|
البارت السابع . . . أبطال قصتنا كل حد حط راسه وراح يرقد ألا ثنتيين من بطلات القصة . . . (الأولــــــــــــــى) أميره منسدحه ع الشبريه وقافله عـ عمرها الباب وتلعب بشعرها .. وحاطه mp3 في أذنيها وقاعده تسمع " أنت غير الناس عندي -راشد الماجد " وخلصت الأغنية ويت أغنيه " هزي هزي " وقامت ترقص و مرتبشه .. كانت مبنده الليت ونور القمر ضارب فـ حجرتها لأنه دريشتها كبييره كلها زجاج وفيها بلكونه وفاتحه الستاره كلها .. وقفت صوب الدريشه وفتحت البلكونه وظهرت برا وكاان بررررد ونزلت راسها تحت شافت أخوها حميد مع عيال عمها متولفين صوب الخيمه (أخوها حميد معرس ونادرا ما أييهم) عقب دشوا داخل وتمت واقفه ع البلكونه لين يت حصاه ع البلكونه ولفت أتطالع وزاغت .. نزلت راسها تبا تشوف منو لكن أنفرت حصاة ثانيه من الصوب الثاني .. أميره صرخت شوي : أآإإه (ودشت بسرعه داخل وعقب ظهرت برا نزلت راسها شافت واحد رافع راسه بس ماعرفته .. قالت يمكن واحد من عيال عمها .. ردت داخل ولبست جاكيت وشيله وطلعت عـ البلكونه) ..: نزلي أميره مستغربه (منو هذا ؟؟!! وشو يبا أونه نزلي بخصوصه يعني) : خير ؟؟ .. (خيبه سيده خير) : نزلي تحت أميره: نعم ؟؟ شو تبا ؟؟ آأإوه أنته خالد ؟؟ خالد : هيه .. يلا نزلي .. ليش أمبونج مب عارفتني ؟؟ أميره بملل : ماعرفتك .. أسمحلي .. أنزين شو تبا ؟؟!! خالد : يوم بتنزلين بقولج أميره : وإذا مانزلت ؟؟! خالد : أفففف بدينا سخافات .. بتنزلينن ولا شوه ألحين ؟؟!! أبا أرمسج .. مابسوي فييج شي والله اميره : محد سخيف غيييرك .. في حد يرمس فـ موضوع فـ هالليل .. الصباح رباح .. باجر أن شاء الله (ويايه بتدش) خالد بصوت شوي عالي : اباا ارمسسسج والحييييين .. اذا ما نزلتي الحيييين اناا بييج فووق اميره ردت : هههههه … خففف علييييناا يا طرزاان يا سبايدرمان انته .. يلا أشوف تعال خالد : اضححك مثلا !! (بتحذير) اقوولج والله ان ما نزلتي لاصعد فووق والله حلفت ترااني اميره : اوكييه فكناا خلااص .. عن ينطر لك عرج بس .. مافينا إصابات (ودشت داخل) .. شكلي بطير أنا .. (وترمس سعودي) والسالفه شكلها خطيييييره مررره وسارت بدلت ثيابها ونزلت تحت عند خالد .. خالد (مب بطل من أبطال القصه بس له دوور في القصه .. يحب أميره وحبه من طرف وااحد .. لكن يوم طفر منها وما شاف أي رده فعل منها أستشار ربيعه .. وقاله ربيعه "حب غيرها وقول جدامها وغايضها عشان تعرف أنك تحب غيرها وإذا تزحزحت مشاعرها يعني تحبك وإذا لا سلم عليها) وخالد دووم يسأل عن نجود ويقول حق أميره كلام يقولها وصليه حق نجود بس عشان أميره تسمع وتغار أونه .. بس هو مايدري أنه أميره ماتكن له اي مشاعر أصلاً ونجوود طايره من الفرحه ومصدقه عمرها تتحراه يحبها صدق ماتدري أنه ماخذنها وسيله عشان تحبه امييرة) .. اميره وهيه نازله من الدري شوي شوي وظهرت وسارت ورا البيت أميرة: نعم ؟؟ خالد : واخييييرا مابغييتي .. جان بعد صليتي استخارة " انزل ولا " اميره : خلصنااااا .. سسرعه يلا خالد : انزيينن اعصصااابج .. مب ياي عشان سواد عيونج .. (ولف يطالع يسار و بجديه) نجود شو فيها ؟؟!! أميره تقلده : مب ياي عشان سواد عيونج .. الححححين منزلني من فووق عشان تقولي (وتقلده) نجود شو فيها ؟؟!! لييش ما عندها فوووون أدقلها ؟!!! ليش شو شايفني أن شاء الله مرشدة نفسية عشان أعرف حالتها ؟؟ ولا برنامج حلقه وصل ؟؟ خالد : كلتيني حشى .. في شي ثاني بعد اميره : وشو (وشوي تسمع صوت من وراها ) ولفت شافت حرمة أبوها سمر وفي خاطرها "هاي شو موعنها ؟؟ شو يابها عيوز النار !!" خالد بإندفاع بسرعه : عيييب علييج شو موقفنج هنيه روحج في نص هالليل ؟؟ أميره لفت على خالد منصدمه بالقوووووو سمر : انتي شو تسويين برا لفت اميره وماعرفت شو تقول ... اميره ارتبكت : آأ … أآإنــن … أنا وقاطعها خالد : عمتي كانت واقفه هنييه وماعرف شو ادوور اميره لفت عليه بسرعه : ماكنت أدور شي يالجذااب سمر بحزم : دخلي دااخل يلاا أميره ربعت بس مسكتها سمر : آخر مره أشوفج واعيه مثل هـالوقت فااهمه ؟؟!! أميره وخوزت إيدها : أنزيينن فهمنا .. (بقرف) وبعدين كم مره قايلتلج لآتصكيني؟؟!! (وربعت) خالد مستغرب (ليش هالتعامل من بينهم !!) : عن أذنج بسير الخيمه عند الشباب سمر : صبببببر … (ولف خالد) .. شو كنت تقول حق هاي ؟؟ وليش هيه واقفه هنيه شو كانت تسوي ؟؟ خالد ارتبك : آ..كـننن .. كنت أسألها عن البشكاره واعيه ولا لاء الشباب كانوا مطرشيني سمر : مب تقول أنك شفتها هنيه واقفه أدور شي ؟؟ وبعدين منو بيوعى هالوقت غير هالساحره ؟؟ خالد (أرتبك حيييييييييييييييل وماعرف شو يقول) : أ … أآ .. هيييه أنا كنت ياي أسألها بس عقب سمعنا صوتج (وأبتسم .. وشرد) سمر تمت أطالعه لين دخل وعقب دخلت داخل وراحت فووق (هيه ماكانت نايمه أصلاً .. سمعت صووت حد يبطل الباب ونزلت تحت شافتها يوم تنزل وهيه تتسحب ولحقتها) .. وأميره راحت حجرتها وهيه منصدمه من خالد و فيها فضول تبا تعرف شو كان يبا يقولها ؟؟ وطنشت و بدلت ثيابها وحطت راسها بس ماياها رقاد تمت تتجلب وتفكر بأبوها متى بيي من السفر وهيه مشتاقتله حييل لأنه طووول بجد هالمررة . . . . . . (الـثـانية) الحبيبه السهرانه ع المسن.. (لطوووووف) كانت بالحجره روحها .. ومبنده ليت الحجره بس مشغله الأبجوره وقافله الباب وترمس ربيعاتها من مدرستها الجديمة .. وفطسانه ضحك وعقب سووا إضافات واايد وقعدن يهذربن البنات ليـن أذن الفير وظهرت لطوف عنهن وسارت توضت وصلت وظهرت من حجرتها حصلت أمها تصيح .. تعودت تشوف دموع أمها .. (بسبب أبوهم اللي مش مهتم فيهم ولا يصرف عليهم كثر مامهتم في الحرمه الأولى وعيالها.. بس أيي يسلم عليهم ويروح .. بس أخوان لطووف كل واحد معتمد على نفسه ويشتغل ويصرف ع البيت وشالين المسؤوليه بدال أبوهم اللي ماقدر يشلها .. لكن حرمته الأولى (موزه) اللي ماخذه الأولي والتالي والمتوفر لها وعيالها كل شي .. يسفرهم يطلعهم يشتريلهم اللي يبونه ياخذلهم كل شي يتمنونه .. حتى البيت اللي هم عايشين فيه كان مبناي حق الحرمتين بس موزه خذت البيت .. وحطت أغراضها ويابت عيالها وقالتلهم "هذا بيتنا اليديد كله حقنا بروحنا " فاضطرت أم لطوف تقوم بصيانة للبيت اللي كانوا ساكنين فيه قبل (كان عبارة عن بيتينن وقسمته بيت حق الأولاد وبيت حق البنات .. ما شاء الله أم لطوف عندها 6 أولاد و 5 بنات) .. واصلا مالها حق في البيت اللي هم عايشين فيه لان هالبيت مكتوب بأسم واحد من عيال موزه يعني لو يت موزه وطردتهم بيكون لها الحق لأنه بيتها بس ابو لطوف حول البيت بأسم أم لطوف وصار ملكها من بعد ماكان لها ولااااشي .. يعني مأكول حقها في هــ الدنيا بس هيه ساكته ومتحمله من 32 سنة من خذته .. بس أول ماخذته كان مسكننها في بوظبي ومدلعنها لدرجة أنه كان يطبخ بدالها لأنه ماخذنها صغيره كان عمرها 15 سنة .. يحبهاا وااايد كان .. بس موزه واايد اثرت عليه لدرجه أنهم شاكين أنها مسويه سحر له .. وشواب العايله ساروا سألوا المطوع واكثر من مطوع أكدلهم هالشيء .. و قدر يقولهم شكل الحرمه اللي سوتله السحر .. بس ولاااا حد طاايع يرمس ولا يتحرك .. وعقب يابها العين عقب ما كانوا في بوظبي عند أهله ويوم درت حرمة الأولى شلت الدنيا ولا قعدتها .. بس عيال موزه كانوا يحبون يقعدون عند أم لطوف لأنها طيبة تاكلهم أكلها الحلو ودوم تلبسهم اليديد الحلوو ..) يوم شافت لطوف أمها بـ هـالحاله سارت لها وقعدت عدالها وعقب حطت راسها ع ريول أمها و قعدت تصيح وياها … لين دقت البشكاره الباب تقريباً كانت 6 وشوي كانت تبا تنظف وقامت لطوف بطلت الباب وراحت أم لطوف حجرتها وقالت حق لطوف تسير تكمل رقادها … بس لطوف ماياها رقااد وسارت المطبخ تسوتيلها كوفي وقعدت براا لين اشرقت الشمس (حوش بيتهم عوود يعني الهوا فييه يدش ويطلع وحلو الجو كاان بررد كان أول شهر 2 والبرد يصقع فـ الضلووع) وقعدت ع المنامه اللي صوب حجر خوانها من ورا البيت لين ظهر واحد من خوانها بس هو ما انتبه لها كان منشغل ف التلفون . . . أحمد : أقولك بنتلاقى هناك عقب … توني ناش من الرقاد بلااك أنته !! تباني أييك ألحين … خبل أنته ؟؟ حد يسير احينه ؟؟ أوكيه أوكيه … خلاص !! هم هناك ؟؟ .. متى يو ؟؟ خلاص عيل تم …. بنتلاقى هناك .. ع خير أن شاء الله …. أوكييه خلااص درينا .. يلا اجلللب ويهك ... مع السلامة ..(وياي بيسير صوب غرفه الطعام بس شاف لطوف) أحمد : بسم الله … الينيه شو تسوي هنيه ؟؟؟ لطوف : جااب ينيه حرمتك أحمد (يمووت على هـالطاري) : إييييييه ألا حرمتي عاااد .. لالا صدق شو تسوين هنيه ؟؟ لطوف : مالت عليك أنته وحرمتك السووده .. ههه شو تشوفني أسوي ؟؟ أحمد : بتشوفينن .. حرمتي أحلى منج .. شو مقومنج ألحين ؟؟ لطوف : هههه بنشوووف .. (وتنهدت) مااشي ماياني رقااد يعني سهراااااااااااااانه ( قامت وسارت وياه صوب غرفه الطعام … ودشت ودش وراها وعلى طول البشكاره يوم شافت أحمدوه دشت غرفه الطعام وراه) لطوف: بسم الله الناس تشوف شِيَف تتشاهد مب شِيَف مثل أختنا عافان الله (لطوف تسمي بشاكيرهن يوم ماتبا تقول أسمائهن تقولهن أختنا لأنه أمها واايد مدلعه البشاكير .. وبشكارتهم الطباخه تحب احمد ههه) أحمد (قعد وأنسدح ع الطاولة) : سكتي عنها عن تسويبج شي لطوف : إيييييه الناس تاكل على الطاوله مب يرقدون عليها ؟؟؟ أحمد طنش ورقد ويشاخر بعد ولطوف فطسانه .. والبشكاره تقولها سكتي عنه خليه يرقد (ههه تبا راحته الأخت) .. عقب لطوف قعدت تتثاوب وسارت تكمل رقادها ع الساعه 7 ألا ثلث .. رقدت شوي وقامت يعني غفوه صغيرونه ( ينيه هب بنت خخ) وقامت تسبحت لأنه اليوم اليمعه لازم حد أييهم من أهلهم وظهرت وكانت لابسه مخوره نمري عليها مخور تلي .. وظهرت برا شافت خليفه كاشخ فعرفت أنه ساير يسلم (دووم يوم اليمعه يسير يسلم على أهله .. وأحمد مرات) … وعقب عـ الضحى يا عمها وعماتها وسلمت عليهم وكانوا حاطين فواله وقامت وفولتهم لين يت أمها وخواتها (شيخوه وميثوة راقدات منخمدات .. لطوف أول مره تقوم يوم اليمعه الصبح لاا والساعه 7 بعد .. انجاز عظيم ههه) .. . . . صووب بطلتنا النشيطه اللي قايمه من وقت مع إنها راقده متأخر …. شمووه قامت وسارت الحمام وتسبحت وظهرت بطلت الكبت وقعدت تختار .. اليوم اليمعه لازم تلبس شي كشخه (عاد مافي شئ في الكبت غير البناطلين والقمصان ووايد عليها كندورتين وكمن تنورة ههه) … لبست جيينز مع قميص فوق الركبة بشوي عليه رسسسمة بنوته كيييوووت .. نص كم ولبست ساعه وكشخت الأخت .. ونزلت تحت كانت الساعه تقريباً 8 وشوي سمعت صوت هرن سياره جان ترد تربع فووق هههه . . . نرووح لبطلتنا الثالثه >> حنوون اللي منخمده في سابع نومه .. وياها ميود قال بـيتنيذل فيها شوي .. وقعد يدور فـ كبتها وحصل فوطه صغيره وياب ثلج من ثلاجة حجرتها وحط الفوطه في ماي بارد مع الثلج وخلاها شوي عقب شل الفوطه وسار صوب حنون … وحط الفوطه شوي شوي عـ ويه حنون وشرد .. حنون أول ماحست ببرووده فظيييييييييعه ع ويهها فزت من رقادها : أآإإإإإإإإإإإه (وفرت الفوطه وقعدت تتنافض لأنها لابسه قميص كت قصير و شورت .. وسارت وشغلت فوز الماي ولين حر غسلت ويهها بماي دافي وهيه تتحرطم وسارت شلت الفوطه وعقتها في الحمام وظهرت وهيه مفوووووووله "هاي أكيد حركات ميود الحيوان") حنون وهيه تصارخ وتروح صوب حجره ميود : ميووووود يا خراااااااااااااااااااا (وبطلت الباب بكل دفاشه .. ماحصلته سمعت صوت في الحمام قعدت أتدقدق على الباب .. لين ظهر وهو مسوي عمره معصب بس هو يبا يفطس ع شكلها) ميود : بلااج يا السحلية كسرتي باب الحمام !! أبوج بييب غيره ؟؟ حنون : إذا مش أبوي عيل منو بييب غيره .. انته مثلاً ؟؟ وبكيفي اكسره على راسك .. وتعال بعديين شو هالسخافه وأنا راقده ؟؟ ميود ويسكر ع حجلها : فكيننااااااا أرحمينااااا .. (ويظهرها برا) جلبي ويهج ومابا أشوف شكلج هنيه مره ثانيه يلا يلاااا (وسكر الباب وقفله وحنون تتحرطم برا وترافس الباب لين يت أمها وهزبتها ..) أم حنون: سيري تريقي ويا أبوج كانت الساعة 8 وربع . . . بطلتنا الرابعه >> أميره من فوق راسها ياها وحبها ع راسها وطول في البوسه لين قامت وشافته ونقزت وحضنته أميره صرخت : أبووووووووووويااااااااااااااااااااااااااااااه بو أميره : ههههههه أميره تمت حاضنتنه لين يت سمر وأبتسمت على الموقف وسكرت الباب وظهرت عنهم وخلتهم ع راحتهم يرمسوون .. بو أميره : أخبارها دلوعتي ؟؟ شو مسويه ؟؟ أميره : متـــى ييـــــــــــــــــــــــــــــــت ؟؟!! متى وصلت ؟؟ بو أميره : اليوم الفير وصلت الطيارة .. ماشتقتيلي ؟؟ أميره وتقعد ع الشبريه وتقعد أبوها: أبووياه أنا مشتاقتلك واايد واااايد والله أني مسييتك أكثر شي (وترد تحظنه .. وعقب حطت راسها ع صدره) واايد أشتقت حق (ورفعت راسها تشوف أبوها) أمايه (ونزلت دمعة على خدها) بو أميره مسك راس بنته : باباه أدعيلها .. أدعيلها لج الأجر .. (ويبوس راسها) يلا روحي تسبحي ونزلي أبا أشوفج عقب خمس دقايق تحت أميرة : خيييييييييييبه خمس دقايق ؟؟ هاي خمس دقايق أفكر أقوم ولا لا .. هههه بو أميره : المهم أنج تنزلين تتريقين معاي تراني ما بتريق ولا بحط لقمه ف حجلي ألا وأنتي ويايه .. يلا ولا تراني مابراويج شو يايبلج (ونقزت أميره من عـ الشبريه وراحت غرفه الملابس بسررررعه) أميره : أوكيييييييييييييييييه دقيقتين وأنا تحت هآع بو أميره ضحك عليها ونزل تحت عند نجوود اللي يعتبرها مثل بنته .. وحرمته سمر .. وهو نازل نجود سمعت حد نازل فرفعت راسها وأتفاجأت وف خاطرها "هذا متى يا ؟؟" أونها سوت عمرها متفاجأه ومشتاقتله : بابااااااااااا ؟؟!! أوييييه .. متى ييت ؟؟ (وسلمت عليه وردت قعدت تكمل الريووق .. وقامت راحت فوق بعد ماخلصت .. وهيه راكبه ع الدري شافت أميره نازله) أميرة : بنت الفقر خلصتي الريووق ؟؟!! نجود : مايخصج يا زباله (نجود واايد تغار من أميره لأنها أحلى منها بوااايد .. ولأن أبوها يحب أميره أكثر منها فـ عشان جيه كرهته و كرهت أميره واايد) أميرة (بإبتسامه خبيثه) : هههه شرايج أراويج منو الزبااله ؟؟ نجود : أمايااااااااااااه (وتربع تحت) شوفي أميره تراني واايد سكتلها !! سمر ساكته ومارامت تقول شي .. وأميره نزلت وقعدت بكل برووود .. ونجود تقرص أمها تباها تقول شي بس سمر ساااااكته بو أميرة : بلااج نجود ؟؟ نجود تأشر على أميره : هاي بغت أتطيحني من فووق الدري !! (وأونها تصيح) تخيلوا ماسكتني وتصك حلجي وتبا تسكتني عشان ما أصارخ تخيلوا تبا تذبحني أميره فجت عيونها ع وسعهن : والخييـــــــبه مسكوا السقف بس .. خفي علينا ههآآع بو أميرة لف عـ أميره : بابا أميره خليها ف حالها شو تبين تتحرشين فيها ؟؟ هاي أختج الصغيره !! أميرة : أبوويه والله ماصكيتها نجود بإندفاع : جذااابه والله جذابه أميرة : لاتحلفيييييييين إييييييه.. أسم الله مب لعبه ع لسانج عشان تحلفين به !! نجود سكتت وهيه تنافخ وأونها تصييح .. وسمر نااار تشب بداخلها .. بو أميرة : باااااس خلااص نجوود مب كنتي رايحه فوق ؟؟ يلا روحي أميرة أبتسمت ونجود روحت وهيه تمسح ع لحيتها تتوعد حق أميره وتقولها براويج ماعليه .. وأميره تضحك عليها أميره : ههههه .. أشوف الوالده ماقالت شي ؟؟!! (سمر أطالعتها بنظره) بو أميره : بااس أنتي الثانيه .. عنبووج دييج دييج ؟؟ عيييييييب هااي أختتتج .. (وغير الموضوع).. جيه ماتسبحتي ؟؟ أميره : ههههههه .. قلت أتريق وياك بسرعه قبل لاتروح وأأخرك عقب .. تريق بو أميره وسار الشركه .. وأميره عقب ما سلمت ع أبوها شردت حجرتها لأنها تعرف في قنبله تترياها .. يايه بتدش حجرتها بس صرخت عليها سمر من تحت .. وشافت نجود طالعه من حجرتها ودخلت حجرتها أميره بسرعه وقفلت الباب .. ومارامت تلحق عليها نجود وقعدت تسبها وترافس الباب لين يت سمر سمر: خليها مردها بتظهر وعقب أدبيها . . . صوب بطلتنا الخامسه >> ميثووه .. "الميث" قامت عـ الساعه 9 تقريباً وهيه نازلة من الدري جلابية قميص شوي فوق الركبة .. وشافت أبوها يقرا جريده وتصنمت ع الدري ماعرفت تشرد فوق ولا تروح تتريق .. تمت مبهته ماعرفت شو تسوي لف عليها بو ميثة : أنتي ليش نازلة جيه ؟؟ روحي لبسي شي سااتر .. (ويصارخ) سيييريييي ميثوة : (تأفففت بصوت واطي).. أول شي بتريق عققب (وبدلع) بروح ألبس ع قولتك شي سااتر بو ميثة عصب عليها : أنتي لين متى بتمين جيه ماتسمعين الرمسه ؟؟ سيري أقولج بدلي هالخياس اللي لابستنه ميثة بكل بروود : أنزين لاتعصب ماصار شي يعني .. (ولفت .. تركب الدري .. وقعدت تتحرطم وتقلده) سيري أقولج بدلي هالخياس اللي لابستنه.. (وتمشي حبة حبة ع الدري وتغني بصوت واطي " حبة حبة ع قلبي حبة حبة .. لاتاخذي قلبي بغرامك حبة حبة) أتسبحت وتعدلت ونزلت تحت ع الساعه 10 ألا شوي أم ميثة : سااعة تتسبحين عنبووه ؟؟ خلصتي الماي .. سيري تريقي بسررعه ميثة بدلع : أمايه باجر في مراجعه في المدرسه .. إممممم عادي أسير أم ميثة : لاا أبوج مابيطيع .. سيري أنتي تريقي عقب رمسيه ارووحج ميثة بخووف : لالا مابا أرمسه أنتي أول رمسيه .. بليييز الله يخلييج (وقعدت تقردنها) أم ميثة : حشى عليه .. لا برمسه ولا بقوله .. أنتي اللي تبين أتسيرين ولا أنا ؟؟ ميثة بإستسلام : خلااص مايحتاي نسيير … نرسب أحسن (و سارت تتريق و تقعد بكل برود ع الطاولة … وتتنهد) . . . صوب بطلتنا السادسه >> ظبية ظبيه اليوم اللي دشت فيه المستشفى ماارقدت ولاياها رقاد وطوول الوقت تفكر .. ويعطونها أبره وترقد وتقوم تزاعج وتصارخ وتهاذي وتقول كلام مب مفهوم وعلى هالحال ليين 3 الفير والنيرسات يحاولون يرقدونها باليوم اللي بعده .. اللي هو الجمعه … كانت راقده عـ السرير وحصة كانت عدالها راقده ع الكرسي .. نقزت وقعدت تشاهق بصوت واطي وقعدت تتنفس بصعوبه .. وردت أنسدحت .. لفت شافت الساعة 10 وربع .. قامت بصعوبة شوي شوي وسارت الحمام ماتسبحت لأنه مب زين عليها تتسبح بس مسحت وظهرت مالقت حصة .. فظهرت برا الصالة الثانية وشافتها لابسه شيلة وتوها سكرت باب الغرفه .. ظبية : منو ؟؟ حصة مبتسمه : صبااح الخييير .. هذا منصور يقول بعد شوي بييبون القهوة بيفرشونها هنيــه .. لا تظهرين .. سيري داخل .. بعد شوي بتيي أمايه ظبية بتعب وبصوت رجولي : عيوزي بتيي؟! متى يو من دبي ؟؟ حصة : ههه هيه .. هيه اللي يايبه القهوة مع البشاجير والدريول .. من الصبح أحيدها قايمه أول ما خبروها .. حليله منصور أكثر واحد تعب ظبية : جييه ؟؟ مابظهر أنا اليوم ؟؟ ولا بعسكر هنييه ؟؟ اها .. ياحيها والله حصة أتدخل ظبية داخل الغرفة : ههه لا قالوا بتطولين شوي .. أنتي أرتاحي أحيينه ظبية : أهااا .. لا بسير أبدل هالزفت اللي ملبسيني أياه عفنت وأنا لابستنه (وسارت بدلت .. ولبست برمودا رصاصي و قميص ابيض عليه فيسات .. وظهرت ) حصة : يالله بالستر سيري لبسي مخوره … ظبية : جيه مفصخه أنا ؟؟ حصة : بسرعه سيري .. لو يت أمايه وشافتج لابسه جيه لتذبحج ظبية : أآآآإآأه .. أنزيييين (وسارت بدلت لبست مخورة وهيه عايفه عمرها .. وردت تفكر باللي معيشنها في جهنم (يمعة) … وأندق الباب .. وظبية داخل الغرفه وسمعت حد يهوّد) .. هوود هووود حصة :قرب بو منصور (وأتغشت) بو منصوور: مرحباا السااع .. (ودخل في الصاله) السلام عليكم .. وينها المريضة ؟؟ حصة: وعليكم السلام ..داخل أحيدها تبدل ..: حطه حططه هنييه .. وبااقي الطيس في المطببخ اللي هناك .. وهاذيلاك الطيس دخلوهن دااخل حصة : مرحبا الساااع … قربييي أمااايه اليدة : (خاشمتها وسلمت عليها) .. المرحب باجي بنتي .. (ويلسوا) وينها عيل ظبية ؟؟؟ ظبية لبست شيلة وسمعت أصواتهم وظهرت .. ظبية ظهرت لهم وبصوت تعبان : السلام عليكم بو منصور : هلا هلااا بدلوعتنا وسارت ظبية سلمت ع يدتها .. وحبتها ع راسها : شحالج يدووه اليدة ماسكه إيد ظبية : مرحبا الساع .. شو هباتج اليووم ؟؟ شو حل عليج ؟؟؟ ماكنتي جذا ؟؟ أحيدج حصااان ؟؟ وسارت ظبية سلمت على خالها : شحالك خالي ؟؟ بو منصوور : بخيير عساج بخيير .. الحمدالله ع السلامه ظبية : الله يسلمك من الشر بو منصور : منصور أحيده يايب فواله من عند بنت خلفان … حصة سيري زقري البشاكير قبل لايروحون ماعليج أمر اليده : وين واصل هوو ؟؟ (وكل شوي حد أيي وييب شي وازدحمت الصالة ألا قهوة وطيس ودلل وسلال حلاوة و ورود) . . . نروح صوب لطوف اللي صار عندهم شوية أكشن … . . . لطوف شوي وبتصيح : ماباااااااااا مابا ماباااا (وتتكلم بسرعه .. واقفه وتتحرقص) مابا مابا مابا مابا مابا أم خليفه عورها راسها من حنة وزنة بنتها : خلااااااااص برمس أبوووج وبجووف شو بيقووول لطوف : يعني مابتغصبوني صح ؟؟ (وبإبتسامة تأمل) . . . توقعاتكم . . شو اللي بيصير مع لطوف !! شو بتسوي نجود حق أميره !! شو ممكن يصير في البارت الياي !! هل ممكن انه ابطالنا يطلعون يتحوطون مكان ؟؟ ومنو ممكن يطلع يحوط !! |
البارت الثامن . . . نروح صوب لطوف اللي عندهم الأكشن … . . . لطوف شوي وبتصيح : ماباااااااااا مابا ماباااا (وتتكلم بسرعه .. واقفه وتتحرقص) مابا مابا مابا مابا مابا أم خليفه عورها راسها : خلااااااااص برمس أبوووج وبجووف شو بيقووول لطوف : يعني مابتغصبوني صح ؟؟ (وبإبتسامة تأمل) أم خليفه : أنتي لو تسكتين ؟؟!! كل شي بيتصلح (سكتت لطوف … واللي أستوى >> أنه عمها رمس أمها ويبا يحير لطوف حق فارس ولده .. ولطوف ماتبااه .. على طوول دقت أم خليفه حق أبو خليفه وقالتله أيي بترمسه ف موضوع .. وياهم عـلى الطول) فارس (آخر بطل من أبطال قصتنا .. شخصية مزاجية .. ماينعرفله مره معصب مره رايق مره ماله خلق حق حد .. يشبه اخته عواش واايد وشموه ماخذه منهم أثنينهم .. أسمراني طوييل وضعييف .. جتوفه عرااض .. حلوة ضحكته وإبتسامته تعذذب .. وشعره أسوود وحياته مقرونه وهذا اللي محلنه دوم يتسفر ويحط ذيل الغتره عينب صوب أذنه .. يحب يغايض و ينكت .. معتمد على نفسه وشال المسؤوليه شوي عن أبووه .. يحب يسوي عمره شي شي ويفزع .. له هيييبه غيير يوم يدخل عند حد .. يداوم في الجوية عكيفه متى ما يداوم بيداوم متى ما يبا يرد البيت يرد مشينهم عـ كيفة مب هم اللي مشينه ) بو خليفه : لالا مابا وحده من بناتي ياخذها واحد من العايله كفايه الريم ماخذنها ولد عمها بسس خلااص … (وأحمد كان يقهوي أبوه .. و الريم ماخذنها خميس أخو شموه) أم خليفه: والله أنا قلت أشاورك قبل … بو خليفه : لالا أنا برمس علي (عم لطوف) … أم خليفة: أنزين شو عشان عبود وبروك ؟؟ بو خليفة: شو بلاهم ؟؟ أم خليفه: ردوا عليك العرب ولا بعدهم ؟؟ بو خليفه: ردوا قوم بن*** بس ال*** ماردوا بعدهم أم خليفه: عنبووه من شهرين نحن مرمسينهم وخاطبين بو خليفه: بعد هذا نصييب .. وهذا زواج مب لعبه .. وعيالج تراهم جاهزين بس يتريون الرد (خطبوا حق عبود وبروك رمسه بس .. بس العرب بعدهم ماردوا عليهم) (ودق تلفون أم خليفه وكانت سلامة بنتها داقه عليها .. وردت عليها .. وقعد أحمد يسولف عـ أبوه ويخورط عليه … سلامة قالتلها خطاطيب من أم القيوين يايين باجر .. وعلى طوول خبرت ريلها وقالها خلهم يقربون .. عقب سارت أم لطوف السوق .. وسارت لطوف وخواتها بعدهن منخمدات فسارت قومتهن .. وقامن وسارت تتريق وياهن وعـ الريوق قالتلهن خطاطيب بييون باجر) كانت الساعة 12 و شوي وكان بيأذن الظهر وسارت أم لطوف توعي اخوان لطوف يوم ردت من السوق .. وغربلوها رقادهم ثجيل ماطاعوا ينشون حق صلاة اليمعه .. عقب يت بنتهم الريم وعيالها .. وطبعاً إذا تولفوا الشلة اليهال لازم في البيت تقوم القيامة ههه وخاصة أن عيالهم الصغار كللللهم أولاد … والدفاشة مشتغله وقذائف في البيت وصواريخ عادي تدخلون تنفلعون بشيء هههه .. وعقب قررت لطوف وشاورت خواتها يسيرن القرية العالمية .. وبسرعة خواتها خبرن عبود أخوهن وقالهن بعد الغدا بيظهرون .. قرار سرييع . . . مر الوقت وصارت الساعة 2 الظهر .. فـ هالوقت قوم لطوف ظهروا >> توجهو للقريه العالميه . . . صوب أميرة اللي يوعانة وبتمووت يووع وتبا تبطل الباب بس متروعه لا تكون نجود عند الباب .. وتشجعت أخيراً وبطلت الباب وقعدت توايج ماحصلت حد .. مسكرين الباب والقسم هدوووووء .. وقعدت تتسحب لين الدري ونزلت شوي شوي .. وسمعت صوت باب يتبطل وعلى طول ربعت ع الدري بسسسررررررررعه قالت فخاطرها "أكيد هاي نجود ولا عيوز النار .. أم السعف والليف".. وقعدت تربع لين تحت وربعت وراها نجود وخذت الدري يمكن 6 دريات طفت من فووقهن وأميرة بطلت عيونها أميرة : شو ها الطرزان خفي علينا بنت الفقر .. ( وقاعدة تربع وأطالعت وراها لين طاحت وتخرطفت ع ويهها .. ويتها نجود وقعدت ترفسها وتضربها لين نزلت وسمعت صريخهن سمر وفاججت من بينهم) سمر ترمس نجود : أنتي خبلة ؟؟ نجود وهيه تنافخ وتعبت من الضرب وقاعدة أطالع أميرة .. وأميرة تتألم وقعدت ترجع ورا عشان تسند عمرها ع الييدار سمر : وأنتي بس خلاص تعبت منكم .. هاي أختج وأنتي العودة .. المفرووض تكونين قدوة ألها .. مب عدوتها .. حسبي الله عليج من بنت .. (ومطت أميرة من شعرها وقومتها وقعدت تسحبها للباب الوراني).. سمر وهيه تبطل الباب وتفرها ع الأرض : يوم تخلصين غدى لاتردين أدشين دااخل .. فهمتي ؟؟ أميرة تحس كل شي يعورها.. تمت قاعدة دقيقتين تقريباً على نفس الوضعيه .. وسمر ونجود يطالعونها من دااخل وهن يتحرنها أستوا بها شي وألا نغمى عليها لأنها ماتحركت .. وقفلن الباب الوراني عنها .. وكل وحده سارت حجرتها .. ويت البشكاره جينا اللي شهدت ع الموقف بكل صمت .. وساعدتها وقومتها وقامت هيه بصعوبه شديده لأنه ظهرها عورها يوم تمت ترافسها .. وسارت عقب الحديقة اللي ورا البيت ويابتلها البشكارة غدا وتغدت وقعدت شوي لين حست العوار خاز شوي وقامت تمشي لين شافت سيارة أبوها داخله الحوش .. وقف باركن وسارت له وقعدت تصيح بحضنه بو أميرة وهو مستغرب : باباه أميرة !! أميرة طاعيني .. (فر شنطته ورفع راسها .. ومسح دموعها) شوفيج باباه ؟؟ حد مضايقنج ؟؟ (وتم يسألها وعقب قال يمكن مشتاقه حق أمها وحضنها وتم ساكت ماقال شي لين هدت شوي) بو أميرة وهو يمشي صوب الباب يبا يدخلها داخل : تعالي بسج صياح .. صياحج هذا مابيرد أمج .. أدعيلها .. أنتي جيه قاعدة تعذبينها .. بس أميرة قعدت تصيييح زيااادة وماترد عليه بس تصيح … بو أميرة : أنزين تغديتي ؟؟ أميرة هزت راسها بـ هيه وياي بـ دخلها داخل بس هيه ماطاعت أدش أميره : بتم شوي برا .. ( خلاها عـ راحتها.. وروح عنها داخل .. هيه تمت تتمشا شوي برا عقب راحت داخل ع الساعة 3 ألا ثلث تقريباً ..) . . . عند شموه اللي سارت القرية العالمية مع خواتها وهيه في السيارة لازم تشغل نفسها بشيء .. وقالت بدق على حنون .. ودقتلها بصوت رجولي خشششن : ألو شموه (بسم الله سكني هذا .. في كل مكان يطلع لي !) : ألو .. السلام عليكم مايد وهو شاق الحلج .. عرف صوتها : وعليكم السلام شموه: موجودة حنون ؟؟ مايد (فديييييت نصخج ياربيي) : موجوده يابوج موجوده .. لو مب موجوده أيبلج أياها لو كانت في القمر .. (ويزعق) حنووووووووون .. حناااااااااااان .. (وبصوت من بعيد .. ماسمعته شمووه).. القلب تباج ههه حنون : حيوان مرة ثانية لاترد ع التلفون .. (وتشل السماعة) ألو ! شموه : هلا والله حنون : إييه.. وينج أنتي ؟؟!! شموه : وين بكون .. تخيلي وين أنا ؟؟؟؟؟ (وبإبتسامة خبث) حنون وهيه شوي وبتصيح : وين؟؟ لالالا مابآإ آإعرف خلاص ... أروحه مللللللللللللللل وقعدن يهذربن الحبايب لين وصلوا قوم شموه .. وشموه وهيه نازله وبعدها تهذرب مب طايعه تسكر .. ههه وحنون تبا تسير أمها تزقرها بس ماتبا أطوف السالفه ههه .. عقب سكرن بعد معاناة . . . عند لطوف >> اللي مرتبشين في السيارة وهم في الطريج وماخلو حد ما تمصخروا عليه .. و وصلوا ونزلوا .. راحن لطوف ومريوم وشيخوة يسحبون من الـصراف اللي نفس الباص (atm .. وكانت الساعة 4 ضبط) قوم شموه كانوا قاعدين يشترون تيكيت وقوم لطوف توهم يايين .. فارس و دانة (أختهم العوده .. الي هيه تستوي حرمة خليفة) ساروا يشترون تيكت وشموه وعواش يتريونهم بعيد .. لفت شموه وأنتبهت على لطوف .. بس لطوف ماشافتها .. لطوف كانت تعابل شنطتها وأتطالع يسار .. مريوم : هب جنهم هاييلا ؟؟ آأإآ ؟؟ قوم عواااش …. بنت عمي .. (وسارت لها وسلمت عليها .. ولطوف بسرعة أبتسمت ) لطوف: أكيد شموه الرزه وياهم (وسارت سلمت عليهم .. ويا فارس ودانة وسلموا عـ بعض .. عقب يو قوم شيخوه والريم وعبود خوان لطوف وسلموا عليهم وساروا ويا بعض ودخلوا .. عبود قالهم عبود: سيروا برايكم بسير ويا فارس يوم تخلصون دقوا لي . . . لطوف تمط شموه : أقولج تعالي بندخل أول شي القرية اليابانية شموه : أبا أسير التركية أبا بطاطا .. (وتحن وتزن : بطاطا بطاطا بطاطا بطاطا بطاطا ) لطوف : لاحقه لاحقه .. سكتي لآ أعطيج واحد راشدي ألحين .. ما يأكلونج في البيت ميوعينج ؟؟ شموه : أنزين أبا شي آكله .. تراني يوعانه .. لطوف : أفففف هذا بطن ولا طابوقه بتخبرج ؟؟ (وقعدن يحوطن قرية قرية وماخلن شي .. خمن القرية خم من الأكياس اللي شالينها .. عقب يابوا هندي يحمللهم الاغراض وسارن صلن .. عند المسيد) ودخلن خواتهم قبلهم (مريوم وعواش والريم ودانة وشيخوه) وشموه ولطوف يتعازمن برا شموه : هييي أنتي تعالي يلا .. وسارت شموه بعد معاناه وتصفيع من لطوف ورفسه منها سارت شموه تصلي .. ههه .. عقب ع الساعة 9 خلصن .. ساروا يتعشون وساروا المطعم اللي صوب القرية التركية ولطوف وشموه خذن البطاطا وعقب أشترن سندويجات .. وقعدوا صوب البحيرة وقعدن يزطن .. ويطنزن عـ اللي ساير واللي ياي ما خلوا حد في حاله .. بس خواتهن داخل في المطعم ياكلن . . . عقب ما خلصوا قرروا يدقون على الشلة ودقوا .. أول ضحية كانت أميره سوو فيها مقلب . . . أميره وهيه قاعده على اللاب في حجرتها وفجأة يتبطل باب حجرتها بكككل دفااشه عرفت أنها نجود .. نجود وهيه توايج على أميره أميره: نعم ؟؟ نجود قفطت ودخلت داخل ووقفت صوب الشبريه : في حد يباج عـ تلفون سيري تحت أميره : أوكيه ظهري برع .. (نجود ظهرت ورضفت الباب وراها بقو) .. والخيبه تخيبج أنشاءالله .. (وأميره كان عندها تلفون يحول من تلفون الصاله يعني نفس الخط .. وشلته) ألوو ؟؟ شموه وهيه مسويه عمرها تصيح: ألوو أميره: بسم الله .. منو ؟؟شموه؟؟ بلاج؟؟ شموه تشاهق: لطووف أميره مستغربه: بلاها لطوف .. صبري صربي (وهيه تصارخ) نجووووووووود سكككرررييييييي السماعه شمووه:(بكل هدوء) أميره .. لطوف (وبصوت شوي عالي) رااحت راااحت أميره في حاله صدمه مب عارفه تتكلم ولا عارفه شو تقول وبس تسمع صوت صياح شموه لطوف سمعت أميره تصارخ من الفون: غربلاتج خبلتي بالبنت (وسحبت الفون وشموه بدت بضحك هستييييري) ألووو أميره تخبلت كيف صوت لطوف؟؟ يمكن تحلم تمت أتصفع عمرها : والله يتهايلا والله لطوف: أمييره عن الخبااال .. يعني عاشت الجو أشكره والله هههههههههههههه شموه: ههههههههههه أميره مب عارفه شو مستوي تحس عمرها غبيه من بينهم جنهم ينانوه ومب راضيه تصدق: أنتو منووو؟؟؟ أنتو .. أنتي مب لطوف عيل وين شموه؟؟ وين ويديتي شمووه؟؟ لطوف أستغربت: وقسم بالله أميره أنج في صادووه..بلاج يا بنت الحلال؟؟!! أميره عقلها مش وياها : أنتي أففففف(وتنهدت) أنتي منو ألحين فهموني وين لطوف؟؟وشموه وين سارت؟؟ لطوف: مم أنا وشموه سوينا لج مقلب والله مرة ثانيه مابنسوي خلاص .. أنتي مب مال مقالب يا بوي .. حشى بسرعه تصدقين ولا لهدرجه شموه تعرف تمثل؟! وااااككك شموه منسدحه من الضحك .. أميره: مالت عليكم متفييجيييييين (وعصبت وسكرت في ويه لطوف) لطوف: أفاااا؟؟!! مابسوي صادووه عشان ما أتقفط أنتي تكلمي .. . . . الثانيه كانت >>ميثوه بس ماسوولها شي عارفينها بتكشفهم مب على ميثوه هالحركات ههه ميثوه كانت تضارب أختها الصغيره وفجأة دق تلفون البيت وتمو يسولفون وياها وخبروها عن أميره وحلفت عليهم يسوون مقلب في حنون هههه واللي صاار … . . . شموه تتريا حد يرد عليها وحاطه التلفون على أذنها و ترمس لطوف شموه : حرام حليلها كسرت خاطري هالويكند ماظهرت ههههه ( وقعدن يخورطن عـ بعض بس في حد كان يسمع سوالفهن وميت ضحك عليهن) ..: حلفي أنتي بس ؟؟ شموه : أعوؤذ بالله ...: هههههههههه شموه عصبت : أفففف .. سخيييييف … عطني حنوون مايد : ماشي … تراه توها مصخرة وكاسره خاطرج ؟؟ ليش تسبين أختي ؟؟ ما بعطيج أياها شموه عصبت : إيييييييييييه أنتتته لطوف تصك على حلج شموه : فضحتينا يعلج … تصدقين أنا ماعرفج .. مايد : منو هاي ؟؟ مب عيب تسبون أختي ؟؟ هااه ؟؟ مب عيب ؟؟ هذا يعتبر غيبة و وقاطعته شموه : أقووولك بتعطيني حنون ولا شلون ألحييييييين ؟؟ ميود فااااااطس ضحك : ولا شلوون ؟؟ (وجآآآن تسكر ف ويهه شمووه) ويت صوبه حنون : منوووو ؟؟ على منو كنت تستهبل ؟؟ والله إذا كنت تستهبل على شموه لأصفعك .. بتذبحني أنا مب أنته … (وحنون ترمسه بس هو مايرد .. بعده منصدم أنه شمووه سكرت في ويهه) مايد :أفااا ... (وعصب) والله هااي ربيعتج خقاااقه ..(وسكر السماعة).. أنزين؟؟ ما ترمسين في التلفون مره ثانيه .. خلاص ماشي رمسه في التلفون .. حنون: إييييه ألا شموه يالخايس .. محد غيرك خقاق .. وليش أن شاء الله ؟؟ بأمر منووو ؟؟ (وقعدت تتحرطم حنون وميود مسويلها طااف وروح عنها) . . . عند شموه معصببه ولطوف تتمصخر عـ شكلها .. لطوف : ههههه عـ فكره شكلج واكك وأنتي مبوزه شموه صارخت في ويهه لطوف : جااااب أقوولج لطوف : بسم الله .. أنتي محد يرمسج وأنتي معصبه ههه ..(وقعدت تغنيلها : يا زعلان يا زعلان .. خليت قلبي حيران .. ماقلتلك) تعاليي ماقتلج شو أستوى أمس ؟؟!! شموه بملل : شو أستوى ؟؟ لطوف : ههههه .. هاي بنت عمي(وتسويلها باي.. وترمس لبناني) كييفيييك؟؟ شو أخباارييك؟؟ منيييحه؟؟ واااككك بدال ماتسوين حق حنون مقلب سوو فيج مقلب ههههاااي شموه عصبت : تصدقين أنج سخيفه ؟؟ ماباج تخبريني خلاص هونت لطوف : ههههه مب شي يديد .. لالا والله شي أستوى شموة صدق حست في شئ قوي فلفت : أنزين قولي خلصيني .. أرحميني .. ذليتيني لطوف تعدل يلستها : أنزييــن وييت عليه .. يقولج مب أمس كانت هنود راده وياي آخر الدوام ؟؟ شموه معقده حوايبها : أنزين ؟؟ لطوف : ويقولج تواعدنا نحن وعليوه نتلاقى عند الدكان ..(وجان تصفق لطوف وشموة تروعت).. أنزين ويوم كنا هناك أظن (وخبرتها بالسالفه).. تخيلي شيخوه خبرت الريم وسلامه ومريوم وأمايه .. شموه : أويييه أمج درت ؟؟ لطوف : يب .. شفتي النحاسه ؟؟ قلت بعد شوي بتخبر الييران .. وعاااد أمايه سوت سالفااااااااااااااااه (وتفتح أيدينها.. على أنها سالفها كبيره خخخ) شموه : حشى .. شويخ أختج رادار !! لطوف : شفتي عاااد ؟؟ (ولفت أطالع ورا .. وشموه لفت أطالع البحيره) أقووولج مشتهيه أيس كريم شموه : … (مندمجه وأطالع البحيره وتشرب عصيرها) .. لطوف : قومي يلا (وقامت) قووومي أقووولج شموه لفت عليها : شوو ؟؟ لطوف : يااسلااام ؟؟؟ شموه : على المدام ههه لطوف : قوميييي شموه : وين إن شآء الله عمتي ؟؟ لطوف : يعني من الصبح أرمس عمري ؟؟ أوكيه أوكيه شموه .. شموه : ههه .. لطوف : قومي قومي ..مافيني أصفعج تعبانه مشيت وااايد اليوم ههه …(بس شموه بعدها قاعده وتفصفص في الفون) قووووووممييييييي شموه قامت : أنزيييين .. (ويم قامت) هب جنه من صبح نحن نصارخ ؟؟ لطوف : جنه .. والله القريه عااد قرية أبوي والمكان مكاني شموه : أويييه من متى ؟؟ من العصر الحجري ولاجليدي !! لطوف: جيييه .. ماتعرفين ؟؟ (وتمن يهذربن ونسو يدقون حق خواتهم يخبرونهم أنهم بيروحون يشترون أيس كريم وبيردون .. قوم شيخوة خلصوا عشا وساروا المكان اللي كانن قاعدات فيه قوم لطوف بس ماحصلوهم) مريوم دقت حق شموه : أنتن وينكن ؟؟ لطوف خذت الفون من شموه لأن شموه قاعده تحاسب الريال (زطية لطوف ماتبغي تخسر فلوس هههه) : أوووه نسيت أدقلكم نخبركم .. ترانا نشتري أيس كريم مريوم : لا والله ؟؟ لطوف : هيه والله !! مريوم : أنزين تعالو يوم تخلصون عند الألعاب لطوف : ليش أنتو خلصتوا ؟؟ ما شاء الله بعده فيكن حيل تمشن بعد ؟؟ مريوم : هيه خلصنا .. عقب ماتخلصون تعالوا .. وبسكن هذربان لطوف : أوكيييييه مريوم : بسرعة لا تأخرن لطوف سكرت : أقولج هم خلصوا وساروا عند الألعاب بنقعد اول وعقب بنسير شموه مندمجه في أكل الأيس كريم وهزت راسها بـ هيه .. ويوم ردوا مكانهم حصلوا شنط محطوطه لطوف : إييييه شموه : أنزين تعالي بنسير هناك نقعد لطوف : لااا بنقعد هنييه يعني هنييه شموه : بلاج أنتي ؟؟ خلاص برايهم بنسير نقعد هناك لطوف : أقووولج بنقعد مكاانا القبلي ويو شله البنات يمكن 4 بنات جيه لطوف يت صوب البنت اللي ماسكة دفتر : ممم لو سمحتي.. ممكن تشلون أغراضكم .. نبي نقعد هنيه ؟؟ البنت بدلع مصطنع مب راكب عليها وتسوي حركه بإيدها: آأإإإ والله كل الشلة حاطه أغراضها هنيه لطوف وهيه تقلدها في حركة إيدها وتقلدها في صوتها : أآإمم أوكيه شلي أغراضكم وروحو هناك (وتأشر لطوف بعيد) البنت بعبط : وليش أنتي ماتروحين ؟؟ شموه تمط لطوف: خلاص خلينا نروح هناك . . . |
البارت العاشر . . . لطوف : تبا تضارب شكلها هاي .. (وبكل هدوء) ياخي قلنا لج شلي أغراضكم وأنجلعوا هناك .. إذا رحنا مكان ثاني بنضيع خواتنا فـ بلييز يعني البنت بدلع وترمش عيونها : سوووري .. قتلج كل الشلة حاطه أغراضها هنييه .. مابشل كل أغراضنا عشان ثنتيييييين !! لطوف : مب رايمه تشلين هالكم شنطة ؟؟ فالحه تلبسين كعب هالطول عيل ؟؟ البنت طفرت وتبا تكفخ لطوف : أفف أنزين أنتي روحي هناك !! وايد بعيد يعني ؟؟ لطوف : هذاا مكانا ونحن كنا قاعدين هنيه قبل لا أشوف شكلج .. بتشلين أغراضج ولا أسويبهم شي مايعيبج ؟؟ البنت : يلا أشوف شو بتسوين ؟؟ لطوف : أنا بروايج .. (سارت لطوف وشلت شنطهم ويايه بتعقهم في البحيره .. بس البنت سبقت لطوف قبل لاتعق الشنط ومسكت الشنط) البنت : إييييييه .. خلااص أنزين .. (شلت البنت أغراضهم ودزتهم بعيد وهيه تتحرطم) لطوف : كريييه .. (وترمس شموه) أعجبج لاه ؟؟ شموه فاااطسه : هههههههههه (وتسويلها أوكيه) أآإإإخخخ .. ياليتج كنتي ويانا أمس لطوف : ليش شو أستوى أمس ؟؟ شموه : ترا أنا وحنون كنا في الحديقة (وقعدن) !! لطوف : هيه دقتلي قالتلي .. (وتحيس بوزها) بس أمايه ماطاعت وشموه خبرتها عن هذاك اللي قردنهم … ومصخرتهم لطوف وخبرتها عن مايد شو سوا لطوف: هههههه أويييه عن يكووون شموه: طااع تفكيرج … ههه لطوف : عقب بيقولج (وتغني) أحببك موووت كلللماا مالها تفسييير .. ولييين اليوم شموه تقاطعها: جاب جااب هههآع .. تعالي بعد لطوف: شووو بعد ؟؟ شكله واايد مستوي أكشن وطافني شموه: يب يب .. هههآآع دقييت على بييتكم أمس لطوف: أنزيين ؟! شموه: مادري منو رد على من أخوانج لطوف نقعت ضحك: هههههااااااآيييييي .. هآع أنتي اللي دقيتي أمس ؟؟ ههه أحمدو رد علييج .. واااكگ شموه منصدمه : أويييييييييييه ؟؟ أكييد مصخرني لطوف: إلااا (وقعدن يسولفن ولفوا ع البنات شموه عبالها البنات يايات يضاربن بس روحن .. وكملن سوالف وضحك .. وهم قاعدين يضحكون .. تخرطفت بنت من الشلة اللي تضاربت لطوف وياهم .. وطاحت عدالهم وطاحن الأغراض اللي كانت شالتنهم .. وسارت لطوف ساعدتها) لطوف : سلمتي ..(وقعدت لطوف تلم لها الأغراض) البنت : الله يسلمج .. ثااانكس لطوف : ولكم .. شكلج مضيعه ؟؟ البنت : هيه والله مضيعه بنات عمي لطوف : أنزين ليش ما أدقيلهم ؟؟ البنت : تلفوني مفضي .. وهم راحوا يشترون عشا وبيون ولين ألحين مايوو لطوف : تعالي أنرين عندنا ؟؟ قعدي ويانا لين ايون وسيري وياهم .. البنت : ههه أخافج تعقيني في البحيره بعد ؟؟ لطوف : هههه لا لا تعالي تعالي وسارن صوب شموه .. البنت : السلام عليكم شموه : وعليكم السلام وقعدن .. لطوف : ماتعرفنا عليج ؟؟ البنت : أنا حمده .. وأنتن ؟؟ لطوف : أنا لطيفة وهاي شمه حمده : تشرفنا لطوف : الشرف لنا .. واللي تضاربنا وياها ؟؟ حمده : خلود وقعدو يسولفون (عاد تعرفون سوالف البنات اللي ماتخلص .. وهم يسولفون وجذي .. طلعت البنت تقرب حق ظبية) لطوف : أصلاً هيه من يومين غايبه مادري ليش (لطوف ترمس جنها عيوز) منكر هالبنات بعد زايد هالأيام !! حمده : ههه هيه .. مرقدة في المستشفى تراها !! لطوف وشموه لفن منصدمات : شوووووه حمده : هيه .. ماتعرفون ؟؟ لطوف وشموه : لا حمده : محد خبركم ؟؟ لطوف : لا .. ليش أنزين ؟؟ شموه : من متى ؟؟ شو أستوى ؟؟ حمده : ماعرف بس قالي أخوي يوم كاسرين عليها الباب مننننظظظظظظررررررر فظظظييييييييعع يقولي لقوها طايحه وراسها ينزف .. لطوف وشموه حاطات إيديهن عـ قلوبهن : أويييييييييييييييييه حمده : وعلـى طول ودوها المستشفى لطوف لفت عـ شموه : عندج رقمها ؟؟ حمده : أنا عندي رقمها شموه : وكيف هيه أحينه ؟؟ حمده : حمدالله أمس كنا عندها .. زينه (وقعدت أدور رقم ظبية في تلفونها) لطوف ترمس شموه: أنتي دقي حق حنون وخبريها .. لازم تعرف هالحوله .. لازم نسير نسلم عليها بعد فضيحة .. حمده : هاا أندوج تمن يتعازمن منو بترمس أول لين ….. …: ألووووووووووووو ؟؟ لطوف: ألو السلام عليكم …: وعليكم السلام لطوف : ممم موجوده ظبية ؟؟ …: لحظة (وشلت لطوف التلفون عن أذنها) وقالت : في حد رد علي .. بس مب ظبية ؟؟ حمده : ممم حرمة ولا ريال ؟؟ لطوف : حرمه !! حمده : يمكن عمتها حصة لطوف : أها (وردت حطته عـ أذنها .. بعد شوي) ..: ألوو ؟؟ لطوف : هلا والله بالغاليين ؟؟ ظبية : ههه أهليييين .. توكم تفيجتوا أدقون ؟؟ لطوف : أسمحيلي والله توني دريت ظبية : تعالي أنتي من وين داقه ؟؟ لطوف : سرررر (وشافت ظبية الرقم وعرفت انه لحمدة) ظبية : شحقه داقه من تلفون بنت خالي ؟؟ لطوف : جااب مايخصج .. وشو درابج انتي ؟؟ ظبية : أقولج عطيني بنت خالي أنتي ماعندج سالفه لطوف : أفاااا .. لالا عندي عندي سالفه ظبية : إييييه رصيد بنت خالي لطوف : ماعليه بشتريلها رصيد من عندي هديه حمده : ههه ظبية : أأقول بااي لطوف : أفااااا .. أفا والله يا بنت سلطاان .. أصلاً ماترومين تسكرين ظبية : جااب .. وايد واثقة يعني !! لطوف نزلت راسها : هههه الحمدالله ع السلامه ظبية تنهدت : الله يسلمج ..(بعد برهـه من السكوت ) حنون درت ؟؟ لطوف لفت عـ شموه لقتها ترمس ولافه ويها : هيه وتمو يرمسون لين سكرت لطوف عن ظبية… لطوف تنهدت : أإآهه الله يعينها والله حمده : آمين لطوف لفت عـ شموه : هاي من ساعه ترمس .. (وضربتها ع جتفها) هب سالفه بتخبرينها .. خلصينا يلاا شموه بصوت واطي: أإإآي .. حيوانة لطوف: مطت التلفون عن شموه : ألوو حنون بس تنوح لطوف : إييييييه .. ما يسوى الشي يعني .. مايحتاي ها كله .. حنون تشاهق : أنزين هيه ألحين شو حالتها ؟؟ لطوف : البنت بخير مافيها شي .. مرمستنها توني تراقص .. حنون بصوت مخنوق : أففف باي باي أمي تزاقر لطوف : الله يحفظج (وسكرت ..و لفت عـ حمده لقتها تلم أغراضها) .. يالله بالستر وين بتروحين ؟؟ حمده : هكن بنات عمي (ولفت لطوف تتطالع شافت خلود اللي تضاربت وياها مع حرمة متنقبه ومعاها ياهل وكمن بنية) قومي معااي (ومطت لطوف من إيدها وقامت وياها لطوف) حمده وهيه واصله عندهم : عليووه من بيوصلنا ؟؟ عليا : دقيت حق حمدان .. وااصل .. (شافت لطوف وتقربت منها تسلم عليها) هلا .. شحالج ؟؟ لطوف : الحمدالله بخير وسهاله .. ومن صوبج ؟؟ خلوود بدلع غبي : أفف عاد لين يوصل حمده بنرفزه : تريي شو وراج ؟؟ (( عليا أخت حمدان .. وحمده أخت منصور)) : تمام والله .. قربوا صوبنا ؟؟ لطوف : لا والله ورانا خط للعين .. مرة ثانيه أن شاء الله عليا : يااحيكم .. درب السلامه أن شاء الله خلود تنرفزت أن عليا تسولف ويا لطوف ولا دازتلها ويهه .. من الصبح خلود ترمس عليا وعليا طاااف خلود : أفف حرر .. وينه حمدان واايد تأخر يا الله ! لطوف كارره خلوود من دلعها المب لايق عليها ابببد .. وتنهدت وهيه ترمس لطووف : أنا برد عند شمووه .. حمده : ويت ويت (وعطتها رقمها) بـيـننـا كوول هاا ؟؟ لطوف : أوكيه (وسارت لطوف عند شموه لقتها ترمس في الفون) شوو ؟؟ شموه : راحو عنا .. ويتريونا عند البوابه الخارجيه لطوف : مارامو يخطفون علينا ؟؟ شموه : أنتي غبية ولاغبية ؟؟ ترا قالو لنا نسير عند الألعاب .. نحن ماسرنا لطوف : حتى ولو يخطفون علينا .. وبعدين (تضربها) لاتسبيني !! أنا مش غبية .. ريلج الغبي أنزين ؟؟ شموه : جآآآآب .. لاتسبيين ريلي مآرضى عليه أنا (وطلعت لسانها) لطوف : صج بنت فقر .. الله يعيين ريلج عليج .. عقولة أمايه (وتلف وترمس شرات العيايز) رابعه ع العرس أمرره !! شموه : هههه يتمنى اصلا وحدة مثلي !! لطوف : هيه صح .. انتي كل كلامج صح بدون نقاش ترااه شموه : إيه أنا ماعرف شي ألا المطاعم في القريه يلا يا فالحه شغلي مخج لطوف وهيه مبوزه : أففف مامنج فااايده ماتعرفين إلا حق بطنج .. عطيني فونج (وقعدوا يمشون ولطوف دقت ع رقم حمده) .. أنتو وين ؟؟ حمده: نحن بنظهر أحينه .. ليش ؟؟ لطوف: أآإ .. أنتو وين بالضبط ؟؟ لأنه خواتي روحو عنا وهم يتريونا عند البوابه الخارجيه .. وأنا وهاي البغام اللي عدالي ماندل شي في القريه شموه تضرب لطوف .. حمده : أوييه ههه !! تعالي صوب القريه اليابانيه هناك نحن بنترياكم .. أفا عليج والله أنا عون وأخت لج لطوف : تسلمين والله (وسولفت شوي وياها .. وسكرت) شموه : شوو قالت ؟؟ لطوف : تعرفين وين القريه اليابانيه ؟؟ شموه : أمشي معاي .. يلا بنسأل لطوف وشموه سارن وشافوا قوم حمده جدام القريه اليابانيه .. لطوف سايره صوب قوم حمده وشافت واحد وياهم وقفت بعيد شوي ودقتلها حمده يوم شافتها .. حمده : أقولج تعالي يلا بنظهر مع بعض لطوف : لا والله ؟؟ لا عيوني تعالي أنتي ويانا ونحن بنلحقهم .. أستحي شوو حمده : أقولج تعالي عادي لطوف : أقولج بتيين ويانا ولا نروح نضيع .. ورانا باركنات نحوطها بعد .. حمده اقتنعت وقالتلهم أنها بتسير ويا قوم لطوف .. : منو لطوف ؟؟ خلود : وحده سخيييييييييفه (وطولتها) حمده : مايخصكم فيها عليا ترمس خلود : حرام عليج .. البنت حبوبه ..: اووف .. حمدوووه تراني موقف السياره في مكان مخالف يلااا حمده: أنزيييييين أنتو روحو سبقونا ونحن بنلحقكم بنوصلها بس ..: بنسييير وياج يلا عوااش الزوله حمده روحت عنهم ماسوت لهم سالفه .. والبنات عزه وعواش كانو وياها حمده : هلووو لطوف تمط حمده : يلا يلا مب فاضيين .. ناديهم خليهم يتحركون .. ونحن بنلحقهم .. (وتصارخ) يلااااااااا حمده : هههههههه أنزين (وأشرتلهم .. وتحركوا حمدان وعليا وولد عليا باليلاسه وخلود وياهم .. والبنات وحمده ولطوف وشموه ويا بعض ورا قوم حمدان) وقعدوا يسولفون ولطوف خبلتبهم وربشتهم لين وصلوا البوابه برا .. وكانت سياره حمدان موقفنها مكان مخالف وياي بسرعه بشلهم وبيروح عليا : لطيفة و شمه تعالوا بنوصلكم حرام تمشوون كل ها (وترمس لطوف) وبعدين خواتج لين ألحين ماتعرفين وينهن نسير ركبوا ويانا وبنوديكم لين باركن سياراتكم ودقي حق خواتج لطوف : تسلمين والله .. تعبناكم ويانا (حمدان كان مركز عليها وكان شويه ظلام .. وليتات الشارع كانت ضاربه ع ويهها ومخلي ويها منور فـ ملامح ويها مبينه) لطوف: قالتلي هم عند البوابه الخارجيه .. بدقلها أحيين خلاص .. برايكم الله يحفظكم .. خلوود بصوت ينسمع: أفففففففف (وتقربت صوب حمدان .. وحمدان أنتبهلها ولز بعيد وسار ركب سيارته .. خلود تعودت على حركاته اللي تنرفزها دووووووم .. ومشاعره اللي ولا مررره أهتزت أتجاه خلود ولا وحده من بنات عمه .. هو قايل "مابا آخذ ولا وحده من بنات عمي" يبا عقولته وحده برا العايله وهذا اللي قاهر خلوود وتبا تحرك شوي مشاعره تغير وجهة نظره بس هوو حجر ولا تحركت شعره منه إتجاه خلود .. لأنه يعرف لعب بنات عمه ودلعهن .. وصاير حب خلود من طرف وااحد) عليا : الله يسلمج .. والله صدق ؟؟ تراكن مثل خواتي مثل حمده وعواش وخلود وعزووه (بنات عمها) لطوف : تسلمين الغاليه .. علني أفدااج .. مانبا نعبل عليج برايكم سيروا .. درب السلامه .. نحن ماعلينا شر .. السيكيورتي موجود .. وبنترياهم هنيه عليا : لا والله لا عباله ولا شي .. خلاص عيل .. الله يحفظكم .. مع السلامه .. وركبوا السياره عليا : ياحليهن والله .. حمدان: منو هاذيلا ؟؟ مضيعات شكلهن خلود : أقولكم ناس سخيفه عليا أطالعت خلود بنظره ..وبصوت خفيف : والله محد السخيف غيرج .. (وترد ترمس حمدان) لا والله هايل متعرفه عليهم حمده حمده : ربيعات ظبيه هاييل خلود وعزووه وعواش لفو على طوول : والله؟؟ خلود : ظبية الصراحه ماعندها ذووق حمدان : إذا ربيعات ظبيه عيل سلمي عليهن ظااعن حمده أطالعته من المنظره : شو قصدك ؟؟ عزووه سبورتيه : لطووف شكلها كشخه ههآع .. هممممممم (وبابتسمت) عواش مربربه شوي ودلوعه : راعيه سوالف والله لطوف ربشه .. حمده: إييييييييه حدكم حدكم عااد ألا لطوفه .. تراها محجووزه خلود ببسسسرررعه لفت : حق من ؟؟ عواش : ههههآآآعع حق منصوور أكيييد حمده لفت وترمش بعيونها : شعرفج أنتي ؟؟ تقرين أفكاري شكلج !! عليا يالسه تعابل في الفون وحاطه راشد ولدها فـ ذبانها : مسررعج حبيتي البنت أنتي ؟؟ حمده : يب يب حبووبه وااايد .. عزووه : الصراحه أنا حبييتها حمدان : إيييييه شو حبيتها بعد ؟؟ عليا: مصخرة بنات ماعليك .. سوالفها بعد يوم تسولف جنها عيووز حمدان : ههههههه حليلها عواش: بس ربشه خلود طفففففففرررررت: باااااااس .. حشرتونا فييها الكل أستغرب "بلاها هاي؟؟" . . . المهم نرجع لـ (شموه ولطوف) .. واقفات برا ويترين وكل شوي تتصل حق حد أول شي حق مريوم بس مريوم تلفونها مغلق ودقت حق شويخ ماردت عليها حاطه تلفونها صامت الأخت .. خلاص طفرن أتقول شحاتات واقفات عند الباب .. وفجأة .. ..: حي الله الغراشيب شموه لفت وزااغت: وااي .. أعوووذ بالله لطوف يوم لفت بغت تبغم بس صكت ع حجلها .. وفي نفس الوقت فيها ضحكه على الشكل اللي جدامها .. شموه ماسكه في لطوف لطوف وهيه تمط عباتها : فصختيني .. (وتلف على اللي جدامها) نعم ؟؟ في شي ؟؟ ..: أفااا والله .. (ويتقربون) شموه ولطوف توووووتتتتتررررررر فظييييييييييع ويرتجفن لطوف تصارخ : إييييييييييه خوزي لا أصنج بواااااحد راشدي ألحين يطيرلج ظرووسج يخليج ثرمه … 1 + 2 : ههههههه .. ليش كل هاا عاد ؟؟ . . . توقعاتكم .. شو بتسوي لطوف ؟؟ وشو بيصير لهم ؟؟ ومنو هاذيله !! شو رآيگم بـ حمدة ، خلود ؟! |
تسلمين خيتوو على آلبآرت قصه ?لآ أرووع وننتظرج تنزلين ألبآرت .. |
البآرت الحآدي عشر . . . المهم نرجع لـ (شموه ولطوف) .. واقفات برا ويترين وكل شوي لطووف تتصل حق حد .. أول شي حق مريوم بس مريوم تلفونها مغلق ودقت حق شويخ ماردت عليها حاطه تلفونها صامت الأخت .. وخلاص طفرن أتقول شحاتات واقفات عند الباب .. وفجأة .. ..: حي الله الغراشيب شموه لفت وزااغت : وااي .. أعوووذ بالله لطوف يوم لفت بغت تبغم بس صكت ع حجلها .. وفي نفس الوقت فيها ضحكه على الشكل اللي جدامها .. شموه ماسكه في لطوف لطوف وهيه تمط عباتها : فصختيني .. (وتلف على اللي جدامها) نعم ؟؟ في شي ؟؟ ..: أفااا والله .. (ويتقربون) شموه ولطوف توووووتتتتتررررررر فظييييييييييع ويرتجفن لطوف تصارخ عليهن : إييييييييييه خوزي لا أصنج بواااااحد راشدي ألحين يطيرلج ظرووسج يخليج ثرمه … 1 + 2 : ههههههه .. ليش كل هاا عاد ؟؟ شموه لفت عـ ورا جنها تبا تصييح .. ولطوف الوحيده اللي فيها جرأه وشجاعه تضارب : قسم بالله بوديج في داهيه يا خراا يا زبااله .. (وهيه تصارخ) أشكاال حقييره .. مادري كيف الدوله متحملتنكن ومتحمله بلاويكن .. المفروض عـ السجن على طووول هالأشكال .. … 1 + 2 تقربوا لدرجه ريحه العطر تنشم .. لطوف دزت وحده منهن ع ورا بقو .. وتحمست لطوف ويرتها شموه .. وعلى طووول يا المواطن اللي يشتغل هناك عند البوابه ووراه السيكيورتي يربعووووووووون .. لطوف قاعده تتنفس بصعوبه وشموه واقفه مبهته و خانقتنها العبره مب عارفه شو تسوي ولا عارفه شو تقول جنها صنم .. وفجأة شموه أنفجرت صيااح بعد كللل هالصمت .. والمواطن والسكيورتي مب عارفين يتصرفوون .. المواطن يسأل لطوف: أختي شو اللي صار ؟؟ لطوف صوتها يرتجف بالقووو : مم .. ماشي .. كنا واقفين هنيه نتريا خواتنا .. بس هم طولو .. ويو هاييلا (وأشرت عليهن) شموه على طول تذكرت أنه ما ردوا أتصلوا .. وشلت التلفون عن لطوف ودقت حق فارس .. ولطوف كملت السالفه حق الريال .. فارس: ألوو ؟؟ شموه بصوت صيااح : أنت وين ؟؟ فارس علااماات تعجب : شو بلاج ؟؟ أنتو وين ؟؟ من الصبح ندور عليكن !! شموة ساكته بس صوت صياحها وشهقاتها تنسمع : …… فارس: الله يغربلكن من بنات محد يشلكن مكان .. (ويصارخ) وييييينج ليش تصيحين ؟؟ شموه تشاهق : عند البوابه .. (وتبلع ريجها ) اللي يظهرون منها والمواطن قاعد يتفاهم ويا لطوف .. ولطوف تقردنه ويقولها بتصل بالشرطه الموضوع ماينسكت عنه ولطوف تبا تهدي الوضع لطوف : يا أخوي الموضوع مايباله بس كانوا يرمسونا .. وعقب أنا دزيتها لأنها تقربت واايد وزودتها بسسس يعني .. السكيورتي (الزلما) يكلم المواطن : لا أنا هدوول البنات شايفون عم يتحرشوا بكتيير بنات من قبل (ويأشر ع البويات) المواطن صدق لطوف .. لطوف لفت وعلى طووول شافت فارس ياي .. وفخاطرها" ياااااالللللهويييييي كملللت والله .. هذا اللي ناقصنا" فارس يكلم لطوف: شو مستوي ؟؟ لطوف مب عارفه شو تقول .. نزلت راسها على طوول فارس سار صوب شموه .. ومسكها من إيدها .. وبعصبيه : بلااااااج ؟؟ المواطن : أخوي مافي ألا كل خير بس هاذيل (ويأشر على البويات .. لف فارس صوبهم وأشمئز من اشكالهم) كانوا يتحرشون في خواتك بطريقه غير لائقه .. والله يستر على خواتك و بناتنا وبنات المسلمين أن شاء الله .. عبود من بعيد : أنتو وين سرتوا ؟؟ لطوف وشموه : ؟؟؟؟؟؟؟؟؟؟؟؟؟؟؟!!!!!!!!!!!!!! فارس لف على عبود ورد لف أطالع المواطن : وألحين ؟؟ المواطن : أنا مضطر أتصل بالشرطه لأنه هاذيل الأشكال السجن على طول .. عبود (مب فاهم شو السالفه) : شوووووو ؟؟ فارس مط عبود عـ صوب وخبره بالسالفه : أنته ألحين شل هاييل (ويأشر على شموه ولطوف) وأنا بتفاهم وياهم هنيه عبود: أنزين يمكن الشرطه تبا أقوالهم ؟؟ فارس: ماعليه أنتو لا تتحركون لين ما أقولكم .. تمو في السياره .. عبود : خير أن شاء الله .. (ورد صوب لطوف وشموه) يلاا نسير لطوف وشموه: شوووه ؟؟؟ لا لا لا بنتم هنيه لطوف : مابتحرك من هنييه شموه : لا عيوني أبا أشوفهن يدشن سياره الشرطه بعيوني عبود مايبا يجادلهن واايد : يلا يلا أتحركن جدامي شموه ولطوف مصرراات يتمن .. وياهن فاارس معصصب : إيييييه ؟؟ يلا أنجلعن .. مب سااد مسودات الويه بعد تتحرطمن وتشرطن ؟؟ (ورفع إيده) قسم بالله كففف شموه بنبره حاده : أقولك أنا مابتحرك من هنيه .. ونحن ماسوينا شي .. ماقتلهم تعالوا تقربوا صوبنا .. و لف أطالع لطوف : وأنا بعد .. عبود تنهد : قتلك خلهن يمكن يبون أقوالهم لطوف وشموه : !!!!!!!!!!! (وأطالعن بعض) فارس: هييه شو عبالكم ؟؟ (ولفوا على البويات لقوا 3 من السيكيورتي ماسكينهم .. ورد فارس لف صوبهم) شوفن يا أتمن هنيه منطمات ساكتات ولا تنجلعن السياره وأنتن ساكتات ياهم المواطن : نحن أتصلنا بالشرطه الإجتماعيه .. شموه : أوييييه .. (دق تلفون فارس .. وطلعت دانه أخته وخبرها السالفه ودقت حق قوم شويخ وخبرتهم .. والكل صار عنده علم بالسالفه .. بعد دقايق وصلت الشرطه معاها سياره جمس سوده ووقفوا عند البوابه ونزلوا على طوول .. كلهم لفوا .. من الجمس نزلوا أربعه مواطنين بغتر وعقال و من سياره الشرطه أثنين .. يو المواطنين والشرطه سلموا على المواطن اللي كلم قوم لطوف وقعد يقولهم السالفه وأشر على البويات وهو قاعد يقولهم السالفه .. ) المواطن 1 (سار يكلم فارس وعبود) وقالهم : أنه ملفهم متروس مشاكل وأكثر من مره داشين السجن .. المواطن 2 : أخوي تقدرون تشلون خواتكم وتروحون .. و أن شاء الله مافي ألا كل خير عبود : يلا عيل فارس (تنهد تنهيييده عوووده) : يلا وساروا ركبوا كل واحد سيارته ويوم يايين قوم عبود يتحركون شافوا الشرطه شالين البويات وركبوهم السياره لطوف تصارخ : ياااااااااااااس .. و شموه من الصوب الثاني : أوييييييييييه أحسسسسن أحسسسسن فارس: سكتي أنتي يالصيااحه وشموه بوزت ومدت البوز شبرين ههه .. . . . كااااان يوووم طووييييييييل على أبطالنا وبطلاتنا .. وشخصيات يديده وأحداث يديده … . . . بالباجر الصبح ميثوه نازله من الدري وهيه تتثاوب ولابسه جلابيه نص كم بو ميثه : مييثه ميثة تفاجأت وبطلت عيونها على طوول .. وأطالعت أبوها اللي قاعد يقرا جريده : نعم ؟؟ بو ميثه : متى المراجعه مالتكم ؟؟ أي ساعه ؟؟ ميثه (مسطله ومب عارفه أبوها شو يقول) : هااه ؟؟ بو ميثه : المراجعه مالتكم أي ساعه بتبدا ؟؟ ميثة أطالعت إيدها بس ماكانت لابسه ساعه .. وأطالعت الساعه اللي في الصاله فوق محطايه لقتها 8 ألا شوي ميثة بهدوء : الساعة 8 ونص .. ليش ؟؟ بو ميثه : يلا عيل هبابج تسيرين .. سيري يلا .. لين تتسبحين وتتزهبين !! ميثة : !!!!!!!!!؟؟؟؟؟؟؟؟؟؟؟؟ " بداخلها : كييف ؟؟ منو اللي قاعد جدامي بالضبط ؟؟ هذا أبوي ولا أنا أحلم ؟؟" بو ميثة لف على ميثة اللي واقفه صوب الدري ومبهته وفي نفس الوقت شكلها تبا ترقد .. أستغرب "بلاها ؟؟" بو ميثة يبا يضحك عـ شكلها : بلااج ؟؟ ميثة على طووول ربعت فوق " الشرده عن يقول شي ولا يغير رايه" بو ميثة ضحك عليها … . . . عند أميره بطلت عيونها و اللي من أمس وهيه تهاذي "أحين صدق لطوف ماتت ؟؟" ويندق الباب .. أميره قامت وبطلت الباب لأنها تقفله دووم أميره وهيه فاجه الباب .. شافت البشكاره في ويها .. أميرة وهيه تحك عينها : نعم ؟؟ جينا : مدام سامر قوول أنتي ينزل تهت سوي ريووق ويذ بابا أند هميد (مدام سمر تقول نزلي تريقي تحت مع أبوج و حميد) أميره: يايه (وسكرت الباب في ويها .. وردت بطلته مره ثانيه بس بدفاشه أكثر وهيه منصدمه " توها استوعبت السالفة ههه ".. حصلت جينا بعدها واقفه) .. حميد وبابا هنييه ؟؟ جينا ردت : yes أميره ررربببعت تحت تركض عـ الدري .. أميره على آخر كم دريه نطت ولفت صوب طاوله الطعام لقت نجود .. لفت صوب باب الميلس اللي مفتوح على الصاله .. حصلت نعوول رياييل .. سارت صوب نجود أميره: أقوول منو في الميلس ؟؟ نجود : إييه رياييل في الميلس كيف نازله جييه ؟؟ أميره: أنتي غبيه ولا غبيه ولا غبيه ولا غبيه !! نجود تفكر أونها: أممم قبل الاخيره أميره: ما أشك .. ألا أكييد .. يعني لو رياييل بيخلون باب الميلس مبطل ؟؟ وأنتي حلال يعني ؟؟ ولا بعدج صغيره ؟؟ نجود نطت من مكانها وسوت مالت حق أميره .. وروحت الميلس .. ولحقتها أميره .. أميره كانت لابسه بيجامه أفارول هذا مال اليهال اللي أيي كااامل وبنطلون .. نجود دشت ووراها أميره وربعت قبل نجود لا تيي وتسلم على حمييد أميره دزت نجود بس بدون قصد .. وربعت صوب حميد : أخييييييييييييي (وتحظنه بقووو) بو أميره + حميد +سمر : ههههه نجود (الشرار بعيونها) كيف تجرأ أدزها جداامهم ؟؟ أميره ردت ع ورا .. وضربته عـ جتفه : ويينك ؟؟ ليش ماتيي ؟؟ ألا متيلس لي في الخيمه ويا الشباب !! حميد : هههههه مشااغل الدنيا .. (و نجود كان مسلم عليها من قبل .. سولف ويا أميره وقعدته) أميره : تفضل تفضل نناقش الموضوع !! بو أميره : لاتعطيها ويه .. تراه بتم تقرقر ع راسك .. أميره أطالعت أبوها بنص عين بو أميره : ههههه لا أطاعيني جيه هذا الصدق .. من تبطلين حلج ماتسكرينه !! أميره حاست بوزها ولفت ويها صوب حميد أميره : نكمل .. ولا أقول .. تعال بقولك سالفه (وقامت ويرته من إيده وقاام) حميد : نجود تعالي ويانا بو أميره: خلييه ما قعدنا وياااه سمر : خلها تسولف ويا أخوها من زمان ماشافته أميره بصوت خفيف : تكلمت عيوزنا .. (وتطالع حميد .. وبصوت خفيف بس حميد يسمعه) أقولك سالفه بروحنا يعني مايحتاي رزه نجود ماتحركت من مكانها لأنها عارفه عمرها بتتقفط .. فقامت وسارت فوق حميد مستغرب ويرمس أميره : بلاها ؟؟ أميره رفعت جتوفها بمعنى أنها ماتعرف : أحسن بعد (ويرت حميد .. لين براا) حميد : أحين أنتي وين يارتني من داخل لين هنيه .. شو تبين ؟؟ وراي أشغال يا بنت الحلال (قعد حميد يتحرطم بس أميره مب عاطتنه مجال تسحبه وراها هه) أميره : أفف يعني أنا قاعده أقولك بقولك سالفه تقوم أنته تقول حق نجود هاي تعالي ويانا ؟؟ وبعدين يعني من زمان ماسولفنا .. قلت بقرقر وياك شوي رواحنا يعني !! حميد : بلاج عليها أنتي ؟!؟ أميره حطت إيدها عـ راسها : خييييييييي .. أونه ماسوت شي .. تعال شوف المعامله اللي يعاملوني أياها بس يسافر أبوي مكان هيه وأمها كيف !! حميد يقعد على الكرسي اللي في الحديقة : كيف ؟؟ أميره تنهدت : خليني ساكته (وقعدت عـ الحشيش ) أنزين .. (وتذكرت سالفة) هيييييييييه .. بسألك سؤال !! حميد: شووه ؟؟!! أميره : أحين نجود أختي من أبوي صدق ؟؟ يعني .. أمم سمر يابتها من أبوي ؟؟ حميد أستغرب من السوال : ليش يعني هالسؤال ؟؟ أميره:….. (ساكته ونزلت راسها) .. والله أنه هالسؤال يدوور في بالي من زماااااان حميد بتنهيده : شوفي أمم .. هو يعني أبوي كان ماخذ سمر وهيه مطلقه وكان عندها بنت من طليقها القبلي أميره: اللي هيه نجود !! حميد: هييييه .. علييج نوور .. ووو ماشي .. يعني هيه مب أختج أختج صدق بس أعتبريها مثل أختج .. كوني لها قدوة زيينه .. تراه في هالسن البنات وايد يلقطون من خواتهم الأكبر منهم تصرفات ويتعلمون منهم وتقلد حركاتج .. (وتنهد) أنزين ماعرفنا ليش هالسؤال ؟؟ أميره : ماعرف المهم .. (وتغير الموضوع) وينهم شياطينك اليوم جيه مايبتهم وياك ؟؟ (قعدوا يسولفون شوي عقب بو أميرة وسمر يو عندهم وقعدوا كلهم يسولفون) . . . أم خليفة: قوومي يا لطووف غربلتيني لطوف : هممم هممم أم خليفة: أحين بيون العرب بدخلهم عليج وأنتي راقده .. قوومي لطوف تتجلب أم خليفة يتها ومطت اللحاف عنها : طالعتيها الساعة كم ؟؟ لطوف لفت على الساعة اللي على الكومندينه اللي عدال شبريتها شافتها 9 ألا شوي لطوف : خيييييييييييبه .. بعدها الساعة 8 ونص أم خليفة : أي ثمان ونص (و دق تلفونها) .. أنزين قومي قومي يلاا لطوف : إفف اللي يسمعج عاد العرب يايين أحينه بيتغدون عنا .. بعد العصر عنبووه بيوون .. أم خليفة ترمس في التلفون وتضحك على لطوف قاعدة تتحرطم .. وترمس سلامه وتقولها خبري حد من الشباب يتم في البيت عشان يقربون بالعرب جان يو رياييل وياهم .. دشت مريم بالبجامه : خيييييبه هاي بعدها راقده ؟! لطوف: خفي علينا يالنشيطه أنتي !! أشوفج متسبحه ومنعنشه تراج !! مريم : خييبه كلتنا (وقامت لطوف وسارت غرفه الطعام .. دشت لقت خليفه وأحمد وشيخوة ودش وراها عبيد) لطوف : صبااح الخير خليفة: صبااح النور .. تفضلي (ويرلها كرسي .. وقعدها عداله) لطوف: هه شو هالدلع من الصبح سارت لطوف عقب ما خلصت ريوق تسبحت وظهرت وتعدلت .. و سحت شعرها وكانت لابسه مخوره بيضا وتركواز وسارت قالت حق البشكاره تحط دخون وخواتها بعدهن يتسبحن .. . . . عند ميثوة .. ظهرت من الحمام بالروب بطلت الكبت وخلته مبطل وسارت صوب الساعه اللي معلقه فوق في حجرتها لقتها 8 وثلث ميثوة وهيه تربع صوب الكبت : أوييييه الساعة 8وثلث !! وتمت أدور لبس حلو .. والوقت يممر وهيه مواعده أميرة وشموه قالت يمكن .. و بيتلاقن هناك .. وآخر شي أستقرت على بدي أبيض وأسود وبنطلون وردي هادي .. وسحت شعرها ع السريع وسارت أدور عباتها وظهرت لها شيله نفس العباة و سارت صوب مكتبها (هيه حجرتها عوده ) وشلت لابها وشلت وياه دفتر وكتاب أونه يعني بتدرس ههه وظهرت شوي تذكرت شي وردت سلطان أخوها يربع يدخل حجرتها : وين ساايره الحبيبة ؟؟ ميثة وهيه مستعيله : بسير المدرسه سلطان مستغرب "أي مدرسه يوم السبت" : تعالي أي مدرسه فاتحه يوم السبت ؟! ميثة : والله سير أسأل أمايه وأبويه المدرسه مطرشين مسج يقولون في مراجعه كل سبت .. (وظهرت من الحجرة) والله (ويلحقها سلطان) سير أنقع !! ونزلت من الدري حببه حببه ويالسه تعابل عباتها تسكر معاقم الإيد .. أم ميثة : وين سايره أنتي ؟؟ ميثة أستغربت : تراه قتلج بسير المدرسه في مراجعه أم ميثة : هييه ميثة : والله أبوي قالي برايج سيري أم ميثة : أنزين خلاص خلاص ما قلت شي أنا ميثة : هههه سوري سوري .. ووو (وهيه تبطل باب الصالة) بعد بخطف على شميم بنت عمي أم ميثة : شوووووه ؟؟ ميثة : بخطف على شميييم بنت عمي على !! أم ميثة بإندفاع : بتسيرين بيت قوم عمج علي ؟؟ . . . توقعاتگم . . . هل ميثووه بتسييير عند شموووه ؟!؟ وشو بتسوي أمها ؟!؟ وشو بيستوي في السكول ؟!؟ وشو بتسوي نجود حق أميرة ؟!؟ شو بيستوي يوم السبت ؟!؟ |
| الساعة الآن 05:52 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir