|
الحلقة 14 .... عقب ما قرا هزاع المسج انصدم ويلس يفكر فالمسج وكل شويه يطالعه وجنه مب مصدق المسج .... وخلاف الصبح ( الخميس ) .... دق منصور على هزاع .... منصور :- هلااااااااااا هلاااااااا هزاع هزاع :- اهلين منصور .. منصور:- وينك يا ريال ما تنجاف هزاع :- والله فالدار ما طلعت برع العين ... منصور :- عيل انا ادورك بس ما احصلك وينك ؟ هزاع :- ما سرت مكان اليوم يالس فالبيت .. منصور :- غريبة العادة ما تيلس شالسالفة ؟؟؟؟؟؟ هزاع :- لا سالفة ولا شياته وخل عنك التفلسف وقول شو عندك منصور :- يعني ما يستوي ادق عليك الا اذا بغيت حاية ... هزاع :- والله ما ادري بك .. منصور :- انزين هزاع انا بغيت اسال هزاع :- هااااه اجوفك تبا تسال وتقول داق جيه بس .. انزين يالله قول .. منصور :- هزاع تعرف صاحب هالرقم الي بقولك اياه الحين ... هزاع :- قول منصور :- ( رقم من الارقام ) ... هزاع تذكر رقم شيخة وبرتباك :- هااااه لاااا ... هذا الرقم ؟!..ما ادري ما اظن عندي رقم شراته اول مرة اسمع به .. منصور :- صدق !!!!! هزاع :- هيه ليش مب مصدقني ؟؟؟؟ انزين منصور .. بلاه الرقم ومال منوه ؟؟؟ منصور :- هذا رقم بنية وتقولك تراها واااااااايد ولهانه عليك هزاااااااااااعي اقصد هزاع .. هزاع :- ليش تقول هزاعي ؟؟؟ منصور :- شدراني انا الي كاتب ولا صاحبة المسج .. هذا الي لقيته مكتوب فالمسج ... هزاع :- اوكيه وانت شدراك انها بنية ؟؟؟؟ منصور :- لان الريايل ما يتلغونون فالرمسة كلامهم سيدة الي يطرش لك عيدك مبارك والثاني سلامتك يا ريال ما تجوف شر والي والي بس في ريايل صدق يتلغونون وهاذي حالة نادرة بس الريال يوم يوله عليك يقولك ولهان ما يقول لك ولهااااانه ... صح ؟؟؟؟ هزاع :- انزين وهي ليش مطرشتنها حقك اذا كانت حقي ؟؟؟ منصور :- ما ادري قلت يمكن هزاع قاص عليها بكلمتين وقالها هذا رقمي .. بس انا قلت يمكن الحبيب نسى يغير اسمه من هزاع لمنصور ههههه هزاع :- نصيحة مني لا تصدقها وسوالها طاف ... منصور :- ليش ؟؟؟ هزاع :- تصدق منصور .... انا بعد في بنية اذتني اذية دوم اطرش لي مسجات حب وغرام وطفرت بي مع اني مسويلها طاف وخلاف طرشت حقها مسج سكتها والا الخدمه مالت الرسايل او المسجات مشتغله قبل ههههههههههههه ( والعكس صحيح ) منصور:- هههههههههههه عليك انقيشات .... اقول هزاع اليوم بتتمشون فمكان ؟؟؟ هزاع :- ما ادري ... ليش ؟؟؟ منصور :- والله يا هزاع مضايج شوي وقلت اغير جو وياكم ... هزاع :- خلاص بنرتب الامور وبدق لك اذا صار شي ... منصور :- وعد ؟؟؟ هزاع :- كلمة ريايل ... ما تسد يعني ؟؟ منصور :- اعرفها كلمة الريايل بس في ريايل يخونون مرات ... بس انا بصراحة اثق بك ثقة عمياء على قولتهم ... هزاع :- تسلم على المجاملة .. منصور :- أي مجاملة يا رجل !.. الناس تثق بك وانا لا اثق ولكن لماذا ؟؟؟؟ واااااي ؟؟؟ هزاع :- لانك او لأنكـــــا ما ادري جيف يقولونها لانك بكل بساطةٍ وااااحد من الأصدقاء الاعزاء على قلبي وانك فارس بلا جواد وتحتاج لجواد مثلي لتقوده و يجب ان تثق بجوادك مثل ما يثق بك وهاذي هي حياتي معكم اقضيها وكانني جواد تركبون فوقه لتخوضون السباق وان لم تفوزو تلومونني لكني اعرف كيف اتصرف معكم وبكل دقة يا ايها الذكي .... فهل فهمت ؟؟... يو اندر استاند ؟؟؟؟؟ منصور :- يس آي نووووو .. بت وت كان يو دونج ناااااو ؟؟؟؟؟ هزاع :- آيام توكنج وذ يو .. وت اباوت يووو ؟؟؟؟ منصور:- ايام ايتنج بيبسي آآآند توكنج وذ يوو... هزاع :- هههههههههههههههههههههههه ايتنج بيبسي مرة وحدة جيه مثلج هو ههههههههههههههههه منصور :- لااااااا يا ذكي اقولك بالعربي انا اشرب بيبسي مب اكل بيبسي ... هزاع :- احلف .... عيل لا تخبر حد هههههههههه حبيبي ايتنج يعني اكل مب اشرب هههه يوم تبا تقول اشرب قول درونج .. يو أندر استاند ؟؟؟؟ ههههههههههههههههه منصور :- هه هه هه هاهاهاها ما ضحكت تعال قرقطني احسن هاهاها وااايد يضحك يعني ... الي يسمعك يقول ما شي امريكي يرمس مب جنه هزاعوه ... هزاع :- اسكت احسن لك يالصرصور ... وبعدين تعال نيتي اقول لك شي بس اظني مب وقته ... منصور :- شوه ؟؟؟؟ هزاع قول عادي وقته ولا مب وقته ... المهم قول .. هزاع :- ما اقدر اقول منصور :- عيل ليش اخترتني تقول لي انا بالذات ؟؟ هزاع :- لانك اكبر مني بسنتين وانت معرس من سنة وشي وعندك بنية واظني انك خبير بهالاشياء .... منصور :- السالفة تخص علاقة الزوجية ؟؟؟ هزاع :- هيه بس لا تخبر حد منصور :- انزين قولي قبل علشان ادور حل ... هزاع :- ما ينفع بالتيلفون احسن أي بيتكم وبخبرك ..... منصور :- انزين هزاع :- منصور عادي أي بيتكم عقب ما نسير نتمشى فالمول ؟؟؟؟ منصور :- الفلة مفتوحة لك يا هزاع 24 وعشرين ساعة بس انت آآمر وبعدين تراني اليوم فاضي حرمتي فبيت اهلها يومين يعني عصفور مطلوق وعاد انت وربعك زخوه ومشوه هاليومين فالمولات والشاليهات وما ادري وين .... هزاع :- زين عيل منصور :- تعال تعال ... عندي سؤال .. هزاع :- هلا منصور :- حرمتك فالبيت ولا عند اهلها .. هزاع :- لا عند اهلها من جمن يوم يمكن من ثلاثة ايام ... منصور :- ليش ناوية تقضي الاسبوع هناك ؟؟؟ هزاع :- لاااااا اشوه عاد تقضي الاسبوع كله... كله جمن يوم وبسير الها بيتهم وبيبها ... منصور :- انزين هزاع ... متى بتردون البيت ؟؟؟ هزاع :- ما ادري على حسب يمكن الساعة 2 ولا 3 الفير ويمكن انبات فالشالية بعد ... منصور :- عيل ما ينفع انك تياني البيت لاني ببات وياكم فالشالية اذا بتباتون ... هزاع :- لا انا عندي فكرة احلى .... شو رايك قبل لا انسير الشالية واحنا فالمول انسير كوفي شوب ونيلس النا على طاولة محترمة واندردش وخلاف بنرد للربع .... هاه شو رايك ؟؟ منصور :- فكرة حلوة ... هزاع :- يالله عيل الساعة 8 بالضبط تكون فصحاري مول من بين الشارجة ودبي تعرفه صح ..... منصور :- بس اخاف ادوّخ ... انا بوظبي اضيع فيها تباني فدبي والشارجة ما اضيع .... هزاع :- ليش ما تسير بوظبي ودبي والشارجة دوم اقصد اول قبل جم سنة مب كنت ادوام هناك فبوظبي سنة كامة والحين فالعين شو دبي مب دوم تسيرها والشارجة بعد... مسرع نسيت ... منصور :- مب هنية المشكلة ... المشكلة اني من الفصل الثاني ما سرت بوظبي ولا دبي ولا مكان برع العين ... هزاع :- انزين تراني اقول مسرع ما نسيتها .. منصور :- جوف هزاع لا تيلس تطنز تراني من النوع الي ينسى اذا ما داوم على هالشي ....هزاع انت بس اليوم خلني وراك بسيارتي وحوطني على بوظبي ودبي وشوي من الشارجة الين استرجع الذاكرة وباجر بسير بروحي ... هزاع :- خلاص عيل الساعة 4 عقب الصلاة اتكون عندنا فالبيت وانا بطلع لك وبنسير وما يحتاي تنزل لاني ما احب التسلومة والقهاوي والسخافة .... منصور :- افا ... تباني اوصل بيت عمي وما اسلم عليه ؟؟؟ هزاع :- من زين عمك الحين .... اسمعني يا منصور خلك فسيارتك وبيك انا وحتى لو يا هو لا تسلم عليه .. خلك ريال ولك هيبة ... ومب شرط تسلم على الي تجوفه .... منصور :- انا ما يخصني لو جفته جدامي بسلم عليه وما علي منك ... هزاع :- بكيفك ... المهم لا تنسى منصور :-اوكيه يالذيب على قولتكم ما ادري المرعب ... هههه يالله فمان الله .. هزاع :- فمان الرحمن ... باي منصور :- باي وسكر الخط ... ..................... وخلاف سار ودق على مريم .....اول دقه ما ردت مريم والثانية ما ردت والثالثة ردت .... مريم :- نعم هزاع :- الله ينعم عليج .. شحالج وشخبارج مريم :- مب بخير ..... شو عنك داق ستين مرة ؟؟؟ هزاع :- عيل يوم انج تعرفين انها ستين مرة ليش ما تردين ؟؟ مريم :- بكيفي هزاع :- افااا ليش عاد ؟؟؟؟؟؟ مريم :- جيه بس عناد .. هزاع :- مشغولة ؟؟؟؟ مريم :- واذا .. هزاع :- مريم ابا ارمسج ... مريم :- مب وقته هزاع :- كلمتين بس مريم :- خير |
هزاع :- الخير بويهج ... بس مريم عندي سؤال ممكن تجاوبيني عليه بصراحة .. مريم :- بتقول ولا شوه ؟؟ هزاع :- انزين ... المسج شو يخصه ؟؟؟ مريم :- أي مسج هزاع :- الي طرشتيه حقي شو معناته ؟؟؟ مريم :- ما اظني انه مكتوب بالهندي هزاع :- ادري بالعربي بس بصراحة ما فهمت منه حرف مريم :- هه اقول على فكرة ترا كلمة او كلمتين بالعربي والباجي فرنسي وانجليزي .. يو اندر استاند ؟؟؟؟ هزاع :- شوه ...تتطنزين ؟؟؟؟ مريم :- هيه ... عندك مانع ... هزاع :- لا عندي دواس .... مريوم بلييييييز فهميني ... انا ما اقدر على فراقج ... مريم :- يا سلام ينشد اناشيد اطفال ... اقول ليش وقفت كمل .. آآآه يمكن ما عرفت تكمل عيل انا بكمل لك ... قول انا ما اقدر على فراقج لاني صفحة فاكتابج .... هه هزاع مب علينا هالحركات ... قول الي عندك وبسرعة لاني مشغوووووولة واااااايد وراي سوااااالف ودردشة ويا الاهل ... هزاع :- بس السالفة الي عندي اهم مريم :- اهم من ربعك ؟؟؟؟؟؟؟؟؟؟؟!!!!!!!!!!! هزاع :- واااااااايد مهمة مريم :- ما اظن شي اهم من ربعك اقول انت كل سوالفك تقولها حق ربعك عيل ليش هالمرة تبا تقول حقي انا السالفة ؟؟؟؟ اقول سير قولها حق ربعك وخلصنا ... هزاع :- مريم سمعيني بس مريم :- تراني مليت .. اذا ما عندك سالفة قول وتباني اسولف وياك بس .. اقول سير اتاكد من جدول اعمالك يمكن مواعد وحدة اليوم فمكان ترا ما يصير خلك ريال بمعنى الكلمة وسير حقها ... هزاع :- هذا آخر كلامج ؟؟؟؟ مريم :- هيه ليش انت عندك كلام ؟؟؟ هزاع :- حبيبتي مريم :- لا تقول حبيبتي هزاع :- خلاص فديتج لا تعصبين مريم :- لو سمحت ماباك تفداني .. هزاع :- انزين خليني اتكلم .. مريم :- ..................... هزاع :- انتي ليش تبينا ننفصل ؟؟؟؟ مريم :- كيفي ما احبك غصب ؟؟؟؟؟؟ هزاع :- مب غصب بس ليش ؟؟؟؟ مريم :- لانك تعرف كل شي بس تستهبل .... هزاع :- لا تخليني شرات الاطرش فالزفة وقوليلي يمكن اقتنع .... مريم :- واذا ما اقتنعت شو بتسوى يعني ؟؟ هزاع :- مريم انا يوم اعصب ما اجوف الي جدامي شرات البرق ما يعرف يميز بمنوه يبدا .. يسير ويكسر كل شي جدامه ... مريم :- وخلاف .. هزاع :- يعني لو ما بينتيلي السبب ما بتحصلين الي تبينه ... لان هاذي مب من عوايدي .. انا العادة لازم افهم الي اسويه واذا ما فهمت مستحيل اسويه ... مريم :- يعني ما بطلقني صح ؟؟ هزاع :- ولو على قص ارقبتي ... مريوم شلي الفكرة من راسج نهائياً لانج ما بتحصليني على طلبج لو بشق الانفس ما تحصلينها .. مريم وهي تدمع :- ليش انزين ؟؟؟؟ هزاع :- ما يفيد الكلام بالتيلفون بحاول ايكم البيت وافهمج على كل شي ... شو قلتي ؟؟؟؟ مريم وهي خلاص شوي وبتنفجر صياح :- محد طلب منك ... هزاع :- والحل .. مريم :- ما شي حل غير انك اطلقني ... هزاع :- انتي ما تفهمين عربي قلت لو على قص ارقبيتي ما اطلقج ... مريم وهي تصيح :- هزاااع ... لو كانت لك اخت ماخذه ووواحد .... وعنده حركات ... ويواعد بنات .... ويكلمهن فالمولات ...وبالتلفونات فالبيت ... ويغازل .... و يرقم .. وما يحترم اهله ... و يسهر ... ودوم يضارب ويا ابوه .. و مب مسوي قدر لابوه ولامه ... ودوم يسير المولات والمطاعم .... ويبات برع ... ومحد يجوفه فالبيت .... غير وقت الرقاد ..وبالحيل بعد ... واختك مسولها طاف ... انت شو بتسوا حزتها ؟؟؟؟؟ هزاع :- اكيد بخليه يطلق اختي ولا اجتله وادفنه .. اعرف هذا كله فيني واعرف هالشي بس احب اقولج .. انج لو عرفتيني صح .. بتفهيمني صح .. وشلي هالفكره من راسج وباجر انا بوصلج الفلة وبشلج تفهمين .. لاني قلت يومين وانتي خليتيها على الله ... مريم وهي تصيح :- مب ... على كيفك .. تشلني وياك .. هزاع .. انا مب بايعة عمري .. على شانك .. انا عندي اهل .. وهم ما يقصرون .. ما يعقوني على واحد ما يباني .. هزاع :- ومنوه قالج اني ما اباج ؟؟؟ مريم :- حركاتك ... تصرفاك وياي ... عنادك ... هزاع :- انزين ليش الصياح عاد ؟؟؟ مريم :- بس جيه .. هزاع :- عيل والله سخافة بعينها .... ههههههه مريم لا تصيحين على شي سخيف ... مريم :- انا مب سخيفة والشي هذا مب سخيف .... هزاع :- ما علي منج ... المهم ... مريم انا خاطري ايلس وياج علشان نتفاهم ... مريم :- مابا ............................ هزاع :- .............. انزين شو رايج خمس دقايق بس ؟؟؟ مريم :- ولا ثانية هزاع :- خلاص نص الثانية ... مريم :- ولا ربعها ... هزاع :- جوفي انا يالس ارمس وياج علشان ما تقولين ما خبرني بشي ولا عطاني مقدمات شرات باجي الخلق .. مريم :- وبعدين .. هزاع :- بيج البيت وبتفاهم وياج هذا آخر كلامي .... مريم :- بنجوف وبحاول افضى ... هزاع :- المهم .. لا تنسين اني فهاليومين بيج ... مريم :- ان شاء الله وسكرت الخط فويهه هزاع بس هزاع طوفها هالمرة .... ( ههههههه يحليلة سكروا التيلفون فويهه ) ..... |
فبوظبي الساعة 7 هزاع ومنصور كانوا فمارينا مول وعقب يوم اذن ساروا صوب المصلى الي فالمول وصلوا وخلاف ساروا يتمشون ويبحلقون فالبنات من الساس للراس ....ويطنزون ع الساير والياي ويتمشون صوب المحلات مالات الملابس الرجالية والعطورات اونهم يتنقون ملابس حقهم وعطورات وكابات وكشمات وغيرها ومناك يتمصخرون على الي يبيعون .... في محل الملابس طبعاً المحل فاضي ما فيه ناس غير الهندي الي يبيع.... هزاع :- هيي انت هذا من وين ميوب فالكاب ... الهندي :- انا ما يارف هزا من وين جيب انا يشتقل هنا واجد قريب .. منصور وهو يطالع هزاع :- ترجم ترانا ما فهمنا ... الهندي :- انا قول حق انتوا .. انتوا لا يسال انا هزا من وين جيب .. بس انت قول أي لون أي شكل أي نوع قماش وانا جيب حق انته .. هزاع :- وفي عندك كاب لونه برغالي ويا عيناوي ويا ازرق ويا ابيض ويا اسود ويا رصاصي ومشخط باحمر ...؟؟ منصور وشوي بيضحك بس راص على عمره :- وانا ابا واحد شراته بس فيه عيناوي زيادة ..هه الهندي :- ارباب والله انا ما في معلوم ازا فيه ولا لا انا بس يعرف سونو موجود في جدام عيون مال انتوا ... هزاع :- ليش انت ما تشتغل هنية ؟؟؟؟؟؟ الهندي :- مزبوط ارباب .. هزاع :- عيل اتصرف وييب لي الكاب الي اخترته انا ولا تنسى واحد ثاني حق اربيعي وطبعاً شرات ما قلت يبا العناوي فيه زيادة ... الهندي :- بس والله ارباب انا ما في يجذب بابا .. منصور :- هيي انت شو تتحرا هذا الي جدامك بابا نويل تقول له بابا .... هزاع :- لا بابار بس نسى يكمل هههههههههه كفك ( وهو يسوي كفك حق منصور ) منصور بعد ما سواله كفك :- هههههههههههه عجييييييب والله اقول انقلع من جدامي لابركتن فيك من هندي ... اسمع انا بسير عند صاحب المحل وبقوله عن كل شي لان صاحب المحل يصير نسيبي ... الهندي :- لالالالا ارباب بلييييز اتني اشرة دقيقة وانا جيب حق انته ... هزاع :- خذ ربع ساعة وجوف ترانا بروح الحين وبنرد عقب ربع ساعة فهمت ... الهندي :- مفهوم ارباب ... وطلع هزاع ومنصور من المحل وعلى طول ينقعون ضحك .... ويدشون المحل الثاني هذا المحل حق العطورات ونفس الشي المحل فاضي ما فيه غير اللبناني الي يبيع ..... منصور :- السلام عليكم ... اللبناني :- وعليكم السلام ... هزاع :- شو من العطورات اليدية عندكم ؟؟؟؟ اللبناني :- كل هدي العطورات اجديدة بس انت نأي ... هزاع :- اخوي انا الوان هالعطورات ما تعيبني ... اللبناني :- شو بدي اعمل لك يعني ؟؟؟ منصور :- شو بعد شو بتعمل له يقول الألوان ما عيبته يعني طلع له الوان ثانية .... هزاع :- فهمت ... اللبناني :- أي فهمت بس انا الت لك هدي هي الالوان والعطورات الي عندنا عم بتشوفها يا اخي المحل كله مسلك بالعطورات انت عاد نأي الي بعجبك والبائي اتركه محدا آللك خدن معك ... منصور :- هيهي انت .. اسكت ولا بروك شغلتك الحين انت ما تعرف منوه هاه الي عدالي ... هزاع :- شويه منصور لو سمحتك ... عنك لو سمحك .... يا ما ادري شو اسمك .. اللبناني :- وليد ... هزاع :- المهم يا وليد ... منوه صاحب محل العطورات هذا ؟؟؟ اللباني :- ( فلان بن علان العلاني ) شو بدك فيه ؟؟؟ هزاع :- الريال عود ولا صغير ؟؟؟ اللبناني :- ده هوه عياله كبار وبالجامعة وفي نصهن بشتغلوا كيف بدك يكون صغير ؟؟؟ هزاع :- عيل انا منهم يالحبيب وهذا ولد عمي .... اللبناني : - عن جيد انت منهن ؟؟؟؟؟ هزاع :- لا عن اب ... اللبناني :- وووواي واحد منهن سيف ولا علي ولا راشد ولا دياب ؟؟؟ هزاع :- وشو يخصه ؟؟؟ اللبناني :- لان هادول عياله الكبار وما بعتأد ان حتى الصغار بيكبروا فيوم وليله .... هزاع :- انزين وانت منوه جفت منهم يايك المحل ؟؟؟؟ اللبناني :- انا جفت محمد ابنه العود لصاحب المحل مش ده اخوك العود ؟؟؟؟ هزاع :- هيه صح ... انزين ... المهم ... احسب احسابك لانك باجر بتسافر بلادك .. اللبناني :- ليه يا عمي ليه ؟؟؟؟ منصور :- والحين تقول له عمي والله من زمان ما قلت له تصدق !! هيهي انت لم اغراضك وشرات ما قال لك ولد عمي باجر بتسافر بلادك .. اللبناني :- بس يا جماعة انا ما لحأت أأعد 5 شوهور هون وبدكون تسفروني ... هزاع :- والله انا ابوي ما قالي متى يابك المهم انا ما اباك فهالمحل لانك تفش الزباين .... اللبناني :- وحياة الله دخيلك خليني اشتغل عندكون لاني محتاج للمصاري ... منصور :- انزين عيل انا و ولد عمي ( وهو يطالع هزاع وهزاع يطالعه ) بنفكر .. اللبناني :- دخيلكون خلوني هون بشتغل وبعامل الزباين بحنية اكتر و بساعد الزباين في تنأيت العطورات .... وأشي كتيره .... بس انتوا لا تخبروا المعلم صاحب المحل دخيلكون ... وحياتكون ما بعمل شي غلط وعد مني لالكون .... هزاع :- قلنا بنفكر ... اللبناني :- هالمرة بس ... بلييييز لا تحكو شي للمعلم صاحب المحل ايه ؟؟؟؟ منصور :- خلاص عيل احنا وافقنا بس شرط انك ما تقول للصاحب المحل او أي واحد يقرب النا انا يينا فهمت .. اللبناني :- أي فهمت ... هزاع :- لانه بيسألنا وبيقول ليش ما شريتوا شالسالفة وما ادري شوه عاد احنا ما نعرف نجذب بنقول لهم على كل شي ... اللبناني :- حاضر معلم .... هزاع :- يالله مع السلامة ... اللبناني :- ما ضيفناكون شي ... ما بدكون شي ؟؟ هزاع :- لا ما نبا انسدت نفسي من هالمحل .. اللبناني :- آآآسف معلمي عدم المآخزة بس على آولتكون الي ما يعرف الصقر يأليه ... منصور :- يشويه يالثور .... يالله مع السلامة وخلاف يطلع هزاع ومنصور من المحل وعلى طول ينقعون من الضحك ... هزاع وهو يجوف الساعة :- منصور الساعة 8 الا ربع الحينه يعني عندنا ربع ساعة نقدر نتمشى شوي بعد ... والحين وين تبا نسير ؟؟ منصور :- اووووووه تعاااال نسينا الهندي منوين محل الملابس .. يحليله تلقاه الحين قالب المحل قلب على راسه .... هزاع :- خله عنك برايه خله يدور على الاقل نعرفه بالمحل عدل بدال ما يتفشل جدام الزباين ..... منصور :- والحين احنا على وين سايرين ؟؟؟؟ هزاع :- انت وبس .. منصور :- هزاع قول ولا اطفر بي ... هزاع :- بنسير الالعاب .. عندك مانع ؟؟؟ منصور :- من صدقك ولا تتمصخر ؟؟؟؟؟ هزاع :- من صدقي طبعاً ... منصور :- هيه بس احنا ما عندنا ياهل انسير انلعبه هناك ... هزاع :- اووووهوووووه علينا انت بتيا تلعب وياي وبلا اسير بروحي .... منصور : -بعععععععععد اسير العب وياك ... جيه قالولك خسف انا العب ... هزاع :- انت وايد مكبر الموضوع .... حبيبي عادي انسير نلعب العاب معقولة مب مال يهالوه .... منصور :- انزين يالله امشى جدامي تراني ما اندل ... هزاع :- يالله ......... وهم يمشون عند الالعاب .. جان يجوفون بنية حلوة ومزيونه وكانت متغيشة اول بس خلاف شلة الغشوة علشان ادور ولد اخوها او اخوها المهم ... عيبتهم .... منصور وهو فاج عيونه على الآخر وتصويب على البنية :- شششششششت هزاع اتجوف الي انا اجوفه ؟؟؟؟؟ هزاع وهو نفس حركت منصور وبعد تصويب على البنية :- ششششت عجيييييييبة ...اقووووول منصور اخاف اطيح ممكن تساعدني على الوقفه ... منصور وهو في نفس الوضعية :- اروحهن اريولي ما تشلني بعد تباني اشلك سير عني واتقبض باليدار انا شو يخني .. هزاع :- استغفر الله يا منصور جيه انت معرّس وعندك بنية يعني ما يوز لك اطالع بنات .. منصور :- يوز حبتك العيوز هاهاها ..... ليش انت نسيت انك معرّس ... هزاع :- هيه بس انا مب متعود وانت من سنة يعني المفروض تخوز عن البنية وتخلاني اطالعها بروحي .. منصور :- لا والله ضحكتني اقول روني عرض اكتافك يالله .... هزاع :- ليش تبا تسوالي كندورة .... هههههههه اقول اقلب ويهك بس ... منصور :- هاهاها على أي صفحة عاد ؟؟ هزاع :- عاد ولا ثمود هالشي ما يخصني هاهاها.. منصور :- يخصني ولا يقرب لي هاهاها هزاع :- يقرب لك ولا عقرب لك مب فاضي لك .. منصور :- اتحريتك متروس ههههههههههههههه هزاع :- هاهاها متروس ولا بدون ضروس .... هههههه اقول عاد بسّك ... منصور :- بسّك وبص لك هاهاها هههههههههههههه هزاع :- يالله عاد منصور بلا سخافة وعن الاستهبال ... وبعدين يالله قبل البنت لا تغير رايها وتسير تتشرى .... منصور :- عيل وراها .... هزاع :- لا يا ذكي خلنا انروح نركب سيارات قبل وخلاف يصير خير منصور :- انزين تعال تعال فهمني قبل وين بتسير وشو خصه بالبنية ؟؟؟؟ هزاع وهو واصل عند السيارات :- تعال اركب .... منصور :- قلت لك مب ياهل اركب سير اركب بروحك ... هزاع :- اوكيه بركب بروحي خلاص الحين ارتحت بس بعدين لا تتلوم على الي بسويه ... منصور :- بكيفك .. هزاع اول ما ركب السيارة مالت العاب السيارات وماواحى ينطلق الا البنية يايتنه ... البنية :- السلام عليكم اخوي .. هزاع وهو يطالع فوق قصده البنية :- وعليكم السلام والرحمة ... آمري اختي ... البنية :- السموحة منك بس بروحي ياية المول ويايبه عيال اخوي وياي هزاع :- هيه البنية :- وبصراحة فضحوني يبون يركبون سيارات وهم ما يعرفون حقها وانا استحي اركب فااااا لو سمحت ممكن تركبهم وياك ؟؟؟ هزاع :- افاااا افااااا بس افااا اكييييييد اسمح اصلاً بدون ما تقولون .... شحالكم يالصغارية شخباركم ... هزاع الصغير :- بخير هزاع :- والثاني ما يعرف شحاله ؟؟؟ البنية :- هههه لا هذا صغيروني يحليله ما يعرف حق هالسوالف ... هزاع :- انزين عاد سلمو على بالخشوم واقفين ورا عمتكم ... هزاع الصغير و حمد ساروا وسلمو على هزاع بالخشوم ... هزاع :- وشو اسماءهم هالحلوين ؟؟؟ هزاع الصغير :- انا هزاع البنية :- وهذا الصغرون اسمه حمد هزاع :- هلااااا هزاع الصغرون انا هزاع بعد ... هزاع الصغير :- قول والله هزاع :- والله ليش ما تصدق يعني بس انت اسمك هزاع حتى انا اسمي هزاع البنية :- هههه اقول اخوي لو سمحت ترا ما عندي وقت بسرعة يعني لو سمحت هزاع :- اوه صح نسيت والله ... يالله هزاع الصغروني وحمد عالوا اركب ....... اوبه .. يالله انطلق .... حمد وهزاع الصغروني :- هيييييييييييييي انطلقنا ... البنية راحت عند الحواجز المحطوطة علشان يوقفون الناس وراها للانتظار وكان في نفس المكان منصور لانه كان يتريا هزاع بس منصور ما انتبه للبنية يوم وقفت عند الحواجز مع انه انتبه حقها يوم كانت ترمس هزاع وخلت العيال عنده وكااان واااااايد مقهوووووور من الخاطر .... ههههههههههههههه .... المهم عقب يوم خلصوا نزل هزاع وهزاع الصغروني وحمد وهزاع مسك ايدنهم وداهم عند عمتهم ..... هزاع :- السلام عليكم البينة :- وعليكم السلام هلا اخوي هزاع :- بلاها قولي هزاع البينة :- اوكيه هزاع مشكور هزاع :- لا شكر ع الواجب البنية :- تسلم .. ومع السلامة |
هزاع :- لحظة ما تعرفنا عليج ... البنية :- عيناوية وبس .. هزاع :- عيل حتى انا عيناوي وبس ...ههههههههه البنية :- صدق انت من العين !!!؟؟؟ هزاع :- ليش بس انتوا من العين يعني .... البينة :- لا مب قصدي ... ويالله مع السلامة ... هزاع :- الله يسلمج البنية سارت ويا عيال اخوها وهزاع سار عند اربيعه وبدة الضرابة البدائية الي عادةً تكون بين الريايل هههههه وخلاف ساروا عند ربعهم ويلسوا ..وعقب ... الساعة 3 الفير ....هزاع ومنصور استأذنوا من الربع وساروا المطعم ... منصور :- هاه يا هزاع احنا الحين بروحنا يعني بطل حلجك واتكلم هزاع :- ادري يا منصور بس بصراحة الكلام واااااايد واحاول اختصره ... منصور :- المهم قول وفكني هزاع :- حاظر بقول بس بشرط تسمعني للاخير منصور :- اوكيه هزاع :- انا يا منصور واااااحد تعرفه زين ( وهو يعد على صبوعه ) اول شي مغازلجي وثاني شي نذل وثالث شي قوي ورابع شي مصلحجي وخامس شي هوووو هوووو اني احب منصور :- هههههههههههههه اونه تحب ههههه من صدقك ولا تتمصخر علي هزاع :- والله يا منصور ارمسك انا واظني قلت لا تقاطعني ... منصور :- انزين قول هزاع :- يا منصور انا فحياتي ما حبيت البيت وكنت احس فيه سجن ولازم اطلع منه ................. قلت خلوني اسير اطالع العالم والاوادم اشجايل عايشه وهذا انا من صغري الين كبيرت على نفس الحالة ........ وخلاف تزوجت ... وتزوجت البنت الي دشت قلبي من اول نظرة ... منصور :- بعد صار يقلد التلفزيونات ... هزاع :- منصور بليييييز خلني اكمل منصور :- يالله كمل اسمعك .. هزاع :- وبعدين بديت ارمسها بكل لطف وحنان واحاول اني اضم الويه الخارجي وبديت اتصنع الحنان واللطوفه ... بس احنا ما اعرف اصبر بسرعة اعصب واسوي الي اسويه .. منصور :- انزين هزاع :- يا منصور ...عالية بنت عمك ... اقصد بنت العم المحترمة شو سوت .... قامت وصورتني بتيلفونها ووزعته على باجي تيلفوناتها الاثنينة ... وما دريت الا يوم ييت وخطبتها وعمي بلا مبلاها وبعدين قالي اسير اسألها بنفسي ... منصور :- انزين هزاع :- سرت ... ويلست تتفلسف علي وخلاف روتني الصورة اقصد اللقطة الي مصوتني فيها ... لاني بيني وبينك انا قلت حقها ان بتزوجج غصبن عنج وما ادري شوه وعاد هي مجهزة الدواء قبل الفلعة .... وروتني اياها .. عاد انا قمت وحذفتها وقالت هي عادي عندي غيرها .... وقالت لو كنت تبا اللقطة عيل تزوج غيري وانساني نهائياً وشلني من راسك وكلام .... ويوم عرست قلت حقها وين اللقطة الي وعدتيني بتحذفينها يوم اعرس ....قالت تحلم وما ادري شوه ... وفي نفس الوقت مريم كانت عند الدري وسمعت من الكلام الي قلناه وزعلت وسرت وراضيتها .. ويوم المدارس زعلتها انا لاني سكرت التيلفون بويهها وهي كانت ترمسني وانا سكرت الخط بويهها وكنت اصارخ عليها وكنت محتشر وخلاف تمت يوم كامل وخلاف راضيتها ... منصور :- الله واكبر كل هذا صار واحنا ما ندري ... المهم كمل .. هزاع :- وخلاف يوم الاحد هذا يوم ردينا من بيت عمي مريم روتني اللقطة نفسها على تيلفونها وهي كانت تصيح وتقول كلام يقطع القلب ...... منصور :- هيه ... انزين هزاع :- وخلاص سكتّ وهي سارت الصالة وارقدت هناك وعاد ما ادريبها رقدت ما رقدت المهم ... الصبح يوم نشيت لقيتها تلم شوية ملابس وجنها تبا تسير عند اهلها وحاولت وياها بس ماشي فايدة راسها يابس .... وخلاف سارت بيت اهلها وواحد من اهلها ما اعرف منوه الي شلها لاني ما سرت اسلم بس اطالعت من الدريشة ... وانا قايل حقها اني بخليها يومين وبييها وهي مب مصدقة على الله خلتها ما ادري جم يوم.... منصور :- وخلاف هزاع :- ماشي تميت احاول ارمسها بس ماشي فايدة وعقب طرشت لي مسج وهي طالبة فيه الطلاق منصور :- الله واكبر ... الطلاق مرة وحدة ... قول غير هالكلام يا ريال ... هزاع :- هذا الي استوى جان مب مصدقني دوك التيلفون واطالع ... منصور وهو يطالع التيلفون ( المسج ) :- هزاع هاذي من صدقها ولا تتمصخر هزاع :- من صدقها يبوك .... بس الحين شور علي شو اسوي وياها ... منصور :- هزاع امك وابوك يدرون ؟؟؟ هزاع :- اكيييييييد لا منصور :- عيل لازم تخبرهم هزاع :- وهم شو يخصهم منصور :- هزاع على الاقل لاتقول حقهم انها طالبة الطلاق قول استوت مشكلة وتباهم يحلونها وياك ... هزاع :- الاهل ومقدور عليهم .... المهم ... و مريم شو الحل وياها ... منصور :- انك تسير حقها البيت وتعتذر منها وتحبها على راسها وتيبها البيت .... هزاع :- اعوذ منك يا بليس ... انت ما تفهم اقول لك طالبة الطلاق يعني ماشي فايدة .... يعني عطني حل ثاني ... منصور :- هذا الحل الوحيد يا هزاع ... هزاع :- واخر كلام منصور :- نفس ما قلت لك ... هزاع :- اوكيه يا منصور انا بصراحة فكرت فيها وقلت حقها اني بييج نتفاهم بس هي ما طاعت ... بس بعدني بحاول منصور :- عفيه عليك .. عيل يالله الحين خلنا نلحق على الربع قبل لا يسيرون ويخلونا .... هزاع :- هيه والله تراهم يسونها وقاموا هم الاثنينة وساروا عند ربعهم ... الساعة 3 ونص ردو الشالية ورقدو ... والصبح ساروا وتمشو وعقب الغدا رد كل واحد منهم بيته .... هزاع يلس يطالع التلفزيون وخلاف نزل تحت وسار وخبر جوم امه بس حمد ربه ان اهل البيت سايرين ومحد فالبيت غير نورة ومحمد وعالية .... محمد :- انا ستين الف مرة قلت لك يا هزاع اعقل يا هزاع اغدى ريال بس انت ما تفهم وانا جم مرة قلت لك يوم يستوي شي تخبرني حتى لو صغير علشان نعرف نتصرف ...... هزاع :- الي صار صار نورة :- شو الي صار صار ... يا هزاع ما يصير تخلى حرمتك جيه بعدين صدق بتتحراك ما تباها ... محمد :- انا حق شوه الله بلاني بهالولد ... هزاع :- انا ريال يا ولد محمد :- انزين يا ريال ... يوم انك ريال حلها واحنا بنجوف شو بتسوى هزاع :- يعني مب مصدقيني محمد :- و لا تحلم نصدقك هزاع :- تتحدى محمد :- اتحدى هزاع :- بنجوف منو الخسران .. نورة :- انزين يالله رونا شطارتك ... هزاع :- اوكيه ... .... ورد الجناح ماله .. ورد مرة ثانية وطالع اللقطة مع انه هاذي المرة المليون الي يجوفها بس هو ما يعرف ليش كل ما مسك التيلفون يطالع اللقطة الين نهايتها ... وخلاف سار ودق على مريم وكانت الساعة 4 وربع العصر... هزاع :- الووو مريم :- ...... هزاع :- ليش ما تردين ؟؟؟؟ .... السلام عليكم ........................... السلام لله ... مريم :- وعليكم السلام .. نعم شو عندك بعد ؟؟؟؟ هزاع :- افاااااا يعني ما اشتقتيلي ؟؟؟؟ مريم :- لا هزاع :- اوكيه براحتج بس انا دقيت قلت يمكن غيرت رايها .... مريم :- اغير رايي بشووه ؟؟؟ هزاع :- عن طلبج البايخ ... مريم :- انا بايخة مشكور ... وغير ... هزاع :- العفو ... بس ما رديتي ... غيرتي رايج ؟؟؟ مريم :- فالشوه ؟؟؟؟ هزاع :- يعني غيرتي رايج في اننا ما ننفصل ... مريم :- اكيييييييييييد لا انا الين الحين ما غيرت رايي .... هزاع :- انا ابا افهم شي واحد انتي شو هو الشي الي يخليج تعاندين .... مريم :- والله عاد بكيفي اعاندك هزاع :- انزين .... مريم اليوم وين بتسيرين ؟؟؟ مريم :- ما بسير مكان هزاع :- لييش ؟؟؟؟ مريم : - بيونا جوم وجوم يدي وخوي وجيه يعني هزاع :- وبيتعشون ؟؟؟؟ مريم :- لا والله يعني تبانا نخليهم يروحن بلا عشا هزاع :- لا مب قصدي مريم :- انزين ليش تسأل ؟؟؟ هزاع :- بس جيه مجرد سؤال مريم :- المهم شو قررت فاللي قررته انا ؟؟؟؟ هزاع :- يا مريم يا غناتي يا بعد عمري عطيني يوم واحد بس افكر فيه ... مريم :- وليش يوم يعني ؟؟؟ هزاع :- لان القرار صعب ويباله يوم زياده ... مريم :- عندك 4 ما ادري 5 ايام عنبوه ما فكرت فيهم ؟؟؟ هزاع :- لا لاني كنت مشغول مريم :- وااااااايد وصدقت مشغووووول بالبنات ادري وما يحتاي تقول لي ... هزاع :- الله يهديج أي بنات ... مريم :- تحلف انك فهاليومين ما رمست بنات .. هزاع :- ما اقدر احلف لاني رمست واااااايد بنات ومنهن خواتي وبنات عمي وووما ادري منوه ... مريم :- هيه ووووو بعد بنات خلق الله الي ما يخصنك اقصد بنات المولات والهياته ... هزاع :- مريم ترا تفكيرج بدا يخونج لاني خلاص تبت ما بسويها عقب هالمرة توووووووووبة مريم :- خل توبتك تفيد غيري لو سمحت لاني قلت الي عندي وخلاص ما ابا ارمسك لو سمحت .... والحين شي فالخاطر لان هاذي المرة الاخيرة الي ارمسك فيها ... |
هزاع :- تعالي تعالي شو هالمرة الاخير مريم فهميني ... عطيني فرصة .... مريم على طول تسكر التيلفون فويه هزاع وعلى طول صياح ... ام مريم توها تدخل حجرة مريم ( حجرة محمد ) وتجوف بنتها تصيح .... ام سلطان :- بلاج حبيتي تصيحين ؟؟؟؟ مريم :- .......( مريم فهالوقت تصيح وما ترد على امها ) ام سلطان وهي تحضن بنتها :- مريومي شو فيج تصيحين ؟؟؟؟....... على الاقل فهميني ..... منوه الي ضربج ..... عن يكون حد مسويلج شي .... مريم :- لا اميه محد غلط بحقي فهالعالم كله غير هزاع .... ام سلطان وهي تتطالع التيلفون الي عدال مريم الي يرن فهالوقت ... :- هو الي داق ؟؟؟؟ مريم وهي تصيح :- هيه ( وتكمل صياح ) ام سلطان :- بس حبيبتي فهميني شو السالفة ... تراني مب فاهمة شي ... مريم وهي تحاول تسكت عمرها :- امايه انا حياتي ويا هزاع انتهت لاني كرهته وخلاص عافته النفس .... ام سلطان :- شو هالكلام الي تقولينه ؟؟؟ مريم :- اماية انا طلبت الطلاق ... من هزاع .... لاني ... ما احبه .... خلاص... عقب كل الي سوالي اياه ... ما ابا ارد له .... ام سلطان :- وهو شو سوى ؟؟؟ مريم وهي تعطي امها التيلفون وكانت حاطة على اللقطة :- جوفي ياماية هذا هزاع يالس يغازل وحدة ويرقمها .... ام سلطان :- وانتي من وين يبتيها ؟؟؟؟؟ مريم :- عالية بنت عمه عطتني اياها وهي الي مصورتنه ... ام سلطان :- وانتي متأكدة انج تبين الطلاق ؟؟؟؟ مريم :- هيه يالغالية متأكده .... ام سلطان :- بس يا حبيبتي يا غناتي البنت ما لها غير بيتها وريلها وعيالها .. وانتي فاهمة قصدي ... صح ؟؟؟ مريم :- صح ام سلطان :- عيل استسمحي منه وتراضي انتي وياه وان شاء الله بيصطلب عقب هالمرة .... مريم :- لا يالغالية انا ما ابيع عمري برخيص على واحد مثل هذا ... والي يبا يسويه يسويه ... ام سلطان :- المهم اباج تساعديني لان جوم عمج بيون وما يحتاي اوصيج بعد شو تسوين ... مريم :- ان شاء الله ... وخلاف الساعة 8 ونص الكل يا فلة بو سلطان والحريم كاناً يالسات فالصالة وسوالف وهذرب بس مريم يالسة فوق .. وخلاف ربيعات مريم او بنات عمها وعمتها وجيه يعني سألوا عنها وقالت ام سلطان انها فوق يات نزلت وسلمت وراحت فوق ... والبنات على طول سارن حجرة مريم ( حجرة محمد ) ويلسن يترمسن بس مريم كان شكلها مب حلو ... شكلها حزينه ومهمومة ... سألتها عمتها ... عمتها ( ذكرى ) :- بلاج مريم حزينة اليوم ؟؟؟ مريم :- ما شي سلامتج .. ذكرى :- انزين ليش ما تخبرينا مب احنا ربع ؟؟؟ مريم :- هيه صح بس هالشي واااااايد حساس .. ذكرى وهي تقوم علشان اطلع البنات :- يالله يا حلوات برع .... البنات :- وين على الله شو على كيفج اطلعينا من حجرة مريم .... وليش ما اطلعين روحج بعد ... ذكرى :- وانتن شو يخصكن يالله برع ... وطلعتهن وسكرت الباب وسارت عدال مريم وتوها تبا ترمس الا جان يدق هزاع على مريم بس مريم كالعادة ما ردت على التيلفون .. ذكرى :- بلاج مريم ما تردين على التيلفون ؟؟ مريم :- ذكروه فهميني حبيتي انا عندي مشكلة ويا هزاع ذكرى :- وشو هالمشكلة ؟؟؟؟ مريم قالت لها كل شي والبتفصيل ... ذكرى :- الله ... كل هذا يطلع منه !!!! اقول مريوم انتي ليش ما تتفاهمين وياه يمكن تنحل المسألة بالهداوة ... مريم :- لا ما بتنحل بالهداوة ويرد التيلفون المرة الـ5 ومريم ما ترد ذكرى :- هذا هو ؟؟ مريم :- هيه ... ذكرى :- ردي و جوفي شو يبا .. مريم وهي ترد على التيلفون :- نعم هزاع :- وينج ؟؟؟ مريم :- فبتنا هزاع :- ادري وانا بعد فبيتكم بس مكانج وين ؟؟؟ مريم :- شوووووووه ولييييييش ما خبرتني من قبل انك بتيا ؟؟؟ هزاع :- والله انا قلت فهاليومين بيي .. مريم :- هيه وشو تبا هالمرة ؟؟ هزاع :- تعالي الصالة الي تحت وبييج انا هناك ... مريم :- لا انت تعال الصالة الفوقية وانا ما بخلي حد يركب علشان ما يزعجك ... هزاع :- حلو عيل انا الحين بدش الصالة وانتي انزلي لاني ما يصير اسير فوق منا والدرب مريم :- اوكيه بس بسرعة .... هزاع :- اوكيه ذكرى سارت الميلس مال الحريم هزاع عقب ما سلم على الريايل دش الصالة والصالة محد فيها ومريم خلته يروح فوق ويدش حجرة محمد الي هي حجرتها حالياً .... كلاااااااام وعقب هزاع :- مريم انا ... ( وبدأ يحكي حقها قصة حياته وعن كل شي يخصه ) مريم :- هذا ما يهمني .... المهم انت ليش تصيعت على قولتك وانت مب هاذي نيتك ؟؟؟ هزاع :- لاني .... تقدرين تقولين ... اني حصلت كل الي اباه و( كلاااااااااام ) ... وهذا السبب الاساسي هو اني حصلت كل الي اباه واني حصلت الحرية .. مريم :- يعني انت كل هذا الي قلته صح ولا تجذب علي بعد ؟؟؟ هزاع :- والله العظيم وقسم بالله صدق مريم :- انزين هزاع اللقطة عالية متى صورة فيها ؟؟؟ هزاع :- قبل لا آآآخذج ولا اعرفج ولا جفتج ... مريم :- يعني من زمااااااان من الفصل الثاني ... هزاع :- جيفتي اشجايل ...... مريم كل الي تسويه عالية تراه ضدي ...... لانها ما تبالي الخير ..... مريم :- انزين .... وليش هي جيه تسوي ؟؟؟؟ هزاع :- لانها استوة سالفة سخيفة واااااايد وهي عايبتنها ومستغلتنها ..... اقول مريم ممكن لاب توبج شوي ... مريم :- ليش ؟؟؟؟ هزاع :- شويه بس مريم عطته اللاب توب ويلست تتطالع وياه المسن ماله .. هزاع :- مريم جوفي هاذيلا البنات الي ارمسهن ..... مريم :- ردينا يا هزاع هزاع :- ليش احنا عنثرنا رحنا علشان انرد هههههههه مريم انا فتحت المسن علشان تحذفين كل البنات الي داخل بروحج .... مريم :- وليش ما تحذفهم انت ؟؟ هزاع :- حاولت بس ما قدرت احذفهم حذف نهائي ... عاد انتي ساعديني .... مريم :- اوكيه ( وحذفتهم حذف نهائي من المسن وطبعاً انتوا تعرفون اشجايل ) هزاع :- فديتج وما عليج اماره بغيتج بتحذفين البنات الي بتيلفوني بعد ... مريم :- بعععععععععععد .... انزين هات .... هزاع :- تراه فيه ثلاث بنات بس مريم :- بس مب وايد ... حرام .... ( والله حالة ) هزاع :- يالله سوي دليت حقهم وخلصينا يالله حذفي ( مريم حذفت كل البنات الي عنده ) وخلاف هزاع ومريم تراضوا عقب هالسوالف الطويله وخلاف مريم سارت البيت وياه عقب العشا وكلاااااام .... ...... فيهزاع :- السلام عليكم الكل :- وعليكم السلام يا هلااااا بمريوم مريم :- هلا والله هلا والله اشتقنالج ( وسارت وسلمت على عمتها وسلمت على عالية والباجي ) هزاع :- شو رايك يا ولد ؟؟؟؟؟ ( وهو يطالع ابوه ) محمد :- خلاص انزين درينا.. |
| الساعة الآن 08:22 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir