزاع التلفون لانه سمع تنهيدات منها وشكلها شويه وبتصيح سكر عسب مايتعبها اكثر عن جذيه ومايتعب نفسه بعد .. تم يتذكر صوتها وهي تتنهد وتعب ويتهدد صوتها بالصياح مااااااات .. اتمنى لعمره الموت ولا يشوفها اتصيح ولا يشوف الحزن اللي هي فيه .. مسك تلفونه واتصل حق عبدالله وشل عنه رقم خالد ..
هزاع : الوو ..
خالد : مرحبا .
هزاع :شحالك خالد ربك ابخير
خالد : بخير وسهاله ربي يسلمك .. امنوه الريال ..
هزاع : وياك هزاع الرميثي ولد عمة عبدالله ولد خالتك ..
خالد : ياحيييييييه .. في ذمتيه شحالك الغالي
هزاع : المرحب لاهان .. بخير ونعمه .. خالد بغيتك في موضوع ..
خالد : تفضل افا عليك ياهزاع .. امممره قول اللي في خاطرك ..
هزاع : روضه ..
خالد : لين الحينه في خاطرك صح ..
هزاع : ولين مااموت .. انا ياخالد احبها من نحن وصغار ومثل مانته اتعرف انه محيره اليه من هي وصغيره .. بس قبل الملجه بيومين انا سرت افحص عسب الورقه مالت العرس ونتيجة هالفحص ظهرت سلبيه وخلاف مارمت انيه اظلم البنت معايه قررت انيه اسافر وابتعد وخلاف اهناك رديت وعدت التحليل مره ثانيه في المانيا . و اكدولي انيه مافيه شي ورديت مره ثانيه اهنيه البلاد واتاكدت وقالولي انه كان تشابه بالاسماء .. وفي المختبر استوا الغلط بيني وبين ريال اسمه شرات اسميه . ..
خالد : معقوله ياهزاع كل هاذا صابك وصبرت عليه
هزاع : الحمد لله ع كل حال ياخالد ..
خالد : جوف ياهزاع البنيه من البدايه ماتباني .. وماتواطني .. وكل ماحاول اتقرب منها بروحاتي الهم ولا شي ماتنزل ويوم تنزل واتسلم عليه احس انها مغصوبه ويوم تقعد تفكيرها كله هب عندها والحزن امبين من اعيونها .. وبعدين وايد ايبين عليه انها تعبانه من شي .. وهالشي خلاها تستوي ضعيفه .. ويهها دومه شاحب .. والله انيه كل ماشوفها تكسر خاطريه واكره اللحظه اللي رمست امايه عنها وقتلها روحي واخطبيلي اياها .. بس انا ماكنت متوقع انه البنت لهالردجه اتحبك ومتعلقه فيك . الله يديمها عليكم من فرحه ياهزاع .. وانا ماتهون عليه بنت خالتيه انيه اخاذها واعذبها معايه مهما كان ..تراها من لحميه ودميه .. وماتهون عليه لانيه في يوم حبيتها بس ماظن انيه حبيتها شرات مانته حبيتها .. والله يديم عليكم هالحب وان شاء الله بحاول انيه انهي هاذا الموضوع ومابيستوي غير الخير ..
هزاع ودموعه في اعيونه : مشكور ياخالد والله يانه حتى العبره خانتقتنيه وماعرف كيف اشكرك وماعرف شو اقولك ... بس انا اقولك انيه بخلي كتلشي يتكنسل وانته قول انك ماتباها دامني انا اباها ..
خالد : افا عليك ياهزاع انا المفروض انيه اشكرك .. انك حصلتليه طريقه .. والله انيه كنت ابا هالشي يستوي بس والله انيه كنت مستحي من قوم خالتيه ...
هزاع : افا عليك .. انا بحلها لك ..
وتم خالد ايسولف مع هزاع وخلاف سكر عنه ..

كفا ماجرالي ياغلا منــــــك وجاني *** كفاني ترا حكم الجــــفا منك يكفيني
عيوني لكم تاقت ورمشي واجفاني *** ونار الشقا والشوق فالقلب تكويني

الجمعه ..
الساعه 7 المغرب
بيت فاضل القبيسي ..

خليفه : امايه روحي رمسيها ..
عزه : كيف اروح ارمسها وانته ماتباني اقولها انته اشعنه جذيه سويت .
خليفه : امايه شو اقولها جذيه جنيه حرمه اروح اقولها تراها كانت مسوتليه شي .. عسب جذيه انا اتخليت عنج وتركتج ..
عزه : يابويه شو هو اللي اقوا عن العمل ممكن انك تنظر منه .. الله لا يوفقها ان شاء الله ..
خليفه : امايه لا تيبين هاي اللوث ع لسانج تتدرين الشرطه زاخينها هي وربيعاتها في شقة للدعاره استغفر الله ..
عزه : و ايه بسم الله الرحمن الرحيم ... عافان الله عافان الله .. الحمد لله انه الله فكنا منها ..
خليفه : الحمد لله .. امايه الحينه شسوي انا هب رايم اتحمل .. بمووت والله انيه بموووت ..
ريسه : والله انا في خاطريه ارمسها واخبرها بس انته خس الله عدوك محلفني لازم اتخلفنيه يعني ..
خليفه : والله حرام عليج .. ماودي انيه اخلي اي حد منكم اتكون في خاطره رمسه بس والله مش حلوه ..
ريسه : كيفك نحن مالنا خص ..
عزه : هيه نعم شرا ماقالت حرمت اخوك من متى ونحن انقولك روح رمسها الا انته اللي معاند اشعنه مادري ..
خليفه : بس بببببس خلاص الشووووق واصل حده احس انيه لو قعدت ثانيه بلاها ممكن اني انفجر .. ونش عنهم..
عزه : تعال وين رايح ..
خليفه : بروح عندها ..
وراح خليفه بيت المر وحدر وشاف هزاع وشمه قاعدين في الصاله سلم عليهم وخبرهم بكل اللي استوا وشمه تمت عينها تتدمع وتمت تتفدا خليفه : والله ياولديه اني ماكنت ابا هالشي يستوي انا الوحيده اللي ماكنت مصدقه فيك هالشي لكن الحمد لله ع كل حال ...
خليفه : خالتيه اريد اشوفها ..
هزاع : افا عليك يابودعي تعال معايه بنطب عليك في غرفتها ..
شمه :لا خله هو روحه ايروح لانها يوم بتشوفك معاه يمكن ماتاخذ راحتها .. ويعلني افداه خليفه راعي بيت هب غريب ..
خليفه : مشكوره خالتيه .. وراح عنهم صوب الدري ودق الباب وحدر عليها شافها ناشله شعرها ولابسه هييج البجامه اللي لونها وردي عليها دبدوب صغيروني ع الطرف وكانت طايحه ع الشبريه وحاظنه صورت خليفه .. سمعت صوت حد يفتح الباب صدت ويوم صدت تمت منصدمه حدر خليفه وسكر الباب ..
ميثه :انته شواللي يايبنك اهنه
خليفه : عذابيه اللي خلاني ااييج لانيه ماروم اتحمل انيه اعيش لحظه من دونج ..
ميثه : خليفه انته ماتفهم انك ماتعنيلي اي شي فهالدنيا .. ممكن تسمع اللي ابا اسمعك اياه وتظهر عنيه . وخلاف راحت صوب المسجل وشغلت له هاي الشله ..
ماريدك اتغمد اجروحي .. ولا اريد من قلبك حنان
يلي غدرت بحب روحي ... متقوللي وين الامان
حطمت امالي وطموحي ... وعهد جمعنا من زمان
كاتم عذابي ولاابوحي .... ولا ظل لجروحي مكان
من كثرها صدري يفوحي ... ياناس والله فوح بركان
ودموع عيني لي سبوحي .. تجري شرى نهور ووديان
اهات في قلبي تنوحي ... وتزيدني احزان على احزان
شلي بقا ياغير روحي ... وانسان عايش به انسان
ابعد وفارقها الافروحي ...فاتحن اذراع الهم واشجان
والموت في عينه ينوحي ... ولافدته ليتن ولا كان
تم خليفه ساكت ودموعه في عينه وكانت اعيونه تحرقه من كثر الدموع اللي كانن فيها تم ساكت ومنزل اعيونه وخلاف رفع راسه وشافها واقفه تتطالعه بحنان وسرحانه في ويهه . فجاه انتبهت لعمرها . وردت تتطالعه بنظرات الاحتقار .
ميثه : ممكن الحينه تظهر لكنك على ماظن عرفت كل اللي في خاطريه .. ونشت ميثه من ع الشبريه وجلبت البرواز اللي فيه الصوره ع الطاوله .. راح خليفه صوب الطاوله عسب ايشوف شو هالصوره اللي جلبتها واللي تبا اتخشها عنه .. بس هي اتقربت وشلتها ..
خليفه : عطييني اشوفها ..
ميثه : مايخصك واتفضل اظهر برع ..
خليفه : انا هب ظاهر لين ماشوفها ...
ميثه : هب مرواتنك اياها ..
خليفه : لا بتراويني اياها .. يا صوبها وتم يطالعها وهي تتطالعه وحاط اعيونها في اعيونه .. وكل ماتنزل ميثه راسها او عيونها يحط ايديه ويمسك راسها ويرفعه ويتم يطالعها غمضت ميثه اعيونها .. هو استغل هالفرصه وشل الصوره من ايديها .. وشافها اانها صورته هي انتبهت له .. تم يطالعها ...
خليفه يضحك واعيونه ادمع : فديييييييييييييييييييييييييييييتج اموت فيج اعرف انج مستحيل في يوم تكرهييني . لانج حبيييييتيني من كل قلبج ..
ميثه :................. وردت اتصارخ واتصيح اظهر عنيه مارييد اشوفك ماريد منك شي انا اكرهك اشعنه اتيني واتعذبني .. اشعنه ..
خليفه : ان شاء الله لا تعصبين انا بظهر بس بغيت اقولج شي واحد .. انا اتمنى انج اتسامحيني على كل اللي صار ياميثه انا بشر اصيب واخطي افشل وانجح وهالشي اللي صار كان غصبن عني ..
ميثه : انته شو جنسك اريد افهم اتخوني واتقولي غصبن عني ..
خليفه والدمعه في عينه : هي نعم غصبن عني انا كنت واعدنج اذا خنتج ولا اذا شفت حد غيرج يعلني اموت ..انا ماخنتج ولا فكرت انيه فيوم اخونج .. السالفه واللي فيها انه هاي حمده كانت مسوتليه عمل من وفارتنه في سيارتيه وانا كل مادوس عليه يتجدد هالعمل فيني .. انا ماكنت اتمنى انه هاذا كله ايصير او انه يستوي بس اباج اتحطين في بالج .. اني احبج واني اباج واني انا كنت ضحيه الها انتي قلتيلي انيه سبال وانا صدق كنت سبال وراها يميمن يمين ويسار يسار .. اتالمت و تعبت وايد وانتي تتعذبين شفت الموت بعيوني من دونج .. حاولت انيه انتصر على نفسيه المريضه حاولت انيه اكسير القيد بس للاسف ماقدرت لانه هالشي اقوا منيه .. هالشي اللي انا كنت اباج اتعرفينه والحينه ابغيج اتسامحيني بس مدامج تكرهيني وماطيقيني انا اسف والسموحه منج ..
تمت ميثه واقفه ودموعها تنزل ع خدها وحده وره الثانيه تتطالعه وهو توه كان بيظهر رايح صوب الباب ..
ميثه وهي اتصيح : خليييييفه ..
صد عليها خليفه وكسرت خاطره بدموعها يا صوبها وهي ربعت صوبه ولوت عليه .. وتمت اتصيييييييييييييح .. وتم لاوي عليها وماطاع انه يفجها ..

ياذا النجوم اللي شراتي سهارى .. قولي لنجم الياه يطلع مع سهيل
خل احبه سر ماهو جــــــــهارى .. ودي بشوفه واسرتني المواصيل

البحر
في بيت فاضل القبيسي ..
الساعه 4 العصر

خليفه كان مع ميثه في بيتهم اللي في البحر ع قولته يبا اسبوع عسل .. ايغيرون فيه جو وايكونون هم روحهم في مكان ويعوضون فيه كل اللي استوا من بينهم .. .. خليفه كان قاعد ع البحر ولا بس بنطلون لين تحت الركب لونه اسود وقميص احمر فيه خطوط على اطراف الكم لونها بيج ولبسه كان وايد سبورتي .. وميثه كانت في المطبخ كان اتسويله الكيكه اللي هاك اليوم كانت قاعده اتسويها وهو ظهر وماكلها .. يت ميثه وقعدت احذاله ..وميثه كانت لابسه هييج التنوره الجنز على قميص برتقالي شكله وايد حلو .. وكانت عاقه شيلتها لانه البيت كان فاضي ومافيه حد .. لانه خليفه كان مطرش الخدم اللي فهالبيت بوظبي وتام روحه هو مع حرمته ..
ميثه : غناااتي انا ييييييت ..
خليفه وهو ينش من مكانه : فديييييييييييت عمريه انا فديتج اتصدقين انيه اتولهت عليج ..
ميثه : امم وايد ..
خليفه : اااااااه موووووووت .. وايد وايد ..تعالي بسمعج شي وراح صوب سيارته وشغل الها هاي الاغنيه وتم اييول عليها وايبس الها ويسويلها حركات بعيونه وياشر ع عيونه وع قلبه .. وهي ميته عليه من كثر حبها له ..
غرشوب رعبوب والخصر منهوب والعود ميال نهاب القلوب من شوفه اتذوب بو شعر نشال
الله محــــــــــــلاه الزين غطاه والحــــــــق ينقال الـــــــــزين والياه يتلاقن وياه في حبة الخال
له رمش ذباح والخد وضاح والطرف جتال خذ مهــــــــجتي وراح ريم عميضاح هذرن وينقال
زين على زين عراس والعين ياناس ينشال سيد الــــــــــمزايين يسوى الملايين والحال والمال
ايول مشتاق والقلب خفاق يوم الهجر فاق لا اتقول الفـــــــــراق الفراق حــــــراق ياطيب الفال
ميثه : تتدري ..
خليفه : لا غناتي .. شوه ..
ميثه : انيه احبك .. وخلاف ربعت عنه وهو تم متعذب مكانه وتم يربع وراها ووقفت في البحر اترشه بالماي وتربع وهو يربع وراها ..
خليفه : ااااي اييييي .. وطاح في البحر ..
ميثه تربع صوبه متروعه : غناتي غناتي .. شو استوا ..
خليفه :لحقي عليه دش شي في ريلي ..
ميثه : وايه .. اجوف اجوف ..
مسكها خليفه وتم يضحك عليها وتم لاوي عليها وايبوسها ..
ميثه : يالله يالجذب يطفح يطفح من فوقك ..
خليفه :هههههههههههه . تعالي تعالي بقولج شي .. وشلها .. وراح ابها صوب السكوتر ( دراجة البحر ) وشغله وركب وخلاها تركب وراه وتمت متعلقه في ظهره وتم يمشي ابها بالسكوتر وكل ماتيهم مويه اترص عليه واتخش ويهها صوب جتفه وهو مستانس عليها ..
خليفه : احبهاااااااااا ياناس احبهااااااااااااااا وامووووووت فيه ..
ميثه : يانااااس اعشققققققققه ..

النـــــــــــــهــــــــــــــــــــــــااااااااا ااااااااااااااااااايـــــــــــــه ..
مزيون من زينه يحير العذارى .. اهيف زريــف الطول حلو التعازيل
من عينه اعيون العذراى غيارى .. بو يادل جاني على الرذف كالليل
كل الحسن لاشاف حسنه توارى .. غرن ذبحني بالعيون المســـــاليل : ميثه وخليفه

ميثه حامل وخليفه وايد كان مستانس بهاذا الخبر ويتريا انها تربي عن قريب وكان حاطنها في اعيونه ومغمض عليها مايرضى عليها باي شي .. ولا يرضى انه يشوفها زعلانه ولا متكدره كان قد مايحاول ايشل من عمره الفرح والوناسه بس عسب ايفرحها به لانه كان يعشقها ويموت فيها .. وعاشت معاه احلى ايام عمرها ...

لو كان حبه وسط دمي تسارى ... الجم احاسيسي كما لجمت الخيل
دايما عن عيون الوشايا حذارى .. ماينال منه صاحب القال والقيل
له من غلا روحي نهور تجارى .. مثل الفرات ونهر دجله مع النيل : ريسه ويابر ..
ربت ريسه ويابت ولد حق يابر وسموه سيف .. ويابر وايد مستانس به وريسه كارفتنه كراف اتخليه ايشله ويوم تنش فليل تعبانه فرته عليه وهو طبعا الاب الحنون اللي كان ايداري ولده ويحب حرمته ويموت فيها وتموت فيه .. اللي يسعدهم دووووووووم ..

روحه لطيفه طيب ولا يجارى .. الفاتن اللي له في قلبي مداهيل
ياضي جبينه مثل شمس النهارى .. يسني سنا خده وراه مرف الشيل : روضه وهزاع
محد في وناسة هزاع من عقب ماخذا روضه كان حاطلها ع قولتهم القمر في اييد والشمس في اايد وفي خبر بس لين الحينه هم هب متاكدين منه انها حامل .. وان شاء الله ايكون خير ...والله يديمها عليهم .. من بعد العذاب اللي اتعذبوه ..

سحابه : نوت الرحيل والانسحاب من حياته ونوت بان تقتل ذالك القلب الذي احب بصدق كما انها عزمت على ان تلملم المشاعر التي تحطمت امامه وانها لا تستطيع ان تنكر حبها له ولكنها يجب ان تخفي ذالك الحب لانه كان قد يكتب عليه الموت لانه ولد في عالم غريب عالم لا يعترف بالمشاعر الصادقه وكانت تتطلب منه الرحيل من حياتها لانه من المحال ان تلتقي قلوبهم النابضه بالحب وانها تعاهده بان تبقى وفيه مخلصه له حيث انه وجوده في حياتها غير مجرى الحياه بالنسبة لها بعد ان كانت تنظر الى العالم بنظره تشاؤميه مغطاه بالحزن والاسى ولكن الحب الصادق الذي كان بينهما كان اقوى من اي شي في هاذا الوجود .. وجعلها تغير نظرتها الي كل مايحيط حولها جعل الابتسامه ترتسم على شفافها واعاد ثقتها بنفسها وبالاخرين يوم عادت له وعاد ذالك الحب في ذالك العش الذي كان بينهما هما الاثنان معا .. تحدوا ظروف الزمان وقسوتها ووجههاو شرور هاذا الزمن بحبهم الصادق الذي مهما ذهب ومهما ابتعد فانه سوف يعود بكل ثقه لاتفقدوا الحب الحقيقي ولاتجعلوا هذه الكلمه تموت او تنتهي فانها شي لا يفنى او يزول وانه شي سوف يبقى الى الازل حتى تنتهي حياة اخر شخص على هذه الارض .. فانه سوف يبقى ويظل كالنخله الشامخه العاليه ..وفي النهايه الحب عطاء عطاء فقط والحب كان اكبر من مجرد اسمين خليــــــــــــــفه و ميثــــــــــــه ..
همسه : ياغلى انسان عرفته في هالوجود ... وياغلى اسم وصوره رسمتها في وسط عيني
حبي لك ياحبيبي ابد ماله حــــدود ... بس الزمــــــــــــن يالغلا حال بيـــــــنك وبيني

كلمه اخيره : انتظر منكم ارائكم وردودكم على ماظن انيه ماقصرت وياكم في اي شي .. كل جزء كنتوا تبونه كنت احطلكم اياه الا اذا كان عندي مانع يمنعني اني انزله .. عمري ماجبرتكم بارائكم لكن الحينه دام ان هاذا الجزء هوالاخير اتمنى من الكل انه يبدي رايه في القصه .. واتقبل اي راي سواء كان مدح او ذم .. والسموحه منكم .. سامحونا ع القصور .. سامحونا على اي شي بدر منا .. عيبكم او انه ماعيبكم ..
والسموووووحه مره ثانيه
ظبيانية دار الظــــــــــــبي ..
صبرت ولا قدرت اصبر واتحمل اني اعيش العمر من دونك ..

الـــــــنــــــــهـــــــايـــه

مشكورة على الرواية
ربي لا هانج