منتدى استراحات زايد - ما اعرف اعـود ولا اهدّي ولا امسك بريك ،، لاجيت اجي كلي .. وكلي عسانـي فـداك ~!

[ البـــــارت الثامن والعشرون ]

العصر ف بيت بو مبارك..
دخل مبارك ع عفاري وسكر الباب ..
عفاري[يلست عدل]:حياك..
مبارك[يبتسم]:الله يحيج ..
عفاري[خافت]:شوو فييك؟

مبارك[يبتسم ويمسك ايدها]:عفاري حمدووه اختج وعرست وووأااا.....جوفي عفاري بدخل ف الموضوع بسرعه ,,وحده من حريم بوظبي مرمسه اميه وتباج لولدها وانا هالريال اعرفه وماينعاب وينشد به الظهر..
عفاري[منصدمه ]:!!!!!!!!!!!
مبارك:عفاري لا اميه ولا ابويه بيغصبونج عليه بس هالريال كان ربيعيه ويا حافظ عليه مرره ماينعاب..
عفاري:[تدمع]:مابا مابااا اعرس ماااابا..
مبارك[معقد حياته]:نععم!!
عفاري[تقبض ايده بترجي]:مااارييييد اعرس قولوله مب مواااافقه ماارييييده ماارييييييده [وتشهق من الصياح]..
مبارك[وقف ع حيله]:فكري ف الموضوع زييين وهالريااال نعرفه ويقربلنا من بعييييييد ولا تنسييين انج هوب ياهل يعني ترومين تاخذين قرارج بروحج والفليل صلي واستخيري ربج وان شاءالله خير..
عفاري[تصيييح]:دخييييلك ماباااااه انا مااعرررففه ماريييده دخييييلك مبااارك دخييلك[وتصيييح]..
مبارك[عصب وتم يصارخ]:جبببب..يوم اقول شي قولي ان شاءالله والا والله يا عفاري اقولهم انج مواافقه والله..
عفاري[تمسح دموعها وتشهق]:ان شاءالـ ـ ـ ـله..=(
مبارك[يفج الباب]:فكري زين ..وظهر..

نشت عفاري وسكرت باب الحجرة ,انسدحت ع الشبريه ولوت ع المخده ويلست تصيييح..
عفاري ف خاطرها[ وينك يا سعود ؟وينك؟يعني يوم ماشي باقي عن ردتك للبلاد يبون يغصبونيه ع غيرك ..ماريييده والله ماريييييييده ]وتمت تصيح لين ماغفت عينها..

[ف يوم عرس عفاري]
عفاري[تصيييح]:مابااااه ميثوه قوليلهم ماباه..
ميثوه[بحزن]:بس يا عفاري هاي3 مره نعدل مكياجج بس...
عفاري[تفر الورده]:ميثوووووووه مابااااااااااه ..وتمت تلف يمين ويسااار يمين ويساااار..
عفاري[بصرييخ]:سعووووود ويييييييييين سعووووووووووووووووووود ويييييييييييييييييين؟؟؟
لوت عليها ميثوه وتمت تهديها..
صخت عفاري..
ميثوه:عفاري عفااااري..
عفاري:............
ميثوه[متروعه]:عفاااري بسسسم الله ليش متردين..
شلت ميثوه راس عفاري عن جتفها ولقتها مغمضه عيونها..
ميثوه[تصاارخ]:عفااااااااااااااااااااااااااااااااااااااااااااااا ااااااااااااااااري؟

فززززت عفاري من رقادها مترووووووعه..
ميثوه:بسسسسسم الله عليج شفيج؟؟
عفاري[تجوف جسمها وتمسكه]:ماشي فستان هههه ميوثه ماشي فستان ..
تروعت ميثوه ويلست عدالها..
ميثوه:عفاري تراج روعتينيه شو فيج؟؟؟
عفاري[تضحك بهستيريه]:هههههه بعرس بعرس ميثوه ههههه .وصاااحت..
ميثوه[مستغربه]:شفييييييييييييييييج؟؟؟؟؟؟
عفاري:سكري الباب وبقولج..
نشت ميثوه وسكرت الباب وردت يلست عند عفاري ع الشبريه..
قالت عفاري لميثوه كل السالفه وعن الحلم وتمت تصيييح..
ميثوه وهي لاويه ع عفاري وبحزن:عفاري ابوج مابيغصبج وماعليج من مبارك واصلن مب هو الي بياخذه انتي يعني انتي الي بتعيشين معاه ..
عفاري[تشاهق من الصياح]:واذا غصـ ـ ـ ـ ـ ـبونيـ ـ ـ ـه؟
ميثوه:محد بيغصبج وانتي صلي واستخيري ربـ...وقاطعتها..
عفاري[معصبه ونشت عن ميثوه]:انا مااابااااه ومااااباخذ غير سسسعود تفهميييييين؟؟؟؟؟؟
ميثوه[بتوتر]:خلاص خلاص يلسي ...سمعي روحي حق امج وهي الي بتفهمج وبتقول حق ابوج واذا سألتج عن السبب قوليلها بكمل دراستيه..
عفاري[بستهزاء]:هه..دراستيه قالت ..حبيبتي بتقولليه عادي بيخليج تكملين دراستج [سكتت ..وخلت عيونها تذرف من القهر]وابويه الي تقصدينه الحين ف الوقت الي صدق اباه رايح المقناص مع الشيوخ عشان جيه هذا ماخذ راحته ويتحكم ابيه ..
ميثوه[بحزززن]:ااه يا عفاري ماعرف شو اقولج=(
عفاري[تدمع]:بخلي الدراسه تولي ماهمتنيه عادي..الي همنيه ......سكتت
ميثوه:اعرف سعود الي هامنج..
طاحت عفاري عالشبريه وتمت تصيح وتشاهق ..
خافت ميثوه ويلست عدالها تهديها..

*طافن ساعتين وعفاري وميثوه ع نفس الحال*
دق مبارك الباب ودخل ..
ميثوه:اوشششششش توها رااقده..
مبارك[يرمسها بهمسٍ]:شو فيها؟
ميثوه[بهمس وبحزن]:كانت تصيح..
عقد حياته مبارك وفهم ان عفاري قالت لميثوه..
مبارك[يرمس وهو مصعب]:سمعي ميثوه ..انتي لا تتدخلين فيها مالج خص والريال بتاخذه غصبن عنها و لو فيه شي انا مابخليها تاخذه ماعندنا بنات يتبزن علينا..
تروعت ميثوه وتمت تهز راسها..

ظهر مبارك ورضخ بالباب وخلى عفاري تنش من الرقاد..
ميثوه:رقدي رقدي..
عفاري:منوووو هنيه؟
ميثوه:ماشي ماشي بس مبارك كان هنيه..
عفاري[متروعه]:شو قال؟
قالت ميثوه لعفاري كل شي..
عفاري:اكرهه [ودمعت]

((بعد يومين من الاحداث-كلن ع وضعه،ميثوه كل يوم عند عفاري ومحد درى بالسالفه..ومبارك تغيير على عفاري 180 درجه كل مايجوفها والا يرمسها لازم يحرق قلبها بكلامه وع فكرة بس متغير على عفاري والا ع الباقي ف بعده مبارك الي قلبه ابيض وطيب..مافتح مع عفاري السالفه قال بيخليها ع راحتها تفكر يمكن تغيير رايهها..))

ف بيت بو مبارك (الصاله)
ام مبارك:ها يا ابويه شو قالتلك عفرا؟؟ ترانيه مارمستها وقلتلك انته ترمسها عشان تفهمك وبعد يا ابويه ام الولد اليوم متصلتليه تتخبر وانا ماعرفت شرد عليها استحيت..
مبارك[يشرب جاهي]:اليوم بجوفها ..قالتليه بصلي وبردلك خبر..
ام مبارك:على خير ان شاءالله..
مبارك:اميه متى بيردون الشباب؟
ام مبارك:يقووول احمدوه بعد اسبوع ان شاءالله..
مبارك:هيــــــه ،ان شاءالله..

نروح شوي بعيد عند حمدوه وراشد^^
ف صالة بيت بو راشد (ليوا)
الريم:فديييت الويه انا..
حمدوه:هههه الريم تعععالي تغدي وخلي مريامي عند الخدامه.. (بنتها) ..
الريم:هذا يوم اخويه يبلنا بنت..
كلهم :ههههههههههههههههههه..
ام راشد:مارمستي امج؟
حمدوه:هيه فديتج عموه رمستها امس..
ام راشد:علومها؟
حمدوه:بخير يسرج حالها وهيه تسلم عليج عاد عمتيه اسمحيليه نسيت اقولج..
ام راشد:ههه لا مايخالف يا بنتيه..=)
الريم:انتوا عن شو ترمسون؟
حمدوه:ماشي الخطيب يسلم عليج..
الريم[بمستحا]:هاه؟
حمدوه وام راشد:هههههههههههههههه..
ام راشد:لآلا تكذب عليج..

[ البـــارت التاسع والعشرووون]

-بيت بو مبارك -المغرب-

عفاري يالسه ف حجرتها ولاوية ع مخدتها وتفكر..
عفاري ف خاطرها(يعني مافي امل خلاص يعني باخذ واحد ماعرفه ..يعني سعود راح خلاص..شبيستوي لو عرف ..="( انا لاززززززم اكلم حد غيير ميثوه لازم ..)
عفاري:احمد..
ف خاطرها(لا شو احمد..بس احمد مابيروم يقول لمبارك شي..ابويه! ..وقطع تفكيرها مبارك الي دخل عليها..
نشت عفاري من الشبريه ووقفت ع الارض..
دخل مبارك وسكر بالباب..
مبارك:ها عفاري شحالج ؟
عفاري[بخوف]:بخيـ ـ ـ ـر..
قرب مبارك ويلس ع الشبريه..
مبارك:قولي..
عفاري[بستغراب]:شقول؟
مبارك[بملل]:اففف..بعد شو تقولين قولي قرارج؟؟هو صح مايهمنيه قرارج بس ابا اسمع..
عفاري[تصيح]:مب موااافقـ....وقاطعها مبارك وهو يمسكها من شعرها..
مبارك:مبببب كيييفج تسمعييييين هووووب ع هواااج بتااخذيينه يعني بتاااااخذينه ..
تمت تسمعه وتصيييح من الويع الي ف قلبها ومن ايده..
عفاري[بصريييخ]:مببب ع كيفك انته انته مب ابوووويه عشان تتحكم فيه وبعدين ابويه مايعرف عن شي واذا عرف هوو برووحه مااابيغصببنييييييه واصلـ.....
عطاااااها مباارك كـــــف عقها على طرف الزجاجه الي ع الطاوله وشق ويهها من على طرف..
مبارك من الصصصصصصصدمه ماعرف شو يسوي..
دخلت ام مبارك يوم سمعت الصرييييييخ..ومن جافت ويه عفاري وهو غرقان بالدم ربعت صووووبها وهي تصيييح..
ام مبارك:عفاااااااري عفاااااري شفيييييج..ولفت ع مبارك وصااااارخت عليه..
ام مبارك[تصارخ]:ماااتجووووووفها طاااييييييحه تتتتعععععال ششششششلها ..
ربع مبارك ولبسها شيلة وشلها ف السياره ..
تم يسووووق بسسرعه جنوووونيه ..لين ماااييت الاشااااره ..
ف السياره..
ام مبااااارك حاطه ويه عفاري ف ثبانها وتصيييييح..
ام مبارك:حسسبي الله عليك ونعم الوكيل حسبي الله عليك من ولد ..
مبااااارك مفوول من الاشارة ومتلوووم ع الي سواه..
وصلووووا المستتتشششفى ودخلووا عفاااري العنااييية المركزة..

(ف صالة الانتظار)
ام مبارك مااوقفت عن الصيااح وكل شوي تجوف مبارك وهي معصبه..
ام مبارك:خبرنييييه شوو استتوى؟؟؟ارمسٍ؟؟؟
نزل مبارك رااااسه ورد رفعه وقال حق امه كل شي..
ام مبارك وهي تقوم وتضربه ع صدره وهي تصيييح..
ام مبارك:حرررررام عليييييييك والله حرااااام الي تسويه بأختك عنبووك هاي اختك من لحمك ودمك تغصبببها ع شي هي ماتبااه يوم بااجر بتييينا مطلقه منوووو بيكون السبب هوووب انته ؟؟هااا؟؟؟؟؟؟
مبارك[يمسك راسها ويحبه]:والله يا اميه اسموحه والله انيه متلوووم والله انا روحيه مستغرب من عمريه اسموحه يا اميه ارضي عنيه دخيلج يا اميه..
ام مبارك[وهي تمسح دموعها]:انا راااضييه بس والله والله يا ان عفاري هوب راضيه عنك وماضنيه بترضى ..
مبارك[ييلس ع الكرسي ويحط ايده ع ويهه]:اخ ياربيه..

((بعد ساعتييين كل هل سووويحان ف المستتششفى))
ام محمد وبو محمد ومحمد وميثوه وميروه وحمدوه بعد يت من ليوا ومعاها بو راشد ام راشد والريم وراشد وبو مبارك رد من المقناص يوم درا عن بنته ..بس احمد وسعود طبعا مايعرفون عن شي لانهم برا البلاد..
بو مبارك ماخلى كلمة ماعقها ع مبارك يوم درا بالي صار ومبارك من بعد مارمسه ابويه يلس ف مسيد المستشفى وتم يدعي ربه..
طاافت سااعه
سااعتين
ثلالاث
والدكتوور بعده ماااظهر..

بعد فترة هدوووووء ..وبالتحديد قدام باب العناية ..
الكل تعبااان ..ام محمد كل شوي تهدي ام مبارك الي تصيح وتسكت ..ميروه وحمدوه يالسات ع الكرسي وهن سكتات ويجووفن الحريم.. وبعيييد شوي عنهم بو مبارك يالس ع الكرسي ويستغفر ربه وعداله بو محمد و محمد وراشد وبو راشد..ميثثثوه يالسه ع الارض وحاطه ويهها ع ريلها وتصيييح ..
بين هالهدوووووء ..ربع دكتووووور من بينهم ودخل العناية ..الكل خاف وتم واقف..وف ثانيتيين دخلن 4 سسترات العناية..بععععد 10 دقايق من التوووتر ظهر الدكتوووور وويهه شاااحب..
الكل ربع صوبه..
ام مبارك:هاا دكتوووور شفيها بنتيه؟؟؟؟؟؟؟؟
بو مبارك:أرمس يا دختوووور...
الدكتور:لو سمحتوا عطونني فرصه اتكلم..
الكل صخ
الدكتور:منو والدها ؟
بو مبارك:انا..
الدكتور:البنت تعرضت لتمزق ف ويهها..بس نحمدالله ان هالتمزق ماايا صووب عينها لا سمح الله لو كان قريب من عينها ممكن تنعمي..وكذلك هي تعرضت لضغط عنييف منكم لدرجة ياها انهيار عصبي عنييف كان ممكن انه يسبب لوفاتها,,وهالانهيار خلاها بين فتره وفتره يغمى عليها ..
ام مبارك يلست ع الكرسي وتمت تصييييح وتشااهق..ربعن البنات صوبها يهدونها..
بو مبارك:لا حول ولا قوة الا بالله حسبي الله عليك يا مبارك ..
الدكتور:ارجو انكم تسمعوني شوي..نحن سوينالها عملية ..خيطناا الشق الي ف ويهها بس بعدنا نحتاج وقت عشان نكمل الخياطه..خيطنالها 4 غرز من داخل ومن برا تحتاج 7 غرز..
محمد:ودكتور ليش ماكملتوا الخياطه؟؟
الدكتور:البنت وايد تعبت علينا..حتى وهي تحت تأثير البنج..
محمد:لا حول ولا قوة الا بالله..
بو راشد:وكم يوم بتم هنيه؟
الدكتور:يعني الحين نحن خلينها تحت تأثير البنج لمدة 48 ساعه ..بعد 48 ساعه بنكمل العملية ..وهذا كله عشان صحتها ..ونصيحه مني انوا روحوا ارتاحو وباجر تعالوا لانها مابتوعى الحين واذا وعت بتتعرض لانهياار وبتتعب علينا وبتصعب العملية علينا اكثر..
محمد:مشكور دكتووووور ..
الدكتور:العفووو..انا اترخص..ورااح
الكل رد البيت بعد حب خشووم لين ماطااعوو..وتم ف المستششفى مبارك الي محد يدري عنه ومحمد ..