منتدى استراحات زايد - حمــــدان * تكفا * لا يطول غيابكـــ { حمدان + فــــرح

Part 5

البارت الخامس

الجوري : ما فيني اللي العافيه بس شسوي عندي اخو مليق يغث اخته طول الوقت
عبد العزيز : ههههههههه الله يهديج ان اشاء الله

وراحت الجوري على طول لدارها ودخلت المسن وطبعا ما لقت فرح بالمسن وعصبت لانها قايله لها قبل لا تروح بيتهم تشبك على طول وطبعا فرح خذت السالفه طاف وراحت تتغدى وتاخذ قيلوله من تعب المدرسه وسوالف الجوري اللي ما تخلص وصارت الساعه 5 وفرح توها تقوم من النوم وعقب نص ساعه دخلت المسن وياها زف وسب مو طبيعي من الجوري وفرح سيده جازتها ببلوك خخخخ عشان عقب كم ساعه تهدى وتشيل البلوك عنها ودار بينهم هالحديث :

الجوري : سوري سوري والله ما كان قصدي بس والله انقهرت

فرح : ولوو انا مو زعلانه لاني رفيجتج وعشرة عمر وياج واعرف طبعج واسلوبج فجذي ما ازعل على اختي وليش انقهرتي من شنو ؟؟

الجوري : فديتج وربي انج عسل اممممممم انقهرت منج

فرح : مني ليش ؟ شسويت ؟
الجوري : انا مو قلت لج اشبكي اول ما تردين على طول مو تعطيني طاف وتنامين وما تدرين عن هوى داري

فرح : اوكي السموحه يالغلا

الجوري : اوكي بس اخر مره المره الجايه ماراح اطوف لج

فرح : هههههههههههههه

الجوري : شفيج تضحكين

فرح : لانج كل مره تقولين نفس الكلام وما تسوين شي خخخ

الجوري : اها . أي لان قلبي ابيض وما شيل على احد

فرح : وهاذي صفه نادره بين البشر يعني انتي انسانه ماكو مثلج ^.*

الجوري : الله لا يحرمني منج

فرح : اميين . زين بعد كل هالهواش والهبال شنو السالفه المهمه اللي تبيني فيها ؟

الجوري : تصدقين نسيت ><

فرح : هههههههه عفيه عليج , زين ممكن اروح اكتب واجباتي لانج الحين بتبدين بالحش في خلق الله هع هع وانا ما ابي اكسب ذنوب كافي اللي عندي هههه

الجوري : خخخخ يالله روحي يالحلوه اسولف مع ريموه ارحم منج

فرح : باي

الجوري : بايات
ومن عقب ما طلعت فرح والجوري متنحه عن المسن من وحده لي وحده تسولف مع هاذي وتلعب مع هاذي وتتهاوش مع ذيك وتحش في خلق الله هع هع واذا تبي تستانس اكثر تجمع الشله كلهم بمحادثه وحده ويقلبونها ديوانيه خخخ

_ _ _ _ _

في بيت ابو حمدان

حمدان دخل مستعجل للبيت وشكله باين عليه القلق واهو راجع البيت الساعه 4 واهو محاضرته تنتهي الساعه 3 واهو داخل مستعجل وقفته امه وقالت له

ام حمدان : حمدان شفيك عسى ماشر

حمدان : لا ماكو الا العافيه ما فيني شي شوفيني مثل ما انا ما تغيير فيني شي 

ام حمدان : كل هذا ومو متغير

حمدان : يما بليز وخري عن طريجي وباخذ لي شغله وارد لربعي

ام حمدان : زين شفيكم

حمدان : يمه تبين الصراحه رفيجي خالد مواعدينه امس بالمخيم وماجانا مادريت الا اليوم انه مسوي حادث وبصراحه انصدمت ان ربعي ما علموني الا اليوم وهذا اقرب صديق لي وتوام روحي وانا الحين داخل اغير ملابسي وراجع للمستشفى والله يعين والله يصبرني ويصبر اهله

ام حمدان : الله يشفيه ويعافيه , يالله يوليدي مسموح روح بدل عشان ما تتاخر

حمدان : اوكي تامرين على شي يالغاليه

ام حمدان : مايامر عليك عدو طمنا عليك وعليه

حمدان : اوكي يوصل ,, وبعدها راح حمدان يبدل ملابسه وسيده راح للمستشفى يتطمن على خالد للاسف خالد حالته خطيره جدا وحمدان طول الوقت يدعي وهو في العنايه المركزه وفي حالت غيبوبه وحمدان اكتاب وحالته حاله وماقام يطلع من البيت ولا يروح لاحد لمدة شهر يروح لـ3 اماكن بس من الستشفى للمسجد والجامعه ومرات يطوف محاظرات ومر شهر و خالد على حالته ما تغير ولا تحسن وحمدان نفسيته تغيرت شلون يحضر للجامعه ما يشوف توام روحه معاه بالمحاضرات ومرت الايام وورن موبايل حمدان الساعه 2 الفجر

تررررررررررررررررررن تررررررررررررررررررن

وحمدان ما انتبه للرقم لانه كان نايم وقام فجاه على صوت الفون وسيده رد
حمدان : الووووو
فيصل : هلا هلا بحمدان

طبعا فيصل هذا اخو خالد رفيج حمدان

حمدان : مرحبا بفيصل شصاير اول مره تدق علي هالحزه
فيصل : اسف والله ياخوي بس شسوي من الفرحه اللي بقلبي قلت بخبرك اول واحد
حمدان : مسموح مسموح فديتك بس شصاير بشرنا ان شاء الله حبيب قلبي تعافى
فيصل : أي والله اجل ليش داق عليك هالحزه ومومقك من نومك لو سالفه سخيفه والله تقوم علي وتكفخني , بس ابشرك خالد تحسنت حالته وقام من الغيبوبه وحولوه للجناح عشان يرتاح كم يوم

حمدان : احللللللللللللللف ترى لا يكون تستعبط بروحه اللي فيني كافيني
فيصل : لا والله من صجي واذا تبي تاكد تعال لي بالمستشفى وترى خلوود اول واحد سال عنه هو انت
حمدان : يا بعد عمري والله فديته وفديت زوله الحيييييييين طيران جايك انطرني بس مسافة الطريج
فيصل : هههههه انتبه بالطريج مو تدعم ونبتلش فيك انت الثاني
حمدان : اوك مع السلامه
فيصل : فمان الله

وعقبها حمدان نزل لسيارته وراح للمستشفى يشوف اعز ناسه وتطمن على خالد وارتاح قلبه وطبعا حمدان عاند الدكاتره وقعد عند خالد غصبن عليهم مع ان الوقت متاخر حيل وممنوع الزياره به الوقت ولما شبع حمدان من شوفة خالد طلع منه الساعه 4 وراح يصلي الفجر بالمسجد وعقبها يكمل نومته وفي الوقت نفسه ام حمدان تتصل على ولدها لانها شافته واهو رايح ينام بداره وتدق تطمن عليه لانها خافت عليه وايد لانه تغير حييييييل بالفتره الاخيره

ام حمدان : الوووووو حمدان وينك عسى ماشر شفيك شصاير
حمدان : هلا هلا ههههه هدي هدي شوي يالغاليه انا بخير بس رحت لخلود للمستشفى وتطمنت عليه والحين انا بروح اصلي بالمسجد اللي عندنا وارد اكمل نومتي يالله يمدينا انام جم ساعه لان محاضرتي تبدي الساعه 8 والله يعين
ام حمدان : اها زين دير بالك على نفسك وانتبه عدل ولا تسرع فديتك
حمدان : ان شاء الله , تامرين على شي
ام حمدان : لا حافظك ربي
حمدان : مع السلامه

يتبع .......